VOAL- Donatorët ndërkombëtarë kanë premtuar më shumë se 220 milionë euro për të ndihmuar Kievin në punën e çminimit, tha Ministrja e Ekonomisë e Ukrainës, Yuliia Svyrydenko. Fondet do të sigurohen nga qeveritë e Italisë, Shteteve të Bashkuara, Japonisë, Gjermanisë, Mbretërisë së Bashkuar, Norvegjisë, Suedisë, Lituanisë, Holandës, Danimarkës, Kanadasë, Austrisë, Zvicrës, Koresë së Jugut, BE-së dhe Fondacionit Howard Buffett.

Ukraina do të marrë gjithashtu dhjetë sisteme çminimi nga kompania kroate Dok-Ing dhe dhjetë të tjera nga kompania zvicerane Global Clearance Solutions. Ndihma shtesë do të përfshijë rreth 200 makina piroteknike, më shumë se 600 detektorë metali, 50 makineri prishjeje, komplete individuale të çminimit, kostume mbrojtëse, katërkopterë dhe sisteme robotike të asgjësimit të municioneve.

Ndërkohë të mërkurën mbrëma, disa shpërthime u raportuan në rajonin lindor të Ukrainës, Kharkiv, sipas mediave lokale. Alarmi kundërajror ka rënë në këto orë edhe në rajonin verilindor të Sumy. Autoritetet ukrainase pretendojnë se bombardimet (kryesisht në zonën e Kharkiv) dëmtuan disa impiante industriale. Në vendngjarje është kërkuar edhe ndërhyrja e zjarrfikësve pas shpërthimit të një zjarri të madh.rsi-eb