Një kontingjent i Forcës së Sigurisë së Kosovës është nisur sot për të marrë pjesë në ushtrimin fushor të organizuar nga Ushtria Amerikane për Evropë (USAREUR) e cila realizon ushtrimin e përbashkët fushor me shtetet e NATO-s dhe me shtetet partnere, të quajtur „Immediate Response -19” (Përgjigjja e Menjëhershme-19) që do të mbahet në Kroaci dhe Hungari.

Sipas një komunikate për media të lëshuar nga Ministria e Mbrojtjes në Qeverinë e Kosovës thuhet se FSK-ja merr pjesë me 45 pjesëtarë të Batalionit të Tretë të Brigadës së Reagimit të Shpejtë dhe Skuadrës së Deminimit (EOD).

Ushtrimi do realizohet prej datës 20 maj deri më 8 qershor.

“Ushtrimi do të zhvillohet me ekzekutimin e stërvitjeve në terren në nivel batalioni, ku do të përfshijë pritjen, përqendrimin e trupave, lëvizjen tutje dhe integrimin, me qellim kryesor të ndërveprimit në nivel taktik, në mes të ushtrive të shteteve pjesëmarrëse”, theksohet në komunikatë.

Pjesëtarët e Forcës së Sigurisë, vijon komunikata, “marrin pjesë në trajnime dhe ushtrime të ndryshme bilaterale dhe multilaterale, si brenda ashtu edhe jashtë vendit, me qëllim që gjatë tërë kohës të jenë sa më të përgatitur, për të vepruar dhe punuar në mjedis të kombinuar shumëkombësh, si dhe të shkëmbejnë përvoja me shtetet partnere”.

Kur përballeshim me dhunën e policisë serbe dhe gazin lotësjellës në demonstrata, ata duke pirë birra në lokalet serbe talleshin me ne, ndërsa sot të njëjtit pa fije turpi na shesin ders patriotik. Ata që para lufte lufte koketonin me shajkaqat serbe, sot mbajnë kravata të kuqe dhe plisa të bardhë.
Ndërsa ata që i rezistuan pushtuesit serb, sot injorohen dhe përbuzen nga soji i keq i politikanëve të kohës nëpër të cilën po kalojmë.

E fillova në këtë mënyrë shkrimin, me qëllim që lexuesit e rinjë të kuptojnë më mirë realitetin e krijuar në vendin tonë. Këta që sot udhëheqin me shtetin nuk janë themeluesit e shtetit, por rrënuesit e tij.
Historia e themeleve të shtetit, e lirisë dhe pavarësisë së Kosovës nga Serbia daton një dekadë para “lindjes” së kusarëve të luftës dhe paqes…
Pushtetarët aktualë dhe politikanët e inkriminuar qëllimshëm po harrojnë se Gkykata Speciale për krimet e supozuara të UÇK-së është themeluar me bekimin e deputetëve të Kuvendit të Kosovës dhe pikërisht me bekimin e liderëve politik të krahut të luftës.
Se vërtetë është kështu, Veseli &Co dhe krejt kjo klasë politike nuk guxuan dhe as që guxojnë të përmendin dëmet e luftës që Serbia i bëri në Kosovë, për më tepër se kaq nuk i lejuan as Gjykatat në Kosovë që t’i trajtojnë paditë e qytetarëve dhe bizneseve për dëmet e luftës kundër Serbisë.
Pra, është mirë që pushtetarët dhe tërë klasa politike në Kosovë, të tregojnë se kush i pengoj dhe ku ishin që 20 vite, ku ishin kur u nis dialogu me Serbinë në Bruksel, ku ishin kur u amnistuan kriminelët serb të veriut, ku ishin kur u votua “Zajednica” serbe si dhe ku ishin kur u votua Gjykata Speciale!?
Zgjimi i vonuar i politikanëve të inkriminuar, po bëhet jo nga dashuria ndaj atdheut dhe respekti ndaj viktimave shqiptare të luftës, por të prirë nga interesat personale dhe marketingu politik për pushtet.
Thënë ndryshe, pushtetarët dhe politikanët në përgjithësi e kanë hallin e vet e jo të viktimave të luftës. Pra, çdo gjë po bëhet për efekte elektorale, gjegjësisht për mbajtjen dhe marrjen e pushtetit.

Debati folklorik në Kuvendin e Kosovës

Debati në Kuvendin e Kosovës rreth iniciativës së pasinqertë dhe me prapavijë politike të Kryetarit të Kuvendit Kadri Veseli për krijimin e një “Tribunali ndërkombëtarë për krimet e serbëve në Kosovë”, u shfrytëzua për marketing politik dhe fjalime folklorike të deputetëve të pozitës dhe opozitës.
Nga debati u vërejt qartë se pozita dhe opozita qëndrojnë shumë afër njëra-tjetrës dhe se lidhjet korruptive dhe kriminale mes grupimeve politike në Kuvend janë më të fuqishme sesa ndarjet partiake dhe interesi qytetarëve dhe shtetit në përgjithësi.
Aq të pafytyrë dhe të pasinqertë janë politikanët milionerë saqë po mundohen të fitojnë poena politik edhe nga viktimat e luftës, dhunimet dhe të pagjeturit.
Nisma e pasinqertë dhe me 20 vite vonesë e pushtetarëve multimionerë kinse për Tribunal ndërkombëtar, është tallje, dhunim dhe vrasje e dytë e viktimave.
Politikanët, qofshin ata deputet apo qeveritarë, pushtetarë apo opozitarë që e sollën dhe votuan Gjykatën Speciale, në asnjë rrethanë nuk mund të sjellin drejtësi për qytetarërt dhe as qetësi shpirtërore për viktimat e luftës.

Fotoja pornorgafike e falsifikuar, turpi i radhës i pushtetarëve

Nuk mbeti gjë pa u fëlliqur nga lufta e fundit, përveqse u bëmë gazi i botës edhe lufta e pastër çlirimtare çdo ditë e më tepër po e merr një ngjyrim tepër të errët për shkak të skandaleve të njëpasnjeshme, siq ishte rasti i fundit me foton pornografike të prezantuar nga Flora Brovina, të një skenari përvers të Kadri Veselit.
Njëherësh, ky akt paraqet lojën më të ndyrë të shërbimeve të UDB-së në Kosovë. Me këtë akt të turpshëm dhe skandaloz, me foto të falsifikuar u tentua që të zhvendoset vëmendja opinionit publik nga tradhtia e Hashim Thaçit me territore të vendit dhe jo vetëm.
Serbia përmes argatëve të vet, të instaluar në institucionet ma të larta të Republikës së Kosovës, ia arriti qëllimit me një skenë të “deshmimit” të falsifikuar të vret dy zogj me një plumb; pra me një foto-skandal e goditi Amerikën dhe të vertetën e hidhur të shqiptarëve të Kosovës, atë të krimeve dhe dhunimeve seksuale të 20 mijë vajzave e grave shqiptare.
Serbia përmes SHIK-ut arriti ta degradojë dëshminë e Vasfije Krasniqit si dhe të komprometoj me skena pornografike edhe ushtarët amerikan.
Serbia, tani e tutje për dhunimet seksuale ndaj grave e motrave shqiptare, do të thonë se janë sajesa pornografike të vetë shqiptarëve.
Pra Serbia me kaq lehtësi ia arriti t’i nxjerrë shqiptarët e Kosovës, si mashtrues ordiner dhe aktorë që luajnë viktimën pa qenë fare viktimë, duke e djegur keq kartën shqiptare për dhunimet seksuale dhe krimet monstruoze të shtetit serb në Kosovë.
Tani fare pak rëndësi ka kërkimfalja e Flora Brovinës dhe asryetimi i urdhënësve të saj, ngase vendit i është bërë një dëm i madh dhe i pariparueshëm. Tani nuk do të mjaftojnë edhe 1 mijë dëshmi të tjera për ta mohuar mashtrimin që u bë nga deputetja Flora Brovina në Kuvendin e Republikës së Kosovës.
Edhe pas këtij skandali porografik të klanit “Pronto”, populli i Kosovës po hesht dhe po toleron që kjo klasë politike, të terrorizoj qytetarët çdo ditë, duke shkuar edhe aq larg saqë për 20 vite e zhvatën Kosoven, nuk lanë gjë pa vjedhë, e tash 20 vite pas gjoja u kujtuan të merren me krimet e bëra nga Serbia, përderisa për 20 vite as që i kanë permendur, e për me tepër i kanë ndaluar Gjykatat t`i trajtojnë dëmet e luftës që Serbia fashiste i ka bërë në Kosovë.
Mbështetja e spektrit opozitarë në nismat e dyshimta të pozitës në Kuvend e dëshmon sesa afër dhe sa të bashkuar janë kusarët politikë në pushtet dhe opozitë.
Vetëm kapja dorë për dore e të gjithë politikanëve të dështuar, gjegjësisht e figurave të prishura politike dhe largimi i mënjëhershëm i tyre nga pushteti dhe skena politike në përgjithësi shëron plagët shpirtërore dhe kthen shpresat e qytetarëve në këtë vend.
E vetmja shpresë për ta çliruar shtetin nga uzurpatorët, kusarët politik dhe bandat kriminale është zgjimi i popullit nga agonia e gjatë dhe aktivizimi i menjëhershëm i elitës intelektuale të mërgatës tonë.

Shumë do të deshironte i madhi i letrave shqipe Faik Konica të demantohet në konstatimin e tij se: ”Shqiptarët janë armiq të vetvetës”. Edhe pas 20 vitësh nuk po ka birë nane që e nxjerrë këtë vend nga errësia . Kosova është bërë si Han, që pak kush e ka paramenduar si të tillë.Shumë të keqija zunë vend për gjithë këto vite, në vend të të mirave. Secila ditë e cila po kalon po është më e zezë së tjetra.Lexues të nderuar dhe ju qytetarë të Kosovës :a keni vesh më ndegju, a keni sy me pa, dhe a keni krenari që po lejoni të luhet më fatin e juaj ? !
Po të kthehemi të ndodhia e fundit ndër më të turpshmet sigurisht të pas luftës. Ky Parlament I cirkusantëve ku shumica nuk e kan vendin aty ,në mbledhjën e fundit na bën sërish prrallë më tupan. Ansamblistja e PDK-së, Flora Brovina për të cilën grua shumica e qytetarëve kan pasur respect, e ka dhi punën më ka krejt ,duke publikuar një foto të dyshimt për dhunimin e një shqiptareje nga disa ushtarë serb.Se çfare ishte motivi I gjithë kësaj maskarade një Zot e din, por një publikim I tillë nuk justifikohet në asnjë menyrë. Po flitet në opinion së dikush qendron mbrapa një publikimi të kësaj fotografie të turpit, po që nuk arsyetohet një gjë e tillë nga një grua tashmë në moshë . Ajo nuk është e re që të mashtrohet dhe manipulohet për interesa të kujdo qofshin ato.Sigurisht së një publikim I tillë hyn edhe në vazhdën e prodhimit të aferave të ndryshme , për ta zhvendosur vemendjën e opinionit të gjërë public nga gjendja e mjerë ekonomike dhe politike, në të cilën është katandisur vendi . Kjo ka mundwsi tw lidhet edhe më faktin qw të shtyhet puna e Gjykatës Speciale , të cilën e prum vet të dera .Kaluan 20 vite dhe kjo klasë politike nuk kishte kohë që të padiste Serbinë më bazë për gjenocid pranë TPI-së, siq e bën kur ishte koha Bosnja dhe Kroacia. Madje edhe Serbia gjenocidiale vuri kunder padi në Gjykatën e Hagës kunder Kroacisë. Tek tash gjoja u ka ra ndërmend ta nxjerrin një rezolutë në Kuvend për themelimim e një Gjykate Ndërkombëtare kunder Serbisë , që është gadi e pa realizueshme. Duket ashiqare së kjo punë po behët më shumë për poena politik. Edhe diqka krejt në fund. Dikush me dashje apo pa dashje na la kopilin te dera, pas prazentimit të suksesshem , në Amerikë ,të Vasfije Krasniqit pwr dhunimet e grave shqiptare gjatw luftës , e cila pas lajmit për publikim të fotografisë nga zonja Brovina ka shkruar në Twittër:” që mos e përdorni dhëmbjën tonë për fitime Tuaja”. ”Ma plasët zemrën” ka shkruar ajo, siq u plasën edhe zemrat e shumë grave të dhunuara nga çetnikët serb. Duket së kjo gjë shumë do ti kushton Kosovës dhe shqiptarëve …Dhashtë Zoti qe jo…

Kërkesa e shefit të Zyres së Kosovës në Serbi, Marko Gjuriq, për hyrje në Kosovë të dielën, në ditën e zgjedhjeve për kryetarët e komunave veriore, është refuzuar nga autoritetet e Kosovës.

Lajmin e ka bërë të ditur për Radion Evropa e Lirë, këshilltari politik i ministrit të Punëve të Jashtme në Qeverinë e Kosovës, Jetlir Zyberaj.

“Kërkesa e tij është refuzuar për shkak që nuk është në përputhje me marrëveshjen e Bruskelit, ku kërkesat duhet të adresohen vetëm gjatë ditëve të punës dhe jo në fundjavë”, tha Zyberaj për Radion Evropa e Lirë.

Ai shtoi se MPJ është në koordinim me autoritetet e sigurisë në Kosovë për të parandaluar çdo shkelje të mundshme apo tentim-hyrje ilegale në Kosovë.

Shefi i Zyrës së Kosovës në Serbi, Marko Gjuriq, kishte thënë për mediat në Serbi se do të jetë prezent në ditën e zgjedhjeve në komunat veriore të Kosovës, përkundër refuzimeve të njëpasnjëshme nga autoritetet e Kosovës për vizitë.

Gjuriq ishte arrestuar në mars të vitit të kaluar nga Policia e Kosovës pasi nuk ka përfillur ndalesën e lëshuar nga Qeveria e Kosovës dhe është futur në Mitrovicë.

Komisionari për Zgjerim i BE-së, Johanes Hahn, ka folur rreth Samitit të organizuar në Berlin, duke përgënjeshtruar presidentin e Kosovës, Hashim Thaçi, për pretendimet se për takimin në Gjermani nuk kishte koordinim gjermano-amerikan, shkruan Gazeta Express.

Këto deklarime Hahn i ka bërë në një intervistë për Deutche Welle, duke thënë se sa i përket negociatave Kosovë-Serbi ka një dakordim ndërkombëtar.

“Ekziston një dakordim i qartë ndërkombëtar se si duhen bërë këto negociata. Natyrisht është mirë nëse kemi mbështetje edhe nga aktorë të rëndësishëm ndërkombëtarë dhe kur bashkësia ndërkombëtare është e bashkuar. SHBA-ja është e rëndësishme si mbështetëse, por struktura aktuale e negociatave, nën drejtimin e Përfaqësueses së Lartë, aktualisht Federica Mogherinit, është e mjaftueshme”, ka thënë Hahn.

Teksa ka folur për marrëveshjen finale, Hahn ka thënë se ajo që do të duhet të nënshkruajnë Kosova dhe Serbia, nuk do të duartrokitet, dhe se për të bërë një gjë të tillë do të duhet guxim nga dy palët.

Përveç guximit, Hahn thotë se të dy palët duhet të bëjnë kompromis të lëshojnë pe.

“Besueshmëria. Nëse çelim negociatat e anëtarësimit me Shqipërinë dhe Maqedoninë e Veriut – kjo nuk do të thotë se ato hyjnë nesër në BE, ky është një proces disavjeçar që kërkon edhe shumë përpjekje,- atëherë kjo është joshja më e mirë për serbët dhe kosovarët që të ulen në tryezën e negociatave. Sepse ajo që do të duhet të arrijnë ata nuk do të pritet me duartrokitje të mëdha në asnjë vend. Kërkon guxim dhe kurajë nga aktorët veprues që të ulen në një tryezë dhe të hartojnë një kompromis, i cili do të kërkojë lëshime nga të dyja palët për të arritur në një rezultat përfundimtar”, ka potencuar ai.

Hahn ka thënë se është herët që të flitet për një zgjidhje të mundshme, megjithatë tregon se një vend të rëndësishëm në marrëveshje finale do ta ketë çështja e pakicave serbe, duke lënë të kuptohet se Asociacioni i Komunave Serbe do të jetë i rëndësishëm.

“Unë vetëm kam thënë se kjo nuk duhet tabuizuar menjëherë. E sqarova menjëherë se zgjidhja që do të vijë në fund të ditës nuk duhet të jetë në kosto të të tretëve. Tani është ende herët të flitet për zgjidhjet që vijnë në pyetje. Sepse marrëveshja që do të arrihet mes dy vendeve do të jetë shumëpërfshirëse. Një vend qendror në marrëveshje do ta zërë çështja e pakicave, sepse ka shumë serbë në të gjithë territorin e Kosovës dhe jo në një zonë të caktuar të Kosovës. Kështu do të jetë edhe në të ardhmen. Pra, marrëveshja do të përfshijë shumë pjesë të një rebusi, të cilat shpresojmë që së bashku të japin një panoramë shumë të bukur”, ka thënë ndër të tjera Komisioneri për Zgjerim i BE-së, Johanes Hahn.

Pretendimet e Thaçit për mos koordinim të Gjermanisë dhe SHBA-së për Samitin e Berlinit, i kanë demantuar edhe nga zyra e kancelares Angela Merkel, në një përgjigje dhënë Gazetës Express.

Ata kanë thënë që përveç që ishin koordinuar për Samitin e Berlinit, kanë potencuar që janë në kontakt konstant me SHBA-në, për çështjet që kanë të bëjnë më Ballkanin Perëndimor, konkretisht dialogun Kosovë-Serbi./DW/GazetaExpress/

E mbijetuara e dhunës seksuale gjatë luftës në Kosovë, Vasfije Krasniqi-Goodman, ka reaguar pas deklaratës së Flora Brovinës se fotografia e publikuar nga ajo nuk është vërtetuar mirë.

Krasniqi-Goodman tha se do të vazhdojë që të vërtetën e Kosovës ta përhap gjithandej.

“Kot mundohen me mohime, me foto apo me forma tjera sepse një ditë drejtësia do të triumfojë”, ka shkruar Krasniqi-Goodman në rrjetin social Facebook.

Ja postimi i plotë i saj:

Ish-deputetja e LDK-së, Mevlyde Saraçi para mediave ka deklaruar se asnjëherë nuk e ka parë fotografinë të cilën dje e ka bërë publike deputetja e PDK-së, Flora Brovina. Saraçi ka thënë se të hënën do të paraqitet në polici për të dhënë deklaratë, derisa, do të padisë deputeten e PDK-së, raporton Gazeta Express

“Kam qenë anëtare e komisionit për çështje sociale dhe persona të pagjetur, kam punuar në këtë komision për plot tre vite sa kam qenë deputete dhe puna jonë ka qenë publike. Në asnjë rast në asnjë vend unë nuk kam përdorë zarfe aq më pak gjatë gjithë jetës time nuk jam marrë me filma pornografikë dhe unë ndihem shumë e turpëruar për përmendjen e emrit tim ndoshta ka qenë nxitim i zonjës Brovina”, shtoi ajo.

Ajo kundërshton deklaratën e deputetes së PDK-së, që u deklarua se Saraçi e kishte njoftuar për fotografinë.

“Në asnjë moment nuk e pranoj nuk e pranoj përcjellën e pafajësisë si fajsi që unë të hënën të paraqitem në polici për një fotografi që nuk e njoh dhe nuk e kam parë kurrë, nëse do ta kisha këtë foto unë do ta dërgoja menjëherë në prokurori”, shton ajo.

Tutje, ish-deputetja tha se nuk e ka parë kurrë fotografinë dhe se ju kërkon të gjitha viktimave të luftës falje për atë se çka ka ndodhur. Duke folur për Brovinën ajo shtoi se ka dhënë dy intervista kontradiktore.

Saraçi tha se do ta padisë për shpifje deputeten e PDK-së, derisa të hënën do të deklarojë për rastin në polici.

“Unë jam e detyruar siç ka vepruar ajo përmes organeve të drejtësisë që t’I tregoj opinionit që emri im është keqpërdorur nuk e di pse emri im është potencuar pa të drejtë, në këtë moment jam detyruar që të ndërmarrë hapat, e para punës do të deklarojë në polici.

Do ta padis për shpifje, ka bërë një gabim të madh nuk ka pasur nevojë të potencojë emra”, përfundoi ish-deputetja.

Ajo tha se ka marrë ftesë nga policia rrugës derisa po paraqitej para mediave, e të hënën tha se do të paraqitet në polici,/GazetaExpress

Deputetja e Kuvendit të Kosovës, Flora Brovina, e cila të enjten publikoi një fotografi, të cilën fillimisht e prezantoi si dëshmi të akteve të përdhunimeve seksuale gjatë luftës në Kosovë, pranoi se kjo fotografi mund të jetë e falsifikuar.

Sipas saj, këtë fotografi, të cilën ajo e publikoi para mediave, e kishte marrë qysh në vitin 2003 nga një zyrtare e Këshillit për Mbrojtjen e Lirive dhe të Drejtave të Njeriut në Prishtinë dhe e ruante si “dëshmi për krimet e kryera nga forcat e Serbisë në Kosovë”.

“Nga viti 2003, këtë dokument e ruaj në mesin e shumë dokumenteve tjera dhe tani, pas kaq kohësh, të quhet ky dokument i falsifikuar, më vjen shumë keq. Edhe një herë ju kërkoj falje të gjithë atyre dhe qëndroj edhe për fajësinë time që nuk e kam verifikuar në momentin e fundit edhe një herë”, tha Brovina.

“Kurrë nuk kam menduar se dikush mund të më sjellë dokumente të paverifikuara”, shtoi ajo.

Këto komente, Brovina i bëri pas ofrimit të dëshmisë në Prokurorinë Speciale të Kosovës.

Brovina tha se është e gatshme të dëshmojë për të gjitha kërkesat e Prokurorisë.

“Andaj, nuk kam besuar se ky dokument nuk mund te jetë i saktë”, tha Brovina pas raportimeve se fotografia që ajo kishte ofruar si dëshmi, nuk ishte realizuar fare në Kosovë.

Fotografia e publikuar të enjten gjatë punimeve të Kuvendit të Kosovës si dëshmi e dhunës seksuale gjatë luftës në Kosovë, është pamje e cila duket se është marrë nga faqe interneti me përmbajtje pornografike.

Mediat vendore në Kosovë kanë publikuar pamjet e njëjta, duke u thirrur në faqet e internetit për të rritur.

Fotografia kishte pamje të rënda grafike dhe si e tillë nxiti reagime të shumta, përfshirë këtu edhe Prokurorinë Speciale të Republikës së Kosovës, e cila përmes një komunikate për media njoftoi se ka ftuar Brovinën të ofrojë dëshmitë që ka dhe se do të hapë hetimet mbi fotografinë e publikuar.

Kreu i Kuvendit, Kadri Veseli, mbrëmë paralajmëroi se sot gjatë ditës do të ketë një takim me të gjithë krerët e institucioneve të drejtësisë, inteligjencës dhe insitucioneve tjera, pas publikimit të fotografisë nga deputetja Flora Brovina dhe lajmeve se një e tillë është e rreme.

“Nesër kam ftuar të gjithë bartësit e institucioneve të drejtësisë, të inteligjencës dhe institucioneve tjera gjegjëse që të kemi një takim për këtë çështje që t’i jepet një drejtim”, ka thënë ai.

Duke folur pas zhvillimeve të djeshme ku origjinaliteti i fotografisë së publikuar nga Flora Brovina u vu në dyshim, Veseli  ka thënë se Kosova nuk duhet ta humbasë fokusin.

“Çdo njeri, çdo rrugë, lagje, fshat dhe qytet e ka historinë e vet në këtë masakër që i ka ndodhur popullit tim dhe do t’i bëjmë të paguajnë – kjo është ajo që duhet të fokusohemi dhe orientohemi”.

“Kjo është një dhembje më shumë që i është shkaktuar sonte Kosovës si pasojë e asaj gjendje të rëndë”.

“Është një mesazh për të gjithë, edhe deputetët edhe qytetarët, nuk guxojmë të çorientohemi, ky është qëllimi i Serbisë”.

“Deputetja Flora Brovina insiston. Kur ke parasysh që është një grua që ka pësuar bukur rëndë, do të thotë ka pësuar me përjetimet të veta, dhe kjo pastaj është një vazhdimësi e këtij traumatizimi. Dëshmia e deputetes Saranda Bogujevci na ka rënduar situatën”.

Kryeparlamentari dhe kryetari i PDK-së ka thënë se gjenocidi serb ka ndodhur në Kosovë dhe për këtë ka shumë fakte dhe dëshmitarë.

“Gjenocidi serb ka ndodhur në Kosovë dhe çdo qytetar i Kosovës është dëshmitar. Ka fakte dhe dëshmitarë të mjaftueshëm, nuk kemi pasë nevojë të kemi fotografi që mund të mos jenë të konfirmuara kur i kemi njerëzit e gjallë”.

E mbijetuara e dhunës seksuale, Vasfije Krasniqi Goodman ka reaguar pas publikimit të fotografisë nje dite me pare nga deputetja Flora Brovina, ne Kuvendin e Kosoves.

“Mos e përdorni dhimbjen tonë dhe vuajtjet për përfitimin tuaj. Ma plaset zemrën”, ka shkruar Krasniqi në Twitter.

Një fotografi e publikuar dje nga deputetja e Partisë Demokratike të Kosovës, Flora Brovina, tronditi opinionin në Kosovë e më gjerë.

Brovina prezantoi atë që e cilësoi dëshmi fotografike të përdhunimit të një gruaje kosovare në kohë të luftës, nga ushtarët serbë, në sytë e familjes së saj.

Por, fotografia e shfaqur nga Brovina rezultoi të jetë aspak e vërtetë. S’është as nga lufta e Kosovës, e madje as nga ndonjë luftë tjetër.

Në të vërtetë, bëhet fjalë për një film pornografik, skenë të të cilit paraqet fotografia e prezantuar nga Brovina.

Gazeta Express ka raportuar dje se fotografia e publikuar nga Brovina nuk është e vërtetë, dhe se rrjedh nga një ueb-sajt me përmbajtje pornografike.

 KOSOVË

Publicisti Veton Surroi ka reaguar, pas publikimit të një fotoje tronditëse, ku një grua shqiptare e Kosovës dhunohet seksualisht nga tre serbë.

Fotoja u publikua sot nga deputetja e PDK-së Flora Brovina. Surroi shprehet se Brovina ka bërë sot pornografi politike.

Postimi i Surroit:

Publikimi i një akti seksual për përfitim parash quhet pornografi.

Publikimi i një akti seksual për përfitim politik quhet pornografi politike.

Publikimi i një dhunimi quhet perverzion. Në këso rasti, politik.

KOSOVE

Deputetja e PDK-së, Flora Brovina ka ndarë të tjera fakte nga gjenocidi serb i kryer në Kosovë. Pas asaj të përdhunimit, në seancën e fundit të Kuvendit të Kosovës, ajo ka publikuar fotografi tronditëse dhunimi të asaj që forcat serbe i kanë bërë një 7-vjeçareje, e cila më pas ka ndërruar dhe jetë.

“Sigurisht të gjithë jemi pak të emocionuar. Argumenti më i mirë është rezoluta e nxjerrur. Pika që nuk dua ta anashkalojë është që gjenocidi nuk ka ndodhur për herë të parë në luftën e fundit. Ne duhet të kujtojmë gjenocidin në regjionin e Nishit dhe Vranjës, ku janë masakruar dhe dhunuar”, tha ajo.

“Ky fëmijë ka vdekur gjatë dhunimit i ka pasur vetëm 7 vjetë, le të traumatizohet kush të dojë, por kjo është e vërteta”, tha Brovina teksa publikoi edhe fotografinë tronditëse nga foltorja e Kuvendit.

KOSOVE

Teksa në Kuvendin e Kosovës zhvillohej seanca plenare për votimin e rezolutës për gjenocidin serb, deputetja Flora Brovina ka paraqitur para mediave një dëshmi tepër tronditëse. Deputetja e PDK-së ka publikuar një fotografi ku shihet se si ushtarët serbë përdhunonin në grup një femër gjatë luftës në Kosovë. Në foto duket se përdhunimi kryhet në prani të familjarëve të gruas, madje shihen qartë edhe gjurmët e gjakut.

“Kjo është vetëm njëra nga mënyrat kur i kanë detyruar familjarët që ta shohin aktin e dhunës seksuale. Shumë raste kemi kur ato janë mbledhur shumë në numër dhe sistematikisht janë dhunuar nga ushtarët serb.”

Deputetja e PDK-së nuk ka dhënë detaje se në cilin vend ka ndodhur ky rast, duke theksuar rëndësinë e ruajtjes së privatesisë së gruas.

“Gruaja është 50 vjeçare kur ka ndodhur ka qenë 35 vjeçare. Tani është zgjuar vetëdijësimi institucional që për këto viktima të ngrihen aktakuza. Serbia është fajtorja”

Sipas deputetes Brovina, fotografia tronditëse nga të rrallat që dëshmojnë makabritetin e sjelljes serbe në Kosovë, është gjetur ne aparatin e nje ushtari serb.

Prokuroria Speciale e Republikës së Kosovës, ka njoftuar se do të hapin hetim pas publikimit të fotografisë nga deputetja Flora Brovina, e cila dëshmon për krimet serbe të kryera në Kosovë.

Prokuroria bën të ditur se do ta ftojnë deputeten Brovina, për dhënien e informacionit lidhur me viktimën për të cilën ajo pohon se është e gjallë, si dhe dorëzimin e fotos dhe dëshmive që ajo pohon se i ka lidhur me këtë rast dhe raste të tjera.

Në njoftimin e bërë nga Prokuroria Speciale, thuhet se ata kanë kuptuar për ekzistencën e kësaj dëshmie, vetëm pas publikimit nga deputetja dhe se deri tani nuk kanë pasur dëshmi nga askush për këtë rast.

Prokuroria Speciale, fton të gjithë ata që kanë dëshmi të ndryshme, si video, fotografi apo edhe dëshmi tjera të cilat mund të jenë të rëndësishme për identifikimin e kryerësve të mundshëm të veprave penale që lidhen me krimet e luftës, t’i sjellin në Prokurorinë Speciale, pasi që në një shtet ligjorë provat dhe dëshmitë për krimet të pretenduara dorëzohen së pari në prokurori apo polici e jo përmes mediave apo gjatë debateve parlamentare.

Analisti politik Haki Abazi ka reaguar ashpër, pas publikimit të një fotografie, ku shihen disa ushtarë serbë duke dhunuar seksualisht një grua shqiptare gjatë luftës.

Abazi shprehet se fotoja duhet të ishte material për gjykata dhe serbët të merrnin dënimin e merituar, por shton se ajo publikohet duke trazuar ndjenjat e popullatës shqiptare.

Shkrimi i plotë i analistit Haki Abazi:

Ju jeni për turp Flora Brovina

Ju jeni bërë, jo për herë të pare masha e mbeturinave të qelbura. Ju jeni pjesë e hordhisë mafioze që keni kapur Kosovën dhe po doni me ja nxjerrë edhe atë pak frymë e nderë që e ka.

Po, janë femrat e dhunuara që i ka kryer Serbia si krime gjate luftës po ju nuk jeni ajo që po mendoni se jeni duke e zbuluar këtë gjë me një fotografi, përkundrazi. E gjithë Kosova dhe tanimë edhe bota e di këtë gjë- e dijnë edhe nga Vasfije Krasniqi- Godman. Por ata e dinë dhe ndajnë dhembjen e përkrahjen jo për poena politike e as për të mbuluar krimin, korrupsionin dhe dështimet e ndarjes së Kosovës dhe gjithcka tjetër që është e stampuar me vulën e PDK, partisë të cilës ti verbërisht i ke shërbyer dhe vazhdon t’i shërbesh.

Ti që ke qenë sabotuesja e kushtetutës duke e mbajtur peng gjithë parlamentin për të zgjedhur Veselin kryetar dhe për të bërë një qeveri e cila më së paku i ka shërbyer popullit dhe interesave të vendit. Ju jeni profitere lufte dhe profitere paqeje që ka instaluar mendësinë e nepotizmit dhe korrupsionit si normë të pranuar shoqërore- ky është dhunim i gjithë popullit çfarë jeni duke bërë ju. Ju nuk keni bërë zë kur Shaip Muja ka dalë në foltore të parlamentit dhe ka thënë se të dhunuarat nuk janë viktima, ju nuk keni votuar për ligjin për viktimat, dhe ju për 20 vite nuk keni folur asnjë fjalë të vetme në dialogun me Serbinë. Nuk ju lejojmë sot që ju, themeluesit e gjykatës speciale të përdorni dhembjen dhe dhunimet e grave shqiptare për të treguar ” patriotizmin” e shpifur e për të mbuluar të zezat tuaja.

Ju nuk keni folur asnjë fjalë as për dhunimet e vajzës nga Drenasi që janë bërë nga njerëzit e uniformuar dhe pjesëtarë të institucioneve shtetërore tona sot. Dhunimet e luftës të armikut kanë vazhduar pasluftës dhe ju jeni spektatorë në rastin më të mire e mirëmbajtëse e një pushteti në rastin më të keq i cili nuk ka dënuar as ato të luftës e as këto tani e ty nuk të është dëgjuar zëri deri sot kur ke nxjerrë një fotografi te guzhvatur që do të duhej të ishte material i gjykatave dhe jo fyerje ndjenjave dhe emocioneve të popullatës që po dhunohet në vazhdimësi .

Deputetja e Lëvizjes Vetëvendosje, Saranda-Bogujevci- Rama, në fjalën e saj në seancën e Kuvendi të Republikës së Kosovës, ku pritet që të krijohet një Tribunal që do të gjykojë krimet serbe në Kosovë, ka thëën se familja e personit që shihet në fotografinë e publikuar nga deputetja e PDK’së, Flora Brovina,  kanë kërkuar që ajo fotografi të hiqet nga të gjitha mediat.

Ajo thotë se familja janë ankuar edhe tek instituti që udhëheq Vasfije Krasniqi-Goodman, dhe janë jashtëzakonisht të shqetësuar, pasi gruaja që shihet  në fotografi teksa dhunohet nga kriminelët serbë është e identifikueshme dhe është ende gjallë.

“Familja po kërkon heqjen e fotografisë. Familjarët janë të shqetësuar. Zonja Brovina është e padrejtë ajo. Imagjino se në çfarë traume kalon ajo, kur e sheh. Edhe familjarët tjerë e shohin atë fotografi”, ka thënë deputetja, raporton Gazeta Express.

Bogujevci ka thënë se bazuar në atë se çfarë ka kaluar vetë gjatë kohës së luftës, e imagjinon se çfarë traume do të kishte përjetuar nëse dikush do të kishte publikuar diçka të tillë.

Ajo ka kritikuar deputeten Flora Brovina, duke i thënë se ka rrezik që mund t’i ndodh diçka viktimës pasi është e identifikueshme.

“Nuk e di a ke qëllu ti, me të ndodh diçka e tillë, e me pa vetën në qat gjednje. Ajo mundet me u identifiku, dhe cka nëse i ndodh diçka viktimës”, ka thënë ndër të tjera deputetja Bogujevci-Rama.

Nddërkohë pas fjalës së saj ka ndërhyrë kreu i Kuvendit, duke thënë se Vasfije Krasniqi-Goodman është heroinë që ka dëshmuar se çfarë ka ndodhur, duke bërë thirrje që të mos devijohet nga ideja se për çfaërë ishin mbledhur në Kuvend.

“Një nga heroinat është Vasfje Krasniqi, është ajo që ka dëshmu për atë cfarë ka ndodhur”, ka thënë Veseli./GazetaExpress/

20 vjet pas luftës së Kosovës, mediat kanë bërë të mundur publikimin e fotove dhe videove të ndryshme nga kjo periudhë e vështirë e dëbimit të shqiptarëve nga forcat serbe.

Një video me pamje drithëruese është publikuar pak orë më parë. Në pamjet e regjistruara në video shihen familjet shqiptare, fëmijë, burra, gra , të moshuar dhe fëmijë të cilët të lodhur ecin në këmbë për t’u larguar nga lufta duke braktisur banesat e tyre.

Në video shihen fëmijë të plagosur me shenja dhune në fytyrë por jo vetëm. Në video shihen familjarët, gra e të moshuar të cilët e kanë të pamundur të ecin në këmbë për shkak të lodhjes dhe mungesës së ushqimit.

Për më tepër ndiq pamjet e mëposhtme.

Kryeministri Ramush Haradinaj në emisionin “Debat Plus”, ka thënë se me prekjen e kufijve, Rusia do të ishte ftuar të rrisë ndikimin e saj në Ballkan. Ai gjithashtu ka folur për dialogun, marrëdhëniet me SHBA-të e çështje tjera. Kryeministri i Kosovës Ramush Haradinaj në “Debat Plus” të RTV Dukagjinit, tha se hapja e kufijve do të ishte një ftesë për Rusinë për t’i dhënë më shumë rol në rajon.

“Hapja e kufijve dhe lëvizja me kufi është proces që vështirë se do të mbyllet pastaj. Nuk dihet kush fiton, supozohet se krijohet një situatë e paqartë që do të ishte një ftesë për Rusinë për më shumë rol… Presidenti i Kosovës mban këtë pozitë në bazë të kushtetutës, por opsioni për ndarje të Kosovës, që ndoshta dikush e ka shty atë për ta promovuar, ka “vdekur” realisht”, tha Haradinaj

Idenë e hapjes së kufijve Haradinaj e cilësoi të rrezikshme duke e krahasuar me temën e demarkacionit e cila mund të provokonte luftë civile. “Ju e dini që për pak hektarë të vlefshëm që fatmirësisht u gjet zgjidhje, ishim duke shkuar drejtë luftës civile. Askush nuk mund të bëj shaka më me këtë vend”, shtoi Haradinaj,

Ndërkaq duke folur për marrëdhëniet me Amerikën, Haradinaj pranoi se ka takime me përfaqësues të Ambasadës dhe se marrëdhëniet nuk kanë qenë kurrë më të mira. Është normale që Ambasada e Amerikës të na jep vërejtje të sinqerta për çdo gabim që ne bëjmë… Kurrë më të mira dhe më të qëndrueshme marrëdhëniet nuk kanë qenë”, tha ndër të tjera Ramush Haradinaj. Haradinaj mes tjerash foli edhe për vazhdimin e dialogut për të cilin tha se duhet të vazhdojë me qëllim që të arrihet njohja nga Serbia, ndërsa ka potencuar se taksa mbetet deri në njohje.

Kryeparlamentari Kadri Veseli pak orë para se të nisë seanca ku do të diskutohet për krimet e Serbisë në Kosovë dhe ideja për ngritjen e një Tribunali që do t’i gjykonte ato ka vizituar lokacionin ku ruhen eksponatet e rrobave të mijëra qytetarëve të vrarë gjatë luftës së fundit.

Ai ka përdorur fjalën Holokaust ndërsa ka thënë se do të ishte e pafalashme nëse ndërkombëtarët nuk e përkrahin iniciativën e tij për ngritjen e Tribunalit.

Kryeparlamentari Kadri Veseli, i shoqëruar nga drejtori i Institutit të mjekësisë ligjore, Arsim Gërxhaliu, ka vizituar sot vendin ku po ruhen eksponatet e rrobave të mijëra qytetarëve civilë shqiptarë të vrarë gjatë luftës nga forcat serbe.

Në përpjekje për ta shtyrë me tej idenë e tij për Tribunalin, Veseli ka parë nga afër rrobat e fëmijëve të vegjël të vrarë, rrobat e vajzave të masakruara dhe rrobat e të moshuarve deri në 106 vjeç të cilët janë vrarë e masakruar nga forcat serbe gjatë luftës në Kosovë.

Ai ka bërë edhe një krahasim me vrasjen e 6 milionë hebrenjëve gjatë Luftës së Dytë Botërore duke përdorur fjalën Holokaust për vrasjen e mijëra shqiptarëve gjatë viteve 90’të nga Serbia.

“Më askush nuk guxon të na e bëjë atë që na e ka bërë. Dhe drejtësia do të ndodhë. Në Jerusalem, në Muzeun e Yad Vashemit, është një pirg i madh me flokë të viktimave. Nëse shkoni në Poklek, aty do t’i gjeni 56 persona në një varr. Ky është Holokausti. Do të jetë e pafalshme nëse bashkësia ndërkombëtare nuk e përkrah iniciativën për tribunal ndërkombëtar për Serbinë. Për aq sa ka njerëz mbi këtë tokë, dritë dhe diell, do të ketë edhe drejtësi dhe tribunal për gjenocidin serb”, theksoi kryeparlamentari Veseli.

Ai tha se të gjitha këto rroba të mijëra civilëve të vrarë nga forcat serbe, do të vendosen në Muzeun e Gjenocidit i cili do të ndërtohet në Prishtinë.

Drejtori i institutit të mjekësisë ligjore, Arsim Gërxhaliu “ka falënderuar kryeparlamentarin Veseli për iniciativën për Muzeun e Gjenocidit ndërsa theksoi se janë në dispozicion të mbështetjes dhe dorëzimit tē të gjitha artefakteve dhe dëshmive që ekzistojnë për zbardhjen e fatit të gjithë civilëve të vrarë nga forcat serbe në Kosovë”./GazetaExpress/

Deputeti i Kuvendit të Kosovës nga radhët e Aleancës për Ardhmërinë e Kosovës, Daut Haradinaj, ka thënë se askush nuk duhet dëmtuar Kosovën, veç pse i rrezikohet lëkura e vet. Këtë, Haradinaj e përmendi duke iu referuar idesë për shkëmbimin e territoreve.

“Unë nuk mendoj që presidenti ka vullnet për ta dëmtuar Kosovën, por unë nuk mendoj që nëse dikujt i rrezikohet lëkura duhet ta dëmtojë Kosovën. Përgjegjësia e presidentit është ta ruajë Kushtetutën, kufijtë, edhe unë e kisha inkurajuar që kështu të shkojë”, tha ai në KTV.

Haradinaj ka thënë se presidenti Hashim Thaçi me deklaratat se është për bashkim të Luginës në territorin e Kosovës po luan me ndjenjat e qytetarëve. Veprimet e fundit karshi kësaj situate, Haradinaj i quajti fiskultura. “Është e pandershme të luhet me emocionet e qytetarëve tanë që padrejtësisht janë jashtë Kosovës, në këtë rast në Luginën e Preshevës. Unë bashkëndjej me ta, vij prej asaj vije që kemi vuajtur për të ardhur liria në Kosovë, dhe e di që ata janë qysh ishim ne para 22-23 viteve”, ka thënë ai, duke thënë se edhe Thaçi po luan me ta.

“As ne nuk duhet të ndalemi, qoftë qeveria e Kosovës, qoftë ajo e Shqipërisë duhet të bëjnë veprime konkrete për qytetarët tanë në Luginë, dhe jo kësi fiskullturash që më shumë janë manovra që e nxjerrin më shumë një person ose dy, kushdo qofshin ata”, tha ai.

Në 20-vjetorin e zhdukjes së veprimtarit të çështjes kombëtare dhe intelektualit Ukshin Hoti, djali i tij, Andin Hoti ka kërkuar që sa më shpejt të zgjidhet çështja e të pagjeturve. Ai ka paralajmëruar që së shpejti do ta bëjë padi ndaj Serbisë për rastin e babait të tij.

Në një intervistë të dhënë për Telegrafin, Hoti tha Serbia duhet të përgjigjet për 1600 persona që janë të zhdukur nga forcat serbe.
“Zhdukja e babit dihet botërisht se ka ndodhur me forcë nga organet serbe, për shkak se babai ka qenë në burgun e Dubraves, dhe burgu i Dubraves është një institucion shtetëror, konsiderohet që është i sigurisë më të lartë të shtetit. Ne ende si familje, po ashtu sikur edhe familjet tjera mbajmë shpresë që të dihet fati i babait dhe i 1600 personave tjerë që janë zhdukur me forcë nga Kosova. Shumë shpejtë do të kem mundësi, dhe do të bëjë padi ndaj Serbisë për rastin e Ukshin Hotit”, tha ai.

Andin Hoti thotë se çështja e të pagjeturve nuk është më politike.
“Kjo çështje është më shumë humane sesa politike, ne nuk po kërkojmë ta kthejmë në politikë, në krejt çfarë po kërkojmë është që të dihet fati i familjarëve tonë, nëse është i gjallë ta kthejnë, nëse nuk është i gjallë ta kemi të paktën një vend ku mund të lutemi, të bëjmë homazhe e të dërgojmë lule”, ka thënë Hoti.

Për të mos zbardhjen e rastit të të pagjeturve nuk është vetëm Kosova fajtore, Hoti fajëson edhe ndërkombëtarët.
“Unë faktikisht disa herë e kam trajtuar në Kuvend çështjen e të zhdukurve, nuk është bërë asgjë, jo vetëm me fajin e Kosovës por edhe mos marrja e çështjes me seriozitet nga faktori ndërkombëtar dhe nuk është arritur një zgjidhje deri më sot për këtë çështje”.

Kurse sa i përket platformës shtetërore për dialog me Serbinë, Hoti tha se platforma nuk parasheh në mënyrë të duhur çështjen e personave të pagjetur.
“Unë kam kërkuar që pika kryesore e parë e dialogut në Bruksel të jetë çështja e të zhdukurve, duke përfshirë këtu edhe babain tim.
E kemi marrë një platformë shtetërore, na është servuar ajo platformë, unë e kam thënë edhe në Kuvend se këtë pikë nuk e parasheh në mënyrë të duhur, aty ka qenë e shkruar se Republika e Kosovës do të kërkojë nga Serbia që të zgjidhet fati i të zhdukurve. Kosova ka kërkuar që 20-vjet që të zgjidhet fati i personave të zhdukur, ne duhet të shkojmë me një formë tjetër, me kushtëzim. Ne si deputetë të Kuvendit nuk duhet të pranojmë marrëveshjen finale me Serbinë pa u trajtuar me seriozitet çështja e personave të zhdukur”, tha Hoti gjatë intervistës.

Hoti po ashtu tha se është faktori ndërkombëtar ai që duhet t’i bëjë presion Serbisë për personat e zhdukur gjatë luftës në Kosovë.
“Serbia nuk bindet lehtë, sepse është krimineli dhe krimineli asnjëherë nuk e pranon krimin e vetë. Është faktori ndërkombëtar ai i cili duhet t’i bëjë presionin e nevojshëm dhe ta bëjë kushtëzimin, sepse Kosova nuk mundet edhe shumë të bëjë kushtëzim.
Faktori ndërkombëtar duhet ta bëjë kushtëzimin dhe Serbia t’i hap arkivat, sepse i ka ato arkiva, ka dokumente të shumta dhe fakte se ku janë dhe çfarë ka ndodhur me personat e zhdukur. Nuk pres që të ndodhë ndonjë magji, e të zgjidhet komplet kjo çështje, por pres që të merret me seriozitet kjo çështje. Janë disa raste sikur rasti i babait, kur janë marrë persona nga spitale, e nëpër institucione tjera shtetërorë”, tha ai.

Ai tha se për rastin e Ukshin Hotit nuk mund të arsyetohet askush, sepse sipas tij, dihen emrat e gardianëve të cilët e kanë marrë dhe emri i drejtorit të burgut në atë kohë. Ai tha se ka qenë e pazakonshme që në ditën e diele të largohet nga burgu. Hoti tha se Kosova nuk është ashtu siç ka deshtë babai i tij, megjithatë ai tha se po shkohet në atë drejtim.
“Kosova ndoshta nuk është ashtu siç kish deshtë me qenë babai im nëse do të ishte sot këtu, por mendoj që është në atë rrugë.
Unë mendoj që e kanë përdor e stërpërdorur emrin e babait, librat e platformat e tij politike, dhe që disa parti janë thirrur që po punojnë në platformë të babait, unë mendoj që babai deri sot asnjëherë nuk ka thënë që Republika e Kosovës nuk duhet të ekzistojë, dhe ne këtë e kemi dëgjuar disa herë, që disa parti politike nuk e kanë pranuar si Republikë e Kosovës, babai ka thënë se Republika e Kosovës duhet me qenë, me u fuqizu dhe që mund të punojmë drejt ëndrrës shekullore, bashkimin me Shqipërinë”.

“Disa prej ideve të tij, janë realizuar në Kosovë, po e ceku që edhe në vitin e 1991 babai ka kërkuar formimin e forcave të ushtrisë Çlirimtare të Kosovës, ajo veç ka ndodhë”.

Shtetet e Bashkuara kanë shprehur shqetësimin lidhur me vendimet e Qeverisë së Kosovës për emërimin e individëve të pakualifikuar në pozita të larta qeveritare përfshirë edhe individë të dënuar për krime lufte, individë nën aktakuzë aktive për krime të rënda dhe të dyshuar për keqpërdorim të rëndë të pozitës.

Përmes një komunikate për media, ambasada e SHBA-së në Prishtinë thotë se veprime të tilla “minojnë besimin e publikut që Kosova po përpiqet ta ndërtojë, e privojnë vendin nga mundësia për të pasur individë kompetentë, me nam dhe më se të kualifikuar për të kryer punën në qeveri dhe i çnderon viktimat e krimeve të kaluara të këtyre individëve”.

“Individët e pakualifikuar, të cilët janë dënuar nga drejtësia apo janë duke u ndjekur në mënyrë aktive për krime të rënda, si dhe ata që kanë shfaqur gatishmëri për të vepruar, të sigurtë se nuk do të dënohen, dhe kanë keqpërdorur autoritetin e tyre, nuk kanë vend në pozitë zyrtare”, thuhet në komunikatën e ambasadës së SHBA-së.

Këto veprime të Kosovës, sipas administratës amerikane, “pengojnë përparimin e Kosovës drejt ndërtimit të namit në rrafshin ndërkombëtar që do ta bënte atë partnere të dëshirueshme për vendet e tjera dhe forcon pozicionin e kundërshtarëve që do të pohonin se Kosova nuk është e përkushtuar ndaj sundimit të ligjit”.

SHBA-ja, e cila nga liderët e Kosovës, konsiderohet si partner strategjik dhe i përjetshëm i vendit, përmes qëndrimit të saj të fundit, fton qytetarët e Kosovës dhe udhëheqësit e saj të reflektojnë se çfarë fytyre duan që Kosova t’i tregojë botës.

“Iu bëjmë thirrje udhëheqësve të Kosovës për ta marrë këtë çështje seriozisht dhe të ndalen e ta prapësojnë këtë prirje të emërimit të individëve, disa prej të cilëve ambasada tashmë i ka cekur me emër, përzgjedhja e të cilëve duket se çon përpara qëllimet afatshkurta politike e jo nevojat legjitime të qytetarëve të Kosovës ose kredibilitetin e shtetit”, thuhet në komunikatën e ambasadës së SHBA-së.

Në fillim të muajit mars Shtetet e Bashkuara të Amerikës dhe Britania e Madhe reaguan lidhur me emërimin nga Kuvendi i Kosovës, të Naser Shalës në pozitën e drejtorit të Sekretariatit të të Agjencisë Kosovare të Krahasimit dhe Verifikimit të Pronës.

Në muajin shkurt ambasadori i Shteteve të Bashkuara në Kosovë, Philip Kosnett pati kritikuar emërimin e ish-komandantit të UÇK-së, Sylejman Selimi në pozitën e këshilltarit politik në zyrën e kryeministrit, Ramush Haradinaj.

“Kriminelët e luftës nuk e kanë vendin në Qeverinë e Kosovës”, pati thënë Kosnett.

Mediat lokale kanë raportuar se Sylejman Selimi së fundi është emëruar ambasador i Kosovës në Shqipëri. Mirëpo, një vendim zyrtar në lidhje me këtë emërim ende nuk është bërë publik.

SHBA

Ambasadorja e Republikës së Kosovës në Shteteve të Bashkuara të Amerikës, Vlora Çitaku ka marrë pjesë në darkën e iftarit, e cila u shtrua për muajin e shenjtë të Ramazanit. Ambasadorja Çitaku shprehet se takimi me Donald Trump është një kënaqësi e veçantë, ndërsa thotë se i ka treguar gjithashtu shefit të Shtëpisë së Bardhë, se Kosova është një vend i harmonisë fetare.

“Pata nderin dhe kënaqësinë e veçantë që në darkën e iftarit të shtruar në Shtëpinë e Bardhë të isha e ulur përkrah Presidentit të Shteteve të Bashkuara të Amerikës, Z. Donald J. Trump.Presidentit Trump i tregova se në shtetin tonë sekular, ka një kulturë tolerance dhe harmoni ndërmjet religjioneve.

Poashtu, e njoftova në detaje mbi sfidat me të cilat ballafaqohemi aktualisht në Kosovë dhe biseduam mbi domosdoshmërinë e përfshirjes së drejtpërdrejtë të SHBA-ve në proceset e rëndësishme nëpër të cilat po kalon shteti ynë i ri.

Në darkë ishin të pranishëm zyrtarë të lartë të administratës Amerikane, Zv Presidenti Pence, Sekretari i Mbrojtjes Shanahan, Sekretari i Thesarit Mnuchin, Ambasadorë, etj”-shkruan ajo.

Në prani të familjarëve të viktimave të luftës, në Prishtinë është hapur ekspozita me fotografi të fëmijëve të vrarë në luftën e fundit të Kosovës me titull “Na ishte një herë që kurrë mos qoftë”.

Ekspozita e kuruar nga Blerta Hoçia, sjell kujtimin e 1133 fëmijëve të vrarë si pasojë e luftës së Serbisë në Kosovë në periudhën 1998-2000.

Dhjetëra fotografi, veshje, libra të shkollës fillore, fletore, mbathje dhe objekte të ndryshme u shfaqën në një hapësirë të ashtuquajtur “dhomë prej xhami”, ku secili nga objektet përmbante edhe rrëfimin e veçantë.

Drejtori i Fondit për të Drejtën Humanitare në Kosovë (FDHK), Bekim Blakaj, para hapjes tha se kjo ekspozitë është realizuar falë bashkëpunimit të ngushtë me familjarët e viktimave.

“Ne në Fondin për të Drejtën Humanitare në Kosovë kemi ndjerë dhe kemi pasur një nevojë të madhe që të përkujtojmë në mënyrë të posaçme fëmijërinë e ndërprerë për shkak të luftës. Prandaj, ne në FDHK, ka më shumë se një vjet që kemi planifikuar që në 20 vjetorin e luftës në Kosovë, të ndërtojmë një memorial për fëmijë të cilët janë vrarë apo janë zhdukur si pasojë e luftës”, tha Blakaj, i cili tregoi se gjatë ekspozitës nuk do të deklarohet askush, ngase siç tha ai, pamjet flasin vetë.

Siç është shkruar në përshkrimin e ekspozitës, kjo ekspozitë vjen “si një ftesë për përballje dhe për reflektim, për dialog dhe shërim, duke nisur ndërtimin e një kujtese kolektive me anë të këtyre sendeve. Më shumë se sa një ekspozitë, ky është një memorial dedikuar fëmijëve të vrarë dhe të zhdukur në luftë”.

FDHK që nga viti 1997 merret me dokumentimin e viktimave të krimeve të luftës dhe shkeljeve të tjera të rënda të të drejtave të njeriut.

Ekspozita realizohet nga FDHK dhe mbështetet nga organizata amerikane National Endowment for Democracy (NED), Komuna e Prishtinës dhe Ministria e Kulturës, Rinisë dhe Sportit.

Përfaqësuesja e lartë e Bashkimit Evropian, Federica Mogherini, ka folur përsëri për formimin e ushtrisë nga Kuvendi i Kosovës.

Përmes një deklarate dhënë në Komisionin Evropian, Mogherini ka thënë se mandat i FSK-së duhet të ndryshohet vetëm përmes një procesi gradual.

Sipas Mogherinit, ky proces duhet të jetë në përputhje të plotë me Kushtetutën e Kosovës.

“Siç e theksoi edhe Komisioni në përgjigjen e tij në pyetjen me shkrim, Kuvendi i Kosovës ka miratuar legjislacionin mbi Forcën e Sigurisë së Kosovës më 14 dhjetor 2018, në të cilin Përfaqësuesi i Lartë menjëherë reagoi përmes një deklarate nga zëdhënësi njësoj sikurse edhe (NATO). Bashkimi Evropian vazhdon të ndajë pikëpamjen se mandati i Forcës së Sigurisë së Kosovës duhet të ndryshohet vetëm përmes një procesi gjithëpërfshirës dhe gradual. Procesi duhet të jetë në pajtim me Kushtetutën e Kosovës”, ka thënë Mogherini.

Mogherini tutje ka thënë se BE-ja shpreson se Kosova do t’i përgjigjet detyrimeve të saj në bazë të marrëveshjeve të arritura në Bruksel.

“Bashkimi Evropian, në raste të ndryshme, përsëriti shpresën e saj për Kosovën që të vazhdojë të mbajë detyrimet e saj sipas marrëveshjes së parë të arritur në Bruksel në prill 2013 dhe marrëveshjet e saj të sigurisë. NATO-ja ka deklaruar publikisht se do të vazhdojë misionin e Forcës së Kosovës (KFOR) për të siguruar një mjedis të sigurt në Kosovë dhe se Këshilli i Atlantikut të Veriut do të rishikojë nivelin e angazhimit të NATO-s me Forcën e Sigurisë së Kosovës”, ka thënë në fund Mogherini.

Kujtojmë se Kuvendi i Kosovës më 10 dhjetor kishte votuar tri projektligjet për FSK-në.

Procesi i plotë i transformimit të FSK-së në ushtri parashihet t’i marrë deri në 10 vjet.

Një linjë treni nga Fushë-Kosova deri në Francë. Ky është realitet i vitit 1986, atëherë kur shqiptarët e Kosovës mund të shkonin me tren drejt Francës pa nevojën e asnjë vize.

Një biletë treni e vitit 1986 tregon ëndrrën e sotshme të shqiptarëve të Kosovës, të realizuar në shekullin e kaluar.
“Në verën e vitit 1986 Shemsi Krasniqi nxori një biletë treni për të udhëtuar nga Fushë-Kosova në Marseille (Marsejë, Francë). Para 33 viteve kanë qenë të mundshme ëndrra të tilla. Shkoje në Fushë-Kosovë, merrje biletën e trenit dhe niseshe për në Francë.

Vizë? Ah, jo, s’kishte nevojë për vizë. Në Marseille mund të blije bileta për Festivalin e Teatrove në Avignon. Shemsi Krasniqi, sot profesor sociologjie në UP, i ka ruajtur të gjitha biletat e vitit 1986.

Në vitin 2019 nuk mund të marrësh biletë treni nga Fushë-Kosova në Marseille. Njëherë duhet të presësh me muaj, me muaj, me muaj për një termin, pastaj për një vizë… Një padrejtësi e poshtër!”, shkruan gazetari kosovar Enver Robelli.

Partia Socialdemokrate e Kosoves ka bërë të ditur se Policia e Kosovës ka arrestuar sot në mengjes deputetin Dardan Molliqaj.

Deputeti Molliqaj, eshte njeheresh edhe bashkeshorti i ministres süe Arsimit, Besa Shahini, me te cilen vetem pak kohe me pare u kurorezuan ne martese.

Sipas njoftimit të PSD-së, postuar ne faqen e vet zyrtare ne FB, cituar nga mediat e Kosoves, ai është arrestuar në banesën e tij dhe nuk ka qenë i paralajmëruar më herët për seancë apo paraqitje ne gjykatë.

Njoftimi i PSD ne faqen e vet ne FB

TË LIROHET DEPUTETI DARDAN MOLLIQAJ

Policia e Kosovës ka arrestuar sot në orët e hershme të mëngjesit deputetin Dardan Molliqaj. Ai është arrestuar në banesën e tij dhe nuk ka qenë i paralajmëruar më herët për seancë apo paraqitje ne gjykatë.

Molliqaj është arrestuar nën arsyetimin për pjesëmarrje në protestën për lirimin e deputetit Albin Kurti, në vitin 2015. Arrestimi i deputetit në fjalë ka qenë në kundërshtim me liritë dhe të drejtat e njeriut dhe në shkelje të plotë të procedurave ligjore. Për këtë arsye, ajo protestë ka qenë e drejtë dhe e nevojshme.

Partia Socialdemokrate kërkon lirimin e menjëhershëm të deputetit Dardan Molliqaj. PSD është për shtet të së drejtës, ku respektohet liria për protestë dhe kritikë. Prandaj, për ne është e papranueshme çfarëdo përpjekje për cenimin e tyre.

Edhe pse para mediave, presidenti Thaçi dhe kryeministri Haradinaj mundohen të paraqiten me kundërthënje ndaj njëri-tjetrit, megjithatë është i dukshëm dakordimi i tyre në veprime.

Vendnumërimi i qeverisë në raport me liberalizimin e vizave në njërën anë dhe zbrazja e shtetit nga qytetarët paraqet situatën sa paradoksale, po aq të dhimbshme për Kosovën.
Falja e 8200 hektarëve tokë Malit të Zi kinse në këmbim të liberalizimit të vizave, e shpërfaqi kauzën e rrejshme për mbrojtjen e terësisë territoriale të vendit e cila përfundoi me një karrige të kryeministrit e asgjë më shumë!
Me votimin e Demarkacionit me Malin e Zi sipas versionit të komisionit të qeverisë së kaluar, kryeministri Haradinaj përveq humbjes së imazhit, e ka humbur edhe kredibilitetin si liderë shtetëror, kur dihet se i njëjti si opozitë e bashkuar (LAN) e kundërshtoi me të gjitha mjetet në kuvend ratifikimin e marrëveshjes me Malin e Zi, të nënshkruar nga presidenti Thaçi.
Pra, kthimi i demarkacionit, nga çështje shtetërore në personale dhe partiake ishte gabimi më i madh politik dhe dëmi më i pariparueshëm për vendin.
Qëndrueshmëria e qeverisë “Haradinaj” është më së paku e rëndësihme në raport me tërësinë territoriale dhe sovranitetin e vendit.
Demarkacioni me Malin e Zi e tregoj gjendjen e mjerë të kësaj klase politike dhe talljen e tyre me qytetarët e vendit, të getoizuar në koloseumin e quajtur Kosovë, pa të drejtë levizje dhe pa asnjë shpresë për jetë në këtë vend.
Taksa e vonuar për produktet serbe na doli të jetë marketing i gabuar politik i Haradinajt. Për çka, taksa e pa menduar mirë ishte shërbimi më i mirë për Serbinë dhe grushti më i rënd ndaj liberalizimit të vizave për kosovarët.
Me taksen 100 përqind ndaj produkteve serbe, nga z. Haradinaj nuk arriti t’i mbuloj dot dështimet dhe as humbjen e territorit të vendit.

Evropa plakë dhe shtriga e vjetër serbe

Në anën tjetër dialogu për normalizim të mardhënjeve dhe traktati për pajtim me Serbinë janë dy nga format e faljes së mëkateve nga ana e “politikanëve” (pushtetarëve) kosovar.
Nuk ishte lufta e fundit ajo që na armiqësoi me Serbinë, sikurse nuk është as dialogu i fundit që po na “miqëson” më armiqët tonë shekullor.
Që nga Serbia e parë (shtriga e vjetër) e deri të e dyta, Jugosllavia titiste e deri të Serbia millosheviqiane, ne shqiptarët u premë e u vramë, u masakruam e u dogjëm, u ndjekëm e përndjekëm dhe prapë fuqitë e mëdha na detyruan të “bashkëjetojmë” me xhelatët e tanë!
Pra, është e njëjta bashkësi ndërkombëtare që nga Evropa plakë e deri të kjo e ditëve të sotme që po i “pajton” shqiptarët (viktima) me serbët (xhelatët), duke ua përseritur shqiptarëve masakrat nga dy-tri herë brenda një shekulli.
Më (pa) dashje shqiptarët po i nënshtrohen një ligji të pa shkruar; “Ata që nuk mësojnë nga historia, u përseritet prapë”.
Kështu po na ndodh ne shqiptarëve, shkaku se nuk po arrijmë në kohë të mësojmë nga historia, se po u zëmë besë të pabesëve dhe se po mashtrohemi lehtë, si dhe për shkakun se po i harrojmë shpejt ngjarjet tragjike të kombit tonë!
Akoma pa i shëruar plagët e hapura nga lufta e fundit, siq janë; mbi 20 mijë viktima, rreth 1650 persona të pagjetur, mbi 20.000 gra, vajza e nëna tonat të dhunuara nga kriminelët serb, me qindra e mijëra të plagosur, dhjetëra mijëra fëmijë të mbetur jetim e në varfëri të skajshme e deri dëmet e pakrahasueshme materiale nga plaçkitja e pasurive dhe dëmtimi i pronave të shqiptarëve është pak më tepër se harresë, është shkelje mbi gjakun e dëshmorëve tradhti kombëtare.

Kumbaria e re, fatale për shqiptarët

Sikurse në të kaluarën, edhe në këtë kohën e sotme prapë po na dalin shqiptar të gatshëm (“ndershëm”) për ripërtëritjën e kumbarisë me gjakatarët serb, duke propozuar “traktate paqeje” në kundërshtim më vullnetin e popullit!
Normalizimi i mardhënjeve Kosovë-Serbi, pa përmbushjen e asnjë kushti nga ana e kësaj të fundit, qoftë edhe me një kërkimfalje ndaj popullatës shqiptare, jo vetëm që është tradhti kombëtare, është antihumane dhe anticivilizuese.
Kjo formë e pajtimit (kumbarisë së re) të politikanëve shqiptar me xhelatët serb, lenë pak për të shpresuar për një paqe të qëndrueshme në rajon, për arsye se shqiptarët nuk e dëshirojnë më një bashkëjetesë të tillë me Serbinë.
Shtrirja gjeografike e Serbisë në shtetin e “pavarur” të Kosovës është një “Rrip i Gazës” në mes trojeve shqiptare, i cili nesër jo vetëm që do të prodhoj konflikte ndëretnike mes serbëve e shqiptarëve, do ta bëjë të pa mundur realizimin e ëndrrës së shqiptarëve për bashkim kombëtar.
Për më tepër se kaq, shtrirja gjeografike e Serbisë pas lufte në Kosovë ka ndodhur nën “petkun” fetar, e ndihmuar nga faktori ndërkombëtar dhe politikanët e çoroditur kosovar, ku ndodhi fuqizimi më i madh i Kishave dhe Manastireve serbe, përkatësisht gllabërimi i tokave shqiptare, duke e legalizuar mitin serb “Kosovo e Metohija” para bashkësisë ndërkombëtare në shekullin 21!

Konferenca ndërkombëtare, rihapje e statusit të Kosovës

Deklaratat e pamatura të dy liderëve shtetëror, përkatësisht presidentit Thaçi për “korrigjim të kufijve” dhe e kryeministrit Haradinaj për një “Konferencë ndërkombëtare”, e rihapën statusin e Kosovës në tavolinën e bisedimeve.
Konferenca e parë ndërkombëtare për Kosovën filloj me “Samitin e Berlinit”, do të vazhdoj me Samitin e Parisit e siq duket do të përfundoj me një “Dejton” apo “Rambuje” të dytë, nga e cila Kosova do të kthehet në pikën zero, gjegjësisht para 24 marsit të vitit 1999.
Pas traktatit të “pajtimit”, Serbia përveqse nuk do të përgjigjet më asnjëherë për krimet dhe gjenocidin, nuk do të përgjigjet më as për të zhdukurit dhe dëmet e pallogaritshme të luftës në Kosovë!
“Tradhtia e vendit në mënyrë primitive dhe shitja e tij në mënyre moderne janë e njëjta gjë”.
Me “miqësinë” e re me Serbinë, do të na kthehet armiqësia e vjetër, gjegjësisht “çizmja” serbe dhe përseritja e krimeve në Kosovë!

-Në Tiranë Vuçiq i thotë Thaçit: Hashimi varët nga unë, vepron ashtu siç themë unë, ka dosje të ne.
-Luginën e Presheves Hashim Thaçi do ta marrë në stilin e Kryengritjes fshatare në Kroaci nën udhehëqjën e Matija Gubecit të vitin 1573.
-Hashim Thaçi e mashtron opinionin kur thotë për marketing të vetë se edhe Presidenti Ibrahim Rugova ishte për ndarjën e Kosovës

Pas përfundimit të Samitit në Berlin Kryeminstri Ramuash Harajdinaj ishte plotë shend e verë, i relaksuar tej mase kur deklaroi ,u kry edhe kjo punë,së ideja për korigjimin e kufijve ka vdekur,është varrosur,por ky varrin ishte pa arkivo(tabut) .Këtë ide ia morem nga dora proserbes Federka Moghrenit,për ta lënë ne duar te sigurta te Kancelares së Gjermanisë Merkel dhe Presidentit të Francës Marcon.

Jo Kryeministër nuk është kry,kjo ide vazhdon të jetë e gjallë.
Pori shin aty edhe dy varrmihës të Kosovës Hashim Thaqi dhe Edi Rama të cilët as se si të pajtohën së ideja I korigjimit te kufijve u vorros përgjithmonë.Ata bile e quajtën të pa sukseshëm Samitin ne Berlin.Ata as me harta ne duar,(prapa shpinëes Kryeministit Harajdinaj)nuk mund ta bindnin zonjën e hekurt Merkel për ndarjen e Kosovës.

Ishin shumë të brengosur,të mërzitur.Tue e pas parasysh së ideja prosllave për ndarjën e Kosovës po u ikë nga duart,veçmas Hashim Thaçi filloj të vjellë helm e vrerë për shtetin me të fuqishëm në Evropë Gjermanin

Ai si i tëbuar,si bisha e egër e sulmoj Gjermanin duke thane së Gjermania nuk e ka ndihmu luftën e Kosovës,anipse ky çafir e di mire së Gjermania kontribuojë shumë gjatë luftës në çlirimin e Kosovës,në ndertimin dhe rindertimin e Kosovës me donacione te shumëta,qe gjysmën i vodhi vete Hashim Thaçi me komandantet e tij.

Hashim Thaçi shkojë edhe më large në paturpësi duke thane së ky Samit nuk ka vlerë pasiqë nuk qenka ftu edhe Amerika të cilës dikuar mundohëj me ja futë thikën pas shpine,ne stilin unë luaj koçe me Amerikën.Ky i gjorë paska harru së Samiti I Berlinit është ba në kordinim të plotë më Amerikën.Por,Thaqit për korigjimin e kufijve i ka mbetë një fije shprese vetem të Joe Boltonit proserb.

Këtë mund ta thotë vetm një i çartur,një katil më mendje të çekuilbruar.

Sipas Thaçit Gjermanija është dashtë ta pyes Amerikën edhe për borën e parvjeme.Çfarë ironije.

Ideja për korigjimin e kufijve nuk është varrosë përgjithëmonë.
Tashti gjarpri ia ka vu zilën vehtës në bishtë që ta zhurmojë edhe më shumë këtë ide.Kjo u pa edhe ne Samitin Brdo Brione në Tiranë.Aty ishte edhe simpatia e tij Federika Moghenini e cila me buzqeshjen e saj cinike,njësoi si të Thaçit,mundohej të relakson Thaçin e Vuçiqin të deshpruar nga z.Merkel.

Thaçi dhe Rama edhe në këtë Samit biseduan për korigjimin e kufijve pa fije turpi,anipse kësaj pune i ishte vu njefarë kapaku në Berlin.Këtu ata folën edhe për disa dokrra rreth unifikimit gjithëshqiptar,për heqjën e barierave kufitare,ertj.

Por,i mjëhershem ishte reagimi padronit të tyre i Presidentit të Serbis Aleksandër Vuçiq kur ju tha mblidhi mend së për çka po folni,mos luani me zjarr,se ai do të ju kale te dyjve.

Vuçiq madje e thotë hapatas në Tiranë se Hashim Thaçi varet nga ne,është i kapur,ai vepron së çka i thamë unë.

Në Tiranë Presidenti i Kosovës Hashim Thaçi sikur e mori autorsinë për iden e korigjimt të kufijve më Sërbin,duke thane së kjo është ide e imja,duke harruar se korigjimi I kufijve është ide e moçme Serbe duke filluar nga nacionalisti serb Dobrica Çosiq,i cili qe ne Plenumin e gjashtë të KQ të Serbisë në vitin 1966 e hodhi çështjën e Kosovës me te cilën mendonte se duhet të përkufizohëm me kufij të rij.Ai u përjashtu nga KQ i Serbisë edhe nga LKJ.

Por pas shkatërrimit të ish-jugosllavisë,kur mbeti si jugosllavi vetem Serbia me Malin e Zi, në kohën Sllobodan Millosheviqt ai u ba njefarë kryetari i kësaj krijese te re jugosllave.Ai edhe atehërë përpiloi skica,plane dhe harta për ndarjën e KosovësPasardhësi i tij Milan Paniq erdhë fluturim në Prishtinë i cili u taku me Prsedentin historik Ibrahim Rugova i cili pas e degjoi iden e tij për ndarjën e Kosovës tha shkurt pa mendu fare se nuk bane,kjo ide nuk kalonHashim Thaçi rrenë kur thotë se edhe Rugova ishte për ndarjën e Kosovës.Iden e tij e moren edhe proqetnikët e sodit Vuçiq dhe Daqiq të cilët krejtë këtë gjurullti po e bjanë me qellim të ndarjës se Veriut nga Kosova.

Këta të dytë thonë se nuk ka dhe nuk do te këtë kurrfarë mareveshje me Kosovës pa marrë diçka nga Kosova.Vuçiq thotë se mareveshja mund te arrihet vetem ateherë kur Serbia të mere diçka nga Kosova,por pinjoni i Millosheviqit Daçiq deklarohet edhe më qartë kur thotë se “vija kufitare duhet të zbresë nga Rashka në Zveçan”.Këtë”ikonë”të veten Daçiq e thotë kudo qe shkon nepër botë si Minister i jashtem i Sërbisë.
Pra,ketu është diçka më thellë së sa taksa që Serbija po e merr si pretekst.

Thaçi apo gjarpni i Kosovës më zile ne bishtë në Tiran u mundua ta marrë sit ë veten autrsinë e korigjimit të kufijve,por deshtoi.

Por,ideja origjinale e Gjarpnit tone më zile Hashim Thaçit mund të jetë vetem çshatja e mashtrimit ordinar qe po ju bane banërëve të Luginës së Preshëvës,së cilën as ata vetë nuk i besojnë Thaçit, duke e thanë si ciceroni së do te ja bashkojë Luginën e Presheves Kosovës duke aluduar së vetem për këtë ndryshim të kufijve angazhohet,pa e cenuar asnjë centimeter tjeter tokë të Kosovës.Kështu thoshte edhe për Çakorrin së Kosova nuk po e humë asnjë centimetër tokë,por Çakorri me 82 hektar tokë shkojë në pakëthim.

Por Gjarpni me zile i Kosovës Hashim Thaçi asnjëherë,bile kurr nuk e pati kurrajon por as guximin të thotë së si do ta bashkojë Luginën me Kosovën.Po,a e din ai së as në pazar nuk mund të bleshë diçka pa para.A e dine ky zoteri së ku gjendët Lugina e Preshëves,a e din ky çyqarë se Lugina është pjesë integrale(me hater apo me zor)e Serbisë së së për këtë nuk pyetet Thaqi.Thjeshtë për te marr Luginën si teritor të Serbisë,duhet thane Serbisë Veriun e Kosovës që nuk ia vlenë,sepse te ia marrish Kosovës Veriun e praruar ne arë me Ujamnin do të thotë Kosova mbetet si një trup pa kokë,dhe ja kjo është ajo kutija e pandorës qe do te hapët.

Apo, Presidenti i Kosovës e ka gjetë menyrën si si ta bashkojë Luginën e Preshëvës,pa dhanë asnjë centimeter tokë.Ndoshta ai si një historian mendon së këtë ide të tij do ta realizojë sipas modelit të Matia Gubecit në Kroaci në vitin 1573 kur e organizoi Kryengritjën fshatare kundër mjerimit feudal qe po u bante fshtarëve regjimi i atehrëshëm i feudalëve.

Pra,sipas modelit të Matia Gubecit,prijesit të Kryengritjes fshatare në Zagorje të Kroacisë të vitit 1573,Hashim Thaçi duhet të organizaoj një Kryengritje të tillë.Të shkojë në Drenicë e kudo në Kosovë t’I mbledhë sa më shumë fshatarë të cilët ishin të zdadhur e te zdeshur,ti armatos ata,si ne kohën e Matia Gubecit,me sopata,kosa,huj,draper,kmesa,çekiqa,thika dhe më ta duke kaluar kufirin të Muqibaba të ia mësyn Luginës së Presheves për te ta çliruar nga Serbia dhe me ja bashku Kosovës.Ndoshta atje do ta presin më lule dhe brohorijtje “shokët e tij të idealit”Aleksandër Vuçiq dhe Ivica Daçiq do të ia dorëzojnë falas Luginën Hashim Thaçit duke ia bashku Kosovës.Kështu shokët e idealit të Hashim Thaçit do të këthehën nga gjakësore të tmersheëm në “paqesor të urtë” nga frika e Kryengritjes fshatare të organizuar nga Hashim Thaçit.Dhe ja,keshtu ia bashkonë Luginën e Presheveës Kosovës pa dhanë asnjë centimeter tokë Kosove.

Çmenduri hesapi e Hashim Thaçit…?!

Rasti i vrasjes së Xhemajl Mustafës është transferuar nga EULEX’i te Prokuroria Speciale në mars të vitit të kaluar. Prokurorët vendorë ende janë në fazën preliminare të hetimeve.

“Me keni dhënë besimin. Do të punojmë së bashku në secilën lagje të Prishtinës. Më keni bërë me u ndi krenar”, ka thënë Ismaili, posa ka marrë rezultatin e zgjedhjeve në Prishtinë.

Më 23 nëntor të këtij viti mbushen 29 vjet prej kur është vrarë gazetari Xhemajl Mustafa, i cili ishte edhe Këshilltar Politik i Ibrahim Rugovës.

Vrasja e tij kishte ndodhur pasluftës, në banesën e tij në Prishtinë.

Prokuroria Speciale e Republikës së Kosovës ka konfirmuar se rastin e Mustafës e kanë marrë nga EULEX’it në marsin e vitit 2018. Tash, kanë thënë, janë në fazën preliminare.

Ish-gazetari i Qendrës për Informim të Kosovës

“Transferë nga EULEX me dt. 26.03.2018, faza preliminare”, shkruan në tabelën e Prokurorisë Speciale dërguar Gazetës Express. Në të njëjtën tabelë janë edhe rastet tjera të  pazbardhura të vrasjes së gazetarëve.

Vajza e Xhemajl Mustafës, Beriana kishte thënë se me babanë e saj s’po merret Gjykata Speciale, e cila është krijuar për t’i zbardhur krimet e luftës dhe pasluftës.

“Gjykata Speciale nuk e ka kontaktuar direkt familjen time. Ka informacione se janë kontaktuar. Gjykata Speciale nuk do ta zbulojë atë që ka dhënë urdhër për vrasjen e tij, nëse ajo Gjykatë nuk do ta vendosë pikën në këtë rast, kjo çështje për mua mbetet e mbyllur”, ka thënë ajo.

Ndërkohë, Kryeprokurori i Shtetit, Aleksander Lumezi, pati deklaruar në vitin 2012 se janë afër zbulimit të identitetit të vrasësve të veprimtarit të LDK’së, Xhemail Mustafa.

Në atë kohë, Lumezi kishte deklaruar, në cilësinë e Kryeprokurorit të Gjykatës së Qarkut në Prishtinë, se janë duke u grumbulluar prova të rëndësishme për të zbuluar vrasjen e Mustafës.

“Hetimet kanë mbërritur deri në fazën e mbledhjes së provave dhe fakteve relevante, të cilat sigurisht do të procedohen për një kohë të shkurtër nga një prokuror special”, kishte thënë Lumezi.

Xhemajl Mustafa, autori edhe i librit “Një lutje për Prishtinën”, kishte mbajtur edhe pozita tjera në LDK, duke u bërë anëtar i Kryesisë derisa kishte marrë pjesë edhe në zgjedhjet parlamentare pas përfundimit të luftës në Kosovë.

Zbardhjen e vrasjeve politike, para dy vitesh, e pati kërkuar edhe Presidenti Thaçi dhe Kryeministri Haradinaj, përmes disa letrave publike.

Presidenti i Kosovës, Hashim Thaçi, ka vendosur të përmendë Serbinë në secilin takim që mban me ndërkombëtar. Njëjtë ka ndodhur edhe sot kur ka takuar kongresistin amerikan Ed Case. Aty, ka thënë se po punon për marrëveshje përfundimtare me Serbinë. Ka kërkuar edhe mbështetjen amerikane.

“Republika e Kosovës mbetet e përkushtuar për paqe dhe stabilitet të qëndrueshëm në rajon, duke ndërtuar marrëdhënie të mira me fqinjët dhe duke punuar për marrëveshje përfundimtare të paqes me Serbinë. Në këtë synim e kemi mbështetjen e plotë të Shteteve të Bashkuara të Amerikës’, ka potencuar Thaçi.

“Me Shtetet e Bashkuara të Amerikës kemi të përbashkët angazhimin për paqe e liri në të kaluarën, por edhe pikëpamjet dhe vizionin për të ardhmen e Kosovës, rajonit dhe botës. Me kongresistin Ed Case u pajtuam se roli i Shteteve të Bashkuara të Amerikës mbetet qenësor për Kosovën dhe rajonin, si dhe i shpreha mirënjohje për punën që bëjnë ushtarët dhe të gjithë amerikanët që shërbejnë në Kosovë”, thuhet në një njoftimin e presidencës.

Gjatë këtij takimi u bisedua edhe për procesin e dialogut ndërmjet Kosovës dhe Serbisë, ku kongresisti Case nxiti vazhdimin e dialogut dhe arritjen e një marrëveshjeje gjithëpërfshirëse me Serbinë, e cila do të forconte paqen dhe stabilitetin në rajon, si dhe do ta përshpejtonte procesin e integrimeve euroatlantike të Kosovës.

Presidenti Thaçi theksoi se letrat e presidentit Trump janë udhërrëfyes për Kosovën në arritjen e marrëveshjes përfundimtare me Serbinë.

“Dialogu është alternativa e vetme dhe sa më shumë që vonohet rifillimi i tij, aq më shumë do të zgjasin proceset integruese”, ka thënë presidenti Thaçi.

Presidenti Thaçi dhe kongresisti Ed Case biseduan edhe për investimet amerikane në Kosovë./Express/