VOAL

VOAL

Sondazh në Finlandë, mbështetje rekord për anëtarësimin në NATO

March 14, 2022
blank

Komentet

blank

Zëdhënësi i BE-së për draftin e Asociacionit: Kurrë nuk i zbulojmë dokumentet zyrtare publikisht

Draft-statuti i Asociacionit të komunave me shumicë serbe, po vazhdon të jetë në qendër të diskutimeve. Ndonëse ky draft-statut ende nuk është publikuar zyrtarisht, zëdhënësi i BE-së ka lënë të kuptohet se nuk i zbulojnë dokumentet. Ndërkohë, drafti-statuti nga njohës të Kushtetutës po konsiderohet i pafavorshëm për Kosovën.
Zëdhënësi i Bashkimit Evropian (BE), Peter Stano në një përgjigje për Rtv Dukagjinin, ka thënë se propozimi i BE-së për Asociacionin nuk është bërë publik.

Stano ka thënë se nuk i zbulojnë dokumentet dhe nuk marrin pjesë në debatin që bëhet për to. “Ne kurrë nuk i zbulojmë dokumentet zyrtare publikisht dhe as nuk marrim pjesë në shkëmbime publike për to, ndërkohë që ato diskutohen.” – ka thënë ai.

Stano ka thënë se ndërmjetësimi ndërkombëtar është proces që zhvillohet në konfidencialitet, teksa ka thënë se propozimi i ri është më i balancuar. “Lidhur me draft-statutin e Asociacionit të Komunave Serbe, mund të kujtojmë vetëm se një propozim i ri i balancuar evropian për themelimin e Asociacionit të Komunave iu paraqit partnerëve përkatës nga EUSR për dialogun e Beogradit në Prishtinë gjatë vizitës së tij në rajon në fund të muajit tetor. Më pas u diskutua me të dyja palët gjatë takimit të liderëve në margjinat e Këshillit Evropian.” – ka thënë ai. Ndërkohë, në Kosovë janë publikuar disa drafte por deri më tani nuk janë zyrtarizuar si dhe janë mohuar nga ana e Qeverisë së Kosovës.

blank

Megjithatë këto drafte po komentohen e analizohen nga njohësit e fushës. Ish-kryetari i Gjykatës Kushtetuese të Kosovës, Enver Hasani në një intervistë për Radio Evropa e Lirë, ka komentuar draft-statutin e Asociacionit të propozuar nga Perëndimi, duke thënë se Rezoluta 1244 dhe Arbitrazhi, janë ndër pikat e kuqe në këtë draft. Hasani ka thënë se Asociacioni krijon autonomi politiko-territoriale dhe ka kompetenca të theksuar shtetërore.

 

“Kjo përmbajtje e këtij statuti është derivat i drejtpërdrejtë i Marrëveshjes së Brukselit, përkatësisht aneksit të Ohrit. Do të thotë, është i dedikuar për zbatimin e një autonomie politiko-territoriale, e cila ka autorizime të theksuara kushtetuese, përmbajtje shtetërore. Pjesa e kompetencave, që ka të bëjë me zhvillimin ekonomik, kulturor, përfaqësimin politik, të gjitha ato janë përgjegjësi të Republikës së Kosovës dhe përgjegjësi me Kushtetutë, sikurse në të gjitha vendet tjera të rajonit, dhe tani ato kompetenca i uzurpon Asociacioni. Mbi këtë bazë, kjo është tërësisht Kushtetutë e re, bëhet fjalë për shkrimin e një Kushtetute të dytë të Kosovës, që vlen vetëm për serbët.” – ka thënë ai për draftin e Asociacionit.

blank

 

blank

Edhe një gjeneral tjetër i Vladimir Putinit vritet në Ukrainë

Gjeneralmajor Vladimir Zavadsky, zëvendëskomandant i Korpusit të 14-të të Ushtrisë së Flotës Veriore, u vra në zonën e ‘një operacioni special’ ushtarak në Ukrainë, njoftoi sot në kanalin e tij Telegram guvernatori i rajonit Voronezh, Alexander Gusev.

“Zëvendëskomandanti i Korpusit të 14-të të Ushtrisë së Flotës Veriore, gjeneralmajor Vladimir Zavadski, u vra në krye të detyrës në zonën e operacioneve speciale. Para gushtit 2021, ai komandonte Divizionin e 4-të Kantemirov, me të cilin rajoni Voronezh ka kohë që ka marrëdhënie të mira”, tha Gusev.

Ai i shprehu ngushëllimet familjes së Zavadskit, duke shtuar se oficeri ishte besnik ndaj detyrës dhe profesionit të tij si mbrojtës i atdheut.

“Kudo që e dërgoi atdheu, ai tregoi një shembull besnikërie ndaj detyrës, siç e dëshmojnë edhe dekoratat e shumta. Jam i sigurt se emri i Vladimir Zavadskit, oficerit trim, gjeneralit të vërtetë dhe njeriut të denjë, do të mbetet gjithmonë në kujtimi i atdheut të lavdishëm”, përfundoi ai.

Qysh javën e kaluar, disa media pro-Kremlinit raportuan se Zavadski u vra në një shpërthim mine. Të paktën gjashtë gjeneralë rusë besohet se kanë humbur jetën që nga fillimi i pushtimit të Ukrainës në shkurt të vitit 2022.

Ministria ruse e Mbrojtjes nuk e ka komentuar incidentin dhe ka raporte kontradiktore se ku vdiq gjenerali.

blank

Gjermania zgjat kontrollet kufitare me Poloninë, Çekinë dhe Zvicrën

Oficerët e policisë federale gjermane pranë një pike të kalimit kufitar midis Gjermanisë dhe Republikës Çeke në stacionin në Furth am Wald. Gjermani, 10 tetor 2023. Fotografi ilustruese.

Gjermania po zgjat kontrollet e përkohshme kufitare me Poloninë, Republikën Çeke dhe Zvicrën deri më 15 dhjetor, njoftoi të hënën Ministria e Brendshme.

Zakonisht nuk ka kontrolle të rregullta kufitare ose kontrolle dokumentesh në asnjërin prej kufijve të Gjermanisë pasi të gjitha vendet, duke qenë në zonën Shengen, lëvizin pa viza.

Por, në përpjekje për të ndaluar migrimin e paautorizuar, Gjermania ka rivendosur kontrollet kufitare përgjatë kufijve të saj jugorë dhe lindorë.

Një zëdhënës i ministrisë i tha DPA-së të hënën se zgjatja e kontrolleve kufitare do t’i raportohet Komisioniz Evropian në Bruksel, por kontrollet pritet të vazhdojnë, veçanërisht përgjatë kufirit gjermano-polak.

Ministrja e Brendshme, Nancy Faeser, urdhëroi policinë të fillojë të kryejë kontrolle përgjatë kufirit me Poloninë, Republikën Çeke dhe Zvicrën më 16 tetor.

Kontrolle të ngjashme përgjatë kufirit gjermano-austriak kryhen që nga viti 2015.

Që nga 16 tetori, rreth 3.300 hyrje të paautorizuara janë zbuluar në kufirin me Poloninë dhe 1.100 hyrje të paautorizuara janë parandaluar, tha zëdhënësi.

“Kjo do të thotë se këto masa po funksionojnë dhe do të vazhdojnë të veprojnë kështu,” tha ai duke shtuar se “nëse dikush kapet në kufi dhe e bën të qartë se dëshiron të aplikojë për azil, ai përgjithësisht lejohet të hyjë në vend”.

Qëllimi i përgjithshëm i kontrolleve është “të ndalojë kontrabandën gjithnjë e më të paskrupullt dhe brutale të migrantëve”, shtoi zëdhënësi i ministrisë.rel

blank

Një i vrarë dhe dy të plagosur në një sulm në Paris

VOA/Marrë nga Reuters

Një turist gjerman vdiq dhe dy të tjerë mbetën të plagosur pasi një burrë sulmoi turistët në qendër të Parisit pranë Kullës Eifel të shtunën në mbrëmje, në atë që presidenti Emmanuel Macron e përshkroi si “një sulm terrorist”.

Policia e arrestoi shpejt sulmuesin e dyshuar 26 vjeçar, shtetas francez, u tha gazetarëve të shtunën ministri i Brendshëm Gerald Darmanin.

I dyshuari ishte dënuar me katër vjet heqje lirie në vitin 2016 për planifikimin e një sulmi tjetër, ishte në listën e vëzhgimit të shërbimeve franceze të sigurisë dhe njihej gjithashtu për çrregullime psikike, shtoi ministri i Brendshëm.

Sulmi ndodhi në orët e mbrëmjes kur burri sulmoi një çift turistësh me thikë në Quai de Grenelle, pak metra larg Kullës Eiffel, duke plagosur për vdekje një shtetas gjerman. Më pas ai u ndoq nga policia dhe sulmoi dy persona të tjerë me një çekiç përpara se të arrestohej.

I dyshuari kishte brohoritur “Allahu akbar” (Zoti është më i madhi) dhe i tha policisë se ishte i mërzitur sepse “shumë myslimanë po vdesin në Afganistan dhe në Palestinë” dhe ishte gjithashtu ishte i mërzitur për situatën në Gaza, tha ministri Darmanin.

“U shpreh ngushëllimet e mia familjes dhe të dashurve të shtetasit gjerman që vdiq këtë mbrëmje gjatë sulmit terrorist në Paris dhe me mendje jam me të plagosurit…”, shkroi presidenti Macron në rrejtin X.

“Nuk do t’i dorëzohemi terrorizmit,” shkroi ndërkaq në rrjetin X, kryeministrja Elisabeth Borne.

Prokurorët francezë të antiterrorizmit po udhëheqin hetimet për incidentin e së shtunës mbrëma.

Sulmi në qendër të Parisit ndodhi më pak se tetë muaj përpara se kryeqyteti francez të organizojë Lojërat Olimpike dhe mund të nxis pikëpyetje lidhur me sigurinë në ngjarjen sportive botërore.

Qyteti po planifikon një ceremoni hapjeje të pashembullt në lumin Seine, me mundësinë qe të tërheqë deri në 600,000 shikues.

blank

Një prej pikave kyçe të luftimeve, ushtria ruse tërhiqet nga qyteza industriale në Ukrainë

Qyteza ukrainase Avdivka, e përballur me sulme të vazhdueshme ruse, ka regjistruar zbehje të ofensivës ruse në 24 orët e fundit, për shkak të humbjeve të mëdha të ushtrisë së Rusisë dhe motit të lig, ka thënë kryetari i qytezës, Vitaly Barabash.

Për gati dy muaj, Rusia ka tentuar të marrë kontrollin e Avdivkas, qytezë industriale afër Donjeckut, e cila është kthyer në një prej pikave kyçe të luftimit.

Ushtarët rusë tani janë në lindje, veri dhe jug të qytezës, e cila është kthyer në gërmadhë.

Ukraina ka thënë se ushtria e saj është duke e kontrolluar atë rajon dhe është duke zmbrapsur sulmet.

“Në 24 orët e fundit, numri i sulmeve tokësore është zvogëluar”, ka thënë Barabash, për një transmetues ukrainas.

Ai ka thënë se luftimet janë zbehur për shkak të tre faktorëve – motit të vështirë, humbjeve të mëdha ruse dhe mungesës së ushtarëve.

“Secilën herë e më pak rusë kanë vullnet që të luftojnë”, ka shtuar Barabash.

Radio Evropa e Lirë nuk i ka konfirmuar këto deklarata në mënyrë të pavarur.

Për shkak të luftës për kohë të gjatë, ukrainasit e konsiderojnë qytezën si simbolin e tyre të rezistencës.

Lufta në Ukrainë ka nisur më 24 shkurt 2022.

Presidenti rus, Vladimir Putin e quan luftën si “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./ REL

blank

Zyrtarët ukrainas ndalojnë në kufi ish-Presidentin Poroshenko

VOA/Marrë nga Reuters

KIEV – Shërbimi ukrainas i sigurisë njoftoi të shtunën se i ka ndaluar ish-Presidentit Petro Poroshenko largimin nga vendi, pasi Rusia kishte në plan të shfrytëzonte takimin e planifikuar të tij me kryeministrin e Hungarisë, për të dëmtuar interesat e Ukrainës.

Partia politike e zotit Poroshenko, “Solidariteti Evropian”, tha se ish-presidenti kishte planifikuar takime vetëm në Poloni dhe në Shtetet e Bashkuara dhe paralajmëroi shërbimin e sigurisë SBU të mos përfshihej në politikë.

Zotit Poroshenko iu refuzua në kufi të premten dalja nga vendi.

Shërbimi i sigurisë SBU tha se zoti Poroshenko do të takohej me Kryeministrin hungarez Viktor Orban, i cili mban lidhje të ngushta me udhëheqësin rus Vladimir Putin dhe kundërshton çeljen e bisedimeve për anëtarësimin e Ukrainës në Bashkimin Evropian.

Sipas shërbimit ukrainas të sigurisë, Rusia po përgatit një seri provokimesh për të diskredituar Ukrainën tek aleatët, ndërsa lufta vazhdon prej 21 muajsh. Nuk u paraqit ndonjë provë për këto aludime.

Për takimin konkret, shërbimi SBU tha se Kryeministri hungarez Orban “mban sistematikisht qëndrime kundër Ukrainës” dhe se është “mik i Putinit” dhe ka kërkuar heqjen e sanksioneve ndaj Moskës për sulmin ushtarak në Ukrainë.

Sipas legjislacionit për gjendjen e jashtëzakonshme, zyrtarët ukrainas duhet të marrin miratim paraprakisht për të udhëtuar jashtë vendit. Nënkryetari i parlamentit, Oleksandr Korniyenko, tha se leja për zotin Poroshenko ishte anuluar pasi kishte marrë një letër për të cilën nuk komentoi.

Zyra e Presidentit ukrainas Zelenskyy nuk bëri komente dhe zyra e Kryeministrit hungarez Orban nuk iu përgjigj menjëherë kërkesave për koment.

Zoti Poroshenko ka shërbyer si president i Ukrainës gjatë periudhës 2014-2019. Ai e akuzoi të premten qeverinë e Presidentit Zelenskyy për anulimin e lejes dhe për lojë politike përpara zgjedhjeve. Ata bënë një betejë të hidhur elektorale në zgjedhjet presidenciale të vitit 2019, kur zoti Zelenskyy fitoi bindshëm ndaj presidentit në detyrë Poroshenko.

Presidenti Zelenskyy tha muajin e kaluar se nuk është koha e duhur për të mbajtur zgjedhje presidenciale. Në kushte normale, ato do të mbaheshin në mars 2024, por zgjedhjet ndalohen për shkak të gjendjes së jashtëzakonshme.

blank

Thesaret e Krimesë i kthehen Ukrainës

Thesaret e lashta të Krimesë kthehen në Ukrainë pas një mosmarrëveshjeje pronësie gati dhjetëvjeçare.

Artefaktet ishin huazuar në një muze holandez në vitin 2014 kur Rusia pushtoi Krimenë, duke çuar në një mosmarrëveshje pronësie, në të cilën Ukraina luftoi për t’i mbajtur ato.

Të ruajtura për vite në një muze të Amsterdamit, disa thesare historike nga Krimea më në fund i janë kthyer Ukrainës pas një beteje ligjore gati dhjetëvjeçare me Krimenë e pushtuar nga Rusia. Artefaktet përfshijnë një përkrenare skite prej ari nga shekulli i IV para Krishtit, një bosht spiral nga shekulli i dytë pas Krishtit dhe një zbukurim qafe floriri nga shekulli i dytë pas Krishtit që peshon më shumë se një kilogram.

Fillimisht i huazuar në Muzeun e Antikiteteve Allard Pierson për një ekspozitë të vitit 2014 të titulluar “Krimea – ari dhe sekretet e Detit të Zi”, pushtimi rus i Krimesë çoi në një mosmarrëveshje të gjatë pronësie, në të cilën Ukraina luftoi për t’i mbajtur artefaktet larg agresorit të saj.

Si qeveria ukrainase në Kiev, ashtu edhe katër muzetë e Krimesë që i kishin huazuar muzeut holandez shpata bronzi, helmeta të arta, gurë të çmuar dhe objekte të tjera, kërkuan kthimin e objekteve. “Ky ishte një rast i veçantë, në të cilin trashëgimia kulturore u bë viktimë e zhvillimeve gjeopolitike,” tha në një deklaratë Els van der Plas, drejtor i muzeut historik Allard Pierson.

Në qershor, Gjykata Supreme holandeze vendosi që muzeu duhet t’ia kthejë thesaret Ukrainës dhe jo katër muzeve nga të cilët ata erdhën fillimisht, duke mbështetur një vendim të gjykatës më të ulët se artefaktet ishin pjesë e trashëgimisë kulturore të Ukrainës.

Gjyqtarët përmendën mungesën e njohjes kombëtare për Republikën Autonome të Krimesë të aneksuar nga Rusia. “Megjithëse objektet e muzeut e kanë origjinën nga Krimea dhe për këtë arsye mund të konsiderohen gjithashtu si trashëgimi e Krimesë, ato janë pjesë e trashëgimisë kulturore të Ukrainës”, vendosi Gjykata e Lartë. “Ne jemi të kënaqur që kjo çështje u sqarua dhe që ato u kthyen”, tha Van der Plas.

Më 27 nëntor, zëdhënësi i Kremlinit, Dmitry Peskov, ripohoi pikëpamjen e Rusisë se thesari duhet t’i kthehet Krimesë. “I përket Krimesë dhe duhet të jetë atje”, u tha Peskov gazetarëve.

blank

Franca ndalon pirjen e duhanit në të gjitha plazhet…

Por jo vetëm kaq, edhe në pyll, në kopshte publike dhe pranë vendeve publike

VOAL- Dielli në perëndim, ndoshta një aperitiv në lokalin pranë, në shoqërinë e miqve të mirë, por jo cigare. Nga viti i ardhshëm do të ndalohet pirja e duhanit në të gjitha plazhet franceze. Por jo vetëm kaq, edhe në pyll, në kopshte publike dhe pranë vendeve publike, si shkolla. Shkurtimisht, qeveria e Elisabeth Borne, kryeministres franceze, do të hyjë në luftë kundër duhanit, duke rritur gjithashtu çmimin e paketave të cigareve në 13 euro në vitin 2026. E vetmja mënyrë, sipas ministrit të Shëndetësisë, Aurélien Rousseau, për të kufizuar vdekjet dhe ndikimi në financat publike.

Nga tremujori i parë i vitit të ardhshëm, pra, do të hyjnë në fuqi masat e para për të zbatuar në nivel kombëtar ato ndalime të parashikuara më parë me nismën lokale, nga bashkitë të cilat në total kanë krijuar 7200 vende pa duhan në zonë. Për Ruso këto hapësira duhet të përgjithësohen duke i shtrirë “në të gjitha plazhet, pyjet, kopshtet publike dhe vendet publike, në veçanti shkollat”. Por, ekzekutivi njoftoi edhe rritjen e çmimeve të paketave të cigareve, të cilat në harkun kohor të njëzet viteve nga 4 shkuan në 11 euro aktuale. Ato do të kushtojnë 12 euro në 2025 dhe një euro më shumë në 2026. Në të njëjtën kohë, qeveria planifikon gjithashtu të zgjerojë paketimin neutral në cigaret elektronike, duke kufizuar numrin e shijeve të ofruara, duke lëvizur drejt ndalimit të cigareve të disponueshme të cilat janë veçanërisht tërheqëse për një klientelë të re, “dhe përbëjnë një lajthitje nga pikëpamja shëndetësore dhe ekologjike”, sipas kryeministrit Borne.

Në Francë, vlerësohet se ka të paktën 12 milionë duhanpirës dhe deri në 75,000 vdekje në vit të lidhura me duhanin: shkaku i parë i vdekshmërisë së hershme nën moshën 65 vjeç, si dhe lloji i parë i vdekjes që konsiderohet i shmangshëm. Në total, sëmundjet e shkaktuara nga duhani rëndojnë në llogaritë e shtetit për 12.5 miliardë euro. Ministri Rousseau njoftoi kështu programe ndihme për të ndaluar pirjen e duhanit, si dhe për të shoqëruar duhanxhinjtë drejt aktiviteteve alternative për shitjen e duhanit. Aleanca Anti-Tabac, e cila bashkon shoqatat tregtare, kërkon që qeveria të shkojë më tej, duke vendosur çmimin e paketave të cigareve në një prag më bindës, në 16 euro në 2027. rsi-eb

blank

Zelensky e kujton urinë e viteve ’30 si gjenocid kundër ukrainasve

Presidenti i Ukrainës, Volodymyr Zelensky, ka thënë se është “tejet e rëndësishme” të kujtohet uria e viteve 1932-33, e cila vrau miliona ukrainas, si një “gjenocid” i kryer nga Bashkimi Sovjetik i mbizotëruar nga Rusia.

“Ata u përpoqën të na zhbëjnë, të na nënshtrojnë, të na torturojnë. Ata dështuan. Ata deshën ta fshihnin të vërtetën nga ne dhe t’i mbulonin krimet e tmerrshme përgjithmonë. Ata dështuan”, tha Zelensky gjatë një fjalimi të shtunën, në të cilin e kujtoi urinë nën udhëheqjen e diktatorit sovjetik, Josef Stalin.

Ai shtoi se sot “me nderimin dhe pikëllimin më të madh, ne i kujtojmë miliona njerëzve tanë”.

Tragjedia e urisë njihet si Holodomor në Ukrainë, që në shqip e ka kuptimin “vrasje përmes urisë”.

Dita Përkujtimore e Holodomorit u shënua këtë të shtunë në Ukrainë.

Zelensky e nxori një paralele mes urisë së Holodomorit dhe pushtimit të tanishëm të Ukrainës nga Rusia, ushtria e së cilës po i sulmon infrastrukturën dhe depot e eksportimit të drithërave ukrainase.

“Ky është një proces ku linja e politikës totalitare sovjetike dhe linja e politikës moderne ruse e formojnë një shenjë të përbashkët. E liga nuk u ndal. Dhe tani, ne po e ndalim atë”, u shpreh ai.

Pikërisht në ditën e Holodomorit, Rusia e sulmoi Ukrainën me një numër rekord dronësh iranianë, duke i plagosur disa njerëz dhe duke shkaktuar dëme, thanë zyrtarët ukrainas të shtunën, duke e cilësuar këtë si sulmin më të madh rus me dronë prej se Moska e nisi pushtimin e paprovokuar të Ukrainës në shkurt 2022.

Mbrojtja Ajrore e Ukrainës tha se i ka rrëzuar 71 prej 75 dronëve – rreth 60 mbi Kievin – me të cilët Rusia e sulmoi të shtunën.

Ukraina është duke u përgatitur për sulme më të shpeshta ruse ndaj infrastrukturës së saj energjetike gjatë sezonit të ftohtë, sepse Moska e kishte kryer një fushatë të ngjashme dimrin e kaluar, duke i lënë miliona ukrainas në terr dhe në të ftohtë, pasi ua kishte shkatërruar infrastrukturën jetike të energjisë.rel

blank

BE-ja dërgon roje kufitare në Finlandë

Një pikë kufitare mes Finlandës dhe Rusisë. 15 nëntor 2023.

Agjencia e Bashkimit Evropian për mbrojtje kufitare, Frontex, tha më 23 nëntor se do të dislokojë 50 oficerë në Finlandë, shtet që ka shënuar rritje të emigrantëve në kufirin lindor me Rusinë.

Përveç rojeve kufitare dhe stafit tjetër, Frontex po ashtu tha se do të dërgojë pajisje, sikurse makinat patrulluese “për të rritur kontrollin e aktiviteteve në kufirin e Finlandës”.

Përforcimet pritet të dërgohen në Filalandë “javën e ardhshme”, u tha në njoftim.

Të mërkurën, Finlanda tha se do të mbyllë të gjitha pikëkalimet kufitare në veri me Rusinë, përveç kufirit më verior, pasi regjistroi një rritje të emigrantëve ilegalë.

Helsinki tha se Moska ka faj, me kryeministrin finlandez, Petteri Orpo, që akuzoi autoritetet ruse për lehtësim “sistematik dhe të organizuar” të kalimeve ilegale të kufirit.

Kreu i Frontex-it, Hans Leijtens, nuk përmendi me emër Rusinë, por në deklaratë tha se agjencia po forcon mbështetjen për Finlandë, e cila po përballet “me sfida hibride”.

“Ky bashkëpunim tregon se kur përballemi me sfida të ndërlikuara në kufi, Evropa qëndron e bashkuar dhe ofron ndihmë”, tha ai.

Ftontex aktualisht ka 10 zyrtarë që punojnë në kufijtë e Finlandës.

Finlanda ka një kufi prej 1.300 kilometrash me Rusinë. Raportet e Helsinkit me Moskën janë përkeqësuar që kur Rusia nisi pushtimin e Ukrainës vitin e kaluar, gjë që shtyri Finlandën të anëtarësohej në prill në aleancën e NATO-s.rel

blank

Populisti anti-Islam drejt fitores në Holandë

Kreu i Partisë për Liri, Geert Wilders, pas rezultateve preliminare të zgjedhjeve të përgjithshme në Hagë. Holandë, 22 nëntor 2023.

Populisti i ekstremit të djathtë, anti-islamiku Geert Wilders, po shkon drejt një fitoreje të madhe në zgjedhjet parlamentare në Holandë.

Rezultati e vendos atë në linjë për të udhëhequr bisedimet për formimin e një koalicioni të ri qeverisës dhe ndoshta të bëhet kryeministri i parë i djathtë në një kohë trazirash politike në pjesën më të madhe të kontinentit.

Një “exit poll” i publikuar nga transmetuesi kombëtar NOS, tha se Partia e Lirisë e udhëhequr nga Wilders fitoi 35 nga 150 ulëset në parlament, më shumë se dyfishi i vendeve të fituara në zgjedhjet e fundit. Rezultatet përfundimtare zyrtare priten vetëm të enjten.

Programi zgjedhor i Wilders përfshin thirrjet për një referendum për largimin e Holandës nga Bashkimi Evropian, një ndalesë totale të pranimit të azilkërkuesve si dhe kthimin e migrantëve në kufijtë holandezë.

Ai gjithashtu mbron “de-islamizimin” e Holandës, megjithëse ka qenë më i butë për islamin gjatë kësaj fushate zgjedhore sesa në të kaluarën.

“Votuesit thanë: ‘Ne jemi të lodhur nga kjo. Të sëmurë me barkun tonë”, tha Wilders, duke shtuar se tani ishte në një mision për t’i dhënë fund “cunamit të azilit” duke iu referuar çështjes së migracionit që dominoi fushatën e tij.

“Holandezët do të jenë sërish numër një”, tha Wilders. “Njerëzit duhet ta kthejnë kombin e tyre”, shtoi ai.

Por ligjvënësi, i cili në të kaluarën është etiketuar si një version holandez i Donald Trump, do të duhet të formojë një qeveri koalicioni përpara se të marrë drejtimin e pushtetit.

Kjo do të jetë e vështirë pasi partitë kryesore ngurrojnë të bashkojnë forcat me të dhe partinë e tij.rel

blank

Parlamenti Evropian propozon ndryshimin e traktatit të BE-së dhe heqjen e vetos në vendimmarrje

Parlamenti Evropian ka miratuar të mërkurën një raport përmes së cilit propozon ndryshimin e traktatin e Bashkimit Evropian, në mënyrë që blloku të jetë më i efikas dhe që të reformohet në të ardhmen.

Po ashtu, në propozimin e PE-së është përfshirë heqja e të drejtës së vetos në vendimet e Këshillit dhe që vendimet të mund të kalojnë me shumicë të kualifikuar. Kjo do të evitonte në të ardhmen situata në të cilat ndonjë shtet anëtar do të bllokonte ndonjë vendim, siç ndodh tani.

Ky propozim ka shkaktuar më së shumti ndasi. Propozimet e PE-së janë në përputhje edhe me mendimet që janë shprehur nga qytetarët evropianë gjatë konsultimeve në Konferencën për të ardhmen e Evropës.

Po ashtu, PE-ja ka propozuar që Komisioni Evropian të ketë më pak anëtar sesa që ka vende anëtare të BE-së.

Sipas propozimit, Komisioni më pas do të quhej “Pushteti ekzekutiv evropian” dhe do të kishte 15 anëtarë dhe gjatë formimit të tij do të merrej parasysh edhe balanca gjeografike.

Aktualisht, KE-ja ka nga një anëtar nga secili vend anëtar i BE-së. Sipas propozimit, presidenti i Komisionit Evropian do ta zgjidhte Parlamenti Evropian, ndërsa atë do ta konfirmonin vendet anëtare në Këshill.

Sipas traktatit që është aktualisht në fuqi, është e kundërta, pasi presidentin e zgjedh Këshilli dhe e konfirmon Parlamenti evropian.

Propozimi i PE-së parasheh që të krijohet edhe mundësia e votimit të mosbesimit ndaj komisionarëve individualë.

Shtetet më të vogla janë shprehur kundër këtyre ndryshimeve nga frika se me to do të zvogëlohet ndikimi i tyre, pasi ato duan që secili vend anëtar të jetë i barabartë, pavarësisht nga madhësia e tyre.

Përmes këtyre propozimeve, PE-ja kërkon që të ketë më shumë transparencë në Këshillin e BE-së dhe të bëhen publike edhe qëndrimet individuale të shteteve anëtare.

PE-ja ka propozuar edhe vendosjen e disa politikave që tash janë nën kompetencat nacionale të vendeve anëtare, duke kërkuar që këto të shndërrohen në kompetencë të përbashkët të BE-së. Në këtë kuadër, PE-ja ka kërkuar që të përfshihen fushat sikurse shëndeti publik, ruajtja e mjedisit, mbrojtja civile, edukimi dhe disa të tjera.

Ky raport në Parlamentin Evropian është miratuar me një dallim të vogël votash, me 305 për dhe 276 kundër. Ndërsa dallimi në votimin për një rezolutë që lidhet me këtë raport ka qenë edhe më i vogël, përkatësisht për të kanë votuar për 291 deputetë dhe 274 kundër.

Parlamenti Evropian ka kërkuar që Këshilli, pa vonesa, të nisë procedurën për reformën e BE-së duke pasur para sysh këto propozime.rel


Send this to a friend