Ish deputeti i Partisë Demokrati, Ervin Salianji thotë se shembja e rrugëve në Dragostunjë të Librazhdit nuk është një fatkeqësi natyrore, por si pasojë e korrupsionit dhe babëzisë.

Me anë të një video pikërisht nga ky aks që ka bllokuar qarkullimin drejt juglindjes, Salianji thotë se i gjithë aksi nga Elbasani në Korçë është kthyer në një torturë.

Çdo metër i dëmtuar, thotë Salianji, është provë e korrupsionit dhe çdo urë e rrezikuar është dëshmi e dështimit.

Ai thekson se Shqipëria nuk ka nevojë për propagandë, por ka nevojë për  ka nevojë për përgjegjësi dhe siguri.

“Korrupsioni dhe babëzia e kanë kthyer në torturë lëvizjen e qytetarëve në të gjitha akset Elbasan–Korçë.

Sot isha në Dragostunjë. Aty ku grykësia për të fituar pa fund ka bërë që të “kafshohet” shtrati i lumit, duke minuar themelet, duke thërrmuar betonin mbajtës dhe duke çuar drejt shkatërrimit një urë jetike për zonën.

Kjo nuk është fatkeqësi natyrore.

Është pasojë direkte e një modeli qeverisjeje ku lejohet shkatërrimi i lumenjve për përfitime private, ndërsa qytetarët mbeten pa siguri, pa infrastrukturë dhe pa përgjegjës.

Çdo metër i dëmtuar është provë e korrupsionit.

Çdo urë e rrezikuar është dëshmi e dështimit.

Shqipëria nuk ka nevojë për propagandë. Ka nevojë për përgjegjësi. Shqiptarët kanë nevoje për siguri”, shprehet Salianj!