Hartuesja e raportit pozitiv për anëtarësimin e Kosovës në Këshillin e Evropës, deputetja greke, Dora Bakoyannis, ka theksuar se asnjë kandidati nuk i janë kërkuar më shumë reforma se Kosovës para diskutimit për anëtarësim në këtë organizatë.
Bakoyannis, ka thënë se “për të ardhur tek opinioni pozitiv, deputetja greke ka thënë se janë dashur 300 ditë, misione në Prishtinë, Mitrovicë të Veriut dhe Bruksel, ekip të specializuar dhe dhjetëra takime me qeveritarë, ambasadorë, bashkiakë serbë, përfaqësues të Kishës Ortodokse Serbe, organizata joqeveritare e organizata ndërkombëtare”.
“Po ashtu raporti ka kërkuar nga autoritetet në Prishtinë që pas 25 vjetësh të rivendosin pronën e manastirit më të rëndësishëm serb në rajon, që të tërhiqnin një projektligj për shpronësimin e pronave serbe dhe të nënshkruanin një listë marrëveshjesh për të drejtat e njeriut, e mbi të gjitha, ta vendosin komunitetin serb nën mbrojtje ndërkombëtare”, ka thënë Bakoyannis në një tekst autorial për “European Western Balkans”.
“Asnjë kandidati nuk i është kërkuar të kryejë kaq shumë reforma para se të sillet për diskutim çështja e pranimit të tij në organizatë. Kjo me gjasë është arsyeja pse 83 për qind e Asamblesë votoi pro raportit”.
Ajo ka shkruar për lidhjet e saj “speciale” me popullin serb. Duke mbrojtur raportin e vet me Serbinë, Bakoyannis ka thënë se raporti i saj pozitiv për anëtarësimin e Kosovës në Këshill të Evropës i është kushtuar “vetëm të drejtave të njeriut dhe nevojës për t’i sjellë dy milionë evropian nën ombrellën demokratike të KiE-së”.
“Kjo e fundit ka rëndësi të veçantë për komunitetin serb në rajon, që për dekada, i ishte hequr e drejta për të ndjekur penalisht autoritetet e Prishtinës për shkelje të të drejtave të njeriut, para një gjykate të njohur ndërkombëtarisht”, ka shkruar ajo.
Deputetja greke Bakoyannis ka përsëritur se në raport nuk ka dhënë qëndrim për shtetësinë e Kosovës duke thënë se po t’i kërkohej të shprehte mendim për shtetësinë, s’do ta kishte marrë përsipër përpilimin e raportit, pasi vjen nga Greqia që nuk e njeh Kosovën. Pavarësisht se çështja e shtetësisë së Kosovës nuk është çështje e raportit për pranimin e Kosovës, Bakoyannis thotë se është sulmuar nga lidershipi serb.
Bakoyannis ka komentuar edhe deklaratën e presidentit të Serbisë, Aleksandër Vuçiq, për negocimin e korrigjimit të kufijve mes Kosovës dhe Serbisë, më 2018.
“Pavarësisht faktit se negocimi i kufijve presupozon ekzistencën e dy shteteve (nëse jo, me kë po negocion?), për çka unë e kundërshtoj, e kam konsideruar këtë akt trimërie nga presidenti Vuçiq dhe jo akt tradhtie. Pragmatizmi është burim i paktë, por kritik në politikë dhe liderët që kanë arritur ndonjëherë promovimin e interesave të shteteve të tyre janë ata që nuk hezitojnë të dalin kundër instinkteve bazë të imagjinatës kombëtare”, ka shkruar Bakoyannis.
Raporti pozitiv i Bakoyannisit për pranimin e Kosovës në Këshill të Evropës pati marrë shumicën e votave në Asamblenë Parlamentare në prill. Tani pritet që për dy javë të mbahet votimi final në Komitetin e Ministrave, ku nevojiten 2/3 e votave për t’u pranuar si anëtare e plotë. /Telegrafi/
Mos u dorëzoni ndaj këtyre byrokratëve e udhëheqësve të korruptiar deri në palcë, z. Xhafer!
Nuk duhet lejuar askujt që në ditët e sotme, pas gjithë atyre dekadave vuajtje edhe të gjeneratës sonë nga pushtuesi serb, të uzurpojë pasurinë e patundëshme për kurrëfarë arësyetimi të rremë e në asnjë mënyrë.
Nëqoftëse veç qenka bërë plani urbanistik å~r ato ngastra, pa ju pyetur e pa u marrë vesh me juve, atëherë sot duhet patjetër që organet kompetente të ju ftojnë në takim për një marrëveshtje me komunen, ku ju, si pronarë legjitim të tokës duhet të zgjidhni alternativen më të mirë e më të përshtatshme, si p. sh. përfitimi juaj nga ato ndërtesa afariste, banesa e çfarëdo infrastrukture qoftë. Vetëm në këtë mënyrë komuna iu del disi në plotësim të të drejtës së dëmshpërblimit të eksplorimit të tokës tuaj.
Komuna dhe shoqëria e qytetit ju njohin fort mirë dhe e dijnë se ju nuk jeni njerëz që në ndonjë mënyrë frenoni zhvillimin apo ndërtimin e infrastrukturës ose planit urbanistik. Mirëpo, kur ata kanë arritur deri këtu pa marrëveshtje me ju, tani është koha që të ju japin ofertat më të mira të alternativës, ashtuqë as plani urbanistik të mos dështon, as ju të, vëllezërit Leci, të mos dëmtoheni në asnjë mënyrë me lejimin e tokës tuaj realizimit t~ urbanizmit të qytetit.
Këto gjëra duhet të rregullohen me ligj dhe shteti duhet pasur kujdes që të dëmshpërblen në mënyrë të kënaqshme shtetasin, respektivisht pronarin e tokës, pasurisë së patundshme.
Uroj që kjo çështje të zgjidhet sa më parë e në mënyrë të kënaqshme për familjen Leci.
I paska luajt nje interes i madh dikujt aty o mik!