Kryeministri i Kosovës, Ramush Haradinaj thotë se shteti i Kosovës dhe populli i saj respekton tërësinë territoriale “dhe nderon institucionet e saja”.

Sipas Haradinajt, këto janë “parimet e palëkundura” që Kosova gjithmonë do të mbrojë dhe respektojë.

“Si Kryeministër i vendit, ju siguroj që do të mposhtet çdo përpjekje për të kërcënuar këto parime fundamentale për të cilat populli ynë sakrifikoi shumë”, ka shkruar Haradinaj në një postim në Facebook.

Presidenti i Kosovës, Hashim Thaçi ka përsëritur qëndrimin e tij kërkesa e komunave Preshevë, Bujanoc e Medvegjë, për t’iu bashkuar Kosovës, të shqyrtohet për zbatim në kuadër të procesit të demarkacionit që do të zhvillohet me Serbinë.

“Vullneti i shprehur i qytetarëve të Preshevës, Bujanocit dhe Medvegjës më 1 dhe 2 mars 1992, për bashkëngjitje me Kosovën është institucionalizuar tek organet shtetërore të Republikës së Kosovës”, ka shkruar Thaçi në Facebook.

“Kjo kërkesë e tyre është ndërkombëtarizuar në pikën më kulminante botërore. Kjo çështje do të diskutohet në kuadër të demarkimit të kufirit prej 430 kilometrave ndërmjet Kosovës e Serbisë dhe mund të zgjidhet”, ka theksuar Thaçi.

Tutje Thaçi ka adresuar një mesazh edhe për pjesën tjetër të spektrit politik në Kosovë.

“Të mos mbesim rob të dhuratave të antishqiptarit famëkeq Aleksandër Rankoviç, por të punojmë për korrigjimin e historisë dhe rritjen e sigurisë për të ardhmen evropiane. Rezultate të marrëveshjes eventuale paqësore ndërmjet Kosovës dhe Serbisë do të jenë njohja reciproke me Serbinë, njohja nga pesë vendet e Bashkimit Evropian, anëtarësimi në Këshillin e Evropës, anëtarësimi në OSBE dhe heqja e vetos ruse në Këshillin e Sigurimit, si parakusht për anëtarësimin e Kosovës edhe në OKB”, ka shkruar Thaçi.

Kjo marrëveshje, sipas tij, sjellë më tepër paqe dhe stabilitet në rajon, si dhe Kosovës i hapë rrugë të sigurt dhe të shpejtë për në NATO dhe Bashkim Evropian.

Të parët që nuk do duhej të heshtin janë luftëtarët. Pse heshtin, për kënd u derdh gjaku?

Hashim, çdo prekje e kufirit quhet agresion. Ti nuk përfaqëson popullin e Kosovës, e aq më pak 7 milion shqiptarë në Ballkan, të cilët janë kundër ndryshimit të kufijve të Kosovës me Serbinë ! Parrullat me patriotizëm të rrejshëm, në emër të luftës, populli i ka mësuar !

Sikur të mos ishin bisedimet për korigjimin e kujfijve në favor të Serbisë, atëherë me siguri përfaqësuesit e serbëve të Kosovës, do e përkrahin Beogradin, e jo Prishtinën, si në këtë rast.

Kush e ka guximin ta bartë barrën e tradhtisë, kur dihet se dy kufijtë e Kosovës Veriore, janë të njohur dhe të vendosur ndërkombëtarisht. Dihet se nga Mitrovica nepër Leposaviq, deri në kufirin Jarinje ka 70 km, ndërsa nga Mitrovica nepër Zubin Potok, deri në kufirin Bërnjak, ka 27 km. Cili shqiptar e ka guximin t`i lëvizë këta kufinj, përpos Hashim Thaçit?!

Dy milion shqiptarë të Kosovës nuk guxojnë të lejojnë që, një individ, si Hashim Thaçi, të vendos për fatin e vendit tonë të përbashkët..!

UÇK nëse janë betuar me jetë para flamurit, për mbrojtjen e tërësisë territoriale të Kosovës, atëherë duhet që, kolektivisht, ta ngrisin zërin, ta ftojnë popullin, studentët, puntorët e të tjerë për shkarkimin nga posti të presidentit Hashim Thaçi.

E them kështu sepse Hashimi, nuk njeh rregulla e ligje, por më shumë përdorë forcën e frikës, kërcënimeve dhe manipulimeve, falsifikimeve me plotë gënjeshtra…Vetëm në këtë mënyrë mund të mbrohet vendi ynë, sepse aktualisht Kosova po rrezokohet nga një indivd, e ky është Hashim Thaçi!

Që 19 vite Mitrovica Veriore, Zubin Potoku dhe Leposaviqi me fshatra janë të okupuara. Atje valvitet në çdo shtyllë vetëm flamuri serb, atje veturat nja 70% e tyre në komunkacion, janë pa targa, që nuk ka ndosdhur në asnjë vend të botës! Të tjerat janë me targa KM-Kosovska Mitrovica… Hashimi, nga viti 1999 kur pranoj ndarjen e Mitrovicës, duke lejuar dhe apeluar për largimin e shqiptarëve nga Veriu i Mitrovicës, në pjesën Jugore të saj, asnjëherë më nuk e ka pasur guximin ta kaloj Uren e Ibrit!

Këtu po sjell pamje nga pjesa e vetadministruar nga vandalistët serbë me direktiva të Beogradit!

UÇK ka luftuar dhe derdhur gjak për çlirimin e vendit tonë, kemi shumë heronjë,dëshmorë e invalidë. Ku po mbetet betimi dhe amaneti i tyre?! Si ka mundësi që tani disa luftëtarë, për do paga të vogla që marrin, po e mbrojnë Hashimin e jo Kosovën?!
Ka vite që kam bërë disa shkrime, ku kam kërkuar të hetohet Hashim Thaçi, për veprimtari antikombëtare, kërcënime, linçime, falsifikime, mashtrime e shumëçka tjetër. Tani të gjithë e dimë se Hashimi, që nga viti 1997 vazhdon me qenë në shërbim të Francës, mikës tradicionale  të Sebisë.

Dihen botërisht të gjitha të bëmat e Hashimit. Mjafton të përmendim disa nga ato që kam shkruar unë, si për lidhjet e Hashimit me Francën, Marrëveshjen e Rambujesë, ndarjen e Mitrovicës dhe linçmet që ka bërë ai në mes disa komandatëve,luftëtarëve, shokëve të subjektit të tij, e mos të flasim për partnerët politikë të subjekteve tjera me të cilat ka bërë koalicione.

Tani e shohim të gjithë se përditë nga një pjesë po i shkëputet Kosovës, si kufiri me Maqedoninë Debëllde, me Malin e Zi Çakori, e tani si duket në rend janë pasuritë më të mëdha të vendit tonë, resurset nëntokësorë të Trepçës dhe Ujmanit të Gazivodës.

Çfarë kryministri është Ramush Haradinaj, i cili nuk e di për rrëmbimin dhe largimin e 6 turqëve nga Kosova në Tuqi,të cilët kanë kërkuar azil politik në Kosovë, duke qenë të mbrojtur ndërkombëtarisht?! Hashim Thaçi bënë çfarë donë, Ramushi, kinse po e kritikon Hashimin,por shumë shpejtë ndërron mendjen dhe propozimet e Thaçit i miraton!

Nga Mitrovica nepër Zubin Potok deri në kufirin Bërnjak, Kosovë – Serbi, ka nja 37 km. Nga këta 37 km nja 11 km  në teritorin e Kosvës shtrihet Ujmani i Gazivodës, dhe 11 km tjerë në teritorin e Serbisë.

Rrugës, gjithçka që sheh me sy, të duket sikur je në Serbi. Nuk e sheh asnjë veturë me targa të Kosovës e, as që e kanë guximin të kalojnë nepër ato rrugë të kontrolluara nga serbët e organizuar,të rebeluar. Rruga Mitrovicë – Leposaviq, ka një gjatësi prej 70 km deri në kufirin Jarinje.
Gjilan, 06.09.2018

Foto e shkrepur nga Xh.Leci. Kështë valviten flamujtë serb

Foto e shkrepur nga Xh.Leci. Diga e Ujmanit të Gazivodës.

Foto e shkrepur nga Xh.Leci. Këtu prodhohet rryma nga Ujmani

Foto e shkrepur nga Xh.Leci. Pamje nga ura e Ujmanit

Foto e shkrepur nga Xh.Leci, duke ra shi, Auto në komunikacion pa targa!!!

Foto e shkrepur nga Xh.Leci, Auto me targa KM-Kosovska Mitrovia

Shumë të rinj shqiptare tashme kan bërë emer në sporte të ndryshme ne arenen ndërkombëtare kështu edhe në sportin më të popullarizuar në botë –futboll. Këta talent po luajnë në skuadrat më prestigjoze te futbollit evropian.Ata po po e qojnë lartë imazhin e Shqipërisë dhe Kosovës.Janë bërë tashmë mburrja dhe krenaria jonë .

Mbase kan arritur te lujanë edhe për perfaqësuese të shteteve të ndryshme të Evropes, Zvicër , Gjermani , Francë etj .Futbolli është pa dyshim sporti më i ndjekur dhe pikërisht për këtë fakt, protagonistët e tij, janë ndër njerëzit më të famshëm. Njeri ndër këta lojtarë që është duke berë emer në arenën ndërkombëtare, i cili është duke shkuar hapave të Shaqirit, Xhakës ,Canës , Behramit etj, është edhe talenti 21 vjeqar, Albin Gashi , i cili kishte arritur të dëpertoj për ekipën e parë të skuadres së njohur austriake Rapidin e Vjenës.

Albini është mësfushor me karakteristika sulmuese, i gjatë , dribler i mire dhe ka gjuajtje të fuqishme.Meritë të madhe në ngjitjen e Albinit drejtë majave të futbollit e ka edhe babai i tij, Zenuni, i cili është edhe menaxher i tij.Këtë stinor ky talent i rrallë i futbollit ka kaluar në ekipen e Den Bosch të Holandes.

Pa dyshim së Albini është një lojtarë i së ardhmës dhe do të bëhet shumë i njohur. Me shfaqjet e bukura në sportin më të popullarizuar në botë , ka bërë që Albini të marre ftesë nga Federata e Futbollit të Kosovës që të luajë për përfaqësuesen tonë .Sigursht së në të ardhmën e afert për këtë lojtarë shumë silësor do të shkruhet dhe flitet edhë më shumë .Dy kombëtaret tona në futboll është mirë që të mbeshteten në talentet e shumtë të cilët qdo ditë e më shumë po dëshmohen si lojtarë kulminant në ligat evropine, siq është edhe talenti i rrallë i futbollit, Albin Gashi.

Ky lojtar me topin e lojës po përformon në stilin e e lartë qdo ditë e më shumë duke shënuar edhe shumë gola. Lojtarët tanë janë bërë tashmë thesar kombi, janë bërë ambasadorët më të mirë të dy shteteve shqiptare …

Pas debatesh të shumta në lidhje me dialogun me Serbinë dhe me mundëisne ose jo të ndryshimit të kufijeve te shtetit te Kosovës ka ardhur edhe një lajm i fundit.

Akademiku Hivzi Islami dhe profesor doktor Arsim Ejupi, kanë bërë padi civile ndaj drejtorit të Klan Kosovës Baton Haxhiu dhe gazetarit të këtij televizioni, Fiton Dibrani.
Përmes një komunikate për media, ata kanë bërë të ditur se këtë e kanë bërë për shkak të keqpërdorimit të të dhënave dhe fakteve nga librat e tyre shkencorë, për një emision televiziv.

Ja Njoftimi i tyre i plotë:

PADI CIVILE NDAJ GAZETARIT FITON DIBRANI DHE DREJTORIT TË “KLAN KOSOVËS” BATON HAXHIU

Më 5 shtator 2018, midis orës 21 dhe 21,30 në “Zonën B” të Baton Haxhiut u dha një kronikë me emrin “Demografia përballë ndryshimit të kufijve” nga gazetari Fiton Dibrani për “dobitë” apo “humbjet” e Kosovës nga shkëmbimi i territoreve. E njoftojmë opinionin se janë kepqëdorur të dhënat dhe faktet, të marra selektivisht nga librat tona shkencore dhe shkrimet e tjera, të bëra publike në dhjetra portale, gazeta dhe revista. Të dhënat, fragmentet dhe pasuset e tëra  nga tekstet tona, të shkëputura mekanikisht nga konteksti, janë intonuar në funksion të qëllimeve politike të ideatorëve dhe mbështetësve të tyre për copëtimin e Kosovës dhe të Luginës së Preshevës, që shkojnë vetëm në favor të Serbisë dhe qarqeve proserbe në Evropë dhe në botë.

Për keqpërdorimet dhe spekulimet me tekstet tona, ndaj gazetarit Dibrani dhe drejtorit të “Klan Kosovës” Haxhiu, e njoftojmë opinionin se paralajmërojmë padi civile në gjykatën kompetente për kompensimin e dëmit për shkak të përvetësimit të teksteve dhe keqpërdorimit të tyre, si dhe cënimit të së drejtës së autorit, sepse në asnjë rast nuk iu kanë referuar burimit.

Padisë i bashkangjiten të gjitha provat e duhura.

Hivzi ISLAMI             Arsim EJUPI

Prishtinë, 7.09.2018.

Lëvizja Vetëvendosje ka njoftuar se do t’i bëjë ftesë Lidhjes Demokratike të Kosovës për të protestuar kundër pjesëmarrjes së presidentit të Kosovës, Hashim Thaçi në dialogun me Serbinë.

Kryesia e kësaj Lëvizje ka thënë të ketë marrë këtë vendim në një mbledhje të mbajtur ditën e enjte.

Në një komunikatë për media është caktuar dita e premte si dita e fundit për të përcaktuar datën e protestës.

Në komunikatë thuhet se “Presidenti i Kosovës, Hashim Thaçi, pa mandat të Kuvendit po vrapon në negociata pa parime me Presidentin e Serbisë, Aleksandar Vuçiq. Ne nuk mund të lejojmë pazare me sovranitetin, territorin dhe kufijtë e Kosovës. Aventura personale e Presidentit të Kosovës është e papranueshme.

Ndër të tjera në këtë shkresë është kërkuar edhe mbajtja e siç është thënë zgjedhjeve “të lira, demokratike dhe të ndershme”.

Aty përmendet edhe vizita e presidentit të Serbisë, Aleksandar Vuçiq në Kosovë, për të cilën drejtuesit e Lëvizjes vlerësojnë se nuk do të duhej të ndodhte.

Ndërkohë, ministria e Jashtme e Kosovës ka miratuar kërkesën e presidentit të Serbisë, Aleksandar Vuçiq që të vizitojë Kosovën këtë fundjavë.

Lajmin për Radion Evropa e Lirë e ka konfirmuar Jetlir Zyberaj, këshilltar i lartë i ministrit të Jashtëm të Kosovës, Behgjet Pacolli.

Zyberaj ka thënë se leja për vizitë të Vuçiqit është lëshuar konform marrëveshjes së arritur në Bruksel, mes Kosovës dhe Serbisë, për lëvizje të lirë.

Ministria për Punë të Jashtme e Kosovës ka miratuar kërkesën e presidentit të Serbisë, Aleksandër Vuçiç që të vizitojë Kosovën këtë fundjavë.

Lajmin e ka konfirmuar Jetlir Zyberaj, këshilltar i lartë i ministrit të Jashtëm të Kosovës, Behgjet Pacolli.
Zyberaj tha se leja për vizitën e Vuçiç është lëshuar konform marrëveshjes së arritur në Bruksel, mes Kosovës dhe Serbisë, për lëvizje të lirë.

Presidenti serb, Vuçiç pritet të qëndrojë në Kosovë më 8 dhe 9 shtator, ku pritet të takohet me banorët serbë në veri të vendit.

Vizita e tij në Kosovë do të jetë një ditë, pasi të takohet në Bruksel me homologun e tij kosovar, Hashim Thaçi, në kuadër të dialogut mes Prishtinës dhe Beogradit, që ndërmjetësohet nga Bashkimi Evropian.

PRISHTINË – Nuk do të ketë ndarje, shkëmbim të territoreve ose Republikë Serbe në Kosovë, porositi edhe njëherë presidenti i Kosovës, Hashim Thaçi, në hapjen e Konferencës së 5-të dy ditore të ambasadorëve të Republikës së Kosovës.

Thaçi tha se Kosova 10 vite pas shpalljes së pavarësisë është njohur nga 116 shtete dhe anëtarësuar në rreth 200 organizata ndërkombëtare që është meritë edhe e diplomacisë kosovare, e cila është një lidhje e rëndësishme e shtetit kosovar me shtetet tjera dhe organizatat ndërkombëtare.

Duke theksuar se për anëtarësimin në Bashkimin Evropian dhe në NATO me rëndësi të madhe janë marrëdhëniet e mira me të gjitha fqinjët, Thaçi theksoi se Kosova ka marrëdhënie të shkëlqyeshme me fqinjët dhe se mbetet edhe arritja e marrëveshjes paqësore me Serbinë. Sipas tij, Kosova në Bruksel asnjëherë nuk ka lejuar, as që do të lejojë të hapen çështjet e ndarjes ose shkëmbimit të territoreve, por gjatë demarkacionit të kufirit Kosova është e gatshme edhe për korrigjimin e kufijve.

“Gjithashtu duke pasur parasysh momentumin ndërkombëtar që është krijuar tani është momenti të hapim tema të bashkangjitjes së Luginës së Preshevës, Medvegjës dhe Bujanocit në territorin e Kosovës. Kjo është kërkesë e kamotshme e Luginës së Preshevës. Si president i vendit e kam pranuar kërkesën e liderëve të Luginës së Preshevës, Medvegjës dhe Bujanocit, kërkesë kjo e institucionalizuar tani, deklaruar në referendumin e 1 dhe 2 marsit të vitit 1992, që këtë kërkesë ta shtrojmë si kërkesë në dialogun në Bruksel dhe para bashkësisë ndërkombëtare”, tha presidenti Thaçi.

Ai shtoi se marrëveshja me Serbinë do të nënshkruhet vetëm nëse nënkupton njohjen reciproke, ulëse në Organizatën e Kombeve të Bashkuara (OKB) dhe nëse është e pranueshme për SHBA-të dhe BE-në.

Kryetari i Kuvendit të Kosovës, Kadri Veseli tha se përvjetori i konferencës së ambasadorëve përkon në një moment të ndjeshëm për Kosovën meqë përmes debateve të ndryshme janë shpalosur shumë paqartësi lidhur me dialogun me Serbinë.

Megjithatë, Veseli tha se qëndrimi i Kosovës është i qartë dhe se dialogu me Serbinë doemos duhet të përfundojë me qëllim që vendi të shkojë përpara.

“Kosova është shtet i pavarur dhe sovran, Kosova është shtet demokratik, Kosova është vend perëndimor, i orientuar tërësisht nga SHBA-të dhe BE-ja. Këto janë parimet të cilat janë për ne të panegociueshme dhe në të njëjtën kohë janë orientimet tona strategjike. Kosova sa i përket territorit është unike, është e pandarë”, tha Veseli.

Ai theksoi se temën e ndarjes së Kosovës e shtyjnë qarqe proserbe dhe proruse, dhe porositi se për fazën finale të dialogut Kosovë-Serbi është i domosdoshëm konsensusi i brendshëm politik, që momentalisht nuk është.

Kryeministri i Kosovës, Ramush Haradinaj deklaroi se dialogu me Serbinë nuk ka alternativë dhe se është e nevojshme marrëveshje e obligueshme juridike me Serbinë. Ai foli edhe për projektet mbi të cilat punon Qeveria, duke thënë se është shumë e rëndësishme anëtarësimi i Kosovës në Interpol dhe se Forcat e Sigurisë të Kosovës janë të gatshme për transformim në ushtri.

Pas fjalimeve hyrëse u ndanë mirënjohje ambasadorëve të pensionuar si dhe anëtarëve të familjeve të nëpunësve diplomatik. aa

Seanca e ditës së martë, 4 shtator 2018 nxori në shesh shumë të vërteta. Fillimisht e tregoi qartë se opozita përveqse e dobët, është e rrejshme dhe mashtruese. Largimi i opozitës nga Kuvendi tregoi se është e pafuqishme përballë qeverisë me vetëm 52 deputetë!
Poashtu, seanca e ditës së martë e shpërfaqi edhe një herë situatën mjeruese në Lidhjen Demokratike të Kosovës (LDK).
Nuk është hera e parë, e madje nuk do të jetë e fundit, kur do të “kryqëzohet” Teuta Rugova, e bija e presidentit historik Ibrahim Rugova për shprehjen e “lirë” në Kuvend!
Pafuqia dhe mos uniteti i deputetëve të LDK-së për t’u përballur në njërën anë me kundërshtarët politik dhe me të vërtetën e hidhur brenda këtij subjekti politik në anë tjetër, ka bërë që deputet të caktuar dhe mbështetës të tyre, t’i vërsulën bijes së presidentit Rugova, thuajse ajo është shkaktarja e të gjitha të këqijave në subjektin e traditës demokratike në vendin tonë.
Jo për ta mbrojtur, por për hirë të së vërtetës, duhet theksuar se, jo vetëm me votën e Teutës u zgjodh Thaçi president, jo vetëm me votën e Teutës u votua Demarkacioni në Kuvend!
Ishin dhe janë edhe shumë vota të tjera që po e mbajnë Hashim Thaçin në pushtet që nga viti 2010 e këndej, që po e mbajnë në pushtet Ramush Haradinajn nga votimi i Demarkacionit në Kuvend, dhe për habi nuk “kryeqëzohen” siq u kryqëzua Teuta e vetmuar në Kuvend!
Sikur të “kryqëzohej” lideri diktaorial i LDK-së për marrëveshjen apo pazarin krejtësisht privat të tij me Hashim Thaçin për ndarjen e pushtetit në vitin 2014-të (“Unë kryeministër, ti nesër president”), me siguri LDK-ja do ta merrte të mbaren, nuk do të mbetej patericë e partive tjera në Kuvendin e Kosovës.
Janë deputetët e tjerë të saj, që në mënyrë përfide dëmtuan shtetin për të mbrojtur pushtetarët e inkriminuar. Nuk ishte vota e Teutës ajo që e solli Hashim Thaçin në pushtet, nuk ishte vetëm vota e Teutës që solli Demarkacionin, nuk ishte vetëm vota e Teutës që i fali Malit të Zi, Qakorrin, Kullën e Bjelluhën, përkatësisht 8200 hektarët e larë më gjakë shqiptari ndër shekuj.
Përderisa është kështu, pse lehojet të ndodh padrejtësia ndaj Teutës, e cila përveqse “Një votë”, nuk përbën gjë tjetër në Kuvend!
Në këtë rast, pashmangshëm parashtrohet pyetja; pse deputetët “engjuj” të LDK-së nuk e përjashtojnë Teutën nga grupi parlamentar!?
Janë shumë “pse” që kërkojnë përgjigje nga deputetët e LDK-së në Kuvend!
U mbetët deputetëve të LDK-së që votuan marrëveshjet e dëmshme për vendin të thonë të vërtetën e hidhur brenda LDK-së!
E vërteta është se me “Kryqëzimin” e Teutës për një votë, po tentohet të amnistohet një bandë kriminale brenda LDK-së që dëmtuan shtetin për interesat e tyre personale.

Me “një kokërr” as nuk mbrohet dhe as nuk shitet shteti!

Nuk ka asnjë diskutim për kontrabandimin e Teutës. Ashtu siq u përdor për votë të martën në Kuvend, Teuta adoleshente u përdor dy herë radhazi në zgjedhjet parlamentare për votë nga LDK-ja, e jo për respekt që kanë uzurpatorët e puçistët e këtij subjekti për familjen Rugova.
Këtë e din më së miri lideri diktatorial i LDK-së i cli e ka instaluar një rrjet kriminal e mafioz për të mbrojtur interesat e tij meskine në kundërshtim me vullnetin e elektoratit rugovian të LDK-së!
Sa herë që i duhen Hashim Thaçit, Isa Mustafa i vënë në lëvizje urithët e nëntokës së LDK-së, filialen e Riinvestit dhe mercenarët e pushtetit!.
Në rastin e Teutës, padrejtësisht po sulmohet e keqja më e vogë, përderisa në anën tjetër po tentohet të amnistohet e keqja më e madhe në LDK, përkatësisht Isa Mustafa me sejmenët e tij!
Fundja, vota e Teutës në Kuvend, nuk e dëmtoi bllokun opozitar, e as LDK-në më shumë se sa e dëmtuan ata vetën me largim nga seanca!
Përkundrazi, vota e Teutës i vuri në siklet të madh pushtetarët për sigurimin e kuorumit për vazhdimin e seancës! Vota e Teutës, i ktheu edhe një herë pushtetarët në prehrin e listës “Srpska”, përkatësisht në grushtin e Aleksandër Vuçiqit.
Po të ishte unike dhe e vendosur LDK në veprimet e saj, nuk do ta braktiste seancën, por do të bënte një betejë të fuqishme kundër pushtetarëve aktualë.
Pas braktisjes së Kuvendit, LDK-së dhe opozitës në përgjihtësi nuk i ka mbetur rrugë tjetër veqse t’i bashkangjitet shoqërisë civile për protesta të fuqishme mbarëpopullore deri në rrëzimin e kësaj qeverie dhe largimin e presidentit nga froni.
Megjithatë, më e mirë se çdo lloj proteste në rrugë, do të ishte padëgjueshmëria qytetare ndaj institucioneve të kapura të shtetit. Pasi dalja në protesta në këtë kohë krize të skajshme politike e sociale, është ekuacion me shumë të panjohura! Pasi shumë lehtë situata mund të eskaloj në destabilizm të përgjithshëm me pasoja tragjike për vendin.
Duhet llogaritur se mund të ndodh, që të manipulohen turmat e elektrizuara të njerëzve të pakënaqur nga agjentura të ndryshme për përseritjen e trazirave të marsit 2004, të cilat do të legjitimonin më shpejt e më leht ndarjen e Kosovës sipas orekseve serbe.
Përvojat nga demonstrimet dhe protestat e viteve të pas pavarësisë kanë treguar të qëllimin e dyfisht të tyre. Jemi dëshmitar të dhjetëra protestave me kauza të rreme. Në disa raste, organizatorët e protestave në rrugë dhe parlament, liderë të partive politike treguan gatishmërin për djegien dhe rrënimin e çdo gjëje kinse për mbrojtjen e integritetit territorial, ndërsa me ardhjen e tyre në pushtet, ndërruan “mendje”, duke shitur pjesë të shtetit për mbajtjen e pushtetit!
Vetëm krjimi i një Këshilli Kombëtar, do të nxjerrte vendin nga kriza e thellë politike e sociale, si dhe do ta nxjerrte shtetin nga rruga e falimentimit, e vënë padrejtësisht nga miopët politik në krye të shtetit.
Kjo është e mundur të arrihet me bashkimin e forcave progresive nga elektoratet e të gjitha partive të dështuara politike, qofshin ato në pushtet apo opozitë.

Presidenti i Kosovës, Hashim Thaçi, i është adresuar përfaqësuesve të shoqërisë civile dhe mediave në lidhje me ndryshimin e kufijve mes Kosovës dhe Serbisë.

Presidenti Thaçi ka vazhduar të mbështesë idenë e proklamuar që marrëveshja paqësore me Serbinë të përfshijë edhe ndryshimin e kufirit.

Ai ka deklaruar se marrëveshja nuk do të përfshijë ndarje dhe as shkëputje të pjesës veriore të Kosovës.

“Çfarë do të thotë kjo? E para nuk do të ketë ndarje të Kosovës. Nuk do të ketë shkëputje të pjesës veriore të Kosovës. E kam thënë më parë dhe e them përsëri, nuk do të bisedojmë kurrë, në asnjë rrethanë për liqenin e Gazivodës apo për qytetin e Mitrovicës”, tha Thaçi.

Në debatin e organizuar nga Instituti Demokratik i Kosovës (KDI) presidenti Thaçi ka ritheksuar se arritja e marrëveshje për normalizimi e raporteve me Serbinë do t’i hapte Kosovës rrugën e integrimit në Bashkimin Evropian dhe NATO, si dhe anëtarësimit në Kombet e Bashkuara (OKB).

“Si Kosovë kemi ndërtuar marrëdhënie të shkëlqyera me Malin e Zi, Maqedoninë dhe Shqipërinë si vende fqinje na mbetet të ndërtojmë marrëdhënie të mira fqinjësore me Serbinë, prandaj jemi angazhuar në dialog me Serbinë tani e sa vite. Është koha tani për marrëveshja e madhe historike përfundimtare mes dy shteteve”, u shpreh Thaçi.

Ai ka theksuar se vëmendja bashkësisë ndërkombëtare është përqendruar në arritjen e marrëveshjes mes Kosovës dhe Serbisë dhe se kjo vëmendje e këtyre mekanizmave duhet të shfrytëzohet.

“Është e rëndësishme të shfrytëzojmë këtë rast dhe të arrijmë këtë marrëveshje. Nëse e humbasim këtë rast pas zgjedhjeve të institucioneve të Bashkimit Evropian që do të mbahen në pranverën e vitit të ardhshëm rrezikojmë të gjendemi si Kosovë dhe si rajon përballë një Bashkimi Evropian më të mbyllur për Ballkanin Perëndimor. Rrjedhimisht do të kemi më pak vëmendje dhe vendosmëri për të shtyer përpara proceset që garantojnë paqe dhe siguri në Kosovë dhe në tërë Evropën Juglindore”, theksoi Thaçi. REL

Agjencia Kosovare e Inteligjencës (AKI) ka konfirmuar se sot, në orët e mëngjesit, është vrarë një person brenda objektit të kësaj agjencie.

Përmes një komunikate, AKI ka konfirmuar se viktima në fjalë ishte punëtor i bufesë dhe nuk ka të bëjë me çështje që ndërlidhen me veprimtarinë e AKI-së.

Në komunikatë thuhet se “sot, më 04.09.2018, rreth orës 09:10, në objektin e Agjencisë së Kosovës për Inteligjencë ka ndodhur gjuajtje me armë zjarri, me ç’rast një zyrtar i sigurimit të brendshëm ka shtënë mbi një punonjës të bufesë. Viktima ka ndërruar jetë në QKUK (Qendrën Klinike Universitare të Kosovës)”.

“Me hetimin e këtij rasti po merret prokurori kompetent”, përfundon komunikata.

Ideja e këtij shkrimi më lindi nga një artikull në portalin “Sputnik”, në të cilin shkruante: “Mogherini mund ta marrë çmimin NOBEL për paqe në rast se e arrin marrëveshjen e paqes mes Serbisë dhe Kosovës”!
Kjo nuk paraqet ndonjë risi, por befasia për lexuesit kosovarë do të ishte fakti se artikullshkruesi i referohet një burimi të diplomacisë evropiane i cili e konsideron Kosovën, Republikë të vetëshpallur e jo shtet sovran e të pavarur!

Mungesa e përfaqësimit dinjitoz në dialogun e Brukselit

Përderisa bisedimët në mes të Kosovës dhe Serbisë e kanë arritur kulminacionin, asnjëherë deri më tani nuk patëm përfaqësim dinjitoz politik, sepse delegacioni i Kosovës ishte vetëm fizikisht prezent, sa për dekor dhe sa për të kënaqur orekset serbe dhe plotësuar projektet serbo-ruse për ndarjën e Kosovës.
Një situatë e tillë e palakmueshme, vjen si pasojë një lidershipi i përgjegjshëm, të pa vendosur dhe jo kredibil në raport me bashkësinë ndërkombëtare!
Në anën tjetër, edhe BE-ja si organizatë politike, është shndërruar në dorë të zgjatur të Serbisë në Kosovë, duke e ndihmuar Beogradin zyrtar në realizimin e planeve hegjemoniste ndaj shtetit tonë.
Megjithatë, Serbia, kurrën e kurrës nuk do t’i realizonte kaq lehtësisht planet ogurzeza mbi Kosovën pa ndihmen e spiunëve e bashkëpunëtoreve të saj shqipfolës në Kosovë e Shqipëri, të katapultuar në majat e dy shteteve.

Thaçi pas Vuçiqit e Ramës, sikurse “Muça pas dajive”

Dialogu tashmë i filluar për këmbim territoresh, për korrigjim kufijsh dhe ndarjen e Kosovës ka dëmtuar imazhin e shtetit të Kosovës në botë, ka dëmtuar pozicionin e Kosovës në raport me faktorin ndërkombëtar.
Tashmë po dihet qartë se opsionet për ndarje të Kosovës janë përgatitur në Tiranë dhe Beograd nga Vuçiq dhe Edi Rama, ndërsa presidnetit Hashim Thaçi i është ofruar i gatshëm në tavolinë.
Pra, duke qënë të bindur në mbështetjen e parezervë nga Hashim Thaçi, Vuçiq e Rama kanë hartuar strategjijnë e tyre vrastare për shtetin e Kosovës. Futja e opsionit të ndarjes në dialogun e Brukselit, automatikisht ka nxjerrë jashtë agjendës së dialogut çështjen e krimeve të luftës, kërkesën për dëmshpërblim dhe kërkimfalje nga Serbia, si dhe një varg çështjesh tjera me rëndësi kruciale për të ardhmen e shtetit të Kosovës.
Presidenti injorant i Kosovës, me të gëlltitur lehtësisht gjellët e përgatitura në kuzhinat e Beogradit dhe Tiranës është futur në rrugën pa krye, nga e cila do të dali humbës i shumëfisht dhe katastrofal për Kosovën.
Injoranca e skajshme, e ka bërë presidentit Thaçi që të marrë rolin e timonierit për “korrigjim të kufijve”, anipse timonin e mbajnë Federica Mogherini e Aleksandër Vuçiq.
Kjo ka bërë që presidenti Thaçi të humbas përfundimisht kredibilitetin tek qytetarët e Kosovës. Thaçi nga një presidenti unifikues që duhej të ishte sipas kushtetutës, e ka bërë të kundërtën, i ka unifikuar të gjithë kundër tij!
Nuk ka si të jetë ndryshe, kur dëgjon presidentin e vendit tënd duke kërkuar ndihmë ndërkombëtare për copëtimin e vendit me armiq!
Kjo është e paparë dhe e padëgjuar tek popujt e tjerë të botës!

T’i ndalim veprimet antishtetërore dhe antikombëtare të liderëve tonë

Andaj paraprakisht, kritikave ndaj BE-së në parandalimin e coptimit të trojeve tona etnike, duhet t’u ndalet hovi tradhtarëve. Një gjë e tillë është e mundur me krijimin e një këshilli kombëtar i cili do të delte me kërkesa të qarta para bashkësisë ndërkombëtare.
Përderisa ne t’i lejojmë liderët (tradhtaret) e korruptuar dhe kriminalizuar deri në fyt të ulën në tavolinën e pabarabartë të bisedimeve me Serbinë ne Bruksel, nuk kemi si t’i kundërvihemi BE-së për shantazh ndaj lidershipit aktualë!
Kundërshtimet individuale nuk çojnë peshë karrshi invazionit politik të Serbisë, i ndihmuar së fundmi haptas edhe nga BE-ja.
Si asnjë herë më parë, na duhet një mobilizim i përgjithshëm i popullatës dhe mërgatës sonë në parandalimin e copëtimit të trojeve tona etnike.
Bazuar në skenarët që po zbatohen në dialogun e Brukselit, edhe tani pas 20 viteve, shpresa e vetme na mbetet tek gërshetimi i interesave të fuqive të mëdha në Ballkan, veqanarisht e SHBA-ve, Gjermanisë dhe Anglisë, në të kundertën, është e rrezikuar seriozisht qënja jonë kombëtare, e të mos flasim për shtetin në inkubatorin ndërkombëtar dhe duart e grupeve kriminale…
Vrasësit e pavarësisë së Republikës së Kosovës nuk janë të pakët, nuk ndodhen vetëm në Beograd apo Bruksel, ata i kemi edhe në mesin tonë, të instaluar në majat e pushtetit në Prishtinë e Tiranë!
Patriotizmi i kamulfluar nuk na çon askund, sikurse që na dëmtojnë rëndë akuzat e ndërsjella, sharjet e fyerjet dhe debatet e niveleve të rrugëve e kafeneve.
Të tillët duhet t’i mundim politikisht dhe me ide konkrete e jo me luftë “shtrigash”. Pra duhet të munden me ide të shëndosha, plane dhe projekte të qarta, strategji e platforma të pastra kombëtare

Kërcënimi me kufijtë, shantazh për Asociacionin

Bazuar në projektet e fundit për shkëmbim dhe ndarje territoriale të Kosovës, nuk është më Evropa ajo që ndanë trojet shqiptare, por janë vetë shqiptarët që hartojnë dhe po bëhen pjesë e planeve serbe për ndarjen territoriale të Kosovës.
Injoranca e politikës kosovare shkon aq largë, saqë me ose pa vetëdijen e tyre janë duke u bërë varrëmihësit e shtetit të Kosovës.
“Ideja” e presidentit të Kosovës për korrigjim të kufijve, do të rezultojë me themelimin e Asociacionit të Komunave Serbe (AKS) apo “Zajednicës” me kompetenca të plota ekzekutive.
Për këtë ide vrastare për shtetin e Kosovës, janë pajtuar edhe shumica e partive politike në Kuvendin e Kosovës, të cilat tani përmes gabimeve të Thaçit po përpiqen të shfajësohen për gabimin historik që e kanë bërë me rastin e pranimit “Zajednicës” në veri të Kosovës.
Kur jemi në këtë segment, nuk bënë pa e përmendur faktin, se dy liderët e partive më të mëdha politike në vend (PDK e LDK) janë nënshkrues të marrëveshjes për Asociacionin në Bruksel (Hashim Thaçi me 19 prill 2013-të, përkatësisht Isa Mustafa me 25 gusht 2015-të).
E gjithë rrëmuja politike me kufijtë po bëhet që popullata kosovare e lodhur nga varfëria dhe denigrimi social, të frikësohen nga rreziku i një lufte të re, me qëllim që ta pranojë qetësisht bosnjëzimin e Kosovës.

Si përfundim të këtij shkrimi, 20 vjet pas video-klipit “A vritet pafajësia”, këngëtarja e mirënjohur Leonora Jakupi ua ka për borxh qytetarëve të Kosovës, që të nxjerrë videoklipin e ri të saj me titull: “A vritet pavarësia”, me tekstin e përpunuar të njëzet viteve më parë!

Kosova dhe shqiptarët u ndodhen në sprova të mëdha historike. Sprova historike për tu bërë të lirë u bë realitet në vitin 1999. Krejt varet nga ne a do të jetë kjo hera e fundit. Ky duhet të jetë mësim i madh nga historia jonë e bujshme dhe krenare.Për këto 18 vite jetuam që të fitojmë përvojën në shtetndertim dhe mirëqenje.Sigurisht së këto vite ishin shumë të vështira të mbushura më plotë sfida.Kemi pritur të kemi të arritura të mëdha e nuk e patëm.Nuk e patëm, se pushtetet e pas luftës tonë çlirimtare nuk punuan mirë, nuk punuan ndërshmërisht që të kalohet faza e tranzicionit. Këto dhe shumë çka tjetër lexuesi do t’i gjenë në përsiatjet, opinionet dhe analizat e publicistit dhe gazetarit të shquar, Florim Zeqa në librin “Thirrje nga Shpirti’. Vet titulli I librit është sugjestiv dhe sfidues, është thirrje nga shpirti i autorit të librit, për një Kosovë shumë më ndryshe, sigurisht shumë më të zhvilluar dhe prosperuar.

Libri është një përmbledhje e analizave dhe opinioneve të ndara në shumë kapituj, ku ngjarjet gjatë këtyre viteve të shtegtimit në liri përshkruhën në mënyre kronologjike. Libri i publicistit dhe analistit politik, Florim Zeqa, do t’i mundësojë lexuesit dhe studiuesit të njohin jo vetëm mendimin dhe vlerësimin e një autori të spikatur për ngjarjet të cilat kanë ndodhur pas luftës në Kosovë, por do t’u shërbejnë mirë atyre si një kronikë e gjithë asaj që ka ndodhur. Që në hyrje të librit publicistikë dhe analisti politik, Florim Zeqa shpreh dëshprimin karrshi klasës politike e cila nuk e ka dhënë provimin për të mirë. Shfaqja e krimit të organizuar , korrupsionit, vrasjeve politike, janë brengat më të medha të autorit, por sigurisht së janë edhe brengat dhe shqetësimet edhe të qytetarëve të Kosovës. Më pas gazetari dhe publicist Florim Zeqa, ndalet në mos shtrirjen e sovranitetit të Kosovës në veri, fusnotën famoze në përfaqësimin e Kosovës në takimet rajonale si deshtim i madh i besedimeve maratonike herë teknike e më shumë politike me palën serbe. Autori i librit nuk e fsheh skeptizimin në ndërtimin e shtetit të së drejtës, të shtetit funksional dhe demokratik në shumicën e shkrimeve .

Ai shpreh besimin se, pas zyrtarizmit të pavarësisë do të kishte mundësi të krijimit të shtetit ligjor dhe funksional dhe së të gjithë ata që keqpërdorën pozitën pushtetare do të ndeshen më ligjin. Në shumicën e shkrimeve autori shpreh kritika të rrepta karrshi pushteteve të cilat e prunë gjëndjen e keqe politike dhe ekonomike gadi pa rrugëdalje. Në libër shprehen hapur dilemat të cilat shoqërohen shumë natyrshëm më zhgënjimin e autorit për atë që po ndodhë në Kosovë. E gjithë publicistika e tij, nga çlirimi i vendit nga UQK-ja dhe NATO, ka për objekt, që Kosova të bëhët një vend ku krimi i organizuar, korrupsioni, papunësia enorme , zhvatja dhe pasurimet e paligjshme mos të kenë vend. Por që natyrisht shkrimet publicistike jo vetem të këtij autori, por edhe të tjerëve nuk u morën kurrë seriozisht nga pushtetet, që është presedan për secilin shtet që pretendon të jetë vend i lirë dhe demokratik. Zeqa i kërkon rrënjet e së keqës të shumë faktorë në Kosovë; të nepotizmi, klientelizmi, lidhjet e pushteteve me krimin, abuzimet dhe keqpërdorimet e shumta në kurriz të shumicës. Lidhjet e disa komandatëve te luftës me krimin dhe abuzimi i tyre me pushtetin është një brengë në vazhdimësi e autorit të një libri që lexuesin do të mbajë deri në fund pezull. Zeqa ka venë në spikamë mungesen e lidershipit pas vdekjes së presidentit historik të Kosovës, Dr.Ibrahim Rugova.

Popullit të Kosovës i erdhi zhgenjimi e thyerja e madhe shpirtërore nga denigrimi në vazhdimësi i vlerave, e që shkaktojë humbjen e të gjitha shpresave të gjenerata e re se do të bëhët mirë, duke zgjedhur rrugën e largimit masovik nga Kosova. Publicisti Zeqa shigjeton kritika të rrepta edhe karrshi faktorit ndërkombëtar sidomos kur bëhët fjalë për ndërhyrjet e shpeshta politike në punën e ekzekutivit, me ç’rast e shpreh shqetësim e tij rreth formimit të Gjykatës Speciale për Kosovën, si një barazim të viktimës më xhelatin. Preukopim tjetër i autorit eshte humbja e gjatë e kohës për shumë vite pas marrjes së kompetancave nga autoritetet ndërkombetare, mos zhvillimi ekonomik, stagnimi i proceseve demokratike pluraliste, autoritarizmi degradues, pastaj një shqetësim madhor i autorit të këtij libri është formimi i Asociacionit të Komunave më shumicë Serbe në veri të Kosovës me kompetenca vendimarrëse, si rrezik, që në një të ardhme jo të largët do të ndodh ndarja e vendit mbi baza etnike, si synim i kahmotshëm i Serbisë hegjemoniste. Të gjitha këto analizohen mirë në driten e fakteve, ngjarjeve, datave dhe situatave jo të mira politike, të krijuara në Kosovë nga kastat politike në pushtet.

Autori hedhë dritë mbi mashtrimet elektorale që iu bënë qytetarëve, duke mos i realizuar premtimet e dhena gjatë fushatave të partive shtetndërtuese. Autori gjithnje shprehë emocionet e tij në analizat e thukta rreth temave më rëndësi shtetërore e kombëtare. Në shkrimet e pubicistit Zeqa, herë ndeshemi më optimizem e më shumë pesimizem kritik, pritshmerinë e pafund se proceset të kthehen për së mbari në Kosovë.Të gjitha trajtesat dhe shtjellimi i temave bëhet në menyrë shumë të argumentuar dhe përmbajtësore. Autori mbanë gjithashtu lartë shpresën, durimin për të mos u dorëzuar para sfidave të kohës, dhe para atyre të cilët e kanë kapur shtetin fortë për gryke, mos përkuljen ndaj dhunës e terrorit karrshi elitave që e patën gjatë gjithë pas luftës.

Është ky një shkak i autorit për dinjitet kolektiv që provohet në çaste të vështira. Demokracia ka vu në spikamë autorin në këtë vepër madhore, ka ardhur si një tundim i bredshem shoqëror, si një sfidë e kohës e cila nuk po kuptohet dhe as nuk po përceptohet drejtë nga garniturat në pushtet, shkaku i miopisë politike e tyre! Demokracia sipas autorit Zeqa, të shqiptarët erdhi, përgjthësisht si nevojë e frymarrjes së kombit pas një përiudhe të gjatë të sistemit neveritës një partiak. Këta politikanë dhe këtë skenë politike publicisti Zeqa e karakterizon si të pa moral politikë. Libri në fjalë sigurisht se ka vlerë, madje vlera e tij mund të shihet më shumë në të ardhmen se sa sot. Florim Zeqa sigurisht së ka arritur të ngjallë debatin dhe diskutimet, por edhe t’i marre përgjegjësit e tij si idealist për të gjitha ato pikëpamje që i shtron .Sipas meje ky liber do të jetë një mësim i mirë për të sotmen dhe të ardhmen e Kosovës, për të ardhmen e gjeneratave të reja. Libri i publicistit dhe gazetarit Zeqa ia vlen që të lexohet, së vertetë është një botim me vlerë, dhe do të jetë një dhuratë çmuar për lexuesin. Skënder Mulliqi, gazetarë, publicist dhe analist politik

Organizatat e shoqërisë civile i kanë shkruar një letër presidentit të Republikës së Kosovës, Hashim Thaçi, me anë të së cilës kundërshtojmë idenë e korrigjimit të kufirit me Serbinë.

Organizatat e shoqërisë civile në letrën drejtuar presidentit theksojnë se duke pasur parasysh të kaluarën tonë të afërt, një ndryshim i kufijve do të destabilizonte dhe kërcënonte sigurinë në Kosovë dhe Serbi, por edhe në rajon.

“Kjo mund të na kthejë prapa dy dekada më parë, duke hedhur poshtë të gjitha përpjekjet e deritanishme për pajtim në mes të dy shteteve”, thuhet në letër.

Lexoni të plotë letrën e shoqërisë civile:

“Organizatat e shoqërisë civile në Kosovë po ndjekin me shqetësim të gjitha deklaratat e juaja për ndryshimin ose korrigjimin e kufirit të Kosovës me Serbinë në baza etnike.

Përmes kësaj letre, ne kundërshtojmë fuqishëm ide të tilla të rrezikshme që nxisin konflikte, konfuzion dhe urrejtje në mes të qytetarëve të Kosovës dhe Serbisë, ndërkohë që komuniteti serb që jeton në Kosovë po dekurajohet edhe më tej për t’u integruar në shoqërinë dhe institucionet e vendit.

Gjithashtu, deklaratat e juaja mund të ndikojnë edhe në qytetarët e rajonit, duke besuar se agjenda të tilla nacionaliste mund të jenë të suksesshme edhe pas një historie të errët të luftërave në Ballkan.

Duke pasur parasysh të kaluarën tonë të afërt, një ndryshim i kufijve do të destabilizonte dhe kërcënonte sigurinë në Kosovë dhe Serbi, por edhe në rajon. Kjo mund të na kthejë prapa dy dekada më parë, duke hedhur poshtë të gjitha përpjekjet e deritanishme për pajtim në mes të dy shteteve.

Ne ju kërkojmë që të mos bëni deklarata konfliktuoze, por të fokusoheni në dialog dhe normalizimin e marrëdhënieve, si dhe në trajtimin e çështjeve të pasluftës si ajo e personave të pagjetur, e të mbijetuarve/viktimave të dhunës seksuale dhe viktimave civile të të gjitha etnive nga lufta e fundit në Kosovë, gjë që është thelbësore për stabilitetin, sigurinë dhe prosperitetin e të dy vendeve. Ne jemi të bindur se dialogu është e vetmja rrugë drejt arritjes së pajtimit dhe paqes së qëndrueshme ndërmjet Kosovës dhe Serbisë.

Institucionet kosovare duhet të mbrojnë dhe respektojnë të drejtat e të gjithë qytetarëve pa dallim,duke ndërtuar besimin e ndërsjellë, duke çmuar diversitetin dhe duke garantuar mirëqenie dhe siguri për të gjithë.

Z. President, Kushtetuta e Republikës së Kosovës ju obligon të punoni me dhe për të gjithë qytetarët, pavarësisht përkatësisë së tyre etnike. Prandaj, ju duhet të inkurajoni komunikim dhe bashkëpunim më të mirë midis njerëzve që jetojnë në Kosovë duke u bazuar në respekt, tolerancë dhe mirëkuptim për njëri-tjetrin.

Si përfundim, ne kërkojmë nga ju që ta respektoni obligimin tuaj kushtetues si President i Republikës së Kosovës dhe të tërhiqni deklaratat tuaja që krijojnë izolim të mëtejshëm dhe që rrezikojnë të ardhmen e gjeneratave të reja. Ne ju inkurajojmë që të angazhoheni në bërjen e Kosovës një vend paqësor dhe të begatë për të gjithë”.

​Edhe Kryetari i PDK-së, dikur partia e Hashim Thaçit, Kadri Veseli ka dalë kundër idesë së Presidentit për “korrigjim kufijsh”. Ai përmes një konference të jashtëzakonshme ka dhënë qëndrimin e partisë së tij për këtë çështje.
Sipas Veselit, idetë e fundit janë skenar jashtë interesave të Kosovës dhe partnerëve të vendit.

“Ngritja e kësaj teme të rrezikshme, do ta dëmtojë Kosovën në dialog”, tha kryeparlamentari Veseli në konferencën e jashtëzakonshme për media të partisë së tij, e cila nisi një orë me vonesë nga paralajmërimi.

“Temat e ndarjes nuk i japin fuqi Kosovës, por krijojnë panik dhe pasiguri tek qytetarët tanë”, tha kreu i PDK-së, duke folur për idenë që po e promovon ish-bashkëpartiaku dhe bashkëpunëtori i tij i afërt Hashim Thaçi.

“Shteti i Kosovës, integriteti i Kosovës janë të shenjta. Në të njëjtën kohë nuk do të ketë asociacion me kompetenca ekzekutive”, ka thënë ai.

• Ariana Kasapolli – Selani

Kryeministri i Kosovës, Ramush Haradinaj, është shprehur edhe një herë kundër idesë për ridizajnim të kufijve dhe shkëmbim të territoreve mes Kosovë dhe Serbisë, duke thënë se një gjë e tillë është “ftesë për tragjedi të reja në Ballkan”.

Në një postim në rrjetin social, Facebook, Haradinaj ka thënë se kjo ide dërgon në destabilizim dhe pasiguri.

“Diskutimi i vazhdueshëm publik mbi ridizajnimin e kufijve dhe shkëmbimin e territoreve është një ftesë për tragjedi të reja në Ballkan, i cili çon në destabilizim, pasiguri dhe rrezikon investimet afatgjata politike dhe të sigurisë për stabilitetin dhe paqen në Kosovë dhe rajon”, ka deklaruar Haradinaj.

Sipas tij, marrëveshja ligjërisht obliguese në mes të Kosovës dhe Serbisë, në kuadër të dialogut që zhvillohet mes dy vendeve me ndërmjetësimin e Bashkimit Evropian, duhet të rezultojë me njohje reciproke dhe paqe të qëndrueshme.

Ai po ashtu u ka bërë thirrje institucioneve ndërkombëtare që të kundërshtojnë një ide të tillë.

“U bëj thirrje të gjitha vendeve mike dhe institucioneve ndërkombëtare kontribuese për Kosovën, që të kundërshtojnë idetë shkatërruese dhe të mos lejojnë që ato të arrijnë në tryezën e vendimmarrjes”, ka deklaruar kryeminstri i Kosovës.

Përveç tjerash, Haradinaj ka falënderuar Shtetet e Bashkuara dhe Bashkimin Evropian për rolin e tyre në Kosovë.

Presidenti i Kosovës, Hashim Thaçi dhe homologu i tij serb, Aleksandër Vuçiq kanë shpalosur së fundmi idenë për korrigjim të kufijve.

Të dy presidentët do të takohen më 7 shtator në Bruksel, në kuadër të dialogut mes dy shteteve që ndërmjetësohet nga Përfaqësuesja e Lartë e Bashkimit Evropian, Federica Mogherini.

Kryeministri i Kosovës, Ramush Haradinaj i ka konsideruar të gabueshme diskutimet për territorin e Kosovës dhe ndryshimin e kufijve, në dialogun Kosovë – Serbi.

Haradinaj, tha pas mbledhjes së Qeverisë se askush nuk ka të drejtë që të flasë për këto çështje. Ai tha se ‘kur të diskutohet kështu është kthim prapa, është humbje për Kosovën”.

Sipas tij kjo që po ndodh, është retorikë.

“Më herët kemi shpjeguar një retorikë të Beogradit, e cila thotë se duhet marr veriun, ndoshta një kundër-retorikë e Kosovës ka logjikë, që thotë se ne e duam Nishin, Preshevën apo dikë tjetër. Ndërsa qëndrimi i Qeverisë dhe i imi është ky: e synojmë një marrëveshje ligjore obligative mes Kosovës dhe Serbisë për njohje reciproke Kosovë – Serbi. Kufijtë, territori nuk janë temë e diskutimit. Nuk ka mandat askush i Kosovës që t’i diskutojë këto. Mendoj se ajo që po thotë presidenti është në nivel të retorikës ose kundër-retorikës. Shpresoj që është ashtu, nëse është ndryshe, atëherë kemi probleme serioze në Kosovë”, tha Haradinaj.

Duke folur për nismën që mund të marrin partitë politike opozitare për thirrjen e një seance të jashtëzakonshme në Kuvend për deklarimet e presidentit Thaçi lidhur me korrigjimin e kufijve, Haradinaj tha se do të përkrahë çdo rezolutë që është kundër ndryshimit të kufijve.

“Vota ime është pro, do të thotë për të mos u ndryshuar kufiri edhe territori. Ata do ta kenë votën time sot e nesër, e në çdo kohë”, tha Haradinaj.

Kurse, shefi i Grupit Parlamentar të LDK-së, Avdullah Hoti ka njoftuar përmes një postimi në Facebook se më 4 shtator po synojnë të mbajnë seancë të jashtëzakonshme.

“Sot kemi mbajtur mbledhjen e Grupit Parlamentar të LDK-së, ku kemi diskutuar përgatitjet për seancën e jashtëzakonshme për nxjerrjen e rezolutës që i ndalon presidentit dhe kujtdo tjetër të negociojë për tërësinë territoriale të Kosovës. Seanca do të mbahet më datë 4 shtator 2018. E mirëpres mbështetjen që po i jepet kësaj rezolute edhe nga grupet e tjera parlamentare. Pres që të gjithë deputetët e Kuvendit të Kosovës të mbështesin këtë rezolutë”, ka shkruar Hoti.

Një grup qytetarësh po proteston në Gjakovë, në kundërshtim të vizitës së pelegrinëve serbë në kishën ortodokse.

Protesta është mbajtur pavarësisht që organizatorët kishin deklaruar për mediat serbe se është anuluar vizita e pelegrinëve serbë në Gjakovë, për shkaqe sigurie.

Komandanti i Policisë së Kosovës në rajonin e Gjakovës, Krist Gjokaj, tha për Radion Evropa e Lirë se nuk ka asnjë autobus me pelegrinë serbë që është nisur për në Gjakovë.

Protesta kundër pelegrinëve serbë është thirrur nga qytetarët e Gjakovës, kryesisht familjarë të personave të vrarë e të zhdukur gjatë luftës së fundit.

“Pa drejtësi, nuk qetësi pa drejtësi” dhe “Gjaku i fëmijëve shqiptarë të vrarë nga Serbia nuk falet”, ishin disa nga parullat që këta qytetarë mbanin në duart e tyre.

Një ditë më parë themeluesja e Fondit për të Drejtën Humanitare, Natasha Kandiq, e ka ftuar presidentin e Kosovës, Hashim Thaçi, që sivjet t’ua mundësojë serbëve të Gjakovës ta vizitojnë kishën.

Presidenti Thaçi kishte siguruar Kandiqin se do të angazhohet që liria e lëvizjes të garantohet për të gjithë, përfshirë edhe për ata pjesëtarë të komunitetit serb që duan të vizitojnë kishën apo shtëpitë e tyre.

Ndërkaq shoqata “Thirrjet e Nënave” nga Gjakova i kanë kërkuar Thaçit të mos e lejojë vizitën e serbëve në kishën në Gjakovë.

Presidenti, Hashim Thaçi ka shkruar edhe sot në Facebook se ndjen dhe ndan dhembjen me të gjitha nënat kosovare për humbjen e më të dashurave të tyre.

“I siguroj ato dhe gjithë nënat kosovare, si dhe të gjithë qytetarët e Kosovës se kriminelët dhe vrasësit që kanë kryer krime, kurrë nuk do të mund të kthehen në Kosovë. Kudo që janë, ata nuk do të jenë të qetë, derisa të japin llogari përpara drejtësisë”, ka shkruar Thaçi.

Këtë po e pasqyroj me një nga episodet që më ka ndodhur në aktivitetin tim si kryetar i Shoqatës për kthim dhe Partisë Republikane të Kosovës. Gjatë aksionit 1 mujor (5 shtator – 5 tetor 1990) kishim grumbulluar dhe shpërndarë: 49.640 kg. miell, 1.066 litra vaj, 300 kg. sheqer, 110 kg. kripë, 52,5 kg. makarona, 57 pako detergjent “Biljana”, një kamion me rroba dhe 31 pako tjera me rroba. I gjithë aktiviteti 1990-1999, është bërë në mënyrë vullnetare pa asnjë kompenzim finansiar apo material, përkundrazi, aktivitetet nga të gjithë veprimtarët pa përjashtim janë bërë me mjete finansiare personale apo familjare…! Aksioni si i tillë kishte vështirësi dhe rreziqe të shumta, jo aq në grumbullimin e ndihmave, se populli ishte jashtëzakonisht shumë solidar dhe i gatshëm të ndihmojë… Por, vështirësitë paraqiteshin kur duhej të sigurohej transporti dhe dorëzimi i këtyre ndihmave atje ku ishin planifikuar të dërgohen. Me këtë rast kur i derguam kamionin me 20.075 kg. miell në Mitrovicë, destinuar minatorëve të Stan Tërgut, për shkak të pasigurisë nga policia serbe dhe rrezikut që të mos na konfiskonin miellin dhe të kemi mjaft probleme me ta, ishim të detyruar që transportin ta bëjmë në orët e mbrëmjes…
…Kur arritëm me kamion në Mitrovicë, ishte diku pas orës 20:00 dhe përfaqësuesit e Shoqatës që na pritnin, na treguan se është vonë dhe se miellin dhe rrobat minatorëve nuk mund t’ua shpërndajmë sonte, por po i dërgojmë në një dyqan aty afër, dhe nesër do ta bëjnëata vet shpërndarjen… Arritëm tek objekti ku e kishin paraparë ta zbraznim kamionin, aty nuk kishte kush ta zbraz, kështu që, meqenëse ishte vonë dhe kohë e rrezikshme, nikoqirët nuk e dinin kënd ta ftonin që ta zbraznim kamionin… Ishte vonë, kurse ata një kohë të gjatë humbnin duke u konsultuar se kujt t’i drejtoheshin për ndihmë. Kur e pashë një situatë të tillë, hoqa sakon dhe vet fillova t’i zbraz thasët e miellit dhe i vendosa në dyqanin e paraparë, që në çastin kur fillova me zbraz kamionin… Isha bërë bardh nga mielli… në atë moment erdhën disa qytetarë të Mitrovicës, dhe meqenëse i njihnin nikoqirët tanë dhe e dinin se mielli ishte ndihmë për minatorët dhe familjet e tyre, iu drejtuan nikoqirëve, me këto fjalë: …Sa po e paguani bre këtë “hamball” që po e zbraz kamionin, më mirë të na kishit marrë ne, e do të na kishit paguar, apo si kompensim do të na kishit dhënë miell… Me atë rast, u krijua një atmosferë e zymtë dhe nikoqirët në heshtje, me zë të ultë dhe me gjeste atyre u thoshin të heshtin,… Mos flisni more se është turp, ky është Kryetari i Shoqatës për Kthimin e Shqiptarëve të Shpërngulur nga Kosova dhe Kryetar i Partisë Republikane të Kosovës, Reshat Nurboja. Ata, atëherë menjëherë heshtën, ngase, sipas emrit më njihnin, por me pamje jo… Njëri nga ta, nuk mundi të durojë dhe prapëseprapë, me zë e dha një vlerësim apo konstatim të tij, që në mënyrë më të mirë mund të identifikohet me botëkuptimet e mentalitetit të pjesës dërmuese të popullit shqiptar: Çfarë kryetari ky more, a po shihni si është bërë, mos u tallni,…?! Mua, m’u drejtua: më fal, nuk dua të ofendoj, por këta po tallën sa po të paguajnë, se lëreni ore,… ku keni parë që kryetari të merret me ngarkimin dhe zbarkimin e kamionëve me miell dhe ate me ndihma, pa kurfar dhe ate me ndihma, pa kurfarë interesi…
Unë vazhdoja punën, kuptohet se të gjithë nikoqiret, nuk ia kthyhen atyre përgjigjen por m’u bashkëngjiten në zbrazjen e kamionit…dhe tani nuk më kujtohet, a buzëqeshja më shumë nga inati apo nga injorimi i tyre… Pasi vërtetë u binden se jam kryetari, i vinte keq, dhe të gjithë më kërkuan falje, e pastaj, edhe ata që komentonin në fillim mu bashkëngjitën për zbarkimin e miellit nga kamioni,por me ndërgjegjen e lënduar të tyre e arsyetonin me angazhim shtesë gjatë ngarkesës së tyre me nga dy thasë miell në dallim nga ne qëe zbraznim 1 nga 1…….!

Këto ndihma të grumbulluara, janë ndarë sindikatave të pavarura, shoqatave të ndryshme

dhe familjeve të varfra, dhe atë:

Sindikatës së Pavarur të Minatorëve të Stan Tërgut, 20.075 kg. miell dhe një kamion përplot të mbushur me rroba, të cilat ishin të paketuara, Sindikatës së Pavarur të Radio-Televizionit të Prishtinës, 4100 kg. miell, Sindikatës së Pavarur të Minierës Kishnicë Novobërd, 9100 kg. miell, LDK-së dega në Vranjevc, 9775 kg. miell, Bashkimit të Rinisë Demokratike të Kosovës-Turiqevc, 25 pako rroba, Motrave- Misionareve të Dashurisë “Nëna Tereze” në Pejë. Kurse, për familjet që ishin nën përkujdesjen e tyre; 450 kg. miell, 47 litra vaj, 30 kg. sheqer, 25 kg. kripë, Sindikatës së Pavarur të Kombinatit të Lëkurë Këpucëve në Pejë, për 26 familje i janë dhënë: 750 kg. miell, 74 litra vaj, 32 kuti detergjent, 18 kg. makarona, Shoqatës “Nëna Tereze”- nëndega Kapeshnicë/Pejë: 6 pako me rroba, 53 familjeve të varfra në Komunën e Pejës, të cilat kanë emër dhe mbiemër dhe janë evidentuar në dokumentacionin e Shoqatës, por të cilat nuk i pasqyroj në këtë libër se nuk është e nevojshme. Ata e dinë se kush janë dhe shumë herë i kanë shprehur falënderim Shoqatës, që u është gjetur pranë në kohëra të vështira ekonomike, u është ndarë: 1590 kg. miell dhe 180 kg. sheqer.

Gjatë kthimit nga Kosova, në një vend afër Dubrovnikut e hasa këtë mbishkrim “Za njih mrtvih, mi smo živi spomenik!”, që në shqip i bie: Për ata të vdekurit, ne jemi monument i gjallë!
Kjo thënje më bëri përshtypje të jashtëzakonshme, se me çfarë përkushtimi mbrohen vlerat e lirisë në një vend të civilizuar.

Caktimi i listave të veteranëve të luftës çlirimtare sipas përkatësisë partiake, ideologjike dhe lidhjeve familjare e ka shndërru këtë proces në një “Veteranomani” të vërtetë.
Lënja jashtë listave të veteranëve, e komandantëve dhe ushtarëve më të spikatur, pjesëmarrës në betejat më të lavdishme të luftës çlirimtare në njërën anë dhe përfshirja në lista e atyre që Kosovën e lëshuan të veshur me rroba të grave dhe me buzëkuq të nuseve në fytyrë, të atyre që s’kanë qënë asnjëherë gjatë luftës në Kosovë, por që u kthyen si “çlirimtar” pas përfundimit të saj, përveqse marrëzi, paraqet fyerje për luftëtarët e vërtetë dhe shkelje mbi gjakun e dëshmorëve!
Për më keq se kaq, në listat e veteranëve të UCK-së, u radhitën edhe dezertorët e luftës, spiunët dhe UDB-ashët e Serbisë në Kosovë!
Mosbërja transparente e kritereve për pranimin e statusit të veteranit të luftës nga ana e “komisioneve” për verifikim, kishte lënë të hapur “shtekun” për manipulim dhe keqpërdorim “allashqiptarçe” të një procesi sa të ndjeshëm po aq të rëndësishëm për të ardhmën e vendit.
Loja e ndytë me ndjenjat e pastra të luftëtarëve trima të lirisë sonë, ka vërë në pikëpyetje të tërë procesin e verifikimit të vetranëve!
Vrapimi pas marrjës së bajrakut të çlirimtarit, grabitja apo përfitimi nga vlerat e të tjerëve, injorimi apo eliminimi i figurave markante të luftës dhe paqës shënon kulmin e marrëzisë së disa komandantëve, përmes lojës së shtrigave, duke inskenuar “tradhtarin” imagjinar dhe “heroin” inekzistent!
Injorimi i betejave të lavdishme (Koshare, Logjë. etj) të drejtuara nga oficierët e karrierës dhe zavëndësimi i tyre më figura të improvizuara të betejave të humbura, ka çuar në tjetërsimin e vlerave të luftës çlirimtare!
Shirtëligët e pushtuar nga egoja për pushtet e pasurim të paligjshëm rrënuan çdo gjë para vetës, çdo vlerë e pasuri kombëtare!
Megaskandali i kriminalizuar me veteranët mashtrues e të rrejshëm, është dëshmia e pamohueshme se disa nga ish komandantët e luftës, janë vetë kupola e grupeve kriminale që kanë abuzuar me ligjin dhe buxhetin e shtetit për gati njëzet vite resht.
Veteranët mashtrues janë një armatë e blerë me para të popullit, për vota të partive të kriminalizuara në pushtet dhe opozitë për disa mandate rresht.
Lista e veteranëve mashtrues është shumë më e gjatë se 19 mijë mashtrues të identifikuar nga prokurori Blakaj, të cilët pa meritë, në forma të ndryshme e kanë fituar statusin e veteranit.
Pa dyshim se, kontigjenti më i madh i veteranëve të rrejshëm, është produkt i proceseve elektorale, gjegjësisht i blerjes së votave në këmbim të çertifikatës së veteranit.

Aktakuza e qëlluar, por e vonuar e prokuorit Blakaj

Më mirë vonë se kurrë e thotë një fjalë e urtë popullore. Aktakuza e prokurorit Elez Blakaj ndaj 12 eksponentëve politikë dhe ushtarak lidhur me 19 mijë veteranët mashtrues është vetëm fillimi i i hapjes së “Kutisë së Pandorës”, gjegjësisht shpalosjes së keqpërdorimeve dhe abuzimeve skandaloze disa vjeçare me çertifikatat e veteranëve.
Edhe përkundër akuzës së ngritur në muajin Korrik nga prokurori i posaqëm Elez Blakaj ndaj 12 eksponentëve të UÇK-së për mashtrimet kriminale me lista të veteranëve (Agim Çeku, Nuredin Lushtaku, Sadik Halitjaha, Shkumbin Demaliaj, Qelë Gashi, Shukri Buja, Ahmet Daku, Rrustem Berisha, Faik Fazliu, Smajl Elezaj, Fadil Shurdhaj dhe Xhavit Jashari), ende nuk është dorëzuar në Gjykatë, shkaku i interferimit në punën e prokurorisë së shtetit nga ish komandantët e akuzuar dhe vet shefi i shtabit të UÇK-së dhe komandantët e Zonave Operative.
Situata e krijuar tregon pamundësinë e ushtrimit të funksionit të prokurorit në mënyrë të pavarur, të paanshme dhe profesionale, gjë që i detyron prokurorët me integritet profesional të dorëhiqen.
Në fakt, dorëheqja e prokurorit të posaçëm Elez Blakaj tregon për dështimin e sistemit prokurorial për të mbajtur në radhët e veta prokuror me integritet, të cilët janë të gatshëm të përballen me sfidat e kohës.
Abuzimet me çertifikatat e veteranëve nga krerët e partive politike për blerjen e votave për pushtet në njërën anë dhe përfitimi personal i komisionerëve për verifikim nga ana tjetër, bënë që numri prej 19 mijë veteranëve të paligjshëm të jetë shumfish më i madh.
Ekzemplari më i “mirë” i abuzimit me listat e veteranëve është ai 3000 veteranëve nga Shqipëria që marrin paga në Kosovë kundrejt 176 ushtarëve pjesëmarrës në luftë!
Kjo analogji saktësisht përputhet me abuzimet e përgjithshme me listat e veteranëve. Nga 13 mijë ushtarë nën komandën e Agim Çekut, listat e veteranëve nën komandën e dreqit u zgjeruan në mbi 60 mijë vetaranë!
Fryerja enorme e listave të veteranëve, është shprehje e mungesës së vetëdijes shoqërore, imoralitet dhe papërgjegjësi njerëzore në njërën anë dhe mungesë ekstreme shtetndërtuese e politikanëve (ligjvënësve) kosovarë, që mundësuan abuzimin disa vjeqçar me çertifikatat e veteranit të luftës çlirimtare!
Krahas ubuzimeve për çështje elektorale (blerje votash), janë edhe abuzimet për përfitime personale të komisionerëve për verifikim dhe sekserëve të disa partive politike, nga po ashtu disa individ të papërgjegjshëm nga Diaspora, të cilët në këmbim të çertifkatës paguan shuma nga 2000-5000 euro. E hidhur kjo, por e vërtetë. Është ky një numër jo i vogël e abuzuesve nga mërgata që blenë çertifikatat e veteranit pa qënë asnjëherë në luftë!
Fryerja e listave të veteranëve është bërë edhe nga matrapazët e organizatave të dala nga lufta, ndërsa bashkatdhetarët nga mërgata që blenë çertifikatat, me (pa) dashjen e tyre u bënë klient të krimit të organizuar dhe u shndërruan në shpërdoruesit më të mëdhenjë të gjakut të dëshmorëve, gjegjësisht shkeljen mbi vlerat më sublime të lirisë sonë.
Veteranët mashtrues, janë mjeranët e shtetit të Kosovës!

ZO të UÇK-së dhe partitë politike prodhuan veteranët mashtrues

Sikurse Zonat Operative të UCK-së, ashtu edhe partitë politike pa dallime janë bërë pjesë e abuzimit me listat e veteranëve, elektorati i të cilave ka rënë pre e pazareve elektorale të liderëve partiak në këmbim të votës për pushtet me çertifikatën e veteranit.
Thënë ndryshe, veteranë të rrejshëm ka në të gjitha anët dhe në të gjitha kampet, varësisht prej fuqisë politike, fuqisë së muskujve partiak dhe fuqisë së xhepit të veteran-kërkuesve.
Kësisoji, përveq komandantëve dhe politikanëve të papërgjegjshëm, janë edhe 60 mijë veteranë, që e trajtuan Kosovën jo si shtet të tyre, por si plaçkë lufte!
Kështu, edhe nëse bie pozita dhe vjen opozita në pushtet, nuk pritet të ndodh ndryshim i madh, sepse të gjithë janë bërë njësoj abuzues me listat e veteranëve, sikurse që, në të gjitha partitë politike ka me bollëk, hajna, kriminela, bandita e mafioza të përfshirë në korrupsion dhe krim të organizuar,…përkthyer ndryshe në fuqinë elektorale, gjysma e popullatës i mbështetin veprimet e tyre kriminale në dëm të shtetit dhe qytetarëve. Ndërsa gjysma tjetër e popullatës tashmë e ka ndarë mendjen të ikur nga Kosova, menjëherë pas sinjalit për liberalizim të vizave.
Kështu, shteti i Kosovës dalëngadalë nga një shtet i proklamuar laik dhe multietnik, ka rrëshqitur në një shtet fetar te vet(mj)eranëve dhe mercenarëve të ditëtëve të lirisë!
Për këto mënyra të turpshme të shpërdorimit dhe abuzimit me çertifikatat dhe statusin e veteranit të luftës, përgjegjësinë duhet kërkuar në radhë të parë nga liderët e partive të ashtuquajtura “parti të krahut të luftës”, gjegjësisht tek ish udhëheqësi politikë i UÇK-së, Hashim Thaçi, i cili në njërën anë thirret si udhëheqës politik i ushtrisë, ndërsa në tjetrën deklaron se ka qënë larg vijave të frontit,…për të kaluar edhe tek partitë e tjera që ua mundësuan elektoratit të tyre kontrabandimin e votës në këmbim të statusit të veteranit.
Padyshim, krushku i parë i veteranëve të rrejshëm është vetë presidenti Hashim Thaçi. Jo që po e thëm unë, por ai vet e ka pohuar shumë vite më parë në një intervistë për Euronews, duke thënë se “ka qënë larg luftës”.
Një luftëtar, që për ideal ka pasur çlirimin e vendit nga pushtuesit nuk vrapon pas privilegjeve dhe as nuk bie pre e mashtrimeve, për shkak se nuk e ka të lehtë të tradhtojë idealin e bashkëluftëtarëve të rënë në fushën e nderit!

Ashtu siq e nisa shkrimin, ngjashëm edhe do e përfundoj me një thënje tjetër. Me 22 Dhjetor 2015, ish luftëtari i FARK-ut, veterani i Koshares, Bekë Osmanaj nga Isniqi, në shënjë proteste për abuzimet me çertifikatat e veteranëve, në qëndër të Deçanit e kishte djegur çertifikatën e veteranit të UÇK-së, me ç’rast kishte reaguar në këtë mënyrë, po citoj; “Nuk jam veteran, sepse nuk pranoj dhe nuk mundem që të jam i barabart me puntorë të UDB-se, me kriminel dhe me dezertor të luftës…”.
Kjo shprehje e pakënaqësisë, është shprehja më e sinqertë e dashurisë ndaj atdheut, eshtë besnikëria e thellë shpirtërore ndaj gjakut të bashkëluftëtarëve, është shprehje e pakënaqësisë ndaj abuzuesve të vlerave më sublime të lirisë sonë.
Për këtë gjest të lartë human të luftëtarit të lirisë, institucionet e shtetit dhe shoqëria kosovare duhet të tregojnë përkujdesje të përhershme materiale dhe morale. Pasi luftëtari Bekë Osmonaj, me sakrificën e tij vetëmohuese ka vendosur të bëhet gardian dhe monument i gjallë i mbrojtjes së gjakut të dëshmorëve të lirisë që ne sot e gëzojmë.

Në këtë dokument sanksionohet se bashkësia e komunave serbe do të ketë përgjegjësinë për disa fusha, siç janë shëndetësia, arsimi, zhvillimi ekonomik e planifikimi urban e rural, si dhe do të ketë të drejtë të marrë fonde nga Beogradi. Më poshtë vijon teksti i plotë dokumentit: Asociacioni/Bashkësia i komunave me shumicë serbe në Kosovë Parimet e përgjithshme/elementet kryesore 25 gusht 2015

Korniza ligjore

1) Asociacioni/Bashkësia komunave me shumicë serbe në Kosovë është themeluar si një Asociacion/Bashkësia i komunave me shumicë serbe, siç është paraparë me Marrëveshjen e Parë, Ligji e ratifikimit të Marrëveshjes së Parë dhe ligjin e Kosovës.

2) Në bazë të Marrëveshjes së Parë që njeh karakterin e saj të veçantë, Qeveria e Kosovës do të miratojë një dekret drejtpërdrejt të zbatueshëm, që do të shqyrtohet nga Gjykata Kushtetuese. Bashkësia/Asociacioni do të jetë entitet legal i përcaktuar me Statutin e saj, i cili do të përbëhet nga të paktën elementet e përcaktuara më poshtë.

3) Statuti do të miratohet nga një asamble konstituive që përbëhet dhe votohet nga anëtarët e asambleve të komunave pjesëmarrëse.

Objektivat

4) Në përputhje me Marrëveshjen e Parë, Asociacioni/Bashkësia do të ketë objektivat e saj kryesore në ofrimin e funksioneve dhe shërbimeve publike për:

a) forcimin e demokracisë lokale

b) të ushtrojë mbikëqyrje të plotë për zhvillimin e ekonomisë lokale

c) të ushtrojë mbikëqyrje të plotë në edukim

d) të ushtrojë mbikëqyrje të plotë në kujdesin primar dhe sekondar shëndetësor e social

e) të ushtrojë mbikëqyrje të plotë për koordinimin e planifikimit urban dhe rural

g) të miratojë masa për përmirësimin kushteve të jetës për të kthyerit në Kosovë

h) të zbatojë, koordinojë dhe lehtësojë aktivitetet hulumtuese dhe zhvilluese

i) të promovojë, të përhap dhe avokojë çështjet me interes të përbashkët të anëtarëve të saj dhe t’i shfaq ato, përfshirë edhe tek autoritetet qendrore;

j) të ofrojë shërbime për anëtarët e saj, në pajtim me ligjet e Kosovës;

k) të vlerësojë ofrimin e shërbimeve publike të anëtarëve të saj dhe banorëve të tyre, si dhe për të mbështetur Bashkësinë/Asociacionin në formimin e qëndrimeve të interesimit të përbashkët për pjesëmarrje në punën e autoriteteve qendrore;

l) kryen monitorimin siç kërkohet për implementimin e objektivave të saj;

m) të krijojë raporte dhe të hyjë në marrëveshje bashkëpunimi me asociacionet tjera të komunave, vendore dhe ndërkombëtare;

5) Bashkësia/Asociacioni do të ushtrojë kompetenca të tjera shtesë që mund të delegohen nga autoritetet qendrore.

Struktura organizative

6) Asociacioni/Bashkësia do të ketë organet e mëposhtme:

a) një Asamble si organi më i lartë i përbërë nga përfaqësuesit e përcaktuar nga çdo asamble e komunave pjesëmarrëse, në mesin e anëtarëve të tyre të zgjedhur. Kuvendi do të ketë të drejtë të miratojë ndryshimet në amendamentet e Statutit, rregullat e procedurës dhe të gjitha regulativat dhe vendimet administrative si për Statutin dhe objektivat e saj. Të gjitha amendamentet në Statut, rregullat e procedurës dhe të gjitha regullativat dhe vendimet e miratuara nga Asambleja do të jenë të zbatueshme për anëtarët e saj, përveç nëse një prej anëtarëve të saj shpreh formalisht një vendim të ndryshëm.

b) një President i cili do të përfaqësojë Bashkësinë/Asociacionin, para autoriteteve qendrore dhe jashtë Kosovës. Presidenti do të ndihmohet nga një Zv/President. Presidenti dhe Zv/Presidenti do të zgjidhet nga Asambleja nga radhët e anëtarëve të asambleve të komunave pjesëmarrëse dhe kryetarët e tyre.

c) Këshillin e përbërë nga maksimumi 30 anëtarë në mesin e banorëve të komunave pjesëmarrëse, duke përfshirë të gjithë kryetarët e komunave pjesëmarrëse; Këshilli është një organ këshillues i cili ofron udhëzime për punën e Asociacionit/Bashkësisë.

d) Bordi përbëhet nga 7 anëtarë të votuar nga Asambleja nga radhët e kryetarëve të komunave dhe banorëve të komunave pjesëmarrëse; përbërja e saktë përcaktohet në Statut, me të drejtë për të marrë vendimet e nevojshme për menaxhimin ditor të Bashkësisë/ Asociacionit. Anëtarët e Bordit do të mbështeten në punë nga Kolegjiumet Profesionale të përbërë nga ekspertë, që mbulojnë zonat që bien nën objektiva dhe detyrat e Asociacionit/Bashkësisë. Statuti do të përcaktojë numrin e Kolegjiumeve Profesionale dhe detyrat e tyre tek anëtarët e Bordit.

e) një Administratë e kryesuar nga Shefi i Administratës i caktuar nga Bordi dhe që i raporton Bordit, që mbështet punën e Bashkësisë/Asociacionit, në veçanti Bordin dhe Presidentin. Stafi i administratës do të përfitojë nga statusi i punësimit, në përputhje me ligjin e Kosovës, përfshirë edhe Ligjit të Punës dhe Ligjit për Shërbimin Civil, duke bërë të mundur që ata të kryejnë detyrat e tyre administrative. Anëtarët e Asociacionit/ Bashkësisë mund të vendosin për të përdorur një numër të të punësuarve për të mbështetur Bashkësinë/Asociacionin në zbatimin e objektivave të saj.

f) një Zyrë Ankese me mandatin për të trajtuar ankesat në lidhje me objektivat.

7) Selia e Bashkësisë/Asociacionit do të përcaktohet në Statut. Raportet me autoritetet qendrore

8) Asociacioni/Bashkësia do të punojë me autoritetet qendrore në bazë të bashkëpunimit të ndërsjellë dhe ndarjes së informatave

9) Asociacioni/Bashkësia do të promovojë interesat e komunitetit serb të Kosovës në raport me autoritetet qendrore.

10) Asociacioni/Bashkësia do të ketë të drejtë të propozojë, në përputhje me ligjin e Kosovës, amendamente në legjislacion dhe rregullativa të tjera relevante për kryerjen e objektivave të saj.

11) Asociacioni/Bashkësia do të kenë të drejtë të iniciojë apo marrë pjesë në procedurat para gjykatave kompetente, përfshirë edhe Gjykatën Kushtetuese, kundër çdo akti apo vendimi nga çdo institucion që ndikon në ushtrimin nga ana e Asociacionit/Bashkësisë të kompetencave të saj, në përputhje me Statutin e saj.

12) Asociacioni/Bashkësia do të kenë të drejtë të propozojnë përfaqësues në organet kompetente/trupat e pushtetit qendror, duke përfshirë Këshillin Konsultativ të Komuniteteve. Duke ndjekur monitorimin e paraparë me Marrëveshjen e Parë, përfaqësuesi i Asociacionit/Bashkësisë do të ketë drejtë të ketë qasje në informata nga autoriteteve qendrore, në përputhje me ligjin e Kosovës.

13) Duke vepruar në emër të Asociacionit/ Bashkësisë, katër kryetarët e tyre në komunat e veriut do t’i sigurojnë Ministrisë së Brendshme listën e kandidatëve për nominim të Komandantit rajonal të Policisë, siç specifikohet me Nenin 9 të Marrëveshjes së Parë.

Kapaciteti ligjor

14) Asociacioni/Bashkësisë do të jetë i pajisur me kapacitetet juridike të nevojshme sipas ligjeve të Kosovës, për të kryer objektivat e saj, përfshirë të drejtën për të poseduar pasuri të luajtshme dhe të paluajtshme, të ketë bashkëpronësi të kompanive që ofrojnë shërbime lokale në kuadër të Asociacionit/ Bashkësisë për të lidhur kontrata, përfshirë edhe kontratat e punës.

15) Në bazë të Marrëveshjes së Parë, Asociacioni/ Bashkësia konsiderohet i instaluar, me miratimin e dekretit, për qëllimet e objektivave të saj. Buxheti dhe mbështetja

16) Asociacioni/Bashkësia do të ketë buxhetin e vet, i cili do të administrohet në përputhje me parimet e transparencës dhe llogaridhënies, si dhe dispozitat e ligjit për prokurimin publik. Këto parime do të zbatohen në veçanti për kanalizimin e fondeve, përfshirë edhe nën 17.d Shpenzimet do t’i nënshtrohen auditimit nga ana e Autoriteteve kompetente, përfshirë edhe nga Auditori i Përgjithshëm.

17) Asociacioni/Bashkësia do të financohet nga:

a) kontributet nga anëtarët e saj;

b) të ardhurat dhe mjetet nga shërbimet e ofruara nga Asociacioni/Bashkësia, kompanitë e saj ose të nxjerra nga asetet e saj luajtshme a të paluajtshme;

c) transferet nga autoritetet qendrore;

d) kontributet, grantet, donacionet si dhe mbështetja financiare nga asociacionet dhe organizatat tjera, vendore e ndërkombëtare, si dhe nga Republika e Serbisë; Bashkësia/ Asociacioni do të përjashtohet nga obligimet dhe taksat në realizimin e objektivave të saj, mbi të njëjtën bazë si komunat pjesëmarrëse. Dispozitat e përgjithshme dhe përfundimtare

18) Asociacioni/Bashkësia do të jetë i hapur për çdo komunë tjetër me kusht që anëtarët të jenë në marrëveshje.

19) Asociacioni/Bashkësia mund të shpërbëhet vetëm me vendim të Asamblesë së saj të miratuar nga shumica prej 2/3 e anëtarëve.

20) Asociacioni/Bashkësia do të ketë të drejtë në simbolet e veta zyrtare (stemës dhe flamurit) në përputhje me ligjin e Kosovës.

21) Statuti i Asociacionit/Bashkësisë do të hartohet nga Ekipi Menaxhues dhe do t’i paraqitet nivelit të lartë të Dialogut brenda katër muajve nga data e marrëveshjes së këtyre parimeve/elementeve, me lehtësim nëse është e nevojshme, përfshirë edhe Ministrinë e Administrimit të Pushtetit Lokal. Statuti do të miratohet me një dekret në bazë të marrëveshjes në Dialog. Çdo ndryshim do të prezantohet nga Asociacioni/Bashkësia, do të miratohet me dekret dhe do të shqyrtohet nga Gjykata Kushtetuese. Ekip Menaxhues – Sërish jashtë institucioneve shtetërore të Kosovës.

22) Brenda një viti të adoptimit të Statutit të Asociacionit/Bashkësia, një rishikim i implementimit të saj duhet të kryhet, përfshirë atë në lidhje me Nenin 5 të Marrëveshjes së Parë. (Në numrin e nesërm: Të gjithë argumentet pse marrëveshja e 25 gushtit është kundër Kushtetutës dhe kuadrit ligjor)

Analogjia me Bosnje-Hercegovinën

26 prill 1991 – Serbët në Bosnje- Hercegovinë shpallin “Bashkësinë e komunave të krahinës së Bosnjes”, e përbërë nga 14 komuna me shumicë serbe në Bosnje Hercegovinë, dhe e drejtuar nga një këshill me përfaqësues nga secila komunë. Kjo bashkësi nuk e njeh Bosnjen si shtet të pavarur, ashtu si “Lista Srpska” në Kosovë nuk e njeh Kosovën si shtet të pavarur.

shtator 1991 – Shpallen njëra pas tjetrës rajonet autonome serbe në Bosnje Hercegovinë.

24 tetor 1991 – Themelohet “Asambleja e Popullit Serb të Bosnje Hercegovinës”, që sot e ka selinë në Banja Llukë (qytetin më të madh me shumicë serbe në Bosnje). Pritet që selia e Asociacionit/Bashkësisë me shumicë serbe në Kosovë të jetë në Mitrovicën e veriut.

9-10 nëntor 1991 – “Asambleja e Popullit Serb të Bosnje Hercegovinës” mban referendum të veçantë në komunat me shumicë serbe për t’u pavarësuar nga Bosnja Hercegovina. 92% e pjësëmarrësve votuan pro pavarësisë.

9 janar 1992 – Përfaqësuesit serbë braktisin zyrtarisht parlamentin e Bosnje Hercegovinës dhe shpallin pavarësinë nga Bosnje Hercegovina.

28 shkurt 1992 – “Asambleja e Popullit Serb të Bosnje Hercegovnës” miraton kushtetutën e Republikës Serbe të Bosnje Hercegovinës – e njohur sot si “Republika Srpska”.

14 dhjetor 1995 – Përmes Marrëveshjes në Dayton, “Republika Srpska” njihet edhe ndërkombtarisht. Pas 25 viteve “Republika Srpska” është forcuar si entitet shtetror më shume se Bosnje Hercegovina, e cila është kthyer në një shtet jofunksional. Ndërkohë “Asociacioni/Bashkësia e komunave me shumicë serbe në Kosovë” po njihet ndërkombëtarisht ende pa u themeluar.

19 prill 2013 – Hashim Thaçi nënshkruan në Bruksel marrëveshjen e Parë të Parimeve Qeverisëse të Normalizimit të Marrëdhënieve mes Kosovës dhe Serbisë me kryeministrin Ivica Daçiç, ish-zëdhënësin e qeverisë së Slobodan Milosheviçit, dhe Ministrin e Jashtëm aktual të Serbisë. Kjo marrëveshje i hap rrugën negociatave për themelimin e “Asociacionit/ Bashkësisë së komunave me shumicë serbe në Kosovë”.

25 gusht 2015 – Isa Mustafa nënshkruan në Bruksel marrëveshjen për Parimet e përgjithshme/elementet kryesore të “Asociacionit/Bashkësisë së komunave me shumicë serbe në Kosovë” me ish-ministrin për Informim në qeverinë e Slobodan Millosheviçit dhe kryeministrin aktual të Serbisë, Aleksandër Vuçiç. Serbia vazhdon të mos e njoh Kosovën, dhe “Lista Srpska” në Kosovë që kontrollon komunat që do të jenë pjesë e këtij asociacioni/bashkësie është krejtësisht nën kontrollin e Beogradid dhe gjithashtu nuk e njeh pavarësinë e shtetit të Kosovës.

Pika më strategjike e vëzhgimit në Ballkan ndodhet brenda territorit të Kosovës. Fakti se ajo është vetëm qindra metra larg kufirit me Serbinë, ka bërë që fqinji verior ta nisë mësymjen për ta përvetësuar, kurdo që bëhet demarkimi ndërmjet të dyja vendeve.