5 vjet nga 21 janari, Debat në Kuvend për 21 Janarin, replikat Berisha- Braçe-Patozi-Topalli
Edhe sot pas 5 viteve, që nga 21 janari i vitit 2011, ish-kryeministri i asaj kohë, Sali Berisha i quan ngjarjet e asaj dite si puç dhe përpjekje për të marrë me dhunë pushtetin.
Nga foltorja e Kuvendit, Berisa bëri fajtor për krimin, kryeministrin aktual dhe kreun e opozitës në atë kohë, Edi Rama. Po ashtu, ish-kryeministri tha se në këtë ngjarje u përfshinë edhe dy institucione të rëndësishme, Presidenti dhe Prokurori i Përgjithshëm.
Në replikë me Berishën, deputeti socialist Erjon Braçe thotë se vrasja nuk është hetuar qëllimisht.
Braçe kërkon të mbahet 1 minutë heshtje, e cila pas një hezitimi respektohet dhe nga deputetët e opozitës më pas thotë: I përjetshëm qoftë kujtimi i tyre, turpi mbuloftë vrasësit e tyre”
Sali Berisha:Sot është një ditë tjetër, e zezë në historinë tonë. Pas 84 vitesh, si sot 5 vjet më parë falangat e krimit bënë përpjekjen monstruoze të përmbysjes me dhunë të pushtetit, organizuan puçin famzi të 21 janarit. Bënë çdo gjë që të merrnin me dhunë pushtetin. Sulmuan institucionin e ekzekutivit me besimin e verbër se kryerkarrieristi do të mbante një fjalim te zyra.
Komunitetet ndërkombëtare e dënojnë si një përpjekje për të marrë me dhunë pushtetin.
Në këtë përpjekje, persona të paguar, të pajisur me mjete dhune sulmuan barbarisht për orë të tëra ndërtesën e kryeministrisë ku po punonte kreut i ekzekutivit, me shpresën dhe besimin e verbër se ai do ua lironte zyrën. Pra në këtë puç në të cilën morën pjesë dy krerë të tjerë të instutcioneve, ai i Presidencës dhe Prokurisë së Përgjithshme. Në këtë puç, i cili u shurdhua kreu i inteligjencës, në këtë puç që kishte synim kurorëzimin e Ramës, njëlloj si 84 vjet më parë, kryeministër çka nuk mund të ndodhte.
Për fatkeqësinë më të madhe u vranë 4 qytetarë. Zhvillimet e mëvonshme treguan se Edi Rama sakrifikoi, i solli, luajti me zjarrin me qëllimin që të merrte pushtetin. Qytetarët e Tiranës do ta ndëshkonin atë në zgjedhjet e 8 majit.
Sot kanë kaluar 5 vite nga kjo datë, por turpi i zi, faqe e zezë dhe krimi i shëmtuar rëndon mbi Ramën dhe suitën e tij. Ndaj dënoj me ashpërsinë më të madhe aktin e tyre, të shëmtuar, përpjekjen e tyre puçiste dhe për tu thënë se kurrë ndonjëherë institucionet demokratike nuk mund të pushtohen me dhunë.
Erjon Braçe: 21 janari apo më mirë, krimi shtetëror i 21 janarit ndodhur në mes të bulevardit është një krim i pazbardhur. Është një krim i pahetuar plotësisht. Është një krim i pagjykuar plotësisht.
Pse mendoj se Sali Berisha nuk duhet të fliste sot këtu në sallën e kuvendit, ose mund të fliste por familjarët duhet të degjonin prej tij rrëfimin që i mungon politikës shqiptare, që i mungon prokurisë prej vitesh. Rrëfimin e tij jo vetëm e atij që ka pasur përgjegjësinë, pro që ka marrë përsipër pushkatimin e 4 qytetarëve. Rrëfimin e një njeriu që ka dhënë versione të ndryshme për poziciionin e tij, për veprimet e tij, por nga ana tjetër ka marrë përsipër edhe vrasjet e pushkatrarëve të tij më 21 janar.
Deri më sot, ka autorë të vrasjes së akuzuar nga Prokuroria dhe të shpallur vrasës nga pakujdesia vetëm për Ziver Veizi dhe për Faik Myrtajn. Gjykata e Apelit ka thënë se për Hekuran Dedën nuk ka vrasës, ashtu si për Aleks Nikën Prokuroria e ka dosjen e hapur dhe thotë që nuk ka vrasës. Ashtu si për disa të tjerë që kanë marrë pjesë në ngjarje dhe kanë qenë në të njëjtën vend me të vrarët edhe prokuria edhe gjykata i kanë cështjet e hapura dhe për ta nuk ka vrasës. Pra, nga 4 të vrarë në 21 janar për 2 prej tyre nuk ka vrasës.
As Prokuroria dhe as gjykata nuk kanë marrë përsipër të tregojnë se kush janë njerëzit që vranë më 21 janar.
Ajo që është me e rënda ka të bëjë me faktin se edhe ata që janë dënuar në mënyrë qesharake janë të lirë. Edhe sot që flasim në institucionet e këtij shteti nuk gjendet asnjë prej vrasësve të 21 janarit. Situata rëndohet kur gjykata e lartë që nga prilli i vitit 2013 nuk merr përsipër të gjykojë dosjen që prokuroria ka dërguar për vrasësit e identifikuar.
Kjo cështje është hetuar që në fillim të saj gabim. Kjo çështje sabotuar që ne fillimet e saj. Për këtë çështje ata që janë përgjegjësit ish-kryeministri Sali Berisha dhe ministri i Brendshëm Lulzim Basha kanë dhënë versione të ndryshme për cka ka ndodhur atë ditë.
Është një histori e hetuar dhe gjykuar qëllimisht keq. Duhej të niste nga komandantët e pushkatarëve. Hetimi duhej të niste me ty, dhe me Lulzim Bashën, duhej të përfshinte gjithë hierarkinë që sic thua ti kishin krijuar perde zjarri. Sigurisht që duhej të përfshinte dhe pushkatarët që zbatuan urdhrat e tua. Nuk lejove ti hetimet. Vure nën thundër Prokurorin e Përgjithshëm, Presidentin, Gjykatën e Apelit, Gjykatën e Lartë. Bujar Nishanin e vure ti në krye të KLD-së për të emëruar ata gjyqtarë që doje ti.
Duhet të vijojmë me reformën në drejtësi. Për të liruar Gjykatën e Lartë e të tjerat që i kontrollon sërish ti. Ke folur për makinë me tritol dhe nuk gjete. Ke folur për plumba në godinën e kryeministrisë por nuk gjete Kujtova se do kishit ndonjë pendesë por ju nuk jeni nga ato që pendoheni.
Sali Berisha dhe Lulzim Basha kanë vrarë me dashje më 21 Janar. Ju keni vrarë me vetëdije të plotë me dashje. Kjo nuk ju lë që të kryeni reformën në drejtësi.
Sali Berisha të çohet e të na thotë të gjithëve në sy, dhe familjarëve dhe tu thotë Nuk ju vrava unë. Nuk e thotë dot.
Braçe kërkon të mbahet 1 minutë heshtje, e cila respektohet dhe nga deputetët e opozitës më pas thotë: I përjetshëm qoftë kujtimi i tyre, turpi mbuloftë vrasësit e tyre”
Berisha: Ju i dini kush i futi thikat gjykatësit. I dini i dini por nuk flisnin ju. Kushërirë (i drejtohet ministrisë Milena Harito) mos u përzi në këtë punë se nuk është për ty.
Mos u përziej me ta se janë mafia e gjallë. Keni dy fytyra ju.
Berisha: Bera detyren, nuk u largova nga zyra
Berisha:Sali Berisha bëri atë ditë atë që duhet të bënte çdo zyrtar i këtij shteti. Nuk u largua nga zyra asnjë sekonde të vetme . E gjithë përpjekja e Edi Ramës që ishte ngulur në ndërtesën karshi për të mbajtur një fjalim në ballkonin e zyrës si clirimtar ishte shkaku më themelor i 4 të vrarëve. Për ngjarjen ka deklarata ndërkombëtare jo një por disa. Ka deklarata të misioneve ndërkombëtare të cilat financojnë botërisht se kjo protest dallonte nga të tjerat.
Braçe: Për 21 janarin nuk ka amnisti
Braçe: Për 21 Janarin nuk ka amnisti pavarësisht se çfarë partie është. Nuk ka parti politike që do të të japë amnisti. Harroje. Komandantin e grupeve të Gardës së Republikës e ke emëruar kryetar të PD në Mat
Balla: Sali Berisha do të futet në burg
Deputeti socialsit Taulant Balla tha se Sali Berisha do të futet në burg për vrasjet e 21 janarit. Ky eshte amaneti i familjarëve tha Balla.
Balla:Isha i sigurt qe vrasësi i 21 janari Sali berisha nuk do rrinte më në sallë. Në emër të familjarëve të 4 të vrarëve për të cilët ne ruajmë gjithë respektin dhe për ne janë 4 dëshmorë u kërkua që të merrja fjalën dhe ti kërkoja atij vrasësi të paktën të heqë dorë nga balta dhe fyerjet. Ka përgjegjësi jo vetëm për vrasjet por edhe për fshehjen e provave.
Sapër amanetin e 4 të vrarëve pjesën eparë të amanetit e kryem më 23 qershor se e nxorëm nga zyra. Pjesa e dytë e amanetit është që Sali Berisha të shkojë në burg dhe do shkojë në burg për vrasje.
Vrasjet kanë këtë hierarki urdhrash. Urdhëri është dhënë nga Berisha dhe Basha dhe i është dhënë Ndrea Prendit. Gjyqtarët tuaj e falën Ndrea Prendin, Prokuroria e kapur prej jush ende nuk e ka marrë Berishën në pyetje për vrasjen dhe fshehjen e provave.
Sipas ekspertizës së FBI serveri i kryeministrisë është fshirë mbrëmjen e 21 janarit.
Astrit Patozi: “Morali juaj dhe i këtij debati u mbyll ditën e 1 prillit kur firmosët koalicionin e turpit. E përdorni këtë debat për të na kompleksuar. Me këtë artificë doni të tërheqni vëmendjen.
Topalli: Rama debatin po e ndjek nga zyra e tij. Pse u zhduk kryeministri juaj? Ka ikur dhe kryetari i parlamentit. Të vetmit që nuk ikin janë PD.
(I drejtohet Taluant Ballës) Je më i pafytyri në historinë e parlamentarizmit. Vazhdon të lexosh hartimet e Edi Ramës apo të atij Stefanit. Kush nuk e beson sot se nuk do të merrej pushtetit me dhunë.
Pse nuk e japim me koncesion atë të gjatin. Duhet shpëtu Shqipëria nga qelbësirat, nga bandat që e përdorin Shqipërinë si çiflig.
Studenti Kleidi Memo, i ftuar sot në televizionin News24, ka bërë një analizë të protestës dhe lëvizjes së rinisë shqiptare, e quajtur edhe “Gjenerata Z”, për rrëzimin e qeverisë, dorëheqjen e kryeministrit Edi Rama dhe ndryshimin e klasës politike.
Ai tha se protesta që reziston në mënyrë historike në sheshet e Tiranës prej 66 ditësh i ka futur frikën dhe panikun kryeministrit, ndërsa ata nuk do largohen nga sheshi pa arritur qëllimet e tyre.
Teksa foli në emër të grupit studentor ku dhe bën pjesë, i riu theksoi se protestat kanë shkatërruar fasadën e mashtrimit të ndërtuar ndër vite nga politika.
Memo u ndal te reagimi i kreut të qeverisë ndaj protestave, duke e akuzuar se është munduar fillimisht t’i minimizojë përmes ironisë dhe aludimeve për faktorë të jashtëm, në një kohë që realiteti tregon të kundërtën.
“Protesta e ka vënë Ramën në panik. Filloi duke e ironizuar, duke thënë se ka forca të jashtme që e organizojnë, etj. Çdo herë ai përpiqet të krijojë një fasadë sikur çdo gjë është në rregull. Këtë ka bërë që nga viti 2013, duke tentuar të thotë se çdo gjë është në rregull. Kjo protestë e ka shembur fasadën që Edi Rama dhe PS, por edhe PD kanë ngritur më parë,” u shpreh ai.
Sipas Memos, rinia përfaqëson katalizatorin e vërtetë të ndryshimit dhe nuk mund të pranojë më një klasë politike që synon vetëm përfitimet personale. Ai njoftoi se studentët janë bashkuar në një front të përbashkët qëndrese.
“Gjenerata Z është gati të bëjë ndryshim sepse rinia është katalizator i ndryshimit në çdo vend. Unë jam pjesë e një grupi studentor që përfaqëson edhe studentët në protestë dhe kemi krijuar një qëndresë për studentët ku çdo student mund të na bashkohet për të luftuar këtë klasë politike të vjetër që është aty vetëm për interesat e tyre personale.”
Në përfundim, ai evidentoi se qytetarët dhe studentët ballafaqohen çdo ditë me mungesa të theksuara dhe se aksionet simbolike të rinisë do të vijojnë.
“Kemi shumë pakënaqësi, ka shumë kërkesa, si për arsimin, shëndetësinë që duhen përmirësuar. Kjo qeveri ka uzurpuar çdo aspekt të jetës së përditshme të shqiptarëve. Ne si studentë kemi bërë shumë aksione, ku një prej tyre ka qenë shpalosja e një banderole të madhe në Universitetin Politeknik”, tha ai.
Pas paralajmërimit të biznesmenit Behgjet Pacolli se çështja e Aeroportit të Vlorës do të përfundojë në arbitrazh ndërkombëtar, natyrshëm lind pyetja se sa është ‘gjoba’ që kompania koncesionare mund të kërkojë si dëmshpërblim nga shteti shqiptar.
Sipas të dhënave të publikuara nga Kapital.al, Mabco, kompania e lidhur me investitorin Behgjet Pacolli, ka deklaruar se është ekspozuar me mbi 320 milionë euro investime në projektin e Aeroportit të Vlorës, pa përfshirë fitimet e munguara që do të mund të gjeneroheshin nga aktiviteti i aeroportit.
Biznesmeni dhe ish-presidenti i Kosovës, Pacolli ka deklaruar se do të kërkojë kompensim maksimal në arbitrazh, pas vendimit të Ministrisë së Infrastrukturës dhe Energjisë për nisjen e procedurave për shtetëzimin e aeroportit, pas konfliktit të krijuar mes aksionerëve të shoqërisë koncesionare.
“MABCO është ekspozuar financiarisht me mbi 320 milionë euro, pa përfshirë humbjen e fitimit dhe kostot ligjore. Kompania kishte përfunduar pothuajse të gjitha detyrimet kontraktore dhe ndodhej vetëm pak para fazës së certifikimit të aeroporti”, shkruan ai ndër të tjera në reagimin e tij.
Një tjetër element që mund të ndikojë në vlerën e kërkesës së investitorit është plani financiar i koncesionit.
Sipas të dhënave të bëra publike, gjatë periudhës 35-vjeçare të koncesionit, Aeroporti i Vlorës ishte parashikuar të gjeneronte rreth 720 milionë euro të ardhura.
Kjo shumë, së bashku me pretendimet për investimet e kryera dhe dëmet ekonomike të shkaktuara nga ndërprerja e kontratës, mund të jetë pjesë e argumentimit financiar që Mabco mund të paraqesë përpara një trupi arbitrazhi.
Megjithatë, shuma përfundimtare që Shqipëria mund të detyrohet të paguajë nuk është e përcaktuar dhe do të varet nga vlerësimi i arbitrazhit ndërkombëtar, provat e paraqitura nga palët, si dhe interpretimi i kontratës së koncesionit.
Në rast se arbitrazhi do të pranonte pjesërisht ose plotësisht pretendimet e investitorit, fatura do të paguhej nga buxheti i shtetit, duke e kthyer konfliktin për Aeroportin e Vlorës në një çështje me kosto potencialisht të lartë për taksapaguesit shqiptarë.
Konflikti i zgjatur mes aksionerëve të Aeroportit të Vlorës që ka sjellë vonesa disamujore për mbarimin e veprës infrastrukturore duket se do të përfundojnë me zgjidhjen e kontratës në mënyrë të njëanshme nga Ministria e Infrastrukturës dhe Energjisë.
Projekti, i cili ka nisur punimet në vitin 2021 dhe duhet të përfundonte brenda tri viteve, është shtyrë vazhdimisht pas konflikteve midis aksionerëve Behgjet Pacolli dhe Valon Ademi mbi ndarjen e aksioneve. Ndërsa aeroporti duhej të ishte bërë operacional brenda vitit 2025 dhe punimet ende nuk kanë përfunduar, qeveria ka menduar si zgjidhje prishjen e njëanshme të kontratës për të zhbllokuar punimet.
Sipërmarrësi Behgjet Pacolli ka reaguar pas lajmit se Ministria e Infrastrukturës dhe Energjisë ka nisur procedurën për zgjidhjen e kontratës së koncesionit për Aeroportin Ndërkombëtar të Vlorës, duke paralajmëruar arbitrazh ndërkombëtar nëse vendimi konfirmohet.
Sipas Pacollit, kompania MABCO Constructions SA nuk është njoftuar zyrtarisht nga autoritetet shqiptare dhe e ka mësuar lajmin përmes mediave.
“Për një investim strategjik të kësaj rëndësie, është e papranueshme që investitori të informohet nga mediat dhe jo nga institucionet e shtetit”, deklaroi ai.
Pacolli pretendon se MABCO është ekspozuar financiarisht me mbi 320 milionë euro dhe se në muajin maj kishte përmbushur pothuajse të gjitha detyrimet kontraktore, duke qenë pranë certifikimit të aeroportit, por punimet u penguan.
Ai akuzoi shtetin shqiptar për neglizhencë dhe veprime të kundërligjshme, ndërsa tha se pengesat institucionale kanë sjellë vonesa dhe dëme financiare.
“Paradoksi është i qartë: nga njëra anë institucionet penguan përfundimin e projektit, ndërsa nga ana tjetër përpiqen ta përdorin pikërisht këtë pengesë si arsye për zgjidhjen e kontratës”, u shpreh Pacolli.
Ai paralajmëroi se në rast të zyrtarizimit të procedurës për prishjen e kontratës, MABCO do të ndjekë të gjitha rrugët ligjore, përfshirë arbitrazhin tregtar dhe atë ndërkombëtar kundër Republikës së Shqipërisë.
“Arbitrazhi nuk është kërcënim, është realiteti i krijuar si pasojë juridike e veprimeve të kundërligjshme dhe mosveprimeve të atyre që kishin detyrimin të mbronin ligjin, investimin dhe interesin publik”, tha Pacolli.
Sipas tij, çdo faturë financiare që mund të lindë nga një proces i tillë do të rëndojë mbi taksapaguesit shqiptarë, bizneset dhe shtetin.
Reagimi i plotë:
Sot u bë publik lajmi se Ministria e Infrastrukturës dhe Energjisë ka nisur procedurën për zgjidhjen e Kontratës së Koncesionit të Aeroportit Ndërkombëtar të Vlorës. Deri në këtë moment, MABCO Constructions SA nuk ka marrë asnjë njoftim zyrtar nga Autoriteti Kontraktor. Për një investim strategjik të kësaj rëndësie, është e papranueshme që investitori të informohet nga mediat dhe jo nga institucionet e shtetit.
Nëse ky lajm rezulton i vërtetë, atëherë shteti shqiptar ka vendosur të ndjekë rrugën e arbitrazhit ndërkombëtar. MABCO ka bërë çdo përpjekje për ta shmangur këtë skenar, duke kërkuar dialog, zgjidhje institucionale dhe zbatim të ligjit. Fatkeqësisht, këto përpjekje janë penguar nga neglizhenca, papërgjegjshmëria, veprimet e kundërligjshme të disa zyrtarëve, nga elementë që kanë vepruar dhe veprojnë jashtë ligjit, nën mbrojtje institucionale dhe nga dështimi i një sistemi të drejtësie, të ndikuar për të garantuar mbrojtjen e investitorit.
MABCO është ekspozuar financiarisht me mbi 320 milionë euro, pa përfshirë humbjen e fitimit dhe kostot ligjore. Mabco që në Maj kishte përmbushur pothuajse të gjitha detyrimet kontraktore dhe ndodhej para certifikimit të aeroportit, kur u pengua të vazhdonte punimet. Edhe pas vendimit të Gjykatës së Lartë, MABCO u mbajt për muaj të tërë jashtë kantierit, në prani të Policisë së Shtetit. Gjatë kësaj periudhe u dëmtuan dhe u shkatërruan pajisje me vlerë, ndërsa një pjesë e tyre u vodhën.
Paradoksi është i qartë: nga njëra anë institucionet penguan përfundimin e projektit, ndërsa nga ana tjetër përpiqen ta përdorin pikërisht këtë pengesë si arsye për zgjidhjen e kontratës. Kjo bie ndesh me vendimin e Gjykatës së Lartë, me Kontratën e Koncesionit, me Marrëveshjen Dypalëshe për Mbrojtjen e Investimeve ndërmjet Zvicrës dhe Shqipërisë, si dhe me parimin themelor të së drejtës se askush nuk mund të përfitojë nga sjellja e vet e paligjshme.
Nëse procedura konfirmohet, MABCO do të përdorë të gjitha mjetet juridike dhe të gjitha provat që disponon për të kërkuar përgjegjësi ndaj kujtdo që ka kontribuar në këtë situatë, përfshirë arbitrazhin tregtar dhe arbitrazhin ndërkombëtar kundër Republikës së Shqipërisë.
Nuk kam dëshiruar kurrë që taksapaguesit shqiptarë të paguajnë faturën e neglizhencës, papërgjegjshmërisë dhe vendimeve të kundërligjshme të disa zyrtarëve. Megjithatë, ata vazhdojnë të sillen me indiferencë, sikur të mos kishte asnjë rëndësi nëse Aeroporti Ndërkombëtar i Vlorës vihet në funksion me muaj apo vite vonesë dhe sikur dëmi ekonomik të mos rëndonte mbi qytetarët.
Përfaqësuesit e lartë të institucioneve sillën sikurse nuk mbajnë asnjë përgjegjësi personale, sepse e dinë se nuk do të paguajnë asgjë nga xhepi i tyre. Faturën do ta paguajnë qytetarët shqiptarë, bizneset dhe vetë shteti. Kjo kulturë pandëshkueshmërie po dëmton rëndë interesin publik, besimin tek institucionet dhe klimën e investimeve në Shqipëri.
ARBITRAZHI nuk është një kërcënim, është realiteti i krijuar si pasojë juridike e veprimeve të kundërligjshme dhe mosveprimeve të atyre që kishin detyrimin të punojnë NDERSHËM, të mbronin ligjin, të mbronin investimin dhe interesin publik.
MABCO GJITHMONË KA FUNKSIONUAR DHE VAZHDON TE FUNKSIONOJE VETEM KONFORM LIGJIT DUKE RRESPEKTUAR ATË , PA KOMPROMIS! BW
Ministria e Infrastrukturës dhe Energjisë ka nisur procedurat për zgjidhjen e kontratës koncesionare të Aeroportit Ndërkombëtar të Vlorës. Procedura është iniciuar gjatë ditës së sotme, me synimin për të zhbllokuar situatën e krijuar pas vonesave në përfundimin e një prej projekteve më të mëdha infrastrukturore në vend.
Ky zhvillim vjen pas paralajmërimeve të bëra nga ministria gjatë muajve maj dhe qershor, kur u la të kuptohej se shteti ishte i gatshëm të ndërhynte për të zgjidhur ngërçin dhe për të garantuar funksionalizimin e aeroportit.
Në muajin maj, Ministria e Infrastrukturës dhe Energjisë deklaroi se Aeroporti Ndërkombëtar i Vlorës përbën një infrastrukturë me rëndësi strategjike për vendin dhe se funksionimi i tij është çështje e interesit publik e shtetëror, e jo thjesht një marrëdhënie biznesi mes palëve private. Më pas, në fillim të muajit qershor, ministria bëri të ditur se kompanive u ishte lënë një afat prej 30 ditësh për të zgjidhur mosmarrëveshjet tregtare.
Sipas informacioneve me nisjen e kësaj procedure qeveria ka kaluar në fazën e radhës të mekanizmave kontraktorë për zgjidhjen e situatës së krijuar.
Punimet për ndërtimin e Aeroportit Ndërkombëtar të Vlorës nisën zyrtarisht në nëntor të vitit 2021. Sipas kontratës koncesionare dhe planit fillestar të investimit, aeroporti duhej të përfundonte brenda rreth tre viteve dhe të niste operimet gjatë vitit 2025. Megjithatë, afatet nuk u respektuan dhe aeroporti ende nuk është bërë operacional.
Mosfunksionalizimi i aeroportit është lidhur me konfliktin e zgjatur mes aksionarëve të shoqërisë koncesionare, i cili ka sjellë procese gjyqësore, bllokim të vendimmarrjes dhe vonesa në realizimin e projektit.
Aeroporti Ndërkombëtar i Vlorës konsiderohet një investim strategjik për zhvillimin ekonomik të vendit. Vënia e tij në operim pritet të rrisë lidhjet ajrore me destinacione europiane dhe rajonale, të zgjasë sezonin turistik, të shtojë fluksin e vizitorëve dhe të nxisë investimet e huaja në jug të Shqipërisë.
Procedura e aktivizuar nga qeveria pritet të përcaktojë fatin e mëtejshëm të kontratës koncesionare dhe të vetë projektit, i cili konsiderohet një nga investimet infrastrukturore më të rëndësishme të viteve të fundit në Shqipëri.
Ministria e Infrastrukturës dhe Energjisë ka nisur procedurat për zgjidhjen e kontratës koncesionare të Aeroportit Ndërkombëtar të Vlorës. Mësohet nga burime të besueshme se procedura është iniciuar gjatë ditës së sotme, me synimin për të zhbllokuar situatën e krijuar pas vonesave në përfundimin e një prej projekteve më të mëdha infrastrukturore në vend.
Ky zhvillim vjen pas paralajmërimeve të bëra nga ministria gjatë muajve maj dhe qershor, kur u la të kuptohej se shteti ishte i gatshëm të ndërhynte për të zgjidhur ngërçin dhe për të garantuar funksionalizimin e aeroportit.
Në muajin maj, Ministria e Infrastrukturës dhe Energjisë deklaroi se Aeroporti Ndërkombëtar i Vlorës përbën një infrastrukturë me rëndësi strategjike për vendin dhe se funksionimi i tij është çështje e interesit publik e shtetëror, e jo thjesht një marrëdhënie biznesi mes palëve private.
Më pas, në fillim të muajit qershor, ministria bëri të ditur se kompanive u ishte lënë një afat prej 30 ditësh për të zgjidhur mosmarrëveshjet tregtare.
Me nisjen e kësaj procedure qeveria ka kaluar në fazën e radhës të mekanizmave kontraktorë për zgjidhjen e situatës së krijuar.
Punimet për ndërtimin e Aeroportit Ndërkombëtar të Vlorës nisën zyrtarisht në nëntor të vitit 2021.
Sipas kontratës koncesionare dhe planit fillestar të investimit, aeroporti duhej të përfundonte brenda rreth tre viteve dhe të niste operimet gjatë vitit 2025. Megjithatë, afatet nuk u respektuan dhe aeroporti ende nuk është bërë operacional.
Mosfunksionalizimi i aeroportit është lidhur me konfliktin e zgjatur mes aksionarëve të shoqërisë koncesionare, i cili ka sjellë procese gjyqësore, bllokim të vendimmarrjes dhe vonesa në realizimin e projektit.
Aeroporti Ndërkombëtar i Vlorës konsiderohet një investim strategjik për zhvillimin ekonomik të vendit. Vënia e tij në operim pritet të rrisë lidhjet ajrore me destinacione europiane dhe rajonale, të zgjasë sezonin turistik, të shtojë fluksin e vizitorëve dhe të nxisë investimet e huaja në jug të Shqipërisë.
Procedura e aktivizuar nga qeveria pritet të përcaktojë fatin e mëtejshëm të kontratës koncesionare dhe të vetë projektit, i cili konsiderohet një nga investimet infrastrukturore më të rëndësishme të viteve të fundit në Shqipëri. gsh
Shqipëria ka shpallur persona të padëshiruar dy shtetas të Maqedonisë së Veriut, Bekim Halimin dhe Valon Belën (i njohur edhe si Valjon Belja).
Nga Ministria e Brendshme e Shqipërisë konfirmuan për Radion Evropa e Lirë se vendimi është marrë me urdhër të ministrit Besfort Lamallari dhe dy shtetasve nga Maqedonia e Veriut u është ndaluar hyrja në Shqipëri për një periudhë dhjetëvjeçare.
Ndaj Belës është lëshuar edhe urdhri për dëbim. Sipas Ministrisë së Brendshme, vendimi u mor në bazë të Ligjit për të Huajt, përkatësisht në bazë të një neni që thekson se ministri shpall një shtetas të huaj të padëshiruar kur vepron ose propagandon kundër sovranitetit të Republikës së Shqipërisë, sigurisë kombëtare, rendit kushtetues dhe rendit e sigurisë publike, dhe kur është anëtar i organizatave terroriste apo përkrah e kryen veprime anarkiste kundër shtetit ligjor.
Valon Bela, analist dhe aktivist politik në Maqedoninë e Veriut, reagoi ndaj vendimit përmes rrjeteve sociale.
Ai tha se shpallja person i padëshiruar është vendim politik, i cili, sipas tij, është marrë në sinkron mes kryeministrit të Shqipërisë, Edi Rama dhe presidentit serb, Aleksandar Vuçiq. Bela tha se nuk ka kryer asnjë veprim që cenon sigurinë e Shqipërisë dhe e konsideroi masën si përpjekje për të penguar veprimtarinë e tij publike.
Ai tha gjithashtu se është shpallur më herët “non grata” edhe në Serbi, duke e lidhur këtë me qëndrimet e tij kritike ndaj politikave të Beogradit. Bela shtoi se do ta kundërshtojë vendimin përmes rrugëve ligjore.
Gjatë muajit qershor, Bela kishte publikuar në llogarinë e tij në Facebook fotografi nga pjesëmarrja në protestat e quajtura “Revolucioni i Flamingove”.
Në postimet e tij ai ka mbajtur qëndrime kritike ndaj kryeministrit Rama dhe qeverisjes së tij.
Personi tjetër ndaj të cilit është marrë masa e ndalimit për 10 vjet, Bekir Halimi, është teolog shqiptar nga Maqedonia e Veriut, i njohur për ligjëratat dhe aktivitetin e tij fetar në komunitetet shqiptare në Ballkan. Ai ka studiuar në Jordani dhe ka qenë aktiv në botime dhe organizime fetare.
Vendimi ndaj dy shtetasve nga Maqedonia e Veriut vjen në një kohë kur protestat kundër Qeverisë shqiptare kanë hyrë në muajin e tretë. Ato nisën si kundërshtim ndaj projektit të ndërtimit të një resorti në Zvërnec, në jug të Shqipërisë, por më pas morën karakter më të gjerë politik, me kërkesa për ndryshime në qeverisje dhe çështje ekonomike.
Kryeministri i Shqipërisë, Edi Rama, më herët ka pretenduar se protestat shoqërohen edhe me ndërhyrje nga jashtë, duke përmendur pjesëmarrjen e qytetarëve nga Kosova dhe Maqedonia e Veriut.
“Vijnë njerëz nga Kosova, Maqedonia për të shpëtuar Shqipërinë në emër të shqiptarëve”, ka thënë Rama.
Më 25 qershor, Shqipëria i ndaloi hyrjen për 15 vjet predikueses fetare nga Kosova, Ikballe Huduti, e njohur për qëndrimet e saj pro Iranit dhe kundër Shteteve të Bashkuara. Autoritetet shqiptare e cilësuan atë një kërcënim për sigurinë e vendit. Ajo kishte marrë pjesë në protestat kundër Qeverisë Rama.
Kryetari i Partisë Mundësia, Agron Shehaj, ka ironizuar kryeministrin Edi Rama dhe Taulant Ballën, duke deklaruar se përpjekjet për t’i shpëtuar drejtësisë janë të kota.
Në një video të publikuar në rrjetet sociale, Shehaj shprehet se Rama dhe Balla kanë “një problem shumë të madh”: nuk mund të mbeten shtatzënë, duke iu referuar justifikimit për t’iu shmangur drejtësisë nga gratë e mazhorancës socialiste në vitet e fundit.
“Edi Rama dhe Taulant Balla kanë një problem shumë të madh. Nuk mbeten dot shtatzënë. Ej, po lini nam. Nuk i shpëtoni dot drejtësisë. Kot e keni”, deklaron Shehaj në video.
Kreu i Mundësia akuzon mazhorancën se për vite me radhë ka vepruar sikur ishte mbi ligjin dhe se tashmë, përballë drejtësisë, po përpiqet të përdorë çdo mënyrë për t’iu shmangur përgjegjësisë.
“Vodhën pa limit sepse mendonin se ishin mbi ligjin. Tani nuk dinë nga t’ia mbajnë dhe po përdorin gjithçka për t’i shpëtuar drejtësisë”, shkruan Shehaj në postimin që shoqëron videon. bw
Analisti i njohur Fatos Lubonja, i ftuar në studion e News24, ka bërë një analizë të ashpër të situatës politike në vend dhe valës së protestave masive kundër kryeministrit Edi Rama dhe qeverisë së tij.
Gjatë fjalës së tij, Lubonja u shpreh se në një shtet normal demokratik, kreu i qeverisë do të kishte dhënë dorëheqjen prej kohësh dhe do të ishte përjashtuar nga forca e tij politike, duke sjellë në vëmendje listën e gjatë të skandaleve që kanë përfshirë ekzekutivin.
“Po të ishim në një shtet demokratik normal, kryeministri duhet të kishte dhënë dorëheqjen disa herë dhe partia e tij duhet ta kishte përjashtuar për të gjitha ato gjëra që kanë dalë, duke filluar nga skandalet me radhë, nga inceneratorët, Ahmetaj, Balluku, AKSHI, deri te Aruba, etj., etj.,” u shpreh Lubonja. Megjithatë, ai theksoi se mungesa e përgjegjshmërisë dhe pandëshkueshmëria dëshmojnë se Shqipëria ndodhet nën një “regjim kriminal”.
Duke u ndalur te lëvizja qytetare dhe protestat që vijojnë, analisti parashikoi një dinamikë të re në ditët në vijim. Sipas tij, me rritjen e pakënaqësive popullore, këto energji duhet të orientohen drejt këtij “lumi proteste”, i cili do të zgjerohet më tej përballë krizës ekzistenciale që po kalon vendi, ku emergjenca kryesore mbetet shpopullimi masiv i Shqipërisë.
Aktivisti Erikleo Çepa, i cili është një nga pjesëmarrësit në protestën qytetarë kundër qeverisë thotë se protestat kanë ngjallur frikë dhe mos besim tek vetë politika.
I ftuar në News24, Çepa iu referua disa informacioneve të brendshme paralajmëroi se ka deputetë që po përgatisin deklaratat e dorëheqjes, ndërsa solli edhe shembullin e Marjana Koçekut.
“Ka ngjallur frikë mes tyre, një mosbesim te njëri-tjetri. Kemi parë këto kohët e fundit që disa deputetë po përgatisin deklaratat për të dalë deputetë të pavarur. Një nga ata është edhe zonja Koçeku. Ka informacione të brendshme se mund të jenë bërë gati për të dhënë dorëheqje”, tha ai.
Ndërkohë i ndalur në debatet dhe përplasjet brenda Partisë Socialiste, aktivisti deklaroi se “nëse përçarja zmadhohen do ta shkatërrojë vetë kryeministrin dhe patronazhistët”.
Ai tha se protesta nuk ka një drejtues, duke sqaruar se qytetarët dalin në shesh për flamurin shqiptar.
“Kokë politike nuk besoj se do ketë. Për momentin jo, unë përfaqësoj flamurin shqiptar”, tha ai.
Shoqëria aksionere publike që menaxhonte hapësirën ajrore të Shqipërisë, ka pushuar së ekzistuari. Dy javë më parë, ministria e Ekonomisë në cilësinë e aksionerit të vetëm, ka miratuar çregjistrimin e Albcontrol sha.
Ministria e Ekonomisë dhe Inovacionit vendosi prishjen pa kaluar në likujdim të shoqërisë Albcontrol sh.a në zbatim të nenit 21 të ligjit Për Ofruesin e Shërbimeve të Lundrimit Ajror” Albcontrol,” thuhet në vendimin e asamblesë së përgjithshme të aksionarit.
Screenshot
Sipas vendimit, të drejtat dhe detyrimet e Albcontrol sh.a tashmë do të kalojnë tek Enti Publik Albcontrol, i cili do të jetë një ent jobuxhetor.
Mbyllja e shoqërisë publike Albcontrol dhe zëvendësimi i saj me një Ent Publik Jobuxhetor u sanksionua me një ligj të posaçëm dy vjet më parë, si një përpjekje për të shpëtuar paratë e gjobës Becchetti.
Por me sa duket kjo ishte një tentativë e dështuar, pasi të gjitha paratë që ka gjeneruar hapësira ajrore e Shqipërisë prej vitit 2020 mbahen të bllokuara në Bruksel dhe një pjesë e tyre madje janë konfiskuar përfundimisht nga biznesmeni italian.
Sipas të dhënave nga bilanci zyrtar i Albcontrol, deri në fund të vitit të kaluar, shuma e bllokuar në llogaritë e Albcontrol tek Eurocontroli në Bruksel arriti në 18.3 miliardë lekë ose mbi 193 milionë euro.
Screenshot
Edhe pse tashmë kjo shumë ka kaluar detyrimin e gjobës Becchetti, sërish paratë mbeten aty dhe shteti shqiptar nuk mund të tërheqë dot asnjë qindarkë.
Bllokimi i miliardave në Bruksel e detyroi qeverinë të ndërhynte me paratë e qytetarëve për të bërë të mundur mbajtjen hapur të hapësirës ajrore dhe fluturimeve në Shqipëri.
Fillimisht qeveria dha disa kredi për Albpetrol përmes ministrisë së Financave dhe kompanive të tjera shtetërore, por në fillim të këtij viti, Këshilli i Ministrave detyroi Ministrinë e Infrastrukturës dhe Energjisë të kalojë 7 miliardë lekë tek Albcontrol, jo si hua, por si injektim kapitali.
Me pak fjalë, përmës këtij operacioni qytetarët shqiptarët paguan drejtëpërdrejtë paratë e gjobës 130 milionë euro të Becchettit, që erdhi pas sherreve personale të kryeministrit Edi Rama dhe oborrit të tij me biznesmenin italian./ Kapitali
Kryeministri Edi Rama ka reaguar në lidhje me protestat që janë zhvilluar në disa bashki të vendit kundër propozimit për hartën e re territoriale.
Përmes një postimi në rrjetet sociale, kreu i qeverisë e ka konsideruar reagimin e qytetarëve si diçka krejtësisht normale dhe të mirëseardhur, por u shpreh ashpër ndaj socialistëve që dogjën kartat e anëtarësisë së PS-së.
Rama shtoi se dokumenti i reformës territoriale ndodhet aktualisht në fazën e konsultimit publik prej 60 ditësh dhe se çdo bashki apo qytetar ka të gjithë hapësirën ligjore për të shprehur opinionin e tij përpara se drafti të kalojë për votim në Kuvend.
Reagimi i plotë:
Vazhdon qarja e hallit të kalorësit se po i varen këmbët, së fundi edhe me një agjitim të madh nga vajtorët e vajtojcat, pse tanimë po protestohet edhe “brenda PS” dhe kjo qenka një shenjë tmerrsisht e keqe për “regjimin”
Në fakt jo, përjashto aktin e turpshëm të djegies së teserave të PS në një rast, nga disa individë që as vetë s’kanë ditur tamam ç’kanë bërë apo ndonjë rast kur deputetë tanët kanë bërë “tribunin e vegjëlisë” pa ditur tamam çfarë thonë, gjithçka tjetër është jo vetëm normale po edhe e mirëseardhur
Një, sepse dokumenti i reformës së propozuar është pikërisht në fazën e vet të konsultimit publik ligjor prej 60 ditësh dhe kjo fazë do të thotë pikërisht, bujrum gjithkush të shprehet lirisht për propozimin
Dy, sepse sipas ligjit kryetarët e bashkive e këshillat bashkiakë duhet të shprehen me shkrim për qëndrimet e tyre dhe është krejt e kuptueshme që ata që janë kundër të shprehen edhe me forma të tjera paqësore – për sa kohë nuk bllokojnë rrugë e nuk pengojnë të tjerët të bëjnë jetën e tyre, duke u futur vetë në konflikt me ligjin dhe me PS bashkë
Tre, sepse as në Shqipëri nuk ka regjim, as në PS nuk ka dhe nuk do të ketë asnjë vendim për të shkurajuar askënd që të shprehë opinionin e vet për këtë reformë, për të cilën sigurisht do të vendosë parlamenti, por deri atëherë të gjithë do të dëgjohen, përfshirë edhe bashkitë që mund të duan të integrojnë tek vetja bashki më të vogla që në propozimin aktual mbeten siç janë
Nga ana tjetër të gjithë do të informohen shumë më tepër përgjatë këtyre 60 ditëve lidhur me arsyet logjike të propozimeve – ku nuk ka pasur si të merren parasysh reputacioni i zonës bashkiake që nga koha e antikitetit, numri i të rënëve në luftrat e 2000 vjetëve të fundit apo të tjera të dhëna e gojëdhana të kësaj natyre, të cilat s’kanë qenë dhe s’mund të jenë farë argumenta në këtë debat. bw
Komentet