Nis Konventa e PL- Meta ironizon Bashën: Nuk fitohet duke fjetur gjumë
11:04, 27/04/2024
Ka nisur zyrtarisht punimet Konventa Kombëtare e Partisë së Lirisë.
Kreu i kësaj partie, Ilir Meta përshëndeti delegatët e Konventës në nisje të punimeve në Pallatin e Kongreseve.
Ai nuk la pa bërë ironi me Lulzim Bashën.
“Kisha një lutje. Të çohemi në këmbë për atë vajzën e Fushë Arrëzit dhe delegatët e Fushë Arrëzit dhe Pukës që fituan kundër mafies.
E puth edhe Rrokun kryetarin e Pukës dhe Hilën dhe Bert Malajn e Memaliajt. Ashtu fitohet.
Nuk fitohet duke fjetur gjumë dhe as duke numëruar dhe shumëzuar 7 herë 7, 42”, tha Meta.
Meta paralajmëron: Kush është me Ilirin, të rrijë! Vulën s’na e merr Rama
Kreu i Partisë së Lirisë, Ilir Meta ka nisur fjalën me kritika ndaj anëtarëve të Konventës Kombëtare.
Meta u shpreh se është hera e fundit që Konventa e PL-së do të nisë 30 minuta me vonesë, duke shtuar se së shpejti do të ketë një parti të re “përballë këtij regjimi mafioz që ka kapur çdo instrument”.
Ai deklaroi se Edi Rama ka rrëmbyer vulën e PD-së dhe se e “gënjen mendja se mund të marrë edhe vulën e PL dhe të shuajë opozitarizmin”.
“Kjo është Konventa e fundit e Partisë së Lirisë që nis 30 minura me vonesë. Së shpejti do të kemi një Konventë të re dhe parti të re siç duhet përballë këtij regjimi mafioz që ka kapur çdo instrument, që ka rrëmbyer vulën e PD, partisë kryesore të opozitare në vend dhe e gënjen mendja se mund të marrë edhe vulën e Partisë së Lirisë dhe të shuajë opozitarizmin. Kërkoj falje që nuk do të mbaj ndonjë fjalim të bukur”, tha kreu i PL-së.
Meta ka paralajmëruar nga konventa e PL-së, të gjithë anëtarët e saj se kush është pro tij kur ai të zgjidhet president i kësaj partie, të qëndrojnë dhe të tjerët të ikin.
“Kush është me Ilir Metën, nëse votohet president, do të rrijë me Ilir Metën. Kush nuk është, jep dorën dhe ikën. Kush qëndron këtu për të bërë lojërat e Don Agaçit dhe atij torollakut, e ka gabim! Ilir Meta ka bërë shkollën e Ramiz Alisë dhe Nanos për t’u përballur me këtë mafie. Gabimi që bëra është se LSI shkoi me 6%. E dinim që ishin dy kompani izraelite që koordinonin bashkë, që kishin lidhje bashkë. Njëra punonte për Ramën e tjetra për Bashën, e të dyja bashkë kundër LSI”, tha Meta.
Meta: Rama e Basha merrnin miliona euro për kandidatët, unë vendosa të rinjtë në listat e deputetëve
Në Konventën Kombëtare të Partisë së Lirisë, Ilir Meta është shprehur se Edi Rama dhe Lulzim Basha kanë synuar të eliminonin Lëvizjen Socialiste për Integrim.
Meta po ashtu tha se dy kompani izraelite, të cilat punonin për Bashën dhe për Ramën, kanë punuar kundër LSI-së.
Kryetari i Partisë së Lirisë lëshoi akuza të forta ndaj kryeministrit Edi Rama dhe Lulzim Bashës se këta të fundit morën nga 1 milionë deri 2 milionë euro për të vënë të parët në listat e deputetëve në zgjedhjet parlamentare. Ai tha nga Konventa se vetë zgjodhi që të vendoste në lista të rinjtë.
“Organizimi sot fillon nga e para, në darkë do të mblidhemi me komisionin e organizimit dhe do të bëjmë bilancin e ditës së sotme, do e fillojmë nga vetja.
Pse gënjehet Ilir Meta me foto, bëj një foto 5 veta aty. Bënë mbledhje ata të rinisë e u mblodhën 15 veta.
Nuk dinte Ilir Meta si Luli dhe torollaku të merrte nga 1 milion euro, 2 milionë euro për të vënë të parin në Fier, të dytin atje apo këtu. Unë vura të rinj që të bëhen modele për të rinjtë”, tha ai.
Meta me tone të forta: McGonigalët mendojnë se ne jemi popull pulash! Të gjithë do kenë fatin e Dvoranit
Kryetari i Partisë së Lirisë, Ilir Meta, foli me tone të ashpra ndaj mafies ndërkombëtare që po operon në Shqipëri.
Ai sulmoi konkretisht Sorosin dhe McGonigalin.
“McGonigalët mendojnë se ne jemi popull pulash dhe thoni shkeleni Kushtetutën dhe bëjeni fërtele. Kështu e bëni ju? I betoni anëtarët e Gjykatës Kushtetuese tek Lana. E zgjidhni Prokurorin e Përgjithshëm me 69 vota nga 84 që e ka Kushtetuta? Turp, turp, turp për McGonigalët.
Do e kisha shpallur non-grata, por vetëm për marrëdhëniet me Italinë nuk e bëra, të dalë ambasadori i Italisë dhe të diskutojë për dekretin e presidentit, ku ndodh kjo?
Le të guxojë ndonjë ambasador në Shqipëri të diskutojë dekretet e Bajram Begajt unë i pari do t’i tregoj vendin e do të mbledh të gjithë Shqipërinë përpara asaj ambasade”, tha Meta.
“Sovraniteti i përket popullit. Nëndetësja 105 do kthehet në bazë. Kushtetuta do kthehet atje ku ishte.
Të gjithë do kenë fatin e Dvoranit. Të jeni të sigurtë se nuk është vepër e Sekretarit të Shtetit. Është vepër e McGonigalëve. Nuk i kanë thënë se ka qenë hetues, që futi në burg ata që rrëzuan bustin e Stalinit. Ai e ka kuptuar, se po ta kishte bërë me bindje, do ta kishte takuar Dvoranin.
Mirë, dakord unë u çmenda, po ti tarallak pse i dhe 7 vota Dvoranit. Si mundet këtë hero të antikorrupsionit të mos e çoje në Gjykatën Kushtetuese,” tha Meta ndër të tjera.
Meta: Vula pa parti merr 1 mln euro, komunitetet fetare vetëm 1.4 mln! Do iki kur të plotësohen 5 prioritetet
Këtë të shtunë, në Konventën e Partisë së Lirisë, Ilir Meta preku dhe marrëdhënien e qeverisë shqiptare me komunitetet fetare.
“Çdo vit s’ka asnjë ndryshim”, u shpreh Meta referuar raportit të DASH pikërisht për këtë çështje.
Sipas tij, 5 komunitetet fetare nuk mbështeten mjaftueshëm financiarisht nga shteti. Madje ai foli me shifra sa i takon buxhetit të partive krahasuar me paratë që marrin klerikët apo udhëheqës të tjerë fetarë.
“Përveç harmonisë e paqes, është problem i shtetit. Pra me pak fjalë, komunitetet fetare marrin nga buxheti i shtetit 1.4 mln euro në vit. Partia e Rilindjes merr 1.6 mln euro, ndërsa vula pa parti, merr 1 mln euro! Ky është problem se njerëz me shkollë, të përgjegjshëm që janë klerikë ikin sepse nuk kanë mundësi ekonomike.
Shtrijnë dorën kush t’u japë ndonjë fond, ka nga ata që japin fonde për qëllime të mira, ose nga ata që përpiqen të penetrojnë e të krijojnë probleme, ne na e kanë lënë amanet udhëheqësit e besimeve, pa atdhe nuk ka fe! Ishin ata që shpallën pavarësinë, ishin ata të Kongresit të Lushnjes, ka qenë meritë e tyre jo e partive politike. Nëse ne nuk i mbështesim nga buxheti i shtetit që mos t’i shtrijnë dorën askujt, atëherë ne i shërbejmë përcarjes fetare dhe shndërrimitt ë këtyure instuticioneve në instrumenta. Kam një premtim, është një detyrim që duhet ta kishim bërë me kohë se dhe Zoti do na kishte ndihmuar më shumë si komb.
Të gjitha pronat do të kthehen, të gjitha! Ose do të kompensohen sipas ligjit, minimum do dhjetfishohet që vitin e parë mbështetja për komunitetet fetare në mënyrë që që ta bëjnë detyrën e tyre me përkushtin ndaj Zotit dhe atdheut. Se ata merren më shumë me të varfrit se qeveria që i ka braktisur”, tha Meta në fjalën e tij.
Ilir Meta pati një mesazh në fjalimin e tij në Konventë, për të gjithë ata që kërkojnë që ai të largohet nga politka.
“Kushdo që Ilir Meta të largohet nga politika, duhet të votojë 5 prioritetet. Kur të bëhen 5 prioritete për 4 milionë shqiptarë, atëherë do iki. Gjyshet tona në Skrapar na kanë mësuar malet tona, edhe më të larta, kur kohët tona ishin më të vështira. Never give up”, tha Meta.
The shohim .kur te ndodhe arrestimi dhe sekuestrimi pronave dhe parave te zyrtareve te larte do besoj.jo me fjale por me vepra.se me fjale kemi 30 vjet qe degjojme kto gjera.
Ne qershor te vitit 2016 zoti Lu pat thene qe kjo gje do fillonte ne shtator. Iku shtatori 2016, iku shtatori 2017, iku shtatori 2018 dhe po iken edhe shtatori 2019 dhe asgje akoma. Ka vetem nje ndryshim qe vjedhja eshte rritur kudo.
Ja Ligji….
Ja Maliqi.