Mijëra studentë të mbështetur nga qytetarë të shumë, prej 13 ditësh po përballen në shesh me dhunën e shtetit.

Një bilanc i frikshëm me dhjetra të plagosur përfshi të rinjë, pedagogë, gazetarë dhe deputetë. Pavarësisht terrorit, studentët nuk do të tërhiqen deri në largimin e kryeministrit Rama. Ata njoftuan se sot do të mblidhen sërish në orën 14:00 para Ministrisë së Arsimit.

Edhe gjatë protestës kombëtare ditën e shtunë dhe dje pati tensione mes protestuesve dhe policisë. Në tarracën e Kryeministrisë janë vendosur kamera me rezolucion të lartë, të cilat mundësojnë monitorimin e protestuesve dhe identifikimin e personave që marrin pjesë në tubim.

Protestuesit u mblodhën fillimisht te Ministria e Arsimit, të cilën e gjuajtën me gurë, ndërsa më pas nisën rrugëtimin drejt Kryeministrisë. Me t’u mbledhur poshtë zyrës së kryeministrit, protestuesit thyen karriget, që mbanin ftesën për dialog dhe më pas iu vunë zjarrin atyre. Ata sulmuan edhe Kryesinë e Kuvendit. Ndërkohë, policia lëshoi gatlotsjellës mbi protestuesit. Pas shpërndarjes së turmës me gaz lotsjellës, efektivët e policisë u kapën me mediat e pranishme në bulevard. bw

Motra e 28-vjeçarit Erjon Vishkulli, i cili u plagos rëndë në sy nga një plumb gome gjatë protestës studentore në Tiranë, ka reaguar publikisht duke përgënjeshtruar pretendimet se shteti shqiptar ka mundësuar dërgimin e tij në Itali për trajtim të specializuar.

Përmes një postimi në Instagram, ajo ka sqaruar se transferimi i të riut drejt Italisë është bërë falë përpjekjeve dhe mbështetjes financiare të familjarëve, miqve dhe personave që u kanë ardhur në ndihmë.

Reagimi vjen pasi kryeministri Edi Rama deklaroi se kishte dhënë udhëzime për mbulimin e shpenzimeve të ndërhyrjeve mjekësore të 28-vjeçarit.

Motra e Vishkullit i ka bërë thirrje mediave të mos publikojnë informacione të pavërteta dhe të mos e përdorin rastin e vëllait të saj për propagandë politike.

“Ju falënderojmë të gjithëve që jeni interesuar dhe shqetësuar për shëndetin e vëllait tonë, por duam që në këto momente të qëndrojmë larg pjesës politike”, shkruan ajo.

Duke falënderuar personat që ndihmuan për sigurimin e trajtimit në Itali, ajo akuzon kryeministrin se po përpiqet të dalë protagonist i ngjarjes.

“Falënderojmë personat që morën iniciativën për një ndërhyrje më të specializuar në Itali. Dhe u bëj thirrje portaleve: Mos ndani lajme pa bazë për shikime apo mashtrime e propaganda të Ramës, për të dalë protagonist i ngjarjes vetë dhe për ta kthyer çështjen në politike, duke deklaruar që ka dhënë urdhër për të mbuluar shpenzimet e operacioneve”, shkruan motra e të riut.

Ajo thekson se shteti nuk ka qenë ai që ka organizuar dhe financuar dërgimin e Erjonit jashtë vendit.

“STOP FAKE NEWS! E kanë çuar familja, miqtë dhe mbështetësit e familjes tonë dhe JO SHTETI. Shpërndani lajme të sakta”, shprehet ajo.

Në fund të mesazhit, motra e 28-vjeçarit ka ndarë edhe disa fjalë prekëse për vëllain e saj, i cili po përballet me pasojat e plagosjes së rëndë.

“Të duam pa fund, ERJON! Kthehu në shtëpi shëndoshë e mirë, duke buzëqeshur, t’ia gëzojmë zemrën mamit dhe babit”, përfundon reagimi.

Erjon Vishkulli u plagos në syrin e majtë gjatë protestës së 24 tetorit në Tiranë, ndërsa familjarët shpresojnë që trajtimi i specializuar në Itali t’i shpëtojë shikimin.

Reagimi i motrës së tij hedh poshtë pretendimin se transferimi drejt Italisë është mundësuar nga shteti, ndërsa familja kërkon që vëmendja të përqendrohet te shëndeti dhe rikuperimi i të riut, jo te përplasjet politike.bw

Të rinjtë nuk janë zmbrapsur nga kërcënimet dhe dhuna barbare e pushtetit të Edi Ramës. Ata janë mbledhur sërish sot, në ditën e 13-të të revoltës para Ministrisë së Arsimit, ku edhe janë solidarizuar me të riun Erjon Vishkulli, i cili u qëllua me plumb në një sy nga mercenarët e pushtetit të Ramës.

Një e re foli për Syri Tv me gazetaren Fjona Çela, ku tregoi se kishte fashuar syrin në shenjë solidariteti me të riun e plagosur rëndë. Ajo tregoi se ditët e para të revoltës ishte plagosur gjithashtu edhe vetë nga dhuna barbare e Policisë së Shtetit.

“Jemi me ty Erjon, mund të na shuajnë dritën e syrit, por jo të shpirtit”, – ishte pankarta që e reja mbante në duar.

“Kjo është një shenjë solidarizimi me Erjonin. Sot jemi të gjithë Erjoni. Stop dhunës ndaj të rinjve, të moshuarve. Ditët e para më kanë dhunuar edhe mua, më sulmuan me grushte policët. Ne nuk do të tërhiqemi, po protestojmë paqësisht për të drejtat e mia”, – tha ajo.

Më tej e reja ka ironizuar edhe kërcënimet e Ramës për penalizmin e hipjes në trenat që nuk ekzistojnë, “po jam frikësuar nga kërcënimet, sepse unë çdo ditë hipi në tren dhe do më prishë punë shumë”, – ironizoi ajo.

Protestuesit kanë nisur marshimin drejt Kryeministrisë, pasi u grumbulluan fillimisht përpara Ministrisë së Arsimit në Tiranë, në ditën e 13-të të revoltës studentore kundër qeverisë së Edi Ramës.

Studentë, të rinj dhe qytetarë janë larguar nga ambientet përpara Ministrisë së Arsimit, duke vijuar protestën në drejtim të godinës së qeverisë, ku pritet të përqendrohet tubimi.

Marshimi vjen pas momenteve të tensionit të regjistruara përpara Ministrisë së Arsimit, ku disa protestues hodhën gurë në drejtim të godinës. Panorama

Në ditën e 13-të të protestës studentore kundër qeverisë së Edi Ramës, një prej të rinjve pjesëmarrës ka kundërshtuar paralajmërimet e kryeministrit për ndryshime ligjore që synojnë ndëshkimin e personave që ushtrojnë dhunë gjatë protestave.

Sipas tij, këto deklarata janë strategji të vjetra manipulimi dhe nxitjeje të frikës te qytetarët.

“Ato janë strategji shumë të vjetra të manipulimit dhe të nxitjes së frikës te njerëzit. Njëherë e para për të ndryshuar Kushtetutën dhe ligjet duhet shumë kohë dhe duhet të kalojë disa procese. E dimë që Gjykata Kushtetuese duhet të vendosë për këto vendime dhe nuk mundet që një njeri të bëjë të gjitha ligjet sipas dëshirës dhe interesit të tij momental”,- tha i riu.

I riu u ndal edhe te dhuna e ushtruar gjatë protestës së djeshme, ku një protestues u godit në sy me plumb gome nga policia. Ai kritikoi deklaratën e kryeministrit se ishte angazhuar personalisht për ta dërguar të riun për kurim jashtë vendit. Sipas protestuesit, fakti që një qytetar duhet të mbështetet te ndërhyrja personale e kryeministrit për të marrë trajtim të specializuar jashtë Shqipërisë është tregues i problemeve në sistemin shëndetësor.

“Dhuna është totalisht jo proporcionale. Imazhet që po shohim mendoj që po nxisin më shumë njerëzit dhe po tregojnë arsyen se përse kjo protestë po ndodh. E di që rasti i djeshëm ka qenë i tmerrshëm. Dhe përgjigjja e kryeministrit duke thënë se është marrë personalisht me individin për ta dërguar për kurim jashtë shtetit, është një përgjigje turpi në vetvete sepse e para ne duhet t’i kishim kushtet në Shqipëri dhe ai duhet të ndjejë turp që nuk janë ato kushte në Shqipëri. Dhe e dyta, për të gjithë ata që nuk kanë mundësi kontakti drejtpërdrejt me kryeministrin, si ia dalin? Pacientët e Onkologjikut, familjet që janë nëpër korridoret e spitaleve çdo ditë”,- tha i riu. Panorama

Policia e Shtetit ka reaguar zyrtarisht pas protestës masive të studentëve dhe të rinjve të zhvilluar më 24 tetor në Tiranë, duke u ndalur te plagosja në sy e 28-vjeçarit Erjon Vishkulli dhe denoncimet për dhunë nga efektivët e policisë.

Në reagimin e saj, Policia bën të ditur se Drejtori i Përgjithshëm, Skënder Hita, ka urdhëruar nisjen e menjëhershme të hetimeve nga Drejtoria e Standardeve Profesionale për të zbardhur rrethanat në të cilat i riu pësoi dëmtimin e rëndë në sy.

Për këtë incident kanë nisur hetimet edhe Agjencia e Mbikëqyrjes Policore dhe Prokuroria, me qëllim dokumentimin e plotë ligjor të ngjarjes dhe përcaktimin e përgjegjësive.

Policia e Shtetit ka shprehur keqardhjen për plagosjen e 28-vjeçarit, duke i uruar shërim të shpejtë atij, si dhe qytetarëve, gazetarëve dhe punonjësve të policisë që mbetën të lënduar gjatë protestave në kryeqytet.

Ndërkohë, një tjetër rast i denoncuar në News24 mbrëmë ka sjellë pezullimin nga detyra të një efektivi të Forcës së Posaçme “Shqiponja”.

Bëhet fjalë për inspektorin A. K., i cili, sipas njoftimit të Policisë, është shfaqur duke tejkaluar kompetencat dhe duke mos respektuar parimin e proporcionalitetit gjatë ushtrimit të detyrës.

Ndaj efektivit është nisur hetim administrativ nga Drejtoria e Standardeve Profesionale.

Në reagimin e saj, Policia e Shtetit shprehet se çdo rast i dyshuar i tejkalimit të detyrës do të hetohet me paanshmëri dhe profesionalizëm, duke pretenduar se respektimi i ligjit dhe proporcionaliteti në përdorimin e forcës janë parime të panegociueshme. bw

Erjon Vishkulli, i riu që mbeti i plagosur në sy nga një plumb gome gjatë protestës, ka pësuar hemorragji gjatë ndërhyrjes kirurgjikale të ditës së djeshme.

Sipas burimeve, për shkak të komplikacioneve të shfaqura, ndërhyrja është ndërprerë dhe është vendosur që operacioni të kryhet gjatë ditës së sotme, 25 tetor.

Mësohet se plumbi i gomës nuk është hequr ende nga syri i të riut, ndërsa pritet që mjekët të vijojnë ndërhyrjen për heqjen e tij.bw

Përfaqësues të partive shqiptare në tubimin e “Koalicionit Shqiptar” në Samolicë. Tetor, 2026.

Studentët dhe të rinjtë kanë njoftuar se do të rikthehen sërish në protestë sot, në orën 14:00, para Ministrisë së Arsimit.

Pas protestës së djeshme në Tiranë, e cila u shoqërua me tensione dhe përplasje me policinë, të rinjtë duket se nuk kanë ndërmend të ndalen, duke paralajmëruar vijimin e tubimeve.

Protesta e radhës pritet të zhvillohet në të njëjtin vend, ku studentët do të mblidhen për të shprehur kërkesat dhe pakënaqësitë e tyre.

Gjatë protestës së djeshme, situata u përshkallëzua në disa zona të kryeqytetit, ku policia përdori gaz lotsjellës dhe ujë me presion për shpërndarjen e protestuesve.

Analisti Fatos Lubonja, teksa ka nisur protesta kombëtare në Tiranë, është shprehur se situata aktuale kërkon reflektim nga të gjithë aktorët politikë që kërkojnë largimin e qeverisë së Edi Ramës.

Sipas Lubonjës faktorët opozitarë duhet të gjejnë mënyrën më të mirë për të rritur pjesëmarrjen në protestë dhe për të siguruar mbështetjen më të madhe të mundshme në zgjedhjet e ardhshme, nëse kryeministri vijon të refuzojë largimin nga pushteti.

Analisti tha se, sipas tij, Rama ka ndërmend të qëndrojë në pushtet, duke e cilësuar këtë si një gabim si për kryeministrin dhe partinë e tij, ashtu edhe për Shqipërinë.

Lubonja: Nëse Edi Rama do të vazhdojë të këmbëngulë duke mos u larguar, siç mendoj se ka ndërmend të bëjë gabimisht, si për të dhe për partinë e tij, ashtu edhe për Shqipërinë, duke qëndruar aty me dhunë policore.

Është me vend edhe mendimi politik, jo vetëm emocional, por edhe politik, se si duhet forcuar kjo protestë dhe masa e atyre që duan Edi Ramën jashtë politikës dhe qeverinë e tij jashtë pushtetit. sn