Grupi i Shtetit Islamik (ISIS) tha të martën, pa dhënë prova, se ishte përgjegjës për një seri shpërthimesh në Sri Lanka që vranë më shumë se 300 vetë dhe plagosën qindra të tjerë në Pashkën e së Djelës.
Deklarata erdhi përmes agjencisë së lajmeve Amaq të grupit terrorist.
Gjithashtu të martën, ministri i mbrojtjes i Sri Lankës i tha parlamentit se ata që kryen sulmet synonin të hakmerreshin për sulmet në dy xhami në Zelandën e Re muajin e kaluar.
Ministri i Mbrojtjes Ruwan Wijewardene nuk dha hollësi se si një hetim fillestar arriti në këtë përfundim.
Një zëdhënës i policisë tha të martën se 40 persona janë marrë në paraburgim në lidhje me masakrën, e cila shënon dhunën më vdekjeprurëse në këtë vend ishull të Azisë Jugore që prej përfundimit të luftës civile prej dy dekadash në vitin 2009. Zëdhënësi tha gjithashtu se numri i të vdekurve është rritur në 310.
Qeveria tha se po heton nëse grupi kishte lidhje me organizatat e huaja terroriste. Kryeministri Ranil Wickremesinghe konfirmoi se Sri Lanka kishte marrë paralajmërim për sulmet nga një agjenci e huaj zbulimi.
Planifikimi i sofistikuar i tetë shpërthimeve, që synonin kishat dhe hotelet, shkatërroi një qetësi dhjetëvjeçare në Sri Lankë.
“Ne nuk besojmë se këto sulme janë kryer nga një grup njerëzish brenda vendit”, u tha gazetarëve zëdhënësi i kabinetit Rajitha Senaratne. “Duhet të ketë një rrjet ndërkombëtar më të gjerë.”
Presidenti Maithripala Sirisena pritet të takojë diplomatë në Kolombo të martën për të kërkuar ndihmë në gjetjen e lidhjeve të mundshme të sulmuesve me grupet terroriste jashtë vendit.
Zyrtarët amerikanë thanë të hënën se ata që qëndrojnë pas sulmeve të Sri Lankës mund të jenë frymëzuar nga Shteti Islamik, por paralajmëruan se nuk është arritur asnjë përcaktim përfundimtar.
Zyrtarët thanë se besojnë se shtatë sulmues vetëvrasës që i përkisnin grupit Kombëtar Jamaath (NTJ) kryen sulmet e koordinuara në katër hotele dhe tre kisha. Nuk dihet shumë për këtë organizatë, e cila erdhi në vëmendjen e autoriteteve vitin e kaluar kur anëtarët e grupit u fajësuan për prishjen e disa statujave budiste.
Rrugët në kryeqytetit ishin kryesisht të braktisura, dhe shumë biznese mbetën të mbyllura, ndërsa në vend vazhdon dislokimi i forcave të policisë. Ushtarët e armatosur dhe qentë me erë kishin kishin zëvendësuar turistët që zakonisht mbushin plazhin përballë zonës së hoteleve.
Gjashtë shpërthime ndodhën të dielën, ditën e Pashkëve, kur kishat ishin të mbushura me besimtarë dhe turistët ishin duke ngrënë mëngjes në hotelet luksoze.
Sipas policisë, një nga autorët vetëvrasës kishte marrë përsipër ta shpërthente bombën në një restorant të hotelit. Dy shpërthime të tjera ndodhën pasdite.
Kryeqyteti, Kolombo, mori goditjen më të rëndë.
Shtëpia e Bardhë tha se Presidenti Donald Trump i telefonoi kryeministrit të Sri Lankës. Wickremesinghe për të shprehur ngushëllimet e tij mbi shpërthimet.
Policia gjithashtu tha se do të hetojë nëse paralajmërimet që sulmues vetëvrasës kishin planifikuar sulme ndaj kishave, hoteleve dhe Komisionit të Lartë Indian ishin injoruar.
Raportet e medias në Indi thanë se paralajmërimi kishte ardhur nga agjencitë e zbulimit indian.
“Duhet të shqyrtojmë pse nuk u morën masa paraprake të mjaftueshme, as unë dhe as ministrat nuk u informuan”, tha kryeministri Wickremesinghe.
Autoritetet thanë se objektivat – hotelet dhe kishat – u përzgjodhën për të tërhequr vëmendjen maksimale ndërkombëtare.
Mes qindra viktimave, 39 janë shtetas të huaj.
1,5 milionë të krishterët në vendin kruesisht budist, përbëjnë rreth 7% të 21 milionë banorëve sri-lankezë.
Lufta e përgjakshme e nisur nga Vladimir Putini ka mbërritur sërish në zemrën e Rusisë!
Sipas raportimeve të vazhdueshme të mediave, një ndërtesë shumëkatëshe në Ramenskoye (rajon i Moskës) u godit nga një dron ukrainas. Qyteti me 100 mijë banorë ndodhet rreth 45 kilometra në juglindje të Moskës.
Pamjet në mediat sociale tregojnë bllokun e apartamenteve. Droni goditi lartësitë e kateve të 11-të dhe të 12-të gjatë natës, flakët u ndezën nga vrima e hapur. Një civil 46-vjeçar thuhet të jetë vrarë nga sulmi. Media shtetërore ruse raporton se tre persona janë plagosur.
Fillimisht u tha se ka humbur jetën edhe një fëmijë nëntë vjeç. Sidoqoftë, guvernatori rajonal Andrei Vorobyov u korrigjua në këtë drejtim dhe tha se vdekja që ai raportoi ende nuk ishte konfirmuar.
Goditja ishte pjesë e një vale të tërë sulmesh që Ukraina nisi ndaj agresorit të martën mbrëma. Rusia pretendon se ka kapur gjithsej 144 objekte fluturuese pa pilot, sipas kanaleve të propagandës ruse.
Kryebashkiaku i Moskës, Sergei Sobyanin, pohoi në Telegram se 20 dronë u shkatërruan. Në rajonin e Briansk, i cili kufizohet me Ukrainën, guvernatori rajonal Alexander Bogomas pretendon se ka zmbrapsur “një sulm masiv terrorist nga armiku”. U shkatërruan 72 dronë. Informacioni nuk mund të konfirmohet në mënyrë të pavarur.
Një gjë është e qartë: goditja në ndërtesën e banimit nuk është goditja e vetme që Ukraina arriti. Fotot dhe videot tregojnë se janë sulmuar edhe tre aeroportet Moskë-Domodedovo, Moskë-Vnukovo dhe Moskë-Zhukovsky. Punonjësit duhej të hiqnin pjesët e dronit nga kompleksi i Zhukovsky.
Agjencia ruse e lajmeve RIA raportoi se aeroportet duhej të anulonin 30 fluturime. Përfundimisht, të gjitha aeroportet në metropolin rus u mbyllën për trafikun ajror për disa orë.
Ngritjet dhe uljet gjithashtu duhej të shtyheshin në republikën ruse të Tatarstanit – përsëri.
Despoti i Kremlinit, Putin, dëshiron të presë ngjarjen më të madhe politike ruse këtë vit në kryeqytetin Kazan: samiti BRICS i vendeve industriale në zhvillim është planifikuar të zhvillohet atje në tetor (shkurtesa nënkupton anëtarët themelues Brazil, Rusi, Indi, Kinë dhe Afrika e Jugut). Është e paqartë nëse aeroporti mund të funksionojë edhe për shkak të presionit të dronëve ukrainas. sn
Zyrtarët ukrainas kanë thënë më 10 shtator se sulme t ë shumta ruse me dronë dhe raketa kanë shënjestruar Kievin dhe infrastrukturën kritike në verilindje të Ukrainës.
Ndërkohë, zyrtarët rusë kanë thënë se sulmet me dronë, të nisura prej Ukrainës, kanë vrarë një grua afër kryeqytetit dhe kanë detyruar pezullimin e fluturimeve në tri aeroporte në Moskë.
Guvernatori i rajonit të Moskës, Andrei Vorobyov, ka thënë se një grua 46-vjeçare është vrarë dhe katër të tjerë janë plagosur në qytezën Ramenskoje, kur dronët kanë goditur ndërtesat në rajonin e Moskës.
Dhjetëra banorë janë evakuuar prej një blloku tejet të dëmtuar të banesave, kanë thënë zyrtarët.
Mediat lokale kanë cituar burime të mbrojtjes ruse të kenë thënë se njësitet për mbrojtje ajrore kanë shkatërruar 144 dronët ukrainas që kanë depërtuar në qendër të Rusisë gjatë natës.
Autoriteti kombëtar i aviacionit në Rusi, Rosaviyatsiya, ka thënë se si pasojë e sulmeve me dronë janë pezulluar fluturimet në tri aeroportet në Moskë – Domodedovo, Zhukovski dhe Vnukovo – për arsye të sigurisë.
Disa orë më vonë, aeroportet është thënë të jenë funksionalizuar.
Ndërkohë, forca ajrore ukrainase ka thënë se Rusia ka kryer sulme gjatë natës me dy raketa dhe të paktën 46 dronë, por që ka arritur t’i rrëzojë 38 dronë.
Zyrtarët në Kiev kanë thënë se nuk është raportuar për dëme në qytet.
Në rajonin veriperëndimor të Ukrainës, Sumi, administrata ushtarake ka thënë se forcat ruse kanë kryer sulme në infrastrukturë kritike.
Radio Evropa e Lirë nuk i ka verifikuar pretendimet e asnjërës palë.
Ndonëse Moska ka kryer sulme me dronë dhe raketa qysh prej nisjes së luftës, 36 muaj më parë, ajo është duke u përballur secilën herë e më shumë me sulme me dronë të nisur prej Ukrainës.
Lufta në Ukrainë ka nisur më 24 shkurt 2022.
Presidenti rus, Vladimir Putin, e quan luftën “operacion special ushtarak” për të çmilitarizuar Ukrainën.
Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.
Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre.
Më 6 gusht, në një lëvizje të befasishme, forca të freskëta dhe të trajnuara mirë ukrainase hynë në rajonin Kursk të Rusisë. Ata arrijnë ta pushtojnë atë. Arrijnë të kapërcejnë rekrutët rusë në kufi dhe si “thika nëpër gjalpë”, pushtojnë 1200 kilometra katrorë. Ushtarët ukrainas përparojnë në bordin e mjeteve të blinduara ushtarake amerikane dhe tankeve britanike, shkruan e përditshmja italiane, Corriere. Moska tregon imazhet dhe thotë: “E shihni? Është NATO ajo që na sulmon”! Zhvillimet kanë bërë që edhe analistët të tregohen të kujdesshëm lidhur me atë se çfarë e pret rajonin e trazuar në Lindje.
Vetëm në javën e dytë të pushtimit vjen “një gjysmë bekimi” nga Pentagoni: “Përdorimi i armëve amerikane në Kursk është në përputhje me marrëveshjet, shërben për të mbrojtur Ukrainën”.
Mjetet e gjurmuara janë një gjë, raketat me rreze të gjatë veprimi janë një tjetër.
Për “Atacms” dhe sistemet e tjera të armëve që mund të godasin thellë në brendësi të Rusisë, ndalimi i përdorimit të tyre mbetet në fuqi.
Një muaj pas thyerjes së tabusë, pushtimit të territorit sovran të një fuqie bërthamore, ukrainasit në Kursk po hapin llogore, duke u përgatitur për të kaluar dimrin në shtëpinë e armikut. Ndërsa presin dritën e plotë jeshile perëndimore për të përdorur Atacms (rreze 300 kilometra), ata mjaftohen me dronët e bërë vetë.
Të shtunën, mjete ajrore pa pilot nga Kievi goditën një depo armësh në Voronish, në territorin rus rreth 100 kilometra nga kufiri ukrainas. Ishte një magazinë për raketat Iskander dhe raketa të reja koreane, dje pati sërish shpërthime. Dronët e prodhuar në Ukrainë mund të udhëtojnë deri në 600 kilometra, por ato mbajnë një ngarkesë relativisht të vogël shpërthyese dhe goditjet si ajo e së shtunës janë të rralla. Një raketë balistike si Atacms ose Himars ka një “kokë lufte” që shkon deri në 240 kilogramë.
“Me ato raketa do të ishim në gjendje të shkatërronim pjesën e thellë ruse, të ndërpresim linjat e tyre logjistike, të kufizojmë furnizimet në llogore. Kur ia paraqitëm propozimin amerikanëve, Këshilltari i Sigurisë i SHBA-së, Jake Sullivan, argumentoi se do të ishte e kot të jepeshin raketa për të goditur aeroportet, sepse rusët tashmë i kanë zhvendosur avionët luftarakë-bombardues më larg. Mund të jetë gjithashtu e vërtetë, por brenda rrezes së Atacms numërojmë 250 objektiva ushtarakë. Janë depo armësh, qendra logjistike, kazerma, riparime, nyje hekurudhore dhe rrugore“, thotë presidenti i Ukrainës, Volodymyr Zelensky.
Koloneli Oleh Zhdanov, ish-stafi i Shtabit të Përgjithshëm të Ukrainës dhe analist i njohur ushtarak, do të donte më shumë F16 (“ne kemi 9, qesharake”, thotë ai), më shumë anti-ajrorë, më shumë raketa, më shumë sisteme elektronike për bllokimin e raketave dhe dronëve të armikut. Dhe mbi të gjitha ai do të donte të ishte në gjendje t’i përdorte ato.
“Rusinë nuk e pengon kjush. javën e fundit ajo ka përdorur thuajse një ton bomba rrëshqitëse, 300 dronë iranianë dhe 60 raketa të llojeve të ndryshme kundër pjesës perëndimore të Ukrainës. Koreanët tashmë kanë ardhur, së shpejti do të mund të punësojnë edhe iranianët. Unë e kuptoj frikën për të parë një vend me 140 milionë banorë të bjerë në kaos për shkak të humbjes, por ne nuk mund të vazhdojmë të vdesim nga frika e fitores”, shprehet Zhdanov.
Putini është në thelb i heshtur. Por presidenti Biden gjithashtu ka shmangur komentet. Ndërsa Zelensky nuk druhet të shqiptojë fjalët: “Nuk ka vija të kuqe, aleatët tanë nuk duhet të kenë frikë nga reagimet e Moskës. Për të fituar ne duhet të jemi në gjendje të përdorim të gjitha armët perëndimore”.
Një film i parë tashmë.
Ukrainasit që në vitin 2022 po bëjnë thirrje për raketa antitank për të zmbrapsur tanket që hyjnë nga të gjitha anët. Perëndimorët që hezitojnë, kanë frikë të provokojnë Moskën dhe më në fund lejojnë forcat antitank që të shkatërrojnë kolonat ushtarake ruse. Më pas radha e mjeteve të blinduara, tankeve, raketave balistike dhe në fund avionët luftarakë F16. Gjithmonë ukrainasit pyesin, perëndimorët kanë frikë nga reagimi bërthamor rus, por më pas ata i lejojnë ato…
Agjencia e inteligjencës së brendshme të Gjermanisë ka paralajmëruar kundër një grupi që i përket inteligjencës ushtarake ruse (GRU) i njohur si njësiti 29155, duke thënë se ka kryer sulme kibernetike kundër shteteve anëtare të NATO-s dhe Bashkimit Evropian.
Në një postim në platformën sociale X – të njohur më parë si Twitter – agjencia gjermane ka thënë se ka lëshuar paralajmërimin bashkë me Byronë Federale të Hetimeve (FBI) të Shteteve të Bashkuara, agjencinë amerikane për siguri kibernetike CISA dhe partnerë tjerë ndërkombëtarë.
Paralajmërimi vjen në kohën e rritjes së shqetësimeve në Evropë për mundësitë e shtrirjes së hakerëve dhe spiunëve rusë, prej nisjes së luftës së Moskës në Ukrainë, më 2022.
Më herët gjatë vitit, Berlini e ka akuzuar Rusinë për kryerje të disa sulmeve kibernetike kundër Social-Demokratëve në pushtet, si dhe ndaj disa kompanive tjera që merren me logjistikë, mbrojtje, hapësirë ajrore dhe sektorë të teknologjisë informative.
Në paralajmërimin e lëshuar të hënën, agjencia gjermane ka thënë se grupi rus, i njohur si “Ariu i prushit”, ka kryer aktivitete me qëllim të spiunimit dhe sabotazhit, me qëllim të vjedhjes së të dhënave të publikuara.
Njësiti i agjencisë ruse, GRU, është i njohur për përfshirjen e dyshimtë në helmim të ish-agjentit të dyfishtë rus, Sergei Skripal dhe vajzës së tij, Yulia, në Britani, më 2018, sipas agjencisë gjermane./REL
Kandidati i opozitës venezueliane Edmundo González është zotuar se do të “vazhdojë të luftojë” për demokracinë në vendin e tij, pasi iu dha azili në Spanjë. González u largua nga Venezuela të shtunën, pasi kishte kaluar javë të tëra duke u fshehur në ambasadën spanjolle në Karakas – duke mbërritur në bazën ajrore ushtarake Torrejón de Ardoz në Madrid me gruan e tij rreth orës 16:00 me kohën lokale (14:00 GMT).
Largimi i 75-vjeçarit nga vendi pasoi trazirat në vazhdën e zgjedhjeve të 28 korrikut, në të cilat presidenti Nicolás Maduro shpalli fitoren – diçka që u kundërshtua nga González dhe shumë pjesë të komunitetit ndërkombëtar.
Në një mesazh audio të shpërndarë nga ekipi i tij i shtypit, ai tha se ishte “i sigurt se së shpejti do të vazhdojmë luftën për të arritur lirinë dhe rimëkëmbjen e demokracisë në Venezuelë”. Para largimit të tij, një urdhër arresti ishte lëshuar në Venezuelë, me qeverinë që e akuzonte atë për konspiracion dhe falsifikim dokumentesh, ndër të tjera “krime të rënda”.
Duke falënderuar mbështetësit e tij për shprehjet e solidaritetit dhe duke konfirmuar mbërritjen e tij në Spanjë, González tha: “Largimi im nga Karakasi u rrethua nga episode presioni, shtrëngimi dhe kërcënimesh se nuk do të më lejohej të largohesha”. Më herët, kreu i opozitës në vend, Maria Corina Machado, shkroi në rrjetet sociale se kishte marrë vendimin për t’u larguar nga vendi sepse “jeta e tij ishte në rrezik”, duke përmendur një “valë brutale shtypjeje” pas zgjedhjeve.
Zonja Machado, një kandidate popullore në vend, pritej të kandidonte si kandidate kundër Maduros, por u pengua ta bënte këtë në minutën e fundit nga institucionet besnike të presidentit. Opozita pretendoi se kishte prova që González kishte fituar me një diferencë të madhe, dhe ngarkoi grafike të detajuara në internet, të cilat sugjeronin se González mundi Maduron në mënyrë bindëse.
SHBA, BE dhe shumica e qeverive të huaja kanë refuzuar të pranojnë Maduron si fitues pa publikuar të dhëna të hollësishme të votimit për të vërtetuar rezultatin nga Karakasi. Në një deklaratë të dielën, Sekretari Amerikan i Shtetit Antony Blinken tha se largimi i zotit Gonzalez nga Venezuela “është rezultat i drejtpërdrejtë i masave antidemokratike që Nicolás Maduro ka lëshuar ndaj popullit venezuelian, duke përfshirë [Edmundo] González Urrutia dhe liderë të tjerë të opozitës, që nga zgjedhjet”.
Ai shtoi: “Rezultatet e zgjedhjeve dhe vullneti i popullit nuk mund të fshihen thjesht nga Maduro dhe autoritetet elektorale të Venezuelës. Ne qëndrojmë me González Urrutia në thirrjen e tij për të vazhduar luftën për liri dhe rivendosjen e demokracisë në Venezuelë.” Më herët të dielën, nënkryetari i Komisionit Evropian Josep Borrell tha: “Sot është një ditë e trishtuar për demokracinë në Venezuelë”. Ai shtoi se “në një demokraci, asnjë lider politik nuk duhet të detyrohet të kërkojë azil në një vend tjetër”. Ai tha se Venezuela duhet t’i japë fund shtypjes së liderëve të opozitës dhe të lirojë të gjithë të burgosurit politikë.
Duke folur në një takim të Partisë Socialiste të shtunën, kryeministri spanjoll Pedro Sánchez e përshkroi zotin González si “një hero që Spanja nuk do ta braktisë”. Ministri i Jashtëm i vendit, José Manuel Albares tha se Madridi do t’i japë zotit González azil pasi ishte “i përkushtuar ndaj të drejtave politike” të të gjithë venezuelianëve.
Largimi i González erdhi pasi forcat e sigurisë në Venezuelë rrethuan ambasadën argjentinase në kryeqytetin Karakas, ku janë strehuar gjashtë figura të opozitës. Ministria e Jashtme e vendit pretendoi se brenda saj po komplotoheshin akte terroriste.bw
Horizonti i madh i Dubait tashmë është shtëpia e “qiellgërvishtësit” më të lartë në botë.
Tani është vendosur të mirëpresë edhe të dytin më të gjatë në botë.
“Burj Azizi” u ndërtua në janar të këtij viti, por lartësia e tij e saktë nuk u zbulua në atë kohë pasi zhvilluesi i tij priste miratimin nga autoritetet e Dubait.
Firma e pasurive të paluajtshme ‘‘Azizi Developments’’ njoftoi se ndërtesa e saj do të ngrihet mbi monumentet fqinje, të gjitha përveç njërës në një lartësi marramendëse 725 metra.
“Që nga fillimi, ne kishim plane për dy dizajne, një për lartësinë e miratuar fillimisht prej 526 metrash, dhe tjetra për më të lartën, tashmë të miratuar 725 metra,” -tha Mirwais Azizi, themeluesi i Azizi Developments.
Zhvilluesi i mbajti opsionet e tij të hapura për të dy skenarët” kur filloi punët përgatitore në fillim të këtij viti.
Qiellgërvishtësi 131-katësh do të ketë apartamente, një hotel luksoz me “shtatë yje” me suita dhe një qendër tregtare “vertikale” me shtatë kate.
I vendosur në rrethin e Qendrës Botërore të Tregtisë në Dubai, Burj Azizi do të vazhdojë të qëndrojë pothuajse 340 metra më i shkurtër se Burj Khalifa 12,717m i gjatë.
Pasi të dalë në krye, kjo ndërtesë do të tejkalojë gjithashtu ndërtesën e dytë më të lartë në botë, Merdeka 118 të Malajzisë 2,227m.
Kulla parashikohet të vendosë disa rekorde, duke përfshirë hollin e hotelit më të lartë në botë (në nivelin 11), klubin më të lartë të natës në botë (në nivelin 126) dhe kuvertën më të lartë të vëzhgimit në botë (në nivelin 130), sipas Azizi Developments. sn
Papa Françesku paralajmëroi kundër përdorimit të fesë për të nxitur konflikte. Ky apel u bë në kuadër të një deklarate që ai nënshkroi me imamin e madh të Indonezisë, para mbajtjes së një meshe në Xhakartë.
Nënshkrimi i deklaratës në xhaminë Istiqlal, ishte një prej hapave të fundit kyç të vizitës treditore të Françeskut në Indonezi, shtetin me popullsinë më të madhe myslimane në botë.
Harmonia fetare ka qenë në qendër të udhëtimit të papës.
Në fjalimin në xhami, Françesku tha se “nëse shikojmë më thellë… ne do ta zbulojmë se të gjithë jemi vëllezër, të gjithë pelegrinë, të gjithë në rrugën tonë për te Zoti”.
Teksa paralajmëroi kundër përdorimit të fesë për të nxitur konflikte, ai po ashtu tha se kriza mjedisore është kërcënim ekzistencial për civilizimin njerëzor.
Gjatë vizitës në Indonezi ai u takua me udhëheqësit e gjashtë feve zyrtare në Indonezi.
“Ne duhet të marrim përgjegjësinë që të adresojmë me seriozitet krizat që kërcënojnë të ardhmen e njerëzimit, sikurse luftërat dhe konfliktet…. dhe krizat mjedisore, të cilat janë pengesë për rritjen dhe bashkëjetesën e popujve”, tha Françesku.
Gjatë vizitës së papës në xhaminë Istiqlal, kryemami Nasaruddin Umar lexoi pjesë të Kuranit dhe një vajzë e verbër një pjesë nga Bibla.
Kjo xhami gjendet përballë katedrales në Xhakartë dhe dy objektet janë të lidhura “nga tuneli i miqësisë”, si një simbol i vëllazërisë fetare.
Françesku vizitoi tunelin para se të takohej me kryeimamin.
Françesku ka vizituar disa shtete me shumicë myslimane dhe më 2019 ai vizitoi Emiratet e Bashkuara Arabe dhe nënshkroi një dokument për vëllazëri mes popujve me imamin e madh të këtij shteti.
Në Indonezi, 242 milionë persona, apo 87 për qind e popullsisë janë myslimanë. Ndërkaq, afër 8 milionë, apo afër 3 për qind janë katolikë.REL
Pakhshan Azizi është njëra nga katër gratë e akuzuara për “rebelim të armatosur” kundër Republikës Islamike.
Kian Sharifi, Diako Alavi
Çfarë kanë të përbashkët një punonjëse humanitar, një aktiviste për të drejtat e punëtorëve, një aktiviste politik dhe një protestuese?
Që të gjitha janë gra të cilat Irani i ka akuzuar muajt e fundit për kryengritje të armatosur kundër shtetit. Ndëshkimi për një akuzë të tillë është dënim me vdekje.
Dy prej atyre grave, aktivistet Pakhshan Azizi dhe Sharifeh Mohammadi, janë dënuar tashmë me vdekje. Aktivisti politik, Varisheh Moradi, dhe protestuesi Nasim Gholami Simiyari, janë në pritje të shqiptimit të dënimeve ndaj tyre.
Përveç Simiyarit, të gjitha gratë janë akuzuar se janë anëtare të grupeve opozitare kurde jashtë Iranit.
Azizi dhe Moradi janë pjesëtare të pakicës kurde të Iranit, e cila është shtypur për kohë të gjatë.
Ka pasur një rritje të numrit të grave të dënuara me vdekje dhe të ekzekutuara prej se shpërthyen protestat antiqeveritare në vitin 2022, pas vdekjes së Mahsa Aminit, një gruaje kurdo-iraniane, në qendrën e ndalimit policor.
Frika nga ekzekutimi
Mohammadi, aktiviste e punës, u dënua me vdekje në korrik. Ajo u akuzua se ishte anëtare e një sindikate të pavarur të punës dhe një grupi të ndaluar separatist kurd me bazë në rajonin gjysmautonom kurd të Irakut.
Familja e saj ka thënë se ajo nuk ishte e lidhur me ndonjë organizatë politike brenda apo jashtë vendit.
Sharifeh Mohammadi, sikurse Azizi, është dënuar me vdekje.
Kushërira e Mohammadit, Vida Mohammadi, i tha Radios Evropa e Lirë se ajo ishte torturuar në burg pas arrestimit të saj në dhjetor dhe se kishte kaluar disa muaj në izolim.
Moradi, aktivistja politike kurde, u arrestua në gusht 2023.
Ajo u akuzua si ishte anëtare e Partisë së Jetës së Lirë të Kurdistanit (PJAK), degës iraniane të Partisë së Punëtorëve të Kurdistanit (PKK) të Turqisë dhe e një grupi të shpallur terrorist nga SHBA-ja.
Azizi, po ashtu, u arrestua në gusht të vitit 2023 dhe u akuzua se është anëtare e PJAK-ut, gjë të cilën ajo e ka mohuar. Ajo u dënua me vdekje në korrik.
Ajo kaloi kohë në Kurdistanin irakian si dhe në Sirinë verilindore, të cilat kanë pakicë kurde, për t’i ndihmuar njerëzit e zhvendosur nga lufta civile dhe lufta kundër grupit ekstremist të Shtetit Islamik.
Në një letër të shkruar nga burgu para dënimit të saj, Azizi tha se puna në kampet e refugjatëve në Siri “mund të ketë qenë një nga kontributet më të mëdha morale për një shoqëri që është shtypur për vite me radhë”.
Ajo mohoi gjithashtu se ishte anëtare e grupeve opozitare, duke thënë “pra, kushdo që kalon kohë [në rajonin me shumicë kurde të Sirisë] është anëtar i PKK-së?”
Varishe Moradi, aktiviste politike kurde, u tortura në burg dhe kaloi muaj në izolim, sipas familjarëve.
Simiyari, protestuesja, u akuzua për pjesëmarrje në protestat antiqeveritare më 2022. Ajo u arrestua në maj 2023.
Ajo ka thënë se është torturuar në burg dhe është mbajtur në izolim për periudha të gjata.
“Mbyllja e gojës së kundërshtarëve”
Grupet e të drejtave të njeriut kanë dënuar ato që ata i kanë quajtur akuza të sajuara kundër katër grave.
Aktivistët iranianë thonë se akuza për rebelim të armatosur kundër shtetit përdoret shpesh nga autoritetet kundër të burgosurve politikë dhe disidentëve.
“Përballë një lëvizjeje të grave në Iran që refuzon të tërhiqet, autoritetet e Republikës Islamike tani po përpiqen t’i kërcënojnë këto gra me varje, në një përpjekje të dëshpëruar për t’ua mbyllur gojën kundërshtarëve,” tha Hadi Ghaemi, drejtor ekzekutiv i Qendrës për të Drejtat e Njeriut në Iran me bazë në Nju Jork (CHRI).
Grupet për të drejtat e njeriut kanë akuzuar vazhdimisht Iranin për përdorimin e dënimit me vdekje për të futur frikë në shoqëri pas protestave të vitit 2022.
Saeid Dehghan, një avokat i shquar iranian për të drejtat e njeriut, tha se katër gratë janë akuzuar për rebelim të armatosur, edhe pse “ato nuk posedonin asnjë armë, dhe asnjë armë nuk është sekuestruar apo regjistruar në rastin e tyre”.
“Aktivitetet e këtyre qytetareve ishin të natyrës civile dhe nuk kishin asnjë lidhje me një rebelim kundër ‘Republikës Islamike'”, tha ai.
Aktivistët kanë frikë se këto katër gra mund të jenë viktimat e ardhshme të rritjes së ekzekutimeve në Iran.
Të paktën 345 persona janë ekzekutuar deri më tani këtë vit, sipas grupit për të Drejtat e Njeriut në Iran me bazë në Norvegji.
CHRI tha se fakti që dy nga gratë janë kurde pasqyronte “përdorimin e vazhdueshëm disproporcional të dënimit me vdekje nga republika islame kundër pakicave të vendit”.
Rajoni Kurdistan i Iranit ishte skena e disa prej goditjeve më të dhunshme gjatë protestave të vitit 2022.
Në vitet e fundit, Teherani e ka rritur intensitetin në përpjekjet e tij për t’i shtypur grupet opozitare iraniano-kurde në mërgim, të cilat i konsideron si organizata terroriste.
Në Izrael është bërë një thirrje e rrallë për grevë të përgjithshme pasi në Rripin e Gazës u gjetën trupat e gjashtë pengjeve të vrarë. Greva çoi në ndërprerje të punës në të gjithë vendin, duke e përfshirë edhe aeroportin kryesor ndërkombëtar. Greva e së hënës megjithatë u injorua në disa zona, duke reflektuar ndarje të thella politike. Një gjykatë e anuloi atë mëngjesin e së hënës ndërsa siç njofton korrespondentja e Zërit të Amerikës Linda Gradstein disa e fajësojnë qeverinë izraelite për mos arritjen e një marrëveshjeje armëpushimi me Hamasin.
Vetëm disa ditë pasi familjet e tyre ndanë mesazhe me altoparlantë për pengjet nga kufiri i Izraelit me Gazën, ushtria izraelite njoftoi se trupat e gjashtë pengjeve u gjetën në një tunel në Gazën jugore. Mes pengjeve të vrarë ishte dhe Hersh Goldberg Polin, shtetas amerikano-izraelit.
“Ata u vranë mizorisht nga terroristët e Hamasit pak para se të arrijmë tek ata. Ata u rrëmbyen të gjallë mëngjesin e 7 tetorit nga organizata terroriste Hamas. Trupat e tyre u gjetën gjatë luftimeve në Rafah në një tunel nëntokësor, afërsisht një kilometër nga tuneli ku shpëtuam Farhan Alkadin, disa ditë më parë”, njoftoi zëdhënësi i ushtrisë izraelite Daniel Hagari.
Shtypi izraelit thotë se operacioni për shpëtimin e tyre mund të ketë provokuar Hamasin për të vrarë gjashtë pengjet, nga frika se ushtarët izraelitë po afroheshin. Gjithashtu u njoftua se tre nga gjashtë të vrarët do të liroheshin për arsye humanitare në fazën e parë të armëpushimit, duke përfshirë amerikano-izraeltin Goldberg Polin dhe dy gra.
Në demonstratat masive në mbarë vendin, protestuesit thonë se qeveria po saboton një marrëveshje për lirimin e pengjeve në favor të mbajtjes së një pranie ushtarake përgjatë kufirit Gazë-Egjipt.
Kjo u konfirmua nga ministrat e kabinetit qeveritar disa ditë më parë dhe, sipas njoftimeve të shtypit izraelit, Kryeministri Benjamin Netanyahu pranoi se vendimi i tyre ka të ngjarë të nënkuptojë dështimin e negociatave për një marrëveshje pengjesh.
Por pas vrasjes së gjashtë pengjeve, zoti Netanyahu fajësoi Hamasin për mungesën e ndonjë marrëveshjeje pengjesh.
“Këto ditë, ndërsa Izraeli po zhvillon negociata intensive me ndërmjetësit në përpjekje për të arritur marrëveshje, Hamasi vazhdon të refuzojë me vendosmëri çdo propozim… Kushdo që vret pengjet nuk dëshiron një marrëveshje”, tha kryeministri Netanyahu.
Sondazhet tregojnë se shumica e publikut izraelit mbështet një marrëveshje armëpushimi si e vetmja mënyrë për të liruar pengjet, edhe nëse kjo do të thotë se Hamasi nuk është shkatërruar plotësisht, sipas Gershon Baskin, një nga negociatorët izraelit me Hamasin.
“Trysnia ushtarake nuk i liroi pengjet. Tetë pengje u shpëtuan në operacione. Në Gazë ka ende 100 pengje. Nëse mësuam diçka, është se trysnia ushtarake nuk do t’i shpëtojë, por do t’i vrasë ata”, thotë zoti Baskin.
Mes zisë kombëtare për gjashtë pengjet e vrarë, izraelitët kanë dalë në rrugë në demonstrata masive kundër politikës ushtarake të zotit Netanyahu. Ata mbajtën një grevë të përgjithshme njëditore të hënën.
Një gjykatë që merret me çështjet e punës vendosi që greva duhet të përfundojë pasdite sipas orës lokale, duke pranuar një peticion nga qeveria që thoshte se greva ishte e motivuar politikisht.
Shtetet e Bashkuara kanë sekuestruar një aeroplan të përdorur nga Presidenti venezuelian Nicolas Maduro. Autoritetet amerikane e kanë dërguar avionin nga Republika Domenikane në Florida, pasi kanë përcaktuar se blerja e tij shkelte sanksionet e Shteteve të Bashkuara, tha të hënën Departamenti i Drejtësisë.
Sekuestrimi i avionit erdhi ndërsa është rritur trysnia mbi Presidentin Maduro, si brenda ashtu edhe jashtë vendit lidhur me zgjedhjet e 28 korrikut, që ai pretendom se i ka fituar. Por opozita në Venezuelë thotë se zgjedhjet u fituan nga kandidati i saj. Presidenti Maduro, bashkëpunëtorët e tij dhe sektori i naftës në shtetin anëtar të OPEC-ut janë nën sanksione amerikane. Mënyra se si i trajtoi ai zgjedhjet ka rritur mundësitë se mund të vendosen masa të mëtejshme.
Prokurori i Përgjithshëm i Shteteve të Bashkuara Merrick Garland tha në një deklaratë se avioni i tipit ‘Dassault Falcon 900EX’ u ble në mënyrë të paligjshme për 13 milionë dollarë përmes një kompanie guaskë dhe u nxor kontrabandë nga territori amerikan “për përdorim nga Nicolás Maduro dhe miqtë e tij”.
“Ky sekuestrim të dërgojë një mesazh të qartë: avionët e blerë ilegalisht nga Shtetet e Bashkuara për të mirën e zyrtarëve të sanksionuar venezuelas, nuk mund të përdoren”, tha Matthew Axelrod, Ndihmës Sekretari amerikan i Departamentit të Tregtisë për Zbatimin e Eksportit.
Zyrtarët amerikanë thanë se sekuestrimi, i cili u njoftua fillimisht nga rrjeti amerikan CNN, u krye në bashkëpunim të ngushtë me Republikën Domenikane.
Qeveria e Venezuelës nuk iu përgjigj menjëherë kërkesës për koment.
“Ky është një hap i rëndësishëm për t’u siguruar që Maduro do të vazhdojë të ndjejë pasojat e keqqeverisjes së tijnë Venezuelë”, tha një zëdhënës i Këshillit të Sigurisë Kombëtare të Shtëpisë së Bardhë.
Një gamë e gjerë burimesh të pavarura kanë treguar se Presidenti Maduro dhe përfaqësuesit e tij “kanë manipuluar me rezultatet e zgjedhjeve presidenciale të 28 korrikut, kanë pretenduar në mënyrë të rreme fitoren dhe kanë kryer shtypje të gjerë për të mbajtur pushtetin me forcë”, shtoi më tej zëdhënësi.
Një hetim i Departamentit të Drejtësisë tregoi se në fund të vitit 2022 dhe në fillim të vitit 2023 “personat e lidhur me zotin Maduro dyshohet se përdorën një kompani guaskë me bazë në Karaibe për të fshehur përfshirjen e tyre në blerjen e paligjshme të avionit “Dassault Falcon 900EX”.
Vitin e kaluar aeroplani u eksportua ilegalisht nga Shtetet e Bashkuara për në Venezuelë, përmes Karaibeve, e që nga ajo kohë është përdorur “për qëllimet e Maduros dhe përfaqësuesve të tij, përfshirë për vizitat e tij në vende të tjera”, tha Departamenti i Drejtësisë.
Presidenti i Rusisë Vladimir Putin po viziton Mongolinë, teksa shteti mikpritës nuk ka shfaqur shenja se do t’i dëgjojë thirrjet për arrestimin e tij në bazë të një fletarrestimi ndërkombëtar.
Gjykata Ndërkombëtare Penale (GJNP) vitin e kaluar lëshoi fletarrestim për Putinin, të cilin e akuzon për dëbim dhe transferim të paligjshëm nga pjesët e pushtuara të Ukrainës për në Rusi.
Para vizitës, Ukraina i bëri thirrje Mongolisë që ta dorëzojë Putinin te gjykata në Hagë. Bashkimi Evropian, ndërkaq, shprehu shqetësime se Mongolia, shtet anëtar i GJNP-së, nuk do ta respektojë këtë fletarrestim.
Pavarësisht thirrjeve për respektimin e fletarrestimit, zyrtarët në Mongoli e pritën me nderime të larta Putinin.
Vizita e tij përkon me 85-vjetorin e fitores të trupave sovjetike dhe mongoleze ndaj ushtrisë japoneze në më 1939.
Mongolia është anëtare e GJNP-së që nga viti 2003. Kremlini më herët ka deklaruar se nuk është “i shqetësuar” për këtë udhëtim.REL
Vizita në Mongoli do të ishte e para për presidentin Vladimir Putin në një vend i cili është anëtar i GJNP-së, prej se u lëshua urdhërarresti për të në mars 2023.
Organizata ndërkombëtare për të drejtat e njeriut, Human Rights Watch (HRW) i ka bërë thirrje Mongolisë t’ia mohojë hyrjen, ose ta arrestojë presidentin e Rusisë, Vladimir Putin, i cili e ka ndër mend ta vizitojë këtë vend më 3 shtator.
Putini kërkohet nga Gjykata Ndërkombëtare Penale (GJNP), të cilës Mongolia iu bashkua më 2003.
GJNP-ja, një gjykatë e përhershme për krimet e luftës me seli në Hagë, më 2023 e lëshoi një urdhërarrest për Putinin për dëbimin e dyshuar të fëmijëve nga Ukraina, gjë që cilësohet krim lufte.
“Mongolia do t’i shpërfillë detyrimet e saj ndërkombëtare si një anëtare e GJNP-së, nëse e lejon vizitën [e Putinit] pa e arrestuar atë”, tha të hënën Maria Elena Vignoli, avokate e lartë ndërkombëtare në HRW.
Kremlini tha më 30 gusht se nuk “brengoset” për udhëtimin e Putinit, duke shtuar se Rusia ka “dialog të mrekullueshëm me miqtë tanë nga Mongolia”. REL
Komentet