VOAL

Rajon

Lavrov: Jemi kundër ndryshimit të njëanshëm të rezolutës 1244

Ministri i Jashtëm rus Sergei Lavrov, tha sot në Beograd se Rusia pranon të gjitha zgjidhjet dhe proceset në lidhje me Kosovën, por që sipas tij, kjo do të bëhet me respektim të Rezolutës 1244 dhe se rishikimin i njëanshëm i Rezolutës do të kundërshtohet.

“ Ne solidarizohemi me miqtë tanë serbë dhe jemi kundër çdo përpjekje për të rishikuar në mënyrë të njëanshme këtë Rezolutë”, tha Lavrov shkruan “B92”.

Në anën tjetër homologu i tij serb, Ivica Daçiq, tha se, Lavrov i ka ofruar mbështetjen e Rusisë.

Siç shkruan “B92”, Daçiq ka thënë se, kur Serbia është në rrezik, Lavrov i ka propozuar që të thërras në telefon Rusinë.

Pasi e tregoi këtë bisedë, Daçiq, ka ironizuar edhe për mbështetjen e Uashingtonit dhe Londrës që i japin Kosovës.

“Unë uroj që gjithmonë të mund t’i telefonoj John Kerryt, në çdo kohë për të t’i treguar se Serbia është e kërcënuar, ose për ta thirrur atë kur zyrtarja e Departamentit të Shtetit, Victoria Nuland, thotë se ata kanë 20 vjet që kanë investuar në pavarësinë e Kosovës, ose Londrën, kur njëri prej tyre sjell rezolutë për gjenocid nga populli serb”, tha Daçiq.

Lavrov tha gjithashtu se ai dhe homologu i tij serb, Ivica Daçiq, kanë folur për situatën në rajon, duke përfshirë edhe përpjekjet në Bosnjë dhe Hercegovinë, por me respektimin e të tre popujve përbërës. /Zeri.info/

Vuçiçi ultimatum Kroacisë: Tash flasim ndryshe me ju!

Kryeministri i Serbisë, Aleksandar Vuçiçi, pas bllokadës së Kroacisë në hapjen e kapitullit 26-të të negociatave me BE-në, ka deklaruar se Serbia gjatë gjithë kohës ka qenë e durueshme, por tashmë është mjaft me “zhagitjen e Kroacisë”.

Vuçiq po ashtu ka paralajmëruar se do të largohet nga Brukseli dhe nuk do të merr pjesë në konferencën ndërqeveritare.

Kryeministri serb ka udhëtuar në Bruksel dhe në rast se Kroacia nuk tërhiqet nga bllokada, ai do të largohet nga Brukseli qysh sonte, transmeton lajmi.net.

“Serbia gjatë gjithë kohës ka qenë e durueshme dhe është përpjekur që të mos të reagojë, por qe nga tash do të flasim ndryshim”, ka thënë Vuçiq me tone kërcënuese për Kroacinë.

Ai po ashtu ka thënë se në rast se Kroacia nuk tërhiqet nga bllokada edhe ia do të largohet nga Brukseli dhe do t’i drejtohet opinionit.

Vuçiq ka udhëtuar sot pasdite në Bruksel, ku sonte është paraparë një takim me shefen e diplomacisë evropiane, Federica Mogherini.

Takimi i punës i kryeministrit serb dhe Mogherinit i paraprinë konferencën nderqeveritare të BE-së dhe Serbisë nesër në Bruksel, ku është paraparë hapja e tri kapitujve të negociatave – 2, 25 dhe 26.

Daçiçi: Serbia nuk do të jetë kurrë shtet anti-rus

Ministri i Jashtëm i Rusisë Sergei Lavrov, dhe ministri i Jashtëm i Serbisë, Ivica Daçiç. Beograd, 12 dhjetor 2016.

Ministrat e Jashtëm të Serbisë dhe Rusisë, Ivica Daçiq dhe Sergei Lavrov, kanë nënshkruar të hënën në Beograd planin e konsultimeve për dy vjetët e ardhshëm.

Daçiq u tha gazetarëve se praktikë do të jenë takimet dy herë në vit – një herë në Rusi, një herë në Serbi.

“Pa Rusinë, është e pamundur të mbrohet integriteti dhe sovraniteti ynë. Kur flasim për marrëdhëniet me Rusinë, flasim edhe për të ardhmen tonë. Serbia nuk do të jetë kurrë shtet anti-rus, ashtu siç janë bërë disa shtete. Nuk do t’iu bashkohemi sanksioneve dhe masave kufizuese. Nuk e kemi ndërmend të anëtarësohemi në NATO”, tha Daçiq, transmeton Shërbimi i Ballkanit i Radios Evropa e Lirë.

Më herët, presidenti i Serbisë, Tomisllav Nikolliq, i dha Lavrovit Urdhrin e Flamurit të Serbisë për, siç u tha, meritat e jashtëzakonshme në zhvillimin dhe forcimin e bashkëpunimit paqësor dhe marrëdhëniet miqësore ndërmjet dy vendeve.

Lavrov sot dhe nesër qëndron në Beograd

Ministri i jashtëm rus, Sergei Lavrov

Ministri i punëve të jashtme të Rusisë, Sergei Lavrov, do të qëndrojë sot dhe nesër në Beograd.

Ditën e parë të vizitës, janë paraparë takime me udhëheqësit kryesorë të shtetit serb, ndërsa ditën e dytë do të marrë pjesë në takimin e Këshillit të kryediplomatëve të vendeve anëtare të Organizatës për Bashkëpunim Ekonomik të Detit të Zi.

Sipas njoftimit që në fund të muajit shtator e kishte dhënë shefi i diplomacisë serbe, Ivica Daçiq, në takimin e 13 dhjetorit do të marrin pjesë mbi 10 ministra të jashtëm ku përpos Lavrovit, do të marrë pjesë edhe kryediplomati turk, Mevlut Çavushoglu.

Gjatë vizitës në kryeqytetin serb, Lavrov do të takohet me presidentin e Serbisë, Tomislav Nikoliq, kryeministrin Aleksandar Vuçiq dhe kryediplomatin serb, Ivica Daçiq. Me udhëheqjen serbe, siç është raportuar, Lavrov do të bisedojë për ngjarjet aktuale nëpër botë, si dhe për situatën në rajon.

Lavrov do i drejtohet opinionit edhe përmes një konference me gazetarë, të cilën do e mbajë krahas Daçiq, mbrëmjen e të hënës.

Beograd: Fillon procesi i parë për masakrën e Srebrenicës

Ndërtesa e Gjykatës Speciale për Krime Lufte – Beograd

Sot pritet të fillojë procesi gjyqësor kundër tetë të pandehurve që akuzohen se kanë marrë pjesë në masakren e Srebrenicës në Bosnje e Hercegovinë, më 1995.

Tetë të pandehurit përballen me gjykatën për krime lufte në Beograd me akuzën se kanë urdhëruar apo kanë marrë pjesë në vrasjen e qindra myslimanëve në qytezën e Kravicës, afër Srebrenicës.

Kjo është hera e parë që Serbia gjykon persona ndaj të cilëve dyshohet se kanë qenë të përfshirë në masakrimin e 8 mijë burrave dhe djemve myslimanë të Srebrenicës.

Të tetë personat dyshohet se janë pjesëtarë të njësisë speciale të policisë serbe të Bosnjës, “Jahorina”.

Këtu përfshihet edhe komandanti i njësisë, Nedeljko Milidragoviq, i cili akuzohet se ka urdhëruar ekzekutimet.

Nëse shpallen fajtor, ata mund të dënohen deri më 20 vjet burg.

Ish komandanti i serbëve të Bosnjës, Rakto Mlladiq, i cili akuzohet se e ka orkestruar masakrën e Srebrenicës, momentalisht po përballet me gjykatën e Hagës për krimet e luftës në ish Jugosllavi.

Nga shpërthimet në Stamboll 29 të vrarë nga të cilët 27 pjesëtarë të policisë dhe 166 veta të plagosur

Dy shpërthime në afërsi të një stadiumi futbolli në Stamboll, lanë pas vetes 29 të vrarë nga të cilët 27 pjesëtarë të policisë dhe 166 veta të plagosur.

Ministri i Brendshëm turk, Suleyman Soylu, tha se 17 nga të plagosurit janë duke u operuar dhe gjashtë të tjerë janë nën kujdes intensiv.

Ministri Soylu tha se 10 veta janë arrestuar.

Shpërthimet, pasojë e një sulmi vetëvrasës dhe një makine bombë, kishin shënjestëruar pjesëtarët e sigurimit, rreth dy orë pas një ndeshjeje futbolli në Besiktas Vodafone Arena.

Presidenti turk Recep Tayyip Erdogan, tha se qëllimi ishte që të “rritet maksimalisht numri i viktimave”.

“Askush të mos ketë mëdyshje që me vullnetin e Zotit, ne si vend dhe si komb do të ngadhënjejmë mbi terrorin, organizatat terroriste dhe forcat që qëndrojnë pas tyre”, tha ai.

Askush nuk e ka marrë ende përgjegjësinë.

Por, gazetari i Zërit të Amerikës në Stamboll, Dorian Jones, thotë se natyra e sulmit, që shënjestëroi policinë pas përfundimit të ndeshjes dhe jo masën e shikuesve, lë të kuptohet se mund të jetë kryer nga militantët kurdë.
Partia Punëtore Kurde (PKK) e shpallur e jashtëligjshme për dekada me radhë ka luftuar kundër qeverisë turke për një autonomi në juglindje të Turqisë.

PKK është e njohur për sulme të herëpashershme mbi forcat turke të sigurisë por po ashtu është e njohur për shmangie të sulmeve që vënë në shënjestër apo rrezikojnë civilët.

Stambolli ishte skenë e disa sulmeve gjatë këtij viti, përfshirë edhe sulmin e muajit qershor në aeroportin Atatürk që la pas vetes mbi 40 të vrarë. Më shumë se 200 veta janë vrarë gjatë këtij vitit gjithandej vendit në sulmet e grupit militant Shteti Islamik apo fraksionet e militantëve kurdë në Turqi.

Komentet e ministrit grek të Mbrojtjes e zemërojnë Turqinë: Sillu siç i ka hije dinjitetit të pozitës!

Autoritetet turke kanë reaguar ndaj deklarateve të fundit të ministrit grek të Mbrojtjes, të cilësuara si komente provokuese.

Ministria e Mbrojtjes e Turqisë i ka dënuar deklaratat e zyrtarit të lartë grek, duke i bërë thirrje të sillet në një mënyrë që “i ka hije dinjitetit të pozitës së tij”.

“Ne e dënojmë fuqimisht ministrin grek të Mbrojtjes për deklaratat e tij të reja në një kanal radiofonik, të cilave u mungon edukata, njohja dhe përgjegjësia…”

Ministria turke i quan veçanërisht provokuese komentet e Panos Kammenosit në një kohë kur të dy vendet po përpiqen të bashkëpunojnë për çështjet dypalëshe dhe rajonale.

Ministri grek ka ngjallur zemërim prej ditësh në Turqi dhe me deklaratat e tij për presidentin Erdogan. Reagimi i Turqisë dhe ditë më parë ndaj zyrtarit grek qe mjaft i ashpër.

Shpërthim në Stamboll, disa të plagosur

STAMBOLL – Një shpërthim ka ndodhur në afërsi të stadiumit Vodafone Arena në Stamboll. Ministri i Punëve të Brendshme të Turqisë Süleyman Soylu ka deklaruar: “Dyshohet se ka qenë një autobombë në vendin ku po dilte autobusi i forcave policore, pranë daljes së tifozëve të skuadrës Bursaspor. Ka rreth 20 të plagosur. Nuk kam informacion për dëshmorë. Shpresoj që të mos ketë.”

Ndërkohë Kryeministri i Turqisë, Binali Yıldırım ka zhvilluar një bisedë telefonike me ministrin e Punëve të Brendshme Süleyman Soylu dhe prefektin e Stambollit, Vasip Şahin ku ka marrë informacione mbi ngjarjen.

Këshilli i Radio Televizionit Kombëtar të Turqisë (RTÜK), ka njoftuar se është vendosur për ndalimin e publikimeve në lidhje me shpërthimin e ndodhur në afërsi të stadiumit të Beşiktaş-it, Vodafone Arena në Stamboll. aa

Maqedoni, votojnë të sëmurët, të burgosurit dhe diaspora

Sot në Maqedoni është heshtje parazgjedhore në vigjilje të zgjedhjeve të parakohshme parlamentare të së dielës në Republikën e Maqedonisë, të katërtat me radhë

SHKUP – Sot në Maqedoni është heshtje parazgjedhore në vigjilje të zgjedhjeve të parakohshme parlamentare të së dielës në Republikën e Maqedonisë, të katërtat me radhë. Fushata zgjedhore e cila zgjati 20 ditë përfundoi mbrëmë në mesnatë. Votimi sot, sipas ligjislacionit zgjedhor të Maqedonisë, zbatohet në diasporë, për personat e paraqitur si të sëmurë dhe të palëvizshëm dhe për të burgosurit dhe personat në paraburgim

Qendrat e votimit janë hapur në orën 7:00, ndërsa votimi përfundon në orën 19:00. Në diasporë kjo do të bëhet sipas kohës lokale.

Në zgjedhje marrin pjesë 11 subjekte politike: gjashtë parti politike dhe pesë koalicione me 58 lista me 1.092 kandidatë.

Të paraqitur për votim jashtë vendit janë 20.573 qytetarë, përderisa në Listën e posaçme zgjedhore janë regjistruar 230.122 persona të cilët në pajtim me evidencën e organit kompetent konsiderohet se janë në punë të përkohshme jashtë vendit.

Të drejtën e tyre të votës jashtë vendit shtetasit e Republikës së Maqedonisë do të mund ta realizojnë në 41 përfaqësi diplomatike-konsullare dhe zyra konsullare. Më së shumti të paraqitur për votim ka në Bern 4.256, në Venecia, 2.724, në Detroit 1.170, New-York 1.168, Melburn 1.112…

Për këto zgjedhje, për votimin në Bern janë hapur tre vendvotime plotësuese, përderisa në Venecia dy. Më pak të paraqitur ka në Madrid – 10, Pekin 13 dhe në Varshavë 14 votues.

Votimi sot mbahet edhe për 2.015 të burgosur dhe persona në paraburgim. Në shtëpi apo në adresë ku janë paraqitur sot votojnë edhe persona të sëmurë dhe të pafuqishëm. Votojnë edhe 13 persona të zhvendosur në brendësi.

Për zgjedhjet e nesërme, të nënta parlamentare, të katërtat të parakohshme prej vitit 2008 e këtej, në Listën zgjedhore të regjistruar për votim janë 1.784.416 shtetas të Republikës së Maqedonisë të moshës madhore.

Zgjedhjet do të mbahen në 3.480 qendra votimi në gjashtë njësi zgjedhore në Maqedoni dhe në 46 qendra votimi në njësinë e shtatë zgjedhore që e përfshin diasporën.

Përndryshe, zgjedhjet e parakohshme parlamentare të caktuara më 11 dhjetor janë si rezultat i marrëveshjes mids liderëve të katër partive më të mëdha politike në vend (VMRO-DPMNE, LSDM, BDI dhe PDSH), të cilët pas negociatave të gjata më 31 gusht u dakorduan për mbajtjen e zgjedhjeve, me qëllim që vendi të dalë nga kriza politike. aa

Ja kush qëndron prapa sulmeve greke ndaj Mimi Kodhelit

Ministrja e Mbrojtjes, Mimi Kodheli, është sulmuar ashpër nga disa portale të ekstremit të djathtë në Greqi.

Sipas tyre, ajo ka punuar si striptiste në Greqi, 25 vite më parë, ndërkohë që nuk ka jetuar kurrë në këtë vend.

“Para 25 vitesh, ajo ishte një balerinë e bukur që punonte në Syngrou Avenue, siç kujton Christos Capucco”, shkruan faqja “militaire.gr”, e e cila merret kryesisht me informacionet mbi sigurinë.

“Më pas ajo shkoi për studime në SHBA ku kreu doktoratë për Marrëdhënie Ndërkombëtare. Pasi u angazhua në politikë, sot ajo është ministre e Mbrojtjes në shtetin fqinj”.

Ajo shkruan më tej Kodheli si një grua e edukuar duhet ta dijë shumë mirë se çamët kanë bërë çdo gjë kundër grekëve në periudhën e pushtimit nga nazistët.

“Kodheli gjithashtu duhet ta dijë mirë që vendi i saj nuk mundtë jetë kërcënim ushtarak për asnjë vend në rajon”, shkruhet më tej.

Në shkrim nënvizohet se Shqipërisë nuk mund t’i vijë në ndihmë as Turqia, kur ajo të kthehet në një vrimë të zezë në hartë.

“Ishte Greqia që hapi kufirin dhe pagoi një kosto të lartë nga rrëzimi i sistemit totalitar”, thuhet në shkrim duke kujtuar pritjen e mijëra emigrantëve shqiptarë pas viteve 1990.

Por kush qendron prapa këtij sulmi?

Shkrimi i publikuar në forumin makeleio.gr mban si burim adresën e forumit militaire.gr. Në të dy rastet bëhet fjalë për forume lajmesh të cilat i përkasin krahut të djathtë, ekstrem.

Shkrimi në forumin militaire.gr është përgatitur nga Paris Karvounopoulos, redaktor i reportazhit ushtarak të gazetës RealNews (gazetë po e krahut të djathtë).

Forumi jep adresën e tij në twitter: https://twitter.com/karvounopoulosp

Përsa i përket forumit makeleio.gr, qe ka ripublikuar shkrimin, sipas të dhënave të publikuara në faqen kryesore të tij, i administrator duket te jete gazetari grek Stefanos Xios.

Komunikimi me forumin është i mundur në [email protected], kurse për denoncime jepet nr. Tel +30 6946357733

Sipas legjislacionit grek, denoncimet për të tilla raste i drejtohen Gjykatës Politike të Athinës në emër të personit që ka krijuar “shpifje” duke prekur në këtë imazhin e një figure publike.

Hristo Kapuci (personi qe permendet ne shkrim si personi i intervistuar)

Lindur ne Kalamata 1955

Diplomuar në shkollën ushtarake Evelpidhon 1978, në specialitetin këmbësor dhe parashutistit. Ushtarak aktiv deri në vitin 1986.

Në periudhën 1982-1985 sherbeu me gradën toger në ishujt e Egjeut dhe ne nje baze bërthamore sekrete te NATO-s diku në veri të Greqisë.

U lirua nga ushtria per shkak ten je artikulli që ka botuar në vitin 1986 ku kërkonte te respektoheshin të drejtat e njeriut dhe kushtetuese në radhët e ushtrisë për përmirësimin e jetës ushtarake. Publikimi i këtij artikulli u konsiderua nga ushëheqja ushtarake e kohës si “sulm i trupave ushtarake nëpërmjet shtypit” dhe u largua nga rradhët e ushtrisë.

Në 1985 u diplomua për matematikë në Universitetin e Patras.

Ka kryer studime pasuniversitare në fushën e Psikologjisë së Shoqërisë.

Ka punuar si këshilltar i kryebashkiakut të Athinës.

Ka punuar si mësues matematike (në arsimin e meësëm) 1987-2000.

Nga viti 1992 deri në vitin 2001 ka bashkëpunuar me gazetën “To Paron” dhe me periodiken “ARDHIN” (editorial ushtarak).

Nga viti 1994 deri në vitin 2004 ka qënë pjesë e ekipit kryesor të periodikes “Thitia” (botim i Ministrisë së Mbrojtjes greke).

Nga viti 1995 deri në vitin 2001 në përiodiken “ Thitia” dhe në gazetën “To Paron, publikoi reportazhe për prezencën e Forcave të Armatosura greke në Ballkan, si dhe jepte reportazh radiofonik në Radiostacionin Athina 984.

Gjatë kësaj peridhue ka qënë dhe ka regjistruar si gazetar prezencën ushtarake greke në Tiranë, Vlorë, Elbasan dhe Kukës në Shqipëri. Në Sarajevë dhe në Visok në Bosnje. Në Prishtinë dhe në Mitrovicë në Kosovë. Në Shkup, Tetovë dhe Kumanovë në Maqedoni.

Ka ndjekur si gazetar ngjarjet në vitin 1997 në Shqipëri. Operacionet luftarake të NATO-s në ish- Jugosllavi 1999, si dhe konfliktin mes shqiptarëve dhe maqedonasve në vitin 2001 në Maqedoni (Shkup, Tetovë, Kumanovë). Gjithashtu edhe konfliktin izraelo-palesinez në prill të viti 2002.

Nga viti 1998 punon si analist ushtarak i Radiostacionit public “Athina9,84”.

Nga viti 2011 angazhohet tek gazeta “Paraskinio”.

Ka bashkëpunuar me gazetën “Apofasi” dhe “Hora” të së dielës si redactor dimatik dhe ushtarak. Bashkëpunon me kanalin televiziv “B.S” duke marrë pjesë në programin informative që nga viti 2004.

Ekspert ne Institutin e Analizave Ushtarake për tre vjet 1998-2001

Anëtar i grupit të shkrimit të “Snciklopedia e Madhe Ushtarake”.

Shkrimtar i dy librave:

1.Mjedisi i Ri i Sigurisë në Ballkan

2.Çështje të veçanta të Matematikës për provimet kombëtare

Anëtar i shoqatës greke të matematikës

Anëtar i shoqatës të gazetarëve (ΕΣΠΗΤ)

Hapen klasat e para në gjuhën shqipe në Çamëri

Në qytetin e Artës dhe të Atikës, do të ketë klasa në gjuhën shqipe. Lajmi është konfirmuar nga kryetarja e Lidhjes së Mësuesve Shqiptarë në Greqi, Anila Kila

Kryetarja e LMSHG-së, Anila Kila, jep lajmin e gëzuar për fëmijët shqiptarë në Artë dhe në Atikë. Klasat për mësimin e gjuhës shqipe do të jenë në shkollat publike të dy qyteteve.

Në qytetin e Artës dhe të Atikës, do të ketë klasa në gjuhën shqipe. Lajmi është konfirmuar nga kryetarja e Lidhjes së Mësuesve Shqiptarë në Greqi, Anila Kila.

Klasat për mësimin në gjuhën shqipe do të jenë brenda shkollave publike në qytetin e Artës dhe Atikës. Kryetarja e LMSHG-së, ka falenderuar autoritet e bashkive në dy qytetet si dhe mësuesit e angazhuar në këtë mision.

“Me gëzim të madh ju njoftoj se sot mora lajmin për fillimin e mësimeve të gjuhës shqipe në mjediset e shkollës publike nr. 8 të qyetit të Artës dhe gjithashtu mora lejen për fillimin e mësimeve në mjediset e shkollës publike nr. 1 në Spata të Atikës. Puna serioze e mësuesve dhe e organeve drejtuese të LMSHG-së ka bërë që të fitojmë besimin e pushtetit lokal këtu, në Greqi dhe të vazhdojmë mësimdhënien pa asnjë problem nga ana e tyre.

Falënderoj nga zemra pushtetin lokal të bashkive në Arta dhe Spata – Artemisë, për ndihmën e madhe, duke na bërë të mundur zhvillimin e mësimit në mjediset e shkollave publike dhe mbështetjen për mbajtjen gjallë të gjuhës, kulturës dhe traditave tona.

Falënderoj mësuesen e kursit të MPGjSh-së në Arta, zonjën Sonila Todo, për përpjekjet e saj dhe i uroj në emër të të gjithë kolegëve: Punë të mbarë! Falënderoj gjithashtu edhe zotin Anastas Kozdine, kryetarin e Shoqatës.

Turqia lëshon satelitin e dytë ushtarak

Nga Guajana Franceze lëshohet sateliti GÖKTÜRK-1 i cili përmes pamjeve satelitore me rezolucion të lartë dhe nga çdo vend i botës pa kufizime gjeografike do t’i plotësojë nevojat e TSK-së

ANKARA – Nga Guajana Franceze lançohet sateliti GÖKTÜRK-1 i cili përmes pamjeve satelitore me rezolucion të lartë dhe nga çdo vend i botës pa kufizime gjeografike do t’i plotësojë nevojat informative të Forcave të Armatosura Turke (TSK).

Në ceremoninë e organizuar në objektet e Industrisë Turke të Aviacionit dhe Aeronautikës AŞ (TUSAAŞ) nga Komanda e Forcave Ajrore dhe Sekretariati i Ministrisë së Mbrojtjes me pjesëmarrjen e presidentit Recep Tayyip Erdoğan, u ndoq drejtpërdrejt momenti i lançimit.

GÖKTÜRK-1 do të mundësojë pamje me rezolucion të lartë për aplikime civile dhe ushtarake dhe me këto veçori do të zë vend në mesin e satelitëve më të zhvilluar detektues dhe monitorues. GÖKTÜRK-1 ka masë prej 1.070 kilogramësh pa karburant dhe kamerë optike me rezolucion të lartë.

GÖKTÜRK-1 është sateliti i dytë ushtarak që lançohet pas GÖKTÜRK-2 i cili u lançua në vitin 2012. Zhvillimi, prodhimi dhe testimi i tij ka filluar më 19 korrik të vitit 2010. Përmes pamjeve satelitore me rezolucion të lartë dhe nga çdo vend i botës pa kufizime gjeografike, ai do t’i plotësojë nevojat informative të Forcave të Armatosura Turke.

Me rezolucionin dhe kapacitetin e lartë, shpejtësinë e shkarkimit të të dhënave, aftësinë e manovrimit dhe sistemin e zhvilluar tokësor, sateliti GÖKTÜRK-1, së bashku me GÖKTÜRK-2, do ta rrisin forcën e Turqisë në hapësirë.

Pas testimeve të orbitës dhe përfundimit të marrëveshjeve, GÖKTÜRK-1 do të komandohet dhe kontrollohet nga Komanda e Brigadës së Satelitëve Detektues që është themeluar në kuadër të Komandës së Forcave Ajrore.

Antalya, plazh në muajin dhjetor

Ndërkohë që disa qytetarë janë parë të zhvillojnë shëtitjenë breg, disa të tjerë ditën e ngrohtë e kanë shfrytëzuar duke lexuar libra.

ANTALYA – Edhe pse jemi në muajin dhjetor ku i ftohti është prezent, disa pushues në Antalya të Turqisë kanë shfrytëzuar ditët me diell për tu futur në det. Në Antalya temperatura shënon 18 gradë celsius, ndërsa nxehtësia e ujit është regjistruar 22 gradë. Qytetarë dhe pushues të ndryshëm kanë shfrytëzuar këto momente duke shijuar ujin e ngrohtë të detit.

Ndërkohë që disa qytetarë janë parë të zhvillojnë shëtitjenë breg, disa të tjerë ditën e ngrohtë e kanë shfrytëzuar duke lexuar libra.

Safiye Kavak, një qytetare që ka hyrë në ujë në këtë ditë dhjetori, thotë se uji është i ngrohtë dhe ajo e shfrytëzon gjithmonë këtë situatë. Duke vënë në dukje se çdo stinë është një bukuri në vete në Antalya, Kavak në vijim shtoi: “Jam shumë e lumtur që jetoj në Antalya dhe shpesh herë hy në ujë. Nëse në disa vende shumë njerëz luftojnë kundër borës, ne këtu shijojmë detin.” aa

Tallet Gjuriçi: NATO e kontrabandoi Mustafën nëpër mal

Drejtori i Zyrës për Kosovë në Qeverinë e Serbisë, Marko Gjuriçi, është tallur sot me bllokadën që serbët ia kanë bërë eskortës së Kryeministrit të Kosovës Isa Mustafa, i cili ishte nisur në Veri për të marrë pjesë në përuruimin e një ure.

Djuric ka thënë se Kryeministrin “krahinor” më pas e ka kontrabanduar KFOR’i nëpër një rrugë malore, në të cilën kalojnë emigranëtët, pasi atë atje nuk e do populli serb dhe se këtë e ka shfaqur nëpërmjet bllokadës.

Ministri grek i Mbrojtjes kundërsfidon Ramën për çamët

Ministri i Mbrojtjes së Greqisë, Panos Kamenos pasi provokoi me ngritjen e flamurit me ushtarët dhe shefin e Shtabit të Përgjithshëm në një aktivitet në kufi me Shqipërinë lëshoi edhe disa deklarata të forta si kundërpërgjigje ndaj Ramës për Çamërinë.

“Deklaratat e fundit nga Rama duhet të sjellin përsëri në kujtesën tonë se ata për të cilët ai flet ishin bashkëpunëtorë të nazistëve.
Ne nuk do të pranojmë sfida të tilla.

Ne nuk do të pranojë sfida të tilla, ne nuk do të pranojë raporte të tilla, të cilat infektojnë dhe historinë dhe të drejtën ndërkombëtare”, citon Shqiptarja ministrin grek të Mbrojtjes.

Aktiviteti në kufi është një sinjal i Greqisë së nuk është dobësuar pavarësisht krizës ekonomike duke pasuar deklaratat e Ministrit të Jashtëm disa javë më parë se Athina është më e fortë se Shqipëria si në anën ekonomike, por edhe ushtarake.

Turqi, emrin e tunelit të Euroazisë do ta përcaktojnë qytetarët

Ministri Arslan:Për shkak të interesit të lartë të qytetarëve ne vendosëm që emrin e tij ta zgjedhin ata vetë

ANKARA – ARİFE YILDIZ ÜNAL – Ministri turk i Transporteve, Çështjeve Detare dhe Telekomunikacionit, Ahmet Arslan, ka deklaruar se emri i projektit të kalimit për makina poshtë ngushticës së Bosforit dhe që populli e njeh si “Tuneli Avrasya”(Tuneli i Euroazisë) do të përcaktohet përmes një ankete në ueb-faqen e ministrisë.

Në një deklaratë për AA, Arslan ka thënë se projekti i cili njihet ndryshe edhe si vëllai i Marmaray-it do të përfundojë më 20 dhjetor dhe se projekti prej 14.6 kilometrash përbëhet nga 3 pjesë të ndryshme.

Dukë vënë në dukje se pjesa prej 3.344 metrash e cila ndodhet nën ngushticën e Bosforit ka përfunduar në gusht të vitit 2015, ministri Arslan në vijim ka shtuar: “Rrugët lidhëse në pjesën aziatike dhe atë evropiane përfunduan 8 muaj përpara afatit. Edhe pse kemi të bëjmë me një projekt shumë të vështirë siç është ky pasi kalon poshtë ngushticës, përmes teknologjisë së lartë inxhinierike ne arritëm ta përfundojmë para kohe dhe kjo është shumë mbresëlënëse dhe një sukses i madh.”

“Emri i tij do të përcaktohet përmes një ankete”

Ministri Arslan duke nënvizuar se emri i tij do të përcaktohet përmes një ankete e cila zhvillohet në ueb-faqen e ministrisë, u shpreh se “Interesi i qytetarëve për këtë projekt ka qenë shumë i madh. Kemi marrë shumë pyetje se si do të jetë emri i këtij projekti gjatë vizitave apo pjesëmarrjeve në ceremoni të ndryshme. Për shkak të interesit të lartë të qytetarëve ne vendosëm që emrin e tij ta zgjedhin ata vetë. Përmes një slogani të titulluar ‘Ai bashkon kontinentet nga poshtë, ndërsa emri i tij nga qytetarët’ nisëm edhe një fushatë për këtë gjë.”

Anketa do të zhvillohet në uebfaqen “www.udhb.gov.tr”, tha Arslan dhe më pas ka shtuar se anketa ka nisur sot dhe do të jetë e hapur për të gjithë. “Do të pranojmë propozime për emrin deri më 10 dhjetor. Cili emër të ketë më shumë kërkesa do bëjmë një vlerësim për të”, u shpreh ai.

Automjete VIP me WC dhe kabinë dushi

– Një firmë që vepron në Stamboll eksporton drejt shteteve si Belgjika, Franca, Gjermania, Rusia, Arabia Saudite, Jordania dhe Omani automjete VIP që kanë çmim prej 20 mijë deri në 120 mijë euro

BURSA – Një firmë që vepron në Stamboll eksporton drejt shteteve si Belgjika, Franca, Gjermania, Rusia, Arabia Saudite, Jordania dhe Omani automjete VIP që kanë çmim prej 20 mijë deri në 120 mijë euro, të cilët brenda posedojnë arka të fshehura me dizajnim të veçantë, mini-frigoriferë, sistem zëri dhe pamjesh si dhe klozet.

I pranishëm në një program në Bursa, drejtori i shtijeve të firmës Nalat Toruk në deklaratën për gazetarin e AA-së tha se prej 20 vitesh bën dizajnime speciale të brendisë së automjeteve së bashku me inxhinierët e tij.

Toruk tha se deri tani kanë realizuar dizajnimin e brendshëm të kamionëve shitës ambulantë, argjendarëve ambulantë, automjeteve për hulumtime të tërmeteve, si ambulancave dhe automjeteve për shërbime.

Aktualisht, siç tha Toruk, firma e tij më së shumti merret me prodhimin e automjeteve me dizajn të veçantë të firmave të turizmit të cilat shërbejnë për personat e rëndësishëm apo turistët e huaj.

Ai tha se automjetet e reja të blera i modifikojnë brenda sipas dëshirës së klientëve.

“I ndërrojmë ulëset dhe plastikat e automjetit. Sipas dëshirës, automjetit i vendosim ulëse me qasje elektrike e cila mund të shtrihet apo të kthehet. Montojmë televizor LCD për ta ndërprerë komunikimin me shoferin. Automjetet po ashtu i pajisim me internet pa kabllo, sisteme satelitore, sistem zëri, aparat kafeje, mini-frigorifer dhe arka të fshehura në mënyrë speciale. Duke vendosur tryeza të lidhura me rrymë elektrike në mënyrë që udhëtarët të kenë më shumë komoditet gjatë udhëtimit”, theksoi Toruk. aa

Mali i Zi, një nga të akuzuarit për sulm terrorist në ditën e zgjedhjeve, pranon fajin

Mirko Velimiroviç ka pranuar fajin, kësshtu që me Prokurorinë Speciale kanë nënshkruar marrëveshje për fajësinë

PODGORICË – Një nga të akuzuarit për planifikim të sulmit terrorist në ditën e zgjedhjeve në Mal të Zi dhe vrasje të ish kryeministrit Millo Gjukanoviç, Mirko Velimiroviç ka pranuar fajin, pas çka me Prokurorinë Speciale kanë nënshkruar marrëveshje për fajësinë. Velimiroviç u ka thënë hetuesve malazez se po përgatiteshin trazira më 16 tetor dhe më pas u ka shpjeguar në detaje planin e organizatës kriminale.

Në urdhërin e zgjeruar për zbatimin e hetimeve theksohet se Velimiroviç ka kontribuar në zbulimin e organizatës kriminale ndërsa puna e tij ka qenë të furnizojë armatimin dhe municionin, ta vendosë atë në depo si dhe të bartë porositë të cilat i ka pranuar përmes personit Aleksandar Sinxheliç i cili është akuzuar si njëri nga organizatorët dhe planifikuesit e sulmit terrorist. aa

Lirohet korrespondentja e Zërit të Amerikës, pas ndalimit në Turqi

Khajijan Farqin, një gazetare e lirë që punon për shërbimin kurd të Zërit të Amerikës, u lirua, pasi ishte ndaluar nga autoritetet turke në Diyarbakir.

Hollësitë për arrestimin e saj të shtunën, u dhanë nga një mik i familjes që tha se arsyet për ndalimin e Farqinit, mbeten të paqarta. Familja e saj ka thënë se për shkak të gjendjes së jashtëzakonshme në zonën ku ajo banon, as avokati i saj nuk ka mundur ta kontaktojë për pesë ditë.

Farqin, që ka punuar edhe për BBC-në, u ndalua në provincën Siirt të Turqisë në një post-bllok policie ndërsa po shkonte për të raportuar për një rrëshqitje dheu në një minierë bakri, siç njoftohej në faqen turkishminute.com.

Po këtë muaj, Olivier Bertrand, që punon për faqen franceze të internetit lesjours.fr, u ndalua ndërsa raportonte nga Gaziantepi, në veri të kufirit turk me Sirinë. Më pas ai u dëbua.

Që kur shpalli gjendjen e jashtëzakonshme, disa ditë pas dështimit të një grushti shteti në 15 korrik, qeveria turke ka mbyllur 195 gazeta, radio, televizione, shtëpi botuese dhe kompani shpërndarëse dhe ka burgosur rreth 150 gazetarë nën akuza për terrorizëm, diçka e zakonshme që nga përpjekja për të përmbysur qeverinë e Recep Tayyip Erdoganit.

Korrespondentja e Zërit të Amerikës ndalohet në Turqi

Khajijan Farqin, një gazetare e lirë që punon për shërbimin kurd të Zërit të Amerikës, është ndaluar nga autoritetet turke në Diyarbakir.

Po këtë muaj, Olivier Bertrand, që punon për faqen franceze të internetit lesjours.fr, u ndalua ndërsa raportonte nga Gaziantepi, në veri të kufirit turk me Sirinë. Më pas ai u dëbua.

Heroi kombëtar Adem Jashari jeton në memorien e qytetarëve të Stambollit

Adem Jashari përkujtohet në parqet e zonave Bayrampaşa-s dhe Pendik-ut në Stamboll

STAMBOLL – Dëshmori Adem Jashari i cili shkroi emrin në histori gjatë Luftës Çlirimtare të Kosovës, përkujtohet edhe në parqet e zonave Bayrampaşa-s dhe Pendik-ut në Stamboll. Parku “Dëshmori Kosovar, Adem Jashari” në lagjen Çamlık të Pendik-ut është padyshim një nga vendet më të frekuentuar nga banorët e zonës.

Ndërsa në zonën Bayrampaşa ku jetojnë edhe njerëz me prejardhje nga Ballkani emri i Adem Jasharit përkujtohet në parkun që gjendet në qendër të lagjes Ortamahalle. Parku mban emrin “Dëshmori Jashari”.

Mustafa Harun Yılmaz, një banor i kësaj zone, thotë se pasi ka parë emrin e parkut ka bërë një kërkim për Adem Jasharin. “Kur e dëgjova emrin për herë të parë nuk e dija se kush ishte. Lexova që ka bërë histori si dëshmor për vendin e tij. Tek ne dëshmorët nuk harrohen kurrë. Shpresoj që kujtimi i tij të mos fshihet kurrë nga mendjet e njerëzve”, thotë Yılmaz në vijim të fjalës së tij.

Ndërsa edhe një tjetër banore e kësaj zone, Gülsüm Parlak, thotë se emrin e Adem Jasharit më parë nuk e kishte dëgjuar. “Kur pashë emrin e tij në tabelë, menjëherë bëra një kërkim të shkurtër nga celulari. Ishte një ushtar nga Kosova. Kishte luftuar kundër serbëve dhe bashkë me familjen e tij kishte rënë dëshmor. Vendi i tij qoftë xhenneti”, thotë ajo.

Jeta e dëshmorit, komandant Jasharit

Komandant Adem Jashari është një nga themeluesit e Ushtrisë Çlirimtare të Kosovës. Ai lindi më 28 nëntor 1955 në Prekaz të Drenicës. Komandant Adem Jashari i cili gjatë gjithë jetës së tij punoi për të mirën e vendit të tij ishte pjesë e luftës për pavarësinë e Kosovës. Ai ka marrë pjesë si komandant në operacionet e UÇK-së. Jashari i cili ka luftuar përballë ushtrisë jugosllave, është një person për të cilin ushtria serbe është munduar shumë për ta thyer.

Ndërkohë që ushtria serbe bastisi fshatin e tij, Adem Jashari ka rezistuar bashkë me familjen ndaj ushtrisë serbe. Pas 3 ditësh rrethimi, komandant Adem Jashari bashkë me 52 persona, në mesin e të cilëve ishin dhe nëna, babai dhe bashkëshortja e tij, ranë dëshmorë. Shtëpia e Adem Jasharit përdoret si muze tashmë, ndërkohë që gjurmët e luftës dhe plumbat në muret e saj, ende ruajnë fytyrën e ftohtë të luftës. aa

Një mjegull e dendur mbulon Stambollin

Mjegulla e dendur ka shkaktuar zvogëlimin e shikueshmërisë që negativisht ka ndikuar në qarkullimin e anijeve në Bosfor

STAMBOLL – Mjegulla e dendur në orët e hershme të mëngjesit ka mbuluar pamjen në Bririn e Artë dhe kalimin në Bosfor të Stambollit.

Mjegulla e dendur ka shkaktuar zvogëlimin e dukshmërisë që ka vështirësuar qarkullimin e anijeve në Bosfor.

Objektivi i fotoreporterit të AA regjistroi mjegullën në qytetin më të madh turk i cili ndodhet në ngushticën e Bosforit dhe përfshin portin natyral të Bririt të Artë.

Shqiptarët përfshihen në qeverinë e re të Malit të Zi

Koalicioni “Shqiptarët të vendosur”, i cili në zgjedhjet e 16 tetorit mori një vend në Parlamentin e Malit të Zi, arriti sot marrëveshje me Partinë Demokratike Socialiste të kryeministrit malazez Milo Gjukanoviq për bashkëqeverisje në Malin e Zi.

Marrëveshja u arrit pasi koalicioni shqiptar dhe Partia Demokratike Socialiste, që fitoi më shumë vota në këto zgjedhje, vendosën që qyteti i Tuzit me shumicë shqiptare në Malësi, të shpallet komunë e plotë dhe e pavarur deri në pranverë të vitit të ardhshëm.

Po ashtu u vendos që kryetari i Unionit Demokratik të Shqiptarëve, Mehmet Zenka që ishte pjesë e koalicionit, të marrë postin e ministrit të të drejtave të njeriut dhe të pakicave në Qeverinë e Mali të Zi.

Ndërkohë, deputeti i koalicionit “Shqiptarët të vendosur”, Genci Nimanbegu është zgjedhur nënkryetar i Parlamentit të Malit të Zi me mbështetjen e 42 votave nga 81 vota që ka Parlamenti. Zoti Nimanbegu e bëri në gjuhën shqipe betimin para deputetëve.

Koalicioni “Shqiptarët të vendosur” përbëhet nga tre partitë politike shqiptare: Forca, Unioni Demokratik i Shqiptarëve dhe Alternativa Shqiptare.

Pas bisedimeve me përfaqësuesit e pakicave, Partinë Boshnjake , Partinë Kroate dhe koalicionin shqiptar, mandatari për formimin e Qeverisë, Dushko Markoviq, pritet që në fillim të javës së ardhshme të shpallë zyrtarisht Qeverinë e re të Mal të Zi.

Flet serbi që urdhëroi vrasjen e Enver Hadrit

Në një intervistë për median serbe “Kurir.rs” Bozhidar Spasiq i dënuari si urdhërdhënësi për vrasjen e Enver Hadrit, ka thënë se Hadri ishte agjent i UDB-së, mirëpo ai nuk e ka njohur asnjëherë personalisht.

Bozhidar Spasiq, një ish-oficer i zbulimit në Sigurinë e Shtetit, i dënuar si urdhërdhënësi për vrasjen e Enver Hadrit ka thënë se nuk ka marrë asnjë ftesë për ndonjë gjykim.

“Këtu mesiguri kemi të bëjmë me një akuzë private të vajzës së tij Teutës, akuzë kjo që po qëndron në gjykatën belge e për të cilën unë nuk di asgjë, ndërsa vet lajmi se unë jam dënuar thjesht më ka befasuar dhe mund të them se është plasuar vetëm që të plasohet – ka thënë Spasiq ekskluzivisht për Kurir, nga shtëpia e tij, transmeton Gazeta Express.

Spasiq ka thënë se në vitin 2008 në Beograd, policia e Brukselit e vizitoi në lidhje me rastin e Hadrit, por ata e dinin se në atë kohë ato ishin vetëm spekulime. Spasiq, në deklaratën për median serbe, ka konfirmuar se vetëm një herë kishte dëgjuar për këtë rast, dhe më pas i thanë se nuk kishte prova kundër tij.

Ai gjithashtu përmendi edhe Andrija Draskovicin dhe Vesko Vukotic, vrasësit e Enver Hadrit.

“Kurrë në jetë nuk e kam parë Andrija Draskovicin, ngjarjet rreth tij unë i kam parë vetëm nëpër gazeta, mirëpo Vukoticin e takova një herë shumë kohë më parë, në vitin 1992”, ka thënë Spasiq.

“Kur është fjala për Hadrin, ai ishte një agjent i UDB-së, por unë kurrë nuk e kam njohur”, ka thënë Spasiq, transmeton Gazeta Express.

Spasiq theksoi se e gjithë përmendja e këtij gjykimi nuk është e rastësishme në kohën kur gjykata vendos që ka nevojë për t’u marrë me krimet e kryera nga UÇK’ja.

Të përkujtojmë se Hadri është vrarë në Bruksel, në shkurt të vitit 1990, ndërsa Spasiq kohë më pare për Kurir, për këtë rast, pat deklaruar se për rastin në fjalë është marrë në pyetje para 8 vjetësh dhe se që atëherë i është thënë se kundër tij nuk ka kurrfarë dëshmish, prandaj tani nuk e kupton për çka bëhet fjalë.

Ja qytetet shqiptare të gdhendura në Parlamentin e Greqisë si tokë helene!

Në murin e Parlamentit të Greqisë janë të gdhendur në mermer emrat e disa qyteteve shqiptare që ndonëse jo “de jure” por “de facto” cilësohen si pjesë e territoreve helene.
Dhe nuk janë pak por referuar fotos që sjell sot “BalkanWeb” shihet qartë se ato janë: Borova, Korça, Tomori, Trebeshina, Himara dhe Gjirokastra.
Mbishkrimet e shkruara me gërma kapitale greke dhe mjaft dukshëm në fasadën e mermertë të Parlamentit të Greqisë, sipas fqinjëve, janë në fakt toponime të vendosura prej tyre për qytetet, fshatrat e malet shqiptare. Dhe prej dhjetra vitesh ato qëndrojnë aty, nën ruajtjen e gardës së Greqisë.
Por bën shumë çudit fakti se pranë kësaj pllakate kanë kaluar shumë herë edhe zyrtarë shqiptarë por askush nuk e ka denoncuar dhe as e ka ngritur zërin për këtë skandal.
Gazetari Aleksandër Çipa, e ka ngritur këtë shqetësim në llogarinë e tij në “Twitter”, ku edhe shtron pyetjen: “Pse janë gdhendur emrat e qyteteve shqiptare në fasadën e Parlamentit grek?! A duhet një reagim?!”

Vuçiçi: Jam i kërcënuar nga snajperi më i mirë në rajon

Kryeministri i Serbisë, Aleksandar Vuçiç ka thënë se ajo që e frikëson është fakti që po i rrezikohet familja e tij se sa vetë jeta e tij.

“Marr kërcënime, por nuk frikësohem për jetën time. Frikësohem për jetën e familjes time”, ka thënë Vuçic për revistën kroate “Globus”, citon “Telegrafi”.

“Në fillim më dukej gjithçka qesharake. Por, tani janë gjetur edhe armë. Janë gjetur njerëz të cilët tashmë janë arrestuar për vëzhgimin e banesës së vëllait tim. Ne kemi një dëshmi të gjallë i cili ka konfirmuar se një nga këta njerëz ka thënë: ‘Do të shihni se çfarë do të ndodhë me Vuçicin’. Dhe bëhet fjalë për njërin nga qitësit më të mirë në rajon”.

Lideri i Partisë Përparimtare Serbe dhe politikani më popullor në Serbi për herë të parë haptazi ka folur në lidhje me kërcënimet serioze për sigurinë e tij, megjithatë ai nuk ka dashur të jap tjera detaje.

“Unë jam i ndaluar të flas për të dhe policia le të bëjnë punën e tyre. A ka njerëz të cilët nuk më dëshirojnë mua të mirën? Po edhe shumë madje”, ka thënë Vuçic me hidhërim dhe ka shtuar: “Por çfarë do të bëjmë, kjo është Serbia! Por, cilin nuk e kemi vrarë ne, nga tanët. Kemi vrarë të gjithë ata që kanë pasur vlerë. Karagjorgjen, Miloshin… në fund edhe kryeministrin Gjingjic”.

Lidhjet e “puçistëve malazezë” me aneksimin e Krimesë

Mali i Zi – të arrestuarit për përpjekje për grusht shteti, 16 tetor 2016

Dëshmi të reja, tek të cilat ka ardhur Radio Evropa e Lirë, tregojnë se Aleksandar Singjeliq, serbi që dyshohet për pjesëmarrje në grupin që planifikoi grusht shtet dhe atentat ndaj kryeministrit të Malit të Zi, ishte pjesëmarrës aktiv në aneksimin e paligjshëm rus të Krimesë.

Mendohet se Singjeliqi ishte njëri nga themeluesit e organizatës radikale proruse “Ujqit Serbë”.

Shërbimi ukrainas i Radios Evropa e Lirë, ka marrë një video të bisedës përmes Skype, ndërmjet Singjeliqit dhe Vencislav Bujiqit, një politologu serb, drejtor i Fondacionit SEAS që, siç thuhet, është regjistruar më 11 mars të vitit 2015.

Gjatë bisedës, Singjeliqi i flet Bujiqit për lidhjet e tij me Minstrinë ruse të mbrojtjes. Gjithashtu përmendet edhe Bratisllav Zhivkoviqi, i cili sipas fjalëve të Singjeliqit, ishte anëtar i të ashtuquajturve “Çetnikët” (Chetnicks), një organizate luftarake serbe, militantë që u janë bashkuar kozakëve rusë në ruajtjen e punkteve të kontrollit në Sevastopol, gjatë aneksimit rus të Krimesë më 2014.

Vencisllav Bujiq, thotë se pikërisht Singjeliqi është ai që i ka dhënë rekomandime ushtrisë ruse për ushtarët vullnetarë serbë – atyre që kanë kërkuar mënyra se si t’iu bashkohen operacioneve ruse gjatë invadimit të Krimesë.

Siç është bërë e njohur më heret, prokurorët malazezë kanë zbuluar emrat e dy militantëve rusë që kanë udhëhequr me grupin prej rreth 20 serbëve dhe malazezëve, të dyshuar për pjesëmarrje në përpjekje të grusht shtetit në tetor.

Shtetasit rusë, Eduard Vladimiroviq Shirokov dhe Vlladimir Nikolajeviq Popov kanë organizuar grupin kriminal nga i cili kanë kërkuar që ta vrasin Milo Gjukanoviqin, thuhet në urdhëresën e prokurorisë Speciale për zgjerim të hetimeve për vepra të terrorizmit në ditën e zgjedhjeve në Mal të Zi.

Prokuroria, në dokumentin, pjesë të të cilit i kanë publikuar një numër i mediave, për herë të parë përmend Frontin Demokratik dhe një politikan të këtij koalicioni

Ndryshe, ish-komandanti i Xhandarmerisë serbe, Bratisllav Dikiq dhe një politikan nga FD-ja, emri i të cilit në dokumentin e prokurorisë nuk është zbuluar, duhej, siç thuhet, që me 16 tetor, pas shpalljes së rezultateve të zgjedhjeve të kryejnë sulm të dhunshëm në Kuvendin e Malit të Zi.

Plani i tyre ishte që të shtijnë me armë zjarri mbi pjesëtarët e policisë dhe të arrestojnë kryeministrin Milo Gjukanoviq, thuhet në urdhëresën për zgjerimin e hetimeve.

Pullë postare me rastin e 75-vjetorit të hapjes së shkollave të para shqipe në Maqedoni

Pullën postare e promovoi drejtori i Përgjithshëm i Postës së Maqedonisë, Faadis Rexhepi i cili në fjalimin e tij theksoi se “hapja e shkollave të para fillore në gjuhën shqipe në Maqedoni para 75 viteve nuk duhet të bie në harresë asnjëherë

SHKUP – Në Institutin për Trashëgimi Shpirtërore dhe Kulturore të Shqiptarëve (ITSHKSH) u promovua pulla postare “75-vjetori i hapjes së shkollave të para fillore në gjuhën shqipe në Maqedoni”.

Sipas tij shkollat e para në rajonin e Tetovës dhe Gostivarit paraqesin themelet për prodhimin e kuadrove cilësor sot, të cilat në procesin arsimor formojnë bindjen se arsimi cilësor duhet të përfaqësoj qëllimin tonë të përbashkët.

Për rëndësinë e “75-vjetorit të hapjes së shkollave të para në gjuhën shqipe në Maqedoni” me një fjalë rasti u drejtua drejtori i Institutit për Trashëgimi Kulturore dhe Shpirtërore të Shqiptarëve, Skender Asani.

Pulla postare e lëshuar në tirazh prej 7000 ekzemplarëve, me një vlerë nominale prej 50 den ka për autor Loran Kufalo nga Byroja e filatelisë në Postën e Maqedonisë. aa

Kroacia shënon 25-vjetorin e çlirimit të Vukovarit

Siç njoftojnë nga Qendra për Ballafaqim me të Kaluarën, gjatë rrethimit tremujor të qytetit kanë vdekur mbi 3.000 civilë dhe luftëtarë kroatë në mesin e të cilëve 86 fëmijë

Në ditën e sotme të vitit 1991 me çlirimin e qytetit tërësisht të shkatërruar ka marr fund rrethimi dhe bombardimi i vazhdueshëm tremujor nga ushtria jugosllave (JNA) dhe forcat paramilitare serbe të qytetit kroat të Vukovarit, për çka në qytet kishin rënë mbi 6.5 milionë granata. Siç njoftojnë nga Qendra për Ballafaqim me të Kaluarën, gjatë rrethimit tremujor të qytetit kanë vdekur mbi 3.000 civilë dhe luftëtarë kroat në mesin e të cilëve 86 fëmijë. Pas rënies së qytetit qindra të marrë peng kaluan nëpër qendrat e torturës në llogoret dhe burgjet në Serbi.

“Gjatë ditëve të fundit të rrethimit disa civilë dhe ushtarë kroat u strehuan në spitalin e Vukovarit, por pas marrjes së spitalit nga ana e APJ-së, majori Shljivançanin vizitoi pacientët dhe më pas më 20 nëntor, 1991 nxori mënjanë 269 persona, nga të cilat vetëm disa nuk u vranë”, kujtoi Qendra nga ku theksojnë se është gjetur një varrezë masive ku janë identifikuar 200 persona.

Viktima më e re e ekzekutuar në Ovçara ishte 17 vjeç, ndërsa më e moshuara 72 vjeç. U vranë edhe dy gra, njëra prej të cilave ishte shtatzënë.

Pavarësisht nga fakti se për disa krime rreth Vukovarit janë ngritur hetime ku janë shpallur disa fajtorë dhe dënuar me burgim të gjatë, shumë vrasje të civilëve kroatë, serbë dhe të tjerë si dhe të ushtarëve kroatë të cilat kanë ndodhur gjatë verës dhe vjeshtës së vitit 1991, akoma nuk janë hetuar. aa

Daçiçi – ambasadores Çitaku: Ti s’je kosovare, je shqiptare

Mediet e Beogradit kanë transmetuar sot pjesë nga replika në Këshillin e Sigurimit të KB të ministrit të Jashtëm të Serbisë, Ivica Daçiçi, me ambasadoren e Kosovës në Uashington, Vlora Çitakun.

Ambasadorja Çitaku gjatë shqyrtimit të raportit tremujor për Kosovën në KS të OKB ndër të tjera tregoi për synimet kolonialiste të Serbisë në Kosovë.

Këtë pohim të saj u përpoq ta hedh poshtë ministri i Jashtëm serb.
“Ne nuk jemi kolonizatorë dhe nuk lejoj që të flitet kështu për në në KS të KB”, tha ai në replikën e tij.

“Për çfarë kolonializmi flisni ju këtu? Këtu qëndrojnë v ende të cilat janë liruar nga kolonializmi. Në Kosovë ndodhet kryeqyteti i parë i Serbisë, kishat serbe, ju mendoni se mjafton që keni ardhur këtu dhe që ju përkrahin vendet e perëndimit se mund të flisni të pavërtetat”, citojnë mediet e Beogradit Daçiqin, transmeton Koha.net.

Sipas tij nga fjalimi i Çitakut për Kosovën del se bëhet fjalë për një vend që ka pamje ideale.
“Habitem sesi migrantët që kalojnë nëpër Ballkan nuk shkojnë në Kosovë, kur është kështu vend ideal, por qytetarët e saj ikin nga Kosova në Europën Perëndimore. Për cilin vend flisni ju”, tha ai.
Ai foli edhe për bombardimin e Serbisë dhe tha se vendimi i marrë ishte jolegal dhe pa vendimin e KS të KB.

“Ju nga fillimi keni pasur në plan bashkimin me Shqipërinë, ju nuk jeni kosovare por shqiptare, këtu bëhet fjalë për pakicë kombëtare në vend të huaj që ka shpallur njëanshëm pavarësinë”, tha Daçiq.
Ai tha se Serbisë nuk i duhet mbështetja e askujt nga jashtë.
“Hajdeni të zgjidhim problemet, ju po fshiheni pas vëllait të madh. Askush nuk do tua sjell zgjidhjen ashtu siç ua solli me bomba më 1999. Kjo kohë ka perënduar për fatin e keq tuaj”, u shpreh Daçiq.
Të përkujtojmë se ambasadorja e Kosovës në SHBA, Vlora Çitaku, në mbledhjen e KS të KB me argumente hodhi poshtë pretendimet dhe akuzat serbe ndaj Kosovës, duke luajtur rolin e viktimës. Ajo tha se Beogradi nuk kishte asnjë të drejtë pronësie mbi Trepçën, se këtë madje as me Rezolutën 12 44 të KB nuk e kishte, as me Planin e Ahtisarit, e as me Kushtetutën e Kosovës.

Ndërmarrjet serbe çojnë ligjin për Trepçen në arbitrazh

Disa firma nga Serbia tashmë kanë njoftuar se kanë vendosur që të ‘drejtat e veta’ për Trepçën e cila, thonë ato, u ka borxh – t’i realizojnë përmes Gjykatës së Arbitrazhit.

Kështu, pas ndërmarrjeve ‘Železnice Srbije’ (Hekurudhat e Serbisë) dhe ‘Tigar’ i Pirotit, kanë paralajmëruar se do të veprojnë edhe ‘ELEKTROKOSMET’ dhe ‘EPS’.

Këto ndërmarrje, siç shkruan “Veçernje Novosti“, thonë se Trepça u ka borxh 300 milionë euro dhe për këtë arsye, thonë ato, Ligjin për Trepçën do ta dërgojnë në Gjykatën e Arbitrazhit, ndërsa pas kësaj edhe në Odën Tregtare ndërkombëtare në Paris.

Befas Kotzias tërhiqet nga akuzat: Shtypi grek e opozita u kanë fryrë tensioneve me Shqipërinë

Vetëm pak ditë pas dhënies së rekomandimit nga ana e Komisionit Europian për hapjen e negociatave të Shqipërisë me BE dhe takimit të ministrit të Jashtëm shqiptar Bushati me homologun e tij grek Kotzias, ky i fundit duket se është tërhequr nga akuzat ndaj qeverisë shqiptare.

Ish-ministrja e Jashtme greke, Dora Bakojanis, është përplasur ashpër me ministrin e Jashtëm grek, Nikos Kotzias, për tensionet e fundit me Shqipërinë.

Ajo ka kërkuar që Kotzias të bëjë interpelancë në parlament për deklaratat e KE-së mbi çështjen “Çame” dhe prishjen e disa ndërtesave në Himarë.

Por Kotzias është nervozuar, raporton “Kathimerini”, dhe i është përgjigjur opozitares që t’i lexojë me kujdes deklaratat e KE-së dhe të mos bëjë politike me çështje të tilla.

“Unë mendoj se opozita, në vend që të lexojë shtypin grek, të lexojë deklaratat e KEsë më me kujdes”, tha Kotzias, duke sugjeruar se çështjet janë fryrë nga mediat.

Obama në Greqi në fillim të turneut përfundimtar

Presidenti Barack Obama ka arritur në Greqi në ndalesën e parë të turneut të tij përfundimtar jashtë shtetit, si president i SHBA-së.

Obama do të zhvillojë biseda me presidentin Prokopis Pavlopoulos dhe kryeministrin Alexis Tsipras gjatë ditës së marte.

Më 16 nëntor, ai do të mbajë një fjalim për demokracinë dhe globalizmin përpara se të udhëtojë për në Berlin.

Më shumë se 5000 policë janë angazhuar në rrugët e Athinës gjatë dy ditëve të vizitës, ndërkohë që rrugët kryesore kanë mbyllur dhe tubimet publike janë ndaluar në pjesën qendrore të kryeqytetit.

Grupet majtiste dhe anarkiste kanë planifikuar protesta gjatë vizitës së Obamës në Greqi, e para e një presidenti amerikan që prej asaj të Bill Clintonit në vitin 1999.

Udhëtimi i Clintonit u shënua me demonstrata të dhunshme.

Nga Gjermania, Obama do të udhëtojë në Peru për një samit ekonomik të Azisë përpara se të kthehet në Ëashington më 19 Nëntor.(REL)

Turqia paralajmëron qytetarët e saj: Mos udhëtoni në SHBA, ka trazira pas fitores së Trumpit

Turqia ka paralajmëruar qytetarët e saj që mos udhëtojnë në SHBA. Sipas Ministrisë së Punëve të Jashtme të Turqisë, udhëtimi në SHBA përbën rrezik për qytetarët pas trazirave si rezultat i fitores së Donald Trump.

Përveç kësaj, MPJ e Turqisë paralajmëron rritjen e numrit të sulmeve verbale dhe fizike pas shqetësimeve anti-emigracion dhe atyre të natyrës raciste.

Në njoftim, të publikuar në sajtin e Ministrisë turke të Punëve të Jashtme, thuhet se protestat kundër presidentit të sapozgjedhur, Donald Trump “janë përcjellë edhe me akte të krimit dhe dhunës”.

Po ashtu thuhet se forcat amerikane të sigurisë kanë mbajtur në burg një numër të demonstruesve, raporton AP.

Fotografi të Donald Trumpit në veri të Mitrovicës

Në veri të Mitrovicës, në njërën nga rrugët me të frekuentuara, janë vendosur tri pano (stendë afishimi) me foton e presidentit të sapo zgjedhur të Shteteve të Bashkuara të Amerikës, Donald Trump.

trumpmitr2

Poshtë fotos, në gjuhën serbe shkruan: “Serbët e përkrahën”, kurse në gjuhën angleze: “ Serbët qëndruan me të gjatë gjithë kohës”.

Në anën tjetër të panos, afër fotografisë së madhe të Trump-it, janë vendosur fotografitë e presidentit të Kosovës, Hashim Thaçi dhe kryeministrit të Shqipërisë, Edi Rama, me porositë e nxjerra nga deklaratat e tyre, ku thuhet: “Presim fitoren e Clinton-it, shqiptarët votojnë për të”, si dhe “Trump si president paraqet kërcënim për Shqipërinë dhe marrëdhëniet shqiptaro-amerikane”,

Po ashtu, edhe ne pjesën tjetër të qytetit, në afërsi të përmendores së Car Llazarit, është vendosur një fotografi e madhe e Donald Trump.

E veja e Arkanit, Ceca: Kurrë nuk do t’ua fal Clintonëve!

Përderisa shumica e shqiptarëve, e sidomos yjet e estradës, e kanë pritur jo mirë zgjedhjen e Donald Trump-it, si president i ardhshëm i SHBA-s, në skenën e estradës së shtetit tonë fqinjë, Serbisë, këtë lajm e kanë pritur me kënaqësi dhe admirim të madh, transmeton Zeri.info.

Dhe njëra prej tyre është edhe e veja e kriminelit të madh serb Arkan, Svetlana Ceca Raznatoviq. Gjatë një interviste, ajo ka zbuluar se me tërë zemrën e ka mbështetur Trump-in, sepse ajo kurrë nuk mund t’ua falë Clinton-ëve, kjo për shkak të bombardimeve që i kanë bërë Serbisë në vitin 1999.

“Jam shumë e lumtur që Trump ka fituar. E uroj nga zemra. Ai gjatë tërë fushatës ka treguar dashamirësi ndaj Evropës dhe Rusisë. Shpresoj se si president do të vazhdoj me këtë politikë dhe do të sjell progres në mbarë botën, përfshirë edhe Serbinë. Kur kujtoj vitin 1999 dhe bombardimin e Serbisë, kurrë nuk mund t’ua falë Clinton-ëve. Shumë njerëz kanë vdekur shkaku i tyre dhe pasojat i ndjejmë edhe sot. Për shkak të uraniumit të varfëruar me të cilin na kanë sulmuar, shumë fëmijë janë sëmurë. Nuk ndjehem mirë kur mendoj për këtë.

Prandaj me gjithë zemër janë me Donaldin”, ka deklaruar këngëtarja serbe./ZERI

Në Tiranë, Shkup e Prishtinë përkujtohet 78-vjetori i ndarjes nga jeta të Ataturkut

Me rastin e 78-vjetorit të ndarjes nga jeta të themeluesit të Republikës së Turqisë, në Tiranë, Shkup dhe Prishtinë janë mbajtur ceremoni përkujtimore.

TIRANË/SHKUP/PRISHTINË – Në Tiranë, Shkup dhe Prishtinë janë mbajtur ceremonitë përkujtimore për 78-vjetorin e ndarjes nga jeta të themeluesit të Republikës së Turqisë, Mustafa Kemal Ataturk.

Të pranishëm në cremoninë e organizuar në kryeqytetin e Shqipërisë kanë qenë ambasadori i Turqisë në Tiranë, Hidayet Bayraktar, zyrtarë të ambasadës dhe institucioneve turke në Shqipëri. Të gjithë të pranishmit, në orën 09:05 kanë mbajtur qënndrim nderi për themeluesin e Republikës së Turqisë.

Me rastin e kësaj ceremonie ambasadori Bayraktar ka thënë se janë mbledhur për të përkujtuar 78-vjetorin e ndarjes nga jeta të themeluesit të Republikës së Turqisë dhe liderin e saj, Mustafa Kemal Ataturk.

“Ashtu sikurse e dimë të gjithë, Mustafa Kemal Ataturk nuk është vetëm themeluesi i Republikës së Turqisë. Në një tjetër kuptim ai ka qenë themeluesi i filozofisë së demokracisë, shtetit të së drejtës, mbizotërimit të ligjit dhe të drejtave të njeriut”, tha Bayraktar në fjalën e tij.

Ndërsa fjalimin e përvitshëm në lidhje me këtë ceremoni e mbajti Selçuk Kayhan, mësues në Institutin “Yunus Emre” në Tiranë.

Në Ambasadën e Republikës së Turqisë në Shkup, në orën 9:05 u organizua ceremonia përkujtimore për Ataturkun, ku të pranishëm ishin zyrtarët e ambasadës dhe Agjencisë Turke për Koordinim dhe Bashkëpunim (TIKA) TIKA dhe Qendrës Kulturore Turke “Yunus Emre” në Shkup.

Me rastin e 78-vjetorit të ndarjes nga jeta të Mustafa Kemal Ataturkut, sekretari i Ambasadës dhe i ngarkuari i Përkohshëm Diplomatik Sinan Ertay mbajti fjalim në lidhje me kuptimin dhe rëndësinë e kësaj dite.

Edhe në kryeqytetin e Kosovës, në Institutin “Yunus Emre” në Prishtinë u organizua ceremonia përkujtimore për Ataturkun, nën përkujdesjen e ambasadores së Turqisë në Prishtinë, Kıvılcım Kılıç.

Në ceremoni morën pjesë ambasadorja Kılıç, kryetari i Komitetit Përfaqësues Turk në Kosovë Kolonel Cem Şen, zv/kryetari i Kuvendit të Republikës së Kosovës Fikrim Damka, kryetari i Komunës së Mamushës Arif Bytyq, kryekonsullja e Turqisë në Prizren Selen Evcit, deputetja e Partisë Demokratike Turke të Kosovës Myferra Shinik, drejtori i Institutit “Yunus Emre” në Prishtinë Mehmet Ülker, koordinatori i TIKA-s në Kosovë Özay Özütok dhe shumë të ftuar të tjerë.

Në fjalimin e saj, ambasadorja Kıvılcım Kılıç tha se Mustafa Kemal Ataturku është lider i rëndësishëm si për Turqinë, ashtu edhe për botën. Ajo tha se ai ka lënë një shtet i cili sot qëndron mbi themele të forta dhe rrit fuqinë.

“Mendimet, sukseset, veprat, parimet dhe revolucionet e liderit tonë të madh në çdo kohë kanë ruajtur rëndësinë dhe aktualitetin e tyre. Pavarësisht krizës politike dhe të sigurisë të pranishme ne rajonin tonë, sot shteti ynë vazhdon të jetë simbol i stabilitetit ne rajon dhe në botë, dhe këtë ne si popull ia kemi borxh vizionit të liderit tonë dhe të Republikës së ngritur në themele të forta”, u shpreh ambasadorja Kılıç.

Ndërkohë sot në të gjithë Turqinë mbahen ceremoni të ndryshme përkujtimore me rastin e 78-vjetorit të ndarjes nga jeta të themeluesit të Republikës së Turqisë, Mustafa Kemal Ataturk. aa

Turqia përkujton 78-vjetorin e ndarjes nga jeta të Ataturkut

Ceremonia më e madhe është mbajtur në Sallën e Kongreseve pranë Rezidencës presidenciale në Beştepe, Ankara, ku merrte pjesë edhe Presidenti i Turqisë, Recep Tayyip Erdogan

ANKARA – Në të gjithë Turqinë sot janë organizuar ceremoni për përkujtimin e 78-vjetorit të ndarjes nga jeta të themeluesit të Republikës së Turqisë, Mustafa Kemal Ataturk.

Ataturku me anë të fotografive

Përpara bustit të Mustafa Kemal Ataturkut në Ulus të Ankarasë, nxënës të Universitetit Ondokuz Mayıs kanë hapur një flamur të madh me fotografinë e Ataturkut. Në orën 09:05 sipas orës lokale që është edhe momenti i ndarjes nga jeta të Ataturkut, është mbajtur 2 minuta heshtje në nder të tij ashtu sikurse në të gjithë vendin, nën shoqërimin e borive të makinave.

Ndërkohë flamujt në të gjithë vendin janë ulur në gjysmë shtizë.

Ceremoni në sheshin Taksim

Një tjetër ceremoni është zhvilluar edhe në sheshin më të njohur të Stambollit, Taksim. Në këtë ceremoni merrte pjesë prefekti i Stambollit Vasip Şahin, kreu i Kryebashkisë së Stambollit, Kadir Topbaş dhe zyrtarë të tjerë të këtij qyteti.

Ndërkohë në aeroportin më të madh të Stambollit që mban edhe emrin e themeluesit të Republikës së Turqisë, Ataturk, është zhvilluar një aktivitet në gjuhën turke dhe angleze, ku është dhënë informacion në lidhje me këtë ceremoni. Në ceremoni janë lexuar pjesë nga Kur’an-i Kerim

Në sheshin “Cumhuriyet” gjatë ceremonisë 70 vjeçarja Fatma Çoban tërhoqi vëmendjen me leximin e pjesëve të Kur’an-i Kerimit. Çoban është emocionuar shumë, aq saqë gjatë qëndrimit të nderit nuk arriti të mbajë lotët e saj.

Ceremonia më e madhe është mbajtur në Sallën e Kongreseve pranë Rezidencës presidenciale në Beştepe, Ankara

Presidenti i Turqisë, Recep Tayyip Erdoğan, Kryeministri i vendit, Binali Yıldırım, shefi i Shtabit të Përgjithshëm, Hulusi Akar, kryetari i Gjykatës Kushtetuese, Zühtü Arslan, dhe zyrtarë të tjerë të lartë kanë qenë të pranishëm në këtë ceremoni.

Në fjalimin e mbajtur në këtë ceremoni Presidenti i vendit, Erdoğan ka thënë se “Kujton me rahmet, Kryegjeneralin e luftës çlirimtare të vendit si dhe themeluesin e Republikës së Turqisë, Mustafa Kemal Ataturkun”. Presidenti Erdoğan ka nuk ka lënë pa kujtuar të rënët dhe veteranët e tentativës për grusht shteti nga organizata terroriste FETÖ më 15 korrik.

Erdoğan tha se mes 15 korrikut dhe luftës për çlirim nuk ka asnjë ndryshim dhe se ata të cilët nuk kuptojnë politikën e Turqisë ndaj Sirisë dhe Irakut, si dhe qëndrimin e saj ndaj Bashkimit Evropian dhe perëndimit, nuk kuptojnë luftën shekullore të popullit për liri.

Duke theksuar se Turqia nuk ka asnjë pretendim territorial në ndonjë vend tjetër, Presidenti Erdoğan në vijim tha: “Pikë së pari në historinë tonë nuk ka asnjë njollë kolonizimi. Nuk mund të rastisni një turp të tillë. Për ne çdo person që jeton në të njëjtin vend, ha të njëjtën bukë, pi të njëjtin ujë dhe merr të njëjtin ajër është vëlla, pavarësisht racës, fesë dhe prejardhjes që ka.”

“Ne jemi pjesë e një tradite shtetërore që ka sjellë paqe dhe qetësi në një pjesë të madhe territoriale, nga Evropa deri në Afrikë. E kanë të kotë ata që mundohen të nxjerrin profile pushtimesh për ne. Shkoni sot në Siri, Irak, Afrikën Veriore, Lindjen e Mesme, vendet e Ballkanit dhe pyetni një person cilindo se çfarë mendon për Turqinë dhe popullin turk. Nuk mund të dëgjoni në asnjë vend fjalët, pushtues, kolonizues, zullum dhe masakër. Në vend të tyre mund të dëgjoni fjalën ‘erdhi përsëri turku i besës’. Dëgjojmë përsëri falënderime”, ka theksuar Presidenti Erdoğan në fjalën e tij.

Presidenti Erdogan uron Trumpin në bisedë telefonike

Erdogan ka thënë se Turqia dhe SHBA-të janë dy aleatë që kanë themele të respektit të ndërsjellë, interesave dhe vlera të përbashkëta

ANKARA – Presidenti i Turqisë Recep Tayyip Erdogan ka thirrur në telefon presidentin e zgjedhur të SHBA-ve, Donald Trump, për ta uruar me rastin e fitores së zgjedhjeve presidenciale në SHBA. Sipas informatave të siguruara nga burimet e presidencës, presidenti Erdoğan ka uruar Trumpin me rastin e fitores në zgjedhjet presidenciale në SHBA, duke i uruar më tej suksese në detyrë.

Erdoğan ka thënë se Turqia dhe SHBA-të janë dy aleatë që kanë themele të respektit të ndërsjellë, interesave dhe vlera të përbashkëta. Më tej, ai ka shprehur besimin se në të ardhmen marrëdhëniet dypalëshe do të forcohen edhe më tej bashkarisht.

Në bisedën telefonike që kaloi në një atmosferë të ngrohtë, krahas zhvillimit të marrëdhënieve dypalëshe, Erdoğan dhe Trump theks të veçantë i kanë dhënë edhe bashkëpunimit në luftën kundër terrorizmit, si dhe në çështjet rajonale dhe ndërkombëtare. aa

Faqja 62 prej 82« Fillimi ‹ Prapa 58 59 60 616263 64 65 66 Para ›Fundi »

Drejtori i Zyrës për Kosovë në Qeverinë e Serbisë, Marko Gjuriçi, është tallur sot me bllokadën që serbët ia kanë bërë eskortës së Kryeministrit të Kosovës Isa Mustafa, i cili ishte nisur në Veri për të marrë pjesë në përuruimin e një ure.

Ministri i Mbrojtjes së Greqisë, Panos Kamenos pasi provokoi me ngritjen e flamurit me ushtarët dhe shefin e Shtabit të Përgjithshëm në një aktivitet në kufi me Shqipërinë lëshoi edhe disa deklarata të forta si kundërpërgjigje ndaj Ramës për Çamërinë.

Mediet e Beogradit kanë transmetuar sot pjesë nga replika në Këshillin e Sigurimit të KB të ministrit të Jashtëm të Serbisë, Ivica Daçiçi, me ambasadoren e Kosovës në Uashington, Vlora Çitakun.

Lajmet me interesante

Lajmet e fundit

ARKIVA E LAJMEVE

RRETH NESH

NEWS LETTER

SOCIAL