VOAL

VOAL

Please Wait ...
0%

Dosja 339/ Lirohen nga qelia Astrit Avdyli dhe dy të tjerë, u përfundoi afati i paraburgimit

By | July 27, 2021
blank

Komentet

blank

Berisha: Kërkova shpalljen e Soros non grata në 2017, ai ma ktheu në 2021 – është rrezik për demokracinë

Ish-kryeministri Sali Berisha u shpreh nga Vlora ku zhvilloi “Foltoren” e radhës me demokratët, se shpallja e tij non-grata është vepër hakmarrëse e George Soros. 

Lideri historik i PD deklaroi se ai kishte kërkuar në vitin 2017 shpalljen e Soros non-grata, për shkak se mbështeste politikën serbe, komunizmin, tentonte destabilizimin e rajonit të Ballkanit si dhe po dëmtonte demokracinë në Shqipëri përmes Reformës në Drejtësi e cila u përdor për “gjueti shtrigash”.

Berisha tha se në 2017 i kishte kërkuar Kongresit të SHBA, ndalimin e veprimtarisë së Soros jashtë Amerikës.

“U shpalla non grata sepse ju kundërvura projektit të Soros për ndarjen e Kosovës, sepse ju kundërvura Ballkanit të Hapur, sepse vendos hegjemoninë serbe. Dhe hegjemonia serbe nuk sjell stabilitet, por destabilitet. Unë shkova në gjykatë, në Paris. Më thanë që ligji nuk mund të kapë një njeri 8 vite pasi ka lënë detyrën, sepse ligji është për zyrtarët dhe jo për ish-zyrtarët. Por unë e hodha në gjyq për shpifje dhe le ta provojë në gjyq, sepse unë do të mbroj dinjitetin tim. E ka bërë Edi Rama me Soros, sepse më vonë doli që burime kishin qenë OJQ-të e Soros dhe raportet e Edi Ramës.

Pse Soros? Sepse jam i vetmi njeri në Europë që kam kërkuar shpalljen e tij non grata. Sepse gjithmonë ka patur për qëllim të favorizojë Beogradin dhe të destabilizojë Ballkanin. Ai kishte favorizuar komunizmin. Në Shqipëri, u shndërrua me milionat e tij në një faktor kryesor të rivendosjes së monizmitSot PS ka 10% pushtet më shumë se sa kishte PPSH në 1991, me statistikë të saktë, ky është komunizëm. Soros i vendosi OJQ-të në sqetullat e saj, ato duhet të jenë zërat e shoqërisë dhe jo të partis%. Kulmoi me Reformën në Drejtësi, Soros siç e dini, ku pasi nuk e pranuam të vendoste në Kushtetutë mekanizmat e kapjes së sistemit të drejtësisë, i vendosi me grupin e ekspertëve në ligjet organike. Dhe sot drejtësia kryesohet nga vëllezër e kunetër të ministrave ish-persekutorë të diktaturës. Pse për këtë u bë reforma?

Në Vetting u vendosën standardet më të shëmtuara të dyfishta. Për një gjykatëse u quajt konflikt interesi 1 mijë euro, kurse për Dvoranin, ish-prokurori mizor të të rinjve të Shkodrës, që kërkoi 15 vjet burg sepse përmbysën bustin e Stalinit, nuk ishin konflikt interesi 9 gjykime për Albtelekom i cili i kishte paguar gjysmën e apartamentit, 17 mijë euro. U bë luftë klasash, krahinore dhe ideologjike.Ne çuam në parlament ligjin për Vettingun e politikanëve dhe prap do insistoj ta çojmë. Ne nuk jemi kundër Vettingut, por kundër Vettingut që përdorët për gjah shtrigash. Drejtësia sot është e kontrolluar. Kjo ishte një motiv për mua për t’iu kundërvënë George Soros dhe reformë së tij dhe të kërkoja shalljen e tij non grata, të kërkoja nga Kongresi Amerikan ndalimin me ligj të veprimtarisë së tij jashtë SHBA, sepse po dëmton në mënyrë palcore demokracinë. Meqenësë unë kërkova të shpallej non grata në vitin 2017, ai ma ktheu në vitin 2021 me non grata në SHBA”, u shpreh ish-kryeministri Sali Berisha.

Berisha tha më tej se kishte vendosur të mos kthehej më në politikën aktive, por ajo që ndodhi, shtoi ish-kryeministri, “të bën që të zgjohesh edhe nga varri”.

“Edi Rama do të zhdukë pluralizmin me pengmarrje dhe me pengjet e tij. Unë kam kërkuar ndjesë ju dhe ju garantoj se në qëndrimin tim nuk ka patur asnjëlloj shkaku tjetër përveç një vendimi të largimit tim pa kthim. Unë u largova dhe në çdo dalje largimi është pa kthim. Nëse unë imagjinoja të ktheja unë duhet të merrja projektet, por kisha vendosur të mos kthehesha kurrë. Por rrethana të tilla të zgjojnë edhe nga varri po të jesh, për t’i dalë zot. Me shumë të drejtë secili mund të pyesë, doktori e ka për vete këtë? Jo, dhe ua them në mënyrë absolute. Në 19 maj, në mënyrë më politike, më hakmarrëse unë shpallem non grata për korrupsion domethënës, një njeri që edhe kundërshtari im kur bënte fushatë, thoshte ai nuk është i korruptuar. Pa patur asnjë dokument për korrupsionin tim, dhe unë çfarë bëra, më akuzove, po, kjo është një gjë shumë e rëndë. Tani, ju që më akuzuat, unë do të përballem në gjyq me ju. Ishte njëri nga 2-3 njerëzit më të fuqishëm në botë. Jam një nga njerëzit që kam hyrë më shpesh në atë zyrë, nga 15 marsi 1991, deri kur jam larguar nga detyra kam takuar çdo zyrtarë shteti, demokratë apo republikanë”.

blank

blank

Agron Shehaj: E vërteta, ja çfarë i thashë Bashës në mbledhjen me dyer të mbyllura

Deputeti i PD, Agron Shehaj, është detyruar ta rrëfejë vetë përplasjen që ka pasur me Kryetarin e partisë, Lulzim Bashën, në mbledhjen më të fundit të grupit parlamentar, ku kanë qënë të pranishëm edhe gjashtë kryetarë të degëve të PD-së.

Pas titujve që pushtuan mediat “Ti je një hiç”, Shehaj dha sot versionin e vet të asaj që ngjau në selinë e PD ndërmjet tij dhe Bashës.

“Nisur nga zbardhja e manipuluar e debatit, e shpërndarë në media me qëllim për të më denigruar dhe fshehur të vërtetën, – shkroi deputeti demokrat, – ndihem i detyruar të bëj publik qendrim tim në mbledhjen me dyer të mbyllura.

Iu drejtova z.Basha duke thënë se pakënaqësia tek mbështetësit e Partisë Demokratike nuk është e vogël, siç e parashtroi ai, por fatkeqësisht ka një përçarje të madhe dhe kurrsesi s’mund të jem dakord me strategjinë “t’i marrim me të mirë dhe të presim t’u dalë inati”.

Argumentova se pjesa më e madhe e votuesve të Partisë Demokratike janë kundër drejtuesve të Partisë Demokratike. Në këto kushte, agjenda jonë s’mund të jetë shpëtimi i karriges së kryetarit por e mira e Partisë Demokratike.

Në lidhje me akuzat e pavërteta dhe absurde, për qëllim servilizmi dhe fshehjen e problemit, nuk meritojnë asnjë koment,” përfundoi Shehaj.

blank

Kim: “Uashingtoni është serioz në luftën kundër korrupsionit dhe pandëshkueshmërisë”

Ilirian Agolli

Në Tiranë, ambasadorja e SHBA-ve në Shqipëri, Yuri Kim, e sapokthyer nga Uashingtoni, zhvilloi një takim me kryetarin e Partisë Demokratike, Lulzim Basha.

Pas takimit me zotin Basha, ambasadorja Kim deklaroi se SHBA është e gatshme për të bashkëpunuar me PD, dhe e di që PD-ja ndodhet në një pozitë të vështirë reformimi, në një proces tranzicioni, dhe shtoi se shpresonte që PD të dalë më e bashkuar dhe më e fortë nga kjo rrugë tranzicioni, në mënyrë që të fitojë sërish zgjedhjet.

“M’u duk jashtëzakonisht e rëndësishme të vija menjëherë në Partinë Demokratike për të ndarë me zotin Basha atë që kam mësuar nga Uashingtoni dhe për nga sot e tutje. I thashë zotit Basha se Uashingtoni mbetet i angazhuar për të punuar akoma më ngushtë me Partinë Demokratike. SHBA ka patur një marrëdhënie shumë të fortë e të veçantë me PD qysh nga fillimi. Ne ishim aty kur Partia Demokratike erdhi në pushtet për herë të parë dhe shpresojmë që të jemi në kushtet që të festojmë kur ajo të vijë në pushtet përsëri” – tha ambasadorja Kim.

Ajo shtoi se PD-ja ndodhet në një çast të vështirë, në një proces tranzicioni, dhe shtoi se shpresonte që PD të dalë më e bashkuar dhe më e fortë nga kjo rrugë tranzicioni, në mënyrë që të fitojë sërish zgjedhjet.

Ambasadorja amerikane theksoi se demokracia përkufizohet nga të pasurit e një partie opozitare të fortë dhe që lulëzon.

“Për sa i përket Uashingtonit, ne jemi seriozë në luftën kundër korrupsionit dhe pandëshkueshmërisë, jemi të gatshëm që ta sulmojmë atë, pavarësisht rangut, nivelit, apo partisë”, – tha ambasadorja Kim, pas takimit me zotin Basha.

Ajo quajti të gabuara dhe fyese disa raportime, sipas të cilave, përcaktimi për raste madhore të korrupsionit ka qenë një sulm kundër stabilitetit të Shqipërisë.

Diplomatja amerikane kujtoi se më 6 maj 1920, “kur gjithë bota donte që Shqipëria të zhdukej nga faqja e dheut, Presidenti amerikan Uillson tha se Shqipëria duhet të qëndrojë dhe do të qëndrojë e fortë”. Zonja Kim si atëherë edhe tani Shqipëria duhet të jetë më e fortë, sovrane dhe demokratike.

“Për të gjithë ata që përpiqen të vendosin SHBA-të kundër popullit shqiptar iu them se e kanë gabim. Populli shqiptar e di se ju e keni gabim. Qëndrimi ynë është se sovraniteti, pavarësia dhe demokracia e Shqipërisë nuk do të ndryshojnë asnjëherë. Qëndrimi ynë është që rëndësia e Partisë Demokratike kurrë nuk do të ndryshojë” – tha zonja Kim.

Ambasadorja amerikane theksoi se është me rëndësi të madhe që Partia Demokratike u kthye në parlament me forcë të plotë, sepse janë për t’u bërë shumë veprime për të zhvilluar zgjedhje më të mira herën tjetër, për të trajtuar gjithë mangësitë që janë shënuar në raportin e OSBE/ODIHR-it. Po ashtu ajo përmendi reformën territoriale dhe luftën kundër korrupsionit.

“Ka rëndësi për të gjitha këto që Partia Demokratike të jetë e fortë, e bashkuar, që të bëjë përpara, por nuk mund të ecet përpara me një këmbë në të shkuarën. Ne presim që të ecim përpara me Shqipërinë, me popullin shqiptar, me Partinë Demokratike drejt së ardhmes” – tha ambasadorja Kim pas takimit me kryetarin e Partisë Demokratike të opozitës.

blank

Gërdeci, Apeli vendos rihapjen e procesit për Mediun

Armand Mero

Në Shqipëri, Gjykata e posaçme e Apelit për Korrupsionin dhe Krimin e Organizuar u shpreh sot në favor të gjykimit të ish ministrit të Mbrojtjes Fatmir Mediu lidhur me shpërthimin e ndodhur 13 vite me parë në një depo ushtarake në Gërdec. “Gjykata vendosi, të ndryshojë vendimin nr. 60, datë 27.07.2021 të Gjykatës së Posaçme të Shkallës së Parë për Korrupsionin dhe Krimin e Organizuar, duke pranuar kërkesën e Prokurorit të Posaçëm dhe revokoi vendimin e pushimit nr. 6, datë 14.09.2009 të Kolegjit Penal të Gjykatës së Lartë, duke i kthyer aktet Prokurorit të Posaçëm për të proceduar”, shpjegon Gjykata e Posaçme e Apelit në njoftimin për vendimin e saj.

Shpërthimi në Gërdec, pak kilometra ne Jug të Tiranës, në vitin 2008, shkaktoi 26 viktima, mes të cilëve dhe fëmijë, ndërsa afro 250 të tjerë mbetën të plagosur. Një numër i madh personash, që nga ushtarakë deri te biznesmenë të angazhuar në çmontimin e municioneve, u vunë nën akuzë dhe e dënuan në procesin gjyqësor për këtë çështje. Por ish ministri i Mbrojtjes, nuk u gjykua kurrë, ndonëse dhe ndaj tij u zhvilluan hetime. Prokuroria e Përgjithshme, një vit pas shpërthimit, në mars të vitit 2009, ngriti akuzat e “Shpërdorimit të detyrës” kryer në bashkëpunim, dhe “Shpërdorim i detyrës” në bashkëpunim me subjekt ushtarak-kuadër komandues, duke e çuar çështjen në Gjykatën e Lartë, e cila sipas legjislacionit të kohës, ishte kompetente për gjykimin e personave me imunitet.

Por 6 muaj më vonë, Kolegji Penal i kësaj Gjykate vendosi pushimin e çështjes, duke qenë se në gusht të atij viti, zoti Mediu kishte rimarrë mandatin e deputetit, duke rifituar kështu dhe imunitetin. Prokuroria e Përgjithshme nga ana e saj nuk i kërkoi më parlamentit heqjen e imunitetit për zotin Mediu, dhe në këtë mënyrë, dosja nuk u rihap asnjëherë, pavarësisht përpjekjeve të vazhdueshme të prindërve të 7 vjeçarit Erison Durdaj, një prej viktimave të shpërthimit në Gërdec.

Pas 13 vitesh, kërkesa e familjes Durda u mor në konsideratë nga Prokuroria e Posaçme kundër Korrupsionit dhe Krimit të Organizuar (SPAK), e cila në maj të këtij viti kërkoi rihapjen e procesit gjyqësor. Në kërkesën e SPAK-ut, drejtuar Gjykatës së Lartë argumentohej se motivi që çoi në vendimin e kësja gjykate në vitin 2009, nuk ekziston më. “Imuniteti parlamentar i deputetit gjen zbatim për caktimin e masave të sigurimit “arrest në burg” dhe “arrest në shtëpi”, heqjen e lirisë në çfarëdo lloj forme, në rastin e kontrollit të banesës apo të personit, por deputeti nuk ka më imunitet parlamentar për ndjekjen penale ndaj tij, për hetimin apo për gjykimin e tij”, shpjegoi SPAK-u, duke nënvizuar se “ndjekja penale për çështjen penale ndaj shtetasit Fatmir Mediu nuk ka asnjë pengesë që të vazhdojë, pengesa e autorizimit për proçedim ka qënë e përkohshme në momentin kur është vendosur pushimi i çështjes, ndërsa tani kjo pengesë nuk ekziston”.

Kërkesës së SPAK-ut, për revokimin e vendimit të 2009-ës, Gjykata e Lartë ju përgjigj duke argumentuar se me ndryshimet kushtetuese dhe ligjore që kanë ndodhur, i takon Gjykatës kundër Korrupsionit dhe Krimit të Organizuar të vendosë. Në korrik, kjo Gjykatë e rrëzoi kërkesën për rihapjen e procesit gjyqësor ndaj zotit Mediu, duke e konsideruara atë si “të pabazuar në ligj”.

Por dhe SPAK-u e konsideroi po ashtu, të “pabazuar në ligj” vendimin, duke iu drejtuar Apelit.

Vendimi i sotëm vetëm sa e lë të hapur shtegun për gjykimin e ish ministrit. Avokati i familjes Durda, Dorian Matlija pohoi se rruga përpara është e gjatë: “Tani jemi në kushtet, kur çështja mund të nisë. Çështja siguriht është shumë e gjatë, shumë e komplikuar. Ma merr mendja se dhe vetë Fatmir Mediu do të bëjë veprimet e veta juridike në bazë të legjislacionit. Jemi ende thjesht në fillim. Lajm i mirë është se është hequr një pengesë absurde juridike”.

Nga ana e tij, Ardian Vishaj, avokati i zotit Mediu në një deklaratë e konsideroi atë “një akt jo Kushtetues dhe pluri-shkelës të Konventes Europiane për të Drejtat e Njeriut dhe një sërë ligjesh të tjera të vendit. Ai përbën një pavlefshmëri absolute e në çdo rast baza motivuese e tij nuk mund të jetë kurrë ligji. Eshtë hera e parë në jurisprudencë kur një gjyqtare e një gjykate të nivelit më të ulët prish vendimin e Gjykatës së Lartë”. Sipas avokatit “veç të tjerave shkelja e ligjit është e dukshme, sepse e njejta çështje (kërkesë) është shqyrtuar dhe hedhur poshtë nga gjykata e Shkallës së parë dhe gjykata e Apelit, Tiranë në vitin 2019”. Zoti Vishaj saktëson se sapo të njihen me arsyetimin e vendimit do të vendoset për hapat e mëtejshëm që do të ndërmerren. Me shumë gjasë ai do të bëjë ankim në Gjykatën e Lartë, duke kërkuar gjithashtu pezullimin e vendimit të Apelit, deri në shprehjen përfundimtare nga kjo Gjykatë. Në rast të kundërt, SPAK-u, do të niste menjëherë procedurat për t’ju drejtuar Gjykatës së Posaçme për Korrupsionin dhe Krimin e Organizuar, për rihapjen e procesit.

blank

Lubonja: Berisha ra viktimë e sistemit që inauguroi vetë me Nanon, lufta ndaj korrupsionit sot është mjet për pushtet

Analisti Fatos Lubonja tha në emisionin “Real Story” të gazetarit Sokol Balla, në News24, se politika shqiptare nuk duhet të merret sot me largimin e Sali Berishës nga Grupi Parlamentar i PD, apo me shpalljen e tij “non grata” nga SHBA.

Për analistin Lubonja, problemi kryesor sot në Shqipëri është largimi nga vendi i 60 mijë fëmijëve, duke theksuar se është skandal të mos merresh me këtë çështje.

“Çështja për mua sot është, kemi një vend që ka njëmijë probleme, që ka një korrupsion të jashtëzakonshëm, dhe një qeveri që është mbështetëse e mafies, që po pastron paratë e pista. Në vend që ne të merremi me këtë çështje, që është primare, merremi me një njeri që u hoq, për korrupsion nga amerikanët, pra për korrupsion që vë në rrezik interesat amerikane. Unë shoh një parti, mazhorancën, që është parti që ka ndërtuar sistemin e korrupsionit dhe që vazhdon të fuqizohet, deri në atë pikë sa ka hyrë dhe krimi në Parlament dhe ka kapur shtetin. Këtu problemi është se a kemi ne një opozitë kundër kësaj mazhorance, apo lufta ndaj korrupsionit është thjesht mjet për pushtet për të eliminuar kundërshtarin. Më 2011, Edi Rama në opozitë nxori videon, ku dilte i korruptuar Ilir Meta.

U vërsulën njerëzit për të djegur kryeministrinë, por pas dy vitesh, më 2013, kur u bashkua me Ilir Metën, tha se këtu nuk është problem personash, por sistemi. Bashkëpunoi katër vite me Ilir Metën, pastaj e merr timonin e drejton vetë dhe na ka sjellë në këtë gjendje ku jemi. Këtu kemi të bëjmë me përdorim të korrupsionit për luftë për pushtet. Është skandal që askush nuk flet për ata 60 mijë fëmijë që po ikin, por merren me fëmijët. Unë mendoj se problemi i vërtetë duhet të jenë këto 60 mijë fëmijë, që po ikin nga vendi. Të mos flasësh për këtë, por të merresh me Berishën, do të thotë t’i shërbesh këtij sistemi, berishizmit. Kemi ndërtuar një sistem korrupsioni, ku çdokujt mund t’i gjesh një gjë ta kapësh. Berisha ka rënë viktimë e berishizmit, si formë që inauguroi me Fatos Nanon, dhe tani po e pëson vetë”, tha analisti Lubonja.

blank

Rama takon miliarderin George Soros në Nju Jork: Mendje e rrallë dhe mbështetës i palëkundur i Shoqërisë së Hapur

NJU JORK

Kryeministri Edi Rama ka takuar miliarderin George Soros, gjatë vizitës së tij në SHBA.

Rama publikon një foto krah miliarderit Soros në “facebook”, ndërsa e cilëson atë një mendje të rrallë dhe një mbështetës të palëkundur të Shoqërisë së Hapur.

“Në Nju Jork me mikun e çmuar George Soros, një mendje e rrallë dhe një mbështetës i palëkundur i Shoqërisë së Hapur😍”, shkruan Rama.

blank

Sherr mes PS dhe Tom Doshit për ‘ndarjen e plaçkës’- ISP: Shkelje ligjore, duhet hetim

Debatet e ashpra brenda PS në Shkodër për emërimet politike në administratë kanë sjellë edhe reagimin e Institutit të Studimeve Politike. ‘Raste te tilla duhet të jenë objekt hetimi nga organet e drejtësisë dhe tema reflektimi për vetë PS dhe qeverinë’, thekson ISP në reagimin zyrtar.

ISP, teksa i referohet progres raportit të BE mbi Shqipërinë, thotë se legjislacioni mbi nëpunësit civile dhe ata publike parashikon mekanizma dhe praktika të qarta emërimi dhe promovimi në karriere. Por ndryshe ndodh në realitet, që sipas Institutit mënyra e emërimeve përbën një shkelje ligjore, abuzim me pushtetin, përdorim te burimeve shtetërore për motive nepotike.

“Legjislacioni mbi nëpunësit civile dhe ata publike parashikon mekanizma dhe praktika të qarta emërimi dhe promovimi në karrierë! Kështu thuhet edhe në raport progreset e BE mbi Shqipërinë dhe në retorikën politike. Midis deklarimeve dhe realitetit te ardhur nga raportimi i medias per zhvillimet ne Shkoder ekziston nje hendek i gjere, i cili pervecse devijim nga standardi, pervec konfirmimit te deformimit te rolit te partise ne raport me shtetin dhe rolit te deputeteve ne raport me poziten e tyre ligjore, si dhe pervec se konfirmim i nje aleance politike informale, përbën gjithashtu edhe shkelje ligjore, abuzim me pushtetin, përdorim të burimeve shtetërore për motive nepotike. Raste të tilla duhet të jenë objekt hetimi nga organet e drejtesisë dhe tema reflektimi për vetë PS dhe qeverinë. Kjo do të duhej të ishte pyetja dhe interesi kryesor i medias dhe publikut tek SPAK, Prokuroria, PS, qeveria dhe organet ligjzbatuese.  Koha për transparencë, koha për drejtësi, koha për llogaridhënie”, thuhet në reagim.

Çfarë ka ndodhur një ditë më parë në Shkodër

Mbledhja e Sekretarit të Përgjithshëm të PS, Damian Gjiknuri me strukturat e PS Shkodër mbrëmjen e kaluar është shoqëruar me debate të ashpra.

Sipas mediave bëhet me dije se në fokus të këtyre debateve mes Gjiknurit dhe Sekretarin Organizativ të PS, Blendi Klosi kanë qenë punësimet, emërimi i drejtorëve, përgatitja për zgjedhjeve vendore të 2023-shit si dhe hapësira që i është lënë në punësime e emërime drejtorësh, aleatit të PS në Shkodër që është kreu i PSD, Tom Doshi i cili mori dy deputetë në këtë qark në zgjedhjet parlamentare.

Ndërkohë gjatë mbledhjes, Blediana Nika, anëtare e PS dhe ish drejtoreshë e Zyrës Vendore Arsimore Shkodër e cila u shkarkua pak kohë më parë, ka qenë tejet aktive duke debatuar me Gjiknurin dhe Klosin.

Këta të fundit u shprehën se nuk do ketë më emërime pa kontribut në PS, por Nika ka thënë në replikë se drejtorët PS i ka marrë nga rruga dhe se mbi 50% e punësimeve në Shkodër i ka aleatit duke nënkuptuar PSD-në e Tom Doshit.

Po ashtu Gjiknuri i kërkoi kryetarëve të bashkive të PS që pas dhjetorit të bëhen gati për zgjedhjet vendore por Gjon Gjonaj kryebashkiaku i Pukës dhe Fran Tuci kryebashkiaku i Fushë Arrësit u shprehën se nuk kanë se si të përgatisin terrenin për zgjedhjet vendore kur punësimet i merr aleati duke nënkuptuar sërish Doshin dhe PSD.

Po ashtu edhe deputeti i PS, Paulin Sterkaj ishte thuajse në të njëjtën linjë duke i thënë Gjinkurit se je djalë simpatik dhe të kam mbështetur gjithmonë, por punësimet i ka më shumë aleati. Në debatet e zhvilluara Blendi Klosi i doli në mbrojtje Tom Doshit duke thënë se partia e tij PSD ka marrë dy deputetë dhe se ajo forcë politike është në mbështetje të PS ndaj votat e aleatit duhet të ruhen gjë e cila hasi në kundërshtinë e fortë të Blediana Nikës, por edhe dy kryebashkiakëve dhe deputetit Sterkaj i cili tha se nuk pyetet për punësime apo emërime drejtorësh.

blank

Dita e katërt e bllokadës, palët mbeten të palëkundura

Forca të Njësisë Speciale të Policisë së Kosovës, duke siguruar zonën e bllokuar nga automjetet në Jarinjë. Shtator 2021.

Bekim Bislimi

Dy rrugë nacionale që lidhin Kosovën me Serbinë, po vazhdojnë të mbahen të bllokuara nga kamionët dhe veturat e vendosura nga banorët lokalë serbë edhe ditën e katërt, prej kur Qeveria e Kosovës ka nisur të zbatojë vendimin e saj për reciprocitet me Serbinë për targat e automjeteve.

Autoritetet e Kosovës, të hënën, më 20 shtator kanë nisur që veturave me targa të Serbisë, që hyjnë në Kosovë, t’iu vënë targa të përkohshme.

Pavarësisht rënies së temperaturave dhe reshjeve të shiut, serbët lokalë kanë qëndruar gjatë gjithë natës së kaluar pranë automjeteve me të cilat kanë bllokuar rrugët që çojnë në vendkalimet kufitare në Jarinjë dhe Bërnjak, ku janë vendosur edhe forca të shumta të Njësisë speciale të Policisë së Kosovës.

Zëdhënësi i Policisë së Kosovës, Baki Kelani, i ka thënë Radios Evropa e Lirë të enjten se gjatë orëve të natës së kaluar nuk ka pasur incidente dhe se situata vazhdon të jetë e njëjtë sikurse edhe më parë.

Sipas tij, në rrugën që çon drejt vendkalimeve kufitare në Jarinjë dhe Bërnjak vazhdon të ketë pengesa për qarkullim, ndërkohë që banorët lokalë kanë përforcuar pengesat në rrugë edhe me zhavor.

Protestuesit po përkrahen nga liderët lokalë dhe nga Beogradi.

Kryeministri i Kosovës Albin Kurti, të mërkurën u ka bërë thirrje qytetarëve serbë të mbledhur në afërsi të vendkalimeve kufitare në Jarinjë dhe Bërnjak që të lirojnë rrugët e bllokuara.

Ai gjithashtu ka theksuar se është i gatshëm që të shkojë në takim me presidentin e Serbisë, Aleksandar Vuçiq, në rast të një ftese nga Bashkimi Evropian dhe se Kosova është e gatshme ta heqë masën e reciprocitetit sa u përket targave, në qoftë se Beogradi do ta bëjë të njëjtën gjë për targat e automjeteve nga Kosova.

Por, presidenti serb Vuçiq, ka deklaruar se për të biseduar, gjendja duhet të kthehet ashtu siç ishte para 20 shtatorit.

Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell, ka bërë thirrje të mërkurën për ulje të menjëhershme të tensioneve në veri të Kosovës, duke thënë se “të gjitha marrëveshjet e arritura në procesin e dialogut të ndërmjetësuar nga BE-ja, nga nisja e tij në vitin 2011, mbeten valide dhe obliguese për të dyja palët”.

Çështja e targave është e rregulluar me Marrëveshjen e Brukselit për lëvizjen e lirë, në kuadër të dialogut ndërmjet Kosovës dhe Serbisë, ku ishte përcaktuar që të gjithë pronarët e veturave që banojnë në Kosovë, duhet të përdorin targat ‘KS’ (Kosovë) ose ‘RKS’ (Republika e Kosovës) dhe kështu t’i hiqnin nga përdorimi targat që për serbët e Kosovës i lëshonte Ministria e Punëve të Brendshme e Serbisë.

blank

Del nga Mercedesi dhe nxjerr gishtin e mesit! Gruaja e Llallës nuk përmbahet me gazetarët që prisnin përballë hyrjes së shtëpisë

Adriatik Llalla do të vuajë rreth 2 vite burg pasi Gjykata e Posaçme e Apelit la në fuqi këtë të mërkurë vendimin e GJKKO për ish-Kryeprokurorin.

Prania e madhe e mediave përballë shtëpisë së ish-kryeprokurorit ka “acaruar” së tepërmi gruan e tij e cila e ka humbur logjikën.

Në sy të një fëmije të vogël ajo i ka treguar gishtin e mesit gazetarëve që po e prisnin në hyrje të shtëpisë.

Ende nuk dihet ku ndodhet Adriatik Llalla. Në media së fundmi kanë qarkulluar pamje teksa ai me valixhe në dorë pret në një stacion treni ne Rome.

blank

Pecorelli zbulon thesarin në San Mamiliano: Ishin 3 arka me 250 kg ar të pastër, prifti shqiptar më tregoi vendndodhjen

Biznesmeni italian, Davide Pecorelli i cili prej 9 muajsh u shpall i zhdukur ka dhënë detaje në lidhje me organizimin që bëri për vrasjen e tij në Shqipëri.

Mediat italiane kanë shkruar për të gjithë rrjedhën e ngjarjes të bërë nga biznesmeni në këto tetë muaj, nga fluturimi për në Shqipëri, vendimi për ti dhënë fund jetës. Dhe deri tek thesari i gjetur në  Montecristo, 250 kilogram monedha ari.

Në deklaratën e tij për mediat, Pecorelli ka folur mbi zhdukjen e tij për 9 muaj, ku personazh kryesor ka qenë edhe një prift që sipas tij, i ka dhënë idenë për eshtrat e djegura në makinë

Situata ishte dramatike në një nivel ekonomik, në atë moment vendosa të bëja vetëvrasje, por së pari – thotë ai në TV – shkova te një prift për të rrëfyer. Ishte ai që më tha për mundësinë e eshtrave (të vjedhura). Më tha ‘le t’i fusim në makinë dhe t’i vëmë zjarrin’ ”, ka thënë ai.

Ndërkohë 45 vjeçari nuk ka dhënë asnjë detaj në lidhje me identitetin e priftit, ku shprehet se kurrë nuk do e zbulojë emrin e tij pasi ai i ka shpëtuar jetën dhe nuk do ta tradhtojë.

Ndër të tjera ai shprehet se ka gjetur një thesar me 250 kilogramë monedha ari, te cilat do ti ndante me priftin pasi ai i tregoi vendndodhjen.

“Gjeta thesarin e San Mamiliano, ato janë tre arka me 250 kilogramë monedha ari të pastra prej pesë gramësh secila” Ku gjysmën e tij e kam ndarë me priftin”, ka thënë Pecorelli.

Pekorelloi ka deklaruar se dy nga tre arka në Cala Corfù dhe Cala (ose Punta) Fortezza, disa ditë para se të përpiqej të zbriste në të tretën, në Cala Maestra, ku ai, u përgjua në bordin e gomoneve nga Policia Pyjore.

blank

Llalla u largua më 9 shtator, çfarë tha e shoqja dhe avokati

Ish-kryeprokurori Adriatik Llalla nuk ndodhet në Shqipëri. Tashmë dyshimet janë zyrtare. Klan News raporton se sipas sistemit TIMS, Llalla është larguar nga Shqipëria më 9 shtator. Ai është larguar nga Aeroporti i Rinasit drejt Romës. Ka raportime se ai ndodhet për mjekim në Gjermani.

Këtë të mërkurë, ish-kryeprokurori u dënua me 2 vjet burg nga Gjykata e Posaçme e Apelit, që la në fuqi dënimin e dhënë nga Shkalla e Parë. Pak orë me vonë, SPAK nxori urdhrin për ekzekutimin e dënimit nga Polici e Shtetit, e cila gjatë mbrëmjes shkoi për kontroll në shtëpinë e tij që ndodhet në kryeqytet.

Mësohet se bashkëshortja e tij u tha oficerëve të policisë se nuk kishte dijeni ku ndodhej ish-kryeprokurori.

Tanimë pritet që autoritetet shqiptare të nxjerrin një urdhër-arrest ndërkombëtar për Llallën.

Ish-kryeprokurori mungoi gjatë dhënies së vendimit, pasi po gjykohej në gjendje të lirë. Avokati i tij Sokol Hazizaj tha se Llalla mungonte për arsye shëndetësore. Dënimin, avokati e cilësoi të padrejtë dhe paralajmëroi se do ta çojë atë deri në Gjykatën e Lartë.

Llalla u shpall fajtor për veprën penale të fshehje të pasurisë për të paktën 3 episode.

Hetimi ndaj tij u regjistrua fillimisht nga Prokuroria e Durrësit më 15 Mars 2018 nën akuzat e fshehjes së pasurisë, shpërdorimit të detyrës dhe pastrimit të parave./tvklan.al

blank

Raporti italian/ Mafia shqiptare e strukturuar, drogë, prostitucion dhe ilaçe. Alarmi i Dia: “Fondet e BE për urgjencën Covid janë në pamjen e mafieve”

 

Raporti italian: Mafia shqiptare e strukturuar, drogë dhe prostitucion e ilaçe

Klane të huaja, më pak dhunë dhe më shumë infiltrim në sistemin politik dhe të biznesit. Alarmi i Dia: “Fondet e BE për urgjencën Covid janë në pamjen e mafieve”

Ndër grupet më të strukturuara të huaja është ajo shqiptare, e cila normalisht merret me prokurimin e drogës dhe krimeve kundër pronës

Kur vetëm para 2 ditësh mediat spanjolle i bën ‘jehonë’ mafias shqiptare se trafiku i drogës nga Ekuadori në Europë vazhdon të kontrollohet nga Dritan Rexhepi. Edhe në raportin e fundit gjashtë mujor Anti-Mafia italiane konstaton fuqizimin e grupeve kriminale shqiptare duke ngritur shqetësimin për strukturimin dhe rritjen e aktivitetit kriminal.

Transformimi i mafias, me më pak dhunë dhe më shumë depërtime në sistemin politik dhe të biznesit, marrëdhëniet me klanet e huaja, veçanërisht nigerianët dhe shqiptarët, fondet evropiane në qendër të vëmendjes, duke kaluar përmes trafikut të drogës, drejtuesi i të cilit është Ndrangheta, deri në përdorimin e teknologjisë dhe hapjen ndaj bitcoin. Këto janë vetëm disa nga çështjet që dalin nga raporti i dërguar nga Drejtoria e Hetimit Anti-Mafia në Parlament në lidhje me gjysmën e dytë të vitit 2020. Në periudhën e analizuar, Dia ngre alarmin kryesisht mbi implikimet negative që Covid-19 ka pasur në frontin e zgjerimit të fenomenit kriminal, i cili përfitoi nga urgjenca për të infiltruar në strukturën socio-ekonomike duke shfrytëzuar në avantazhin e saj ndryshimet për shkak të qëndrueshmërisë së pandemisë.

“Në këtë front – lexon raporti Dia – shtrirja e masave parandaluese të kryera edhe në periudhën gjashtëmujore në fjalë dëshmon për vëmendjen ndaj sektorit të Departamentit të Hetimeve Anti –Mafia, i cili i drejton aktivitetet e tij drejt objektivit të përgjithshëm te mbrojtja e strukturës ekonomike të vendit nga ndërhyrja e krimit të organizuar, veçanërisht gjatë situatës së vështirë të paparashikuar ende të karakterizuar nga pasiguria e përgjithshme dhe shqetësimi i përhapur shoqëror ”.

Në veçanti, sipas Dia, mafia mund të kthejë konkretisht vëmendjen e tyre operacionale drejt fondeve të komunitetit, që do të arrijnë së shpejti falë nismave të Qeverisë. Me rëndësi të veçantë është edhe tema e klaneve të huaja që përkojnë me klanet historike. Në mënyrë të detajuar, në Siçili Cosa Nostra “është e rrethuar nga fraksione të tjera të mafias dhe të organizuar fort, por të prirur për të shmangur konfliktet me familjet”.

Para së gjithash, Stidda, e cila preferon të ketë marrëdhënie jo-konfliktuale me Cosa Nostra, por më shumë e lidhur me bashkëpunimin dhe ndarjen e biznesit të paligjshëm. Në ishull, ndër të tjera, një krim i organizuar etnik është në rritje, i lidhur kryesisht me klanin nigerian, i cili vepron me pëlqimin e mafieve lokale. Në të gjithë Italinë, megjithatë, ka një rritje të vendbanimeve etnike të klaneve të huaja delikuente. Përveç nigerianëve të përmendur tashmë, për të cilët theksohet organizata hierarkike, struktura paramilitare, ritet e përkatësisë, kodet e përcaktuara të sjelljes, ndër grupet më të strukturuara të huaja është ajo shqiptare, e cila normalisht merret me prokurimin e drogës dhe krimeve kundër pronës, dhe të krimit kinez, të përqendruar në marrëdhëniet familjare dhe solidaritetin, me një strukturë të mbyllur dhe të vështirë për t’u aksesuar.

Në kapitullin kushtuar analizës së klaneve vendas, del se si ‘Ndrangheta konfirmon veten si një organizatë unitare e strukturuar mbi lidhjet farefisnore. Në Siçili, siç u përmend, Cosa Nostra mbizotëron, por bandat e tjera janë në rritje, ndërsa Camorra dallohet për një konotacion të fortë heterogjen dhe një fuqi mafioze të shprehur nga organizata autonome të mëdha dhe të konsoliduara, me fleksibilitet dhe aftësi për t’u rigjeneruar. Nga ana tjetër, një alarm i vërtetë i kuq dhe një emergjencë që bëhet një lloj kombëtar vjen nga Pulia, veçanërisht në lidhje me mafian Foggia: “Fenomeni mafioz Foggia ngjall alarmin më të madh shoqëror aq shumë sa është konsideruar nga institucionet, veçanërisht në kohët e fundit, një emergjencë kombëtare ”, thuhet përsëri në raportin e Dia.

Për më tepër, mafia është gjithnjë e më e qetë me teknologjitë e reja: “Shoqatat mafioze i kushtohen lojërave dhe basteve, përkatësisht në sektorin e lojërave të fatit dhe basteve -theksohet në raportin gjashtëmujor të Dia -. Një tregues tjetër i aftësisë së mafies për të shfrytëzuar mundësitë e ofruara nga globalizimi mund të gjendet në përdorimin e kriptomonedhave, të tilla si bitcoin dhe, kohët e fundit, Monero2, të cilat nuk lejojnë përcjellje të lehtë “.

Sa i përket numrave, janë 287,441,049.64 konfiskime të kryera në gjysmën e dytë të vitit 2020, 181.134.492.52 konfiskime, 138 filiale, 364 ndalime antimafia dhe 304.273 raporte për aktivitete të dyshimta. “Në dritën e këtyre konsideratave, raporti i këtij semestri është i orientuar në analizën dhe interpretimin e strategjive të mundshme të veprimit dhe tendencave evolucionare – përfundon Dia – veçanërisht në nivelin sipërmarrës në planin afatmesëm, të organizatave mafioze që nuk njohin sektorë, gjeografikë dhe kufijtë e marrëdhënieve, veçanërisht në lidhje me botën financiare, politike-administrative dhe profesionale “.

 “Kriminelët shqiptarë të pranishëm në pjesën më të madhe të territorit kombëtar shprehen përmes niveleve të ndryshme të operacioneve. Disa veprojnë brenda grupeve të vogla, përfshirë grupet multi-etnike, për kryerjen e krimeve kundër pronës. Në raste të tjera, u zbulua prania e organizatave kriminale të strukturuara dhe afatgjata që veprojnë në një mënyrë të ngjashme me atë të “mafieve tipike”. “Përkatësitë” bazohen përgjithësisht në lidhjet familjare ose në çdo rast me përfshirjen e bashkatdhetarëve të aftë për të ndarë kodet e njëjta të sjelljes. Krimi shqiptar është kryesisht aktiv në trafikimin e drogës dhe armëve, si dhe në trafikimin e qenieve njerëzore dhe në shfrytëzimin e prostitucionit, ndonjëherë në marrëveshje funksionale me organizatat e grupeve të ndryshme etnike (rumune dhe nigeriane). Shoqatat me një konotacion ndërkombëtar përdorin lidhjet me grupet delikuente të përbërë nga bashkatdhetarë që veprojnë kryesisht në Holandë, Belgjikë, Austri, Gjermani, Mbretërinë e Bashkuar, Spanjë, Francë, në Amerikën Qendrore dhe Jugore dhe në atdheun. Ky kapacitet për projeksion ndërkombëtar dhe disponueshmëria e barnave me çmime konkurruese ka çuar në shfaqjen e marrëdhënieve të qëndrueshme midis krimit shqiptar dhe organizatave mafioze italiane. Marrëdhëniet që lehtësohen nga mungesa e konfliktit për dominim mbi territorin. Në fakt, shqiptarët zakonisht merren me prokurimin e barnave, të cilat më pas u shiten shoqatave autoktone për administrimin e dyqanit, -thuhet konkretisht në raport .

blank


blank
blank
blank
blank
blank
blank
blank
blank
blank
blank
blank
blank
Send this to a friend