As Vuçiç dhe as Zelensky nuk ishin atëherë aktorë dhe protagonistë. Ndoshta jetonin në realitetet e tyre politike dhe “artistike”, kur populli i Kosovës po përpiqej të spastrohej etnikisht nga trojet e veta. Bashkësia Ndërkombëtare ishte më e ndërgjegjshme dhe për rrjedhojë Kosova me heronjtë e saj (bijtë dhe bijat në UÇK) fitoi luftën me mbështetjen e NATO-s dhe 9 vite më vonë shpalli pavarësinë.

AM: Megjithëse kam të freskët ende një intervistë së bashku tek ‘Kodra e Erës’ pranë Prishtinës duke marrë emocionin e mbylljes së dokumentarit që pas gati 23 viteve duhet ri parë për të nxjerrë atë vlerë historike që lufta të ndalet,… atë që njerëzit dhe popujt të ndihmojnë për të kapërcyer këtë tragjedi juve atëherë e paraqisnit këtë pasiguri. Ja po e lexoj tani:-“Si ta mbyll rrëfimin tim për ty Kosovë. E vranët… e kthjellët…drithëruese”…

Bujar Kokonozi:- Pra këtë peshë që na jep lufta dhe uroj që paqja të triumfojë dhe ata njerëz të dalin nga kjo gjendje, ky ferr dhe skëterrë që po përjetojnë çdo ditë.
Unë e shoh atë pasi nuk e shoh vetëm tek Putini, por edhe tek ndërgjegjësimi i popujve që duhet të jenë të vetëdijshëm dhe jo të jenë dele, e të shkojnë pas mostrave. Dhe këtë kur ta kuptojë dhe populli rus kur pjesa më e madhe ta kuptojë e jo ata që shiten për pesë lekë, e kur ky ndërgjegjësim të vijë qind-përqind dhe popujt të jenë të vetëdijshëm që të mos ndjekin një ekstremist, kriminel dhe më shumë se sa kaq. Ndërsa kjo që ndodh sot në planin njerëzor është shumë e turpshme ku dy popullsi shumë milionëshe vihen përballë kësaj katastrofe. Kjo është një propagandë e ndyrë që ka shpëlarë trurin (më fal që shprehem në mënyrë të tillë, por kështu e ndjej),… më vjen shumë keq dhe ne jemi brezi që po e kalojmë këtë dhe shqetësimi vjen me atë se si mund të futet kjo frymë mes vëllezërve, kjo është çnjerëzore dhe skandaloze. Ky njeri që quhet Putin duhet të marrë dënimin e duhur nga shoqëria dhe “bota moderne” (koncept që nuk e pranoj si botë moderne apo botë të mjeruar, botë të tretë apo të parë). Këtë botë e shembi pandemia dhe tregoi se jemi hiç ose nuk jemi të zotët… dhe kjo po ndodh tani edhe me fenomenin Putin që vë përballë vëllezërit. Një fenomen skandaloz dhe i dhimbshëm, çnjerëzor dhe mjerues njëkohësisht për psikologjinë njerëzore në botë.
AM: Ju faleminderit
Bujar Kokonozi:- Megjithëse ka kaluar kaq kohë do të bëj një përpjekje që ta mundësoj vizionimin e tij edhe në youtube që bota ta shikojë dhe të reflektojë. Unë mendoj se dokumentari e jep një mesazh të tillë, për ti thënë stop marrëzisë së luftës.
AM:– Ju faleminderit.
(Qëndresa dita e 18, Bisedë e datës 13 Mars 2022)