VOAL

VOAL

Please Wait ...
0%

Video- Përfundon fluturimi në hapësirë i Jeff Bezos, momenti kur miliarderi kthehet në Tokë

By | July 20, 2021
blank

Komentet

blank

USAGM: Hakimi i telefonave të gazetarëve është fyerje ndaj lirisë së mediave

RFE/RL

Agjencia e Shteteve të Bashkuara për Media Globale (USAGM), ka shprehur zemërimin e saj rreth raportimeve që më shumë se 180 gazetarë – duke përfshirë ata nga Zëri i Amerikës dhe Radio Evropa e Lirë – duket se kanë qenë shënjestra të një spiunimi me softuer të kategorisë ushtarake.

“Shënjestrimi i bisedave private të gazetarëve, në çfarëdo mënyrë, është gjë e pandërgjegjshme”, ka thënë ushtruesja e detyrës së drejtorit të USAGM-së, Kelu Chao.

“Ky abuzim duhet të përfundojë dhe siguria e gazetarëve duhet të garantohet”.

USAGM mbikëqyr Zërin e Amerikës, Radion Azia e Lirë, Radion Evropa e Lirë dhe transmetuesit e tjerë ndërkombëtarë të financuar nga SHBA-ja.

Një hulumtim i kryer nga disa media, i quajtur Projekti Pegasus, ka gjetur se një softuer i dizajnuar për t’iu ndihmuar qeverive në gjurmim të terroristëve, është përdorur për të hakuar telefonat e gazetarëve, aktivistëve për të drejta të njeriut dhe zyrtarëve qeveritarë.

Softueri i quajtur Pegasus, është zhvilluar nga kompania izraelite NSO Group.

E përditshmja amerikane Washington Post, ka raportuar se në mesin e gazetarëve të shënjestruar janë disa edhe nga Zëri i Amerikës.

Ndërsa një raport i përpiluar nga Projekti për Krim të Organizuar dhe Korrupsion, ka thënë se Qeveria e Azerbajxhanit ka përdorur këtë softuer për të spiunuar qindra gazetarë dhe aktivistë, duke përfshirë pesë gazetarë aktualë dhe ish-gazetarë të Radios Evropa e Lirë.

Hulumtimi është kryer nga organizata joqeveritare me bazë në Paris, Forbidden Stories, me mbështetje teknike të organizatës ndërkombëtare për të drejta të njeriut, Amnesty International.

“Ky hulumtim prezanton kalibrin e gazetarisë që promovon dhe ruan USAGM. Teknologjia e re duhet t’iu ndihmojë gazetarëve të bëjnë punën e tyre më mirë, mirëpo jo për spiunim dhe ngacmim të tyre”, ka thënë mes tjerash Chao.

blank

“The Times”: Njësitë speciale britanike së shpejti do të fillojnë operacionet kundër ndikimit të Rusisë dhe Kinës

Njësitë speciale, të cilat do të përfshijnë katër mijë njerëz, do të punojnë së bashku me Shërbimin e Jashtëm britanik të Inteligjencës (MI7).

Kështu shkruan e përditshmja britanike The Times, duke iu referuar brigadierit Mark Totten.

“Ne mund të kryejmë disa detyra, të tilla si për shembull, aktivitete kundër terrorizmit në det ose operacione të përbashkëta, të cilat janë të vështira dhe vijnë me rreziqe më të larta”, tha Totten.

Artikulli flet për fillimin e trajnimit të vendeve të Detit të Kinës Jugore për t’u mbrojtur më mirë nga armiqësia e Kinës.

Gjithashtu do të marrin pjesë në dobësimin e ndikimit dhe rolit të mercenarëve rusë, sidomos grupit Wagner në Afrikë.

Më parë ishte raportuar se forcat speciale të ushtrisë britanike do t’iu kundërvihen Rusisë dhe vendeve të tjera. Arsyeja për këtë është ulja e aktivitetit të ISIS si rezultat i zvogëlimit të operacioneve speciale. bw

blank

Video- Përfundon fluturimi në hapësirë i Jeff Bezos, momenti kur miliarderi kthehet në Tokë

 

Miliarderi Jeff Bezos ka përfunduar fluturimin 11 minutësh në hapësirë këtë të martë, me raketën New Shepard.

Bezos shoqërohej nga vëllai i tij, Mark, një pilote 82-vjeçare, Wally Funk, dhe një student 18-vjeçar, Oliver Daemen, ndërsa në video shihet momenti kur ata sapo kanë zbritur në tokë dhe po takohen me të afërmit e tyre.

Jeff Bezos bëhet një nga astronautët e parë të nisur në hapësirë nga Blue Origin në raketën e saj New Shepard.

blank

Jeff Bezos niset drejt Hapësirës

Pamje nga pajisja që është nisur të martën në Hapësirë.

Miliarderi Jeff Bezos është nisur të martën drejt Hapësirës, duke realizuar fluturimin e parë me ekip në anijen raketë të kompanisë së tij, Blue Origin.

Ai është nisur nën shoqërinë e vëllait të tij, Mark Bezos, 83-vjeçares, Wally Funk dhe një studenti 18-vjeçar.

Ata janë duke udhëtuar në pajisjen me dritaret më të mëdha që është nisur ndonjëherë në Hapësirë, duke ofruar kështu pamje mahnitëse të Tokës.

Anija raketë e krijuar nga kompania e Bezosit, Blue Origin, është dizajnuar për të krijuar treg për turizëm në Hapësirë.

Pajisja është nisur të martën nga një zonë private në Teksas.

Para nisjes, Bezos ka thënë për kanalin televiziv CBS News se është shumë entuziast.

“Njerëzit më pyesin nëse jam nervoz. Në fakt nuk jam. Jam kurioz. Dua të shoh se çfarë mund të mësojmë”, ka thënë ai.

Bezos, shef i Amazonit – kompanisë së shitjeve online – është një nga njerëzit më të pasur në botë.

Sipas revistës amerikane Forbes, pasuria e tij neto kap vlerën e 186.2 miliardë dollarëve.

blank

Fotot- Ky është “bosi” shqiptar i kokainës që u kap në Kolumbi, momenti kur nxirret nga “Charteri” i rrethuar nga agjentët e DEA-s

Zbardhen detaje të reja nga arrestimi në Kolumbi i “bosit” shqiptar të kokainës, Agim Çerma, i njohur me pseudonimin “Jimmy”.

Mediet kolumbiane kanë publikuar pamjet e aksionit të DEA-s amerikane dhe të autoriteteve lokale për arrestimin e shqiptarit Agim Çerma dhe të 4 bashkëpunëtorëve të tij, të cilët trafikonin kokainë me “Charter” nga Kolumbia drejt Europës.

blank

blank

blank

Agim Çerma, i njohur edhe me emrin “Jimmy”, është personi që shfaqet në avion charter i shoqëruar nga agjentët e DEA-s.

Grupi drejtohej pikërisht nga shqiptari i vënë në pranga. Agim Çerma ishte përgjegjës për marrjen dhe transferimin e parave nga Evropa për të blerë kokainë nga Kolumbia.

Pas marrjes së parave, Çerma kujdesej për dërgesën e kokainës drejt Evropës nga ishte bërë porosia. Lënda narkotike trafikohej përgjithësisht në rrugë ajrore përmes fluturimeve charter.

Për të garantuar këtë mënyrë transportimi, ky grup mbante lidhje me kartelin Clan del Golfo, që vepron në veriperëndim të Kolumbisë. Policia sekuestroi 300 kg kokainë dhe mbi 500 mijë Dollarë gjatë operacionit.

blank

Video- Kokainë me “charter”, arrestohet në Kolumbi “bosi” shqiptar i trafikut, momenti i bastisjes dhe kasaforta plot

Policia kolumbiane ka shkatërruar një organizatë kriminale të trafikut ndërkombëtar të drogës, ku mes të arrestuarve është edhe një shqiptar. Mediet e huaja raportojnë se ka rënë në pranga “bosi” shqiptar i kokainës, Agim Çerma, i njohur me pseudonimin “Jimmy”, së bashku me katër bashkëpunëtorët e tij.

Gjatë aksionit për arrestimin e tij, policia ka zbuluar dhe sekuestruar një sasi prej 333 kg kokainë dhe 2 miliardë pesos, që kapin vlerën e rreth 450 mijë eurove.

Gjithashtu, mediet kolumbiane kanë publikuar pamjet si lëvizte shqiptari në Kolumbi duke u kamufluar se po shiste produkte kozmetike. Grupi kriminal u godit nga DEA. I njohur si “Jimmy”, trafikanti nga Lushnja, u vendos në pranga brenda shtëpisë së tij në qytetin Palmira.

Sipas autoriteteve kolumbiane, trafikanti shqiptar ishte në krye të veprimtarisë kriminale dhe bashkëpunonte me grupet më të rrezikshme të Kolumbisë.
Çerma merrte paratë nga Europa për blerjen e kokainës dhe më pas garantonte dërgimin e drogës me avionë charter në SHBA, por edhe Europë, në Bullgari ,nga fluturimet përmes aeroporteve ndërkombëtare.

Për trafikun e kokainës ata përdornin edhe portet detare kolumbiane, ku droga fshihej në kontenierët e mallrave.

Mediat kolumbiane shkruajnë se shqiptari bashkëpunonte me “Clan del Golfo” (kartel kolumbian i drogës) në rajonin e Urabá dhe me “FARC” (Forcat e Armatosura Revolucionare të Kolumbisë) në pjesën jugperëndimore të vendit për të blerë kokainë dhe për ta transportuar, ndërsa kishin korruptuar kontrollorët ajrorë të trafikut për të lëvizur të qetë. bw

blank

Jeff Bezos dhe tre shoqërues udhëtojnë në hapësirë

Miliarderi amerikan, Jeff Bezos, do të udhëtojë sot në hapësirë me anijen raketë të ndërtuar nga kompania e tij, Blue Origin.

Ai do të shoqërohet nga vëllai i tij, Mark, një pilote 82-vjeçare, Wally Funk, dhe një student 18-vjeçar, Oliver Daemen.

Fluturimi i tyre do të zgjasë 11 minuta.

“Ta shohësh Tokën nga hapësira, është një gjë që ju ndryshon. Ju ndryshon marrëdhënien tuaj me këtë planet, me njerëzimin”, tha Bezos për kanalin televiziv CBS.

“Është një gjë që kam dashur ta bëj gjithë jetën time”, shtoi ai.
Bezos ka themeluar kompaninë e tij hapësinore Blue Origin në vitin 2000, për të zhvilluar turizmin e fluturimit hapësinor.

Blue Origin pritet të nisë shitjen e biletave shpejt pas fluturimit të Bezos, por kompania nuk e ka zbuluar ende koston e një udhëtimi.
Bezos, shef i Amazonit – kompanisë së shitjeve online – është një nga njerëzit më të pasur në botë.

Sipas revistës amerikane Forbes, pasuria e tij neto kap vlerën e 186.2 miliardë dollarëve. rel

blank

Irak, qyteti antik Ur që besohet të jetë vendlindja e profetit Ibrahim do të restaurohet

Bagdad

Qyteti antik Ur në Irak që besohet të jetë vendlindja e profetit Ibrahim do të restaurohet nga misionet e huaja, transmeton Anadolu Agency (AA).

Drejtori i Administratës së Antikiteteve në Ministrinë irakiane të Kulturës, Leys Majid për agjencinë zyrtare irakiane të lajmeve INA tha se punimet e restaurimit të monumenteve historike në Irak vazhdojnë. Ai theksoi se punimet fituan një dimension të ri pas vizitës në mars të kreut të Kishës Katolike, Papa Françeskut.

Në këtë kontekst, Majid theksoi se misionet e huaja do të mirëmbajnë dhe restaurojnë qytetin antik Ur. Ai nuk dha informacione në lidhje me misionet e përmendura.

Majid shtoi se ka plane që qyteti Ur dhe rajoni i kënetave të jenë të përshtatshme për vizita turistike dhe për restaurimin e monumenteve historike.

I vendosur në provincën Zikar (Nasiriyah) të Irakut, kryeqyteti 4.500-vjeçar i sumerëve, qyteti Ur besohet se është vendlindja e profetit Ibrahim dhe konsiderohet si një nga djepet e civilizimit.

Udhëheqësi shpirtëror i katolikëve dhe kreu i Vatikanit, Papa i cili qëndroi në Irak më 5-8 mars vizitoi gjithashtu qytetin Ur.

blank

Në prag të Kurban Bajramit ndërrohet mbulesa e Qabesë

Rijad

Pasi haxhilerët filluan adhurimin në tokat e shenjta në prag të Kurban Bajramit u ndërrua edhe mbulesa e Qabesë e njohur si “Kiswah”, transmeton Anadolu Agency (AA).

Sipas agjencisë zyrtare saudite të lajmeve (SPA), mbulesa e re u vendos në Qabe nga ekipet e Drejtorisë së Përgjithshme të Çështjeve të Qabesë dhe Xhamisë së Pejgamberit.

Më tej thuhet se mbulesa e Qabesë, e cila ishte thurur me punën e 200 punëtorëve në Mekë dhe ishte bërë prej mëndafshit të pastër, u prodhua në kompleksin Kiswah Sharif të Mbretit Abdulaziz.

blank

Dita e Lirisë apo Ankthit më 19 korrik në Angli?

RFE/RL

Teksa afrohet e ashtuquajtura “Ditë e Lirisë” në Angli, gëzimi për t’iu dhënë fund kufizimeve për koronavirus është përzier me shqetësime për rritje të numrit të të infektuarve.

Kryeministri britanik, Boris Johnson, ka vendosur të fuqizojë Hapin e Katërt të masave – duke iu dhënë fund kufizimeve – të hënën, më 19 korrik.

Kjo nënkupton se bizneset që kanë mbetur të mbyllura, duke përfshirë klubet e natës, do të mund të rihapen.

“Na duhet të gjejmë rrugë për të ecur përpara”, ka thënë Eugene Wild, bashkëthemelues i klubit The Clause në Londër, i cili ka qenë i mbyllur nga marsi i vitit 2020.

Ai parapëlqen testimin e njerëzve para se të hyjnë brenda, mirëpo shqetësohet për një tjetër mbyllje, nëse gjërat shkojnë keq.

“Nuk mendoj se do të mbijetojmë financiarisht, nëse edhe njëherë përballemi me mbyllje”, ka thënë ai, duke folur brenda një salle me kapacitet prej 1.200 personash, e cila do të ketë të drejtë të hapet në mesnatë, transmeton agjencia e lajmeve Reuters.

Në Holandë, klubet e natës janë hapur për dy javë, dhe janë mbyllur sërish, ndërsa Izraeli ka rikthyer disa kufizime, për shkak të rritjes së numrit të rasteve.

Johnson e ka pranuar se kur të shfuqizohen masat, një valë e re të të vdekurve dhe të infektuarve do të jetë e pashmangshme, mirëpo ka thënë se dëme ka edhe nga mbyllja e ekonomisë.

Shumë shkencëtarë kanë thënë se varianti më ngjitës i koronavirusit, Delta, është bërë më dominues në Britani.

Britania është e shtata në botë për nga numri i viktimave me koronavirus në botë.

Deri më tani, ky vend ka vaksinuar dy të tretën e popullsisë me dy doza të vaksinave kundër COVID-19, sëmundjes që shkakton koronavirusi.

Kjo shifër i ka dhënë besim kryeministrit britanik që të çojë përpara vendimin për heqje të masave.

Sipas tij, vera, kur shkollat janë të mbyllura dhe presioni në sistemin shëndetësor është më i vogël, është koha e duhur për t’u rihapur, ndonëse me kujdes.

Çfarë kufizime do të vazhdojnë të zbatohen?

Vetëm pak prej tyre. Njëra prej tyre përfshin nevojën për t’u vetizoluar nëse dikush infektohet me koronavirus, apo nëse ka qenë në kontakt të ngushtë me dikë që ka dalë pozitiv, ndonëse kjo e fundit nuk do të zbatohet nga 16 gushti për personat nën 18 vjeç, si dhe për ata që kanë marrë dozën e dytë të vaksinës kundër koronavirusit, të paktën dhjetë ditë para kontaktit. Kufizimet kufitare do të vazhdojnë të zbatohen, varësisht nga statusi i vendit prej nga shkojnë udhëtarët.

Po për maskën?

Vendimi për to do të jetë krejtësisht individual. Megjithatë, ministrat presin që njerëzit të mbulojnë fytyrën në ambientet e brendshme, siç është transporti publik dhe dyqanet. Disa operatorë trenash do të mund të bëjnë kërkesë për vendosje të saj, ndonëse nuk ka bazë ligjore për pronarët e dyqaneve, për të ndaluar hyrjen e personave pa maska. Rregulla për vendosje të maskës nuk do të ketë as për barnatoret, ku punëtorët bëjnë konsultime fytyrë për fytyrë me konsumatorët.

Çfarë rreth kthimit në punë?

Sërish, ndonëse të gjitha obligimet për punë nga shtëpia do të përfundojnë, qeveria do të ‘rekomandojë” kthim gradual nëpër zyre, derisa ata që mund të punojnë edhe këtë verë nga shtëpia, të vazhdojnë ta bëjnë një gjë të tillë. Në ditët e ardhshme, pritet të ketë udhëzime të reja për fazën e rihapjes së disa sektorëve të ekonomisë. Por sikur edhe me stafin e dyqaneve, punëtorët që janë më të ndjeshëm apo kanë imunitet më dobët, nuk do të kenë të drejtë të kërkojnë të punojnë nga shtëpia, edhe nëse ambienti i tyre i punës nuk ka kapacitet për distancim fizik, apo nëse kolegët nuk vendosin maska. Ata inkurajohen që të diskutojnë këto çështje me punëdhënësit e tyre.

Çka për organizimet masive, klubet e natës dhe të ngjashme?

Po, këtu ekziston ndryshimi i madh. Në organizimet e mëdha dhe ato me numër të madh të njerëzve në ambiente të brendshme, inkurajohet të kërkohen pasaportat për koronavirus. Kjo nënkupton që pjesëmarrësit duhet të vërtetojnë se kanë marrë dozën e dytë të vaksinës të paktën dhjetë ditë më parë, apo se kanë marrë së fundmi test negativ për koronavirus. Zyrtarët kanë dyshime nëse të gjithë organizatorët do të kërkojnë diçka të tillë, përfshirë klubet e natës, festivalet, ndeshjet e futbollit e tjera.

Çfarë mund t’i shtyjë bizneset që të respektojnë kërkesën për pasaporta?

Asgjë. Zyrtarët e kanë pranuar që nëse një klub nate vendos të mbledhë një numër njerëzish deri në limtin që ka, shtatë ditë në javë, pa ua kërkuar pasaportat, atëherë nga 19 korriku, mund ta bëjë një gjë të tillë. Pasaportat për COVID-19 vetëm do të rekomandohen.

Çfarë njoftime zyrtare mund të presin britanikët?

Disa. Nga dita e hënë, do të publikohen disa dokumente që tregojnë zyrtarisht për masat e reja, dhe çfarë do të zbatohet. Të hënën dhe të martën, do të publikohen udhëzimet për njerëzit që janë jashtëzakonisht të rrezikuar nga virusi, ndonëse këshillat do të kufizohen vetëm në aspektin që këta persona të këtë kujdes kur të dalin jashtë, të kenë kujdes që personat me të cilët dalin, janë të vaksinuar, si dhe të kontaktojnë mjekun personal për dyshime tjera.

Përgatiti: Krenare Cubolli
blank

Kryeministri britanik do të vetizolohet

Kryeministri britanik, Boris Johnson dhe ministri i tij i Financave, Rishi Sunak, do të vetizolohen për të paktën dhjetë ditë, pas njoftimit se ata kanë pasur kontakt me një person të infektuar me koronavirus.

Më herët, zyra e Johnsonit tha se ai dhe Sunak do të merrnin pjesë një pilot-programin e qeverisë, që do t’u lejonte atyre që të punonin nga zyrat e tyre, kur personat e tjerë të përfundonin orarin e punës. Megjithatë, Johnson e ndryshoi këtë vendim vetëm tri orë më vonë, për shkak të kritikave të shumta.

Zyra e Johnsonit tha më 18 korrik njoftoi se kryeministri dhe ministri i Financave kishin qenë në kontakt me një person të infektuar, por nuk zbuluan identitetin e këtij personi. Megjithatë, një ditë më herët, ministri i Shëndetësisë, Sajid Javid njoftoi se është infektuar me COVID-19.

The Sunday Times më herët ka raportuar se Johnsoni ka pasur një takim të gjatë me Javidin më 16 korrik.

Johnson do të izolohet në rezidencën e kryeministrisë në Chequers.

“Ai do të vazhdojë të mbajë takime nga larg”, tha një zëdhënës i Johnsonit, duke shtuar se ai nuk do të marrë pjesë në pilot-programin e qeverisë.

Edhe Sunak tha po ashtu se do të vetizolohet për të shmangur perceptimet se “rregullat nuk janë të njëjta për të gjithë”.

Qeveria britanike ka thënë se do të heqë pothuajse të gjitha masat kundër COVID-19 më 19 korrik, pavarësisht se infektimet kanë filluar të rriten së fundmi. rel

blank

Një hotel në qiell

VOAL – Qëndron madhështor në mjegull. Lobby ndodhet në katin e 101-të, dhomat nga e 86-ta në të 98-të. Sigurisht nuk është një hotel për të gjitha portofolet dhe për ata që vuajnë nga marramendja. Ai hapi dyert e tij në mes të qershorit dhe menjëherë tërhoqi vëmendjen. Nga ana tjetër, është e pamundur të mos jesh magjepsur nga pamja që të lë pa frymë dhe që mund të shijohet nga hapësirat e tij. Hoteli është i vendosur në majë të Kullës Shanghai e cila me 632 metra e saj është rrokaqielli më i gjatë në Kinë dhe i dyti në botë. Përpara kësaj ndërtese, vetëm Burj Khalifa (828 metra) në Dubai.

Standardet speciale të mbrojtjes nga zjarri u ndoqën për ndërtimin e hotelit. Të gjithë materialet e djegshme, përfshirë pëlhura dhe letër-muri, nuk mund të përdoren. rsi-eb


Send this to a friend