Besimtarët e krishterë në mbarë vendin kremtojnë sot festën e Pashkës.

Meshat u mbajtën në Katedralen Katolike “Shën Pali” dhe në Katedralen Ortodokse “Ngjallja e Krishtit” në Tiranë.

Pashkët është festa më e madhe e kalendarit të krishterë që simbolizon ringjalljen e Jezus Krishtit.

“Në këtë ditë të shenjtë, të gjithë jemi të ftuar të marrim pjesë në këtë gëzim. Kemi sigurinë se dashuria e Tij është më e fortë se urrejtja dhe se shpresa jonë në Krishtin është më e fortë se dëshpërimi. Ata që shpresojnë te Zoti do të ripërtërijnë forcën e tyre. Nëse do të ndizet drita e ngjalljes, edhe marrëdhëniet mes njerëzve do të ndriçohen. Sakrificat janë të domosdoshme për shërimin tonë shpirtëror.

Ndoshta sot më shumë se kurrë, bota jonë ka nevojë për mesazhin e Pashkës. Ngjallja e Krishtit na premton një të ardhme të ndryshme. Ai na ka bërë pjesëtarë të ngjalljes së Tij. Sakrifica, ashtu si bekimi, nuk janë të lehta, por janë të domosdoshme”, tha Kryepeshkopi Joan.sn

Kryedemokrati Sali Berisha ka shpallur nga Dibra një vizion të qartë dhe të guximshëm për Shqipërinë Madhështore, duke prezantuar angazhimet konkrete të opozitës për të sjellë ndryshimin e shumëpritur.

Ai theksoi se Shqipëria e së nesërmes nuk ndërtohet me premtime boshe, por me politika që ulin barrën mbi qytetarët dhe bizneset, rrisin mirëqenien dhe rikthejnë shpresën.
Dibra, Mati dhe Bulqiza do të bëhen modele të zhvillimit, ndërsa e gjithë Shqipëria do të kthehet në shtëpinë e shqiptarëve të larguar.

Në qendër të programit të opozitës mbetet familja shqiptare, prodhimi, dhe një ekonomi që punon për njerëzit, jo për oligarkët. Kjo është Shqipëria Madhështore, Shqipëria që lind nga vlerat, ndershmëria dhe vendosmëria për ta shpëtuar vendin nga keqqeverisja.

Fjala e Plotë:

Këto të gjitha i bën qeveria për 100 ditë, por përsëri kjo nuk është Shqipëria Madhështore.
Shqipëria Madhështore është Shqipëria e prodhimit.
Shqipëria Madhështore është Shqipëria e shpresës dhe besimit të shqiptarëve, kur nga diaspora të kthehen qindra mijëra prej tyre që u larguan për të ndërtuar ëndrrën në Shqipëri.
Ndaj dhe biznesit do t’ia ulim në mënyrë drastike barrën fiskale.
Vetëm me uljen në 10 përqind të tatim fitimit, rrogat e rrogëtarëve mbi rrogën e ulët rriten me 13 përqind, sepse kjo taksë është 23 përqind.
TVSH do zbresë në 15 përqind.
Energjia për bizneset në 6 lekë, për qytetarët në 7 lekë.
Dibrës i premtoj kompletimin e plotë të infrastrukturës së saj në rrugë, ujësjëllesa, kanalizime.
Dibra, Mati dhe Bulqiza do kenë infrastrukturën më moderne.
Skavica nuk do ndërtohet kurrë.
Të dashur miq, ky vit është një vvit vendimtar për t’u ndarënga kjo e keqe e madhe.
Diaspora shqiptare është e tëra në këmbë. Ka jo një, por shumë përfaqësues të saj në këtë sallë dhe unë i përshëndes shumë përzemërsisht.
I përshëndes vëllezërit, motrat tona kudo që janë. I ftoj të votojnë me dinjitet, të votojnë në privacinë e tyre, të votojnë si qytetarë dinjitozë për të shpëtuar këtë vend nga narkodiktatura, për të rikthyer në Shqipëri shpresën, besimin, të ardhmen tonë.
Miq, Shqipëria Madhështore është Shqipëria e familjes shqiptare madhështore. Ne jemi dhe do mbetemi për shenjtërinë e familjes.
Për ne, familja është djepi i të gjitha vlerave.
Ndaj dhe ne kurrë prindërit nuk do mund t’i quajmë me numra, nënë dhe babë do jetë e sanksionuar në të gjitha ligjet tona. sn

Kryetari i Partisë Demokratike Sali Berisha është shfaqur ndryshe mbrëmë në takimin e prezantimit të kandidatëve në Kamzë.

Kryedemokrati është shfaqur me kapelen me numrin 1, i cili është edhe numri në fletën e votimit.

Gjatë fjalës së tij, Berisha tregoi dhe rrugën se, si do të rriten pagat dhe pensionet.  

‘Deklaruam se do rrisim pensionet e mesme dhe të larta. Çdo pension i mesëm u rrit 60 përqind. Çdo pension i lartë u rrit 40 përqind. Si ndodhi? Si u bë kjo? Fare e thjeshtë. Paratë ua kthyem shqiptarëve. Si do i rrisim tani? Përsëri me të njëjtin mekanizëm, paratë do ua kthejmë ju.

Si do i rrisim pensionet dhe rrogat, që nuk do ketë rrogë nën 500 euro, rroga mesatare do jetë 1200 euro, rroga e mësuesit do bëhet 1500 euro, si do i rrisim? Do u kthejmë paratë që marrim prej jush do i kthejmë tek ju’, theksoi Berissha në fjalën e tij.

Pjesë nga fjala e kreut të PD, Sali Berisha:

Qytetare dhe qytetarë të Kamzës, vëllezër dhe motra, zonja dhe zotërinj, të fitores së 11 majit, të ndryshimit të madh, të Kamzës dhe Shqipërisë.

Një përshëndetje të përzemërt dhe mirënjohje të pakufishme ndaj jush.

Përshëndetje të gjithë banorëve të këtij qyteti të ri dhe të bekuar.

Përshëndetje miqve të tuaj kudo që janë, në rrethet nga keni ardhur, në Tiranë apo në emigracion.

E nderuar zonja Albana Vokshi, drejtuese politike e Kamzës, të dashur kandidate dhe kandidatë të Aleancës për Shqipërinë Madhështore të këtij qyteti, një përshëndetje të përzemërt, krenaria e PD dhe Aleancës për Shqipërinë Madhështore jeni ju, për Kamzën dhe për Shqipërinë.

Të dashur miq, sot ne vijmë para jush për të parashtruar programin tonë elektoral.

Për të parashtruar tek ju alternativën me të cilën ne jemi të betuar dhe të vendosur t’i japim përgjigjen problemeve të rënda që përjeton sot Kamza, problemeve të rënda që përjeton sot Shqipëria.

Probleme që e kanë bërë Kamzën, e kanë bërë Shqipërinë një vend të pajetueshëm.

E kanë bërë Kamzën, e kanë bërë Shqipërinë një vend nga i cili shqiptarët vetëm largohen.

E kanë bërë Kamzën, e kanë bërë Shqipërinë vendin në të cilin nga viti 2014 gjer në vitin 2023, vetëm në hapësirën e BE u larguan 1 milion e 99 mijë banorë të Kamzës dhe gjithë Shqipërisë.

Miqtë e mi, këta që morën rrugët e dheut nuk i morën ato se lakmonin pasuri.

Nuk i morën ato se nuk kishin mall dhe dashuri për familjen.

Nuk i morën ato se nuk donin vendin e tyre.

Por rrugët i morën se nuk jetonin dot në Kamzë, nuk jetonin dot në Tiranë, nuk jetonin dot në Shqipëri sepse ky regjim, Shqipërinë, Kamzën që rritej në popullatë nga viti në vit, e bëri Shqipërinë dhe Kamzën që nuk jetohej më. E bëri sofrën e familjeve shqiptare të mos pranonte as fëmijët e vet, por t’u thoshte paçi fatin, merrni rrugët e botës.

Nuk ikën shqiptarët se donin të iknin, por ikën se ilaçet nuk i blinin dot në vendin e tyre, por ikën se kreditë nuk i paguanin dot në vendin e tyre, por ikën se shtëpitë nuk i blinin dot në vendin e tyre.

Dhe së fundi ikën dhe ikën sepse në një akt të pashembullt, qytetarët e Kamzës, qytetarët e Shqipërisë, që në vitin 2013 paguheshin më shumë se të gjithë qytetarët e vendeve të tjera të Ballkanit, gjatë këtyre 12 viteve ranë poshtë e më poshtë.

Gjatë këtyre 12 viteve u varfëruan çdo vit e më shumë.

Gjatë këtyre 12 viteve, çmimet e mallrave, ushqimeve jetike u dyfishuan.

E merrnin bukën me 400-500 lekë në vitin 2013, e marrin sot me 900-1000 lekë.

E merrnin mishin me 7 mijë lekë, e marrin sot me 18 mijë lekë.

I merrnin zarzavatet 4 herë më lirë se sot.

Çfarë ndodhi pra? Ndodhi që aq sa blinin me pensionin e vitit 2013, nuk blinin as me trefishin e tij në vitin 2024.

Mallrat bëheshin mollë e ndaluar, apartamentet mollë e ndaluar për të rinjtë.

Vendet e punës rrënohen dhe shkatërrohen çdo ditë.

Kjo qeveri u vërsul mbi taksa.

Kjo qeveria injoroi, mohoi, poshtëroi pensionistin e Shqipërisë.

Një pensionist që në vitin 2013 merrte një pension mesatar 143 mijë lekë, merrte më shumë se secili moshatar i tij në vendet përreth.

Po sot si është gjendja? Sot pensionisti i Malit të Zi merr 450 euro, kurse pensionisti në Shqipëri merr 170 euro.

Pensionisti në Maqedoni merr 405 euro.

Pensionisti në Serbi merr 430 euro.

Pensionisti në Kosovë merr 190 euro.

Në Shqipëri merr 170 euro mesatarja. Kaq marrin vetëm 43 përqind e pensionistëve, 57 përqind e tyre marrin pension të pjesshëm.

Të dashur miq, ky ishte qëndrim çnjerëzor, poshtërues për një të tretën e popullatës.

Ndaj zotohem para jush se 100 ditët e para nuk do ketë pensionist në Shqipëri që nuk do marrë 200 euro.

Dhe më lejoni pak t’i them atij burracakut 2 metra që fshihet dhe nuk del dot, pasi e keni kapur me presh në dorë duke vjedhur, nuk del dot të ballafaqohet para jush në televizion apo në skenë. Jo.

Çfarë thotë? Thotë se po ta rrisim pensionin 200 euro, biem në humnerë. Kurse dje deklaronte se do ta bëjmë në vitin 2030.

Ka deklaratë më të papërgjegjshme, më cinike?

Ju lutem vetëm një moment. Në vitin 2005 ne premtuam dyfishimin e rrogave dhe u them një gjë, ai ka qenë premtimi më i vështirë i jetës sime sepse nuk di një administratë tjetër që të ketë premtuar dyfishim rrogash në atë kohë, por e mbajtëm.

I them cilido shqiptar, gjej një mësues, një infermiere, një mjek, një punonjës që të thotë se rroga e tij nuk u mbidyfishua gjatë viteve 2006-2013. Pa përjashtim të gjithë.

Deklaruam se do dyfishojmë pensionet e ulëta. Pensioni ishte 36 euro, çdo pension i ulët u bë 83 euro.

Deklaruam se do rrisim pensionet e mesme dhe të larta. Çdo pension i mesëm u rrit 60 përqind. Çdo pension i lartë u rrit 40 përqind.

Si ndodhi? Si u bë kjo? Fare e thjeshtë. Paratë ua kthyem shqiptarëve.

Si do i rrisim tani? Përsëri me të njëjtin mekanizëm, paratë do ua kthejmë ju.

Si do i rrisim pensionet dhe rrogat, që nuk do ketë rrogë nën 500 euro, rroga mesatare do jetë 1200 euro, rroga e mësuesit do bëhet 1500 euro, si do i rrisim? Do u kthejmë paratë që marrim prej jush do i kthejmë tek ju. sn

Procesi i votimit është themeli i çdo demokracie, dhe një nga parimet e tij më të rëndësishme është fshehtësia e votës, e garantuar nga Kushtetuta e Republikës së Shqipërisë.

Kështu u shpreh në deklaratën e bërë për media Sekretarja për Marrëdhëniet me Publikun në Partinë e Lirisë, Arla Merja, që sipas të cilës, së fundmi, janë shpërndarë materiale dhe video që shfaqin fletë votimi të plotësuara nga votuesit në diasporë, që kompromentojnë fshehtësinë e votës dhe mund të sjellin ndikime politike dhe manipulime.

Ky fenomen është shqetësues dhe rrezikon integritetin e procesit zgjedhor dhe përfaqësimin e diasporës tha Merja. Duke i bërë thirrje autoriteteve të reagojnë menjëherë dhe të mbrojnë procesin zgjedhor.

Deklarata e Sekretares për Marrëdhëniet me Publikun në Partinë e Lirisë, Arla Merja:

Të nderuar qytetarë!

Procesi i votimit është një nga shtyllat themelore të demokracisë. Një nga parimet themelore që garanton ndershmërinë dhe lirinë e këtij procesi është fshehtësia e votës, e sanksionuar si e drejtë themelore në Kushtetutën e Republikës së Shqipërisë dhe në çdo sistem zgjedhor demokratik.

Së fundmi, në media dhe rrjete sociale kanë qarkulluar video dhe materiale të publikuara nga vetë votuesit që kanë ushtruar të drejtën e votës në diasporë. Në këto pamje, janë shfaqur fletë votimi të plotësuara, të cilat jo vetëm që kompromentojnë fshehtësinë e votës, por hapin rrugë për presion, ndikim politik dhe manipulim të vullnetit të lirë të qytetarëve.

Ky fenomen është shumë shqetësues, jo vetëm për legjitimitetin e procesit, por edhe për integritetin e përfaqësimit të diasporës në jetën politike të vendit. Vota është një akt individual, personal dhe i mbrojtur me ligj. Çdo publikim i saj ose tolerimi nga institucionet përbën cenim të rëndë të parimeve demokratike.

Kërkojmë nga autoritetet përgjegjëse, veçanërisht Komisioni Qendror i Zgjedhjeve, të reagojnë menjëherë, të bëjnë një vlerësim të qartë të situatës dhe të marrin masa për garantimin e fshehtësisë së votës dhe mbrojtjen e procesit zgjedhor në diasporë.

Ju bëjmë thirrje të gjithë bashkëqytetarëve që të respektojnë rëndësinë e këtij akti demokratik dhe të mos bien pre e veprimeve që dëmtojnë të drejtën e përbashkët për zgjedhje të lira dhe të ndershme.

Gjithashtu vota e disaporës, ka një peshë dhe rëndësi të vecantë në zgjedhjet e 11 Majit prandaj të dashur motra dhe vëllezër, votoni masivisht.

Votoni për të pasur një shqipëri të mirqenë ku qytetarët nuk detyrohen të braktisin vendin sepse nuk kane alternativca dhe kjushgtet më minimalke të jetesës.

Votoni NR.1 Koalicionin Partia Demokratike Alenaca për Shqipërinë Madhështore. sn

Zv. Presidentja e Partisë së Lirisë, Erisa Xhixho deklaroi sot se të dhënat e fundit të OKB-së flasin për përgjysmim të numrit, të lindjeve në 30 vitet e ardhshme.

Shqipëria, tha ajo, renditet krah Porto Rikos dhe Xhamajkës, me rënien më të fortë të lindjeve në rang global deri në vitin 2054.

Deklarata e Xhixhos:

Të dhënat e fundit të OKB-së flasin për përgjysmim të numrit të lindjeve në 30 vitet e ardhshme. Shqipëria renditet krah Porto Rikos dhe Xhamajkës, me rënien më të fortë të lindjeve në rang global deri në vitin 2054.

Në krahasim me 10 vjet më parë, lindjet janë përgjysmuar. Për vitin 2024, në Shqipëri lindën vetëm 22 mijë bebe, ndërkohë që 10 vite më parë lindnin pothuajse dyfishi. Pse numri i lindjeve po bie me një ritëm të frikshëm? Sepse çiftet e reja nuk kanë më siguri për të ardhmen! Sepse kostot e jetesës janë rritur disafish dhe pagat janë më të ulëtat në rajon. Sepse një çifti të ri i duhen 60 vjet në blejë një shtëpi në Tiranën me 54 mijë apartamente bosh, ku pastrohen paratë e krimit dhe korrupsionit.

Shqipëria ka sot normat më të ulëta të lindshmërisë në Europë, duke lënë pas vetëm Spanjën dhe Maltën. Popullsia e vendit po plaket në mënyrë të menjëhershme sepse të rinjtë po emigrojnë dhe ata që nuk munden të ikin, nuk kanë asnjë siguri për të ardhmen.

Shpopullimi masiv i vendit ka qenë alarmi i ngritur prej presidentit Ilir Meta disa vite më parë, por qeveria nuk ka marrë kurrë asnjë masë, nuk ka hartuar kurrë politika incentivuese, madje e ka inkurajuar largimin e shqiptarëve përmes keqqevrisjes dhe korrupsionit. Pasoja janë mbi 1 milion shqiptarë të larguar nga vendi gjatë qeverisjes së tij. Aq sa sot, tregu i punës po kërkon punonjës të huaj.Më 11 maj, vota për opozitën është votë për Shqipërinë madhështore!

Qeverisja e mbrapshtë e Edi Ramës u ka hequr të rinjve cdo shpresë për ta ndërtuar të ardhmen e tyre në Shqipëri. Ne kemi detyrimin t’u kthejmë shpresën.

Programi i Aleancës për Shqipërinë Madhështore do të mbështesë familjet e reja, duke u krijuar atyre mundësinë të ndërtojnë një jetë dinjitoze në vendin e tyre.

● Çdo çift i ri i martuar pas vitit 2019, ku një nga partnerët është në martesën e tyre të parë, përfiton 30 mijë euro kredi me interes zero nga qeveria për të plotësuar minimumi 20% të depozitës për apartamentin/shtëpinë e parë që do të blejnë, në mënyrë që të kenë mundësi të marrin deri 80% kredi nga bankat e nivelit të dytë.

● Shteti do të mbulojë tërësisht shpenzimet për fëmijën e tretë deri në moshën 18 vjeç.

● Shteti do të ofrojë mbështetje mujore prej 60 euro për fëmijën e parë dhe 70 euro për të dytin.

● Do të mbështesim me kuponin 250 euro çdo fëmijë në lagjet ku mungon shkolla derisa qeveria të hapë aty shkollën e re. Qytetarët paguajnë taksa dhe shërbimin duhet ta marrin ose të kompensohen në mënyrë që ta përdorin në arsim privat.

● Do të implementojmë sistemin e kateringut në kopshte dhe shkolla, sipas modelit europian.

● Do të rrisim pagat, do të ulim taksat, çmimin e naftës dhe energjisë, dhe do të rikthejmë lirinë ekonomike.

12 vjet krim, korrupsion dhe shpopullim duhen ndëshkuar masivisht, ndaj programi i opozitës është e vetmja zgjidhje per problemet e cdo familje shqiptare.

Më 11 maj, vota për opozitën është votë për Shqipërinë madhështore! sn

Gazetarja Klodiana Lala, ka folur për dënimin e disa zyrtarëve për aferën 130 milionë euro të inceneratorit të Tiranës, që sipas saj ‘janë dënuar sikur vodhën një pulë’.

E ftuar në emisionin “Të Paekspozuarit”, Lala tha se nuk u hetuan peshqit e mëdhenj të aferës, ndërkohë që sot jemi në emergjencë mjedisore dhe se inertet po depozitohen nëpër lumenj.

Lala: Janë miliona euro të hedhura dëm, incenerator nuk ka. Jemi në emergjencë mjedisore. Agjencia e pasurive të sekuestruar ka informuar se duhet bërë ndarja në burim e mbetjeve sepse nuk ka vend. Ndërkohë që dënohen shtatë vetë, sikur të vidhnin një pulë, jo që janë shpenzuar miliona euro, ndërkohë një pjese prej tyre iu shua masa, problemi bëhet më i rëndë sepse vijon edhe sot afera korruptive.

Dilni në lumenjtë rreth e rrotull Tiranës dhe me dakordësinë e policisë Bashkia po hedhin inertet. Dherat nuk depozitohen në landfill sepse nuk ka kapacitet, po ndosin shtratet e lumenjve. Duhet hetim emergjent.

Nuk ka përgjigje se kush është kreu i aferës. Lefter Koka nuk kishte mundësi të jepte 3 koncesione, pa bashkëpunimin dhe dakordësinë e ministrave të tjerë, deri te kryeministri.

Emërimi i Kokës si peshku i madh është minus i madh që i shkon prokurorisë dhe gjykatës.

Është dosje e pahetuar. Duhej hetuar si grup i strukturuar dhe të zbardhej. Kemi dhjetë procese. Mërtirin dhe Zoton në kërkim, kemi një sërë personazhesh në kërkim, zyrtarë të ministrive duke u gjykuar me procese të zakonshme, dhjetëra fraksione.

Nuk janë dënuar dhe marrë përgjegjësi penale kokat që e ideuan dhe vodhën paratë dhe i çuan në offshore. Nuk ka as incenerator. Për t’u ndërtuar incenerator duhen po aq para sa janë vjedhur, pra do të shkojë dora më thellë në xhepat e shqiptarëve. Mjafton të shkosh në Sharrë dhe mali i plehrave është i tmerrshëm. sn

E shtruat cështjen e tarifave. Shumë e drejtë!

Cili është qëndrimi ynë ndaj tarifave?

Qëndrimi ynë ndaj tarifave është negociata me qeverinë e SHBA për zero tarifa.

Ne do vendosim zero tarifa me kërkesën që qeveria amerikane të na përgjigjet edhe ne me zero tarifat.

Supozojmë se qeveria amerikane për arsyet e veta nuk e adapton këtë, ne do u kompensojmë plotësisht tarifën e eksportit të vendosur nga vendet ku ju eksportoni.

Ne do bëjmë gjithçka me grante, siç thashë për çdo njësi prodhimi dhe ato nuk do i merrni mbi bazën e burokracisë, por me dokumentacionet më të thjeshta.

Ju do merrni të gjithë mbështetjen bazuar në faturat që shisni.

Bazuar në dokumentet që sillni.

Bazuar në punën që harxhoni në proceset e trajtimit të këtij sektori.

Shqipëria ka pasur dhe ka institucione në këtë sektor, por ne do fuqizojmë krahas studimeve për bimët frutore, bimët e arave, krahas studimeve për bimët arrore, bimët e tjera, ne do fuqizojmë shumë sektorin e studimeve të bimëve aromatike.

Do angazhojmë ekspertizën shkencore më të mirë në këtë sektor.

Kudo Shqipëria është me një pasuri të madhe natyrore në këto bimë.

Kredi të buta në të cilat qeveria do të mbulojë 80 përqind të interesit, do ofrohen për ju sipas sektorëve.

Për të gjithë proceset që nevojiten në këtë fushë.

Ne duam ta bëjmë sektorin e bimëve eterovajore, ta shumëfishojmë në prodhim, në të ardhura, në punësim, në eksport.

Ju keni bërë shumë dhe e keni bërë pa ndonjë ndihmë. Pa ndihmën që meritoni.

Injorimi juaj dhe injorimi në tërësi i eksportit nga kjo qeveri, i ka kushtuar vendit një çmim më të rëndin, shpunësim dhe largim të shqiptarëve nga Shqipëria.

Ne do kemi një politikë shumë të vendosur për popullimin dhe ripopullimin e Shqipërisë.

Ne do bëjmë që ata që u larguan, të cilët në të shumtën punojnë në bujqësi, të kthehen dhe të punojnë në sektor bujqësie në Shqipëri.

T’u krijojmë ato kushte që kanë në vendet ku punojnë dhe të vijnë të ndërtojnë ëndrrën e tyre në këtë vend.

Do përpiqemi të mbështesim edhe sezonalitetin. Sot një punëtor sezonal është një punëtor shumë i pasigurt. Qoftë në sektorin tuaj, qoftë në turizëm, qoftë në çdo fushë.

Shteti, në bashkëpunim me ju, do vendosë disa paga bazë, në mënyrë që punëtorët në periudhën që nuk kanë punë, të marrin një shpërblim, një pagë bazë, të marrin minimumin jetik ose më shumë dhe të mos largohen, por të presin sezonin e ri të punës. sn

Kryetari i Partisë Demokratike zhvilloi gjatë ditës së sotme një bashkëbisedim, me Prodhuesit e Bimëve Medicinale. “Shqipëria ka një pasuri shumë të madhe tek bimët eterovajore, bimët mjekësore, aromatike, që kanë një treg të pashtershëm, të garantuar dhe që nuk ka pasur mbështetjen e duhur nga shteti”, tha Kreu i PD.

Berisha: Të dashur përfaqësues të njërit prej sektorëve më të rëndësishëm do ta quajë të Shqipërisë natyrale, sektorit të bimëve medicinale të vendit.

Së pari, u përshëndes shumë përzemërsisht ju dhe të gjithë fermerët, grumbulluesit, përpunuesit, eksportuesit të bimëve mjekësore, bimëve eterovajore të Shqipërisë.

Shpreh vlerësimin tim më të madh për punën që ju bëni, kontributin shumë të çmuar që jepni në ekonominë e këtij vendi.

Shqipëria është ndoshta për sipërfaqe, kilometër katrorë, vendi më i pasur që mund të ekzistojë në bimësinë e saj, në biodiversitetin e saj.

Shqipëria ka një pasuri shumë të madhe tek bimët eterovajore, bimët mjekësore, aromatike, që kanë një treg të pashterrshëm, të garantuar dhe që nuk ka pasur mbështetjen e duhur nga shteti.

Është injoruar në një mënyrë ose në një tjetër.

Përveç kësaj, këtij sektori, që është sektor eksporti, këto vitet e fundit i ka ndodhur edhe një goditje shumë e rëndë nga narkoeuro.

Sepse ju jeni sektor eksporti dhe natyrisht transaksionet janë në dollarë dhe euro.

Krijimi i narkoeuros, zhvlerësimi i saj nga euro e bimëve helmuese, drogave, ka bërë që me qindra e qindra sipërmarrje eksporti të falimentojnë dhe me dhjetëra mijëra shqiptarë të humbasin vendet e punës.

Ne në projektin tonë për Shqipërinë Madhështore, ne konsiderojmë sektorin e bujqësisë një sektor të rëndësisë parësore për realizimin e këtij projekti.

Dhe jemi zotuar për një përmbysje të plotë të sistemit aktual, të qëndrimit të këtij sistemi ndaj bujqësisë, blegtorisë, bimëve aromatike, etj.

Ne do të dyfishojmë buxhetin për këtë sektor dhe do të katër ose pesëfishojmë subvencionin për fermerët.

Do të subvencionojmë çdo hektar të mbjellë, çdo kokë bagëti dhe çdo fidan të mbjellë.

Për ju si sektor i veçantë do të subvencionojmë çdo përpjekje tuajën për kultivimin, për mbledhjen, për grumbullimin, për përpunimin dhe eksportin.

U garantoj se do jeni një sektor me përparësi absolute.

Kjo përputhet 100 përqind me filozofinë tonë Made in Albania, prodhimi shqiptar.

Sepse ne këtë Made in Albania e konsiderojmë levën e Arkimedit për të rritur rrogat, për të rritur pensionet, për të begatuar familjet, për të rritur prodhimin, për të konsoliduar ekonominë si ekonomi prodhuese.

Ne shpallim prodhimin si udhëheqës të ekonomisë sonë.

Sepse Shqipëria ka mundësi të jashtëzakonshme prodhimi dhe prodhimi po bie prej disa vitesh.

Janë krijuar mangësi të mëdha në krah pune. Ikni u thoshte ky narkodiktatori, që siç keni dëgjuar ju, nuk e ka shqipëruar njëherë fjalën sherebelë, por ka shqipëruar qindra mijëra herë fjalën kanabis. I ka mbetur shpirti në drogë të ziut, paçka se droga është shkatërrim, është rrënim, droga merr jetë, droga shkatërron shëndet, shkatërron familje, shkatërron komb.

Dhe ky, që kur ka ardhur në pushtet, nuk ka folur njëherë për ullinjtë, për vreshtin, për mollët, për arrat, për gështenjat, për bimët mjekësore, për bimët aromatike.

Bima e vetme aromatike për narkodiktatorin është droga.

Dhe cilido që do të njohë tjetrin, duhet ta gjykojë nga fjalori, nga ato që flet.

Nuk i nxjerr dot goja dhe shpirti fjalë tjetër përveç kanabisit, në një kohë kur kemi bimë të mrekullueshme.

Prodhimet më të famshme tonat janë bimët aromatike dhe eterovajore, më të pëlqyerat, më të preferuarat në tregjet ndërkombëtare.

Kjo nënkupton që ne këtij sektori do i vëmë një rëndësi shumë të madhe.

Do subvencionohet fuqishëm i gjithë procesi gjer në eksport.

Do krijohen lehtësi të mëdha logjistike të grumbullimit të këtyre bimëve.

Do krijohen lehtësi të mëdha për industrinë e përpunimit të tyre në vend.

A mund të hetojë krimet zgjedhore Prokuroria e Posaçme? Ish prokurori, juristi i njohur Besnik Muçi e sheh me skepticizëm ndërsa pyetja retorike që ngre flet vetë: Nga kush SPAK do i ruajë zgjedhjet, kur shumicën e krimeve zgjedhore e bën qeveria?

Në një lidhje me skype me emisionin Kafe Shqeto’ në Syri TV, Besnik Muçi  jep dy arsye thelbësore pse SPAK do të dështojë.

“Kjo strukturë do të dështojë në hetimin e krimeve zgjedhore se ka dështuar gjithmonë për dy arsye thelbësore.

Sepse është jashtë funksionit të saj kushtetues. Në të gjithë veprimtarinë që bën SPAK vetëm në një përqindje të vogël është në funksion kushtetues  në atë që ka të bënjë me hetimin e veprave penale, dhe çuarjen e personave në gjyq, pjesa tjetër është përgjegjësi e qeverisë. Pra që të marrësh informacion dhe përpunosh informacionin është detyrë e policisë së shtetit dhe institucioneve të tjera. SPAK nuk ka kapacitet. Është e pamundur që 20 prokurorë e 40 oficerë të policisë gjyqësore të ndjekin në terren krimet zgjedhore.

SPAK nuk është strukturë që mbulon territorin. Krimet zgjedhore ndodhin çdo cep të Shqipërisë. Të jeni të sigurtë që ndodhin në çdo fshat e qytet të Shqipërisë.  Nuk janë vjedhje, vrasje, aksidente. Nuk ka vendngjarje në këto krime. Pavarësisht situatës shumë të rëndë të krimeve zgjedhore do të jetë e pamundur”

Rastin e dy ditëve më parë në Fier, kur agjentët e BKH-së u grushtuan me njerëzit e Agron Kapllanajt nxjerr zbuluar realitetin se nëse SPAK nuk mund të hetojë krimet zgjedhore pasi është vetë policia që i fsheh.

“Ndërsa bëhen protokolle bashkëpunimi krimi elektoral vazhdon. Ne jemi në kulmin e fushatës e krimit zgjedhor. Unë jam i sigurtë nëse policia nuk dëshiron të luftojë krimin zgjedhor, e ka të pamundur se nuk bashkëpunon me SPAK e BKH.

Rasti i Fierit është rast i pastër ku u tregua mungesë bashkëpunimi. Është e pamundur që një oficer i BKH-së që shkon të kryejë veprime hetimore të përplaset me personat në terren. Oficeri gjyqësor nuk është person që ushtron dhunë por merr provat e policia e shtetit duhet të sigurojë kushtet.  Pra nëse prokurori apo oficeri rrihet me grushta me personat. Na ka ndodhur një rast kur një prokuror vajti në një parcelë me kanabis se policët ikën. Pra është e pamundur ta marrë përsipër këtë detyrë.

Një tjetër arsye themelore është dhe fakti që ne parashikojmë krimin zgjedhor. Po kush e bën krimin zgjedhor? Nga kush SPAK do i ruajë zgjedhjet?

Në Shqipëri zgjedhjet sipas të dhënave mediatike e zyrtare shumicën e krimeve zgjedhore e bën qeveria. Pra ne caktojmë roje për të ruajtur pronarin, se qeveria ka detyrim kushtetues e ligjor për mirëfunksionimin e zgjedhjeve. Ne themi vjedh qeveria, por a e ka të mundur SPAK që të ruajë zgjedhjet nga pronari ose roja?

Prandaj e shoh me skepticizëm. Edhe përvoja e rasteve dhe hetimeve tregon se SPAK nuk ka pasur efektivitetin e cilësinë dhe vullnetin e duhur për ti shkuar në fund krimeve zgjedhore”

tha Muçi.sn

Kreu i Partisë Demokratike, Sali Berisha në takimin me të rinjtë e FRPD, ka nënvizuar rolin dhe rëndësinë e tyre në fushatën elektorale, duke i quajtur ata faktor kyç për arritjen e fitores dhe rrëzimin e regjimit aktual.

Ai theksoi se sa më shumë që të rinjtë angazhohen dhe përfshihen në fushatë, aq më të mëdha bëhen shanset për sukses.

Pjesë nga komunikimi me të rinjtë:

Sa më shumë që tregoni veten tuaj te qytetarët, aq më të mëdha do të jenë shanset tona për fitore. Ju thashë, nënkryetari i Partisë Demokratike të Kavajës ishte në një zonë që ndonjëherë voton për ne, ndonjëherë jo. Dhe çfarë bëra, më tregoi ai.

Mora gjithë stafin tim, të rinj. Punova vetëm me të rinj. Të rinj në çdo cep, në çdo detyrë, kudo. Dhe jo vetëm zona ime doli fituese, por edhe zonat fqinje u ndikuan aq shumë nga fushata e të rinjve.

Sepse sa më shumë që takoni njerëzit, sa më shumë që lëvizni, ju jeni reklama më e mirë për këtë fushatë. Ju bëni një kontribut të vërtetë dhe të jashtëzakonshëm. Keni një moment në jetën tuaj për të kontribuar në rrëzimin e kësaj diktature. Ne do ta rrëzojmë atë.

sn

‘Për 12 vite, qeverisja e të njëjtit person quhet diktaturë’. Kështu u shpreh drejtuesi I fushatës elektorale të demokratëve, strategu amerikan Chris LaCivita në takimin me të rinjtë e FRPD, këtë të mërkurë në Tiranë.

Sipas LaCivita, Rama ka dështuar në 12 vite, dhe kjo duket qartë dhe në shtrenjtimin e kostove të jetesës në Shqipëri.

‘Duhet t’ua tregoni si janë rritur çmimet dhe si është ndërtuar programi për t’i ulur ato. Dhe po e shohim këtë tani në Shtetet e Bashkuara. Inflacioni ka rënë. Punësimi është rritur. Inflacioni ka rënë. Kostoja e jetesës ka rënë. Të gjitha këto po ndodhin. Absolutisht!’, u shpreh LaCivita, gjatë takimit me të rinjtë demokratë.

Belind Këlliçi: Chris, a mund të të bëj një pyetje lidhur me rolin e të rinjve? Sepse, ashtu si në SHBA me fushatën tënde, edhe këtu ne kemi median kryesore kundër nesh, e cila kontrollohet nga e majta. Këta të rinj janë shumë aktivë në rrjete sociale, kryesisht në Facebook, Instagram dhe platforma të tjera. Si mendon ti, cili duhet të jetë mesazhi kryesor i të rinjve këtu? Si në kuptimin e një fushate pozitive dhe negative, por edhe në kuptim strategjik? A duhet të fokusohet te programi? Apo te rikthimi i shpresës? Apo ndoshta si një thirrje për miqtë e tyre që të punojnë në këtë fushatë, që të sigurohen që të qëndrojnë këtu dhe të kenë një jetë më të mirë? A ke ndonjë ide?

Chris LaCivita: Po, në fakt kam.

Para së gjithash, nuk është e gabuar të tregosh dështimet e Edi Ramës. Kjo nuk është negativitet. Kjo është thjesht e vërteta. Dhe ata duan ta përdorin këtë dhe të thonë që është… Mendoj se është e rëndësishme t’u komunikoni miqve tuaj jo vetëm çfarë jeni kundër, por duhet të dini t’u tregoni edhe çfarë përfaqësoni. Duhet t’i bëni të dyja. Dhe Edi Rama ka dështuar në 12 vitet e fundit sepse çdo gjë është bërë më e shtrenjtë. Korrupsioni, krimi. Dhe përgjigjja ndaj kësaj është programi dhe pikat specifike të programit. Kur postoni diçka në Facebook apo jeni online në rrjete sociale, politika është një medium shumë vizual, njerëzit vizualizojnë. Duhet t’u bëni të qartë njerëzve ndikimin që ka pasur çmimi i vezëve, çmimi i bukës, çmimi i qumështit, dhe sa shumë është rritur gjatë 12 viteve të fundit. Duhet t’ua tregoni. Nuk mjafton t’ua thoni. Duhet t’ua tregoni si janë rritur çmimet dhe si është ndërtuar programi për t’i ulur ato.

Dhe po e shohim këtë tani në Shtetet e Bashkuara. Inflacioni ka rënë. Punësimi është rritur. Inflacioni ka rënë. Kostoja e jetesës ka rënë. Të gjitha këto po ndodhin. Absolutisht!

Dhe kanë kaluar vetëm 100 ditë. Po imagjinoni ndikimin që mund të ketë kur ndërron qeveria. Keni pasur të njëjtin person për 12 vite. E dini si e quajmë ne këtë në Amerikë? Diktaturë. E quajmë kështu edhe këtu. E pra, ky është fundi i saj. sn

Strategu i fushatës së Partisë Demokratike, Chris LaCivita ishte në takimin me të rinjtë e FRPD, duke i inkurajuar ata të angazhohen aktivisht në procesin politik dhe të kontribuojnë në ndërtimin e një të ardhmeje më të mirë për Shqipërinë.

Gjatë fjalës së tij, LaCivita theksoi se kjo fushatë është tërësisht e fokusuar në ekonominë dhe mundësitë për të rinjtë, duke u bërë thirrje atyre të ngrihen dhe të bëjnë që zëri i tyre të dëgjohet.

LaCivita i inkurajoi të rinjtë të përdorin fuqinë e rrjeteve sociale për të përhapur mesazhin dhe për të angazhuar edhe miqtë dhe familjarët e tyre në këtë fushatë vendimtare.

Pjesë nga fjala e Lacivita-s:

Faleminderit për ftesën tuaj!

Është një ditë e bukur!

Unë mendoj se është jashtëzakonisht e rëndësishme që në politikë, qoftë në Shtetet e Bashkuara apo këtu në Shqipëri, të rinjtë dhe votuesit e rinj të përfshihen dhe të marrin në dorë fatin e qeverisjes së tyre, sepse e ardhmja jeni ju.

Unë mendoj se politikat e 12 viteve të fundit e kanë bërë shumë vështirë të ardhmen dhe për mundësitë për të rinjtë. Por shumë nga politikat që sjell Dr. Berisha, synojnë pikërisht që ju të mund të qëndroni këtu, të gjeni mundësi, të keni sukses, dhe të ndihmoni në ndërtimin e vendit.

Prandaj është shumë e rëndësishme, dhe ju e dini. Për fushatën është thelbësore që t’i japë mesazhet aty ku ndodhen votuesit. Shumica prej jush nuk e merrni informacionin nga burimet tradicionale, si media klasike. Ju informoheni përmes rrjeteve sociale, përmes internetit dhe platformave të ndryshme. Kështu që, është shumë e rëndësishme që ne të komunikojmë me të gjithë ju.

Por po aq e rëndësishme është që edhe ju të angazhoheni, të shprehni mendimin tuaj, dhe të siguroheni që miqtë dhe familjarët tuaj të dalin dhe të votojnë.

E gjithë kjo fushatë ka të bëjë me çështjen më të rëndësishme: ekonominë dhe të ardhmen. Dhe ju djema, e keni plotësisht në dorë ta ndryshoni të ardhmen dhe drejtimin e këtij vendi. Por nuk mund ta bëni këtë nëse nuk ngriheni.

Ka një shprehje të vjetër në Amerikë: “Bota drejtohet nga ata që ngrihen.” Dhe është shumë, shumë e rëndësishme që ju të merrni pjesë dhe të bëni që zëri juaj të dëgjohet.

Faleminderit!

sn

Zëdhënësja e PD-së, Floriana Garo ka dënuar skandalin e sotëm, ku Kosova u prezantua me fusnotë në konferencën rajonale të mbajtur në Tiranë dhe largimin e zëvendësministrit kosovar z. Dobruna, si shenjë proteste.

‘Me porosi të Vuçiçit të Beogradit, Edi Rama ka dalë sot kundër Kosovës dhe çështjes Kombëtare. Në një konferencë rajonale të mbajtur në Tiranë, organizatori, qeveria e Ramës, e ka paraqitur me asteriks * emrin e Kosovës në materialet dhe kredencialet e eventit. Kjo ka sjellë reagimin e zv. ministrit kosovar, z. Dobruna, përfaqësues i Prishtinës, i cili ka braktisur takimin kur kërkesa që Kosova të trajtohej si e barabartë është refuzuar’, thuhet në deklaratën e PD.

DEKLARATË E ZËDHËNËSES SË PD, FLORIANA GARO

Me porosi të Vuçiçit të Beogradit, Edi Rama ka dalë sot kundër Kosovës dhe çështjes Kombëtare. Në një konferencë rajonale të mbajtur në Tiranë, organizatori, qeveria e Ramës, e ka paraqitur me asterik * emrin e Kosovës në materialet dhe kredencialet e eventit. Kjo ka sjellë reagimin e zv. ministrit kosovar, z. Dobruna, përfaqësues i Prishtinës, i cili ka braktisur takimin kur kërkesa që Kosova të trajtohej si e barabartë është refuzuar.

Partia Demokratike e dënon me forcë këtë akt antishqiptarie të hapur në mes të Tiranës.

Ne e konsiderojmë akt vasaliteti ndaj Vuçiç dhe një thikë në shpinë të çështjes kombëtare.

Kosova, e njohur si vend i pavarur nga shumica dërrmuese e vendeve të botës së lirë, bëhet me asterikun e Rusisë dhe Serbisë në kryeqytetin e Shqipërisë.

Pas Ballkanit të Hapur kjo është tradhtia e dytë ndaj Kosovës e Edi Ramës.

Teksa tha se Rama ka pranuar orë luksi si dhuratë prej 500 mijë euro, kryedemokrati Sali Berisha u shpreh se socialistët janë të çmendur pas luksit, duke mos kursyer as fondet e invalidëve, të cilët sipas tij, vidhen.

Gjatë bashkëbisedimit me personat me aftësi të veçanta, duke prezantuar edhe programin e PD për ta, Berisha tha se Rama së bashku me kabinetin e tij ministror, pranon dhurata super të shtrenjta për të bërë favore, për të përdorur pushtetin, për të dhënë leje ndërtimi dhe licenca.

Sipas Berishës, 11 maji do të jetë një ditë vendimtare dhe përcaktuese për fatin e një vendi që po boshatiset përditë e më shumë, ndërsa shtoi se personat me aftësi të veçanta do të jenë përparësia e parë në paketën e dhembshurisë.

Këta janë lëshuar si lukuni ku e ku t’i marrin qytetarëve dhe për vete vetëm vjedhin. Për vete janë çmendur pas luksit.

Shihni, qenia zyrtar kërkon të respektosh një kod të caktuar dhe ky kod është përgjegjësi ndaj qytetarëve.

Qenia zyrtar nuk pranon të jesh i çmendur pas luksit. Jo, absolutisht, ua them unë ju.

Kudo, shihni ju ministre, ministra, ka një kod. Po ato bëjnë garë me rrobat më të kushtueshme, sikur janë princesha dhe i kanë private ato para. Me aksesorët më të kushtueshëm sepse del se kryeministri i tyre pranon orë 500 mijë euro dhuratë.

Atëherë thotë se këta hanë dardha.

Po si hanë dardha këta kur ti pranon orën me diamante 500 mijë euro. Edhe ato thonë, edhe ne po marrim çantat 30 mijë euro apo 40 mijë euro.

Unë po ndalem këtu se luksi për zyrtarët është i papranueshëm.

Sepse po e lëshoi veten pas luksit, e lëshon veten pas dore. Vjedh, vjedh, pranon dhurata super të shtrenjta për të bërë favore, për të përdorur pushtetin dhe për të dhënë leje ndërtimi, për të dhënë licenca.

Kështu që në këtë mes, 11 maji është një ditë përcaktuese, është një ditë vendimtare.

Ndaj dhe u ftoj të bëni çfarë keni në dorë me të njohurit dhe të afërmit tuaj, brenda dhe jashtë vendit, që të votojmë për t’u ndarë me këtë të keqe të madhe.

E them me bindjen më të madhe se kjo është një e keqe e madhe. Kjo e zbraz Shqipërinë. Kjo po i braktis qytetarët.

Që në momentin që ti kryeministër i lejon vetes që nga 8 miliardë euro të lësh 16 milionë për 760 mijë vetë. Po ja pra pse në Mal të Zi pensioni ka shkuar 450 euro nga 138 euro në vitin 2013. Ja pse është rritur trefish edhe në Maqedoni, edhe në Serbi. Ja pse është qartësisht më i lartë edhe në Kosovë.

Sepse nuk ka kryeministër që bën këtë që bën ky. E mendon se paratë i duhen kthyer qytetarëve në rroga, pensione, shërbime.

Dhe unë u siguroj që do plotësojmë çdo kërkesë legjitime.

Ligji do e amendojmë së bashku me ju.

Ai që ka vënë edhe atë ‘edhe invalidët’, ai ka dëshmuar se është një hajdut se përdor ligjet për të vjedhur edhe fondet tuaja, në vend që ato të ishin vetëm për invalidët. Se ky është përcaktimi kudo.

Po këta gjejnë edhe këtë mënyrë, Edi Rama gjen edhe këtë mënyrë.

U falënderoj dhe u ftoj që programin, çfarëdo kërkesa, probleme që u shqetësojnë dhe ju kërkoni t’i adresoni, t’i paraqisni te departamenti, që e falënderoj për punën që ka bërë dhe bën, dhe u siguroj se ato 100 ditët e para do marrin përgjigje.

Ju do jeni përparësia më e parë në paketën e dhembshurisë. sn

Programi elektoral i kryeministrit Edi Rama për zgjedhjet e 11 Majit, sipas analistit Neritan Sejamini është thjesht një premtim në ajër.

Sejamini tha se Kryeministri Rama po insiston në çështjen e integrimit të Shqipërisë në BE për ta bërë sa më të besueshme te qytetarët, por ndërkohë sipas tij është një keqinformim sepse anëtarësimi nuk do ndodhë.

“Ka dy mënyra se si mund ta gjykojmë, nga njëra anë a është apo nuk është e besueshme në vetvete premtimi, tjetër anë se sa ndikon të qytetarët.

Për mua nuk është i besueshëm, Shqipëria nuk do t’i mbarojë negociatat për dy vjet, jo, nuk ka asnjë shans, nuk do të bëhet anëtare as në 2030 edhe 2035 mund të jenë në diskutim. Pra nga pikëpamja e gjykimit të asaj që ai premton është çfarë të duash, premtim në ajër, keqinformim, gënjeshtër, mund ta quajmë çfarë të duash. Por nga pikëpamje e ndikimit që tek njerëzit është shumë e thjeshtë, shumë e kuptueshme dhe lidhet me aspiratën që kanë njerëzit.

Çfarë bën zoti Rama me këtë gjë, mbas 12 vitesh qeverisje, kudo në botë fushatë zgjedhore do të ishte referendum për qeverisjen. Ai me këtë gjë që bën e çon përpara që njerëzit të flasin bëhemi apo s’bëhemi në 2023, që të mos flasin për qeverisjen, për korrupsion. Dhe në këtë mënyrë kjo është gjetje, nga pikëpamja metodike është gjetje. Se sa e vërtetë është? Është komplet e pavërtetë, është komplet propaganda, është komplet absurde. Atij nuk i ka thënë askush që do të mbyllim negociatat, gënjen kur thotë ma kanë premtuar liderat europianë. Negociatat nuk janë diçka që hajde ulemi dhe mbarojmë.

Keqinformimi më i madh është kjo që do futesh në BE do të bëjmë ca letra dhe do t’i firmosim. Është një proces ku ti ndryshon komplet strukturën politike, shoqërore, ekonomike ta përshatësh me BE-në dhe ky është shumë proces i gjatë, tregu shqiptar duhet fuqizuar, politika shqiptare, demokracia”, tha Sejamini në Opinion në Tv Klan.

Lideri i demokratëve Sali Berisha priti në një takim një delegacion të OSBE-së, të cilëve u ofroi një analizë të detajuar të situatës politike në vend, duke theksuar se korrupsioni endemik e kapilar dhe bandat kriminale, të fuqizuara nga një bashkëpunim simbiotik me Edi Ramën dhe qeverinë, kanë dëmtuar shpresën e shqiptarëve. Ai theksoi se gjendja e krijuar këto vite po i detyron qytetarët të largohen nga vendi, duke krijuar një krizë sociale, më e madhja e periudhës pas komunizmit.

Në takimin me Znj. Farah Karimi, Special Coordinator of the International STOs EOM, ambasadoren Andreas Nothele- Ambassador, OSCE PA dhe Sherif Abdili- Programme Officer OSCE PA, kreu i PD-së, Sali  Berisha denconcoi ‘se si sistemi i drejtësisë po përdoret politikisht nga qeveria, duke përfshirë rastet e arrestimit dhe ndjekjes penale të tre drejtuesve kryesorë të saj, si dhe situatat kur deputetë, kryebashkiakë dhe zyrtarë të tjerë të Partisë Demokratike janë ndjekur penalisht pa prova dhe fakte ligjore”

Përfaqësuesit e OSBE-së shprehën interes për të kuptuar nëse këto akuzat ishin të dokumentuara publikisht. U sqarua se të gjitha informacionet janë të aksesueshme, përfshirë transkriptimet e Sky/EncroChat nga autoritetet ligjzbatuese belge dhe franceze.

“Ata gjithashtu kërkuan të dinin nëse qeveria po përdor burimet administrative për fushatë. Berisha paraqiti shembuj se si administrata dhe fondet publike po perdoren për interesa elektorale, në kundërshtim me këto rekomandimet e ODhIR duke numëruar së paku 80 raste të dokumentuara, raste që rriten çdo ditë’ informon zyra e shtypit e PD-së. 

Përfaqësuesja e OSBE-së kërkoi të kuptonte perceptimin dhe pritshmëritë e opozitës përsa i përket votimit të lirë nga ana e qytetarëve. Berisha e informoi atë mbi kushtet e vështira me të cilat përballet opozita si dhe me ofertën nga ana e saj dhe koalicionit ASHM të një alternative reale, duke prezantuar një program politik ekonomik që adreson problemet e shqiptarëve.

Në takim morën pjesë kryetari i PR, Deputetët  Fatmir Mediu dhe Helidon Bushati, anëtarë të delegacionit të Shqipërisë në Asamblenë Parlamentare të OSBE dhe Enri Çeno Sekretar për Marrëdhëniet Ndërkombëtare të PD. Biseda ishte e hapur. sn

Drejtor ekzekutiv i ‘Albanian Conservative Institute’, Nikola Kedhi, i ftuar në emisionin Task Force në SYRI TV me moderatorë Sonila Meçon, theksoi se muri diplomatik që pengonte informimin e institucioneve amerikane dhe evropiane për situatën politike në Shqipëri ka rënë.

Ai tha se kryeministri Edi Rama është në një situatë të vështirë pasi sipas tij, nuk ka sot një lider të opozitës të cilin e kishte nën kontroll.

Kedhi shtoi se me kancelaritë amerikane dhe evropiane janë të shqetësuara sot për nivelin e korrupsionit në vend.

“Këto kapërcimet e kryeministrit janë të zakonshme njëherë është mik i Sorosit, pastaj bëhet mik i Orbanit, pastaj mik i Melonit. Bie dakord që deklarata e kryeministrit janë deklarata frike. Edhe për ta qartësuar për njerëzit që na ndjekin. Kryeministri para pak vitesh ka qenë i mbrojtur nga një ‘mur i padukshëm’ diplomatik, që pengonte të gjitha informacionet se çfarë po ndodhnin këtu, që të kalonin në institucionet evropiane, kancelaritë evropiane apo në Uashington. Dhe këto ata e bënin të sigurt. Kishte liderin e opozitës në xhepin e vete, ku më shumë se sa lideri i opozitës dukej drejtori në qeverinë Rama, z.Basha. Me përjashtim të pak mediave si Syri Tv dhe pak mediave të tjera, të gjitha çfarë ishin i kishte ai vetë. Tani jemi në një situatë komplet tjetër, ky ‘muri i padukshëm’ diplomatik ka rënë, ka një ndërgjegjësim të të gjithave kancelarive evropiane, të Brukselit, të Strasburgut, të Uashingtonit, të Londrës për situatën lokale dhe kjo ka bërë që edhe të shqetësohen se çfarë ka ndodhur këtu. Që përgjatë një dekade ndoshta disa kanë mbyllur një sy, disa të dyja sytë se çfarë ka ndodhur në Shqipëri, por tashmë nuk e kanë më këtë alibinë sepse vetë lideri i opozitës Berisha ka shkuar i ka informuar, dhe funksionarët të tjerë të opozitës kanë shkuar i kanë informuar dhe dosjet janë në kancelaritë evropiane, amerikane dhe britanike.” tha Kedhi. sn

Pas zbardhjes së vendimit të Apelit të GJKKO-së pre 114 faqesh dhënë më 13 mars, ku Erion Veliaj, Ajola Xoxa dhe Elman Abule cilësohen si grup i strukturuar kriminal, Veliaj ka reaguar përmes një statusi në rrjetin social Facebook, ku duket qartë dëshpërimi që e ka kapluar dhe lëshimi që i kanë bërë të gjithë shokët e partisë me në krye Edi Ramën.

Sot bëhen dy muaj që nga arrestimi i Veliajt, arrestim i cili u pasua nga një lojë spektakolare e Ramës në dy ditët e para, kur bëri sikur nuk ishte darkord dhe më pas, pasi i mori frenat e bashkisë, dha urdhër që askush nga rilindja mos guxojë të dalë ta mbrojë.

Më tej urdhëroi edhe Ulsi Manjën për ta përgjuar në burg dhe që iu bë fakt i kryer Veliajt se kush ishte dirigjuesi dhe porositësi i arrestimit të tij.

Në reagimin e sotëm Veliaj duket qartë i dëshpëruar dhe mundohet të mbaje me kurajo ato pak njerëz që mund t’i kenë mbetur si mbështetës të heshtur.

Kujtojmë se sipas vendimit të Apelit të GJKKO-së gjakdershja financiare nga skema e ngritur nga Veliaj-Xoxa-Abule vijon edhe pas burgosjes së tij. Në vendim thuhet gjithashtu se Veliaj është përpjekur të prishë provat, intimidojë dëshmitarët dhe ka dirigjuar sulme ndaj prokurorit Dado dhe gjyqtarit Bani përmes njerëzve të tij në media, Carlo Bollino dhe Mero Baze.

Në postimin e tij, Veliaj shpreh mirënjohjen edhe për ata që kanë ndihmuar dhe i kanë qëndruar pranë familjes së tij.

Postimi i Erion Veliajt:

Të dashur miq,
Sot mbushen 2 muaj nga burgimi im pa gjyq – larg familjes, gruas, djalit të vogël dhe nënës. Por, edhe larg punës në bashki e fushatës, dy pasioneve të jetës sime.

Doja vetëm t’ju falenderoja për mirësinë e mbështetjen ndaj Kait dhe Ajolës, si dhe dy nënave tona – 3 gra pa burrat e tyre, por me kurajo e dinjitet falë jush që u jeni gjendur pranë! Jam ende pa akuzë prej një anonimi që nuk ekziston. S’ka dalë askush që të kem korruptuar. Ende askush që të më ketë korruptuar.

Kush më njeh e di që në çdo ditë të punës time kam ndihmuar këdo, kudo e kurdo me ndershmëri. Ndaj, meqë më janë ndaluar opinionet mbi këtë proces grotesk, atyre që i janë gjendur familjes sime, iu them nga zemra “Faleminderit”! Nuk do t’ua harroj kurrë! Bekime dhe mall për ju të gjithë. sn

Kryetari i PD, Sali Berisha ka treguar vendosmërinë e Evropës, që Shqipëria të zhvillojë zgjedhje të lira. Në daljen për mediat nga selia blu, Berisha teksa iu referuar seancën në Parlamnetin Evropian, tha se ajo u zhvillua për Shqipërinë pas përdorimit të Dushkut për dhunimin e zgjedhjeve në vitin 2002, duke konkluduar me një rezolutë historike për Shqipërinë.

Sipas liderit demokrat, këmbngulja e BE, që vendi ynë të mbajë zgjedhje të lira, është ogur i bardhë në veçanti për opozitën shqiptare, e cila me prezencën e saj në seancën e së mërkurës, paraqiti me vërtetësi të madhe të vërtetat lakuriq të realitetit të narkoshtetit të Edi Ramës.

‘U shpreh shqetësimi më i madh dhe u denoncuan pjesëmarrja aktive e krimit të organizuar në krah të Edi Ramës, u denoncua manipulimi i madh me listat, por edhe angazhimi i baronëve të drogës dhe krimit për të deformuar vullnetin e qytetarëve shqiptarë’, u shpreh Berisha.

Unë u informova ju lidhur me seancat që u zhvilluan në grupet parlamentare të qendrës së djathtë dhe të djathtës konservatore në Këshillin e Europës. Takimin që zhvillova me presidentin e Asamblesë Parlamentare të KiE, zotin Rusopulos, takimin me delegacionet e disa vendeve anëtare.

Por dje, në Parlamentin Europian, në institucionin më të fuqishëm vendimmarrës të Europës, në institucionin më të fuqishëm ligjbërës të Europës, në komisionin më të rëndësishëm të këtij institucioni, atë për punët e jashtme dhe sigurinë, u zhvillua një seancë, e cila është e llojit të vet shumë e rrallë.

Një seancë e tillë u zhvillua për Shqipërinë pas përdorimit të Dushkut për dhunimin e zgjedhjeve në vitin 2002 dhe konkludoi me një rezolutë historike për Shqipërinë.

Europa është e vendosur që Shqipëria të bëjë zgjedhje të lira.

U them shqiptarëve me bindjen më të thellë, Europa është e vendosur t’i japë atë që meriton të gjithë atyre që kërkojnë t’i privojnë shqiptarët nga e drejta e votës së lirë dhe tentojnë t’u kontrollojnë atyre vullnetin dhe ky është një ogur i bardhë shumë për çdo shqiptar.

Por ky është ogur i bardhë në veçanti për opozitën shqiptare, e cila ishte e pranishme, paraqiti me vërtetësi të madhe të vërtetat lakuriq të realitetit të narkoshtetit të Edi Ramës.

Dje në seancën kushtuar Shqipërisë, në periudhën parazgjedhore, përjashtim në llojin e vet, ndoshta e pazhvilluar ndonjëherë për zgjedhjet në ndonjë vend, por me vullnetin më të mirë që shqiptarët të votojnë të lirë.

Pati debate të gjera, pati debate aktive, në të cilat u denoncuan dhe u shpreh shqetësimi i madh para së gjithash për zgjedhjet.

U shpreh shqetësimi më i madh për industrinë e blerjes së votës të Edi Ramës.

U shpreh shqetësimi më i madh dhe u denoncuan pjesëmarrja aktive e krimit të organizuar në krah të Edi Ramës.

U denoncua manipulimi i madh me listat, por edhe angazhimi i baronëve të drogës dhe krimit për të deformuar vullnetin e qytetarëve shqiptarë. sn

OSBE dhe Prokuroria e Përgjithshme kanë organizuar ditën e sotme një tryezë teknike për forcimin e rolit të prokurorëve në luftën kundër krimeve zgjedhore.

Në këtë takim ishte i pranishëm kreu i Prezencës së OSBE-së në Shqipëri, ambasadori Michel Tarran. Gjatë fjalës së tij Tarran u shpreh se integriteti zgjedhor qëndron në themel të çdo shoqërie demokratike.

Ai thekson se sigurimi i zgjedhjeve të lira dhe të ndershme kërkon institucione të forta, llogaridhënie, transparencë dhe angazhim të palëkundur ndaj shtetit të së drejtës. Tarran tha se prokurorët, oficerët e policisë gjyqësore dhe përfaqësuesit e Policisë së Shtetit kanë detyrën thelbësore të hetimit, ndjekjes finale dhe luftës kundër krimit zgjedhor.

Më tej ai shtoi se në raportet përfundimtare të ODIHR për zgjedhjet parlamentare të vitit 2021 dhe ato vendore të vitit 2023 janë vënë në dukje se krimi zgjedhor, në veçanti shitblerja e votës, keqpërdorimi i burimeve të administratës dhe frikësimi i votuesve vazhdojnë të jenë çështje shqetësuese.

“Të dyja raportet rekomandojnë që organet ligjzbatuese të bëjnë çdo përpjekje për të identifikuar dhe hetuar në mënyrë të pavarur të gjitha akuzat për shkelje zgjedhore, përfshirë shitblerjen e votës, presionin ndaj votuesve dhe keqpërdorimin e burimeve të administratës në mënyrë të plotë, të shpejtë dhe transparente”, tha Tarran. sn

Sindikata e Radio Televizionit Shqiptar ka reaguar pas deklaratës së kryetarit të partisë Mundësia Agron Shehaj se RTSH duhet të mbyllet pasi nuk e sheh askush dhe shpenzon 30 milionë euro në vit nga taksat e shqiptarëve.

Në reagim thuhet se Agron Shehaj ka shkelur vijën e kuqe me median.

Sindikata e RTSH-së kërkon reagimin e institucioneve ndërkombëtare dhe drejtpërdrejt OSCE Presence in Albania si organizmi që ka investuar në trajnimin e punonjësve të Radio Televizionit Shqiptar, U.S. Embassy Tirana , European Broadcasting Union – EBU dhe KQZ Shqiperi.

Kërkon tërheqjen e kandidatit Agron Shehaj nga deklaratat kërcënuese për 1046 punonjës të RTSh në të gjithë Shqipërinë, që nga punonjësi i mirëmbajtjes së antenave e deri te trupa e gazetarëve.

Kërkon nga Agron Shehaj ndjesë publike, në rast të kundërt dyshojmë për qëllime personale të tij duke sulmuar RTSH.

Reagimi i plotë i Sindikatës së RTSH-së:

Agron Shehaj E SHKELI VIJËN E KUQE ME MEDIAN

SINDIKATA E RADIO TELEVIZIOINIT SHQIPTAR shpreh indinjatën për përdorimin politik e elektoral, të medias Publike, nga një prej kandidatëve në zgjedhjet Parlamentare.

Propozimi i tij për të larguar nga puna me qindra punonjës, secili i vlerësuar në profesionin e vet, është kalimi i vijës së kuqe dhe cënim i Lirisë së Medias në Shqipëri.

Z. Agron Shehaj nuk mund ta çojë as në mend që të krahasojë median publike me atë private. Misioni i tyre është komerçial, ndërsa i RTSH Radio Televizioni Shqiptar udhëhiqet nga përfaqësimi i të gjitha kategorive sociale në vend.

Deklaratat e z. Agron Shehaj për nivelin e profesionalizmit të RTSh nuk mund të bëhen nga kafeneja apo zyra elektorale e partive.

Qëllimi i tij, dukshëm populizëm për të mbledhur vota nuk i shërben lirisë së medias.

Sindikata Rtsh kërkon reagimin e institucioneve ndërkombëtare dhe drejtpërdrejt OSCE Presence in Albania si organizmi që ka investuar në trajnimin e punonjësve të Radio Televizionit Shqiptar, U.S. Embassy Tirana , European Broadcasting Union – EBU dhe KQZ Shqiperi .

Kërkojmë tërheqjen e kandidatit z. Agron Shehaj nga deklaratat kërcënuese për 1046 punonjës të RTSh në të gjithë Shqipërinë, që nga punonjësi i mirëmbajtjes së antenave e deri te trupa e gazetarëve.

Kërkojmë nga z. Agron Shehaj ndjesë publike, në rast të kundërt dyshojmë për qëllime personale të tij duke sulmuar RTSH.

Deklaratë e përbashkët e qindra punonjësve!

Kryetari i Partisë Demokratike, Sali Berisha ka prezantuar kandidatët për deputetë në Qarkun e Lezhës, të cilët do të garojnë në zgjedhjet e 11 majit.

Gjatë fjalës së tij, Berisha bëri një rezyme të aktivitetit të tij në Strasburg, lidhur me denoncimin e narkoregjimit të Edi Ramës në Shqipëri, ku sipas tij, kryeministrit i është përplasur dera në fytyrë.

‘Në Strasburg Edi Ramës i kishin përplasur derën në fytyrë, ai vetëm shqiptar nuk është’, u shpreh Berisha.

Berisha: Qytetare dhe qytetarë të Lezhës, banorë fisnik të këtij qyteti dhe rrethi, të këtij qarku.

Zonja kryetare e PD, të dashur kandidatë të fitores, Agron Gjekamarkaj dhe ju kandidatë të tjerë të fitores në këtë qark.

Përshëndetjet më të përzemërta dhe mirënjohjen më të pakufishme ndaj jush, qytetareve dhe qytetarëve të këtij qarku, për mbështetjen e jashtëzakonshme, për besimin tuaj të palëkundur tek vlerat më të arrira të njeriut, tek dinjiteti njerëzor, tek familja, Zoti dhe atdheu.

Këto janë dhe vlerat e Partisë që ju nga themelimi i saj e deri më sot, keni mbështetur më shumë se çdo forcë tjetër politike.

Zoti ju bekoftë. Mirënjohje të madhe.

Të dashur miq!

Unë sot në mëngjes u nisa nga kryeqyteti i Europës, Strasburgu, drejt Lezhës dhe nuk mund të mos ju përcjell ju, përshëndetjet për të përzemërta të grupit të Partive Popullore Europiane në Këshillin e Europës, Asamblenë Parlamentare, të grupit të Demokratëve dhe Konservatorëve të cilët sytë dhe mendjen i kanë të drejtuar tek fitorja e opozitës në Shqipëri, tek mbizotërimi i saj ndaj narkoshtetit dhe shpëtimi i Shqipërisë.

Miq, u ktheva shumë mirënjohës, u ktheva realisht optimist dhe i sigurtë se mbështetja e miqve tanë është më e madhe se kurrë.

Por dua të ju them këtu se pata dhe një ndjenjë turpërimi të vërtetë, pasi në tempullin më të vjetër të demokracisë evropiane, tempullin e vlerave, lirive dhe të drejtave të njeriut dhe zgjedhjeve të lira, Edi Ramës ia kishin pezulluar darkën. Po.

Duke u bërë kështu, i pari mysafir i ftuar që i anulohej darka. Megjithatë ju garantoj se respekti për Shqipërinë dhe shqiptarët, mbështetja e parlamentarëve të grupeve të qendrës së djathtë dhe konservator është e jashtëzakonshme dhe unë aty përfaqësova secilin prej jush, përfaqësova vullnetin tuaj.

Vetëkuptohet përfaqësova çdo shqiptar që di të sillet si shqiptar dhe nuk detyron mikëpritësin të ja plasin derën në fytyrë.

Edi Rama vetëm shqiptar nuk është.

Të dashur miq!

sn

Kryeministri Edi Rama e humbi qetësinë gjatë konferencës për shtyp me kryediplomaten e BE, Kaja Kallas.

Shkak u bë një pyetje që iu drejtua Kallas se çfarë ndikimi do ketë rotacioni politik tek procesi i integrimit.

Kjo pyetje vjen për shkak se Edi Rama ka propaganduar vazhdimisht se rotacioni i pushtetit do e pengojë integrimin.

Kallas dha një përgjigje diplomatike, duke thënë se integrimin kërkon bashkëpunimin dhe kontributin e të gjitha forcave politike.

“Në këtë rrugëtim duhet bashkëpunimi i të gjitha palëve. Për këtë duhet mbështetje. Në Shqipëri, të gjithë qytetarët e kanë dhënë mbështetjen për anëtarësimin e Shqipërisë në BE. Për këtë duhen reforma të vështira që kërkojnë mbështetjen e të gjithëve”, tha ajo.

Por pikërisht këtu ndërhyri Rama, që u tërbua pse kjo pyetje iu bë kryediplomates evropiane. Ai tha se një pyetje e tillë i është drejtuar edhe ambasadorit të BE në Tiranë.

“BE nuk vendos kush fiton dhe kush humbet zgjedhjet në Shqipëri dhe as nuk lidh politikën e vet me kë zgjidhet në Shqipëri. Por ajo që them unë është që nuk ka një forcë tjetër që e kryen dot këtë mision. Këtë nuk e përcakton dot BE. Edhe nëse e mendojnë nuk kanë për ta thënë ndonjëherë”, tha Rama në një konferencë për mediat me Përfaqësuesen e Lartë të BE për Punët e Jashtme dhe Politikat e Sigurisë, Kaja Kallas.

Si zakonisht, edhe gjatë kësaj konference, ai e befasoi të pranishmit dhe zyrtaren e lartë të BE, duke folur për ‘kënetën’.

Duket se ky tërbim i Edi Ramës vjen për shkak të sondazheve që tregojnë një rënie katastrofike të PS-së. bw

Përfaqësuesja e Lartë për Politike të Jashtme dhe Siguri e Bashkimit Evropian, Kaja Kallas, ndalon sot në Tiranë si pjesë e turit të saj në Ballkanin Perëndimor.

Pas një vizite në Malin e Zi, ku u takua me udhëheqës të shtetit dhe përfaqësues të shoqërisë civile, Kallas do të zhvillojë takime me autoritetet shqiptare, duke përfshirë takime me ministra të rëndësishëm të qeverisë.

Kallas do të zhvillojë gjithashtu takime me përfaqësues të qeverisë shqiptare dhe do të mbajë një konferencë të përbashkët për media.

Pas vizitës në Shqipëri, Kaja Kallas do të udhëtojë për në Bosnje e Hercegovinë, ku do të zhvillojë takime me krerët e shtetit dhe përfaqësues të forcës evropiane në Bosnje, EUFOR. sn

Policia e Tiranës është kujtuar të reagojë pas dhunimit të kreut të Ballit Kombëtar, Adriatik Alimadhi në ambientet e lokalit ku po qëndronte, duke mohuar se është ushtruar dhunë ndaj tij, dhe duke ia faturuar me idenë se ka ‘kundërshtuar punonjësit e policisë’.

Edhe nga pamjet e publikuara nga Syri, duket qartë sjellja e Policisë dhe shfaqja e saj e dhunshme përkundër kreut të Ballit Kombëtar, duke e justifikuar dhunën ndaj tij, se në ambientet e lokalit ku qëndronte, ushtrohej veprimtaria e paligjshme e lojërave të fatit dhe basteve sportive.

Por pas bërjes publike të skandalit dhe publikimit të pamjeve filmike të dhunës policore, kjo e fundit e ka proceduar në gjendje të lirë Adriatik Alimadhin, kreun e një partie opozitare në vendin tonë, për veprën penale “Kundërshtim i punonjësit të rendit publik”.

Sipas Policisë së Tiranës, Alimadhi, ka refuzuar të zbatojë urdhrat e punonjësve të Policisë, duke i kundërshtuar verbalisht dhe fizikisht dhe ka tentuar të largohet nga ambienti, pavarësisht kërkesës për të qëndruar në vendin ku ndodhej, deri në përfundim të procedurës.

Por ky pretendim i Policisë bie poshtë, pasi pamjet filmike tregojnë të kundërtën e asaj që thuhet në deklaratë.

Për rastin në fjalë dhe dhunën e ushtruar nga Policia ndaj Alimadhit, edhe Drejtoria Rajonale e Agjencisë së Mbikëqyrjes Policore Tiranë ka nisur veprimet verifikuese, bazuar në pamjet filmike të publikuara në rrjete sociale.

Drejtoria Vendore e Policisë Tiranë

Specialistët për Hetimin e Krimeve në Komisariatin e Policisë Nr. 4 referuan materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë dhe nisën procedimin penal në gjendje të lirë për shtetasin A. A., 61 vjeç, i dyshuar për veprën penale “Kundërshtim i punonjësit të rendit publik”.

Ky shtetas dyshohet se, gjatë një kontrolli të ushtruar nga shërbimet e Policisë në një lokal në rrugën e “Dibrës”, me qëllim verifikimin e informacionit se në këtë ambient ushtrohej veprimtaria e paligjshme e lojërave të fatit dhe basteve sportive, ka refuzuar të zbatojë urdhrat e punonjësve të Policisë, duke i kundërshtuar verbalisht dhe fizikisht dhe ka tentuar të largohet nga ambienti, pavarësisht kërkesës për të qëndruar në vendin ku ndodhej, deri në përfundim të procedurës.

Në lidhje me këtë rast, Drejtoria Rajonale e Agjencisë së Mbikëqyrjes Policore Tiranë ka nisur veprimet verifikuese, bazuar në pamjet filmike të publikuara në rrjete sociale dhe pretendimet e paraqitura nga shtetasi në fjalë.