Reporteri i Shqipërisë në Bashkimin Evropian, David Lega, ka thënë se disa vende të Ballkanit, përfshirë dhe Shqipërinë, janë pjesë e tregtisë ndërkombëtare të kokainës.

Ai shkruan në “Twitter”, se duke iu referuar burimeve, grupe të Ballkanit, operojnë në vende si Britania e Madhe, Austria, Zvicra, Greqia dhe Belgjika, vende në të cilat, bandat shqiptare sipas tij luajnë një rol aktiv. Ai shton më tej se Shqipëria duhet të forcojë më tej luftën kundër krimit të organizuar.

Postimi i David Lega:

Disa burime vërtetojnë rolin e zgjeruar e grupeve të Ballkanit në tregtinë ndërkombëtare të kokainës dhe autoriteteve nga , , , , , , dhe grupet e identifikuara shqiptare qenë veçanërisht aktive. #Shqipëria duhet të forcojë më tej luftën kundër krimit të organizuar!

I ftuar përmes një lidhjeje “Skype” me rubrikën “Opinion” në “News 24”, analisti Genci Burimi analizoi një sërë çështjesh, ku përket Shqipëria dhe Evropa. Ai tha se pret me kureshtje nisjen e nimeve të kuvendit të ri, por sipas tij, nuk do të ketë një opozitë të fortë. Kjo sipas analistit bëhet për faktin që të mos pengohet hapja e negociatave të Shqipërisë për në BE. Megjithatë, ai shtoi se nevojë imediate, është diskutimi për çështjet ekonomike, ku Shqipëria sipas tij ndodhet përballë borxheve të shumta.

“Në këtë parlament të ri, opozita vjen e minuar nga brenda për shkak të temës të ish-kryetarit të saj dhe themeluesit shpirtëror të PD Sali Berisha. Kjo bën pikëpyetje. Zoti Berisha konfirmoi që do të jetë në Parlament dhe a do të ketë kjo PD një hov opozitar të fortë në lartësinë e zhgënjimit që pati në zgjedhje, apo ky hov opozitar do të jetë më i beftë, për të krijuar një lloj mirëkuptimi me mazhorancën. Për këto gjëra Kuvendi i ri do të na bëj kureshtar. Unë pres nga Kuvendi të flitet për çështjet ekonomike. Sipas normave të FMN borxhi publik nuk duhet të takojë masën e 40% dhe mënyra që po gjen qeveria për të ezauruar këtë borxh është duke hyrë në borxhe të reja. Janë shuma marramendëse dhe për mua opozita duhet të vendosë theksin në çështjen ekonomike. E para është ekonomia sepse përndryshe vendi do të vijojë të emigrojë.

Ne jemi ende afganë sepse ende largohemi nga vendi ynë. Nëse ka një pakt të heshtur mes opozitës PD-LSI dhe PS nga ana tjetër dhe SHBA-së. Ata do të thonë që bëni opozitë në kushte normale, e të mos cënohen hapja e negociatave. Ishte pikërisht kjo që detyroi SHBA-në të shpallte Berishën ‘non grata’. Ata kishin frikë se mos opozita nuk njihte zgjedhjet, ndaj dhe dhanë vendimin ndaj Berishës. Ndaj them do të ketë pakt të heshtur, që do të ketë opozitë, por jo deri në atë pikë që të cënohen hapja e negociatave. Në muajin prill kur mbaruan zgjedhjet në Shqipëri, Basha mblodhi para PD militantët dhe thanë që nuk i njohim zgjedhjeve. Në atë moment nuk kishte dalë ende bllokimi maqedonas nga Bullgaria. Prandaj amerikanët, për t’i mbyllur gojën opozitës u kapën me Sali Berishën dhe kërcënuan Metën. Ky rrezik ra, sepse doli Bullgaria. Besoj se do të ketë një opozitë normale. Çështjet ekonomike janë normale. Sot për sot këto negociata nuk bllokohen nga PD, por nga Bullgaria”, tha Burimi.

Më tej analisti u ndal dhe te Mali i Zi dhe krizës politko-fetare që ka shpërthyer atje. Sipas analistit, Kisha Ortodoksë Serbe me seli në Mal të Zi është në shërbim të pushtetit serb, e sulmimi i saj, është në dëm të politikës malazeze.

“Në të dyja rastet, si në Mal të Zi dhe në Shqipëri, kemi një president me ngjyrë politike ndryshe nga mazhoranca. Në Mal të Zi presidenti i ka shpallur luftë kryeministrit, ashtu si në Shqipëri. Kjo luftë politike plasi në mënyrë të fortë në Mal të Zi. Gjukanoviçi e di që kisha ortodokse serbe është pjesë e Serbisë. Gjukanoviçi disa vite më parë vendosi të godiste kishën ortodokse, por në fakt, më shumë në Mal të Zi janë serbë dhe kjo solli humbjen e tij në zgjedhje. Kisha ortodokse serbe ka një rol politik. Kështu është dhe në Greqi. Mali i Zi do pavarësi ata janë të varur nga Kisha Ortodokse Serbe, ky është një fakt”, theksoi analisti.

Burimi po ashtu foli dhe për zgjedhjet në Gjermani. Ai theksoi se Merkel po largohet nga politika aktive, duke lënë pas një Evropë të dobësuar në akseptin e mbrojtjes. Për të rikthyer një Evropë të fortë, sipas Burimit, duhet të vendoset sërish në lëvizje ‘motori’ franko-gjerman. Sa i përket marrëdhënies së Shqipërisë me Gjermaninë, analisti shprehet i bindur se nuk do të këtë ndryshime, pasi gjermanët sipas tij, janë pro zgjerimit dhe integrimit të Shqipërisë në BE.

“Janë tre kandidatë për kancelarë, qoftë e majta, e gjelbërta dhe pasuesi i Merkelit. Nuk ka asgjë të sigurt. Sot, Merkel e lë Evropën në një situatë të keqe dhe Merkel mban një përgjegjësi të madhe. Sot Evropa po jeton një periudhë e vështirë. Sepse sot duhet një Evropë e sigurisë, e mbrojtjes. Të krijohej një treshe mbrojtëse, Gjermani, Francë, Britani. Këtë gabim do e paguajmë gjatë. Merkel po e le Evropën në periudhë shumë të vështirë. Ka një presion nga Evropa prej vendeve Lindore. Ndaj dhe Macroni është shumë skeptik për zgjerimin e Evropës. Merkel po largohet në këtë pikë, pa ia lënë stafetën pasardhësit të një Evrope të fortë. Sot Gjermania është një vend që ndot shumë. Domethënë jemi në një pozitë të turbullt. Duhet se s’bën që motori franko-gjerman të rindizet përsëri. Sa i përket Gjermanisë dhe Shqipërisë për sa i përket Evropës asgjë nuk ndryshon, gjermanët janë pro zgjerimit”, përfundoi Burimi.

Mbetjet urbane të qyteteve të Krujës dhe Fushë-Krujës prej kohësh po depozitohen dhe digjen në fshatin Halil që ndodhet pranë një ekosistemit natyror të Krastë-Verjon të shpallur “Peizazh i Mbrojtur”.

Gazetarja e News24, Klodiana Haxhiaj nga vendi i depozitimit të mbetjeve ka deklaruar se qindra ton plehra të Bashkisë Krujë tashmë depozitohen në këtë vend të miratuar në mungesë të vendgrumbullimit të plehrave.

Përveç rrezikimit të ekosistemit të Krastë-Verjon, ndotja ka shkaktuar shqetësim dhe alarmim tek banorët e zonës të cilët pretendojnë se kur digjen mbetjet nuk arrijnë dot të hapin as dritaret dhe dyert.

Po ashtu pranë vendit ndodhet dhe një liqen ku rriten peshq i cili është gjithashtu i rrezikuar. Banorët, bizneset dhe komuniteti janë shqetësuar deri tek kryebashkiaku Artur Bushi thotë gazetarja Klodiana Haxha, por deri më sot nuk kanë marrë asgjë përgjigje.

Siç shihet ne ballor poshte AED 908 do te thote qe kjo partiture mban nr 908 te botimit. Eshte sonata nr 2 per cello solo “Mitosfera”. Botohet javes tjeter. E ka egzekutuar mbrekullisht bukur ne Tirane e Prishtine Klaudio Zoto te cilit ja kam dedikuar. Si dhe ka dale ne CD tashme

Per boten dhe qyteterimin muzikore, fjala Sonate ka shume kuptim sepse ajo eshte mbreteresha e muzikes instrumentale.

A ka ndonje kuptim per Ministrine shqiptare te Kultures fjala Sonata? Ndoshta ata Sonata e ngaterrojne me “Sorra-ta “. Hiqi mbrapashtesen dhe del Sorra. Ha..ha..ha..

Ministri Kulture pa muzikante e pa personalitete muzikore, që ju duket Sonata si Sorrata. Ha..ha..ha.. Ministre Kulture qe ka per shef kabineti nje person pa kulture qe nuk e di se kush eshte kompozitori Aleksander Peçi. Me njeh i thashë ? Jo, tha, s’e di kush je!

Ndryshe s’ka si spjegohet qe ne 15 Sonata te miat ( shifer rekord kjo e nje autori ne Shqiperi rajon e me gjere ) te cilat luhen ne Rome, Trieste. Tchajkovski Konservator, Prage Akademi Prage Conservator, Viene Konservator, Miami, Carnegie holl New York, Competicione nderkombetare, Tirane, Prishtine dhe Ministria shqiptare e Kultures eshte komplet jashte loje.

Zero bilanci i saj , jo per 1 vit qe ajo shpenzon gjysmë milardi lek, por zero bilançi i saj per 8 apo 10 vjet, ku ajo shpenzon reth 5 miliardë lek per projekte. Ajo nuk subvencionon asgje per krijimtarine e muzikes klasike serioze dhe per repertorin e shkollave te muzikes dhe Universitetit te Arteve, nuk subvencionon asgje per zhvillimin e kompozicionit ne shek 21; asgje per te shkruar koncerte, sonata, opera, balete, simfoni.

Kam paraqitur Simfonine Skenderbeu, Ministria e Kulturës e ka rrezuar! E mbështeti RTSH!

I kam paraqitur 7 koncerte. Ministria e Kulturës e rrëzon projektin; i kam paraqitur sonatat, e rrrë projektin; kam 2 muaj që kam paraqitur libret Opera sipas Homeri Akili dhe Krizeida (nje dashuri e drame e forte sa ajo e Helenës ) dhe Ministrja ka 2 muaj që nuk e lexon libretin. Kam marrë çmimin e pare me baletin Dodona ne 2012 dhe Ministria nuk e paguan.

Dhe e dini se prej 37 vjetesh Kultura Shqiptare eshte pa balet serioz premiere !!!!!!

Koncepti i Ministrisë të Kulturës eshte kaq lokal, kaq i vogel,kaq i izoluar,nje çensure e vertetë mizore, duke i privuar krijuesit nga krijimi dhe i lene pa buke profesionale shkollat e muzikes ku formohet kultura. Po krijuesi eshte Zoti i Krijimit.

Pa krijues s’ka kulture.

Mininstria e Kulturës qe eshte garantja ligjore e te drejtes se autorit e merr për Bienalen e Arkitekturës 2021 në Venezia këngën e filmit “Në Shtëpinë tonë”, një nga hitet shqiptare që po rron prej 42 vjetesh dhe as te pyet, as të respekton te drejten e Autorit dhe as te paguan.

Shkruaji sa te duash Ministres, ajo s’kthen pergjigje. Nuk pyesin se i shkruajme ne shqip. Po çfarë i jep Ministrja kultures kur unë i kam dhene 908 libra te botuar dhe 35 albume me CD dhe nja 570 video ne youtube!

Tani çdo reagim ndaj Ministrisë të Kulturës do t’i postoj ne 3 gjuhe te huaja qe bota, Ministrat e Kultures tëe Europes, ambasadat ketu te kuptojne se çdodh me Ministrine tone te Kultures dhe muziken shqiptare , shkollat ku formohen muzikantet, zhvillimin e kompozicionit, çfare ndodh me Zoterit e kreacionit qe jane kompozitoret , te rinjte ne raport me Ministrinë e Kulturës. Polifonia shqiptare e shndërruar ne pianizem nje novitet ne pianizmin boteror dhe mrekulli që e kemi kete pasuri te madhe te polifonise dhe koncerti tjeter ne Pianodrom 2021 me pjesmarrjen e kompozitoreve shqiptare qe jetojne jashte Shqiperise, një ide gjigande koncertale.

Ka 30 vjet qe kane filluar te hapen korridore te reja kompozicionale mbi kabane e polifonine. I di Ministria e Kulturës këtoo ??

Sigurisht Beethoven, Stravinsky, Shostakovich tii ngrehesh nga varri nuk do te mund te sillnin modele ne keto 2 fusha te ndritura te kultures sone qe buron nga Jugu i Shqiperine e me nje origjinalitet Pan Europian sepse nuk i kane pjese te konstitucionit te tyre shpirteror. Atëhere çfarë bën Ministria e Kulturës ndaj modeleve qe i sjellim ne.

Gjumë e verbëri totale!

Ku eshte Ministria e Kultures??

Sigurisht qe jashte kultures .

Nga ky moment ne 3 gjuhe do t’i bej postimet e mia deri sa Ministria e Kulturës të kuptoje se i ka shumë, po jashtezakonisht shume e shume borxhe muzikes, e specifikisht aty ku krijohet muzika e kultura muzikore.

Pianodrom Pol i kultures serioze i muzikes klasike e contemporane

Pianodrom Pol i kompozicionit modern Shqiptar ne shek 21!

Tage

Lamtumirë Paulin Preka.

Hidhërim si kolegë, si kojshi që as më pak e as më shumë por kemi nda bash pusin bashkë, në rrugën Melej, tek Arra e madhe.

E quej fat që kam pirë të njëjtin ujë me ty, i madhi Paulin Preka.

Jo një njohje, por një rritje qysh se më ka rënë koka në atë mahall tanë jetë e hare, e i kjosha fal.

Do të shkruej vetëm shendin që u bënte në dasmat tueja.

Tanë mahalla në kambë për atë lezet e humor që u bënte tek ju, si askund.

Mbaj mend Marijen e paharrueme, nanen tande, që këndonte kangën e pilafit me nji kusi të madhe të shndritshme plot me pilaf, kur do tu servirte pilafi në dasëm.

Unë kurrë nuk e harroj atë kangë.

Ju mbaj ndër mend Ty e Tand vlla, Pjetrin e mrekullueshëm, tuj u vesh ju të dy, e të lyem buzësh si gra, më faculeta në krye etj, etj, e tuj hypë mbi tavolina e tuj kërcy e tuj ba humor që MOS U HARROFTË. As nuk di me e përshkru se sa bejtat, e gazi që shpërthente tuj u ndigju nëpër tanë mahallën.

E jeta e sjell që unë, kojshija jote, më ardh në Teatrin Migjeni e me kenë bashkë në skenë.

Fat e privilegj me kenë në skenë bashkë, më pasë një eksperiencë të madhe duke parë lojën tandë brilante.

Nuk thuhet ashtu kot fjala Brilante, e nuk kisha me thanë kurrë nëse nuk qëndron.

Paulin Preka, ti linde i tillë, natyrshëm t’u hapën dyert e skenës: intuitiv, i mprehtë, dëgjues i shkëlqyer i partnerëve, kurrë bosh në skenë, më një lojë ma se elegante, organik, asnji ‘gabim’ në skenë, çdokush mund të gabonte, e ti ishe i shkëlqyer për me mbulu mrekullisht ndonjë ‘ngecje’ në skenë. Vesh e sy e shpirt në shërbim të rolit.

Ti ke interpretue në drama aq bukur, tek drama ” Kunora e Nurijes” në mos gaboj, isha e vogël, por kurrë nuk harroj ajo që më shtangte: reagimet e tua, kthesat e tua të forta emocionale, në kërshërinë time të fëminisë.

Aktori shumëdimensional Paulin Preka.

Ti ishe partneri kaq dinjitoz, e në rresht me Emnat e mëdhenj të skenës së artë të Shkodër-Loces, e lum e lum Shkodër-Locja se çfarë djepi përkundi e KË rriti!!!

Lamtumirë Paulo! I pavdekshëm talenti e çfarë na le, përherë vendin ma se të veçantë si një personalitet i shquar në mbresat e mija, për një Artist të madh, si TY.

E bukura që ngelet asht pikërisht që, të gjithë herë mbas here takohemi me njeni- tjetrin, e shmallemi, e kujtojmë, e qeshim, e besa kajherë edhe nuk qeshim, por kemi mbet me dashninë e respektin qysh kur ndanim atë pus të shenjtë bashkë.

Dritë të baftë shpirti. E paç fluturimin e paqtë, e paqa me TY.

TANË RESPEKTET E MIJA.

Justi

Koordinatori politik i Lëvizjes Socialiste për Integrim në Vorë, Vojo Bregu, komenton nismën “Open Balkan”, duke thënë me ironi se kjo nismë “në bujqësi ka filluar të funksionojë shumë mirë”.

Në një postim në ‘Facebook’, Bregu thekson se është trefishuar sasia e qumështit që vjen nga Serbia drejt Shqipërisë, duke shtuar se “qumështi i freskët do të vijë nga Serbia dhe nuk do prodhohet më në Shqipëri”.

Postimi i plotë:

” Open Balkan ” në bujqësi ka filluar të funksionojë shumë mirë.
Është trefishuar sasia e qumështit që vjen nga Serbia drejt Shqipërisë.
Gjatë mandatit të dytë, është ulur me mbi 30% numri i kafshëve të gjalla.
Me këtë ritëm, gjatë mandatit të tretë, lopët, dhitë dhe delet, do jenë më pak se numri i qenve dhe maceve.
Por e rëndësishme është që qumështi i freskët, për aq sa mund të jetë i tillë, do të vijë nga Serbia dhe nuk do prodhohet më në Shqipëri.

Nënkryetari i LSI-së, Petrit Vasili ka reaguar në lidhje me krijimin e qeverisë së re ‘Rama 3’. Përmes një mesazhi në ‘Facebook’ Vasili e cilëson kabinetin e ri si; ‘Qeveria talebane e Mullah Omar Rames!’. Mes të tjerash Vasili thekson se synimi i kësaj qeverie është zhvatja përmes koncesioneve.

“Mullah Omaret kudo qe shfaqen kane fund te paracaktuar dhe pa kthim, i mjere kushdo qe ka iluzione per te kunderten.”, shkruan Vasili.

REAGIMI I VASILIT
Qeveria talibane e Mullah Omar Rames!!
Qeveria talibane, e sapo pjelle e Mullah Omar Rames ka vetem nje fraze ne program:
“Ne do te vazhdojme zhvatjen, ndersa ju zhdukuni nga Shqiperia”.
Qeveria e Mullah Omar Rames do te vazhdoje te rrembeje koncesione, do te vazhdoje te rrembeje qindra tendera sekrete, do te vazhdoje te beje rruge ku kilometri eshte i me i shtrenjte se floriri, do te vazhdojne qytetaret te jene ne meshire te fatit ne kulmin e Pandemise, do te vazhdoje te mos kete aspak drejtesi per qytetaret se drejtesia eshte e kapur, do te vazhdoje te rrembehet dhunshem prona publike dhe private, do te vazhdoje qe droga, paraja e piset dhe kriminelet te telekomandojne qeverisjen e Mullah Rames.
Mullah Omar Rama ka vetem nje devize:
“Pas meje ne jete jete , gur mbi gure mos mbete”.
Mullah Omari i vertete e mori ndeshkimin e merituar dhe u asgjesua pa asnje meshire nga forcat e se mires.
Sikurse ai edhe ky qe eshte ketu nder ne nuk do ti shpetoje ndeshkimit.
Mullah Omaret kudo qe shfaqen kane fund te paracaktuar dhe pa kthim, i mjere kushdo qe ka iluzione per te kunderten.

Tiranë

TIRANË

Partia Demokratike bëhet me katër nënkryetarë, ku dy prej tyre janë gra.

Në mbledhjen e Këshillit Kombëtar, kanë marrë miratimin për të qenë nënkryetarë të PD dhe njëherësh “krahu i djathtë” i Bashës, demokratët Jorida Tabaku, Grida Duma, Alfred Rrushaj dhe Enkelejd Alibeaj.

Gjithashtu, në mbledhjen e Këshillit Kombëtar është votuar për kryetar të këtij Këshilli Edi Paloka, duke zëvendësuar Bujar Nishanin, ndërsa është rikonfirmuar në detyrë si Sekretar i Përgjithshëm, Gazmend Bardhi.

Njoftimi i plotë:

Jorida Tabaku, nënkryetare përgjegjëse për marrëdhëniet me jashtë dhe Grida Duma, nënkryetare përgjegjëse për marrëdhëniet me shoqërinë civile.

Deputet i Tiranës, juristi Alfred Rushaj, do të jetë nënkryetar i PD dhe kryetar i Grupit Parlamentar.

Nënkryetarë te Grupit Parlamentar te PD-se: Ervin Salianjin dhe Luçiano Boçin. Detyra e Zëdhënësit të Grupit i është besuar Orjola Pampurit, ndërkohë që ajo e Sekretarit të Grupit Parlamnetar, deputetit të ri të Vlorës Arbi Agalliu.

Drejtuesi politik i Qarkut të Fierit Enkelejd Alibeaj, do të jetë kandidatura e PD për nënkryetar të Kuvendit, dhe njëkohësisht nënkryetar i PD.

Rikonfirmohet në detyrë Sekretari i Përgjithshëm Gazment Bardhi.

Edi Paloka, do të propozohet për Kryetar të Këshillit Kombëtar të Partisë Demokratike.

Deputetja e zgjedhur, Flutura Açka është nominuar për një post të rëndësishëm, atë të Kryetares së Komisionit të Apelimit, Integritetit dhe Etikës.

Jemin Gjana, është nominuar si Kryetar i Komisionit Zgjedhor.

Për Sekretare për Pronarët dhe cështjet e pronave, Basha ka nominuar Ledina Mandian. Ndërsa Jonila Godole, një prurje e re në Partinë Demokratike, do të jetë Sekretare për të Përndjekurit Politikë, fushë në të cilën ka një kontribut të madh prej shumë vitesh.

Basha ka krijuar Sekretariatin për Klimën e Biznesit për të cilin është propozuar emri i Drejtuesit Politik të Qakut Kukës, dhe sipërmarrësit Flamur Hoxha.

Sekretariati per voten e emigranteve që krijohet për herë të parë është propozuar të drejtohet nga Belind Kelliçi.
Oriela Nebiaj, do të jetë Sekretare për Organizatat Partnere.

Për Sekretariatin e Burimeve Njerëzore dhe atë të Marrëdhënieve me Publikun janë nominuar dy zonja, Arta Sakja dhe deputetja e Shkodrës Greta Bardeli.

Për postin e Sekretarit Organizativ, është propozuar z. Ervin Minarolli, ndërkohë që
Sekretar për Çështjet Ligjore dhe Zgjedhore, emri i propozuar është Ivi Kaso.

Për herë të parë krijohet Sekretariati i Koordinimit Elektoral si dhe Sekretariati i Organizimit Dixhital. Për këto dy poste janë nominuar Taulant Zeneli dhe Endri Hasa.

Studiuesja dhe pedagogia Enriketa Papa është emëruar nga kreu i PD për pozicionin e kryetares së Fondacionit për Liri dhe Demokraci.

Deputetët janë ndarë në 8 komisone ku drejtimi nga ana e PD i është besuar:

Komisioni për Integrimin Europian: Jorida Tabaku
Komisioni për Edukimin dhe Mjetet e Informimit Publik: Agron Gjekmarkaj
Komisioni për Punën, Cështjet Sociale dhe Shëndetësinë: Albana Vokshi
Komisioni për Çështjet Ligjore, Administratën Publike dhe të Drejtat e Njeriut: Oerd Bylykbashi
Komisioni për Ekonominë dhe Financat: Sorina Koti
Komisioni për Veprimtaritë Prodhuese, Tregëtinë dhe Mjedisin: Helidon Bushati
Komisioni për Sigurinë Kombëtare: Flamur Noka
Komisioni për Politikën e Jashtme: Tomorr Alizoti

TIRANË

Ka nisur mbledhja e Këshillit Kombëtar të Partisë Demokratike, ku pritet të zgjidhen anëtarët e Kryesisë së Partisë më të madhe opozitare në vend.

Mbledhja ka nisur me fjalën e kryedemokratit Lulzim Basha, ku gazetari Osman Stafa ka siguruar për “BalkanWeb” disa nga mesazhet e tij dhënë për demokratët.

Mes të tjerash, Basha ka deklaruar se detyra kryesore e çdo demokrati është të bëhet zëri i qytetarëve, duke shtuar se të gjithë duhet të luftojnë me gjithë forcë.

“Më shumë gra dhe të rinj në Këshillin Kombëtar. Detyra e secilit prej nesh është të bëhemi zëri i qytetarëve. Si fillim dua t’u uroj mirëseardhjen anëtarëve për herë të parë në Këshillin Kombëtar, që këtë vit është pasuruar me më shumë të rinj dhe të reja, me më shumë zonja dhe zonjusha. Beteja të mëdha kemi bërë gjatë këtyre viteve, e të tjera kemi përpara, pasi ajo që ishte e vërtetë para 25 prillit është e vërtetë edhe sot. Shqipëria ka ngecur në vend numëro, peng e qeverisë më të korruptuar në mbarë Europën, që punon kundër interesave të shumicës dërrmuese të shqiptarëve.

Masakra zgjedhore nuk u dha asnjë zgjidhje qytetarëve. Problemet e tyre nuk janë më të vogla, por më të mëdha, nevoja e tyre për një jetë të më të mirë nuk është përmbushur, por kërcënohet nga i njëjti model që shkaktoi varfërimin dhe largimin e më e të paktën 500 mijë shqiptarëve. Prandaj, përballë zgjidhjes së munguar dhe ndryshimit të mohuar përmes atyre mjeteve që ju i njihni më mirë se kushdo tjetër, ne kemi përgjegjësinë për të luftuar për njerëzit e këtij vendi, për të qenë pranë tyre për problemet e vogla e të mëdha të familjeve shqiptare, për të kapërcyer bashkarisht vështirësitë dhe për të qenë zëri i tyre përballë çdo padrejtësie.

Detyra e secilit prej nesh është të bëhemi zëri i qytetarëve, duke mos harruar për asnjë çast të vetëm se kush jemi dhe çfarë përfaqëson Partia Demokratike. Mos harroni se edhe kur kishim kundër nesh të gjithë shtetin, oligarkët, krimin e organizuar, ne, të gjithë bashkë arritëm t’u japim shqiptarëve shpresë. Prandaj duhet të luftojmë me gjithë forcën tonë për ta mbajtur gjallë këtë shpresë dhe të jemi krenarë për atë cfarë kemi arritur, pa përdorur asnjë mjet të paligjshëm, pa blerë vota, pa shantazhuar njerëzit, pa u ndotur me krimin dhe llumin e shoqërisë, siç ka bërë kundërshtari ynë, por vetëm me forcën e besimit tonë, duke mishëruar vlerat për të cilat kjo Parti ka lindur dhe jeton.

Ndaj mbajeni kokën lart. Mos lejoni që jermi antiopozitar që ka për qëllim goditjen e Partisë Demokratike si të vetmen shpresë për njerëzit e këtij vendi, të jetë më i fortë se bindja e secilit prej nesh se modeli që kemi zgjedhor, autoriteti moral që kemi fituar, nuk buron nga muskujt e krimit, nga paratë e koncesioneve apo nga shkrirja e partisë me shtetin. Por nga besimi që ne kemi te vlerat tona, falë të cilave kemi qëndruar edhe në ditët më të errëta të këtyre tre dekadave, pa u thyer, pa u lodhur, pa e humbur vullnetin për të luftuar për Shqipërinë dhe shqiptarët.

Në 25 prill, shqiptarët na besuan dhe na dhanë forcë. Po ashtu demokratët, që ne sot përfaqësojmë në këtë sallë, na besuan në proceset e brendshme dhe kërkuan vijimin e përballjes për të shpëtuar demokracinë dhe për të sjellë ndryshimin në Shqipëri. Ne kemi detyrën që këtë vullnet të shqiptarëve dhe të demokratëve ta kthejmë në aksion politik.

Prandaj sot, jemi mbledhur për të përfunduar këtë fazë të parë të reformimit tonë të brendshëm në funksion të suksesit të betejës tonë kundër këtij regjimi të korruptuar, dhe për të sjellë ndryshimin që njerëzit presin me padurim dhe që ju mohua dhunshëm në 25 prill”, ka thënë Basha.

Analisti Fatos Lubonja rrëfeu për herë të parë në rubrikën “Opinion”, në News24, njohjen dhe vitet në burg me këngëtarin e madh, Sherif Merdani, që u nda nga jeta një ditë më parë, në moshën 81-vjeçare.

Lubonja tha se Sherif Merdani përfundoi në burg një vit para tij dhe në atë kohë u përhap fjala se ai kishte vrarë veten brenda qelisë. Por, siç u shpreh Lubonja, kur edhe ky vetë kishte përfunduar në burg një vit më vonë, Sherif Merdani i ishte afruar dhe i ishte prezantuar, raporton “BalkanWeb”.

“E kam njohur dhe kam një histori me të, që ndoshta po e sjell për herë të parë publikisht. Ky u dënua para se të dënohesha unë dhe u dënua mesa më kujtohet me 11 apo 12 vjet. Në atë kohë, bisedoja me një shokun tim dhe ai më tha që është dënuar. U përhap një fjalë atëherë që Sherif Merdani ka vrarë veten në burg. Dhe mua më kujtohet se thashë “mirë ja ka bërë, ku rrihet 12 vite në burg”, kur pas një viti përfundova vetë.

Kur një ditë, më prezantohet një njeri, e më thotë ‘jam Sherif Merdani a s’po më njeh’. I tregova çfarë kisha thënë kur ishte futur në burg. Ai ishte një njeri që e donte jetën, i qeshur, i gëzuar. Madje ka qenë minatori i parë i imi, sepse kur shkoje në burg, të fusnin në minierë në Spaç, të bëje një stazh 3-4 ditë. Mua më çuan në stazh si ndihmës te grupi i Sherifit, që të mësoja. Ishte djalë i fortë, i fuqishëm dhe me dashuri për jetën.

Nuk kemi qëndruar bashkë shumë në Spaç, sepse nuk kaloi ndoshta një vit dhe e ridënuan, e arrestuan dhe e çuan në Burrel. Pastaj kemi qenë dhe në Burrel bashkë, por në zona të ndryshme dhe nuk jemi takuar.

Akuzat ndaj tij ishin agjitacion, propagandë, që ishte nga 3 deri në 10. Dhe herën e dytë u ridënua po për agjitacion. Jemi takuar vitet e fundit, por rrallë. Më vjen keq që ka vdekur, unë ruaj kujtimin e atij Sherifit që njoha në periudhën e parë, atë djalin e ri e të fuqishëm, i zhveshur, duke hapur vrima në galeri. Ky është kujtimi më i bukur që kam nga Sherifi”, theksoi Lubonja.

Analisti Fatos Lubonja i ftuar në rubrikën “opinion’’ në News24 ekipin e ri të PD e ka cilësuar si një anije për ujëra të qeta.

Sipas Lubonjës, emra si Alfred Rushaj, Jorida Tabaku apo Grida Duma janë njerëz të Bashës dhe më ta lideri demokrat siguron një unitet të pushtetit brenda partisë.

“Kam parë pjesërisht, kryesisht ato emrat kryesorë jo gjithë ndryshimet. Ajo që ka mundësi, ndjesi, ndoshta gabohem se kemi dhe të drejtën e gabimit, se duhet parë në veprim. Po, pashë kryetarin e grupit parlamentar, që është njeri i qetë, Rushaj. Janë vija e parë në parlament. Ndoshta dhe nga ndikimi i njohjes së tij që është njeri i mirë, ka marrëdhënie të mira me të gjithë, mu krijua ndjesia që është një anije për të lundruar në ujëra të qeta. Ndërkohë që anija e opozitës duhet të lundrojë në ujëra shumë të turbullta, të frikshme, do të ketë përplasje, duhet të ketë përplasje të forta. Përplasje të forta jo vetëm institucionale se opozita bën dhe protesta. Ndërkohë Jorida Tabaku dhe Grida Duma janë provuar, janë të Bashës.’’- tha ai.

Lubonja kërkon që Basha të përfshinte në partinë e vet dhe fraksionin e Mark Markut që u largua nga PD ditët e fundit si dhe kundërshtarët e vet për të krijuar një opozitë të fortë.

“Mendoj se duhet të ishte reflektuar diçka dhe s’është reflektuar nga Basha kryesisht, e kam fjalën për ikjen e Mark Markut. Ai kërkonte, si unë ndoshta një parti tjetër më të fortë. Ajo që më shqetëson mua në këtë rast është se duket sikur lideri ka mbledhur njerëzit rreth tij që janë të bashkuar rreth tij për të siguruar unitetin e pushtetit brenda PD, ndërkohë që nga ana tjetër për të bërë atë opozitën që kërkoj unë, duhet më shumë gjithpërfshirje, duhej një opozitë që të pranonte edhe fraksionin e Mark Markut brenda që mos ishte për të eleminuar këtë tjetrin, për të bashkëvepruar, rritur opozitën. Duhet një parti që në vend që të jetë e mbështjellë brenda liderit që vendos për gjithçka, ose hesht për gjithçka, një parti të kishte sa më shumë rryma brenda. Një lumë më i fuqishëm duke thithur përrenj të ndryshëm, grupime. Kjo mungon. Mesa duket ky është dimensioni që i mungon Bashës, do jetë një anije që lundron qetë e Rama nuk shqetësohet.’’- theksoi Lubonja.

Ndërkohë lidhur me largimin e Mark Markut nga partia dhe kritikat e tij, Lubonja thotë se si Basha dhe pedagogu kanë përgjegjësi, por duhet të ishte kryetari i PD që të tregonte karizmë dhe të bënte çmos që ai të mos largohej.

‘’Në gjykimin tim, Basha duhet ta kishte ndaluar duke bërë çmos që të qëndronte. Nuk them se s’ka përgjegjësi, i vë dhe atij përgjegjësi që edhe ai duhet të qëndronte. S’jam brenga tyre. Sikush ka ato emocionet e bindjet e veta. Duke abstraguar nga këto, e para duhet që Basha të tregonte atë karizmën që mund të mbajë rrotull dhe kundërshtarë, por jo kundërshtarë që, a ke karizmë ti mbash. Berisha e kishte më 2005 ata kundërshtarët, ata që i kishte përjashtuar. Ky duket sikur nuk ka kontroll as mbi partinë se Berisha e kishte.’’- tha analisti.

Sa i përket qeverisë së re, Lubonja thotë që pritshmëritë e tij janë të jetë me emra që do të shërbejnë si ‘kukulla’ të Edi Ramës e pligarkëve. Analisti është ndalur edhe tek dorëheqja e Luan Ramës sipas të cilit është një nga hapat e zhdukjes së LSI.

‘’Kjo duhet parë në kontekstin e pastrimit, e zhdukjes së opozitës. Zhdukja e parë është e LSI, që ka mëkatet e veta, se ka qenë pjesë e sistemit dhe nuk ka pasur atë lidhjen e duhur me njerëzit e papërfaqësuar. Rama i ka kapur të gjithë, kështu që ai do ta braktiste partinë. Këtu mban alarmi dhe për PD.

Pres një qeveri e mbushur me kukulla, që tërhiqen nga kukullaxhiu për qëllimet e veta. Kukullaxhiu nuk është vetëm Rama, por gjithë oligarkët, krimi, ata që ndërtojnë këto kullat, etj. Ata do të shërbejnë si fasadë, këtu nuk ka qeveri, debate, ka vendimmarrje të marra nga një person. Nuk më intereson shumë nëse do të ketë figura të reja apo të vjetra, sepse edhe të rinjtë janë si të vjetrit.’’- tha Lubonja.

Njerëzit që largohen nëpërmjet aeroportit të Kabulit

Një ditë para mbledhjes së parë të Këshillit të sapozgjedhur kombëtar të Partisë Demokratike, “BalkanWeb”, ka mësuar se cila do të jetë ekipi i Lulzim Bashës.

Ditën e nesërme mblidhet Këshilli Kombëtar i Partisë Demokratike, për ekipin e tij të ri Lulzim Basha duket se ka zgjedhur më shumë gra për të drejtuar poste kyçe dhe sekretariate të rëndësishme të PD.

Për herë të parë, Partia Demokratike do të ketë dy gra nënkryetare: Jorida Tabaku, nënkryetare përgjegjëse për marrëdhëniet me jashtë dhe Grida Duma, nënkryetare përgjegjëse për marrëdhëniet me shoqërinë civile.

Ndërkohë ish drejtori i Fushatës tashmë deputet i Tiranës, juristi Alfred Rushaj, do të jetë nënkryetar i PD dhe kryetar i Grupit Parlamentar ndërsa drejtuesi politik i Qarkut të Fierit dhe një politikan me përvojë Enkelejd Alibeaj, do të jetë kandidatura e PD për nënkryetar të Kuvendit, dhe njëkohësisht nënkryetar i PD.

Rikonfirmohet në detyrë Sekretari i Përgjithshëm Gazment Bardhi, me një kontribut të rëndësishëm edhe në fushatën zgjedhore të 25 prillit si Drejtues Politik në një qark të vështirë si ai i Elbasanit.

Edi Paloka, do të propozohet për Kryetar të Këshillit Kombëtar të Partisë Demokratike.

Burimet brenda Selisë Blu bëjnë me dije se Edmond Spaho, ish-nënkryetari i PD ka kërkuar të mbajë vetëm detyrën e deputetit.

Deputetja e zgjedhur, shkrimtarja e botuesja Flutura Açka është nominuar për një post të rëndësishëm, atë të Kryetares së Komisionit të Apelimit, Integritetit dhe Etikës.

Jemin Gjana, është nominuar si Kryetar i Komisionit Zgjedhor.

Për dy çështje parësore për Partinë Demokratike, ato të pronave dhe të përndjekurve, Lulzim Basha ka vendosur të ketë sekretariate të dedikuara, të cilat po kështu ju janë besuar grave.

Për Sekretare për Pronarët dhe cështjet e pronave, Basha ka nominuar Ledina Mandian, e cila vjen nga një përvojë e pasur juridike me një fokus të vecantë në këtë fushë. Ndërsa Jonila Godole, një prurje e re në Partinë Demokratike, do të jetë Sekretare për të Përndjekurit Politikë, fushë në të cilën ka një kontribut të madh prej shumë vitesh.

Ekonomia, klima e investimeve dhe marrëdhënia me biznesin mbetet prioriteti kryesor i Partisë Demokratike. Për të qenë sa më pranë biznesit dhe shqetësimeve të tij, Basha ka krijuar Sekretariatin për Klimën e Biznesit për të cilin është propozuar emri i Drejtuesit Politik të Qakut Kukës, dhe sipërmarrësit Flamur Hoxha.

Garantimi i votës së emigrantëve do të jetë prioritet i PD. Prandaj në funksion të thithjes së ekspertizës, përvojës, mendimit, krijimit të mundësive për të kontribuar për një Shqipëri më të mirë, emigrantët dhe diaspora do të kenë një sekretariat të dedikuar. Ky sekretariat që mishëron prioritetin e Bashës për emigrantët dhe diasporën dhe që krijohet për herë të parë është propozuar të drejtohet nga Belind Kelliçi.
Oriela Nebiaj, që kontributin e saj të parë në PD e ka dhënë si zëdhënëse, për të vijuar si kandidate për kryesimin e FRPD-së dhe së fundmi me rikthimin si kandidate për deputete në Tiranë, do të jetë Sekretare për Organizatat Partnere.

Për Sekretariatin e Burimeve Njerëzore dhe atë të Marrëdhënieve me Publikun janë nominuar dy zonja, Arta Sakja, me një kontribut të gjatë në Partinë Demokratike dhe deputetja e Shkodrës Greta Bardeli.

Për postin e Sekretarit Organizativ, është propozuar z. Ervin Minarolli, ndërkohë që
Sekretar për Çështjet Ligjore dhe Zgjedhore, emri i propozuar është Ivi Kaso.

Për herë të parë krijohet Sekretariati i Koordinimit Elektoral si dhe Sekretariati i Organizimit Dixhital. Për këto dy poste janë nominuar Taulant Zeneli dhe Endri Hasa.

Studiuesja dhe pedagogia Enriketa Papa – Pandelejmoni është emëruar nga kreu i PD për pozicionin e kryetares së Fondacionit për Liri dhe Demokraci.
Ndërkohë është zbardhur edhe ndarja e përgjegjësive ne Grupin e ri Parlamentar. Grupi që do të drejtohet nga nënkryetari i Partisë Alfred Rushaj do të ketë dy Nënkryetarë: Ervin Salianjin dhe Luçiano Boçin. Detyra e Zëdhënësit të Grupit i është besuar Orjola Pampurit, ndërkohë që ajo e Sekretarit të Grupit Parlamnetar, deputetit të ri të Vlorës Arbi Agalliu.

Deputetët janë ndarë në 8 komisone ku drejtimi nga ana e PD i është besuar:

Komisioni për Integrimin Europian: Jorida Tabaku

Komisioni për Edukimin dhe Mjetet e Informimit Publik: Agron Gjekmarkaj

Komisioni për Punën, Cështjet Sociale dhe Shëndetësinë: Albana Vokshi

Komisioni për Çështjet Ligjore, Administratën Publike dhe të Drejtat e Njeriut: Oerd Bylykbashi

Komisioni për Ekonominë dhe Financat: Sorina Koti

Komisioni për Veprimtaritë Prodhuese, Tregëtinë dhe Mjedisin: Helidon Bushati

Komisioni për Sigurinë Kombëtare: Flamur Noka

Komisioni për Politikën e Jashtme: Tomorr Alizoti

RFE/RL

Presidenti i Shteteve të Bashkuara, Joe Biden i tha kryeministrit izraelit Naftali Bennett se në raport me Iranin ai e ka vënë “diplomacinë në rend të parë” në përpjekjen për të frenuar programin bërthamor të Iranit, por nëse negociatat dështojnë, ai do të ishte i përgatitur t’i drejtohej opsioneve të tjera.

Biden dhe Bennett mbajtën takimin e tyre të parë në Shtëpinë e Bardhë.

Takimi ishte planifikuar për të enjten (26 gusht) mirëpo ai u shty për të premten për shkak të situatës në Kabul të Afganistanit dhe sulmit vetëvrasës nga militantët e grupit ekstremist Shteti Islamik që la të vdekur mbi 100 persona përfshirë 13 amerikanë.

Biden tha se ai dhe Bennett diskutuan “kërcënimin nga Irani dhe angazhimin për të siguruar që Irani të mos zhvillojë kurrë një armë bërthamore”.

“Ne po e vendosim diplomacinë në radhë të parë dhe do të shohim se ku do të na çojë. Por nëse diplomacia dështon, ne jemi gati t’i drejtohemi opsioneve të tjera”, shtoi Biden, pa ofruar specifika se çfarë parashohin opsionet tjera.

Ndërsa kryeministri izraelit tha se ndjehet “i lumtur derisa dëgjon fjalët se Irani kurrë nuk do të jetë në gjendje të posedojë armë bërthamore”.

“Ju theksuat se do të provoni rrugën e diplomacisë, por ka mundësi të tjera nëse kjo nuk funksionon”, shtoi ai.

Bennett u tha gazetarëve në Shtëpinë e Bardhë se Izraeli ka zhvilluar një “strategji gjithëpërfshirëse” për të mbajtur Iranin larg posedimit të armëve bërthamore dhe për të ndaluar “agresionin rajonal” të tij.

Sipas marrëveshjes bërthamore të Iranit me fuqitë botërore të vitit 2015, e njohur si Plani i Përbashkët Gjithëpërfshirës i Veprimit (JCPOA), Teherani u zotua se nuk do të prodhojë metal uraniumi.

Por, ky vend shkeli atë premtim si një nga shumë veprimet që ndërmori pasi ish -presidenti amerikan, Donald Trump tërhoqi Shtetet e Bashkuara nga marrëveshja dhe rivendosi sanksionet.

Trump pati thënë se marrëveshja ishte e negociuar keq dhe se ajo i mundësonte Iranit që të posedojë armë bërthamore.

Presidenti i SHBA-së, Joe Biden, ka thënë se dëshiron të kthehet në marrëveshje, por bisedimet indirekte në Vjenë të ndërmjetësuara nga evropianët për të ringjallur marrëveshjen kanë ngecur.

Deputeti i zgjedhur i Partisë Demokratike, Agron Gjekmarkaj, komenton vendimin e Mark Markut për të dorëzuar mandatin e deputetit para se të hyjë në Parlamanet.

Teksa e cilëson largimin e tij si trishtues, Gjekmarkaj thekson se Mark Marku është personalitet akademik, publik e politik me integritet të lartë e pacenueshëm, si dhe njeri i vendimeve të guximshme.

Mes të tjerash, Gjekmarkaj iu drejtohet me një mesazh të gjithë atyre qytetarëve, që e kanë votuar në zgjedhjet e 25 prillit, duke thënë do të bëjë përpjekje maksimale për t’i përfaqësuar në Parlamentin e ri, si dhe për të mbajtur çdo premtim etik, që e ka bërë gjatë fushatës, bashkë me Markun.

“Ndiej keqardhje të thellë që mikun e shumë betejave të perbashkëta pse jo edhe mik jete Prof Mark Markun nuk do ta kem në krah në betejat parlamentare ! Për mua, për shumë qytetarë dhe demokratë ishte një lajm trishtues vendimi i tij për tu largur në kontekstin e arsyeve që ai paraqet me zhvillimet brënda PD ! Të gjithë atyre që nxitojnë për një shkak a një tjeter të hedhin baltë , të bëjne insinuata ndaj Markut për trille a komplekse, a thjeshtë për cmirë, ndiej detyrimin t’ju them që Mark Marku është personalitet akademik, publik e politik me integritet të lartë e të pacenueshem, njeri i vendimeve të guximshme të cilat lënë shije habie nga pas por edhe shumë nevojë për reflektim e meditim.Duhet të maten mirë kur i mbushin grushtat me baltë për të rënë në sy si gardian të devotshem. Largimi i tij është një lajm i keq për politiken, për Parlamentin e ri të Shqiperisë e shumë më teper për PD dhe të djathten e këtij vëndi ! Une e besoj plotesisht që Mark Marku do jete ai zëri unik dhe i paekuivok si gjithmonë në llogoren ku rrinë të gjithë ata që perballen me regjimin kleptokratik të Edi Rames !! Qytetarëve të Lezhes , Mirdites dhe Kurbinit, votuesve tanë, qytetarve dhe demokrateve ndiej për detyrë tu them perpjekja do të jetë maksimale për ti përfaqesuar për të mbajtur çdo premtim etik që sëbashku me Prof Markun u bëmë gjatë fushates elektorale për një perballje , të pashoqe, të pakompleksuar, dhëmb per dhëmb e sy per sy me qeverinë më banale e korruptive , më të keqen e më të peshtiren e ketyre 30 viteve !! Diversioni që bën sot pushteti me mediat e veta për largimin e Markut do të jetë në pak ditë një kafshatë që nuk kaperdihet për të! Do ta kenë perballë siç e kanë patur komunistet , neokomunistet, kleptokratet dhe hajdutet në keto 31 vjet pluralizem!”, thekson Gjekmarkaj.

Kryeministri i Shqipërisë Edi Rama, ka dhënë këtë të mërkurë një intervistë për gazetaren e CNN, Biana Golodryga. Kreu i qeverisë foli për ardhjen e afganëve në vend dhe nënvizoi se duhet t’u jepnim strehë e besim në këtë moment krize.

“30 vite më parë kemi qenë ne afganët për vëllezërit tanë italianë, kështu që askush më mirë se ne e kupton situatën e tyre. Kur nuk je shumë i pasur, kujtimet janë shumë të pasura.

Nuk bëhet fjalët për besim apo ngjyra, bëhet fjalë për njerëz, duhet t’iu japim strehë në një moment krize të thellë.
Nuk mendoja për artin kur dola në rrugë për të kërkuar ndryshimin e regjimit. Si mund t’i lemë këta njerëz të vdesin? Si mund t’u mbyllim dyert atyre në një kohë si kjo, kur vendin e ka përpirë lufta?”

Kryeministri Edi Rama bëri me dije se numri i afganëve që do të strehojë vendi ynë është rreth 4000.

“2000 që janë listuar dhe 2000 të tjerë që ne po punojmë për t’i pritur. Do jenë rreth 4000 mijë”, tha Rama.

Ish-ministri dhe deputeti i zgjedhur i PD, Tritan Shehu akuzon qeverinë se po fsheh të dhënat e skanimit ajror të kultivimit të kanabisit të realizuara nga Guardia di Finanza.

Ditën e djeshme ambasada amerikane dha një paralajmërin për sigurinë në Lazarat, por Shehu e konsideron një mashtrim qeverisës teksa i kërkon qeverisë të bëjë publike të dhënat.

Ai thekson se qeveria është bashkëfajtore në kanabisimin masiv të vendit prandaj është në panik.

STATUSI NGA TRITAN SHEHU

Qeveria po fsheh te dhenat e skanimit ajror per kultivimin e kanabisit.

Prej disa kohesh Qeveria i ka marre te gjitha te dhenat e ketij viti te skanimit ajror per kanabis ne nivel vendi, te realizuara nga Guardia di Finanza.

Megjithese eshte detyrim i saj per t’i bere publike, ajo nuk po e ben kete.

Sepse “Republika e Kanabisit” e krijuar nga ky regjim konfigurohet ne ato filmate e materiale, ku duken qarte dimensionet gjigande te kanabizimit te vendit, me te gjithe pasojat e renda kjo per kriminalizimin e shtetit, si dhe me efektet shkaterruese sociale e shendetesore mbi popullesine.

Nje kanabizim i tille nuk mund te realizohet pa perfshirjen e strukturave shteterore ne kete veper kriminale, njelloj si ne vitet 2014-17.

Fshehja e ketyre te dhenave eshte nje deshmi e panikut qeverises nga e verteta e bashkefajesise se saj per kanabizimin e vendit.

Qeveria jo vetem duhet t’i beje publike keto materiale, por duhen informuar per ato dhe partneret e tjere, te cilet vete duhet te insistojne per publikim.

Kjo jo vetem do te minimizonte gabime e konfuzione te tyre, qofte dhe si pasoje e mashtrimeve qeverisese si ai i djeshem per Lazaratin, por dhe do t’i ndihmonte te kuptonin kete gjendje te rende e te ndihmonin seriozisht ne perballjen e domosdoshme me ate.

Sepse i duhet thene ndal kultivimit te kanabisit e skllaverimit nga kriminelet te fshatareve nepermjet tij, trafiqeve, droges ne pergjithesi, krimit!

Ndal shkaterrimit si pasoje te shendetit e jetes kryesisht te te rinjve nga perdorimi i kanabisit e drogave te tjera, gje qe ka mare dimensione te frikeshme, si per numrin e perdoruesve ashtu dhe per moshen e “njome”!

Por fatkeqesisht ky shtet i lidhur me trafiqet, kultivimin, boten e krimit, nuk mund ta beje kete, ai vetem po e stimulon!

Ne se bashku duhet ta bejme kete!bw

Ish-ministri i Ekonomisë dhe Financave, Arben Malaj ka komentuar reagimet e Edi Ramës kundër kritikëve për ardhjen e Goran Bregoviç në Korçë.

Malaj thotë se Rama fillimisht duhet të kuptojë thelbin e demokracisë që bazohet dhe funksionon në ndarjen, balancimin e kontrollin e pushteteve.

Sipas tij, fakti që Rama i etiketon kritikat si ‘’histeri fashiste’’ është kërcënim real dhe shqetësim në rritje për demokracinë dhe qeverisjen në Shqipëri.

Malaj ndërkohë shton se synimi i Ramës është që me këto reagime të devijojë reagimin publik nga dështimet e tij prej vitesh tashmë.

STATUSI NGA ARBEN MALAJ

Ky eshte nje reagim i KM qe  shpreh  gjendjen e tij emocionale te  perkeqesuar  Ndersa etiketimi fashist i disa kritikeve eshte turperues.

Rama duhet t’a kuptojë thelbin e demokracisë e cila bazohet dhe funksionon ne ndarjen, balancen dhe kontrollin e pushteteve.

Rama nuk mund te jete ne te njejtin kohe Kryeminister, pergjegjes i zyres se kultures se bashkise Korçe dhe aq me pak zëdhenesi i policise qe qarteson nese kapsolla e hedhur ne ate koncert eshte akt terrorist, thjeshtë nje reagim spontan emocional apo nje veprim i mire strukturuar dhe mire organizuar  i ushqyer nga mentalitetet fashiste qe  KM i paska zbuluar tek nje pjese e populli te tij??

Nje KM qe etiketon fashistë kritiket e nje aktiviteti kulturore te nje bashkie, i cili nuk ka pune tjeter por ri tere  diten ne rrjetet sociale dhe debaton  per  koncertin e Goranit –  eshte shqetesim dhe kercenim  real ne rritje per demokracive dhe qeverisjen e vendit.

Ne bote behen protesta qe anulojne  dhjetra koncerte, konferenca,  samite globale.

Turmat e pa shpresen dhe te irrituara dalin jashtë kontrollit, djegin dhe shkaterroje gjithcka por  asnje KM  nuk i etiketon fashistë apo nazistë,  maksimumi i quajnë huliganë.

KM i perzgjedh  epitetet denigruese  per gjithe te tjeter  per te  kapur titujt e mediave nderkombetare edhe  pse me vete- dije percmon dhe  denigron gjithe kritiket,  popullin dhe vendin e tij.

AI synon te devijoi reagimin publik per deshtimet e tij.

Duke mos pasur ne formimin e tij bazik asnje qelize  shtete-fornuese  AI shkatërroi funksionim  demokratik ne PS dhe ne qeverisjen e vendit.

Zhduku cdo mendim alternative, perndoqi cdo perfaqesues te mendimit ndryshe,  i zvendesoi individet me integritet ne parti dhe qeveri  – me ministra dhe deputete  manikine koke-tundese miratuese  per cdo përzgjedhje te tij spontane, personale, nepotike dhe korruptive .

AI i zvendesoi  ata me individë me CV dhe perkushtim kriminal

Deshperimi i tij per deshtimi e tij rrezikon dhe kercenoj  ne shume shqiptaret se sa ATE  dhe te zgjedhurit e tij si  tek “Ferma e kafsheve” te Orëellit.

Per te ndihmuar ATE  qe te kuptonte qeverisjen  jane paguar nga donatore dhe taksat e shqiptareve me shume fonde se sa per dizenjimin dhe implementimin e Planit Marshall per rindertimin e Evropës pas luftes dytë botërore

Popujt e pergjakur dhe te varferuar deri ne palce te vendeve nderluftues ne Evropë e fituan luften dhe realizuan projektin e suksesshem te BE-se  me vizion, sakrificat dhe perkushtimin  qe as NETFLIX  nuk i pasqyron dot ne emocionin njerezore qe BE u ndertua dhe u rrit  si blloku ekonomik nder me te medhenjte  ne ekonomine globale dhe nga me te zhvilluar sot ne bote.

Policia deklaron se ne Korçe ndodhi thjeshtë nje incident me nje kapsolle , nuk pati te lenduar dhe koncerti nuk u nderpre.

KM  shkruan se  mentalitetet fashiste  ne Shqiperi duan t’i vene flaken Balkanit.

KY  dhe armata e tij qeverisëse dhe mediatike aq agresive  ne rrjetet sociale deshperohen  perse Kurti dhe Vete-vendosja nuk vepruan si force politike ” fashiste”.

Kjo sepse  vetem ky skenar do t’a dimensiononte ATE – liderin më modern ne hapesirat globale  perfshi edhe Afganistanin qe duhet rindërtuar

AI vetbeson se eshte i vetmi “fanar ndriçues” qe me vizionin dhe mision paqetues midis serbeve dhe shqiptareve te Shqiperisë, me ‘ qartesine” e tij gjeopolitike, me protagonizmin e tij ” patriotik” dhe me  kujdesarine tij mbi Kurtin dhe cdo lider  legjitim te Kosoves, pse jo edhe te gjithe Balkanit,  Ai dhe vetem AI do te siguroi paqen e  cila sipas ATIJ  eshte e pamundur pa ATE   – prandaj duhen  toleruar udheheqes autotarian  qe qeverisin si mbretër te mbretërive feudale ne mes te Evropës dhe ne fillimet e shekullit te 21

Fatkeqësisht iluminizmin e ka  vrare pushteti absolut qe bazohet tek kapja  e shtetit dhe” korruptimi ekstravagante i liderëve parafabrikatë”  sic qartesonte sot ne analizen e tij nobelisti Acemoglu per disa nga shkaqet thelbesore te deshtimit shtete formues  jo vetem ne Afganistan.

Arbeni

SHBA ka kaluar Shqipërinë në nivelin 3 të riskut prej COVID-19. Ambasada amerikane në Tiranë i ka bërë thirrje qytetarëve të rishqyrtojnë udhëtimet prej COVID-19 në Shqipëri.

Po ashtu ambasada ka dhënë dhe një tjetër paralajmërim për qytetarët që të kenë kujdes nga krimi.

Ambasada veçon situatën në Lazarat si të paqëndrueshme teksa e thekson se nuk mund të ofrojë shërbime emergjente ne fshatin jugor pasi punonjësve të qeverisë amerikane u ndalohet të udhëtojnë aty.

NJOFTIMI NGA AMBASADA AMERIKANE

Vendndodhja: Shqipëri

Ngjarja: Më 23 gusht 2021, Departamenti i Shtetit përditësoi Këshillimin e Udhëtimit për Shqipërinë.

Ju lutemi shihni Këshillimin e Udhëtimit më poshtë:

Niveli 3: Rishqyrtoni udhëtimet në Shqipëri për shkak të COVID-19. Ushtroni kujdes të shtuar në Shqipëri për shkak të krimit.

Lexoni faqen e Departamentit të Shtetit COVID-19 para se të planifikoni ndonjë udhëtim ndërkombëtar.

Qendrat për Kontrollin dhe Parandalimin e Sëmundjeve (CDC) kanë lëshuar një Njoftim Shëndeti të Nivelit 3 të Udhëtimit për Shqipërinë për shkak të COVID-19, duke treguar një nivel të lartë të COVID-19 në vend. Rreziku juaj për të kontraktuar COVID-19 dhe zhvillimin e simptomave të rënda mund të jetë më i ulët nëse jeni plotësisht të vaksinuar me një vaksinë të autorizuar nga FDA. Para se të planifikoni ndonjë udhëtim ndërkombëtar, ju lutemi rishikoni rekomandimet specifike të CDC për udhëtarët plotësisht të vaksinuar dhe të pavaksinuar.

Vizitoni faqen COVID-19 të Ambasadës për më shumë informacion mbi COVID-19 dhe kufizimet dhe kushtet e lidhura në Shqipëri.

Bëni më shumë kujdes në:

Fshatin jugor të Lazaratit për shkak të krimit.

Lexoni faqen e informacionit të vendit.

Nëse vendosni të udhëtoni në Shqipëri:

Shihni uebfaqen e Ambasadës së SHBA në lidhje me COVID-19.

Vizitoni faqen e CDC mbi Udhëtimet dhe COVID-19.

Regjistrohuni në Programin e Regjistrimit të Udhëtarëve të Zgjuar (STEP) për të marrë Sinjalizime dhe për ta bërë më të lehtë gjetjen tuaj në rast urgjence.

Ndiqni Departamentin e Shtetit në Facebook dhe Twitter.

Rishikoni Raportin e Krimit dhe Sigurisë për Shqipërinë.

Qytetarët që udhëtojnë jashtc vendit duhet të kenë gjithmonë një plan emergjence për situatat emergjente. Rishikoni Listën e Kontrollit të Udhëtarëve.

Lazarat-Ushtroni Kujdes të Shtuar

Situata e sigurisë në Lazarat mbetet e paqëndrueshme për shkak të krimit dhe dhunës që lidhen me kultivimin e marijuanës. Policia lokale ka aftësi të kufizuar për të mbrojtur dhe ndihmuar udhëtarët.

Qeveria amerikane nuk është në gjendje të ofrojë shërbime emergjente për qytetarët amerikanë në Lazarat pasi punonjësve të qeverisë amerikanë u ndalohet të udhëtojnë atje.

Përditësimi i fundit: Rilidhet me përditësime të informacionit për COVID-19.

(BalkanWeb)

Ish-ministri dhe deputeti i PD, Tritan Shehu ka mbetur i habitur nga paralajmërimi i ambasadës së SHBA se Lazarati ka siguri të paqëndrueshme për shkak të krimit e dhunës prej kultivimit të marijuanës.

Shehu shpreson që ky të jetë lapsus absurd apo hakerim provokativ.

Madje ai i fton që të shkojnë bashkë në Lazarat për të vizituar fshatin e takuar banorët si dhe për të pirë kafe.

Sipas Shehut, komuniteti lazaratas është bartës i vlerave ideale demokratike, europiane dhe miqësisë së thellë me SHBA. Në një lidhje për ”News24”, Shehu pohon se ka qenë vetë disa ditë më parë në Lazarat dhe do të shkojë prap përtej të qenit deputet i zonës, fshati Lazarat për të është shumë i qetë dhe me njerëz të ndershëm.

Ai akuzon qeverinë shqiptare si nxitëse të kësaj shpifjeje për hakmarrje ndaj Lazaratit që përfaqëson vlerat demokratike.

”I sigurt që është shpifje dhe nxitje e qeverisë që do të godasë Lazaratin dhe të hakmerret. Nuk dua të bëj analiza globale të SHBA, jam ndër admiruesit më të mëdhenj të SHBA, nga ndjekësit më të mëdhenj. Unë në Lazarat shkoj vazhdimisht, s’mbaj mend kur isha herën e fundit.

Nesër do të jem sërish në Lazarat. E njoh mirë Lazaratin, Gjirokastrën, Përmetin, Tepelenën, Këlcyrën. Pak ditë më parë kam qenë në Lazarat. E di mirë, unë jam deputet i asaj zone, kanë votuar për mua. Detyra ime është të bashkëjetoj me ta, të përpiqem me ta, ti ndihmoj dhe të mbroj dinjitetin e tyre.”- tha Shehu.

STATUSI NGA TRITAN SHEHU

Po lexoj thellesisht i habitur ne media dhe Web Site e Ambasades se ShBA nje lajm per Lazaratin, ku ai cilesohet si nje zone krimi, e pa sigurte edhe per policine, per shkak te kanabisit.

Kam mbetur “pa fjale” nga ky publikim, qe shpresoj te jete nje lapsus absurd ose ndoshta dhe nje hakerrim provokativ.

Si perfaqesues i atij komuniteti fisnik, puntor e te ndershem, dhe i te gjithe Qarkut te Gjirokastres, desheroj te garantoj cilindo per situaten tejet normale, jashte cdo perfshirje ne krim, te atij fshati ku askush nuk mund te gjeje qofte dhe nje rrenje kanabis.

E bej kete duke e ftuar cdo njerin qe desheron te shkojme se bashku, te vizitojme, te bisedojme me banoret aty dhe pse jo te marrim edhe nje kafe.

Ai komunitet, i persekutuar rende gjate komunizmit, i lene krejt ne harrese e persekutim nga rregjimi i Rames, eshte bartes i vlerave e idealeve demokratike, Europiane dhe te miqesise se thelle me ShBA.

Ky eshte realiterti aty qe nuk mund te tjetersohet as nga keq informimet dashakeqese te Qeverise sone e instrumentave te saj, si pasoje e nje urrejtje patologjike, pikerisht per shpirtin demokrat te lazaratasve.

bw

Ministria e Mbrojtjes jep informacionet më të fundit mbi situatën me zjarret në vend.

Sipas Ministrisë, situata paraqitet problematike në Majën e Rrunës në Kukës, ku po punojnë për shuarjen e flakëve helikopteri holandez dhe 30 trupa të Forcave të Armatosura.

Siç raporton MM, në të gjithë vendin janë 11 vatra aktive zjarri, të cilat nuk paraqesin probleme për zonat e banuara.

Situata e zjarreve datë 24 gusht 2021:

1. Qarku Kukës. Zjarri në Majën e Rrunës, njësia administrative Malzi, bashkia Kukës. Krahas helikopterit holandez ne terren janë edhe 30 trupa te Forcave te Armatosura. Situara paraqitet problematike ne majen e Zeze.

2. Qarku Shkodër: Zjarri në fshatin Flet, njësia administrative Blerim, bashkia Fushë-Arrëz. Po mbahet nen kontroll, nuk paraqet rrezik.

3. Qarku Shkodër: Zjarri në fshatin Srriqe, njësia administrative Qafë-mali, bashkia Fushë-Arrëz, po mbahet nen kontroll nga zjarrfikësit lokale.

4. Qarku Shkodër. Zjarri në vendin e quajtur Qershizë-Fushë Kumulli në Malin e Tërbunit, bashkia Pukë, vazhdon puna per shuarjen e vatrave te vogla.

5. Qarku Vlorë. Zjarri në Malin Çipin të fshatit Mesaplik, njësia administrative Brataj, bashkia Selenicë, po monitorohet nga punonjes te njesise administrative. Nuk ka rrezik per banesat.

6. Qarku Lezhë. Zjarri në fshatin Kodër Thirrë, njësia administrative Fan, bashkia Mirditë. Vijon puna nga zjarrfikësit e bashkise Mirdite ne disa zona te caktuara per ta mbajtur zjarrin nen kontroll. Nuk paraqet rrezik per zona te banuara.

7. Qarku Lezhë. Zjarri në fshatin Domgjon dhe Munellë, njësia administrative Fan, bashkia Mirditë ka intesitet te ulet dhe nuk paraqet rrezik per perhapje dhe zona te banuara. Vatra po mbahet ne monitorim.

8. Qarku Lezhë. Zjarri në fshatin Katund i Vjetër, Malung, njësia administrative Rubik, bashkia Mirditë nuk paraqet rrezik per zone te banuar dhe po mbahet ne monitorim.

9. Qarku Dibër. Zjarri në fshatin Lundre, njësia administrative Ulëz, bashkia Mat. Gjatw mbrëmjes se djeshme zjarri eshte përhapur per shkak te erës. Sot po punon helikopteri holandez, zjarrfikësit e bashkisë dhe punonjësit e sherbimit pyjor. Zjarri nuk paraqet rrezik per banesa.

10. Qarku Dibër. Zjarri në fshatin Kacni (në pjesën fundore të tij në fshatin Balgjaj 1 që kufizohet me Klosin), njësia administrative Selishtë, bashkia Dibër. Vijon djegia e brendshme e vatrave. Po monitorohet nga forcat e bashkise Diber.

11. Qarku Tiranë. Zjarri në fshatin Mengël, njësia administrative Helmës, bashkia Kavajë nuk paraqet rrezik per zona te banuara, megjithatë ne terren krahas 40 trupave te FA, janë angazhuar edhe zjarrfikësit e Kavajes, Rrogozhines dhe Tiranes.

Performanca e Goran Bregoviqit në Korçë më 22 gusht.

Që prej orëve të para të mëngjesit të sotëm është bllokuar rruga në ngjitje drejt Malit të Tomorrit dhe në zbritje nga mali. Rruga ka rreth 6 orë e bllokuar dhe vargu i madh i automjeteve ka ngecur në rrugë.

Të gjitha mjetet që po shkojnë drejt malit, por edhe ato që janë duke zbritur janë bllokuar në këtë aks. Edhe pse rruga që të çon drejt Malit të Tomorrit është rrugë e re dhe e investuar kohët e fundit, ajo është shumë e ngushtë dhe nuk lejon shkëmbimin e dy automjeteve në të. Kjo ka sjellë edhe bllokimin e pelegrinëve në rrugë dhe nuk duhet ende sesa do të zgjasë ky bllokim.

Drejtoria Vendore e Policisë Berat ka shtuar efektivë përgjatë këtij aksi dhe bën me dije se bllokimi i rrugës ka ardhur për shkak të parakalimeve të gabuara të automjeteve, që më pas kanë ngecur e kanë bllokuar të gjithë pelegrinët. Policia e Beratit i bën apel pelegrinëve të mos kryejnë parakalime të gabuara dhe të mos bllokojnë rrugën apo qendrën e Teqesë me parkime, pasi pjerrësia e rrugës e bën të pamundur kthimin pas të mjeteve. Nuk dihet se sa do të zgjasë ky bllokim i mjeteve drejt Malit të Tomorrit, ku vargje kilometrike mjetesh kanë ngecur prej 6 orësh. bw

Kryeredaktori i “Gazetës Shqiptare”, Erl Murati zbulon në rurbikën ‘Opinion’ në News24 se janë 54 mijë afganë që do të evakuohen nga Afganistani dhe do të strehohen në SHBA po vende të tjera.

Ai thotë se për herë të parë është njohur me operacionin amerikan më 23 qershor falë një shkrimi të New York Times.

Murati paralajmëron se jo të 54 mijë afganët do të pranohen nga SHBA dhe ka mundësi që shumë prej tyre të mbeten në vendet tranzit.

‘’ Jam njohur për herë të parë me lajmin në 23 qershor në një shkrim të Neë York Times. Afganë që do të shkonin në vende të treta, 54 mijë persona, 18 mijë punonjës përkthyes, shoferë, kamarierë, ndihmës kamarierë të stafit të dislokuar në Afganistan. Ishin këta bashkë me familjarët. 23 qershor, administrate amerikane dhe Blinken do i drejtohej vendeve të treta për t’i pranuar këta. Nuk përjashtohet që këta 54 mijë të qëndrojnë në vendet e tranzitit, një prej tyre mund të jetë dhe Shqipëria. ‘’- tha Murati.

Për kryeredaktorin, strehimi i afganëve në Shqipëri ka patur një consensus politik, por nuk ka vend për festë teksa dyshon se ka qenë ideja e Edi Ramës për t’i pranuar pasi ka qenë një operacion i menduar i DASH.

“Kemi të bëjmë jo vetëm me një vendim të qeverisë, por dhe konsensus të politikës shqiptare. PS dhe PD janë pro afganëve në Shqipëri. Ngjarje e rrallë, pasi jo shpesh ndodh që palët kryesore në Shqipëri nuk bien dakord për diçka. Kjo është e rrallë ose jo e zakontë.”- tha Murati.

Lëvizja Vetëvendosje, Qendra në Shqipëri ka realizuar sot një aksion simbolik kundër pjesëmarrjes së muzikantit serb, Goran Bregoviq, në Festivalin e Birrës në Korçë, shkruan Gazeta Express.

“Bregoviç ‘dajre’ gjenocidi”, ishte simbolika e këtij aksioni që u mbajt në Bulevardin “Republika”, në Korçë.

Në njoftimin e kësaj partie thuhet se aksioni u organizua në solidaritet me 20 shoqatat e familjeve të personave të zhdukur gjatë gjenocidit që Serbia kreu në Kosovë.

“Qendra e Lëvizjes VETËVENDOSJE! në Shqipëri ka organizuar sot një aksion simbolik ndërgjegjësues në qendër të qytetit të Korçës, duke vendosën një banderolë të gjatë me fjalët “Bregoviç dajre gjenocidi”, në Bulevardin “Republika”. Aksioni u organizua në solidaritet me 20 shoqatat e familjeve të personave të zhdukur gjatë gjenocidit që Serbia kreu në Kosovë, të cilat kanë kërkuar nga Bashkia e Korçës anulimin e ftesës në “Festën e Birrës” të muzikantit të shumëkontestuar, Goran Bregoviç. Aksioni u zhvillua githashtu në mbështetje të bojkotit që shumë artistë shqiptarë nga të gjitha trevat i kanë bërë kësaj feste, pasi Bashkia e Korçës ka refuzuar të anulojë ftesën për Bregoviçin”, thuhet në njoftim.

Njoftimi i plotë:

Bregoviç “dajre” gjenocidi

Qendra e Lëvizjes VETËVENDOSJE! në Shqipëri ka organizuar sot një aksion simbolik ndërgjegjësues në qendër të qytetit të Korçës, duke vendosën një banderolë të gjatë me fjalët “Bregoviç dajre gjenocidi”, në Bulevardin “Republika”. Aksioni u organizua në solidaritet me 20 shoqatat e familjeve të personave të zhdukur gjatë gjenocidit që Serbia kreu në Kosovë, të cilat kanë kërkuar nga Bashkia e Korçës anulimin e ftesës në “Festën e Birrës” të muzikantit të shumëkontestuar, Goran Bregoviç. Aksioni u zhvillua githashtu në mbështetje të bojkotit që shumë artistë shqiptarë nga të gjitha trevat i kanë bërë kësaj feste, pasi Bashkia e Korçës ka refuzuar të anulojë ftesën për Bregoviçin.

Kujtojmë se muzikanti i shumëkontestuar Bregoviç nuk e ngriti kurrë zërin gjatë aparteidit të Milosheviçit në Kosovë, por e gjeti kohën të organizonte një koncert kundër ndërhyrjës së NATO-s në krah të UÇK-së. Për më tepër, shqiptarët e Kosovës, që ishin viktima të gjenocidit të Serbisë, ende e mbajnë mend mirë se si ushtria dhe paramilitarët e Serbisë i kryenin masakrat e tyre ndaj shqiptarëve duke u frymëzuar me këngë të Bregoviçit. Koncerte të tij janë anuluar nga organizatorë edhe në shtete të tjera të botës, pas qëndrimeve të tij lavdëruese për Rusinë në koncertin e mbajtur në Krimenë e pushtuar nga Rusia. Bregoviçi, përmes muzikës dhe qëndrimeve të tij, ka shërbyer e shërben si lëkuara e deles me të cilën mbulohet nacionalizmi shoven serb. Serbia nuk është penduar për krimet e saj, drejtohet nga kriminelë lufte dhe vazhdon të ketë për qëllim ekspansionin e mëtejshëm në rajon me projekte si “Ballkani i Hapur”. Për më keq, Serbia kryen sot e kësaj dite spastrim etnik të shqiptarëve të Luginës së Preshevës.

Nuk mund të jetë rastësi që datat e Festës së Birrës në Beograd përputhen me datat e Festës së Birrës në Korçë (18-22 gusht). Ajo në Beograd u hap mbrëmë nga Bregoviç, ajo në Korçë pritet të mbyllet po nga Bregoviç. Është e vërtetë se jugonostalgjiku Bregoviç ka mbajtur edhe më herët koncert në Shqipëri në vitin 2006, dhe është nderuar nga kryeministri Edi Rama, në atë kohë kryebashkiak, me “Çelsin e Tiranës”. Bregoviç është nderuar me medalje këtë vit edhe nga presidenti i Serbisë, Aleksandar Vuçiç. Mirëpo, prej vitit 2006, vetëdija kombëtare shqiptare është rritur më shumë në popull sesa te pushtetarët e korruptuar të Shqipërisë. Shqiptarët janë shumë më të informuar e të lidhur me njëri-tjetrin.

Si komb, do të ishte hipokrite nëse ndajmë vetëm gëzimet, medalje dhe mirënjohje ndërkombëtare, pa u solidarizuar duke ndarë edhe vuajtjet. Bashkë i ndamë vuajtjet dhe iu gjendëm njëri-tjetrit gjatë luftës në Kosovë, por edhe më vonë pas tërmetit në Shqipëri e tani gjatë zjarreve që shkrumbuan me mijëra hektarë. Ne kërkojmë ndërgjegjësim e bashkëpunim kombëtar në të gjitha fushat, drejt bashkimit.

Korçë, 19 gusht 2021

Lëvizja VETËVENDOSJE!

Qendra në Shqipëri

Shqipëria vijon përgatitjet për strehimin e mijëra afganëve, të cilët kanë punuar për qeverinë amerikane, dhe që ju rrezikohet jeta me marrjen e pushtetit nga talebanët. Pas Tiranës dhe Durrësit, “BalkanWeb” mëson se edhe Bashkia e Beratit po përgatitet për të pritur shtetas afganë.

Më herët, qeveria shqiptare njoftoi se do t’i strehojë afganët në disa struktura hotelerie në Durrës dhe në disa godina të Qytet Studenti në Tiranë, të cilat u liruan dhe u pastruan.

Deri tani nuk ka asnjë informacion se kur do të niset avioni nga Kabuli, për shkak të situatës kaotike të krijuar në aeroport nga talebanët, që po bllokojnë evakuimet, Shqipëria po bën gati vendet, ku do t’i strehojë këta shtetas.

Rreth 1 mijë refugjatë afganë pritet të vijnë brenda kësaj jave në Shqipëri.

Këtë e ka konfirmuar kryeministri Edi Rama në një intervistë të dhënë për një media spanjolle. Sipas kryeministrit, në Shqipëri do të mbërrijnë gazetarë, punonjës social, mësues dhe bashkëpunëtorë të trupave diplomatike amerikane.

Më tej, media spanjolle shkruan se Shqipëria dhe Kosova janë dy vende të vogla në Europë të cilat kanë pranuar të strehojnë refugjatët që largohen nga Afganistani.

Krahas Kosovës dhe Shqipërisë, edhe Maqedonia e Veriut ka pranuar strehimin e afganëve në vendin tonë. Ditën e djeshme, Ministri i Jashtëm i Greqisë, deklaroi se vendi i tij nuk mund të bëhet sërish portë pritëse për refugjatët nga Afganistani.

Kujtojmë se nga momenti në moment pritet që në vendin tonë të mbërrijnë rreth 300 afganët e parë, që do të strehohen në hotele dhe konvikte të Tiranës dhe Durrësit. gsh

TIRANË

Shërbimi Informativ Shtetëror ka publikuar sot raportin mbi situatën me të cilën u përball Shqipëria përgjatë vitit 2020, me në fokus pandeminë e koronavirusit. Në raport, SHISH thekson mes të tjerash se agjentë të huaj kanë shfrytëzuar pandeminë e COVID-19 për të grumbulluar informacione në Shqipëri.

“Aktorët kibernetikë shtetërorë e jo-shtetërorë që veprojnë për llogari të tyre, kanë shfrytëzuar pandeminë e COVID-19 edhe për të grumbulluar inteligjencë, me synim influencimin e opinionit publik sipas interesave të tyre. Shërbimet e inteligjencës së këtyre vendeve u angazhuan në operacione informative, grumbullim informacioni për synime konkurruese gjeostrategjike. Kriminelët kibernetikë dhe shtete ose aktorë kibernetikë të mbështetur nga shtete, përdorën krizën, duke shfrytëzuar frikën e popullatës dhe nevojën për informacion, për të arritur qëllimet e tyre, duke përdorur fushata që lidhen me COVID-19. Puna e shtuar online e institucioneve shtetërore por edhe private, për shkak të situatës, dhe niveli i sigurisë që shpesh është më i ulët për shkak edhe të kohës së vogël në dispozicion për të përforcuar masat mbrojtëse, mundësuan vektorë shtesë sulmesh. Aktorët jo-shtetërorë dhe hakera kriminalë e shfrytëzuan situatën për aktivitete përfitimi”, thuhet në raportin e SHISH.

Më tej, SHISH shprehet se theksi ka qenë te propaganda, për të ulur efektshmërinë e masave anti-Covid, me qëllim për të bërë vendin më vulnerabil, ndërsa kjo strategji po përdoret edhe për vaksinat.

“Situata e COVID-19 u shoqërua me fushata agresive dezinformimi dhe keqinformimi, duke ndikuar negativisht në perceptimin e rrezikshmërisë reale të pandemisë”, thuhet në raportin e SHISH.

Raporti i plotë i SHISH:

“Situata e shkaktuar nga COVID-19 u shoqërua me fushata agresive dezinformimi dhe keqinformimi, të cilat ndikuan negativisht në përgjigjen reaguese dhe perceptimin e publikut mbi rrezikshmërinë reale të pandemisë.

Aktorë shtetërorë jo-perëndimorë dhe ata jo-shtetërorë që veprojnë për llogari të tyre, u angazhuan në fushata dezinformacioni dhe në lidhje me COVID-19, duke rënduar krizën dhe minuar përpjekjet për tejkalimin e saj, përfshi supozime se Perëndimi e ka krijuar virusin, se virusi është një armë biologjike, se BE-ja po dështon në menaxhimin e pandemisë, institucionet euro-atlantike nuk kanë kapacitete reaguese kolektive, se do të shpërbëhen nën këtë presion, etj. Mediat online dhe rrjetet sociale u bënë përcjellëse te publiku i teorive konspirative dhe raportimeve false.

Përveç përdorimit të aseteve të tyre mediatike, apo mediave të financuara e orientuara prej tyre për të drejtuar fushata të shënjestruara dezinformacioni, edhe shpërndarja jo e qëllimtë e informacionit fals dhe teorive konspirative në hapësirën online, ndenja e pasigurisë të publikut dhe nevojës për përgjigje lidhur me COVID-19, i favorizoi për të përhapur narrativat e tyre, propaganduar superioritetin dhe shënjestruar sistemet demokratike si të dështuara.

Në rajon dhe vendin tonë, propaganda dhe dezinformimi përbëjnë një ndër elementët e fushatës hibride që përdorin aktorët jo-perëndimorë në përballjen e tyre gjeopolitike me Perëndimin për arritjen e objektivave strategjike për t’iu kundërvënë dhe penguar proceset integruese euro-atlantike në rajon. Fokusi propagandues në hapësirën online u vu në problematikat historike: keqtrajtimi i supozuar i vendeve të rajonit nga faktori perëndimor, duke pretenduar përdorimin e standardeve të dyfishta kur bëhet fjalë për zgjidhjen e çështjeve specifike në vendet e Ballkanit Perëndimor; hezitimi i supozuar i Perëndimit për të shpejtuar pranimin në BE të vendeve të BP; dobësitë e brendshme, veçanërisht në vendet pro-perëndimore; përshkrimi i faktorit shqiptar në rajon si kërcënim për rajonin dhe rolin e shqiptarëve si nxitës të politikave nacionaliste për të ashtuquajturën “Shqipëria e Madhe”. Paralelisht me objektivin për të penguar integrimin euro-atlantik, kjo propagandë synoi të promovonte imazhin dhe interesat e tyre, të inkurajonte ndjenjat kundër NATO-s dhe të nxiste tensione ndëretnike me qëllim dobësimin e kohezionit në rajon.

Në morinë e teorive konspirative që karakterizuan situatën në shkallë globale, edhe në vendet e rajonit dhe Shqipëri, pati qarkullim të tyre në rrjetet sociale dhe mediat online, të cilat i përcollën në gjuhët vendase. Një numër teorish konspirative janë shpërndarë nga platforma propaganduese, sociale e mediatike, që reflektuan edhe publikimet në kanalet mediatike shtetërore dhe jo-shtetërore të vendeve jo-perëndimore, të regjistruara në këto vende por edhe jashtë tyre, pa lidhje të qarta shtetërore. Shpërndarja e qëllimtë, por edhe për motive klikimi, nga llogari rrjetesh sociale, patën ndikim në perceptimin e publikut, me impakt në ulje të besueshmërisë për masat kundër COVID-19 dhe rrezikshmërinë reale të pandemisë. Hapësira online e vendeve të rajonit, por edhe vendit tonë, u bë shpërndarëse e këtyre narrativave.

Pandemia e shpejtoi përdorimin e diplomacisë agresive për të promovuar superioritetin e sistemeve politike autoritare. Propaganda që shoqëroi dërgesat dhe asistencën prej tyre në muajt e parë të pandemisë u shoqërua me rritje të propagandës dhe si instrument për të dëshmuar superioritet dhe rivalitet me Perëndimin. Narrativat e tyre shpesh konverguan dhe mbështetën reciprocikisht njëra-tjetrën në synimet e tyre gjeostrategjike. Mediat online dhe rrjetet sociale përcollën në gjuhët e rajonit këto narrativa, propagandën për “menaxhimin efikas të pandemisë”, qasjen e tyre humanitare ndaj vendeve të rajonit, me kujdesje të pasqyrimit të tyre si ndihma humanitare ndaj popujve të rajonit, etj. Platformat online kanë luajtur rolin e shumëfishuesve të propagandës e dezinformacionit, duke bërë të mundur ndërlidhjen e audiencës shqipfolëse me operacionet informative.

Objektivat kryesore të operacioneve informative të këtyre aktorëve janë nxitja dhe amplifikimi i ndasive politike, sociale, etnike, fetare; minimi gradual i besimit në proceset, në sistemin demokratik, institucionet kombëtare e ndërkombëtare; përçarja e kohezionit kombëtar dhe midis vendeve anëtare të NATO-s dhe BE-së; manipulimi i perceptimit publik mbi to dhe paraqitja e modeleve të tyre qeverisëse si të suksesshme në menaxhimin e situatës në raport me shtetet perëndimore dhe organizmat ndërkombëtare”, sipas SHISH.

“Situata e shkaktuar nga COVID-19 dhe teoritë konspirative që e shoqëruan atë, luajtën rol edhe në tablonë ekstremiste të dhunshme, të motivuar ideologjikisht, në lulëzim të agjendave populiste e amplifikim të ekstremizmave të tjerë si nacionalist, racor dhe gjinor, të nxitur e mbështetur nga grupime të caktuara, të cilat rritën propagandën për përdorimin e dhunës si mjet për të nxitur ndryshimin që duan të shohin në shoqëri. Propaganda ekstremiste ka ndikuar shpesh në akte dhune ndaj forcave policore, kampeve të refugjatëve, akuza kundër politikave ndaj refugjatëve dhe emigrantëve si shkatërruese të homogjenitetit etnik.

Teoritë e konspiracionit përdoren për këtë synim, edhe për shkak se “janë tërheqëse” për ndjekësit në rrjetet sociale, duke ndikuar në uljen apo dobësimin e perceptimit publik në sistemet demokratike. Lëvizjet populise, por edhe ato civile anti-vaksinë, mund të përdorin situatën për të zgjeruar mbështetësit e tyre dhe për t’u faktorizuar më pas në shoqëri dhe skenën politike, duke çuar përpara agjendat e tyre.

Në vendet perëndimore, situata e COVID-19 u shoqërua me demonstrime të dhunshme ndaj autoriteteve policore e institucioneve shtetërore. Edhe në vendet e rajonit pati thirrje nga elementë e grupime të veçanta për të reflektuar demonstrimet e vendeve evropiane. Nuk përjashtohet manipulimi i mundshëm i tyre nga aktorë jo-perëndimorë për të shkaktuar destabilitet, fenomen i evidentuar në SHBA dhe vendet evropiane.”

(BalkanWeb)

Analisti Genc Burimi i ftuar në rubrikën ‘”Opinion’’ në News24 ka komentuar strehimin e afganëve në Shqipëri duke e cilësuar prerazi si një servilizëm të radhës të Ramës për SHBA.

Burimi thotë se Rama ka marrë gjithmonë për bazë interesat e SHBA dhe asnjëherë të shqiptarëve pasi lufton për karrigen e tij.

‘’Çështë kjo mikpritje? Është servilizmi i radhës i Ramës ndaj SHBA. Rama nuk i pret barku as pë shqiptarët, as për afganët, për asnjë në botë. Do karrigen e tij dhe të vijojë të jetë send i SHBA. Si me armët kimike, Rama ka marrë gjithmonë për bazë interesat e SHBA, asnjëherë të amerikanëve. Me kë tallet ai? Kur e ka zemrën kaq të madhe pse nuk merr njerëz nga Haiti, 1 mijë e 400 viktima aty. Të marrë fëmijën tim në Francë që s’flet shqip e të shkojë në Shqipëri që të flasë shqip. Ky e bën këtë vetëm për komunikim politik.’’- thotë Burimi.

Analisti thekson se afganët tashmë do të derdhen rrugëve të perëndimit dhe këtë duhet ta kishte parandaluar Bidenin teksa paralajmëron se SHBA po hyn në izolacionizëm dhe kjo është e rrezikshme pasi u jep fuqi armiqve islamistë antidemokratikë.

‘’Biden duhet ta kishte evituar, lexoi dje një fjalim në promter. Asnjë lloj shprehje e emocioni në fytyrë. Të largohemi thotë, SHBA po i rikthehet ilozacionizmit. Nuk është puna jonë tha, duhet të largohemi. Është zhgënjyese, krijon frikë, është e rrezikshme. Kjo u jep fuqi armiqve islamistë të demokracisë. ISIS dështoi në Irak e Siri, por po fiton në Afganistan. Kjo është e frikshme. Perëndimi është në krizë. NATO dështoi në Afganistan. Si do i bëjmë ballë ne Kinës dhe Rusisë? Talebanët mund të përdorin një bombë njerëzore, këta njerëz që duan të largojnë afganët do na i sjellin rrugëve të perëndimit.’’- shtoi Burimi.

Për analistin, tashmë imazhi i SHBA është dëmtuar së tepërmi në të dyja anët e botës dhe paralajmëron se edhe shqiptarët duhet të kenë frikë pasi të njëjtëve njerëzve që vepruan me Afganistanin, u kanë këtu besuar Reformën në Drejtësi.

‘’Me Bidenin jemi të habitur nga fjalimi, një cinizëm i paparë. Unë si shqiptar kam frikë, unë them sepse këtyre njerëzve u kemi besuar Reformën në Drejtësi, u kemi besuar ndërtimin e Gjykatave. Kurse ai dje thotë nuk më bëhet vonë për demokracinë afgane.’’- përfundoi analisti. bw