VOAL

VOAL

Copyright © 2022

VOAL

SHBA

Erdogani dhe Trumpi riafirmojnë luftën e përbashkët kundër terrorizmit

“Është legjendar guximi i turqve në luftë”, tha Trump, duke theksuar më tej se edhe sot ekziston rrezik i ri nga terrorizmi, ndaj të cilit do të vazhdojnë të luftojnë së bashku

WASHINGTON – Presidenti i Republikës së Turqisë, Recep Tayyip Erdogan dhe presidenti i SHBA-ve, Donald Trump, pas takimit të zhvilluar në Shtëpinë e Bardhë në një konferencë të përbashkët për media shprehën nevojën për luftën e përbashkët kundër organizatave terroriste, në veçanti kundër DEASH-it.

Presidenti Erdoğan dhe homologu i tij amerikan, Donald Trump, pas takimit kokë më kokë në Zyrën Ovale në Shtëpinë e Bardhë kanë mbajtur një deklaratë të përbashkët për shtyp. Erdoğan i ka përcjellë falënderimet presidentit Trump dhe ekipit të tij për interesin e treguar ndaj tij dhe delegacionit.

Duke i shprehur Trumpit urimet për fitoren e arritur në zgjedhje, Erdoğan, ka theksuar se në takimin me presidentin Trump kanë diskutuar për situatën aktuale të marrëdhënieve Turqi-SHBA, që bazohet rrënjësisht në të kaluarën dhe e cila ka një qasje në nivel partneriteti strategjik.

Pasi ka vënë në dukje se lidhjet mes Turqisë dhe SHBA-ve janë zhvilluar në bazë të vlerat demokratike dhe interesave të përbashkëta, Erdoğan është shprehur “Mbajtja e marrëdhënieve tona mes nesh të forta krahas interesave tona të përbashkëta është e rëndësishme për paqen dhe stabilitetin global. Në këtë periudhë të trazuar që po kalohet në rajonin tonë ka fituar rëndësi shumë më të madhe se çdo herë bashkëpunimi i afërt që do të tregojnë kryesisht dy vendet”.

“Jemi të vendosur për të rritur edhe më tej dialogun dhe solidarizimin tonë” 

Erdoğan, ka theksuar se Turqia me SHBA-në janë në bashkëpunim të afërt brenda institucioneve kyçe si OKB, NATO dhe G20 dhe ka shtuar më tej se, “Në proceset në vijim kryesisht në këto platforma dhe në çdo fushë jemi të vendosur të rritim edhe më tej dialogun dhe solidarizimin tonë. Në të vërtetë, unë besoj se kjo vizitë do të përbëjë një pikë kthese në historinë tonë në këtë drejtim”.

“Në të ardhmen e rajonit tonë nuk ka vend për organizatat terroriste” 

Ndër të tjera duke bërë të ditur se janë në të njëjtin mendim për rritjen e bashkëpunimit mes dy vendeve në fushat si ekonomia, tregtia, investime, energji dhe në industrinë e mbrojtjes, Erdoğan, ka vazhduar më tej:

“Paraqet një rëndësi të madhe vendosja e një solidariteti të përbashkët kundër të gjitha organizatave terroriste në rajonin tonë, kryesisht DEASH-it. Jemi të vendosur të luftojmë pa dallim kundër organizatave terroriste që kërcënojnë të ardhmen tonë të përbashkët. Në të ardhmen e rajonit tonë nuk ka vend për organizatat terroriste. Posaçërisht është e papërshtatshme sipas mirëkuptimit global që cilido shtet të marrë në konsideratë organizatën terroriste YPG/PYD. Në të njëjtën mënyrë nuk duhet të lejojmë ata të cilët dëshirojnë të ndryshojnë strukturën etnike dhe besimit në rajon nën pretekstin e aktiviteteve të organizatave terroriste. Herët apo vonë do të humbasin ata që dëshirojnë të kthejnë në mundësi kaosin në Siri, Irak, Jemen dhe Libi. Solidarizimi dhe bashkëpunimi i afërt i dy aleatëve është i mjaftueshëm për të mundur rrjetin vrastar me duar të përgjakura. Ashtu sikundër e kam theksuar edhe më parë do t’i shprehem qartë të nderuarit president në lidhje me pritshmëritë tona në lidhje me çështjen e organizatës terroriste FETO e cila është autori i tentativës për grusht shteti më 15 korrik”.

“E gjejmë me vend qëndrimin pas sulmit të fundit kimik”

Pasi ka theksuar se në takim kanë vlerësuar hapat e përbashkët që mund të hidhen në Siri dhe Irak, presidenti Erdoğan, tha se: “Fitorja e zgjedhjeve nga Trump ka sjellë lindjen e pritshmërive të reja, çeljen e filizave të shpresës në rajonin ku ndodhet Turqia. Ne besojmë se qeveria e re e SHBA-ve nuk do të nxjerrë boshe këto shpresa. E gjejmë goxha me vend qëndrimin pas sulmit të fundit kimik nga regjimi i Asadit në Siri. Shpresojmë se do të vijë vazhdimësia e hapave që do të rikuperojnë gabimet e përjetuara në të kaluarën në çështjen e luftës parimore dhe të vendosur kundër organizatave terroriste”.

Duke theksuar se bashkëpunimi Turqi-SHBA është shumë i rëndësishëm në vendosjen e stabilitetit dhe sigurisë rajonale, Erdoğan, është shprehur se, “Kam besimin se me të nderuarin Trump jemi në një vendosmëri për intensifikimin e takimeve tona dhe për vazhdimësinë në mënyrë të vendosur të bashkëpunimit tonë. Uroj që themelet e hedhura sot për periudhën e re të shërbejnë për të mirën e vendeve tona”.

“Në periudhën më të afërt dëshiroj të shpreh kënaqësinë të pres personalisht presidentin dhe familjen e tij në vendin tim”, tha Erdoğan, duke shprehur falënderimet për ftesën dhe mikpritjen.

Trump: Mbështesim Turqinë në luftën kundër grupeve terroriste

Presidenti i SHBA-ve, Donald Trump, në konferencën e përbashkët për media në Shtëpinë e Bardhë pas takimit me presidentin e Republikës së Turqisë, Recep Tayyip Erdoğan, ka thënë se mbështesin Turqinë në luftën kundër grupeve terroriste dhe se pret me padurim të bashkëpunojë me homologun turk Erdoğan në arritjen e paqes në Lindjen e Mesme dhe për të luftuar kundër rreziqeve.

Trump ka theksuar se mes SHBA-ve dhe Turqisë ekzistojnë marrëdhënie të thella që datojnë nga e kaluara e largët, si dhe ka shtuar se nuk e harrojnë faktin që ushtarët turq kanë luftuar së bashku me ato amerikanë gjatë Luftës së Koresë dhe se Turqia ka qëndruar kundër ekspansionizmit komunist dhe sovjetik.

“Është legjendar guximi i turqve në luftë”, tha Trump, duke theksuar më tej se edhe sot ekziston rrezik i ri nga terrorizmi, ndaj të cilit do të vazhdojnë të luftojnë së bashku.

“Populli turk në vitet dhe kohët e fundit është përballur me sulme të tmerrshme terroriste. Ne shprehim ngushëllimet tona për viktimat e këtyre sulmeve dhe i ofrojmë mbështetjen tonë popullit turk. Japim mbështetje për Turqinë në luftën kundër grupeve terroriste si PKK dhe DEASH dhe i ofrojmë siguri që të mos u lihet hapësirë e sigurtë grupeve terroriste”, ka deklaruar më tej Trump.

Trump theksoi se pret me padurim të bashkëpunojë me homologun turk në arritjen e paqes në Lindjen e Mesme dhe për të luftuar kundër rreziqeve të përbashkëta.

“Pres me padurim të bashkëpunoj me presidentin Erdoğan në arritjen e paqes dhe sigurisë në Lindjen e Mesme, në luftën kundër rreziqeve të përbashkëta dhe për një të ardhme dinjitoze për tërë njerëzimin”, ka thënë presidenti amerikan Trump.

Ndërkaq, lidhur me bashkëpunimin ekonomik me Turqinë, Trump potencoi se dëshirojnë t’i forcojnë lidhjet ekonomike dhe tregtare mes dy shteteve. Ai shprehu bindjen se marrëdhëniet mes dy vendeve mund të rindërtohen mbi themele ekonomike në një mënyrë që do të ishte në interesin e dy vendeve.

Trump ka shprehur vlerësime për përpjekjet e Turqisë në ndalimin e masakrave tmerruese në Siri, duke shprehur mbështetje për, siç tha, “çdo hap që zvogëlon dhunën në Siri dhe mundëson zgjidhje paqësore”.

Simpatizantët e PYD/PKK-së u lejuan të protestojnë para Shtëpisë së Bardhë

Teksa zhvillohej takimi Erdoğan-Trump, një grup simpatizantësh të PYD/PKK-së protestuan kundër takimit para Shtëpisë së Bardhë duke hedhur slogane në favor të oganizatës terroriste. Ndërkaq, vëmendje tërhoqi sjellja e ashpër e policisë ndaj disa qytetarëve turq që reaguan ndaj grupit të protestuesve.

Simpatizantët e organizatës terroriste mbanin në duar posterë të kreut të organizatës terroriste Abdullah Öcalan.

Nga ana tjetër, një grup qytetarësh turq që po ashtu u mblodhën para Shtëpisë së Bardhë në shenjë mbështetjeje ndaj presidentit Erdoğan reaguan ndaj simpatizantëve të terrorit. Gjatë ndërhyrjes, policia tërhoqi vëmendjen me sjelljen e ashpër ndaj qytetarëve turq dhe përfaqësuesve të mediumeve.

Policia ka trajtuar me ashpërsi kameramanin e AA-së dhe ka kërkuar që qytetarët turq ta braktisin parkun Lafayyete para Shtëpisë së Bardhë, teksa lejoi që simpatizantët e organizatës terroriste të vazhdonin të protestonin në park.

Protesta që u zhvillua nën masa të rrepta policore vazhdoi gjatë kohës së mbajtjes së takimit.aa

Shtëpia e Bardhë mohon njoftimet se Presidenti i kërkoi zotit Comey të mbyllte hetimet rreth çështjes Flynn

Sipas lajmeve të publikuara në shtypin amerikan, Presidenti Donald Trump i kërkoi në muajin shkurt ish-drejtorit të FBI-së James Comey të mbyllte një hetim mbi lidhjet e këshilltarit të shkarkuar të sigurisë kombëtare Michael Flynn me Rusinë, por Shtëpia e Bardhë tha se njoftimet nuk ishin të vërteta.

Sipas njoftimeve, Presidenti Trump ia bëri kërkesën zotit Comey gjatë një takimi vetëm për vetëm në Zyrën Ovale. Sipas një shënimi që zoti Comey mbajti pas takimit, siç raportojnë mediat, presidenti i tha: “Shpresoj se ju mund ta lini këtë çështje të kalojë”, duke iu referuar hetimeve rreth zotit Flynn.

Hollësitë e shënimeve të zotit Comey u njoftuan për herë të parë nga gazeta New York Times dhe më pas u konfirmuan nga Washington Post dhe media të tjera.

Në një deklaratë të bërë më pas nga Shtëpia e Bardhë thuhej se njoftimet nuk ishin “një portretizim i vërtetë ose i saktë i bisedës midis presidentit dhe zotit Comey”. Në të thuhej se presidenti vërtet kishte shprehur në mënyrë të përsëritur pikëpamjen e tij se zoti Flynn është “njeri i mirë”, ai në asnjë rast nuk i kërkoi zotit Comey apo ndonjë tjetri të mbyllte ndonjë hetim që kishte lidhje me këshilltarin e sigurimit kombëtar.

Presidenti Trump e shkarkoi zotin Flynn në muajin shkurt, pasi këshilltari i sigurisë kombëtare nuk u tregoi të vërtetën zyrtarëve të lartë të Shtëpisë së Bardhë rreth kontakteve të tij me Rusinë.

Dorëheqja e zotit Flynn erdhi pak orë pas njoftimeve se Departamenti i Drejtësisë e kishte paralajmëruar qysh më parë Shtëpinë e Bardhë se këshilltari i sigurimit kombëtar mund të bëhej objekt shantazhesh për shkak të kontakteve të tij me ambasadorin rus Sergej Kislyak përpara se zoti Trump të merrte detyrën më 20 janar.

Një zëdhënëse e FBI-së nuk pranoi të komentojë mbi hollësitë e shënimeve të zotit Comey.

Trumpi u përgjigjet kritikëve: Synimi ishte të ndaheshin “fakte rreth terrorizmit”

Pas njoftimeve se Presidenti Donald Trump kishte nxjerrë informacione tepër sekrete në bisedimet me zyrtarët rusë gjatë një takimi në Zyrën Ovale, ai komentoi sot në Twitter se synimi i tij ishte të ndante “fakte që kishin të bënin me terrorizmin dhe sigurinë e fluturimeve ajrore” si dhe të nxiste Rusinë që të ndërmarrë më shumë veprime kundër grupit Shteti Islamik.

Komentet ishin me sa duket një përpjekje për t’iu përgjigjur njoftimeve që u publikuan dje vonë, së pari nga gazeta Washington Post dhe më pas nga media të tjera. Zoti Trump tha gjithashtu se si president ai ka “të drejtën absolute” për të ndarë informacione të tilla.

Këshilltari i Sigurimit Kombëtar amerikan, H.R. McMaster dhe anëtarë të tjerë të administratës Trump mohuan njoftimet e mediave se presidenti zbuloi informacione tepër sekrete kur ishte duke biseduar me zyrtarët rusë në Zyrën Ovale.

Njoftimi “është i rremë”, u tha zoti McMaster gazetarëve në Shtëpinë e Bardhë të hënën mbrëma. “Asnjëherë nuk u diskutua për burime apo metoda zbulimi dhe presidenti nuk foli për ndonjë operacion ushtarak që nuk ishte i njohur publikisht,” shtoi ai.

“Unë isha vetë atje dhe asgjë e tillë nuk ndodhi”, përfundoi gjeneral McMaster, para se të hynte përsëri në krahun perëndimor të Shtëpisë së Bardhë pa iu përgjigjur pyetjeve të gazetarëve.

H.R. McMaster flet për gazetarët

H.R. McMaster flet për gazetarët

Tillerson mbështet gjeneralin McMasters

Sekretari i Shtetit Rex Tillerson, i cili tha se ishte gjithashtu i pranishëm në takimin e 10 majit me ministrin e jashtëm dhe ambasadorin rus, mbështeti përshkrimin që zoti McMaster u bëri bisedimeve. Ai tha në një deklaratë se “u diskutua një gamë e gjerë temash, ndër të cilat ishin përpjekjet e përbashkëta dhe kërcënimet përsa i përket luftës kundër terrorizmit”.

Disa media amerikane njoftuan se presidenti, në takimin e Zyrës Ovale, zbuloi informacione që shihen si tepër sekrete.

Sipas njoftimeve të gazetave Washington Post, New York Times dhe mediave të tjera, informacioni i nxjerrë nga zoti Trump mund të vinte në rrezik një burim zbulimi me rëndësi të madhe lidhur me grupin Shteti Islamik si dhe mënyrën me të cilën ishte siguruar ai informacion.

Në SHBA, presidenti ka kompetencën të deklasifikojë pothuajse çdo informacion, prandaj ajo që bëri zoti Trump nuk duket të jetë diçka e paligjshme. Por zyrtarët e zbulimit, të cituar nga gazetat, shprehën shqetësimin se informacioni, i siguruar nga një qeveri partnere me SHBA, mund të dëmtojë disa marrëdhënie të rëndësishme.

Agjencia Qendrore e Zbulimit dhe Agjencia e Sigurisë Kombëtare, të kontaktuara nga Zëri i Amerikës, nuk pranuan të bëjnë komente.

Alarm nga selia e Kongresit

Sipas gazetës Washington Post, në takimin me Ministrin e Jashtëm rus Sergej Lavrov dhe Ambasadorin Sergej Kislyak, Presidenti Trump me sa duket po lëvdohej rreth informacioneve të brendshme që kishte për një kërcënim të afërt me të cilin përballet aviacioni.

Informacioni, i cili shihej si tepër sensitiv, nuk ishte ndarë madje as brenda qeverisë amerikane dhe as me aleatët e SHBA, sipas gazetës New York Times.

Njoftimet u bënë menjëherë shkak për alarm mes ligjvënësve të të dyja partive në selinë e Kongresit.

“Jam i tronditur nga njoftimet se Presidenti Trump u zbuloi informacione të klasifikuara diplomatëve rusë javën e shkuar. Kjo sigurisht ngre pyetje nëse Presidenti i njeh implikimet serioze që ka nxjerrja e një informacioni të tillë të ndjeshëm përpara një kundërshtari”, tha ligjvënësi Eliot Engel, numri dy i komisionit të Dhomës së Përfaqësuesve për Punët e Jashtme. “Do të takohem këtë javë me Këshilltarin e Sigurisë Kombëtare McMaster në një sesion të klasifikuar dhe do të kërkoj përgjigje për atë që u zbulua dhe si mund ta ketë dëmtuar kjo sigurinë kombëtare amerikane,” tha ligjvënësi.

Senator Mark Warner

Senator Mark Warner

“E pafalshme”

Nënkryetari i Komisionit të Senatit për Zbulimin, demokrati Mark Warner, tha në Twitter se “vënia në rrezik e burimeve dhe metodave është e pafalshme, veçanërisht me rusët”.

Komentet e zotit Trump, nëse janë të vërteta, janë një “shuplakë në fytyrë” për komunitetin amerikan të zbulimit, shtoi senatori Warner.

“Shtëpia e Bardhë duhet të bëjë diçka shpejt për ta vënë veten nën kontroll dhe rregull”, u tha gazetarëve kryetari i Komisionit të Senatit për Marrëdhëniet me Jashtë, republikani Bob Corker. “Është e kuptueshme se ata janë tani në një spirale që shkon në rënie, prandaj duhet të gjejnë mënyrat për të riparuar atë që po ndodh,” tha senatori.

Njoftimet e medias vijnë në një kohë që Shtëpia e Bardhë mbetet e përfshirë në polemika për shkak të shkarkimit javën e kaluar nga presidenti të drejtorit të FBI-së, James Comey. Shkarkimi ndodhi një ditë para takimit me rusët në Zyrën Ovale.

FBI heton rreth lidhjeve me Rusinë

Byroja Federale e Hetimeve po heton rreth lidhjeve të dyshuara midis ekipit të fushatës presidenciale të zotit Trump dhe Rusisë.

Në një deklaratë të përbashkët, demokratët kryesorë në Komisionin e Dhomës për Mbikëqyrjen dhe Reformën Qeveritare si dhe në Komisionin Juridik të Dhomës, Elijah Cumming dhe John Conyers, kërkuan publikimin e çdo regjistrimi audio të takimit të zotit Trump me rusët javën e kaluar.

“Pas një jave të pashembullt, në të cilën shumë njerëz mendonin se ishte e pamundur që Presidenti Trump të tregohej më i papërgjegjshëm se aq, tani ai mund të ketë rënë në një nivel edhe më të rrezikshëm,” thuhej në deklaratë.​

Clinton formon një organizatë politike anti-Trump

Ish-kandidatja për presidente të SHBA-së, Hillary Clinton, nisi një organizatë të re politike, me synimin për të nxitur shtetasit amerikanë të përfshihen në politikë dhe të mbështesin grupet që kundërshtojnë administratën Trump.

Me organizatën “Së bashku përpara”, Clinton kthehet në arenën politike, pas humbjes nga republikani Donald Trump në zgjedhjet e nëntorit.

“Muajt e fundit, kam reflektuar, kam kaluar kohë me familjen dhe, po, kam ecur nëpër pyje”, tha Clinton, 69 vjeçe.

“Më shumë se kurrë, besoj se angazhimi i qytetarëve është jetik për demokracinë tonë. Jam e frymëzuar nga të gjithë ata që ngrihen për të organizuar dhe udhëhequr”, tha Clinton në një seri të postimeve në Twitter.

“Këtë vit nuk ka ndodhur ajo që kam parashikuar, por e di se për çfarë vazhdoj të luftoj: Një Amerikë më të mirë, me zemër më të madhe, më gjithëpërfshirëse. Përpara”, shkroi Clinton.

Ajo përmendi pesë grupe me prirje majtiste që do t’i mbështesë lëvizja e re.

Zëdhënësi i Komitetit Kombëtar Republikan, Michael Ahrens, e kritikoi lëvizjen e Clintonit.

“Nëse demokratët do të ishin të zgjuar, do ta kuptonin se është kohë për të lëvizur përpara pa Hillary Clintonin”, tha ai.

Shtëpia e Bardhë mohon se Presidenti Trump u tregoi rusëve informacion tepër sekret

President Donald Trump takohet me ministrin e Jashtëm rus Sergei Lavrov, majtas, dhe me ambasadorin rus në SHBA

Këshilltari i Sigurimit Kombëtar amerikan, H.R. McMaster dhe anëtarë të tjerë të administratës Trump mohuan njoftimet e mediave se presidenti zbuloi informacione tepër sekrete kur ishte duke biseduar me zyrtarët rusë në Zyrën Ovale.

Njoftimi i raportuar fillimisht nga gazeta Washington Post, “është i rremë”, u tha zoti McMaster gazetarëve në Shtëpinë e Bardhë të hënën mbrëma. “Asnjëherë nuk u diskutua për burime apo metoda zbulimi dhe presidenti nuk foli për ndonjë operacion ushtarak që nuk ishte i njohur publikisht,” shtoi ai.

“Unë isha vetë atje dhe asgjë e tillë nuk ndodhi”, përfundoi gjeneral McMaster, para se të hynte përsëri në krahun perëndimor të Shtëpisë së Bardhë pa iu përgjigjur pyetjeve të gazetarëve.

H.R. McMaster flet për gazetarët

H.R. McMaster flet për gazetarët

Tillerson mbështet gjeneralin McMasters

Sekretari i Shtetit Rex Tillerson, i cili tha se ishte gjithashtu i pranishëm në takimin e 10 majit me ministrin e jashtëm dhe ambasadorin rus, mbështeti përshkrimin që zoti McMaster u bëri bisedimeve. Ai tha në një deklaratë se “u diskutua një gamë e gjerë temash, ndër të cilat ishin përpjekjet e përbashkëta dhe kërcënimet përsa i përket luftës kundër terrorizmit”.

Disa media amerikane njoftuan se presidenti, në takimin e Zyrës Ovale, zbuloi informacione që shihen si tepër sekrete.

Sipas njoftimeve të gazetave Washington Post, New York Times dhe mediave të tjera, informacioni i nxjerrë nga zoti Trump mund të vinte në rrezik një burim zbulimi me rëndësi të madhe lidhur me grupin Shteti Islamik si dhe mënyrën me të cilën ishte siguruar ai informacion.

Në SHBA, presidenti ka kompetencën të deklasifikojë pothuajse çdo informacion, prandaj ajo që bëri zoti Trump nuk duket të jetë diçka e paligjshme. Por zyrtarët e zbulimit, të cituar nga gazetat, shprehën shqetësimin se informacioni, i siguruar nga një qeveri partnere me SHBA, mund të dëmtojë disa marrëdhënie të rëndësishme.

Agjencia Qendrore e Zbulimit dhe Agjencia e Sigurisë Kombëtare, të kontaktuara nga Zëri i Amerikës, nuk pranuan të bëjnë komente.

Alarm nga selia e Kongresit

Sipas gazetës Washington Post, në takimin me Ministrin e Jashtëm rus Sergej Lavrov dhe Ambasadorin Sergej Kislyak, Presidenti Trump me sa duket po lëvdohej rreth informacioneve të brendshme që kishte për një kërcënim të afërt me të cilin përballet aviacioni.

Informacioni, i cili shihej si tepër sensitiv, nuk ishte ndarë madje as brenda qeverisë amerikane dhe as me aleatët e SHBA, sipas gazetës New York Times.

Njoftimet u bënë menjëherë shkak për alarm mes ligjvënësve të të dyja partive në selinë e Kongresit.

“Jam i tronditur nga njoftimet se Presidenti Trump u zbuloi informacione të klasifikuara diplomatëve rusë javën e shkuar. Kjo sigurisht ngre pyetje nëse Presidenti i njeh implikimet serioze që ka nxjerrja e një informacioni të tillë të ndjeshëm përpara një kundërshtari”, tha ligjvënësi Eliot Engel, numri dy i komisionit të Dhomës së Përfaqësuesve për Punët e Jashtme. “Do të takohem këtë javë me Këshilltarin e Sigurisë Kombëtare McMaster në një sesion të klasifikuar dhe do të kërkoj përgjigje për atë që u zbulua dhe si mund ta ketë dëmtuar kjo sigurinë kombëtare amerikane,” tha ligjvënësi.

Senator Mark Warner

Senator Mark Warner

“E pafalshme”

Nënkryetari i Komisionit të Senatit për Zbulimin, demokrati Mark Warner, tha në Twitter se “vënia në rrezik e burimeve dhe metodave është e pafalshme, veçanërisht me rusët”.

Komentet e zotit Trump, nëse janë të vërteta, janë një “shuplakë në fytyrë” për komunitetin amerikan të zbulimit, shtoi senatori Warner.

“Shtëpia e Bardhë duhet të bëjë diçka shpejt për ta vënë veten nën kontroll dhe rregull”, u tha gazetarëve kryetari i Komisionit të Senatit për Marrëdhëniet me Jashtë, republikani Bob Corker. “Është e kuptueshme se ata janë tani në një spirale që shkon në rënie, prandaj duhet të gjejnë mënyrat për të riparuar atë që po ndodh,” tha senatori.

Njoftimet e medias vijnë në një kohë që Shtëpia e Bardhë mbetet e përfshirë në polemika për shkak të shkarkimit javën e kaluar nga presidenti të drejtorit të FBI-së, James Comey. Shkarkimi ndodhi një ditë para takimit me rusët në Zyrën Ovale.

FBI heton rreth lidhjeve me Rusinë

Byroja Federale e Hetimeve po heton rreth lidhjeve të dyshuara midis ekipit të fushatës presidenciale të zotit Trump dhe Rusisë.

Në një deklaratë të përbashkët, demokratët kryesorë në Komisionin e Dhomës për Mbikëqyrjen dhe Reformën Qeveritare si dhe në Komisionin Juridik të Dhomës, Elijah Cumming dhe John Conyers, kërkuan publikimin e çdo regjistrimi audio të takimit të zotit Trump me rusët javën e kaluar.

“Pas një jave të pashembullt, në të cilën shumë njerëz mendonin se ishte e pamundur që Presidenti Trump të tregohej më i papërgjegjshëm se aq, tani ai mund të ketë rënë në një nivel edhe më të rrezikshëm,” thuhej në deklaratë.​

Trumpi do të mbrohet nga 10 mijë policë në Izrael

“Më 22 maj, kur presidenti Trump pritet ta vizitojë Izraelin, në detyrë për ta mbrojtur atë do të jenë 10 mijë policë.”

JERUSALEM – Gjatë vizitës së tij në Izrael e cila do të zhvillohet javën e ardhshme, presidentit i SHBA-ve, Donald Trump, do të mbrohet nga 10 mijë policë.

Zëdhënësi i policisë izraelite, Micky Rosenfeld, në një deklaratë për gazetarin e AA-së tha se më 22 maj, kur presidenti Trump pritet ta vizitojë Izraelin, në detyrë për ta mbrojtur atë do të jenë 10 mijë policë. Ai bëri të ditur se për ta garantuar sigurinë e presidentit Trump po i zhvillojnë përgatitjet në koordinim me policinë amerikane.

Sipas lajmit të “Jerusalem Post”, në Izrael, Trump nga aeroporti me helikopter do të kalojë drejt për në Jerusalem dhe në kuadër të vendeve të cilat do t’i vizitojë do të jetë edhe rajoni Qyteti i Vjetër, që është i rrethuar me mure dhe ndodhet në Jerusalemin Lindor, i cili po ashtu ndodhet nën pushtim. aa

Shtëpia e Bardhë: “Trump nuk imagjinon se Rusia është e kënaqur nga testi i ri i Koresë së Veriut”

Në kumtesë thuhet se “provokimi i fundit do të duhet të jetë një thirrje për të gjitha kombet që të zbatojnë sanksione më të ashpra ndaj Koresë së Veriut”

WASHNIGTON – Presidenti i Shteteve të Bashkuara të Amerikës, Donald Trump, nuk imagjinon se Moska është e kënaqur nga testimi i fundit i raketës nga ana e Koresë së Veriut, e cila ka rënë më afër territorit rus se sa atij japonez.

“(Trump) nuk mund të imagjinojë dot se Rusia është e kënaqur me atë që projektili ka rënë afër territorit rus, aq më shumë se ka rënë më afër Rusisë se sa Japonisë”, thuhet në njoftimin e Shtëpisë së Bardhë.

Në kumtesë thuhet se “provokimi i fundit do të duhet të jetë një thirrje për të gjitha kombet që të zbatojnë sanksione më të ashpra ndaj Koresë së Veriut”.

Më herët, Komanda e Forcave Amerikane në Paqësor (USPACOM) bëri të ditur se kanë regjistruar se Koreja e Veriut ka kryer një testim rakete.

USPACOM tha se testimi i raketës nga ana e Koresë së Veriut është bërë në orën 10:30 sipas kohës lokale në Havaje.”Raketa është lançuar në afërsi të Kusunga dhe ra në detin e Japonisë”, thuhet në deklaratë në të cilën shtohet se fluturimi nuk ishte në përputhje me fluturimet e raketave ndërkontinentale balistike. aa

Presidenti Trump para diplomantëve të Universitetit “Liberty”

Presidenti Donald Trump u tha studentëve të një universiteti të krishterë të ndjehen krenarë që nuk bëjnë pjesë në rrymën qendrore të opinionit publik. Me komente që dukej se i referoheshin elitës politike në Uashington, presidenti tha në fjalimin që mbajti para diplomantëve të Universitetit “Liberty” – universiteti më i madh i krishterë në vend, ta përqafojnë me zell statusin e tyre si zëdhënës të pikëpamjeve larg qendrës, pasi ata që nuk janë konformistë “janë ata që ndryshojnë botën”.

Fjalimi në Universitetin “Liberty” ishte dalja e parë para publikut që kur presidenti shkarkoi drejtorin e FBI-së, James Comey, i cili po drejtonte hetimet mbi rolin që mund të ketë luajtur Rusia në zgjedhje dhe kontaktet e mundshme që dyshohen të kenë pasur punonjës të fushatës Trump me qeverinë ruse.

Presidenti i mëshoi mesazhit populist, kundër qarqeve politike të Uashingtonit, duke thënë se e kishte parë me sytë e tij se sistemi nuk funksionon dhe u bëri thirrje 18 mijë diplomantëve t’u bëjnë qëndresë zërave të dështuar që “mendojnë se dinë gjithçka”.

Universiteti “Liberty” u themelua nga aktivisti konservator, evangjelisti Jerry Falwell. Djali i tij e mbështeti që në fillim të fushatës Donald Trumpin dhe ishte faktor që zoti Trump mori 80% të votës së evangjelistëve të bardhë.

Një anketë e fundit e Qendrës Pew tregon se 3/4 e evangjelistëve të bardhë kanë mendim pozitiv për punën që ka bërë presidenti në 100 ditët e para në detyrë, krahasuar me 39% të publikut të gjerë që shpreh opinion pozitiv.

Comey refuzon të dëshmojë para Komitetit të Senatit

Ish-drejtori i FBI-së, James Comey

 

Ish-drejtori i FBI-së, James Comey ka refuzuar ftesën e Komitetit të Inteligjencës të Senatit që të dëshmojë lidhur me hetimin mbi ndërhyrjen e dyshuar të Rusisë në zgjedhjet presidenciale të SHBA-së më 2016.

Comey u shkarkua nga posti i drejtorit të FBI-së më 9 maj, nga presidenti i Shteteve të Bashkuara, Donald Trump.

Komiteti i Inteligjencës, që po heton ndërhyrjen e dyshuar ruse në zgjedhjet e 2016-ës, kishte shpresuar që të dëgjonte dëshminë e Comey, në një seancë të mbyllur për media.

“Ai nuk do të dëshmojë por ne shpresojmë, që në një të ardhme jo të largët, ne do të gjejmë kohë që ai të vijë dhe të flasë në komitetin tonë”, ka thënë Mark Warner, anëtari demokrat i këtij Komiteti.

Trump një ditë më parë kishte paralajmëruar Comey përmes një postimi në Twitter që të mos flas, duke thënë se “James Comey shpresoj që nuk ka ‘përgjime’ të bisedave tona, përpara se ato të fillojnë të dalin në media”.

Trumpi shkallëzon përplasjen me shefin e shkarkuar të FBI-së

Presidenti Donald Trump e ka përshkallëzuar përplasjen me ish drejtorin e FBI-së James Comey, duke nënkuptuar se ekzistojnë regjistrime të fshehta të një prej bisedave të tyre private në fillim të këtij viti.

Presidenti i referohet një darke në Shtëpinë e Bardhë mes tij dhe zotit Comey ku është përqëndruar dhe pjesa më e madhe e polemikave.

Në një koment të bërë sot në Twitter, Presidenti Trump shkruante: “James Comey më mirë të shpresojë se nuk ekzistojnë ‘regjistrime’ të bisedave tona, përpara se të përhapë informacione në shtyp!”

Shtëpia e Bardhë mohoi se fjala ishte për ndonjë kërcënim ndaj zotit Comey.

Në komentet që bëri të premten për rrjetin MSNBC, ish-Drejtori i Zbulimit Kombëtar, James Clapper, tha se ai nuk kishte dijeni nëse ka patur ndonjë bashkëpunim mes ekipit të fushatës së zotit Trump dhe zyrtarëve rusë. Ai tha e nuk mund të kishte dijeni, pasi kjo çështje është kompetencë e FBI-së.

Zoti Clapper tha se praktika e tij ka qenë gjithmonë që ta lërë në dorë të FBI-së “nëse i duhet thënë presidentit, apo se kur dhe çfarë i duhet thënë rreth një operacioni kundërzbulimi.”

Pohimet e tij bien ndesh me një koment të bërë me Twitter nga Presidenti Trump, ku ai thotë se zoti Clapper nuk beson se ka ekzistuar ndonjë bashkëpunim (me zyrtarët rusë).

Të martën, presidenti shkarkoi zotin James Comey nga detyra e shefit të FBI-së në një kohë kur ai po drejtonte një hetim mbi pretendimet për ndërhyje të Rusisë në zgjedhjet presidenciale të vitit 2016 si dhe mbi një bashkëpunim të mundshëm mes Moskës dhe njerëzve të fushatës së zotit Trump.

Zyrtarët e Shtëpisë së Bardhë këmbëngulin se shkarkimi nuk ka të bëjë me hetimin, ndonëse presidenti duket se ka dëmtuar besueshmërinë e këtij pohimi me komentet e tij gjatë një interviste televizive të dhënë të enjten.

SI NISI PËRPLASJA

Presidenti Donald Trump la të kuptohej të premten se mund të ketë regjistrime të bisedave që kishte zhvilluar privatisht me drejtorin e FBI-së, James Comey, të cilin ai e shkarkoi të martën.

Në një koment paralajmërues ndaj ish-drejtorit të FBI-së, presidenti tha të premten se James Comey bën mirë “të lutet që të mos ketë regjistrime të bisedës” mes tyre.

Presidenti e bëri komentin përmes një postimi në Twitter, të premten në mëngjes, një ditë pasi kishte deklaruar se ish-drejtori i FBI-së e kishte siguruar tre herë se nuk ishte objekt hetimesh nga FBI-ja.

Komentet e zotit Trump duket se janë një paralajmërim ndaj zotit Comey që ai të mos nxjerrë në shtyp hollësi nga bisedat me presidentin.

AKUZA DHE KUNDËRAKUZA NË UASHINGTON

Akuza dhe kundërakuza kanë përshkuar Uashingtonin këto ditë që pas shkarkimit të drejtorit të FBI-së James Comey, në lidhje me motivet e presidentit për këtë masë dhe statusin e procesit hetimor mbi rolin e Rusisë në zgjedhjet presidenciale amerikane të vitit të kaluar.

Të enjten, në një seancë me pyetje përgjigje në Senat, zëvendësi i zotit Comey që tani ka marrë rolin e drejtorit në detyrë për FBI-në, i doli kundër versionit të Shtëpisë së Bardhë në lidhje me respektin dhe besimin që gëzonte personeli i FBI-së për zotin Comey:

Shtëpia e Bardhë ka ofruar një numër shpjegimesh në lidhje me vendimin për të shkarkuar zyrtarin që kryesonte hetimet mbi Rusinë.

“Ai nuk po bënte punë të mirë,” tha presidenti.

“Stafi i FBI-së kishte humbur besimin tek drejtori,” tha një zëdhënëse e Shtëpisë së Bardhë.

Këtyre deklaratave u kundërvihet zyrtari që tani ka marrë detyrën e zotit Comey:

“Drejtori Comey gëzonte dhe vazhdon të gëzojë mbështetje të gjerë në FBI,” tha drejtori në detyrë, Andrew McCabe.

Senatorët kishin një numër pyetjesh në lidhje me letrën e presidentit, ku Donald Trump thotë se në tre raste të veçanta drejtori i FBI-së e kishte informuar se zoti Trump nuk ishte nën hetime në lidhje me rolin e Rusisë në zgjedhje:

“A është praktikë e rregullt pune e FBI-së që të informojë individë se nuk janë nën hetime?” – pyet Senatorja republikane, Susan Collins.

“Nuk jam në dieni të një praktike të tillë,” përgjigjet zoti McCabe.

Në një intervistë për rrjetin NBC, presidenti iu përmbajt variantit të tij:

“Në fakt e pyeta Comey-n. I thashë ‘Po të jetë e mundur, a mund të ma bësh të ditur nëse jam nën hetime?’ Ai më tha ‘Nuk je nën hetime,’” thotë Presidenti Trump.

REAGIMI I DEMOKRATËVE DHE REPUBLIKANËVE

Ndërkaq, revoltimi i demokratëve pas kësaj mase ndjehet qartë:

“Zoti Comey po drejtonte një proces aktiv hetimesh të kundërzbulimit për të mësuar nëse ka pasur lidhje mes individëve që punonin për fushatën Trump dhe qeverisë ruse apo përfaqësuesve të saj. Është vështirë t’i shpëtosh konkluzionit se vendimi i presidentit për të shkarkuar Drejtorin Comey kishte lidhje me këto hetime. Dhe kjo do të ishte e papranueshme,” thotë Senatori demokrat Mark Warner.

Edhe disa republikanë kanë ngritur pyetje për momentin e zgjedhur për ta shkarkuar zotin Comey, por shtojnë se presidenti gëzon autoritet të plotë për këto masa. FBI-ja këmbëngul që hetimet vazhdojnë:

“Puna e punonjësve të FBI-së vazhdon pavarësisht nga ndryshimet në rrethana,” thotë zoti McCabe.

James Comey do të dëshmonte dje para Komisionit të Senatit për Shërbimet e Zbulimit mbi hetimet e FBI-së për kundërzbulimin. Pasi u shkarkua të martën, tani ai është thirrur të dëshmojë javën e ardhshme, në një seancë me dyer të mbyllura, ku do të paraqitet si qytetar i thjeshtë.

Trump: Mund t’i anuloj konferencat për media

Presidenti i Shteteve të Bashkuara, Donald Trump, tha se mund të anulojë konferencat e përditshme për shtyp, pasi zëdhënësit e tij janë kritikuar për dhënie të informacioneve të pasakta.

Trump dhe ekipi i tij i komunikimeve janë kritikuar pasi arsyet e dhëna për shkarkimin e drejtorit të FBI-së, James Comey, më 9 maj nga presidenti, kanë ndryshuar gjatë dy ditëve pasuese.

Trump shkroi të premten në Twitter se nuk mund të pritet që “surrogatët” e tij të japin “saktësi të përsosur”.

“Si president shumë aktiv, me shumë gjëra duke ndodhur, nuk është e mundur për surrogatët e mi të qëndrojnë në podium me saktësi të përsosur”, tha Trump.

“Ndoshta gjëja më e mirë që mund të bëhet është të anulohen konferencat për shtyp në të ardhmen dhe të jepen përgjigje me shkrim për hir të saktësisë”, shtoi Trump.

Comey ka udhëhequr hetimet e FBI-së për lidhje të mundshme midis bashkëpunëtorëve të Trumpit dhe zyrtarëve rusë.

Administrata amerikane ka thënë se shkarkimi i tij nuk ka të bëjë me çështjen e Rusisë, por me keqmenaxhimin e një hetimi të FBI-së mbi emailet e kandidates demokrate për presidente të SHBA-së, Hillary Clinton.

Agjencitë e zbulimit, paralajmërime për kërcënimin e Rusisë

Në SHBA, krerët e agjencive të zbulimit paralajmëruan se kërcënimi i Rusisë, pas përpjekjeve të saj për të ndërhyrë në zgjedhjet presidenciale amerikane, nuk ka të ngjarë të pakësohet. Përkundrazi, thanë ata, Moska pritet të bëhet më agresive dhe më e paparashikueshme.

Nëse kishte ndonjë shpresë se marrëdhëniet amerikano-ruse mund të përmirësoheshin pas takimeve të nivelit të lartë të kësaj jave, ajo u shua shpejt nga zyrtarët më të lartë amerikanë të zbulimit.

“Është e qartë se rusët e kanë intensifikuar lojën e tyre, duke përdorur mediat sociale dhe mjete të tjera me mënyra që nuk i kemi parë më parë. Ky është një kërcënim i madh për procesin tonë demokratik”, – thotë Dan Coats, Drejtor i Zbulimit Kombëtar.

Gjatë një seance me pyetje-përgjigje në Senat, drejtori në detyrë i FBI-së shkoi deri aty sa të kundërshtonte pohimet e Shtëpisë së Bardhë se hetimi i kësaj agjencie rreth ndërhyrjes ruse në zgjedhjet amerikane dhe bashkëpunimi i mundshëm me njerëzit e fushatës së zotit Trump, është “një ndër gjërat më të vogla” në axhendën e saj.

“A është ky një hetim i vogël krahasuar me gjithë punën tjetër që po bëni?” pyeti senatori Angus King.

“Ne e konsiderojmë atë një hetim shumë të rëndësishëm,” u përgjigj Andrew McCabe, drejtor në detyrë i FBI-së.

Përgjigjja ishte në të njëjtën linjë me paralajmërimet e mëparshme të zyrtarëve të lartë, përfshirë sekretarin e mbrojtjes Jim Mattis, i cili në seancën e tij të konfirmimit e quajti Rusinë kërcënimin më të madh për stabilitetin amerikan dhe atë global.

Por nën Presidentin Donald Trump, kjo pikëpamje ka ndryshuar. Krerët e zbulimit u thanë ligjvënësve të enjten se kërcënimi që vjen nga një Kore Veriore me armë bërthamore është tani përparësia e tyre kryesore.

“Nuk do të thosha se, pavarësisht se nuk është më në titujt kryesorë, rreziku që lidhet me kërcënimin e Kim Jong Unit ka ndonjë rënie”, tha Mike Pompeo, drejtor i CIA-s.

Zyrtarët refuzuan të thonë se sa afër është Koreja e Veriut nga aftësia për të goditur SHBA me një raketë bërthamore. Por ata vunë në dukje se çdo provë me raketë, qoftë edhe e dështuar, e sjell Penianin më afër këtij objektivi.

“Ata janë në këtë rrugë dhe të vendosur ta bëjnë këtë,” – tha gjeneral Vincent Stewart, drejtor i Agjencisë së Zbulimit të Mbrojtjes.

Mes kërcënimeve kryesore, sipas zyrtarëve, është edhe grupi terrorist Shteti Islamik. Zyrtarët paralajmërojnë se ISIS-i po përgatitet të riorganizohet në Irak dhe Siri dhe ende është i aftë të organizojë dhe frymëzojë sulme në të gjithë botën, pavarësisht humbjeve të mëdha në fushën e betejës.

Është pastaj Irani, i cili megjithëse deri tani po e respekton marrëveshjen bërthamore, vazhdon të luajë rol aktiv në Siri, Irak dhe gjetkë, duke përhapur ndikimin tij. Sipas zyrtarëve, ai ka në komandë rreth 10 mijë luftëtarë milicie në të gjithë rajonin.

Presidenti paralajmëron Comeyn për bisedat mes tyre

Presidenti Donald Trump la të kuptohej të premten se mund të ketë regjistrime të bisedave që kishte zhvilluar privatisht me drejtorin e FBI-së, James Comey, të cilin ai e shkarkoi të martën. Në një koment paralajmërues ndaj ish-drejtorit të FBI-së, presidenti tha të premten se James Comey bën mirë “të lutet që të mos ketë regjistrime të bisedës” mes tyre. Presidenti e bëri komentin përmes një postimi në Twitter, të premten në mëngjes, një ditë pasi kishte deklaruar se ish-drejtori i FBI-së e kishte siguruar tre herë se nuk ishte objekt hetimesh nga FBI-ja.

Komentet e zotit Trump duket se janë një paralajmërim ndaj zotit Comey që ai të mos nxjerrë në shtyp hollësi nga bisedat me presidentin.

Akuza dhe kundërakuza kanë përshkuar Uashingtonin këto ditë që pas shkarkimit të drejtorit të FBI-së James Comey, në lidhje me motivet e presidentit për këtë masë dhe statusin e procesit hetimor mbi rolin e Rusisë në zgjedhjet presidenciale amerikane të vitit të kaluar. Dje në një seancë me pyetje përgjigje në Senat, zëvendësi i zotit Comey që tani ka marrë rolin e drejtorit në detyrë për FBI-në i doli kundër versionit të Shtëpisë së Bardhë në lidhje me respektin dhe besimin që gëzonte personeli i FBI-së për zotin Comey:

Shtëpia e Bardhë ka ofruar një numër shpjegimesh në lidhje me vendimin për të shkarkuar zyrtarin që kryesonte hetimet mbi Rusinë.

“Ai nuk po bënte punë të mirë,” tha presidenti.

“Stafi i FBI-së kishte humbur besimin tek drejtori,” tha një zëdhënëse e Shtëpisë së Bardhë.

Këtyre deklaratave u kundërvihet zyrtari që tani ka marrë detyrën e zotit Comey:

“Drejtori Comey gëzonte dhe vazhdon të gëzojë mbështetje të gjerë në FBI,” tha drejtori në detyrë, Andrew McCabe.

Senatorët kishin një numër pyetjesh në lidhje me letrën e presidentit, ku Donald Trump thotë se në tre raste të veçanta drejtori i FBI-së e kishte informuar se zoti Trump nuk ishte nën hetime në lidhje me rolin e Rusisë në zgjedhje:

“A është praktikë e rregullt pune e FBI-së që të informojë individë se nuk janë nën hetime?” pyet Senatorja republikane, Susan Collins.

“Nuk jam në dieni të një praktike të tillë,” përgjigjet zoti McCabe.

Në një intervistë për rrjetin NBC, presidenti iu përmbajt variantit të tij:

“Në fakt e pyeta Comey-n. I thashë ‘Po të jetë e mundur, a mund të ma bësh të ditur nëse jam nën hetime?’ Ai më tha ‘Nuk je nën hetime,’” thotë Presidenti Trump.

Ndërkaq revoltimi i demokratëve pas kësaj mase ndjehet qartë:

“Zoti Comey po drejtonte një proces aktiv hetimesh të kundërzbulimit për të mësuar nëse ka pasur lidhje mes individëve që punonin për fushatën Trump dhe qeverisë ruse apo përfaqësuesve të saj. Është vështirë t’i shpëtosh konkluzionit se vendimi i presidentit për të shkarkuar Drejtorin Comey kishte lidhje me këto hetime. Dhe kjo do të ishte e papranueshme,” thotë Senatori demokrat Mark Warner.

Edhe disa republikanë kanë ngritur pyetje për momentin e zgjedhur për ta shkarkuar zotin Comey, por shtojnë se presidenti gëzon autoritet të plotë për këto masa. FBI-ja këmbëngul që hetimet vazhdojnë:

“Puna e punonjësve të FBI-së vazhdon pavarësisht nga ndryshimet në rrethana,” thotë zoti McCabe.

James Comey do të dëshmonte dje para Komisionit të Senatit për Shërbimet e Zbulimit mbi hetimet e FBI-së për kundërzbulimin. Pasi u shkarkua të martën, tani ai është thirrur të dëshmojë javën e ardhshme, në një seancë me dyer të mbyllura, ku do të paraqitet si qytetar i thjeshtë.

Tensione në ajër, bombarduesi rus provokon rëndë SHBA-të

Nje avion luftarak rus ka provokuar serish SHBA-te. Fox News raporton se ai u pikas në brigjet e Alaskës dhe ishte afruar shume prane një avioni të Marinës së SHBA ne Detin e Zi.

Lajmin e kane dhene zyrtarët e mbrojtjes të SHBA për Fox News. Sipas tyre, një avion rus Su-27 gati iu ngjit P-8A Poseidon ndërsa aeroplani i Marinës ishte në hapësirën ajrore ndërkombëtare.

Manovrimi rus i jetit ishte “i sigurt dhe profesional”, tha një zyrtar i Marinës së SHBA për NBC News.

Ne ajer u pane manovra te rrezikshme dhe provokuese, deri sa Poseidon shpejt ndryshoi kursin e levizjes.

“Pas afrimit të një avioni në një distancë të sigurt, piloti rus vizualisht identifikoi objektin fluturues si një aeroplan mbikëqyrës amerikan P-8A Poseidon”, tha ushtria ruse.

Zyrtarët e SHBA-së thanë se rreth 60 incidente të tilla kanë ndodhur që nga viti 2007, raportoi RT.

U.d. i drejtorit të FBI, refuzon të përgjigjet nëse Trump është nën hetime

Ushtruesi i detyrës të drejtorit të FBI-së, ka dhënë deklarata kontradiktore me ato të Shtëpisë së Bardhë, mbi disa çështje, sa i përket shkarkimit nga detyra e shefit të FBI-së, James Comey, teksa ka dëshmuar në një seancë dëgjimore në Senat.

Andrew McCabe i ka bërë këto komente në Komitetin e Inteligjencës së Senatit më 11 maj, vetëm dy ditë pasi presidenti Donald Trump e ka shkarkuar Comey.

Ai ka thënë se hetimi i agjencisë Andrew për lidhjet e mundshme mes zyrtarëve rusë dhe bashkëpunëtorëve të Trumpit “është jashtëzakonisht i rëndësishëm”.

“Ne e konsiderojmë se ky hetim është shumë i rëndësishëm”, ka thënë McCabe.

Më 10 maj, zëdhënësi i Shtëpisë së Bardhë kishte minimizuar rëndësinë e hetimit, i cili po vazhdon, krahas me hetimet që po zhvillojnë komitetetet e inteligjencës së senatit dhe dy panele të Kongresit.

Shkarkimi i Comey habiti shumë ligjvënës dhe thelloi pyetjet lidhur me administratën Trump dhe pavarësinë e agjecive të sundimit të ligjit nga presioni politik.

Ndonëse tema e panelit para komitetit të senatit ishin “kërcënimet në mbarë botën”, ligjvënësi demokrat, Mark Warner, tha se hetimet për Rusinë dhe shkarkimi i Comey, ishin temat kryesore.

“Është e vështirë të shmangim se vendimin e presidentit për të shkarkuar Comeyn lidhet direkt me këtë hetim”, ka thënë ai.

Kryesuesi i këtij komiteti, republikani Richar Burr, ishte njëri nga disa ligjvënës republikanë që publikisht kanë shprehur shqetësimin e tyre për shkarkimin e Comey. Pyetja e tij për McCabe ishte nëse ai ka dëgjuar Comey ti ketë thënë Trumpit se ai nuk është subjekt i asnjë hetimi.

Por McCabe refuzoi të përgjigjej në këtë pyetje.

Por, presidenti Donald Trump, në një intervistë dhënë për NBC, ka thënë se Comey , tri herë i kishte thënë atij, se nuk është pjesë e asnjë hetimi.

“E kam pyetur atë [Comey]. I thash ‘nëse rastësisht jam pjesë e ndonjë hetimi, a do të më tregosh?’. Ai më tha ‘Ti nuk je duke u hetuar’”, ka thënë Trump.

Që prej shkarkimit të Comey, Shtëpia e Bardhë e ka justifikuar vendimin e presidentit Trump, duke thënë se Comey kishte humbur besimin e punëtorëve të FBI-së dhe të publikut.

Megjithatë, një qëndrim të tillë e kundërshtoi McCabe.

“Kjo nuk është e saktë. Mund të ju them se drejtori Comey ka gëzuar mbështetje nga jashtë si dhe brenda FBI-së, dhe ende ka mbështetje”, tha ai.

Presidneti Donald Trump ka ndryshuar po ashtu komentet e tij lidhur me arsyen e shkarkimit të Comey.

Zyrtarët e Shtëpisë së Bardhë kishin thënë fillimisht se Trump e kishte shkarkuar Comey, pasi kishte marrë rekomandim nga Zëvendësprokurori i Përgjithshëm, Rob Rosenstein dhe Prokurori i Përgjithshëm Jeff Sessions, për siç thuhej, keqmenaxhimin e hetimit të emaileve të kandidates demokrate për presidente, Hillary Clinton.

Por, në intervistën për NBC, Trump tha se pavarësisht këtyre rekomandimeve, ai kishte vendosur vet që ta shkarkonte Comey.

“Zëvendësprokurori i Përgjithshëm Rod Rosenstein ka bërë rekomandimin. Ai është një njeri i respekutar, demokratët e pëlqejnë, republikanët po ashtu. Ai bëri një rekomandi por pavarësisht kësaj, unë do ta shkarkojna Comey”, ka thënë Trump.

Duke folur për hetimin ndaj Rusisë, McCabe u ka thënë senatorëve se nuk ka pasur asnjë pengim për hetimin e byrosë për ndërhyrjen e dyshuar të Rusisë në zgjedhjet presidenciale të vitit 2016. (REL)

Përgatiti: Mimoza Sadiku

Trump: Do ta shkarkoja Comeyn pavarësisht nga rekomandimi i Departamentit të Drejtësisë

Gjatë një interviste në rrjetin televiziv NBC, presidenti Donald Trump tha se do ta kishte shkarkuar shefin e FBI-së James Comey edhe në qoftë se zyrtarët e Departamentit të Drejtësisë nuk do t’ia kishin rekomanduar, duke thënë se ai donte të dukej.

“Ai do që të bjerë në sy. Është pompoz. kërkon të duket. FBI-ja ka qenë e përfshirë në amulli prej tij”, i tha zoti Trump rrjetit televiziv në intervistën e tij të parë që prej shkarkimit të papritur ditën e martë të zotit Comey.

Ish kreu i FBI-së po drejtonte një hetim mbi lidhjet mes zyrtarëve të fushatës zgjedhore të presidentit Trump dhe zyrtarëve rusë, së bashku me ndërhyrjen e mundshme ruse në zgjedhje e vitit të kaluar.

“Do ta pushoja vetë Comey-n” tha Trump. “Do ta kisha pushuar pavarësisht pavarësisht nga rekomandimi i zëvendës Prokurorit të Përgjithshëm Rod Rosenstein”.

Të enjten Shtëpia e Bardhë mbrojti sërish mënyrën se si e shkarkoi drejtorin e Byrosë Federale të Hetimit, në një periudhë kur po hetohen lidhjet e njerëzve të fushatës zgjedhore të presidentit dhe zyrtarëve rusë.

Marrëdhënia e ndërlikuar e Presidentit Trump me ish-drejtorin e FBI-së

Shkarkimi i drejtorit të FBI-së, James Comey nga Presidenti Donald Trump ishte pika kulmore e një marrëdhënieje të vështirë njëvjeçare mes tyre. Korrespondenti i Zërit të Amerikës, Bill Gallo i hedh një vështrim zhvillimeve të muajve të fundit.

Trump: “Oh, and there’s James. He’s become more famous than me.”

Edhe në momentet më të mira, për Donald Trumpin ishte një marrëdhënie e dyfishtë dashuri-urrejtje.

Armiqësia e presidentit me drejtorin e FBI-së, James Comey filloi gjatë fushatës … kur zoti Comey nuk pranoi të ngrinte akuza kundër rivales së zotit Trump, Hillary Clinton, për përdorimin e një serveri privat emailesh, kur ishte Sekretare Shteti.

“Nuk kemi prova që të mund të mbështesnin ngritjen e akuzave”.

Kandidati i atëhershëm Trump u indinjua, duke argumentuar se zonja Clinton duhet të ishte futur në burg për emailet.

Por qëndrimi i zotit Trump ndryshoi vetëm 11 ditë para zgjedhjeve, kur zoti Comey njoftoi se FBI-ja po analizonte një grup tjetër emailesh të zonjës Clinton, një deklaratë që shumë demokratë thonë se kontribuoi në fitoren e zotit Trump.

“E respektoj faktin që drejtori Comey arriti të bënte një kthesë pas veprimit të tij të mëparshëm. E respektoj këtë jashtë mase”.

“Ai e rifitoi reputacionin e tij, e rifitoi.”

“FBI-ja po bën punë të mirë.”

Por kur mori detyrën, toni i tij ndryshoi përsëri. Veçanërisht pasi zoti Comey konfirmoi se po drejtonte një hetim për të zbuluar nëse zyrtarët e fushatës së zotit Trump kishin bashkëpunuar me Rusinë për të ndërhyrë në zgjedhje.

Zyrtarët e Shtëpisë së Bardhë thonë se shkarkimi i zotit Comey nuk ka të bëjë fare me hetimin. Ata përmendin një letër të Departamentit të Drejtësisë, ku kritikohet mënyra se si e trajtoi ai çështjen e emaileve të zonjës Clinton.

Por shumë ligjvënës nuk e besojnë këtë arsyetim, duke shtruar pyetjen se pse Presidenti Trump do ta shkarkonte zotin Comey për të njëjtat veprime që më parë i kishte përshëndetur.

“Pyetja e parë së cilës duhet t’i përgjigjet administrata është: ‘pse tani?’”, thotë senatori demokrat, Chuck Schumer.

Por zoti Trump nuk është penduar. I pyetur dje se pse e shkarkoi zotin Comey, ai u përgjigj.

“Sepse nuk po bënte punë të mirë. Është e thjeshtë. Nuk po bënte punë të mirë”.

SHBA rithekson angazhimin për të mbrojtur Turqinë

Sekretari amerikan i Mbrojtjes James Mattis ripërsëriti qëndrimin për të mbrojtur Turqinë.

Deklarata vjen në një kohë kur autoritetet turke kanë kundërshtuar një vendim të kohëve të fundit të Shteteve të Bashkuara për të armatosur luftëtarët sirianë kurdë, në një përpjekje për të rrëzuar militantët e Shtetit Islamik në Raka

Zoti Mattis ritheksoi angazhimin e Shteteve të Bashkuara ndaj aleatit të saj të NATO-s pas një takimi të enjten me kryeministrin turk Binali Yildirim. Këto janë bisedimet e para të nivelit të lartë mes të dy vendeve që kur Uashingtoni shpalli të martën planin për t’u siguruar armë kurdëve sirianë të mbështetur nga SHBA, të njohur edhe si YPG.

Turqia e ka kundërshtuar fuqimisht vendimin dhe ka bërë thirrje për anulimin e tij. Ajo beson se YPG është një grup terrorist, pjesë e Partisë së jashtëligjshme të Punëtorëve të Kurdistanit (PKK), që konsiderohet si një grup terrorist nga Turqia, Shtetet e Bashkuara dhe Evropa.

Të mërkurën, kryeministri Yildirim kritikoi publikisht vendimin dhe tha se SHBA nuk mund të përdorë një grup terrorist për të luftuar një tjetër.

Zoti Yildirim dhe zoti Mattis u takuan të enjten përpara fillimit të një konference ndërkombëtare në Londër për çështje të sigurisë dhe humanitare në Somali.

Një zyrtar i lartë amerikan që nuk u identifikua tha të enjten se Shtetet e Bashkuara do të rrisin bashkëpunimin me Turqinë në shkëmbim të informacioneve të zbulimit, për ta ndihmuar vendin për një goditje më efikase të terroristëve.

Zyrtarët amerikane shpresojnë që kjo lëvizje të ndihmojë në zbutjen e shqetësimeve turke se armët do të përfundojnë në duart e armiqve të saj.

Ata thanë gjithashtu se armët nuk u janë dërguar ende kurdëve. Të mërkurën koloneli amerikan Xhon Dorrian tha se megjithatë, dërgesa e parë është e gati dhe se mund mund t’u shkojë kurdëve “shumë shpejt”.

Presidenti turk Rexhep Tajip Erdogan, i cili i ka kërkuar SHBA-së të anulojë vendimin, pritet të vizitojë Uashingtonin të martën e ardhshme. Zoti Erdogan ka thënë se ai do ta diskutojë këtë çështje me presidentin amerikan Donald Trump kur të takohen.

CIA formon qendër të posaçme për Korenë e Veriut

Drejtori i CIA-s Mike Pompeo ka theksuar se qendra me qëllim zgjerimin e forcës ushtarake do të ofrojë mbështetje për CIA-n kundër ‘kërcënimeve serioze‘

Agjencia Qendrore e Inteligjencës së SHBA-ve (CIA) brenda saj do të formojë “Qendrën e detyrës për Korenë” për diskutimin e kërcënimit të raketave bërthamore dhe balistike me origjinë nga Koreja e Veriut.

Sipas një deklarate të bërë nga CIA me qendrën e cila do të përqendrohet tek kërcënimet që do të vijnë nga Koreja e Veriut synohet që agjencia të sigurojë një burim të plotë, forcë dhe autoritet për t’u përballuar me problemin e Koresë së Veriut.

“Kjo qendër e re e detyrës do të mundësojë mbledhjen në një çati të vetme të krijimtarive dhe përvojave të ekspertëve që punojnë në agjenci kundër kërcënimit të Koresë së Veriut”, thuhet në deklaratë.

Gjithashtu edhe drejtori i CIA-s Mike Pompeo ka theksuar se qendra me qëllim zgjerimin e forcës ushtarake do të ofrojë mbështetje për CIA-n kundër ‘kërcënimeve serioze‘ që do të vijnë nga Koreja e Veriut e cila në kohët e fundit ka rritur testimet e saj raketore dhe bërthamore.

Ndërsa ish-analisti i lartë i CIA-s John Nixon në një deklaratë për CNN tha se qendra pritet që të përgatisë dy raporte të situatës në ditë me qëllim informimin e shërbimeve inteligjente dhe administratën e presidentit Donald Trump.

Duke bërë të ditur se qendra do të punojë nga afër me inteligjencën dhe të gjitha njësitë e sigurisë amerikane, Nixon ka nënvizuar se në të ardhmen do të zhvillohen edhe bashkëpunime të rëndësishme me njësitë e Koresë së Jugut. aa

Michael Flynn urdhërohet të dorëzojë dokumentet

Michael Flynn

Një panel i Senatit amerikan, që po heton ndërhyrjen e Rusisë në zgjedhjet presidenciale në SHBA më 2016, ka bërë një kërkesë të rrallë zyrtare të dokumenteve nga Michael Flynn, ish-këshilltar për siguri kombëtare i presidentit Donald Trump.

Komiteti i Inteligjencës i Senatit tha se Flynn është urdhëruar të dorëzojë dokumentet, pasi nuk ka bashkëpunuar vullnetarisht me hetimin.

Flynn është detyruar të japë dorëheqje në shkurt, pasi nuk ka zbuluar përmbajtjen e bisedimeve të tij me diplomatët rusë.

Një ish-zyrtare e Departamentit amerikan të Drejtësisë, Sally Yates, tha këtë javë se ka paralajmëruar Shtëpinë e Bardhë qysh në muajin janar, se Flynn është në rrezik për t’u shantazhuar nga Rusia.

Presidenti Trump vazhdimisht ka mohuar ndonjë bashkëpunim midis ndihmësve të tij dhe Rusisë.

Ai ka akuzuar mediat dhe kundërshtarët politikë se bëjnë përpjekje të dëmtojnë presidencën e tij me “lajme të rreme”.

Rrëmujë në Uashington pas shkarkimit të Comeyt

Drejtori i shkarkuar i FBI-së, James Comey

 

Drejtori i FBI-së, James Comey, po bënte përpjekje të zgjeronte hetimet e agjencisë së tij për marrëveshje të mundshme midis Rusisë dhe fushatës së presidentit amerikan, Donald Trump, pak ditë para se të shkarkohej nga Trump, raportojnë mediat amerikane.

Shtëpia e Bardhë insistoi se Comey është shkarkuar për “gabime” që nuk lidhen me hetimet për ndërhyrjen e dyshuar të Rusisë në zgjedhjet presidenciale në SHBA, më 2016.

“Presidenti ka humbur besimin te drejtori Comey dhe, sinqerisht, ai e ka shqyrtuar largimin e tij që nga dita kur është zgjedhur president”, tha zëdhënësja e Shtëpisë së Bardhë, Sarah Sanders.

Por, sipas mediave amerikane, Comey i ka kërkuar Departamentit të Drejtësisë para shtesë, për të angazhuar më shumë njerëz në hetimet e që po bën FBI. Comey më pas i ka informuar ligjvënësit për kërkesën e tij për më shumë fonde.

Dick Durbin, demokrat në Senat, tha se nuk është i sigurt se kërkesa e Comeyt nxiti shkarkimin e tij, porse “është e qartë se shkarkimi është përpjekje për të ngadalësuar hetimet”.

Departamenti i Drejtësisë dhe Shtëpia e Bardhë kanë mohuar se Comey ka kërkuar më shumë para dhe se çështja e financimit ka ndonjë lidhje me shkarkimin e tij.

Administrata amerikane ka thënë se pushimi nga puna i Comeyt ka të bëjë me keqmenaxhimin e një hetimi të FBI-së mbi emailet e kandidates demokrate për presidente të SHBA-së, Hillary Clinton. Trump ka shprehur habinë përse demokratët nuk e mbështetën shkarkimin e Comeyt për këtë arsye.

Demokratët janë ankuar për hetimin e Clintonit nga Comey, veçanërisht për vendimin e tij që vetëm disa ditë përpara zgjedhjeve të rihapë disa hetime, por ata kanë dënuar shkarkimin e tij, për shkak të rolit kritik të Comeyt në hetimet e Rusisë.

Liderët demokratë në Senat kanë bërë thirrje për emërimin e një prokurori special, për të hetuar Rusinë, pas shkarkimit të Comeyt.

Liderja e pakicës demokrate në Dhomën e Përfaqësuesve, Nancy Pelosi, tha se do të përpiqet të detyrojë votimin mbi një ligj që krijon një komision të pavarur për të hetuar çështjen e Rusisë.

Pelosi tha se hetimet duhet të hiqen nga lidershipi i Departamentit të Drejtësisë, i emëruar nga Trump.

Trump është presidenti i parë pas Richard Nixonit që shkarkon një zyrtar të sundimit të ligjit, i cili mbikëqyr hetime që kanë lidhje me Shtëpinë e Bardhë.

Nixon ka shkarkuar prokurorin special që ka udhëhequr hetimet e skandalit Watergate. Furia që ka shpërthyer pas shkarimit të tij ka çuar në dorëheqjen e Nixonit. Dhe, veprimi i Trumpit e lë të pasigurt fatin e hetimeve të çështjes së Rusisë.

Përgatiti: Valona Tela

SHBA: Shembet një tunel me përmbatje mbeturinash radioaktive

Një tunel i nëndheshëm, me përmbatje mbeturinash radioaktive u shemb dje pasdite në shtetin e Uashingtonit. Autoritet i kërkuan qindra punëtorëve që punojnë aty të tregohen të kujdesshëm.

Sipas njoftimeve zyrtare në kompleksin bërthamor të Hanfordit nuk pati rrjedhje rrezatimi dhe në momentin e rrëzimit brenda në tunel nuk ndodhej asnjë punëtor.

Ende nuk dihen arsyet që shkaktuan incidentin.

Rezervuari bërthamor i Hanfordit është përdorur për të prodhuar plutonium për bombën që i dha fund Luftës së Dytë Botërore. Reaktori i saj i fundit u mbyll në vitin 1987, por miliona litra mbetjesh radiaktive mbahen në fuçi.

Shembja e tunelit, u zbulua gjatë një inspektimi rutinë dhe ndodh në një periudhë pastrimi masiv që ka filluar që prej vitit 1980 me një vlerë më shumë se 2 miliardë dollarësh në vit.

Puna pritet të zgjasë deri në vitin 2060 dhe do të kushtojë më shumë se 100 miliardë dollarë.

Trumpi lavdëron takimin me Lavrovin

Uashington, 10 maj 2017.

 

Presidenti i Shteteve të Bashkuara, Donald Trump, tha se bisedimet e tij me ministrin e Jashtëm rus, Sergei Lavrov, kanë qenë “shumë të mira” dhe se dy vendet po punojnë për t’i dhënë fund luftës gjashtëvjeçare në Siri.

Takimi në Shtëpinë e Bardhë ishte i pari i Trumpit, sy më sy, me një zyrtar të lartë rus, prejse ai ka marrë detyrën e presidentit në janar.

Megjithatë, bisedimet u zhvilluan nën hijen e vendimit të Trumpit, një ditë më herët, për të shkarkuar drejtorin e FBI-së, James Comey.

Comey ka mbikëqyrur hetimet e lidhjeve midis bashkëpunëtorëve të Trumpit dhe zyrtarëve rusë.

Në komentet e shkurtra për gazetarët në Shtëpinë e Bardhë, Trump lavdëroi rezultatin e takimit me Lavrovin.

“Mendoj se do t’ia dalim me Sirinë, gjërat po ndodhin, ato janë vërtet pozitive”, tha Trump.

Në delaratën e lëshuar më pas nga Shtëpia e Bardhë u tha se Trump i ka kërkuar Lavrovit “të frenojë” presidentin sirian, Bashar al-Assad, dhe Iranin. Të dy janë aleatë të ngushtë të Rusisë.

Sipas Shtëpisë së Bardhë, Trump diskutoi edhe çështjen e Ukrainës me Lavrovin dhe theksoi përgjegjësinë e Rusisë për të zbatuar Marrëveshjen e Minskut për paqe në lindje të Ukrainës.

Lavrov, ndërkaq, u tha gazetarëve në ambasadën ruse se Trump do marrëdhënie “reciprokisht të dobishme” me Moskën.

Reagime të forta pas shkarkimit të drejtorit të FBI-së

Shkarkimi i drejtorit të FBI-së James Comey ka shkaktuar reagime të forta në Uashington. Shumë nga ata që e kanë kritikuar shkarkimin kanë vënë në pikëpyetje motivet e presidentit, duke ngritur tezën se kjo masë mund të ketë lidhje me hetimet mbi rolin e Rusisë në zgjedhjet presidenciale të nëntorit. Tani anëtarë të Kongresit dhe analistë të pavarur në Uashington po pyesin si do të evolojë ky proces hetimor pas largimit të zotit Comey.

Reagimet e forta jo vetëm nga demokratë, por edhe anëtarë të partisë së tij, e kanë vënë Presidentin Trump në pozitë mbrojtëse. Sot në një numër postimesh në Twitter, ai i doli në mbrojtje vendimit për ta pushuar zotin Comey duke thënë se pasi të qetësohen gjakrat “njerëzit do ta falenderojnë për këtë veprim”.

Presidenti iu kundërpërgjigj kritikave të demokratëve, duke thënë në një postim në Twitter se ata vetë “kanë thënë gjëra nga më të këqiat për James Comey-n, përfshirë edhe nevojën që ai të pushohet nga detyra, por tani bëjnë sikur janë mërzitur”.

James Comey u bë objekt kritikash të forta nga demokratët kur rihapi hetimet mbi kandidaten Hillary Clinton, pak ditë para zgjedhjeve. Shumë demokratë kërkuan largimin e tij, pasi kishte shkelur rregullën e neutralitetit të FBI-së në periudhë zgjedhjesh që të mos ndikohet opinioni publik.

Por nuk është vetë shkarkimi i zotit Comey që ka ngritur pikëpyetje, aq sa momenti i zgjedhur për këtë vendim:

“Mendoj se në politikë thuajse gjithmonë momenti i vendimit ka rëndësi. Pyetja është përse u zgjodh ky moment? Konteksti me Rusinë mund të ketë qenë faktor; ndoshta pas dëshmisë së zotit Comey, presidenti mendoi se ishte politikisht e përshtatshme,” thotë profesori i drejtësisë Sam Erman.

Spekulimet mbi motivet përqëndrohen tek pyetja: sa thellë kanë shkuar hetimet, çfarë po rezulton prej tyre dhe si reflektojnë këto hetime tek administrata Trump?

“Nuk është diçka e zakontë të pushosh nga puna dikë që është në mes të hetimeve, qoftë edhe nëse hetimet nuk janë të fokusuara tek vetë presidenti, por tek njerëz të afërt me të”, thotë profesori Erman.

Rrjeti televiziv CNN njoftoi mbrëmë se prokurorët federalë kanë thirrur për t’u paraqitur para jurisë së madhe ish-këshilltarin e presidentit për sigurinë kombëtare, Michael Flynn. Atij i kërkohet të paraqesë dokumente financiare për të analizuar çfarë lidhjesh kishte ai me zyrtarë rusë në kuadër të hetimeve mbi rolin e Rusisë në zgjedhjet presidenciale.

Drejtorët e FBI-së emërohen për një mandat 10-vjeçar në detyrë dhe shërbejnë nën disa presidentë, pra ky rol shihet si një post mbi përkatësitë partiake. Për këtë arsye, pushimi i zotit Comey i cili ende nuk ka mbushur katër vjet në detyrë, momenti kur u bë shkarkimi, gjuha e përdorur në letrën e presidentit dhe pikëpyetjet mbi hetimet për ndërhyrjet ruse kanë zgjuar shumë mëdyshje në Uashington.

Vendimi i Presidentit Trump ka lënë të shtangur edhe shumë republikanë. Senatori Jeff Flake u shpreh përmes një postimi në Twitter: “për orë të tëra po përpiqem të gjej një argument të arsyeshëm për shkarkimin e Comeyt, por nuk kam gjetur gjë”.

Demokratët në Kongres kanë kërkuar emërimin e një prokurori të posaçëm për të vazhduar hetimet mbi kontaktet që mund të ketë pasur vjet Rusia me individë të afërt me fushatën e zotit Trump. Këtyre thirrjeve u janë bashkuar edhe disa republikanë.

Ligjvënësi Justin Amash tha përmes një postimi në Twitter se po analizon kornizën ligjore “për të ngritur një komision të pavarur mbi Rusinë”.

Shtëpia e Bardhë thotë se Trumpi nuk ka lidhje biznesore me Rusinë

Një hetim i bërë nga një rival i njohur republikan i presidentit Donald Trump, lidhur me atë nëse Trump ka marrëdhënie biznesore me Rusinë, bëri që Shtëpia e Bardhë të japë një përgjigje të pazakonshme.

Senatori republikan, Lindsey Graham, që kryeson nënkomisionin për Drejtësi të Senatit, që po heton ndërhyrjen ruse në zgjedhjet presidenciale të vitit 2016, ka ngritur pyetjen për lidhjet e mundshme biznesore të Trumpit me Rusinë.

“Unë nuk jam prokuror. Por nëse më pyesni mua nëse dua të di nëse lidhjet biznesore të Trumpit me Rusinë janë të papërshtatshme, përgjigja ime do të ishte po”, tha Graham.

Komentet e Graham bën që Trump të kërkonte nga një firmë ligjore që t’i dërgonte Graham një letër të certifikuar, ku thuhet se “ai nuk ka asnjë biznes në Rusi; ai nuk ka asnjë lidhje me Rusinë”, ka thënë zëdhënësi i Shtëpisë së Bardhë, Sean Spicer.

Graham më vonë i tha CNN se për tu sqarkuar kjo çështje do të ndihmonte nëse Trump do të publikonte të ardhurat tatimore.

SHBA miraton furnizimin me armë për luftëtarët kurdë në Siri

Shtetet e Bashkuara janë pajtuar që të furnizojnë me armë grupin kryesor opozitar kurd në Siri, një lëvizje që me gjasë do të zemërojë Turqinë, vetëm disa ditë para takimit në mes të liderëve të SHBA-së dhe Turqisë në Uashington.

Zëdhënësja e Pentagonit, Dana White përmes një deklarte për media ka njfotuar se presidenti Donald Trump ka autorizuar Departamentin e Mbrotjes “për të pajisur elementet kurde të Forcave Demokratike Siriane, me qëllim që të sigurohet për fitore të qartë ndaj IS-it në Raka të Sirisë”.

Kjo deklaratë erdhi vetëm pak kohë pasi mediat, duke cituar burime të paidentifikuara, raportuar se Shtëpia e Bardhë ka miratuar armatosjen e Njësive të Mbojtjes të Popullit (YOG), në betejën ndaj militanvë të IS-it në Raka.

Uashingtoni e konsideron YPG-në si grup të rëndësishëm në luftimin ndaj IS-it në Siri. Turqia, në anën tjetër, thotë se kurdët sirianë janë grupe terroriste që kanë lidhje me grupin e jashtëligjshëm të Partisë së Punëtore të Kurdistanit (PPK), me të cilët lufton për dekada të tëra.

Presidenti turk, Recep Tayyip Erdogan pritet që në mes të muajit maj, të takohet në Shtëpinë e Bardhë, me presidentin amerikan, Donald Trump.

Trumpi do të takohet sot me Lavrovin në Shtëpinë e Bardhë

Presidenti i Shteteve të Bashkuara, Donald Trump do të takohet me ministrin e Jashtëm rus, Segei Lavrov më 10 maj në Shtëpinë e Bardhë për të diskutuar për Sirinë dhe çështje të tjera ndërkombëtare, kanë njoftuar zyrtarë të Shtëpisë së Bardhë.

Trump pritet të takohet me Lavrovin, pas takimit që ky i fundit është paraparë të zhvillojë me Sekretarin amerikan të Shtetit, Rex Tillerson më 10 maj.

Zyrtarët kanë thënë se ky takim në fokus do të ketë Sirinë, marrëdhëniet SHBA-Rusi dhe çështje të tjera ndërkombëtare.

Pavarësisht dallimeve mbi çështjen e Sirisë, kjo mbetet një fushë ku Rusia dhe SHBA mund të gjejnë mundësi që të punojnë së bashku për të luftuar grupin militant, Shteti Islamik dhe grupe të tjera ekstremiste.

Lavrov do të vizitojë Uashingtonin për herë të parë që prej vitit 2013 me një plan të Rusisë për t’i dhënë fund dhunës në Siri, pas hyrjes në fuqi javën e kaluar të marrëveshjes për Sirinë, të arritur mes Rusisë, Iranit dhe Turqisë.

Presidenti Trump e shkarkon kreun e FBI-së, Comey

Shtëpia e Bardhë njoftoi të martën se kreu i Byrosë Federale të Hetimeve James Comey është shkarkuar.

“Presidenti ka pranuar rekomandimin e Prokurorit të Përgjithshëm dhe të zëvendës Prokurorit të Përgjithshëm lidhur me shkarkimin e drejtorit të FBI-së,” tha zëdhënësi i Shtëpisë së Bardhë, Sean Spicer.

Zëdhënësi tha gjithashtu se zoti Comey ishte “njoftuar pak më parë.” Kjo hyn në fuqi menjëherë, shtoi ai.

Zoti Comey po mbikqyrte një hetim për të sqaruar nëse disa pjestarë të fushatës së zotit Trump kishin bashkëpunuar me Rusinë për të ndikuar në zgjedhjet presidenciale të vitit 2016.

Në një letër drejtuar zotit Comey të martën, Presidenti Trump shkruante: “Megjithëse e vlerësoj shumë që më keni informuar në tre raste të veçanta që unë nuk jam objekt hetimi, pajtohem me gjykimin e Departamentit të Drejtësisë se ju nuk jeni në gjendje ta udhëhiqni në mënyrë të efektshme FBI-në”.

“Është me rëndësi të madhe që të gjejmë një udhëheqje të re për FBI-në, për të rikthyer besimin e publikut dhe besimin në misionin e saj jetik për zbatimin e ligjit”, shkruante Presidenti Trump. FBI-ja, – thuhej në letrën e Presidentit, – është një nga institucionet më të respektuara të vendit tonë dhe dita e sotme do të shënojë një fillim të ri për të.

James Comey, prokuror prej një kohe të gjatë, ka qenë zëvendës kreu i Departamentit të Drejtësisë gjatë administratës së Presidentit George W. Bush dhe u emërua shef i FBI-së me mbështetjen e gjerë nga të dyja partitë në Kongres.

Ai luajti rol kryesor në zgjedhjet presidenciale të vitit të kaluar, në të cilin zoti Trump fitoi ndaj kandidates Hillary Clinton.

Korrikun e kaluar, zoti Comey tha se kandidatja Clinton ishte treguar “jashtëzakonisht e pakujdesshme” në trajtimin e emaileve të saj që lidheshin me sigurinë kombëtare, në kohën që ishte diplomatja më e lartë e vendit. Ai shtoi megjithatë se veprimet e zonjës Clinton nuk justifikonin ngritjen e ndonjë akuze penale kundër saj.

Më vonë, në fund të tetorit, pak para zgjedhjeve, zoti Comey tha se po rihapte hetimin sepse FBI-ja kishte zbuluar emaile të kandidates Clinton në kompjuterin e kongresmenit Anthony Weiner.

Zonja Clinton më vonë ia hodhi fajin rihapjes nga zoti Comey të çështjes së emaileve aq pranë ditës së votimeve si një nga arsyet për humbjen e saj në zgjedhje. Dy ditë përpara zgjedhjeve, drejtori i FBI-së tha se pasi hetuesit shqyrtuan sasinë e emaileve të zbuluara në kompjuterin e zotit Weiner, nuk gjetën asgjë të re. Zoti Comey la në fuqi përfundimin e mëparshëm se ndaj zonjës Clinton nuk duhej të ngrihej padi penale.

Të martën, FBI-ja e njoftoi Kongresin se gjatë dëshmisë së dhënë prej tij në Kongres javën e kaluar, zoti Comey kishte paraqitur në mënyrë të pasaktë disa nga gjetjet kyçe që përfshimin hetimet rreth emaileve të zonjës Clinton.

FBI-ja saktësoi se vetëm një “numër i vogël” i emaileve i ishte dërguar kongresmenit Weiner, jo “qindra dhe mijëra “, siç ishte shprehur në dëshminë e tij zoti Comey.

Apple me një kapitalizim tregu mbi 800 miliardë dollarë

NEW YORK – Gjigandi amerikan i teknologjisë Apple të hënën është bërë kompania e parë në histori që ka një kapitalizim tregu mbi 800 miliardë dollarë

Pas mbylljes në 148.96 dollarë për një aksion në tregun e aksioneve të SHBA-ve të premten, çmimi i aksioneve të Apple u rrit 3.2 përqind të hënën në nivelin më të lartë prej 153.70 dollarë për një aksion.

Kapitalizimi i tregut të ndërmarrjes u bë 815.08 miliardë dollarë, e para për çfarëdo kompanie në histori.

Apple ka shënuar rritjen e të ardhurave prej 4.5 përqind në 52.9 miliardë dollarë në tremujorin e parë të vitit, nga periudhë e njëjtë e një viti më parë.

Të ardhurat neto të kompanisë u rritën me 4.8 për qind në 11 miliardë dollarë gjatë kësaj periudhe. Apple ka tejkaluar gjithashtu të gjitha kompanitë amerikane për të ardhurat neto gjatë tremujorit të parë të vitit. aa

Yates dëshmon për kontaktet e Michael Flynn me rusët

Në SHBA, një hetim i FBI-së si dhe hetimet e Kongresit rreth kontakteve të fushatës së zotit Trump me Rusinë nuk po i ndahen administratës, megjithëse kanë kaluar rreth katër muaj nga fillim i presidencës Trump.

Presidenti Trump në mënyrë të përsëritur e ka hedhur poshtë këtë histori si “lajm të rremë”, por hetimet nuk po japin shenja se mund të përfundojnë shpejt.

Një nënkomision Juridik i Senatit dëgjoi të hënën ish-prokuroren e përgjithshme Sally Yates, e cila u shkarkua në ditët e para të administratës Trump, si dhe ish-drejtorin e zbulimit kombëtar James Clapper, në kohën e Presidencës Obama.

Zonja Yates tregoi për bisedën e saj më 26 janar me Shtëpinë e Bardhë, të cilën e paralajmëroi për kontaktet e këshilltarit të sigurimit kombëtar Michael Flynn me ambasadorin rus në Uashington Sergej Kislyak.

Ajo tha se kishte patur dy takime dhe një telefonatë me këshilltarin juridik të Shtëpisë së Bardhë, Don McGahn lidhur me shqetësimet se ish-këshilltari i sigurimit kombëtar Michael Flynn mund të bëhej objekt shantazhi nga rusët.

Zonja Yates tregoi se i kishte thënë zotit McGahn se rusët ishin në dijeni për atë që kishte bërë zoti Flynn dhe se rusët e dinin që gjenerali Flynn kishte mashtruar nënpresidentin dhe të tjerët për atë që kishte bërë. Zonja Yates nuk specifikoi se për çfarë konkretisht ishte fjala.

Ajo tha se ia kishte dhënë këtë informacion Shtëpisë së Bardhë të Presidentit Donald Trump në mënyrë që ai të mund të ndërmerrte veprimet e duhura.

Zonja Yates tha se ishte shqetësues fakti që rusët kishin ndikim tek zoti Flynn.

Gjithashtu të hënën, tre ish-zyrtarë të administratës Obama thanë se ish Presidenti e kishte paralajmëruar zotin Trumpin që të mos e merrte si këshilltar zotin Flynn. Paralajmërimi ishte bërë gjatë një takimi që ajo pati me të në Zyrën Ovale menjëherë pas zgjedhjeve të nëntorit.

Ish-zyrtarët thonë se zoti Obama ngriti pranë zotit Trump shqetësimet e përgjithshme rreth gjeneralit Flynn dhe i tha presidentit të ardhshëm se mund të gjendeshin njerëz më të mirë për postin e këshilltarit të sigurimit kombëtar.

Alarm për një goditje elektromagnetike të Koresë së Veriut mbi SHBA

Koreja e Veriut mund të përgatisë një goditje elektromagnetike në SHBA me anë të dy satelitëve të saj që tashmë rrotullohen mbi Amerikë, paralajmërojnë ekspertët.

Ka frikë që Pheniani po krijon fshehurazi aftësinë për të shpërthyer një armë bërthamore në lartësitë e hapësirës, duke vendosur një EMP që do të copëtonte sistemet elektrike më poshtë me rezultate katastrofike, shkruan britanikja “Daily Mail”.

Koreja e Veriut ka dy satelitë të vëzhgimit të tokës të lëshuara në vitet 2012 dhe 2016, ku secilit prej tyre i duhet 74 minuta për t’u rrotulluar rreth orbitës së tokës.

Dr Peter Vincent Pry, drejtor ekzekutiv i Task Force mbi Sigurinë Kombëtare në SHBA thotë se Koreja e Veriut po i pozicionon satelitët satelitët e saj në një “epokë bërthamore të raketave, versionin e kiberazheve (cyberage)” të diplomacisë së betejës në mënyrë që ata të kenë gjithmonë njërin prej satelitëve mbi SHBA’të ose afër tyre.

Me siguri, Pheniani mund të jetë frymëzuar nga një plan i Bashkimit Sovjetik për të sulmuar Amerikën me një goditje elektromagnetike gjatë Luftës së Ftohtë.

Obama e kishte paralajmëruar Trumpin për Mike Flynn dhe Korenë Veriore

Ish-presidenti i SHBA-së, Barack Obama, e kishte paralajmëruar presidentin e tanishëm Donald Trump kundër emërimit të Mike Flynn si këshilltar të tij të sigurisë kombëtare, tre zyrtarë të ish-Administratës Obama kanë thënë për NBC News.

Paralajmërimi, i cili nuk ishte raportuar më herët, erdhi më pak se 48 orë pas fitores së Trumpit në zgjedhjet e nëntorit, kur të dy u ulën për të biseduar për 90 minuta në Zyrën Oval, transmeton Express.

Këta zyrtarë kanë thënë se Obama e kishte bërë të qartë se nuk ishte adhurues i Michael Flynn. Por, një zyrtar tjetër ka thënë se komenti i Obamas u duk se u bën si në shaka.

Ky zbulim vjen në një ditë kur ish-Prokurori i Përgjithshëm në detyrë, Sally Yates, pritet që të dëshmojë se Flynn e gënjeu Shtëpinë e Bardhë për kontaktet e tij me ambasadorin rus në Shtetet e Bashkuara.

Paralajmërimi i Obamas u bë para se të ngreheshin shqetësimet në Shtëpinë e Bardhë rreth kontakteve të Flynnit me ambasadorin rus, ka thënë njëri prej zyrtarëve. Obama bëri një paralajmërim të përgjithshëm se ai besonte se Flynn nuk ishte i përshtatshëm për një post aq të lartë në Administratën Trump, shtoi ky zyrtar.

Dy zyrtarët po ashtu thanë se Obama e kishte paralajmëruar Trumpin edhe për Korenë Veriore duke i kërkuar që të ishte syhapur.

SHBA paralajmëron Danimarkën për gazin rus

SHBA deklaroi se është kundër kalimit të tubacionit të “Nord Stream 2” nëpërmjet kufijve të Detit Baltik në Danimarkë, që mundëson që gazi natyror i Rusisë të arrijë në Gjermani

KOPENHAGË – SHBA-ja ka deklaruar se është kundër kalimit të tubacionit të “Nord Stream 2” nëpërmjet kufijve të Detit Baltik në Danimarkë, i cili do të mundësojë që gazi natyror i Rusisë të arrijë në Gjermani.

Zv/ministri i Energjisë së SHBA-ve, Robin Dunnigan në një deklaratë për gazetën ‘Berlingske’ të Danimarkës tha se nuk është e logjikshme që tubacioni “Nord Stream 2” të kalojë nëpërmjet kufijve detarë të Danimarkës në Detin Baltik.

Dunnigan tha se qeverisja e Kremlinit përdor gazin natyror si kartë kur dëshiron ta shkatërrojë një shtet. Ai kërkoi nga Danimarka që të mos lejojë që ky projekt të kalojë përmes territorit të saj.

Disa politikanë të Danimarkës mendojnë se Evropa është shumë e varur nga gazi natyror i Rusisë. Edhe qeveria mendon se vendimi lidhur me temën duhet të merret nga Komisioni i Bashkimit Evropian (BE). Partia Demokrate Sociale dhe ajo Socialiste Liberale mbështesin qeverinë lidhur me këtë temë.

Ministri i Energjisë së Danimarkës, Lars Christian Lilleholdt më parë ka deklaruar se kjo është jo vetëm çështje e Danimarkës por edhe e Evropës.

Dy zyrtarë të administratës Obama do të dëshmojnë për “ndërhyrjen ruse” në zgjedhje

Dy zyrtarë të lartë të administratës së ish-presidentit Barack Obama, më 8 maj do të dëshmojnë para një komiteti të Senatit, si pjesë e hetimit për ndërhyrjen e Rusisë në zgjedhjet presidenciale në Shtetet e Bashkuara më 2016.

Para Komitetit për Drejtësisë të Senatit do të dëshmojë, Sally Yates, e cila qëndroi në administratën Trump përpara se të largohej nga puna 10 ditë më pas. James Clapper, që ka shërbyer si drejtor i inteligjencës kombëtare në administratën Obama, po ashtu do të dëshmojë para këtij komiteti.

Senati dhe komitetit për inteligjencë të Dhomës së Përfaqësuesve po ashtu janë duke hetuar ndërhyrjen e Rusisë në fushatën zgjedhore dhe për çfarëdo lidhje që mund të ketë pasur në mes të Moskës dhe ekipit të Trumpit.

Yates pritet të dëshmojë për atë se çfarë dinte administrata e Trumpit për komunikimet me zyrtarët rusë para dhe pas zgjedhjeve, të ish-këshilltarin e presidentit për siguri kombëtare, Michael Flynn.

Flynn u largua nga puna nga presidenti Donald Trump më 13 shkurt, vetëm 24 ditë pasi kishte marrë detyrën.

Trump kishte deklaruar se e ka përjashtuar nga puna Flynnin për shkak se ai kishte gënjyer se kishte biseduar me ambasadorin rus në Shtetet e Bashkuara gjatë periudhës tranzitore të pushtetit në SHBA.

Ndërkaq, Clapper me gjasë pritet të dëshmojë në atë se a ka ndonjë provë se anëtarët e ekipit tranzitor të Trumpit, kanë bashkëpunuar me Rusinë për të ndërhyrë në zgjedhjet amerikane.

Hillary Clinton bën thirrje në mbrojtje të “Obamacare”

Pasi Presidenti amerikan Donald Trump e shpalli “në thelb të vdekur” ligjin për kujdesin shëndetësor të administratës Obama, sepse Dhoma e Përfaqësuesve në Kongres kaloi me një shumicë të ngushtë projek-ligjin që shfuqizon dhe zëvendëson ligjin e njohur si “Obamacare.”, ka reaguar me një tweet në Twitter Hillary Clinton:

“Një dështim i turpshëm i oplitikës dhe moralit të GOP (Partia Republikane) sot, Do ta vazhdojmë luftën në emër të miliona familjeve që do të dëmtohen nga veprimet e tyre”.

Pas dështimit të përpjekjes së parë, administrata e re u përfshi në negociata intensive. Presidenti Trump dhe nënpresidenti Mike Pence ia dolën të ofrojnë një variant që mori votat e mjaftueshme për të vazhduar debatin në Senat. Shtëpia e Bardhë pritet të përballet me sfidën e fortë të miratimit të ligjit në Senat, ku diferenca mes votave është më e ngushtë.

Por presidenti Trump premtoi fitore, ndërsa festonte me republikanët e Dhomës së Përfaqësuesve miratimin e projekt-ligjit republikan për të shfuqizuar disa klauzola dhe për të zëvendësuar disa të tjera nga ligji “Obamacare” për kujdesin shëndetësor.

SHBA, papunësia më e ulëta në 10 vjet

Ekonomisë amerikane iu shtuan 211 000 vende të reja pune gjatë muajit prill.

Kjo shihet si një shenjë bindëse se rënia ekonomike në tre muajt e parë të vitit mund të jetë e përkohshme.

Sipas Departamentit të Punës, shkalla e papunësisë u ul në 4.4 për qind, pika më të ulët në një dekadë, nga 4.5 për qind që ishte në muajin mars.

Gjatë këtij viti, mesatarisht janë shtuar 185,000 vende të reja pune në muaj, duke përkuar me ritmin e fortë të vitit të kaluar.

Ky është një tregues se deri më tani zhvillimi i tregut të punës nën Presidentin Donald Trump ngjan shumë me atë të vitin 2016 nën presidentin Barack Obama.

Trumpi më 25 maj do të takohet me liderët e BE-së

Presidenti i Shteteve të Bashkuara, Donald Trump do të takohet me liderët më të lartë të Bashkimit Evropian në Bruksel, gjatë turneut të tij të parë jashtë vendit si president, kanë konfirmuar zyrtarët evropianë.

Trump do të takohet me presidentin e Komisionit Evropian, Jean-Claude Juncker dhe me atë të Këshillit të Evropës, Donald Tusk më 25 maj, në ditën kur presidenti amerikan do të marrë pjesë në samitin e NATO-s.

“E konfirmuar Tusk dhe Junker do të takohen me presidentin Trump në Bruksel më 25 maj”, ka shkruar në Twitter, Preben Aamann, zëdhënës i Tuskut.

Trump ka irrituar liderët evropianë, pasi ka parashikuar se edhe vende të tjera do “të largohen” nga BE-ja, pas Britanisë së Madhe.

Juncker ka bërë shaka duke thënë se Trump po inkurajon lëvizjet për pavarësi të shteteve në SHBA, nëse ai vazhdon të shpreh mbështetje për Brexit-it.

Por së fundmi, Trump ka shprehur mbështetjen për Bashkimin Evropian.

Trump më 4 maj ka thënë se do të nisë turneun e parë, ku do të qëndrojë në Arabinë Saduite, Izrael dhe Vatikan.

SHBA zhvendos një seli ushtarake dhe 100 trupa në Poloni

Tanket e SHBA-së në Poloni

 

Misioni në Evropë i ushtrisë së Shteteve të Bashkuara ka thënë se 100 trupa dhe selia e tyre taktike janë zhvendosur nga Gjermania në Poloni, për të ndihmuar forcat amerikane që tashmë janë të vendosur në atë rajon.

Rreth 6 mijë trupa amerikane janë vendosur këtë vit në këtë rajon, pas veprimeve të Rusisë në lindje të Ukrainës. SHBA ka kërkuar po ashtu prezencë më të madhe të trupave aleate.

Misioni i Atlantikut, mision i SHBA-së në Evropë, ka thënë se selia e tyre taktike, në nivel të divizionit është rivendosur më 29 prill në qytetin perëndimor të Poznanit, për të komanduar forcat në rajon, ku SHBA nuk ka pasur prezencë të konsiderueshme ushtarake në të kaluarën.

Rajoni përfshinë Estoninë, Letoninë, Lituaninë, Poloninë, Gjermaninë, Sllovakinë, Hungarinë, Rumaninë dhe Bullgarinë.

Misioni ka thënë se kjo zhvendosje do të rrisë aftësinë për të reaguar më shpejt dhe për tu mbrojtur në mënyrë më efikase nga çdo kërcënim.

SHBA: Ligjvënësit mbështesin masa të reja kundër ndikimit të Rusisë

Pamje nga Kremlini

 

Kongresi në SHBA ka autorizuar 100 milionë dollarë, në përpjekje për të luftuar “ndikimin dhe agresionin rus” dhe mbështetjen e organizatave të shoqërisë civile në Evropë dhe Euroazi.

Ligjvënësit amerikanë më 4 maj kanë mbështetur një masë që imponon kufizime të reja dhe mbikëqytjen e diplomatëve rusë në Shtetet e Bashkuara- një masë që Moska e ka paralajmëruar SHBA-në që të mos e vendos.

Të dy përpjekjet u përfshinë në buxhetin 1.1 trilion dollarësh, që do të financojë qeverinë federale, i cili u miratua nga Senati. Tani ai do të dërgohet për nënshkrim tek presidenti, Donald Trump.

Fondi prej 100 milionë dollarësh është produkt i disa propozimeve që kanë qarkulluar në Dhomën e Përfaqësuesve dhe Senatin amerikan muajt e fundit, pasi ligjvënësit kanë kërkuar që të ndalojnë ndërhyrjen e Rusisë në Evropë dhe gjetkë.

Një numër i madh i demokratëve dhe republikanëve kanë vënë në dukje rritjen e lajmeve të rrejshme, financimet e huaja për partitë politike, propagandën dhe aktivitetet e tjera të fshehta, si indikacione për një përpjekje agresive ruse për të ndërhyrë ose për të përmbysur qeveritë që duken armiqësore ndaj Moskës.

Fushatat zgjedhore në Francë dhe Gjermani kanë rënë nën hijen e dyshimeve për përfshirjen e Rusisë si dhe zgjedhjet presidenciale të vitit të kaluar në SHBA.

Fondi prej 100 milionë dollarëve i quajtur “Fondi i Ndikimit rus”, është dedikuar posaçërisht për grupet “e shoqërisë civile të përfshira në sundimin e ligjit, media, programe kibernetik dhe të tjera në Evropë, përmes së cilave forcohen insitutcioneve dhe proceset demokratike që kundërshtojnë ndikimin dhe agresionin rus”, thuhet në këtë legjislacion.

Votohet projektligji që shfuqizon Obamacare

Ish-presidenti amerikan, Barack Obama

 

Dhoma e Përfaqësuesve në SHBA ka kaluar një projektligj përmes së cilit do të zëvendësohen pjesët kryesore të ligjit të kujdesit shëndetësor, të njohur si Obamacare.

Më 4 maj, 217 ligjvënës votuan pro ndryshimit, ndërkaq 213 ishin kundër. Për të kaluar ky projektligj, ishin të nevojshme 216 vota.

Megjithatë, ky projektligj duhet të votohet në Senat, ku republikanët kanë 52 vota, ndërkaq 48 kanë demokratët. Ndërkaq, 60 vota janë të nevojshme që Senati të kalojë këto ndryshime.

Presidenti Donald Trump e ka pasur shfuqizimin e Obamacare premtim kryesor të fushatës së tij.

Projektligji i Republikanëve i quajtur Akti Amerikan i Kujdesit Shëndetësor, do të shfuqizojë shumicën e taksave që lidhen me Obmacare dhe do t’i jap fund dënimit ndaj amerikanëve që nuk kanë sigurim shëndetësor. Gjithashtu do të shkurtohen fondet për Medicaid, që ndihmon në sigurimin e të varfërve.

Përpjekja e parë për ta rrëzuar këtë ligj dështoi në mujain mars, edhe pse Partia Republikane, nga e cila vjen Trump, kontrollon të dyja dhomat legjislative.

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend