Shtëpia e ikonës së muzikës shqiptare, Vaçe Zela, nuk është kursyer nga hajdutët në kryeqytet, të cilët kanë arritur të marrin edhe medaljen e akorduar për të nga Presidenti i Republikës.
Ngjarja dyshohet se mund të ketë ndodhur gjatë fundjavës, por duke qenë se aty nuk jetonte njeri, nuk dihet disa apo ora e saktë. Bastisja është konstatuar nga motra e mbretëreshës së këngës, e cila kujdesej herë pas here për shtëpinë që ndodhet në një pallat pranë “Pazarit të ri”, në Tiranë.
Kur ka tentuar të hapë derën me çelës, ajo ka parë që në fakt ishte e hapur dhe kur është futur brenda ka gjetur gjithçka përmbys. Në këtë moment ka lajmëruar Policinë dhe shërbimet e Komisariatit nr.1 kanë shkuar menjëherë në vendin e ngjarjes, raporton Panorama.
Të paktën deri tani, nga verifikimet e kryera në shtëpi, rezulton se mungon një lap top, ora e bashkëshortit të Veçe Zelës, si dhe një dekoratë. Ekspertët kriminalistë kanë fiksuar disa prova në vendngjarje, gjurmë gishtash dhe një fije floku, që po analizohen në laboratorin e kriminalistikës, për të arritur në ndonjë emër autori të mundshëm.
Ndërsa sa i përket mënyrës se si autorët kanë depërtuar brenda shtëpisë, burimet thonë se dera dyshohet se është hapur me kartë, duke qenë se nuk ishte e mbyllur me çelës.
Burime nga Policia e Tiranës thanë dje ende nuk është arritur të identifikohen autorët që kanë vjedhur shtëpinë e këngëtares Vaçe Zela në Tiranë, e cila është ndarë nga jeta në shkurt të vitit 2014 në Zvicër, ku jetonte me vajzën e saj.
Midis sendeve me vlerë të vjedhura që autorët kanë arritur të marrin është edhe një dekoratë e dhënë për këngëtaren nga Presidenti i Republikës. syri.net
Publikimi i listës së pagave ka tronditur shoqërinë shqiptare, por ka zbuluar edhe skandale të rënda brenda saj.
Kështu, nga lista u mësua se kryebashkiaku i Tiranës, Erion Veliaj, ka një ushtri këshilltarësh personalë, që i kushtojnë miliona taksapaguesve.
Jo vetëm, kaq, por sipas të dhënave, edhe Bashkia e Tiranës ka një armatë njerëzish në punë.
“Bashkia Tiranë rezulton me 2459 persona të punësuar dhe me një kosto pagash mujore 1.28 Milion €. Sa për krahasim rezulton se gjithë ministritë bashkë kanë 2181 të punësuar!” shkruan aktivisti Endrin Gjipali.
Gazetari Ylli Dylgjeri, duke e shpërndarë këtë postim, bën ironi: “Kush është shteti: Lali Eri apo Daja Edi?” syri.net
Lideri historik demokrat, Sali Berisha reagoi pas një raportimi nga ORA NEWS se gjykata nuk pranon arrestimin e biznesmenit Alban Dabulla, njeriut të lidhur me kryebashkiakun Erion Veliaj.
“Krimi dhe narkoqeveria janë një! Ndiqeni videolajmin!” shkruan Berisha.
Sipas raportimit, bëhet fjalë për një mashtrim financiar me vlerë 3 milion euro.
RAPORTIMI I PLOTE
Gjyqtarja e Tiranës, Oltjona Goxha, ka refuzuar të pranojë kërkesën e prokurorisë së kryeqytetit, për arrestimin e biznesmenit të “Telebingo Shqiptare”, Alban Dabulla. Vendimi është marrë këtë të premte nga gjyqtarja Goxha, e cila i ka thënë “JO” arrestimit të Dabullës, së bashku me 19 zyrtarë të tjerë që punojnë në sistemin e Tatimeve.
Mësohet se ajo ka firmosur t’i lërë pa masë sigurimi të gjithë personat e proceduar për skandalin e mashtrimit financiar 3 milion euro.
Pavarësisht këtij vendimi, që është totalisht në favor të personave të proceduar penalisht, Alban Dabulla mësohet se është larguar nga Shqipëria disa ditë para se vendimi të jepej nga gjykata.
Biznesmeni i një sërë biznesesh në Tiranë njihet si personazh i lidhur ngushtësisht me kryebashkiakun e Tiranës, Erjon Veliaj. Madje i zgjedhuri për të drejtuar kryeqytetin është fotografuar herët në mëngjes në banesën e Dabullës.
A mos ndoshta këto lidhje politike kanë ndikuar për ta favorizuar në këtë fazë të hetimit? Burimet thanë se në dokument gjyqtarja pranon faktin se biznesmeni i njohur, që mbart dhe lidhje të forta politike, ka abuzuar rëndë me tatim-taksat, duke krijuar një skemë mashtruese me transaksione të dyshimta dhe fatura tatimore. Veprimet janë kryer në kohë të ndryshme dhe kanë sjellë një dëm financiar në buxhetin e shtetit.
Gjyqtarja shprehet në vendimin e saj se personat në fjalë nuk kanë rrezikshmëri shoqërore dhe nuk kanë asnjë interes e rrethana për të ikur dhe shmangur hetimit që po kryen Prokuroria e kryeqytetit. Ndërsa nga ana tjetër, e njëjta gjyqtare miraton dhe kërkesën e dytë të çuar nga Prokuroria për ushtrimin e kontrollit fizik të zyrave të kompanive që administrohen nga Alban Dabulla dhe zyrave shtetërore ku punojnë zyrtarët e shtetit që janë bërë pjesë e kësaj skeme mashtrimi me Tatimet.
Vendimi për kontrollin e ambienteve të zyrave, pritet të ekzekutohet nga oficerët e Policisë së Shtetit, ndërsa në ditët në vijim prokurori Leonard Filopati, pritet ti drejtohet me një kërkesë apelimi Gjykatës së Apelit Tiranës, duke kërkuar caktimin e “arrestit në burg” për Alban Dabullën dhe 19 zyrtarëve të tjerë.
Hetimet e Prokurorisë ka nisur mbi bazën e një materiali nga Drejtoria e Hetimit Tatimor për të dhënat që nisin nga viti 2014. Bilanci i shoqërisë “Telebingo Shqiptare”, rezulton me një detyrim ndaj organeve tatimore prej 55,954,475 lekë, detyrim ky që ka ardhur duke u rritur ndër vite e deri në datën 20 shtator 2019 në vlerën prej 93,461,125 lekë. Më tej në dosje thuhet se shoqëria “Nacional sh.a” duke filluar nga viti 2013 deri në vitin 2018, ka marrë transferta nga subjekti “PUBLIKIME SHQIPETARE”, në një vlerë totale prej 91,429,376 lekë. Kjo vlerë, thotë Prokuroria, është kaluar nëpërmjet 117 transfertave me përshkrim kthim borxhi. Por pavarësisht kësaj, çuditërisht nuk është gjetur asnjë evidencë financiare në lidhje me huan e dhënë, që ka sjellë këto transferta me përshkrimin kthim-borxhi./ORA NEWS
Vetëm disa dhjetra metra larg qendrës së qytetit të Shkodrës, të ngjyrosur me atmosferën festive për festat e fundvitit, një pamje krejt tjetër shfaqet nëpër rrugët e këtij qyteti duke treguar gjendjen reale të ekonomisë dhe papunësisë së banorëve.
Sipas të dhënave të INSTAT, Qarku i Shkodrës, me 5 bashkitë e tij, megjithëse zotëron burime të shumta natyrore, ka performancën më negative mes 12 qarqeve të Shqipërisë, si në treguesit e papunësisë, klimës së biznesit dhe emigracionit të lartë.
Drejtoresha Rajonale e Punësimit, Rozafa Zmijani, thotë se Shkodra u prek më shpejt se rajonet e tjera nga efektet e pandemisë duke shënuar edhe numrin më të lartë të të papunëve. Kjo, pasi pjesa më e madhe e të punësuarve janë në ndërmarrjet e fasonerisë, që punojnë për tregun italian.
“Në fillim të vitit 2021ne gjetëm 7 mijë punëkërkues të papunë, kurse sot aktualisht kemi, vetëm në Shkodër, rreth 4 mijë punëkërkues të papunë. Kur flas për punëkërkues të papunë flas për punëkërkues aktiv, jo punëkërkues që kanë ardhur, janë regjistruar dhe kanë lëvizë, por aktiv në gjetjen e një pune”, thotë Rozafa Zmijani.
Një pjesë e personave, që humbën vendet e punës, u mbështetën nga programet e qeverisë me pagat e dhëna për pandeminë dhe atë të papunësisë. Megjithatë, kjo vetëm sa e zvogëloi numrin e punëkërkuesve, ndërsa gjendja e tyre ekonomike vazhdoi të përkeqesohet.
Sipas drejtoreshës rajonale të punësimit, pjesa e papunësisë gjithmonë ka lidhje me investimet që bën një rajon apo hapja e subjekteve të reja.
“Shkodra nuk është se ka shumë subjekte të reja të hapura. Po flasim për rajonin. Ka një ngitje në pjesën e subjekteve te reja dhe te zhvillimit në zonën e Malësisë së Madhe. Puka vazhdon të jetë shumë dobët. Kurse pjesa e Bashkis Shkodër, përveç pjesës së marketeve, i cili gjatë tre viteve të fundit është zgjeruar dhe ka rritur punësimin, pjesa tjetër që është gaditur, fasoneritë, nuk po avancojnë, gjë që do të sillte edhe paga më të larta”, hotë Rozafa Zmijani.
Për kryetarin e Bashkimit të Sindikatave të Pavarura të Shkodrës, Albert Tukaj, numri i të papunëve në Shkodër është me i madh se ai i punëkërkuesve pranë zyrës së punës. Për shkak të gjendjes ekonomike, sipas tij, vetëm gjatë këtij viti, në Shkodër kanë falimentuar rreth 660 biznese, duke nxjerrë të papunë disa mijëra punëtorë.
“Sot papunësia në Shkodër kap shifrat 45 përqind. Pra është kryeqytet i papunësisë për shkak edhe të mosndjekjes të politikave të zbutura ndaj këtij qyteti nga ana e qeverisë shqiptare. 4500 biznese kishte para pandemisë, kanë falimentu 655 biznese të vogla, të cilët janë taksapagues të rregullt të shtetit shqiptar”, thotë ai.
Sindikalisti Tukaj thotë se qeveria duhet të kthej vemendjen drejt Shkodrës përmes investimeve, pasi humbja e vendeve të punës është një barrë për vetë shoqërinë shqiptare.
Shqipëria, sipas Bankës Botërore, pas vitit të parë të pandemisë po përjeton rritjen më të lartë ekonomike në rajon, por, në të njëjtën kohë, vendi ka një të tretën e popullsisë që jeton në varfëri relative, me më pak se 5 dollarë në ditë.
Gjatë një takimi me demokratët e Fierit, anëtari i Komisionit të Rithemelimit të Partisë Demokratike, Luan Baçi paralajmëroi se në 8 janar do të jetë një protestë e fuqishme kombëtare kundër Edi Ramës. Protesta mbështetet dhe nga demokratët e Fierit, të cilët i bëjnë thirrje deputetit Basha të largohet me vullnetin e tij nga zyra deri më 5 janar.
Nga SYRI TV
Anëtari i Komisionit të Rithemelimi të Partisë Demokratike, Luan Baçi, deklaroi gjatë një takimi me delegatë dhe anëtarë të kësaj force politike në Fier, se protesta e 8 janarit do të jetë e fuqishme dhe kundër Edi Ramës.
Gjatë takimit të fundvitit me demokratët e Fierit, Luan Baçi u shpreh se dega e PD në këtë qytet do të vijojë punën normalisht, pavarësisht se selia e kësaj force politike edhe në Fier është uzurpuar nga Lulzim Basha.
Edhe demokratët e Fierit u shprehën se Lulzim Basha duhet të largohet vetë nga zyra, pasi nuk e ka më shumicën dhe delegatët e shkarkuan në Kuvendin e 11 dhjetorit dhe referendumin e zhvilluar një javë më pas.
Protesta Kombëtare e 8 janarit është thirrur nga lideri historik i demokratëve, Sali Berisha, i cili gjatë emisionit Zonë e Lire njoftoi gjithashtu se në këtë datë anëtarët e PD do të marrin selinë, nëse deri në datën 5 janar Lulzim Basha nuk largohet me vullnetin e tij nga zyra.
Eksperti i IT, Gent Progni, e konsideron edhe më të madh dhe të rrezikshëm, skandalin e publikimit të targave të automjeteve me emrat e përdoruesve të tyre. Po cili është rreziku që vjen më pas? Në Fb, Progni e sqaron:
“Skandali sa vjen dhe bëhet më i madh. Informacionin për targat e kemi në tre servera, – shkruan eksperti. – DPSHTRR, AMF (Autoriteti i Mbikëqyrjes Financiare) dhe AKSHI.
Marrim rastin e parë, DPSHTRR. Nëse janë marrë këtu, atëherë janë marrë patentat dhe shenjat e gishtërinjve që ne kemi lënë në këto institucione. Marrim rastin e dytë, AMF. Nëse janë marrë këtu, atëherë janë marrë të dhënat bankare, informacionet për fondet e pensioneve dhe fondet e investimit. Marrim rastin e tretë, AKSHI. Nëse janë marrë nga këtu, kaq!” nënvizon ai. syri.nt
Publikimi i një databaze me targat e 530 automjeteve të shqiptarëve ngriti dyshime mbi sigurinë e tyre, por hodhi dritë mbi llojet dhe vlerat e makinave që përdorin shqiptarët.
Skandali i rrjedhjes së këtyre të dhënave kaq sensitive, përveçse tregoi brishtësinë e institucioneve që i ruajnë ato, tregoi edhe anën tjetër të medaljes, miliona para të shpenzuara për një mjet të vetëm. Nga vëzhgimi i databazës, rezulton se shqiptarët shpenzojnë shumë për një automjet, pasi në garazhin e tyre, por edhe në rrugët e Tiranës janë makina që vlejnë qindra-mijëra euro.
Në Shqipëri ka 16 “Ferrari”, 8 “Rolls-Royce”, 37 “Bentley”, 45 “Lamborghini”, 2 “McClaren” dhe disa lloje të tjera të veçanta. Çmimet e makinave që kalojnë në rrugët e vendit dhe kanë pronarë shqiptarë arrijnë një çmim deri në 300 mijë euro. Ajo që bie në sy është se Kryeministri Edi Rama përdor një mjet superlukzoz dhe të shtrenjtë si “GMC Yunko”. Të njëjtin mjet ka nën pronësi edhe Kujtim Haxhiaj. Një nga llojet më të shtrenjta të “Mercedez Benz” është varianti “Benz sclass 63 GLE AMG”, të cilin e kanë në përdorim plot 22 shqiptarë.
Ndër personazhet e njohura janë deputeti i Partisë Socialistë Arben Pëllumbi dhe gazetari i njohur Arjan Çani, si dhe Agim Çako, pronar i një kompanie nafte. Ai ka nën pronësi edhe disa mjete të tjera superluksoze: 2 “Mercedez-Benz 63 AMG”, 1 “Audi A8 L” version luksoz dhe një “Mercedez S500”. Ai u akuzua në fillim të 2020-ës dhe u shpall në kërkim për veprat penale “Fshehje e të ardhurave”, “Kontrabandë me mallra që paguhet akcizë” dhe “Falsifikim i vulave, i stampave apo formularëve”.
“Rolls-Royce” është një tjetër makinë e shtrenjtë, të cilën e disponojnë 8 persona, çmimi i së cilës është i kripur për xhepin e shumë qytetarëve.
Mes tyre janë emra të njohur si Lori Hoxha dhe gruaja e biznesmenit Ylli Ndroqi, Mimoza Ndroqi, si dhe biznesmeni Mark Luli dhe 5 të tjerë.
“Lamborghini” është nga mjetet e preferuara pasi kanë paguar dhe e kanë nën pronësi plot 45 qytetarë shqiptarë. Duke iu referuar të dhënave të publikuara, ky mjet preferohet dhe ka shumicën e pronarëve biznesmenë, të cilët mesa duket, kanë gjetur atyre rehatinë, për të cilën kanë paguar miliona. Mes tyre është një pronar medieje kombëtare. Një detaj interesant i kësaj liste me makina të shtrenjta është se ato nuk zotërohen vetëm nga biznesmenë të cilët i kanë mundësitë të investojë shuma marramendëse parash për të blerë një makinë, por edhe nga njerëz me precedentë penalë apo të lidhur me botën e krimit.
“FERRARI”
Sipas të dhënave zyrtare, në Shqipëri rezultojnë të jenë regjistruar 16 makina luksoze “Ferrari”, njëra prej të cilave është në pronësi të këngëtarit Rigels Rajku, i njohur si “Noizy”. Një tjetër “Ferrari” e disponon Bledi Haka, të cilin Policia e ka ndaluar dhe akuzuar në tetor të vitit 2019 për veprat penale “Mbajtja pa leje e armëve të ftohta” dhe “Prodhimi dhe shitja e narkotikëve”, ndërsa ai rezulton të jetë përfshirë edhe në një ngjarje në vitin 2012, ku mbeti i plagosur me armë zjarri.
Noyzi Ferrarri
Biznesmeni nga Shkodra Kacjolin Zefi, me “Ferrari” ngjyrë të zezë, është dënuar me 8 vite e 8 muaj burgim nga Gjykata e Krimeve të Rënda me vendim të formës së prerë. Zefi u deklarua fajtor për akuzën e “Trafikimit të narkotikëve” kryer në bashkëpunim. Kacjolin Zefi u arrestua nga Policia në datë 26 nëntor 2016, pasi u akuzua si pronari i 700 kg kanabis, që u sekuestruan në portin e Durrësit. Biznesmeni Kacjolin Zefi ka pretenduar se paratë e siguruara prej tij dhe pasurinë që ai disponon, e ka falë biznesit familjar të përpunimit dhe eksportimit të konfeksioneve dhe veshjeve me shumicë. bw
Një tjetër super skandal është zbuluar nga publikimi i listëpagesave të rreth 700 mijë qytetarëve, ku Konsulli i Nderit i Italisë në Gjirokastër, Theodhor Bilushi rezulton i punësuar në Bashkinë e këtij qyteti.
Sipas të dhënave, Theodhor Bilushi rezulton ‘Specialist Kordinator’ në Bashkinë e Gjirokastrës.
Pasuritë e dy grave pronare lokali në qytetin e Vlorës janë vënë nën sekuestro preventive, pasi dyshohet se janë krijuar nga shfrytëzimi i prostitucionit. Pasuritë janë të Xhevahire Biraçit dhe Kaltrina Mitros. Në lokal ushtrohej striptizëm, por dyshohet se shfrytëzohej për prostitucion nga djali i njeres prej tyre, Olti Biraçi
Procedimi penal ndaj tyre ka nisur në vitin 2019, pas të dhënave të administruara në bashkëpunim me strukturat seksionit kundër krimit ekonomik dhe korrupsionit në Drejtorinë e Policisë së qarkut Vlorë, ndaj shtetaseve Xhevahire Biraçi dhe Kaltrina Mitros.
Midis pasurive të vendosura nën sekuestro preventive me urdhër të Prokurorisë dhe të pranuara nga Gjykata deri në një vendim përfundimtar, janë dy apartamente në lagjen “1 Maji” në Vlorë, si edhe disa llogari bankare, me rreth 28 milionë lekë plus 25 mijë euro.
Në funksion të këtij hetimi paraprak mbi këtë procedim penal, prej Prokurorisë pranë Gjykatës së Shkallës së Parë Vlorë në bazë të nenit 274 të Kodit të Procedurave Penale është vendosur caktimi i masës së sigurimit pasuror e sekuestros preventive për pasuritë e mëposhtme:
-Pasuria e paluajtshme:
Apartament banimi me sipërfaqe 41.3 m2, në lagjen “1 Maji”, rruga “Trans ballkanike”, Vlorë me blerës shtetasen Xh. B;
-Pasuria e paluajtshme: Apartament banimi me sipërfaqe 41.3 m2, në lagjen “1 Maji”, rruga “Trans ballkanike”, Vlorë me blerës shtetasen Xh. B;
-Pasuri e luajtshme, llogari bankare pranë “Raiffeisen Bank” me gjendje 2.365,306.44 lekë; llogari bankare me gjendje 17,847.80 euro, llogari bankare me gjendje 780.51 USD, në emër të shtetasit O. B;
-Pasuri e luajtshme, llogari bankare pranë “OTP Bank”, në monedhën Euro me balancë 11,999.06 euro, në monedhën Lek me balancë 640,041.32 lekë në emër të shtetasit O. B;
-Pasuri e luajtshme, llogari bankare pranë “UNION BANK”, në monedhën EURO, me balancë 9000 EURO , në emër të shtetases Xh. B;
-Pasuri e luajtshme, llogari bankare pranë “Bankës Kombëtare Tregtare” (BKT), me balance 861,386.17 lekë, në emër të shtetases Xh. B. syri.net
Analisti Fatos Lubonja reagon pas skandalit të publikimit të pagave të mbi 600 mijë qytetarëve shqiptarë, mes të cilëve edhe vetë ai.
Në listën, e cila tashmë është në duart e shqiptarëve, Lubonja rezultonte se në janar të vitit 2021 kishte një pagë prej 640 mijë lekë të reja, si i punësuar në televizionin Agon Channel.
Por në reagimin e tij analisti sqaron se paga e fundit që ka marrë nga Agon Channel është në vitin 2015.
Reagimi i plotë:
Mësova nga disa portale se figuroj në listat e rrogave të vitit 2021 si përfitues i një page (bruto) prej 640000 lekësh nga Agon Channel.
Mark Twaini thotë: “Të vërtetën thuaju vetëm atyre që e meritojnë.” Për hir të atyre shqiptarëve që ende e meritojnë të vërtetën, të atyre që besojnë se si gazetar kam qenë në shërbim të interesit publik, si dhe të afërme dhe miqve që pas këtij lajmi mund të më shohin si një njeri që ua paska mbajtur fshehur rrogën apo se nuk paskam treguar bujarinë që e diktonte paga në raste shpenzimesh të përbashkëta si dreka, darka apo dhurata; sqaroj se e vetmja pagë mujore prej 3500 euro (neto) që kam marrë për punën time me kohë të plotë në Agon Channel daton vitin 2015.
Një muaj pas kësaj qeveria Rama e shkatërroi kompaninë në fjalë për interesa të pushtetit korruptiv dhe klientelës së tij mediatike duke lënë 400 veta pa punë dhe pa rrogë. Ky shkatërrim me metoda shtetesh barbare, që daton si akt më 11 qershor 2015, njihet edhe në vendimin e gjykatës ndërkombëtare ISCID që e ka gjykuar çështjen duke dënuar shtetin shqiptar me mbi 120 milion euro dëmshpërblim. Pra qysh nga ajo kohë Agon Channel nuk ka funksionuar si kompani private por, duke shkelur çdo ligj, është marrë në administrim nga shteti jo për të vazhduar punën, por për ta shkatërruar prandaj nuk ka pasur se si të kryejë veprimet e publikuara në listën e rrogave të vitit 2021 botuara së fundi.
Meqenëse nuk besoj në shtetin dhe drejtësinë shqiptare që po shkasin përditë me shpejtësi në krime për të mbuluar krimet shpresoj që arsyet se pse unë dhe Andi Bejtja figurojmë në listat në fjalë, ashtu sikurse pse dolën këto lista, kush i ka krijuar e pse i ka krijuar, do t’i sqarojë një ditë koha.bw
Ish-kryeministri Sali Berisha ka dënuar skandalin e publikimit të pagave të mbi 600 mijë qytetarëve shqiptarë dhe targave të makinave ditën e sotme. Berisha shkruan se Ne Shqiperi si ne asnje vend te botes te gjitha sistemet dixhitale te narkoshtetit jane ne kontroll te plote te mafies shteterore te droges dhe krimit, e cila perdor te dhenat e tyre per terror psikologjik, partiak, politik, financiar, ekonomik, elektoral, banditesk te narkoshtetit dhe bandave te tij ndaj qytetareve. Sipas tij shpëtimi i vetëm i Shqipërisë janë protestat.
Reagimi
Narkoshteti apo shteti terrorist ndaj qytetareve te tij! Protesta dhe vetem protesta eshte shpetimi i Shqiperise. Miq, si ne asnje vend tjeter te botes, demokraci qofte apo diktature nuk ndodhe kjo qe ka ndodhur ne Shqiperi: Gjithçka ne duart e mafies dhe krimit te organizuar.
Ne Shqiperi si ne asnje vend te botes te gjitha sistemet dixhitale te narkoshtetit jane ne kontroll te plote te mafies shteterore te droges dhe krimit, e cila perdor te dhenat e tyre per terror psikologjik, partiak, politik, financiar, ekonomik, elektoral, banditesk te narkoshtetit dhe bandave te tij ndaj qytetareve.
Nxjerrja e te gjithe databazes se shtetit, de facto narkoshtetit, pra te te gjitha te dhenave te privatesise se qytetareve nga kreu i Meduzes Edi Rama dhe banda e tij per te maskuar skandalet monstruoze me aferat e djegsave, arbitrazheve, PPP, koncesioneve, prokurimeve sekrete qe sipas Kontrollit te Larte te Shtetit arrijne ne 8,2 miliard euro, perben aktin me te rende dhe me te pashembullt ne historine e nje shteti.
Ky proces antikushtetues nisi me angazhimin direkt te Edi Rames ne plaçkitjen e 20 milione deklaratave ne serverin e tatimeve, dergimin ne seline e PS ne duart patronazhisteve te te dhenave personale te rreth 1 milione shqiptar per terror elektoral dhe vazhdoi me publikimin e rrogave te mbi 600 mije punonjesve publik dhe privat vendas dhe te huaj te Shqiperise dhe se fundi publikimi i te gjitha targave te leshuara ne Shqiperi duke bere keshtu objekt sulmesh te qindra mijra shqiptareve nga narkoshteti dhe bandat e tij mafioze!
Ky megaskandal i pandodhurkund ne bote eshte nje thirrje, nje kushtrim per opoziten dhe mbare shoqerine shqiptare te ngrihen ne protestat me te fuqishme qe vendi ka njohur keto 30 vite per permbysjen sa me pare te rregjimit mafioz kriminal te kreut te meduzes Edvin Kristaq Rama dhe narkoshtetit te tij ne Shqiperi. sb
Pas skandalit të zbulimit të pagave për 690 mijë shqiptarë numrave të telefonit, publikohet një tjetër listë me targat e makinave. Lista me targat e makinave personale që disponohet edhe nga “BalkanWeb” përmban të dhëna për 591962 qytetarë.
Në tabelën në formatin Excel janë shënuar targa, marka e makinës, modeli, ngjyra, numri i identifikimit si dhe emri i pronarit apo kompanisë që e ka në pronësi.
Prej tre ditësh janë nxjerrë fillimisht në whatsapp e më pas publikuar pagat e 590 mijë shqiptarëve. E para listë ishte ajo me pagat e muajit janar 2021 e më pas dolën dhe të dhënat e pagave si dhe numrat e telefonit në një listë tjetër, për muajin prill.
Pas lajmit të botuar se Prokuroria e Tiranës ka kërkuar 20 vite burg për Francesco Becchettin, i akuzuar për vjedhje duke shpërdoruar detyrën përmes një skeme mashtrimi me TVSH, ka reaguar Fatos Dervishi, ish ZvProkuror i Përgjithshëm i Shqipërisë. Prej 1998 ai është i vendosur në SHBA dhe ushtron një aktivitet shumë të suksesshëm në NYC me zyrën e tij të avokatisë.
Z.Dervishi shkruan:
“Çështja e Becchetit në lidhje me urdhër-arrestin ndërkombëtar është gjykuar në Gjykatën e Westminsterit në Londër në Mbretërinë e Bashkuar dhe akuza u gjet e pabesueshme dhe e pabazuar në bazë të provave që Qeveria Shqiptare i paraqiti asaj Gjykate.
Ngritja e këtyre akuzave në Gjykatën Shqiptare në mungesë të z. Becchetti dhe z.Renzi tregon zemërimin e Qeverisë Shqiptare në lidhje me paratë e paguara për vendimin e marrë nga Gjykata e ICU dhe paneli i arbitrave ndërkombëtarë.
Nëse ai është fajtor apo jo, z.Becchetti supozohet se është i pafajshëm derisa të shpallet fajtor nga një gjykatë të hapur!”
Aktivistja e djathtë Evi Kokalari, në intervistë me Skype në emisionin Task Force të moderatores Sonila Meço, foli për faktin se PD ka paralajmëruar Bashën që të lirojë zyrat deri më 5 janar.
Kokalari theksoi se Bashën duhet ta nxjerrë nga zyra policia.
“Lulzim Bashën duhet ta nxjerrë nga zyra policia. Ish-Kryesia e PD-së kanë një mllef, që e shikon kudo, në parlament, në interevista, e shikon tek gratë si reagojnë. Basha nuk duhet të harrojë se ka përdorur fjalor të turpshëm ndaj anëtarëve të Partisë Demokratike. Basha dhe ata që janë aty vahdojnë të bëjnë lojën e tyre.
Lulzim Basha do të përfundojë në një mënyrë që do të jetë shumë e shëmtuar, në radhë të parë për vetë atë. Basha ka bërë pazare me Ramën. Ne duhet të lëmë budalliqet e të huajve, sepse të huajt e kanë krijuar problemin. Ne duhet të fokusohemi te problemet që kemi në shtëpinë tonë. Ju e keni parë mbështetjen që ka z.Berisha në Amerikë”, deklaroi Kokalari.
Deputeti i PD, Edi Paloka ka reaguar pas publikimit në mediat të data-base me listëpagesën e rreth 700 mijë qytetarëve, duke theksuar se krimi zgjedhor i 25 prillit 2021 ndodhet brenda këtij skandali.
Në postimin e tij në Facebook, Paloka thekson se nga një vëzhgim i shpejtë, dallohet se janë shtuar 60 mijë punonjës më shumë gjatë prillit 2021 se sa në janar 2021.
Paloka i ka bërë thirrje SPAK të fillojë hetimet pasi tani provat janë publike dhe nuk ka nevojë të bëjnë heroizma.
Postimi i plotë i Edi Palokës:
Krimi zgjedhor brenda skandalit !
60 mije punonjes me shume ne prill 2021 se sa ne janar 2021 !
Nga nje vezhgim i shpejte i dy databaza-ve qe jane publikuar per rrogat e shqiptareve ne janar dhe ato ne prill, rezulton nje fakt shume domethenes; nga janari ne prill jane shtuar neper bordero plot 60 mije punonjes me shume !
Nga denoncimet qe jane bere ne SPAK qe perpara 25 prillit , ka qene dhe punesimi i mijera veteve, ne periudhen parazgjedhore, ne kundershtim me Kodin Zgjedhor !
SPAK-u tani provat i ka publike ! “Heronjte e femijeve” me bekimin edhe te proklamatores se tyre, besoj do te bejne detyren , pa qene nevoja te bejne heroizma!
Prokuroria e Tiranës ka kërkuar 20 vite burg për Francesco Becchettin. Biznesmeni italian akuzohet për vjedhje duke shpërdoruar detyrën. Prokuroria pretendon se ka krijuar skeme mashtrimi me TVSH’.
Gazetarja Klodiana Lala ben me dije se ka edhe te pandehur te tjere.
Gjithashtu, Becchetti akuzohet edhe për pastrim parash, së bashku me një nga ortakët e tij, De Renzis. Ky i fundit, veç të tjerash, akuzohet për vjedhje duke shpërdoruar detyrën, mospagim taksash, si edhe falsifikim dokumentesh.
Akuzat janë zyrtarizuar nga Prokurori. Ndërkohë, biznesmeni italian ka një mandat arresti ndërkombëtar nga Shqipëria.
Një ditë pas daljes së listave me emrat e 694.473 tatim-paguesve, ku përveç pagave të tyre, kartave të ID-së, ditën e sotme ka rrjedhur një tjetër listë, e muajit prill, ku veç të dhënave të tjera, identifikohen edhe numrat e celularit.
Edhe kjo listë po qarkullon me shpejtësi përmes rrjeteve të ndryshme sociale.
Sakaq, në mesin e emrave gjenden edhe emrat e deputetëve të Kuvendit të Shqipërisë, si dhe të këshilltarëve.
Listën me pagën më të lartë në Kuvendin e Shqipërisë, e kryeson kryetari i Kuvendit, me pagën 228,730.00 lekë, që në këtë periudhë ka qenë në këtë detyrë Gramoz Ruçi.
I dyti në radhë vjen Këshilltar i Kryetarit të Kuvendit, me pagë 192,900.00 lekë.
Me rënd zbritës, pason deputetja Vasilika Hysi, me pagë 187,610.00 lekë, duke u ndjekur me po të njëjtën pagë nga deputi Myslim Murrizi. Taulant Balla figuron me pagë 180,286.00 lekë, ndërsa më pas vjen një tjetër punonjës, Drejtor Drejtorie në administratën shtetërore, me pagë 174,400.00 lekë.
Mimi Kodheli figuron me pagë 164,609.00 lekë, ndërsa me po të njëjtën pagë figuron edhe Rudina Hajdaraj.
Sakaq, në mesin e emrave gjenden edhe emrat e deputetëve të Kuvendit të Shqipërisë, si dhe të këshilltarëve apo nëpunësve të tjerë. bw
Ish-ministri i Financave Arben Malaj foli në rubrikën ‘Opinion’ për rrjedhjen e pagave të cilën e cilësoi si shumë shqetësuese.
Malaj theksoi se kjo nuk mund të justifikohet nga qeveria, ndërsa i shpreh se duhet parë me më shumë përgjegjshmëri.
Gjatë intervistës, Malaj tha se lufta e tretë botërore nuk do të jetë më me armë e shpata, por tashmë do të ketë një luftë kibernetike.
“Si për patronazhistët dhe për këtë rrjedhje besoj se kryeministri nuk mund ta justifikojë gjendjen. Tani kudo shishet se është rritur pakënaqësia ndaj qeverive. Sot ka ekspertët të jashtëzakonshëm në teknologji që në shumë vende të botës përdorin të dhënë që tregojnë pjesë shqetësuese. Impakti më negativ është humbja e besimit të qytetarëve tek shteti. Janë paguar miliona nga BE. Theksoj se Lufta e tretë botërore do të jetë luftë kibernetike, ne jemi avantazh që jemi anëtar i NATO-s dhe ka ekspertët më të mirë. Në këtë aspekt unë mendoj që dalja e të dyja të dhënave po ushqen pakënaqësinë që kanë qytetarët ndaj qeverive dhe duhet parë me shumë përgjegjshmëri. Nuk ka nevojë për akuza dhe kundër akuza, qeveria duhet të kërkojë ekspertizë. Unë e kam mbështetur konceptin e qeverisjes elektronike. Por qeveria është paralajmëruar që ka edhe risk”, tha Malaj.
I ndalur tek deklaratat e kreut të PD-së Lulzim Basha dhe kryeministrit Edi Rama, Malaj tha se kjo çështje ka nevojë për hetime të thelluara dhe se opozita duhet ta strukturojë atë që kërkon .
“Ka nevojë për hetime të thelluara. Kam shqetësim se lidh të dyja rastet bashkë. Lidhet me rastin e patronazhistëve. Nëse kryeministri i një vendi thotë unë e kam një ide , por do t’ja them prokurorisë, ky nuk është komunikimi i duhur. Problemi qëndron tek një ekspertizë e thelluar. Unë dyshoj se ne po shkojmë në një ambient shoqëror që po bëhet edhe më keq. Nuk është puna vetëm tek dorëheqja…Ne paguajmë një kosto kur qeveria nuk arrin të mbrojë dot të dhënat e qytetarëve. Kjo që ka ndodhur ka edhe një element tjetër , duhet bërë studim i mirëfilltë, pasi është rritur hapësira midis pagave maksimale dhe minimale,. po ashtu si janë pagat midis meshkujve dhe femrave, sa keqtrajtohen punonjësit direkt apo indirekt dhe të gjitha këto bëjnë që qeverisja të bëhet më transparente. Kemi debate për sektorin publik, ku janë emrat , pagat, sistemi i bonuseve…
Gjatë bisedës në studio ai gjithashtu theksoi se qeveria duhet të bëjë transparencë për nivelin e pagave.
“Qeveria të bëjë transparencë për nivelin e pagave . Pavarësisht nga debati që do bëjnë partitë politikë, unë them që përgjegjësia e parë të jetë në nivel administrativ. Ku Nuk duhet të varet nga humori i ministrit apo as nga presioni. Edhe tërmeti që inauguroi sot kryeministri ka projekte të mëdha edhe pa garë. Ne sot jemi një vend i goditur nga babëzia”, tha Malaj, ndërsa shtoi: Duhet t’u lëmë më shumë shtet politologëve të mirëfilltë. Por në shohim se protestat në përgjithësi janë zbutur si element i luftës politike, dhe po ashtu shqiptarët ndjehen të lodhur dhe ikin. Unë kam parë shumë politikanë që kur bëjnë një gabim, japin dorëheqje, fitojnë kohë për të parë ku kanë gabuar dhe ndoshta edhe kthehen prapë. Por jo si këta që kapen pas karrigeve”, tha ndër të tjera Malaj.
Publikimi i listës së pagave të administratës shtetërore dhe private nuk ka prodhuar vetëm një skandal që minon besueshmërinë e institucioneve që administrojnë të dhënat e qytetarëve.
Përmes këtyre informacioneve zbardhen dhe shpenzimet e tepërta të institucioneve, përmes këshilltarëve që në mjaft raste rezultojnë të punësuar në disa institucione sa për të marrë rrogën ndërkohë që nuk dihet kontributi konkret që ata japin për qytetarët.
Ajo që vihet re është fakti se kryetari i bashkisë së Tiranës, Erion Veliaj, ka më shumë këshilltarë se çdo institucion tjetër, duke krijuar një administratë të fryrë që kushton në xhepat e qytetarëve.
Me titullin këshilltar i kryetarit të bashkisë janë plot 17 persona dhe tre të tjerë vetëm me emërtimin këshilltar.
Për pagat e këtyre personave shpenzohet një total prej mbi 2.2 milionë lekë, ose e thënë ndryshe 18 mijë euro në muaj, me një përllogaritje rreth 200 mijë euro në vit.
Në këtë faturë nuk është përfshirë zyra e shtypit apo specialistët e zyrës së medies në Bashkinë e Tiranës dhe as këshilltarët ligjorë dhe zyrat e marrëdhënies me publikun.
Fatura rritet edhe më tej me këshilltarët e Ujësjellësit të Tiranës, me një pagesë prej 600 mijë lekë në muaj, ose rreth 5 mijë euro.
Nga një vëzhgim i databazës, rezulton se as kryeministri Edi Rama nuk ka kaq shpenzime sa kryebashkiaku Erion Veliaj.
Sipas tabelës që qarkullon tashmë lehtësisht në rrjetet sociale, Edi Rama shpenzon 911 mijë lekë në muaj për 6 këshilltarët, ose 7 mijë e 500 euro në muaj./ oranews/
Prokuroria e Rrethit Gjyqësor Tiranë po kryen veprimet hetimore për veprat penale Shpërdorim Detyre dhe Ndërhyrje në sistemet kompjuterike, në lidhje me shpërndarjen e të dhënave sensitive të qytetarëve.
Prokuroria ka dërguar grupin hetimor për të kryer veprime tek AKSHI, ISSH dhe Drejtorinë e Tatimeve.
Të dhënat e pagave të janarit të mbi 637 mijë qytetarëve të punësuar në sektorin publik dhe atë privat, po qarkullojnë lirisht përmes aplikacionit whatsapp prej ditës së djeshme.
Ndërkohë sot ndërsa Rama ishte në konferencë për mediat për këtë skandal u publikuar dhe databaza me pagat e prillit.Lapsi
Për të gjithë ata që janë konfuzuar në lidhje me lajmet e fundit rreth vëllait tim Reshard Këlliçit dhe për ato media që ‘rastësisht’ pyesin deputetin Basha për vëllain tim, sqaroj me përgjegjësi të plotë se:
1. Reshard Këlliçi, vëllai im ka punuar për rreth 4 vite si avokat për financimin dhe zhvillimin e projekteve energjetike dhe infrastrukturore me studion ligjore globale Hogan Lovells, e bazuar në Washington DC dhe Londër.
2. Redi shërben aktualisht si Ekspert për Shqipërinë pranë Sekretariatit të Energjisë për Bashkimin Europian me specialitet të veçantë – këshillimin e institucioneve.
3. Vëllai shërben si Sekretar i Përgjithshëm i Bordit Drejtues të AmCham (Dhomës Amerikane të Tregtisë) dhe gjithashtu shërben si Anëtar Bordi i të njëjtës organizatë. Një nga principet kryesore të AmCham është rritja e investimeve Amerikane në Shqipëri dhe përmirësimi i klimës së biznesit në vend.
4. Redi nuk ka dashur asocimin me një ndërmarrje shtetërore që në fillimin e tij, pasi gjithmonë ka patur orientimin e punës në sektorin privat. Sidoqoftë, për më shumë se një arsye, bisedat paraprake në lidhje me investimet amerikane në fushën e Energjisë, përfshirë këtu projektin e gazit natyral të likuifikuar ku zhvilluesit kryesorë të projektit janë Exxon dhe Accelerate, dy kompani amerikane të njohura botërisht, ishin diçka që kërkonin njohuri dhe sofistikim komercial dhe ligjor me praktikat amerikane, gjë që vëllai im (si pak kush sot në Shqipëri) e posedon dhe ushtron përditë në praktikën e tij si partner tek Studio Ligjore Frost & Fire Consulting. Ishte si në interesin e Shqipërisë [🇦🇱] por dhe veçanërisht në atë të Amërikes [🇺🇸] që ky projekt të shkonte sa më mirë.
Për këtë arsye, vëllai i la mënjanë bindjet personale dhe iu përgjigj pozitivisht kërkesës së përsëritur nga aktorë të ndryshëm, kombëtarë dhe të huaj (kryesisht amerikanë) që të përfshihej për 1 vit në Albgaz në kapacitetin e tij si Këshilltar Juridik.
5. Jam krenar që im vëlla dhe profesionistë të tjerë si ai në Shqipëri kanë ardhur nga jashtë të kontribuojnë në vendin tonë.
Por për shkak të vlerave dhe standardit etik dhe moral që unë aspiroj dhe mbroj fort, Redi në Shkurt të këtij viti që po lemë pas dha dorëheqjen nga Albgaz, fill pas caktimit tim si drejtues politik i PD në Tiranë, sepse nuk donte që asocimi i tij me një institucion shtetëror, të kthehej në konflikt interesi dhe të përdorej si mjet sulmi ndaj meje.
Për këtë arsye Redi mori vendimin e tij dhe ka shkëputur çdo marrëdhënie me atë institucion në muajin shkurt, 2 muaj përpara zgjedhjeve në Prill të këtij viti.
6. Për shipfjet e bëra në drejtim të tim vëllai dhe për përpjekjen e shëmtuar për të denigruar fytyrën e një nënshtetasi shqiptaro-amerikan që ka vendosur të kthehet në vendin e tij për të kontribuar mbas 20 viteve në SHBA, ju siguroj se padia do të përgatitet dhe do të depozitohet së shpejti në gjykatën perkatese.
Ndoshta shpifja këtu është bërë rrugë, por më vjen keq t’ju them që integriteti dhe reputacioni i një avokati amerikan që ka punuar për studion nga ku ka dalë dhe ai që sot është Kryetari i Gjykatës Supreme të SHBA, nuk mund të përbaltet si kolateral i betejave politike në Shqipëri apo i atyre që i ka zënë paniku i lirimit të zyrës.
Thellohet skandali i listës së pagave të qytetarëve që po qarkullon prej disa ditësh në Shqipëri.
E ndërsa dje doli gjerësisht në media lista e pagave të muajit janar të vitit 2021, sot skandali është thelluar akoma më shumë pasi jo vetëm që doli lista e dytë me 60 mijë emra të tjerë më shumë, praktikisht e pagave të Prillit, por përveç kartës së identitetit, pagës dhe të dhënave të tjera janë edhe numrat e telefonit të qytetarëve. Abcnews.al e ka parë listën e plotë.
Praktikisht gjithçka është zbuluar dhe është në rrugë tashmë. Kryeministri Edi Rama deklaroi se kjo është vepër e opozitës dhe se e di përse doli tani dhe se është gati që të shkojë të dëshmojë në prokurori nëse organi i akuzës është gati që të marrë versionin e tij.
Prej muajit maj të vitit të kaluar, ish-raportuesi për Shqipërinë në Parlamentin e BE dhe ish-eurodeputeti Knut Fleckenstein, është emëruar Këshilltar i Kryetarit të Kuvendit, aso kohe të kryeparlamentarit Ruçi, post që vijon ta mbajë edhe me Lindita Nikollën.
Po ndërsa emërimi i tij, u bë publik asokohe në media, skandali me publikimin e pagave, nxori në pah sa paguhet ai nga shteti shqiptar.
Kështu ish-raportuesi për Shqipërinë në Parlamentin e BE dhe ish-eurodeputeti Knut Fleckenstein, paguhet 153,300.00 në pozicionin e këshilltarit të kryetarit të Kuvendit.
Deputeti i PD Agron Shehaj deklaroi se në dy vitet e fundit Thesari i Shtetit ka paguar 30 mln dollarë për tendera sekretë, pjesë dërrmuese e të cilëve janë zhvilluar nga Agjencia Kombëtare e Shoqërisë së Informacionit.
Sipas tij, këta tendera janë fituar nga një grusht kompanish të lidhur ngushtë me pushtetarë të lartë, teksa thotë se 7 mln euro nga tendera sekretë janë marrë nga kompania e themeluar nga Ilir Beqaj dhe një tjetër po e lidhur me pushtetarët.
Shehaj thekson se të vetmet gjëra që AKSHI mban sekrete në mënyrë rigoroze janë tenderat, ku abuzohet me paranë publike, ndërsa mesazhi për prokurorinë nga dalja Rama-Karçanaj është i qartë: Mos hetoni!
POSTIMI I PLOTË
Në dy vitet e fundit, sipas të dhënave zyrtare nga Ministria e Financave, thesari i shtetit ka paguar 30 milionë dollarë për tendera sekretë.
Pjesa dërrmuese e tyre janë tendera të zhvilluar nga AKSHI, pa garë dhe pa transparence, dhe përfituesit më të mëdhenj të këtyre parave janë një grusht kompanish të lidhura ngushtë me pushtetarë të lartë dhe familjarë të tyre.
Dy nga kompanitë që kanë marrë 7 milionë euro nga tenderat sekretë të AKSHI-t janë FASTECH-u i famshëm i themeluar nga Ilir Beqaj dhe Advanced Business Solutions, një kompani me lidhje te ngushta me pushtetarët.
Pra kompanitë e miqve të qeverisë dhe ish-ministrave marrin miliona dollarë nga buxheti i shtetit në tenderat sekretë të AKSHI-t, dhe argumenti se si AKSHI justifikon këto tendera sekretë është ai i sigurisë së të dhënave.
Sot të gjitha të dhënat sensitive të qytetarëve dhe biznesit, pagat e tyre, numrat personalë, etj, kanë dalë në pazar.
Të vetmet gjëra që AKSHI mban sekrete në mënyrë rigoroze janë tenderat, ku abuzohet me paranë publike. AKSHI është institucioni shtetëror i ngarkuar nga ligji për menaxhimin dhe sigurinë e gjithë infrastrukturës shtetërore të IT-së.
Sot drejtoresha e AKSHI-t dhe i gjithë stafi i saj përgjegjës për sigurinë e të dhënave duhet të ishin persona nën hetim dhe do duhej t’u ndalohej hyrja në zyrë për të shmangur prishjen e provave.
Në vend të kësaj, pas pak drejtoresha e AKSH-it do të dalë para mediave bashkë me kryeministrin për të mbrojtur tenderat sekretë që u jep kompanive të pushtetarëve dhe familjarëve të tyre. Dhe mesazhi për prokurorinë nga kjo dalje është e qartë. Mos hetoni. Se pas AKSHI-t është qeveria. Pas tenderave korruptive të AKSHI-t janë qeveritarët.
Kryetarja e Lëvizjes Socialiste për Integrim Monika Kryemadhi deklaron se sekretari i përgjithshëm i Kryeministrisë Ëngjëll Agaçi duhet të ishte para drejtësisë për aferën e inceneratorit të Elbasanit.
Kryemadhi pyet se përse SPAK vonon në arrestimin e tij, teksa thekson se Agaçi megjithëse u has me refuzimin e Agjencisë së Prokurimit Publik për procedurën për inceneratorin e Elbasanit, me vetëdije të plotë shkel ligjin.
Ajo thotë se fut në rendin e ditës së Këshillit të Ministrave, jo lidhjen e kontratës, por faturën financiare të kontratës.
DEKLARATA E PLOTË
PSE SPAK VONON ARRESTIMIN E ËNGJËLL AGAÇIT?
Sekretari i Përgjithshëm i kryeministrit Ëngjëll Agaçi është një nga aktorët kryesor në aferën e inceneratorit të Elbasanit.
Agaçi, megjithëse haset me refuzimin e Agjencisë së Prokurimit Publik për procedurën për inceneratorin e Elbasanit me vetëdije të plotë shkel ligjin.
Ligji, e përcakton qartë që Sekretari i Përgjithshëm i kryeministrit është përgjegjës për hartimin e rendit të ditës së mbledhjes së Këshillit të Ministrave.
Duke shfrytëzuar këtë kompetencë, Ëngjëll Agaçi pasi është në dijeni nga APP e cila kundërshton procedurën e ndjekur ‘Negocim pa shpallje’ e fut në rendin e ditës së Këshillit të Ministrave, jo lidhjen e kontratës, por faturën financiare të kontratës.
Pra, miratohet fatura financiare pa u vënë në dijeni të kushteve financiare të saj.
Për këtë shkelje, jo vetëm në inceneratorin e Elbasanit por dhe atë të Tiranës Ëngjëll Agaçi duhet të ishte para drejtësisë.
Pra, miratohet me VKM financimi i një kontrate që buron nga një procedurë e paligjshme e provuar me shkresë dhe paralajmërim zyrtar nga AGJENCIA E PROKURIMIT PUBLIK.
I dorëhequr, i shkarkuar, apo në detyrë? Si do të përballet me drejtësinë, nëpunësi më i lartë ekzekutiv i qeverisë së Edi Ramës?
SYRI ka denoncuar vazhdimisht se brenda selisë së Partisë Demokratike ndodhen persona të armatosur dhe me rrezikshmëri të lartë.
Mes tyre ka edhe efektivë të RENEA dhe FNSH të armatosur rëndë.
Sot SYRI zbardh të tjera detaje nga uzurpimi me dhunë e selisë së demokratëve nga deputeti Lulzim Basha.
Një video e publikuar në rrjetet sociale tregon momentet e argëtimit të shtunën në mbrëmje vonë të disa personave të cilët mësohet se në momentin kur Sali Berisha dhe demokratët mbërritën te PD, pas referendumit ku anëtarësia shkarkoi Lulzim Bashën, kanë qenë brenda godinës dhe në tarracë, me kapuça të zinj dhe të armatosur.
Pasi situata është shtensionuar ata kanë dalë nga selia dhe janë rehatuar në një ambient privat për të darkuar me mish, pije dhe muzikë tradicionale. Video është hedhur në Facebook nga Florenc Hoxha dhe mban orën 01:55 minuta të mëngjesitë ditës së diel.
Kjo celulë drejtohet pikërisht nga vetë Florenc Hoxha, ish-drejtori i Policisë Bashkiake të Tiranës i emëruar nga Lulzim Basha në vitin 2011.
Hoxha dhe njerëzit e tij përbëjnë grupin e ‘gardës’ së Bashës që rri në tarracën e PD-së dhe janë të pajisur me bomba gazlotsjellës. Prova të cilat janë publikuar me foto nga SYRI edhe më parë.
Në vdeon që shihni më poshtë janë njerëz të skeduar si problematikë, të arrestuar, ekstremistë dhe persona me precedentë penalë.
Një ndër personat e pranishëm në argëtimin pas ‘mbrojtjes së selisë së PD-së’ ishte edhe Ervin Goxhaj, kryetari i degës së PD në njësinë numër 4 në Tiranë.
Ervin Goxhaj u bë i njohur për publikun gati dy muaj më parë, pasi shkriu një shtab të tërë elektoral vetëm sepse e kishin firmosur në mbështetje të Foltores të Sali Berishës.
Kush është e shkuara e Ervin Goxhajt?
“Mbështetësi i zjarrtë” i Bashës, Ervin Goxhaj është arrestuar vite më parë nga policia e kryeqytetit me akuzë se kishte vjedhur një magazinë cigaresh.
Ngjarje të ndodhur në vitin 2012, ku dy personazhe, ish drejtues të fushatës së Lulzim Bashës, janë prangosur nga policia.
Njoftimi i kohës i policisë:
Policia e Tiranës ka prangosur Ervin Goxhaj dhe Gerti Frexhaj, ky i fundit ish drejtues i fushatës së Bashës në zgjedhjet e 8 majit në Kinostudio. Shpallet në kërkim shtetasi R. Sh.. Të tre personat kanë vjedhur një magazinë në kryeqytet, duke grabitur cigare me vlerë 250 milion lekë të vjetra, ky është raportimi që vjen për një ngjarje të vitit 2012.
“Sipas të dhënave nga policia e kryeqytetit janë arrestuar shtetasit Ervin Goxhaj 29 vjeç dhe Gerti Frexhaj, 31 vjeç pasi në datën 26 janar të këtij viti, kanë vjedhur në bashkëpunim me R. Sh. 28 vjeç një magazinë, duke grabitur cigare me vlerë 250 milion lekë të vjetra.
Magazina e cila ndodhet në rrugën “5 Maji”, afër tregut Industrial është në pronësi të shtetasit M. Q. Nga verifikimet e kryera nga uniformat blu, rezulton se një nga të dy të arrestuarit, i kanë dhënë magazinën me qera Mekiut.
Ervin Goxhaj dhe Gerti Frexhaj, të dy në bashkëpunim me njëri-tjetrin kanë kryer vjedhjen, ndërsa kanë hyrë në magazinë në orët e vona të natës, duke prerë drynin dhe vjedhur materialin i cili ndodhej aty.”-thuhej në njoftimin e Policisë së Tiranës, në vitin 2012.
Prokuroria e Tiranës ka nisur një proces verifikimi pas shqetësimeve të qytetarëve në lidhje me skandalin e publikimit të të dhënave për pagesat mujore, në media.
Burime nga prokuroria e Tiranës, bëjnë me dije se verifikimet kanë nisur pas një ankese të një grupi qytetarësh për nxjerrje te dhënash.
Prej disa ditësh në WhatsApp janë duke u shpërndarë të dhënat e qytetarëve, përfshirë edhe pagën që ata marrin, qoftë në sektorin publik, qoftë në sektorin privat.
Ky është skandali i dytë që ndodh me të dhënat e qytetarëve, pas database së shpërndarë para zgjedhjeve, e cila dyshohet se ishte ndërtuar nga PS, ku individëve iu shënohej edhe përkatësia politike. syri.net
SYRI raportoi ekskluzivisht sot se mbrëmjen e kaluar Lulzim Basha është takuar me Taulant Ballën dhe Erion Veliajn në ambientet e hotel Prestige.
Basha konfirmoi lajmin e SYRI-t, por edhe pse mohon që të jetë takuar me Veliajn dhe Ballën rrethanat e tradhtojnë dhe del zbuluar.
SYRI duke dashur të tregojë kujdes ndaj familjes Basha nuk e përmendi faktin që ishte edhe bashkëshortja e zotit Basha në takim.
Tani pyetjet për Bashën: Pse shkove për ngushëllim në 12 të natës?
A ishte aty edhe Taulant Balla dhe Erion Veliaj?
Sa qëndruat për “ngushëllim” me Ballën e Veliajn tek hotel “Prestigj” në 12 të natës?
Pasi është fakt që ju pasi keni mbaruar emisionin tek TV i “juaj” News 24, në orën 23.30 keni marrë edhe bashkëshortën në shtepi dhe i jeni bashkuar “ngushëllimit” të Veliaj e Balles në hotel për njeriun e shtrenjtë të Hysenbelliut.
Në 12 të natës nuk shkohet për ngushëllim, por për pazare.
Çfarë koincidence, edhe Veliaj e Balla paskan zgjedhur orën 12 të natës për ngushëllim!
Dhe pyetja e fundit:
Pse nuk e atakoni asnjëherë për inceneratorin e Tiranës, Veliajn?
Reagimi i Lulzim Bashës Shpifjet e Syrit të Sali Berishës vazhdojnë edhe sot, me lajme të sajuara turpshëm dhe që synojnë të fshehin të vërtetën që sot e di çdo demokrat, që Sali Berisha po tenton të dëmtojë PD për interesin e tij personal.
Kryetari i Partisë Demokratike z. Lulzim Basha, i shoqëruar nga bashkëshortja e tij, nuk kanë qenë në asnjë takim apo darkë në hotel “Prestige”, por kanë qenë atje për ngushëllim në familjen Hysenbelliu, për shkak të ndarjes nga jeta të kryefamiljares së tyre të shtrenjtë.
Degradimi i një media personale për hallin personal të Sali Berishës shfaq edhe njëherë përpara çdo demokrati dhe qytetari shqiptar, se vendimi i Partisë Demokratike për të zgjedhur të ardhmen dhe për të lënë pas të shkuarën, është interes madhor i demokratëve dhe Shqipërisë.
Berisha: Nuk ka ‘bravë’ që e ndalon revolucionin paqësor!
Lideri historik i demokratëve, Sali Berisha gjatë një konference nga selia e PD-së sot, është shprehur se nuk ka njeri që e ndalon më, revolucionin paqësor të shqiptarëve.
“Kur një pakicë mendon të shtypë një shumicë, – theksoi Berisha për mediat, duke iu referuar së pari ish-kryetarit Basha dhe mbështetësve të tij, – ajo ose është pakicë totalitare, ose është pakicë terroriste, ose është pakicë banditeske, por një gjë është e sigurt se kurrë një pakicë nuk duhet të tentojë të shtypë apo të injorojë shumicën, por duhet të pranojë sundimin e saj brenda rregullave dhe normave që janë universale.
Mbyllja e dyerve të selisë për PD-në nga “Peng Basha” apo “Lul Brava” është një akt i shëmtuar, siç është e shëmtuar futja e eksponentëvë të armatosur të Qeverisë dhe të banditëve në selinë e demokratëve.
Kjo është Shtëpia e Lirisë dhe jo e armëve! Në këtë kontekst, nuk është Sali Berisha, as këta zotërinj -anëtarë të Komisionit të Përkohshëm që kanë bërë lojë me brava. Lojë me brava në mënyrë të turpshme ka nisur dhe bitisur, Lulzim Brava por dhe njëherë: Nuk ka bravë, nuk ka forcë, nuk ka asgjë që mund ta ndalojë këtë revolucion, pa zbatuar vendimet e anëtarëve të tij!”
Berisha: Kuvendi i Bashës u mbush me njerëz të Çilit, socialistë dhe delinkuentë
Lideri historik i demokratëve Sali Berisha u shpreh se Lulzim Basha në 18 Dhjetor mblodhi një antimiting.
Berisha u shpreh nga selia blu se Pallati i Kongreseve ka një kapacitet vetëm 1958 karrige duke rrëzuar pretendimin e PD-së zyrtare se aty ishin 5004 delegatë.
‘Po krahasohen të pakrahasueshmet. Kuvendi i Lul Bravës u thirr nga një kryesi që është absolutisht e instaluar në dhunim flagrant të ligjit të partisë, që kërkon që anëtarët e kryesisë të zgjidhen me votë të fshehtë. Të Fshehtë nga Këshilli Kombëtar me dy kandidatura alternative.
Unë kam dëgjuar ndonjë prej tyre që të përdorë si argument që fajin e ka Saliu, një broçkull dhe faj se unë isha i pranishëm në mbledhje. Kjo është qesharake. Ata që kanë integritet qoftë si politikan qoftë si njerëz e që janë me ligjin, japin menjëherë dorëheqjen nga ajo kryesi.
Por tani kryesia është shkarkuar e tëra nga Kuvendi i 11 Dhjetorit. Se çfarë ishte anti Kuvendi i 18 Dhjetorit, ju duhet ta dini që më rikujtoi mjerisht një antimiting që më pati organizua Ramiz Alia në vendlindjen time në 10 janar të vitit 1991. Kishte lënë ca delinkuentë ca ekstremistë të majtë enveristë të thekur dhe mendoi se në këtë mënyrë do të mposhte PD-në.
Kush ishin? A i patë ju delegatët?! 5004 delegatë ishin një imagjinatë halucinative e sëmurë në një sallë ku një nga kolegët tuaj numëroi një për një për një karriget dhe ishin gjithsej 1958 karrige dhe hollet ku gjendeshin maksimumi 200 persona që nuk ishin.
Më pas, Berisha u shpreh se Pallati i Kongreseve në Kuvendin e thirrur nga Basha ishte i mbushur me universitetin e Henri Çilit, ish-kryetar bashkie socialistë me dy mandate dhe delinkuentë.
‘5004 delegatët ishin një imagjinatë haluçinante e sëmurë. Në një sallë ku njëri nga kolegët tuaj numëroi çdo karrige të saj dhe kishte 1958 karrige. Anti-Kuvendi nuk kishte kuorum, ishte i mbushur me familjarë, bota e krimit ishte e pranishme aty.
E njihni ju një farë Henri Çili, e keni harruar? Personazhi më i shpeshtë në media, gjersa u ndrydh në banesë pasi i ofroi njërit prej drejtuesve më kryesorë të drejtësisë 500 mijë për një favor në gjykatë dhe kjo çështje u mbyll. Ai nisi falangat nga ai universitet për turpin e tij, njerëz që nuk kanë qenë kurrë as në parti as delegatë për të plotësuar numrin 1958.
Për të thënë ish-kryetar bashkie socialistë edhe me dy mandate dhe disa delinkuentë të tjerë’ tha Berisha. syri.net
Gjatë një konference nga selia e PD, lideri historik i demokratëve Sali Berisha është shprehur se sot deputeti Lulzim Basha është njoftuar zyrtarisht vendimin e referendumit për shkarkimin e tij nga detyra.
‘Komisioni vendosi t’i komunikojë deputetit Lulzim Basha vendimet supreme të anëtarësisë së PD në aktin më historik të lirisë gjatë pluralizmit siç ishte referendumi i datës 18. Dhe ky akt siç e dini ishte shkarkimi, ratifikimi i shkarkimit për të cilin vendosën 4446 delegatë të Kuvendit të thirru nga anëtarësia në 11 dhjetor 2021’, u shpreh lideri historik i demokratëve, Sali Berisha.
Sipas tij, ‘si një akt protokollar dhe jo detyrim-sepse detyrimi e shpall para të gjithë shqiptarëve deputeti Basha di ti dërgohet një shkresë ku do ti komunikohet, njoftohet me shkrim për këtë vendim ndërkohë për të gjithë anëtarët dhe anëtaret e PD, 44 mijë të rinj e reja burra e gra, që votuan më datën 18 dhjetor, për të gjithë shqiptarët në Shqipëri dhe kudo që ndodhen komisioni vendosi të njoftojë se anëtarësia e PD është në këmbë dhe e vendosur të zbatojë vendimin e saj.
Pra, vendimi i marrë do të zbatohet pa asnjë lloj hezitimi
Paralajmëroj këtu deputetin Basha të mos mendojë ti kundërvihet vendimit të referendumit më të gjerë të mbajtur ndonjëherë.
Anëtarët kanë vendosmëri absolute për ta zbatuar këtë vendim’, u shpreh Sali Berisha.
Berisha ftesë deputetëve të PD: Hajdeni merrni dosjet e votimit, kthehuni tek anëtarët
Gjatë një konference nga selia e PD, lideri historik i demokratëve Sali Berisha në emër të Komisionit të Rithemelimit të PD u ka bërë thirrje deputetëve që ti bashkohen dhe të marrin dosjet përkatëse.
‘Së fundi edhe njëherë ftoj çdo deputete të PD çdo deputet, që e ndjen veten deputetët të kësaj force politike dhe jo deputetë të Lulzim Bravës, ftoj çdo deputetë të PD që e ndjen veten njeri të lirë dhe jo të lançuar nga interesa të ndryshme të vijë të marrë dosjen e votimit të degës nga e cila ai është zgjedhur deputete dhe të marrë vendimet e duhura.
Çdo akt në kundërshtim me këto vendime përbën një mungesë të plotë besnikërie politike ndaj atyre të cilët kanë derdhur lumenj djerse për mandatin e këtij apo asaj deputeteje
PD i garantoj se do të gjejnë një PD krejt tjetër nga ajo që kanë përjetuar këto dy muaj si një parti të njerëzve të lirë, të deputetëve drejtuesve të lirë dhe unë në emër të komisionit i mirëpres ata’, u shpreh lideri historik i demokratëve, Sali Berisha.
Berisha: Futja e banditëve të armatosur në seli, akt i shëmtuar i Bashës
Lideri historik i demokratëve Sali Berisha gjatë një konferenca nga selia e PD, është shprehur se futja e banditëve të armatosur në seli ishte një akt i shëmtuar i Lulzim Bashës.
‘Pakica duhet të pranojë sundimin e saj brenda rregullave dhe normave që janë universale, mbyllja e dyerve të selisë për PD nga peng Basha apo Lul brava është akt i shëmtuar siç është i shëmtuar futja e eksponentëve të armatosur të qeverisë dhe banditëve në selinë e demokratëve, kjo është shtëpia e lirisë dhe jo e armëve’, u shpreh lideri historik i demokratëve.
‘Kur një pakicë mendon se është një shumicë ajo ose është pakicë totalitare, ose terroriste, ose banditeske, por një gjë është e sigurtë se kurrë një pakicë nuk duhet të tentojë të shtypë apo injorojë shumicën pro të pranojë sundimin e saj brenda rregullave dhe normave që janë universal.
Mbyllja e dyerve të selisë për PD nga peng Basha apo Lul Brava është një akt i shëmtuar, siç është i shëmtuar futja e eksponentëve të armatosur të qeverisë dhe banditë në selinë e demokratëve. Kjo është shtëpia e lirisë dhe jo e armëve. Në këtë kontekst nuk është Sali Berisha as këta zotërinj anëtar të komisionit të përkohshëm që kanë bërë lojë me brava.
Lojën e bravave në mënyrë të turpshme e ka nisur dhe bitisur Lulzim Brava, por dhe njëherë nuk ka bravë forcë nuk ka asgjë që mund të ndalojë këtë revolucion pa zbatuar vendimet e anëtarëve të tij’, – u shpreh deklaroi lideri historik i demokratëve, Sali Berisha.
Gjatë një konference nga selia e PD, lideri historik i demokratëve Sali Berisha është shprehur se pas diskutimeve të gjera, sot nis puna për zbatimin e vendimeve të marra në Kuvendin e 11 dhjetorit.
‘Të fillojë menjëherë nga puna për zbatimin e vendimeve të Kuvendit të 11 dhjetorit të Rithemelimit të PD. Deri në datën 22 mars, të gjitha strukturat e kësaj partie, duhet të shndërrohen në strukturat e anëtarëve të PD-së, të cilët do të vendosin me votën e lirë për drejtuesit e tyre.
Kjo është një punë intensive, por pasioni, energjia dhe përkushtimi i demokratëve është më i madh se kurrë.
Duke u angazhuar në këtë proces të një rëndësi jetike, demokratët e Shqipërisë janë të vetëdijshëm se janë në një revolucion të pandalshëm të një rëndësie jetike për fatin e demokracisë në Shqipëri të shoqërisë në tërësi ndaj dhe ata mbeten të gatshëm në çdo kohë për të përmbushur çdo mision çdo detyrë që do të kërkohet në avancimin e kauzës sonë’, tha lideri historik i demokratëve, Sali Berisha. syri.net
I ftuar në emisionin “Të Paekspozuarit” në MCN TV, analisti Armand Shkullaku, ka folur për ngjarjen më pikante të ditës në Parlamentin e Shqipërisë, ku Edi Rama caktoi Elisa Spiropalin, si njeriun që do të replikojë nga sot e tutje me Lulzim Bashën, me argumentin se ai e ka humbur legjitimitetin dhe përgjigjet do t’i marrë vetëm nga Spiropali.
Shkullaku tha se kjo ka ndodhur si pasojë e “spiropalizimit të opozitës”.
“A mund të caktonte Edi Rama një tjetër? Përse Elisën? Aty ka edhe të tjerë. Por, kur opozita ‘spiropalizohet’, automatikisht, mendja e Ramës thotë, kur këta ‘spiropalizohen’, unë ja ku e kam dhe ja vë përballë.
Opozita në këtë derexhe ka ardhur. Dalin thonë jemi shumicë, kemi 95%, komunistët, sot zbuluan që Sali Berisha paska patur tesër partie, paska qenë edhe president në 97′. Kur i bënin fresk Berishës dhe ziheshin me njëri tjetërin kush ti rrinte më afër, nuk e kanë ditur. Ky është ‘spiropalizim’, prandaj Rama i caktoi Elisën!” syri.net
Policia e Shtetit njoftoi se ka arrestuar dy persona për djegien e flamurit të Serbisë dje në Tiranë dhe ka proceduar penalisht në gjendje të lirë, 6 të mitur. Mbi ta rëndojnë dy akuza: “Nxitja e urrejtjes ose grindjeve” dhe “poshtërimi i Republikës dhe i simboleve të saj”.”
Shoqërimi dhe arrestimi i tyre ka ndodhur pas protestës që drejtoi lideri i PD, Sali Berisha në bulevardin “Dëshmorët e Kombit” kundër paktit “Open Ballkan” të treshes Rama-Vuçiç-Zaev që mbahet sot në Tiranë.
Policia tha se strukturat e saj “pas provave të grumbulluara, bënë kapjen dhe shoqërimin e 8 personave që u përfshinë në veprimtari të kundërligjshme gjatë zhvillimit të protestës në bulevardin “Dëshmorët e Kombit”. Në përfundim të veprimeve të kryera nga strukturat hetimore të Policisë u bë arrestimi në flagrancë i shtetasve: A. C., 41 vjeç, banues në Tiranë dhe B. B., 56 vjeç, banues në Krujë. Gjithashtu u proceduan penalisht në gjendje të lirë 6 shtetas të mitur të moshës 15 e 16 vjeç, banues në Tiranë dhe në Durrës.
Këta shtetas, – sipas Policisë, -gjatë zhvillimit të protestës pasditen e djeshme, në bulevardin “Dëshmorët e Kombit”, para Kryeministrisë, kanë djegur katër flamuj kombëtar të Serbisë.
Materialet procedurale u referuan në Prokurorisë pranë Gjykatës së Shkallës së Parë Tiranë, për veprime të mëtejshme, për veprat penale “Nxitja e urrejtjes ose grindjeve” dhe “Poshtërimi i Republikës dhe i simboleve të saj”.”
Duhet theksuar se ndalimi i të miturve në veçanti ka qënë i dhunshëm, pasi ata janë goditur nga Policia brenda në furgon në momentin kur po shoqëroheshin për në komisariate dhe njeri prej rasteve më flagrante u denoncua nga Syri.net.
Djaloshi që shihni në foto me syrin e vrarë quhet Fabian Blaka. Është 16-vjeç dhe është një nga protestuesit që u rrëmbye nga forcat e Policisë mbrëmjen e djeshme dhe u rrah brenda furgonit blu.
Pas protestës së opozitës së drejtuar nga lideri i PD, Sali Berisha në bulevardin ‘Dëshmorët e Kombit, Policia e Tiranës shoqëroi nëpër komisariate disa të rinj, për t’i marrë në pyetje për djegien e flamurit serb.
Fjala “shoqërim” që përdoret rëndom në çdo njoftim të Policisë së Shtetit, disa herë në ditë, duket paska kuptim shumë më të thellë dhe këtë pamje që ka syri i Fabianit./SYRI.NET
Një tjetër skandal është denoncuar nga deputeti i Partisë Demokratike, Luçiano Boçi, i cili deklaroi se shtatorja e Adem Jasharit në restorantin në Elbasan ku po mbahej darka zyrtare me udhëheqësit e nismës së Ballkanit të Hapur është mbuluar për të mos e parë Aleksandër Vuçiç.
“Tani sa po më njoftojnë se shtatorja e Adem Jasharit në Elbasan është mbuluar për të mos e parë Aleksandër Vuçiç”, tha Boçi në emisionin Politiko.
Boçi tha se informacioni duhet verifikuar, ndërsa deputeti tjetër, Arbi Agalliu tha se nëse kjo është e vërtetë është skandal.
Në Fish City ndodhen për darkën zyrtare kryeministri Edi Rama, presidenti serb, Aleksandër Vuçiç dhe Kryeministri i Maqedonisë së Veriut, Zoran Zaev. Në këtë darkë merr pjesë edhe Alex Soros.
Darka zyrtare i paraprin samitit për Ballkanin e Hapur, ku ditën e martë priten të nënshkruhen pesë marrëveshje. syri.net
Në restorantin e biznesmenit Gjergj Luca në Elbasan po mbahet një darkë informate mes kryeministrit të Shqipërisë Edi Rama, presidentit të Serbisë Aleksandër Vuçiç dhe kryeministrit të Maqedonisë së Veriut, Zoran Zaev.
Në disa foto të publikuara në rrjetet sociale nga presidenti serb shihen të 3 lidërët të buzëqeshur.“Ne e konsiderojmë Open Balkan një iniciativë të jashtëzakonshme, e cila u bë për shkak të njerëzve që jetojnë në çdo qytet, në çdo fshat.
Bisedime të rëndësishme se si të vazhdojmë të përparojmë, të lidhemi, të bashkëpunojmë më shpejt dhe më fort.
Presidenti i Republikës së Serbisë, Aleksandar Vuçiq, ka takuar kryeministrin e Republikës së Shqipërisë, Edi Rama dhe kryeministrin e Republikës së Maqedonisë së Veriut Zoran Zaev” – thuhet në postimin e Vuçiç.
