VOAL

VOAL

Pas Gahler, edhe Reuten e Waitz me kritika për qasjen në dialog: Kërkesat po bëhen vetëm ndaj Kosovës

Përveç eurodeputetit gjerman, Michael Gahler, kritika të ashpra në drejtim të ndërmjetësit të Bashkimit Evropian, Miroslav Lajçak në dialogun Kosovë-Serbi kanë dhënë edhe eurodeputeti holandez Thijs Reuten dhe ai austriak, Thomas Waitz.
Të dy deputetët kritikuan qasjen në dialogu, duke potencuar se presioni dhe kërkesat po i bëhen vetëm Kosovës, por jo edhe Serbisë.
Reuten në një diskutim në Bruksel më tej kërkoi shpjegim pse kërkesat po bëhen vetëm ndaj Kosovës dhe pse nuk ka pasur kurrë një pikëpamje të ekuilibruar.
Ai po ashtu kërkoi të dijë pse Bashkimi Evropian nuk bëri thirrje për lirimin e menjëhershëm të policëve dhe pa kushte.
Kritik ndaj Lajçakut ishte edhe eurodeputeti austriak, Thomas Waitz.
Ai pyeti Lajçakun se si mund të konsiderohet një marrëveshje e suksesshme kur nuk është e nënshkruar nga dy palët.
“Ku në të vërtetë po shihni ndonjë sukses në punën tënde në katër vitet e fundit”, pyeti ai.i.
Eurodeputeti austriak më tej tha se në komunikimin që po bëhet po duket sikur agresioni vjen nga ana e Kosovës, gjersa në fakt sipas tij, mercenarë nga Serbia kanë sulmuar ushtarët e KFOR-it.
“Dhunuesi është gjithmonë dhunues”, tha ai.
“Dhe nuk e di, dua të them, ju gjithashtu radhitët të gjitha kërkesat që keni ndaj Kosovës se çfarë të bëjë, dhe pastaj thatë: edhe serbët duhet të bëjnë. Ju as nuk përmendët një pikë të vetme se çfarë duhet të japin në të vërtetë”, tha Waitz.  syri.net

Macron: Vrasja e adoleshentit nga policia, e pafalshme

Presidenti i Francës, Emmanuel Macron, tha se vrasja e një adoleshenti nga policia është “e pafalshme” dhe shtoi se “asgjë nuk e justifikon” vdekjen e një të riu.

Komentet e tij vijnë pasi protestat për vrasjen përfshinë rajonin e Parisit gjatë natës së shkuar.

“Kemi një adoleshent që është vrarë. Është e pashpjegueshme, e pafalshme”, tha Macron.

Nahel, 17 vjeç, u qëllua të martën në makinën e tij, pasi nuk ndaloi kur u urdhërua.

Një video që qarkullon në rrjetet sociale, tregon një oficer policie që i drejton armën shoferit të një makine, përpara se të dëgjohet një e shtënë. Makina më pas përplaset.

Adoleshenti vdiq si pasojë e plagëve të plumbave në gjoks, pavarësisht ndihmës së urgjencës.

Oficeri policor që dyshohet se qëlloi, u arrestua nën akuzën për vrasje.

Nael është personi i dytë që vritet këtë vit në Francë nga të shtënat e policisë në trafik. Vitin e kaluar, 13 persona u vranë në këtë mënyrë.

Vrasja e Naelit nxiti një seri protestash mbrëmjen e së martës në Nantere – zonë në perëndim të Parisit, ku u vra adoleshenti.

Disa makina dhe kosha plehrash u dogjën, ndërsa stacione të autobusëve u shkatërruan. Së paku 24 persona u arrestuan pas trazirave.

Në përgjigje të tyre, Qeveria franceze njoftoi se do të ketë përforcime policore në rrugë.rel

Romë: gjueti për vrasësin e Koloseut

VOAL- Turisti i ri – ende i paidentifikuar – që ndoti Koloseun duke gdhendur emrat e tij dhe të fejuarës (Ivan+Haley 23) në muret e amfiteatrit rrezikon një gjobë prej të paktën pesëmbëdhjetë mijë eurosh dhe deri në pesë vjet burg. Burri është filmuar nga të pranishmit dhe video e postuar në rrjetet sociale ka tërhequr vëmendjen e policisë. Ngjarja dyshohet se ka ndodhur më 23 qershor.

Ministri italian i Kulturës, Gennaro Sangiuliano, flet për një akt shumë të rëndë, të padenjë dhe në shenjë pafytyrësie të madhe dhe shpreson që autori të dalë së shpejti para drejtësisë.

Zbulohet një tempull 4 000-vjeçar në Holandë

Arkeologët zbuluan një tempull 4.000-vjeçar në Holandë.

Qyteza Tiel publikoi një deklaratë të premten duke thënë se shenjtërorja u zbulua në pjesën qendrore të vendit dhe kishte një kalendar diellor.

Arkeologia e bashkisë, Ilse Schuuring, ka thënë se punimet kanë marrë gjashtë vjet për t’u përfunduar.

Mostra e rindërtimit e zbuluar në shtyp të mërkurën dëshmon se tempulli ka qenë një ndërtim spektakolar gjatë kohës së tij. Në deklaratë shtohet se tempulli antik ka disa tuma dheu dhe ndodhet në pronën industriale Medel.

Arkeologët kanë gjetur eshtrat e 80 personave të djegur dhe të varrosur brenda tempullit. Siç thuhet, tempulli i lashtë ishte një vend për festime, rituale dhe vende varrimi për 800 vjet.

Një nga kodrat e tempullit është përdorur si kalendar diellor për të përcaktuar kohën e vitit.

Lidhje me Mesopotaminë

Një rruazë e qelqit, e cila konsiderohet se ka ardhur nga Mesopotamia, është një nga pjesët më interesante të gjetura në zonën e zbulimit dhe konsiderohet si më e vjetra që gjendet në Holandë. Zbulimi tregon se popullsitë që jetonte në Medel ishte në kontakt me njerëzit që jetonin 5.000 kilometra larg.

Një raport i detajuar shkencor do të publikohet pasi të përfundojë hulumtimi i plotë në vjeshtë. syri.net

Ukraina: Kemi çliruar 130 kilometra katrorë prej nisjes së kundërofensivës

Forcat ukrainase e kanë rikthyer kontrollin e 130 kilometrave katrorë në jug, prej nisjes së kundërofensivës, ka thënë zëvendësministrja ukrainase e Mbrojtjes, Hanna Malyar më 26 qershor.

Ajo ka thënë përmes kanalit të saj në Telegram se ushtria ukrainase vazhdon të avancojë në Melitopol dhe Berdjansk, që gjenden në rajonin Zaporizhja, pavarësisht rezistencës së ashpër ruse dhe humbjeve “të konsiderueshme” në njerëz dhe pajisje.

Sipas saj, përgjatë vikendit, zona e territoreve të çliruara është rritur për 17 kilometra katrorë.

“Në total, prej nisjes së kundërofensivës, zona e çliruar në jug shkon në 130 kilometra katrorë”, ka thënë ajo.

Ndaras, Shtabi i Përgjithshëm i ushtrisë ukrainase, ka thënë në raportin ditor më 26 qershor se, forcat ukrainase kanë zmbrapsur me sukses sulmet ruse në rajonet e Donjeckut, dhe i kanë zmbrapsur 36 sulme në Liman, Bahmut, Avdivka, Marinaka dhe zona tjera përreth.

Më 25 qershor, presidenti ukrainas, Volodymyr Zelensky, ka diskutuar për kundërofensivën me presidentin amerikan, Joe Biden, duke thënë se palët i kanë koordinuar “pozicionet e tyre” para samitit të NATO-s që mbahet më 11-12 korrik në Lituani.

Lufta në Ukrainë ka nisur më 24 shkurt 2022.

Presidenti rus, Vladimir Putin, e quan luftën si “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre.rel

Ka reaguar Këshilltarja e BE-së Kati Schneeberge: @JosepBorrellF GO HOME, ju e keni përshkallëzuar situatën mjaft! – Zgjohu Europë!

 

Ka reaguar Këshilltarja e BE-së Kati Schneeberger pas njoftimit të kryeministrit të Kosovës se “Policia e Kosovës në bashkëpunim me Agjencinë e Inteligjencës, parandaloi një sulm terrorist. 100 metra nga godina komunale e Zveçanit, Policia e Kosovës ndaloi një makinë shtetërore serbe të ngarkuar me armë të shkallës ushtarake—e prodhuar gjithashtu në Serbi. Imazhet tregojnë shkallën e mundshme të sulmit të shmangur”

Ja reagimi i Këshilltares së BE-së Kati Schneeberger e cila  përmes Twitter Katie Schneeberger 🇪🇺 @KatiSchneeberg1 :

Zoti Borrell a jeni “i alarmuar”?

Ju “nuk do ta toleroni”?

Pse jeni të heshtur?

A po mendoni sanksione të reja kundër #Kosovës?

Pse Kosova e përshkallëzon situatën?

@JosepBorrellF SHKO NË SHTËPI !!! Ju e keni përshkallëzuar situatën mjaft gjatë.

WAKE UP Europe 🇪🇺 !!! @vonderleyen”

Tensionet në Veri, Borell në konferencë: Të mbahen zgjedhje të reja. Policët e Kosovës të lirohen menjëherë dhe pa kushte

Përfaqësuesi i lartë i BE Josep Borrell, në një konferencë për mediat foli për tensionet në veri të Kosovës duke u ndalur edhe tek takimet e zhvilluara me kryeministrin e Kosovës Albin Kurti dhe presidentin e Serbisë, Aleksandër Vuçiç.

Gjatë fjalës së tij, Borrell tha se policët e rrëmbyer të Kosovës duhet të lirohen menjëherë.

Borrell deklaroi se i ka thënë  presidenti serb Vuçiç se tre policët e Kosovës që po mbahen në paraburgim në Serbi “duhet të lirohen menjëherë dhe pa kushte”.

Por Vuçiç tha se ka frikë se situata në veri të Kosovës ka shkuar “shumë larg”.

“Ne do të vazhdojmë të bisedojmë në baza ditore, sepse paqja dhe stabiliteti janë kyçe, por unë paralajmërova se serbët janë në një pozitë shumë të vështirë dhe se nuk duan ta durojnë terrorin e Kurtit në atë mënyrë që janë detyruar ta detyrojnë deri në këtë moment”.bw

Borrell për veriun: Zgjedhje të reja sa më shpejt dhe me pjesëmarrje të plotë

Përfaqësuesi i lartë i BE-së, Josep Borrell ka thënë se në takimet që i ka pasur sot me kryeministrin e Kosovës, Albin Kurti dhe presidentin e Serbisë, Aleksandër Vuçiqin, janë pajtuar se duhet të ketë zgjedhje të hershme në katër komunat veriore të Kosovës.

“Takimi i sotëm nuk u fokusua shumë në çka por në atë se si dhe kur – si të qetësohet situata në terren, si të organizohen zgjedhje të reja dhe si të kthehen në dialog dhe të zbatojnë të gjitha detyrimet e dialogut, në veçanti marrëveshjen e fundit në rrugën e normalizimit”, tha Borell të enjten.

Për katër orë rresht, në Bruksel, Borrell dhe i dërguari evropian për dialogun mes Kosovës dhe Serbisë, Mirosllav Lajçak, kanë zhvilluar “një seri takimesh për menaxhimin e krizave”, fillimisht me kryeministrin e Kosovës, Albin Kurti dhe më vonë me presidentin e Serbisë, Aleksandar Vuçiq. Të enjten nuk është zhvilluar asnjë takim i përbashkët mes Kurtit dhe Vuçiqit.

Borrell ka shtuar se në takimin me Kurtin, ka ritheksuar kërkesën që kryetarët shqiptarë të zgjedhur në komunat serbe, të punojnë nga ndërtesa alternative.

Në lidhje me arrestimet e disa serbëve në Kosovë pas protestave të fundit në veri, Borell po ashtu tha se “nuk mund të ketë mosndëshkim për autorët e dhunës”.

Megjithatë, ai theksoi se “arrestimi ose keqtrajtimi arbitrar i padrejtë i të burgosurve është krejtësisht i papranueshëm”.

Gjithashtu, Borrell deklaroi t’i ketë thënë Vuçiqit se tre policët e Kosovës që po mbahen në paraburgim në Serbi “duhet të lirohen menjëherë dhe pa kushte”.

“Mendoj se kemi identifikuar rrugë të mundshme përpara por të dy palët duhet t’i përmbahen detyrimeve të tyre”, tha ai.

Tre policë kufitarë të Kosovës janë arrestuar nga forcat serbe më 14 qershor. Autoritetet serbe thonë se ata janë arrestuar thellë në territorin e Serbisë. Ndërkaq, autoritetet e Kosovës theksojnë se tre policët kosovarë janë rrëmbyer brenda territorit të Kosovës.

Borrell shtoi se do të jetë në kontakt të ngushtë me të dyja palët në ditët në vijim dhe se ai do të raportojë te ministrat e jashtëm të BE-së të hënën për “ku qëndrojmë dhe ku duhet të shkojmë”.

Vuçiq: Çdo gjë ka shkuar shumë larg

Pas takimit me ndërmjetësuesit e dialogut, Presidenti i Serbisë, Aleksandër Vuçiq ka thënë se nuk mund të konfirmojë që “ka ndonjë udhërrëfyes”, për daljen nga kriza në veri të Kosovës.

“Kemi diskutuar çështjen, substancën, e cila ishte e pashmangshme, por besoj edhe e dobishme, por atë që do të shohim nesër në terren, nuk e di…kur kemi kamionë në pritje…”, tha ai, duke iu referuar bllokimit të qarkullimit të kamionëve me mallra serbe në kufi me Kosovën.

Lidhur me zgjidhjen e situatës në Kosovë, Vuçiq ka thënë se ka frikë se “çdo gjë ka shkuar shumë larg”.

“Ne do të vazhdojmë të bisedojmë në baza ditore, sepse paqja dhe stabiliteti janë kyqe, por unë paralajmërova se serbët janë në një pozitë shumë të vështirë dhe se nuk duan ta durojnë terrorin e Kurtit në atë mënyrë që janë detyruar ta detyrojnë deri në këtë moment”, tha tutje Vuçiq.

Që nga fundi i majit, tensionet në veri të Kosovës u rritën pasi kryetarët e rinj shqiptarë të komunave në veri, me asistimin e Policisë së Kosovës, hynë në ndërtesat komunale, mes kundërshtimeve nga serbët lokalë.

Që atëherë, serbët lokalë kanë protestuar para ndërtesave komunale në Zveçan, Zubin Potok dhe Leposaviq.

Më 14 qershor, tensionet mes Kosovës dhe Serbisë u përkeqësuan edhe më tej, pas arrestimit të tre zyrtarëve policorë të Kosovës. Serbia tha se ata u arrestuan “thellë” brenda territorit të saj, por Kosova tha se ata ishin duke patrulluar në territorin e Kosovës, pranë vijës kufitare me Serbinë në Leposaviq.

BE-ja dhe Shtetet e Bashkuara i kanë paraqitur kryeministrit të Kosovës, Albin Kurti, tri kërkesa sa i përket tensioneve: qetësimin e situatës në veri të Kosovës, mbajtjen e zgjedhjeve të reja në katër komunat në veri dhe rikthimin në dialogun për normalizimin e raporteve. SHBA-ja po ashtu ka inkurajuar Kurtin që kryetarët e rinj shqiptarë të komunave në veritë kryejnë detyrat e tyre nga lokacione alternative.

Kurti, ndërkaq, ka paraqitur një plan prej pesë pikash.

Plani pesëpikësh i Kurtit për uljen e tensioneve në veri

  • Sundimi i ligjit në katër komunat në veri, që nënkupton identifikimin, ndjekjen penale dhe gjykimin e drejtë të të gjithë anëtarëve të grupeve kriminale që kanë sulmuar Policinë, trupat e NATO-s dhe gazetarët
  • Grupet e dhunshme të tërhiqen menjëherë nga territori i Kosovës dhe ndalohet çdo akt kriminal kundër institucioneve të Kosovës
  • Policia e Kosovës, pjesëtarë të NATO-s dhe EULEX-i të kryejnë vlerësime të përbashkëta të sigurisë, për të garantuar një ambient të sigurt dhe pa rreziqe për të gjithë.
  • Qeveria e Kosovës të koordinohet me të gjithë aktorët dhe të shpallë zgjedhje të parakohshme në katër komunat në veri
  • Kosova dhe Serbia t’i rikthehen dialogut të ndërmjetësuar nga Brukseli, dhe një takim i nivelit të lartë të mbahet gjatë kësaj jave

Plani i Kurtit parasheh edhe mbajtjen e zgjedhje. Megjithatë, ai ka thënë se për t’u mbajtur zgjedhje të lira në veri, nevojitet shtet ligjor.

Borrell: Jemi pajtuar për nevojën e mbajtjes së zgjedhjeve të reja në veri të Kosovës

VOA

Shefi i politikës së Jashtme të Bashkimit Evropian, Josep Borrell, tha pas takimeve të ndara me kryeministrin e Kosovës, Albin Kurti dhe presidentin serb, Aleksandar Vuçiç, se është arritur pajtimi për nevojën e mbajtjes së zgjedhjeve të reaj në katër komunat e banuara me shumicë serbe në veri të Kosovës.

Ai tha se pas më shumë se katër orë diskutimesh të dy udhëheqësit e kanë të qartë seriozitetin e situatës në veri, por kanë qasje dhe interpretime të ndryshme për situatën.

Zogti Borrell tha se bashku me të dërguarin evropian për bisedimet Kosovë – Serbi, Miroslav Lajçak u paraqiti palëve pritjet e Bashkimit Evropian.

“Për Kosovën që menjëherë të pezullojë operacionet policore në ndërtesat e komunave në veri dhe që katër kryetarët e komunave përkohësisht t’i kryejnë detyrat jashtë zyrave komunale. Serbia të sigurojë që protestuesit të largohen nga ndërtesat e komunave njëkohësisht me largimin e policisë së Kosovës”, tha zoti Borrell.

Të dyja palët tha ai, duhet të shpallin zgjedhjet e reja në të katër komunat, me pjesëmarrje të pakusht të serbëve në to.

“Kjo është rrënja e problemit dhe rrënja e zgjidhjes – zgjedhje të reja sa më parë me pjesëmarrje të plotë”, theksoi ai, duke nënvizuar se është arritur pajtimi për nevojën e mbajtjes së zgjedhjeve.

Bisedimet e sotme pasuan arrestimin e tre pjesëtarëve të policisë së Kosovës nga forcat serbe me 14 qershor, në një incident që shtoi tensionet edhe ashtu të larta ndërmjet të dyja vendeve. Kosova akuzon Serbinë për siç thuhet “rrëmbim të policëve” brenda territorit të saj, ndërsa Beogradi thotë se ata u kapën brenda territorit serb.

Zoti Borrell tha se i ka kërkuar presidentit serb lirimin e menjëhershëm dhe pa kushte të tre policëve të Kosovës, një kërkesë e shtruar me forcë edhe nga Shtetet e Bashkuara dhe vendet evropiane që kërkojnë hedhjen e hapave për shtensionimin e situatës në veri të Kosovës, kur për gati një muaj grupe qytetarësh serbë po protestojnë duke kundërshtuar vendosjen në zyra komunale të kryetarëve shqiptarë të dalë nga zgjedhjet e 23 prillit, që u bojkotuan nga partitë politike serbe.

Kryeministri Kurti është shprehur në favor të zgjedhjeve të reja por duke ngulur këmbë që kjo të ndodhë pas vendosjes së sundimit të ligjit. Beogradi kërkon largimin e forcave të policisë dhe kryetarëve shqiptarë si dhe lirimin e serbëve të arrestuar në lidhje me dhunën që përshkoi protestat në veri.

Zoti Borrell tha se misioni i BE-së për sundimin e ligjit do të vëzhgojë nga afër trajtimin e personave të arrestuar në lidhje me dhunën gjatë protestave në veri të Kosovës.

Takimet e sotme, tha zoti Borrell, nuk u përqendruan shumë në atë se çfarë të bëhet por si dhe kur: “si të qetësohet situata në terren, si të organizohen zgjedhje të reja dhe si të kthehen në dialog dhe të zbatojnë të gjitha detyrimet e dala prej tij, në veçanti nga marrëveshja e fundit në rrugën e normalizimit të marrëdhënieve”.

Ai tha se të hënën do t’u raportojë ministrave të Jashtëm të vendeve të BE-së të hënën për situatën dhe rrjedhën e bisedimeve.

Vuçiç: Nuk kemi ndonjë udhërrëfyes për tejkalimin e krizës

Presidenti serb Aleksandar Vuçiç tha pas takimit me ndërmjetësuesit evropianë se nuk “ka ndonjë udhërrëfyes”, për rrugëdaljen nga kriza në veri të Kosovës.

“Ne do të vazhdojmë të bisedojmë në baza ditore, sepse paqja dhe qëndrueshmëria janë thelbësore, por unë paralajmërova se serbët janë në një pozitë shumë të vështirë dhe se nuk duan ta durojnë terrorin e (Albin) Kurtit ashtu siç janë detyruar ta durojnë deri tani”, tha presidenti serb.

*Së shpejti më gjerësisht…

Fillon takimi Kurti – Borrell

Kryeministri i Kosovës, Albin Kurti, dhe përfaqësuesi i lartë i BE-së për politikë të jashtme dhe siguri, Josep Borrell, më 22 qershor 2023.

 

Në Bruksel ka filluar takimi bilateral i kryeministrit të Kosovës, Albin Kurti, me përfaqësuesin e lartë të Bashkimit Evropian, Josep Borrell, merr vesh Radio Evropa e Lirë.

Pas takimit me Kurtin, Borrell pritet të bisedojë edhe me presidentin e Serbisë, Aleksandar Vuçiq.

Më herët, Shërbimi i Jashtëm i Bashkimit Evropian tha se “përfaqësuesi i lartë, Josep Borrell, i shoqëruar nga i dërguari i posaçëm, Mirosllav Lajçak, do të kenë një seri takimesh për menaxhimin e krizave me presidentin e Serbisë, Aleksandar Vuçiq, dhe kryeministrin e Kosovës, Albin Kurti”.

Takimet në Bruksel me gjasë do të jenë vetëm takime dypalëshe, mes bartësve të dialogut, Albin Kurti, dhe Aleksandar Vuçiq, me ndërmjetësit evropianë të dialogut.

Zëdhënësja e BE-së, Nabila Massrali, në një konferencë për shtyp të enjten nuk ka treguar saktësisht se a do të ketë apo jo takim trepalësh.

“Unë nuk kam thënë se nuk do të ketë takim mes tyre. Me rëndësi është se ata sot do të jenë në Bruksel, me ftesë të përfaqësuesit të lartë. Të shohim se si do të shkojnë takimet, e pastaj mund të dimë më shumë”, është përgjigjur Massrali, në pyetjen se a do të ketë pasoja për ata që refuzojnë të takohen.

“Diskutimet do të fokusohen në gjetjen e rrugëdaljes për uljen e tensioneve të tashme, në mënyrë që [palët] të kthehen në zbatimin e marrëveshjeve të dialogut, në veçanti të Marrëveshjes për rrugën drejt normalizimit”, thuhet në njoftimin e BE-së.

Pas takimeve është paralajmëruar që Borrell të prononcohet për mediat.

Kurti dhe Vuçiq e kishin konfirmuar pjesëmarrjen e tyre në takimin e thirrur nga Borrelli.

Presidenti i Serbisë, Aleksandar Vuçiq, më herët gjatë 22 qershorit tha se të enjten do të takohet me Borrellin në Bruksel, por jo edhe me Kurtin.

“Biseda me të [Kurtin] nuk ka kuptim. Ai na jep leksione për filozofinë, pak për [Adem] Demaçin, pak për [Karl] Marx”, tha Vuçiq.

Një ditë më parë, Kurti ka konfirmuar pjesëmarrjen në takimin e Brukselit.

Ai tha se në atë takim do të insistojë “lirimin e menjëhershëm dhe pa kushte të tre policëve [të Kosovës] që po mbahen peng nga Serbia, shtensionimin e situatës dhe normalizimin e raporteve”.

Ndërkaq, përfaqësuesi i lartë i Bashkimit Evropian për politikë të jashtme dhe siguri, Josep Borrell, tha se ka ftuar liderët e Kosovës dhe Serbisë në një takim urgjent në Bruksel, për gjetjen e një zgjidhjeje për krizën aktuale.

“Kam ftuar liderin e Serbisë, Aleksandar Vuçiq, dhe atë të Kosovës, Albin Kurti, në Bruksel për takime urgjente për të gjetur një mënyrë për të dalë nga kriza aktuale. Na duhet shtensionim i menjëhershëm i situatës dhe zgjedhje të reja në veri me pjesëmarrjen e serbëve të Kosovës. Këto janë parësore për rajonin dhe BE-në”, shkroi ai në Twitter.

Këshilltari i lartë në Departamentin amerikan të Shtetit, Derek Chollet, ka biseduar për situatën në veri të Kosovës me të dërguarin e posaçëm të BE-së për dialogun Kosovë-Serbi, Mirosllav Lajçak. Të dy zyrtarët perëndimorë kërkuan shtensionimin e situatës në Kosovë.

Që nga fundi i majit, tensionet në veri të Kosovës u rritën pasi kryetarët e rinj shqiptarë të komunave në veri, me asistimin e Policisë së Kosovës, hynë në ndërtesat komunale, mes kundërshtimeve nga serbët lokalë.

Që atëherë, serbët lokalë kanë protestuar para ndërtesave komunale në Zveçan, Zubin Potok dhe Leposaviq.

Më 14 qershor, tensionet mes Kosovës dhe Serbisë u përkeqësuan edhe më tej, pas arrestimit të tre zyrtarëve policorë të Kosovës. Serbia tha se ata u arrestuan “thellë” brenda territorit të saj, por Kosova tha se ata ishin duke patrulluar në territorin e Kosovës, pranë vijës kufitare me Serbinë në Leposaviq.

BE-ja dhe Shtetet e Bashkuara i kanë paraqitur kryeministrit të Kosovës, Albin Kurti, tri kërkesa sa i përket tensioneve: qetësimin e situatës në veri të Kosovës, mbajtjen e zgjedhjeve të reja në katër komunat në veri dhe rikthimin në dialogun për normalizimin e raporteve.

Kurti, ndërkaq, ka paraqitur një plan prej pesë pikash.

Plani pesëpikësh i Kurtit për uljen e tensioneve në veri

  • Sundimi i ligjit në katër komunat në veri, që nënkupton identifikimin, ndjekjen penale dhe gjykimin e drejtë të të gjithë anëtarëve të grupeve kriminale që kanë sulmuar Policinë, trupat e NATO-s dhe gazetarët
  • Grupet e dhunshme të tërhiqen menjëherë nga territori i Kosovës dhe ndalohet çdo akt kriminal kundër institucioneve të Kosovës
  • Policia e Kosovës, pjesëtarë të NATO-s dhe EULEX-i të kryejnë vlerësime të përbashkëta të sigurisë, për të garantuar një ambient të sigurt dhe pa rreziqe për të gjithë.
  • Qeveria e Kosovës të koordinohet me të gjithë aktorët dhe të shpallë zgjedhje të parakohshme në katër komunat në veri
  • Kosova dhe Serbia t’i rikthehen dialogut të ndërmjetësuar nga Brukseli, dhe një takim i nivelit të lartë të mbahet gjatë kësaj jave

Plani i Kurtit parasheh edhe mbajtjen e zgjedhje. Megjithatë, ai ka thënë se për t’u mbajtur zgjedhje të lira në veri, nevojitet shtet ligjor.

Gjermania përgënjeshtron ministrin serb se po mbron vrasësin e Oliver Ivanoviqit

Ambasada gjermane në Prishtinë ka dematuar pretendimet e ministrit të Brendshëm të Serbisë, se Gjermani ka nën mbrojtje një person, që Beogradi dyshon se ka vrarë politikanin serb nga veriu i Kosovës, Oliver Ivanoviq.

Ambasada gjermane tha për Radion Evropa e Lirë se nuk ka dijeni se kush e ka vrarë Ivanoviqin më 16 janar 2018.

“Deklaratat që thonë se dorasi është nën mbrojtjen e autoriteteve gjermane nuk janë të vërteta. Qeveria gjermane nuk ka pranuar asnjë kërkesë nga autoritetet serbe për këtë çështje”, u tha në përgjigje.

Më 21 qershor, ministri i Brendshëm i Serbisë, Bratisllav Gashiq, tha se autoritetet serbe “e dinë saktësisht” se kush e ka vrarë Oliver Ivanoviqin.

Ai tha se policia serbe ka kërkuar nga autoritetet gjermane këtë person “nën mbrojtjen e të cilëve ai është”.

“Ne kemi një video nga aeroporti i Tiranës, kemi fotografi nga Prishtina, kemi fotografi që shfaq atë duke hyrë në një banesë në Prishtinë”, tha Gashiq, pa ofruar detaje apo dëshmi të tjera për të mbështetur këto pretendime.

Ivanoviq u vra me gjashtë plumba në shpinë para selisë së partisë së tij në Mitrovicë të Veriut – një prej katër komunave në veri të Kosovës, të banuara me shumicë serbe.

Mbi pesë vjet pas kësaj vrasjeje, rasti ende nuk është ndriçuar.

Kosova dhe Serbia kanë kryer hetime për këtë rast.

Prokuroria Speciale e Kosovës deri më tani ka ngritur tri aktakuza, por në to nuk ka pasur ndryshime thelbësore, gjegjësisht përmenden vetëm personat që “me vetëdije dhe qëllim kanë ndihmuar grupin kriminal për kryerjen e veprës penale të vrasjes së Oliver Ivanoviqit”, por jo autori i vrasjes apo porositësi.

Aktakuza janë ngritur ndaj zyrtarëve policorë Nedelko Spasojeviq, Radeta Basara, Zharko Jovanoviq, por edhe ndaj sekretares së Ivanoviqit, Sillvana Arsoviq dhe Marko Roshiq, qytetar i Mitrovicës së Veriut.

Më 19 tetor 2022, Policia e Kosovës arrestoi pjesëtarin e komunitetit serb, M.M, nën dyshimet se ai është anëtar “i një grupi të organizuar kriminal” të lidhur me vrasjen.

Takimet në Bruksel, “me gjasë vetëm dypalëshe”

Takimet në Bruksel mes Kosovës dhe Serbisë me gjasë do të jenë vetëm takime dypalëshe, mes bartësve të dialogut, Albin Kurti, dhe Aleksandar Vuçiq, me ndërmjetësit evropianë të dialogut.

Shërbimi i Jashtëm i Bashkimit Evropian tha se “përfaqësuesi i lartë, Josep Borrell, i shoqëruar nga i dërguari i posaçëm, Mirosllav Lajçak, do të kenë një seri takimesh për menaxhimin e krizave me presidentin e Serbisë, Aleksandar Vuçiq, dhe kryeministrin e Kosovës, Albin Kurti”.

Zëdhënësja e BE-së, Nabila Massrali, në një konferencë për shtyp nuk ka treguar saktësisht se a do të ketë apo jo takim trepalësh.

“Unë nuk kam thënë se nuk do të ketë takim mes tyre. Me rëndësi është se ata sot do të jenë në Bruksel, me ftesë të përfaqësuesit të lartë. Të shohim se si do të shkojnë takimet, e pastaj mund të dimë më shumë”, është përgjigjur Massrali, në pyetjen se a do të ketë pasoja për ata që refuzojnë të takohen.

Takimet në kryeqendrën evropiane pritet të nisin pasditen e së enjtes.

“Diskutimet do të fokusohen në gjetjen e rrugëdaljes për uljen e tensioneve të tashme, në mënyrë që [palët] të kthehen në zbatimin e marrëveshjeve të dialogut, në veçanti të Marrëveshjes për rrugën drejt normalizimit”, thuhet në njoftimin e BE-së.

Pas takimeve është paralajmëruar që Borrell të prononcohet për mediat.

Kurti dhe Vuçiq veçse kanë konfirmuar pjesëmarrjen e tyre në takimin e thirrur nga Borrell.

Presidenti i Serbisë, Aleksandar Vuçiq, më herët gjatë 22 qershorit tha se të enjten do të takohet me Borrellin në Bruksel, por jo edhe me Kurtin.

“Biseda me të [Kurtin] nuk ka kuptim. Ai na jep leksione për filozofinë, pak për [Adem] Demaçin, pak për [Karl] Marx”, tha Vuçiq.

Një ditë më parë, Kurti ka konfirmuar pjesëmarrjen në takimin e Brukselit.

Ai tha se në atë takim do të insistojë “lirimin e menjëhershëm dhe pa kushte të tre policëve [të Kosovës] që po mbahen peng nga Serbia, shtensionimin e situatës dhe normalizimin e raporteve”.

Ndërkaq, përfaqësuesi i lartë i Bashkimit Evropian për politikë të jashtme dhe siguri, Josep Borrell, tha se ka ftuar liderët e Kosovës dhe Serbisë në një takim urgjent në Bruksel, për gjetjen e një zgjidhjeje për krizën aktuale.

“Kam ftuar liderin e Serbisë, Aleksandar Vuçiq, dhe atë të Kosovës, Albin Kurti, në Bruksel për takime urgjente për të gjetur një mënyrë për të dalë nga kriza aktuale. Na duhet shtensionim i menjëhershëm i situatës dhe zgjedhje të reja në veri me pjesëmarrjen e serbëve të Kosovës. Këto janë parësore për rajonin dhe BE-në”, shkroi ai në Twitter.

Këshilltari i lartë në Departamentin amerikan të Shtetit, Derek Chollet, ka biseduar për situatën në veri të Kosovës me të dërguarin e posaçëm të BE-së për dialogun Kosovë-Serbi, Mirosllav Lajçak. Të dy zyrtarët perëndimorë kërkuan shtensionimin e situatës në Kosovë.

Që nga fundi i majit, tensionet në veri të Kosovës u rritën pasi pasi kryetarët e rinj shqiptarë të komunave në veri, me asistimin e Policisë së Kosovës, hynë në ndërtesat komunale, mes kundërshtimeve nga serbët lokalë.

Që atëherë, serbët lokalë kanë protestuar para ndërtesave komunale në Zveçan, Zubin Potok dhe Leposaviq.

Më 14 qershor, tensionet mes Kosovës dhe Serbisë u përkeqësuan edhe më tej, pas arrestimit të tre zyrtarëve policorë të Kosovës. Serbia tha se ata u arrestuan “thellë” brenda territorit të saj, por Kosova tha se ata ishin duke patrulluar në territorin e Kosovës, pranë vijës kufitare me Serbinë në Leposaviq.

BE-ja dhe Shtetet e Bashkuara i kanë paraqitur kryeministrit të Kosovës, Albin Kurti, tri kërkesa sa i përket tensioneve: qetësimin e situatës në veri të Kosovës, mbajtjen e zgjedhjeve të reja në katër komunat në veri dhe rikthimin në dialogun për normalizimin e raporteve.

Kurti, ndërkaq, ka paraqitur një plan prej pesë pikash.

Plani pesëpikësh i Kurtit për uljen e tensioneve në veri

  • Sundimi i ligjit në katër komunat në veri, që nënkupton identifikimin, ndjekjen penale dhe gjykimin e drejtë të të gjithë anëtarëve të grupeve kriminale që kanë sulmuar Policinë, trupat e NATO-s dhe gazetarët
  • Grupet e dhunshme të tërhiqen menjëherë nga territori i Kosovës dhe ndalohet çdo akt kriminal kundër institucioneve të Kosovës
  • Policia e Kosovës, pjesëtarë të NATO-s dhe EULEX-i të kryejnë vlerësime të përbashkëta të sigurisë, për të garantuar një ambient të sigurt dhe pa rreziqe për të gjithë.
  • Qeveria e Kosovës të koordinohet me të gjithë aktorët dhe të shpallë zgjedhje të parakohshme në katër komunat në veri
  • Kosova dhe Serbia t’i rikthehen dialogut të ndërmjetësuar nga Brukseli, dhe një takim i nivelit të lartë të mbahet gjatë kësaj jave

Plani i Kurtit parasheh edhe mbajtjen e zgjedhje. Megjithatë, ai ka thënë se për t’u mbajtur zgjedhje të lira në veri, nevojitet shtet ligjor. rel

Zyrtari ukrainas: Rusët në Krime të largohen sa më parë të munden

Një zyrtar ukrainas u ka thënë rusëve në territorin e okupuar të Krimesë që të largohen sa të munden.

Sekretari i Këshillit të Sigurisë Kombëtare dhe Mbrojtjes, Oleksiy Danilov tha se linjat e fortifikimit ruse treguan se Moska ka frikë se do të humbasë gadishullin.

“Ata e kuptojnë se është vetëm çështje kohe para se të vijmë dhe t’i nxjerrim jashtë,” tha z. Danilov.

“Dhe unë do t’i këshilloja të gjithëve që sa më shpejt të përdorin shërbimet e objektit që kanë sot [urën e Kerçit] për të qenë të sigurt. Ata nuk mund të shpëtojnë përmes Ukrainës.”

Më herët sot, ministria e mbrojtjes e Mbretërisë së Bashkuar tha se Rusia po ndërton “mbrojtje të përpunuara” rreth Krimesë.

Ukraina ka sinjalizuar se planifikon të rimarrë gadishullin, i cili është pushtuar nga Rusia që nga viti 2014. syri.net

In Memoriam: Është e mundur të rezistohet Nga Silvio Berlusconi

(Parathënia e botimit në italisht e librit Rrno vetëm për me tregue të Zef Pllumit)

 

Ky libër i françeskanit shqiptar At Zef Pllumi është zbulesa e një bote të panjohur, por që na përket nga afër. Është e përlyer me gjak dhe lot, ku shihet si urrejtja është në gjendje për më të keqen, përtej çdo imagjinate. Por, në fund është e pafuqishme; nuk arrin ta ndalojë dashurinë e jetuar deri në heroizëm. Nuk arrin të shuajë dëshirën për liri që ndjehet në faqet e këtij libri.

Sa varre duhet akoma të gërmojmë në kujtesën e popujve, për të gjetur të gjitha viktimat e komunizmit? Ky vëllim shumë domethënës që në titull; “Rrno vetëm për me tregue”, me thjeshtësinë e tij u jep zë të vdekurve, në vazhdën e të madhit Aleksandr Solzhenicyn. At Zef Pllumi thyen vitet e heshtjes dhe të vdekjes në kampet e internimit shqiptar me kurajën e atyre që e duan lirinë dhe luftojnë në emër të saj.

Ai hap zemrën tonë, zbrazëtinë tashmë të njohur, e rimbush me mallëngjim dhe indinjatë po pastaj – si të gjitha gjërat e vërteta – na prin drejt ndërtimit të diçkaje, udhëheq për të ngritur mirësinë dhe të drejtën. E vërteta është se dashuria është shumë më e fortë se urrejtja. Ky libër jo vetëm që duhet të jetë në të gjitha bibliotekat dhe të bëhet film, por duhet madje të rekomandohet për t’u lexuar në të gjitha shkollat italiane, në mënyrë që të rinjtë të arrijnë të kuptojnë disa të vërteta historike: çfarë është komunizmi që shihet në këtë vepër, si e merr pushtetin dhe si e administron në mënyrë të tmerrshme; çfarë vuajtjesh ka hequr populli shqiptar, në çfarë humnere gënjeshtrash dhe dhune ka qenë i zhytur; por edhe sa të fortë kanë qenë gratë dhe burrat që nuk e kanë ulur kurrë kokën, pavarësisht nga torturat që duruan mbi kurriz.

Është e mundur të rezistohet.

Komunistët besuan se në pak vite i shkatërruan të gjitha besimet. Shqipëria e lidhur ngushtë me marksizëm-leninizmin mbylli të gjitha kishat, duke u kthyer në një shtet ateist që dënonte me vdekje çdokënd që guxonte të pagëzonte fëmijët dhe t’u mësonte lutjet. Asnjëherë në historinë e Kishës nuk ishte parë diçka e ngjashme. Më vonë, por shumë më vonë, e njëjta gjë ndodhi në Kamboxhian e Pol Pot-it. E njëjta skemë, e njëjta dhunë çnjerëzore. Të ballafaquar me këtë turp, komunistët italianë kanë parë për shumë vite me simpati shokët ‘skiptarë’; qe një aleancë e trishtë pikërisht në muajt dhe vitet, në të cilat vrasësit në shërbim të tiranit Enver Hoxha i tërhiqnin nëntë gramë plumb kokës gjithkujt që ishte i dyshuar. Ose, siç rrëfehet në libër, gratë i fusnin në një thes me mace të uritura, dhe pasi i mbyllnin grykën pësonin vdekje të tmerrshme mes të qeshurave të torturuesve komunistë.

Disa mijëra shqiptarë ama, fshehurazi të admiruar nga shumëkush që heshturazi gjente veten tek ata, kanë guxuar t’i thonë “jo” despotizmit. Qëndresa e tyre me koston e torturave dhe vdekjes, është prova që nevoja për liri është e pandalshme. Kur despoti mendon se është tashmë pa kundërshtarë dhe duhet edhe një milimetër që të mbyllet kapaku me ulërimën metalike mbi çdo shpresë, ja që në mënyrë të mistershme forcat shpirtërore shkatërrojnë me dëshmitë e tyre perandorinë e errësirës.

Nuk mund të rri pa përmendur këtu redaktoren dhe përkthyesen e librit, të dashurën Keda Kaceli, krenisht shqiptare, aq sa italiane. Ajo i njeh nga përvoja e saj krimet e përshkruara këtu në libër, por dhe kurajën që përçon çdo rresht i tij.

Në fakt gjyshi i saj, Jonuz Kaceli, që nuk pranoi t’i dorëzohej padrejtësisë, u arrestua, u torturua dhe u pushkatua nga komunistët, vetëm sepse ishte intelektual dhe sipërmarrës liberal. Keda e rrok dëshminë në emër të brezit të ri, që jam i bindur, se do ta bëjë Shqipërinë gjithnjë e më të lirë, më të fortë, të drejtë e paqësore, një komb vëlla, më në fund i mirëpritur në demokraci dhe liri.

 

 

BE: Kurti dhe Vuçiçi të vijnë pa parakushte në takim – palët ende pa përgjigje

VOA

Bashkimi Evropian u bëri thirrje kryeministrit të Kosovës, Albin Kurti, dhe presidentit të Serbisë, Aleksandar Vuçiç, që t’i përgjigjen ftesës për një takim krize ne Bruksel, ndërsa paralajmëroi se shpërfillja e saj mund të ketë pasoja për të dyja palët.

Asnjëri nga udhëheqësit ende nuk i ka kthyer përgjigje shefit të Politikës së Jashtme të Bashkimit Evropian, Josep Borrell për një takim gjatë kësaj jave në kërkim të një rrugëdaljeje nga kriza e cila u thellua pas arrestimit të tre pjesëtarëve të policisë së Kosovës nga forcat serbe me 14 qershor.

Zëdhënësi i Bashkimit Evropian, Peter Stano tha se ende nuk është caktuar data e mundshme e takimit.

“Përfaqësuesi i lartë dhe gjithashtu vendet anëtare të Bashkimit Evropian presin një qëndrim më të arsyeshëm nga partnerët që aspirojnë të anëtarësohen në Bashkimin Evropian. Të dy janë të ftuar dhe presim që të vijnë pa parakushte. Gjetja e një zgjidhjeje është para së gjithash në interes të qytetarëve në Kosovë dhe në Serbi. Dhe sigurisht, Bashkimi Evropian, shtetet anëtare po e shikojnë këtë sjellje, nëse ka vullnet për të përshkallëzuar apo nëse ka vullnet për të zgjidhur situatën”, tha ai.

Presidenti i Serbisë, Aleksandar Vuçiç, tha një ditë më parë se nuk do të takohet me kryeministrin Kurti, ndërsa do të vendosë nëse “teknikisht do të paraqitet në takim”, duke nënvizuar se ky do të jetë një vendim strategjik.

Kryeministri Kurti tha të hënën se ende nuk ka vendosur nëse do të shkojë në Bruksel dhe përgjigja e tij do të varet nga një vizitë që shefi i zyrës ndërlidhëse të Kosovës në Beograd pritet t’u bëjë policëve të Kosovës që po mbahen në një burg në qytetin e Kralevës në Serbi.

“Unë kam kërkuar takimin për javën që shkoj mirëpo më patën thënë që duhet të de-eskalohet gjendja e më pas kishim rrëmbimin e tre policëve tanë në Leposaviç, pra eskalimi u shtua dhe vetëm më pas u ftova për një takim të radhës në Bruskel që nuk jam i sigurt nëse është menduar saktësisht në datën 22 apo 23 qershor për shkak të mesazheve të ndryshme. Sido që të jetë unë dua që fillimisht të presë vizitën e ambasadorit Jetish Jashari në burg në Kralevë dhe vetëm më pas kur t’i kem të dhënat nga kjo vizitë e tre policëve tanë që po mbahen peng, që po mbahen rob në Serbi si hakmarrje për luftimin e krimit të organizuar dhe korrupsionit në Kosovë do ta marr vendimin dhe do ta jep njoftimin për këtë”, tha kryeministri Kurti.

Shtetet e Bashkuara, Britania e Madhe dhe Gjermania i kanë bërë thirrje Serbisë të lirojë menjëherë policët e Kosovës. Por deri tani Beogradi nuk ka dhënë shenja se është i gatshëm ta bëjë këtë.

Diplomacia perëndimore po u bën thirrje palëve që të përmbahen nga veprimet që mund të rrisin tensionet. Sekretari i Përgjithshëm i NATO-s Jens Stoltenberg, tha të hënën pas një takimi me kancelarin gjerman Olaf Shcholz se palët duhet t’u kthehen menjëher bisedimeve të lehtësuara nga Bashkimi Evropian.

“Përkushtimi i NATO-s sipas mandatit nga Kombet e Bashkuara është i palëkundur. Forcat tona të KFOR-it do të vazhdojnë të ndërmarrin të gjitha veprimet e nevojshme për të garantuar mjedis të sigurt dhe liri të lëvizjes për të gjitha komunitetet në Kosovë”, tha sekretari Stoltenberg.

NATO-ja vendosi trupa shtesë në Kosovë pas tensioneve që shpërthyen në veri të Kosovës ku grupe protestuesish serbë dolën në rrugë duke kundërshtuar vendosjen në zyra komunale të kryetarëve shqiptarë të dalë nga zgjedhjet e 23 prillit, që u bojkotuan nga partitë politike serbe.

Zelensky: Rusia duhet të përgatisë qytetarët e saj se do të humbë territorin

“Rusia jo vetëm që do të dështojë të pushtojë territore të tjera në Ukrainë, por do të humbasë atë që zotëron aktualisht dhe duhet të përgatisë qytetarët e saj”, tha dje Volodymyr Zelensky.

Ai shtoi se “nuk ka alternativë dhe nuk do të ketë” tjetër përveç dëbimit të trupave ruse nga Ukraina. “Hap pas hapi, forcat ukrainase po vazhdojnë të çlirojnë vendin”, shtoi Zelensky.

Ai nuk kurseu ironinë edhe ndaj Putin, i cili tha në Shën Petersburg të premten se forcat ruse kishin shkatërruar pesë sisteme të mbrojtjes ajrore Patriot të prodhimit amerikan.

Presidenti ukrainas u shpreh se “asnjë sistem i vetëm Patriot nuk është shkatërruar” dhe pretendoi se të paktën 36 raketa ruse ishin rrëzuar në shtatë ditët e fundit të luftës. syri.net

Ukraina raporton për luftime të ashpra në lindje

Ushtarët ukrainas me tanke duke shkuar drejt pozicioneve të tyre në afësri të Bahmutit. 17 qershor 2023.

Shtabi i Përgjithshëm i ushtrisë ukrainase tha se luftime të ashpra janë zhvilluar ditën e kaluar në Bahmut, Liman, Avdijivka dhe Marjinka në Donjeck. Ai raportoi për 26 përleshje të armatosura në këtë zonë.

Ushtria ukrainase tha po ashtu se forcat ruse gjatë 17 qershorit kanë kryer mbi 40 sulme ajrore dhe 51 sulme me raketa.

“Gjatë 24 orëve të fundit, armiku ka kryer 43 sulme ajrore, 51 me raketa ndaj pozicioneve të trupave tanë dhe ndaj zonave të banuara”, tha ushtria.

Ndaras, guvernatori rajonal, Serhiy Lysol, tha se ushtria ruse ka sulmuar gjatë natës rajonin jugor të Dnipropetrovskit me dy dronë Shahed, të prodhimit iranian. Ai tha se forcat ukrainase kanë shkatërruar dronët.

Ministria e Mbrojtjes së Britanisë tha se për shkak të luftimeve të ashpra në Zaporizhja Oblast, në perëndim të Donjeckut dhe përreth Bahmutit, si Rusia, ashtu edhe Ukraina po pësojnë humbje të mëdha në njerëz. Humbjet e Rusisë me gjasë janë në nivelet më të larta që nga piku i arritur gjatë betejës për Bahmutin në mars, tha ministria britanike.

Ndërkaq, zyrtarët ukrainas thanë se numri i viktimave nga shkatërrimi i digës Kahovkla më 6 qershor është rritur. Edhe 29 persona raportohet se kanë vdekur si rezultat i vërshimeve të shkaktuara nga shkatërrimi i digës në territoret e pushtuara nga Moska.

Mbi 3.600 persona janë evakuuar nga zonat e vërshuara në rajonin e Hersonit dhe Mikolajivit, ndërkaq 31 persona vazhdojnë të jenë të zhdukur, tha Ministria e Brendshme e Ukrainës.

Kievi e ka akuzuar Moskën se ka vendosur mina në digë dhe qëllimisht e shkatërruar atë për të vërshuar rajonin e Hersonit, me qëllim të ngadalësimit të kundërofensivës së trupave të Ukrainës.

Gazeta amerikane, New York Times, raportoi se provat sugjerojnë se shkatërrimi i digës është bërë nga Rusia.

Tani në Vjenë tubim në orën 14:00 – Qendroni me Kosovën – Stop autokratëve dhe mbështetësave të tyre!

Pas pak në Vjenë do të mbahet tubimi në mbështetje të Kosovës. Tubimi i organizuar nga

Vienna goes Europe @VIEgoEU fillon në orën 14:00 në Sheshin e të Drejtave të Njeriut me temë:
Qëndroni me Kosovën – Mbroni demokracinë dhe paqen, ndaloni autokratët dhe përkrahësit e tyre Ejani. #QëndroniMeKosovën”

Deputetja Britanike Alicia Kearns: S’ka ekuilibër – Pas agresionit të Serbise shohim ekuilibër dhe ndëshkim për një veprim të pamatur të Kosovës

Ka reaguar në Twitter deputetja në Parlamentin Britanik Alicia Kearns pas deklaratës nga ana e SHBA për lirimin e menjëhershëm dhe pa kushte nga Serbia  të tre policëve të Kosovës :

“Ky është lloji i ekuilibrit që nuk e pamë në SHBA disa javë më parë.
Por fatkeqësisht tregon mungesën e përgjithshme të ekuilibrit.
Një akt agresioni të rëndë nga Serbia dhe ne shohim ekuilibër…
Një veprimi i pamatur dhe përshkallëzues i Kosovës dhe i Shteteve të Bashkuara të Amerikës vendos dënimin ndaj Kosovës.”

This is the sort of balance we didn’t see from the US a few weeks ago. But unfortunately it demonstrates the overall lack of balance.

An act of severe aggression from Serbia & we see balance…

An ill-judged & escalatory action by Kosovo & the US imposes punishments on Kosovo. https://t.co/qPmgY2reeF

— Alicia Kearns MP (@aliciakearns) June 15, 2023

Europarlamentarja Arba Kokalari: BE të ndalë përpjekjet e Rusisë për të destabilizuar Ballkanin dhe të ndihmojë integrimin e Kosovës në BE

Arba Kokalari, Anëtare e Parlamentit Evropian që përfaqëson Suedinë , një nga krenaritë kombëtare shqiptare sot e integruar me sukses të plotë në politikën e Suedisë pas takimit me Presidenten e Kosovës Vjosa Osmani komentoi në Twitter:
“Ishte mrekulli  takimi me Presidenten e Kosovës @VjosaOsmaniPRKS në Parlamentin Evropian me një grup @EPPG delegacion. BE-ja duhet të përshpejtohet në ndalimin e Rusisë nga destabilizimi i Ballkanit Perëndimor dhe të ndihmojë integrimin e Kosovës në BE.”

Borrell: Javën e ardhshme do të organizoj takim krize mes Kosovës dhe Serbisë

VOA

Shefi i politikës se Jashtme të Bashkimit Evropian Josep Borrell tha se do t’i thërrasë Kosovën dhe Serbinë në një takim javën e ardhshme në Bruksel, për menaxhimin e krizës.

Zoti Borrell nuk e tha nëse në takimi do të jetë në nivelin më të lartë politik. Megjithatë, burimet ne Bruksel thanë se në takim do të ftohen kryeministri i Kosovës, Albin Kurti dhe presidenti i Serbisë, Aleksandar Vuçiç.

Shefi i diplomacisë evropiane e bëri paralajmërimin në fillim të një takimi me ministrat e NATO-s, duke theksuar se bashkëpunimi mes bllokut dhe aleancës ushtarake shkon përtej Ukrainës.

“Për shembull, në Kosovë ditëve të fundit u pa se sa i rëndësishëm është ky bashkëpunim dhe dëshiroj të falënderoj KFOR-in dhe komandantin e KFOR-it për punën që po bën në veri të Kosovës”, tha zoti Borrell.

Ai tha se Bashkimi Evropian po përpiqet të kuptojë se çfarë ka ndodhur saktë lidhur me arrestimin e tre policëve të Kosovës nga forcat serbe një ditë më parë ndërsa ritheksoi thirrjet për qetësi në terren.

Në natë më parë ai tha në një letër dërguar kryeministrit të Kosovës Albin Kurti se një raund i ri i bisedimeve nuk mund të organizohet para se Kosova të marrë hapa për të shtensionuar situatën.

Jasmin Mujanović: Kundër politikave të SHBA jemi dëshmitarë të një revolte si në Kongres ashtu edhe nga deputetë të Quintit

Ne jemi dëshmitarë të një revolte kundër politikave të SHBA-së në Ballkanin Perëndimor në Kongres, dhe po ashtu edhe në legjislaturat e shteteve të tjera kyçe të Quintit si MB. Kjo është e një rëndësie ekzistenciale për Kosovën dhe BiH në veçanti. Mirënjohje për Kongresmenin Torres dhe deputeten @aliciakearns për udhëheqjen me parime.

‘Je rrezik për paqen’- Tensionet në Kosovë, kërkohet largimi i Josep Borrell

Këshilltarja lokale e Bashkimit Evropian, Kati Schneeberger ka reaguar në lidhje me tensionet në Veri të Kosovës pas rrëmbimit të 3 policëve nga pala serbe.

Përmes një reagimi në rrjetet sociale, Schneeberger i ka kërkuar dorëheqjen Përfaqësuesit të Lartë të BE-së për politikë të Jashtme, Josep Borrell për situatën e tensionuar mes Kosovës e Serbisë.

‘Zoti @JosepBorrellF

Dorëhiquni para se të bëni më shumë dëm. Ju jeni një rrezik për demokracinë dhe paqen në Evropë. Ne kemi nevojë për njerëz të guximshëm që mbrojnë demokracinë tonë, jo forcojnë autokratët. Mirupafshim, Josep Evropa duhet të qëndrojë me #Kosovën dhe të mbrojë demokracinë tonë’, ka shkruar ajo.

Lamtumirë Berlusconi! Ish-kryeministri italian përcillet sot në banesën e fundit, funerali shtetëror në Katedralen e Milanos, 10 mijë njerëz në shesh

Sot lamtumira e fundit për Silvio Berlusconin. Ish-kryeministri italian, një zë i fortë i politikës botërore do të përcillet në banesën e fundit. Në orën 15:00 në Duomo të Milanos kremtohet varrimi shtetëror për ish-kryeministrin që vdiq dy ditë më parë në moshën 86-vjeçare. Ditë zie kombëtare dhe një javë ndërprerje e punës së Kuvendit.

Flamujt italianë dhe të BE-së në gjysmështizë në Eurodhomë. Giorgia Meloni, Matteo Salvini dhe Ignazio La Russa mbërritën të martën në mbrëmje në Villa San Martino në Arcore për të bërë homazhe për ish-presidentin.

 

Duomo do të mbyllet në orën 12 dhe do të rihapet në orën 13:30
Katedralja e Milanos do të mbyllë dyert për fluksin normal të besimtarëve dhe turistëve sot në mesditë, për t’i rihapur në orën 13:30. Në atë kohë, pjesëmarrësit në funeralin e ish-kryeministrit Silvio Berlusconi do të mund të fillojnë të hyjnë. Sot në mëngjes ka filluar montimi i 15 mijë barrierave që do të kufizojnë kalimet dhe rrugët në Piazza Duomo, ku rreth dhjetë mijë njerëz do të mund të ndjekin funksionin në dy ekrane gjigante.

Autoritetet do të hyjnë nga hyrja jugore përmes Piazza Fontana, pika ku do të arrijë edhe arkivoli (i shoqëruar nga Villa San Martino në Arcore nga policia rrugore dhe më pas nga policia lokale e Milanos), e cila për këtë arsye nuk do të hyjë në katedrale nga Piazza Duomo.

 

Në varrim të pranishëm Mattarella, Meloni, Orban dhe Emiri i Katarit
Për funeralin shtetëror të Silvio Berlusconit, autoritetet duhet të mbërrijnë në Duomo në Milano nga ora 14.30 deri në 15.00. Presidenti i Republikës italiane Sergio Mattarella dhe kryeministrja Giorgia Meloni priten me zyrtarë qeveritarë. Ndër të tjera edhe sekretari i PD-së Elly Schlein, Matteo Renzi, Carlo Calenda, Paolo Gentiloni që përfaqësojnë Komisionin Evropian. Nuk janë bërë të ditur të gjithë emrat e liderëve ndërkombëtarë që do të marrin pjesë, për arsye sigurie, por duhet të jenë të pranishëm kryeministri hungarez Viktor Orban dhe emiri i Katarit Tamim bin Hamad Al Thani, ndër të tjerë.

 

2 mijë njerëz në Katedrale: 10 mijë në shesh
Rreth dy mijë persona do të hyjnë në Katedrale për funeralin shtetëror të Silvio Berlusconit, ndërsa sheshi do të ketë një kapacitet prej rreth 10 mijë personash. Portat do të jenë funksionale nga ora 10, dy ekrane gjigante të vendosura në shesh për të ndjekur ceremoninë. Arkivoli i Berlusconit do të qëndrojë përpara hyrjes së katedrales përpara se të futet brenda.bw

Hacker: Arrestimi i kreut të Mbrojtjes Civile i nevojshëm

Deutsche Welle

Thomas Hacker, raportues i grupit parlamentar të liberalëve në Bundestagun gjerman  e ka përshëndetur arrestimin e kreut të formacionit paraushtarak Civilna Zastita (Mbrojtja Civile): “Arrestimi i kreut të formacionit paraushtarak Civilna Zastita si për sulmet ndaj ushtarëve të misionit të KFOR-it është i domosdoshëm”, ka deklaruar Hacker në një  deklaratë për media, shpërndarë te marten pasdite në Berlin.

“Sulmet ndaj ushtarëve të misionit të KFOR-it të udhëhequr nga NATO, janë njëkohësisht sulme ndaj sigurisë, stabilitetit dhe paqes në të gjithë rajonin”, shkruan më tej politikani liberal dhe shton es “ngjarjet e 30 majit 2023, nuk duhet të mbeten pa pasoja. Sulmet duhet të zbardhen plotësisht duke respektuar parimet bazë të shtetit të së drejtës. Kjo parandalon që akte të tilla frigane të bëhen të pranueshme nga shoqëria.”

Policia e Kosovës kishte arrestuar të martën kreun e Mbrojtjes Civile paraushtarake në pjesën veriore të Mitrovicës, njoftoi ministri i Brendshëm Xhelal Sveçla në Twitter.

Më 29 maj, një grup  serbësh sulmuan me gurë dhe granata trullosëse ushtarët e KFOR-it në Zveçan, në Veri të Kosovës. Gjatë përleshjeve u plagosën 30 ushtarë të KFOR-it dhe rreth 50 protestues serbë, teksa njësitë e KFOR-it po ruanin objektin e zyrës së kryetarit të komunës. Në zgjedhjet lokale në veri të Kosovës, të bojkotuara nga serbët ishin zgjedhur kryetar komunash me origjinë shqiptare.

Gjatë arrestimit ka pasur trazira. Protuestues të dhunshëm goditen me gurë policët e Kosovës, të cilët përdorën gaz lotsjellës, bëhet e ditur nga disa burime të mediave lokale. Sipas ministrit të Brendshëm Sveçla, nga përleshjet janë plagosur lehtë tre policë.

Petkoviq: Kurti provokon konflikte

Drejtori i Zyres se Qeverisë se Serbise për Kosovë dhe Metohi, Petar Petkoviq, ka thënë të martën, pas arrestimit të Milun Milenkoviqit në Mitrovicë se situata në veri të Kosovës është “pothuajse më e vështira deri më tani” dhe ka akuzuar kryeministrin e Kosovës. Albin Kurti se “dëshiron të provokojë konflikte dhe luftë”. Petkoviq tha në një konferencë të jashtëzakonshme për shtyp në Beograd se Milenkoviç ishte “arrestuar me urdhër personal të Kurtit në një sallon flokësh që ishte i rrethuar nga tetë automjete të blinduara të policisë së Kosovës”.

Kryeministri i Kosovës, Albin Kurti, ndërkohë ka pranuar të mbajë zgjedhje të reja në veri Kosovës, siç  bëri të ditur ai pas një takimi me përfaqësues të vendeve të Quintit në Prishtinë. Kurti kishte venë si parakusht për mbajtjen e zgjedhjeve pikërisht identifikimin dhe ndjekjen penale të grupeve kriminale në veri të vendit si dhe kthimin në Serbi të grupeve të dhunshme. (ash)

“Faleminderit në përjetësi!”, familjarë, miq dhe qytetarë i japin lamtumirën e fundit ish-kryeministrit, vila e Berlusconit mbushet me lule

Nderime për ish-kryeministrin italian, Silvio Berlusconi. Në Arkore të Monzas, familjarët dhe miqtë po i japin lamtumirën e fundit, kavalierit, i cili ndërroi jetë dje në moshën 96-vjeccare. Katër herë kryeministri i Italisë, themeluesi i Mediaset dhe Fininvest, ish-presidenti i Milanit dhe ideatori i partisë Forca Italia, u shua të hënën pas përkeqësimit të gjendjes shëndetësore.

Për t’i dhënë lamtumirën e fundit po organizohet një funeral shtetëror gjatë të mërkurës në Duomo të Milanos së tij të dashur. Është shpallur dhe një ditë zie kombëtare, në nderim të personazhit karizmatik që shënoi politikën dhe shtetin italian në dekadat e fundit.

Ndërkohë, jashtë vilës San Martino të familjes Berlusconi, kangjellat janë mbuluar me buqeta lulesh, flamuj italianë dhe simbole të ekipit të futbollit Milan por edhe të Monzës. “Faleminderit në përjetësi!”, lexohet në shumë prej mesazheve të lëna pranë vilës. Në funeralin shtetëror pritet të marrin pjesë të gjithë liderët dhe përfaqësuesit e partive politike në Itali, të Bashkimit Europian, por edhe të botës.bw

U nda nga jeta në moshën 86 vjeçare Silvio Berlusconi

Ish-kryeministri italian Silvio Berlusconi ka ndërruar jetë në spitalin San Raffaele në Milano.

Lajmi është publikuar nga ANSA.

Berlusconi, ka qenë 3 herë kryeministër, themelues i Forza Italia dhe i një perandorie televizive që ka formësuar imagjinatën kombëtare.

Vëllai i tij Paolo dhe fëmijët e tij Eleonora, Barbara, Marina dhe Pier Silvio ndodhen në spitalin San Raffaele ku vdiq mëngjesin e sotëm ish-kryeministri dhe lideri i FI-së dhe ish-kryeministri.

Të gjithë kishin mbërritur brenda pak minutash.

Ish-kryeministri kishte hyrë në San Raffaele të premten e kaluar për t’iu nënshtruar “testeve të planifikuara” në lidhje me leuçeminë kronike mielomonocitare nga e cila vuante prej disa kohësh.

BE: Diskutimet për statutin e Asociacionit, vetëm në kuadrin e bisedimeve në Bruksel

VOA

Një zëdhënës i Bashkimit Evropian tha të premten se “çdo ndihmesë konstruktive në bisedimet e lehtësuar nga BE-ja, në kuadër të të cilit është duke u diskutuar edhe për Asociacionin e komunave me shumicë serbe në Kosovë, është e mirëseardhur”, por çështja mund të trajtohet vetëm në kuadër të këtyre bisedimeve.

Zëdhënësi Peter Stano i bëri këto komente pasi një ditë më parë kryeministri shqiptar Edi Rama, tha se i ka dorëzuar presidentit francez Emmanuel Macron dhe kancelarit gjerman Olaf Scholz një projekt statut për themelimin e Asociacionit të komunave me shumicë serbe”. Ai tha se për këtë e ka vënë në dijeni edhe Presidentin e Këshillit Evropian, Charles Michel, si dhe palën amerikane.

Zëdhënësi Stano që nuk foli për projektin apo përmbajtjen e tij, tha se ishte në plan që me 5 dhe 6 qershor të zhvillohej sesioni i parë i hartimit të projekt statusit në nivel të ekspertëve dhe të dyja palëve u ishin dërguar ftesat që më parë, por, për shkak të përshkallëzimit të situatës në veri të Kosovës, i dërguari i posaçëm i BE-së, Miroslav Lajçak, u desh të shkojë në Kosovë dhe në Serbi dhe ky takim nuk u zhvillua.

“Bashkimi Evropian si lehtësues i bisedimeve është gati të organizojë së shpejti seancën e hartimit të statutit dhe është në kontakt me të dyja palët”, tha zëdhënësi Stano.

Kryeministri Rama tha të enjten se dokumenti i ofruar prej tij është ‘konfidencial’ dhe nuk është konsultuar me kryeministrin e Kosovës Albin Kurti, për këtë çështje.

Qeveria e Kosovës as të premten nuk e komentoi nismën e kryeministrit Rama, ndërsa opozita u paraqit me qëndrime të ndara. Një pjesë e saj e vlerësoi atë, kurse pjesa tjetër tha se hartimi i projektit të statutit të Asociacionit i takon vetëm qeverisë së Kosovës.

Presidenti serb Aleksandar Vuçiç, i tha agjencisë së lajmeve Reuters të premten se “Kurti ka propozimin e tij për Asociacionin e Komunave Serbe, Rama ka propozimin e tij për Asociacionin, disa Organizata Joqeveritare kanë propozimin e tyre për Asociacionin, por asnjë prej tyre nuk ka të drejtë të bëjë propozime. Ai propozim është bërë nga serbët dhe ekipi menaxhues i përbërë nga serbët”.

Me 2 maj në Bruksel u paraqit një projekt statut i Asociacionit i hartuar nga një ekip menaxhues që përbëhej nga katër pjesëtarë të komunitetit serb, përfshirë një deputete të parlamentit të Serbisë.

Por ai u refuzua nga kryeministri i Kosovës, i cili e cilësoi të “papajtueshëm me kushtetutshmërinë, ligjshmërinë, të drejtat e njeriut, vlerat evropiane, të drejtat e pakicave sipas standardeve evropiane”. Në vend të tij ai tha se ka propozuar me një projekt pikëpamje se si do duhej të ishin vlerat dhe parimet që rregullojnë çështjen e komuniteteve pakicë në Kosovë.

Çështja e Asociacionit është Thembra e Akilit në procesin e bisedimeve për normalizimin e marrëdhënieve Kosovë – Serbi.

Palët në vitin 2013 u morën vesh për themelimin e Asociacionit, ndërsa në vitin 2015 u pajtuan për parimet e tij. Por po atë vit Gjykata Kushtetuese e Kosovës gjeti se një pjesë e madhe e këtyre parimeve janë në kundërshtim me Kushtetutën e Kosovës.

Serbia ngulë këmbë për themelimin e tij, ndërsa Prishtina ka hezituar gjatë të themelojë Asociacionin që e sheh si kërcënim për një ‘Republikë Serbe’ si ajo në Bosnje e Hercegovinë.

Shtetet e Bashkuara thanë se Asociacioni është mundësi për të ulur ndikimin e Beogradit në veri të Kosovës dhe i dërguari amerikan për Ballkanin Perëndimor Gabriel Escobar tha se nëse Kosova dëshiron të ecë përpara me integrimin evropian, duhet ta themelojë Asociacionin.

Zotimi për themelimin e tij u përtëri në marrëveshjen e Brukselit dhe Ohrit më herët gjatë këtij viti në një përpjekje perëndimore për normalizimin e marrëdhënieve ndërmjet Kosovës dhe Serbisë.

Thirrjet për themelimin e Asociacionit u shtuan pas krizës së fundit në veri të Kosovës bashkë me shqetësimet për ripërtëritje konfliktesh në rajon.

BE, e gatshme të organizojë takim ekspertësh për draft-statutin e Asociacionit

Radio Evropa e Lirë

I dërguari i posaçëm i Bashkimit Evropian për dialogun, Miroslav Lajçak, pas përfundimit të vizitave në Kosovë dhe Serbi, e ka informuar përfaqësuesin e lartë të BE-së për politikë të jashtme dhe siguri, Josep Borrell, për rezultatet. Më pas Borrell ka nisur t’i informojë vendet anëtare të BE-së për hapat e radhës që duhet të ndërmerren. Kështu i ka thënë Radios Evropa e Lirë, Peter Stano, zëdhënës i BE-së për politikë të jashtme dhe siguri.

Stano iu përgjigj pyetjes rreth një drafti me propozimin për statutin e Asociacionit të komunave me shumicë serbe në Kosovë që e ka dërguar kryeministri i Shqipërisë, Edi Rama. Ai tha se “secili kontribut konstruktiv në dialogun e lehtësuar nga BE-ja, në kuadër të të cilit është duke u diskutuar edhe për Asociacionin e komunave me shumicë serbe, është i mirëseardhur”.

“Përfaqësuesi i lartë është në kontakt të vazhdueshëm me liderët në rajon dhe me shtetet anëtare të BE-së. Siç kemi thënë disa herë në të kaluarën, diskutimet dhe draftimi i statutit të Asociacionit/Bashkësisë mund të zhvillohet vetëm në kornizën e dialogut të lehtësuar nga BE-ja”, theksoi Stano.

Zëdhënësi i BE-së, Stano, konfirmoi se plani ishte që më 5 dhe 6 qershor të zhvillohej sesioni i parë i draftimit të Asociacionit në nivel të ekspertëve dhe të dyja palëve u ishin dërguar ftesat qysh më parë. Por, për shkak të përshkallëzimit të situatës në veri të Kosovës, i dërguari i posaçëm i BE-së, Lajçak, u desh të shkojë në Kosovë dhe në Serbi dhe ky takim nuk u zhvillua.

“I dërguari i posaçëm i BE-së është i gatshëm të organizojë takimin e draftimit shumë shpejt dhe është në kontakt me të dyja palët”, theksoi Stano.

Ndërkohë, nga burimet diplomatike në Bruksel mësohet se vendet anëtare të Bashkimit Evropian janë informuar për vizitën që Mirosllav Lajçak dhe kolegu i tij amerikan, Gabriel Escobar, kanë pasur gjatë kësaj jave në Prishtinë dhe Beograd. Detyra e tyre ishte të përçojnë kërkesat për uljen e tensioneve në veri dhe rikthimin në dialog.

Sipas këtyre burimeve, nga ana e Qeverisë së Kosovës kanë shprehur gatishmërinë që të bisedohet për masat drejt shtensionimit të situatës, por, siç thuhet, kryeministri Albin Kurti ka hezituar të pranojë kërkesën për heqjen e menjëhershme të policisë speciale nga objektet komunale.

Po ashtu, sipas të njëjtave burime, “pala kosovare nuk i ka refuzuar kërkesat, por përshtypja është se nuk po nxiton”.

Nga ana tjetër, sipas raportimit te shtetet anëtare të BE-së nga ana e një pjesëtari të ekipit të Lajçakut, presidenti i Serbisë,Aleksandar Vuçiq, ka shprehur gatishmërinë për t’i bindur serbët lokalë në veri të Kosovës që të marrin pjesë në zgjedhjet e ardhshme, por nën disa kushte të caktuara.

Gjatë raportimit të ekipit të Lajçakut para përfaqësuesve të vendeve anëtare, gjithashtu, janë diskutuar mundësitë e ndërmarrjes së disa masave nëse nuk respektohen kërkesat ndërkombëtare rreth hapave drejt uljes së tensioneve.

Çështja e pezullimit eventual të vendimit të liberalizimit të vizave, nuk është në mesin e masave që shqyrtohen, kanë konfirmuar disa burime nga shtetet anëtare. Shumë prej tyre vlerësojnë se një vendim i tillë do të ishte goditje, para së gjithash, për qytetarët e Kosovës e jo për ata të cilët Brukseli i konsideron përgjegjës për mosrespektimin e kërkesave ndërkombëtare.

Gjithashtu, ngrirja e disa programeve financiare për momentin nuk ka hasur në përkrahje te shumica e shteteve anëtare të Bashkimit Evropian. Edhe ashtu, sipas diplomatëve, mosmbajtja e konferencës së donatorëve për shkak të mungesës së përparimit në implementimin e Marrëveshjes dhe Aneksit të saj, është një lloj sanksioni.

Por, për Kosovën është përmendur si masë që pritet të ndodhë shpejt pezullimi i disa takimeve dhe suspendimi i një nënkomiteti të përbashkët të Kosovës dhe BE-së në kuadër të Marrëveshjes së Stabilizim-Asociimit. Ky do të ishte një sinjal, ndërsa masat tjera do të shqyrtoheshin varësisht nga zhvillimet.

Shefi i NATO-s: Rusia s’mund ta bllokojë anëtarësimin e Ukrainës

Radio Evropa e Lirë

 

Sekretari i përgjithshëm i NATO-s, Jens Stoltenberg, tha se Rusia nuk mund ta ndalojë anëtarësimin eventual të Ukrainës në aleancës perëndimore të mbrojtjes ushtarake.

“Të gjithë aleatët pajtohen se dera e NATO-s mbetet e hapur, që Ukraina do të bëhet anëtare e aleancës dhe se Rusia nuk ka të drejtë vetoje”, tha Stoltenberg më 6 qershor.

Deklarata e Stoltenbergut erdhi gjatë vizitës së tij në kryeqytetin e Sllovakisë, në Bratisllavë, për bisedime me presidentët e vendeve anëtare të aleancës në kufirin e saj lindor, të ashtuquajturin grupi i Nëntë i Bukureshtit.

Nisja e pushtimit të paprovokuar të Ukrainës nga Rusia në shkurt të vitit të kaluar e ka intensifikuar aktivitetin e NATO-s, aleancës së themeluar pothuajse 75 vjet më parë për ta kundërshtuar Bashkimin Sovjetik.

Bisedimet në Bratisllavë vijnë pak para samitit të ardhshëm të NATO-s në Vilnius, ku Stoltenberg tha se aleanca veri-atlantike do të marrë vendime “shumë të rëndësishme”.

“Ne do ta përforcojmë mbështetjen tonë për Ukrainën me një pako shumëvjeçare të ndihmave për t’u ndihmuar të kalojnë nga standardet e epokës Sovjetike në standardet e NATO-s dhe ta sjellim Ukrainën më afër NATO-s”, tha ai.

“Ne duhet të pajtohemi për një përkushtim më të madh për t’i rritur investimet në mbrojtje”, shtoi Stoltenberg.

Ukraina ka kërkuar disa herë anëtarësimin në NATO, mirëpo Stoltenberg ka thënë më parë se anëtarësimi në mes të një lufte nuk është opsion.

Ai gjithashtu tha se po “punonte shumë për t’u siguruar që ne do ta mirëpresim Suedinë sapo të bëhet anëtare e plotë e kësaj aleance”.

Suedia dhe Finlanda kaluan nga politika e mbajtur për dekada të tëra për mosrenditje ushtarake dhe aplikuan për anëtarësim në NATO pasi Rusia nisi pushtimin e Ukrainës.

Finlanda u anëtarësua zyrtarisht në NATO muajin e kaluar, në prill.

Scholz: Me sulmin në digë, lufta ka marrë përmasa të tjera

Sulmi në digën e Ukrainës i ka dhënë  një “dimension të ri” luftës së Rusisë, tha kancelari gjerman Olaf Scholz.

“Kjo është diçka që i përshtatet me shumë krimeve që kemi parë nga ushtarët rusë në Ukrainë dhe është pjesë e një lufte që sulmon objektivat civile,  qytete, fshatra, spitale, shkolla.

Prandaj, “ka një dimension të ri, por gjithashtu përshtatet me mënyrën se si Presidenti rus Vladimir Putin po zhvillon luftën,” tha ai. syri.net

Evakuohen banorët nga Hersoni pasi Rusia shkatërron një digë

Diga Nova Kahovka e shkatërruar nga forcat ruse, në Herson të Ukrainës, 6 qershor 2023.

 

Radio Evropa e Lirë

Ukraina e ka akuzuar Rusinë se e ka sulmuar një digë të madhe në lumin Dnjepër në rajonin e Hersonit të pushtuar nga Rusia. Pas këtij sulmi, Ukraina ka urdhëruar evakuimin e dhjetëra mijëra banorëve nga ajo zonë, shkaku i rrezikut për përmbytje masive.

Presidenti i Ukrainës, Volodymyr Zelensky, e thirri një takim emergjent të Këshillit Kombëtar të Sigurisë dhe Mbrojtjes për ta diskutuar gjendjen në këtë zonë.

“Terroristët rusë”, shkroi Zelensky në Twitter, duke shtuar se shkatërrimi i digës “vetëm e konfirmon për të gjithë botën se ata duhet të përjashtohen nga çdo qoshe e tokës ukrainase”.

“Terroristët nuk do të jenë në gjendje ta ndalin Ukrainën me ujë, raketa apo çfarëdo tjetër”, shtoi Zelensky.

Agjencia ukrainase e energjisë nukleare paralajmëroi se shkatërrimi i digës Nova Kahovka mund ta rrezikojë centralin bërthamor në Zaporizhja, që përdor ujë nga ky rezervuar për procesin e ftohjes së reaktorëve bërthamorë.

Ndërkohë, Agjencia Ndërkombëtare e Energjisë Atomike (IAEA) tha se është duke e monitoruar situatën dhe shtoi se “nuk ka ndonjë rrezik të menjëhershëm të sigurisë” në centralin bërthamor.

Sekretari i përgjithshëm i NATO-s, Jens Stoltenberg, tha se sulmi ndaj digës e tregon “edhe një herë brutalitetin e luftës ruse në Ukrainë”.

“Shkatërrimi i sotshëm i digës Kahovka i rrezikon mijëra civilë dhe shkakton dëme të mëdha në ambient”, tha Stoltenberg.

Oleksandr Prokudin, guvernatori i Hersonit i konfirmoi raportimet për evakuimin e banorëve nga zonat e rrezikuara nga përmbytjet.

“Brenda pesë orëve, niveli i ujit do të arrijë një nivel kritik. Ka filluar evakuimi nga zonat e rrezikshme. Unë u bëj thirrje veçanërisht banorëve në bregun e majtë [të Dnjeprit]: bëni gjithçka që është e mundur për ta mbrojtur veten dhe për ta shpëtuar jetën tuaj. Largohuni menjëherë nga zonat e rrezikshme”, tha Prokudin në Telegram.

“Unë mund ta konfirmoj se shpërthimi [ka ndodhur]…. Të gjitha shërbimet janë duke punuar. Situata po monitorohet. Hidrocentrali u hodh në erë nga pushtuesit”, i tha Radios Evropa e Lirë Natalia Humenyuk, zëdhënëse ushtarake për forcat jugore të Ukrainës.

Shefi i Këshillit Evropian të BE-së, Charles Michel, u zotua se Rusia do të mbahej përgjegjëse për “krimin e luftës” të shkatërrimit të infrastrukturës civile.

Kreu i administratës presidenciale të Ukrainës, Andriy Yermak, e akuzoi Rusinë për “ecocid” – shkatërrim të ambientit përmes veprimeve të qëllimshme apo neglizhente të njerëzve – në një mesazh në platformën Telegram.

“Një tjetër krim lufte nga terroristët rusë. Ky është ecocid”, shkroi Yermak.

Niveli i ujit në qytezën pranë digës së shkatërruar mund të rritet për deri në 12 metra, tha kryetari i kësaj zone i emëruar nga Rusia, Vladimir Leontyev. Autoritetet thanë se niveli i ujit pritet të rritet përgjatë 72 orëve të ardhshme.

Diga, e ndërtuar në vitin 1956, është rreth 30 metra e lartë dhe rreth 3.3 kilometra e gjatë. Qëllimet e saj parësore janë prodhimi i energjisë, ujitja dhe navigacioni.

Ministria e Energjisë e Ukrainës ka thënë përmes një deklarate se shkatërrimi i digës nuk e rrezikon furnizimin energjetik të vendit pasi që “elektriciteti i prodhuar është i mjaftueshëm për t’i mbuluar nevojat e konsumatorëve”.

Incidenti në Herson pason mohimet nga Kievi për pretendimet e Rusisë se forcat e saj e kishin zmbrapsur një ofensivë të shumëfisht ukrainase në rajonin lindor të Donjeckut.

Kievi i hodhi poshtë këto pretendime, duke i quajtur atë një përpjekje për dezinformim ndërsa mohoi se kishte nisur kundërsulmin e shumëpritur për të rimarrë territorin e humbur që nga pushtimi i Moskës në shkurt të vitit 2022.

Megjithatë, Kievi tha më 5 qershor se forcat ukrainase po “kalonin në veprime sulmuese” në disa zona dhe po kryenin operacione në shkallë të vogël.

Pretendimi rus, i cili erdhi pasi Zelensky i kishte thënë mediumit amerikan Wall Street Journal dy ditë më parë se forcat ukrainase ishin gati për kundërsulm, nuk mund të verifikohej në mënyrë të pavarur nga Radio Evropa e Lirë dhe u mohua nga ushtria ukrainase.

Ushtria ukrainase tha se Rusia përdori video dhe fotografi të vjetra “si dhe materiale të tjera të rreme” në raportin e saj në lidhje me kundërsulmin e supozuar, në të cilin zyrtarët rusë thanë se Ukraina pësoi humbje të mëdha.

Më herët, më 5 qershor, Ministria ruse e Mbrojtjes lëshoi një video-deklaratë duke thënë se forcat ukrainase i sulmuan pesë pika në Donjeck duke përdorur gjashtë batalione të mekanizuara dhe dy tanke, por tha se sulmi i tyre “nuk pati sukses”.

Në deklaratë thuhej se shefi i Shtabit të Përgjithshëm rus, gjenerali Valery Gerasimov, e ka mbikëqyrur personalisht mbrojtjen ruse.

Gjenerali Oleksandr Syrskiy, komandanti i forcave tokësore të Ukrainës, tha më 5 qershor se forcat ukrainase vazhduan të përparojnë pranë Bahmutit, qytetit që ka qenë epiqendra e luftimeve disamujore për marrjen nën kontrollin të rajonit të Donjeckut. Por, ai nuk përmendi nisjen e një kundërofensive.

Hidhet në erë diga më e madhe në Kherson, paralajmërohen përmbytje

Një nga digat më të mëdha të Ukrainës është hedhur në erë, mëngjesin e sotëm.

Ushtria ukrainase akuzon forcat ruse, ndërsa zyrtari i instaluar nga Moska në qytetin e Nova Kakhovka në pjesën e kontrolluar nga Rusia të rajonit Kherson mohoi pretendimin.

“Rezervuari Kakhovka u hodh në erë nga forcat pushtuese ruse,” shkroi komanda jugore e Forcave të Armatosura të Ukrainës të martën në faqen e saj në Facebook.

“Shkalla e shkatërrimit, shpejtësia dhe vëllimet e ujit dhe zonat e mundshme të përmbytjeve janë duke u sqaruar,” shtoi më tej ushtria ukrainase.

Agjencia shtetërore ruse e lajmeve TASS citoi një burim të paidentifikuar të afërt me çështjen që thoshte se diga ishte shkatërruar dhe territori ishte duke u përmbytur.

Ndërsa administrata ushtarake e Ukrainës për rajonin Kherson u bëri thirrje njerëzve që të jenë gati të evakuohen nga disa fshatra në bregun e djathtë të lumit Dnieper pasi niveli e uji po rritej pas shkatërrimit të digës.

“Niveli i ujit po rritet dhe kushdo që ndodhet në zonën e rrezikut duhet: Të fikë të gjitha pajisjet elektrike; të marrë dokumentet dhe gjërat thelbësore; kujdesuni për të dashurit dhe kafshët shtëpiake; ndiqni udhëzimet e shpëtimtarëve dhe policëve, “shkruan administrata në kanalin e saj të mesazheve Telegram.

Presidenti ukrainas Volodymyr Zelenskyy ka thirrur një mbledhje urgjente të këshillit të sigurisë kombëtare të vendit pas shpërthimit në digë, tha Oleksiy Danilov, sekretari i Këshillit të Sigurisë Kombëtare dhe Mbrojtjes së Ukrainës.

Diga e epokës sovjetike në pjesën e kontrolluar nga Rusia të rajonit Kherson mund të shkaktojë një përmbytje në të gjithë zonën e luftës, sipas forcave ukrainase dhe ruse.

Videot e pa verifikuara në mediat sociale treguan një seri shpërthimesh intensive rreth digës Kakhovka.

Video të tjera treguan ujin që vërshonte nëpër mbetjet e digës me kalimtarët që shprehnin tronditjen e tyre, ndonjëherë me gjuhë të fortë.

Diga, 30 metra e gjatë dhe 3,2 km (2 milje) e gjatë, u ndërtua në vitin 1956 në lumin Dnieper si pjesë e hidrocentralit Kakhovka. syri.net

Ish-zëdhënësi i NATO-s, Shea: Veriu është çështje e brendshme e Kosovës

Jamie Shea, ish-zëdhënës i NATO-s gjatë luftës në Kosovë tha një intervistë për Euronews Albania se prania e ushtrisë serbe në kufirin me Kosovën është e papranueshme.

Ai e cilësoi këtë veprim mbireagim të papranueshëm nga Beogradi, për diçka që siç tha është çështje e brendshme e Kosovës.

“Kam qenë mjaft i qartë për dërgimin e forcave ushtarake serbe në kufi për një çështje që nuk i përket Serbisë, por është një çështje e brendshme e Kosovës. Ka një mbireagim, është e papranueshme dërgimi i këtyre trupave. Ato duhet të rikthehen në vendin e tyre. Beogradi duhet të heqë dorë nga ndërhyrja në punët e brendshme të Kosovës. Veriu është një çështje e brendshme e Kosovës. Mesazhi im është që: Kosovë, puno bashkë me BE dhe SHBA! Pavarësisht zemërimit, mos humbisni besimin e miqve më të ngushtë”, tha ai. syri.net

Kievi vazhdon të ushtrojë trysni ndaj trupave ruse në Bakhmut

VOA

Trupat ukrainase po vazhdojnë të ushtrojnë trysni ndaj trupave ruse në Bakhmut edhe pse këta të fundit shpallën fitoren atje pak kohë më parë. Beteja për qytetin është më e gjata dhe më përgjakshmja që nga fillimi i sulmit rus në Ukrainë.

Zëvendësministrja ukrainase e Mbrojtjes Hanna Maliar tha se Moska është përpjekur të krijojë përshtypjen se rreth Bakhmutit mbizotëron qetësia, por në fakt thotë ajo sulmet me artileri atje vazhdojnë ende, në nivele të ngjashme me ato në kulmin e betejës për të marrë qytetin.

Lufta, shton zonja Maliar, po evoluon në një fazë të re.

Beteja për Bakhmutit nuk ka ndalur, është në vazhdim, thjesht ka marrë formë tjetër”, tha zonja Maliar.

Forcat ruse tashmë po përpiqen, por po dështojnë të dëbojnë luftëtarët ukrainas nga disa zona të larta përreth, me fushëpamje nga Bakhmuti.

Ne po i mbajmë ato pozicione shumë fort“, tha ajo.

Rusia e shihte marrjen e kontrollit të Bakhmutit, si përmbushje të pjesshme të objektivit të saj për të marrë kontrollin e rajonit lindor të Donbasit, qendra industriale e Ukrainës.

Por kjo detyrë mund të bëhet më e vështirë për shkak të tërheqes së mercenarëve të grupit ushtarak privat ‘Wagner Group’, që ndihmoi në marrjen e kontrollit të qytetit. Tashmë ata do të zëvendësohen me ushtarë rusë.

Erdogani paraqet qeverinë e re

Recep Tayyip Erdogan, i cili fitoi mandatin e tretë në zgjedhjet presidenciale turke, njoftoi përbërjen e qeverisë së re të shtunën pasi u betua për një mandat të ri pesëvjeçar si lider i Turqisë.

Pas një darke zyrtare ku morën pjesë pothuajse 80 presidentë shtetesh dhe qeverish, Erdogan njoftoi përbërjen e qeverisë së re në të cilën ministritë e Mbrojtjes, të Punëve të Jashtme dhe të Ekonomisë pësuan ndryshime të thella.

Qeveria e re do të mblidhet për herë të parë të martën, njoftoi ai më herët. Pas darkës, Erdogan shkoi në pallatin presidencial Cankaya, ku jetonte dhe punonte Mustafa Kemal Ataturk, për të shpallur përbërjen e qeverisë së re.

Siç pritej, eksperti i njohur Mehmet Simsek, ish-ministër i Financave (2009-2015) dhe më pas Zëvendëskryeministër për Politikat Ekonomike (deri në 2018), merr Ministrinë e Financave.

Emri i Mehmet Simsek, 56 vjeç u shfaq vazhdimisht në media: ish-ekonomisti i bankës amerikane Merrill Lynch do të jetë përgjegjës për të vendosur rregull në politikën financiare të vendit, për të rifituar besimin e investitorëve.

Ministritë kryesore do të rinovohen gjithashtu: kështu Hakan Fidan, ish-kreu i MIT, shërbimi inteligjent turk, do të marrë postin e ministrit të Jashtëm, në vend të Mevlut Çavusoglu.

Në Ministrinë e Mbrojtjes, Yasar Gueler, shefi i Shtabit të Përgjithshëm të Forcave të Armatosura, zëvendëson Hulusi Akar, ish-shefin e Shtabit të Përgjithshëm që mbante detyrën që nga korriku 2018.

Akar u konsiderua si organizator i rezistencës ndaj grusht-shtetit të dështuar në korrik 2016. Në detyrë kanë mbetur vetëm dy ministra, Shëndetësisë dhe Kulturës. syri.net

BE: Kosova dhe Serbia të ulin tensionet, ose do të përballen me pasoja negative

VOA

Bashkimi Evropian u bëri thirrje Kosovës dhe Serbisë që menjëherë dhe pa kushte të marrin masa për të ulur tensionet dhe të punojnë për vendosjen e qetësisë në veriun e trazuar të Kosovës, duke paralajmëruar se dështimi për të bërë një gjë të tillë do të ketë pasoja negative për të dyja palët.

Në një deklaratë të lëshuar nga shefi i politikës së Jashtme të BE-së, Josep Borrell, në emër të 27 vendeve anëtare të bllokut dënohen “aktet e dhunshme kundër qytetarëve, trupave të KFOR-it, forcave të rendit dhe mediave në veri të Kosovës. Dhuna mund të ishte shmangur dhe duhet shmangur në të ardhmen”, thuhet në komunikatë, në të cilën theksohet se blloku qëndron fuqishëm në mbështetje të misionit të NATO-s dhe atij të BE-së për sundimin e ligjit në përmbushjen e mandateve të tyre.

“Ne i bëjmë thirrje Kosovës dhe Serbisë që menjëherë dhe pa kushte të marrin masa për të shtensionuar situatën, t’i japin fund retorikës përçarëse dhe të përmbahen nga çdo veprim i mëtejshëm i pa bashkërenduar. Qetësia duhet të rivendoset urgjentisht. Bashkimi Evropian është i gatshëm të zbatojë masa të vendosura. Dështimi për të ulur tensionet do të çojë në pasoja negative”, thuhet në deklaratë.

“Presim që Kosova të veprojë në mënyrë që nuk e përshkallëzon situatën, dhe të pezullojë menjëherë operacionet policore në afërsi të ndërtesave komunale në veri të Kosovës. Kryetarët e komunave duhet t’i kryejnë përkohësisht detyrat e tyre në objekte të ndryshme nga ndërtesat komunale. Zgjedhjet e parakohshme duhet të shpallen sa më shpejt në të katër komunat dhe të organizohen në mënyrë gjithëpërfshirëse. Presim që serbët e Kosovës të marrin pjesë në këto zgjedhje” theksohet më tej në deklaratë në të cilën shprehet “shqetësimi për shkallën e gatishmërisë më të lartë të Forcave të Armatosura Serbe”.

Bashkimi Evropian po ashtu kërkon që Kosova dhe Serbia “të veprojnë me përgjegjësi dhe të angazhohen menjëherë në dialogun e ndërmjetësuar nga BE-ja për të gjetur një zgjidhje të qëndrueshme për situatën në veri të Kosovës, e cila garanton siguri, dhe demokraci për të gjithë qytetarët dhe hap rrugën për zbatimin e Marrëveshjes për Rrugën drejt Normalizimit. Kjo përfshin fillimin pa vonesë apo parakusht të mëtejshëm të punës për themelimin e Asociacionit të komunave me shumicë serbe”, thuhet në deklaratën e zotit Borrell.

Scandinavian Airlines vë në punë avionët e parë elektrikë

VOAL- Linja ajrore skandinave, Sas – Scandinavian Airlines, lëshoi ​​të premten bileta për tre fluturimet e para inauguruese elektrike që do të zhvillohen midis Danimarkës, Suedisë dhe Norvegjisë. Sipas kompanisë, çdo fluturim do të ketë 30 ulëse dhe do të niset në një datë, orë dhe destinacion që ende nuk është përcaktuar.

Të vetmet siguri janë viti, 2028, dhe itinerarja, e cila do të jetë një fluturim i brendshëm me distanca të shkurtra. Pavarësisht nga pikëpyetjet e shumta që i tejkalojnë pasiguritë e një rezervimi standard fluturimi, 90 vendet e disponueshme u shitën brenda pak orësh: “Ne do të shkruajmë një faqe të rëndësishme në historinë e aviacionit”, tha Alexandra Kaoukji, zëdhënëse e SAS, e intervistuar nga Radio Suedia. rsi-eb

Osmani takohet me Zelenskyn: Askush s’mund ta pengojë vullnetin e një populli për të qenë i lirë

Presidentja e Kosovës, Vjosa Osmani në margjinat e Samitit të Komunitetit Politik Evropian në Moldavi, është takuar me presidentin e Ukrainës, Volodymyr Zelensky.

Osmani ka shpërndarë fotografi nga bashkëbisedimi me Zelenskyn, derisa bëri të ditur se atij i shpreh solidaritetin e popullit të Kosovës.

“Në momentet kur ka rëndësi se ku qëndroni, unë i shpreha Presidentit Zelensky solidaritetin tonë të plotë. Askush nuk e kupton dhimbjen, luftën dhe qëndrueshmërinë e Ukrainës më mirë se populli i Kosovës. Asgjë nuk mund të pengojë vullnetin e një populli për të qenë i lirë”, ka shkruar Osmani në Twitter./Syri.net Kosova


Send this to a friend