Ish-kandidatja për deputete e PD në Shkodër, Senada Mehmeti, ka reaguar ndaj aksionit të IKMT-së dhe Policisë së Shtetit në Theth, ku po shemben dhjetëra ndërtesa gjatë kulmit të sezonit turistik.

Në intervistën e dhënë për SYRI TV, Mehmeti e cilësoi situatën si një “katastrofë” dhe kërkoi ndalimin urgjent të shembjeve, hetim të menjëhershëm për vendimet që kanë çuar në këtë situatë, si dhe shpalljen e gjendjes së jashtëzakonshme në zonë. Sipas saj, banorët e Thethit po ndëshkohen padrejtësisht ndërkohë që ndërtime të tjera në vend janë toleruar nga institucionet.

Senada Mehmeti: Që në momentet e para kam qenë dhe kam parë se çfarë po ndodh këtu. Kjo është një katastrofë. Do ti bëj thirrje organeve kompetente, të ndalojnë menjëherë prishjen. 80% e tyre janë prishur por të shpëtojmë ato që kanë mbetur. Të ndalohet menjëherë shembja dhe shkatërrimi që po bëhet në zonën e Thethit.

Gjithashtu, do i bëja edhe thirrje organeve hetuese, të hetojnë se çfarë po ndodh në Theth dhe të shpallet gjendja e jashtëzakonshme. Pasi, të hetohet kush i ka dhënë këto leje. Kush i ka mbikëqyrur, kush i mbikëqyr ndërtimet.

Si ka mundësi që të gjitha këto ndërtime janë bërë nën hundën e pushtetit lokal dhe vendor dhe tani po shkatërrohen. Dhe mbi të gjitha, kush e ka dhënë urdhrin për shembjen dhe ku është ai urdhër. E kam kërkuar për ditë të tëra urdhrin e shembjeve dhe në të vërtetë nuk ka dalë asnjë urdhër zyrtar dhe banorëve nuk iu është vënë nën dispozicion asnjë urdhër, se nga buron ky urdhër dhe a janë zbatuar të gjitha procedurat ligjore për shembjen.

Dua të theksoj se Thethi nuk ka asnjë lidhje me zonat e tjera të Shqipërisë. Është një zonë u banorët janë autoktonë këtu. Banorët po ndërtojnë biznese familjare, shtëpizat e tyre familjare, të gjitha ekologjike dhe prej druri pa beton. Po iu prishen në mes të sezonit turistik pa asnjë paralajmërim.

Banorëve këtu duhet t’u vihet këtu me doemos një lloj rregulli, një lloj ligji sesi ata të aplikojnë në mënyrë ligjore që mos të përballen më me këtë ndërhyrje që nuk e di nëse është ligjore apo jo. Një pjesë e tyre e kanë apeluar vendimin në gjykata dhe iu është shembur ndërtimi pa dalë ende vendimi gjyqësore. Kemi një lloj kakofonie mes institucioneve dhe mendoj që edhe aksioni do të dalë antiligjor.

Kryeministri në detyrë i Kosovës, Albin Kurti është takuar në mbrëmjen e së shtunës me zyrtarin e lartë të Departamentit amerikan të Shtetit, Brendan Hanrahan në Prishtinë, me të cilin ka diskutuar për marrëdhëniet biletarale mes Kosovës dhe Shteteve të Bashkuara dhe rëndësinë e thellimit të bashkëpunimit.

Sipas një komunikate të lëshuar nga Kryeministria, palët kanë diskutuar në një darkë pune edhe për zhvillimet aktuale politike, bashkëpunimin rajonal dhe raportet me Serbinë.

“Shtetet e Bashkuara të Amerikës janë aleat i palëkundur për vendin tonë dhe Republika e Kosovës do të jetë gjithmonë partner i besueshëm i tyre”, është cituar të ketë thënë Kurti sipas komunikatës.

Takimi është zhvilluar në rezidencën e të ngarkuarës me punë në Ambasadën amerikane në Kosovë, Anu Prattipati.

Pjesë e takimit kanë qenë edhe ministrja në detyrë e Ekonomisë, Artane Rizvanolli dhe ministri në detyrë për Komunitete dhe kthim, Nenad Rashiq.

Para vizitës në Kosovë, Hanrahan ka realizuar vizita në Serbi dhe Bosnje-Hercegovinë, dhe është zyrtari më i lartë që ka vizituar rajonin e Ballkanit prej administratës së re amerikane.

Kurti është zyrtari i dytë i lartë nga Kosova që ka takuar Hanrahanin, pasi ditë më parë ai ka realizuar takime edhe me presidenten e Kosovës, Vjosa Osmani në Uashington.

Përmes një postimi në Facebook, Osmani ka thënë se bashkë me zyrtarin amerikan kanë diskutuar për “thellimin e partneritetit strategjik midis Kosovës dhe Shteteve të Bashkuara”.

Në Serbi, Hanrahan është takuar me presidentin e Serbisë, Aleksandar Vuçiq.

Përmes një postimi në Facebook, presidenti serb ka thënë se bashkëpunimi ekonomik produktiv mes Serbisë dhe Shteteve të Bashkuara duhet të jetë baza e marrëdhënieve mes dy vendeve.

“E theksova që Serbia mbetet e vendosur për ruajtje të paqes dhe stabilitetit, dhe që dialogun e shohim mënyrën e vetme për zgjidhje të çështjeve të hapura dhe për respektim të ligjit ndërkombëtar”, ka thënë Vuçiq përmes një postimi në Facebook, duke përmendur se me diplomatin amerikan ka diskutuar edhe për situatën në Ballkan.

Në nisje të vizitës, vetë Hanrahan ka thënë se pret me padurim përforcimin e lidhjeve në mes të Shteteve të Bashkuara dhe shteteve të rajonit të Ballkanit.

Sulmi i dhunshëm dhe brutal i strukturave shtetërore të urdhëruara direkt nga Edi Rama për të prishur e shkatërruar gjithçka në Theth ka rënë në sy edhe të turistëve të shumtë që ndërkohë kishin porositur apo ishin akomoduar në shtëpitë mikpritëse në këtë perlë të natyrës shqiptare.

Ata deklarojnë për kamerat e medieve se shembjet nuk duhej kurrsesi të ndodhnin, sidomos në këtë periudhë.

Ne thonë ata, erdhëm për qetësinë këtu dhe jo për policinë.

VIDEON KETU

Deklarimet e turistëve i ka ndarë në faqen e tij në facebook edhe lideri i opozitës Sali Berisha.

“Turistët shpërthejë kundër urryesit pushtues Ramoduro!”, shkruan kreu demokrat. sn

Vitet e fundit Shqipëria ka përjetuar një rritje të vazhdueshme të importeve të produkteve ushqimore, për shkak të faktorëve të ndryshëm, duke i bërë konsumatorët më të varur ndaj produkteve të huaja.

Ndër arsyet e thellimit të bilancit tregtar midis eksporteve dhe importeve, përmenden  kapacitetet e kufizuara të prodhimit vendas për disa kultura dhe produkte blegtorale; Ndryshimet në kërkesën e konsumatorëve për produkte të përpunuara, me cilësi dhe origjinë të ndryshme; Mungesa e investimeve në përpunimin dhe magazinimin e prodhimeve vendase;  Luhatjet klimatike dhe sezonaliteti që ndikojnë në stabilitetin e prodhimit vendas.

Sipas një studimi të “ALTAX”, në kontrast me eksportet, importet agro-ushqimore shënuan rritje të moderuar, si pasojë e rënies së prodhimit vendor, ndryshimit të stilit të konsumit dhe shtimit të kërkesës nga turizmi.

Importet u rritën nga 872.676 tonë në 2023 në 894.381 tonë në 2024, me një shtesë prej mbi 21.700 tonë.

Studimi nënvizon se kjo tendencë tregon një rritje të varësisë nga tregjet ndërkombëtare, sidomos për produkte të përpunuara, bulmet të standardizuar, mish dhe produkte të peshkut. Efekti ekonomik është dyfish, rritje e deficitit tregtar dhe presion mbi prodhuesit vendas që përballen me konkurrencë të lartë nga importet me kosto më të ulët, por shpesh cilësi të diskutueshme.

Referuar dokumentit, balanca tregtare e sektorit agro-ushqimor mbetet negative dhe në përkeqësim. Për çdo njësi produkti të eksportuar, Shqipëria importon më shumë se dy njësi, duke reflektuar një dobësi në kapacitetin prodhues dhe përpunues vendas.

Studimi del në konkluzion se përmbysja e këtij trendi kërkon masa të menjëhershme, përfshirë:  incentivim të certifikimit dhe përpunimit lokal,  investime në logjistikë dhe zinxhirin e ftohtë, politika promovuese për produktet me origjinë të mbrojtur (IG/IGP),  ndihmë teknike dhe financiare për akses në tregjet ndërkombëtare./SCAN

Ukraina tha të premten se dronët e saj goditën një fabrikë avionësh luftarakë në rajonin e Moskës dhe një fabrikë për prodhimin e raketave në rajonin e Tulës, duke shkaktuar shpërthime dhe zjarre në të dyja.

Ushtria ukrainase tha në Telegram se fabrika e aviacionit në qytetin Lukhovitsi, rreth 135 km në juglindje të Moskës, prodhonte avionë luftarakë MiG.

Fabrika tjetër është Byroja e Projektimit të Instrumenteve, e specializuar në prodhimin e raketave kundërajrore dhe sistemeve të kombinuara raketë-armë.

“Forcat e mbrojtjes po vazhdojnë t’i marrin të gjitha masat për ta minuar potencialin ushtarak dhe ekonomik të pushtuesve rusë dhe për ta detyruar Rusinë ta ndalë agresionin e saj të armatosur kundër Ukrainës”, tha ushtria ukrainase.

Ministria e Mbrojtjes e Rusisë tha se 155 dronë ukrainas u rrëzuan midis orës 23:00 të enjten dhe orës 07:00 të së premtes, përfshirë 11 që ia kishin mësyrë Moskës.

Guvernatori i rajonit të Tulës, Dmitry Milyaev, tha në Telegram se një person u vra dhe një tjetër u plagos në një sulm ukrainas në rajon, rreth 200 kilometra në jug të Moskës.

Rusia dhe Ukraina, kanë kryer shpesh sulme ajrore ndaj objektivave larg vijës së frontit, ku luftimet kanë vazhduar për gati tri vjet e gjysmë që nga fillimi i pushtimit të plotë të Ukrainës nga Rusia.