Emergjenca e kryetarit të GPS ngjan me imitimin e video mesazhit të kryeministrit Rama kur ai me të njëjtën “skenografi” sqaronte “Pasqyra Albania”. Zë për zë me propagandën ditore parazgjedhore të partisë.

Fakt është se zona e plehrave të hedhura duket pak e vjetër pranë Spillesë. Është shqetësuese dhe është bërë nga njerëz të pandërgjegjshëm. Por zgjidhja mund të vijë edhe nga dronët e policisë të vendosur rishtazi për të gjobitur shkelësit e rregullave të qarkullimit të cilët mund të identifikojnë edhe shumë vatra të tjera veç asaj të Spillesë. Para disa ditësh ishte një zonë parkingu në një lagje të Durrësit, … ke më lart drejt Tiranës pa shkuar tek Inceneratori jo ekzistues i Sharrës, Shajakun me disa vatra mbetjesh që shtohen përditë pa folur për Fushë-Krjujën dhe kryeqytetin që janë në një tejngopje prej mos përpunimit, por që paratë thithen çdo ditë nga Buxheti.

Së fundi kur duhet t’i godasë oponentët politikë të Kavajës, përse nuk pranon Balla se kriza e mbetjeve urbane dhe përpunimi i plehrave u shpik nga Rilindja Socialiste. Kavaja, Peqini, Spilleja ishin fushat e djegies dhe tymit para pesë viteve që e bënë qeverinë të projektonte tre inceneratorë rajonal. As Fieri, as Elbasani dhe as Tirana tani më nuk punojnë ose nuk kanë gjurmë ndërtimi. Por para ama kanë thithur boll nga 110-120 milion euro dhe një kosto e plotë për rreth 180 milion euro që do të dalin nga pagesa koncesionare. Shkrepësen ndoshta para 5 vitesh ja vuri një ish deputet socialist si Sadri Abazi sa për të ndezur projektin e emergjencave mjedisore.

Sot sikur Spilleja të ishte e vetmja vatër ndoshta do t’ja falnim Ballës nxitimin. Ndaj këshilla mbetet:-“Taulant vëre rripin!”. I duhesh qarkut të Tiranës si drejtues i lartë rilindës. Mos e vini jetën tuaj dhe të shoferit në rrezik me shkelje të përsëritura dhe të pa zëna mend.