VOAL

VOAL

Copyright © 2022

VOAL

Me fitore të rrejshme drejt humbjeve përfundimtare! – Nga Florim Zeqa

March 31, 2018

Skenari i përgatitur i maskaradës mashtruese për qytetarët, e nxori në sipërfaqe “heroizmin”, injorancën shqiptare dhe lojën e dyfisht të lidershipit kosovar, me ç’rast qytetarët e shikuan vetëm njërën anë e medaljes!
Skenari i Dramës së 26 marsit 2018 u përgatit në Amerikë, shfaqja u prezentua në dy akte; akti i parë në Mitrovicë dhe akti i dytë në Prishtinë, ku rolet kryesore i luajtën Marko Gjuriq dhe Policia e Kosovës.

Për dallim nga aksioni policor i pakoordinuar Njësisë Speciale të Policisë së Kosovës ROSU i 25 korrikut të vitit 2011 në veri të Kosovës, me ç’rast Hashim Thaçi e Shpend Maxhuni u kthyen nga veriu me “bisht nën shalë”, me një polic të vrarë dhe disa të plagosur, aksioni i datës 26 mars 2018, i koordinuar për mrekulli me palen serbe, respektivisht mes Thaçit e Vuçiqit rezultoi me “fitoren” e ROSU në veri dhe “nënshtrimin” e serbëve në plotni!
Pas përfundimit të dramës së 26 marsit 2018, aktori i përzgjedhur Marko Gjuriq mund të kandidoj për çmimin OSCAR, përderisa skenaristët mund të kërkojnë NOBEL-in (Hashim Thaçi është në pritje të këtij çmimi prej vitesh).

Inskenimi i mjerimit politik, dështim në rrafshin praktik

Sovraniteti i shtetit nuk mbrohet me arrestimin spektakular të gjuriqëve, por me kthimin e shqiptarëve në veri, të cilët janë zhvendosur dhe që 19 vite dhe jetojnë si refugjatë në jug të Mitrovicës dhe gjithandej Kosovës.
Arrestimi i Gjuriqit ishte mashtrimi më klasik për zhvendosje të vëmendjes nga Demarkacioni me Malin e Zi, i cili Kosovës i kushtojë me humbjen e 8230
hektarëve tokë shqiptare të larë me gjak ndër shekuj.
Vetëm kthimi i shqiptarëve në shtëpitë dhe pronat e tyre në pjesën veriore nënkupton shtrirjen e sovranitetit në veri, e jo maskaradat mashtruese të Vuçiqit dhe Thaçit nën bekimin e ndërkombëtarëve.
Sikurse herave të tjera, edhe kësaj radhe pas “komedisë” së fundit me Gjuriqin, kishte edhe të atillë që tentuan të përfitojnë për qëllime politike për marrjen e pushtetit, duke shpresuar në rënjën e shpejtë të kësaj qeverie, apo kushtëzimit të qeverisë aktuale pas paralajmërimit për largim nga qeveria të Listës “Srpska”!
Në këtë rast, nuk mungoi as gatishmëria e LDK-së për ta “ndihmuar” Haradinajn për mbajtjen e pushtetit, duke harruar se kartat e pushtetit nuk janë në dorën e Haradinajt por të dikujt tjetër!

LDK-ja, patericë e partive të vogla nuk e ndihmon shtetin

Një LDK çfarë është aktualisht, e kapur nga klani “RIINVEST” dhe grupet e tjera të interesit, pa u reformuar dhe konsoliduar mirë nuk duhet të kthehet tutje në qeverisjen e vendit.
Hipokritët e lakmitarët e pushtetit në LDK, një herë kërkojnë largimin e qeverisë, ndërsa herën tjetër bashkangjitjen së njëjtës qeveri!
Nga shkuarja në amshim e liderit historik Ibrahim Rugova, LDK-së i ka humbur busulla orientuese, e cila herë “kapet” e herë “ç’kapet” me SHIK-un e PDK-në!
Është pikërisht kjo LDK-ja që ka miratuar të gjitha marrëveshjet e dëmshme dhe fatkeqe për vendin të Hashim Thaçit, duke e humbur në plotni besimin tek elektorati kosovar, duke mbetur “as mish dhe as peshk” për qytetarët!
Me largimin nga vizioni rugovian, besa dhe traditat vlerëmëdha të këtij subjekti politik, ka bërë që të irritohen shumë nga veprimtarët më besnik të saj si në Kosovë ashtu edhe në Diasporë.
Nëse ndodh që LDK-ja t’i bashkohet edhe AAK-së në qeverisje me PDK-në, jo në patericë, por do të shndërrohet në prostitutë të politikës kosovare, gjë e cila do të paraqiste poshtërimin më të madh për votuesit e saj.
Konstatim ky sa i rënd, po aq i dhimbshëm, ngase politikanët që shiten për para dhe privilegje pushteti nuk meritojnë kualifikim ndryshe prej prostitutave.
Prandaj, qytetarët si asnjëherë më parë, e kanë të vështirë t’i besojnë tutje kësaj LDK-je të kapur e katandisur keq nga lakmitarët e pushtetit!
Kur jemi në këtë segment, m’u kujtua pyetja e një miku gjatë këtyre ditëve; “A ka Kosova intelektualë për t’ua ndal hovin matrapazëve politikë!?”
Intelektual ka me bollekë, por nuk po duan të identifikohen me këtë klasë politike të shantazhuar, korruptuar dhe kriminalizuar deri në fyt, ishte përgjigja ime.

Shoqëria kosovare, ende e pafuqishme për të reaguar

Popullata kosovare nga pritjet e gjata sikur ka kaluar në agoni të thellë. Ka mbyllur sy e vesh përballë korrupsionit dhe krimit të organizuar. Kusarët politikë në të dyja nivelet e qeverisjes (qendrore dhe lokale) për interesa shumë të ngushta grupore e klanore, edhe pse po e shkatërrojnë shtetin në embrion, shoqëria kosovare vazhdon të heshtë!
Degradimi dhe qeverisja e inkriminuar që po i ndodh vendit për gjithë këto vite të pasluftës është një shtresim i madh dhe i rrezikshëm për vendin nga politika kosovare, pozitë e opozitë, që është bërë si opium për shoqërinë e nëpërkëmbur kosovare, e të cilën e ka duruar dhe po e duron tepër shumë ky popull i pashpresë dhe i nënshtruar, të cilit i ka hipur në qafë, duke e shkatërruar vendin me korrupsion e krim të organizuar.
Kasta politike kosovare, pozitë dhe opozitë së bashku, përveçse një opium për shoqërinë e varfër e të nëpërkëmbur kosovare, janë shndërruar në sindromë kancerogjene të shtetit të Kosovës.
Deri më sot, nuk më ka rënë të dëgjoj për ndonjë vend tjetër, të ketë ndodhur një hipnotizim i skajshëm i shoqërisë nga politika siq ka ndodhur në këtë 10 vjetëshin e fundit në Kosovë!

Çdo vend e ka qeverinë që e meriton

Një fjalë e urtë italiane thotë: “Kush nuk di me qeverisë është uzurpator”, por një thënie tjetër italiane thotë: “Çdo vend e ka qeverinë që e meriton”. “Kur jemi në këtë segment, tek gjendja e krijuar në Kosovë, na del përpara thënia e të madhit dhe të pavdekshmit, profesorit Fehmi Agani; “Koha sjell çka investojmë ne dhe sa arrijmë ne në kohë”. Thënë edhe më qartë për lexuesit, gjendja kaotike dhe e pashpresë në vendin tonë është rezultat i heshtjes së gjatë të shoqërisë kosovare.
Mbase është momenti i fundit që të këndellet popullata, për t’i dhënë goditjen e fundit kësaj klase të shëmtuar politike, e cila, përveç vjedhjes së pasurisë shtetërore, e ka vënë në pikëpyetje të ardhmen e shtetit.
Vetëm zgjimi i ndërgjegjes së pastër kombëtare dhe i angazhimit të intelektualëve të mirëfillt në politikbërjen kosovare mund ta nxjerrë vendin nga kthetrat e kusarëve politikë të të gjitha llojeve e ngjyrave.
Ndryshe, e kemi të rrezikuar të ardhmen dhe ekzistencen e vet shtetit me fitore të rrejshme të pushtetarëve, të cilat pashmangshëm po e dërgojnë shtetin drejt humbjes përfundimtare!

  • twitter
  • facebook
  • linkedin
Fjalë kyçe: , ,

Komentet

Lajme të ngjashëm

Krejt çfarë tha Hill në ditën e parë të dëshmisë në Hagë

Ekrem Idrizi

 

• Christopher Hill, ish i dërguar i posaçëm i SHBA-së gjatë luftës në Kosovë, dëshmoi në mbrojtje të Hashim Thaçit.

• Hill dëshmoi se Thaçi nuk e drejtonte UÇK-në dhe se ajo nuk ishte strukturë me organizim hierarkik.

• Gjyqi ndaj Thaçit, Kadri Veselit, Jakup Krasniqit dhe Rexhep Selimit po shkon drejt përfundimit.

• Që të gjithë i mohojnë akuzat për krime lufte dhe krime kundër njerëzimit gjatë luftës së viteve 1998–1999.

18:14

Lexues të nderuar,

Këtu po e mbyllim mbulimin e drejtpërdrejtë të dëshmisë së Christopher Hill, ish i dërguari i posaçëm i SHBA-së gjatë luftës në Kosovë, i cili e nisi dëshminë për mbrojtjen e ish-presidentit të Kosovës, Hashim Thaçi, në Gjykatën Speciale të Kosovës në Hagë, ku ai po gjykohet për krime lufte, të cilat i mohon.

Hill do ta vazhdojë dëshminë nesër në orën 9:00.

Christopher Hill.

Christopher Hill.

Çfarë dëshmoi Hill?

Hill dëshmoi për rolin e Hashim Thaçit gjatë luftës së viteve 1998-1999 në Kosovë, për rolin e Ushtrisë Çlirimtare të Kosovës dhe për bisedimet në Rambuje.

Gjatë dëshmisë së tij, diplomati i pensionuar amerikan tha se Hashim Thaçi nuk kishte rol vendimmarrës dhe se ai nuk e drejtonte Ushtrinë Çlirimtare të Kosovës.

Ai tha se Thaçi nuk ishte në gjendje të merrte vendime në emër të UÇK-së në bisedimet në Rambuje dhe se ai nuk ishte komandat, por “i duhej t’i pyeste komandantët në Kosovë për të dhënë një qëndrim”.

Hill dëshmoi për takimin e tij të parë me Thaçin gjatë vitit 1998, duke e përshkruar atë si njeri që fliste “butësisht dhe në mënyrë të mendueshme”.

“Mu krijua përshtypja se ai ishte më shumë për një mjedis universitar sesa për një mjedis ushtarak”.

Ai gjithashtu e përshkroi Ushtrinë Çlirimtare të Kosovës si organizatë pa strukturë vertikale dhe pa organizim hierarkik.

Si një i dërguar i posaçëm i Shteteve të Bashkuara në Kosovë gjatë luftës, Hill tha se e kishte shumë të vështirë ta gjente një njeri të vetëm që do të fliste në emër të UÇK-së.

Ndërkohë, Hill gjithashtu foli edhe për ish-presidentin e ndjerë të Kosovës, Ibrahim Rugova dhe partinë e udhëhequr nga ai, Lidhja Demokratike e Kosovës.

Ai dëshmoi se UÇK-ja nuk donte që Rugova të ishte zëri i Kosovës.

“Në vend që Ibrahim Rugova të ishte zëri i Kosovës, ata donin që vetë të ishin zëri i Kosovës. Mendoj që zëvendësimi i Rugovës si zëri i Kosovës dhe që vetë ata të flisnin për pavarësimin e Kosovës, ishte ndër synimet e tyre”, tha Hill.

Për më tepër, Hill tha se takimin mes Rugovës dhe presidentit të atëhershëm serb, Sllobodan Millosheviq, në vitin 1998 në Beograd, e nxiti SHBA-ja.

“Kur ambasadori [Richard] Holbrooke shkoi në Prishtinë, unë isha me të, dhe u ulëm me presidentin Rugova. Edhe pse nuk e kishim diskutuar këtë paraprakisht, ambasadori Holbrooke tha se ishte ide e mirë nëse Rugova do ta takonte Millosheviqin në Beograd, sepse mendonte se ky takim do të zgjidhte shumë probleme”.

“Unë isha shumë skeptik”, tha Hill.

17:32

Hill: Thaçi nuk ishte në pozitë për të thënë “po” në Rambuje

Dëshmia e Hillit tani është e përqendruar rreth bisedimeve në Rambuje më 1999, dhe rolit të Hashim Thaçit në to.

Hill tha se Thaçi nuk e pranoi dokumentin e marrëveshjes për shkak se pavarësia e Kosovës nuk përmendej në të.

I pyetur nga mbrojtja se pse ai nuk e pranonte dokumentin, Hill theksoi: “Thaçi më tha se nëse do ta pranoja, do të më vrisnin sapo të kthehesha në Kosovë”.

Hill tha se Thaçi e kishte thënë këtë në dy raste.

“Unë nuk e pyeta si apo nga kush [do të vritej], por thjesht e kuptova se ai nuk ishte në pozitë për të thënë ‘po’”, tha Hill.

17:20

Hill: Thaçi nuk ishte personi që e përshkroi Millosheviqi

Hill u pyet nga mbrojtja për pretendimet e udhëheqësit të atëhershëm serb, Sllobodan Millosheviq, lidhur me Hashim Thaçin gjatë një takimi mes tyre në vjeshtën e vitit 1998.

Avokati Misetiq e pyeti Hillin nëse Thaçi ishte “luftëtar i madh dhe kishte marrë pjesë në vrasje” siç pretendonte Millosheviq, gjë të cilën diplomati amerikan e mohoi.

“Jo vetëm që unë vlerësova që Thaçi nuk ishte ai person që e përshkruante Millosheviqi, por nuk e kisha dëgjuar këtë gjë nga askush dhe mendoj se është e rëndësishme që kuptohet e gjitha, sepse gjatë gjithë asaj kohe unë kam qenë në kontakt me presidentin Ibrahim Rugova, dhe ai kishte mundësi të shumta t’i denonconte njerëzit me emër, por nuk e ka bërë”, tha Hill.

17:01

Hill: Thaçi nuk e drejtonte UÇK-në

Tani Hill dëshmoi për takimin e tij të parë me Hashim Thaçin gjatë vitit 1998, duke e përshkruar atë si njeri që fliste “butësisht dhe në mënyrë të mendueshme”.

“Mu krijua përshtypja se ai ishte më shumë për një mjedis universitar sesa për një mjedis ushtarak”, tha Hill për takimin e parë me Thaçin.

I pyetur nëse kishte përshtypjen nëse Thaçi ishte person që kontrollonte UÇK-në, Hill thekoi se nuk kishte bazë për një gjë të tillë.

“Ai ishte në mesin e tre personave që erdhën, të cilët i takova. Por, nuk mu krijua përshtypja se ai ishte një person që në kishte kontroll këtë organizatë të madhe, ose që drejtonte atë. Nuk kishte asnjë bazë për këtë”, dëshmoi ai.

Radio Evropa e Lirë

Hill: Thaçi nuk e drejtonte UÇK-në

Hill: UÇK-ja nuk ishte strukturë me organizim hierarkik

Ekrem Idrizi

 

• Christopher Hill, ish i dërguar i posaçëm i SHBA-së gjatë luftës në Kosovë, dëshmon në mbrojtje të Hashim Thaçit.

• Hill është dëshmitari i katërt i thirrur nga mbrojtja e Thaçit.

• Gjyqi ndaj Thaçit, Kadri Veselit, Jakup Krasniqit dhe Rexhep Selimit po shkon drejt përfundimit.

• Që të gjithë i mohojnë akuzat për krime lufte dhe krime kundër njerëzimit gjatë luftës së viteve 1998–1999.

17:01

Hill: Thaçi nuk e drejtonte UÇK-në

Tani Hill dëshmoi për takimin e tij të parë me Hashim Thaçin gjatë vitit 1998, duke e përshkruar atë si njeri që fliste “butësisht dhe në mënyrë të mendueshme”.

“Mu krijua përshtypja se ai ishte më shumë për një mjedis universitar sesa për një mjedis ushtarak”, tha Hill për takimin e parë me Thaçin.

I pyetur nëse kishte përshtypjen nëse Thaçi ishte person që kontrollonte UÇK-në, Hill thekoi se nuk kishte bazë për një gjë të tillë.

“Ai ishte në mesin e tre personave që erdhën, të cilët i takova. Por, nuk mu krijua përshtypja se ai ishte një person që në kishte kontroll këtë organizatë të madhe, ose që drejtonte atë. Nuk kishte asnjë bazë për këtë”, tregoi ai.

16:46

Hill thotë se UÇK-ja donte që ajo të ishte zëri i Kosovës, jo Rugova

I pyetur nga mbrojtja se cilat ishin synimet e Ushtrisë Çlirimtare të Kosovës, Hill tha se ajo donte që vetë UÇK-ja të ishte zëri i Kosovës dhe jo Ibrahim Rugova.

“UÇK-ja donte të punonte me Shtetet e Bashkuara sepse mendonte se ato mund t’i ndihmonin Kosovës ta fitojë pavarësinë afatmesme”, tha Hill.

“Mu krijua përshtypja se ata nuk donin të punonin me Lidhjen Demokratike të Kosovës. Ata bënë çfarë mundën që ta prishnin reputacionin e LDK-së”.

“Në vend që Ibrahim Rugova të ishte zëri i Kosovës, ata donin që vetë të ishin zëri i Kosovës. Mendoj që zëvendësimi i Rugovës si zëri i Kosovës dhe që vetë ata të flisnin për pavarësimin e Kosovës, ishte ndër synimet e tyre”, shtoi ai.

I pyetur nëse UÇK-ja e kishte synim përfundimtar ta udhëhiqte Kosovën, Hill u përgjigj: “Nuk e kam dëgjuar këtë konkretisht, por çfarë kam dëgjuar se ata donin autonomi dhe të ishin të pavarur”.

16:37

Hill: UÇK-ja nuk ishte strukturë me organizim hierarkik

I pyetur nga mbrojtja e Thaçit nëse Ushtria Çlirimtare e Kosovës ishte strukturë vertikale me organizim hierarkik, Hill tha “jo”.

16:07

Hill thotë se kontakti i tij i parë me UÇK-në ndodhi në verën e ’98-ës

Hill tha se kontakti i tij i parë me Ushtrinë Çlirimtare të Kosovës ndodhi në verën e vitit 1998 në Tiranë të Shqipërisë.

“Derisa po punoja me stafin tim dhe të tjerë, duhej të gjenim një zyrtar apo grup zyrtarësh të UÇK-së me të cilët mund të flisnim lidhur me UÇK-në. Duhet të shtoj se kam punuar për një kohë në këtë drejtim pa pasur sukses dhe arritëm në përfundim se nuk kishte një udhëheqje të tillë. Pra, këtu bëhej fjalë për një grup njerëzish në nivel vendor, që ishte përshkrim shumë më i saktë i asaj me të cilën po merreshim ne”, tha Hill, duke iu referuar UÇK-së.

Ai shtoi se në Tiranë takoi “dikë që na e kishin përshkruar si kreun e UÇK-së”.

“Unë dhe kolegët e mi erdhëm në përfundim se ai vepron brenda kësaj lëvizjeje, por nuk mund të flasë në emër të UÇK-së. Ne vazhduam punën për të gjetur njerëz që mund të flisnim si përgjegjës për këtë. Shkuam në verë dhe vjeshtë të ’98-ës në Likoc”, tregoi Hill.

Hill tha se nuk i kujtohej emri i personit të parë nga UÇK-ja me të cilin ishte takuar, por i kërkoi avokatit që e merrte në pyetje për t’i thënë ndonjë emër.

Avokati e pyeti nëse ishte Xhavit Haliti, dhe Hill i tha se “po”.

Christopher Hill dëshmon në mbrojtje të Hashim Thaçit në Hagë

Christopher Hill në sallën e gjyqit në Hagë.

 

• Christopher Hill, ish i dërguar i posaçëm i SHBA-së gjatë luftës në Kosovë, dëshmon në mbrojtje të Hashim Thaçit.

• Hill është dëshmitari i katërt i thirrur nga mbrojtja e Thaçit.

• Gjyqi ndaj Thaçit, Kadri Veselit, Jakup Krasniqit dhe Rexhep Selimit po shkon drejt përfundimit.

• Që të gjithë i mohojnë akuzat për krime lufte gjatë luftës së viteve 1998–1999.

15:04

Për çfarë akuzohen Thaçi dhe të tjerët?

Hashim Thaçi ishte udhëheqës politik i UÇK-së para dhe gjatë luftës së viteve 1998–1999, Kadri Veseli udhëheqës i shërbimit të inteligjencës, Jakup Krasniqi zëdhënës, ndërsa Rexhep Selimi anëtar i shtabit të përgjithshëm.

Aktakuza kundër tyre përfshin akuza për burgosje të paligjshme, torturë, vrasje, krime kundër njerëzimit, zhdukje me forcë dhe persekutim të qindra civilëve dhe personave që nuk morën pjesë në luftime.

Këto krime dyshohet se ndodhën midis marsit 1998 dhe shtatorit 1999 në vende të ndryshme në Kosovë, por edhe në veri të Shqipërisë.

Sipas Dhomave të Specializuara, Thaçi, Veseli, Krasniqi dhe Selimi mbajnë përgjegjësi penale personale për këto krime, por të gjithë ata e mohojnë fajësinë.

Avokatët mbrojtës kanë deklaruar se UÇK-ja nuk do të kishte fituar mbështetjen e bashkësisë ndërkombëtare nëse do të kishte ekzistuar një plan kriminal, siç pretendojnë prokurorët.

Sipas tyre, aktakuza bazohet në një keqinterpretim selektiv të ngjarjeve.

14:59

Hill nis dëshminë

Christopher Hill sapo e ka nisur dëshminë e tij.

Të gjithë të akuzuarit, Hashim Thaçi, Kadri Veseli, Jakup Krasniqi dhe Rexhep Selimi, janë të pranishëm në sallën e gjyqit.

REL-i do t’ju sjellë hollësi nga dëshmia e tij.

14:48

Kush është Christopher Hill?

Christopher Hill është diplomat i pensionuar karriere dhe ka qenë i përfshirë në çështje lidhur me Kosovën, përfshirë si i dërguar i posaçëm i Shteteve të Bashkuara gjatë luftës në Kosovë dhe ishte i përfshirë drejtpërdrejt edhe në bisedimet në Rambuje në vitin 1999.

Ai kishte disa takime me pjesëtarët e Ushtrisë Çlirimtare të Kosovës gjatë luftës së viteve 1998-1999. Hill, së bashku me diplomatin e lartë amerikan, Richard Holbrooke, kishin takuar përfaqësuesit e UÇK-së në Junik në qershor të ’98-ës.

Ndërsa, me ambasadorin William Walker e kishin vizituar shtabin e UÇK-së në Likoc më 13 janar të ’99-ës, për ta ndërmjetësuar lirimin e tetë ushtarëve serbë të cilët ishin zënë rob.

Diplomati Hill ishte angazhuar si pjesë e Grupit të Kontaktit për të gjetur një zgjidhje paqësore mes Kosovës dhe Serbisë gjatë takimeve në Rambuje të Francës.

Megjithatë, bisedimet në Rambuje përfunduan pa sukses, pasi pala serbe nuk pranoi ta nënshkruante marrëveshjen, duke nxitur NATO-n ta kryejë një fushatë 78-ditore të bombardimeve ndaj regjimit të Sllobodan Millosheviqit.

Diplomati amerikan së voni shërbeu edhe si ambasador i Shteteve të Bashkuara në Serbi.

Kadri Kryeziu: Sot është përmbysur dominimi lokal i partive të vjetra

Ish nenkryetari i Gjykates Kushtetuese te Kosoves Kadri Kryeziu ka reaguar ne rrjetin social si me poshte:
“Kjo është harta e re politike, në nivel lokal.
LVV 7 komuna (+3)
LDK 7 komuna (-2)
PDK 6 komuna
AAK 5 komuna
Sot është përmbysur dominimi lokal i partive të vjetra.”

KQZ Kosove shpall rezultatet preliminare të raundit të dytë të zgjedhjeve lokale

Komisioni Qendror i Zgjedhjeve ka mbajtur konferencën e fundit për media ku ka shpallur rezultatet preliminare për rundin e dytë të zgjedhjeve lokale në Kosovë.

Kryetari i KQZ-së, Kreshnik Radoniqi, tha se votimi ka përfunduar plotësisht në të gjitha komunat, ndërsa në platformën online do të azhurohen më vonë edhe dy vendvotime për Mitrovicën e Jugut.

“Rezultatet përfundimtare do të shpallen pasi të numërohen votat e diasporës, të personave me nevoja të veçanta dhe votat me kusht”, deklaroi Radoniqi.

Sa i përket votave nga diaspora, ai bëri të ditur se ato pritet të arrijnë në Kosovë gjatë javës së ardhshme, ndërsa një javë më pas të përmbyllet procesi i numërimit të të gjitha votave.

Sipas rezultateve preliminare të balotazhit, LDK-ja ka fituar në pesë komuna, LVV-ja dhe AAK-ja në nga katër, ndërsa PDK-ja në tre komuna.

Në Prishtinë ka fituar Përparim Rama i Lidhjes Demokratike të Kosovës, me 51,54% të votave kundrejt kandidatit të Lëvizjes Vetëvendosje, Hajrulla Çeku, i cili ka marrë 48,55% të votave.

Në Mitrovicë ka fituar Faton Peci i Lëvizjes Vetëvendosje, në 96,19 përqind kundrejt Arian Tahirit të PDK-së me 46,43% të votave.

Në Prizren fitores iu gëzua Shaqir Totaj i PDK-së me 53,86% të votave, derisa Artan Abrashi i LVV-së ka marrë 46,14% të votave.

Në Vushtrri ka fituar Ferit Idrizi i PDK-së me 54,27% të votave, derisa Sylejman Meholli i LVV-së ka marrë 45,73% të votave.

Në Gjakovë ka fituar Ardian Gjini i Aleancës për Ardhmërinë e Kosovës me 56,03% të votave, derisa Ardian Gola i Lëvizjes Vetëvendosje ka marrë 43,97%.

Zenun Elezaj i AAK-së ka fituar në Klinë me 58,30% kundrejt Sokol Bashotës të PDK-së që mori 41,98% të votave.

Në Fushë Kosovë fitorja i takoi Valon Prebrezës së LVV-së me 54,99% të votave, derisa Besnik Osmani i LDK-së ka marrë 45,01% të votave.

LVV ka fituar edhe në Obiliq, ku kandidati i saj Halil Thaçi ka fituar me 51,09% të votave, derisa Xhafer Gashi i LDK-së ka marrë 48,91% të votave.

Në Gjilan fitoi Alban Hyseni i LVV-së me 61,06% të votave, derisa Arbër Ismajli i LDK-së ka marrë 38,94% të votave.

Në Pejë Gazmend Muhaxheri i LDK-së ka fituar me 61,15% të votave, derisa Taulant Kelmendi i LVV-së ka marrë 38,85% të votave.

Në Rahovec ka fituar Smajl Latifi i AAK-së me 53,00% të votave, derisa Ali Dula i LVV-së ka marrë 47,00% të votave.

Edhe në Suharekë ka fituar kandidati i AAK-së me 55,60% të votave, derisa Ardian Shala i LDK-së ka marrë 44,40% të votave.

Në Viti fitorja i takoi Sokol Halitit të LDK-së me 50,60% të votave, derisa Arsim Ademi i LVV-së ka marrë 49,40% të votave.

Në Junik ka fituar Ruzhdi Shehu i LDK-së me 55,92% të votave, derisa Agron Kuçi i AAK-së ka marrë 44,08% të votave.

Në Kaçanik fitore arriti Sabedin Vishi i PDK-së me 51,86% të votave, derisa Jeton Raka i LVV-së ka marrë 48,14% të votave.

Në Dragash fitore arriti Bexhet Xheladini i LDK-së, me 58,45% të votave, derisa Shaban Shabani i PDK-së ka marrë 48,14% të votave.

Në Mamushë ka fituar Abdulhadi Krasniq nga Kosova Demokratik Turk Partisi, me 53.58 përqind të votave kundrejt kandidatit të Mamusa Halk Hareketi, me 46,42 përqind të votave.

Në Kllokot ka fituar kandidati i Listës Serbe, Bozhidar Dejanoviq, me 90,03 përqind të votave.

Zgjedhjet e balotazhit në Kosovë, voton Albin Kurti, thirrje qytetarëve: Ushtroni të drejtën tuaj!

Kryeministri në detyrë i Kosovës, Albin Kurti, ka votuar këtë mëngjes në një qendër votimi në Prishtinë, duke i cilësuar votimet në balotazh si “ditë e mirë për demokracinë dhe vullnetin e lirë”.

Ai tha se u bën thirrje gjithë qytetarëve me të drejtë vote që të shfrytëzojnë rastin dhe të bëhen pjesëmarrës e vendimmarrës për kryetarët e komunave dhe kësisoj për katërvjeçarin në vijim për ata si banorë të komunave të Republikës.

Kujtojmë se komunat ku zhvillojnë balotazh janë: Prishtina, Prizreni, Peja, Juniku, Dragashi, Gjakova, Kaçaniku, Fushë Kosova, Mitrovica e Jugut, Rahoveci, Suhareka, Gjilani, Vitia, Vushtrria, Obiliqi, Klina, Mamusha dhe Kllokoti. bw

Qytetarët në 18 komuna të Kosovës votojnë për t’i zgjedhur kryetarët e tyre në balotazh

Zgjedhjet lokale në Kosovë, Prishtinë, 9 nëntor.

 

• Qytetarët në 18 komuna votojnë për t’i zgjedhur kryetarët e tyre përkatës.

• Mbi 1 milion qytetarë kanë të drejtë vote.

• Qendrat e votimit do t ë jenë të hapura nga ora 7:00 deri në orën 19:00.

07:42

Gara për kryeqytetin

Gara për kryeqytetin, Prishtinë, pritet ta marrë vëmendjen kryesore në balotazhin e zgjedhjeve lokale në Kosovë.

Kryeqyteti ka qenë për më shumë se një dekadë simbol i rivalitetit mes Lëvizjes Vetëvendosje (LVV) dhe Lidhjes Demokratike të Kosovës (LDK).

Në balotazhin e kësaj të diele do të përballen Përparim Rama i LDK-së dhe Hajrullah Çeku i LVV-së.

Dallimi mes tyre në rundin e parë nuk ka mundur të ishte më i vogël, vetëm 0.5 për qind.

Banorët e Prishtinës, me të cilët Radio Evropa e Lirë foli ditë më parë, presin që kryetari i ri t’u japë fund problemeve që prej vitesh e ngarkojnë jetën e përditshme: trafik i ngarkuar, mungesë parkingu, menaxhim i dobët i mbeturinave dhe hapësira publike që po pakësohen.

Më shumë rreth asaj se çfarë kishin për të thënë banorët e kryeqytetit, mund të lexoni në artikullin më poshtë:

07:27

Cilat komuna do ta zgjedhin kryetarin në balotazh?

Balotazhi sot do të zhvillohet në 18 nga 38 komuna sa ka vendi, pasi këto komuna nuk arritën ta zgjedhin kryetarin në rundin e parë të zgjedhjeve lokale më 12 tetor.

Në këtë rund, gara shihet si test i fuqisë së partive në nivel lokal, por edhe si tregues i prirjeve të ardhshme në skenën qendrore.

Komunat që zhvillojnë balotazh janë: Prishtina, Prizreni, Peja, Juniku, Dragashi, Gjakova, Kaçaniku, Fushë Kosova, Mitrovica e Jugut, Rahoveci, Suhareka, Gjilani, Vitia, Vushtrria, Obiliqi, Klina, Mamusha dhe Kllokoti.

Një zyrtare e Komisionit Zgjedhor duke vulosur votën e një qytetari në një qendër votimi në Prishtinë.

Një zyrtare e Komisionit Zgjedhor duke vulosur votën e një qytetari në një qendër votimi në Prishtinë.

07:12

Vendvotimet hapur nga ora 7:00 deri në 19:00

Vendvotimet në të gjitha komunat ku zhvillohet balotazhi do të jenë të hapura nga ora 7:00 deri në 19:00, sipas Komisionit Zgjedhor të Kosovës.

Procesi zgjedhor do të zhvillohet në 525 qendra të votimit, me gjithsej 1.648 vendvotime, prej të cilave 507 qendra me 1,628 vendvotime për votimin e rregullt.

Ndërsa, për votim me kusht do të jenë 18 qendra, nga një për çdo komunë, me 20 vendvotime, sipas Komisionit Zgjedhor.

Një qendër votimi në Prishtinë.

Një qendër votimi në Prishtinë.

Kryeministri Kurti vizitoi punimet për ndërtimin e Qendrës për Strehimin dhe Përkujdesjen e Viktimave të Dhunës në Familje dhe objektit të shkollës dhe kopshtit për fëmijë në veri të Mitrovicës

 

Mitrovicë, 7 nëntor 2025

 

 

Kryeministri në detyrë i Republikës së Kosovës, Albin Kurti, bashkë me nënkryetaren e Kuvendit, Albulena Haxhiu, me ushtruesin e detyrës së Ministrit, Blerim Sallahun dhe me kryetarin e Komunës veriore të Mitrovicës, Erden Atiq dhe nënkryetaren Katarina Axhançiq, dhe me kolegë tjerë nga kabineti qeveritar, vizitoi sot punimet që po zhvillohen në Qendrën për Strehimin dhe Përkujdesjen e Viktimave të Dhunës në Familje dhe objektit të shkollës dhe kopshtit për fëmijë në veri të Mitrovicës, të dy investime të qeverisë qendrore.

 

Qendra për Strehimin dhe Përkujdesjen e Viktimave të Dhunës në Familje që po ndërtohet ka një kosto të përgjithshme prej 640 mijë euro. Objekti do të ketë dy etazhe, tri dhoma për gra që nuk kanë fëmijë, tri dhoma për gra me fëmijë, si dhe një dhomë të veçantë për fëmijë. Punimet pritet të finalizohen në pranverë të vitit të ardhshëm. Kurse objekti i shkollës së re dhe kopshtit për fëmijë, ku kanë nisur punimet në fillim të muajit tetor, është një investim tjetër i qeverisë sonë prej 4.1 milionë euro, në të cilin do të ndjekin mësimet afër 500 fëmijë.

 

Ai u njoftua me detajet e projekteve dhe me dinamikën punimeve. Kryeministri falënderoi të gjithë për kontributin që kanë dhënë dhe për bashkëpunimin në realizimin e këtyre dy projekteve me rëndësi për banorët e veriut të Mitrovicës. Zyra e Kryeministrit

Përurohet parku në Lagjen e Boshnjakëve në Komunën veriore të Mitrovicës

 

 

Mitrovicë, 7 nëntor 2025

 

Kryeministri në detyrë i Republikës së Kosovës, Albin Kurti, bashkë me kryetarin e Komunës veriore të Mitrovicës, Erden Atiq  dhe kolegë nga kabineti qeveritar, përuruan parkun në Lagjen e Boshnjakëve, pranë objektit të Komunës veriore të Mitrovicës.

 

Parku përfshin hapësira të gjelbra, këndin e lojërave për fëmijë, fushë të basketbollit, tabelë të pingpongut dhe këndin për ushtrime fizike.

 

Me këtë rast, kryeministri Kurti tha se kjo është një ditë e gëzuar për rininë, për fëmijët, për të gjithë banorët, pa dallim, teksa falënderoi institucionet e nivelit qendror me atë lokal për këtë bashkëpunimin në realizimin e këtij projekti. Zyra e Kryeministrit

KRIMIN E RËNDË NË KUFI, SERBIA PËRPIQET TA MBULOJË ME AFERË TË SAJUAR SPIUNAZHI Nga Xhafer Shatri

Më 1 nëntor, njësitë speciale të ushtrisë serbe, hynë në territorin e Kosovës dhe pasi e plagosën rëndë e kidnapuan një qytetar të Kosovës me emrin Milan Vukashinoviq

Viktimën pastaj e dërguan në spitalin e Nishit, ku ai po lufton me vdekjen.

Avokati i Vukashinoviq, Ivan Niniç, jurist i njohur dhe personalitet i guximshëm, dje ngriti padi penale kundër organeve të ushtrisë serbe për vepër të rëndë penale, tentim vrasje.

Mediet përkundër përpjekjeve nuk arritën të mësojnë asgjë për kidnapimin e një qytetari të një shteti tjetër.

Për të mbuluar këtë akt terrorist, mediet e Beogradit njoftuan se në Rashkë janë bërë arrestime të shume personave, në përpjekje për ta shpartalluar një rrjet spiunazhi që gjoja paskësh punuar për të dyja shërbimet sekrete shqiptare.

Mediet serbe bëjnë me dije se në mesin e të arrestuarve paskësh edhe pjëstarë të ushtrisë dhe të policisë serbe.

Sipas avokatit Niniq, qytetari i Kosovës, ishte kidnapuar sepse me vite të tëra i ishte kundërvënë Listës serbe dhe bosit të saj Milan Radoiçiq.

Avokati i njohur nënvizoi se Milan Vukashinoviq, gjatë përpjekjeve për kidnapim, ishte plagosur me snaiper nga vet Milan Radoiçiq.

 

Kosova bën thirrje për trysni ndërkombëtare ndaj Serbisë pas rrëmbimit të dyshuar të Vukashinoviçit

Ministri i Brendshëm në detyrë, Xhelal Sveçla, i ka bërë thirrje të premten bashkësisë ndërkombëtare ta shtojë trysninë ndaj Beogradit, pas plagosjes dhe rrëmbimit të dyshuar të një serbi të Kosovës nga Xhandarmeria e Serbisë në tokën kosovare javën e kaluar.

 

Sveçla e vizitoi vendin ku dyshohet se u rrëmbye Millan Vukashinoviqi nga Leposaviqi pranë kufirit me Serbinë.

Dyshohet se Vukashinoviq u plagos dhe më pas u rrëmbye më 1 nëntor në fshatin Jellakcë afër Leposaviqit, para se të dërgohej më pas në spitalin e Prokuples, e më vonë në Qendrën Klinike të Nishit.

“Sot e inspektova pjesën e kufirit shtetëror ku dyshohet se u kidnapua shtetasi ynë”, shkroi Sveçla në Facebook në një shkrim të cilit i bashkëngjiti edhe fotografi.

Ai shtoi se, në bazë të të dhënave dhe dëshmive “të siguruara nga autoritetet tona, tashmë është e ditur se duke u shkelur sovraniteti dhe integriteti territorial i Kosovës, z. Vukashinoviq është rrëmbyer nga strukturat e Serbisë si kundërshtar i Listës Serbe”.

Serbia nuk ka folur fare për këtë rast as pas një jave.

Radio Evropa e Lirë e ka pyetur për incidentin Ministrinë e Brendshme dhe Ministrinë e Mbrojtjes të Serbisë, por nuk ka marrë përgjigje.

Një ditë më parë, avokati Ivan Niniq tha se ushtroi padi në emër të Dragana Vukashinoviqit, nënës së Vukashinoviqit, në Prokurorinë e Lartë Publike në Prokuple të Serbisë për veprën penale të vrasjes së rëndë në tentativë.

Ai tha se, meqë shteti serb ka heshtur deri tani, ai ushtroi padi kundër personave të panjohur, anëtarë të Ushtrisë së Serbisë, ose Ministrisë së Punëve të Brendshme të Serbisë, ose Millan Radoiçiqit, ish-nënkryetar i Listës Serbe, i cili kishte marrë përgjegjësinë për sulmin vdekjeprurës ndaj Policisë së Kosovës në Zveçan më 2023.

Në kallëzimin penal, në të cilin ka pasur qasje Radio Evropa e Lirë, thuhet se Vukashinoviq kishte një histori të gjatë konfliktesh personale me Millan Radoiçiqin, si dhe se “ka arsye të justifikueshme për të besuar se i dëmtuari është rrëmbyer dhe rrezikohet t’i merret jeta në rrethana të paqarta”.

Sveçla theksoi të premten se Serbia “po dëshmohet çdo ditë e më shumë jo vetëm si shtet agresor ndaj fqinjëve të saj, por edhe në thelb si shtet antidemokratik, pasi që z. Vukashinoviq ende po i mohohet mbrojtja ligjore e cila edhe në vendet më diktatoriale garantohet me ligj”.

“Apeloj tek bashkësia ndërkombëtare që ta shtojë presionin dhe ndërmarrë masa ndaj shtetit serb, në mënyrë që të ndëshkojë këtë sjellje destabilizuese, por edhe të parandalojë situata të tjera të cilat do të ngrinin tensione në rajon”, shtoi ai.

Policia e Kosovës tha dy ditë pas incidentit se kishte marrë në pyetje dëshmitarë okularë, të cilët kishin dhënë informacione se “persona të maskuar kishin hyrë në territorin e Kosovës, kishin plagosur dhe rrëmbyer viktimën, dhe më pas e kishin dërguar në territorin e Serbisë”.

Vukashinoviq ka qenë i punësuar në Byronë e Sigurimeve të Kosovës në pikën kufitare në Jarinjë, në veri të Kosovës.

Radio Evropa e Lirë, duke përdorur mjete forenzike për identifikimin e fytyrës, ka vërtetuar se Vukashinoviq është i njëjti person që më 28 qershor të këtij viti kishte folur publikisht për presionet që kishte pasur, në një intervistë me gazetarin dhe ish-deputetin serb Nemanja Sharoviq, për televizionin KTV nga Serbia.

Gjatë asaj interviste, ai kishte deklaruar se serbët ishin detyruar të largoheshin nga institucionet e Kosovës në nëntor 2022 nën presionin e Listës Serbe, dhe se edhe ai vetë kishte qenë viktimë e presioneve, duke shtuar se nuk ndihej i sigurt të udhëtonte në Serbi sepse kishte refuzuar të jepte dorëheqje.

“Kanë shpifur për shumë gjëra, më kanë lidhur me shqiptarët, nuk jam i sigurt të udhëtoj në Serbi. Jam këtu në Kosovë, e anashkaloj Serbinë”, kishte thënë ai./rel

A duhet të ndryshojë mënyra e zgjedhjes së presidentit në Kosovë?

Krenare Cubolli

 

Posti i presidentit të Kosovës duket se është shndërruar nga simbol uniteti në simbol përçarjeje, meqë nuk janë të paktë ata që e kanë përmendur këtë pozitë si njërën prej arsyeve pse nuk ka konsensus për ta formuar një qeveri të re, pas zgjedhjeve parlamentare të 9 shkurtit.

Sipas Kushtetutës së Kosovës, “presidenti është kreu i shtetit dhe përfaqëson unitetin e popullit të Republikës së Kosovës”, dhe në mesin e kompetencave kryesore që ka, janë: përfaqësimi i shtetit brenda dhe jashtë territorit, shpallja e zgjedhjeve, nxjerrja e dekreteve e nënshkrimi i marrëveshjeve ndërkombëtare.

Presidenti është, po ashtu, komandant suprem i Forcës së Sigurisë së Kosovës, si dhe ka të drejtë për emërime dhe shkarkime të ndryshme.

Gjerësisht, kjo pozitë përshkruhet si tejet ceremoniale, pasi në Kosovë, shtet me demokraci parlamentare, primatin e ka Kuvendi, në aspektin legjislativ, si dhe Qeveria, si pushtet ekzekutiv.

Meqë mandati pesëvjeçar i presidentes aktuale, Vjosa Osmani, skadon në prill të vitit të ardhshëm, duket se për partitë kanë qenë të domosdoshme edhe kalkulimet për këtë pozitë, diçka aspak e panjohur në skenën politike të Kosovës.

Presidenti i Kosovës zgjidhet nga Kuvendi me votim të fshehtë, dhe duhet t’i sigurojë 2/3 e votave në dy rundet e para. Në mundësinë e tretë dhe të fundit, një kandidati i duhet ta sigurojë shumicën e votave të të gjithë deputetëve.

Në situatë të tillë, në mesin e gjithë teorive, ekziston edhe ajo nëse politikanëve duhet t’iu hiqet nga dora kjo përgjegjësi dhe t’i kalojë popullit.

Ehat Miftaraj, drejtor i Institutit të Kosovës për Drejtësi, thotë për Radion Evropa e Lirë se nuk sheh zgjidhje te zgjedhja e presidentit direkt nga populli, sepse atëherë do të duhej të diskutohej edhe se cilat do të ishin kompetencat dhe përgjegjësitë e një presidenti.

“Nëse dëshirojmë ta ndryshojmë formën e shtetit, të kemi sistem gjysmë-presidencial, apo presidencial, kjo do të nënkuptonte që kompetenca të caktuara të Kuvendit apo Qeverisë do të duhej të delegoheshin te presidenti”.

Për më tepër, Miftaraj përmend që ndonjë ndryshim i tillë kërkon edhe bekimin e partnerëve ndërkombëtarë, pasi ata e kanë njohur shtetin në formatin ekzistues.

Shtetet e Bashkuara, në veçanti, kanë qenë në pothuajse çdo hap të shtetndërtimit të Kosovës.

Shtetet e Bashkuara, në veçanti, kanë qenë në pothuajse çdo hap të shtetndërtimit të Kosovës.

Si mund të arrihet deri te ndryshimet?

Për Bekim Salihun nga Grupi për Studime të Avancuara – GAP, procesi i ndryshimit të mënyrës së zgjedhjes të presidentit nuk është as i lehtë, as i shpejtë, dhe as i thjeshtë.

Për më tepër, as motivi nuk është i pranueshëm, sepse në këtë rast nuk kërkohet ndryshimi me qëllim të faktorizimit të pozitës së presidentit, apo të vetë Kosovës, por për shkak të mungesës së konsensusit dhe kompromisit politik.

Ai e përmend këtë aspekt, pasi edhe për ta ndryshuar mënyrën e zgjedhjes duhet të ketë vullnet politik, që më pas të formohej një komision parlamentar për ndryshimin e Kushtetutës, për ç’gjë do të duheshin 81 vota në Kuvend.

Më pas, ai komision do të duhej t’i dorëzonte ndryshimet, që gjithashtu do të duhej të votoheshin nga 81 deputetë, përfshirë 2/3 e komunitetit joshumicë, dhe më vonë të dorëzoheshin në Gjykatën Kushtetuese për vlerësim të kushtetutshmërisë.

Pra, është proces relativisht i gjatë. Shto këtu edhe diskutimet publike që e marrin kohën e vet.

“Ne, si shtet, jemi në një pozicion kur edhe gjërat më të lehta se kaq nuk po arrijmë t’i procedojmë dhe miratojmë, e lëre më gjërat që janë kaq të ndërlikuara dhe të gjata”, thotë Salihu për Radion Evropa e Lirë.

Krejt kjo e bën të qartë që, edhe nëse do të kishte ndonjëherë këso ndryshimesh, ato do të mund të vlenin për mandate tjera, pasi tani janë thuajse të pamundshme.

A ka pasur përpjekje për ndryshim të mënyrës së zgjedhjes?

Po. Nisma më serioze ishte ajo e vitit 2011, kur tre liderët politikë të asaj kohe, Hashim Thaçi i Partisë Demokratike të Kosovës, Isa Mustafa i Lidhjes Demokratike të Kosovës dhe Behgjet Pacolli i Aleancës Kosova e Re, me ndërmjetësim të ambasadorit të atëhershëm amerikan, Christopher Dell, arritën marrëveshje për tejkalim të krizës institucionale, duke propozuar Atifete Jahjagën për presidente, derisa të bëheshin ndryshimet e nevojshme kushtetuese për ta zgjedhur presidentin direkt me votë të popullit.

Legjislatura e atëhershme votoi për formimin e një komisioni për t’i bërë ndryshimet kushtetuese. Më pas, kryetari i Kuvendit i dërgoi ato në Kushtetuese për vlerësim, por si përfundim, ndryshimet që morën dritën e gjelbër nga Gjykata nuk u miratuan asnjëherë nga Kuvendi.

Sipas një ankete të realizuar nga Instituti Demokratik i Kosovës më 2015, lidhur me këtë çështje, 89.7 për qind e të anketuarve thanë se ishin për zgjedhjen e presidentit direkt me votë, ndërsa vetëm 10.3 për qind besonin se duhet të ekzistojë mënyra që zbatohet edhe sot.

Vula e Presidentit të Kosovës.

Vula e Presidentit të Kosovës.

Ku zgjidhet presidenti me votë direkte?

Nga vendet e rajonit, presidentin e zgjedhin direkt shtetasit e Malit të Zi, ata të Maqedonisë së Veriut, ata të Serbisë dhe ata të Bosnje e Hercegovinës.

Njëjtë ndodh edhe në demokracitë sikurse në Francë – dhe në një pjesë të mirë të vendeve të Bashkimit Evropian – apo në Shtetet e Bashkuara, ndonëse në këto të fundit ekziston proces pak më i ndërlikuar.

Si në Kosovë, presidentin e zgjedh Kuvendi edhe në Shqipëri.

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend