Teatri Kombëtar vendosi të lexojë pjesë nga vepra “Hijet e natës” të Vedat Kokonës dhe “Prefekti” të Besim Levonjës për t’i shfaqur në adresën e tij në “Facebook” me rastin e festave të nëntorit.

Por ndërsa “Hijet e natës” kaloi në heshtje një lumë kritikash e ndoqën leximin e “Prefektit” të Levonjës dhe jo vetëm se në të ironizohet e tallet figura e Qazim Mulletit, por sepse përmes saj, duket se Teatri po rivlerëson tezat e qasjet që kishte teatri gjatë regjimit komunist, luftën e klasave dhe stigmatizimin e banorëve të Tiranës që jo vetëm u dënuan dhe iu morën pronat për t’ia dhënë elitës së re komuniste, por edhe u portretizuan dhe përjetësuan në vepra arti si qesharakë.

Persekutimi komunist në Tiranë u shpalos në një konferencë shkencore të Autoritetit të Dosjeve më 19 nëntor.
Pas njoftimit që publikoi në faqen e vet Teatri Kombëtar, Shoqata “Tirona Intellectum” reagoi ashpër. Kjo e fundit e cilëson edhe më të turpshme që pjesë e këtij produksioni është një aktor nga Tirana duke iu referuar Arben Derhemit.

POSTIMI I PLOTË
Teatri Kombëtar njoftoi shfaqjen sot të komedisë “Prefekti”, një komedi totalisht e politizuar, produkt i sistemit komunist, që denigron ish Prefektin e Tiranës, Qazim Mulletit. Përtej çudisë, indinjatës dhe paradoksit se si mund të rikthehen në skenën e teatrit kombëtar veprat “e sukseshme” të komunizmit, vepra e Besim Levonjës (që për extrem të paradoksit në postim e quajnë dhe “kryevepër”) është një shtrembërim flagrant, malinj dhe i shëmtuar i historisë! Qazim Mulleti ka qenë nga figurat më intelektuale dhe të arsimuara të kohës (i shkolluar në shkollat dhe universitetet prestigjoze në Greqi, Turqi dhe Austri) si dhe protagonistët e politikës shqiptare të asaj kohe! Në vend që histografia post-komuniste të bënte “mea culpa” për denigrimin që i ka bërë kësaj figure, vazhdon përsëri mendësine e një epoke të urryer për shqiptarët, çvarrosjen e një paçavureje pas tre dekadash dhe kthimin në skenë të saj, për më tepër në një ditë simbolike, atë të festës kombëtare! Nga ana tjetër, të shfaqësh këtë palo komedi është të fyesh e të poshtërosh jo vetëm Qazim Mulletin dhe familjen e nderuar Mulleti, por të gjithë komunitetin tironas, të fyesh atë pjesë të shoqërisë që u persekutua egërsisht nga sistemi totalitar! E turpshme për më tepër, që aktori kryesor është një tironas! Shoqata “Tirona Intellectum” dënon me indinjatë këtë gjë dhe njofton që së shpejti do të realizojë një simpozium shkencor për figurën e nderuar të Qazim Mulletit, për ti dhënë atij vendin që i takon në histori, në kuadrin e misionit të saj për rishikimin e historisë dhe figurave patriotike të komunitetit tonë, të denigruar nga histografia komuniste! Jo vetëm kaq, por TI do kërkojë dhe do bëjë përpjekjet për kthimin e eshtrave të Mulletit në atdhe! U kujtofshin gjithnjë me nderim figurat patriotike dhe intelektuale të komunitetit tironas! Rroftë dita kombëtare e Pavarësisë se Shqipërisë!

Deputeti i PD-së Tomorr Alizoti, në intervistë me Skype në emisionin Task Force nga moderatorja Sonila Meço në Syri Tv, foli për deklaratat e deputetit të PS Bujar Çela, që lavdëroi Enver Hoxhën.

Çela theksoi se lavdërimi i Hoxhës është problem madhor i PS, që është edhe partia trashëgimtare e Partisë së Punës, që vendosi totalitarizmin në vend.

“Edhe në Gjermani nuk lejohet që të lavdërohet Hitleri. Enver Hoxha në Shqipëri shfarosi popullin e tij, bëri masakra. Ky është problem madhor i një partie që trashëgon sistemin totalitar. PS a ka një qëndrim mbi të burgosurit politikë, mbi burgun në Spaç? Nëse kanë ndodhur masakra në Aushvic, kanë ndodhur edhe në Shqipëri.

PS duhet të pastrohet. Ajo që ka bërë deputeti socialist është akt i rëndë për shoqërinë. Këtu në Shqipëri, Enver Hoxha vdiq nga mosha, Nexhmije Hoxha vdiq po nga mosha, këtu komandantët e internimeve nuk kanë marrë asnjë dënim, ndërsa komandanti i Aushvicit është varur, ka dallim shumë të madh pra”, deklaroi Alizoti.

Një situatë e vështirë është krijuar mbrëmje ne sotme në Rrugën e Arbrit, e hapur zyrtarisht sot.

Gazetari Enver Doçi raportoi për “BalkanWeb” se sipas informacionit të marrë nga drejtuesit e mjeteve mbi 100 makina janë të bllokuara tek tuneli i Bypass-it në Qafë-Murriz si pasojë e bllokimit nga reshjet e borës, temperaturat e ulëta dhe ngricat në rrugë.

Asnjë ndihmë akoma për qytetarët e mbetur në rrugë dhe nuk shihet asnjë borëpastruese apo punonjës policie për të bërë të mundur lëvizjen e automjeteve.

BERAT

Një skandal i vërtetë është evidentuar në një nga shkollat 9-vjeçare të qytetit të Beratit, në shkollën “22 Tetori”. Prej disa ditësh në këtë shkollë është emëruar mësues për lëndët e “fizikës” dhe “informatikës” 62-vjeçari Ëngjëll Bregu, që rezulton të jetë dënuar për “pedofili” dhe “ngacmim seksual” të fëmijëve në vitin 2003.

Kanë qënë pikërisht prindërit e fëmijëve ata që e kanë shpehur këtë shqetësim për mediat,duke kërkuar largimin e mësuesit nga shkolla,largim që i është kërkuar prej tyre edhe drejtorisë së shkollës,e cila u ka dalë me justifikimin se ai është emëruar nga DAR. Vetë nxënësit e shkollës shprehen se, janë në dijeni të asaj çfarë ka bërë mësuesi në të shkuarën dhe kanë frikë prej tij gjatë zhvillimit të orëve të mësimit, pasi-siç shprehet një vajzë-mësuesi i shikon në një mënyrë ndryshe që i bezdis. Nxënësit deklarojnë se,ai u jep fizikë dhe informatikë dhe se ka mbërritur në shkollë prej disa ditësh.

“Mësuesi na jep fizikë dhe informatikë. Kemi dëgjuar që ka ngacmuar nxënës dhe që është dënuar dhe kemi pak frikë. Ai sesi të shikon në klasë dhe për këtë kemi njoftuar edhe prindërit”-shprehen nxënësit e shkollën 9-vjeçare “22 Tetori”.- shprehen nxënësit.

Pas mbërritjes së mediave jashtë ambjenteve të shkollës, mësohet se drejtoresha i ka kërkuar Bregut të largohej si dhe DAR transferimin e tij në një shkollë tjetër.

Në vitin 2003, kanë qënë disa nxënëse të shkollës 9-vjeçare “Uznovë” në Berat, ato që e kanë denoncuar mësuesin e tyre kujdestar Ëngjëll Bregu se gjatë një ekskuesioni në Bogovë ai i kishte prekur në pjesët intime të trupit.

Nxënëset atëherë e cilësuan mësuesin si maniak, pedofil dhe të rrezikshëm. Mësuesi u arrestua dhe u dënua për “pedofili” dhe “ngacmim seksual” nga Gjykata e Beratit me 7-muaj burg, por gjykata nuk ja hoqi asokohe të drejtën e rikthimit në detyrë edhe pse u kërkua nga prokuroria. Pas kryerjes së dënimit, ai u rikthye në detyrë në vitin 2004 në një shkollë 9-vjeçare në fshatin “Hinkë” më Dimal dhe një muaj më pas u transferua në shkollën 9-vjeçare të fshatit “Çiflik”, po në bashkinë Dimal, për të qënë më afër shtëpisë.

Në 25 Prill 2009 ai është akuzuar sërish nga 13 prindër se ka ngacmuar seksualisht fëmijët e tyre në këtë shkollë. Prindërit dërguan asokohe një peticion në Drejtorinë Arsimore Berat, ku kanë shpjeguar sjelljet jo të hijshme të mësuesit. Prindërit e akuzonin mësuesin Ëngjëll Bregu se vinte i dehur në shkollë, se organizonte ekskursione pa miratimin e drejtorisë së shkollës dhe se i prekte vajzat e mitura në pjesë të ndryshme të trupit. Pas këtij peticioni, DAR Berat e pezulloi atë nga detyra por për shkak se denoncimi nuk u bë në polici, Bregu nuk u arrestua sërish.

Pas 13 vjetësh i larguar nga sistemi arsimor, me një vendim që nuk dihet se nga kush është firmosur, mësuesi Ëngjëll Bregu, u rikthye në arsim dhe prej 1-jave është emëruar në shkollën 9-vjeçare “22 Tetori”, në qendër të qytetit të Beratit.

Për mbledhjen e Kuvendit Kombëtar të Partisë Demokratike më datë 11 dhjetor, janë bërë publik emra të tjerë. Nga zyra e kreut të Këshillit Kombëtar, Sekretari i degës 7, ka deklaruar se 46 nga 86 delegatë të njësisë 7 kanë firmosur për mbajtjen e Kuvendit në 11 dhjetor. Ndërkohë edhe kryesia e degës 9 në Tiranë, ka vendosur në mënyrë unanime që të njohë vetëm Kuvendin e 11 dhjetor.

Edhe këtë të premte janë bërë publik emra të tjerë të delegatëve të cilët kanë firmosur për mbajtjen e Kuvendit Kombëtar të Partisë Demokratikë në datë 11 dhjetor, në ambientet e Pallatit të Kongreseve.

Nga zyra e kreut të këshillit kombëtar, Edi Paloka, Sekretari i degës 7 në Tiranë, Shpëtim Qordja deklaroi se kanë firmosur 46 nga 86 delegatë që ka njësia që ai përfaqëson.

Ndërkohë kryesia e degës 9 në Tiranë, ka vendosur në mënyrë unanime që të njohë vetëm Kuvendin e 11 dhjetor. Në mbledhjen e zhvilluar pasditen e së enjtes, ku morën pjesë 25 anëtarë nga 34 në total, u vlerësua se Kuvendi i 18 dhjetorit është ilegjitim.

Një ditë më parë, kryetarja e LDG-së në njësinë 6, Onelda Zefi, njëkohësisht edhe anëtare e Këshillit Kombëtar u shpreh se 80% e delegatëve të kësaj dege kanë firmosur për mbajtjen e Kuvendit.

Ndërsa sipas sekretarit të degës së njësisë 3 në Tiranë, kanë firmosur 77 delegatëve nga 89 në total. syri.net

Asambleja e Përgjithshme e Frankofonisë, për Europën e mbledhur sot në Tiranë në sesionin e saj të 33-të.

Në këtë mbledhje i ka akorduar akademikut dhe shkrimtarit Ismail Kadare dekoratën e lartë “Grand Chevalier de l’Ordre de la Pléiade de la Francophonie et du dialogue des cultures” (“Kalorës i Madh i Urdhrit të Yllësisë së Frankofonisë dhe dialogut midis kulturave”).

Deklarata e lartë iu dorëzua zonjës Helena Kadare. bw

Një situatë e pazakontë ka ndodhur në selinë e PD-së Fieri. Të deleguarit e Lulzim Bashës kanë uzurpuar selinë e partisë duke ndërruar bravat e derës dhe kanë vendosur kamera sigurie për të mos lejuar futjen në godinë të sekretarit dhe anëtarëve të kryesisë. Veprimi i të deleguarve të Bashës erdhi si shenjë hakmarrje pasi 550 nga 640 delegatë të Fierit kanë firmosur mbledhjen e Kuvendit më 11 dhjetor.

Pas ndryshimeve ekstra statuore duke emëruar drejtuesit e degës, kryetari në detyrë i Partisë Demokratike Lulzim Basha ka bërë hapin e radhës duke uzurpuar zyrtar e PD-s në Fier, duke ndryshuar bravat e dyerve dhe kamerat e sigurisë.

Ka qenë Sekretari organizativ Rrapi Gjika dhe Sekretari i Degës së PD në Fier, Emiljano Mone të cilët kanë zbuluar skandalin. Pasi kanë konstatuar skandalin, dy zyrtarët e degës lokale të Partisë Demokratike në Fier kanë bërë një kallëzim penal në polici dhe prokurori për të gjetur përgjegjësit e uzurpimit të zyrave.

Sipas sekretarit organizativ Rrapi Gjika, i cili foli në një intervistë për Syri Televizion, ngjarja është hakmarrje e Lulzim Bashës pasi 550 nga 640 delegatë të Partisë Demokratike në Fier, kanë firmosur për mbajtjen e kuvendit në 11 dhjetor.

Gjika shkon më tej kur ngre dyshime mbi fatin e dokumentacionit të anëtarëve të partisë demokratike në Fier, të cilat ndodheshin në zyrat, tashmë të uzurpuara me urdhër të Lulzim Bashës.

Rrapi Gjika komentoi dhe zhvillimet brenda partisë demokratike, duke u shprehur se kuvendi i 11 dhjetorit do të jetë kuvend bashkimi për demokratët, ndërsa antikuvendin e datës 18 e quajti si karshillëk që synon përçarjen e partisë.

‘Kjo ka të bëjë edhe me foltoren, pasi nga 640 delegatë që ka dega e Fierit, 550 delegatë kanë firmosur për Kuvendin e datës 11 dhjetor.

Momenti i shkarkimit të Luan Baçit u bë në një moment të papërshtatshëm, për të ju prishur punë degës dhe një sabotim për kuvendin e 11 dhjetorit.

Për Kuvendin e datës 18 dhjetor nuk besoj se do të ketë ndonjë delegat nga Fieri’, ka thënë gjatë intervistës Rrapi Gjika.

Rrapi Gjika deklaroi gjithashtu në SYRI TV, se pas angazhimit në ‘Foltore’ demokratëve të Fierit u është bërë herë pas here presion nga qendra e Partisë në Tiranë. syri.net

Teksa sot pritet miratimi i paketës fiskale dhe buxhetit nen për nen, fermerët po protestojnë para Kuvendit kundër paketës fiskale për Bujqësinë.

Fermerët kundërshtojnë subvencionet dhe planin e qeverisë për bujqësinë. Sipas tyre, buxheti i vitit 2022 për bujqësinë është i pamjaftueshëm, ndërsa ka shkaktuar polemika te palët e përfshira.

“Më djeg shpirti, nuk kam ardhur as për të majtë e as të djathtë, shteti është rregullator. A jemi ne fajtorë? Duhet t’i japim zgjidhje problemit Nuk ka zot nane që të na ndajë, ne do bashkohemi me Berishën!”, tha një fermer.

“Ministrja nuk do të na dëgjojë! Të na barazojë me rajonin, nuk duam gjë tjetër. Përndryshe jemi të mbaruar!” deklaroi një fermer tjetër. syri.net

Në të gjithë Europën, numri i njerëzve të infektuar me variantin ngjitës Delta po rritet dhe shumë qeveri po marrin në konsideratë të vendosin kufizime të reja.

Por kjo valë po prek disa vende shumë më tepër se të tjerat. Nga Ballkani në Rajonin Baltik, janë shfaqur zona të caktuara më të cenuara, që përfshijnë një sërë vendesh me shkallë të ulët vaksinimi.

Në javët e fundit, shkalla e vdekjeve nga Covid-19 ka arritur nivele rekord në Bullgari, Letoni dhe Rumani, sipas ‘The Economist’. Në javën deri më 8 nëntor, në Bullgari u konfirmuan 22.8 vdekje për çdo 1 milion persona.

Në Rumani, kjo shifër ishte 21.8 dhe në Letoni 18.8. Megjithatë, për BE-në në tërësi, ishte vetëm 3.0. Numri i rasteve po bie në ato vende që ishin goditur keq, por tani po rritet në Kroaci, Estoni, Lituani, Slloveni dhe Ukrainë.

Të gjitha vendet që po përjetojnë nivele të larta vdekjesh, kanë mbetur mbrapa në procesin e vaksinimit. Vetëm 23% e bullgarëve dhe 34% e rumunëve janë vaksinuar me dy doza. Në Letoni, kjo përqindje është 57%, por ishte shumë më e ulët një muaj më parë, kur u përhap vala aktuale. Në BE në tërësi, 66% e personave janë vaksinuar me dy doza.

Komisioni Europian publikoi së fundmi një grafik të vendeve të Bashkimit Europian, që tregon se sa më e lartë të jetë norma e vaksinimit, aq më e ulët është norma e vdekjeve. “Njerëzit e vaksinua plotësisht ka më pak të ngjarë që të vdesin nga Covid-19 sesa ata që nuk janë vaksinuar”, thuhet në mesazhin që shoqëron grafikun.

Sipas grafikut, Portugalia, që ka vaksinuar plotësisht 92% të popullsisë së rritur në një periudhë 14 ditore kishte 10 vdekje për 1 milionë banorë. Ndërsa Bullgaria, që është shteti i BE-së me normën më të ulët të vaksinimit me 29% të popullsisë që i ka marrë të dyja dozat, kishte 325 vdekje për 1 milion banorë, shumë më e lartë sesa vendet që kanë vaksinuar më shumë se 70% të popullsisë.

Rumania, që ka vaksinuar plotësisht 43% të popullsisë kishte 267 vdekje për 1 milionë banorë, e dyta me nivelin më të lartë të fataliteteve në BE, pas Bullgarisë.

Mjeku Raed Arafat, i cili po koordinon masat e Rumanisë në luftën kundër Covid-19: spitalet e vendit janë “të tejmbushura”. Rreth 90 pacientë janë evakuuar në Danimarkë, Gjermani, Hungari dhe gjetiu. Ekipet e mjekëve po fluturojnë nga e gjithë Europa për të ndihmuar kolegët e tyre të mbingarkuar, sipas The Economist.

Shqipëria, ndër shtetet me normën më të ulët të vaksinimit në Europë

Të dhëna të tjera të Worldindata, tregojnë se Shqipëria vijon të mbetet një nga shtetet me normën më të ulët të vaksinimit në Europë. Deri në 22 nëntor, rreth 33% ishte plotësisht e vaksinuar dhe 37% kishte marrë të paktën një dozë. Shqipëria është më mirë vetëm se Bosnja, që ka vaksinuar plotësisht 22% të popullsisë dhe Bullgaria (29%).

Kosova, që nisi procesin pas nesh, ka vaksinuar tërësisht 42% të popullsisë. Prej ditësh autoritetet e Kosovës raportojnë një nivel të ulët infektimesh dhe shifra minimale vdekjesh.

Edhe Maqedonia e Veriut, që ishte pas nesh me procesin, i ka dhënë të dyja dozat për 38% të popullsisë.

Serbia, që në fillim të vitit ishte ndër të parat në Europë për nivelin e lartë të vaksinimit, ka mbetur pas, me 45% që ka marrë të dyja dozat. Në këtë mënyrë, Kosova është vendi që ka kaluar në krye për këtë proces në rajon.

I gjithë rajoni ka mbetur shumë pas Europës, që tashmë mesatarisht ka vaksinuar plotësisht më shumë se gjysmën e popullsisë (57%).

Skepticizëm i lartë për tu vaksinuar në Europën Lindore

Shkalla e ulët e vaksinimit nuk është rezultat i mungesës së vaksinave, shkruan The Economist. Vendet e cenuara kanë furnizim të mjaftueshëm, por edhe persona të shumtë që refuzojnë vaksinat. Mosbesimi ndaj qeverisë dhe personelit mjekësor është i lartë. Një studim nga Eurobarometer, i kryer më herët këtë vit, zbuloi se vetëm 22% e bullgarëve dhe kroatëve, 26% e letonezëve dhe 31% e rumunëve, priren t’u besojnë qeverive të tyre. Kur u pyetën nëse i besonin personelit mjekësor, 34% e bullgarëve thanë se nuk i besonin, së bashku me 32% e kroatëve, 31% e letonezëve dhe 40% e rumunëve.

Është ironike që nivelet relativisht të ulëta të infeksionit në verë duket se kanë kontribuar në shkallën e shpërthimeve aktuale. Ata që kishin dyshime për vaksinën nuk u vaksinuan, duke u bërë më të cenueshëm pas përhapjes së variantit Delta. Nga ata që janë tani në spital, thotë doktor Arafat, 92% janë të pavaksinuar. Përqindja e vërtetë mund të jetë më e lartë, pasi një numër i panjohur njerëzish kanë blerë certifikata false vaksinimi. Mjeku e denoncon me zemërim keqinformimin kundër vaksinimit, i cili propagandohet shpesh nga mjekë mashtrues, priftërinj ortodoksë dhe nacionalistë të ekstremit të djathtë, me ndihmën e “Dr. Facebook”.

Inga Springe, gazetare në faqen e lajmeve Re:Baltica, thotë se në Letoni, disa mjekë të shquar kanë dhënë sinjale të paqarta rreth vaksinimit dhe disa politikanë po promovojnë veten nëpër faqet online kundër vaksinimit.

Sipas Oana Popescu, drejtoreshë e GlobalFocus, institut kërkimor rumun, mungesa e entuziazmit të rumunëve për t’u vaksinuar, është rezultat i drejtpërdrejtë i asaj që ata e perceptojnë si neglizhencë nga autoritetet. “Kur qeveria befas duket se po kujdeset për ju për herë të parë në 30 vjet, sigurisht që do të bëheni dyshues!” shpjegon ajo. Mjerisht, nuk janë vetëm rumunët që ndihen kështu./Monitor/

Deputeti i PD, Agron Shehaj ka deklaruar për mediat në përfundim të procesit të verifikimit të firmave të delegatëve të njësive 5 dhe 7 në Tiranë se formularët janë të saktë. 

Ai tha se Kuvendi i 11 dhjetorit është legjitim dhe ai do të marrë pjesë. Shehaj saktësoi se mbi 58% e delegatëve të degës 5 dhe 56% e atyre të degës 7, kanë firmosur për thirrjen e Kuvendit Kombëtar.

Nga verifikimet që ka bërë Agron Shehaj me telefon, ka rezultuar se 98% e delegatëve firmëtarë kanë konfirmuar se kanë plotësuar formularin.

“Më shumë se 56 % e delegatëve të degës 7 dhe 58 % e degës 5 kanë firmosur për Kuvendin në datën 11 dhjetor. Kuvendi i datës 11 është legjitim dhe jam i detyruar të shkoj pasi demoraktët e kanë thirrur dhe unë do shkoj sipas kërkesës së tyre. Kush ka nevojë për të vërtetën të shkojë dhe ti verifikojë. Nuk kam asnjë koment për këto deklarata pasi vendosa të shkoj t’i verifikoj firmat për të parë nëse janë të vërteta dhe ashtu dolën. Secili bën punën e vetë kush do të vërtetën le të vijë dhe të verifikojë firmat siç bëra unë. 98% e delegatëve që kanë firmosur, me të cilët arrita të flisja, konfirmuan që kanë plotësuar formularin”, u shpreh deputeti Agron Shehaj.

Është pushuar çështja ndaj ish-kreut të KED, Ardian Dvorani, për të cilin presidenti Ilir Meta kishte bërë një padi.

Vendimi është marrë sot nga Gjykata e Posaçme ku u shqyrtua kërkesa e SPAK, e cila kërkoi që të pushohej çështja ndaj Dvoranit.

Përveç ish-kreut të KED, i pranishëm në seancë ishte dhe përfaqësuesi ligjor i Presidentit, Bledar Dervishaj. bw

Deputeti socialist, Paulin Sterkaj ka shprehur qëndrimin e tij pro ngritjes së kampit të refugjatëve në vendin tonë, si dhe zbatimin e marrëveshjes me Britaninë e Madhe.

Gjatë fjalës së tij në Komisionin për Sigurinë Kombëtare, Stërkaj ftoi deputetët e opozitës që të jenë më të hapur dhe të mendojnë për financat e vendit, duke shtuar se ‘nuk ka asgjë të keqe me ardh leku në Shqipëri’.

Mes të tjerash ai nënvizoi faktin se kjo marrëveshje nuk ka arsye pse ta shqetësojë Shqipërinë për sa kohë siguria kombëtare nuk cenohet.

Ndër të tjera Stërkaj tha se politika duhet të jetë më e hapur dhe të kujtojë kohën kur Shqipëria ishte në tranzicion dhe kishte marrë rrugën e emigrimit, me anije.

“Unë nuk dua të hyj në thelb të ligjit, por në thelb të gjësë. Ju thatë që jemi dakord me i pritur. Ne jemi një popull që në bazë të statistikave gjysma jemi në emigracion, gjysma jemi këtu. Ata që kanë ikur nga Shqipëria pse të mos kthehen përderisa kostot i përballon Britania. Ky vendi i jonë problem ka financa, dhe jo mend. Ne kemi harruar që kemi pushtuar brigjet e porteve të komshinjve tanë me superngarkesë. Kanë mbushur stadiumet me ne dhe jemi trajtuar. Problemin më të madh Shqipëria ka financën. Nuk duhet me harruar sa kohë kemi që kemi ikur si refugjatë në gjithë Europën Europë. Një ndër janë dhe unë. Kur unë kam kuptuar që duhet të vijë në Shqipëri, kam marrë teshat dhe kam ardhur. Sot kam takuar 3 dhe thoshin; ‘jemi pa bukë’.

Ne duhet të shohim mundësinë që të ketë institucione që të jenë nën kontroll. Në këtë pikë bashkohem me ju. Por jo ne të mos pranojmë një kontratë tip apo marrëveshje tip. Po me qenë në pozitë ju do të kishit një mendim tjetër, do të ishit në favor tjetër. Do ia kalonit dhe zëvendësministrit. Kështu që bëhuni më të hapur. Ju e dini mirë çfarë ndodhi me NATO-n. Ju thoni kemi liberalizuar vizat. Di që ka njerëz që kanë shitur shtëpitë e lopët për të shkuar refugjatë në Gjermani. Ka qenë propagandë e fuqishme e juaja. Ju duhet të dini që nuk bëni pak propagandë te ata që ju kanë votuar. Kanë ikur për jetë më të mirë. Edhe ata që ndodhen në Britani, apo Skoci, kanë ikur për një jetë më të mirë. Nuk plotësojnë kushtet sepse mund të jenë një pjesë spekulantë dhe i kanë kthyer. Deputetët tuaj haptas kanë propaganduar se do merrni dokumente në Itali dhe Francë. Unë thërras që ne nga kjo marrëveshje nuk na vjen asgjë e keqe. Imagjinoni ça gjykoni ju që; ‘po vijnë ata dhe po bëjnë një kamp në Shqipëri dhe po fiton lekë ai’. Po me ardhur leku në Shqipëri çfarë të keqe ka?

Vjen një person me 100 mijë paund. Kosto minimumit jetik në Shqipëri për një person është 500 paund. Kemi kohë me e mbajt 20 vite në Shqipëri pa asnjë lloj problemi. Ju e dini se çfarë njerëzish kemi në Britaninë e Madhe, Skoci, Irlandë?! Shqiptarët që jetojnë në Angli nuk i ka luajtur kush. Ka dhe me dy emra, një shqiptar dhe një kosovar. Kjo marrëveshje nuk na shqetëson hiç. Por na hap mundësinë me komunikuar edhe Britaninë e Madhe, edhe pse ka dalë nga BE. Ata kanë menduar për të dhënë atë që na cënon më shumë, financa. Siguria kombëtare cenohet kur nuk ke mundësi financiare me i mbajtur. I kam takuar. Ai mund të jetë edhe shqiptar dhe bën me u duk një fije si kaçurrel dhe të zi. Ferdinand, s’mundesh me më miklu! Unë jam deputet i mazhorancës dhe do mbrojë edhe të drejtën. Duhet me ndjek interesat e publikut. Unë shpesh herë kam dalë kundra qeverisë. Kjo marrëveshje nuk i bën asgjë të keqe vendit tonë. Vetëm se na rrit mundësinë me qenë pak më human”, -tha deputeti socialist.

Kujtojmë se ministri i Drejtësisë, Ulsi Manja tha se nuk bëhet fjalë për një kamp azilantësh, por për një marrëveshje me Britaninë e Madhe për të dënuarit, për procedurat e ekstradimeve.

Për herë të parë, Faktoje ka mbledhur dhe analizuar të gjitha vendimet e Këshillit të Ministrave për Rindërtimin, të cilat mund t’i gjeni në databazën interaktive https://faktoje.al/data/.

Qeveria Shqiptare në vitin 2020 ka alokuar 78, 471 miliardë lekë, duke e tejkaluar buxhetin me 46.5 miliardë lekë (ose rreth 381 milionë euro). Këto fonde u alokuan me vendime të Këshillit të Ministrave, për banesa individuale dhe kolektive, shkolla dhe infrastrukturë publike etj.

Edhe përgjatë vitit 2021 qeveria shqiptare vijoi të alokonte disa VKM të reja duke e çuar vlerën totale të investimeve për rindërtimin në 99.666 miliardë lekë kundrejt  buxhetit te miratuar prej 66 miliard lekë.

Sipas kësaj analize rezulton se sot shteti shqiptar ka miratuar një fond prej 33.7 miliardë lekë (ose rreth 276 milion euro) të  pambështetur me fonde buxhetore që rrezikojnë të kthehen në një borxh të fshehur dhe të ndikojnë drejtpërsëdrejti në kapjen e afatave të rindërtim dhe krijimin e detyrimeve të prapambetura.

Qeveria shqiptare u angazhua që fondet e rindërtimit do të zbatoheshin “sipas parashikimeve të legjislacionit në fuqi për menaxhimin e sistemit buxhetor dhe ligjit përkatës për buxhetin vjetor”. Nga analiza e Vendimeve te Këshillit të Ministrave që alokojnë fondet për rindërtimin dhe mundësojnë firmosjen e kontratave dhe fillimin e punimeve rezulton se, vlera e alokuar ka qenë që prej vitit 2020 në tejkalim të buxhetit vjetor dhe atij 3-vjeçar të miratuar nga Kuvendi i Shqipërisë, duke ndërmarrë kështu një faturë që nuk reflektohet në treguesit fiskalë.

Fondi i rindërtimit është parashikuar në ligjin nr. 88/2019 “Për buxhetin e vitit 2020”, ku në nenin 7 është përcaktuar fillimisht shuma prej 20 miliardë lekë, kompetenca e Këshillit të Ministrave  për: mënyrën e përdorimit, programet buxhetore ku do alokohet fondi dhe institucionet zbatuese; si dhe trashëgimi në vitin pasardhës i fondeve të pashpenzuara dhe përdorimi për të njëjtin qëllim.

Me aktin normativ nr. 28 datë 02.07.2020, është ndryshuar vlera e fondit të rindërtimit duke e përcaktuar në shumën 34 miliardë lekë, ndarë në shumën 3 miliardë lekë grante dhe shpenzime të buxhetit të shtetit 31 miliardë lekë, me një rritje 14 miliardë lekë në total.

Me Aktin normativ nr. 34 datë 16.12.2020, është ndryshuar vlera e fondit të rindërtimit duke e përcaktuar në shumën 32 miliardë lekë, ndarë në shumën 3 miliardë lekë grante dhe shpenzime të buxhetit të shtetit 29 miliardë lekë, me një ulje 2 miliard lekë në total reflektuar në shpenzimet e buxhetit të shtetit.

Prokuroria e Posaçme kërkon pushimin e çështjes në lidhje me padinë që presidenti Ilir Meta bëri kundër Ardian Dvoranit, ish-kreu i KED-së.

Sekretarja e degës lokale të PD në Sarandë, Matilda Qurku gjatë një interviste të dhënë për SYRI TV është shprehur se gati 90 % e delegatëve të Sarandës do të marrin pjesë në Kuvendin Kombëtar të 11 dhjetorit.

‘Nga 140 delegatë që ka dega e Sarandës, kanë firmosur 100 delegatë. 20 prej tyre janë në emigracion. 20 prej të tjerëve, 13 ishin në atë mbledhjen dhe disa të tjerë janë vënë nën presion dhe dorëzuar.

Të vish nga Saranda në Tiranë, për të protestuar, është një torturë e vërtetë. Dhe mundi i tyre nuk duhet të shkojë kot. Sot dega e Sarandës nuk ka as kryetar dhe as sekretar. Kush do ti mbrojë ata demokratë të Sarandës, kush do ti mbështesë ata? Deputeti? Ai vjen vetëm për fushatë. Sot ne nuk kemi asnjë deputet që jeton në Sarandë’, tha Qurku në SYRI TV.

Duke folur përballë moderatores Megi Fagu, Qurku është shprehur se ajo vazhdon të mbajë detyrën që i kanë dhënë demokratët e Sarandës, duke deklaruar se nuk ka asnjë mbledhje kryesie të PD-së që ta ketë shkarkuar.

‘Unë nuk e lë detyrën, unë do të jem aty deri sa të mblidhet kryesia e PDSH-së. Nëse do të më largojnë të më thonë arsyet.

Kam pasur komunikim me Bashën, kur erdhi si një nga kandidatët për kryetarë të PD-së. Kam pasur komunikim të vazhdueshëm me deputeten e zonës, që para 3 javësh ishim në terren. Unë kam qenë në detyrë, deri në momentin kur erdhi ‘Foltorja’.

Unë jam ende në detyrë, pasi nuk ka një mbledhje kryesie të PD-së që të ketë në rendin e ditës një shkarkim të sekretares së Sarandës. E kam kërkuar që dje shkresën për largimin tim nga detyra, por nuk më ka dhënë askush’, theksoi gjatë intervistës në SYRI TV, Sekretarja e degës lokale të PD në Sarandë, Matilda Qurku.

Deputeti dhe kryetari i degës së PD në Fier, Luan Baçi ka publikuar fotot me delegatët e Cakranit. 

Baçi sfidon Lulzim Bashën dhe mbështetësit e tij që t’i kontaktojnë personat që janë në foto, delegatët dhe t’i konfirmojnë nëse janë ata që kanë firmosur për Kuvendin Kombëtar të 11 dhjetorit apo jo.

“Me delegatet e Cakranit! Gati per ne 11 Dhjetor! Mund t’i kontaktoni nje per nje dhe ti konfirmoni! Respekt pa fund, per sakrificat e tyre, per kontributin e tyre, mirenjohje pa fund, per ju miqte e mi! Krenar per ju!”, shkruan Luan Baçi në Facebook.

Mbrëmjen e djeshme gjatë një interviste për “Zërin e Amerikës”, Lulzim Basha lëshoi akuza të forta ndaj “shtetasit Ilir Meta”, siç edhe e quajti duke u përpjekur që ta ndajë nga presidenca.

Sipas kreut aktual të PD-së, Meta gjatë 2 javëve të fundit të fushatës zgjedhore ka qenë ndihma kryesore e Edi Ramës, gjë që çoi edhe në humbjen e zgjedhjeve të 25 prillit nga ana e opozitës.

Mëngjesin e kësaj të shtune, presidenti i është kundërpërgjigjur ashpër Bashës nëpërmjet zëdhënësit të tij, Tedi Blushi, i cili e ka quajtur “kryetar kukull”.

Gjithashtu ai i kujton Bashës padronin e vërtetë që e urdhëron si “katërkëndëshin” e dështimeve të tij të cilat janë edhe arsyeja madhore, se përse Edi Rama dhe krimi i organizuar ka kapur shtetin e gëzon edhe mandatin e tretë.

Reagimi i plotë i presidentit

Përsëri Kryetari kukull, me porosi të padronit të tij, në shëtitjet mediatike të komisionuara, u përpoq të provokonte Presidentin e Republikës Sh.T.Z Ilir Meta për të shfajësuar vetveten nga të gjitha greminat drejt të cilave e çoi opozitën nga 17 maj 2017 deri më 25 prill 2021.

Si Kontribuesi kryesor i Rilindjes, me KATËRKËNDËSHIN e përgjegjësive të Tij madhore:

1. Bojkoti i reformës administrative-territoriale;

2. Bojkoti i reformës në drejtësi;

3. Djegia e mandateve të deputetëve;

4. Zerimi i opozitës në pushtetin vendor;

që sollën kapjen totale të shtetit, tashmë i vendosur të bojkotojë edhe Kuvendin e demokratëve nga pamundësia e ballafaqimit me ta, kërkon shpëtim duke kërkuar në mënyrë të mjerë të spostojë vëmendjen nga një tjetër krizë shumë e rëndë, ku e ka zhytur sërish opozitën.

Hipokriti, që gjoja do përmbyste me dhunë regjimin në mitingun e 8 qershorit 2019, iu lut në gjunjë dhe me lot në sy Presidentit Meta, në Gjermani, për t’i anulluar zgjedhjet vendore se nuk i kontrollonte dot më njerezit dhe se mund të kishte gjakderdhje.

Presidenti Meta në vlerësim të interesit publik dhe për të shmangur çdo përplasje, mori një vendim shumë të vështirë, për shfuqizimin e datës dhe për t’i dhënë mundësinë opozitës të përfshihej në një datë tjetër.

Por Hipokriti, që paska qenë në krah të Presidentit të Republikës, as nuk denjoi të regjistrojë PD në KQZ për zgjedhjet e 13 tetorit 2019, sepse kështu i interesonte Rilindjes, për t’i thënë botës, që Presidenti ia fut kot se PD nuk do zgjedhje.

Kryetari, kukull ka qenë, është dhe do të mbetet i tillë, deri në fund, dhe asnjë spërdredhje, pazar apo mashtrim nuk ja ndryshon dot fundin e paracaktuar si çdo kukulle në politikë.

Vrasja e 8-vjeçarit Mateo, nga fqinji Klodian Çalamani padyshim që ka tronditur mbarë opinionin shqiptar.

Të shumtë kanë qenë qytetarët që iu bashkuan familjes së vogëlushit ditën e djeshme në ambientet e Gjykatës së Fierit, ku pritej të vinte vrasësi. Mirëpo, ai nuk erdhi dhe vendimi ndaj tij, si rrallë herë, u dha në mungesë. Sakaq, mbrëmjen e kësaj të premteje, qytetarë të Tiranës kanë ndezur qirinj në shkallët e kryeministrisë.

Në fotot e shkrepura nga LSA, shihet se si në krye qëndron portreti i të miturit dhe anash saj, qirinj të shumtë. Një pankartë aty pranë portretit ka të stampuara fjalët prekëse: “Mos më vrit, nuk dua të bëhem Engjëll”. Familjarët dhe qytetarët kanë kërkuar dënimin me varje ose vrasje për autorin e këtij krimi të rëndë, por ky akt bie ndesh me Konventën Evropiane të të Drejtave të Njeriut, e kësisoj nuk mund të realizohet.

Kryeministri Rama, në reagimin e tij mbi këtë rast, ka kërkuar nga organet e drejtësisë që të bëjnë punën dhe të dënojnë maksimalisht Çalamanin. Ai kërkoi që strukturat të angazhohen në mënyrë që raste të tilla të mos përsëriten më në të ardhmen.

Pasi hedh akuza se në ‘Foltore’ janë bërë pjesë ish-zyrtarë dhe njerëz të inkriminuar, Lulzim Basha thotë se do të zbatojë kërkesën e Edi Ramës, përjashtimin e Sali Berishës nga PD.

Gjatë një interviste për OraNews, Basha është shprehur se në 18 dhjetor do ti jepet fund pushtimit të PD-së, duke larguar të gjithë uzurpatorët.

‘Beteja bëhet në emër të të ardhmes së Shqipërisë. Minimumi i minimumit është që ata që demokratët i kanë pasur përballë, të mos kenë guximin të mos afrohen as 1 kilometër në selinë e PD dhe vendit ku do të mbahet Kuvendi i PD.

Ndaj për këtë do të përgjigjem qartë; nuk ka asnjë shans që ata, që një pjesë e kemi nxjerrë nga zyrat e shtetit me ligjin e dekriminalizimin dhe pjesën tjetër do ti nxjerrim nga zyrat bashkë me Edi Ramën, të vijnë dhe uzurpojnë PD.

18 dhjetori është dita e PD-së është dita e dhënies fund të tollovisë për interesa personale të Sali Berishës, e përgjigjes së merituar për Aqif Rakipët, Tom Doshët e Suel Çelajt, që pasi kanë kapur Ramën, mendojnë se do kapin dhe PD’, tha kreu aktual i PD-së, Lulzim Basha.

“Vendos shumica, jo vula, as karriget, as zyra. Nëse duan Lulzim Bashën le të vazhdojë të jetë kryetar dhe të na prijë që të rrëzojmë Edi Ramën. Nëse nuk e duan Lulzim Bashën ai të hapë rrugën nëse do PD-në”. 

Kështu u shpreh kryetari i Këshillit Kombëtar të PD, Edi Paloka në një lidhe Skype me studion e Syri Tv me moderatoren, Juli Krisafi, duke komentuar situatën brenda PD.

Paloka tha se Lulzim Basha duhet të votohet në anëtarësi dhe nëse ka shumicën me vete, atëherë le të prijë demokratët në përballjen me qeverinë. Në të kundërt, shtoi Paloka, kryetari aktual i PD duhet të hapë rrugën.

Pjesw nga intervista 

Juli Krisafi: Keni bërë një propozim si zgjidhet ngërcci për firmat ku secila palë të dërgojë përfaqësuesit për verifikimin e firmave…
Edi Paloka: Njëra palë pretendonte se nuk ekzstojnë formularët që nuk janë mbledhur. Pala tjetër nuk kishte besim që këto formularë t’ia dorëzonte palës që për fat të keq e quan kundërshtare brenda PD. Statuti për fat të keq nuk përcakton asgjë, nuk ka asgjë procedurë që të përcaktohet në statut apo rreugllorë se si procedohet në raste të tilla. 1/4 e delegatëve mbledh Kuvendin por nuk thuhet askund se si mblidhen firmat, ku dorëzohen firmat, kush i verifikon, verifikohen apo jo para se të shkohet në Kuvend. Dhe kjo solli ngërçin me të cilin u përballëm. Për të shuar mosbesimin mes dy palëve, i propozova palës që ka mbledhur firmat, u thash arrijmë të zgjidhim diçka nëse ju me përfaqësuesit tuaj dhe pala tjetër me përfaqësuesit e vet ulen në zyrën time dhe të verifikojnë. E para, nëse janë 4200 firma.

E dyta, këta që kanë firmosur a janë delegatë. Merret në telefon, zotëri kemi në dorë një formular me firmën tuaj, e keni firmosur apo jo. Dy palët mund të uleshin bashkë dhe të verifikonin çdo formular dhe delegat. Kur unë propozova këtë, njëra prej palëve propozon një Kuvend tjetër, në një datë tjetër. U hodhën poshtë të gjitha pretendimet e deriatëhershme. U tha fillimisht se nuk do të ketë Kuvend, jo nuk ka firma, jo të falsifikuara, jo procedura, në fund fare u pranua Kuvendi, por jo në datë 11, kur e kërkonin 4200 delegatët, por në datë 18. Pse të mos pranohej dhe të zhvillohej ky Kuvend në datën 11 dhe aty të debatonim, të merrnim vendime dhe shumica të vendoste. Kush ka shumicën vendos, e ka vendosur demokracia dhe përvoja qindra vjeçare e demokracisë. Nëse shumica e delegatëve ka një qëndrim ai është qëndrimi i PD. Nuk mundet pakica të vendosë mbi shumicën edhe nëse sot ka karrige, zyra, apo vulë në atë që është thjesht selia e PD.

Juli Krisafi: A është prologu i ndarjes së PD në dy parti?
Edi Paloka: Unë kam ende një shpresë të vakët, që po shuhet, do të dëshiroja që të mos kishte asnjë çarje mes demokratëve, por mesa duket jo të dyja palët e mendojnë këtë. Kur unë dëgjova në mbledhje Kryesie dy nënkryetarë partie që thanë në fund të fundit le të shkatërrohet PD, le të përçahet, të përçahet për çfarë? Që ato dy nënkryetarët dhe të tjerët aty të ndajnë ndonjë karrige që nuk i hyn në punë askujt? Pse duhet të pranojmë shkatërrimin e PD? Të flasësh për shkatërrim të PD me normalitet dhe qetësi, është më shumë se skandal. Kur ka njerëz që drejtojnë PD dhe mendojnë këtë mua më bën pesimist në aspektin e përçajes dhe divergjencave që do të ketë. Në këto kushte është e domosdosme që t’i japim fund kësaj historie sa më shpejt. Shumica të vendosë qoftë edhe për kryetarin se kush do të jetë, Lulzim Basha apo dikush tjetër. Këtë e vendos shumica, jo vula, as karriget, as zyra. Nëse duan Lulzim Bashën le të vazhdojë të jetë kryetar dhe të na prijë që të rrëzojmë Edi Ramën. Nëse nuk e duan Lulzim Bashën ai të hapë rrugën nëse do PD-në. Nëse kjo luftë bëhet që 3-4 veta të mbajnë ca karrige boshe, se s’kanë asnjë vlerë, kujt i duhet karrigia në opozitë qoftë edhe si nënkryetar, sekretar i një partie që mund të përfundojë me 5% në zgjedhjet që po vijnë. Pra, unë uroj që të mos shkojmë në këtë pikë. Nuk besoj se ka demokratë që do ta dëshironin këtë situatë. Edhe njëherë e them, le të vendosë shumica dhe të gjithë bashkë le të shkojmë pas atij që shumica do të vendosë.

Kryetari i FRPD-së Belind Këlliçi, në intervistë me moderatoren Armela Ferko në Syri Tv, foli për Kuvendin e PD të thirrur nga Sali Berisha më 11 dhjetor dhe atë të thirrur nga Basha.

Këlliçi thekson se askush nuk do e ndalojë dot Kuvendin e datës 11 dhjetor, duke shtuar se Lulzim Basha ka thirrur antiKuvend.

‘Askush nuk e ndalon dot Kuvendin e datës 11 dhjetor. Janë 4 200 delegatë, janë dorëzuar të gjitha formularët, në zbatim të statutit, të Këshillit Kombëtar të PD dhe Paloka është garantues i palëve.

Kuvendi i datës 11 është për bashkim, kurse ai i thirrur nga Basha është antiKuvend. Paloka ka bërë transparencë për firmat. Ka folur sovrani e këtu mbaron gjithçka.

Basha ka pasur mundësi që ta organizojë vetë i pari Kuvendin, gjë që nuk e ka bërë.

Gjithë fokusi është që të ndalet përçarja e PD, nuk kemi sot luksin që të humbim qoftë edhe një simpantizant të Partisë Demokratike. Ka pasur njerëz që janë arrestuar në protesta për të sjellë Bashën kryeministër dhe këta janë trupa më e rëndësishme.

Kryetari nuk qëndron më lart në PD, se partia ka institucione. Kryetari i Këshillit Kombëtar është mbi palët dhe është në të njëjtin kah me Bashën dhe po thotë hajdeni bujrum.

Basha ka konsumuar çdo aksion për të sjellë PD në pushtet, nën lidershipin e tij, Partia Demokratike ka djegur mandatet. Basha përdori çdo formë dhe nuk ia doli ta rrëzojë Ramën, andaj nuk ka çfarë të bëjë më’, u shpreh Këlliçi.

Debate të forta në mbledhjen e Lulzim Bashës me kolegjin e kryetarëve. 

Burime për Syri.net bëjnë të ditur se shumica dërrmuese e kryetarëve të degëve i kërkojnë Lulzim Bashës që të mos përçajë PD-në.

Ata janë shprehur kundër deklaratave të tij lidhur me Kuvendin Kombëtar të 11 dhjetorit, të cilin Basha e quan miting të Sali Berishës, ndërsa sot paralajmëroi me përjashtim nga PD të kujtdo që do të krijojë institucione paralele, siç u shpreh Basha, nga ky Kuvend.

Nga ana tjetër, kryetari aktual i PD ka insistuar se mbledhja e Kuvendit Kombëtar do të zhvillohet në 18 dhjetor me një rend dite krejt ndryshe nga ai i datës 11.

Pas debateva të ashpra në kryesinë e Partisë Demokratike ku akuzoi Lulzim Bashën dhe grupin e tij se po e çojnë partinë drejt përçarjes, deputeti Tomor Alizoti ka mbajtur një fjalim të fortë në Kuvend, ku deklaroi se shumica e kolegëve të tij nga e majta dhe nga e djathta, nuk i njohin idetë dhe konceptet bazë të partive që përfaqësojnë.

Alizoti tha se teza e PPP-ve që mbrohet me forcë nga të majtët, në fakt është një tezë e djathtë. Ai kritikoi dhe Lulzim Bashën, që sipas tij së bashku me Ramën dhe të gjithë ministrat duhet të ishin të pranishëm në Kuvend, dhe të mos ishin duke i ndjekur diskutimet për buxhetin me ndonjë gotë vere të shtrenjtë para duarve.

Sipas Alizotit, elita shqiptare është pasuruar, ndërkohë që populli është duke u zhytur gjithnjë e më shumë në varfëri dhe standard të ulët jetese. Deputeti tha më tej se ka kohë që Kuvendi është kthyer në banalitet dhe lincim personal, dhe mungojnë debatet që kanë në bazë politikën. Alizoti nuk la pa përmendur dhe pritshmëritë e mëdha që ka politika shqiptare nga SHBA-të, që sipas tij shumë shpejt nuk do të kenë fokus rajonin e Ballkanit, për shkak të tensionit të hapur në detin e Kinës.

“A është politika juaj e buxhetit e majtë? Kam përshtypjen që pa fyer kolegët, gjysma e kolegëve që kanë ardhur këtu me biletë, kanë paguar pare për të adhur këtu, duke blerë nuk i kuptojnë fare këto teori. PPP që bëni ju nuk janë të majta, jeni për një shtet të vogël dhe një treg të lirë, apo jeni për shtet të madh dhe qeveri të majtë. Këtu nuk ka artikulim dhe fjalime politike, kryeministri nuk është në sallë kur diskutohet buxheti, por duhet të ishte këtu dhe kryetari i opozitës.

Gjysma e ministrave nuk janë këtu në sallë, koha zgjatet ndërmjet një teatri, se kush është çun më i mirë dhe kush bën gallatë më shumë, politika nuk është gallatë, se jemi populli më i varfër në rajon, kështu ka qenë në të gjitha kohërat, ama ka një ndryshim, elita shqiptare sot është më e pasura. Janë të pasur pa ditur asgjë, më vjen keq që e them këtë gjë, mos e merrni për arrogancë, por kemi injorancë në parlament, ndaj është linçim e gjithë politika.

Kryeministri dhe lideri juaj, që ju keni frikë ta kundërshtoni, një pjesë e mirë i servilosen që të kapen ndonjë post, duhet ta mbash mirë me kryeministrin, dhe nga pala jonë me kryetarin që të bëhesh deputet. Ky është realiteti i hidhur i Kuvendit tonë. Do vijë ai Kanti (Rama) më vonë, meqë jemi këtu dhe ka pak veta që dëgjojnë, se të tjerët janë në shtëpi, ose duke pirë ndonjë verë të shtrenjtë, uroj që shqiptarët të revoltohen dhe të kërkojnë të drejtat e tyre.

Aleati ynë i madh shumë shpejt do të shkëputen në detin kinez, e kështu që amerikanët mund të largohen nga Ballkani, ne duhet të mendojmë për një ekonomi cilësore, dhe për një parlament cilësor. Njeriu është vepra e tij thotë Sartri, më vjen keq por vepra e këtij parlamenti është banaliteti, çfarë koncepti keni ju për zhvillimin si të majtë. Çfarë teze keni ju për të zhvilluar ekonominë?

Politika në të gjithë botën zhvillohet në ekonomi, ju çfarë teze keni, PPP-të janë të majta? Jo nuk janë të majta. Pse jeni socialistë ju? Nuk je socialist se ke pasur babanë oficer në partinë e punës, unë e di që Parlamenti është bërë një garë vjershash, kohën do ta marrin liderat botërorë që flasin për njëri tjetrin, do të vazhdojnë lincimin personal, dhe ju e keni parë dhe e dini se sa e shëmtuar është kjo. Meqë kryeministri ka qejf Kantin, po i them që dinjiteti i njeriut është i paprekshëm”, u shpreh Alizoti.

Deputeti i Partisë Demokratike, Tomor Alizoti ka shpërthyer në fjalën e tij kur tha se në Kuvendin e Shqipërisë janë mbledhur ‘injorant’ dhe se politika po kthehet në gallatë dhe linçim.

Alizoti vuri në dukje se salla e Kuvendit ishte pothuajse bosh teksa ai fliste, ndërkohë që tema kryesore që po diskutohet, buxheti i shtetit për vitin 2022 ka një rëndësi shumë të madhe.

Sipas tij, në sallën e Kuvendit ka deputetë që servilosen tek lideri i partisë për një post, ndërsa tha se pasuria e politikanëve shqiptarë sot sfidon edhe pasurinë e elitës së perandorive të botës.

‘Buxheti është elementi më i rëndësishëm i një shteti, kryeministri s’është në sallë por duhet të ishte dhe kryetari i opozitës. Shqipëria sot ka një elitë shumë më të pasur se në gjithë kohërat e saj, elita politike shqiptare sot mund të sfidojë dhe elitën e perandorive të botës dhe të Amerikës, aq e pasur është, aq e pasur pa ditur gjë pa bërë fjalime politike.

Kemi injorancë në parlament, më vjen keq që e them këtë, kemi banalitet ndaj politika shqiptare është lincim, fyerje e gjitha.

Kryeministri dhe lideri juaj që ju keni frikë ta kundërshtoni, një pjesë e madhe i serviloset që të kapë ndonjë post. E dini kur ka vdekur parlamentarizmi? Kur listat për deputet i bën kryetari i partisë.

Duhet ta mbash mirë me kryeministrin edhe atje nga pala jonë që të bëhesh deputet dhe kur vjen këtu s’di ca thua.

Do thuash ky është burrë i mirë e ky është burrë i keq e në fund mund të bësh edhe pak grusht. Ky s’është parlament, kjo është realitet i hidhur i vendit, shoqërisë.

Meqë mendimtarët e mëdhenj janë në shpi ose po pinë ndonjë verë të shtrenjtë kjo është fatkeqësia e shqiptarëve, nga politika s’ka për ti ardhur gjë por shpresoj që ata njerëz që na shohin në tv të revoltohen në mënyrë demokratike dhe të kërkojnë të drejtat e tyre’, tha Alizoti.

Deputetja demokrate Flutura Açka është distancuar nga ofendimet e përdorura prej kryeministrit Edi Rama, në foltoren e Kuvendit.

Si anëtare në komisionin e Etikës, ajo tha se do të depozitojë atje sjelljen e kryeministrit e shpresoi që të merren masa.

“Si anëtare e sekretariatit të etikës, kam dashur të them edhe dje. Ajo që ka ndodhur dje ka qenë kulmi i këtyre ditëve dhe sulmi fyes i kryeministrit. Është ajo etike të përdoret ajo gjuhë që ai ka përdorur dje. Nuk pati këtu asnjë vërejtje. Do të ishte e mirëkuptueshme nëse zoti Balla do e merrte fjalën dje dhe zonja Bushka dje.

Nuk e morën dje, e të kenë parasysh që të jenë më korrekt me gjënë e djeshme e të vijnë sot e të bëjnë vërejtjet e tyre. Sjelljen e kryeministrit do e depozitoj në sekretariat dhe shpresoj të merrni masa. Ju keni të drejtën tuaj të silleni e përunjur përpara kryeministrit tuaj, por ne nuk e kemi detyrim këtë gjë. Nëse ju ndiheni e zgërlaqur para tij e nuk flisni, ne nuk e kemi këtë sjellje, jo vetëm para kryetarit tuaj, por edhe para kryetarit tonë”, tha Açka. bw

Deputeti dhe anëtari i Kryesisë së PD, Tomor Alizoti ka akuzuar Lulzim Bashën gjatë mbledhjes së sotme duke i thënë se po çon PD-në drejt përçarjes. 

Alizoti është shprehur kundër propozimit të Bashës për të mbledhur Kuvendin e PD në datën 18 dhjetor.

Alizoti i ka kërkuar Bashës të respektojë vullnetin e 4200 demokratëve që kanë firmosur për mbledhjen e Kuvendit Kombëtar në datën 11 dhjetor.

“Po përçan PD-në. Të respektohet vullneti i demokratëve. Bashkoni PD-në”, i është drejtuar Alizoti, Bashës, duke i kërkuar të heqë dorë nga mbledhja e datës 18 dhjetor.

Kryetari i Këshillit Kombëtar të PD, Edi Paloka ka ardhur me një propozim të ri për mbledhjen e Kuvendit Kombëtar. Ai tha se të dyja palët e përfshira, si lidershipi i PD, por edhe nismëtarët e mbledhjes së Kuvendit, të zgjedhin nga një përfaqësues, e të verifikojnë 4.200 fletët që gjenden në zyrën e tij.

Kjo sipas tij, do të jetë mënyra për të shuar hijet e dyshimit dhe për të vazhduar me procedurat pasuese.

“Do i propozoja dhe i kam propozuar palëve një zgjidhje që të ishte shteruese dhe të hiqte çdo dyshim që ka mes palëve. Statuti nuk parashikon asnjë procedurë. Unë do i propozoja palëve të caktonin nga një person që mund të ishin për njërën palë personi që merrej me problemet e zgjedhjeve, për njërën palë Ivi Kaso, e nga ana tjetër mund të ishte Minerodhi që merret me këtë çështje në sekretariat. Unë po bëj një propozim, që palët të eliminojnë hijet e dyshimit. Të dyja palët mund të caktojnë nga një njeri të besuar. Të ecim me këtë proces pa vazhduar me sulme, dyshime që vetëm dëmtojnë PD. Unë thash meqë gjendem në këtë pozicion, mes të dyja palëve propozoj zgjidhje. Nëse palët nuk pranojnë, i bie që nuk duan zgjidhje.

Më duket propozim i arsyeshëm për hijet e dyshimit që janë mes palëve. Le të vijnë të ulen nga një përfaqësues të marrin fletët dhe të verifikojnë. Nëse thonë nuk duam, i bie që nuk duan. Nëse janë mbledhur 4.200 firma të delegatëve dhe thuhet nuk e njoh Kuvendin, këtu nuk ka fjalë për komente. Sapo e deklarova që ky është propozimi që unë po bëj dhe e kam diskutuar me palët. Të dy palët të caktojnë nga një person të besueshëm të tyre. Unë hodha si ide që mund të jetë nga njëra anë sekretari zgjedhor, e nga ana tjetër sekretari organizativ. Të marrin formularët e të verifikojnë që janë apo jo delegatë dhe kanë firmosur apo jo. Kështu do të mbyllej kjo histori. Jemi në kushtet e palëve. Si do e votojë kryesia e partisë diçka që duket në dritë të diellit. Nëse vërtetojnë që 4.200 delegatë kërkojnë mbledhjen e Kuvendit, nuk ka rëndësi as kryetar e asnjë tjetër”, tha Paloka.

Fermerët e Myzeqesë kanë paralajmëruar sot një protestë masive, që pritet të nisë në orën 11:00 deri në orën 14:00. Fermerët e Lushnjës dhe zonave përreth do të nisin protestën tek rrethrrotullimi i Plasmasit për të zbarkuar para Bashkisë së Lushnjës.

Sipas njoftimit të Sindikatës së Fermerëve të Bashkuar, qëllimi i tubimit është të sensibilizojë qeverinë për ndryshimin e paketës fiskale në lidhje me bujqësinë.

Kjo është protesta e dytë e fermerëve të Myzeqesë. 3 ditë më parë ata bllokuan aksin nacional Lushnjë-Rrogozhinë, si shprehje e mosdakordësisë së tyre me paketën fiskale për vitin e ardhshëm që pritet të miratohet në Kuvend, teksa disa protestues u shoqëruan në policia.

5 kërkesat e parashtruara nga fermerët: 

-Subvencionim direkt i fermerit për njësi të prodhimit dhe 10 lekë për kg
-Barazim i TVSH-së në shitje dhe blerje
-Pezullim i TVSH-së për plehrat kimike
-Laboratorë analizash
-Garanci pagese të faturave të shitjes nga grumbulluesit

Pesë lëkundje sizmike janë shënuar në më pak se 12 orë në Bulqizë. Lëkundja më e fortë ishte ajo e orës 16 e 8 minuta pasditen e djeshme. Banorët e Bulqizës janë në ankth pasi epiqendra ishte vetëm pak kilometra larg qytetit në afërsi të Qafës së Buallit.

Nënprefekti i Bulqizës Avni Muliu tha se nuk janë raportuar dëme nga lëkundjet e një dite më parë.Nga ana tjetër Muliu tha se i është kërkuar Bashkisë Bulqizë të mos lejojë rikthimin e banorëve në pallatin e rrezikshëm pasi mund të ndodhë ndonjë tragjedi.

Që prej datës 29 tetor në rrethin e Bulqizës janë shënuar 12 lëkundje sizmike.