VOAL

VOAL

Oficerët gjyqësorë marrin audiopërgjimin e Agron Xhafajt. Ja kush e firmosi urdhrin

May 15, 2018

Komentet

‘Protesta masive’- AFP: Akuzat për korrupsion ndaj kryeministrit Rama po tronditin Shqipërinë

Protesta masive e opozitës shqiptare është pasqyruar edhe nga agjencia e madhe ndërkombëtare, AFP.

Gazetarja e kësaj agjencie, Sophie Wagner shkruan se ‘Akuzat për korrupsion ndaj kryeministrit Rama po tronditin Shqipërinë’.

“Në kryeqytetin shqiptar, Tiranë, mijëra dolën në rrugë për të protestuar kundër kryeministrit shqiptar, Edi Rama, për shkak të akuzave për korrupsion.

Protestuesit, kryesisht mbështetës të Partisë Demokratike të opozitës, po bëjnë thirrje për dorëheqjen e tij të menjëhershme”.

“Protesta zgjati rreth dy orë, siç raporton një gazetar nga agjencia e lajmeve AFP. Ndërkohë Rama ndodhej në Turqi për një vizitë zyrtare”.

“kryetari i PD dhe ish-kryeministri Sali Berisha, i cili ndodhet në arrest shtëpie që prej muajit dhjetor, iu drejtua protestuesve përmes video-lidhjes.

“Sot filluam luftën tonë për t’i dhënë fund diktaturës së Edi Ramës, i cili është një rrezik real,” tha Berisha. Ai akuzoi Ramën për sulm politik ndaj familjes së tij dhe për korrupsion.

Nga fundi, protesta u kthye e dhunshme, siç raporton AFP. Disa pjesëmarrës hodhën kokteje molotovi dhe gurë drejt selisë së qeverisë, rreth të cilës policia kishte ngritur një kordon sigurie. Nuk pati dëme apo të lënduar”, thekson agjencia.sn

‘Fox News’: Mijëra shqiptarë mblidhen në shesh kundër qeverisë socialiste

Qindra media ndërkombëtare po i bëjnë jehonë protestës së opozitës shqiptare mbrëmjen e kaluar.

Një prej tyre është edhe televizioni më i madh në SHBA, Fox News.

Rrjeti konservator amerikan shkruan se mijëra shqiptarë dolën në shesh kundër qeverisë socialiste.

“Mijëra mbështetës të opozitës shqiptare mbajtën një protestë antiqeveritare të martën, duke akuzuar kabinetin për korrupsion.

Protestuesit hodhën gurë dhe flakadanë ndaj policëve. Disa rrëzuan një gardh prej hekuri rreth godinës kryesore të qeverisë në kryeqytet.

Protesta, e cila përfundoi paqësisht, shënoi edhe 33-vjetorin nga rrëzimi i statujës kryesore të diktatorit komunist, Enver Hoxha.

Që nga tetori, ligjvënësit e opozitës kanë ndërprerë rregullisht seancat e parlamentit për të protestuar kundër refuzimit të socialistëve të krahut të majtë në pushtet për të krijuar komisione parlamentare për të hetuar rastet e dyshuara të korrupsionit, që përfshijnë kryeministrin Edi Rama dhe zyrtarë të tjerë të lartë.

Protesta e të martës tregoi gjithashtu mbështetje për ish-kryeministrin dhe liderin aktual të opozitës, Sali Berisha, i cili është në arrest shtëpie, ndërsa po hetohet për keqpërdorimin e postit të tij për të ndihmuar dhëndrin e tij që të privatizonte një tokë publike për të ndërtuar ndërtesa banimi”, shkruan rrjeti amerikan.sn

Berisha: Premtimi ynë – PD dhe Shqipëria do të fitojë! Unë po luftoj për ‘fëmijën’ tim, pluralizmin politik!

Fjala e liderit të opozitës, Sali Berisha, në protestën e 20 shkurtit.

Të dashur qytetare dhe qytetarë, të nderuar qëndrestare dhe qëndrestarë, misionarë të vërtetë të shpresës dhe të ardhmes së Shqipërisë.

Zonja dhe zotërinj, uragani juaj sonte është uragani i lirisë. Përshëndetjet më të përzemërta për ju që jeni mbledhur, keni mbushur sot Tiranën nga anekënd Shqipëria, nga të gjitha vendet e botës.

Fitimtarë, fitimtarë, fitimtarë. Zonja dhe zotërinj!

20 shkurti është një ditë në të cilën shqiptarët kremtojnë ngadhënjimin e tyre!

Çdo vit më 20 shkurt kemi nderuar një ditë, e cila ndau historinë tonë. Ndau epokën e barbarisë së luftës së klasave, tiranisë së mjerimit dhe izolimit ekstrem nga epoka e triumfit të njerëzve më të shtypur të Europës dhe ndëshkimit mbarëpopullor pas vdekjes së Enver Hoxhës, Hitlerit shqiptar të pas Luftës së Dytë Botërore. Duke përmbysur në Tiranë shtatoren e tij, zvarritur e copëtuar në rrugët e kryeqytetit.

Nderim përjetë guximtarëve, trimave, heronjve të 20 shkurtit për veprën e tyre të pavdekshme.

Por sot, për të parën herë në 33 vite, ky 20 shkurt eklipson për nga rëndësia atë të vitit 1991, sepse sot nuk kemi përpara simbolet e një diktature të bazuar në doktrinën marksiste-leniniste në luftën e njeriut kundër njeriut, por përballemi me një lloj të re diktature, e cila bazohet në aleancën e pushtetit me krimin, në shndërrimin e krimit në votë dhe votës në krim, vjedhjen e lemerishme të qytetarëve nga pushtetarët dhe trafikun e qindra tonelatave drogë dhe narkoeuro shqiptare, e cila ka shtrirë përtokë dollarin dhe monedhën europiane.

Sot në sheshin Skënderbej, ne nuk kemi shtatoren e bronzit të diktatorit stalinist, por para nesh qendron shtatorja e gjallë e diktatorit Edi Rama, pasardhësit të bllokmenëve hoxhistë, që njëlloj si diktatori tjetër, ka përqendruar në duart e tij të gjitha pushtetet dhe që do një Shqipëri pa opozitë, dhe që vjedh qytetarët shqiptarë, vret shpresën e tyre më shumë se askush në historinë tonë kombëtare.

Gjatë sundimit 10-vjeçar të tij, si kurrë ndonjëherë më parë, 1 milionë shqiptarë u larguan nga Shqipëria dhe integrimi europian i vendit u shndërrua në një horizont që largohet çdo vit e më shumë nga shqiptarët.

Por sot kjo ditë, për ju, për shqiptarët, është ditë besimi dhe guximi.

Le ta pranojmë miq, fjala që po mbaj tani përpara jush ishte llogaritur që të mos mbahej. Ky uragan madhështor që ka pushtuar Tiranën, ishte llogaritur që të mos ndodhte. Bashkimi ynë në diversitet ishte llogaritur të mos ndodhte.

Dhe Shqipëria ishte llogaritur që sot, në vitin 2024, të ishte një vend pa opozitë. Jo një kështjellë e socializmit si dikur, por një narkoshtet pa opozitë në brigjet e kaltërta të Adriatikut.

E nisën kundër nesh bashkë këtë betejë dy vite me parë me dy fjalë famëzeza që përdorën si plumba kundër opozitës shqiptare, non-grata, një term i përdorur në të njëjtën mënyrë si dikur, armik i popullit. Menduan se do na asgjësonin. Asnjë provë, asnjë fakt, asnjë dokument. Por gabuan!

Sot pas tre vitesh hetime intensive në Shqipëri dhe kudo në botë, nuk kanë gjetur asnjë provë, asnjë fakt, apo dokument të provojë akuzën e tyre të rreme. Kurse vetëm katër ditë më parë, gjykata e Uashingtonit dënoi me 3 vjet burg McGonigalin, një lobist i korruptuar shpalljes time non-grata nga Edi Rama.

Fill pas kësaj na grabitën vulën e partisë, ndonëse dy palë zgjedhje, tre votëbesime ju kishit shprehur vullnetin tuaj. E ndaluan emrin e Sali Berishës në fletën e votimit. Na mohuan financat, na mohuan komisionerët në qendrat e votimit. Qeveria, mediat më të fuqishme, diplomatë dhe ambasadorë të korruptuar nga narkoqeveria u frynë qëllimisht zjarrit të përçarjes dhe konfliktit midis nesh. Dhe së fundmi, njësoj si në Rusinë e Putinit, lideri i opozitës u arrestua si person nën hetim dhe u tentua t’i ndalohej fjala e lirë.

Të gjitha këto vetëm e vetëm se ai, në mbrojtje të interesit publik dhe kombëtar, denoncoi fuqishëm korrupsionin qeveritar, por dhe atë ndërkombëtar. Denoncoi korrupsionin e Edi Ramës dhe qeverisë së tij si armikun më të egër të qenies së qytetarëve shqiptarë.

Të gjitha këto vetëm e vetëm pse ai mbrojti i palëkundur interesin e kombit shqiptar, denoncoi projektet antishqiptare, por edhe antieuropiane, serbo-ruse, të Aleksandër Vuçiçit, argatit të tij Edi Rama, të mbështetura fuqimisht nga Sergej Lavrov, ama jo edhe më pak nga Aleksandër Soros.

Dhe në fakt, për të gjitha këto sot, ne nuk duhej të ekzistonim politikisht. Por ne fituam miq!

E gjithë kjo luftë kundër nesh u bë që sot ne të ishim të përçarë, të ishim të shtrirë përtokë, që sot ne të mos ishim këtu. Që Shqipëria sot të mos kishte opozitë. Por ne realizuam të pamundurën, ne realizuam atë që nuk e parashikonte asnjë njeri.

Asnjë opozitë në planet nuk do ekzistonte pas sulmeve barbare që u bënë ndaj nesh. Siç nuk ekziston opozitë në Rusi, siç nuk ekziston opozita në Bjellorusi, në Iran apo Uganda ku janë marrë masa të të njëjta si këto kundër nesh.

Ndaj dhe ju vini sot në këtë shesh si heronj. Po, po. Si heronj të të vërtetës, heronj të guximit dhe dinjitetit njerëzor, heronj të pluralizmit, heronj të antikorrupsionit, heronj të atdhetarizmit. Ju vini si heronj të betejave të fituara.

Nder paçi gjithmonë!

Këto dy vite ju zgjodhët të vështirën, zgjodhët të pamundurën, zgjodhët Davidin në betejën me Golian, vetëm e vetëm se pse ju besoni te e vërteta.

Ju keni 10 vite në opozitë të pamerituar, topitëse, por edhe besëprerë. Ju keni fëmijë, ju keni 1001 derte dhe halle, me punë dhe pa punë, me para dhe pa para, të sëmurë, me ilaçe dhe pa ilaçe.

Të gjithë ju në një moment kritik për kombin, ju zgjodhët të mbronit të vërtetën, bindjet e ndershme tuajat.

Në një skenar të Edi Ramës dhe mafies ndërkombëtare, që synonte të asgjësonte opozitën e vërtetë, ju vendosët të sakrifikonit interesat personale dhe të luftoni me gjoks, ballëlartë për të vërtetën. Të bindur se kjo ishte rruga për të mbrojtur dinjitetin tuaj, për të mbrojtur opozitën, sovranitetin, pluralizmin, interesin kombëtar, të ardhmen e Shqipërisë.

Ju jeni heronjtë e vërtetë.

Nderim paçi gjithmonë.

Shqipërinë e ndërtojnë shqiptarët dhe jo tradhtarët!

Miqtë e mi!

Për ju Shqipëria moniste është e shkuara e zezë e saj, kurse korrupsioni i qeverisë është armiku më i pamëshirë, më i rrezikshëm për ju dhe për të gjithë shqiptarët. Dhe siç është faktuar tashmë, korrupsioni i Edi Ramës është rrezik real edhe për miqtë dhe partnerët tanë kudo në botë.

Të dashur miq!

Duhet të kuptoni se sot është një ditë e shënuar për PD-në dhe jo vetëm. Sot është një ditë e shënuar për demokracinë. Sot është një ditë e shënuar për fatin e Shqipërisë.

Ndaj e nisa fjalën time duke thënë se, ky 20 shkurt është edhe më i rëndësishëm se 20 shkurti i rrëzimit të shtatores së diktatorit. Sepse ne inaugurojmë sot misionin tonë në Tiranë dhe mbarë Shqipërinë, betejën pa kthim të mosbindjes civile kundër diktaturës së dytë, të bazuar në krimin, drogën, vjedhjen e shqiptarëve. Betejën për çlirimin e Shqipërisë dhe shqiptarëve nga narkodiktatura e shëmtuar e Edi Ramës.

Ne inaugurojmë betejën popullore pa kthim për rikthimin e votës së lirë dhe çeljen e dyerve të integrimit evropian të Shqipërisë, të mbyllura nga regjimi i Tiranës.

Ne në këtë protestë uragan përcjellim mesazhin për botën se populli opozitar do i rezervojë diktaturës së dytë, domethënë narkoshtetin të Edi Ramës, fatin që meriton, fatin që i rezervuam diktaturës komuniste 33 vite më parë.

Të dashur miq!

Ju jeni heronj të vërtetë të pluralizmit, sepse në ditët më të zeza për opozitën shqiptare, ju nuk u dorëzuat.

Pasi u vodhën vulën, logon e partisë, ju ndaluan emrin e kryetarit të partisë në fletën e votimit, 600 mijë prej jush, nxorët përpara gjokset presionit dhe shantazhit të narkoregjimit, por edhe mafies ndërkombëtare, dhe thanë jemi të pamposhtur.

Nderimi paçin gjithmonë mbështetësit tonë!

Ju jeni heronj të vërtetë, sepse ju nuk iu dorëzuat frikës kur u arrestua politikisht lideri juaj, por krijuat Rrugën e Shpresës duke sjellë dritë në momentet më të errëta në zemrat e shqiptarëve.

Po, po ju jeni heronj të vërtetë dhe unë ndihem sot më krenar se kurrë me secilin prej jush, sepse tentuan t’ju zhdukin me armën me të tmerrshme të korrupsionit transnacional me gjykata të korruptuara, me McGonigalër dhe të tjerë, me sulme mediatike, por ju prapë jeni këtu më shumë se kurrë, më të bashkuar se kurrë, më të fortë se kurrë.

Mirënjohje, mirënjohje, mirënjohje pa kufi për ju!

Por sonte, më i fortë se kurrë është premtimi ynë se PD do të fitojë, se opozita do të fitojë, se Shqipëria do të fitojë.

Rroftë opozita shqiptare!

Zonja dhe zotërinj!

Shqipëria do të fitojë sepse sot Shqipëria beson. Një histori epike kjo që kaluam këto dy vite të dashur miq. Sot është rikthimi i PD, sepse fituam kundër një agresioni që na u bë dhe u bashkuam. Sot është rikthimi i opozitës shqiptare, më e fortë dhe e orientuar se kurrë në betejën pa kthim kundër pushtetit monist të Edi Ramës.

Por në fakt miq, sot është rikthimi i Shqipërisë, sepse sot në masivitetin tuaj, në energjinë tuaj, në guximin tuaj, në bashkimin tuaj, ka ndezur besimi te të gjithë shqiptarët. Dhe besimi është kushti i të gjitha kushteve për çdo fitore. Historia na mëson se pushteti merret në momentin kur ti fiton besimin.

PD erdhi në pushtet për herë të parë në vitin 1992. Por, po ky ishte vetëm realiteti i një procesi që nisi me besimin në fitore. Momenti i vërtetë që çdo demokrat e kuptoi se kishim marrë pushtetin, ishte një vit para se të fitonim zgjedhjet. Ishte pikërisht dita kur rrëzuam shtatoren e satanit 33 vjet më parë.

Sepse duke rrëzuar shtatoren, rrëzuam një mit fals.

Duke rrëzuar shtatoren, ne ndezëm besimin që mungonte në 47 vite.

Dhe ishte ky besim që na solli fitoren, përballë të gjitha pengesave që na nxorën. Sepse kur beson në fitore, nuk ka forcë që mund ta vjedhë atë prej nesh. Kur beson në fitore, nuk ka sulm që nuk përballohet. Kur beson në fitore, edhe Zoti i madh rreshtohet në krahun tënd.

Lavdi Zotit!

Miqtë e mi!

Historia u përsërit sot, prandaj PD sot ka fituar.

Sepse sot, kur shqiptarët na shohin bashkë pas gjithë brutalitetit që na është bërë, kur shqiptarët na shohin bashkë pas konflikteve tona të brendshme, kur shqiptarët na shohin bashkë kaq shumë në nnumër, besimi rikthehet në çdo shtëpi, në çdo lagje, në çdo rrugë, në çdo fshat, në çdo qytet.

Por më e rëndësishmja, besimi sot rikthehet në zemrat e çdo shqiptari dhe zemrat edhe të atyre 83 përqind të shqiptarëve që gjer sot shikonin si mundësi vetëm largimin nga Shqipëria.

Besimi i rikthehet sot atyre shqiptarëve që nuk shtyjnë dot muajin, që nuk dot shportat me ushqimet më jetike. Atyre shqiptarëve që nuk sigurojnë dot ilaçet e tyre, atyre që shohin fëmijët t’u rriten në mjediset më të këqija, që shohin antivlerat që kanë zëvendësuar traditat tona, që shohin shqiptarin e sotëm të formohet dhe ushqehet me veset më të këqija të qenieve njerëzore.

Ju sot, ju bëtë shqiptarëve dhuratën më të çmuar, dhuratën e besimit, dhuratën e shpresës, por më e rëndësishmja dhuratën e fitores. Sepse sot PD, dhe opozita është e pandalshme, është gati dhe në këmbë.

Me këtë besim që ngjallëm sot, ne ndryshuam rrugën e fatit. Rruga e PD dhe opozitës nga sot ndryshoi. Rruga e asgjësimit të opozitës që ishte llogaritur, ne sot kemi rrugën e fitores.

Rruga e fatit të Shqipërisë, nga sot ndryshoi.

Nga rruga e shpopullimit, Shqipëria është sot në rrugën e shpëtimit. Kjo është forca e besimit. Me këtë forcë u rrëzua shtatorja e diktatorit. Me këtë forcë rrëzohen shtatoret e tyre të gjalla. Me këtë forcë rezistohet çdo sulm. Me këtë forcë fitohet në çdo zgjedhje, çdo betejë.

Miq!

Përfitoj nga atmosfera elektrizuese për t’i kujtuar sot çdo shqiptari, pse ne jemi në këtë shesh, pse ne po luftojmë?

Dhe për këtë duhet t’u them se pas këtij uragani lemeritës dhe të frikshëm për aleancën e qelbësirave, megafonët e tyre do të ushtojnë në të katër anët, të dezinformojnë, të shpifin, të shprehen se ju po luftoni për hallet e Sali Berishës.

Kur në fakt edhe njeriu me naiv e kupton se të ashtuquajturat halle të Berishës, janë vetëm sulme politike ndaj meje dhe ndaj jush.

Cilat halle ka Berisha? Ato halle që u shfaqën 10 vite pas ishte pa asnjë pushtet? Ato halle që unë denoncova projektet e serbomadhisë dhe rusomadhisë në rajon? Ato halle që unë denoncova çdo ditë vjedhjet më të mëdha të Edi Ramës? Ato fakte që unë denoncova lidhjet e tmerrshme të pushtetit me krimin.

Ato fakte që nisën çuditërisht ditën që unë kundërshtova bashkëqeverisjen e PD me aleancën e qeblësirave, me Rilindjen.

Jo miq, Sali Berisha nuk ka halle. Por Sali Berisha është halli më i madh i Edi Ramës dhe miqve të tij, Vuciç, Xhorxh dhe Aleksit Soros dhe mafies ndërkombëtare. Prandaj dhe jam sulmuar politikisht. Sepse sot unë luftoj njëlloj si ju për opozitën e vërtetë, për dinjitetin e shqiptarëve. Luftoj kundër korrupsionit dhe për interesin kombëtar.

Nesër do ju thonë se po luftoni për fëmijët e Berishës, kur në fakt njeriu më naiv e kupton se familja ime është goditur pikërisht se unë zgjodha të luftoj për shqiptarët.

Dhe harrojnë mjeranët, se fëmijët e Sali Berishës janë fëmijët e shqiptarit.

Ç’është e vërteta miq, Sali Berisha po lufton për një nga fëmijët e tij, por kësaj radhe, jo për fëmijët biologjikë. Sot Sali Berisha po lufton për fëmijën e tij, fëmijën që së bashku e sollëm në jetë 33 vite më parë, pluralizmin politik të Shqipërisë.

Është e rëndësishme miq që midis këtij tymi dezinformimi ne të rikujtojmë shqiptarët pse po luftojmë. Sepse sot çdo shqiptar ka nevojë më shumë se kurrë t’i dëgjojë këto arsye. Ne po luftojmë, sepse e duam Shqipërinë.

Po miq, ka njerëz që sot e duan shumë Shqipërinë. Po miq, ka politikanë që sot e duan shumë Shqipërinë. A jemi ne të pagabueshëm? Absolutisht jo, por kurrsesi nuk jemi kurrë si ata. Jo, jo po të ishim si ata sot ishim në bashkëqeverisje me Rilindjen.

Po të ishim si ata sot, Brava do vazhdonte në krye të opozitës false. Po të ishim si ata sot, familjarët tanë nuk do ishin të arrestuar dhe të persekutuar, por do të mërrnin tendera nga qeveria, sepse ky është sistemi që ka ngritur Edi Rama.

Berisha nuk do të ishte non grata, as edhe nën arrest shtëpie. Por ne së bashku zgjodhëm më të vështirën, sepse ne e duam Shqipërinë. Sepse Shqipërinë e bëjnë shqiptarët dhe nuk e bëjnë tradhëtarët. Shqipërinë e bëjnë njerëzit e ndershëm, dhe nuk e bëjnë kurrë ata që e vjedhin atë.

Ne sot luftojmë për Shqipërinë, ne luftojmë për dinjitetin e shqiptarëve, por kryesorja ne po luftojmë për të ardhmen në Europë të rinisë shqiptare.

Zonja dhe zotërinj!

Shpopullimi është kërcënimi më ekzistencal për kombin tonë në të gjithë historinë tonë mijëravjeçare. Kanë ikur 1 milion shqiptarë në 10 vite. 87 përqind e atyre që kanë mbetur, e kanë mendjen të ikin. Me këto ritme, Shqipëria do mbetet pa shqiptarë. Kjo do sjellë humbjen e saj, të traditave tonë, gjuhës, flamurit tonë.

Prandaj miq, përballë këtij kërcënimi, i bëj thirrje çdo shqiptari sot të mos shohë veten si demokrat, si socialist, por vetëm si shqiptar. Sepse pikë së pari, ne jemi shqiptarë e pastaj jemi demokratë, socialistë apo pa parti.

Dhe shembullin më të mirë për të dalë mbi veten tonë, e ka dhënë ditët e fundit PD, duke shembur tabunë më të rëndë të trashëguar nga komunizmi, tabunë e politikës së konfliktit, tabunë se nëse nuk je me mua, je armiku im.

Atë tabu që sot e ka kthyer PS-në në një organizatë kriminale të Rilindjes. Atë tabu që sot burgos liderin e opozitës. sepse e di se nëse ai është i lirë, ti e di se nuk fiton kurrë zgjedhje më.

Dhe harroje Edi Rama se do fitosh më zgjedhje në Shqipëri!

Zonja dhe zotërinj!

Bashkimi i PD e ka futur politikën shqiptare në një epokë të re. Ne faktuam me bashkimin tonë se demokracia jonë e brendshme është e njëjtë me partitë e mëdha bashkëkohore, të cilat i kemi frymëzim.

Është ky unitet në diversitet që shqiptarët nuk e kishin arritur njëherë në 33 vite. Është ky unitet në diversitet, dhurata më e çmuar e PD për shqiptarët. Është kjo demokraci e brendshme që do e aplikojmë në qeverisjen tonë.

Prandaj dhe kjo qeverisje, do të jetë më e shkëlqyera që ka pasur ndonjëherë Shqipëria. Prandaj dhe kjo qeverisje do të shpëtojë pluralizmin. Prandaj dhe kjo qeverisje do të shpëtojë demokracinë. Prandaj dhe kjo qeverisje do ripopullojë Shqipërinë.

Sepse moto jonë në këtë qeverisje nuk do jetë: E duam Shqipërinë si gjithë Europa, por do jetë: Ta bëjmë Shqipërinë si gjithë Europa.

Si do ta arrijmë ne këtë? Cili do të jetë programi i PD? Një pyetje shumë e drejtë që gjithmonë bëhet. Programi i PD është bazuar në një koncept të thjeshtë, tërësisht inovator.

Zonja e zotërinj, të dashur miq!

Përpara ne kemi problematika shumë komplekse, të vështira, të krijuara nga regjimi i Edi Ramës.

Këto probleme janë politike, shqiptarët nuk votojnë, pluralizmi politik është në agoni, janë ekonomike. 10 vite korrupsion, vjedhje dhe grabitje të shqiptarëve kanë rrënuar financat e shtetit dhe të qytetarëve, korrupsioni është kthyer në sinonim të qeverisë.

Ne përballemi sot me katastrofën e shpopullimit. Janë një sërë kushtesh të kalkuluara që detyrojnë shqiptarët të largohen nga Shqipëria.

Sot nuk ka më ëndërr shqiptare, ëndërr e cila ka bërë dhe do të bëjë Shqipërinë. Ndaj edhe duhet të bëjmë gjithçka për kapërcimin sa më shpejt të kësaj situate emergjente, pothuaj katastrofale të krijuar nga Edi Rama.

Për këtë ne kemi jë program, i cili mund t ëpërmblidhet në dy fjali, program që bazohet, investim te qytetari, progrma që bazohet në zbatimin e ligjit, program që bazohet në liritë e qytetarit, garantimin dhe respektimin e tyre.

Me shpejtësi dhe brenda një mandati ne do ia dalim të dyfishojmë rrogat, të dyfishojmë pensionet, të vendosim minimumin jetik që të mos ketë më lot mjerimi në sytë e shqiptarëve.

Pasi të nxjerrim shqiptarët nga aty ku ishim në krye të rajonit për rroga dhe pensione, pasi të ulim taksën e sheshtë në 10 përqind do ecim të sigurtë drejt mesatares së rrogës në BE.

Ku do i gjejmë këto para, më thoni mua? Këto para janë të gjitha, nuk janë as 40 përqind të atyre që vjedh Rilindja, duke ndërtuar rrugë me 10-15 fishin e çmimit që ndërtohet në Europë. Që vjedh Rilindja me djegësat, me sterilizatorët, me PPP-të, me luksin e shfrenuar.

Miqtë e mi!

Rrogat e trefishta nuk janë fantazi, utopi, janë rrogat që duhej të kishit ju sot, duhej të kishin shqiptarët sot nëse nuk do të ishin vjedhur në mënyrë më të papërmbajtur.

Kështu që ne e nisim me investimin tek shqiptari, duke besuar në aftësitë e tij, duke besuar se paratë në kontot e tij janë më të vlefshme se në kontot e shtetit.

Të dashur miq!

Në rast se ndalemi në dramën 10 vjeçare të Shqipërisë, një nga dramat më të mëdha që ka njohur Europa, një vend i cili nga vendi në krye i rajonit për rrogat dhe pensionet, zbriti në mënyrë të rrufeshme në fund.

Një vend i cili rritej në popullatë nga vitit në vit, humbi gjatë këtyre 8 viteve të fundit, më shumë se çdo vend tjetër i planetit, në luftëra, konflikte apo fatkeqësi natyrore. Më shumë se çdo vend tjetër në çdo luftë botërore, dhe askush  nuk ndalet, bëjnë sikur nuk ka ndodhur.

Jo miqtë e mi, Shqipëria është tokë e bekuar.

Në të gjithë kontinentin, nga Mesdheu në detërat e veriut nuk gjenden kund 28 mijë kilometra katrorë që të kenë pasuritë përrallore që ka toka shqiptare.

Por Edi Rama, ky Pashiq i Tiranës, kreu një gjenocid të vërtetë, me arrestimet e tij, me dhjetëra mijëra në vit për çështje civile, me shkatërrimin e banesave dhe bizneseve, i trajtojnë shqiptarët si pushtues i egër.

U vrau atyre shpresën në çdo votër, duke u rrëmbyer votën, kontrolluar vullnetin njëlloj si në diktaturën hoxhiste.

Demokratë e demokrate!

Sot ne nisëm betejën para së gjithash dhe mbi të gjitha të mosbindjes civile për votën e lirë.

Pa zgjedhje të lira Shqipëria nuk do të ketë kurrë paqe dhe stabilitet.

Beteja jonë pa kthim për votën e lirë është betejë për jetën, ose vdekjen e demokracisë në Shqipëri.

Ne do të fitojmë.

Beteja jonë pa kthim për votën e lirë është betejë për dinjitetin tonë njerëzor, vota e lirë është thelbi i lirive tona.

Ne do të fitojmë.

Beteja jonë pa kthim për votën e lirë është betejë për dinjitetin kombëtar.

Vota e lirë është dallimi themelor mes kombeve të lira dhe kombeve të shtypura.

Shqiptarëve do u kthejmë votën e lirë.

Ne do të fitojmë.

Beteja jonë pa kthim është betejë për votën e lirë, sepse është kushti i të gjitha kushteve për vendosjen e shtetit ligjor, garantimin e lirive dhe të drejtave të qytetarëve shqiptarë, luftën ndaj korrupsionit dhe krimit të organizuar. Ne do të fitojmë.

Beteja jonë pa kthim është betejë për votën e lirë, sepse është kushti më kryesor për rikthimin e shpresës tek shqiptarët. Ne do të fitojmë.

Beteja jonë pa kthim është betejë për votën e lirë, sepse vota e lirë është çelësi kryesor për hapjen e dyerve të mbyllura të Europës për Shqipërinë. Ne do të fitojmë.

Beteja jonë pa kthim është betejë për votën e lirë, sepse është kushti i të gjitha kushteve për fitoren e opozitës.

Rrofshi ju, Rroftë Partia Demokratike, Rroftë opozita, Rroftë Shqipëria, Zoti e bekoftë Shqipërinë, flamurin, kombin shqiptar. Fitore, fitore, fitore.

VOA: Protesta e opozitës, Berisha: Betejë pa kthim në të gjithë vendin

Zoti Berisha duke ju drejtuar protestuesve me një fjalim nga shtëpia ku ai ndodhet në arrest

Armand Mero

Në Shqipëri, pas muajsh të gjatë përplasjesh në parlament, opozita mblodhi mbrëmjen e së martës mbështetësit e saj përpara selisë së qeverisë, në një protestë, e cila siç deklaroi ish kryeministri Sali Berisha, “inauguron sot misionin tonë në Tiranë dhe mbarë Shqipërinë, betejën pa kthim të mosbindjes civile kundër diktaturës së dytë” të kryeministrit Edi Rama.

Gjatë protestës nuk munguan incidentet. Në përfundim të fjalës së zotit Berisha, shishe të shumta me lëndë djegëse fluturuan drejt godinës së qeverisë, e po ashtu dhe copa guri nga disa vazo që u thyen nga protestuesit. Përpjekjet për të çarë gardhin metalik, nuk shkuan më tej, dhe nuk u rregjistruan përplasje me policinë e cila nuk ndërhyri për asnjë moment. Në përfundim të protestës, sipas një njoftimi të zyrës së Avokatit të Popullit, ka rezultuar se deri në orën 22.00 janë shoqëruar në komisariate 11 persona, nga të cilët, njëri prej tyre “pretendon se është dhunuar gjatë kësaj proteste nga policë civilë, në momentin e ndalimit. Shtetasi A.M kishte shenja të dukshme lëndimi në fytyrë, enjtje dhe mavijosje në syrin e majtë dhe Avokati i Popullit i mori një ankesë e cila do të trajtohet në vijim”, thuhet në njoftim.

Zoti Berisha ju drejtua protestuesve përmes një lidhjeje të drejtpërdrejtë nga shtëpia e tij, ku prej fundit të vitit të kaluar ai është në arrest shtëpie, pasi refuzoi të respektonte vendimin e gjykatës së posaçme për “detyrim paraqitje” dhe “ndalim të lëvizjes jashtë vendit”. Zoti Berisha është nën hetim, nën dyshimet për korrupsion lidhur me procedurat e privatizimit të ish kompleksit sportiv Partizani.

Opozita zgjodhi të protestonte në një ditë simbol për historinë e pluralizimit në Shqipëri, ditën kur 33 vjet më parë në Tiranë u rrëzua busti i diktatorit Enver Hoxha. Duke hequr paralele me këtë datë zoti Berisha theksoi se mesazhi që përcillet është se, “populli opozitar do i rezervojë diktaturës së dytë, domethënë narkoshtetit të Edi Ramës, fatin që meriton, fatin që i rezervuam diktaturës komuniste 33 vite më pare”.

Protesta u mbajt në një konteskt të ri zhvillimesh brenda opozitës. Pas gati dy vitesh përplasjesh të forta, që çuan në copëzimin e Partisë Demokratike, forcës kryesore të së djathtës, tanimë janë ravijëzuar dy linja, nga njëra anë zoti Basha, i mbetur me një numër të kufizuar deputetësh, por që ka në dorë siglën dhe vulën zyrtare të PD-së, dhe nga ana tjetër Rithemelimi, apo grupimi i ish kryeministrit Sali Berisha, të cilit iu bashkangjitën dhe deputetët që mbështesin kreun e grupit parlamentar Gazmend Bardhi. Këta të fundit gëlltitën akuzat e forta që kishin shkëmbyer mes tyre në emër të asaj që e quajtën “bashkim në diversitet”, për të krijuar një front kundër shumicës socialiste të kryeministrit Edi Rama.

Bashkëpunimi mes tyre prej disa muajsh në parlament, u shoqërua me një përfshirje dhe në strukturat partiake. Sekretari i përgjithshëm i Rithemelimit Flamur Noka, dhe zoti Bardhi, hodhën pas shpine atë çfarë kishin thënë për njëri tjetrin, duke u shfaqur së bashku në bazën demokrate. Si zoti Noka, ashtu dhe zoti Bardhi ishin ndër folësit kryesor para manifestuesve në protestë.

Këtij bashkimi i bëri jehonë dhe zoti Berisha në fjalën e tij. “Sot, kur shqiptarët na shohin bashkë pas gjithë brutalitetit që na është bërë, kur shqiptarët na shohin bashkë pas konflikteve tona të brendshme, kur shqiptarët na shohin bashkë kaq shumë në numër, besimi rikthehet në çdo shtëpi, në çdo lagje, në çdo rrugë, në çdo fshat, në çdo qytet. Bashkimi i PD e ka futur politikën shqiptare në një epokë të re. Është ky unitet në diversitet që shqiptarët nuk e kishin arritur njëherë në 33 vite. Është ky unitet në diversitet, dhurata më e çmuar e PD për shqiptarët”, u shpreh zoti Berisha.

Mbetet të shihet se cili do të jetë aksioni i ardhshëm i opozitës, e cila për muaj të tërë ka provuar forma nga më të ndryshmet për të penguar zhvillimin normal të seancave parlamentare. Një qëndrim i cili sipas tyre është kushtëzuar nga sjellja e shumicës, pas refuzimit nga ana e saj të disa kërkesave për ngritjen e komisioneve hetimore, apo dhe të ndryshimit të përbërjes së Komisionit të Posaçëm të Reformës zgjedhore, ku kërkohet zëvendësimi i atyre deputetëve demokratë që janë me zotin Basha.

Ne duam drejtësi, paqe, liri e mirëqenie- Nga Prof.Dr.Mehdi HYSENI  

Barometri diplomatik

-Por, kjo është e vështirë të arrihet  pa balancimin e sistemit të marrëdhënieve politike ndërkombëtare pa zbatuar konceptin pragmatik të koekzistencës paqësore, e cila do të pezullonte konfrontimin ose rivalitetin  mes aleancave me sisteme të ndryshme ekonomiko-politike dhe shqoërore. Krijimi i një sistemi të tillë në  doktrinën dhe në praktikën e shkencave të marrëdhënieve  ndërkombëtare quhet “baraspeshim i forcave”  të fuqive të mëdha evropiane siç ishin  ato  të krijuara pas Kongresit të Vjenës (“1 shtator 1814 deri më 9 qershor 1815 , me ç’rast   u tërhoqën kufij të rinj mes shteteve në hartën politike të Evropës pas luftërave dështuese të Napoleonit të Francës”), kur Evropa jetonte në “hijen” e ashtuquajtur “Koncerti” i fuqive të mëdha. Në këtë rast, në  vend të dominimit të Francës si  fuqi e  vetme mbrojtëse e Evropës,  shfaqen edhe disa fuqi të tjera mbizotëruese dhe mbrojtëse të sigurisë kolektive të Evropës. Kështu u krijua  nocioni modern i fuqive të mëdha, që  në të vërtetë njihej edhe si “klub i fuqive të mëdha”.

Po tani, pas dy shekujsh, çfarë mund të bëjmë që siguria kolektive dhe koekzistenca paqësore sërish të bëhen “temë kryesore” debati ndërmjet Rusisë dhe Amerikës me aleatët e saj evropianoperëndimorë, që ndërprejnë armiqësitë dhe mosmarrëveshjet e tyre,  të krijuara pas invadimit të Ukrainës nga ana e Rusisë Vladimir Putinit, më 14 shkurt 2022 ?

-Thjesht, logjika e shëndoshë e thotë se duhet kërkuar  mundësi dhe forma  të përshtatshme për t’i normalizuar mardhëniet e tyre , në mënyrë që të ringjallet mirëbesimi dhe bashkëpunimi i dikurshëm mes Rusisë dhe aleatëve të saj evropianoperëndimorë me SHBA-në në krye.

Për të tjekaluar status quo-n e marrëdhënieve të brishta mes Moskës dhe Uashingtonit,  veç vullnetit dhe gatishmërisë së tyre, nevojitet edhe reflektimi i praktikës së mëparshme të marrëdhënieve të sukseshme mes Rusisë, Evropës Perëndimore dhe Amerikës. Për këtë qëllim, pikësëpari, duhet të vijë në shprehje vendosja e ekuilibrit të marrëdhënieve ndërmjet Amerikës dhe Rusisë, si dhe e aleatëve të tyre, në mënyrë që të  shmanget konflikti i hapur i armatosur   dhe konfrontimi i direkt, duke përdorur dialogun paqësor në vend të përdorimit të politiks së forcës. Mirëpo, nëse kjo procedurë racionale paqësore nuk mund të realizohet në praktikë, atëherë si opcion mbetet vetëm forca (lufta), e cila shpie në rreziqe  me pasoja të mëdha për  qëndrueshmërinë, sigurinë dhe paqen e përgjithshme të bashkësisë ndërkombëtare.

Për të evituar një katastrofë të tillë për rendin ndërkombëtar, patjetër, duhet të vijë në shprehje zbatimi i dispozitave të Kartës së Kombeve të Bashkuara në mënyrë që t’i kundërvihen bashkërisht   ta parandalojnë çdo pretendues, që synon prishjen e  ekuilibrit të sistemit  të marrëdhënieve ndërkombëtare paqësore. Kjo do të ishte strategjia më efektive e diplomacisë preventive kundër çdo zotërimi monocentrik të një fuqie, domethënë kundër krijimit të një shteti hegjemonist, që  ineteresin dhe vullnetin e vet do t’ua impononte të gjithë të tjerëve, sikur që po veprojnë në praktikë Serbia ( e cila në dekadën e fundme të shekullit XX, në rolin e “superfuqisë ballkanike” kreu 3 agresione dhe  3 gjenocide kundër Kroacisë, Bosnjës dhe Kosovës, 1989-1999) dhe Rusia, e cila e ankesoi Krimenë, më 2014, si dhe më pas e  invadoi me agresion Ukrainën, më 14 shkurt 2022, nuk u penalizuan juridikisht nga OKB-ja, sipas Kartës së Kombeve të Bashkuara dhe, sipas së drejtës ndërkombëtare.

       Fati i Kosovës është në duar të Amerikës dhe të NATO-s, jo të Serbisë e as të Rusisë !

Prandaj, e gjithë politika propagandistike e mediave shqiptare në Ballkan nevojitet të ndërprejë fushatën e  ushtrimit të strategjisë së frikës sidomos ndaj shqiptarëve në Kosovë, duke bërë panik dhe zhurmë të panevojshe, se gjoja “Rusia dhe Serbia me një këmbë janë në Kosovë”; se të gjithë kufijt e Kosovës “janë në shtetërrethim të ushtrive, paraushtrive, mercenarëve dhe të policive të Serbisë”…e  broçkulla të tjera, të përimituara nga tablloidet politiko-propagandistke ruso-serbe të Beogradit, se gjoja “ shteti i pavarur dhe sovran  i Kosovës është buzë shthurjes së tij përfundimtare”(!?)

Ndër të tjera, e gjithë kjo propagandë e rreme filoruso-serbe, ka për qëllim, që t’i detyrojnë shqiptarët t’i braktisin vendet e punës, shtëpitë, banesat dhe pronat e veta, dhe të emigrojnë në shtete të ndryshme të Evropës, si dhe në Amerikë, në Kanada dhe në Austali etj, sepse kjo është forma më e lehtë dhe më lukrative e strategjisë afatgjatë e Serbisë kolonialiste dhe gjenocidale, që të zvogëlojnë strukturën demografike të shqiptarëve në Kosovë, në mënyrë që ta serbizojnë më leht dhe pa luftë Kosovën shqiptare sikurse në kohën dhjetëvjeçare (1989-1999) të sundimit të Serbisë pushtuese të Slobodan Milosheviqit.

 

 

 

Me gjithë gatishmërinë dhe dëshirën e Amerikës dhe të shteteve  të Evropës Perëndimore, Moska ende nuk ka shprehur kurrfarë interesi për normalizimin e marrëdhënive me Uashingtonin dhe me NATO-n. Si duket Rusia agresore po pret epilogun e luftës invaduese në Ukrainën e  kryeministrit Volodymyr Zelenskyy (14 shkurt 2022 – shkurt… 2024).

Mirëpo, nëse  Serbia kolonialiste  ia imponon luftën Kosovës, shqiptarët do të dijnë të mbrojnë lirinë, pavarësinë dhe vetëvendosjen, sepse invadorët serbë nuk do të priten me lule dhe me këngë barinjsh dhe rrogëtarësh serbë : “IDE ZIMA, DOGJE LETA, NEMA VISHE TU NGATJETA” . Kjo parullë nazifashiste antishqiptare (1945) ka vdekur së bashku me ideologun dhe me “këngëtarin” e saj, Slobodan Milosheviq në burgun hetues të Shevingenit të Gjykatës Penale Ndërkombëtare për ish-Jugosllavinë (ICTY) në Hagë të Holandës, më 11 mars 2006.

Pra, nëse presidenti i Serbisë, Aleksandër Vuçiq merr yrysh për të bërë agresion në Kosovë, atëherë atje nuk do ta pritet me lule si qeveria paramilitare, policore dhe militare e Slobodan Milosheviqit ( 1989-1999) dhe, sikurse  qeveria kuislinge fashiste e  mareshalit frëng Philip Petain në Paris, i cili më 10 maj 1940, forcat pushtuese gjermane i priti me paqe. Por, do të pritet nga ushtria e Kosovës, nga ushtria e Shqipërisë, nga ushtria e NATO-s dhe nga Amerika, si dhe nga të gjithë shqiptarët brenda dhe jashtë Shqipërisë Etnike. Ky do të jetë ndryshimi dhe dallimi cilësor  i strategjisë dhe i taktikës së zhvillimit të luftës eventuale, të imponuar nga Serbia ish-kolonialiste dhe militariste, e drejtuar nga Aleksandër Vuçiqi (president aktual).

Mbrojtja e sovarnitetit dhe e pavarësisë së Kosovës, nuk është kurrfarë “ofendimi” dhe as kurrfarë kërcënimi për Serbinë, as kurrfarë provokimi për sigurinë dhe për paqen rajonale, as për atë evropiane e ndërkombëtare, por është domosdoshmëri e Kosovës dhe e miqve të saj ndërkombëtarë, që të sigurojnë  sovranitetin territorial dhe shtetëror të Kosovës, duke  u bazuar në respektimin e drejtësisë dhe  të detyrimeve juridike ndërkombëtare, të parashikuara me qëllimet dhe me parimet e Kartës së Kombeve të Bashkuara dhe të së drejtës ndërkombëtare.

 Paqja ndërtohet në saje të ekuilibrit të sistemit të marrëdhënieve  ndërkombëtare

Ky është problem më i madh dhe, më kompleks sesa  Serbia kolonialiste dhe gjenocidale në Ballkan, duke qenë se nuk ka bashkëpunim,  koordinim  dhe baraspeshim  mes fuqive të mëdha botërore në shkallë të sistemit të marrëdhënieve ndërkombëtare, sepse  Rusia me VETO-n e saj në Këshillin e Sigruimit ka  “ngrirë” statusin   e anëtarësimit të Kosovës në Kombet e Bashkuara. Hëpërhë ky është problemi më i madh në skenën e politikës ndërkombëtare, duke qenë se ka polarizuar interesat e Amerikës dhe  dhe aleatëve të saj evropianoperëndimorë kundrejt Rusisë si fuqi e madhe botërore.  Vetëm shthurja e këtij probemi mund  të sjellë në normalizimin e marrëdhëieve  mes Moskës dhe Uashingtonit me aletët e tij evropianoperëndimorë. Vetëm në këtë rast, do të mund të vinte në shprehje debatimi i çështjes së Kosovës në Këshillin e Sigurimit apo në Asamblenë e Përgjithshme të Kombeve të Bashkuara. Ndryshe, Kosova edhe më tej, do të mbetet jashtë karrigeve të OKB-së, edhe pse Gjykata Ndërkombëtare e Drejtësisë në Holandë ka vlerësuar se shpallja e pavarësisë së Kosovës, më 17 shkurt 2008, është bërë në përputhje të plotë me parimet e së drejtës  ndërkombëtare (22 korrik 2010).

Është idiotizëm dhe utopi kur thuhet se fati i Kosovës, përkatësisht i Shqipërisë varet nga Serbia !

-Jo  historia e derisotme ka vërtetuar të kundërtën se fatin e Shqipërisë dhe të kombit shqiptar në Ballkan e kanë vendosur fuqitë e mëdha evropiane dhe ato botërore, jo Serbia, në asnjë formë, me gjithë aneksimin dhe kolonizimin e trojeve etnike shqiptare, të cilat në asnjë luftë dhe, në asnjë betejë me shqiptarët, serbët nuk i kanë fituar , por  ato ishin “dhuratë” e përbshkët e fuqive të mëdha të Evropës Lindore dhe Perëndimore, në emër të arritjes së kompromisit politik të harominizimit dhe të mbrojtjes së  interesave të tyre strategjike, ushtarake, tregtare,  ekonomike dhe gjeopolitike në Evropë, duke përfshirë dhe Ballkanin e saj.

Me një fjalë, edhe sot në erën e integrimit dhe të globalizmit kozmopolit  dhe internacionalist ndërkombëtar, paqja në Ballkan nuk varet vetëm nga Serbia, por edhe nga ata, që po e amnistojnë politikën kolonialiste dhe neokolonialiste të Serbisë, duke mos e ndëshkuar sipas Kartës së OKB-së dhe të së drejtës ndërkombëtare!

Ky është problemi, o dashamirë të “muzikës argtuese” ose  të “muzikës tallava” krejt njësoj, sepse bashkësia ndërkombëtare, përkatësisht OKB-ja po heziton për ta sanksionuar Serbinë për tri (3) gjenocidet e saj; për përzirjen 25-vjeçare  të saj në punë të brendshme të Kosovës, si dhe për aktin e fundit të agresionit të saj  në Manastirin e Banjëskës së Mitorivcës, më 24 shtator 2023, ku forcat ndërhyrëse terroriste mercenre paramilitare e plicore vranë policin shqiptar Afrim Bunjakun dhe plagosën një bashkëpolic tjetër, po ashtu shqiptar.

Sandulloviç: Mes atyre që më rrahën ishin edhe Rakiç e Radojiçiç

Politikani opozitar serb, Nikolla Sandulloviç, në një intervistë për “RTK Prime” përmes ‘Skype’-it,  ka thënë se pjesë e atyre që e torturuan ishin edhe krerët e Listës Serbe, Goran Rakiç e Milan Radojiçiç, si dhe lideri i bandave në veri, Zvonko Veselinoviç.

Ai ka thënë se agjentët e BIA-s e kanë rrëmbyer në orën 14 e 40 minuta para shtëpisë dhe deri në orën 21 është ballafaquar me rrahje, torturë, kërcënime me vrasje për të dhe familjen e tij dhe urrejtje të pafundme ndaj shqiptarëve, duke i quajtur “shiptari”.

“Është si në ata filmat e tmerrshëm, kur nuk mund të besoni që ajo është duke ju ndodhur në një institucion shtetëror i cili duhet të mbrojë qytetarët dhe i cili duhet ta mbrojë Kushtetutën. I kam njohur fytyrat, të cilët janë shumë të njohur për ju, dhe se njëri nga ato figura, pra të cilët më kanë xhiruar me telefon, ka qenë edhe kryetar i Listës Serbe, Goran Rakiç, i cili po ashtu më ka sharë me nënë dhe më ka xhiruar. Që të gjithë kanë xhiruar sipas urdhrit dhe kur njëri nga ata i ka pyetur, a e xhiruat dhe a e dërguat, ata janë përgjigjur me po. Më pas atij grupi i kanë thënë që t’i fshijnë menjëherë, ndërsa personat e tjerë që kanë qenë me maska, ekziston mundësi e madhe që njërin prej tyre e kam njohur dhe mund ta them se ka qenë Milan Radoiçiç, ndërsa personi tjetër, i cili për katër orë ka qëndruar mbi mua, më është futur në fytyrë, më ka grushtuar pas koke dhe m`i ka shkelur duart me këmbë, sepse e shikonim njëri-tjetrin në sy në një largësi prej 20 deri 30 centimetra, dhe ata sy i kam mbajtur në mend dhe me siguri të madhe mund të them që ai ka qenë Zvonko Veselinoviç”, ka rrëfyer politikani serb.

Ai tutje ka thënë se grupi prej 15 personave që e kanë marrë në pyetje dhe të cilët i kanë fshehur fytyrat e tyre e të cilët e kanë sharë nënën shqiptare, kanë qenë serbë nga Kosova, pasi kanë pasur theks të serbëve nga Kosova.

“Ky grup ka qenë i përbërë nga përafërsisht 15 persona dhe i kam mbajtur në mend ata që kanë qenë në rroba civile dhe besoni që edhe personat e maskuar, por edhe ata që nuk kanë qenë të maskuar, mund t’i identifikoj 100%. Goran Rakiç nuk mbante maskë, por ishte pjesë e atij grupi prej pesë personave që xhironin, bërtisnin, shanin dhe kërcënonin me vrasjen time dhe të familjes sime dhe më pështynin përse kisha vendosur lule mbi varrin e vajzës”, ka shtuar ai.

Sandulloviç ka thënë se nga ajo që ka përjetuar vet, tani krejtësisht mund ta kuptojë se çfarë tortura kanë përjetuar shqiptarët. “…edhe pse të gjitha ato i kam parë nëpër fotografi dhe kam qenë i tmerruar nga krimet e bëra dhe kam kërkuar falje për krimet të cilat njerëzit normalë në Serbi nuk do t’i kryenin kurrë. Por, kur këto mizori i bëjnë ndaj një serbi atëherë vetëm mund ta paramendoj se çfarë ju kanë bërë shqiptarëve dhe tani më nuk e kam asnjë dyshim se përse populli shqiptar në Kosovë i kishte marrë armët në duar”, ka theksuar Sandulloviç.

Ai ka thënë se është një njeri që merret me politikë dhe i ka synimet e veta politike dhe asgjë nuk do të mund ta ndalë në këtë drejtim.

“Tani jam edhe më i vendosur dhe asgjë nuk ka rëndësi për mua, as jeta ime. Unë do të qëndroj i palëkundur në pikëpamjet e mia. Drejtësia duhet të ketë momentin e saj. Kriminelët e luftës, vrasësit, kriminelët ordinerë dhe përdhunuesit në Serbi që na kanë sjellë në këtë pozitë, bashkë me gjithë atë që ka ndodhur dhe urrejtjen mes popullit shqiptar dhe atij serb, duhet të mbajnë përgjegjësi. Nëse Nikola Sanduloviç është viktima dhe lëvizja fillestare që kjo të ndodhë, unë do t’i përshëndes dhe do t`i falënderoj përzemërsisht të gjithë për vëmendjen tuaj dhe ta jap jetën time për idealet e mia. Këto janë qëndrimet e mia jetësore. Kjo është politika ime e pajtimit të cilën e mbroj që 10 vjet e ndaj së cilës Evropa ka qenë e shurdhër dhe SHBA-ja nuk ka reaguar me kohë. Tani ju ka rënë në mend të reagojnë, dhe dua ta pranoj që udhëheqëse për ta treguar të vërtetën dhe për luftën për jetën time, të parët që kanë reaguar për këtë kanë qenë Britania e Madhe”, ka thënë Sandulloviq.

Sandulloviç në RTK Prime: Vuçiq qëndron prapa tentim-vrasjes sime

Politikani opozitar serb, Nikolla Sandulloviç ka akuzuar presidentin e Serbisë, Aleksandër Vuçiç që qëndron prapa tentim vrasjes së tij. Ai muajin e kaluar ishte rrahur deri në alivanosje nga agjentët e shërbimit sekret –BIA, për shkak të homazheve dhe vendosjes së luleve pranë varrit të një vajze shqiptare, e vrarë nga forcat serbe në luftën e Kosovës.

Sandulloviç, në një intervistë për “RTK Prime” përmes ‘Skype’-it, theksoi se ende nuk është shëruar nga lëndimet që ka pësuar nga rrahja brutale e BIA-s, por ka thënë se më shumë e shqetëson pasiguria për jetën e tij dhe të familjes.

“Sinqerisht t’ju them, nuk jam mirë, ndiej dhembje në anën e majtë nga një brinjë e thyer që ende nuk është shëruar dhe fatkeqësisht ende nuk mund ta lëviz as dorën e as këmbën e djathtë. Më shumë jam i brengosur se si do të vazhdojë kjo punë më tutje, se për atë që kam përjetuar. Të jem i sinqertë, nuk ndiej kurrfarë sigurie dhe, siç e shihni, vetë situata për mua dhe familjen time është ende e ndërlikuar. Vajza ime është e ekspozuar ndaj sulmeve, kërcënimeve dhe mesazheve të ndryshme, të cilat kanë filluar në rrjete të shumta dhe me publikimin e fotografive të saj. Pra, situata është vetëm vazhdimësi e asaj që keni dëgjuar nga historitë e mia dhe ndodhive mes meje dhe Aleksandër Vuçiqit. Gjithçka ende po vazhdon. Por tani presioni është edhe më i madh dhe kërcënimet janë të dukshme dhe të hapura, siç janë kërcënimet me jetë, dhunime, djegie të shtëpisë e kështu me radhë”, ka theksuar Sandulloviç.

Ai më tutje ka thënë se policia i ka mbyllur sytë në lidhje me këto ngjarje dhe atë që i ka ndodhur atij. “Tash ata janë duke i ndjekur profilet e mia; i përgjojnë të gjitha telefonatat e familjes sime dhe ata e shohin që unë jam i ekspozuar ndaj kërcënimeve me jetë, si unë ashtu dhe familja ime dhe ata absolutisht asgjë nuk ndërmarrin në lidhje me këtë”, ka shtuar politikani serb.

Ai tutje ka akuzuar direkt presidentin serb Vuçiq për rrahjen dhe torturat, teksa e ka quajtur këtë si tentim vrasje.

“Dëshmi e kësaj është edhe deklarata e djeshme e Aleksandër Vuçiqit, i cili në konstatimin e kryeministrit Albin Kurti në Këshillin e Sigurimit, që policia sekrete më ka rrëmbyer dhe më ka rrahur deri në atë masë, saqë kam mbetur i paralizuar, theksoi se unë jam personalitet i panjohur. Mua më njohin me mijëra njerëz në Serbi, e mos të them miliona njerëz të tjerë nga e mbarë bota, ndërsa Vuçiq thotë që jam personalitet i panjohur, i cili ka marrë pjesë në zgjedhje dhe nuk i ka fituar as 0,1% të votave. Kjo është një gënjeshtër e madhe sepse ai në përgjithësi po përpiqet të shtrembërojë historinë dhe unë jam i bindur nga përgjigjja dhe mohimi i ngjarjes nga ana e tij që, ai (Vuçiq, v.j), është njeriu i cili ka qëndruar prapa kësaj ngjarjeje dhe gjithë kësaj historie të tmerrshme, torturave dhe rrahjeve dhe lirisht mund të them tentim-vrasjes”, ka nënvizuar Sandulloviç.

Ai ka thënë se deri tash asnjë organ hetues nuk është marrë me rastin e tij, derisa ka thënë se deklarata e Gjykatës Themelore në Beograd se ata kanë vërtetuar se nuk është përdorur asnjë lloj force ndaj tij tregon që kjo është një vrasje politike e paramenduar.

Sandulloviç më tej ka treguar se gjatë marrjes në pyetje dhe rrahjes prej disa orëve nga shërbimi sekret, e kanë xhiruar me telefona privatë, deri mes tjerave, një nga pyetjet kryesore ishte si kam mundur të vendos lule në varrin e vajzës shqiptare?

“Me këtë rast më kanë pyetur, a është ajo viktimë e pafajshme? Unë ju kam thënë, po, për mua ajo është viktimë e pafajshme. Më pas ata më kanë rrahur, sharë nënën shqiptare, e kështu me radhë. Më pas, mbi këtë është bazuar dyshimi se kam kryer veprën penale “përhapja e urrejtjes nacionale” sepse kam vendosur lule në varrin e kriminelit. Pra, vogëlushja Blerina Jashari, engjëllushja e vogël shtatë vjeçe, e cila është vrarë me plumb në pjesën e pasme të kokës, për autoritetet serbe dhe për regjimin diktatorial nacionalist,  qenka një kriminele.

Ajo nuk është kriminele për mua. Ai fëmijë i pafajshëm është një engjëll; një viktimë e pafajshme dhe me mendimin tim është pajtuar edhe avokati Çedomir Stojkoviq, i cili ka ardhur dhe ka vendosur lule. Po ashtu ka ardhur edhe nënkryetari i Partisë Republikane, Mihajlo Todiç, si dhe vajza ime Klara Sanduloviç”, ka theksuar Sandulloviç.

Rusia shpall REL-in “organizatë të padëshirueshme”!

Rusia e ka shpallur të martën Radion Evropa e Lirë (REL) si “organizatë të padëshirueshme”, sipas një regjistri të Ministrisë së Drejtësisë.

Në përditësimin e fundit është bërë e ditur se Radio Evropa e Lirë është shpallur e padëshirueshme prej 20 shkurtit.

Sipas regjistrit, REL-i është entiteti i 142-të që është përfshirë në listë.

Ligji për “organizata të padëshirueshme” është miratuar më 2015, dhe është përkrahur prej Kremlinit, për të rregulluar organizatat joqeveritare që pranojnë fonde prej jashtë./Rel

Berisha: Sot në sheshin Skënderbej nuk kemi shtatoren e diktatorit stalinist, por para nesh qëndron shtatorja e gjallë e diktatorit Rama

Duke folur në protestën madhështore qytetare, kryetari i Partisë Demokratike, Sali Berisha tha se, sot shqiptarët nuk kanë në shesh bustin e Enverit, por shtatoren e gjallë të diktatorit, Edi Rama.

Pjesë nga fjala e kreut të PD-së, Sali Berisha:

Të dashur qytetare dhe qytetarë, të nderuar qëndrestare dhe qëndrestarë, misionarë të vërtetë të shpresës dhe të ardhmes së Shqipërisë.

Zonja dhe zotërinj, uragani juaj sonte është uragani i lirisë.

Përshëndetjet më të përzemërta për ju që jeni mbledhur, keni mbushur sot Tiranën nga anekënd Shqipëria, nga të gjitha vendet e botës.

Fitimtarë, fitimtarë, fitimtarë.

Zonja dhe zotërinj, 20 shkurti është një ditë në të cilën shqiptarët kremtojnë ngadhënjimin e tyre.

Çdo vit më 20 shkurt kemi nderuar një ditë, e cila ndau historinë tonë. Ndau epokën e barbarisë së luftës së klasës, tiranisë së mjerimit dhe izolimit ekstrem nga epoka e triumfit të njerëzve më të shtypur të Europës dhe ndëshkimit mbarëpopullor pas vdekjes së Enver Hoxhës, Hitlerit shqiptar të pas Luftës së Dytë Botërore.

Duke përmbysur në Tiranë shtatoren e tij, zvarritur e copëtuar në rrugët e kryeqytetit, nderim përjetë guximtarëve, trimave, heronjve të 20 shkurtit për veprën e tyre të pavdekshme.

Por sot, për herë të parënë 32 vite, ky 20 shkurt eklipson për nga rëndësia atë të vitit 1991 sepse sot nuk kemi përpara simbolet e një diktature të bazuar në doktrinën marksiste-leniniste, por përballemi me një lloj të re diktature, e cila bazohet në aleancën e pushtetit me krimin, në shndërrimin e votës në krim dhe krimit në votë, vjedhjen e lemerishme të qytetarëve nga pushtetarët dhe trafikun e qindra tonelatave drogë dhe narkoeuro.

Sot në sheshin Skënderbej ne nuk kemi shtatoren e bronzit të diktatorit stalinist, por para nesh qëndron shtatorja e gjallë e diktatorit Edi Rama, pasardhësit të bllokmenëve hoxhistë, që njëlloj si diktatori tjetër, ka përqendruar në duart e tij të gjitha pushtetet dhe që do një Shqipëri pa opozitë, dhe që vjedh qytetarët shqiptarë, vret shpresën e tyre më shumë se askush në historinë tonë kombëtarë.

Gjatë sundimit 10-vjeçar të tij, si kurrë ndonjëherë më parë, 1 milion shqiptarë u larguan nga Shqipëria dhe integrimi evropian i vendit u shndërrua në një horizont që largohet çdo ditë e më shumë nga shqiptarët.

Por sot kjo ditë, për ju, për shqiptarët, është ditë besimi dhe guximi.

Përlotet aktori- E nis fjalimin me vargjet e Naim Frashërit

Aktori Mehdi Malkaj e ka nisur fjalimin e tij i përlotur duke recituar disa vargje të shkrimtarit Naim Frashëri.

“Meqë jetojmë në momente historike, kam një dëshirë. Të themi katër vargjet e Naim Frashërit

Ti Shqipëri më jep nder, më jep emrin shqiptar,

Zemrën ti ma gatove, plot me dëshirë e me zjarr”, tha Malkaj.

Aktori ndër të tjera u shpreh se ka ardhur koha që ta heqin kryeministrin Edi Rama, pasi vetë ai nuk ikën.

Ai u shpreh se po të qëndrojë në pushtet do të copëtojë Shqipërinë.

Shënohet 35-vjetori i grevës së madhe të minatorëve të Trepçës

Mitrovicë, 20 shkurt 2024

“Dikur minatorët kanë hedhur themelet e Republikës, tani Republika dhe minatorët bashkë po e ribëjnë “Trepçën”, tha Kryeministri i Republikës së Kosovës, Albin Kurti, në shënim të 35-vjetorit të grevës së madhe të minatorëve të Trepçës, ditë kjo që shënon historinë e lavdishme të Republikës sonë.

Duke e ndërlidhur këtë ditë me shënimin e festave të mëdha, që vijnë pas Ditës së Pavarësisë, 26-vjetorit të Epopesë së Ushtrisë Çlirimtare, në motin e 25-të të çlirimit, kryeministri tha se duke kujtuar grevën e madhe të minatorëve, ne nderojmë rrënjët e Republikës sonë.

Ai ka sjellë në kujtesë para të pranishmëve të shumtë, kohën kur Serbia kishte nisur të trazonte këtë copë të Evropës, duke kujtuar këtu se ishin minatorët ata që të parët iu kundërvunë. “Ata porositën qartë e fuqishëm: se populli ynë nuk do të thyhej, nuk do të epej e nuk do të hiqte dorë nga e drejta për të vendosur fatin e vet. Më 17 nëntor 1988, minatorët e Trepçës u nisën në marshin e tyre nga minierat për në Prishtinë, për të kundërshtuar funksionarët që po i dorëzoheshin Serbisë”, tha kryeministri Kurti.

“Më 20 shkurt 1989, ata u ngujuan në horizontet e minierës për të kundërshtuar heqjen e autonomisë. Nga mesdita, kur fillimisht minatorët e ndërrimit të katërt nuk dolën fare jashtë, duke hyrë në grevë urie, fjala “Trepçë” mori një kuptim të fuqishëm edhe politik, përmes së cilës denoncoheshin politikat diskriminuese dhe shtypëse të Millosheviqit. Dhe kjo vazhdoi deri në ditën e fundit të grevës më 28 shkurt, kohë kjo gjatë të cilës 1300 minatorë të “Trepçës” të ngujuar në grevë urie nga zgafellat e horizontit të tetë dhe të nëntë të minierës, i parashtruan 10 kërkesa, ndër të cilat, “që fati i shqiptarëve në Kosovë e Jugosllavi të shqyrtohet në Kombet e Bashkuara”, tha Kryeministri.

Ai tha se minatorët tanë nuk u përçanë e as nuk u dorëzuan para së keqes, dhe me vendosmërinë e tyre i morën vëmendjen botës së qytetëruar e demokratike.

Duke kujtuar heroizmin dhe sakrificën e xehetarëve, që Kosovës i shërbyen me djersën dhe gjakun e tyre, kryeministri Kurti theksoi se mbi 130 minatorë ranë dëshmorë në ballë të luftës çlirimtare dhe martirë të panënshtruar ndaj gjenocidit të Serbisë mbi popullin tonë. “U përkulemi në nderim, për jetë e mot! 35 vjet pas grevës, vendi ynë i lirë tash punon me zell për të ruajtur pronën e popullit dhe për të nxitur zhvillimin e mirëqenien”, u shpreh ai.

Në fund të fjalës, kryeministri Kurti tha se kanë mbështetur “Trepçën” me mjete për investime kapitale dhe me kapital pune, duke dhënë rreth 25 milionë euro subvencione vetëm gjatë tri viteve të fundit, duke shtuar se po përkrahim sërish “Trepçën” me kredinë 20 milionëshe për të investuar në teknologji të re, që rrit efiçiencën e prodhimit, ngrit performancën operative e financiare, përmirëson kushtet e punës dhe hap vende të reja pune.

Pas ceremonisë së organizuar në shënimin e përvjetorit të sivjetmë të grevës së madhe të minatorëve, kryeministri Kurti vizitoi ekspozitën personale të Mentor Berishës, me titull “Solidaritet si Rezistencë”, të kuruar nga Alban Beqiraj, që u mbajt në hyrje të minierës, dhe gjithashtu Muzeun e Kristaleve të Kosovës “Trepça”.

Fjala e plotë e Kryeministrit Kurti:

I nderuari zëvendësministër i Ekonomisë, Getoar Mjeku,
I nderuari Kryeshef i ndërmarrjes “Trepça”, Bashkim Kurti,
E nderuara Kryesuese e bordit mbikëqyrës të ndërmarrjes, Rrezarta Pllana,
I nderuari Kryetar i Sindikatës së Pavarur të Minatorëve të Trepçës, Ibrahim Januzi,
I nderuari zëvendësministër i Financave, Punës dhe Transfereve, Agon Dobruna,
Të nderuar deputetë të Kuvendit të Republikës së Kosovës, Mimoza Kusari, Armend Muja, Jeta Statovci, Arjeta Fejza,
I nderuari ish-kryeministër dhe Kryetar i Aleancës për Ardhmërinë e Kosovës, Ramush Haradinaj, njëherit edhe deputet në Kuvendin e Republikës,
I nderuari nënkryetar i Komunës së Mitrovicës, Arian Tahiri, ish-kryetar i Komunës, Agim Bahtiri dhe
I nderuar Kryetar i Komunës veriore të Mitrovicës, Erden Atiq,
Të dashur minatorë dhe ish-minatorë,
Të nderuar të pranishëm,
Zonja dhe zotërinj,
Motra dhe vëllezër,

Po takohemi sot bashkë në Ditën e Minatorit, këtë ditë që e shënon historinë e lavdishme të Republikës sonë. Historianët na mësojnë se pranvera e popullit nis herët, pa e pritur datën, pa e pritur barasnatën. E, 20 shkurti i vitit 1989 ishte ditë e madhe e asaj pranvere, që ne sot e kremtojmë me mirënjohjen më të thellë.

Ditën e Minatorit e shënojmë në vargun e ngjarjeve të mëdha, fill pas Ditës së Pavarësisë së shpallur 16 vjet më parë, buzë 26-vjetorit të Epopesë së Ushtrisë Çlirimtare të Kosovës, në motin e 25-të të çlirimit të Kosovës sonë të shtrenjtë. Duke kujtuar grevën e madhe të minatorëve, ne nderojmë rrënjët e Republikës sonë.

Kur Serbia fashiste nisi të trazonte këtë pjesë të Evropës, minatorët qenë të parët që iu kundërvunë. Ata porositën qartë e fuqishëm: Se populli ynë nuk do të thyhej, nuk do të epej e nuk do të hiqte dorë nga e drejta për të vendosur për fatin e vet. Më 17 nëntor 1988, minatorët e Trepçës u nisën në marshin e tyre nga minierat për në Prishtinë, për të kundërshtuar funksionarët që po i dorëzoheshin Serbisë.

Më 20 shkurt 1989, ata u ngujuan në horizontet e minierës për të kundërshtuar heqjen e autonomisë. Nga mesdita, kur fillimisht minatorët e ndërrimit të katërt nuk dolën fare jashtë duke hyrë në grevë urie, fjala “Trepçë” mori një kuptim të fuqishëm edhe politik, përmes së cilës denoncoheshin politikat diskriminuese dhe shtypëse të Millosheviqit. Dhe kjo vazhdoi deri në ditën e fundit të grevës më 28 shkurt, kohë kjo gjatë të cilës 1300 minatorë të “Trepçës” të ngujuar në grevë urie nga zgafellat e horizontit të tetë dhe të nëntë të minierës, i parashtruan 10 kërkesa, ndër të cilat, “që fati i shqiptarëve në Kosovë e Jugosllavi të shqyrtohet në Kombet e Bashkuara”.

Kështu një komunitet minatorësh, që për vite ishte shfrytëzuar duke ua eksploatuar punën, u kthye në një kolektivitet me vetëdije dhe guxim politik, që e dridhi gjithë Jugosllavinë. Të gjithëve na pat bërë shumë përshtypje niveli i lartë i vetëdijes politike të minatorëve, që edhe në gjendje të rënduar shëndetësore bën apel për pajtim të gjaqeve, duke deklaruar, po e citoj deklaratën e asaj kohe: “Ne minatorët e Stantërgut, të cilët jemi të mbyllur nën tokë qe tetë ditë pa e pa dritën e djellit me sy, pa ngran e pa pi, me gzim të madh ndëgjuam lajmin për nji gjest human të traditës shqiptare. Fjala është për pajtimin e familjeve Haxhi Bytyqi dhe Sejdi Ramshi. Apeli i xehtarëve të “Trepçës” dhe mbarë Kosovës, të gjitha familjet e gjaksuara mes veti t’ja shtrijnë si burrat dorën njeri tjetrit dhe të pajtohen, si thojnë populli besën e paqes. Kjo kishte me qenë ushqimi jonë, drita jonë, kishte me qenë përkrahja ma e madhe për neve”, mbaron citati i asaj deklarate.

Minatorët tanë nuk u përçanë e as nuk u dorëzuan para së keqes, dhe me vendosmërinë e tyre i morën vëmendjen botës së qytetëruar e demokratike. Një udhëheqës do të thosha evropian qysh atëherë, kryetari Millan Kuçan i Sllovenisë, foli asokohe në një tubim të madh solidariteti në Lubjanë, po e citoj: “Minierat e Trepçës po mbrojnë të drejtat e qytetarëve në Kosovë për të zgjedhur udhëheqjen e vet”.

Ne sot kujtojmë heroizmin dhe sakrificën e xehetarëve, që Kosovës i shërbyen edhe me djersën edhe gjakun e tyre. Mbi 130 minatorë ranë dëshmorë në ballë të luftës çlirimtare dhe si martirë të panënshtruar ndaj gjenocidin e Serbisë mbi popullin tonë. U përkulemi në nderim, për jetë e mot! 35 vjet pas grevës, vendi ynë i lirë tash punon me zell për të ruajtur pronën e popullit dhe për ta nxitur zhvillimin e mirëqenien. Këto janë misioni ynë si Qeveri. Në minierë puna e të gjithë neve është më e rëndë, por misioni ynë është i mundshëm. “Trepça” ka udhëheqjen e re, të përkushtuar për të përkrahur punën e mirë, për të tejkaluar vështirësitë, për ta zënë hapin, për ta rritur edhe prodhimin edhe produktivitetin.

Kemi mbështetur “Trepçën” me mjete për investime kapitale dhe me kapital pune, janë dhënë 25 milionë euro subvencione gjatë këtyre tri viteve të fundit. Dhe, po përkrahim sërish “Trepçën” me kredinë 20 milionëshe për të investuar në teknologjinë e re, që e rrit efiçiencën e prodhimit, e ngrit performancën operative e financiare, përmirëson kushtet e punës, por edhe hapë vende të reja të punës. Kuvendi e ka miratuar tashmë Ligjin për Fondin Sovran, që do të jetë institucion investues e zhvillimor i Republikës. Ky ligj po pret lejen e Gjykatës për të hyrë në fuqi, para se “Trepça” ta vazhdojë rrugëtimin në kuadër të Fondit, aty ku është kapitali i shtuar dhe ku janë mundësitë e reja për zhvillim e për rritje.

Pasuritë tona natyrore do t’i shfrytëzojmë me maturi. “Trepçën” dhe ndërmarrjet publike do t’i mbajmë dhe do t’i mbarështojmë si pasuri tonën, duke i qeverisur mirë dhe duke ua rritur vlerën. Sektorin e minierave do ta zhvillojmë me qasje të arsyeshme ekonomike, teknologjike, sociale, por edhe mjedisore. Suksesi ynë është i mundshëm bashkë, me punën tonë si qeveri dhe përkushtimin tuaj si minatorë-pronarë të “Trepçës”. Dikur minatorët kanë hedhur themelet e Republikës, tani Republika dhe minatorët bashkë po e ribëjnë “Trepçën”. E, sot, rastësisht përputhet me ditëlindjen e Minatorit edhe ditëlindja e një kolegu tonë tjetër, që nuk është këtu, sepse ndodhet në Komunën e Leposaviqit, Kryetari Lulzim Hetemi, e ka ditëlindjen, sikurse Minatori i “Trepçës”, pra me 20 shkurt.

Ju faleminderit shumë për angazhimin, punën, kontributin që bëni e që jepni.

Me fat dhe gëzuar Ditën e Minatorit të gjithëve!

(Zyra e Kryeministrit)

20 Shkurti është ditëlindja HAVZI NELËS, simbolit të PAPËRKUELSHMËRISË- Nga MILAIM NELA

20 Shkurti është ditëlindja HAVZI NELËS, simbolit të PAPËRKUELSHMËRISË ndaj regjimit të baballarève të këtyre që po zhbējnë Shqipërinë sot!
Havzi Nela këtë 20 Shkurt do mbushte 90 vjeç!
Ai luftoi për liri pa bërë asnjë hap prapa sepse liria pêr atë ishte e shenjtë dhe kompromisi me të keqen ishte jashtë çdo imagjinate!
Të marrim pak nga frymëzimi i MARTIRIT!
***

20 shkurti duhet të jetë fillimi i fundit të narko-regjimit rilindas!

Protesta e 20 shkurtit nuk është ditë proteste vetëm e Partisë Demokratike por e të gjithë qytetarëve me vetëdije minimale kombëtare!
Protesta e 20 Shkurtit nuk është protestë për Sali Berishën dhe “non-gratën” tij por të gjithë shqiptarët sepse nëse nuk largohet kjo qeveri të gjithë do të jemi “non-grata” në atdheun tonë!

Protesta e 20 Shkurtit nuk është vetëm protestë e opozitës së mirëfilltë shqiptare por e të gjithë shqiptarëve që duan një Shqipëri me shqiptarë dhe jo importe refugjatësh me detyrim!
Shqiptarët duhet të jenë më të motivuar se kurrë për të ndaluar më në fund një njeri që bën marrëveshje personale për zëvendësimin e shqiptarëve me fatkeqët e botës së vuajtur!

Shqiptarët duhet të ngrihen dhe me mjetet demokratike që njeh bota e qytetëruar ti thonë NDAL një rregjimi mafioz që bën “zgjedhje” me 1.6 milione votues në një vend me 1.4 milionë banorë!

Shqiptarët duhet të ngrihen dhe ti thonë ndal një rregjimi që po vjedh pasuritë kombëtare dhe paratë e taksave tuaja në dritë të diellit pa i bërë syri tërr nga drejtësia sepse atë e ka futur në xhep!
Shqiptarët duhet të ngrihen dhe të mos ndalojnë së protestuari deri sa të largohet rregjimi që po fshin historinë dhe kujtesën kombëtare të shqiptarëve pa u ndalur para asnjë bëme antikombëtare!

Shqiptarët duhet të ngrihemi dhe të mos ndalojmë deri sa të largojmë aleatin më të fuqishëm të Vuçiçit dhe armikun më të eger të Kosovës në trojet shqiptare dhe kryeministrin më të mire që Serbia ka patur ndonjëherë në Tiranë!

Me 20 shkurt 1991 hodhëm në tokë përmendoren e kriminelit Enver Hoxha që kishte vrare 6000 shqiptarë burgosur e internuar dhjetëra e mijëra të tjerë por këtë 20 shkurt ne duhet të largojmë bijtë e atyre që kanë larguar jo pak por 50 % të popullatës se vendit që ata filluan ta qeverisin para pak më shumë se 10 vitesh!

20 Shkurti ka edhe një simbolikë tjetër të nderuar miq!
20 Shkurti është ditëlindja HAVZI NELËS, simbolit të PAPËRKUELSHMËRISË ndaj regjimit të baballarève të këtyre që po zhbējnë Shqipërinë sot!
Havzi Nela këtë 20 Shkurt do mbushte 90 vjeç!
Ai luftoi për liri pa bërë asnjë hap prapa sepse liria pêr atë ishte e shenjtë dhe kompromisi me të keqen ishte jashtë çdo imagjinate!
Të marrim pak nga frymëzimi i MARTIRIT!

Në pamundësi për të qenë me ju në këtë ditë të shënuar për arësye krejt objektive do jem me ju çdo sekondë e minutë e do ju bashkohem në momentin më të parë që të mundem.

Kjo protestë duhet të shënojë fundin e indiferencës së atyre të cilëve e keqja nuk ju ka ardhur tek pragu i shtëpisë!
Nëse nuk ngriheni dhe reagoni, të majtë e të djathtë më nuk shtrohet pyetja se a do ju vijë e keqja tek dera por kur do të vijë!
Mos e lejoni këtë!

Mos i jepni mundësi mafias rilindase të miratojë kodin e ri penal me 3fishin e neneve që nëse lejohet do ta fusë vendin në diktaturë shumë më të egër se ajo e para vitit 1990!

Mos bëni eksperimente me jetën e fatin e fëmijëve tuaj por hapini sytë e shikoni çfarë është në horizont!

Mos hezitoni sot sepse nese nuk ngrihemi sot nesër do të jetë vonë!
Shqipëria nuk është vetëm e opozitarëve por e të gjithë shqiptarëve!
Mos e lini Shqipërinë në duar të Edi Ramës dhe beniaminit peng të tij Lulzim Bashës!

Zoti e BEKOFTË Shqipërinë

O sot o kurrë!- Nga ALBA KEPI

33 vite pas rrëzimit të bustit të qoftëlargut, e aktit simbol të marrjes fund të një regjimi diktature që shkaktoi tragjedinë më të madhe kombëtare e mohimin e një gjysëm shekulli të ardhme shqiptare me pasoja që i vuajmë sot, Shqipëria ka të trashëguar;
– të njëjtën Parti në pushtet me politikanë e qeveritarë bijë e bija, nipër e mbesa të atyre që ekzekutuan, torturuan, persekutuan e internuan shqiptarët.
– të njëjtën Parti e trashëgimtarë shpirtërorë e fizikë që nuk u penduan kurrë për krimet e saj.
– shtëpi, vilë e vila diktatori të grabitura e nën adminisitrimin e njeriut besnik të familjes e nën patronazhimin fiktivë të shtetit.
– nipër e mbesa, stërnuse e dhëndurë të diktatorit pjesë e elitës juridiko-ekonomike e financiare të vendit, me kompani e projekte që bëjnë konsulencën e investitorëve më strategjikë e të mëdhenj të vendit.
– muze ku fshihej Diktatori, ku spiunoheshin armiqtë e diktatorit, ku firmoseshin akt vrasje shqiptarësh, ku idealizohej jeta e puna e Diktatorit, por nuk kemi një muze, shtëpi, qeli, burg o vend kujtese që rrëfejnë mizoritë e kryera nga ky Diktator e mbështetësit e tij, që sot pushtetojnë!
33 vite pas sot nuk kemi asnjë grua, vajzë, ministër, Drejtorë e funkksionarë të lartë shteti, dalë nga shtresa e vuajtur e të persekutuarve, fëmijë të mbetur pa prindër, por që ja dolën të shkëlqejnë kudo në botë veç në atdheun e tyre jo, bijë prindërish të pushkatuar e pa varr, me foshnje në gulage komuniste viktimë urie e sëmundjesh pa kurë. Ata ia dolën kudo në botë ku emigruan, atdheu i tyre i përcmoi!
33 vite post dikature e deri sot nuk kemi pasur një President, një kryeministër, një lider politik Partie dalë nga shtresa e atyre që për këtë liri e të drejta që gëzojmë sot u sakrifikuan.
– 33 vite post këtij akti simbol kemi trashëguar një histori të pa shkruar o të orientuar me pikatore sipas interesave të politikës! Në cdo datë përkujtimore të kësaj revolte, arkivat, institute, njerëz të paguar nga pushteti pêrzgjedhin fleta kujtimesh për të harruar këtë datë e dizorientuar opinionin publik me kundërpërgjigje!
Dokumentat e firmosura me erë e vulë gjaku i ruajnë për nje sistem të dytë interesash.
Sot 33 vite post aktit të revoltës popullore, shqiptarët jetojnë me frikën e shantazhit, kërcënimit që fuqia e aktivistëve, patronazhistëve e fuqia e pushteteve të centralizuara mund t’i lenë pa shtëpi, pa familje e pa punësim!
Kjo ndrydhje shkakton sot pabesinë e votës, e është një fake demokraci që duhet t’i japim emrin që meriton; Diktaturë e Mafias së pushtetit!
20 shkurt 1991-20 shkurt 2024.
Nga pushtet i centralizuar ne’ centralizim pushtetesh ekonomike, politike e mediatike.
Nga bunkere lagjesh, ne lagje bunker Surrel.
E për të gjitha këto e këtë regjim autokratik sot jemi sot në shesh për të protestuar për themelet e një shteti demokratik!
O Sot o kurrë!

Send this to a friend