VOAL

VOAL

Presidenti malazez i prerë: Nëse nënshkruhet marrëveshja me Kishën Ortodokse Serbe, të dielën nis procedurat për rrëzimin e Abazoviç

July 30, 2022
blank

Komentet

blank

Ish-politikania serbe mesazh Vuçiqit: Kosova është një histori e mbyllur për Serbinë

Ish-politikania dhe sociologia serbe, Vesna Peshiq, ka thënë se “për sa më përket mua, Kosova është një histori e përfunduar, ne thjesht po humbim kohë”.

Sipas Peshiqit, paralajmërimi i presidentit serb Aleksandar Vuçiq për formimin e një “blloku serb” është një ide mjaft e paqartë.

“A dëshiron ai të qëndrojë në qendër dhe të thotë – në të majtë janë të gjelbrit pro-evropianë, dhe në anën tjetër janë të djathtët dhe ai do të jetë mes tyre”, tha ajo për “N1”.

Lidhjet e opozitës parlamentare me ideologjinë politike të djathtë po forcohen. Jo rrallë, atyre u bashkohen akademikë dhe profesorë të një orientimi të ngjashëm.

Kësaj radhe, pikë takimi ishte Proklamata për Mbrojtjen e Kosovës.

“Nuk e di nëse ka pasur ndonjë proklamatë më parë… Por të gjithë janë shumë të njohura për opinionin, të gjithë janë nacionalistë, Beqkoviq, Koviq, Çaslav Ociq… Nuk e di se çfarë plani kanë me Kosovën, si do ta mbrojnë Kosovën, çfarë mund të bëjnë për Kosovën”, pyeti Peshiq.

Siç tha ajo, lëvizja Dveri është “e njohur për këtë temë”.

“Ata janë parti të Putinit, përfaqësojnë vlerat familjare dhe duan ‘ta kthejnë Kosovën’. Si do ta kthejnë Kosovën, duhet të krijojnë trupa të armatosura. Riintegrimi i Kosovës është krejtësisht jorealist”, theksoi ajo.

Ajo thotë se Kosova është një histori e mbyllur.

“Thjesht po humbim kohë”, shtoi ajo.

Duke komentuar formimin e “bllokut serb”, Peshiq thotë se ai nuk është “Serbi e denjë”, çfarë e ka paralajmëruar Vuçiq.

“Nëse kjo është Serbia e denjë, ai që është i padenjë vet… Nuk kemi më asnjë institucion, zgjedhjet na kanë zgjatur dy muaj, pastaj u bë pauzë pastaj janë verifikuar mandatet, pastaj do të formohet qeveria në gusht, shtator, tetor, kështu që tani nuk kemi as qeveri”, tha ajo.Expres

blank

Krishto, Beqiroviq dhe Cvijanoviq në rrugë për në presidencën e Bosnjës

Nisur nga majtas: Borjana Krishto, Denis Beqiroviq dhe Zhelka Cvijanoviq – kandidatë për presidencën trepalëshe të Bosnje-Hercegovinës.

RFE/RL

Kandidati i moderuar boshnjak, Denis Beqiroviq, është duke udhëhequr në garën për të fituar ulëse në presidencën trepalëshe të Bosnje-Hercegovinës, sipas rezultateve preliminare të publikuara në orët e para të së hënës.

Beqiroviq, anëtar i Partisë Socialdemokrate, i cili është përkrahur nga 11 parti opozitare, ka fituar 55.78 për qind të votave, për dallim nga Bakir Izetbegoviq, partia e të cilit – Partia për Veprim Demokratik – ka qenë në pushtet prej fundit të luftës më 1996.

Izetbegoviq, i cili sipas Komisionit zgjedhor ka fituar 39.31 për qind të votave, e ka pranuar humbjen të dielën.

Beqiroviq pritet të ndajë presidencën trepalëshe me përfaqësuesen e kroatëve të Bosnjës, Borjana Krishto, kandidate nga Bashkimi Demoratik Kroat (HDZ) dhe serben e Bosnjës, Zhelka Cvijanoviq nga Aleanca e Social Demokratëve të Pavarur.

Shtetasit e Bosnjës kanë votuar të dielën për përfaqësuesit e tyre në presidencën trepalëshe dhe ligjvënësit në nivelet kombëtare, rajonale dhe lokale.

Më shumë se 60.000 vëzhgues janë akredituar për të mbikëqyrur procesin.

Sipas autoriteteve, dalja në zgjedhje ka qenë 50 për qind, apo 2 për qind më pak sesa në zgjedhjet e vitit 2018.

Gara është konsideruar të jetë zhvilluar mes nacionalistëve dhe reformistëve të fokusuar në ekonomi.

Zyrtarët kanë thënë se procesi zgjedhor është zhvilluar mirë, pavarësisht raportimeve për parregullsi dhe ndalim të disa personave për mashtrime zgjedhore.

Aktualisht Bosnje-Hercegovina është duke u përballur me krizën më të rëndë politike prej fundit të luftës së viteve 1990, sidomos për shkak të politikave separatiste të udhëheqësisë së serbëve të Bosnjës dhe kërcënimeve për bllokada nga kroatët në këtë shtet.

“Është koha për një kthesë pozitive në Bosnje”, u ka thënë Beqiroviq gazetarëve pasi ka pretenduar fitore.

Bosnja përbëhet nga dy rajone autonome: Republikën Sërpska të dominuar nga serbët dhe Federatën me popullsi kryesisht të boshnjakëve myslimanë dhe kroatëve.

Federata është e ndarë në 10 kantone.

Ekziston edhe distrikti i ndarë Bërçko në veri.

Ky organizim është krijuar sipas Marrëveshjeve të Dejtonit, të vitit 1995, të cilat u kanë dhënë fund tri vjetëve luftime të këtë republikë të ish-Jugosllavisë.

Vëmendje të madhe në këto zgjedhje ka fituar edhe udhëheqësia për Republikën Sërpska.

Dodik ka garuar për president të Republikës Sërpska dhe nuk ka synuar mandat të dytë në presidencën trepalëshe.

Edhe Dodik, edhe rivalja e tij, Jellena Triviq, kanë pretenduar fitore për presidencën e Republikës Sërpska.

Pretendimet e tyre do të testohen më 3 tetor, kur autoritetet zgjedhore pritet të bëjnë publike rezultatet me shifrat e përditësuara.

Dodik mban lidhje të ngushta me Serbinë dhe Rusinë.

Shtetet e Bashkuara e sanksionuar Dodikun më 2017, dhe sërish në janar të këtij viti, për shkak të përpjekjeve të tij për ndarje të Bosnjës.

blank

Zgjedhjet në Bosnje, DW: Nacionalistët nuk i tremben humbjeve!

Bosnje Hercegovina, një vend politikisht i paralizuar voton. Megjithë klientelizmin, korrupsionin dhe varfërinë, nacionalistët nuk i tremben aspak humbjeve në zgjedhje.

Gjendja është serioze: “Në Bosnje-Hercegovinë nuk ka rrezik lufte, por kriza politike është shumë e thellë”, theksoi Christian Schmidt, Përfaqësuesi i Lartë i OKB-së për Bosnjen në një konferencë shtypi në Sarajevë. Në një raport të mëparshëm për OKB, ish-ministri gjerman i Bujqësisë kishte paralajmëruar nga “kriza më e madhe ekzistenciale” për Bosnjen që nga fundi i luftës, në vitin 1995.

Përgjegjës për këtë kërcënim për Bosnjen janë partitë nacionaliste të tre popujve konstituues sipas kushtetutës të shtetit multietnik – “Partia e Aksionit Demokratik”, SDA, e boshnjakëve, “Aleanca e Socialdemokratëve të Pavarur”, SNSD e serbëve boshnjakë. dhe “Bashkësia Demokratike Kroate”, HDZ e kroatëve. Këto parti në 27 vitet e fundit e kanë përçarë thellë Bosnjën.

Trashëgimia e Dejtonit

Mitingje zgjedhore në Bosnje

Para një sfondi të tillë votuesit boshnjakë në këtë vend vendosin më 2 tetor për përfaqësuesit e tyre në strukturën e komplikuar të shtetit boshnjak. Kjo është struktura e Bosnjes si shtet pas Marrëveshjes së Paqes, që u nënshkrua në Dejton, SHBA në fund të vitit 1995, një marrëveshje, e cila i dha fund nga njëra anë luftës së Bosnjes, ku nga viti 1992 u vranë rreth 120.000 vetë, por krijoi nga ana tjetër një shtet, ku sundon parimi kombëtar. Ai fillon me “etnitetet” e dy pjesëve të vendit: Në Republikën Srpska jetojnë kryesisht serbët boshnjakë, në 10 kantonet e “Federatës të Bosnje dhe Hercegovinës” jetojnë  boshnjakë dhe kroatë boshnjakë. Të dy etnitetet kanë parlamentet e tyre dhe qeveritë. Më 2 tetor do të zgjidhet si parlamenti i Republikës Srpska edhe presidenti. Kësaj i shtohet votimi për parlamentin e përgjithshëm boshnjak, të tre anëtarët e “presidiumit shtetëror” të shtetit kolektiv boshnjak, si edhe parlamentet e etnitetit të Federatës së Bosnje-Hercegovinës dhe kantoneve.

 

Një kontrukt fatal

Në Dejton u krijua edhe Zyra e Përfaqësuesit të Lartë të OKB për Bosnjen, e pajisur me kompetenca të gjera, dhe me synimin për të vëzhguar respektimin e marrëveshjes së paqes. Përfaqësuesi i Lartë mund të ndërrojë ligjet apo të heqë politikanë të zgjedhur apo të lirojë nga detyra nëpunës.

Përtej kësaj rendi politik i pasluftës së Bosnjes është i bazuar tërësisht mbi parimin etnik. Kjo shkon kaq larg, saqë vetëm anëtarë përfaqësues të të dy popujve kanë të drejën e plotë të votës në të gjitha nivelet e shtetit. Pjesëtarë të pakicave, romë, hebrenj apo të tjerë nuk mund të kandidojnë për presidiumin shtetëror.

 

Nepotizmi dhe korrupsioni

Për partitë nacionaliste është pikërisht ky kontrukt etnik instrumenti kryesor i ngjitjes dhe i mbajtjes së pushtetit. Në punësimet në administratë, në aparatin shtetëror dhe në shumë vende të tjera shtetërore nuk shikohet vetëm etnia, por sidomos përkatësia partiake. Kushte ideae këto për nepotizmin dhe korrupsion. Pasojë tjetër është gati pamundësia e qeverisjes së vendit. Partitë nacionaliste, të fokusuara vetëm në forcimin e etnisë së tyre, nuk kanë interes për funksionimin e institucioneve të përbashkëta dhe qendrore. Gjykata Kushtetuese boshnjake prej muajsh nuk ka numrin e duhur të anëtarëve, qeveria e federatës prej vitesh punon vetëm provizorisht, ligje të caktuara nuk miratohen dot, sepse parlamentet përgjegjëse bllokojnë.

Aleanca e nacionalistëve

Kreu i SNSD, Milorad Dodik, përfaqësues edhe në presidiumin shtetëror të vendit kërcënon rregullisht me shkëputjen e Republikës Srpska. Me këtë Dodik e mban në gjendje alarmi opinionin publik boshnjak dhe përfaqësuesit e bashkësisë ndërkombëtare. Dodik mbështetet nga HDZ. Nacionalistët kroatë e justifikojnë mungesën e bashkëpunimit në institucionet e përgjithshme të shtetit me pakënaqësinë me ligjin zgjedhor, që sipas tyre i kufizon ndjeshëm kroatët në Bosnje kundrejt boshnjakëve. SDA, partia e boshnjakëve, që nga jashtë përpiqet të paraqitet si garantuese e shtetit boshnjak, tregoi së fundmi, se edhe ajo di të luajë kartën nacionaliste. E pakënaqur me njoftimin e Përfaqësuesit të Lartë të OKB-së, Christian Schmidt që do të ndryshojë ligjin zgjedhor në favor të kroatëve, SDA organizoi protesta masive para selisë së OKB në Bosnje. Kreu i partisë, Bakir Izebegovic bëri fjalë për “mundësinë  e rezistencës së armatosur”. Si pasojë Schmidt e ngriu këtë projekt dhe miratoi vetëm disa ndryshime të vogla.

 

Ndihmësit nga jashtë

Nacionaistë boshnjakë kanë mbështetësit e tyre jashtë vendit. Kështu Dodik shfaqet shpesh së bashku me presidentin serb, Aleksandar Vuçiq dhe demonstron hapur, se për të Beogradi është më i rëndësishëm se Sarajeva. Covic mbështetet nga politikanë drejtues në Zagreb, kurse Izetbegovic krenohet me afërsinë politike e ideologjike, por edhe me njohjen personale me presidentin turk, Erdogan. Politika bllokuese prej vitesh e partive nacionaliste dhe mentorëve të tyre në vendet fqinje me pasojë paralizën politike e ka keqësuar gjendjen në Bosnje-Hercegovinë. Në indeksin e Transparency International, Bosnja u rendit në vitin 2021 në vendin e 110 nga 180 vende. Ekonomia është një nga më të dobtat në Europë. Papunësia është e lartë, gjithnjë e më shumë boshnjakë largohen nga vendi. Nga viti 2013 janë larguar më shumë se një gjysmë milioni boshnjakë.

Anëtarësimi në BE është qëllimi i deklaruar i të gjitha partive boshnjake, por ky vend nuk ka arritur të marrë as statusin kandidat në BE, megjithëse aplikimin për anëtarësim e ka bërë që në vitin 2016. Përmirësimi i gjendjes nuk duhet në horizont, qetësuese mbetet vetëm deklarata e Përfaqësuesit të Lartë se të paktën Bosnjen nuk e kërcënon lufta. /DW

blank

Bullgaria mban zgjedhjet e katërta të përgjithshme në më pak se dy vjet

Një qytetare e Bullgarisë duke votuar në zgjedhjet e përgjithshme.

RFE/RL

Qytetarët në Bullgari votojnë më 2 tetor në zgjedhjet e përgjithshme. Këto janë zgjedhjet e katërta në 18 muajt e fundit, në mes të pritjeve se do të prodhojnë një Parlament të fragmentuar dhe bisedimeve të vështira për të formuar një koalicion qeverisës.

Bullgaria, me një popullsi prej afër 7 milionë banorësh, është në krizë politike që nga viti 2020, kur vendi u përball me protesta mbarëkombëtare pas zemërimit të publikut të akumuluar për shumë vite për shkak të korrupsionit. Pjesa më e madhe e zemërimit ishte lidhur me liderin shumëvjeçar Boyko Borisov, dhe partisë së tij Qytetarët për Zhvillimin Evropian të Bullgarisë (GERB).

Qeveria e fundit, e udhëhequr nga Kiril Petkov, kolapsoi në qershor vetëm gjashtë muaj pasi mori mandatin, pasi njëri prej partnerëve doli nga koalicioni qeverisës. Petkov, që udhëheq partinë pro-referomave, Ne Vazhdojmë Ndryshimin (PP), është përballur me sfida në përmbushjen e zotimeve të tij për të çrrënjosur korrupsionin.

Ai po ashtu ka mbështetur Ukrainën në luftën e saj kundër Rusisë. Rusia është një shtet që tradicionalisht ka raporte të mira me Bullgarinë dhe Petkov po ashtu ka akuzuar Kremlinin se ka ndihmuar në orkestrimin e rrëzimit të Qeverisë së tij, pasi Bullgaria refuzoi të paguajë me rubla për gazin rus.

Sondazhet e publikuara një ditë para zgjedhjeve thanë se GERB kishte mbështetjen e 25-26 për qind të votuesve, ndërkaq partia PP e Petkovit kishte mbështetjen e 16.5 për qind të votuesve.

Pritet që deri në tetë parti të kalojnë pragun prej 4 për qind për të fituar ulëse në Parlamentin bullgar prej 240 mandatesh.

Një prej këtyre partive, Rilindja, subjekt i ekstremit të djathtë, sipas sondazheve, mund të fitojë rreth 11 deri në 13 për qind të votave. Kjo parti ka fituar avantazh nga vala e populizmit që ka mbërthyer Evropën – teksa parti të ekstremit të djathtë kanë shënuar fitore në Itali dhe Suedi – në mes të frikës ekonomike dhe pasigurisë që fillimisht u nxit nga pandemia e COVID-19, e më pas edhe nga pushtimi i paprovokuar rus i Ukrainës.

Partia Rilindja ka premtuar se do ta largojë Bullgarinë nga Bashkimi Evropian dhe NATO dhe do të shtyjë përpara politika miqësore me Kremlinin.

Përderisa shumë ekspertë vlerësojnë se retorika anti-Perëndim e partisë Rilindja është përdorur më shumë për fushatë, ata paralajmërojnë për kujdes lidhur me atë se çfarë po bën kjo parti për t’u afruar me Kremlinin.

Qendra e votimit janë hapur në orën 07:00 sipas kohës lokale dhe do të mbyllen në orën 20:00.

blank

Stambolli, streha e rusëve të arratisur

Pas shpalljes së mobilizimit të pjesshëm nga Moska, shumë njerëz ikin drejt metropolit turk – Reportazh

 

VOAL- Arratisja e Konstantinit u ndal në qendrën historike të Stambollit pas 6 ditësh udhëtimi nëpër tre vende të ndryshme. “Jam i lodhur sepse ka qenë një udhëtim shumë i gjatë dhe stresues. Tani përpiqem të relaksohem,” u thotë ai kolegëve tanë në RTS.

Konstantini është 43 vjeç dhe në Rusi ka qenë drejtues i një kompanie, por me shpalljen e mobilizimit nuk ka hezituar të arratiset. Marrja e armëve dhe nisja për në Ukrainë nuk bëhej fjalë, kështu që ai la gruan dhe fëmijët dhe kaloi Rusinë, Gjeorgjinë dhe gjithë Turqinë për të arritur në Stamboll, ku shpreson se familja e tij së shpejti do të mund t’i bashkohet. Por pengesat janë të shumta.

“Karta ime e kreditit ruse ka dy ditë që ka pushuar së punuari. – thotë ai – Bankat turke nuk e pranojnë më, kështu që nuk mund të tërheq para. Ndihem si një lepur që gjuhet nga gjuetarët. Çdo ditë është ndryshe dhe përkeqësohet dhe përkeqësohet më shumë”.

Konstantini detyrohet të ndërrojë shpesh hotele, sepse midis inflacionit dhe ardhjes masive të emigrantëve rusë, çmimet kanë shpërthyer. Të vetmet akomodime që mund të përballoni janë shumë larg qendrës. Konstantini mban edhe librezën e tij ushtarake në bagazhet e tij.

“Sipas kësaj broshure figuroj në kategorinë A, është më e mira. Gjasat për t’u rekrutuar janë shumë të mëdha. Nuk dua të vras ​​askënd dhe mbi të gjitha asnjë ukrainas. Për mua ata nuk janë thjesht fqinj, janë si të afërmit. Të afërmit për të cilët kujdesem shumë”.

Pas vendosjes, Konstantini shpreson që në Turqi të ketë mundësinë të fillojë një jetë të re. rsi-eb

blank

Gjukanoviçi: Serbia e Madhe ka një kontraktues, ai është Abazoviçi

Presidenti i Malit të Zi, Milo Gjukanoviç, ka bërë të ditur se ka norma kushtetuese që janë të qarta, njëra prej të cilave është emërimi i një përfaqësuesi brenda 30 ditëve.

Ai e ka akuzuar kryeministrin në largim, Dritan Abazoviç si ‘kontraktor të Serbisë së Madhe’, e cila sipas presidentit, i shërben synimeve të Rusisë Perandorake, raporton Vijesti.

‘Ai afat ka kaluar dhe tani parlamenti është përgjegjës për paralizën institucionale të Malit të Zi. Ata që nuk ia dëshirojnë të mirën Malit të Zi, duan paralizën institucionale të Malit të Zi, prandaj asnjë nga 18 kandidatët për Gjykatën Kushtetuese nuk u zgjodh.

Për të vërtetuar tezën e nacionalizmit serbomadh dhe se Mali i Zi duhet të kthehet në Serbinë e Madhe, që është dëshirë edhe e Rusisë Perandorake edhe e Serbisë së Madhe. Është e qartë se ata kanë një kontraktues, dhe ai është kryeministri aktual (Dritan Abazoviç)’, tha Gjukanoviç.

I pari i shtetit malazez pohoi se shumica parlamentare mund të paraqesë prova për 30 ditë se ka shumicën për mandatin.

Presidenti i Malit të Zi shtoi se parlamenti do të duhet të mendojë se si të dalë nga ky ngërç nëse nuk dëshiron të jetë bashkëpunëtor.

Ndryshe, Abazoviç ditë më parë kishte deklaruar se presidenti ka vetëm një mundësi, që është t’ia besojë mandatin Miodrag Lekiqit. syri.net

blank

Mali i Zi, arrestohen disa persona nën dyshimin se punonin për sigurimin rus

VOA

Disa shtetas malazezë janë arrestuar të enjten në Podgoricë nën dyshimin se punonin për shërbimet inteligjente ruse, njoftojnë disa media malazeze.

Sipas informacioneve të tyre , “aksioni është udhëhequr nga Agjencia e Sigurisë Kombëtare (ANB), nën juridiksionin e së cilës është kjo vepër penale, dhe është kryer me urdhër të Prokurorisë Speciale të Shtetit” .

Kryeministri në largim i Malit të Zi, Dritan Abazoviq, e mirëpriti veprimin e Prokurorisë Speciale të Shtetit, duke thënë se “bëhet fjalë për një aksion ndërkombëtar”.

Abazoviq tha se “ aksioni po realizohet me partnerët e Malit të Zi dhe ka qëllim ruajtjen e interesave kombëtare”.

Zëdhënësi i Prokurori Special, Vukash Radonjiq tha se me urdhër të Gjykatës së Lartë, policia ka kontrolluar banesat dhe lokalet e tjera të disa shtetasve, “për shkak të dyshimit se janë kryer vepra penale, krijimi i një organizatë kriminale dhe spiunazh”.

Sipas një burimi, një nga personat e arrestuar, sipas të dhënave të agjencisë, ka punuar për shërbimin rus për më shumë se një dekadë dhe është pjesë e një grupi më të gjerë, anëtarët e të cilit janë të njohur për Agjencinë e Sigurisë Kombëtare.

Dyshohet se bëhet fjalë për një punonjës të administratës shtetërore.

Të njëjtat burime thonë se aksioni i sotëm është vetëm fillimi i aktiviteteve për zbulimin e bashkëpunëtorëve të shërbimeve të huaja inteligjente.

blank

Dalin pamjet e plagosjes së 30-vjeçarit shqiptar nga policja greke, “Esko” i larë në gjak dergjet në trotuar

Mediat greke kanë publikuara pamje nga operacioni i djeshëm i policisë së Athinës, ku u arrestua 30-vjeçari shqiptar Esmin Ferhati.

Ai shihet thuajse i zhveshur, shtrirë në trotuar ndërsa dallohet qartë në këmbën e tij shenja e plagosjes me armë zjarri nga efektivja 35-vjeçare e policisë greke, e cila ishte duke braktisur aksionin për shkak se nuk ndihej mirë, në momentin që u përball me Ferhatin, i cili e sulmoi me kaçavidë.

Agjentët e maskuar të EKAM-it e kanë shtrirë 30-vjeçarin në një batanije speciale dhe shihen teksa i mbështjellin plagët me fasha hemostatike.

I plagosur rëndë nga plumbat që ka marrë, shqiptari duket i mbuluar nga gjaku. Sipas “Protothema” gjatë operacionit shqiptari ka tentuar të arratiset nga Universiteti Politeknik, ndërsa u përball me oficerët duke u thënë: “Mos u afroni ju k**v*”.

 

Mirëpo, në atë kohë, ai u pa nga efektivja 35-vjeçare, me banditin që u vërsul drejt saj.

 

30-vjeçari bashkë me bandën e tij kishin gjetur strehë në rezidencat studentore të Universitetit Politeknik “Zografou” në 4 vitet e fundit dhe dilnin nga “strofulla” vetëm për të kryer grabitje në orët e para të mëngjesit, konkretisht në orën 6-7 të mëngjesit, ndërkohë që mbi Ferhatin janë të hapura 5 çështje penale.

 

I njohur në rrethin e kriminelëve në kryeqytetin helen sedhe me pseudonimin “Esko”, shqiptari kishte krijuar një bandë me mbi 10 anëtarë që bënte jetë luksi falë parave të grabitura në banesa, supermarkete, karburante dhe banka të nivelit të dytë.

 

Grupi madje kishte lidhje edhe me një 22-vjeçare greke, e cila ishte praktikante në Policinë e Athinës dhe do të betohej në detyrën e re këtë fundjavë, por në kohën e lirë i shërbente bandës së të dashurit të saj duke u dhënë informacione për aksionet e kolegëve, e madje shijonte luksin me makina të shtrenjta, armë dhe para cash me grupin.bw

blank

Hill i kërkoi shpjegime Serbisë, i reagojnë rusët në Beograd

Ambasada e Rusisë në Serbi i ka reaguar ambasadorit amerikan në Beograd, Christopher Hill, pasi diplomati tha se po pret shpjegime për marrëveshjen që Serbia e nënshkroi me Rusinë në Nju Jork.

Rusia e ka quajtur “ekzagjërim” dhe “të trishtueshme”, deklaratën e ambasasdorit Hill, ku ai tha se SHBA-ja e ka vështirë ta kuptojë ekzistencën e një marrëveshje të tillë, duke kërkuar shpjegime për të, përcjell Gazeta Express.

“Pa ekzagjerim, na habitin deklaratat e pahijshme të ambasadorit amerikan në Serbi, Ch. Hill, për marrëdhëniet ruso-serbe. Kësaj radhe ai me të vërtetë e ka tejkaluar veten, duke kërkuar egërsisht – sikur të kishte të drejtë të tillë – shpjegime (!) nga autoritetet e vendit pritës në lidhje me nënshkrimin nga ministrat e Punëve të Jashtme të Rusisë dhe Serbisë, më 23 shtator 2022, në Nju Jork, të planit të konsultimit ndërmjet departamenteve për vitin 2023-2024″, thuhet në reagimin e ambasadës ruse, raportojnë mediat serbe.

“Është e trishtueshme të shohësh se sa ulët mund të zhytet diplomacia amerikane për të kryer detyrat e imponimit ndaj shteteve sovrane”, tha ambasada e Rusisë, duke përmendur “rusofobinë”.

Ambasada e Rusisë ka përmendur edhe bombardimet e NATO-s më 1999, duke thëse se nuk kanë dyshim se shumica në Serbi “kategorikisht nuk e pranon këtë qasje” të SHBA-së.

Rusia premtoi se “do të vazhdojë, në kontakt me partnerët serbë, përpjekjet për të forcuar vazhdimisht bashkëpunimin strategjik dypalësh në të gjitha fushat me interes të përbashkët, duke përfshirë dialogun ndërmjet ministrive të punëve të jashtme për një gamë të gjerë çështjesh aktuale”.

Hill tha të hënën se gjatë seancës së OKB-së, SHBA-ja kishte “diskutime jashtëzakonisht të mira dhe të frytshme për tema globale dhe të tjera politike” me delegacionin serb, por tha se pas kësaj dëgjuan për dokumentin e nënshkruar me Rusinë.

“Vetëm pas kësaj ne dëgjuam përshkrimet e atij dokumenti, ai nuk është bërë ende publik, kështu që ne jemi ende duke pritur për këtë”, tha Hill pas një forumi rajonal mbi qeverisjen e mirë dhe politikat anti-korrupsion në kohë pasigurie gjeopolitike.

Ambasadori Hill tha se askush nuk duhet të nënshkruajë asgjë me Rusinë në këtë moment.

blank

Erdogani kritkon Greqinë: Mesdheu është larë në gjak dhe lotë

Presidenti turk, Recep Tayyip Erdogan, ka kritikuar ashpër Greqinë për trajtimin që po u bën refugjatëve në Mesdhe.

“Ne nuk e pranojmë që Deti Egje dhe ai Mesdhe janë të larë në gjak, lotë apo armiqësi”, ka thënë Erdogan të martën, sipas zyrës së tij.

“Ne duam paqe dhe qetësi me gjithë zemrat tona”, ka thënë ai.

Erdogan ka kritikuar edhe më herët Greqinë si i trajton emigrantët, duke e akuzuar këtë shtet për armatosje të ishujve në lindje të Egjeut, duke shkelur traktatet ndërkombëtare.

“Armët e grumbulluara në zonën perëndimore dhe në ishuj nuk nënkuptojnë asgjë për ne, sepse fuqia dhe kapacitetet tona tejkalojnë ato”, ka thënë Erdogan sipas agjencisë shtetërore të lajmeve, Anadolu.

Erdogan ka thënë të hënën se Qeveria e tij do të mbrojë interesat shtetërore kundër Greqisë, me të gjitha mjetet që ka në dispozicion.

Kryeministri grek, Kyriakos Mitsotakis, ka thënë disa herë se ka gatishmëri për të zhvilluar takime me Erdoganin.

Mirëpo presidenti turk ka refuzuar që të takojë përfaqësuesit grekë.

Lidhjet në mes të këtyre dy vendeve fqinje – njëherësh anëtare të NATO-s – janë të tensionuar së fundi.

Ankaraja beson se Greqia është duke shkelur Traktatin e Lozanës të vitit 1923 dhe Traktatin e Parisit të vitit 1947, duke armatosur ishujt.

Athina e arsyeton armatosjen duke përmendur kërcënimet nga Turqia dhe përmend të drejtën për vetëmbrojtje. rel

blank

Deklaratat e Erdoganit rritin tensionet me Greqinë. SHBA dhe BE: Turqia të respektojë sovranitetin e vendeve europiane

Tensionet mes Greqisë dhe Turqisë vazhdojnë të jenë në rritje, me deklaratat e presidentit turk Rexhep Tayyip Erdogan, kundër Athinës.

Këtë herë Erdogan akuzoi Greqinë se po strehon terroristë në një kamp në Lavrio.

“Terroristët mbrohen pothuajse në çdo vend të Europës, veçanërisht në kampin grek në Lavrio”, ka deklaruar Erdogan.

Ai po ashtu theksoi se terroristët janë një kërcënim për paqen dhe sigurinë e vendeve perëndimore që mbrojnë terroristët,.

Duke vijuar me  Greqinë,  ai tha se “ne i dimë shumë mirë qëllimet e atyre që e motivojnë”, ndërsa tha se “armët që po grumbullohen në  Trakinë perëndimore  dhe në ishuj nuk kanë vlerë për ne. Forca jonë është shumë përtej tyre.

Në të njëjtën kohë ai theksoi se  ‘përkrahja nga Amerika nuk do t’ju shpëtojë’.

Por pas këtyre reagimeve ka reaguar Departamenti i Shtetit dhe Komisioni Europian i bëri thirrje Turqisë të respektojë sovranitetin e vendeve anëtare të BE-së dhe të angazhohet në zgjidhjen e të gjitha çështjeve të hapura në lidhje me fqinjët, duke respektuar ligjin ndërkombëtar.bw

blank

Serbia një kandidate për anëtarësim në BE nënshkroi marrëveshje me Rusinë për politikën e jashtme

VOA

Serbia ka nënshkruar një marrëveshje me Rusinë për “konsultime” të ndërsjella mbi çështjet e politikës së jashtme. Ministri i Jashtëm i Serbisë, Nikola Selakoviç, nënshkroi marrëveshjen të premten me ministrin e jashtëm rus Sergey Lavrov në margjinat e takimit të Asamblesë së Përgjithshme të Kombeve të Bashkuara, ku shumica e delegacioneve perëndimore shmangën kryediplomatin rus për shkak të agresionit të Rusisë në Ukrainë.

Plani i konsultimit i paraparë me marrëveshjen pritet të zgjasë për dy vjet, thuhet në një deklaratë të ministrisë serbe. Serbia zyrtarisht është kandidate për anëtarësim në Bashkimin Evropian, por marrëdhënie të ngushta me Rusinë.

Edhe pse Serbia thotë se e mbështet tërësinë tokësore të Ukrainës, ka refuzuar vazhdimisht t’u bashkohet sanksioneve perëndimore kundër Moskës. Përafrimi i politikave të jashtme me BE-në është një nga parakushtet kryesore për t’u anëtarsuar në bllokun 27-vendesh, por Serbia i ka kundërshtuar vazhdimisht thirrjet për ta bërë një gjë të tillë.

Mediat në Serbi dhe Rusi thanë se presidenti populist i Serbisë, Aleksandar Vuçiç, u takua me ministrin Lavrov në Nju Jork dhe të dy “theksuan përqendrimin e përbashkët në zhvillimin e mëtejshëm dinamik të marrëdhënieve ruso-serbe”.

Raportuesja për Kosovën në Parlamentin Evropian, Viola von Cramon, e cilësoi marrëveshjen “skandal të rëndë”.

“Në mes të luftës së furishme, Ministria e Jashtme e Serbisë nënshkruan planin për bashkëpunim në të ardhmen me agresorin rus. Ose ndoshta është thjesht një sinjal për ne që të ngrijmë bisedimet e anëtarësimit në BE, pasi hyrja në BE nuk kalon përmes Moskës”, shkroi zonja von Cramon.

Raportuesi për Serbinë, Vladimir Bilçik, tha se “si një mbështetës i zellshëm i çdo hapi drejt një Serbie evropiane, e shoh lajmin e konsultimeve të planifikuara midis Serbisë dhe Rusisë një goditje të madhe për procesin e anëtarësimit në Ballkanin Perëndimor. Të jemi të qartë: Rusia po mobilizohet për të sulmuar shtetin kandidat për në BE, Ukrainën, Rusia po sulmon zgjerimin e BE-së”, shkroi ai.

Kryeministri i Kosovës, Albin Kurti tha se marrëveshja Serbi-Rusia, “duhet t’i alarmojë kryeqendrat perëndimore-demokratike”.

Zyrtarët nga opozita pro-perëndimore e Serbisë thanë se nënshkrimi i marrëveshjes së fundit me Rusinë është një shenjë se presidenti Vuçiç, një ish-ultranacionalist, ka hequr dorë nga orientimi i vendit ballkanik drejt BE-së dhe po e afron atë më pranë Moskës.

Partia e Lirisë dhe Drejtësisë, një subjekt opozitar i qendrës SSP tha se “është e pabesueshme” që në një kohë kur pjesa më e madhe e botës po vëzhgon me frikë veprimet e Moskës, Serbia nënshkroi një marrëveshje për t’u konsultuar me një vend “që shkel drejtpërdrejt Kartën e OKB-së dhe synon të aneksojë territoret (ukrainasa)”.

Ministri i Brendshëm serb Aleksandar Vulin, zëdhënësi jozyrtar i presidentit Vuçiç, tha në një deklaratë se “zgjerimi i bashkëpunimit me Rusinë nuk është çështje e respektimit të së kaluarës, por një vendim i përgjegjshëm për të ardhmen”.

Serbia shihet si aleati kryesor i Moskës në Ballkanin Perëndimor dhe është e rëndësishme për Rusinë si një rrugë për të destabilizuar rajonin dhe për të zhvendosur mundësisht një pjesë të vëmendjes së botës nga lufta në Ukrainë.

Ajo llogaritë në Moskën në kundërshtimin e saj ndaj pavarësisë së Kosovës e cila u shpall në vitin 2008 me mbështetjen e Shteteve të Bashkuara dhe vendeve kryesore perëndimore.

*Mbështetur në agjencinë e lajmeve Associated Press


Send this to a friend