VOAL

VOAL

Biden propozon krijimin e një komisioni për reformimin e gjyqësorit amerikan

Marrë nga Reuters

Kandidati demokrat për president, Joe Biden, tha se nëse i fiton zgjedhjet, ai do të krijojë një komision dypartiak për të shqyrtuar reformimin e sistemit të drejtësisë që ai e quajti “të dalë nga binarët”, duke vënë në dukje se ka alternativa të tjera që mund të merren parasysh përveç zgjerimit të Gjykatës së Lartë.

Biden, sfiduesi i Presidentit republikan Donald Trump në zgjedhjet e 3 nëntorit, i bëri komentet në një intervistë për emisionin “60 minuta” të kanalit CBS që do të transmetohet këtë fundjavë. Një pjesë e intervistës u bë publike të enjten.

Ish-nënpresidenti amerikan tha se ai do të krijojë një komision dypartiak të studiuesve ligjorë që do të përfshinte demokratë, republikanë, liberalë dhe konservatorë për të rishikuar gjyqësorin amerikan.

“Unë do t’u kërkoj atyre që, pas më shumë se 180 ditësh, të kthehen tek unë me rekomandime se si të reformohet sistemi gjyqësor sepse ai tani po del nga binarët, dhe kjo nuk ka të bëjë me çështjen e shtimit të numrit të anëtarëve të gjykatës”, shtoi zoti Biden.

“Ka një numër alternativash që … shkojnë përtej mbushjes (së gjykatave me më shumë gjyqtarë)”, tha zoti Biden.

Disa njerëz nga e majta kanë hedhur idenë e rritjes së numrit të anëtarëve të Gjykatës së Lartë, e cila aktualisht ka nëntë gjyqtarë, nëse zoti Biden fiton, për t’iu kundërvënë zhvendosjes në të djathtë të gjykatës si rezultat i veprimeve të republikanëve të Senatit në vitin 2016 dhe tani. Republikanët e kanë hedhur poshtë idenë duke e quajtuar atë një përpjekje për të “mbushur gjykatën (me anëtarë të partisë në pushtet)”.

Zoti Biden tha javën e kaluar se ai nuk është “një tifoz” i idesë së rritjes së numrit të gjyqtarëve, por i ka lënë të hapura të gjitha opsionet. Numri prej nëntë anëtarësh i Gjykatës së Lartë është caktuar me ligj më shumë se një shekull më parë. Propozimi për krijimin e një komisioni mund të shërbejë si justifikim për zotin Biden që të mos japë një përgjigje përfundimtare mbi rritjen e numrit të anëtarëve të Gjykatës së Lartë para zgjedhjeve.

Komentet e zotit Biden u bënë publike në të njëjtën ditë që Komisioni Juridik i Senatit amerikan, i kontrolluar nga republikanët votoi për t’i hapur rrugë konfirmimit të plotë të gjyqtares konservatore Amy Coney Barrett, të emëruar nga Presidenti Trump për të mbushur vendin bosh në Gjykatën e Lartë. Senati ka në plan të votojë për konfirmimin përfundimtar të gjyqtares Barret të hënën.

Konfirmimi i saj do t’i jepte organit më të lartë gjyqësor të Shteteve të Bashkuara një shumicë konservatore 6-3, që mund të jetë e rëndësishme në rastet ligjore që përfshijnë abortin, kompetencat presidenciale, të drejtat fetare dhe të armëmbajtjes, të drejtat e komunitetit LGBT dhe çështje të tjera.

Demokratët janë të zemëruar që republikanët e senatit filluan procesin e emërimit të gjyqtares Barrett kaq afër ditës së zgjedhjeve pasi refuzuan në vitin 2016 të fillonin procesin e konfirmimit të kandidatit për anëtar të Gjykatës së Lartë të emëruar nga Presidenti demokrat Barack Obama, me arsyetimin se ishte një vit zgjedhjesh.

Zbulimi amerikan: Rusia, Irani kanë shtënë në dorë të dhëna të votuesve amerikanë

John Ratcliffe, Drejtori i shërbimeve amerikane të zbulimit

Marrë nga Associated Press

Rusia dhe Irani kanë shtënë në dorë informatat e regjistrimit të votuesve amerikanë, tha në një konferencë të rrallë për shtyp kreu i shërbimeve amerikane të zbulimit.

John Ratcliffe, drejtor i shërbimeve amerikane të zbulimit dhe drejtori i FBI-së, Chris Wray thanë se SHBA do të përgjigjej me masa ndëshkuese ndaj çdo vendi të huaj që ndërhynte në zgjedhjet amerikane të 2020.

“Kemi konfirmuar se i njëjti informacion mbi votuesit është shtënë në dorë si nga Irani, ashtu edhe nga Rusia,” tha zoti Ratcliffe gjatë një konference për shtyp të zhvilluar pa paralajmërim. “Kemi diktuar Iranin duke dërguar emaile me emra të sajuara për të frikësuar votuesit, për të nxitur trazira sociale dhe për të dëmtuar Presidentin Trump,” tha ai gjatë komenteve të mërkurën në mbrëmje.

zëri i amerikës

Çfarë ndodh nëse nuk ka fitues të qartë të zgjedhjeve presidenciale në SHBA?

Dy javë nga zgjedhjet presidenciale amerikane të këtij viti, ekspertët politikë po analizojnë një sërë skenarësh me të cilat vendi mund të përballet në ditën e zgjedhjeve dhe në javët në vijim. Mundësitë ndryshojnë midis një fitoreje të qartë nga Presidenti Donald Trump ose ish-nënpresidenti Joe Biden, dhe një beteje të pazgjidhur ligjore që e lë rezultatin të pasigurt në janar, kur Kongresi i ri duhet të çertifikojë rezultatin përfundimtar të zgjedhjeve.

Ekspertët thonë se përcaktimi i fituesit të këtyre zgjedhjeve është veçanërisht i tensionuar për shkak të një niveli të paprecedent të votimit në mungesë të nxitur nga pandemia e koronavirusit. Dallimet e ligjeve mes shteteve mbi mënyrën dhe kohën e numërimit të fletëvotimeve në mungesë lenë të kuptohet se mund të duhen ditë ose javë për të përfunduar numërimin e votave.

Në atë që ai e quan “skenar makthi”, studiuesi politik William Galston i Institutit Brookings thotë se kontestimi i zgjedhjeve me rezultat të ngushtë për të cilin ka dyshime do ta “[zhyste] vendin në kaos në rrethana shumë të pafavorshme”.

Presidenti Trump ka ngritur vazhdimisht shqetësimin që përdorimi masiv i fletëvotimeve me postë do të çonte në një rezultat të manipuluar të zgjedhjeve dhe ka refuzuar vazhdimisht të angazhohet paraprakisht për një transferim paqësor të pushtetit nëse ai humbet. Zoti Biden ka thënë se ai do të pranonte rezultatin e zgjedhjeve, me kusht që të ketë një numërim të drejtë të votave.

Duke patur parasysh trazirat e mundshme që mund të shkaktojnë zgjedhjet e kontestuara, skenari më i mirë do të ishte një rezultat i qartë ose gati i sigurt natën e zgjedhjeve, që edhe mund të ndodhë. Por natyra e sistemit amerikan të zgjedhjes së presidentit lë të hapura rezultate të ndryshme.

Një proces kompleks

Joe Biden, sfiduesi demokrat, aktualisht gëzon një epërsi afërsisht prej 9 deri në 10 pikësh në sondazhet në të gjithë vendin, por presidenca nuk fitohet në bazë të votës popullore. Zgjedhjet presidenciale amerikane vendosen përmes një sistemi kompleks me dy hapa në të cilin votat në nivelin shtetëror pasohen nga një votim i dytë në një organ të njohur si Kolegji Zgjedhor. Shteteve individuale u caktohet një numër i dhënë “elektorësh”, bazuar në popullsinë, dhe pasi të jenë numëruar votat çertifikohet një listë personash që mbështesin fituesin e votës popullore në secilin shtet. (Vetëm në dy shtete, Mejn dhe Nebraska, është e mundur që kandidatët t’i ndajnë mes tyre votat elektorale.)

The U.S. Electoral College

The U.S. Electoral College

Sondazhet në disa shtete të caktuara nxjerrin se pavarësisht se është prapa në sondazhet në nivel vendi, Presidenti Trump mund t’i fitojë zgjedhjet edhe nëse ai nuk merr më shumë vota se rivali i tij, siç bëri në vitin 2016, duke fituar në Kolegjin Zgjedhor.

Kolegji Zgjedhor mblidhet më 14 dhjetor për votimin që përcakton zyrtarisht se kush do të jetë presidenti i ardhshëm. Për të arritur fitoren, një kandidat duhet të marrë të paktën 270 nga gjithsej 538 votat e Kolegjit Zgjedhor. Votat numërohen zyrtarisht në një seancë të përbashkët të Dhomës së Përfaqësuesve dhe Senatit më 6 janar.

Ndërsa shumë shteteve do t’u duhen ditë ose edhe javë për të përfunduar numërimin e të gjitha votave, një numër shtetesh kyçe për rezultatin e zgjedhjeve pritet të shpallin rezultatet e plota ose gati të plota në mbrëmjen e zgjedhjeve ose në fillim të ditës pasuese.

Mes tyre është Florida, një shtet që Presidenti Trump e fitoi në vitin 2016 dhe ku ai dhe zoti Biden tani janë në një garë të ngushtë. Një fitore e zotit Biden në këtë shtet do t’i siguronte atij 29 vota elektorale dhe do t’ia mbyllte gati të gjitha rrugët e fitores zotit Trump. Karolina e Veriut, me 15 vota elektorale dhe Arizona me 11, gjithashtu të rëndësishme për shumicën e skenarëve që mund t’i japin fitoren Presidentit Trump, ka të ngjarë t’i njoftojnë rezultatet herët.

“Ka një arsye për të besuar se ato shtete mund të jenë në gjendje të përfundojnë numërimin e plotë të votave natën e zgjedhjeve, ose mëngjesin e ditës tjetër”, tha Richard H. Pildes, ekspert i ligjit të zgjedhjeve dhe profesor i së drejtës kushtetuese në Universitetin e Nju Jorkut . “Nëse ne e dimë, për shembull, se Presidenti Trump ka humbur Floridën, atëherë edhe nëse Miçigani, Pensilvania dhe Uiskonsini nuk do të kishin përfunduar numërimin e votave, do të kishim një arsye shumë të fortë për të besuar se zoti Biden do t’i fitonte zgjedhjet.”

Miçigani ka 16 vota elektorale, Pensilvania 20 dhe Uiskonsini 10.

Zoti Pildes shton se në një skenar ku rezultati në Florida është shumë i ngushtë dhe nuk mund të përcaktohet fituesi natën e zgjedhjeve, ndërsa shtetet e tjera janë të ndara midis kandidatëve, gjërat shumë shpejt mund të bëhen të debatueshme.

Betejat e mundshme ligjore

“Nëse rezultati është i pasigurt nga, le të themi herët në mëngjes të nesërmen, sepse ka shtete që nuk mund të përfundojnë numërimin e plotë për shkak të vëllimit masiv të fletëvotimeve në mungesë që ende duhet të numërohen … atëherë unë do të prisja mosmarrëveshje të forta në ato shtete për secilën prej atyre fletëvotimeve në mungesë, dhe debate nëse ato duhet të trajtohen si të vlefshme”, thotë Pildes.

Ka disa momente kryesore midis ditës së zgjedhjeve dhe çertifikimit të rezultatit nga Kongresi më 6 janar. I pari prej tyre është 8 dhjetori, e ashtuquajtura data “e sigurt” deri në të cilën shtetet pritet të paraqesin listat e çertifikuara të zgjedhësve tek Arkivisti i Shteteve të Bashkuara.

Early voting Arlington, Virginia

Early voting Arlington, Virginia

Në rast se një shtet nuk e ka përfunduar numërimin e votave deri në atë datë, ose për shkak të vazhdimit të numërimit apo veprimeve ligjore, ekziston një dispozitë në ligjin federal që lejon legjislaturën e shtetit të mblidhet dhe të caktojë një listë të elektorëve pa e ditur numrin përfundimtar të votave. Kjo krijon mundësinë që një legjislaturë partiake të caktojë një listë elektorësh që mbështesin kandidatin, i cili në fund humbet votën popullore të shtetit.

Në shtetet ku guvernatori dhe legjislatura janë të ndara midis palëve, ekziston një faktor tjetër komplikues. Për shkak se është guvernatori që zyrtarisht çertifikon listën e zgjedhësve pas një votimi, është e mundur që një shtet mund të paraqesë dy lista elektorësh, të dyja me një pretendim të besueshëm legjitimiteti.

Sipas ligjit federal, nëse Kongresi i ri paraqitet me dy lista konkurruese elektorësh nga i njëjti shtet, Dhoma e Përfaqësuesve dhe Senati votojnë për të përcaktuar se cila do të pranohej. Nëse bien dakord, atëhere merret propozimi që ata zgjedhin. Nëse ata nuk bien dakord, fiton lista e çertifikuar nga guvernatori.

Një rezultat i barabartë në Kolegjin Zgjedhor

Është gjithashtu e mundur, megjithëse nuk ka gjasa, që të mos ketë asnjë fitues të presidencës edhe pas numërimit të votave elektorale. Nëse të dy kandidatët përfundojnë me nga 269 vota secili, është Dhoma e Përfaqësuesve që vendos për fituesin. Megjithatë, në vend të një vote për secilin nga 438 anëtarët Dhomës së Përfaqësuesve, delegacionet për secilin shtet votojnë si një grup, që do të thotë se partia dominuese në secilin shtet do të kontrollonte votën e saj.

Një rezultat i tillë do t’u jepte afërsisht të njëjtën peshë të 600,000 qytetarëve të shtetit Uajoming në zgjedhjen e presidentit sa 40 milionë qytetarëve të Kalifornisë.

Një alternativë e fundit në sistem është mundësia që disa nga zgjedhësit e dërguar për të votuar për presidentin më 14 dhjetor të rezultojnë “të pabesë”. Në një numër të kufizuar rastesh gjatë viteve, elektorët që duhet të votojnë për një kandidat të caktuar kanë hedhur votat e tyre në Kolegjin Zgjedhor për kandidatin tjetër.

Disa shtete kanë miratuar ligje që detyrojnë zgjedhësit të votojnë ashtu siç ka votuar shumica e votuesve të shtetit dhe Gjykata e Lartë ka vendosur që kufizime të tilla janë të ligjshme. Mbetet e mundur që zgjedhësit “e pabesë” të përpiqen të ndikojnë në rezultatin zgjedhjeve, por ekspertët theksojnë se rezultati duhet të jetë tepër i ngushtë që një përpjekje e tillë të jetë e suksesshme dhe do të duhej një shkallë e lartë koordinimi mes anëtarëve të Kolegjit Zgjedhor që do të ishte e vështirë për t’u realizuar.

Është e rëndësishme të theksohet se ndërsa janë të mundur, shumica e këtyre skenarëve nuk ka të ngjarë të ndodhin.

Profesori Pildes, nga Universiteti i Nju Jorkut, thekson se edhe pa një numërim të plotë ë natën e zgjedhjeve, në fund mund të jetë e qartë se kush do të jetë fituesi.

“Edhe në shtetet që nuk mund ta përfundojnë dot numërimin e votave, qarqet e veçanta në ato shtete mund ta përfundojnë numërimin”. “Dhe media do të bëjë krahasimin e rezultatit të votimit të vitit 2020 për Presidentin Trump në ato qarqe me ato të vitit 2016. Dhe nëse nuk paraqitet mirë në mënyrë sistematike ose paraqitet shumë mirë bazuar në këtë krahasim, ky do të jetë një informacion që mund të sinjalizojë shumë fort se në cilin drejtim po shkojnë zgjedhjet, edhe nëse fituesi nuk mund të deklarohet zyrtarisht … Unë mendoj se kjo është e mundur ashtu si çdo skenar tjetër”, thotë profesor Pildes.

zëri i amerikës

SHBA, 300 mijë viktima që nga fillimi i COVID-19

New York

Një raport i ri qeveritar tregon se që kur filloi pandemia e koronavirusit (COVID-19), SHBA regjistroi 300 mijë vdekje, më shumë sesa zakonisht, transmeton Anadolu Agency (AA).

Qendrat për Kontrollin dhe Parandalimin e Sëmundjeve (CDC) kanë ndjekur sa vdekje janë raportuar dhe i kanë krahasuar ato me numrat e nxjerra në vitet e tjera. Zakonisht, midis fillimit të shkurtit dhe fundit të shtatorit, raportohen rreth 1.9 milionë vdekje. Këtë vit, kjo shifër ka arritur në afër 2.2 milionë, një rritje prej 14.5 për qind.

CDC thotë se koronavirusi merr pjesë me rreth dy të tretat e numrit të rritur të vdekjeve. Zyrtarët e CDC-së thonë se ka të ngjarë që virusi të jetë faktor edhe në shumë vdekje të tjera. Për shembull, dikush me simptoma të sulmit në zemër mund të ketë hezituar të shkojë në spital që ishte përplot me pacientë me COVID-19.

Segmenti më i madh i vdekjeve të stërzmadhuara, rreth 95 mijë, ishte tek personat e moshuar nga mosha 75 deri në 84 vjeç. Kjo përbën 21.5 për qind më shumë se në një vit normal. Por, rritja më e madhe relative, 26.5 për qind ishte tek personat e moshës prej 25 deri në 44 vjeç. Vdekjet tek personat më të rinj se 25 vjeç shënuan rënie të lehtë.

Vdekjet u regjistruan tek grupe të ndryshme racore dhe etnike, por rritja më e madhe prej 54 për qind u regjistrua midis hispanikëve amerikanë.

Melania Trump anulon paraqitjen në një tubim fushate për arsye shëndetësore

Zonja e parë e Shteteve të Bashkuara, Melania Trump nuk mori pjesë të martën në një tubim fushate me Presidentin Donald Trump për shkak të një kolle të zgjatur nga Covid-19, sipas shefes së personelit të saj, Stephanie Grisham.

Grisham tha të martën se shëndeti i zonjës Trump vazhdon të përmirësohet çdo ditë pasi ajo dhe presidenti njoftuan në fillim të tetorit se ishin infektuar me koronavirusin.

Zonja e parë ka vendosur të mos e shoqërojë PresidentinTrump në një tubim fushate të martën mbrëma në Erie të Pensilvanisë si një “masë shtesë kujdesi”, tha zonja Grisham.

Melania Trump, e cila njoftoi javën e kaluar se ishte shëruar nga Covid-19, bëri paraqitjen e saj të fundit publike gjatë debatit të 29 shtatorit midis Presidentit Trump dhe rivalit të tij demokrat Joe Biden.

zëri i amerikës

FAKSIMILE – Nga pavarësia, dialogu me Serbinë deri tek integrimi në BE, zbulohet plani i Joe Biden për Kosovën dhe Shqipërinë

Kandidati për president të SHBA-së, Joe Biden  ka publikuar një plan disapikësh, ku ka shpalosur se do të jenë marrëdhëniet e Amerikës me Kosovën dhe Shqipërinë.

Në letrën e dërguar nga komiteti shqiptaro-amerikan, Biden thotë se Pavarësia e Kosovës është e pakthyeshme dhe në përputhje me të drejtën ndërkombëtare.

Më tej, Biden thotë se duhet të anulohet qasja e Administratës Trump ndaj Kosovës dhe Serbisë, duke rivendosur drejtësinë dhe barazinë në marrëdhëniet mes tyre dhe duhet punuar drejt një bashkëpunimi më të madh.

“Ai do të punojë në partneritet me Bashkimin Evropian për të ringjallur dialogun midis Kosovës dhe Serbisë, me qëllimin për të lehtësuar një zgjidhje stabilizuese – të drejtë dhe gjithëpërfshirëse midis dy vendeve që respekton integritetin territorial të Kosovës dhe të arrihet njohja reciproke”, thuhet në deklaratë.

Po ashtu Biden thotë se do të mbështesë dënimin e krimeve në Kosovë, dhe do të kërkojë drejtësi për të zhdukurit, duke përmendur edhe vëllezërit Bytyqi.

Ndër të tjera, përmend edhe çështjen e liberalizimit të vizave për Kosovën, si dhe hapat për integrimin në Bashkimin Evropian, përfshirë marrëveshjen e Stabilizim Asociimit.

Joe Biden po ashtu ka treguar se e ka mbështetur ndërhyrjen e NATO-s në vitin 1999 për çlirimin e Kosovës.

Në letër thuhet po ashtu se do të përkrahë Shqipërinë dhe integrimin e saj në BE.

Komploti për rrëmbimin e guvernatores së Miçiganit ngre shqetësime për dhunë gjatë zgjedhjeve

Michael John Null and Willam Grant Null (djathtas) ndër të akuzuarit e datës 8 tetor 2000 qëndrojnë me armë në ndërtesën qeveritare të shtetit Miçigan

 

Në shtetin amerikan Miçigan, autoritetet kanë kapur 13 persona që akuzohen se po planifikonin rrëmbimin dhe ndoshta vrasjen e guvernatores së këtij shteti. Koha e zbatimit të këtij plani, në të cilin përfshihej një grup paramilitar i armatosur me armë gjysmë-automatike dhe eksplozivë, ishte planifikuar të zbatohej në kohën e duhur për të prishur zgjedhjet amerikane dhe për të ngjallur një rebelim. Korrespondenti i Zërit të Amerikës, Matt Dibble, foli me ekspertë të cilët paralajmërojnë se mesazhi provokativ nga liderët dhe mediat sociale me rregulla të dobëta, mund të jenë duke e orientuar klimën politike amerikane drejt dhunës.

 

Pranverën e kaluar, në Shtetet e Bashkuara shpërthyen protesta kundër masave të sigurisë për pandeminë. Në tubimet përpara godinës qeveritare të shtetit Miçigan në prill dhe maj, disa protestues shprehën dëshpërim për humbjen e të ardhurave, ndërsa të tjerët u nxitën nga ajo që ata e konsideruan si një abuzim i pushtetit nga Guvernatorja demokrate Gretchen Whitmer.

 

Disa protestues sollën edhe armë në legjislaturën e shtetit.

 

Nëse nuk do të sillnim armët tona, këta njerëz nuk do të mbroheshin dhe qeveria mund ta tejkalonte autoritetin e saj sa të dëshironte“, thotë Duncan instruktor i armëve të zjarrit.

 

Javën e kaluar, 13 burra u akuzuan për komplot për rrëmbimin e guvernatores në përpjekje për të nxitur një kryengritje të dhunshme përpara zgjedhjeve të nëntorit.

 

Disa nga të arrestuarit kishin qenë pjesëmarrës të rregullt në tubimet kundër masave të izolimit, aktivitete këto të organizuara dhe të mbështetura nga operativë politikë me lidhje të forta në spektrin e djathtë, thotë Lisa Graves, e cila drejton një grup studimor të politikave publike.

 

Ka grupe të konsoliduara që po ndihmojnë disa grupe që ishin më në periferi“, thotë Lisa Graves, drejtore ekzekutive e “True North Research”.

 

Këto grupe të krahut të djathtë po nxisnin përpjekjet për të shfuqizuar urdhërat (për izolimin) dhe duke e quajtur atë tirani. Dhe nuk ishin vetëm ata, por edhe presidenti i Shteteve të Bashkuara“, thotë zonja Graves.

 

Këto janë rrethanat kur retorika mund të inkurajojë njerëzit që mund të kenë prirje për dhunë“, thotë zonja Graves.

 

Pas arrestimeve, Guvernatorja Whitmer akuzoi Presidentin Donald Trump se “ushqen mosbesimin dhe nxit zemërimin”. Presidenti Trump u përgjigj duke shkruajtur në Twitter se ai nuk e toleron “dhunën ekstreme” dhe se “Guvernatorja Whitmer ka bërë një punë të tmerrshme”.

 

Shtatë nga burrat e akuzuar ishin anëtarë të një milicie anti-qeveritare që rekruton dhe komunikon duke përdorur Facebook-un. Dhe megjithëse kompania Facebook lajmëroi FBI-në për deklaratat e zjarrta të grupit, ekspertë si Joan Donovan thonë se kompanitë e mediave sociale nuk kundërveprojnë gjithnjë ndaj kërcënimeve.

 

Për mua, kjo është më shumë një shenjë paralajmëruese se ka grupe të tjera që ndoshta po bëjnë plane të tilla“, thotë Joan Donovan, Drejtore Kërkimesh, në Qendrën e Harvardit “Kennedy Shorenstein” për Politikën e Medias dhe Politikën Publike.

 

Dhe nëse kompanitë që i kanë ndërtuar këto rrjete për të transferuar informacione nuk janë të vetëdijshme për atë çfarë transmetohet, atëherë kjo e vë publikun në rrezik shumë më të madh“, thotë zonja Donovan.

 

Gjatë këtij viti u panë gjithashtu protesta mbi vrasjet nga policia të qytetarëve afrikano-amerikanë që shpërthejnë në të gjithë vendin, me disa valë dëmtimi të pronës, plaçkitje dhe përplasje me kundër-protestuesit.

 

Drejtori i FBI-së Christopher Wray kohët e fundit trajtoi kërcënimin e përshkallëzuar të ekstremizmit në dëshminë e tij përpara Kongresit.

 

Megjithëse shumica e protestuesve kanë qenë paqësorë, ne kemi hapur hetime mbi individë të përfshirë në veprimtari kriminale në këto protesta, disa prej të cilëve u përmbahen axhendave të dhunshme ekstremiste të krijuara për të mbjellë mosmarrëveshje dhe trazira“, tha zoti Wray.

 

Votimi i hershëm tashmë është duke u zhvilluar në pjesën më të madhe të Amerikës dhe FBI-ja po përpiqet të garantojë amerikanët për sigurinë e zgjedhjeve dhe u ka bërë thirrje njerëzve të raportojnë krime të dyshuara zgjedhore ose frikësimin e votuesve.

Mbi 8 milionë infektime me koronavirus në SHBA

Rastet e përditshme të COVID-19 kanë arritur nivele rekord në të gjithë botën, veçanërisht në Evropë dhe kontinentin amerikan, tha Organizata Botërore e Shëndetësisë të premten.



Drejtori i Përgjithshëm i OBSH-së Tedros Adhanom Ghebreyesus tha gjatë një konference për shtyp në Gjenevë se një numër rekord rastesh u raportuan në secilën prej katër ditëve të fundit.

“Duhet të kemi parasysh se kjo është një pandemi e pabarabartë,” tha Ghebreyesus. “Vendet kanë reaguar ndryshe dhe vendet janë prekur ndryshe. Pothuajse 70% e të gjitha rasteve të raportuara në shkallë globale javën e kaluar ishin nga 10 vende, dhe pothuajse gjysma e të gjitha rasteve ishin nga vetëm tre vende.”

Shtetet e Bashkuara kishin më shumë infeksione të reja gjatë një periudhe 24-orëshe se çdo vend tjetër, me 63,610, me numrin e përgjithshëm të rasteve të premten në mbi 8 milionë, numri më i lartë në gjithë botën, sipas shifrave të Universitetit Johns Hopkins.

SHBA gjithashtu ka numrin më të madh të viktimave nga COVID-19, me mbi 218,000 të vdekur.

Rritje në pesë shtete

Fluksi në Shtetet e Bashkuara i atribuohet rritjes së niveleve të infeksionit në shtetet e Teksasit, Ilinoit, Uiskonsit, Floridës dhe Kalifornisë, sipas të dhënave të mbledhura nga Johns Hopkins.

India regjistroi 63,371 raste të reja të Premten, ndërsa pati gjithashtu rritje të ndjeshme të numrit të infeksioneve në Francë, Brazil dhe Britani.

Rritje shqetësuese në Evropë

Maria Van Kerkhove e OBSH-së u tha gazetarëve të Premten se 80% e vendeve të Evropës po përjetonin rritje të ndjeshme në rastet e COVID-19.

Në Britani, ku Universiteti Johns Hopkins raportoi gati 19,000 raste të reja të premten, Kryeministri Boris Johnson paralajmëroi se do ta detyronte Mançesterin e Madh të vendoste nivelin më të rreptë të kufizimeve të koronavirusit të vendit pasi zyrtarët lokalë refuzuan të vendosnin kufizime në zonat me norma të larta infektimi.

Të shtunën, Franca do të fillojë një ndalim-qarkullim nga ora 21:00 deri në 6 të mëngjesit për rajonin e Parisit dhe të paktën shtatë qytete të tjera: Lion, Grenoble, Aix-en-Provence, Montpelie, Lilë, Rouen dhe Saint-Etienne. Ndalim-qarkullimi do të qëndrojë në fuqi për të paktën katër javë.

Kancelarja gjermane Angela Merkel dhe guvernatorët e 16 shteteve të vendit kanë rënë dakord të vendosin një raund të ri kufizimesh në mbarë vendin pasi panë raste të reja rekord të COVID-19. Kufizimet përfshijnë mbylljen herët të bareve dhe restoranteve dhe kufizimin e numrit të njerëzve që lejohen të mblidhen në publik.

Merkel tha të Premten se një samit i planifikuar i Bashkimit Evropian mbi politikën e Kinës të bllokut 27-vendesh në Berlin muajin e ardhshëm ishte anuluar për shkak të pandemisë së ringjallur.

Italia raportoi më shumë se 10,000 infeksione të reja gjatë 24 orëve të fundit të Premten, numri më i lartë ditor që nga fillimi i pandemisë në vend. Italia ka numrin e dytë më të lartë të vdekjeve në Evropë pas Britanisë, duke raportuar më shumë se 36,400 vdekje që nga fillimi i pandemisë në shkurt.

Që nga mesdita e së Premtes, kishte më shumë se 39 milion raste COVID-19 në të gjithë botën dhe më shumë se 1.1 milion vdekje globale COVID-19, sipas Universitetit Johns Hopkins./VOA

Fluksi i madh i votave të hershme, transformon zgjedhjet e 2020

Marrë nga Associated Press

Më shumë se 17 milionë amerikanë kanë hedhur votën për zgjedhjet e vitit 2020, një shifër që ka thyer rekord për votimin e parakohshëm, falë mobilizimit të demokratëve dhe një pandemie që ka transformuar mënyrën e votimit në vend.

Kjo shifër përfaqëson 12% të të gjitha votave të hedhura në zgjedhjet presidenciale të vitit 2016, edhe pse tetë shtete ende nuk kanë njoftuar për totalin e tyre dhe votuesit kanë ende edhe më shumë se dy javë kohë për të hedhur votat.

Nxitimi i amerikanëve për të votuar po bën që ekspertët e zgjedhjeve të parashikojnë se mund të hidhen një rekord prej 150 milion votash dhe pjesëmarrja mund të jetë më e lartë se në çdo zgjedhje presidenciale që nga viti 1908.

“Është e pabesueshme”, tha Michael McDonald, një ekspert i shkencave politike në Universitetin e Floridës i cili ka ndjekur prej kohësh procesin e votimit për faqen e tij ElectProject.org.

Analiza e Prof. McDonald tregon se afërsisht 10 herë më shumë njerëz kanë votuar krahasuar me të njëjtën kohë në vitin 2016.

“Është e sigurt se këto do të jenë zgjedhje me pjesëmarrje të lartë,” tha Prof. McDonald.

Deri tani, pjesëmarrja ka qenë jo e balancuar, me një numër më të madh demokratësh se republikanët me një raport 2-1 në 42 shtetet e përfshira në numërimin e agjencisë Associated Press.

Republikanët e prisnin këtë avantazh të hershëm demokrat prej muajsh me radhë, pasi Presidenti Donald Trump ka sulmuar votimin me postë, duke ngritur shqetësime të pabazuara në lidhje me manipulime të mundshme.

Sondazhet, dhe tani votimi i hershëm, sugjerojnë që retorika i ka larguar anëtarët e partisë së tij nga një metodë votimi ku tradicionalisht, ata mbizotëronin në javët para ditës së zgjedhjeve.

Kjo u jep demokratëve një avantazh taktik në pjesën e fundit të fushatës. Në shumë shtete kritike të betejës, Demokratët i kanë “siguruar” një pjesë të votuesve të tyre dhe tani mund ta kthejnë energjinë dhe fondet drejt votuesve më të vështirë për t’u gjetur.

Por kjo nuk do të thotë domosdoshmërisht se demokratët do të kryesojnë në vota deri në kohën e numërimit të fletëve të votimit. Të dyja partitë parashikojnë një rritje të votave të republikanëve në ditën e zgjedhjeve që mundet brenda pak orësh, të zhvendosë në mënyrë dramatike dinamikën.

“Numrat republikanë do të rriten,” tha John Couvillon, një anketues republikan i cili po ndjek votimin e hershëm. “Pyetja është me çfarë shpejtësie dhe kur?”

Zoti Couvillon tha se demokratët nuk duhet ta flenë mendjen me avantazhin e tyre të votimit të hershëm, por se edhe republikanët vetë po marrin një rrezik të madh në sy.

Një numër faktorësh, nga rritja e infeksioneve të virusit tek moti, mund të ndikojë në pjesëmarrjen në person në ditën e zgjedhjeve.

“Nëse i mbajnë të gjitha shpresat tek një ditë votimi, ky është me të vërtetë një rrezik i lartë,” tha zoti Couvillon.

Kjo është arsyeja pse, pavarësisht retorikës së zotit Trump, fushata dhe partia e tij po inkurajojnë votuesit e tyre të hedhin vota me postë ose herët dhe personalisht. Fushata, e cila ka dërguar vullnetarë dhe punonjës në terren për muaj me radhë megjithë pandeminë, pretendon se ajo ka regjistruar më shumë votues këtë vit sesa demokratët në shtetet kryesore si Florida dhe Pensilvania.

Por nuk ka pasur edhe aq sukses në bindjen e bazës për votimin në mungesë. Në shtetet kyçe, Republikanët mbeten shumë më pak të interesuar për të votuar me postë. Në Pensilvani, më shumë se tre të katërtat e më shumë se 437,000 fletëvotimeve të dërguara deri më tani kanë qenë nga demokratët.

Në Florida, gjysma e të gjitha fletëve të votimit të dërguara deri më tani kanë qenë nga demokratët dhe më pak se një e treta e tyre nga republikanët. Edhe në Kolorado, një shtet ku çdo votuesi i dërgohet një fletë votimi me postë dhe republikanët zakonisht dominojnë javën e parë të votimit, vetëm 19% e fletëve të votimit të dërguara kanë qenë nga republikanët.

“Të gjitha këto janë inkurajuese, por tre javë është një kohë e gjatëj,” thotë strategjisti demokrat Tom Bonier tha për shifrat e hershme të votave. “

Votimet në masë janë bërë pa u shoqëruar nga përleshje të dhunshme në vendet e votimit që disa aktivistë dhe zyrtarë të zbatimit të ligjit kishin frikë se mund të ndodhte. Ka pasur disa gabime të konsiderueshme, si për shembull 100,000 fletë votimi defektoze të dërguara në New York, apo 50,000 në Columbus, Ohio. Por ka pak prova për probleme masive që disa vetë u druheshin, pasi zyrave zgjedhore iu desh që të fillonin të merreshim me një fluks votimesh të hershme.

Por ka pasur radhë të jashtëzakonshme dhe pritje për orë të tëra në Georgia, Texas dhe Karolinën e Veriut me hapjen e votimit të hershëm në këto shtete. Vonesat ishin kryesisht rezultat i burimeve të pamjaftueshme për të përballuar fluksin, diçka që aktivistët pretendojnë se është një formë e shtypjes së votuesve.

Republikanët argumentojnë se këto shenja entuziazmi janë pa vlerë pasi ata thonë se votuesit e hershëm demokratë janë njerëz që do të kishin votuar gjithsesi.

Por një analizë e AP për votimin e hershëm tregon se 8% e votuesve të hershëm nuk kishin votuar asnjëherë votim më parë, dhe 13.8% kishin votuar në gjysmën ose më pak të zgjedhjeve të mëparshme për të cilat kishin të drejtën e votës.

Të dhënat tregojnë gjithashtu se votuesit përqafojnë votimin me postë, e cila zyrtarët shëndetësore thonë se është mënyra më e sigurt për të shmangur infeksionin e koronavirusit gjatë votimit. Nga votuesit e hershëm, 82% e dërguan votën me postë dhe 18% personalisht. Votuesit afrikano-amerikanë përbëjnë 10% të votave të hedhura, një shifër që përputhet me përqindjen e tyre në elektorat, sipas analizës së AP të të dhënave nga L2, një firmë politike e të dhënave. Kjo është një shenjë se ata votues, të cilët kanë më pak të ngjarë të votojnë me postë sesa të bardhët dhe hispanikët, e kanë përqafuar këtë metodë.

Fletëvotimet me postë deri më tani kanë anuar nga votuesit e moshuar. Gjysma e tyre që vijnë nga votuesit mbi moshën 64 vjeç. Tradicionalisht, votuesit e rinj dhe të pakicave dërgojnë fletët e tyre të votimit më pranë ditës së zgjedhjeve ose votojnë personalisht.

Fletëvotimet e dërguara tashmë në disa shtete janë shumë herë më të shumta se i gjith totali i zgjedhjet e mëparshme. Në Uiskonsi, janë hedhur më shumë se pesë herë më shumë fletëvotime me postë deri tani krahasuar me shifrën totale të vitit 2016. Karolina e Veriut ka parë gati trefishin e numrit deri më tani. Votimi i hershëm në person filloi këtë javë në disa shtete të mëdha dhe gjithashtu theu rekorde, veçanërisht në zonat metropolitane me popullata me prirje demokratike. Në Teksas, Qarku Harris i Hjustonit pa një rekord me 125,000 vota. Në Xhorxhia, radhët me orë të tëra zgjateshin nga qendrat e votimeve përmes pjesës më të madhe të zonave urbane të shtetit.

Tunde Ezekiel, një avokat 39-vjeçar dhe demokrat i cili votoi herët në Atlanta të enjten, tha se ai donte të ishte i sigurt se ai kishte një shans për të hequr zotin Trump nga detyra:

“Nuk e di se si do të jetë situata në ditën e zgjedhjeve. Dhe unë nuk doja të rrezikoja.”

Mobilizimi i dukshëm midis demokratëve ka entuziazmuar operativët e partisë, por ata vërejnë se është vështirë të thuhet se cili do të jetë rezultati përfundimtar.. Republikanët mund të jenë po aq të motivuar, por duke pritur për ditën e zgjedhjeve.

“Secila nga palët mund të përfitojë nga pjesëmarrja e lartë,” tha zoti Bonier. “Nuk i dihet”. zëri i amerikës

Trumpi: Do të pranoj transferimin paqësor të pushtetit

Washington DC

Presidenti i SHBA-ve, Donald Trump të enjten tha se do të pranojë transferim paqësor të pushtetit nëse rivali i tij demokrat fiton presidencën më 3 nëntor, por këmbënguli se dëshiron të shohë “zgjedhje të ndershme”, transmeton Anadolu Agency (AA).

“Ata përpiqen të heqin një president të zgjedhur në mënyrë të rregullt dhe pastaj thonë ‘A do të pranoni një tranzicion paqësor?’ – dhe përgjigjja është po. Unë do të pranoj, por dua që të jenë zgjedhje të ndershme dhe ashtu bëjnë të gjithë të tjerët”, tha Trump gjatë një debati të organizuar nga NBC News në Miami, Florida.

Ai më parë vazhdimisht kundërshtonte kryerjen e transferimit paqësor, një shenjë dalluese e sistemit zgjedhor të SHBA-ve, mbi pretendimet e deritanishme të pabazuara të mashtrimit të lidhura me votimin përmes postës, e cila po përdoret në shkallë të mundshme historike mes pandemisë së koronavirusit.

Trump në mënyrë të përsëritur ka kërkuar të vendosë në hetime fushatën e tij, përfshirë bashkëpunimin e mundshëm me Rusinë, si një komplot i thellë shtetëror kundër tij i inskenuar nga demokratët dhe simpatizantët e tyre.

“Është një lloj ironie që t’i dhe ata flasin për transferimin paqësor kur kalova 3 vjet e gjysmë duke luftuar kundër këtyre maniakëve”, i tha ai mikpritëses Savannah Guthrie.

“Transferim paqësor? Unë absolutisht e dua atë. Por, idealisht, nuk dua të transferohem, sepse dua të fitoj”, tha Trump.

Pezullohet gazetari që do të moderonte debatin Trump-Biden

Steve Scully (djathtas) ka mbuluar zgjedhjet presidenciale në C-SPAN për gati 30 vjet dhe ka krijuar një reputacion për mbulim të balancuar. Në këtë fotografi të vitit 2007 është ai dhe ish-presidenti amerikan, George Bush.

Steve Scully, gazetar i kanalit kabllor C-SPAN, u pezullua për kohë të pacaktuar.

Scully do të moderonte debatin e planifikuar për 15 tetor, por ai është anuluar, pasi organizatorët e kanë shndërruar në debat virtual.

Organizatorët e kanë cilësuar si shqetësim infektimin e Trumpit me koronavirus, por Trump ka refuzuar të marrë pjesë në debat virtual.

Javën e kaluar, Scully ka qenë i përfshirë në një shkëmbim në Twitter me Anthony Scaramuccin, ish-ndihmës i Trumpit, tani kritik i tij.

Scully është dukur se ka kërkuar këshilla prej tij.

Kur shkëmbimi ka nxitur polemika, Scully ka thënë se llogaria e tij është hakuar.

Në një deklaratë të kërkim-faljes, Scully tha se ka zhgënjyer kolegët e tij. “U kërkoj falje atyre”, tha ai.

“Ne u dëshpëruam shumë nga ky lajm dhe nuk i falim veprimet e tij”, tha përmes një deklarate kanali C-SPAN.

Scully ka mbuluar zgjedhjet presidenciale në C-SPAN për gati 30 vjet dhe ka krijuar një reputacion për mbulim të balancuar.

Është e paqartë se kur do të kthehet, por pezullimi i tij sugjeron se ai do të jetë jashtë programit në natën e zgjedhjeve presidenciale në SHBA, më 3 nëntor. rel

Shtetet e Bashkuara përgatiten për dhunë të mundshme Ditën e Zgjedhjeve

Jeff Seldin

UASHINGTON – Zyrtarët e ngarkuar për sigurinë e zgjedhjeve të ardhshme presidenciale në mbarë Shtetet e Bashkuara, po marrin masa paraprake shtesë, duke u përgatitur për mundësinë jo vetëm të sulmeve të mundshme kibernetike më 3 nëntor dhe ditët që pasojnë, por edhe për dhunë të mundshme.

Paralajmërimet më të forta dhe ndoshta më të zymtat, nuk vijnë nga autoritetet federale, por nga zyrtarët shtetërorë, disa prej të cilëve thonë se fushatat dezinformuese nga shtete të huaja, mund të nxisin një sërë problemesh, që nga shqetësime të vogla e deri tek incidente shumë më të rënda.

“Vonesat në rezultatin e zgjedhjeve dhe rinumërimet mund të rezultojnë në protesta dhe përpjekje për të zaptuar zyrat e zgjedhjeve” paralajmëruan zyrtarë të Departamentit të Sigurisë në shtetin e Nju Xhersit, në një vlerësim të publikuar në fund të shtatorit.

“Incidentet e trazirave civile që rezultojnë në veprime të dhunshme dhe fatalitete do të ndërthurren me pasigurinë e zgjedhjeve, duke prodhuar konfrontime midis protestuesve dhe kundër-demonstruesve që mund të sfidojnë rezultatet e zgjedhjeve,” vë në dukje deklarata.

Shenja paralajmërimesh

Zyrtarë të tjerë shtetërorë dhe lokalë të zgjedhjeve po i marrin me seriozitet paralajmërime të tilla, veçanërisht pasi FBI-ja këtë muaj zbuloi dhe bëri të dështojë një komplot nga ekstremistët e një milicie anti-qeveritare për të rrëmbyer guvernatoren demokrate të shtetit të Miçiganit, Gretchen Whitmer.

Zyrtarët e Miçiganit thonë se po e rishqyrtojnë situatën duke pasur në vëmendje zgjedhjet dhe po planifikojnë të lëshojnë udhëzime shtesë në ditët në vijim.

Por komploti i rrëmbimit, i cili sipas FBI-së vinte në shënjestër gjithashtu edhe guvernatorin demokrat të Virxhinias Ralph Northam, nuk është i vetmi incident që ka shkaktuar alarm mes zyrtarëve shtetërorë të zgjedhjeve.

Disa zyrtarë kanë vënë në dukje gjithashtu një protestë në fund të shtatorit pranë një qendre të votimit të hershëm në qarkun Feirfaks, të shtetit Virxhinia – që shpejt u bë virale në mediat sociale.

Videoja e protestës, tregon një grup mbështetësish të presidentit Donald Trump që afrohen në qendrën e votimit me pankarta dhe flamuj, duke brohoritur, “Edhe katër vjet!”

Raportet e policisë mbi incidentin dëshmojnë se hyrjet në qendrën e votimit, një ndërtesë qeveritare e qarkut, asnjëherë nuk u bllokuan dhe zyrtarët më vonë thanë se nuk kishte asnjë tregues se ligjet ishin thyer. Por disa votues u thanë mediave se ndiheshin të frikësuar.

Përgatitje për dhunë të mundshme zgjedhore

Megjithatë, zyrtarët e zgjedhjeve në të gjithë vendin janë të shqetësuar se herë tjetër, një incident i tillë, mund të mos përfundojë aq paqësisht.

“Kjo është diçka që na shqetëson sigurisht,” tha Michael Moore, oficer i sigurisë së informacionit për qarkun Marikopa në shtetin Arizona, gjatë një forumi në internet në 23 shtator, vetëm disa ditë pas incidentit.

Këshillat e zotit Moore për zyrtarët e tjerë të zgjedhjeve ishte – përgatituni.

Policia në qarkun Ferfaks nuk pranoi të komentojë mbi ndonjë masë specifike që kanë marrë autoritetet në përgjigje të protestës, megjithëse një zëdhënës i tha Zërit të Amerikës se departamenti është “në komunikim të përditshëm, në kohë reale me partnerët në Bordin e Zgjedhjeve, qeverinë federale dhe Departamentin e Policisë Metropolitane të Uashingtonit për çdo ngjarje apo kërcënim të mundshëm.

Nga ana e tij, Departamenti Metropolitan i Policisë (DMP) ka në plan të shtojë kontrollet në zonat përreth qendrave të votimit ditën e zgjedhjeve.

“Politika e DMP-së është të sigurojë që të gjithë qytetarët në Uashington, të kenë mundësinë të votojnë në çdo ditë të caktuar zgjedhjesh,” tha zëdhënësja e departamentit Kristen Metzger, duke vënë në duke se një politikë e tillë daton që nga viti 2003.

Por, vetëm planifikimi për siguri në Ditën e Zgjedhjeve mund të mos jetë i mjaftueshëm.

Një vlerësim i përditësuar i kërcënimeve, publikuar nga zyrtarët e shtetit të Nju Xhersit paralajmëron se sa më shumë kohë të duhet për të përcaktuar rezultatin e zgjedhjeve të 3 nëntorit, aq më të mëdha janë shanset që të ketë incidente.

Në një skenar të mundshëm, që parashikon se vendi do të duhet të presë me muaj të tëra për rezultatet e certifikuara të zgjedhjeve, autoritetet këshillojnë se: “Disa shtete mund të bëhen një destinacion që grupe të ndryshme të bashkohen dhe të kryejnë protesta të dhunshme”, duke rezultuar në “konfrontime vdekjeprurëse dhe trazira civile që mund të ndodhin midis protestuesve, duke kërkuar ndërhyrjen e forcave shtetërore dhe federale të zbatimi të ligjit”.

Megjithatë, organizatat që përfaqësojnë zyrtarë shtetërorë thonë se, megjithëse një skenar i tillë tingëllon i frikshëm, anëtarët e tyre janë të vendosur të mos kapen të papërgatitur.

Megjithatë ka pikëpyetje, nëse zyrtarët shtetërorë dhe lokalë, apo qeveria federale, kanë menduar sa duhet lidhur me perspektivën e zgjedhjeve të dëmtuara nga dhuna.

Gjatë katër viteve të fundit, shumica e vëmendjes për zyrtarët e sigurisë së zgjedhjeve ka qenë e përqëndruar tek kërcënimi virtual – shqetësimet se kundërshtarë të SH.B.A.-ve mund të përpiqen të hakerojnë sisteme kritike dhe shqetësimet se operacione me ndikim të huaj do të shtrembërojnë zgjedhjet edhe para se amerikanët të përpiqen të hedhin votat e tyre.

Ndërsa zyrtarët e lartë amerikanë kanë shprehur vazhdimisht besimin se procesi i votimit do të jetë i sigurt, ata nuk janë shprehur shumë publikisht për mundësinë e dhunës në lidhje me zgjedhjet, madje edhe kur janë pyetur nga ligjvënësit.

“E vështirë të thuhet,” pohoi drejtori i FBI-së Christopher Wray para një Komisioni të Sigurisë Kombëtare në Senat në shtator, i pyetur për një rrezik të tillë.

“Sigurisht, ka një përpjekje për të mbjellë përçarje dhe trazira, dhe siç kemi parë në të gjithë vendin, veprime të tilla mund të çojnë në veprimtari të rrezikshme, të dhunshme kriminale,” shtoi ai, duke iu referuar protestave që kanë kapluar qytetet në të gjithë vendin.

I pyetur për të shtjelluar dëshminë e zotit Wray, një zyrtar i FBI-së i tha Zërit të Amerikës se, “Përgatitjet tona për vitin 2020 marrin parasysh klimën aktuale të vendit.”

“Ne jemi duke punuar ngushtë me partnerët tanë në nivel federal, shtetëror dhe lokal, në mënyrë që të gjithë personat e përfshirë në ruajtjen e sigurisë së zgjedhjeve të kenë informacionin dhe burimet e nevojshme për t’iu përgjigjur në kohën e duhur çdo shkelje që mund të ndodhë”, tha zyrtari.

Një tjetër zyrtar amerikan, duke folur në kushte anonimiteti për shkak të ndjeshmërisë së çështjes, tha se ndërsa siguria fizike e zgjedhjeve përbën gjithmonë një shqetësim, këtë vit ka pasur një vëmendje të madhe edhe tek dhuna e mundshme, para, gjatë dhe pas Ditës së Zgjedhjeve.

Qasja e FBI-së

Në disa raste, zyrtarë shtetërorë thonë se FBI-ja ka qenë veçanërisht aktive, duke qëndruar pranë tyre në lidhje me këto shqetësime, të përgatitur për mundësinë e një shpërthimi të tensioneve politike dhe shoqërore.

“FBI-ja ka kërkuar një takim në të gjithë vendin, në mënyrë që të adresojë çështje të mundshme në qendrat e votimit në Ditën e Zgjedhjeve apo madje edhe gjatë votimit të hershëm”, u tha gazetarëve Sekretari i Shtetit të Luizianës, Kyle Ardoin, një republikan, përmes një video-konference të martën.

“Ne jemi duke bashkëpunuar me FBI-në gjithashtu në Nju Meksiko për të mbrojtur njerëzit në qendrat e votimit nga frikësimi,” shtoi Sekretarja e Shtetit Nju Meksiko, demokratja Maggie Toulouse Oliver.

Zyrtarët në shtetet e Ohajos dhe Nju Xhersit thanë se edhe ata kanë punuar me FBI-në dhe Departamentin e Sigurisë Kombëtare për shqetësimet e tyre të sigurisë.

Dislokimi i Gardës Kombëtare

Nuk ka një përgjigje apo plan të njëjtë për të gjitha rastet, pasi trajtimi për ndonjë rast dhune të mundshme ndryshon jo vetëm nga njëri shtet në tjetrin, por nga një juridiksion në tjetrin.

Në disa shtete, kjo mund të nënkuptojë dislokimin e Gardës Kombëtare.

Në disa shtete, si Nju Xhersi, anëtarët e Gardës Kombëtare tashmë janë thirrur për të mbështetur zyrtarët vendorë të zgjedhjeve me përpunimin e votave, hapa që ata i ndërmorën edhe gjatë zgjedhjeve paraprake në korrik.

Zyrtarët thonë se shtetet mund të kërkojnë nga Garda Kombëtare t’u “ofrojë siguri fizike në qendrat e votimit dhe aktivitete të tjera mbështetëse për të mbrojtur sigurinë dhe mirëqenien e qytetarëve”.

Dhe marrja e një ndihme të tillë mund të jetë më e lehtë falë një Grupi të Përgjigjes së Gardës Kombëtare, i vënë në dispozicion në mes të shtatorit, për të siguruar shtetet me njësi të policisë ushtarake për t’i ndihmuar ato në përgjigjen ndaj protestave të vazhdueshme që kanë përfshirë gjithë vendin.

Në se i kërkohet, ky grup mund të dislokojë deri në 600 forca nga Arizona dhe Alabama në çdo shtet tjetër në nevojë, thanë zyrtarët e Gardës Kombëtare.

Masa të tjera të sigurisë

Disa ekspertë, megjithatë, argumentojnë se thjesht shtimi i numrit të forcave të personelit të sigurisë që do tpë dislokohen, mund të mos jetë i mjaftueshëm.

“Duhet të ketë një ndërthurrje të teknologjisë së lartë dhe të burimeve të tjera” brenda dhe përreth qendrave të votimit dhe vendeve të protestave”, thotë K. Campbell, ish oficer i inteligjencës ushtarake i cili tani është një drejtor në firmën private të sigurisë “Blue Glacier Security and Intelligence”.

“Teknologjia e lartë përfshin kamera dhe sensorë të tjerë që mund të parandalojnë keqbërësit”, thotë ai, duke shtuar edhe barriera të larta që mund të ngadalësojnë këdo që kërkon të marrë pjesë në dhunë.

Zoti Campbell thotë se sa më shumë të bëjnë shtetet tani për të kuptuar kërcënimet që u kanosen, aq më mirë.

Ndërsa marrja e këtyre masave paraprake të sigurisë mund të jetë e nevojshme, disa zyrtarë shtetërorë thonë se çelësi për të ruajtur paqen më 3 nëntor dhe në ditët dhe javët që pasojnë, do të jetë nevoja për të komunikuar me publikun amerikan për rezultatet e zgjedhjeve – që ka të ngjarë të vonohet për shkak të një numri rekord të votave me postë, disa prej të cilave mund të mos dërgohen deri në Ditën e Zgjedhjeve.

Barrett nuk u përgjigjet pyetjeve mbi vendimet që mund të marrë nëse bëhet anëtare e Gjykatës së Lartë

Ken Bredemeier

Të martën, e emëruara e Presidentit Trump për Gjykatën e Lartë Amy Coney Barrett nuk pranoi t’u përgjigjet një sërë pyetjesh të senatorëve se çfarë vendimi do të merrte mbi mosmarrëveshje të ndryshme ligjore me të cilat mund të përballet në rast konfirmimi. Megjithatë zonja Barrett tha se ajo nuk do të lejonte që pikëpamjet e saj personale e fetare, të përcaktonin vendimet e saj.

“Unë nuk kam axhendë”, tha zonja Barrett gjatë ditës së dytë të seancës dëgjimore në Komisioni Juridik të Senatit mbi emërimin e saj për një mandat të përjetshëm në gjykatën prej nëntë anëtarësh. “Do të zbatoj ligjin”, tha më tej ajo.

Në pyetjet e fillimit drejtuar nga dy republikanë, kryetari i komisionit senatori Lindsey Graham dhe senatori Chuck Grassley si dhe dy demokratë, senatorja Dianne Feinstein si dhe senatori Patrick Leahy, zonja Barret nuk pranoi të thoshte se çfarë qëndrimi do të mbante lidhur me një vendim të gjykatës të vitit 1973 mbi legalizimin e aborteve, të drejtën e pronësisë mbi armët që garantohet nga Kushtetuta amerikane dhe mbi një çështje të cilën gjykata do ta marrë në shqyrtim muajin tjetër që lidhet me fatin e ligjit të kujdesit shëndetësor.

U.S. Supreme Court nominee Judge Amy Coney Barrett reacts as she sits in front of her children and her husband Jesse Barrett during the second day of her confirmation hearing before the Senate Judiciary Committee on Capitol Hill in Washington, D.C.

U.S. Supreme Court nominee Judge Amy Coney Barrett reacts as she sits in front of her children and her husband Jesse Barrett during the second day of her confirmation hearing before the Senate Judiciary Committee on Capitol Hill in Washington, D.C.

Senatorët e pyetën zonjën Barret nëse në rast konfirmimi do të ishte e gatshme të hiqte dorë nga shqyrtimi i një mosmarrëveshjeje të mundshme ligjore lidhur me zgjedhjet e 3 nëntorit. Pyetje së cilës zonja Barret nuk pranoi t’i përgjigjet.

Presidenti Trump po përpiqet të fitojë një mandat të dytë katër-vjeçar përballë ish-nënpresidentit demokrat Joe Biden. Ai ka kritikuar votimin masiv me postë dhe ka thënë se dëshiron që gjykata të ndihmojë për të vendosur mbi rezultatin e zgjedhjeve. Presidenti i cili renditet pas zotit Biden në sondazhet kombëtare, thotë se ai dëshiron që zonja Barrett të konfirmohet për të shmangur një bllokim të mundshëm të një vendimi mbi çështjen e zgjedhjeve në 4 me 4, për shkak të vendit bosh të krijuar në gjykatë.

Zonja Barrett tha se ajo nuk ka zhvilluar asnjë bisedë me Presidentin Trump apo stafin e tij mbi atë se cili do ishte vendimi i saj lidhur me një mosmarrëveshje zgjedhore. Ajo tha se zhvillimi i një bisede të tillë do të kishte qenë joetik për të si një gjykatëse federale e apelit.

48-vjeçarja Barrett pritet t’i japë gjykatës një shumicë të fortë konservatore 6 me 3 në dekadat që vijnë. Ajo shpesh i është referuaranëtarit të ndjerë të Gjykatës së Lartë Antonin Scalia, për të cilin ka punuar si nënpunëse ligjore dy dekada më parë, si udhëheqësin e saj filozofik, për shkak të interpretimit të tij të rreptë të Kushtetutës amerikane sikurse është shkruar dy shekuj më parë dhe duke shmangur interpretimin e saj bazuar në zhvillimet aktuale.

Por zonja Barrett tha se nëse konfirmohet si gruaja e pestë që do të shërbejë në këtë gjykatë: “ju do të keni një gjykatëse Barrett dhe jo një gjykatës Scalia”, siç tha ajo.

Nëse konfirmohet, zonja Barrett do të zëvendësojë gjykatësen e ndjerë Ruth Bader Ginsburg, e cila vdiq muajin e kaluar në moshën 87 vjeçare. Kritikët demokratë druhen se zonja Barrett do të votojë për të zhbërë shumë nga reformat e mbështetura nga zonja Ginsburg, përfshirë të drejtën e abortit dhe të drejtën e homoseksualëve për t’u martuar e për t’u trajtuar në mënyrë të barabartë në shoqërinë amerikane.

Senatori Graham e quajti zgjedhjen e zonjës Barrett “një nga zgjedhjet më të shkëlqyera që Presidenti Trump mund të bënte”. Ai parashikoi të hënën se të 12 republikanët e komisionit do të votojnë të gjithë në favor të emërimit të saj ndërsa të 10 demokratët kundër. Udhëheqësit republikanë thonë se kanë mjaftueshëm vota në Senat për konfirmimin e saj.

Zonja Barrett siguroi zotin Graham se pavarësisht se familja e saj zotëronte armë, ajo do të gjykonte dhe vendoste me drejtësi “mbi një rast të tillë” duke kërkuar kufizime më të rrepta lidhur me pronësinë mbi armët që garantohet nga amendamenti i dytë i Kushtetutës. Në mënyrë të ngjashme, zonja Barrett tha si gjyqtare e gjykatës së apelit ajo e kishte lënë mënjanë besimin e saj si katolike e devotshme duke marrë vendime sipas ligjit amerikan dhe se do ta bënte këtë sërish edhe në Gjykatën e Lartë. Por ajo nuk bëri asnjë premtim se çfarë vendimi do të merrte në në rastin e abortin, të cilin Kisha Katolike e kundërshton.

Ajo tha se precedenti i Gjykatës së Lartë nga vendimet e shumë kohëve më parë “supozon kontrollin”, dhe se disa vendime bien në kategorinë “super precedentit”, të tilla si një vendimin i vitit 1954 që ndalon ndarjen brenda shkollave për arsye racore si trajtim i pabarabartë i afrikano-amerikanëve dhe antikushtetues. (super precedenti i referohet atyre vendimeve të cilat konsiderohen imune ndaj shfuqizimit).

Gjykatësi Scalia e ka kundërshtuar të drejtën e abortit, por zonja Barrett nuk pranoi të thotë nëse edhe ajo gjithashtu mendon se vendimi për ta shpallur abortin të ligjshëm, ishte i gabuar.

“Do të ishte e gabuar për mua si gjykatëse ta thosha një gjë të tillë”, i tha zonja Barret senatores Feinsteinit. “Unë duhet të vendos kur çështjet të paraqiten para meje. Në asnjë mënyrë nuk mund të angazhohem paraprakisht për të gjykuar një çështje. Do të zbatoj ligjin”, tha ajo.

Zonja Berret tha se edhe pse gjykata ka vendosur që amerikanët të gëzojnë të drejtën e armëmbajtjes, vendimi “lë hapësirë për rregullore mbi armët. Premtoj se do ta trajtoj këtë çështje me mendje të hapur. Çdo çështje duhet të vendoset nga faktet e paraqitura mbi të”.

Nesër pritet të zhvillohet një raund tjetër pyetjesh ndaj zonjës Barret. Zoti Graham ka caktuar një votim fillestar të enjten mbi emërimin e saj.

Kjo do të mundësojë miratimin përfundimtar të saj javën e ardhshme dhe një votim nga Senati me shumicë republikane para fundit të muajit, vetëm disa ditë përpara zgjedhjeve të 3 nëntorit.

Seanca e parë dëgjimore në Komisionin Juridik të Senatit

Me mbërritjen e saj Kongres, i cili u mbyll javën e kaluar në një përpjekje për të ndaluar përhapjen e koronavirusit, zonja Barrett shpjegoi përpara Komisionit Juridik të Senatit filozofinë e saj ligjore.

Gjykatat nuk janë krijuar për të zgjidhur çdo problem, ose për të korrigjuar çdo gabim të jetës sonë publike. Miratimi i vendimeve dhe politikave qeverisëse u takon institucioneve politike të zgjedhura nga populli e që japin llogari përpara tij. Publiku nuk duhet të presë që gjykatat të miratojnë politika qeverisëse dhe ato nuk duhet ta bëjnë këtë”, tha Amy Coney Barrett, e emëruara për në Gjykatën e Lartë.

Mundësitë që udhëheqësi i shumicës në Senat, Mitch McConnell të dështojë për të mbushur vendin bosh të krijuar nga vdekja e gjykatëses Ruth Bader Ginsburg muajin e kaluar dhe për të konfirmuar të emëruarën e Presidentit Donald Trump para zgjedhjeve të 3 nëntorit, janë të vogla. Kandidatja demokrate për nënpresidente, anëtare e Komisionit Juridik të Senatit, tha se procesi nuk respekton vullnetin e votuesve amerikanë.

“Një shumicë e qartë e amerikanëve dëshiron që vendin bosh ta plotësojë fituesi i zgjedhjeve”, tha senatorja denokrate Kamala Harris.

Por Senati po bën përpara me procesin edhe pse disa anëtarë republikanë të komisionit rezultuan të infektuar me COVID-19, dhjetë ditë më parë.

Nuk ka asgjë antikushtetuese lidhur me këtë proces. Ky është një vend bosh i krijuar nga humbja tragjike e një gruaje të shkëlqyer. Dhe ne do ta plotësojmë atë me një grua tjetër të shkëlqyer”, tha Lindsey Graham, kryetar i komisionit Juridik të Senatit.

Demokratët thonë se zoti Trump po nxiton me konfirmimin e zonjën Barrett për dy arsye.

Presidenti Trump e ka bërë të qartë se ai dëshiron një tjetër të emëruar nga ai vetë në Gjykatën e Lartë para zgjedhjeve, sepse ai ka paralajmëruar mbi sfidat që do të paraqiten në gjykata rreth procesit të votimit, veçanërisht mbi votimin me postë, të cilën ai e ka sulmuar vazhdimisht pa dhënë prova. Presidenti Trump ka treguar se do të ishte krejtësisht i lumtur që të kishte një rezultat të ngushtë në votime e që gara të vendosej nga shumica konservatore gjashtë me tre në Gjykatën e Lartë dhe jo nga vota e popullit amerikan”, tha senatori demokrat Dick Durbin.

Ndërkohë vetëm një javë pas ditës së zgjedhjeve, Gjykata e Lartë do të trajtojë një çështje të rëndësishme atë që lidhet me ligjin mbi kujdesin shëndetësor të miratuar nga administrata e Presidentit Obama.

Administrata Trump do të argumentojë se ky ligj është antikushtetues dhe në fakt do të kërkojë shfuqizimin e ligjit që garanton sigurim shëndetësor për miliona amerikanë, si antikushtetues. Pra, gjykatësja Barrett do të jetë një nga faktorët vendimtarë në këtë çështje madhore”, thotë Kejsi Burgat nga universiteti George Washington.

Demokratët planifikojnë të përqendrohen në kritikat e tyre gjatë seancat të konfirmimit tek vota mundshme përcaktuese e zonjës Barrett kundër ligjit për kujdesin shëndetësor.

Garantimi i sigurimit shëndetësor për miliona amerikanë është në rrezik me këtë emërim“, tha senatorja demokrate Dianne Feinstein.

Senatorët demokratë pritet të ndryshojnë taktikë pas paralajmërimeve të republikanëve dhe të mos ngrejnë si çështje gjatë konfirmimit besimin si katolike e devotshme të nënës së shtatë fëmijëve.

Kemi lexuar histori rreth stilit tuaj të jetës si katolike. Rrëfime se si i rrisni fëmijët, rreth asaj se si i keni birësuar ata apo rreth doktrinës katolike ku ju besoni. Pyetje pa pushim nëse gëzoni pavarësinë për të qenë një gjykatëse, një anëtare e Gjykatës së Lartë të Shteteve të Bashkuara“, tha senatori republikan Josh Hawley.

Kandidati demokrat për President Joe Biden, i cili është gjithashtu katolik, tha se zonja Barrett nuk duhet të përballet me pyetje lidhur me fenë e saj.

“Jo, besimi i saj nuk duhet të merret parasysh“, tha zoti Biden.

Komisioni Juridik i Senatit ka gjasa ta miratojë emrin e zonjës Barrett deri më 22 tetor, duke krijuar mundësinë e një votimi në Senat një javë para ditës së zgjedhjeve.

SHBA, Gjykata e Lartë merr vendim për të ndalur censusin e vitit 2020

Marrë nga Associated Press

Gjykata e Lartë e Shteteve të Bashkuara të martën ndali procesin e numërimit të banorëve të vendit deri në fund të muajit tetor. Censusi bëhet çdo 10 vjet në Shtetet e Bashkuara.

Administrata e Presidentit Donald Trump i kishte kërkuar Gjykatës së Lartë të vendit që të pezullonte vendimin e një gjykate rrethi që lejoi vazhdimin e regjistrimit të popullsisë deri në fund të muajit. Administrata e Presidentit Trump argumentoi se numërimi i banorëve duhej të përfundonte menjëherë në mënyrë që Byroja e Regjistrimit të popullsisë të kishte kohë të mjaftueshme për të bërë llogaritë përfundimtare përpara afatit të fundvitit të miratuar me ligj nga kongresi që përcakton numrin e vendeve në kongres që secili shtet merr.

Një koalicion i qeverive lokale dhe grupeve të të drejtave civile kishte hedhur në gjyq administratën, duke argumentuar se pakicat dhe të tjerët në komunitetet ku regjistrimi i banorëve është i vështirë do të humbasin nëse numërimi përfundonte herët. Ata thanë se orari i regjistrimit u ndërpre për t’i hapur rrugën një urdhër në korrik nga Presidenti Trump që do të përjashtonte nga regjistrimi njerëzit që ndodhen në vend në mënyrë të paligjshme.

Gjykatësja Sonia Sotomayor e kundërshtoi vendimin.

U.S. Supreme Court Justice Sonia Sotomayor addresses attendees of an event promoting her new children's book "Just Ask!" in Decatur, Georgia, Sept. 1, 2019.

U.S. Supreme Court Justice Sonia Sotomayor addresses attendees of an event promoting her new children’s book “Just Ask!” in Decatur, Georgia, Sept. 1, 2019.

“Përmbushja e afatit në kurriz të saktësisë së regjistrimit nuk është një kosto që ia vlen të paguhet, veçanërisht kur qeveria nuk ka arritur të shpjegonte pse nuk mund të rriste shpenzimet për më shumë burime për të përmbushur afatin ose për të vazhduar përpjekjet e mëparshme për të kërkuar një zgjatje nga Kongresi”, shkroi Sotomayor.

Muajin e kaluar, Gjykatësja e Qarkut Lucy Koh në San Jose, të Kalifornisë, doli në krah të paditësve dhe lëshoi një urdhër për pezullimin e afatit të 30 shtatorit për përfundimin e regjistrimit të popullsisë në vitin 2020 dhe afatit të 31 dhjetorit për dorëzimin e shifrave që përdoren për të përcaktuar se sa vende në kongres secili shtet merr, një proces i njohur si ndarja e zonave të kongresit. Kjo bëri që afatet të ktheheshin përsëri në një plan të mëparshëm të Byrosë së Regjistrimit, sipas të cilit, operacionet në terren duhej të përfundonin më 31 tetor dhe raportimi i shifrave të ndarjes së zonave në fund të prillit të vitit 2021.

Kur Byroja e Regjistrimit dhe Departamenti i Tregtisë, i cili mbikëqyr agjencinë e statistikave, zgjodhi 5 tetorin si ditë të mbylljes së procesit të numërimit, gjykatësja Koh e rrëzoi edhe atë, duke akuzuar zyrtarët për “luhatje nga një plan i nxituar, i pashpjegueshëm në tjetrin … dhe minimin e besueshmërisë së Byrosë së Regjistrimit dhe Censusit të vitit 2020”.

Një panel i gjykatës së apelit mbështeti urdhrin e gjykatëses Koh që lejonte regjistrimin të vazhdonte deri në tetor por rrëzoi pjesën që pezullonte afatin e 31 dhjetorit për dorëzimin e shifrave të numërimit të popullsisë. Trupi gjykues i tre gjykatësve të apelit tha se vetëm për shkak se afati i fundit i vitit është i pamundur të përmbushet nuk do të thotë që gjykata duhet t’i kërkojë Byrosë së Regjistrimit që të mos jetë në gjendje të mbarojë procesin.

Me planet për census të penguar nga pandemia, Byroja e Regjistrimit në prill kishte propozuar zgjatjen e afatit për përfundimin e numërimit të banorëve nga fundi i korrikut në fund të tetorit dhe shtyrjen e afatit të dorëzimit të shifrave përfundimtare dhe ndarjes së zonave nga 31 dhjetori i këtij viti në prillin e vitit të ardhshëm. Propozimi për të zgjatur afatin e ndarjes së zonave u miratua nga Dhoma e Përfaqësuesve e kontrolluar nga demokratët, por Senati i kontrolluar nga Republikanët nuk pranoi të shqyrtonte kërkesën. Pastaj, në fund të korrikut dhe në fillim të gushtit, zyrtarët e byrosë shkurtuan orarin e numërimit me një muaj në mënyrë që të mbaronte puna e numërimit në fund të shtatorit.

Mosveprimi i republikanëve përkoi me një urdhër të korrikut nga Presidenti Trump që udhëzonte Zyrën e Regjistrimit të Popullsisë për të mos regjistruar njerëzit që janë në vend në mënyrë të paligjshme. Urdhri më vonë u shpall i paligjshëm nga një panel prej tre gjykatësve të rrethit në Nju Jork, por administrata e Presidentit Trump po apelon vendimin në Gjykatën e Lartë.

Duke iu përmbajtur afatit të 31 dhjetorit, kontrolli mbi ndarjen e zonave të kongresit në bazë të censusit të ri do të mbetej në duart e administrates së Presidentit Trump pavarësisht se kush i fiton zgjedhjet presidenciale të 3 nëntorit.

zëri i amerikës

FBI, grupet militante kanë diskutuar rrëmbimin e guvernatorit të Virxhinias

Një agjent i FBI-së gjatë një dëshmie në një gjykatë tha të marten se anëtarët e grupeve militante anti-qeveritare kanë diskutuar rrëmbimin e Guvernatorit demokrat të Virxhinias, Ralph Northam në një takim katër muaj më parë.

Agjenti Richard Trask, i cili ishte pjesë e një hetimi që rezultoi në ngritjen e akuzave ndaj gjashtë personave javën e kaluar për planifikimin e rrëmbimit të Guvernatores demokrate të Miçiganit, Gretchen Whitmer, tha se ata diskutuan për rrëmbimin e Guvernatorit Northam gjatë një takimi të qershorit në Ohajo.

Agjenti Trask nuk e përmendi emrin e Guvernatorit Northam gjatë seancës dëgjimore në një gjykatë federale në Grand Rapids të Miçiganit, por ai tha se anëtarët e grupit anti-qeveritar nga disa shtete morën pjesë në takimin gjatë të cilit ata shprehën pakënaqësinë me menaxhimin nga guvernatorët të pandemisë së koronavirusit.

“Ata diskutuan objektivat e mundshëm, përfshirë rrëmbimin e një guvernatori në detyrë, posaçërisht për shkak të pakënaqësive që kishin me guvernatorët e Miçiganit dhe Virxhinias për shkak të urdhërave që lidhen me masat kufizuese (për koronavirusin)”, tha zoti Trask.

Një zyrtar i shtetit të Virxhinias që nuk pranoi të zbulonte emrin, me njohuri për informacionet që ka marrë guvernatori Northam për këtë çështje, tha se FBI-ja nuk e kishte informuar atë për ndonjë kërcënim të mundshëm.

Takimi i qershorit ishte subjekt i një hetimi të FBI-së ndaj një numri grupesh anti-qeveritare që çuan në arrestimin e gjashtë personave javën e kaluar për dyshimet se po planifikonin rrëmbimin e Guvernatores Whitmer dhe ngritjen e akuzave për terrorizëm kundër shtatë personave të tjerë.

Trask dëshmoi në një seancë dëgjimore për të shqyrtuar provat kundër banorëve të Miçiganit, Brandon Caserta, Adam Fox, Ty Garbin, Daniel Harris dhe Kaleb Franks për të vendosur nëse ata duhej të arrestoheshin para fillimit të gjyqit.

I dyshuari i gjashtë, Barry Croft, është ndaluar në Delauer. Guvernatori demokrat John Carney fali zotin Croft vitin e kaluar për akuzat që përfshinin posedim të një arme zjarri gjatë kryerjes së një krimi, sulm dhe vjedhje.

Në lëndën penale thuhet se disa nga të pandehurit vëzhguan shtëpinë e pushimeve të Guvernatores Whitmer në veri të Miçiganit në gusht dhe shtator.

Autoritetet thanë se të dyshuarit, të cilët përballen me burgim të përjetshëm nëse dënohen, po përpiqeshin të hakmerreshin kundër Guvernatores Whitmer për shkak të “pushtetit të pakontrolluar” që ajo ka ushtruar gjatë pandemisë. Ata thanë se katër nga personat e dyshuar synonin të takoheshin javën e kaluar për të rregulluar çështjen e pagesës për eksplozivët dhe për të shkëmbyer veshjet taktike.

Whitmer është vlerësuar gjerësisht për trajtimin e pandemisë së koronaivirusit, që përfshinte masa për kufizimin e lëvizjes, që tashmë janë hequr.

Por ajo ka qenë gjithashtu në shënjestër të kritikave të ashpra nga ligjvënësit republikanë dhe banorët në bastionet konservatore në Miçigan.

Ndërtesa e legjislativit të Miçiganit ka qenë vendi ku janë mbajtur shumë tubime në muajt e fundit, duke përfshirë ato me protestues të armatosur që kërkojnë rrëzimin e Guvernatores Whitmer.

zëri i amerikës

Portland, protestuesit rrëzojnë statujat e Ruzveltit dhe Linkolnit

Marrë nga Associated Press

Protestuesit në Portland përmbysën statujat e ish-presidentëve Teodor Ruzvelt dhe Abraham Linkoln dhe kryen akte vandalizmi në ambjentet e organizatës Shoqëria Historike e Oregonit, si një shfaqje “zemërimi” kundër Ditës së Kolombit, një festë federale që shënon “zbulimin” e Amerikës nga eksploruesi Kristofer Kolombi.

Organizatorët e protestës e quajtën ngjarjen “Dita e zemërimit të popullsisë indigjene”, në përgjigje të festës federale të ditës së hënë që mban emrin e eksploruesit italian të shekullit të 15-të Kristofer Kolombi, një figurë që ka shkaktuar shumë kundërshti e për të cilën mbështetësit e indianëve të Amerikës (popullsia indigjene e kontinetit) thonë se ka nxitur gjenocid shekullor kundër popullsisë indigjene.

Mbrëmjen e së dielës, protestuesit lidhën me zinxhirë statujën e Presidentit Ruzvelt dhe sipas njoftimeve në media e spërkatën atë me bojë të kuqe dhe përdorën një mjet që përdoret për saldim për të zhvendosur bazën mbi të cilën ngrihej statuja. Kjo e fundit u përmbys nga turma pak para orës nëntë të mbrëmjes. Tetë minuta më vonë protestuesit rrëzuan statujën e Presidentit Linkoln.

Historianët kanë thënë se Presidenti Ruzvelt ka qenë armiqësor ndaj popullsisë indigjene. Ai ishte shprehur një herë se: “nuk shkoj deri në atë pikë sa të them se të vetmit indianë të mirë janë indianët e vdekur, por besoj se nëntë nga dhjetë prej tyre janë…”.

Protestuesit shkruan me bojë pranë statujës së Linkolnit “Dakota 38”, duke iu referuar 38 burrave të fisit Dakota për të cilët Presidenti Linkoln dha miratimin që të vareshin të akuzuar se përfshirë në një konflikt të dhunshëm me kolonët e bardhë në Minesota.

Pas rrëzimit së statujave, turma theu dritaret e qendrës së organizatës Shoqëria Histrorike e Oregonit dhe më pas u zhvendos drejt Zyrës së Sigurisë Publike të universitetit shtetëror të Portlandit.

Një mbulesë e qepur nga 15 gra afrikano-amerikane nga Portlandi në mesin e viteve 1970 ishte mes sendeve të dëmtuara, njoftoi përmes një deklarate të hënën Kerry Tymchuk i cili drejton organitën Shoqëria Historike e Oregonit.

Çdo pjesë e mbulesës së qepur nga gratë afrikano-amerikane nderon trashgiminë e një individi apo një moment nga historia e afrikano-amerikanëve tha zoti Tymchuk. Ai shtoi se dëmtimet që ka pësuar nbulesa, e cila u gjet disa blloqe ndërtesash larg, do të analizohen.

“Ndërsa pastrojmë vendin nga xhamat e thyer, pastrojmë bojën dhe planifikojmë sigurinë në ndërtesën tonë, jemi gjithashtu të hapur si gjithmonë ndaj kritikave”, thuhej në deklaratën e zotit Tymchuk. “Do të ishim mirënjohës ndaj kritikave konstruktive nga të gjithë ata që janë të gatshëm e të aftë të na ndihmojnë në përmbushjen e vizionit tonë mbi historinë e Oregonit që është domethënëse për të gjithë banorët”, shtoi ai.

Tre persona u arrestuan nga policia, e cila njoftoi gjithashtu përmes një deklarate se disa biznese ishin dëmtuar, përfshi një restorant ndaj të cilit ishte qëlluar të paktën dy herë me armë zjarri.

Në shtetin New Mexico, protestuesit rrëzuan të hënën një monument historik si pjesë e demonstrateve atje dhe shtetin fqinj Arizona, që kishin për qëllim të shënonin atë që e quajnë Dita e Popullsisë Indigjene.

Protestuesit përdorën një litar dhe zinxhirë për të rrëzuar një obelisk në Santa Fee, i cili prej kohësh është kritikuar pasi u referohej “heronjve” që vdiqën në betejë me “indianët e pamëshirshëm”.

Këto monumente janë statujat më të fundit që rrëzohen pas një vale përmbysjesh të monumenteve e protestash të nxitura pas vdekjes me 25 maj të George Floydit ndërsa ishte i ndaluar nga policia në Mineapolis.

zëri i amerikës

Pelosi ngre pikëpyetje për aftësinë e presidentit për të përmbushur detyrën

Kryetarja e Dhomës së Përfaqësuesve Nancy Pelosi ka ngritur pikëpyetje nëse Presidenti Trump është në gjendje të përmbushë detyrën. Të enjten ajo njoftoi një masë legjislative që do të krijonte një komision për t’i dhënë mundësi Kongresit të ndërhyjë për të liruar presidentin nga detyrat ekzekutive, bazuar tek Amendamenti i 25-të i Kushtetutës.

Kur mbeten vetëm pak javë deri në ditën e zgjedhjeve të 3 nëntorit, zonja Pelosi tha se presidenti duhet të japë më shumë informacion për gjendjen e tij shëndetësore pas diagnostikimit me COVID-19. Kryetarja e Dhomës së Përfaqësuesve iu referua atyre që i cilësoi si “komentet e çuditshme” të presidentit në Twitter, kur zoti Trump anuloi bisedimet për paketën e ndihmave. Ajo shtoi se amerikanët kanë të drejtë të dinë datën e saktë kur ai u ekspozua ndaj virusit. Kryetarja e Dhomës së Përfaqësuesve tha se do të prezantojë të premten projekt-ligjin për të autorizuar krijimin e komisionit rishikues.

Presidenti reagoi menjëherë në Twitter me një koment ku thoshte: “E çmendura Nancy është ajo që duhet vënë nën vëzhgim. Nuk e quajnë të çmendur për kot”.

Kongresi nuk është aktualisht në sesion aktiv legjislativ, prandaj nuk ka gjasa për një rishikim serioz të kësaj mase në organin legjislativ, aq më pak për mbështetjen e propozimit në një votim në Dhomën e Përfaqësuesve apo Senat. Por projekt-ligji u ofron mundësi demokratëve në Kongres të ngrenë pyetje për shëndetin e presidentit, ndërkohë që Shtëpia e Bardhë ka njoftuar për një numër të infektuarish nga radhët e stafit të presidentit, si dhe vizitorë si dhe senatorë të diagnostikuar me COVID-19, pasi kanë qenë në kontakt me presidentin apo kabinetin e tij.

zëri i amerikës

Kryetari i Senatit shmang Shtëpinë e Bardhë për shkak të COVID-19

Mitch McConnell

 

Udhëheqësi i shumicës republikane në Senatin amerikan, Mitch McConnell, tha se nuk ka qenë në Shtëpinë e Bardhë qysh në gusht, për shkak të mënyrës se si e ka trajtuar pandeminë COVID-19.

McConnell, 78 vjeç, i mbijetuar nga poliomieliti, tha se ka folur shpesh me presidentin Donald Trump përmes telefonit, por nuk ka qenë për vizitë qysh më 6 gusht.

Prejse Trump është diagnostikuar me sëmundjen COVID-19, më 2 tetor, dhjetëra vetë nga rrethi i tij dhe stafi i Shtëpisë së Bardhë kanë dalë po ashtu pozitivë.

Zonja e Parë, Melania, sekretarja për media, Kayleigh McEnany, dhe këshilltari i presidentit, Stephen Miller, janë në mesin e të infektuarve.

Dy senatorë republikanë – Mike Lee dhe Thom Tillis – gjithashtu kanë rezultuar pozitivë, pasi kanë marrë pjesë në një ngjarje në Shtëpinë së Bardhë, edhe pse nuk është e qartë se ku e kanë marrë virusin.

Duke folur për gazetarët në Kentaki, McConnell tha se veshja e maskës dhe distanca sociale janë mënyra më e mirë për të luftuar virusin, derisa të zbulohet vaksina.

“Është e vetmja mënyrë që dimë për parandalimin e përhapjes, derisa ta kemi një vaksinë”, tha ai.

Edhe pse McConnell ka bërë vazhdimisht thirrje për veshje të maskës dhe distancë sociale, ai nuk e ka bërë të detyrueshme maskën në Senat.

Si udhëheqës i shumicës së dhomës së sipërme, ai është përgjegjës për krijimin e rregullave të tilla.

Në fund të korrikut, udhëheqësja demokrate e Dhomës së Përfaqësuesve, Nancy Pelosi, ka urdhëruar veshjen e maskës në dhomën e ulët, pasi një kongresist ka dalë pozitiv me COVID-19. rel

New York, skeleti i dinozaurit 67-milionëvjeçar shitet për 27.5 milionë dollarë

New York

Skeleti i një dinozauri të lashtë 67 milionë vjet u shit për 27,5 milionë dollarë në një ankand në New York të SHBA-së, raporton Anadolu Agency (AA).

Skeleti i dinozaurit T-rex (Tryannosaurus) me emrin “Stan” u vendos në shitje në ankandin e mbajtur në shtëpinë e ankandeve Christie’s në New York.

Një blerës pa emër bleu skeletin për 27,5 milionë dollarë në ankandin e diskutueshëm të drejtpërdrejtë që zgjati 10 minuta. Siç raportohet, kostoja totale e skeletit, përfshirë taksat dhe kostot e tjera, do të arrijë në 32 milionë dollarë.

Skeleti dinozaurit të gjatë 11,27 metra, që fillimisht vlerësohej se do të blihej për një vlerë maksimale prej 8 milionë dollarësh, ishte në pronësi të Institutit të Kërkimeve Gjeologjike Black Hills në Dakotën e Jugut.

Presidenti Trump thotë se do të marrë pjesë në debatin e dytë presidencial

Marrë nga Reuters

Kandidati demokrat për President Joe Biden tha të martën ai dhe Presidenti Donald Trump nuk duhet të zhvillojnë debatin e tyre të planifikuar më 15 tetor nëse zoti Trump do të vazhdonte të ishte i infektuar me koronavirus në atë kohë.

“Nëse ai ende ka COVID-19, nuk duhet të kemi debat”, u tha sot gazetarëve zoti Biden.

Më herët, Presidenti i Shteteve të Bashkuara, Donald Trump, i infektuar me koronavirus, deklaroi nga Shtëpia e Bardhë të martën se ka në plan të marrë pjesë në debatin e dytë me rivalin e tij demokrat, Joe Biden.

“Unë mezi e pres debatin mbrëmjen e së enjtes më 15 tetor në Miami. Do të jetë i mrekullueshëm!”, tha presidenti në Twitter.

Zoti Trump rezultoi për herë të parë pozitiv për COVID-19 të enjten e kaluar dhe u shtrua në spital për 72 orë midis mbrëmjes së së premtes dhe të hënës.

Bazuar në këto detaje për fazat e infektimit, pjesëmarrja e tij në debat, gjatë së cilës kandidatët do t’u përgjigjen pyetjeve të votuesve, mund të përbëjë rrezik për shëndetin publik, bazuar në udhëzimet nga Qendrat për Kontrollin dhe Parandalimin e Sëmundjeve (CDC), e cila konsideron se dikush i infektuar me virusin mund ta transmetojë atë për 10 deri në 20 ditë nga fillimi i simptomave.

Komisioni për Debatet Presidenciale, grupi jofitimprurës që organizon debatet nuk ka komentuar ende për këtë çështje.

Trump u kthye në Shtëpinë e Bardhë të hënën në mbrëmje. Mjeku i tij personal, Dr. Sean Conley, tha në një deklaratë të martën se presidenti kishte kaluar një “natë të parë të qetë në shtëpi dhe sot, ai nuk ka raportuar asnjë simptomë”.

Të hënën në mëngjes në mediat sociale, Trump shkroi se koronavirusi në shumicën e popullsisë është “shumë më pak vdekjeprurës” sesa gripi sezonal. Facebook-u e fshiu mesazhin.

“Ne heqim informacione të pasakta në lidhje me ashpërsinë e COVID-19 dhe e kemi hequr këtë postim,” tha Andy Stone, një zëdhënës i Facebook.

Twitter kufizoi postimin e zotit Trump, duke e shoqëruar me një shënim paralajmërues që vuri në dukje se ai shkelte rregullat e medias sociale “për përhapjen e informacionit të pasaktë dhe potencialisht të dëmshëm në lidhje me COVID-19”.

Trump u bëri thirrje amerikanëve të mos “kishin frikë” nga COVID-19 pasi ai u kthye në Shtëpinë e Bardhë.

Me të mbërritur në Shtëpinë e Bardhë, ai u ngjit në shkallët ballore dhe qëndroi për më shumë se një minutë në ballkon, ku hoqi maskën, përshëndeti largimin e helikopterit presidencial dhe e pa e vënë maskën, hyri në Shtëpinë e Bardhë.

Më herët, ndërsa dilte nga Spitali Ushtarak Kombëtar Walter Reed, Presidenti Trump tha “Faleminderit shumë, të gjithëve”.

Kur doli nga helikopteri dhe po ecte drejt rezidencës së Shtëpisë së Bardhë, presidenti ndaloi duke u kthyer tek kamerat, dhe përshëndeti. I pyetur nga Zëri i Amerikës se si ndihej, ai u dëgjua të përgjigjej “vërtet mirë”.

Më pas në mbrëmje, ai postoi në Twitter një mesazh të regjistruar për COVID-19, ku shprehej “Mos e lejoni t’ju kontrollojë. Mos kini frikë prej tij”.

“Ne po rikthehemi, do të kthehemi në punë. Ne do të jemi përpara,” tha ai. “Mos e lejoni t’ju kontrollojë jetën. Dilni por kini kujdes”, shtoi ai.

Fushata për rizgjedhjen e zotit Trump tha se presidenti republikan, që është pas rivalit të tij Joe Biden në sondazhe, planifikon të marrë pjesë në debatin e dytë të 15 tetorit me kandidatin demokrat dhe e konfirmoi një gjë të tillë në Twitter.

Megjithëse nuk është krejtësisht jashtë rrezikut, unë dhe ekipi mjekësor jemi të mendimit se analiza e gjendjes së tij të përgjithshme, mbështesin kthimin e tij” në Shtëpinë e Bardhë, ku një ekip mjekësor dhe pajisje të sofistikuara mjekësore do të jenë në dispozicion të nevojave shëndetësore të presidentit 24 orë në ditë, tha në një konferencë për shyp të hënën pasdite Dr. Sean Conley, mjeku kryesor i presidentit.

Çdo ditë që një pacient qëndron në spital pa qenë e nevojshme, përbën kërcënim ndaj tij,” tha mjeku. “Aktualisht këtu në spital nuk po bëjmë asgjë që nuk mund ta bëjmë fare mirë në Shtëpinë e Bardhë”.

Para se të dilte nga spitali, Presidenti shkruajti në Twitter:

” Mos kini frikë nga COVID-i. Mos e lini t’ju kontrollojë jetën. Administrata Trump ka zhvilluar njohuri dhe mjekime të mrekullueshme. Ndjehem më mirë se 20 vjet më parë!” tha presidenti.

Dr. Conley, mjek i përgjithshëm dhe komandant në Marinën Ushtarake amerikane, foli për gazetarët në oborrin e spitalit, por nuk pranoi të jepte shpjegime kur u pyet ndër të tjera për gjendjen e mushkërive të presidentit. Mjeku tha se nuk mund të ofronte informacione të tilla si rezultat i rregullave për privatësinë e pacientit.

Presidenti po mjekohet me një kurë me steroide që zakonisht nuk jepet kur pacienti ka simptoma të lehta ose të moderuara të COVID-19. Ai po ashtu po merr remdesivir, një ilaç antiviral.

Mjekët e presidentit kanë thënë se kanë “optimizëm të matur” dhe se janë në gatishmëri, pasi siç u shpreh mjeku I presidentit, Dr. Conley “jemi në rrethana të panjohura pasi po e mjekojmë me ilaçe që nuk i jepen zakonisht pacientit kaq herët pas shaqjes së sëmundjes.” “Nëse e kalojmë të hënën me të njëjtat ritme përmirësimi, do të hedhim hapin e fundit dhe do të marrim frymë të çliruar,” tha mjeku.

Këshilltari i lartë i Shtëpisë së Bardhë, pozitiv me COVID-19

Këshilltari i lartë i Shtëpisë së Bardhë Stephen Miller njoftoi të se martën ishte testuar pozitiv me COVID-19, rasti më i fundit raportuar brenda rrethit të ngushtë të Presidentit Donald Trump, që kur ky i fundit njoftoi se ishte prekur nga virusi.

Gjatë 5 ditëve të fundit kam punuar në distancë dhe i vetëizoluar. Çdo ditë deri dje kam rezultuar negativ. Sot rezultova i infektuar me COVID-19 dhe jam futur në karantinë“, tha zoti Miller nëpërmjet një deklarate.

Ndërkohë të martën vonë në mbrëmje zëvendës sekretari i Shtypit i Shtëpisë së Bardhë Brian Morgenstern i tha rrjetit televiziv CNN se nuk kishte raste të reja me COVID-19 në Shtëpinë e Bardhë përveç zotit Miller.

Në SHBA prej fillimit të pandemisë kanë vdekur më shumë 210 mijë njerëz dhe janë infektuar më shumë se 7.4 milionë të tjerë.

SHBA: Udhëheqës të lartë ushtarakë vetizolohen pas ekspozimit ndaj koronavirusit

Shefi i Shtatmadhorisë, gjeneral Mark Milley.

Udhëheqësit e lartë ushtarakë amerikanë, përfshirë Shefin e Shtatmadhorisë amerikane, gjeneralin Mark Milley, janë vetë-karantinuar pasi kishin pasur kontakt me Zëvendës Komandantin e Rojës Bregdetare të Shteteve të Bashkuara, Charles Ray, i cili ka rezultuar pozitiv për koronavirus.

Zyrtarët e Pentagonit konfirmuan për Zërin e Amerikës se gjenerali Milley, zëvendës Shefi i Shtatmadhorisë, Gjeneral John Hyten dhe të gjithë shefat e shërbimeve të ushtrisë që kishin marrë pjesë në takimet me admiralin Ray në Pentagon javën e kaluar dolën negativë për virusin të martën herët dhe nuk kanë pasur asnjë simptomë të COVID-19 që nga e marta pasdite .

“Si masë kujdesi, të gjitha kontaktet e mundshme të ngushta nga këto takime janë vetë-karantinuar,” tha zëdhënësi i Pentagonit, Jonathan Hoffman, në një deklaratë të lëshuar nga zyra e tij. “Asnjë person në Pentagon nuk ka shfaqur simptoma dhe ne nuk kemi teste të tjera pozitive për të raportuar në këtë moment.”

Admirali Ray mori pjesë në takime me gjeneralët Milley, Hyten dhe shumicën e shefave të shërbimeve ushtarake midis udhëheqësve të tjerë të lartë. Është ende e paqartë se si Ray ishte i ekspozuar ndaj koronavirusit, sipas zyrtarëve.

Një zyrtar i mbrojtjes i tha Zërit të Amerikës se udhëheqësit ishin në karantinë duke respektuar udhëzimet e Departamentit të Mbrojtjes të hartuara në bazë të atyre të Qendrave për Kontrollin e Sëmundjeve.

Gjeneral Milley, Sekretari i Mbrojtjes Mark Esper dhe zyrtarë të tjerë të lartë të mbrojtjes janë testuar shpesh që të dielën e kaluar, kur ata morën pjesë në një pritje të Shtëpisë së Bardhë për familjet e trupave të rëna. Si Presidenti Donald Trump dhe zonja e parë Melania Trump morën pjesë në atë aktivitet dhe rezultuan pozitivë për koronavirus më pas gjatë javës.

Sekretari Esper, i cili ishte në një udhëtim për të vizituar aleatët e Afrikës Veriore në kohën e diagnostikimit të zotit Trump, rezultoi negativ për koronavirusin të hënën, të mërkurën dhe të premten e javës së kaluar, sipas zotit Hoffman.

Zëdhënësja e Shtëpisë së Bardhë me koronavirus

Zëdhënësja e Shtëpisë së Bardhë, Kayleigh McEnany njoftoi se ka rezultuar pozitive për koronavirus.

“Pasi kisha rezultuar vazhdimisht negative çdo ditë që nga enjtja, të hënën në mëngjes rezultova pozitive, por nuk kam simptoma,” tha zëdhënësja përmes një njoftimi në Twitter.

Zonja McEnany shtoi se nuk ishte në dieni të enjten e kaluar se këshilltarja e Presidentit Trump, Hope Hicks kishte rezultuar e infektuar me koronavirus, kur zëdhënësja zhvilloi një konferencë për shtyp. Infektimi i këshilltares Hicks u bë publik të enjten në mbrëmje.

Presidenti Trump njoftoi në orët e para të së premtes se ai dhe zonja e parë ishin infektuar me koronavirus. Më pas presidenti u dërgua në spitalin ushtarak Walter Reed për mjekim.

Zëdhënësja Kayleigh McEnany tha se është në vetëizolim dhe se vazhdon të punojë nga shtëpia. zëri i amerikës

Presidenti Trump do të vazhdojë mjekimin në Shtëpinë e Bardhë

Pas 72 orësh në spital, Presidenti Donald Trump u kthye në Shtëpinë e Bardhë të hënën në mbrëmje.

Presidenti nuk dha komente për gazetarët kur iu drejtua makinës që e dërgoi tek helikopteri presidencial në oborrin e spitalit. Ai gjithashtu nuk foli për shtypin kur mbërriti në Shëpinë e Bardhë, por u ngjit në shkallët e pjesës jugore dhe qëndroi për më shumë se një minutë në ballkon, duke përshëndetur largimin e helikopterit presidencial.

“Megjithëse nuk është krejtësisht jashtë rrezikut, unë dhe ekipi mjekësor jemi të mendimit se analiza e gjendjes së tij të përgjithshme, mbështesin kthimin e tij” në Shtëpinë e Bardhë, ku një ekip mjekësor dhe pajisje të sofistikuara mjekësore do të jenë në dispozicion të nevojave shëndetësore të presidentit 24 orë në ditë, tha në një konferencë për shyp të hënën pasdite Dr. Sean Conley, mjeku kryesor i presidentit.

“Çdo ditë që një pacient qëndron në spital pa qenë e nevojshme, përbën kërcënim ndaj tij,” tha mjeku. “Aktualisht këtu në spital nuk po bëjmë asgjë që nuk mund ta bëjmë fare mirë në Shtëpinë e Bardhë”.

Presidenti njoftoi përmes Twitter-it se të hënën në mbrëmje do të dalë nga spitali.

“Do të dal nga qendra e mrekullueshme spitalore Walter Reed në ora 18:30. Ndjehem shumë mirë! Mos kini frikë nga COVID-i. Mos e lini t’ju kontrollojë jetën. Administrata Trump ka zhvilluar njohuri dhe mjekime të mrekullueshme. Ndjehem më mirë se 20 vjet më parë!” tha presidenti.

Dr. Conley, mjek i përgjithshëm dhe komandant në Marinën Ushtarake amerikane, foli për gazetarët në oborrin e spitalit, por nuk pranoi të jepte shpjegime kur u pyet ndër të tjera për gjendjen e mushkërive të presidentit. Mjeku tha se nuk mund të ofronte informacione të tilla si rezultat i rregullave për privatsinë e pacientit.

Presidenti po mjekohet me një kurë me steroide që zakonisht nuk jepet kur pacienti po kalon simptoma të lehta ose të moderuara të COVID-19. Ai po ashtu po merr remdesivir, një ilaç antiviral.

Mjekët e presidentit kanë thënë se kanë “optimizëm të matur dhe jemi në gatishmëri, sepse jemi në rrethana të panjohura pasi po e mjekojmë me ilaçe që nuk i jepen zakonisht pacientit kaq herët pas shaqjes së sëmundjes,” tha Dr. Conley. “Nëse e kalojmë të hënën me të njëjtat ritme përmirësimi, do të hedhim hapin e fundit dhe do të marrim frymë të çliruar,” tha mjeku. zëri i amerikës

Trumpi thotë se ka mësuar shumë për koronavirusin

Presidenti amerikan, Donald Trump duke përshëndetur nga makina presidenciale mbështetësit e tij.

Presidenti i Shteteve të Bashkuara, Donald Trump, më 4 tetor, u largua për pak kohë nga spitali ushtarak ku ai është duke u trajtuar për sëmundjen COVID-19, për të përshëndetur, nga një automjet i blinduar, mbështetësit e tij që ishin mbledhur jashtë spitalit.

Përpara se të kthehej në spital, presidenti kaloi pranë një turme që valëviti flamurin amerikan dhe brohoriste jashtë Qendrës Kombëtare Mjekësore Ushtarake Walter Reed.

Presidenti Trump u hospitalizua më 2 tetor.

Më herët, Trump përmes një videoje të postuar në rrejtin social Twitter, tha se ai ka “mësuar shumë” për COVID-19, që nga infektimi.

“Kjo është shkolla e vërtetë, kjo nuk është shkolla ‘le të lexojmë librat’. E kuptoj. Dhe është një gjë shumë interesante”, tha Trump.

Ka pasur opinione se, duke dalur nga spitali, Trump tregoi përsëri gatishmërinë e tij për të shpërfillur masat paraprake themelore kundër koronavirusit.

“Kjo është marrëzi”, shkroi në Twitter Dr. James P. Phillips, një mjek në Qendrën Kombëtare Mjekësore Ushtarake Walter Reed.

“Çdo person në atë automjet tani duhet të jetë në karantinë për 14 ditë. Ata mund të sëmuren. Ata mund të vdesin”, shkroi mjeku.

Më parë, mjekët që po udhëheqin trajtimin e tij thanë se gjendja e presidentit vazhdon të përmirësohet dhe ai mund të lirohet nga spitali më 5 tetor

Mjekët thanë se nivelet e oksigjenit të Trumpit kishin rënë dy herë shkurtimisht ditët e fundit dhe ai po trajtohet me steroid.

“Pacienti vazhdon të përmirësohet. Ai ka nuk ka ethe që nga e premtja në mëngjes, shenjat e tij janë të qëndrueshme”, u tha gazetarëve mjeku, Sean Dooley.

Trump vazhdon të punojë nga suita presidenciale e spitalit, e cila posedon gjitha pajisjet që ia lejojnë atij të vazhdojë me detyrat zyrtare.

Infektimi i Trumpit shënon një goditje në fushatën e tij të rizgjedhjes dhe vë në qendër të vëmendjes pandeminë dhe deklaratat e mëparshme të presidentit, i cili e kishte minimizuar koronavirusin.

Sëmundja COVID-19 ka vrarë më shumë se 200,000 amerikanë dhe ka infektuar mbi 7 milionë.

Ndërkohë, i nominuari demokrat për president, Joe Biden, përsëri doli negativ për koronavirusin, tha fushata e tij.

Rezultatet vijnë pesë ditë pasi Biden kaloi më shumë se 90 minuta në debatin presidencial me Trumpin. rel

Mjekët: Presidenti Trump mund të dalë nga spitali të hënën

Mjekët thanë të dielën se gjendja e Presidentit Donald Trump po përmirësohet ndërsa ai trajtohet për COVID-19 në një spital ushtarak dhe se presidenti mund të kthehet në Shtëpinë e Bardhë qysh të hënën, ku mjekimi do të vazhdojë.

Mjekët që po kurojnë Presidentin Trump thanë se i kishin dhënë atij oksigjen plotësues dy herë, të enjten dhe të premten, në betejën e tij me sëmundjen. Ata thanë se i kishin dhënë gjithashtu Presidentit Trump dexamethasone. Ilaçi dexamethasone rezulton nga studimet se përmirëson gjendjen e pacientëve të shtruar në spital me COVID-19, të cilët kanë nevojë për oksigjen shtesë.

Por sipas udhëzimeve të Shoqatës së Sëmundjeve Infektive të Amerikës, ai nuk duhet të jepet për raste të lehta, pasi mund të kufizojë aftësinë e trupit për ta luftuar vetë virusin.

“Fakti është se Presidenti po përparon vërtet mirë”, u tha gazetarëve Dr. Sean P. Conley në Qendrën Mjekësore Kombëtare të Ushtrisë, Walter Reed, ku është duke u trajtuar Presidenti Trump.

Mjekët thanë se Presidenti Trump nuk ka patur ethe që nga e premtja dhe se funksionet e mëlçisë dhe veshkave janë normale, pas dozës së dytë të Remdesivirit, një ilaç antiviral i nxjerrë në treg nga Gilead Science Inc, që është provuar se e shkurton qëndrimin në spital për pacientët me COVID-19.

Dr Brian Garibaldi tha se Presidentit Trump iu dha dexamethasone në përgjigje të “niveleve të ulëta kalimtare të oksigjenit”. “Ai e mori dozën e parë dje dhe plani ynë është që t’ia vazhdojmë,” tha Dr. Garibaldi.

Presidentit Trump po i bëhet gjithashtu një trajtim eksperimental me REGN-COV2 të firmës Regeneron, si dhe po i jepet zink, Vitaminë D, famotidinë, melatoninë dhe aspirinë, thanë mjekët.

Presidenti postoi të shtunën mbrëma një video nga spitali, ku thoshte se kishte filluar të ndihej më mirë dhe se shpresonte të “kthehej së shpejti”.

Zëri i presidentit tingëllonte pak i ngjirur video, por ai dukej në humor të mirë. Ai tha se po luftonte për miliona njerëz në mbarë botën që kanë patur virusin.

Ai tha se mund të kishte qëndruar në Shtëpinë e Bardhë për të mbrojtur veten, por si president nuk mund t’ia lejonte vetes të “mbyllej në dhomën në katin e sipërm”.

Presidenti falenderonte në video ekipin mjekësor që po e trajton si dhe udhëheqësit botërorë që i kanë dërguar urime.

KOMENTET KONTRADIKTORE

Shefi i Kabinetit i Shtëpisë së Bardhë Mark Meadows tha se gjendja e Presidentit Trump të premten ishte shumë më keq sesa e kishin publikuar zyrtarët.

Ai tha në një intervistë me Fox News se mjekët rekomanduan që presidenti të shkonte në spital pasi diktuan se ai kishte ethe dhe niveli i oksigjenit në gjak po i binte me shpejtësi.

Zoti Meadows i bëri komentet pas dy ditë me vlerësime kontradiktore dhe të paqarta për shëndetin e presidentit. Zoti Meadows shtoi: “Mund t’ju them se gjëja më e rëndësishme që shohim tani është se ai tani nuk ka ethe dhe oksigjeni është në nivel të plotë”.

Ai tha se të premten “ishim vërtet të shqetësuar pasi niveli i tij i oksigjenit kishte rënë me shpejtësi. Megjithatë në stilin e tij tipik presidenti ishte ngritur dhe ecte”.

Të premten zyrtarët e Shtëpisë së Bardhë, përfshirë zotin Meadows, thanë se Presidenti Trump po kalonte “simptoma të lehta” dhe po vazhdonte të punonte. Ai tha se megjithatë, mjekët e spitaleve Walter Reed dhe Johns Hopkins rekomanduan që ai të shtrohej.

Zoti Meadows tha se Presidenti “ka bërë përmirësime të pabesueshme nga e premtja në mëngjes kur një numër prej nesh, mjeku dhe unë, ishim shumë të shqetësuar.”

I pyetur nga gazetarët të dielën, Dr. Conley tha: “Unë po përpiqesha të pasqyroja një qëndrim optimist të ekipit dhe të presidentit për rrjedhën e sëmundjes së tij”. “Nuk kam dashur të jap ndonjë informacion që mund t’i jepte kronologjisë së sëmundjes një drejtim tjetër dhe, duke vepruar kështu, u duke sikur ne po përpiqeshim të fshihnim diçka, gjë që jo domosdo është e vërtetë,” tha ai.

NJË KALENDAR AGRESIV FUSHATE

Ndërkohë, fushata e Presidentit Trump tha se Nënpresidenti Mike Pence, do të ketë një program “agresiv” fushate këtë javë, ashtu si edhe tre fëmijët më të mëdhenj të zotit Trump.

“Ne nuk mund të qëndrojmë në bodrum ose të mbyllim ekonominë për një kohë të pacaktuar, por duhet t’i dalim situatës në ballë,” tha këshilltari i fushatës Jason Miller të dielën në televizionin ABC. zëri i amerikës

Trumpi thotë se ndihet “shumë më mirë” dhe “do të kthehet së shpejti”

Presidenti i Shteteve të Bashkura, Donald Trump, i cili po trajtohet për sëmundjen COVID-19 në një spital ushtarak pranë Uashingtonit, tha se ndihet “shumë më mirë” dhe se shpreson se “do të kthehet së shpejti”, për të përfunduar fushatën, përpara zgjedhjeve presidenciale të 3 nëntorit.

Në një video 4-minutëshe të postuar të shtunën në Twitter, Trump tha se ditët e ardhshme do të jenë “prova e vërtetë”, ndërsa i falënderoi të gjithë në Shtetet e Bashkuara dhe në të gjithë botën për mbështetjen e tyre.

“Ne do ta mundim këtë koronavirus”, tha Trump, duke shprehur optimizëm për efektivitetin e terapive kundër koronavirusit.

Trump dhe Zonja e Parë, Melania, u diagnostikuan me sëmundjen që e shkakton koronavirusi, COVID-19, të premten.

Trump, në të njëjtën ditë, u shtrua në Qendrën Mjekësore Ushtarake Walter Reed.

Mjekët që janë duke e trajtuar presidentin, thanë më herët se ai është në “disponim jashtëzakonisht të mirë”, pa temperaturë dhe pa vështirësi në frymëmarrje, ndërsa një anëtar i stafit të tij tha se dy ditët e ardhshme do të jenë kritike për presidentin 74-vjeçar.

“Këtë mëngjes, presidenti ndjehet shumë mirë”, tha doktor Sean Conley. Trump ka qenë pa temperaturë për 24 orë dhe aktualisht nuk po trajtohet me oksigjen, shtoi ai.

“Ekipi dhe unë jemi jashtëzakonisht të lumtur me përparimin që ka bërë presidenti”, tha Conley, por nuk pranoi të thotë se kur pritet të lirohet nga spitali.

Mjekët po ashtu refuzuan të thonë nëse presidenti ka kërkuar ndonjëherë oksigjen, pavarësisht pyetjeve të përsëritura nga gazetarët.

Trump, i cili po merr remdesivir përveç terapisë me antitrupa, mund të vazhdojë të punojë nga suita presidenciale e spitalit, tha Shtëpia e Bardhë.

Remdesiviri është një trajtim eksperimental anti-viral, i cili jepet në mënyrë intravenoze. Ilaçi ka treguar shenja të zvogëlimit të intensitetit dhe jetëgjatësisë së sëmundjes. Trump pritet ta marrë atë për pesë ditë.

Në video-mesazhin e publikuar të shtunën, Trump e vlerësoi edhe punën e ekipit mjekësor.

Sëmundja e papritur e Trumpit shënoi goditje mbi fushatën e tij për zgjedhjet e nëntorit. Trump do të garojë për rizgjedhje më 3 nëntor, kundrejt kandidatit demokrat, Joe Biden.

Trump e ka minimizuar në disa raste kërcënimin e pandemisë së koronavirusit dhe rrallë ka veshur maskë.

Përgatiti: Valona Tela

Mjekët: Trump po ecën mirë, fillon trajtimi me Remdesivir

Washington

Presidenti i SHBA-së Donald Trump “po ecën mirë” dhe ka filluar terapinë me Remdesivir, njoftoi mjeku i tij disa orë pasi ai u pranua në Qendrën Kombëtare Mjekësore Ushtarake Walter Reed pasi u diagnostikua me COVID-19, transmeton Anadolu Agency (AA).

Mjeku i Shtëpisë së Bardhë Sean Conley tha se transferimi i presidentit nga Shtëpia e Bardhë u bë pas konsultimit me specialistë nga Walter Reed dhe Universitetin Johns Hopkins “për monitorim të mëtejshëm”.

“Këtë mbrëmje jam i lumtur të raportoj se presidenti po ecën shumë mirë. Ai nuk ndonjë nevojë për oksigjen shtesë, por në konsultim me specialistët ne kemi zgjedhur të fillojmë terapinë me Remdesivir”, tha ai në një deklaratë.

“Ai ka përfunduar dozën e tij të parën dhe po pushon qetë”, shtoi Conley.

Trump u pranua në spital për disa ditë si masë paraprake, tha zëdhënësja e Shtëpisë së Bardhë.

“Po ecën mirë, mendoj! Faleminderit të gjithëve. DASHURI!!!”, shkroi Trump të premten vonë.

Trump, i cili të premten herët njoftoi së ishte prekur nga virusi, është ndër pacientët me faktorët më të lartë të rrezikut që mund të vuajë pasoja të tmerrshme shëndetësore nga virusi. Ai konsiderohet në aspektin mjekësor me mbipeshë dhe është 74 vjeç.

Njoftimi i tij erdhi disa orë pasi Hope Hicks, një nga ndihmëset më të afërta të Trump-it që ishte pranë tij, doli pozitive me virusin.

Trump ka kaluar pjesën më të madhe të vitit duke minimizuar rrezikshmërinë e virusit dhe është shfaqur vazhdimisht në publik pa maskë.

Shumë nga familja e parë e SHBA-së dhe mbështetësit e tyre nuk pranuan të mbanin maskë gjatë debatit presidencial të martën, duke shkelur rregullat e ngjarjes edhe kur stafi u përpoq që anëtarët e audiencës të vendosnin maskat e fytyrës.

Nënpresidenti Pence dhe roli i tij marrin vëmendje

Nënpresidenti Mike Pence, i cili vjen i dyti në radhë në Zyrën Ovale nëse presidenti bëhet fizikisht i paaftë, u testua të premten negativ për COVID-19, pak orë pasi Presidenti Donald Trump njoftoi se ishte infektuar dhe hyri në karantinë.

Testimi pozitiv i Presidentit Trump, ka nxjerrë në qendër të vemendjes Nënpresidentin Pence, ish-ligjvënës konservator, i cili ka qenë një nga të paktat figura që i ka rezistuar ndryshimeve të pandërprera në administratën e presidentit republikan.

Zoti Pence, 61 vjeç, është planifikuar të debatojë me kandidaten demokrate për nënpresidente, Senatoren Kamala Harris të mërkurën, por nuk është e qartë nëse plani mund të ndryshojë pas testimit pozitiv të Presidentit Trump.

Presidenti Trump dhe Nënpresidenti Pence do të punojnë secili nga rezidenca e tij. Zyrtarët thanë gjithashtu se edhe stafet e tyre do të jenë të ndarë nga njëri-tjetri për të mbrojtur zotin Pence, nëse do të ishte e nevojshme që ai të merrte detyrën e presidentit, ndërkohë që zoti Trump i nënshtrohet trajtimit mjekësor. Presidenti kërkon kalimin e kompetencave tek nënpresidenti në bazë të Amendamentit të 25 të Kushtetutës, pika 3.

Kjo ka ndodhur tri herë në historinë e SHBA. Ish-Presidenti George W. Bush ia transferoi përkohësisht pushtetin nënpresidentit Dick Cheney dy herë, për disa orë në vitet 2002 dhe 2007, kur po i nënshtrohej kolonoskopisë.

Në vitin 1985, George H.W. Bush në atë kohë nënpresident, u bë përkohësisht president për gati tetë orë, kur Presidenti Ronald Reagan hoqi me operacion një dëmtim para-kanceroz të indit.

Në rast se presidenti sëmuret me shpejtësi dhe nuk është në gjendje t’ia kalojë kompetencat nënpresidentit në bazë të pikës 3, atëherë pika 4 e amendamentit jep një zgjidhje për një krizë të tillë.

Sipas pikës 4, nënpresidenti dhe shumica e kabinetit mund t’i dërgojnë njoftim Dhomës së Përfaqësuesve dhe Senatit “se Presidenti nuk është në gjendje të kryejë kompetencat dhe detyrat e postit së tij”. Ashtu si në rastin e pikës 3, përsëri nënpresidenti shërben si president i përkohshëm. Sapo presidenti ta marrë veten, nënpresidenti ia kalon kompetencat Dhomës dhe Senatit dhe ato i jepen përsëri presidentit. Kjo, me përjashtim të rastit nëse nënpresidenti dhe shumica e kabinetit i thonë Kongresit se presidenti vazhdon të jetë i paaftë. Në një rast të tillë i takon Kongresit të votojë për provuar paaftësinë ose jo të presidentit.

Zoti Pence merr të njëjtin informacion zbulimi si edhe Presidenti Trump.

Shtëpia e Bardhë tha se Presidenti Trump nuk është në “paaftësi fizike” dhe po punon në kushte izolimi me simptoma të lehta.

Kryetarja e Dhomës së Përfaqësuesve Nancy Pelosi vjen e treta në radhë për të marrë postin e presidentit pas zotit Pence. Ajo tha të premten se ishte testuar për COVID-19 dhe se do ta merrte përgjigjen së shpejti.

Zoti Pence, ish-guvernator i shtetit Indiana, ka luajtur rol kryesisht në prapaskenë në Shtëpinë e Bardhë, megjithëse është e njohur se ka ambicie presidenciale.

Ai ka luajtur role thelbësore në disa prej nismave legjislative të administratës, përfshirë shkurtimet e taksave të miratuara në vitin 2017.

Zoti Pence kundërshton me vendosmëri të drejtat e abortit dhe mbështet me pasion çështje të tilla si zbutja e rregullave për biznesin dhe reduktimi i përmasave të qeverisë. zëri i amerikës

Ekspertët: Mosha dhe pesha e Presidentit Trump, faktorë në përballjen me COVID-19

Presidenti mbërrin në kompleksin spitalor Walter Reed

Steve Baragona

Mosha dhe pesha janë faktorë që e vënë Presidentin Donald Trump në një kategori më të rrezikuar nga COVID-19, por megjithatë ekspertët thonë se prognoza nuk mund të parashikohet lehtë.

Mjeku i presidentit, Sean Conley, pohoi në një deklaratë të premten se presidenti dhe zonja e parë kanë rezultuar pozitivë për koronavirus. Por mjeku thotë se të dy ata “janë mirë në këtë moment”.

“Parashikoj se presidenti do të vazhdojë të përmbushë përgjegjësitë e tij pa ndërprerje gjatë kohës që kurohet”, tha mjeku.

Presidenti është 74-vjeç dhe të dhënat tregojnë se ritmet e shtrimit në spital janë 5 herë më të larta për grupmoshën e tij se sa për 18-29 vjeçarët, sipas Qendrës për Kontrollin e Sëmundjeve. Po ashtu rreziku për vdekje është 90 herë më i lartë.

Sipas rezultateve të analizave të tij më të fundit, presidenti është 1.9 metra i gjatë dhe peshon thuajse 111 kg. Sipas këtyre shifrave, ai konsiderohet mbipeshë i kategorisë obeze.

Kjo e trefishon rrezikun për shtrim në spital, sipas Qendrës Për Kontrollin dhe Parandalimin e Sëmundjeve.

“Përgjithësisht, dikush që ka këto veçori kërkon vëmendje të madhe”, thotë Amesh Adalja, mjek i sëmundjeve ngjitëse dhe studiues në Universitetin Johns Hopkins. “Por kjo nuk do të thotë se ai medoemos do të kalojë një sëmundje të rëndë”, thotë eksperti.

“Ky virus ka shfaqur trajektore të ndryshme në çdo person. Nuk dimë mjaftueshëm përse disa individë, megjithëse janë në grupin më të rrezikuar, e kalojnë më lehtë se të tjerë”.

Një studim i kufizuar në një qendër të kujdesit për të moshuarit, të cilët janë në grupin më të rrezikuar, arrin në përfundimin se më shumë se 1/3 e atyre që rezultuan pozitivë për koronavirus nuk shfaqën simptoma.

Presidenti Trump shtrohet në spitalin ushtarak “Walter Reed” pas diagnozës me COVID-19

Presidenti Trump është shtruar në qendrën spitalore të ushtrisë amerikane Walter Reed pranë Uashingtonit për trajtim mjekësor kundër koronavirusit, njofton Shtëpia e Bardhë.

Para nisjes, presidenti regjistroi një mesazh të shkurtër që e postoi në llogarinë e tij në Twitter ku falenderon dashamirësit e tij dhe shprehet se mendon “që jam shumë mirë. Por po shkoj në Spitalin Walter Reed për të garantuar që kjo gjë përfundon krejt mirë”. Ai shprehet se është mirënjohës për mbështetjen dhe nuk do ta harrojë kurrë, por pa ofruar hollësi për diagnozën apo gjendjen e tij shëndetësore.

Më herët Shtëpia e Bardhë nxori një deklaratë duke njoftuar se presidenti do të qëndrojë disa ditë në spital bazuar në rekomandimet e mjekut. “Presidenti është me humor të mirë, ka simptoma të lehta dhe ka vazhduar punën gjatë gjithë ditës,” tha në një deklaratë për shtyp zëdhënësja e Shtëpisë së Bardhë Kayleigh McEnany.

“Nisur nga synimi për të qenë mëse të sigurtë dhe të kujdesshëm dhe bazuar në rekomandimet e mjekut të tij personal dhe të ekspertëve të shëndetit, presidenti do të punojë për disa ditë të ardhshme nga zyrat presidenciale në kompleksin Walter Reed. Presidenti Trump është mirënjohës për dashamirësinë dhe mbështetjen që ka marrë ai dhe Zonja e Parë,” përfundon deklarata për shtyp.

Më herët të premten, mjeku i presidentit, Dr. Sean Conley, tha në një deklaratë për shtyp se presidenti mori një dozë intravenoze anti-trupash të dyfishtë të prodhuara nga Regeneron Pharmaceuticals Inc, duke e shoqëruar me zink, vitamin D, famotidinë, melatoninë dhe aspirinë.

Presidenti Donald Trump “vazhdon të jetë i këputur, por (është) me humor të mirë”, pasi u trajtua me një kokteil eksperimental antitrupash ndaj COVID-19, tha mjeku.

REGN-COV2, ilaçi i kompanisë Regeneron, është pjesë e një klase ilaçesh eksperimentale për COVID-19, të njohura si anti-trupa monoklonale – kopje të prodhuara të anti-trupave njerëzore ndaj virusit, të cilat po analizohen si trajtim për pacientët në fazat e hershme.

Kjo teknikë po përdoret gjerësisht për trajtimin e një sërë sëmundjesh. Deri më tani ka vetëm të dhëna të kufizuara për anti-trupat e COVID-19, por kreu i departamentit për sëmundjet infektive Dr. Anthony Fauci është ndër personat që kanë thënë se është premtuese.

Kompania Regeneron njoftoi këtë javë rezultate testimesh që tregojnë se ilaçi i saj me anti-trupa përmirësoi simptomat e pacientëve me COVID-19 që nuk janë shtruar në spital, pa asnjë efekt serioz anësor dhe njoftoi se synon të hyjë në bisedime me Agjensinë e Ushqimit dhe Barnave (FDA) për të marrë autorizim për përdorim emergjence.

Po të premten, paradite, një zyrtar i Shtëpisë së Bardhë tha se Presidenti Donald Trump po kalon simptoma të lehta të COVID-19, pas njoftimit se ai dhe gruaja e tij Melania ishin testuar pozitivë me koronavirus.

Presidenti e bëri njoftimin në Twitter të premten herët dhe tha se të dy do të fillojnë karantinën. Presidenti Trump është 74 vjeç, dhe kjo e vë në rrezik më të lartë për komplikime serioze.

Lajmi vjen vetëm një muaj para zgjedhjeve ku ai përballet me ish-nënpresidentin Joe Biden, i cili kryeson në anketat kombëtare.

Shefi i kabinetit të Shtëpisë së Bardhë Mark Meadows tha se Presidenti Donald Trump ka simptoma të lehta pas testimit pozitiv për COVID-19 por pritet që ai të vazhdojë punën. Zoti Meadows shprehu optimizëm se presidenti do të shërohet shpejt.

Dy persona që kishin dijeni për gjendjen e tij thanë se simptomat ishin të ngjashme me të ftohurin.

Fushata e Presidentit Trump tha të premten se të gjitha aktivitetet e fushatës të njoftuara më parë ku përfshihet presidenti, do të zhvendosen në mjedise virtuale ose do të shtyhen përkohësisht.

Një zyrtar i Shtëpisë së Bardhë tha se tubimet e presidentit do të ndërpriten për të paktën 10 ditë.

Fushata tha gjithashtu në një deklaratë se shtyhen përkohësisht edhe aktivitetet e njoftuara me pjesëmarrjen e anëtarëve të familjes Trump. Ndërkohë, Nënpresidenti Mike Pence, i cili ka testuar negativ për koronavirusin, planifikon të rifillojë programin e tij të aktiviteteve të fushtës, thuhet në deklaratë.

Presidenti shkroi të premten në rrjetin Twitter se “zonja e parë dhe unë dolëm pozitivë në testin për COVID-19. Do të fillojmë karantinën dhe procesin e shërimit menjëherë. Do ta kalojmë sa bashku këtë”.

Pak më vonë Shtëpia e Bardhë lëshoi një memorandum nga mjeku i presidentit 74-vjeçar, Dr. Sean Conley, duke konfirmuar testet pozitive për çiftin Trump.

“Presidenti dhe Zonja e Parë janë mirë aktualisht dhe ata planifikojnë të qëndrojnë në shtëpi brenda Shtëpisë së Bardhë gjatë procesit të kurimit”, tha zoti Conley.

Ai shtoi se ai pret që presidenti “të vazhdojë të kryejë detyrat e tij pa ndërprerje ndërsa shërohet, dhe unë do t’ju mbaj të informuar për çdo zhvillim të ardhshëm”.

Zonja Melania Trump shkroi në twitter se “siç kanë bërë shumë amerikanë këtë vit, presidenti dhe unë jemi në karantinë në shtëpi pasi dolëm pozitiv për COVID-19. Po ndihemi mirë dhe unë i kam shtyrë të gjitha angazhimet e ardhshme. Ju lutemi sigurohuni që po qëndroni të mbrojtur dhe të gjithë do ta kalojmë së bashku”.

Ndërkaq, kandidati demokrat për president Joe Biden dhe gruaja e tij u testuan sot negativë për koronavirusin, ndërsa kandidatja për nënpresidente Kamala Harris u testua negative dje.

Presidenti Trump, i cili për muaj me radhë kishte minimizuar seriozitetin e koronavirusit, të enjten në mbrëmje konfirmoi gjatë një interviste telefonike në Fox News se ai dhe zonja e parë ishin testuar pasi një nga ndihmëset e tij, Hope Hicks, u konfirmua të ishte e infektuar. zëri i amerikës

Biden dhe gruaja e tij dalin negativ në testin e koronavirusit

Ish-nënpresidenti i Shteteve të Bashkuara, Joe Biden dhe gruaja e tij, Jill kanë rezultuar negativ në testin për koronavirusin e ri.

“Jam i lumtur të njoftoj se Jill dhe unë kemi dalë negative për COVID-19. Faleminderit të gjithëve për shprehjen e shqetësimit me mesazhet tuaja. Shpresoj që kjo të shërbejë si një kujtesë: vendose maskën, mbaj distancën dhe laji duart”, tha shkruar Biden në rrjetin social Twitter.

Shqetësimet për një infektim të mundshëm të tij erdhën pasi Biden, më 30 shtator, mori pjesë në debatin e parë presidencial me presidentin e Shteteve të Bashkuara, Donald Trump, i cili të premten konfirmoi se ai dhe Zonja e Parë, Melania, kanë dalë pozitiv në testin e koronavirusit.

Më herët, kandidati demokrat për president të Shteteve të Bashkuara, Joe Biden, i uroi presidentit amerikan, Donald Trump, dhe Zonjës së Parë, Melanie, shëndet të mirë dhe shërim të shpejtë.

Ndërkohë, Shtëpia e Bardhë njoftoi se presidenti Trump, ka simptoma të lehta të koronavirusit.

“Populli amerikan mund të jetë i sigurt se ne kemi një president që është në detyrë dhe do të vazhdojë të jetë në detyrë. Unë jam optimist se ai do të ketë një shërim shumë të shpejtë”, tha shefi i stafit në Shtëpinë e Bardhë, Mark Meadows. rel

Grupi i ekstremit të djathtë “Djemtë Krenarë” dhe komentet e Presidentit Trump

Masood Farivar

“Djemtë Krenarë” janë pushtuar nga entuziazmi. Grupi i ekstremit të djathtë vazhdon të festojë që kur Presidenti Donald Trump refuzoi të thotë drejtpërdrejt se ai nuk i mbështet ata dhe një sërë supremacistësh të bardhë gjatë debatit presidencial të martën në mbrëmje, në Klivlend të shtetit të Ohajos.

Zoti Trump, i cili është kritikuar se asnjëherë nuk i ka denoncuar qartë grupet e ekstremit të djathtë, u pyet nga moderatori i debatit Chris Wallace, gazetar i rrjetit televiziv Fox News, nëse ai i dënonte ekstremistët e bardhë.

Kë do të donit të dënoja?” e pyeti Presidenti Trump gazetarin përpara se rivali i tij demokrat Joe Biden të përmendte emrin e organizatës “Djemtë Krenarë”, një grup i krahut të djathtë pro zotit Trump. “Djemtë krenarë?, pyeti zoti Trump i cili tha më pas: “Sprapsuni dhe qëndroni në gadishmëri”. “Por dua t’u them diçka“, shtoi Presidenti gjatë komentit të tij: “dikush duhet të bëjë diçka lidhur me Antifën e të majtën, sepse ky nuk është një problem i krahut të djathtë, ky është një problem i krahut të majtë“, tha ai.

“Djemtë Krenarë” marrin shpesh pjesë në tubimet e Presidentit Trump. Ndërsa disa nga anëtarët e këtij grupimi i morën komentet e presidentit si mbështetje, udhëheqësi i grupit me bazë në Florida Enrique Tarrio, me origjinë afro-kubaneze, thotë se ai nuk e sheh kështu.

Megjithëse jam i ngazëllyer që u përmendëm gjatë debatit …nuk po e marr këtë si një mbështetje të drejtpërdrejtë nga Presidenti“, shkruante zoti Tarrio në aplikacionin Telegram.

Ajo që tha ai se “Djemtë Krenarë” duhet të sprapsen e të qëndrojnë në gatishmëri është ajo që kemi bërë gjithmonë“, shtoi zoti Tarrio. Ai shtoi se “Djemtë Krenarë” nuk i mbështesin “supremacistët e bardhë”, duke i bërë jehonë qëndrimit të kahershëm publik të grupit kundër racizmit, antisemitizmit, nacionalizmit të bardhë e dhunës.

Por Joe Biggs, një tjetër udhëheqës i njohur i grupit, i mori komentet e zotit Trump si një thirrje për veprim.

Trump në thelb tha shkoni, bjeruni“, shkruante zoti Biggs në llogarinë e tij në Telegram. “Kjo më gëzon shumë“.

Ndryshimi në dukje

Në vazhdën e kritikave të përhapura mbi refuzimin e tij për të denoncuar supremacistët e bardhëve, të mërkurën zoti Trump u duk se ndryshoi qëndrim.

Nuk e di kush janë “Djemtë Krenarë“, u tha zoti Trump gazetarëve në Shtëpinë e Bardhë. “Kushdo që të jetë, ata duhet të sprapsen“.

I pyetur nëse i dënonte supremacistët e bardhë, zoti Trump tha se ai “gjithmonë ka dënuar çdo formë, që duhet dënuar”.

“Djemtë Krenarë” e prisnin atë çka duket si një ndryshim në pozicionin e zotit Trump, por kjo nuk ka gjasa ta ulë entuziazmin e tyre.

Mos u habisni nëse ai bën një deklaratë mbi ne në ditët e ardhshme për të qetësuar popullatën“, shkruante zoti Biggs të martën në mbrëmje. “Por ai e di që ne jemi njerëz të mirë“.

Zoti Biden ishte shumë kritik ndaj paraqitjes së zotit Trump në debat. I pyetur nga një gazetar në Ohajo nëse kishte ndonjë këshillë për “Djemtë Krenarë”, ish-Nënpresidenti u përgjigj: Ndaluni menjëherë!”.

Polemikat vijnë ndërsa presidenti Trump vazhdon të fajësojë për dhunën në protestat mbi drejtësinë racore pothuajse vetëm Antifën, duke kundërshtuar vlerësimin e drejtorit të FBI-së, të zgjedhur nga vetë ai, se supremacistët e bardhë të dhunshëm mbeten kërcënimi më i madh i brendshëm për sigurinë kombëtare.

Heidi Beirich, bashkëthemeluese e Projektit Global Kundër Urrejtjes dhe Ekstremizmit, thotë se supremacistët e ekstremit të djathtë janë të entuziazmuar për shkak të asaj që ata e shohin si mbështetje nga ana e zotit Trump për “Djemtë Krenarë”, të cilët po bëjnë para me komentin e zotit Trump duke shitur bluza.

Dhe e gjithë biseda rrotullohet tek ajo se sa e rëndësishme është kjo gjë dhe se si ata janë të gatshëm ta mbështesin presidentin“, thotë zonja Beirich. “Presidenti Trump në thelb u dha “Djemve Krenarë” një slogan të ri“, shton ajo.

Cilët janë Djemtë Krenarë?

Ata e përshkruajnë veten si një klub të “shovinistëve perëndimorë” që bëhen bashkë për të pirë. Por vëzhguesit e ekstremizmit thonë se ky është vetëm një maskim për atë që qëndron në themelet e këtij grupi me paragjykime të forta ndaj grave, kundër myslimanve dhe emigrantëve. Megjithëse grupi nuk e ka mbrojtur kurrë idenë e një shteti etnikisht të bardhë, që mbështetet nga nacionalistët e bardhë, fanatizmi në radhët e këtij grupimi është po aq ekstrem thotë zonja Beirich.

Vetë organizata thotë se mbështet shovinizmin perëndimor, ndonjëherë civilizimin perëndimor, të cilat janë fjalë të koduara për lëvizjet e supremacistëve të bardhë“, thotë zonja Beirich.

Në një artikull në internet në vitin 2016 duke njoftuar formimin e grupit “Djemtë Krenarë”, Gavin McInnes, një aktivist kanadez i krahut të djathtë, qasja e të cilit ngjall shumë polemika dhe bashkëthemelues i revistës VICE, e përshkroi grupin si “shovinistë perëndimorë që refuzojnë të kërkojnë falje për krijimin e një bote moderne”.

Kjo frazë u bë pjesë e ceremonisë që shënoi themelimin e grupit. Sot grupi, anëtarët e të cilit shpesh veshin bluza në ngjyrë të zezë e të verdhë, kanë struktura në shumicën e shteteve, sikurse në Australi, Britani dhe Norvegji, sipas organizatës joqeveritare Lidhja Kundër Shpifjes (ADL).

ADL-ja thotë se “Djemtë Krenarë”, megjithëse i takojnë së djathtës së re, një lëvizje politike që e sheh veten të ndarë si nga konservatorizmi i zakonshëm ashtu edhe nga e djathta ekstreme e që refuzon supremacistët e bardhë, kanë “një qasje me bazë urrejtjen” ndryshe nga çfarë përmban premtimi i tyre publik. Nga ana e saj, Qendra Jugore e Ligjit për Varfërinë i ka përcaktuar “Djemtë Krenarë” si një grup që nxit urrejtjen. Megjithëse “Djemtë Krenarë” kanë mes tyre disa anëtarë jo të bardhë, sipas zonjës Beirich, ata kanë lejuar nga ana tjetër në radhët e tyre supremacistë të njohur të bardhë dhe janë shfaqur në tubime të nacionalistëve të bardhë.

Ndërthurja

Jason Kessler, ish-anëtar i “Djemve Krenarë”, ishte organizatori kryesor i tubimit të ekstremistëve të djathtë në vitin 2017 të quajtur “Bashkoni të Djathtën” në Sharlotsvill të shtetit të Virxhinias. Tubimi, i cili mblodhi së bashku neo-nazistë, anëtarë të milicisë anti-qeveritare dhe anëtarë të organizatës Ku Klus Klan përfundoi me vdekjen e një protestueseje. Anasjelltas, në vitet e fundit, grupet nacionaliste të ekstremit të djathtë kanë marrë pjesë në tubimet e organizuara nga “Djemtë Krenarë”.

Ne besojmë se ka rrjedha të supremacistëve dhe nacionalistëve të bardhë në rrënjët e tyre“, thotë Kristen Clarke, presidente dhe drejtore ekzekutive e Komitetit të Avokatëve për të Drejtat Civile Bazuar në Ligj.

Vitin e kaluar, një oficer policie nga Konektikati u detyrua të dilte në pension pasi Komiteti i Avokatëve publikoi të dhëna se ai ishte anëtar i “Djemve Krenarë” thotë zonja Clarke.

Ndërsa publikisht “Djemtë Krenarë” e dënojnë dhunën, anëtarët e tij janë angazhuar në akte të dhunshme gjatë këtyre viteve.

Drejtori i FBI-së Christopher Wray dëshmoi në Kongres javën e kaluar se supremacistët e bardhë dhe ekstremistët anti-qeveritarë kanë qenë përgjegjës për shumicën e sulmeve të fundit me pasoja fatale nga grupet ekstremiste brenda Shteteve të Bashkuara.

Vitin e kaluar, dy anëtarë të grupit “Djemtë Krenarë” u dënuan mbi akuza për sulm e trazira lidhur me rrahjen e aktivistëve të Antifës në qytetin e Nju Jorkut në 2018-n.

Këtë vit, anëtarët e “Djemve Krenarë” kanë marrë pjesë në përleshjet e dhunshme mes aktivistëve të krahut të djathtë e të majtë në Portland të shtetit të Oregonit e në disa qytete të tjera. Më 22 gusht sipas ADL-së “Djemtë Krenarë” u përplasën me protestuesit e krahut të majtë në qytetin e Portlandit, duke u përfshirë në akte të shumta dhune.

Presidenti Trump rezulton pozitiv për COVID-19

Presidenti amerikan, Donald Trump, njoftoi se ai dhe zonja e parë, Melania Trump, janë të prekur nga koronavirusi.

Ai shkroi në rrjetin twitter të premten se “sonte, zonja e parë dhe unë dolëm pozitiv në testin për COVID-19. Do të fillojmë karantinën dhe procesin e shërimit menjëherë. Do ta kalojmë sa bashku këtë”.

Pak më vonë Shtëpia e Bardhë lëshoi një memorandum nga mjeku i presidentit 74-vjeçar, Dr. Sean Conley, duke konfirmuar testet pozitive për çiftin Trump.

“Presidenti dhe Zonja e Parë janë mirë aktualisht dhe ata planifikojnë të qëndrojnë në shtëpi brenda Shtëpisë së Bardhë gjatë procesit të kurimit”, tha zoti Conley.

Ai shtoi se ai pret që presidenti “të vazhdojë të kryejë detyrat e tij pa telashe ndërsa shërohet, dhe unë do t’ju mbaj të informuar për çdo zhvillim të ardhshëm”.

Zonja Melania Trump shkroi në twitter se “siç kanë bërë shumë amerikanë këtë vit, presidenti dhe unë jemi në karantinë në shtëpi pasi dolëm pozitiv për COVID-19. Po ndihemi mirë dhe unë i kam shtyrë të gjitha angazhimet e ardhshme. Ju lutemi sigurohuni që po qëndroni të mbrojtur dhe të gjithë do ta kalojmë së bashku”.

Sipas një zyrtari të Shtëpisë së Bardhë, të gjitha ngjarjet politike të presidenti Trump për të ardhmen e afërt u anuluan. Lajmi duket se do të pushojë edhe fushatën presidenciale të presidenti Trump, një muaj para zgjedhjeve ku ai përballet me ish nënpresidentin Joe Biden, i cili kryeson në anketat kombëtare.

Presidenti Trump, i cili për muaj me radhë kishte minimizuar seriozitetin e koronavirusit, të enjten në mbrëmje konfirmoi gjatë një interviste telefonike në Fox Neës se ai dhe zonja e parë ishin testuar pasi një nga ndihmëset e tij, Hope Hicks, u konfirmua të ishte e infektuar. zëri i amerikës

Komisioni për Debatet Presidenciale ndryshon rregullat pas debatit të parë Trump-Biden

Komisioni i Debateve Presidenciale thotë se do shtojë “masa rejapër ruajtur rregullin debatet e ardhshme pas debatit parë kaotik mes Presidentit Donald Trump dhe rivalit tij demokrat, Joe Biden.

Ndërprerjet e vazhdueshme nga ana e zotit Trump ndërsa fliste kandidati demokrat, përcaktuan tonin e debatit martën. Zoti Biden shpesh nuk arrinte mbaronte dot fjalinë.

Drejtoresha e Komisionit të Debateve Presidenciale Janet Brown, i drejtohet audiencës para se të fillonte debati mes kandidatëve Trump dhe Biden, të martën në Klivelend të Ohajos.

Drejtoresha e Komisionit të Debateve Presidenciale Janet Brown, i drejtohet audiencës para se të fillonte debati mes kandidatëve Trump dhe Biden, të martën në Klivelend të Ohajos.

Moderatori Chris Wallace i televizionit Fox News i kërkoi disa herë zotit Trump lejonte zotin Biden mbaronte, por pa rezultat.

Zoti Biden tha një takim fushate mërkurën se shpresonte organizatorët e debateve ardhshme mund mbyllnin mikrofonin e kandidatit nuk ishte duke folur.

Ishte një turp kombëtar. Nuk dua spekulloj se çfarë do ndodhë debatin e dytë ose tretë”, tha ai.

Presidenti Trump reagoi Twitter duke postuar një lajm për njoftimin e Komisionit Debateve Presidenciale, shoqëruar me komentin:

Provoni merrni një moderator ri dhe një kandidat zgjuar demokrat”.

Ai e kishte kritikuar edhe herët Twitter gjatë ditës, moderatorin e debatit, Wallace.

Komisioni i Debateve Presidenciale e falenderoi zotin Wallace “për profesionalizmin dhe aftësitë e tij debatin e natës kaluar”.

Moderatori Chris Wallace drejtoi debatin e parë presidencial të martën.

Moderatori Chris Wallace drejtoi debatin e parë presidencial të martën.

Ndërkohë fushata e zotit Trump reagoi ndaj njoftimit, duke thënë se Komisioninuk duhet ndryshojë rregullat e lojës mes procesit.

Komisioni jopartiak ka organizuar çdo debat për zgjedhjet presidenciale nga viti 1988. një deklaratë, komisioni tha se debati i parë “e bëri qartë se duhen bërë ndryshime strukturën e formatit debateve ardhshme, për garantuar një diskutim rregullt çështjeve”.

Komisioni tha se “synon sigurojë instrumente shtesë për ruajtur rregullin për debatet e tjera”.

Komisioni thotë gjithashtu se poshqyrton me kujdes ndryshimet do miratojë dhe do t’i bëjë ato njohura shpejti”.

zëri i amerikës

Reagime të ashpra pas debatit të parë Trump-Biden

Reagimet ndaj debatit presidencial midis Presidentit republikan Donald Trump dhe ish-Nënpresidentit demokrat Joe Biden, ishin të ndara në linja partiake. Por ajo që bie në sy janë kritikat e ashpra për mbarëvajtjen e debatit, të shoqëruar me ndërhyrje të shpeshta në fjalët e njëri-tjetrit.

Ronna McDaniel, kryetarja e Komitetit Kombëtar Republikan, shkroi në Twitter pas debatit se “Për nëntëdhjetë minuta, @realDonaldTrump paraqiti argumente të forta dhe bindëse për rizgjedhjen e tij dhe sfidoi Joe Biden-in për mbështetjen që ai u ka dhënë politikave radikale që do të rrisnin taksat, shkatërronin vendet e punës dhe do t’i bënin komunitetet tona më pak të sigurta”.

Tim Murtaugh, drejtori i komunikimit për fushatën e rizgjedhjes së Presidentit Trump, i tha korrespondentes së Zërit të Amerikës Carolyn Presutti se paraqitja e presidentit ishte “fantastike”.

“Ajo që panë shikuesit ishte Presidenti Trump, i cili ishte në kontroll të çdo momenti të debatit. Joe Biden ishte dobët, në kërkim të dikujt që mund ta shpëtonte”, tha Murtaugh.

Figurat e njohura të demokratëve, ndërkohë, thanë se debatin e fitoi ish-Nënpresidenti Biden dhe se paraqitja e presidentit Trump ofroi arsye të shumta për t’i mohuar atij një mandat të dytë.

“Donald Trump ka dështuar me gënjeshtrat, fanatizmin dhe udhëheqjen e tij të pamatur”, shkroi në Twitter senatori Cory Booker nga Nju Xhërsi, i cili garoi kundër Biden-it në zgjedhjet paraprake të demokratëve në fillim të këtij viti. Senatori Booker në veçanti denoncoi presidentin për qëndrimin ndaj supremacistët e bardhë, që në vend që t’idënonte , u bëri thirrje që të “presin”.

Shumë vëzhgues të debatit kritikuan ashpër shkëmbimet me zë të lartë dhe kaotike midis dy kandidatëve, duke përfshirë gazetaren eWashington Post-it, Karen Attiah, e cila e quajti debatin “një turp kombëtar”.

Disa analistë, përfshirë historianin presidencial Michael Beschloss, kritikuan ashpër presidentin. “Demokracia u nëpërkëmb sonte nga një President i cili shkeli rregullat, refuzoi të dënonte supremacistët e bardhë dhe nuk toleroi asnjë formë të mospajtimit, një shenjë paralajmëruese e asaj që mund të shihet në një mandat të dytë,” shkroi Beschloss në Twitter.

Të tjerët, si ish-senatori republikan Jeff Flake, shprehën keqardhje për të gjithë spektaklin. “Ne jemi një vend më i mirë se sa ajo që u shfaq sonte,” shkroi Flake në Twitter.

Profesori i shkencave politike në Universitetin e Virxhinias, Larry Sabato, postoi një mesazh të prerë në llogarinë e tij në Twitter: “Anuloni debatet e mbetura presidenciale”.

Por Tim Murtaugh i mbrojti shkëmbimet, duke i quajtur ato sqaruese. “Unë mendoj se një bisedë e lirë si ajo që bëri presidenti ishte në të vërtetë e mirë, lejon një shkëmbim më të mirë të ideve dhe i ofron shikuesit ndryshimin e vërtetë midis të dyve”, tha ai.

Raportet e zbulimit paralajmërojnë për kërcënime të lidhura me zgjedhjet amerikane

Jared Maples, Drejtor i Zyrës për Sigurinë Kombëtare dhe Gatishmërinë në shtetin New Jersey duke dëshmuar në një nënkomision të Kongresit më 26 shtator 2019
Marrë nga Reuters

UASHINGTON – Zyrtarët amerikanë të sigurisë kanë paralajmëruar se ekstremistë të dhunshëm vendas përbëjnë kërcënim për zgjedhjet presidenciale të muajit tjetër, ndërsa një zyrtar paralajmëron madje për ekzistencën e përbashkët të tensioneve në rritje politike, trazirave civile dhe fushatave të huaja të dezinformimit.

Dokumenta të FBI-së dhe Departamentit të Sigurisë Kombëtare (DHS) thonë se kërcënimi nga ekstremistë vendas ndaj objektivave të lidhura me zgjedhjet pritet të rritet ndërsa afrohen zgjedhjet e 3 nëntorit.

Këto paralajmërime janë bërë deri më tani brenda institucioneve. Por, zyra e sigurisë kombëtare në Nju Xhersi ndërmori hapin e pazakontë për të theksuar publikisht këtë kërcënim në një raport në faqen e saj në internet javën e kaluar.

“Është një përzierje diabolike që nuk ka ndodhur në historinë amerikane. Nëse ka ndodhur, ka qenë dekada më parë, në mos shekuj”, tha Jared Maples, drejtor i Zyrës së Sigurisë Kombëtare dhe Gatishmërisë në New Jersey, e cila publikoi këtë vlerësim të nivel të rrezikut.

Protestat mbarëkombëtare të muajve të fundit për drejtësinë racore dhe ushtrimin e tepruar të dhunës nga policia, kanë qenë përgjithësisht paqësore, por disa prej tyre u pasuan nga përplasje të dhunshme, ndër të tjera edhe mes fraksioneve ekstremiste nga e majta dhe nga e djathta.

Shtetet e Bashkuara po përballen me pandeminë e koronavirusit, papunësinë e lartë dhe zgjedhje të debatueshme presidenciale në një klimë të polarizuar politike.

Presidenti Donald Trump refuzoi javën e kaluar të angazhohej për një transferim paqësor të pushtetit, nëse humbet zgjedhjet përballë rivalit demokrat Joe Biden. Presidenti Trump është përpjekur të hedhë dyshime mbi legjitimitetin e zgjedhjeve për shkak të shqetësimeve të tij për votimin nëpërmjet postës, të inkurajuar nga demokratët gjatë pandemisë së koronavirusit.

Shenjat "Unë votova me postë" presin mbi një tavolinë për t'u futur në zarfat që do t'u dërgohen votuesve

Shenjat “Unë votova me postë” presin mbi një tavolinë për t’u futur në zarfat që do t’u dërgohen votuesve

Rastet e dokumentuara të manipulimit të votave me postë janë jashtëzakonisht të rralla dhe ekspertët zgjedhorë thonë se do të ishte pothuajse e pamundur që aktorët e huaj të çrregullonin një proces zgjedhor duke dërguar me postë vota false.

Sipas një personi të njohur me përmbajtjen, një dokument i brendshëm i FBI-së paralajmëroi kohët e fundit se ekstremistët vendas të ideologjive të ndryshme kishte gjasa të përbënin rrezik në rritje për objektivat qeveritare dhe ato të lidhura me zgjedhjet, ndërsa afron data e zgjedhjeve. Dokumenti u raportua fillimisht nga Yahoo News.

Një zëdhënëse e FBI-së tha se agjencia “vazhdimisht ndan informacionin me agjencitë partnere të zbatimit të ligjit me qëllim që t’i ndihmojë të mbrojnë komunitetet të cilave u shërbejnë”, por nuk pranoi të komentojë për dokumentin në fjalë.

Një memorandum i Departamentit të Sigurisë Kombëtare (DHS) i datës 17 gusht thotë se ekstremistët e motivuar ideologjikisht dhe aktorë të tjerë “mund të mobilizoheshin me shpejtësi” për t’u angazhuar në akte dhune për zgjedhjet. Dokumenti, gjithashtu i raportuar fillimisht nga Yahoo News, u konfirmua nga agjensia e lajmeve Reuters nga një person që ishte në dijeni.

Dokumenti thotë se supremacistë të bardhë të vetmuar dhe grupe të tjera me “ideologji të personalizuara” përbëjnë rrezikun më të madh për dhunë vdekjeprurëse.

Një zëdhënës i Departamentit të Sigurisë Kombëtare solli në vëmendje deklaratat e bëra në shtatornga Sekretari në detyrë Chad Wolf, ku ai u shpreh se departamenti “ka ndërmarrë masa të pashembullta për të trajtuar të gjitha format e ekstremizmit të dhunshëm, duke përfshirë konkretisht kërcënimin nga sulmues të vetmuar dhe nga grupe të vogla”.

Sekretari në detyrë i Sigurisë Kombëtare Chad Wolf, në qendër, mbërrin për t'iu bashkuar Presidentit Donald Trump në bazën "Andrews" të Forcave Ajrore (18 gusht 2020)

Sekretari në detyrë i Sigurisë Kombëtare Chad Wolf, në qendër, mbërrin për t’iu bashkuar Presidentit Donald Trump në bazën “Andrews” të Forcave Ajrore (18 gusht 2020)

Në qendër të vëmendjes

Presidenti Trump dhe zyrtarët më të lartë nuk kanë theksuar deri më tani publikisht ndonjë rrezik për zgjedhjet nga grupe të dhunshme ekstremiste.

Zyrtarë të administratës Trump kanë vënë në dukje anarkistët e krahut të majtë dhe anti-fashistët gjatë protestave në verë kundër ushtrimit të tepruar të dhunës nga policia dhe kundër racizmit. Por, të dhënat e gjykatave federale ofrojnë pak evidencë se të arrestuarit për akte të dhunshme aderonin në grupe të së majtës së skajshme.

Javën e kaluar, dy zyrtarët më të lartë të Departamentit të Sigurisë Kombëtare pranuan megjithatë gjatë seancave dëgjimore të Kongresit, se supremacistët e bardhë përbënin rrezikun më vdjekjeprurës të brendshëm për Shtetet e Bashkuara gjatë viteve të fundit.

Drejtori i FBI-së, Christopher Wray, duke dëshmuar në një nënkomision të Dhomës së Përfaqësuesve (17 shtator 2020)

Drejtori i FBI-së, Christopher Wray, duke dëshmuar në një nënkomision të Dhomës së Përfaqësuesve (17 shtator 2020)

Drejtori i FBI-së Christopher Wray tha gjatë seancave dëgjimore të Kongresit në fillim të këtij muaji se agjencia e tij po kryente hetime ndaj ekstremistëve të dhunshëm të brendshëm, përfshirë supremacistët e bardhë dhe grupet antifashiste. Ai tha se pjesa më e madhe e hetimeve ishin për grupet supremaciste të bardha.

Supremacia e bardhë, antisemitizmi, rrymat kundër qeverisë dhe ideologjitë e lidhura me to, kishin të bënin me 77 përqind të 454 vrasjeve të dyshuara ekstremiste në vend gjatë dekadës së fundit, sipas të dhënave të përpiluara nga Lidhja Anti-Shpifje, një organizatë kundër urrejtjes me seli në qytetin Nju Jork, e prezantuar në një nga seancat dëgjimore të kongresit javën e kaluar.

Zëdhënësi i Këshillit të Sigurisë Kombëtare John Ullyot i tha agjensisë së lajmeve Reuters se përparësia më e lartë e Presidentit Trump është “mbrojtja e Shteteve të Bashkuara nga të gjitha kërcënimet, të huaja dhe të brendshme”, kur u pyet nëse presidenti e kishte përmendur publikisht këtë kërcënim zgjedhor.

Zoti Maples, drejtori i sigurisë kombëtare në Nju Xhersi, tha se agjencia e tij nuk publikoi një vlerësim të kërcënimit parazgjedhor në 2016, por se kjo ishte e nevojshme kësaj here.

“Ne duam që aleatët dhe njerëzit tanë në të gjithë shtetin të pranojnë se duhet të mendojmë për këtë”, tha ai.

Raporti i shtetit Nju Xhersi përshkruan tre skenarë të mundshëm për zgjedhjet e nëntorit: një rezultat i shpejtë i zgjedhjeve; një proces i zgjatur ku përcaktimi i një fituesi merr muaj; dhe një betejë ligjore që përfundimisht shkon në Gjykatën e Lartë.

Secili prej skenarëve mund të çojë në dhunë ekstremiste, me mundësinë e konfrontimeve vdekjeprurëse midis protestuesve dhe dhunës me objektiv oficerët e policisë, përfundon vlerësimi.

Raporti i agjencisë thotë se ekstremistët me siguri do të jenë “anarkistë, antiqeveritarë dhe të motivuar nga raca”, por nuk thotë se cilat grupe paraqesin kërcënimin më të madh.

Kërcënimi ekstremist i brendshëm ka qenë gjithmonë i pranishëm, por po merr më shumë vëmendje këtë vit, thotë Mike Sena, president i Shoqatës Kombëtare të Qendrës së Fuzionit, e cila përfaqëson qendrat koordinuese të drejtuara nga shteti me personel të sigurisë publike nga agjensi federale, shtetërore dhe lokale, të cilët monitorojnë kërcënimet dhe lehtësojnë shkëmbimin e informacionit.

“Ne gjithmonë kemi patur kërcënime gjatë cikleve zgjedhore kombëtare nga ekstremistët e dhunshëm, duke përfshirë organizatat terroriste”, tha ai. “Me ngjarjet aktuale, kjo është më shumë se kurrë në qendër të vëmendjes.”

Qendra për Studime Strategjike dhe Ndërkombëtare me seli në Uashington, një organizatë studimore dypartiake, tha në një raport të qershorit se rezultati i zgjedhjeve mund të nxisë dhunë nga e djathta ekstreme ose e majta ekstreme.

“Nëse Presidenti Trump humb zgjedhjet, disa ekstremistë mund të përdorin dhunë sepse ata besojnë – sado gabim – se kishte manipulim, ose se zgjedhja e kandidatit demokrat Joe Biden do të dëmtojë objektivat e tyre ekstremiste”, thotë raporti. “Në anën tjetër, disa në ekstremin e majtë mund të përdorin terrorizmin nëse Presidenti Trump zgjidhet përsëri”. zëri i amerikës

Presidenti Trump, rivali demokrat Joe Biden në debatin e parë presidencial

Marrë nga Associated Press

Presidenti Donald Trump dhe rivali i tij demokrat, ish-nënpresidenti Joe Biden u përballën në një debat të ndezur të martën, që u karakterizua nga sulme të ndërsjellta, shpesh me ndërprerje fjale e në disa raste me ofeza direkte. Dy pretendentët në zgjedhjet presidenciale amerikane u angazhuan në shkëmbime me tone luftarake në debatin e tyre të parë presidencial.

Debati u zhvillua në sallën “Sheila and Eric Samson” në mjediset e universitetit “Case Western” në qytetin Klivland të Ohajos, ndërkohë që mbeten pesë javë deri në zgjedhjet e 3 nëntorit.

Chris Wallace

Chris Wallace

Debati u drejtua nga gazetari i kanalit Fox News, Chris Wallace. Këtë radhë, siç ka ndodhur që nga viti 1988, debati po sponsorizohet nga Komisionki i Debateve Presidenciale.

Pak sekonda pas fillimit të debatit, Presidenti Trump ndërpreu rivalin Joe Biden, gjë që u përsërit shpesh gjatë natës, ndërsa nënpresidenti Biden reagonte shpesh me irritim nga ndërprerjet.

COVID-19

“Presidenti nuk ka plan,” tha zoti Biden, duke folur për reagimin e administratës ndaj pandemisë. “Ai e dinte se ishte sëmundje vdekjeprurëse dhe nuk ju informoi ju (popullin amerikan)”.

Presidenti Donald Trump tha se tubimet e tij për fushatë nuk kanë pasur ndikim negativ tek pjesëmarrësit që nuk ndjekin rekomandimet për distancim fizik.

Ai u shpreh se nuk është kundër maskës, duke nxjerrë një maskë nga xhepi dhe duke thënë “Unë vë maskë kur është e nevojshme”.

Por ai shtoi se në aktivitetet e tij vijnë “35 mijë deri në 40 mijë pjesëmarrës,” duke shtuar se rivali i tij Joe Biden zhvillon aktivitete të papërfillshme “ku i vijnë vetëm tre vetë”.

Zoti Biden ka zhvilluar aktivitete më të vogla fushate, ku njerëzit qëndrojnë në distancë fizike nga njeri-tjetri. Duke e cilësuar presidentin “plotësisht të papërgjegjshëm” në ragimin ndaj COVID-19, zoti Biden tha se presidenti “është budalla në këtë temë” dhe shtoi se zoti Trump mendonte për maskë vetëm kur ishte për interes të tij dhe jo të tjerëve.

Gjatë diskutimit lidhur me temën e vendit bosh në Gjykatën e Lartë, debati devijoi tek COVID-19 dhe presidenti tha, pa ofruar prova, se 2 milionë njerëz do të kishin vdekur nëse Joe Biden do të kishte qenë president gjatë pandemisë.

Drejtuesi i debatit, gazetari Chris Wallace iu lut disa herë Presidentit Trump të ndalte komentet për COVID, meqë ajo temë do të diskutohej më pas. Ai e pyeti presidentin nëse do të zëvendësonte planin për kujdes shëndetësor të miratuar gjatë administratës Obama.

Presidenti tha “Së pari, më duket se debatin po e zhvillojmë ne të dy, dhe jo unë e Joe Biden. S’ka problem. Nuk më vjen çudi”.

Zoti Biden shpesh qeshte nën buzë gjatë komenteve të presidentit, por në disa raste dukej qartë i irrituar.

“Fakti është se çdo gjë që thotë ai (presidenti) është thjeshtë gënjeshtër. Nuk kam ardhur këtu për t’u marrë me gënjeshtrat e tij. Të gjithë e dinë se është gënjeshtar”.

Gjatë një tjetër momenti kur presidenti po ndërhynte, zoti Biden pyeti “Ia ka njeri idenë se çfarë po bën ky palaço?”

Trazirat Sociale/ Grupet Ekstremiste

Gjatë diskutimit të trazirave të fundit sociale, i pyetur nga drejtuesi i debatit, Chris Wallace nëse do të dënonte supremacistët e bardhë dhe grupet e tjera ekstremiste, presidenti nuk dha një përgjigje të qartë:

“Do të thoja se thuajse të gjitha problemet që shoh janë shkaktuar nga e majta, jo nga e djathta,” u përgjigj presidenti. “Jam gati të bëj çdo gjë. Dua të shoh paqe”.

Pas ngulmimit të gazetarit Wallace, zoti Trump tha “Si doni ju që t’i quaj. Ma thuaj, më jep një term”.

Më në fund, presidenti tha “Përmbahuni, qëndroni gati “Proud Boys”. Në fakt, duhet të bëjmë diçka në përgjigje të Antifa-s sepse ky nuk është problem i së djathtës, por i së majtës”.

“Proud Boys” është një organizatë e ekstremit të djathtë, ndërsa Antifa është grupim që përfaqëson grupe e individë të kahut të majtë.

Pasuesit e Antifa-s kanë marrë pjesë në protesta me thirrjet kundër racizmit, por nuk ka prova të konsiderueshme që mbështesin pretendimet e republikanëve se anëtarët e Antifa-s kanë qenë pas akteve të dhunshme në protesta.

Vota Afrikano-Amerikane

Dy konkurrentët u përpoqën gjatë debatit të tërheqin votën e komunitetit afrikano-amerikan. Zoti Biden ngriti pyetjen me një ton ironik: “Ky burrë është shpëtimtari i afrikano-amerikanëve? Ai nuk ka bërë praktikisht asgjë”. Ish-nënpresidenti demokrat tha se 1 ndër 1000 afrikano-amerikanë kanë vdekur nga koronavirusi dhe nëse presidenti nuk vepron menjëherë, shifra do të rritet në 1 ndër 1500.

Presidenti e zhvendosi diskutimin nga COVID-19, tek ligji kundër krimit i miratuar në 1994, në të cilin zoti Biden ka qenë i përfshirë drejtpërdrejtë, i cili forconte ndëshkimet për persona që kapeshin me drogë.

Presidenti tha “Unë po i nxjerr njerëzit nga burgu,” duke shtuar se zoti Biden i kishte trajtuar afrikano-amerikanët “më keq se kushdo tjetër në këtë vend”.

Në​ Shenjestë​r Anë​tarë​t e Familjes

Presidenti Donald Trump dhe ish-nënpresidenti Joe Biden nuk kursyen as sulmet që shënjestronin persona të familjes.

Kur zoti Biden po thoshte se marrëveshjet tregtare të administratës Trump me Kinën nuk kishin dhënë rezultatet e dëshiruara, presidenti i preu fjalën duke përmendur pretendimet e ngritura më parë ndaj djalit të rivalit të tij, Hunter Biden dhe kontratave të tij me kompani të huaja.

Presidenti tha se Hunter Biden ka fituar miliona në mënyra të pandershme nga Kina dhe kompani të huaja, duke rigjallëruar akuza që janë diskredituar. “Nuk është e vërtetë,” tha zoti Biden, duke shtuar “Mund të vazhdojmë gjithë natës me gjërat që ka bërë familja e tij”.

Presidenti e ndërpreu duke u përgjgijur se fëmijët e tij kishin lënë punë me fitime të mëdha për të shërbyer në qeveri “që të ndihmojnë popullin” gjë që u pasua nga ndërhyrja e gazetarit që u përpoq të kontrollonte shkëmbimet pa kriter gjatë debatit.

Zoti Biden iu drejtua kamerave me një koment direkt për votuesit, gjë që e bëri disa herë gjatë debatit, duke u shprehur “Këtu nuk bëhet fjalë për familjen time apo të tij (të presidentit). Por për familjet tuaja”.

Taksat e Presidentit Trump

Presidenti Donald Trump nuk pranoi të thoshte nëse do të bënte publike dokumentet fiskale, siç pat premtuar.

Gjatë debatit, presidenti u pyet lidhur me një artikull kohët e fundit nga The New York Times se ai ka paguar vetëm 750 dollarë taksa për të ardhurat vitet e fundit. Megjithë premtimet, presidenti nuk dha një datë specifike për datën e publikimit.

Rivali demokrat e sulmoi presidentin, duke thënë se ka shfrytëzuar kodin fiskal për të paguar taksa më pak se një mësues shkolle. Presidenti tha se të gjithë binzesmenët e bëjnë një gjë të tillë, “veçse nëse janë budallenj”.

Kontrasti në​ Stilin e Debatit

Debati bëri të qartë edhe stilet shumë të ndryshme mes dy rivalëve: Presidenti Trump me një stil agresiv, duke e ndërprerë zotin Biden, gjë që u pasua shpesh me komente dhe kritika nga gazetari Chris Wallace për thyerjen e protokollit të debatit.

Zoti Biden ndoqi një stil më komunikues me shikuesin, duke iu drejtuar kameras disa herë me fjalët “ju që na ndiqni nga shtëpia” me komente për votuesit amerikanë.

Toni i debatit, me ndërprerje, me komente të bëra njëkohësisht nga të dy kandidatët, shpesh duke e bërë të pamundur të kuptohej argumenti i njërit apo tjetrit, bënë që të ngrihej supozimi që ishte e pamundur të bëhet një debat pasues. Por duket se të dyja kampet rivale janë të gatshme për një debat të dytë presidencial.

Debati i parë Trump-Biden

Ken Bredemeier

UASHINGTON – Presidenti republikan Donald Trump dhe rivali i tij demokrat, ish-nënpresidenti Joe Biden, do të debatojnë mbrëmjen e së martës pesë javë përpara zgjedhjeve të 3 nëntorit. Ky është i pari nga tre debatet e planifikuara për t’u zhvilluar gjatë muajit të ardhshëm.

Debati i rëndësishëm që mbahet në qytetin Cleveland, Ohio, vjen ndërsa zoti Biden ka ruajtur prej disa javësh një avantazh me rreth 7 pikë ndaj Presidentit Trump. Nëse humbet në zgjedhje, zoti Trump do të bëhej presidenti i tretë amerikan në katër dekadat e fundit që nuk rizgjidhet për një mandat të dytë në Shtëpinë e Bardhë.

Megjithatë, gara është mjaft e afërt në disa shtete kyçe për betejën elektorale, diçka që paraqet mundësinë që Presidenti Trump mund të humbasë sërish votën popullore – ashtu siç ndodhi përballë demokrates Hillary Clinton në vitin 2016 – duke fituar megjithatë shumicën e votave elektorale të shteteve të rëndësishme që nevojiten për të fituar zgjedhjet.

Mendohet se gati 100 milionë amerikanë do t’i ndjekin dy kandidatët në përballjen prej 90 minutash në një transmetim të drejtpërdrejtë televiziv, moderuar nga gazetari i kanalit Fox News, Chris Wallace, ndërsa në audiencë do të jenë vetëm rreth 100 persona. Deri në këtë moment, dy kandidatët nuk janë shfaqur asnjëherë së bashku.

Zoti Wallace tha se ai do të bëjë pyetje për gjashtë tema në segmente 15 minutëshe: përvoja e kandidatëve; pandemia e koronavirusit që ka shkaktuar vdekjen e një numri rekord botëror prej 205 mijë njerëzish në Shtetet e Bashkuara; emërimi nga Presidentit Trump i juristes konservatore Amy Coney Barrett në Gjykatën e Lartë; ekonomia amerikane që është goditur nga pandemia; integriteti i zgjedhjeve; dhe “raca dhe dhuna” në qytetet amerikane.

Një temë e momentit të fundit është gjithashtu e sigurtë se do të jetë një pikë qendrore – një artikull të dielën i gazetës “The New York Times” se miliarderi Trump pagoi vetëm 750 dollarë në taksa federale për të ardhurat në 2016, vitin kur ai kandidoi për presidencën dhe në 2017, viti i tij i parë në zyrë. Raporti detajonte se si Presidenti Trump, i cili shpesh është mburrur me aftësitë e tij të biznesit, ka raportuar qindra miliona dollarë humbje në biznes.

Presidenti Trump e quajti njoftimin “krejtësisht lajm të rremë”, por fushata e zoti Biden të dielën e theksoi atë për të përforcuar argumentin se Presidenti Trump ka humbur lidhjet me punëtorët amerikanë për të cilët ai pretendon se po lufton. Fushata e zotit Biden filloi të transmetonte një reklamë që tregon se një mësues i shkollës fillore, një zjarrfikës, një menaxher ndërtimi dhe një infermiere paguajnë të gjithë mijëra dollarë taksa në vit ndërsa Presidenti Trump pagoi 750 dollarë.

Debatet në fushatat e kaluara presidenciale herë pas here kanë rezultuar thelbësore për rezultatin, por mbetet për t’u diskutuar nëse është kështu ky vit. Anketimet tregojnë se më shumë se 90% e votuesve thonë se ata tashmë e kanë vendosur në mendjen e tyre dhe se nuk kanë ndërmend ta ndryshojnë zgjedhjen e tyre.

Votimi i hershëm ka filluar në shumë shtete, herë pas here me radhë të gjata njerëzish që presin të hedhin votat e tyre. Miliona të tjerë kanë kërkuar të marrin ose kanë dërguar tashmë fletëvotime me postë për të shmangur takimin ballë për ballë me votuesit e tjerë në Ditën e Zgjedhjeve mes pandemisë së koronavirusit.

Presidenti Trump ka pretenduar, pa prova, se rritja e konsiderueshme e votimit me postë këtë vit do të çojë në një zgjedhje të “manipuluara” kundër tij, dhe ai refuzoi të angazhohej për një tranzicion paqësor të pushtetit në inaugurimin presidencial të janarit nëse zoti Biden fiton.

Moderatori Chris Wallace i kanalit Fox News

Moderatori Chris Wallace i kanalit Fox News

Temat e zgjedhura nga zoti Wallace për debatin pasqyrojnë lajmet e ditës në Shtetet e Bashkuara, megjithëse kritikët thonë se përshkrimet i tij për racën dhe dhunën në Shtetet e Bashkuara pasqyrojnë pretendimin e Presidentit Trump se protestat mbi abuzimin policor të pakicave në muajt e fundit janë udhëhequr nga “banditë”, rebelë dhe anarkistë.

Demokratët që mbështesin zotin Biden thonë se në vend të kësaj, diskutimi duhet të jetë rreth racizmit sistematik në Shtetet e Bashkuara dhe debatin e brendshëm mbi marrëdhëniet racore të nxjerra në pah nga vdekja në maj e afrikano-amerikanit George Floyd, ndërsa mbahej nga policia në Minneapolis, të shtetit Minesota, dhe vdekjet e njerëzve të tjerë afrikano-amerikanë në duart e policisë.

Përpara përballjes së tyre, Presidenti Trump ka vënë në dyshim mprehtësinë mendore të zotit Biden dhe u përpoq të minimizojë aftësinë e tij si debatues, duke pretenduar pa prova se demokrati duhet të ishte droguar kur doli mirë se zakonisht në debate, pasi një numër i madh kandidatësh për president të demokratëve dolën nga gara, dhe ai po përballej vetëm me senatorin e Vermontit, Bernie Sanders, para se zoti Sanders të pranonte humbjen përballë zotit Biden.

“Do të kërkoj me forcë të testohet për drogë i Përgjumuri Joe Biden para ose pas debatit të martën në mbrëmje”, shkruajti Presidenti Trump në Twitter. “Natyrisht, unë do të pranoj ta bëj edhe vetë. Shfaqjet e tij të debatit kanë qenë në një nivel rekord ÇEKUILIBRI, për ta thënë butë. Vetëm drogat mund ta kishin shkaktuar këtë mospërputhje ??? ”

Fushata e zotit Biden u përgjigj se: “Nënpresidenti Biden synon t’i japë përgjigjet e tij në debat me fjalë. Nëse presidenti mendon se argumenti i tij më i mirë bëhet me urinë, atëherë le të vazhdojë”.

Presidenti Trump shkruajti në Twitter: “Joe Biden sapo njoftoi se nuk do të pranojë një Test Droge. Pyes veten përse?”

Çfarë duhet të kenë parasysh në debat kandidatët

Aaron Kall, trajneri për debat në Universitetin e Miçiganit dhe bashkëautor i librit “Të debatosh me Donaldin”, tha se edhe me ndoshta më pak votues të pavendosur sesa në vitet e kaluara të zgjedhjeve presidenciale, dy kandidatët duhet të shfaqin një kompetencë të caktuar për votuesit.

Zoti Biden, tashmë 77 vjeç, shërbeu për 36 vjet në Senatin amerikan dhe tetë si nënpresident me ish-Presidentin Barack Obama. Zoti Kall tha se zoti Biden “duhet të sigurojë votuesit e pavendosur se ai është fizikisht dhe mendërisht në nivelin e të qenit president, dhe një paraqitje e fortë përballë presidentit aktual për 90 minuta është një mënyrë e shkëlqyer për ta bërë këtë”.

“Biden duhet të nxjerrë në pah kontrastin e përvojës, axhendës dhe vizionit të tij për të ardhmen me Presidentin Trump,” tha zoti Kall.

Ndërkohë, zoti Kall tha se Presidenti Trump, në moshën 74 vjeç, “duhet të argumentojë përse ai duhet të rizgjidhet dhe pse meriton katër vite të tjera në detyrë. Ekonomia përgjithësisht shihet si forca e tij më e madhe në sondazhet e opinioneve dhe ai duhet të ketë një plan të detajuar për të ulur papunësinë dhe për të rritur rritjen ekonomike”.

Me ciklin më të fundit të shpenzimeve për krizën e koronavirusit në Kongres të bllokuar, Presidenti Trump duhet të bëjë të njohur vizionin e tij konkret, thotë zoti Kall. Për më tepër, megjithëse kujdesi shëndetësor nuk është një nga gjashtë temat për debatin e parë, Presidenti Trump “duhet të jetë në gjendje të artikulojë zëvendësimin e tij të dëshiruar për Aktin e Kujdesit të Përballueshëm, pasi kjo ka të ngjarë të dalë gjatë seksionit të Gjykatës Supreme” të debatit, tha zoti Kall.

Trajnuesi për debatet tha se Presidenti Trump “shpreson që Biden të bëjë një gabim të madh skualifikues, por mbështetja te kundërshtari juaj për të bërë një gabim nuk është një strategji e shëndoshë e debatit”.

Trump shpesh ekzagjeron pretendimet në lidhje me lajmet e ditës, por zoti Kall tha se zoti Biden “duhet t’i përzgjedhë betejat e tij në lidhje me të pavërtetat e Presidentit Trump, pasi ato nuk janë krijuar të gjitha të barabarta, dhe ka të ngjarë të ketë shumë prej tyre”.

“Është e pamundur t’i lësh disa gjëra të kalojnë”, tha zoti Kall, “por Biden nuk mund ta kalojë shumicën e kohës së tij të çmuar të të folurit në mbrojtje dhe duke korrigjuar Presidentin Trump. Biden ka deklaruar publikisht se ai synon të kontrollojë faktet e Presidentit Trump në kohë reale, por ky do të ishte një gabim”.

Ai e këshillon Presidentin Trump që të mos vërë në dyshim aftësinë mendore të zotit Biden për presidencën.

“Këto akuza nga Presidenti Trump para debatit tashmë kanë ulur pritshmëritë për Biden-in dhe e kanë bërë akoma më të vështirë debatin për atë që është në pushtet”, tha zoti Kall.

“Presidenti Trump në përgjithësi ka qenë i suksesshëm në shndërrimin e kundërshtarëve të tij politikë në karikatura, por është shumë më e vështirë ta bësh këtë kur dikush tjetër po ndan skenën me ju”, tha zoti Kall. “Presidenti Trump do të ishte më mirë të sulmonte historikun Obama-Biden, duke përmendur dallimet me katër vitet e tij të fundit në detyrë”. zëri i amerikës


Send this to a friend