VOAL

VOAL

Copyright © 2022

VOAL

Cilinton zbulon fotografinë nga Kosova të cilën e mbanë në zyre për t’ia kujtuar misioni politik

June 12, 2019

Çdo herë ka qenë dhe do të jetë nderi më i madh në jetën time, që kam qëndruar me juve kundër spastrimit etnik, ka thënë sot ish-presidenti amerikan, Bill Clinton në ceremoninë e organizuar me rastin e 20 vjetorit të Ditës së Çlirimit, shkruan Insajderi.

Clinton ka thënë se ndihet mirënjohës që sot pas 20 viteve ndodhet me popullin shqiptar.

Gjatë fjalimit të tij ai ka falënderuar presidentin Thaçi e kryeministrin, Haradinaj për punën që kanë bërë përgjatë 20 viteve në Kosovë.

Ai ka falendëruar edhe qytetarët e vendit dhe ka thënë se është merita e tyre të kanë vendosur të jetojnë me shpresën e të ardhmes së duhur.

“Para se të mendoni për të gjitha gjërat që duhet t’i bëni, jeni mirënjohës që në udhëtimin tuaj të vështirë dhe të gjatë nuk ka pasur kthim të dhunës sistematike, shkatërrimit. Merita për këtë i shkon qytetarëve të Kosovës të të gjitha etnive, të cilët kanë vendosur të jetojnë me shpresën e të ardhmes së duhur”, ka thënë ish-presidenti amerikan.

Mes tjerash, Clinton ka treguar se në zyrën e tij në Nju Jork mban një fotografi në mur e cila është shkrepur në Prishtinë pas mbarimit të bombardimeve – në të cilën janë Madeleine Albright, Tony Blair, ai dhe shumë njerëz të tjerë.

Ish-presindeti ka thënë se çdo ditë që e shikon atë fotografi kujton se çfarë ka qenë qëllimi i tij kryesor i politikës.

 

 

  • twitter
  • facebook
  • linkedin
Fjalë kyçe: , ,
4 Comments
  • author avatar
    Basri 7 years ago Reply

    Njerzit e medhenj me dinitet te paster,zemer te hekurt e shpirt te ndieshum jane te rralle. Keto peronalitete lene pas vete vepra te medha te cilat mbesin ne histori te cilat iu sherbejne gjeneratave te reja per te kuptuar se se si duhet te mbrohen dhe avansohen njerezit e vegjel. Te tille jane >Bill Clinton, Tony Blair, Madeleine Albreight. Keta njerez shpetuan 2 miljon shqiptare te Kosoves ne vitet 1900, 1999 prrej masakrave dhe pastrimit te nje teritori etnik te banuar me shqiptare ne Gadishullin ballkanik . Zoti e bekoft Ameriken, Zoti e bekoft qeverine Amerikane, Zoti e bekoft Bill Clinton, Tony Blair ,Medeleine Albreight.

Komentet

Lajme të ngjashëm

Merr fund konflikti, Izraeli dhe Libani nënshkruajnë marrëveshjen historike

Marrëveshja e nënshkruar në Uashington hap rrugën për negociata zyrtare mes dy vendeve pas dekadash armiqësie, ndërsa SHBA e cilëson “hapin e parë” drejt stabilitetit në kufirin verior të Izraelit.

Pas dekadash konflikti dhe mungese marrëdhëniesh zyrtare, Izraeli dhe Libani kanë hedhur të premten një hap të rëndësishëm diplomatik, duke nënshkruar në Uashington një marrëveshje kuadër të ndërmjetësuar nga Shtetet e Bashkuara. Marrëveshja konsiderohet historike, pasi krijon bazën për nisjen e negociatave zyrtare mes dy vendeve dhe për zbatimin e një plani që synon uljen e tensioneve përgjatë kufirit.

Ceremonia e nënshkrimit u zhvillua pas pesë raundeve negociatash intensive, në të cilat u angazhua personalisht edhe sekretari amerikan i Shtetit, Marco Rubio.

“Ky është fillimi i fillimit. Kemi shumë punë përpara nesh. Sot hodhëm hapin e parë dhe, ndonjëherë, ai është edhe më i vështiri”, deklaroi Rubio gjatë ceremonisë.

Marrëveshja parashikon një proces gradual, ku ushtria izraelite do të tërhiqet fillimisht nga zona të caktuara të Libanit jugor, ndërsa kontrolli do t’i kalojë ushtrisë libaneze. Megjithatë, Izraeli ka bërë të qartë se tërheqja e plotë do të varet nga çarmatimi i Hezbollahut dhe garancitë që grupi nuk do të rikthejë praninë e tij ushtarake pranë kufirit.

Sipas televizionit izraelit Channel 12, faza e parë do të zbatohet në dy zona pilot, ndërsa Izraeli do të vazhdojë të mbajë pozicione përgjatë “Vijës Blu” derisa të përmbushen kushtet e sigurisë.

Në një deklaratë pas nënshkrimit, kryeministri Benjamin Netanyahu e quajti marrëveshjen një “arritje të rëndësishme”, duke theksuar se “siguria e Izraelit vjen e para” dhe se prania ushtarake në zonën e sigurisë do të vazhdojë derisa Hezbollahu të mos përbëjë më kërcënim.

Rubina Aminian, studentja 23 vjeçare e vrarë në protestat në Iran

Rubina Aminian është viktima e parë e njohur e protestave në Iran: vajza 23-vjeçare kurde u qëllua në kokë nga një plumb  nga pas” 
Midis më shumë se 192 viktimave të para të cituara nga OJQ-të në protestat në Iran, është identifikuar Rubina Aminian, 23 vjeç, një studente e tekstilit dhe dizajnit të modës në Kolegjin Shariati në Teheran.
OJQ-ja Iran Human Rights raportoi këtë, duke thënë se ka marrë detaje rreth vrasjes së kësaj studenteje të re.

Ndërkohë, emri i Rubina Aminian është bërë tashmë një hashtag në mediat sociale: foto dhe video të panumërta janë shfaqur së fundmi që e përshkruajnë atë dhe pasionin e saj për modën. Sipas OJQ-së, 23-vjeçarja u vra mbrëmjen e së enjtes, 8 janar, pasi kishte lënë kolegjin dhe kishte marrë pjesë në protesta. Burime pranë familjes së Rubinës i thanë Iran Human Rights se vajza e re kurde nga Marivan u qëllua në shpinë nga afër, me plumbin që e preku në kokë. Pasi mësuan për vdekjen e saj, anëtarët e familjes së Rubinës Aminian udhëtuan nga Kermanshah, ku jetojnë, për në Teheran për të identifikuar trupin e saj. Burime pranë familjes Aminian i thanë Iran Human Rights se “familja u dërgua në një vend pranë universitetit ku gjetën trupat e qindra të rinjve të vrarë gjatë protestave. Shumica e viktimave ishin të rinj midis moshës 18 dhe 22 vjeç, të vrarë në distancë të afërt me të shtëna në kokë dhe qafë nga forcat qeveritare. Familjes fillimisht nuk iu lejua të identifikonte trupin e Rubinës dhe më vonë nuk iu lejua ta largonte atë”. Burimet thuhet se thanë se familja e Rubinës përfundimisht “arriti ta merrte trupin e saj dhe të kthehej në Kermanshah”, por me mbërritjen e tyre “ata zbuluan se forcat e inteligjencës kishin rrethuar shtëpinë e tyre dhe se nuk u lejohej ta varrosnin”.

Flamuri i One Piece është Bërë Emblema e Revoltës së “Gjeneratës Z”

Luffy është ai që çliron popullin, që lufton kundër një qeverie të korruptuar: në Madagaskar, Filipine dhe gjetkë, flamuri pirat i heroit të One Piece, manga më e shitur në histori, është bërë, vetëm në pak javë, simboli i një brezi të tërë protestuesish të rinj.
I valëvitur fillimisht në Indonezi në gusht nga qytetarët në protestë kundër qeverisë, e cila kërcënoi ta ndalonte atë, kjo kafkë që mbante një kapelë kashte u perqafua nga protestuesit në Nepal në mesin e shtatorit, pastaj në Manila.
Që nga fundi i shtatorit, është parë në demonstratat në Madagaskar, veçanërisht të nxitura nga mediat sociale.
Gen Z jane rritur me One Piece, kështu që është bërë një simbol për ata.
Vepra kult e Eiichiro Oda, e botuar në vitin 1997 në Japoni dhe që ende botohet, mbart një “mesazh” të qartë për të luftuar kundër qeverive shtypëse, te korruptuara, nepotike, qe ia marrin shpirtin popullit.
Prandaj i flamuri i Monkey D. Luffy, heroit të ri me kapelë kashte që udhëton në detet e botës për t’u bërë “mbreti pirat”, mund të shpjegohet me dimensionin “universal” të udhëtimit të tij.
One Piece eshtë një seri që ka vazhduar për më shumë se njëzet vjet, ka shitur qindra miliona kopje në të gjithë botën dhe përcjell idealet e ëndrrave dhe lirisë. 
Luffy kundërshton grupet dominuese. Kështu, ai pa dashje bëhet heroi i popujve të shtypur, të cilët shpresojnë ta shohin atë duke i dhënë fund mbretërimit mizor të Qeverisë Botërore, entitetit politik ndaj të cilit i nënshtrohen shumica e mbretërive dhe shteteve të tjera të para në më shumë se njëqind vëllimet e serisë. 
Ky simbol “unifikues” luan një rol të madh tek një brez i pamundur për t’u kuptuar pa kulturën dixhitale të ndërtoje imagjinatën e tij, imazh qe përmban afekt, emocione dhe këto qarkullojnë dhe rriten nga Gjenerata Z qe mobilizohet si në internet ashtu edhe në terren, kolektivisht, pa një udhëheqës specifik.
Flamuri pirat i Luffy-t i One Piece eshte simbol revoltës popullore kundër shtypjes permes korrupsionit dhe entivlerave, qe ka ngritur ne kembe brezin e ri ndryshe Gjeneraten Z.

Atje ku shihet ky flamur ne krye te protestave GenZ, rrezohen qeveri!/EB

Feedback geben

“Fund terrorit dhe shkatërrimit!”- Papa Leone thirrje për paqe në Gaza: Lutem për një armëpushim të përhershëm dhe lirimin e pengjeve

Papa Leone XIV bëri edhe një herë thirrje “me forcë” për paqe në Gaza. Në Sallën Pali VI, ai bëri thirrje si për palët e përfshira ashtu edhe për bashkësinë ndërkombëtare që t’i japin fund konfliktit, “i cili ka shkaktuar kaq shumë terror, shkatërrim dhe vdekje”.

Papa kujtoi gjithashtu pengjet e shumta izraelite që mbahen ende nga pengmarrësit e tyre, si dhe vuajtjet e popullsisë palestineze, e cila nuk po merr ndihmë të mjaftueshme humanitare.

“Unë lutem,” tha Papa, “që të gjithë pengjet të lirohen, të arrihet një armëpushim i përhershëm, të lehtësohet hyrja e sigurt e ndihmës humanitare dhe të respektohet plotësisht ligji humanitar, veçanërisht detyrimi për të mbrojtur civilët dhe ndalimet për ndëshkimin kolektiv, përdorimin pa dallim të forcës dhe zhvendosjen me forcë të popullatave”. bw

Studentët mundin AI-n në Olimpiadën Botërore të Matematikës: IMO 2025 në Australi Pergatiti Parid Turdiu

Sunshine Coast, Australi – Konkursi prestigjioz International Mathematical Olympiad (IMO) 2025, i mbajtur nga 10 deri më 20 korrik në Queensland, mblodhi mbi 630 nxënës nga 110 vende dhe solli për herë të parë krahasimin e drejtpërdrejtë mes mendjes njerëzore dhe inteligjencës artificiale.

AI kundrejt njeriut: kush doli fitues?

Dy gjigantët e teknologjisë, OpenAI dhe Google DeepMind, testuan modelet e tyre të AI në të njëjtat gjashtë probleme që iu dhanë konkurrentëve të IMO.

Modelet arritën të zgjidhnin 5 nga 6 problemet, duke fituar pikët ekuivalente të medaljes së artë.

Por, në Problemin 6, AI ngeci plotësisht.

Ndërkohë, sipas Wall Street Journal, 26 studentë amerikanë nga programet elitare të përgatitjes (jo vetëm ekipi zyrtar me 6 anëtarë) arritën rezultate më të larta se AI. Kjo tregoi se intuita dhe kreativiteti njerëzor ende mbizotërojnë në sfidat më të vështira.

Problemi 6: Sfida që rrëzoi makinat

Problemi kërkonte mbulimin e një tabele 2025 × 2025 me pllaka katrore (jo domosdoshmërisht të njëjta), pa mbivendosje dhe duke respektuar kufijtë e saj.

Zgjidhja zyrtare: 2112 pllaka minimale.

569 nga 630 pjesëmarrës morën 0 pikë në këtë problem.

Vetëm 6 studentë arritën pikë të plota (7/7).

Kush e zgjidhi problemin?

Naoto Wakasugi – Japoni

Damjan Davkov – Maqedonia e Veriut

Jerome Austin Te – Filipine

Antoni Mazur – Poloni

Michał Piotr Wolny – Poloni

Youkyum Kim – Afrika e Jugut

Asnjë student nga Kina, SHBA apo Shqiperia nuk mori pike te plota 7/7 në këtë problem.

***

Dominimi i Kinës, SHBA dhe surpriza shqiptare

Kina fitoi vendin e parë ekipor me 6 medalje ari, ndërsa SHBA zuri vendin e dytë (me studente me origjine aziatike).

Shqipëria arriti vendin 78 ne 120 vende me Mario Gjika qe u rradhit nr. 303 ne botë.

***

Përtej rezultateve: Çfarë na tregon IMO 2025?

Kjo olimpiadë dëshmoi se inteligjenca artificiale po arrin nivele të larta, por mendja njerëzore mbetet unike në kreativitet dhe fleksibilitet logjik.

“AI arriti medaljen e artë, por vetëm studentët zgjidhën problemin më të vështirë. Për momentin, njeriu ende kryeson,” – raporton Wall Street Journal.

 

Një heroinë që na duhej Nga Maurizio Santarelli E përktheu Shqipe Saraçi

E ndaluan, i thanë se duhej ta rregullonte më mirë perçen, që të mbulohej si duhet.

Ishte një urdhër që peshonte si zinxhir i padukshëm.

Por në vend që të ulë shikimin, të tërheqë atë vellon siç i thanë, ajo heq vellon. Pastaj heq xhaketën, këmishën.

Shtresë pas shtrese, ajo çliron lëkurën, shkund zinxhirët.

Në zemrën e Teheranit, në oborrin e universitetit, ajo qëndron me të brendshme, por e veshur me një guxim dhe dinjitet që tejkalon çdo pëlhurë.

Vështrimet drejtohen te ajo: disa të rënda, gjykuese; të tjerët mosbesues, sikur të merrnin frymë lirinë për herë të parë.

Toka nën këmbët e saj është gjithmonë e njëjtë, por qielli duket se ulet për ta mirëpritur.

Sytë e të tjerëve qëndrojnë si gurë në trupin e saj, ndërsa zërat pëshpëritin kundër saj, stuhi gjykimi. Por në heshtjen e saj ka një klithmë që sfidon botën.

Uniformat vijnë për të shuar flakën e saj. E kapin me forcë, e tërheqin zvarrë, ndërsa ajo qëndron e heshtur, e fortë si shkëmbi. E çojnë në një vend ku shpresojnë ta thyejnë, ta mbysin atë zjarr të paepur. E transferojnë në një spital psikiatrik, ku tentojnë ta etiketojnë dëshirën e saj për liri si “çmenduri”.

Por ata nuk e kuptojnë se idetë nuk mund të prangohen apo mbyllen në një dhomë të bardhë.

Gruaja… Revolucioni që ecën zbathur në trotuarin e historisë.

Trupi i saj është një manifest, lëkura e saj është bojë e gjallë dhe sot ajo ka shkruar një faqe të re lirie.

Kujtimi i saj do mbetet një hije e ndritshme, një ekuacion i pazgjidhur në mur. Sepse zhveshja nga simbolet e imponuara është e vetmja mënyrë për t’u veshur me pafundësi.

PS: Vajza quhet Ahou Daryaei, ajo studion letërsi franceze në Universitetin Oloom Tahghighat, në Iran.

Një heroinë që na duhej!

#mauriziosantarelli

Me shkurtime nga “Riflessione”

Letra e lamtumirës e Alain Delon për Romy Schneider E shqipëroi Elida Buçpapaj

“Të shikoj ndërsa ti fle.

Unë jam pranë teje, jam pranë shtratit tënd të vdekjes.

Ke veshur një tunikë të gjatë të zezë dhe të kuqe, me qëndisje sipër. Mendoj se janë lule, por nuk kam shumë kohë për t’i vëzhguar.

Unë erdha të të them lamtumirë, lamtumira më e gjatë nga të gjitha, kukulla ime e vogël.

Kështu të kam quajtur gjithmonë: Kukulla e vogël.

Nuk humb kohë për të parë lulet, shikoj fytyrën tënde dhe mendoj se sa e bukur je dhe se nuk ke qenë kurrë më e bukur se në këtë moment.

Gjithashtu mendoj se është hera e parë në jetën time që të shoh të qetë.

Mund të thuhet se një dorë delikate të ka larë nga fytyra frikën dhe mosmarrëveshjet  e tua.

Të shikoj teksa fle…

Më thonë se ke vdekur.

Pyes veten, se a jam unë fajtor për këtë? …

Këtë pyetje ia bëjmë vetes gjithmonë përpara dikujt që na ka dashur dhe që na do akoma.

Ky emocion na pushton, më pas kthehet dhe në fund bindim veten se në përgjithësi nuk jemi fajtorë.

Jo fajtor, por ende përgjegjës.

Këtu je ti, edhe unë jam këtu pranë teje.

Është për shkakun tim që zemra jote pushoi së rrahuri mbrëmë.

Për shkakun tim, sepse 25 vite më parë u zgjodha partneri yt për filmin “Christine”.

Ti erdhe nga Vjena dhe unë të prisja në Paris me një buqetë me lule në duar që nuk dija ta mbaja. Por producentët më kishin thënë: “Sa të zbresë nga pasarela, shko tek ajo dhe jepi lulet”.

Prisja me lulet në duar si një budallë, në mes të një turme fotografësh…

Unë vazhdoj të mendoj për ty, për veten, për ne të dy.

Unë sot nuk do të vij në kishë as në varreza, të kërkoj falje, sepse ti e di që nuk do të mund të të mbroj nga turma e etur për argëtim.

Unë do të vij tek ty të shihemi nesër dhe do të jemi vetëm…”

Alain Delon, nga letra e lamtumirës për Romy Schneider, 1982

Nëna e 19 vjeçares Naama Levy lutet me përgjërim për lirimin e vajzës

Nëna e 19-vjeçares Naama Levy, vajzës që u pa në një video në Gaza më 7 tetor me duar të lidhura dhe me tutat sportive të gjakosura, publikoi një lutje plot përgjërim për lirimin e vajzës së saj duke thënë se koha po ikën.

Ayelet Levy Shachar shkroi në faqen e internetit Free Press:

“Ju e  keni parë videon e vajzës sime Naama Levy. Të gjithë e kanë parë. E keni parë të tërhequr zvarrë nga flokët e saj të gjatë ngjyrë kafe për në pjesën e pasme të një “Jeep” nën kërcënimin e armës, diku atje në Gaza, me xhupin gri të mbuluar me gjak. Ndoshta e keni vënë re që kaviljet e saj janë të prera, se ajo është zbathur dhe çalon. Ajo është plagosur rëndë. Ajo është e frikësuar. Dhe unë, nëna e saj, jam i pafuqishme në këto momente tmerri.”

Zonja Levy Shahar tha se terroristët e Hamasit, të cilët përdhunuan dhe sulmuan seksualisht disa gra dhe fëmijë, po e mbajnë peng vajzën e saj, shkruan The Times of Israel.

“Janë shtatëmbëdhjetë vajza të reja ende në robëri. Ato variojnë nga mosha 18 deri në 26 vjeçe. E mendoj se çfarë fati mund t’i nënshtrohen ato dhe Naama ime në çdo moment të ditës. Çdo minutë është një përjetësi në ferr”, shkruan ajo.

“Të hënën, zëdhënësi i Departamentit të Shtetit, Mattheë Miller, tha se një nga arsyet që Hamasi nuk dëshiron të lirojë pengjet e reja është se ata nuk duan që këto gra të jenë në gjendje të flasin për atë që u ka ndodhur gjatë kohës së tyre në paraburgim. Të gjithë e dinë saktësisht se çfarë do të thotë ai”, shkroi Levy Shahar.

“Çfarë do të bënit nëse vajza juaj do të mbahej peng nga përdhunues dhe vrasës të dhunshëm për dy muaj? Ndoshta pyetja më e mirë është: Çfarë nuk do të bënit?”, u shpreh ajo.

Levy u kap rob nga terroristët e Hamasit më 7 tetor nga baza ushtarake Nahal Oz.

Ajo sapo kishte përfunduar kursin e saj të mërkurën e kaluar për t’u bërë ushtare vëzhguese në Nahal Oz. Ajo mbërriti në bazën ushtarake të enjten dhe u mor peng të shtunën në mëngjes./ar.sh/SYRI.NET

Image

Mamaja e 19-vjeçares Naama Levy

Image

Naama Levy

Sigurisht që jo tani Nga Noam Horev, poet hebre E shqipëroi Felicita Jakoel

Sigurisht qe jo tani
Por ne vitet ne vijim
Do t’mund te lexosh shenjat
E ajo qe sot te duket fatkeqesi
Do te shendrohet ne gjene e duhur
E ndoshta miresi.

Sigurisht qe jo tani
Dhimbja eshte e madhe
Do te rritesh,koha do te rrjedhe
Ajo ka aftesine te saktesoje
rrahjet e zemres
Kjo erresire s’eshte vec nje vale qe te con drejt shpreses.

Por, sigurisht qe jo tani
Ende nuk mundesh te rrokesh gjithe trazimin e veshtire
Kur bie shi e toka eshte qull e lagur
Ndonese ererat qe fryjne do te sherojne shpirtin e perflakur.

Sigurisht qe jo tani
eshte kaq e veshtire te shikosh
Kur xhami i perparme eshte njollosur me lot
Ajo qe sot te duket si fundi i gjithesise
Neser nje shkalle do te jete
Per tu ngjitur drejt lartesise

Oh, keto netë kaq te dhembura,te thyera
S’do te jene veç disa pika te nje vargu prekes
Ne nje nga kapitujt e shumte te jetes
Do te ndodhe, me siguri
Ndoshta neser, por jo tani

Izraeli shënon Ditën e 75-vjetorit të Pavarësisë

Izraelitët qëndruan në heshtje ndërsa sirenat u dëgjuan në të gjithë vendin në orën 20:00, me rastin e Ditës Përkujtimore për ushtarët që humbën jetën si dhe viktimave të sulmeve terroriste. Menjëherë më pas filloi ceremonia zyrtare e përkujtimit në Jerusalem.

Miliona izraelitë u ndalën të hënën në mbrëmjë, ndërsa një sirenë u ndez në kujtim të gati 25,000 ushtarëve që kanë humbur jetën që nga themelimi i Shtetit të Izraelit, si dhe atyre që u vranë në sulme terroriste.

Ndërsa sirena filloi të zbehej, ceremonia zyrtare e qeverisë filloi në Murin Perëndimor në Jerusalem, ku të pranishëm ishin Presidenti izraelit Isaac Herzog dhe kreu i Forcave të Mbrojtjes të Izraelit (IDF), gjeneralllejtënant Herzl Halevi.

“Qytetarë të Izraelit, sirena e këtij viti është një thirrje zgjimi për të gjithë ne. Sirena që përshkoi heshtjen tani, duke bërë rrugën e saj nga një skaj i vendit tonë në tjetrin, ushton nëpër shpirtrat tanë dhe i hap rrugë kujtimit, që na pushton në heshtje. Pyes veten, pyes neve: cili vend tjetër në botë ka një tingull kaq të veçantë? Është tingulli i dhimbjes dhe i shpresës, i pikëllimit dhe i krenarisë. Është tingulli i shtetit të Izraelit”, tha Presidenti në ceremoni.

“Ne duhet të bëjmë gjithçka – gjithçka – për të mbrojtur këtë shtëpi të përbashkët,” vazhdoi Herzog. “Të debatojmë dhe të mos pajtohemi, si gjithmonë, me gjithë entuziazëm dhe pasion, por ta duam njëri-tjetrin si motra dhe vëllezër, sepse jemi një popull!.

Në ceremoni foli edhe shefi i shtabit të IDF, gjenerallejtënant Herzl Halevi: “Nesër, varrezat ushtarake në mbarë vendin do të mbushen me vizitorë. Ka nga ata që të dashurit e të cilëve vdiqën në betejë nga duart e armikut tonë, ata që vdiqën në stërvitje apo aksidente trafiku, ata që vdiqën nga sëmundja dhe ata që morën jetën e tyre. Barra e dhimbjes është mbi supet e të gjithëve”, tha ai.

Aktivitetet e Ditës Përkujtimore nisën të hënën, kur kryeministri Benjamin Netanyahu foli në një ceremoni në Yad Labanim në Jerusalem.

“Këtë vit, pas humbjes së çifteve të mrekuellueshme të vëllezërve e motrave, ndjenja e të qenit vëllezër duhet të forcohet,” tha Netanyahu duke iu referuar një vale sulmesh gjatë disa muajve të fundit.
“Këto sulme vijnë me aspiratën që ata mund dhe do të na zhvendosin nga këtu, dhe nëse do të mundeshin do të na vrisnin të gjithëve”, tha Netanyahu, njofton “Haaretz”, duke shtuar se “ne krijuam një shtet të lavdishëm me një ushtri të lavdishme dhe një forcë policore të lavdishme, me një çmim tronditës”.

Sot, pas perëndimit të diellit, deri nesër në mbrëmje, Izraeli shënon 75-vjetorin e Pavarësisë.

Mrekulli në Turqi: Babai dhe vajza e tij në Turqi shpëtohen pas 6 ditësh nën rrënoja

 

Babai dhe vajza e tij në Turqi shpëtohen pas 6 ditësh nën rrënoja

 

Ekipet e shpëtimit në Gaziantep të Turqisë kanë shpëtuar një baba të quajtur Sezei Karabas dhe vajzën e tij të vogël, ?engul Karabas 132 orë pas tërmetit shkatërrimtar që goditi Turqinë dhe Sirinë.

Në videon e bërë publike nga CNN, babai i vajzës dëgjohet duke iu lutur ekipit të kërkim-shpëtimit që  të gjejnë gruan e tij, për të cilën beson se është ende gjallë dhe e bllokuar në një derë.

“Unë jam përgjithmonë borxhli ndaj jush”, dëgjohet duke thënë Karabs teksa ju lutet atyre që të ndihmojnë për të gjetur gruan e tij, për të cilën tha se vrapoi përpara tij momentin e goditjes së tërmetit.

Në të njëjtën orë, por në provincën e Hatay, një ekip shpëtimtarësh nxorën gjallë nga rrënojat një 34-vjeçar, Ergin Guzeldogan.

Dënohet Cristina – Cristina Fernández de Kirchner (CFK) – Ish Presidentja dhe aktualisht nënpresidentja e Argjentinës

Cristina Fernández de Kirchner (CFK) doli nga dy termat presidenciale, 2007 – 2015, me 80 milion dollarë. Me tenderat e rrugëve i bënte marifetet, në provincen native të të shoqit ku e kunata ishte guvernatore. Kurse të ëmës i kishte lidhur një kontratë të kote shteti, për të shtypur formularet e taksave, ku e ëma kishte fituar 3 milion dollarë.

CFK, e partise peroniste, eshte nje figure e fuqishme, populiste, majtiste në Argjentinë. I shoqi Nestor ishte president. Ajo vete ishte presidente e suksesshme per dy terma; tani eshte nenpresidente, por presidente de facto. I biri eshte kryetari i Camfora – organizata rinore e partise peroniste.

Megjithate drejtesia argjentinase e denoi.

Drejtesia shqiptare nuk i vjen as te kembet.

CNN – Një gjykatë federale në Argjentinë dënoi të martën nënpresidenten e vendit, Cristina Fernández de Kirchner, me gjashtë vjet burg dhe e skualifikoi atë nga mbajtja e posteve publike ne te ardhmen pasi e gjeti fajtore për korrupsion gjatë mandateve të saj të mëparshme si Presidente.

Fernández de Kirchner ka imunitet të përkohshëm për shkak të rolit të saj aktual, kështu që nuk do të shkojë menjëherë në burg dhe mund të apelojë.

Pas vendimit, ajo mohoi akuzat kundër saj, por tha se nuk do të kandidojë për rizgjedhje vitin e ardhshëm: “Unë nuk do të jem kandidat për asgjë, as për president e as për senator”, tha ajo. “Emri im nuk do të jetë në asnjë fletë votimi”.

Në gjykatë, prokuroria federale e Argjentinës e akuzoi atë për konspiracion me zyrtarë të tjerë qeveritarë për të dhënë kontrata me vlerë miliona dollarë për punime rrugore që ishin të paplota, të mbiçmuara dhe të panevojshme.

“Në thelb, ato tregojnë ekzistencën e lidhjeve të shthurura dhe të korruptuara midis zyrtarëve të administratës publike (kombëtare dhe provinciale) dhe kompanive kontraktore shtetërore,” sipas një dokumenti të lëshuar nga gjykata federale e Argjentinës në Buenos Aires.

Fernández de Kirchner u shpall fajtore për “administrim mashtrues” ne lidhje shpërndarjen e fondeve publike në një kompani ndërtimi për punimet e rrugëve në provincën e Santa Cruz, gjatë mandateve të saj presidenciale nga 2007 në 2011 dhe 2011 në 2015.

Marrëveshjet me kompaninë e ndërtimit të Lázaro Antonio Báez – një mik i familjes – ishin në dobinë financiare të Fernández de Kirchner dhe Baez, tha gjykata.

Ish-Presidenti dha “80% të punimeve të rrugëve publike kombëtare në Santa Cruz në favor të kompanive Báez midis 2003 dhe 2015”, sipas Telam, agjencia shtetërore e lajmeve e Argjentinës.

Baez u dënua gjithashtu me gjashtë vjet burg, si dhe ish-sekretari i punëve publike, José López dhe ish-drejtori i rrugëve kombëtare, Nestor Periotti, për përfshirjen e tyre në skemë./qendra.online

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend