VOAL

VOAL

Copyright © 2022

VOAL

Ambasadori britanik në Tiranë: Ndaloni “kapot” të drejtojnë bandat nga qelitë e burgut

July 26, 2019

Ambasadori britanik në Tiranë Duncan Norman, ka ngritur shqetësimin se bandat kriminale, në shumë raste drejtohen nga burgu.

Në prezantimin e masterplanit për zhvillimin e sistemit të burgjeve, diplomati britanik tha se duhet përmirësuar menaxhimi, me qëllim që gangsterët të mos japin komanda për ushtarët e tyre, dhe të drejtojnë operacione kriminale nga pas hekurave.

Duncan Norman: “Të burgosurit duhet të mbahen të sigurt ndërsa ne duhet të marrim masa që ata të mos drejtojnë operacionet e tyre të krimit të organizuar nga prapa hekurave. Gangsterëve nuk duhet t’u lejohet të japin komanda për ushtarët e tyre. Kur menaxhohet me saktësi, burgjet mund të bëjnë më shumë sesa thjesht të na mbrojnë nga kriminelët, pasi me burgosjen e tij duhet të prishet dhe veprimtaria kriminale e grupit. Presoni është faktor kryesor në luftën kundër krimit të organizuar, një pikë që shpesh anashkalohet.”

  • twitter
  • facebook
  • linkedin
Fjalë kyçe: , ,
1 Comments
  • author avatar
    pll Dega vore 6 years ago Reply

    PLL Vore, Tirane.
    26.07.2019
    Kryehajduti & Kryekrimineli i komunnizmit te Katovices i quajturi Sali Rankomilloshovici pas deshtimit te perpjekjes se tij per te destabilizuar gjithe Shqiperine.
    Ky legen i pabese i kombit tone po perdor godinen e Teatrit, ai ne te ardhmen do te perdor edhe metoda te tjera te reja mashtrimi destabilizuese kriminale.
    Objektivi i tij eshte si nga hera, per te larguar vemendjen dhe vetem e vetem per te penguar reformat demokratike ne organet e drejtesise ne Shqiperi.
    Sali Berisha po afrohet çdo dite dhe me shume ne fundin e hidhur te tij.
    Rrofte Monarkia & Leka Zogu II Mbret i Shqiptarve!
    ,,,,,,,,,,,,,,,,,,,,,,,,,
    Nga: Murat Shehu
    24 korrik 2019, në 17:00.
    PER TEATRIN
    Teatri eshte prone publike, e popullit dhe të drejten për të vendosur se ç’duhet bere me të e kanë ata qe jane zgjedhur prej tij. Të tjeret kanë ne dore çelsat e kashtes, pa le pastaj për ata qe kanë konkuruar ne votime dhe nuk jane zgjedhur. Ne demokraci vendosin të zgjedhurit, jo të pazgjedhurit. Keta të fundit kanë vetem të drejten për të lehur. Ndërsa ne demokraci të zgjedhurit nga populli nuk kanë nevoje për teatrin siç kishte nevoje diktatori duke e perdorur ate per pushtetin e tij personal. Tani keta duan Teatrin por jo diktatorin. Shoke pjesmarres, ne qofte se e doni Teatrin ashtu siç ka qene lutjuni zotit të ktheje ne jete diktatorin qe e donte aq shume atë. Ndryshe ndroni mendje sa s’eshte vone, ju nuk mund të beni perjashtim nga sistemi kapitalist qe erdhi si pasoje e pakenaqesise popullore e atij sistemi qe ju mbajti dhe e mbajtet ne kembe me parate e popullit ne sherbim të pushtetit të nje diktatori qe ky teater i sherbeu me devotshmeri për gati 50 vjet rresht, nga mengjesi deri ne darke. Ta dinim se do të benit keshtu do ta kishim prishur qekur prishem diktaturen.
    Nostalgjia karakterizon me shume njerezit me pjesen ballore te trurit te dobet. Ata nuk jane te afte per te thithur informecione te reja. Ç’do gje e re per ta eshte e dhimbshme dhe e pa pranueshme. “Ata me shume duan gjysherit se prinderit, ose me shume duan prinderit se femijet e tyre.” Kujtoni sa e sa kryevepra boterore nuk jane pranuar ne fillim, bile jane fishkellyer. Ne fakt keshtu funksionon truri i njeriut te zakonshem. Truri jone do gjithmone ate qe eshte mesuar. Kjo ndodh shpesh ne menyre te pavetedijshme, qofte kjo e mire apo e keqe. Truri jone eshte nje cope mishi me cilesi te veçanta regjistruese dhe mbasi ka marre informacione vitet e para i krahason ato,informacionet e reja me ato te parat dhe thote me pelqen apo nuk me pelqen. Truri nuk e njef logjiken por ngjashmerine. Ne qofte se e reja nuk ngjan me te vjetren nuk pelqehet. E sidomos kur mosha kalon. Kjo po ndodh edhe me artistet e teatrit dhe me ata qe e mbeshtesin. Si do ti veje halli teatrit? Gjithmone e reja, me veshtiresi ka triumfuar. Ndersa kur brenda kesaj nderthuren hile dhe interesa eshte tjeter çeshtje. Ok?
    Si e shikoj une problemin e teatrit te kryeqytetit?
    Kjo eshte nje lufte shekullore midis te rese dhe te vjetres. Historia eshte e mbushur plot me ngjarje te tilla. Si ç’do gje tjeter edhe kjo eshte e lidhur me funksionimin e trurit tone. Pothuajse te gjitha kryeveprat e botes nuk jane pelqyer qysh ne fillim. Sepse nuk jane kuptuar. Ndersa ne rastin e teatrit tone, me sa shoh une jane nderthurur shume interesa dhe politike. Opozita kerkon te shfrytezoje rastin per perfitim politik. Pozita, sipas thashethemeve, per perfitim ekonomik. Disa aktore per interesat e tyre se mos ndertesa e re sjell dhe nje organizim te ri te teatrit dhe ata rezikojne te largohen. 
    Une kam punuar ne teater para vitit 92. U largova kur u bene shkurtimet masive ne te gjithe shqiperine. Qe atehere nuk jam interesuar me per teatrin edhe nga eksperienca e hidhur personale e lidhur me te dy sistemet. Tani po informohem ne fb per ç’fare po ndodh atje. Dhe nuk e kuptoj pse aktoret sillen sikur jane pronare te asaj prone. Ata jane pronare aq sa jemi edhe ne te gjithe si popull. Keshtu qe te drejten per te vendosur se ç’duhet bere me teatrin, ne demokraci, e kane organet e zgjedhura nga shumica e popullit. Kjo eshte demokracia. Dhe te gjithe ne duhet ta respektojme kete regull. Po filluam se cili me koken e tij, kjo nuk eshte demokraci. E aq me teper kur dyshimet i bejme realitet. Edhe une kam dyshime, por nuk kam fakte. Keshtu qe nuk mund t’i shpreh ato. Une jam dakord me shprehjen, se i mençmi dyshon, budallai beson. Por ama ato mund te shpallen kur te zbulohen fakte. Se ndryshe shkojme ne anarki. Bjeri t’i biem. Dhe siç thote nje fjale, kur dy ortake zihen humbin te dy, kur ata shkojne mire perfitojne te dy. Kjo duhet te ndodhe edhe me teatrin. Por duhet kuptuar se qeveria kontraten e ka me popullin, jo me aktoret, te cilet jane brenda ketij populli, e aq me teper me opoziten e saliut qe kekon te destabilizoje vendin duke e futur deri edhe ne lufte civile me shprese se mos shpallet ndonje amnisti e pergjithshme per te gjithe, edhe per saliun. Prandaj une u bej thirrje aktoreve qe t’i binden verdiktit te popullit dhe te largohen nga opozita e saliut, per saliun. Ok?
    E vjetra gjithmone do gjej justifikime nga me te ndryshmet, une e di kete dhe e pres. Nese ju nuk e kuptoni kete atehere nuk jeni i vetedijshem zoteri per ç’fare po luftoni se thoni shume justifikime. Cilen te marrim per baze? Qe godina nuk eshte shpallur monument kulture? Arrogances se pushtetit? Urrejtja qe ju keni per kryeministrin pa marre parasysh shumicen qe e ka zgjedhur? Per “vlerat historike” qe mbart godina? Sipas jush. Po sipas jush, per mbrojtjen e identitetit te ç’do institucioni? Per pervetesimin e teritorit te artisteve? Per ndertimin e kullave? Per pastrimin e parave te pista? E te tjera etj? Te gjitha justifikime te kota dhe pa asnje baze. Ne demokraci vendosin ata qe fitojne zgjedhjet, jo e kunderta zoteri. Tani t’u beje une nje pyetje, vertet ju besoni qe edhe opozita beson ne keto qe thoni ju? Vetem pjesmarrja e opzites rrezon ç’do pretendim tuajin. Opozita do pushtetin, ju te vjetren. Keshtu funksionon truri i ç’do qenie te gjalle, vetem njerezit bejne perjashtim, por jo te gjithe. Ok?

Komentet

Lajme të ngjashëm

Sali Berisha: Nesër më 22 Dhjetor 2025 ora 18:00 – Protestë kombëtare

Nesër ora 18:00 Protesta kombëtare përballë pabarazisë dhe korrupsionit

Sali Berisha: Duhet të organizojmë protestat, duhet t’i fillojmë sa më parë.
I kemi filluar ato që janë te kryeministria.
Por me datën 22, duhet të thërrasim protestë kombëtare.
Ata shqiptarë që vijnë, ata janë të bekuar.
Ata që nuk do vijnë, do vijnë më vonë.
Por ne kurrë nuk do bëhemi pengesë, përkundrazi nxitës të protestave gjer ditën e fundit që të krijohet qeveria teknike në këtë vend për zgjedhjet e lira.
Agjendë tjetër nuk ka dhe nuk mund të ketë PD.
Ditë e hënë, 22 dhjetor ora 18:00, është fillimi i protestës tonë.
Të jemi të qartë se ne kemi vetëm një rrugë protesta,
protesta gjer në largimin e Ramës.
Pa protesta të qëndrueshme, narkodiktaturat nuk largohen.
Ne do të jemi më tepër, por në radhë të parë nuk kam më të rëndësishme sesa vendimi i secilit prej nesh çfarë do të bëjë më shumë.”, tha Berisha.

 

Adriatik Lapaj: Protesta ishte me leje! Kur shteti sillet si organizatë bandite, çfarë mbetet?!

Ka reaguar Adriatik lapaj në ditën dhe natën e 13-të të protestës përpara kryeministrisë:

“Policia e Shtetit ka që dje që ka marrë peng foninë e protestës.

I heq bukën e gojës atij që punon dhe mban familjen vetëm e vetëm për të mos lejuar njeri që të na mbështesë ne me qendër zëri.

Protesta ka pasur leje!

Kur shteti sillet si organizatë bandite, çfarë mbetet?!”

Po në rrjetin social Lapaj bën ftesën e zakonshme:

“Qëndresa vazhdon!
Ju pres çdo ditë në 18.00 te Kryeministria!”

Shuhet në moshën 91-vjeçare Ismet Bellova, zëri legjendar i komentimit të ndeshjeve të futbollit në Radio Tirana

Gazetaria sportive shqiptare humbi një nga figurat e saj më madhore. Afër mesnatës së 20 dhjetorit u shua në moshën 91 vjeçare Ismet Bellova, legjenda e mikrofonit, gazetari, komentatori dhe publicisti i rrallë, zëri i të cilit u bë pjesë e pandashme e historisë së sportit dhe medias shqiptare.

Kushdo që e ka dëgjuar ndonjëherë, vështirë të mos jetë drithëruar, vështirë të mos jetë emocionuar deri në përlotje dhe vështirë të mos i jetë rritur adrenalina e krenarisë dhe atdhedashurisë.

Zëri i tij kumbues dhe timbri i veçantë tashmë do të dëgjohen vetëm në fonotekën e Radio Tiranës dhe në arkivat sportive të RTSH, por jehona e tij do të jetojë përgjithmonë në kujtesën e miliona shqiptarëve.

Me largimin e Ismet Bellovës, gazetaria sportive shqiptare humbi jo vetëm një profesionist të jashtëzakonshëm, por një pasuri kombëtare, një vlerë të rrallë radiofonike dhe një shkollë të vërtetë të gazetarisë sportive, nga e cila u formuan e u frymëzuan breza të tërë. bw

Sërish tensione nga protesta para Kryeministrisë- “Shqipëria Bëhet” denoncon policinë: Na morën gjeneratorin, 4 të shoqëruar

Sërish tensione mes aktivistëve të Lëvizjes ‘Shqipëria Bëhet’ dhe policisë. Përfaqësues të Lëvizjes, që po protestojnë para Kryeministrisë prej disa ditësh, denoncojnë se policia i ka marrë gjeneratorin, ndërsa thuhet se janë ndaluar dhe 4 aktivistë.

Në videon e shpërndarë nga lëvizja Shqipëria bëhet, dëgjohet një nga përfaqësueset e lëvizjes që debaton me punonjës të policisë.

“A kemi të bëjmë me policinë, apo me bandat! Këtë dua të di dhe unë. Policia a respekton shkresat? Se kemi shkresa. Dhe ne na e hoqën gjysmë ore para. Ju po silleni si banditë, dhe ne si njerëz.”, tha ajo. Ndërkohë, Adriatik Lapaj tha se ky është shteti dhe policia e Edi Ramës. “Ne kërkojmë që të na jepet gjeneratori dhe më pas ju mbroni Ramën.”, dëgjohet teksa thotë ai. BW

 

VIDEO- Nis protesta e “Shqipëria Bëhet” para kryeministrisë: “Edi Rama je hajdut, je hajdut, je hajdut”, “Edi Rama diktator, diktator, diktator”

Sic ishte lajmëruar, aktivistët e lëvizjes “Shqipëria Bëhet” kanë nisur protestën para kryeministrisë, përmes të cilës kërkojnë dorëheqjen e qeverisë.

Pak minuta pas nisjes së protestës, aktivistët janë përleshur me policinë.

Me thirrjet “Edi Rama o hajdut”, protestuesit kanë denoncuar situatën e rëndë në të cilën ndodhet vendi, aferat korruptive të qeverisë, duke kërkuar dorëheqjen e menjëhershme të tij.

Prej disa ditësh, kreu i “Shqipëria Bëhet”, Adriatik Lapaj dhe aktivistë të kësaj lëvizje janë zhvendosur para selisë së qeverisë duke theksuar se nuk do të lëvizin nga sheshi deri në largimin e tij.

Kol Balla kërcënon Ramën: Nga Belinda do shkojnë tek Linda

 

Ish-bashkëshorti i Belinda Ballukut, gazetari Sokol Balla, i njohur si megafon i Edi Ramës ka kërcënuar mbrëmjen e djeshme (18 dhjetor) në një editorial në hyrje të emisionit të tij drejtpërdrejt Edi Ramën se, nëse lëshon Belindën, do të të vijmë tek Linda.

Pavarësisht se ish-bashkëshorti i Belinda Ballukut mundohet të mbulojë mesazhin e tij me SPAK apo me opozitën e Sali Berishës, përfshirja e Linda Ramës, madje edhe me foto, me ish-gruan e tij dhe Milinda Kërçanajn e AKSHI-t, tregon qartësisht se Koli ka kërcënuar drejtpërdrejt Edi Ramën.

Mesazhi i Kol Ballës është i qartë dhe i drejtpërdrejtë për Ramën: Nëse e lëshon Belindën, ajo do ta orientojë SPAK-un për tek Linda dhe ti. Madje ai le të kuptohet se jo vetëm Belinda, por edhe Koli vetë do të flasë më shumë.

Dhe si për t’ia bërë më të qartë këtë Edi Ramës i ka përmendur botuesin e shqiptarja.com dhe Report Tv, Carlo Bollino, i cili del edhe në përgjimet e dosjes Balluku ku përmes personave të tretë kërkon paratë që i ka dhënë Belinda me udhër të Ramës. Koli në editorial shpreh mërzinë që edhe Carlo që ka marrë para nga Belinda me urdhër të Ramës, tani i kërkon dorëheqjen asaj.

Editoriali i fundit i Kol Ballës të enjten në mbrëmje tregon qartë se lufta mes ortakëve që kanë ndarë paratë e shqiptarëve po bëhet tepër agresive dhe tashmë ka dalë në sipërfaqe. Askush nuk po fshihet më në kampin e rilindjes.

Pjesë nga kërcënimi publik i Kol Ballës ndaj Ramës:

“Prokuroria i shpalli të martën një luftë frontale grave. Ndoshta nga frustrimi se me burrat nuk i ecën, prokurorët special u morën një ditë më parë me dy zonja, të dyja me emër të përafërt. Bile po t’i besosh Sali Berishës, SPAK po niset të kapet edhe me Lindën e tretë.

Por përtej batutave, SPAK të martën ndërmori një aksion të pastër politik. Për ta shpjeguar këtë argument, e dha po vetë, duke nisur nga rasti i Balluku. Për zëvendëskryeministren kërkoi një masë më të rëndë sigurie, një muaj pasi thjesht e pezulloi përkohësisht nga detyra. Nga 1 nëntori e deri dje, Balluku rrinte në shtëpi. U kthye në punë të hënën pas vendimit të Kushtetueses.

Pra, përse SPAK kërkoi një masë më të rëndë kur nuk ishte ndryshuar diçka? Pra, vendimi erdhi si reagim ndaj Gjykatës Kushtetuese, ku padinë nuk e bëri Balluku, por Edi Rama. Edhe Berisha po thotë se pas goditjes së Lindës së AKSHI-t, është Linda Rama. Pra SPAK e ka me Edi Ramën.

Dhe nëse e ka me kryeministrin, sigurisht që sfida e këtyre prokurorëve është me shtetin, me Gjykatën Kushtetuese, me qeverinë dhe tashmë edhe me parlamentin. Kjo është një përballje serioze e cila premton luftë, sigurisht një luftë që nuk e dëshiron askush.”- thotë megafoni, deri dje, më i zellshmi pro Edi Ramës e pro SPAK.

Tani mbetet për t’u parë nëse në editorialin e radhës Kol Balla do të jetë qetësuar, pasi dihet që Edi Rama ka mekanizma të shumtë “qetësues” për zarat e tij, apo Koli do vijojë me kërcënime edhe më të forta./Syri.net

Njohja e pavarësisë së Kosovës nga Bahamas, Kurti: Viti 2025 është viti i njohjeve të reja

Kryeministri në detyrë i Kosovës, Albin Kurti, ka uruar vendimin e Bahamas, që u bë shteti i katërt sivjet dhe i 121-ti që e njeh Kosovën si shtet të pavarur dhe sovran, raporton Sinjali.

Kurti në një potim në ‘Facebook’, tha se viti 2025 është viti i njohjeve të reja.

“Urime të gjithë qytetarëve dhe një mirënjohje e veçantë për presidenten tonë, Vjosa Osmani, zyrtarët shtetërorë dhe partnerët tanë për një tjetër arritje në forcimin e subjektivitetit tonë ndërkombëtar.“, shkroi ai mes të tjerash.

Postimi i plotë i Kurtit

Viti 2024 ishte viti i pasaportës sonë. Viti 2025 është viti i njohjeve të reja, pas një kohe të gjatë. Bahamas bëhet shteti i katërt sivjet dhe i 121-ti që e njeh Republikën tonë si shtet të pavarur dhe sovran.

Urime të gjithë qytetarëve dhe një mirënjohje e veçantë për presidenten tonë, Vjosa Osmani, zyrtarët shtetërorë dhe partnerët tanë për një tjetër arritje në forcimin e subjektivitetit tonë ndërkombëtar.

Kosovës po i shtohen miqësitë e reja dhe, bashkë me to, edhe mundësitë e bashkëpunimit. Mezi presim që njohjen e ndërsjellë ta kthejmë në partneritet të sinqertë me shtetin dhe popullin e Bahamas.

Bahamas, shteti më i ri që njohu Kosovën, Begaj: Mirënjohës! Vendimi, kontribut domethënës për stabilitetin në rajon

 

Presidenti Bajram Begaj ka reaguar në lidhje me lajmin që Bahamas është shteti më i ri që ka njohur pavarësinë e Kosovës.

Në një postim në “X”, Begaj shkruan se ky vendim është një kontribut domethënës për paqen e stabilitetin në rajon.

“Shpreh mirënjohjen time të sinqertë për Bahamas për njohjen e Kosovës, një kontribut domethënës për paqen, stabilitetin dhe forcimin e rendit ndërkombëtar në rajonin tonë” shkruan kreu i shtetit.

Capture

Një tjetër shtet njeh pavarësinë e Kosovës, Vjosa Osmani: Vendim historik!

Bahamas, vend në Karaibe, e ka njohur pavarësinë e Kosovës të premten, njoftoi presidentja Vjosa Osmani.

Në një njoftim në Facebook, Osmani tha se marrëveshja për njohjen e Kosovës nga Bahamas u arrit në kryeqytetin e Bahamas, Nasau.

“Edhe një vendim historik për vendin tonë”, shkroi ajo.

Bahamas është bërë tani shteti i 121-të që e njeh Kosovën, një vendim që pritet ta zemërojë Serbinë, e cila e lufton vazhdimisht pavarësinë e fqinjit të vet.

Marrëveshja për njohjen e Kosovës nga vendi ishullor i Oqeanit Atlantik dhe vendosja e marrëdhënieve diplomatike mes dy vendeve, u nënshkrua nga presidentja Osmani dhe kryeministri i Bahamas, Philip Davis.

Në një deklaratë të përbashkët, Kosova dhe Bahamas thanë se janë të përkushtuara ndaj qëllimeve dhe parimeve të Kartës së Kombeve të Bashkuara, përfshirë respektimin e sovranitetit, barazisë së shteteve dhe zgjidhjen paqësore të mosmarrëveshjeve.

Ato u pajtuan për të zhvilluar marrëdhëniet e tyre mbi bazën e respektit të ndërsjellë, reciprocitetit dhe angazhimit konstruktiv.

“Bahamas dhe Kosova shprehin synimin e tyre për të thelluar bashkëpunimin në fusha me interes të përbashkët, përfshirë konsultimet politike, tregtinë dhe investimet, turizmin, arsimin dhe kulturën, teknologjinë dhe inovacionin, bashkëpunimin në sektorin publik, si dhe shkëmbimet ndërmjet njerëzve, në përputhje me ligjet dhe procedurat e secilit shtet respektiv”, thuhet në komunikatë. bw

“Vazhdon pazari PS-PD”- Agron Shehaj nuk lejohet të futet në mbledhjen e Këshillit të Mandateve për Ballukun: Kjo është çmenduri, skandali i vërtetë

  Kryetari i Partisë “Mundësia” dhe deputeti Agron Shehaj së bashku me ligjvënësin tjetër Erald Kapri nuk janë lejuar që të futen në mbledhjen e Këshillit për Imunitetin ku do të diskutohet heqja e mandatit për Belinda Ballukut.

 

Shehaj dhe Kapri thonë se kanë bërë një kërkesë, por nuk kanë marrë përgjigje dhe nuk janë lejuar nga Garda.

Sipas tij, ky është një pazar që bëjnë dy forcat politike.

“Kjo është çmenduria, ne do vazhdojmë do luftojmë. Këta e kanë paralajmëruar, Edi Rama do të marrë në mbrojtje Belinda Ballukun.

Pse më shtyni? Sepse preka kryetarin. Me dhunë. Vazhdon avazi PS-PD, vazhdon pazari PS-PD”, tha Shehaj.

Buzët e Shabanit në faqet e nxira të opozitës

Nga Boldnews.al

Pasi u betua në Parlament, Avokati i Popullit, Endrit Shabani, lëshoi një puthje për të 35 deputetët e opozitës që i dhanë firmën për ta përfshirë në listën finale të kandidaturave. Gjesti i Shabanit ishte cinizëm malinj, por puthja e tij ngjan me prekjen e vdekjes së moralit opozitar.

Paradoksalisht, në ditën që opozita protestonte disi dhunshëm në Parlament kundër qeverisë dhe zevëndëskryeministres Belinda Balluku, për të cilën SPAK ka kërkuar leje për ta arrestuar, në pritje për të bërë betimin ritual ishte edhe Avokati i Popullit.

Ai u shfaq. Mezi dukej, por i kishte krijuar vetes një pompozitet fals, që e ka pasur, e ka dhe do ta ketë, ndonëse vetëm sytë e errësuar të opozitës lanë litarin jashtë me “fenomenin Shabani”. Nuk është i rëndësishëm posti që mban. Në një vend që çdo institucion është zhul dhe i kapur, s’ka si të bëjë dritë Endriti.

Opozita u degradua moralisht mjaft rëndë kur Endrit Shabani, kanakari i Ramës, mori plot 35 vota nga deputetët e opozitës si një nga shtatë kandidaturat e mbështetura prej tyre.

Po kujt ia dhanë këto vota? Ai nuk është fshehur kurrë. Kushdo që njeh “Shab-politikën” e kishte të qartë se oportunizmi ishte moto e jetës së shtirur profesionale, duke u vetëshpallur si Oksfordist, paçka se askush nuk ia ka parë një copë fletushkë që e vërteton.

Më shumë se dija vlen morali dhe Shabani i kishte dhënë provat se për një copë post u vetëofrua të shkatërronte edhe krijesën e vogël “Shqipëria Behet”, duke e “shthurur” me nismën e tij. Ky koalicion siguroi 64 mijë vota në rang kombëtar dhe vetëm një deputet, që “Shaban-politika” e vuri në një pazar me dajën, hallat, tezet dhe farefisin që vrau qoftë edhe një fije shprese.

Që Shabani ishte thika në duart e Ramës fare mirë e dinte Partia Demokratike por në një proces të pisët u zhyt vetë në këtë llum, teksa i dhanë 35 vota mbështetëse dhe pasi panë reagimin e anëtarësisë, PD kërkoi falje, por një falje që nuk pati asnjë vlerë.

Shabani me firmat e deputetëve të PD-së dhe me votat e PS-së u zgjodh Avokat i Popullit ndërsa në ditën e betimit u dha një puthje deputetëve mbështetës të PD-së me ironi therëse duke u treguar se çdo nismë ka një çmim, në mos menotar çmim degradimi për të cilin opozita u vetëofrua të bëhej konkubinë e orgjisë qeveritare, ku edhe Shabani pati orën e tij të harbimit.

Apeli i Posaçëm per Belinda Ballukun ka vendosur ta pezullojë shqyrtimin e kësaj pike deri sa Gjykata Kushtetuese të shprehet në themel

Apeli i Posaçëm lë në fuqi bllokimin e pasaportës për Ballukun, ndersa ‘Ngrin’ pezullimin nga detyra

Apeli i Gjykatës së Posaçme Kundër Korrupsionit dhe Krimit të Organizuar (GJKKO), ka dhënë vendimin pasditen e kësaj të enjte (18 dhjetor 2025) për zv/kryeministren Belinda Balluku, e cila kishte ankimuar masat e sigurisë të caktuara ndaj saj nga shkalla e parë.

Apeli ka lënë në fuqi masën e ndalimit për të dalë jashtë vendit për Ballukun, ndërsa sa i takon masës ndaluese që lidhet me pezullimin nga funksionet zyrtare, Apeli ka vendosur ta pezullojë shqyrtimin e kësaj pike deri sa Gjykata Kushtetuese të shprehet në themel për këtë rast.

“Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtare Miliana Muça, sot më datë 18.12.2025, vendosi:

Miratimin e vendimit nr. 118, datë 19.11.2025 dhe vendimit nr. 120, datë 22.11.2025 të Gjykatës së Posaçme të Shkallës së Parë për Korrupsionin dhe Krimin e Organizuar, përsa i përket caktimit dhe vazhdimit të masës së sigurimit personal me karakter shtrëngues “Ndalimi i daljes jashtë shtetit”, të parashikuar nga neni 233 i K.Pr.Penale, në lidhje me ankimin e ankueses Belinda Balluku.

2. Pezullimin e shqyrtimit gjyqësor të çështjes nr.86 (61007-00414-87-2025), datë regjistrimi 11.12.2025, përsa i përket shqyrtimit të ankimit të ankueses Belinda Balluku. ndaj vendimeve nr. 118, datë 19.11.2025 dhe nr. 120, datë 22.11.2025 të Gjykatës së Posaçme të Shkallës së Parë për Korrupsionin dhe Krimin e Organizuar, për pjesën që ajo ka kundërshtuar caktimin dhe vazhdimin e masës së sigurimit personal me karakter ndalues “Pezullimi i ushtrimit të një detyre a shërbimi publik”, të parashikuar nga neni 242 i K.Pr.Penale, deri në zgjidhjen me vendim përfundimtar nga Gjykata Kushtetuese të çështjes së regjistruar për gjykim në atë gjykatë,- thuhet në vendimin e Apelit.

Ndërkohë sa i takon dy vartësve të Ballukut, Gentian Gjyli dhe Erald Elezi, Apeli ka vendosur të mos ndryshojë masat e sigurisë ndaj tyre, pra do vijojnë të mbeten në arrest shtëpie.

SPAK me prova të reja për Ballukun/ Detajet nga seanca me dyer të mbyllura në Apelin e GJKKO-së

Gjatë seancës së sotme, prokurorët se SPAK kanë kërkuar lënien në fuqi të vendimit të shkallës së parë përfshirë edhe pezullimin nga detyra të Belinda Ballukut me arsyetimin se Kushtetuesja ka pezulluar vetëm efektet jo masën në vetvete.

Po të njëjtat burime konfirmojnë se prokurorët Dritan Prençi dhe Dorina Bejko kanë paraqitur prova të reja, përfshirë ato dërguar Kuvendit që rëndojnë pozitat e numrit dy të qeverisë Rama.

Nga ana tjetër avokatët e Ballukut kanë kërkuar pushimit e gjykimit sa i takon masës së pezullimit me argumentin se për të është shprehur Gjykata Kushtetuese.

Dosja Balluku/ Akuza për kërcënime ndaj gjyqtarëve dhe prokurorëve

Kryedemokrati, Sali Berisha ka deklaruar se kryeminisitri Edi Rama ka kërcënuar prokurorët dhe gjyqtarët në lidhje me dosjen “Balluku”.

Referuar deklaratave të Ramës i cili sulmoi gjyqësorin duke e quajtur vendimin për Ballukun si “precedent të rrezikshëm” dhe “aventurë të gjyqësorit”, Berisha thotë se ky është sipas tij një akt mafioz.

Ai ka përmendur edhe një deklaratë të bërë nga Rama më herët e cila përkoi me seancën në GJKKO për vlerësimin e masës së sigurisë ndaj Belinda Ballukut, zv.kryeministre dhe ministre e Infrastrukturës.

Rama publikoi një citat të ish-prokurorit amerikan Robert H. Jackson, por Berisha e interpretoi këtë si një mesazh kërcënues për gjyqtarin dhe prokurorin që trajtojnë çështjen. Sipas tij, kryeministri ka përdorur një mënyrë simbolike për të ushtruar presion ndaj drejtësisë.

Sipas Berishës, kryeministri Edi Rama me citatin e publikuar ka kërcënuar haptas me vdekje gjyqtarin dhe prokurorin që ka dhënë vendimin për Belinda Ballukun.

“Kur prokurori kërkon njeriun përpara krimit, drejtësia vdes; dhe kur një pushtet hyn në territorin e një tjetri, Kushtetuta demokratike nuk merr më frymë, por mbytet.”

Citimi i këtij paragrafi, ndërkohë që Lubi Balluku me peshën e 90 milion eurove të vjedhura së bashku me Ramën, nisej për në sallën e gjyqit, ishte një kërcënim madhor me vdekje për ata që kanë vendosur pezullimin e bashkëvjedhëses së tij, zv/kryeministres. Ky është kërcënim me vdekje i zyrtarëve në detyrë nga njeriu që për pushtetin e tij është i gatshëm të kryejë çdo krim. Ky nuk është kërcënim për pezullimin e Ballukut, por drejtpërdrejt kërcënim me vdekje, sepse në aferën e Tunelit të Llogarasë dhe afera të tjera, Rama është Hajduti i Parë, Lubia vjen fill pas tij.”,- u shpreh kryedemokrati.

SPAK kërkon arrestimin e Ballukut/ Sot mblidhet Këshilli i Mandateve

Prokuroria Speciale SPAK, i kërkoi dy ditë më parë, Parlamentit heqjen e imunitetit të zëvendëskryeministres dhe Ministres së Infrastrukturës dhe Energjitikës, Belinda Balluku.

Paraditen e së martës në zyrën e kreut të Kuvendit mbërriti zyrtarisht kërkesa për leje për dhënie autorizimi për arrestimin e Ballukut.

Në një njoftim zyrtar, duke iu referuar bazëz ligjore prokuroria dha argumentet se: “… në kuadër të procedimit penal nr. 136 të vitit 2025, ka paraqitur kërkesë për dhënien e autorizimit nga Kuvendi i Republikës së Shqipërisë për arrestimin/ heqjen e lirisë së deputetit/ ministrit/ zëvendëskryeministrit: Belinda Balluku”.

Nga momenti i mbërritjes së kërkesës, mazhoranca nuk humbi kohë, duke njoftuar anëtarët e komisionit se mbledhja do të mbahet ditën e nesërme ( e premte 19 dhjetor 2025).

Kështu ditën e nesërme, në Këshillin e Rregullores dhe Mandateve në Kuvend, pritet të shqyrtohet kërkesa e SPAK për heqjen e mandatit të Ballukut, që do të sillte lejimin e arrestimit të saj.

Akuzat ndaj Belinda Ballukut

Më 31 tetor të këtij viti, Prokuroria Speciale SPAK i komunikoi zyrtarisht akuzën e “shkeljes së barazisë së pjesëmarrsve në tendera ose ankande publike”, zëvendëskryeministres dhe ministres së Infrastrukturës dhe Energjitkës, Belinda Balluku, për çështjen e tenderit të Tunelit të Llogarasë.

Vetëm 20 ditë më pas, më 20 nëntor me kërkesë të SPAK, Gjykata Kundër Korrupsionit dhe Krimit të Organizuar (GJKKO), vendosi masën “pezullim nga detyra dhe ndalim për daljen jashtë vendit”, ndaj Ballukut.

Masa shtrënguese, sipas SPAK, u mor pas hetimeve dhe dyshimit se përveç tenderit të Tunelit të Llogarasë, Balluku dhe tre vartës të saj, anëtarë të komisionit të vlerësimit të ofertave kanë paracaktuar fituesit edhe në Lotin 4 të Unazës së Madhe në Tiranë.

Vendimi i GJKKO-së u ankimua nga kryeministri Rama në Gjykatën Kushtetuese me arsyetimin se ky vendim binte ndesh me Kushtetutën për ndarjen e pushteve, pasi sipas tij të drejtën për pezullim, shkarkim apo emërim të një anëtari kabineti e ka kryeministri.

Gjykata Kushtetuese më 12 dhjetor mori vendimin për ta shqyrtuar çështjen në themel më 22 janar, ndërsa njëkohësisht rrëzoi vendimin e pezullimit nga detyra.

Tashmë në kërkesën për masën e arrestit SPAK ka referuar edhe shtatë raste të tjera të dyshimit për shkelje të barazisë në tendera të ministres Balluku, që lidhen me shtatë lotet e Unazës së Madhe./Boldnews.al

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend