VOAL

VOAL

Please Wait ...
0%

Admirali Foggo pret që tranzicioni i FSK-së të ndodhë në bashkëpunim me NATO-n

By | May 22, 2019

Komentet

Në fillim të korrikut mbi 30 mijë pasagjerë shfrytëzuan Aeroportin Ndërkombëtar të Prishtinës

Aeroporti Ndërkombëtar “Adem Jashari” në Prishtinë.

Në periudhën prej 1 deri më 9 korrik, Aeroportin Ndërkombëtar ”Adem Jashari” në Prishtinë, e kanë shfrytëzuar gjithsej 30.755 udhëtarë.

Prej tyre 21.385 kanë hyrë në Kosovë përmes këtij aeroporti, ndërsa 9.370 kanë udhëtuar jashtë vendit.

Gjatë kësaj periudhe janë realizuar gjithsej 321 fluturime.

Prej tyre 160 vajtje, ndërsa 161 ardhje. Brenda ditës janë realizuar 30 deri në 63 fluturime.

Këtë e ka konfirmuar për Radion Evropa e Lirë, zëdhënësi i aeroportit, Bujar Gashi.

Që nga 9 korriku, Aeroporti “Adem Jashari” ka filluar të zbatojë vendimin e Qeverisë së Kosovës, përmes të cilit lejohet vetëm nga një fluturim çdo 45 minuta. Brenda kësaj dite janë realizuar deri në 25 fluturime.

Gashi thekson se masat e reja në lidhje me uljen e numrit të fluturimeve do të zbatohen, deri në një vendim të ri të Qeverisë së Kosovës.

Aeroporti “Adem Jashari”, krahas aeroportit në Shkup të Maqedonisë së Veriut, është ndër të fundit në rajon që u rihap për pasagjerët, pas mbylljes më 22 mars, si pjesë e masave kufizuese, që synonin parandalimin e përhapjes së koronavirusit.

Aeroporti u rihap më 28 qershor.

Ky aeroport ka njoftuar të gjithë pasagjerët, përmes faqes së tij zyrtare në Facebook, se duhet t’i respektojnë rregullat e reja kur udhëtojnë.

Përkatësisht, para çdo fluturimi, është e nevojshme që pasagjerët të mbërrijnë në aeroport tri orë para nisjes. Mbajtja e maskave është e detyrueshme sikurse distanca fizike prej 1.5 metrash.

Pasagjerët i nënshtrohen matjes së temperaturës në hyrje të aeroportit.

Disa aeroporte në rajon gjithashtu kanë ulur numrin e fluturimeve, kështu që për shembull, në Aeroportin Ndërkombëtar në Podgoricë të Malit të Zi, me datën 10 korrik kanë qenë të parapara vetëm 8 fluturime, 4 mbërritje dhe 4 nisje.

Rreth 20 aeroplanë janë planifikuar të ulen ose të fluturojnë nga Aeroporti Ndërkombëtar i Shkupit në Maqedoninë e Veriut.

Numri më i lartë i fluturimeve ndërkombëtare në rajon u regjistrua në Serbi, në aeroportin “Nikola Tesla” në Beograd.

Sipas të dhënave nga faqja zyrtare e këtij aeroporti, rreth 100 fluturime janë planifikuar për datën 10 korrik.

Në Kosovë, numri i personave të infektuar me koronavirus është rritur në ditët e fundit. Numri i përgjithshëm i infektuarve deri më 10 korrik është 4,307, ndërsa numri i përgjithshëm i vdekjeve ka arritur në 94.

Isa Mustafa i infektuar nga koronavirusi

Kryetari i Lidhjes Demokratike të Kosovës, Isa Mustafa, njoftoi se është infektuar me koronavirus. Përmes një postimi në rrjetet sociale ai iu ka bërë thirrje qytetarëve për kujdes maksimal, ndërsa theksoi se “përveç një plogështie, nuk vërej ndonjë shqetësim tjetër shëndetësor. Anëtarët e tjerë të familjes nuk janë të prekur. Ditët në vijim to të jem i izoluar”.

Edhe një numër deputetësh të parlamentit të Kosovës janë prekur nga koronavirusi në një periudhë kur vendi po vazhdon të përballet me shtim të numrit të të infektuarve dhe rritje të numrit të viktimave.

Mbrëmë, Instituti Kombëtar i Shëndetësisë Publike tha deri tani numri i viktimave që nga fillimi i pandemisë arriti në 94, dhe vetëm në 24 orët e fundit tetë persona humbën jetën, ndërsa 207 nga 401 të testuar dolën se janë të infektuar.

Ministri i Shëndetësisë, Armend Zemaj tha sot se përkeqësimi i situatës rëndon sistemin shëndetësor të vendit.

Për këtë arsye po bëjmë thirrje, ju lutem mbajini distancën, mbajeni higjienën, mbani maskat që ta ruajmë edhe personelin shëndetësor edhe ashtu sistemi është ngarkuar këto ditë në klinikat tona edhe në spitale rajonale, nëse na rrezikohen edhe profesionistët shëndetësorë atëherë do të jetë një problematikë e madhe”, tha ai.

Zoti Zemaj kërkoi respektim të masave në mënyrë që të shmangen masat ndëshkuese.

Këto janë thirrjet tona dhe angazhimet tona mbi të gjitha të gjitha duhet ta bëjmë punën nga pak që sadopak të ketë një disiplinë, kulturë, etikë dhe moral sepse vetëm me masa ndëshkuese nuk do të ishte e dëshirueshme as për ne as për qeverinë e Kosovës por as Institutin Kombëtar të Shëndetësisë Publike që masat të respektohen vetëm me ndëshkime apo gjoba e dënime administrative apo penale”, tha ministri Zemaj.

Rastet e së enjtes e çuan në 4 mijë e 307 numrin e përgjithshëm të të infektuarve, nga të cilët deri tani të shëruar janë shpallur 2 mijë e 95 raste, ndërsa 2 mijë e 118 mbeten raste aktive.

Që nga 1 korriku, në Kosovë janë regjistruar 43 vdekje si pasojë e infektimit me koronavirus, disa prej të cilave po hetohen nga organet e rendit.

Zyrtarë evropianë kritikuan partitë politike në parlamentin e Kosovës që nuk po arrijnë të merren vesh për të ratifikuar pesë marrëveshje ndërkombëtare financiare në vlerë prej 253 milionë eurosh, që do të ndihmonin edhe në përballjen me pandeminë.

Ambasadori gjerman në Kosovës, Christian Heldt tha sot se nuk e kupton qasjen e partive politike.

Këto para janë këtu për të ndihmuar për rimëkëmbjen e Kosovës nga pasojat socio-ekonomike nga covid dhe këto para janë po ashtu për të mbështetur sistemin shëndetësor. Pra nuk e kuptoj parlamentin dhe në këtë rast të gjitha partitë politike që të mos bëhen bashkë në këtë situatë. Në të gjithë botën po përballemi me pasojat e covid-it dhe këtu Kosova nuk bën përjashtim dhe ju mund të dilni jashtë krizës vetëm me bashkëpunim, pra ky do të ishte mesazhi im për politikën për partitë, ju lutem bashkohuni sepse nuk është për vetën tuaj por për popullin dhe vendin tuaj”, tha ambasadori Heldt.

Miratimi i marrëveshjeve të tilla kërkon votat e dy të tretave të deputetëve të parlamentit.

Mospajtimet politike pamundësuan edhe miratimin e një projektligjit për Parandalimin dhe Luftimin e Pandemisë COVID – 19, i hartuar që në muajin prill të këtij viti. Projektligji që është nismë e kryetares së parlamentit, Vjosa Osmani dhe disa deputetëve, nuk po mbështetet as nga qeveria e Kosovës.

Në mbledhjen e së enjtes, qeveria tha se e vlerëson të panevojshme miratimin e projektligjit, me arsyetimin se ligjet e zbatueshme në Kosovë e rregullojnë në mënyrë të mjaftueshme fushën e luftimit dhe të parandalimit të sëmundjeve ngjitëse në Kosovë.

Kryeministri Avdullah Hoti pritet që të raportoj të premten në parlamentin e Kosovës për gjendjen me koronavirus. Partitë politike kanë kritikuar qasjen e qeverisë kundruall situatës.

Qeveria e Kosovës tashmë sërish ka rikthyer disa nga masat për të kufizuar lëvizjen e qytetarëve në qytetet më të prekura të vendit, ka shkurtuar numrin e të punësuarve në institucione dhe ka kufizuar veprimtaritë e restoranteve dhe kafeneve. zëri i amerikës

Kuvendi miraton rezolutë “në mbrojtje të vlerave të popullit të Kosovës”

Kuvendi i Kosovës miratoi një rezolutë prej dhjetë pikësh për “Unitetin politik dhe qytetar, në mbrojtje të vlerave të popullit të Kosovës”, me propozim të deputetes së Aleancës Kosova e Re, Mirlinda Sopi Krasniqi.

Njëra prej pikave thekson se Kuvendi i Kosovës i respekton Dhomat e Specializuara në Hagë dhe kërkon që puna e tyre të bazohet në respektimin e ligjeve të Kosovës dhe të rregullave ndërkombëtare për funksionimin e tyre.

Në këtë pikë po ashtu thuhet se Dhomat duhet të jenë të drejta dhe të paanshme në trajtimin e të gjitha lëndëve.

“Kuvendi i Republikës së Kosovës shpreh shqetësim për shkeljet e mundshme procedurale, të bëra me rastin e publikimit të emrave përkitazi me propozim-aktakuzën e pakonfirmuar ndaj pjesëtarëve të Ushtrisë Çlirimtare të Kosovës”, thotë njëra pikë, duke aluduar në publikimin e një deklarate nga Zyra e Prokurorit të Specializuar për paraqitjen e një aktakuze për krime lufte kundër presidentit të Kosovës, Hashim Thaçi, dhe kryetarit të Partisë Demokratike të Kosovës, Kadri Veseli.

Në rezolutë thuhet se “Republika e Kosovës në vazhdimësi ka qenë e gatshme për ta vërtetuar drejtësinë e luftës mbrojtëse të Ushtrisë Çlirimtare të Kosovës dhe është edhe sot e gatshme ta bëjë të njëjtën gjë me Dhomat e Specializuara”.

“Pastërtia e luftës së UÇK-së është vërtetuar disa herë në proceset e zhvilluara nga mekanizmat e drejtësisë ndërkombëtare, siç janë: UNMIK-u [misioni i Kombeve të Bashkuara në Kosovë], Tribunali Ndërkombëtar për Krimet e Luftës në ish-Jugosllavi, EULEX-i [misioni i Bashkimit Evropian] dhe drejtësia vendore”, thuhet në rezolutë.

Aty po ashtu theksohet se Kuvendi i Kosovës “e sheh të domosdoshëm unitetin politik e qytetar për ta mbrojtur luftën çlirimtare të UÇK-së dhe popullit të Kosovës”.

Kuvendi, përmes rezolutës, “rithekson faktin se në Kosovë, shteti serb ka kryer spastrim etnik, duke dëbuar në mënyrë të organizuar rreth një milion qytetarë; ka vrarë mbi 12,000 civilë, në mesin e të cilëve mbi 1,300 fëmjë; ka kryer më shumë se 400 masakra; ka dhunuar rreth 20,000 gra dhe vajza, si dhe ka shkatërruar pasurinë e qytetarëve, monumetet kulturore, fetare e historike dhe infrastrukturën e Kosovës”.

Kuvendi po ashtu kërkon që sa më parë të zgjidhet çështja e personave të zhdukur dhe të vendoset drejtësi për të gjitha viktimat e krimeve të Serbisë ndaj popullit të Kosovës.

“Heshtja ndaj këtyre krimeve, në Kosovë kuptohet si amnisti dhe tolerim ndaj krimeve të Serbisë, të kryera në Kosovë”, thuhet në rezolutë.

Rezoluta u miratua me votat e 61 deputetëve të Kuvendit të Kosovës.

Përndryshe, rezolutat e miratuara nga kuvendi nuk janë detyruese, por pasqyrojnë vullnetin politik. rel

Protestë kundër akuzave ndaj presidentit të Kosovës

Edlira Bllaca

Nëntëdhjetë e nëntë persona u mblodhën të enjten në sheshin kryesor të Prishtinës, dhe në qytete tjera të Kosovës, në një protestë kundër akuzave të pakonfirmuara të Prokurorisë së Posaçme për krime të luftës dhe të pas luftës, ndaj presidentit, Hashim Thaçi dhe kryetarit të Partisë Demokratike, Kadri Veseli.

Kryetari i Organizatës së Veteranëve të UÇK-së, Hysni Gucati, tha se këto akuza janë sulm i drejtpërdrejtë mbi Kosovën dhe luftën e saj për liri.

“E papranueshme dhe e njëanshme, dhe e dyshimtë. Propozim akuza është sulm direkt mbi Kosovën dhe lirinë e saj të cilën e solli lufta e drejtë e Ushtrisë Çlirimtare të Kosovës, e mbështetur edhe nga aleatët ndërkombëtar. Gjykatat e tilla që janë ngritur njëanshëm vetëm kundër Ushtrisë Çlirimtare të Kosovës, të cilat e mohojnë gjenocidin dhe krimin e pafund të Serbisë agresore që bëri në Kosovë, janë të papranueshme për Kosovën”, tha zoti Gucati.

Presidenti i Kosovës, Hashim Thaçi, mbrëmë tha se do të udhëtojë të hënën për në Hagë, ku do të intervistohet nga Prokuroria e Posaçme. Më 24 qershor prokuroria publikoi akuzat e pakonfirmuara dhe pas tyre presidenti Thaçi tha se do të jap dorëheqje nëse ato konfirmohen.

Publikimi i tyre bëri që të dështojë plani për një takim Kosovë – Serbi në Shtëpinë e Bardhë më 27 qershor me ndërmjetësimin e ambasadorit amerikan Richard Grenell.

Publikimi nxiti reagime në shkallë të gjerë në Kosovë. Organizata e Veteranëve të Luftës vendosi që protesta e sotme të zhvillohet në disa qytete me nga 99 persona, duke respektuar masat për parandalimin e zgjerimit të infektimeve me COVID-19, por edhe duke simbolizuar luftën e vitit 1999.

Gjykata e Posaçme e cila me emrin dhomat e specializuara vepron në Hagë, u miratua në fillim të muajit gusht të vitit 2015 nga parlamenti i Kosovës.

Ideja për themelimin e saj pasoi hetimet e pretendimeve të të dërguarit të Këshillit të Evropës, Dick Martty, për përfshirjen e disa prej ish-drejtuesve të Ushtrisë Çlirimtare të Kosovës, në krime të luftës dhe të pasluftës në Kosovë.

Hetimet sikurse e dhe ngritja e gjykatës kishin nxitur reagime dhe protesta ne Kosovë, ku pohohet se në këtë mënyrë po bëhet barazimi me mizoritë e forcave serbe gjatë luftës së viteve 1998 – 1999, që mori fund me ndërhyrjen e NATO-s.

“Prandaj privilegji që po i ofrohet Serbisë nga kjo gjykatë në këtë formë, duke i akuzuar krerët e Ushtrisë Çlirimtare të Kosovës për hatër të saj, nxit ngatërresa të reja. E themi me bindje të plotë se kjo gjykatë po bën gabim të pafalshëm lidhur me aktakuzën ndaj krerëve të UCK-së. Fillimisht ishte paraparë të hetohen krimet e kryera nga të dyja anët, nuk rezultoi ashtu sepse kjo gjykatë amnistoi Serbinë dhe krimet e saj të kryera në Kosovë”, tha zoti Gucati.

Mbi 200 ish pjesëtarë të Ushtrisë Çlirimtare të Kosovës janë marrë në pyetje që nga fillimi i vitit 2019.

SKËNDERBEU: “GJYKATËN SPECIALE NUK JUA SOLLA UNË, ATË E GJETA NE MESIN TUAJ” – Nga BINAK MAXHARRAJ

POROSIA E SKEDNDËR BEUT PËR OLV PAS 500 VJETEVE.

/MBRAMË SI NË ANDËRR ME THIRRI SEKENDERBEUT
MË NJË POROSI PËR OVL/

JUVE OLV-istave SOT NU KAMË QEJF ME JU PA NË PROTESTË LIDHUR ME GJYKATËN SPECIALE.

“GJYKATËN SPECIALE NUK UA SOLLA UNË,ATE E GJATA NE MESIN E JUAJ”.

JU VETË E FORMUAT.TASH BALLAFAQOHUNI ME TE.MOS E PREKËNI,LE TE VAZHDOI PUNËN E VETË KJO GJYKATË, SEPSE JU VETË NUK ISHIT NË GJENDJE QE TI GJYKONI ATA QE PO AKUZOHËN PËR KRIME.

USHTRIA ÇLIRIMTARE NUK PO GJYKOHËT NË HAGË.LUFATA E UÇK ËSHTË E PASTËR SI LOTI.AJO QENDRON MBI GJAKUN E DERDHUR TE DESHMORVE TE KOMBIT DHE SE MBI KËTË ASKUSH NUK KA TE DREJTE TË SHKELË.

USHTRIA ÇLIRIMTARE E KOSOVËS ËSHTË KRENARIA E KOMBIT.UÇK NUK KA NEVOJË TA GJYKOJË ASKUSHË NEPËR GJYQE SEPSE ATE E MBRON GJAKU I DERDHUR I LIRISË.

LERENI TE LIRË QE GJYKATA SPECIALE TË MERRET ME ATA QE IA MORËN FYTYRËN UÇK,QE BËNË KRIME GJATË DHE PAS LUFTËS,LE TE MERRET ME ATA QE U PASURAUN ME MILONSHE DUKE E PLAQEKITË PASURIN E KËTIJ POPULLI TE VARFËR.

KURSE JU TE OVL QE PO GJUNI SHKELMA MË MIRË ËSHTË SOT NESE DELNI NE PROTESTË TI TREGONI PROTESTUESVE SE SI U BËTË MILINONER,SE SA TI MBRONI GJOJA KEQPËRDORUESIT E UÇK.

EDHE LUFTA IME 500 VJEÇARE KA QENË LUFTË E ASHPËR MË TURKUN DHE SERBIN.MË USHTARËT E MIJË TRIMA I KAMË DALË ZOT SHQIPERISË,KAMË LUFTUAR PËR SHQIPERIN,ASNJËHËRË NUK ME KA SHKUAR MENDJA,SIÇ PO JU SHKON JUVE SOT QE TA NDAJË,QE TA COPTOI ATEDHEUN ME SHKAUN I CILI DESHTI ME SHEKUJ TE NA ÇRRËNJOSË NGA TROJET TONA,I CILI NA I VRAU FEMIJT TANË,PËRDHUNOI NANAT DHE MOTRA TONA,NA NDOQEN ME DHUNË NGA VATRAT TONA.

PRA,POROSIA IME SI SKENDERBUT ËSHTË SË NUK DUA TE JU SHOHË SOT NE PROTESTË,SEPSE ASNJE GJYKAT NUK ËSHTË DUKE E GJYKUA UÇK,VEÇ KËERPËRDORUESIT E SAJ TË CILËT ME TE BËMET E TYRE DUHET TE DISTANCOHËN NGA ÇUÇK.

Presidenti Thaçi të hënën intervistohet në Hagë

Presidenti i Kosovës, Hashim Thaçi, tha se është ftuar në Hagë për t’u intervistuar nga Prokuroria e Posaçme e Kosovës për krime të luftës dhe pas luftës.

Në një postim në llogarinë e tij në facebook, ai tha se në “këto dy dekadat e fundit shumë pjesëtarë të UÇK-së u ballafaquan me drejtësinë ndërkombëtare të UNMIK-ut, Tribunalit të Hagës për Ish-Jugosllavi, EULEX-it dhe me drejtësinë vendore. Kosova, edhe pse viktimë, bashkëpunoi me organet e drejtësisë për trajtimin e pretendimeve për krime lufte. Në këto dy vitet e fundit shumë ish-bashkëluftëtarë janë intervistuar nga Dhomat e Specializuara, brenda dhe jashtë vendit”, shkroi ai.

Më 24 qershor Prokuroria e Posaçme për Kosovën me seli në Hagë, publikoi njoftimin për ngritjen e akuzave ende të pakonfirmuara ndaj presidentit të Kosovës, Hashim Thaçi dhe kryetarit të Partisë Demokratike, Kadri Veseli, si të dyshuar për krime kundër njerëzimit dhe krime lufte.

Më pas presidenti Thaçi tha se do të jap dorëheqjen nëse akuzat konfirmohen dhe është i gatshëm të përballet me drejtësinë.

Në postimin e sotëm ai tha se “uniteti qytetar, bashkëjetesa ndëretnike, stabiliteti institucional dhe besimi në institucione janë të domosdoshme që Kosova ta jetësojë vizionin që të jetë pjesë e NATO-s, Bashkimit Evropian dhe të ruajë miqësinë e përjetshme me Shtetet e Bashkuara të Amerikës”. zëri i amerikës

Kosova është mësuar të jetojë në Karantinë…!! – Nga Skënder MULLIQI

 Shqiptarët e Kosovës jetuan dhe përjetuan shumë të liga , sa ishin më ish-Jugosllavinë . Jeta edhe në kushte të lirisë dhe pavarësisë , nuk po na bëhët e mirë.Jemi mbushur më frustrime , me agresivitete, me antivlera kulturore e politike, e më kriminalizim të shoqërisë.Dhe, kështu erdhëm pas 20 vitësh deri të përjetimi I pandemisë e cila sikur nuk po dëshiron të na lëshojë të marrim frymë lirshëm , nga shumë të keqija të tjera cilat na goditën nga udhëheqjët shumë të dobëta që i kemi . Sikur të ligat nuk kishin kufijë.Janë duke në shtyrë fortë për muri! Jemi duke jetuar në një territor I cili gjithnjë e më shumë po bëhët I pavlefshem edhe gjeografikisht, së këtë model të mbrapsht jemi duke e sforcuar .Kur e kemi parasysh ketë dhe izolimin tonë nga bota demokratike, atëherë gjithëqka ka filluar të humbë në vlerë?! Madje po humb edhe subjektiviteti ynë si njërëz të këtij nënqielli ende të zymtë ballkanik. Jemi shumë largë më gjitheqka kur bëhët fjalë për integrimet rajonale e evropiane. Ballkani nuk po lirohet nga logjika e shekullit të kaluar , e ndoshta edhe me herët! Asesi që te hiqën pengesat në kalimin mbi urën evropiane si e vetmi shpëtim për popujtë e këtij rajoni. Në situatën më të keqe është Kosova. Politika jonë sikur nuk po dëshiron të dalë nga zona e konfliktit të ndërsjellë, e cila politikë e ka pru vendin buzë kolapsit të përgjithshem.Lirinë dhe pluralizmin e pritëm të pa pregatitur, së të pa pregatitur profesionalisht e moralisht na erdhën struktuarat politike në krye të shtetit?!Pushtetet e Kosovës zgjodhen mekanizmat e mashtrimit, rrenave , paligjshmerive , të cilat janë duke na shkatërruar jetën , dhe nese vazhdon kështu, do të shkatërojnë edhe jetën e fëmijëve tanë! Fëmijët tanë po kalojnë ditë dhe netë , sikur të ishin azilantë në shtëpinë e tyre, kurse shumica janë duke zgjedhur emigrimin nga vendi! Me logjika të vjetra nuk ecët natyrishtë përpara.Më logjikat përfituese e zhvatëse nuk ndërtohet as shteti. Jeta është duke e humbur kuptimin.Shteti ynë ka mbetur I izoluar ?! Po na mposhtin armiqët nga jashtë dhe nga mbrenda? Kurrë nuk u mobilizuan pushtetet dhe opozita kur bëhët fjalë për temat e interesit shtetëror e nacional të bëhën bashkë?!Gjeneratat e reja po i nënshtrohen gjithëfarë propagande, po iu shpërlajnë trurin më politike sterile, më poltronizma, më patetizëm…Këto po na shkaktojnë vetëm fatkëqësi edhe më të mëdha. Këto struktura politike sikur janë mobiluzar që të na largojmë nga bota evropiane civilizuese.Kosova ka mbetur pa porosi të mira, pa marrveshje të mbrendshme politike , që të dalim nga kriza politike e institucionale, dhe të dalim nga kriza e fundit epidiomologjike që është duke na fundosur më ka krejtë?! Kosova sikur është mësuar të jeton në Karantinë…?!

KMDLNJ kërkon pezullimin e dialogut Kosovë-Serbi

Këshilli për Mbrojtjen e të Drejtave dhe Lirive të Njeriut (KMDLNJ) thotë se Kosova duhet të pezullojë bisedimet me Serbinë.

Ky reagim i KMDLNJ-së vjen në ditën kur Bashkimi Evropian njoftoi se më 12 korrik do të rinisë procesi i dialogut mes Kosovës dhe Serbisë. Në këtë takim, Kosovën do ta përfaqësojë kryeministri Avdullah Hoti, i cili do të takohet me presidentin serb, Aleksandar Vuçiq.

Sipas KMDLNJ-së, dialogu duhet të pezullohet për shkak të situatës së krijuar, pas njoftimit nga Zyra e Prokurorit të Specializuar në Hagë, se ka paraqitur aktakuzë me dhjetë pika, kundër presidentit të Kosovës, Hashim Thaçi dhe kryetarit të Partisë Demokratike të Kosovës, Kadri Veseli, të cilët dyshohet se kanë kryer krime lufte.

Aktakuza ndaj Thaçit dhe Veselit nuk është konfirmuar ende nga gjyqtari i procedurës paraprake.

“Pas bërjes publike të propozim aktakuzës, pa konfirmim nga gjykatësi i procedurës paraprake e që paraqet shkelje të rëndë të procedurës dhe pa asnjë dyshim shkelje të rëndë të të drejtave të njeriut, Kosova duhet të pezullojë bisedimet me Serbinë, deri në një kohë tjetër, përkundër insistimit të Francës dhe Gjermanisë”, thuhet në reagimin e KMLDNJ-së.

Gjithashtu, më 10 korrik, presidenti i Francës, Emmanuel Macron dhe kancelarja gjermane, Angela Merkel, do të mbajnë një samit virtual me përfaqësuesit e Kosovës dhe Serbisë. Në këtë samit, ku do të flitet për normalizimin e marrëdhënieve mes Prishtinës dhe Beogradit, do të marrë pjesë edhe Përfaqësuesi i lartë i BE-së, Josep Borrell.

Dialogu, me ndërmjetësimin e Bashkimit Evropian, ka nisur më 2011. Ky proces u ndërpre në fund të vitit 2018, për shkak të një takse të vendosur nga autoritetet kosovare ndaj mallrave të Serbisë. Kjo masë më pas u zëvendësua me reciprocitet.

Por Qeveria e Kosovës në muajin qershor vendosi që të heqë masat e reciprocitetit, me qëllim që t’i jepet shans rinisjes së dialogut. rel

Deputeti i LDK-së Haxhi Avdyli reagon ndaj kërcënimit të Gani Koci: Dikur të njëjtit shpallnin tradhëtarë figurat kyqe të LDK-së, pastaj i vritnin pabesisht!

voal.ch – Ish-zëvëndësministri nga radhët e Partisë Demokratike të Kosovës, Gani Koci ka kërcenuar para disa ditësh figura të skenës politike të Kosovësdisa persona.

Koci, në statusin e tij në facebook i ka quajtur ‘gropa septike serbe’ disa persona në mesin e tyre politikanë dhe gazetarë. Të shumta kanë qenë reagimet pas këtij kërcenimi, ku në mesin e personave të cilët reaguan është edhe deputeti i LDK-së si dhe kryetari i degës së LDK-së në Prizren, Haxhi Avdyli.

Në rrjetin social Facebook, Haxhiu ka shkruar se dikur i shpallnin tradhëtarë figurat kyçe të LDK-së e pastaj i vritnin pabesisht.

 

Për këtë kërcënim ai thotë se prokuroria po hesht.

“Dikur të njëjtit shpallnin tradhëtarë figurat kyçe të LDK-së, pastaj i vritnin pabesisht. Sot të njëjtit të kamufluar në forma e pozita të ndryshme, kërcënojnë haptas e prokuroria akoma po hesht”, ka shkruar ai.

Tutje, Avdyli theksoi se pas këtij kërcënimi nuk është çudi që të fillohen negociata me personin i cili ka kërcenuar si dhe të propozohet Koci për president konsensual.

Por, ai thotë se nuk beson që deputet e LDK-së do të konsiderohen dele.

 

“Pas këtij kërcënimi sështë çudi që të fillohet negociata me Gani Kocin për koalicion të madh, pse jo edhe të propozohet ky për president konsensual, vetëm e vetëm për “interes” madhor të vendit. Por s`besoj më që deputetët e LDK-së do konsiderohen dele që nuk duhet të ndahen nga kopeja për t`u dërguar nga bariu e drejt te kasapi”, ka shkruar në fund deputeti i LDK-së

Në fotografinë e publikuar nga Gani Koci me mbishkrim kërcenues shihen, kreu i LVV-së, Albin Kurti, Kryetarja e Kuvendit, Vjosa Osmani, ish- këshilltari i Kurtit, Shkëlzen Gashi, deputetja e LVV-së, Fatmire Kollçaku, Jusuf Buxhovi, ish-deputetja Drita Millaku, ish- Zëvendëskryeministri, Haki Abazi, aktivisti Rron Gjinovci, deputetja e LVV-së, Arbërie Nagavci, Drejtoresha e BIRN Kosova, Jeta Xharra, deputetja Fitore Pacolli dhe ish-deputeti, Ilir Deda.

Ky është postimi i plotë i Haxhi Avdylit:

“Dikur të njëjtit shpallnin tradhëtarë figurat kyqe të LDK-së, pastaj i vritnin pabesisht. Sot të njëjtit të kamufluar në forma e pozita të ndryshme, kërcënojnë haptas e prokuroria akoma po hesht. Pas këtij kërcënimi sështë çudi që të fillohet negociata me Gani Kocin për koalicion të madh, pse jo edhe të propozohet ky për president konsensual, vetëm e vetëm për “interes” madhor të vendit. Por sbesoj më që deputetët e LDK-së do konsiderohen dele që nuk duhet të ndahen nga kopeja për tu dërguar nga bariu e drejt te kasapi.”

Përkeqësim i situatës me COVID-19 në Kosovë – arrin në 75 numri i viktimave

Të dielën mbrëma, Instituti Kombëtar i Shëndetësisë Publike konfirmoi 152 raste të reja të të prekurve nga koronavirusi, ndërsa tha se numri i përgjithshëm i viktimave arriti në 75.

Një natë më parë numri i viktimave ishte 66 që i bie se nga e shtuna në të dielën kanë humbur jetën edhe nëntë persona, numri më i lartë në një ditë që nga shfaqja e pandemisë.

Paraditen e së dielës policia dhe prokuroria u panë në Klinikën Infektive ku trajtohen rastet me koronavirus. Autoritetet nuk kanë dhënë ndonjë hollësi për arsyet e hetimeve, ndërkaq në një njoftim për media ministria e Shëndetësisë bëri thirrje për përmbajtje në pritje të rezultateve të hetimeve nga organet përgjegjëse. Në njoftim thuhet se dyshimet që nxitën fillimin e hetimeve lidhen me “vdekjet brenda një afati shumë të shkurtër kohor”.

“Ajo çka mund të konfirmohet deri në këto momente është se të gjithë këta pacientë kanë qenë të konfirmuar përmes metodës standarde të aplikueshme të daignostikimit me Covid-19 dhe kanë qenë në gjendje kritike duke u trajtuar në Klinikën Infektive. Me qëllim që të zbardhet çdo dyshim rreth natyrës së vdekjes së tyre, bëjmë thirrje publikut dhe të gjithëve që të përmbahen nga konkludimet e parakohshme dhe t’u japin kohën e duhur institucioneve përgjegjëse për ta bërë analizën e shkaqeve të vdekjeve dhe të nxjerrin përfundimet meritore”, thuhet në njoftim.

Ministri i Shëndetësisë, Armed Zemaj, tha përmes një postimi në rrjetin Facebook se aktualisht vendi ka mundësi të përballet me virusin dhe se nuk ka vend për, siç tha ai, reagime histerike.

“Ata që po përpiqen ta shfrytëzojnë këtë gjendje duke krijuar mjegull, për të shkaktuar sabotime në punën tonë po gabohen dhe vetëm se rrezikojnë qëllimshëm shëndetin e qytetarëve. Nuk do të lejojmë të prodhohen ngërçe në këtë luftë ndaj së cilës do të triumfojmë së bashku. Duke qenë se këto çështje janë të ndjeshme dhe mund të interpretohen saktësisht vetëm nga profesionistet e fushës, ju bëj thirrje që të mos bëhet presion mbi personelin shëndetësor dhe t’i lënë ata ta kryejnë punën e tyre, ashtu si deri më tani”, shkroi ai.

Sipas Institutit Kombëtar të Shëndetësisë rastet më të reja të të prekurve janë nga: komuna e Prishtinës 57 raste, komuna e Prizrenit 16 raste, komuna e Fushë Kosovës 11 raste, komuna e Vushtrrisë 9 raste, komuna e Mitrovicës 8 raste, komuna e Gjilanit 7 raste, komuna e Drenasit 5 raste, komuna e Gjakovës 5 raste, komuna e Skenderajt 5 raste, komuna e Kaçanikut 3 raste, komuna e Lipjanit 3 raste, komuna e Obiliqit 3 raste, komuna e Pejës 3 raste, komuna e Rahovecit 3 raste, komuna e Kamenicës 2 raste, komuna e Malishevës 2 raste, komuna e Suharekës 2 raste, komuna e Vitisë 2 raste dhe me nga 1 rast komunat: Ferizaj, Graçanicë, Klinë, Mamushë, Shtime dhe Zubin Potok.

Numri i përgjithshëm i rasteve të konfirmuara arriti në 3 mijë e 508. Që nga 1 qershori deri më 5 korrik janë konfirmuar 2 mijë e 425 raste përkatësisht më shumë se dyfishi i rasteve të konfirmuara nga 13 marsi deri më 31 maj.

Deri më 31 maj ishin 30 viktima, ndërsa nga një qershori deri më 5 korrik janë 45 të tjerë.

Kjo fundjave shënoi përkeqësimin e situatës. Të shtunën autoritetet konfirmuan vdekjen e tetë personave nga pasojat e COVID-19-tës, dhe 178 raste të reja të të prekurve.

Qeveria vendosi të dielën masa shtesë siç është kufizimi i lëvizjes së qytetarëve në komunat më të prekura nga koronavirusi, Prishtinë, Prizren, Ferizaj e Vushtrri, nga ora 21 deri në orën pesë të mëngjesit.

Kryeministri Avdullah Hoti, pas një takimi me institucionet shëndetësore tha se nga e hëna mbyllen edhe restorantet e kafenetë nga ora 21 deri në orën pesë.

“Nga dita e nesërme do të përcjellim në baza ditore numrin e të infektuarve në secilin qytet dhe do të përditësojmë këtë listë, do të shtojmë komuna të tjera ose do të heqim ndonjërën varësisht prej zhvillimeve. Sa i përket institucioneve do të reduktojmë numrin e të punësuarve nëpër institucione vetëm në stafin e domosdoshëm dhe në institucionet shëndetësore do të reduktohen të gjitha shërbimet që janë esenciale”, tha ai.

Kryeministri Hoti tha se në vendimin e qeverisë përfshihet edhe riorganizimi i të gjitha klinikave publike e private në funksion të përballjes me situatën e re.

“Së shpejti do të blejmë edhe shtatë aparatura të testimit, një për Institutin në Prishtinë dhe gjashtë në qendra rajonale. Do të mobilizohemi me personel shtesë në infermieri, në Klinikën Infektive si dhe sidomos në mikrobiologji. Do të krijojmë kapacitete kështu për rreth 500 teste brenda ditës. Brenda javës do të licencojmë institucionet private për të kryer teste dhe do të fillojnë procedurat për të blerë 100 mijë teste”, tha ai.

Instituti Kombëtar i Shëndetësisë Publike tha se deri të dielën numri i përgjithshëm i të shëruarve është gjithsej 1 mijë e 902 raste, kurse raste aktive mbeten 1 mijë e 531. zëri i amerikës

“Njohje reciproke”, Hoti i prerë: Jemi në pritje të ftesës nga Amerika, kryeministri udhëheq dialogun me Serbinë

Vetëm njohja reciproke siguron normalizim të marrëdhënieve Kosovë-Serbi, tha kryeministri i Kosovës, Avdullah Hoti, në një intervistë ekskluzive për DW.

DW:  Kryeministër Hoti, morët detyrën në një kohë jo të lehtë, në kohën e pandemisë, me shtim të rasteve me Covid-19, me pasoja në ekonominë e vendit dhe në një klimë jostabile politike. Si po e menaxhoni këtë situatë, ka shumë kritika nga opozita?
Hoti: 
Realisht në kushte normale është sfiduese puna e qeverisë dhe ne po përballemi me dy probleme të rëndësishme, siç e përmendët  edhe ju, pandemia dhe probemet e rimëkëmbjes ekonomike. Besoj që jemi përgatitur në këtë drejtim. Tek pandemia, institucionet shëndetësore, ekspertët shëndetësorë kanë bërë një punë kolosale muajt e fundit. Përveç strukturave institucionale, kemi formuar edhe një grup  me ekspertë vendorë dhe ndërkombëtarë, po e pëcjellim edhe sitatën dhe po i përcjellim edhe pervojat e vendeve të tjera, kryesisht në ato vende që kanë përvoja dhe suksese në luftimin e pandemisë, kemi një plan të mirë që po e realizojmë duke krijuar struktura dhe kapacitete shtesë për t’u përballur në rast se vërtetë ndodh një valë e dytë që godet vendin. Tashmë e kemi përgatitur një  plan për vjeshtë, nëse përballemi më këtë situatë duke i ndjekur në mënyrë strikte edhe protokollet e Komisionit Evropian.

DW: Kosova pos  pandemisë ndodhet në një moment tjetër kritik politik, është një aktakuzë e prezantuar nga Prokuroria Speciale me seli në Hagë, kundër presidentit të Kosovës dhe disa të tjerëve në kohën kur ju ishit nisur për në SHBA-së së bashku me presidentin për një takim në Shtëpinë e Bardhë për të shënuar kështu rifillimin e dialogut me Serbinë. Ç’do të thotë për ju i gjithë ky zhvillim dramatik?
Hoti:
 Kjo ka krijuar një stituatë të re në një moment jo të përshtatshëm për vendin, sepse ne i aranzhuam takimet ne Uashington dhe pastaj do të lëviznim në takime tjera në Paris, Bruksel, Berlin dhe në qendra të tjera evropiane për të filluar fazën finale të procesit të dialogut, ndërsa tash këto zhvillime na kanë nxjerrë në një sutuatë krejt tjetër, por ajo që është e rëndësishme që ne e kemi prezantuar edhe para partnerëve ndërkombëtarë është që sigurisht dialogu nuk ka alternativë. Ne jemi të përgatitur për të hyrë në këtë proces, ju e keni parë qëndrimin e qeverisë sa i përket qasjes për të hyrë në këtë dialog, kemi një platformë që është e qartë e strukturuar, e konsultuar me fushën akademike, me shoqërinë civile, e prezantuar në Kuvendin e Kosovës, mekanizmat që kemi krijuar nga forumi i liderëve, këshilli i eskpertëve që tashmë është themeluar me vendim të qeverisë, dhe rezoluta e Kuvendit që pres të miratohet në seancat e ardhshme ku kërkohet raportim i rregullt i kryeministrit lidhur me procesin e dialogut. Pra, jemi të përgatitur në këtë drejtim. Kemi rishikuar të gjithë punën që është bërë në qeveritë paraprake, sa u përket temave të tjera të dialogut, por ajo që është qenësore është që ka një mirëkuptim të partnerëve që ky dialog zhvillohet për njohje reciproke dhe ky është qëndrimi i qeverisë së Kosovës.,

DW: Nga ajo që ju thoni, i bie që keni një vijë të kuqe që në këtë dialog, përpos njohjes reciproke Kosovë-Serbi nuk ka asnjë alternativë tjetër?
Hoti:
 Dialogu zhvillohet për njohje reciproke dhe asgjë tjetër, sigurisht zhvillohet edhe për normalizim të marrëdhënieve në të gjitha fushat, por duke filluar nga njohja reciproke, sepse vetëm njohja reciproke siguron normalizim të marrëdhënieve Kosovë-Serbi.

DW: A do të zhvillohet një takim tjetër në Uashington pas dështimit të takimit të planifikuar me 27 qershor dhe kur?
Hoti
: Po, po presim që të caktohet  një takim tjetër. Por nuk mund të them se kur mund të ndodhë. Jemi në pritje të ftesës.

DW: Kryeministër Hoti, shqyrtimi i aktakuzës së paraqitur kundër presidentit Thaçi, mund të marrë kohë deri në tetor siç është njoftuar nga Gjykata Speciale, ose të shtyhet në një kohë të parashikushme. Sikur ndërkohë Kosova të marrë nga Shtëpia e  Bardhë ftesë për një takim tjetër me Serbinë, a do të jetë edhe presidenti pjesë e delegacionit për në  SHBA?
Hoti:
 Nuk e di, por ajo që e di është që sa i përket procesit të dialogut ne jemi të përgatitur dhe në procesin e dialogut Kosova përfaqësohet nga kryeministri.

DW: Pra do ta udhëhiqni ju delegacionin e Kosovës në dialog, apo presidenti Thaçi?
Hoti: 
Në bazë të Kushtetutës dhe aktgjykimit të Gjykatës Kushtetuese të vitit të kaluar sa i përket procesit të dialogut, është qeveria që ka përgjegjësi kushtetuese të udhëheqë këtë proces.

DW: Kryeministër Hoti, nga zhvillimet e deritashme të procesit të dialogut dhe rrjedha e zhvillimit të tyre, nga pozita juaj e kryeministrit tash, sa besoni që nga procesi i dialogut mund të rezultojë një marrëveshje finale Kosovë-Serbi, brenda këtij viti?
Hoti
: E rëndësishme është që në këtë proces po hyjmë në fazën finale të dialogut për njohje reciproke, me rëndësi është që ne të jemi të unifikuar si shtet, si institucione, si shoqëri për këtë proces dhe të jemi të përgatitur. Unë mund t’ju them përshtypjet e mia nga komunikimet që kam pasur me partnerët ndërkombëtarë, që pritjet janë që të përmbyllim procesin së shpejti dhe kjo është çështje muajsh. Tash progresi sigurisht nuk varet vetëm nga ne, por varet edhe nga pala serbe.

DW: Muajt e fundit është parë një ndarje në qasje dhe një moskomunikim i mirëfilltë ndërmjet SHBA-së dhe Evropës sa i përket procesit të dialogut Kosovë-Serbi. Më intereson të di se cila është qasja e juaj në këtë mes?
Hoti:
 Unë nuk kam përshtypjen që ka ndarje të tillë. Siç e keni parë, takimi që ishte planifikuar të ndodhte në Uashington, ishte fokusuar në agjendën ekonomike, në bashkëpunimin ekonomik ndërmjet të dy vendeve, duke hyrë në projekte të mëdha infrastrukturore që kanë ndikim në ekonomitë jo vetëm të të dy vendeve, por të mbarë rajonit, duke e lidhur Kosovën me Evropën Qendrore dhe më tutje, dhe më pas pjesa politike në Samitin e Parisit, për të cilin po presim për ftesën formale dhe aranzhimet e nevojshme, dhe të shkojmë më tutje. Unë e shoh rolin e BE-së dhe SHBA-së komplementar në këtë proces.

DW: Megjithatë takimi i planifikuar i Uashingtonit dhe synimet e të ngrakuarit të BE-së për dialog Mirosllav Lajaqak, për një rinisje të dialogut Kosovë-Serbi, nuk ishin të kordinuara, këtë e pohoi në Prishtinë vet Lajqak dhe në këtë kontekst duket që ka një ndarje ndërmjet SHBA-së dhe Evropës sa i pëket qasjes për dialogun Kosovë-Serbi?
Hoti
: Nuk mund të them se ka ndarje sa u përket synimeve të procesit të dialogut  dhe rezultatit përfundimtar që duhet të ketë ky dialog. Mekanizmat që i ka në dorë SHBA-ja dhe BE-ja, për t’i shtyrë të dy palët drejt zgjidhjes finale, mendoj që janë komplementare.

DW: Gjermania mori presidencën e radhës së BE-së, keni ndonjë shenjë, apo garanci se gjatë kësaj periudhe gjashtë mujore, Kosova mund ta marrë liberalizimin e vizave?
Hoti:
 Unë isha në Bruksel javën që shkoi në takimet e nivelit të lartë me të gjithë udhëheqësit e Bashkimit Evropian dhe në të gjitha ato takime e kam shtruar dhe e kemi diskutuar së bashku nevojën që qytetarët e Kosovës sa më shpejt të lëvizin lirshëm sikurse qytetarët e vendeve tjera në Ballkan. Ka pasur një mirëkuptim që Kosova i ka plotësuar të gjitha kushtet e kërkuara sa i përket këtij procesi dhe ajo që kërkohet nga ne është që të mirëmbajmë këto kushte. Tash prej një korrikut presidencën e BE-së e ka marrë Gjermania, kemi pritje por me lejoni që të rezervohem nga çfarëdo vlerësimi për datën për liberalizim të vizave.

DW: Cilat do të jenë marrëdhëniet e qeverisë  tuaj me shtetin gjerman?
Hoti:
 Marrëdhëniet  kanë qenë gjithmonë të shkëlqyera dhe unë do të bëj gjithçka që është e mundur për t’i avancuar më tuje këto marrëdhënie./DW