Aktori dhe aktivisti Florjan Binaj, përmes një reagimi në rrjetin social Facebook, ka apeluar për angazhim dhe mobilizim qytetar në protestat kundër qeverisë. Ai ka bërë të ditur gjithashtu se këtë të shtunë do t’i bashkohet protestës së organizuar nga Adriatik Lapaj.

Në mesazhin e tij, Binaj thekson se protestimi është “një detyrim themelor i çdo qytetari që nuk pranon të nëpërkëmbet, të grabitet dhe të përbuzet”. Sipas tij, heshtja e shoqërisë i jep hapësirë dhe kurajë qeverisë për abuzime, ndërsa reagimi dhe bashkimi në protesta janë mjetet e vetme që e detyrojnë pushtetin të tërhiqet.

Aktori shprehet se vendi po ecën në një drejtim të gabuar dhe se ka ardhur koha që qytetarët të reagojnë, përtej ndasive partiake, për të mbrojtur interesin publik.

Më herët gjatë ditës, Florian Binaj iu bashkua protestës së Adriatik Lapajt, i cili prej disa ditësh po proteston në sheshin përpara Kryeministrisë. Ai njoftoi se do të marrë pjesë në të gjitha protestat e paralajmëruara, përfshirë ato të Partisë “Mundësia”, lëvizjes “Shqipëria Bëhet” dhe Partisë Demokratike. bw

Ish-kandidati për postin e Avokatit të Popullit, Besim Ndregjoni, ka hedhur akuza të forta ndaj situatës politike në Shqipëri, gjatë një interviste në studion e News24, duke e cilësuar vendin si një “diktaturë me petkun e demokracisë” dhe duke shprehur zhgënjim të thellë ndaj klasës politike, përfshirë edhe Partinë Demokratike.

Sipas Ndregjonit, tensionet dhe rrëmujat politike nuk janë shkaktuar nga opozita, por janë rezultat i një sistemi ku vullneti i qytetarëve shpërfillet. Ai deklaroi se institucionet janë vënë në shërbim të pushtetit, ndërsa drejtësia funksionon vetëm formalisht. “Të drejtat dhe liritë e njeriut dhunohen, shqiptarët kanë kaluar në depresion për shkak të kësaj krize dhe kësaj klase politike”, u shpreh ai, duke shtuar se frika dhe dhuna përdoren si mekanizma qeverisjeje.

Ndregjoni akuzoi se në vend të ndërtimit të një shteti të së drejtës, po ndërtohet një shtet kriminal. Ai iu referua deklarimeve të drejtësisë, sipas të cilave AKSHI është cilësuar si një institucion kriminal, si dhe rasteve të mëparshme në Bashkinë e Tiranës, ku, sipas tij, janë evidentuar struktura të ngjashme kriminale. Sipas Ndregjonit, edhe policia është vënë në funksion të krimit, duke e bërë të pamundur të flitet për një shoqëri të qetë dhe të sigurt.

Në analizën e tij politike, Ndregjoni theksoi se në Shqipëri nuk ekziston më ndarja tradicionale mes së majtës dhe së djathtës. “Fatkeqësisht, sot nuk ka të majtë dhe të djathtë, por ka banda”, deklaroi ai, duke shtuar se klasa politike e viteve ’90 ka dështuar plotësisht dhe u ka servirur shqiptarëve dy forca politike jo demokratike, në shërbim të pushtetit dhe imituese të modeleve diktatoriale.

Ndregjoni shprehu zhgënjim të thellë edhe ndaj Partisë Demokratike, për të cilën tha se nuk po tregon identitet politik dhe po ndjek një linjë populiste. Ai e cilësoi si “turp kombëtar” procesin për zgjedhjen e Avokatit të Popullit, duke theksuar se PD duhej të tregonte mirënjohje ndaj antikomunistëve shqiptarë. Sipas tij, përzgjedhja e kandidatëve ndër vite ka treguar pazare politike mes forcave kryesore.

Ai kujtoi se në vitin 2001, Partia Socialiste emëroi si Avokat të Popullit një ish-drejtues të Ministrisë së Brendshme të diktaturës, i cili më pas u miratua edhe nga PD për një mandat të dytë, ndërsa në vitin 2011 u dha mandati për Igli Totozanin. Ndërsa shqiptarët prisnin zgjedhjen e një figure antikomuniste, Ndregjoni akuzoi atë që e quajti “forcë politike të pamoralshme dhe të pandërgjegjshme” për pazare me “partinë e krimit”.

Në përfundim, Ndregjoni deklaroi se ai dhe mbështetësit e tij do të mbështesin protestat e Partisë Demokratike vetëm nëse deputetët e PD-së që votuan kandidatin e kryeministrit për Avokat të Popullit japin dorëheqje. Ai shtoi se mbështetja do të vijojë edhe nëse PD mobilizon qytetarët për protesta të vazhdueshme para Kryeministrisë, por vetëm në rast se opozita tregon qëndrueshmëri dhe nuk tërhiqet nga aksioni politik.

TIRANA– Ish-presidenti Ilir Meta, i cili ndodhet në paraburgim që prej 21 tetorit 2024, është paraqitur sot në SPAK për të dhënë dëshmi lidhur me ngjarjet e 21 Janarit. Meta është pyetur në cilësinë e personit që kishte dijeni për rrethanat, duke qenë se në atë periudhë ushtronte detyrën e zv/kryeministrit të dorëhequr në qeverinë “Berisha”.

Avokati i tij, Kujtim Cakrani, ka bërë publike disa elemente nga deklarimet e Metës përpara oficerëve të Byrosë Kombëtare të Hetimit. Sipas Cakranit, Meta ka pohuar se përpara zhvillimit të protestës ishte informuar në mënyrë konfidenciale nga shërbime të huaja që vepronin në Shqipëri, të cilat paralajmëronin për një demonstratë të dhunshme, me rrezik për përplasje serioze dhe madje edhe humbje jete.

Avokati ka theksuar se të njëjtat informacione, sipas Metës, u ishin përcjellë edhe kryeministrit dhe presidentit të kohës.

“Shërbimet amerikane më informuan se protesta do të ishte e dhunshme dhe do mbyllej me vrasje. Unë kam dhënë dorëheqjen se më është kërkuar nga ata sepse e dinin qe do ketë skenar dhune dhe për të zbutur përplasjet dhashë dorëheqjen.  Këto informacione i janë dhënë shërbimit tonë sekret edhe presidencës”, mësohet të ketë thënë Meta.

Çështja “21 janari”

Më 21 janar 2011, në një protestë të organizuar nga Partia Socialiste, asokohe në opozitë, u vranë nga Garda e Republikës 4 protestuesit Ziver Veizi, Faik Myrtaj dhe Hekuran Deda dhe Aleks Nika. Kryeministri i kohës, Sali Berisha deklaroi se opozita kishte përgatitur një “grusht shteti” për të rrëzuar qeverinë, ndërsa opozita akuzoi qeverinë se vrau 4 qytetarë të pafajshëm.

Në hetimin që u bë për vrasjen e protestuesve, të pandehur u morën Ndrea Prendi dhe Agim Llupo, ndërsa gjykata vlerësoi me vendim se vrasjet kanë ndodhur nga pakujdesia. Të dy të pandehurit u dënuan, ish-komandanti i Gardës, Ndrea Prendi me 1 vit ndërsa gardisti Agim Llupo me 3 vite burg./Dosja.al

Zbardhen të tjera detaje nga afera korruptive mbi projektin e Unazës së Re, ku e implikuar kryesore është Belinda Balluku. Sipas gazetarit Elton Quko, 7 tenderat për Unazën e Re u paracaktuan nga Balluku, për të cilën SPAK kërkon arrestimin dhe Berberi, i cili ndodhet pas hekurave.

Gazetari Elton Qyno ka mësuar se tenderi i parë që është paracaktuar nga dyshja Berberi-Balluku është ai që kishte si synim për plotësimin, rakordimin dhe vazhdimin e punimeve tek Sheshi “Shqiponja” Lumi i Tiranës, Loti 1 dhe ndërtimin e Qëndrës së Monitorimit të Trafikut. Këtë tender sipas SPAK është paracaktuar nga zyrtarët e ministrisë dhe ARRSH dhe e ka fituar kompania “Salillari”, e biznesmenit Pëllumb Salillari, duke ofruar vlerën ekonomike prej 2 miliard e 283 milion lekë. Ndërsa është skualifikuar kompania e “Gener 2” e Bashkim Ulaj.

Ndërsa tenderin për ndërtimin e Qendrës së Monitorimit të Trafikut e ka fituar Bashkimi i Operatorëve Ekonomike “Mc Networking”, “Intetra Elektronik Sanayi Anonim Sirk” dhe “Gjoka Konstruksion”, të cilët ofruan tek Balluku vlerën 21 milionë euro për kryerjen e këtij shërbimi. Praktikën tjetër me objekt “Ndërtimi i segmentit rrugor Sheshi Shqiponja – Bulevardi i Ri, Loti 2”, e ka fituar Bashkimi i Operatorëve “4 A-M” e Ardit Metaliaj, “ED KONSTRUKSION” me pronarë Alfred Ibrahimi, Eduart Ibrahimi, Jorgjie Ibrahimi, Ramadan Ibrahimi si dhe “I.D.K – KONSTRUKSION” e Bajram Dalipaj, në vlerën prej 2 miliard e 485 milion lekë.

Tenderin tjetër të Unazës së Re me objekt “Ndërtim i segmentit rrugor Sheshi Shqiponja-Bulevardi i Ri- Shkozë, Urat mbi lumin Tirana është paracaktuar tek kompania tjetër “ALB-STAR” e Sadik Ismailaj, i cili ka ofruar vlerën prej 2 miliard e 559 milion lekë të vjetra. Praktikën tjetër e për ndërtimin e Unazës së Jashtme Tiranë, Loti 4 e kanë paracaktuar tek “EUROTEOREMA PEQIN” dhe “PE-VLA-KU” e Kujtim Arifaj, Vladimir Pjetergjokaj si dhe “NOVA Construction 2012” e Ilir Shtufit, të cilët ofruan vlerën 2 miliard e 96 milion lekë.
Gjithashtu tenderi tjetër për “Ndërtim i Unazës së Jashtme Tiranë, Loti 5, sipas dosjes së SPAK është paracaktuar tek Bashkimi i Operatorëve Ekonomikë “G.P.G. COMPANY” në pronësi të Gëzim Dani dhe Paqsor Buzi nga Fieri dhe “SENKA” e Ylli Senka nga Fieri me vlerë 1 miliard e 802 milion lekë. Njëherësh e paracaktuar ka qënë dhe gara për ndërtimin e Unazës së Jashtme Tiranë, Loti 6, ku sipas SPAK është paracaktuar kompania e “Gjoka Konstruksion” e Rrok Gjokës, të cilën kanë ofruar vlerën prej 1 miliard e 716 milion lekë.
Po ashtu sipas SPAK e paracaktuar dhe gara për tenderin e ndërtimt të Unazës së Jashtme Tiranë, Loti 7, ku Bashkimi i Operatorëve Ekonomik, “ALKO-IMPEX General Construcion” e Arbër Abazit dhe “2-T” Artan Sakos dhe Dritan Troksi, është zgjedhur fitues nga Belinda Balluku dhe Evis Berberi, në vlerën 2 miliard e 353 milion lekë reja.

Lista 7 tenderat dhe Fituesit
1 – Plotësimi, rakordimi dhe vazhdimi i punimeve Sheshi Shqiponja-Lumi i Tiranës, Loti 1 dhe QMT
“Salillari” me vlerë 2 miliard e 283 milion lekë të reja fituesi
Skualifikohet “Gener 2” i Bashkim Ulaj
2- “Ndërtimi i segmentit rrugor Sheshi Shqiponja – Bulevardi i Ri, Loti 2”
“4 A-M dhe “ED KONSTRUKSION” dhe “I.D.K – KONSTRUKSION” me vlerë 2 miliard e 485 milion lekë
3- Ndërtim i segmentit rrugor Sheshi Shqiponja-Bulevardi i Ri- Shkozë, Urat mbi lumin Tirana
“ALB-STAR” me vlerë 2 miliard e 559 milion lekë të vjetra
4- Ndërtimi i Unazës së Jashtme Tiranë, Loti 4
“EUROTEOREMA PEQIN” dhe “PE-VLA-KU” si dhe “NOVA Construction 2012” me vlerë 1 miliard e 991 milion lekë.
5 – “Ndërtim i Unazës së Jashtme Tiranë, Loti 5
BASHKIMIT TË OPERATORIT EKONOMIKË
“G.P.G. COMPANY dhe SENKA” me vlerë 1 miliard e 802 milion
6- Ndërtim i Unazës së Jashtme Tiranë, Loti 6
“Gjoka Kontruksion” me vlerë 1 miliard e 716 milion lekë
7- Ndërtim i Unazës së Jashtme Tiranë, Loti 7
BASHKIMIT TË OPERATORËVE EKONOMIKË “ALKO-IMPEX General Construcion” e Arbër Abazit dhe “2-T” Artan Sakos me vlerë 2 miliard e 353 milion lekë reja.

bw

Zbardhet vendimi i gjykatës së Durrësit që çoi në lirimin e Arbër Paplekajt, i cili akuzohet për vrasjen e Pjerin Xhuvanit. Kujtojmë se ngjarja ndodhi më 21 prill të 2021 në lagjen “5 Maji”, në Elbasan. Vrasja e Pjerin Xhuvanit, ndodhi pak ditë para zgjedhjeve parlamentare të 25 prillit të 2021.

VENDIMI I GJYKATES
VENDIMI
1.Pranimin e kërkesës së kërkuesit A.P.
2.Lirimin me kusht të kërkuesit (të dënuarit) A.P, për pjesën e mbetur të pavuajtur prej 6 (gjashtë) muaj e 1 (një) ditë burgim.
3.Në bazë të neneve 61 dhe 64 të Kodit Penal detyrohet kërkuesi A. P.të mbajë kontakt me Shërbimin e Provës Durrës gjatë periudhës prej 6 (gjashtë) muaj e 1 (një) ditë dhe të mos kryejë vepër tjetër penale gjatë periudhës së provës së mësipërme.
4.Bazuar në nenin 60 pika 9 të Kodit Penal detyrohet kërkuesi A. P. të mos shoqërohet me persona të dënuar gjatë periudhës së provës.
5.Urdhërohet lirimi A. P. nga Dhomat e burgimit të I.E.V.P Durrës nëse nuk mbahet i arrestuar apo i dënuar për ndonjë vepër tjetër penale.
6.Një kopje e këtij vendimi i dërgohet Prokuroria pranë Gjykatës së Shkallës së Parë të Juridiksionit të Përgjithshëm Durrës për zbatim.
7.Kundër këtij vendimi mund të bëhet ankim në Gjykatën e Apelit të Juridiksionit të Përgjithshëm Tiranë brenda 15 ditëve nga e nesërmja e komunikimit të vendimit.
U shpall më datë 16.12.2025 bw

Kreu i PD-së, Sali Berisha ka deklaruar në Kuvend se Belinda Balluku mund të jetë arratisur, pasi SPAK i kërkoi Parlamentit heqjen e autorizimit të saj për t’i hapur rrugën arrestimit.

Berisha tha shkurtimisht se “thuhet që Lubia ka marrë dhenë, këta e bëjnë vidh e ik”.

“Thuhet që Lubia ka marrë dhenë, këta e bëjnë vidh e ik, jo jo, vidh dhe ligj, Këtë po përpiqemi t’u tregojmë këtyre”, tha Berisha.

Seanca ka nisur me tensione ku opozita ka bllokuar Parlamentin duke kërkuar që Ergys Agasit, pjesë e skandalit të AKSHI-t dhe Belinda Ballukut të paraqiten në Kuvend. gsh

Deputetët demokratë kanë zënë karriget e ministrave në Kuvend.

Menjëherë ata janë rrethuar nga Garda e Republikës. Ndërkohë Sali Berisha, në një lidhje live në Facebook, iu drejtua atyre që të heqin duart nga deputetët.

“Larg duart nga deputetët kriminelë….”, tha Berisha.

“TI nuk merr urdhra nga Balla….Suel Çela nuk jep urdhra këtu”, shtoi Bardhi. gsh

Tensione janë shënuar në Kuvend që në orët e para të ditës, pa nisur ende seanca plenare. Deputetët e Partisë Demokratike kanë zënë vendet e rezervuara për ministrat në sallë, duke shkaktuar përplasje verbale dhe një situatë kaotike.

Në mes të tensioneve, kreu i grupit parlamentar të PD-së, Gazment Bardhi, ka reaguar me tone të larta, duke akuzuar mazhorancën dhe duke bërë thirrje të drejtpërdrejta: “Çojini në burg”.

Veprimi i deputetëve të opozitës u konsiderua si një akt proteste ndaj qeverisë, ndërsa përfaqësues të mazhorancës e cilësuan situatën si pengim të punimeve normale të Kuvendit. gsh

Kreu i partisë Mundësia, Agron Shehaj ka reaguar për përgjimet të bëra publike më herët nga Sali Berisha, ku Belinda Balluku diskutonte me Evis Berberin për tenderat e Unazës së Madhe.

Teksa nxjerr një pjesë të bisedës, ku zëvendëskryeministrja e marrë e pandehur bisedon me vartësin e saj dhe ku përmend edhe Edi Rama, Shehaj thotë se kjo tregon se pas tenderave qëndron vetë kryeministri.

Ai thotë se Balluku tashmë është e “djegur” dhe se para drejtësisë duhet të vihet edhe kryeministri.

“Donit përgjime kur del vetë Edi Rama..ja ku i keni. Këto janë përgjimet e SPAK ku del që vendimet i merr Rama. Belinda Balluku duke folur me Berberin i thotë “Për këtë flet ky se ka rënë dakord me Ramën”. Praktikisht i kërkon  logari Berberit dhe i thotë “Ti e ke hapur këtë tenderin për të cilin ky thotë se ka rënë dakord me Ramën”. “Po” i thotë Berberi. “Po si është e mundur që unë nuk di gjë”? Por, thotë Berberi, se ishte një tender i madh, e ndava në shumë pjesë që të merrnin të gjithë. Këto janë përgjimet që tregojnë se vendimet për tenderat nuk i merr as Belinda Balluku dhe as Berberi, por vetë Edi Rama. Çdo gjë tjetër është thjesht një teatër, nuk ka rëndësi KVO, kriteret, renditja sipas pikëzimeve apo cila është oferta më e mirë. E rëndësishme është që Rama të vendosë se kush prej biznesmenëve që janë afër tij të marrin para e të fitojnë tendera. Është e qartë që Belinda Balluku ka ikur, nuk e shpëtojnë dot më por tani radhën e ka Rama. Duhet të merret i pandehur dhe të dalë para drejtësisë.”, tha ai.

Anëtari i Këshillit Kombëtar të Partisë Demokratike, Lisander Hoxha, ka reaguar përmes një postimi në Facebook, pak orë përpara mbledhjes së Këshillit Kombëtar të PD-së, duke e cilësuar atë si një moment vendimtar për të ardhmen e partisë dhe të vendit.

Sipas Hoxhës, Këshilli Kombëtar do të përballet me një “vendim historik”, i cili synon ta ndajë përfundimisht Partinë Demokratike nga ajo që ai e quan stabilokraci, jo me retorikë, por me akte konkrete.

Ai deklaron se e majta ekstreme, e përfaqësuar sipas tij nga George Soros, është armike e së djathtës dhe e vlerave të saj, duke e akuzuar për deformim të demokracisë përmes investimeve të mëdha financiare dhe ndikimit mbi shoqërinë civile, mediat dhe politikën.

Hoxha thekson se, sipas tij, nuk duhet të ketë drejtues në PD që mbështeten apo sponsorizohen nga struktura të tilla, ndërsa paralajmëron kundër agjendave që, sipas tij, synojnë shpopullimin, shkombëtarizimin dhe cenimin e vlerave tradicionale të shoqërisë shqiptare. Ai shprehet se PD nuk do të lejojë që këto agjenda të dëmtojnë karakterin kombëtar të shtetit shqiptar.

Në postimin e tij, anëtari i Këshillit Kombëtar kërkon gjithashtu një qëndrim të qartë të PD-së kundër bashkëpunimit me qeverinë aktuale, të cilën e cilëson si “më të korruptuarën në Europë”. Ai e konsideron të papranueshme që drejtues të lartë të PD-së të kenë lidhje financiare me qeverinë dhe e quan çdo bashkëpunim të opozitës me të një akt të dëmshëm për besimin publik.

Hoxha i referohet edhe publikimit në media të disa mesazheve, të cilat, sipas tij, tregojnë lidhje të papranueshme mes përfaqësuesve të qeverisë dhe individëve të lidhur me opozitën, duke ngritur pikëpyetje mbi integritetin politik dhe përfaqësimin e interesave të qytetarëve.

Ai thekson se ai dhe një grup kolegësh kanë kërkuar miratimin e një rregulloreje të re, e cila synon ta bëjë Partinë Demokratike të pavarur nga ndikimet e qeverisë dhe të rikthejë moralin dhe besimin në politikë. Sipas Hoxhës, kjo rregullore është jetike për të garantuar transparencë, integritet dhe një luftë pa kompromis ndaj korrupsionit.

Në përfundim, Hoxha shprehet se mbledhja e sotme do të tregojë qartë se kush janë ata që e mbështesin këtë kauzë dhe kush përpiqet ta pengojë, duke e cilësuar këtë proces si “betejën përfundimtare” dhe fundin e tranzicionit stabilokratik në Shqipëri. bw

Gazetarja Klodiana Lala, e ftuar në studion e News24, ka dhënë detaje lidhur me kërkesën e SPAK për autorizimin e arrestimit të zv/kryeministres Belinda Balluku dhe mbledhjen e Këshillit të Mandateve dhe Imunitetit, e cila do të zhvillohet ditën e premte.

Sipas Lalës, nëse Kuvendi vendos t’i heqë imunitetin Ballukut, vendimi për masën e sigurisë, arrest me burg apo arrest shtëpie, do t’i takojë gjykatës. Ajo bëri të ditur se mbledhja e Këshillit të Mandateve dhe Imunitetit pritet të jetë e gjatë, pasi përbëhet nga 10 anëtarë dhe Balluku, e shoqëruar nga avokatët e saj, ka të drejtën të paraqesë mbrojtjen.

Balluku pritet të jetë e pranishme në seancë, ndërsa SPAK ka kërkuar që mbledhja të zhvillohet me dyer të mbyllura. Qëllimi i kësaj procedure është dëgjimi i deputetes për të cilën kërkohet autorizimi i arrestimit, pasi ajo aktualisht gëzon imunitetin parlamentar. Çdo anëtar i Këshillit pritet t’i drejtojë pyetje Ballukut, çka e bën seancën të zgjasë për disa orë.

Sipas saj në mbledhje nuk do të jetë i pranishëm vetëm prokurori Dritan Prençi, i cili ndjek çështjen e Ballukut, por drejtuesi ende në detyrë i SPAK, Altin Dumani ka firmosur një vendim sipas të cilit në komision do të paraqiten të paktën tre prokurorë, për shkak të volumit të madh të dosjes dhe rëndësisë së veçantë të çështjes.

Lala theksoi gjithashtu se deri më tani anëtarët e Këshillit të Mandateve dhe Imunitetit nuk kanë marrë ende materialet e SPAK për dosjen e Ballukut. Bëhet fjalë për akte ekspertimi të celularëve të sekuestruar, si dhe materiale të lidhura me disa pajisje të konfiskuara së fundmi nga vartës të Ballukut dhe persona të konsideruar të besuar të saj. Komunikimet mes tyre kanë çuar në kontrolle të mëtejshme, ndërsa të dhënat e reja janë bashkangjitur në dosje si materiale që ndihmojnë hetimin.

Ish-presidenti i vendit Ilir Meta pritet që të enjten në orën 10 të paraqitet në SPAK dhe të japë dëshminë e tij, për ngjarjet e dhunshme të 21 janarit 2011, ku para godinës së kryeministrisë u qëlluan për vdekje 4 protestues, që morën pjesë në demonstratën e opozitës së kohës.

Vetë Meta iu drejtua SPAK me kërkesë që ta thërriste për të dhënë shpjegime lidhur me ngjarjen, pasi për shkak të posteve që ka mbajtur, pretendon se ka të dhëna që mund ti shërbejnë hetimit. Në kuadër të hetimit të dosjes SPAK ka marrë dëshmitë e ish-kryeministrit Sali Berisha, ish-presidentit Bamir Topi si dhe zyrtarë të tjerë.

Në 21 janar të 15 viteve më parë u vranë nga Garda protestuesit, Ziver Veizi, Faik Myrtaj, Hekuran Deda dhe Aleks Nika. bw

E Ngarkuara me Punë Nancy VanHorn është takuar ditën e sotme me me kryetarin e Partisë Mundësia, Agron Shehaj.

Nëpërmjet një reagimi në Facebook, ambasada amerikane thekson se në këtë takim është folur për vizionin e partisë së Shehajt, për ndërtimin e një të ardhmeje më të mirë për Shqipërinë.

“Biseda e tyre theksoi rolin thelbësor që luan një opozitë aktive në një demokraci të fortë. Ambasada e Shteteve të Bashkuara është e përkushtuar të punojë me udhëheqës nga i gjithë spektri politik për të çuar përpara sigurinë e të dy vendeve tona”, thuhet në reagim. bw

Partia Demokratike do të mbledhë SOT Këshillin Kombëtar ku një ndër propozimet që janë depozituar për tu diskutuar është propozimi për një ndryshim në rregulloren e funksionimit të PD,  nismë e anëtarit të Këshillit Kombëtar Lisandër Hoxha dhe 17 anëtarëve të tjerë.

Sipas këtij propozimi, kërkohet të votohen dhe të mos marrin më poste, të shkarkohen ata që kanë marrë leje për kulla, tendera të dyshimtë që janë pjesë e opozitës.

“Unë e kam firmosur. Bie pak ndesh me të drejtat e njeriut se ne jemi shtet unitar por… Njerëzit që kanë marrë fonde dhe janë sponsorizuar nga Soros të mos kenë pozicione drejtuese në PD. Në rrethanat që ndodhet PD, që sulmohet nga zotëria”, u shpreh në “Studio 24”, Bislim Ahmetaj.

Ndërkohë të ftuarit kanë reaguar duke thënë se vajza e Berishës është një nga përfitueset e bursës së Soros.

Bislim Ahmetaj: Një anëtar i Këshillit Kombëtar ka propozuar një ndryshim në rregulloren e funksionimit të PD, ku kërkohet të votohen dhe të mos marrin më poste, të shkarkohen ata që kanë marrë leje për kulla, tendera të dyshimtë që janë pjesë e opozitës. Ka një propozim për ndryshim në rregullore. Unë e kam firmosur. Bie pak ndesh me të drejtat e njeriut se ne jemi shtet unitar por… Njerëzit që kanë marrë fonde dhe janë sponsorizuar nga Soros të mos kenë pozicione drejtuese në PD. Në rrethanat që ndodhet PD, që sulmohet nga zotëria.

Almer Toska: Do largosh Argita Berishën? Ajo ka studiuar me bursë nga Soros. Zonja e nderuar, vajza e Sali Berishës kandidon nesër për kryetare partie, nuk do ta votosh ti nëse aspiron ajo?

Besmir Semanaj: Kështu si e kanë menduar duhet të largohet edhe Berisha. Realisht është turp…

Eksperti kibernetik Besmir Semanaj, i ftuar në “Studio 24”, u shpreh se me grupin criminal që SPAK goditi brenda institucionit të AKSHI-it, është cenuar siguria kombëtare.

Semanaj tha se prokurimet publike ishin në duart e një grupi të ngushtë njerëzish që kishin krijuar mekanizëm kriminal me anë të të cilit nga një anë përfitoni fonde publike dhe nga ana tjetër kanë patur në duart e tyre të dhënat sensitive të shtetit shqiptar.

“AKSHI është qeveria digjitale, 100% e ministrive, regjistri i bizneseve, transanksione në thesar, kompani që kanë ngritur sisteme IT të gjyqësorit.

95% të tenderave merren nga 2 personazhe, ka kërcënime ndaj konkurrencëës, e çuditshme lidhjet e konkurrencës me Ramën”, tha Semanaj.

I pyetur për rolin e Diellës si ministre virtuale, eksperti Besmir Semanaj tha se institucioni përgjegjës që do të trajnonte Diellën që të mos vidhte, do të krijohej nga ky institucion që u kap me presh në duar.

“Diella do të ishte ministrja më e korruptuar globale duke qenë se përdor inteligjencë artificiale dhe i procedon shkresat dhe informacionin në mënyrë më të shpejtë. Për sa kohë nuk ndryshojnë proceset, nuk ndryshon gjë”, tha Semanaj.

Besmir Semanaj:  kjo është dicka më e madhe se e zonjës Balluku. AKSHI ka vite që denoncohet për mekanizmin kriminal që ka kapur prokurorimet publike. Në një anë paratë e përfituara dhe nga ana tjetër, aksesi i këtyre personave më sensitive të shtetit shqiptar/

AKSHI, qeveria digjitale, 100% e ministrive, regjistri i bizneseve, transanksione në thesar, kompani që kanë ngritur sisteme IT të gjyqësorit, është shumë herë më e madhe se cështja Balluku.

95% të tenderave merren nga 2 personazhe, ka kërcënime ndaj konkurrencëës, e cuditshme lidhjet e konkurrencës me Ramën.

Nëse SPAK e konsideron grup i strukturuar kriminal unë mendoj se është cënuar siguria kombëtare.

Diella ka rënë, nuk ekziston, pasi institucioni përgjegjës që do të trajnonte Diellën që të mos vidhte, do të krijohej nga ky institucion që u kap me presh në duar. Diella do të ishte ministrja më e korruptuar globale duke qenë se përdor inteligjencë artificiale dhe i procedon shkresat dhe informacionin në mënyrë më të shpejtë. Për sa kohë nuk ndryshojnë proceset, nuk ndryshon gjë.

AKSHI si institucion ka varësi direkte në kryeministri. Karcanaj raporton direkt tek Rama.

Për sa kohë nuk ndryshojnë proceset, nuk ndryshon gjë.

Kjo marrëveshje përbën një hap të madh përpara në forcimin e marrëdhënieve dypalëshe, krijimin e mundësive të reja për lidhje tregtare, udhëtime dhe shkëmbime kulturore.

KANADA- Kanadaja dhe Shqipëria kanë nënshkruar një marrëveshje historike për transportin ajror, e cila për herë të parë do të mundësojë fluturime direkte midis dy vendeve. Kjo marrëveshje përbën një hap të madh përpara në forcimin e marrëdhënieve dypalëshe, krijimin e mundësive të reja për lidhje tregtare, udhëtime dhe shkëmbime kulturore.

Ministri i Transportit i Kanadasë dhe Udhëheqës i Qeverisë në Dhomën e Komunave, Steven MacKinnon shpalli marrëveshjen më 16 Dhjetor, duke theksuar rëndësinë e saj për të dy kombet.

“Jemi të kënaqur që finalizuam këtë marrëveshje të re për transportin ajror me Republikën e Shqipërisë, një nga ekonomitë me rritjen më të shpejtë në Evropë. Duke mundësuar për herë të parë fluturime direkte midis dy vendeve tona, kjo marrëveshje krijon mundësi të reja për linjat tona ajrore, forcon lidhjet mes njerëzve dhe rrit më tej lidhjen globale të Kanadasë.”

Kjo marrëveshje hap rrugën për disa kompani ajrore për te operuar fluturime të rregullta midis Kanadasë dhe Shqipërisë, me deri në 14 fluturime pasagjerësh në jave dhe 10 fluturime mallrash në javë për secilin vend. Kompanitë ajrore do të kenë gjithashtu akses në çdo pikë brenda territorit të secilit vend.

Fluturimet direkte nuk do ta bëjnë vetëm udhëtimin më të përshtatshëm, por do të nxisin gjithashtu bashkëpunimin ekonomik. Bizneset shqiptare do të kenë qasje më të mirë në tregun kanadez, ndërsa kompanitë kanadeze do të kenë më shumë mundësi për të identifikuar perspektiva të reja në rajonin e Evropës Juglindore.

Ministër i Tregtisë Ndërkombëtare, Maninder Sidhu, theksoi rëndësinë e kësaj marrëveshjeje për marrëdhëniet Kanada–Shqipëri.
“Marrëveshja për Transportin Ajror midis Kanadasë dhe Shqipërisë shënon një moment të rëndësishëm në forcimin e marrëdhënieve tona dypalëshe. Kjo marrëveshje do të përmirësojë lidhjen ajrore, do të krijojë mundësi të reja për turizmin dhe do të forcojë lidhjet mes njerëzve, duke avancuar objektivat e Kanadasë për diversifikimin e tregtisë. Për Kanadanë, kjo do të ndihmojë bizneset tona të kenë qasje në një treg në rritje në Evropën Juglindore dhe do të mbështesë eksportuesit tanë për të arritur klientë të rinj jashtë vendit. Ky partneritet pasqyron angazhimin tonë të vazhdueshëm për zgjerimin e tregtisë ndërkombëtare dhe ndërtimin e marrëdhënieve të forta, me përfitime reciproke, në mbarë botën.”

Kjo marrëveshje pasqyron një angazhim të përbashkët për ndërtimin e marrëdhënieve të forta dhe me përfitime reciproke. Kanadaja është shtëpia e një komuniteti shqiptar shumë aktiv, i cili tashmë do të jetë më i lidhur se kurrë me rrënjët e tij. Për kanadezët, kultura e pasur e Shqipërisë, peisazhet mahnitëse dhe ekonomia në rritje do të bëhen më të aksesueshme, duke nxitur turizmin dhe investimet./MONITOR

Parlamenti Evropian ka votuar në favor të heqjes së imunitetit parlamentar për eurodeputeten e Partisë Demokratike italiane (Pd), Alessandra Moretti, në kuadër të hetimeve për të ashtuquajturin skandal “Qatargate”.

Me 497 vota pro, 139 kundër dhe 15 abstenime, salla plenare e Strasburgut miratoi vendimin e Komisionit Juridik të Parlamentit Evropian për heqjen e imunitetit të Moretti-t, të marrë më 3 dhjetor.

Ndërkohë, Parlamenti votoi në favor të mbrojtjes së imunitetit parlamentar për eurodeputeten tjetër të Pd-së, Elisabetta Gualmini.

“Jam e zhgënjyer sepse elementët mbi të cilët bazohej kërkesa ishin hedhur poshtë prej meje tashmë me dokumente, dhe vazhdoj të mendoj se votimi nuk u fokusua aq te përmbajtja e kërkesës, por u ndikua nga strategji dhe interesa politiko-elektorale”, deklaroi për ANSA eurodeputetja Alessandra Moretti.

“Ashpresoj të dëgjohem nga prokuroria sa më shpejt që të jetë e mundur, për t’u mbrojtur nga akuzat”, theksoi ajo, duke falënderuar grupin e saj politik dhe “shumë kolegë nga të gjitha partitë për mbështetjen”.

“Do të vazhdoj të bëj punën time me kokën lart”, përfundoi Moretti.

Për Moretti-n, bëhet fjalë për kontakte me Antonio Panzeri-n dhe për një udhëtim të supozuar në Katar, ku dyshohet se ka marrë dhuratë një orë Rolex. Këto akuza janë mohuar prerazi nga eurodeputetja, e cila ka deklaruar, duke paraqitur edhe pasaportën e saj, se nuk ka kryer kurrë një udhëtim të tillë dhe se nuk ka marrë asnjë orë.

Alessandra Moretti, ashtu si shumë eurodeputetë të tjerë italianë dhe jo vetëm, ka pasur kontakte me Panzeri-n dhe Giorgi-n, me të cilët diskutonte çështje politike, përfshirë edhe atë të nëntorit 2022 mbi dhënien e vizave të hyrjes në BE për qytetarët e Katarit.

Sa i përket Gualmini-t, ekzistojnë biseda me Panzeri-n që janë përgjuar, pavarësisht faktit se ajo ishte një deputete evropiane e mbrojtur nga imuniteti parlamentar. Panorama

Këshilli i Mandateve pritet të mblidhet të premten, më 19 dhjetor, për të shqyrtuar kërkesën e Prokurorisë së Posaçme kundër Korrupsionit dhe Krimit të Organizuar.

SPAK i ka kërkuar Kuvendit heqjen e imunitetit të zv.kryeministres Belinda Balluku, si dhe autorizimin për arrestimin e saj, në kuadër të hetimeve që po zhvillohen.

Pas shqyrtimit në Këshillin e Mandateve, çështja pritet t’i kalojë seancës plenare të Kuvendit, e cila do të vendosë nëse do të miratojë ose jo kërkesën e Prokurorisë së Posaçme. bw

Këtë të martë SPAK bëri kërkesë në Kuvendin e Shqipërisë për heqjen e imunitetit të zv.kryeministres së Shqipërisë, Belinda Balluku. I gjendur para kryeministrisë ku po proteston si zakonisht, Adriatik Lapaj komentoi zhvillimet e fundit.

Lapaj shprehet se diçka të tillë e kishte paralajmëruar, ndërsa theksoi se Rama me daljen në mbrojtje, thjeshtë po e çon Ballukun drejt arrestit në shtëpi ose arrestit me burg.

“Siç e keni marrë vesh së fundmi, unë e kisha paralajmëruar në daljet e mia publike. Nuk ndalet dot diçka që i ka ardhur koha. I ka ardhur koha atdheut tonë që më në fund ata që do merren me punët e shtetit, që ditët në hyjnë në zyrën e shtetit, duhet të kenë kujdes me çfarë do merren.

Kushdo që dëshiron të merret me biznes, duhet të hapë krahun dhe të bëjë jetën e tij. Nuk mundet më që të jenë edhe drejtues shteti, edhe oligarkë.

Kërkesa e SPAK- Veprim logjik. Në funksion të zbatimit të ligjit, SPAK kishte kërkuar një masë paraprake si ajo e ndalimit. Kryeministri i vendit, në bashkëpunim me qeverinë, duke i dalë në mbrojtje, po e çojnë drejt arrestit në shtëpi ose arrest me burg”- tha Lapaj. BW

Prokuroria e Posaçme Anti-Korrupsion (SPAK) iu drejtua këtë të martë zyrtarisht Kuvendit me një kërkesë për heqjen e imunitetit dhe hapjen rrugë të arrestimit të Belinda Ballukut, në hetim për 8 procedura tenderuese ne Unazën e Madhe të Tiranës apo Tunelit të Llogarasë. Kjo lëvizje e SPAK i hap gjithashtu rrugën dhënies së masave të sigurisë me të ashpra si “arrest në burg” apo “arrest në shtëpi”.

Po çfarë hapash ndjek Kuvendi në një rast të tillë?

Procedura përcaktohet në nenet 118 dhe 119 të Rregullores së Kuvendit. Kërkesa i paraqitet Kryetarit të Kuvendit nga Prokurori i SPAK, i cili ka për detyrë t’ia përcjellë për shqyrtim Këshillit për Rregulloren, Imunitetin dhe Mandatet. Njëkohësisht vë në dijeni edhe deputetin për të cilin është bërë kërkesa, i cili ka të drejtë të paraqesë në Këshillin e Mandateve parashtrimet e tij.

Brenda dy javëve, Këshilli i Mandateve do të duhet që të hartojë një raport që do ta dërgojë në seancë plenare, përmes të cilit rekomandon rrëzimin ose dhënien e autorizimit për caktimin e masës së sigurisë së arrestit në burg apo shtëpi apo kontrollit personal dhe të banesës.

Më pas Kuvendi, në seancë plenare, vendos me votim të hapur dhënien apo jo të autorizimit. Në rast se Kuvendi nuk merr vendim, brenda tre muajve nga data e paraqitjes së kërkesës, kërkesa konsiderohet e rrëzuar.

Ja çfarë thotë Neni 118 dhe 119 i Rregullores së Kuvendit:

1. Kërkesa dhe dokumentet shoqëruese për dhënien e autorizimit për caktimin e masës së sigurimit të arrestit në burg ose në shtëpi, ose heqjes së lirisë në çfarëdolloj forme, për kontrollin personal ose të banesës i paraqitet Kryetarit të Kuvendit nga prokurori. Kryetari ia dërgon kërkesën dhe dokumentet shoqëruese menjëherë për shqyrtim Këshillit për Rregulloren, Imunitetin dhe Mandatet dhe vë në dijeni deputetin.
2. Deputeti për të cilin kërkohet dhënia e autorizimit lajmërohet për kërkesën e bërë dhe dokumentet që e shoqërojnë atë, si dhe i bëhet e ditur koha në të cilën Këshilli për Rregulloren, Mandatet dhe Imunitetin do të fillojë shqyrtimin e kërkesës. Deputeti ka të drejtë të paraqesë në Këshill, me shkrim ose me gojë, shpjegimet dhe vërejtjet e tij rreth çështjes, të përfaqësohet me mbrojtës ligjor, të drejtojë pyetje dhe të kërkojë sqarime në lidhje me kërkesën, me qëllim të ushtrimit të së drejtës së mbrojtjes.
3. Në përfundim të shqyrtimit, Këshilli brenda 2 javëve harton një raport për në seancë plenare, në të cilin rekomandon rrëzimin ose miratimin e dhënies së autorizimit për caktimin e masës së sigurimit të arrestit në burg ose në shtëpi, ose heqjes së lirisë në çfarëdolloj forme, apo kontrollit personal ose të banesës. Raporti i Këshillit u shpërndahet deputetëve.
4. Shqyrtimi i kërkesës për caktimin e masës së sigurimit të arrestit në burg ose në shtëpi, heqjes së lirisë në çfarëdolloj forme, apo të kontrollit personal ose të banesës së një deputeti vendoset si pikë e parë e rendit të ditës të seancës pasardhëse, pas paraqitjes së raportit të Këshillit për Rregulloren, Mandatet dhe Imunitetin. Në seancë plenare fjala i jepet në fillim deputetit, ndaj të cilit është paraqitur kërkesa, për të dhënë shpjegime ose për t’iu përgjigjur pyetjeve të deputetëve. Raporti i Këshillit nuk është objekt diskutimi. Kuvendi vendos me votim të hapur për dhënien ose mosdhënien e autorizimit për caktimin e masës së sigurimit të arrestit në burg ose në shtëpi, ose heqjes së lirisë në çfarëdolloj forme, apo kontrollit personal ose të banesës ndaj deputetit.
5. Në rastin kur Kuvendi nuk merr vendim për dhënien ose mosdhënien e autorizimit për caktimin e masës së sigurimit të arrestit në burg ose në shtëpi, ose heqjes së lirisë në çfarëdo lloj forme, apo kontrollit personal ose të banesës të një deputeti brenda 3 muajve nga data e paraqitjes së kërkesës përkatëse, atëherë kërkesa konsiderohet e rrëzuar nga Kuvendi.
6. Përcaktimet e bëra në këtë nen zbatohen edhe në rastet e dhënies së autorizimit për caktimin e masës së sigurimit të arrestit në burg ose në shtëpi, ose heqjes së lirisë në çfarëdolloj forme, apo kontrollit personal ose të banesës të anëtarit të Këshillit të Ministrave.

Neni 119

Procedura në rastin kur deputeti është ndaluar ose arrestuar

1. Në rastin kur një deputet është ndaluar ose arrestuar pa autorizim në kryerje e sipër ose menjëherë pas kryerjes së një krimi të rëndë, Prokurori i Përgjithshëm ose Drejtuesi i Prokurorisë së Posaçme vë menjëherë në dijeni Kryetarin e Kuvendit.
2. Kryetari i Kuvendit thërret menjëherë Këshillin për Rregulloren, Imunitetin dhe Mandatet, i paraqet dokumentet e përcjella nga Prokurori i Përgjithshëm ose Drejtuesi i Prokurorisë së Posaçme dhe i kërkon të shqyrtojë çështjen.
3. Këshilli, jo më vonë se 48 orë nga data e vënies në dijeni, kryen procedurat sipas parashikimeve të nenit 73, paragrafët 3 dhe 4, të Kushtetutës dhe zbaton parashikimet e paragrafit 2 të nenit 118 të kësaj Rregulloreje lidhur me të drejtën për një proces të rregullt.
4. Këshilli paraqet raportin për seancën plenare të Kuvendit, e cila thirret nga Kryetari i Kuvendit brenda 48 orëve nga paraqitja e raportit. Vendimi i Kuvendit merret sipas parashikimeve të pikës 4 të nenit 73 të Kushtetutës.

“Bankers Petroleum Albania” në një njoftim ka theksuar se aktiviteti prodhues dhe financiar i Kompanisë në impiantin e nxjerrjes së naftës në Patos-Marinëz është bllokuar në mënyrë arbitrare dhe në tejkalim të procedurave ligjore. Ky bllokim është bërë me urdhër të drejtorit të Përgjithshëm të Doganave.

“Dogana ka bllokuar infrastrukturën nxjerrëse të vendburimit të Patos-Marinzës, duke e çuar aktivitetin operativ të Kompanisë në kolaps të plotë. Preteksti i bllokimit është mos-pagesa e pretenduar e akcizës për holluesin e naftës, një produkt për të cilin, në fakt, nuk duhet paguar akcizë, pasi nuk ka konsum në territorin e Republikës së Shqipërisë dhe nuk përdoret për prodhimin e nxehtësisë apo energjisë, sipas kushteve të parashikuara në legjislacionin shqiptar që prej vitit 2012, në përputhje me Direktivat e BE-së. Ky bllokim ka sjellë ndalimin e operacioneve të nxjerrjes së naftës, duke krijuar rrezik shumë të lartë për mbarëvajtjen e fushës naftëmbajtëse, si dhe duke rrezikuar jetën dhe pronën e banorëve të zonës’, thuhet në reagim.

Gjithashtu kompania thotë se më këtë vendim e ka çuar aktivitetin operativ të Kompanisë në kolaps të plotë.

Nëpërmjet një shkrese zyrtare, AKBN ka kërkuar ndërhyrjen e Ministrisë së Financave për të shmangur bllokimin e operacioneve të Kompanisë.

Njoftim për Shtyp

Me urdhër të Drejtorit të Përgjithshëm të Doganave, aktiviteti prodhues dhe financiar i Kompanisë në impiantin e nxjerrjes së naftës në Patos-Marinëz është bllokuar në mënyrë arbitrare dhe në tejkalim të procedurave ligjore, në kundërshtim me:

• Vendimin e Përkohshëm Nr. 3869/2, datë 17.07.2019, ende në fuqi
• Afatin 5-vjeçar të parashkrimit, neni 102 i Ligjit për Akcizat
• Nenit 11 dhe 51 të Ligjit për Akcizat

Dogana ka bllokuar infrastrukturën nxjerrëse të vendburimit të Patos-Marinzës, duke e çuar aktivitetin operativ të Kompanisë në kolaps të plotë. Preteksti i bllokimit është mos-pagesa e pretenduar e akcizës për holluesin e naftës, një produkt për të cilin, në fakt, nuk duhet paguar akcizë, pasi nuk ka konsum në territorin e Republikës së Shqipërisë dhe nuk përdoret për prodhimin e nxehtësisë apo energjisë, sipas kushteve të parashikuara në legjislacionin shqiptar që prej vitit 2012, në përputhje me Direktivat e BE-së.

Ky bllokim ka sjellë ndalimin e operacioneve të nxjerrjes së naftës, duke krijuar rrezik shumë të lartë për mbarëvajtjen e fushës naftëmbajtëse, si dhe duke rrezikuar jetën dhe pronën e banorëve të zonës.

Institucionet teknike shtetërore përgjegjëse për hidrokarburet në Republikën e Shqipërisë (Agjencia Kombëtare e Burimeve Natyrore – AKBN), përmes një letre drejtuar Drejtorisë së Përgjithshme të Doganave dhe Ministrisë së Financave, kanë sqaruar se:

“Procesi i nxjerrjes së naftës në vendburim duhet të zhvillohet me rrjedhje të vazhdueshme dhe të pandërprerë 24/7, pasi në të kundërt, nafta bruto e prodhuar nga ky vendburim, duke qenë shumë viskoze dhe e rëndë, nëse ftohet, ngurtësohet në tubacione dhe depozita, duke u bërë e papërdorshme. Për informacion: nafta bruto lëviz vetëm në gjendje të ngrohtë; nëse ftohet, ngrin dhe nuk lëviz më. Për më tepër, mungesa e kapaciteteve depozituese për një kohë të gjatë do të sjellë domosdoshmërisht ndërprerjen dhe ndaljen e vendburimit, së bashku me të gjitha pasojat e padëshiruara që lidhen me to.”

Nëpërmjet një shkrese zyrtare, AKBN ka kërkuar ndërhyrjen e Ministrisë së Financave për të shmangur bllokimin e operacioneve të Kompanisë.

Ky bllokim i menjëhershëm i operacioneve sjell pasoja të pariparueshme për vazhdimësinë e menaxhimit të fushës naftëmbajtëse, pasi (përveç depozitave dhe tubacioneve) nëse ndalohet prodhimi i puseve të naftës, pjesa më e madhe e tyre nuk mund të rivihen më në punë, duke e dëmtuar në mënyrë të pakthyeshme këtë pasuri të popullit shqiptar. Theksojmë se dëmi ekonomik i shkaktohet shumë më tepër shtetit shqiptar sesa BPAL-së, i cili është vetëm operator i këtij vendburimi dhe jo pronar i tij, ndërkohë që impakti i përgjithshëm është edhe më i madh.

420 punonjësit e BPAL-së dhe rreth 5.000 punonjës të kompanive nënkontraktore, ofruesve të shërbimeve dhe partnerëve të biznesit, përfshirë edhe rreth 1.300 punonjës të kompanisë shtetërore të naftës Albpetrol sh.a. (e cila varet tërësisht nga prodhimi para-ekzistues që i dorëzon BPAL), rrezikojnë të mbeten pa punë. Po ashtu, rreth 12 kilometra tubacione nafte, depozita naftëmbajtëse, mbi 1.000 puse nafte, impiante përpunimi, etj. (investime të BPAL-së që janë në pronësi të shtetit shqiptar), të cilat duhet të mirëmbahen 24 orë në ditë, rrezikojnë të dëmtohen në mënyrë të pakthyeshme.

Këto veprime nuk prekin vetëm BPAL-në, por edhe një zinxhir të gjerë kompanish nënkontraktore që punojnë çdo ditë me BPAL-në dhe rrezikojnë të mbeten pa punë; pushtetin vendor, i cili përfiton taksa nga operacionet e BPAL-së; banorët e zonës naftëmbajtëse të Patos-Marinzës, jetët dhe pronat e të cilëve rrezikohen në rast incidentesh në fushën e naftës, e cila paraqet rrezikshmëri të lartë nëse operacionet bllokohen; financat e shtetit shqiptar; si dhe shumë të tjera. Gjithashtu, ekzistojnë rreziqe të larta mjedisore (HSE), përfshirë dëme dhe humbje në fushën naftëmbajtëse.

Shkaku i bllokimit të veprimtarisë së Kompanisë është taksimi me akcizë i holluesit, një çështje e diskutuar prej vitesh nga shteti shqiptar nëse Kompania duhet apo jo të paguajë akcizë për këtë produkt. Sqarojmë se holluesi është një lëndë e parë që përzihet me naftën e rëndë të Patos-Marinzës për të mundësuar nxjerrjen më të lehtë nga nëntoka dhe transportimin drejt rafinerive. Ky produkt injektohet në puse dhe nxirret i trupëzuar bashkë me naftën bruto nga nëntoka. Nëse kjo naftë do të konsumohej brenda vendit, do të ishte logjike të paguhej akciza për holluesin; por kjo naftë nuk konsumohet në vend, por eksportohet. Ky fakt certifikohet nga certifikime ndërkombëtare për çdo ngarkesë, të monitoruara 24 orë në ditë nga autoritetet shqiptare si Dogana Fier, AKBN, Albpetrol dhe ISHTI.

Për më tepër, Qeveria Shqiptare, me Vendimin e Këshillit të Ministrave (VKM) Nr. 726, datë 12.11.2014 (VKM që miraton marrëveshjen e dytë ndryshuese me BPAL), ka përcaktuar se nëse BPAL paguan akcizë për holluesin, ajo konsiderohet kosto e rikuperueshme në masën 100%. Pra, në të dyja rastet, efekti ekonomik për shtetin shqiptar dhe BPAL-në është zero.

Ndërkohë, Dogana, përveçse e përcakton si detyrim, i ka vendosur BPAL-së, për vlerën e pretenduar të papaguar të akcizës (rreth 3 miliardë lekë), si detyrimin ashtu edhe një gjobë në masën trefish të detyrimit të pretenduar të akcizës.

E gjithë çështja është aktualisht në proces gjyqësor dhe ende nuk ka një vendim të formës së prerë, ndërkohë që organet shtetërore, pa pritur vendimin e gjykatës, po ndërmarrin veprime arbitrare.

Ky nuk është rasti i parë që BPAL përballet me akte të tilla abuzive. Në këto raste, ne kemi fituar çdo proces gjyqësor. Megjithatë, bllokimi i aktivitetit të Kompanisë pa pritur përfundimin e procesit gjyqësor është një akt dashakeq që dëmton më shumë shtetin shqiptar, punonjësit e industrisë, kompanitë nënkontraktore, komunitetin lokal, pushtetin vendor dhe shumë të tjera.

Gjatë gjithë kësaj periudhe kemi qenë në komunikim të vazhdueshëm me autoritetet shtetërore për të arritur një zgjidhje të përshtatshme të kësaj situate, por deri më tani nuk është arritur asnjë rezultat pozitiv.

Nëpërmjet këtij komunikimi me median, u bëjmë thirrje të gjitha institucioneve që ta administrojnë me maturi këtë situatë delikate. Pas 6 vitesh pezullimi të rezultateve të kontrollit, të cilat janë konsideruar të paligjshme nga vetë Administrata Shtetërore, nuk ka arsye për nxitim në ndjekjen e një çështjeje që do të sjellë dëme të pakthyeshme për Kompaninë.

Ky zhvillim ka aktivizuar klauzolën e Forcës Madhore për shkak të “veprimeve qeveritare”, sipas pikës 17.1 të Marrëveshjes së Hidrokarbureve të vitit 2004, të nënshkruar me shtetin shqiptar.

Ju informojmë se kemi depozituar një kallëzim penal pranë SPAK kundër funksionarëve përgjegjës dhe ftojmë të gjitha palët të presin rezultatet e hetimit dhe vendimet e gjykatave përpara se të ndërmarrin veprime arbitrare.

Bankers Petroleum Albania

15 dhjetor 2025

bw

Avokati Genc Gjokutaj, i pyetur për zhvillimet që pritet të ndodhin në seancën plenare të Kushtetueses në 22 janar, u shpreh se nëse masa provizore e rikthimit në detyrë të Belinda Ballukut do të vijojë dhe i jepet imunitet qeverisë, vendi shumë shpejt do të kthehet në Kolumbi.

Gjokutaj tha se imuniteti i ekzekutivit është një precedent ligjor që nuk ka ndodhur në asnjë vend në botë.

Genc Gjokutaj: Kjo masë provizore është një parathënie, kjo është cështje dhe integriteti. Nëse GJK do të vendosë të hapë këtë precedent ligjor dhe ti japë imunitet një ekzekutivi si ky apo i ngjashëm me të, ky vend do të kthehet në Kolumbi. Nuk ka vend në botë të imunizojë ekzekutivin.

Ju e kuptoni, e kuptojnë dhe këta që kjo është një sforco jashtë mundësive sidomos e një force në konsum.

Alfred Muharremi: mua ma ke garantuar pushtetin deri në 2050. Më përmendi bunkerizimin, harruan që e kanë bunkerizuar PD.

Fundi i kazanit është gjithnjë.

Sërish kanë vijuar përplasjet te Kryeministria mes Adriatik Lapaj dhe mbështetësve të tij nga policisë.

Shkak kësaj here ka qenë një gardh metalik që forcat e policisë e kanë vendosur në fillim të trotuarit duke larguar nga trotuari Lapajn dhe mbështetësit e tij që qëndrojnë prej disa ditësh në shesh.

Herë pas here dëgjohen thirrje në videon nga protesta, teksa iu drejtohen policëve “Çfarë po bëni? A jeni normal?” Ndërkohë vete kreu i Shqipëria Bëhet, dëgjohet teksa thotë se forcat e rendit duan largimin e tij dhe të mbështetësve nga sheshi, duke iu mohuar e drejta e protestimit.

Gjithashtu në video, Lapaj dëgjohet të akuzojë policinë se ka dhunuar një protestues dhe më pas u kërkua edhe ndërhyrja e ambulancës.

Gardhi metalik u vendos pasi një tjetër protestë, ajo e Foltores, do zhvillohet në orën 18:00 nga Partia Demokratik dhe Sali Berisha, në sheshin para Kryeministrisë

Lapaj dhe protestuesit aty kanë kundërshtuar vendosjen e gardhit duke u shtyrë me policinë. gsh

Adriatik Lapaj ka treguar portokalle, bidonë me ujë dhe batanije të mbledhura para Kryeministrisë. Sipas tij këto ishin mjetet që do të përdoreshin nga protestuesit kundrejt Kryeministrisë.
“Këto janë raketat, molotovët dhe tanket që do përdornin kundër këtij sh*ërdhate dhe Kryeministrisë së leshit”, dëgjohet të thotë Lapaj.

“Kam që në moshën 22 vjeçare që protestoj rrugëve të vendit, por agresivitet dhe moskuptim si ky që kam parë tek këto ditë ndërsa ka qenë një protestë paqësore, është përtej çdo gjejë. Mos merr gjenerator ngri së ftohti, mos merr korent, mos ngri çadër. Ndërkohë sot më thonë ik ti se do vijë dikush tjetër të protestojë. Unë nuk kam as ushtri as paramilitar,, nuk jam asnjeri që i kam qef armët. Dua të jetoj në një vend normal. Nëse mendoni se një vend është normal kështu, nuk e di, por unë sa të kem fuqi do të bëj. Pas kësaj do të kthehem prap aty para Kryeministrisë. Uroj që nesër e në vijim çdo ditë në orën 18:00 të dalin njerëz. Numri po vjen duke u rritur”, u shpreh Lapaj. bw

Kreu i Partisë Demokratike, Sali Berisha ka komentuar deklaratën e kryeministrit Edi Rama, se oficerë të Byrosë Kombëtare të Hetimit kanë shkuar në kryeministri.

Berisha tha se këtë fakt e ka denoncuar edhe më herët, duke deklaruar se oficerët e BKH shkuan në godinën e kreut të qeverisë për të sekuestruar dokumentet e krimit.

Po ashtu, kreu i PD u shpreh në një bashkëbisedim me ndjekësit e tij në Facebook, se Rama i detyroi ata të çarmatosen pasi “kishte frikë mos e arrestonin”.

“Rama i ka penguar, unë e kam denoncuar bllokimin që i bëri oficerëve të BKH për të konfiskuar dokumente krimi. Kur kanë shkuar herën tjetër, Rama ka kërkuar çarmatosjen e tyre. Ai vuan nga fobira. Ai ka menduar për shkak të atyre që ka bërë mund ta arrestonin dhe i ka deklaruar të lënë sic thotë ai patllaket, çka nuk ka ndodhur ndonjëherë.

Nëse Lubi Balluku është bërë e qartë në tunelin e Llogarasë ka vepruar me kreun e ARRSH për tenderin, Rama është shumë më i lidhur në këtë aferë sesa Lubi Balluku. Rama e ka marrë Lubinë dhe e ka çuar në Ankara.  Rama në fakt po mbron vetëm veten e tij” ,tha Sali Berisha. gsh

Në një komunikim me qytetarët Berisha u shpreh se familjarë të kryeministrit janë të përfshirë në tenderë.

Gjithashtu ai theksoi se është e rëndësishme që qytetarët të bashkohen të protesta të fuqishme.

“Është bërë e qartë në tunelin e Llogarasë se si ka vepruar me drejtorin e përgjithshëm të rrugëve për tenderin e tunelit. Rama është shumë më i lidhur në këtë aferë. Rama ka marrë Ballukun dhe e ka çuar në Ankara që ka organizuar takimin që ua dha tenderin lubia me 50 mln euro më shumë. Thuhet në regjistrim se …Bashkëshortja Rama është e implikuar në diktimin e fituesve të tenderëve. Ish-zv drejtori i përgjithshëm u mor peng se duket se kishte folur në SPAK. U kërkua të tërhiqej dosja ku përflitej Linda Rama. Imagjino të shkojnë në Surrel t’i kërkojnë dokumentet? Ndaj dhe ai doli tani me të gjithë potencialin e tij dhe mori licencë për të vazhduar zgjedhjet në gjykatë”, tha ai. bw

“Lapaj nuk përjashtohet, e kam përshëndetur protestën e tij të drejtë”, kështu është shprehur kreu i Partisë Demokratike Sali Berisha në një komunikim me qytetarët të zhvilluar këtë të diel.

Gjithashtu Berisha shtoi se e ka mbështetur aktin e tij, sepse sipas tij protesta e kreut të Lëvizjes “Shqipëria Bëhet”, është e drejtë.

“Lapaj nuk përjashtohet dhe unë e përshëndes atë dhe e kam përshëndetur, edhe gjestin e tij, edhe aktin e tij dhe protestën e tij të drejtë.”, nënvizoi ai.

Gjithashtu Berisha bëri thirrje për protesta kombëtare me 22 dhjetor deri në krijimin e një qeverie teknike. bw

Me një status në Facebook, Jamarbër Malltezi ka postuar një dokument ku duket aktiviteti si spiun i shkrimtarit dhe analistin Preç Zogaj, gjatë regjimit komunist.

Në reagimin e tij, Malltezi shprehet se Preç Zogaj ka ‘prodhuar më shumë spiunlliqe sesa letërsi’, duke iu referuar dokumenteve të Sigurimit të Shtetit.

Sipas Malltezit, bëhet fjalë për ‘3 volume me 141 faqe spiunime’, çka, sipas tij, e vendos Zogajn në një rol tipik të propagandës së kohës.

Ka vijuar me tensione protesta e mbrëmshme e Adriatik Lapajt dhe mbështetësve të Shqipëria Bëhet përpara kryeministrisë. Policia ka ndërhyrë ndaj protestuesve duke iu kërkuar të lirojnë trotuarin përpara kryeministrisë.

Lapaj ka debatuar me forcat e rendit, duke thënë se ka leje për këtë tubim.

“Na thoni cilin ligj kemi shkelur?”, thotë Lapaj

Ndërkohë policia ka kërkuar heqjen e një gjeneratori për energjinë elektrike, si dhe karrigeve aty pranë.

Protestuesit pretendojnë se janë konform ligjit dhe nuk e kanë shkelur atë, pasi ka të bëjë me një protestë të rregullt. gsh