VOAL

VOAL

Please Wait ...
0%

VIDEO – Kokëdhima: Më 2015 Rama kërkonte të ndiqte penalisht Metën

By | May 8, 2018
blank

Komentet

blank

Nderimi i të persekutuarve në Mursi të Sarandës

Raimond Kola

Mursia, një zonë kufitare me Greqinë, gjatë viteve të regjimit komunist përjetoi persekutime të rënda të banorëve të saj. Dhjetëra persona nga ky fshat bënë mbi një mijë vite burg ndërsa pati pushkatime, humbje jetësh në burgje dhe interrnime të familjeve. Banorët i nderojnë çdo vit familjarët e tyre në një memorial në qendër të fshatit.

Banorët e Mursisë, një fshati të vogël buzë kufirit me Greqinë, mblidhen çdo vit para një memoriali në nderim të të persekutuarve nga regjimi komunist. Bilanci është tragjik për një fshat të vogël ku dhjetëra banorë vuajtën burgje dhe internime. Lefter Rubija thotë se 32 të burgosur nga ky fshat vuajtën mbi një mijë vite burg.

“27 familje të tjera u internuan, 40 banorë u arratisën dhe 9 persona humbën jetën në burgje dhe internime. Ka qenë një bilanc tragjik për fshatin tonë që e bën atë nga zonat më te persekutuara të Shqipërisë”.

Kryetari i Shoqatës së të Përndjekurve Politikë Antikoministë Nebil Çika tha se ky fshat është një nga simbolet e qëndresës antikomuniste në Shqipëri.

“Gratë dhe burrat e këtij fshati u përndoqën kur të tjerët ulën kokën ose më tepër bashkëpunuan me diktaturën komuniste. Qëndresa e tyre është ajo që nderojmë sot. Ata ishin antikomunistë, ata ishin demokratë, ata ishin për Shqipërinë e lirë dhe demokratike. Për këtë u persektuan”.

Shumë prej personave nuk u janë gjetur eshtrat, tha më tej zoti Çika, dhe është detyrë e autoriteteve të bëjnë hetime.

Andrea Gjika thotë se babain dhe xhaxhain e tij i pushkatoi regjimi komunist dhe pesë vëllezërit kaluan pesë interrnime në kampe të ndryshme të Shqipërisë.

“Na dërguan në Krujë, atje na e morën dhe e vranë babanë. Pasi e vranë nuk na treguan, na thanë se vdiq. Na kthyen më Mursi pasi u vra babai dhe më pas na dërguan në interrnime pesë herë : në Krujë,në Cërrik të Elbasanit,në Dukat të Vlorës, në Valias të Tiranës.”

Edhe Jorgulla Mici thotë se babai i tij u dënua me 25 vite burg dhe kur doli nuk arriti ti njihte fëmijët e tij. Jeta më pas ishte plot persekutime dhe vuajtje, thotë Jorgulla.

“Babai u dënua 25 vite burg dhe kur erdhi nga vuajtja e dënimit nuk na njohu ne fëmijëve. Djalë i ri, i varfri kur ra në burg, dhe doli prej andej pas shumë vitesh. I humbën rininë, i humbën dhëndërrinë, i humbën mirësinë dhe i humbën zotësinë se ishte i zgjuar dhe i ditur babai. Të gjithë këta që janë në memorial ishin më të diturit ,më të zgjuarit , dhe ata morën nëpër burgje”.

Ndërsa Antigoni Diamanti thotë se dëshmitë, sidomos të grave që vuajtën në internime, ishin të dhimbshme.

“E kisha fqinje. E kishte emrin Aleksandra Danga. Ajo u persekutua pasi djali që donte u arratis dhe nuk u kthye më. Nga i fejuari u interrnua në Savër të Lushnjës. Më ka thënë shumë gjëra të saj dhe nuk do ia harroj vuajtjet që më ka rrëfyer se ishim derë më derë me shtëpitë dhe flisnim shpesh pasi u kthye nga interrnimi”.

Banorët e Mursisë të prekur nga persekutimet, megjithëse shumë bashkëfshatarë të tyre dolën dëshmitarë gjatë regjimit, thonë se kanë kalur në mirëkuptim dhe paqe me familjet e tyre pas përmbysjes së regjimit. Por sipas tyre krimet e komunizmit duhet të mos harrohen dhe burrat dhe gratë që sakrifikuan meritojnë nderimin e përjetshëm.

blank

VIDEO- Reciprociteti për targat, Abrashi: Serbia të njohë Kosovën

Deputeti i Lëvizjes Vetëvendosje, Artan Abrashi, në një intervistë në Syri Tv, me moderatoren Armela Ferko, foli për reciprocitetin e targave, që Kosova ka vendosur në raport me Serbinë.

Abrashi thekson se ndërhyrja e Serbisë në punët e Kosovës është e papranueshme, duke shtuar se shteti serb duhet të njohë realitetin, Kosovën e pavarur

“Serbia nuk lejon që të ketë targa të Kosovës, kur automjetet kalojnë në shtetin serb. VV ka premtuar reciprocitet. Vendimi po implementohet në pikat kufitare. Ndërhyrja e shtetit serb është e papranueshme. Ne jemi absolutisht për reciprocitet. Shteti ynë respekton subjektivitetin. Serbia duhet që të njohë realitetin, ta njohë pavarësinë e Kosovës dhe Kosovën si shtet, sepse kështu ka paqe në rajon.

Vendosja e reciprocitetit është diskutuar në të gjitha takimet e Kurtit me qeverinë në Prishtinë. Ne do të bëjmë, ashtu siç bëjnë ata, gjithçka do jetë me reciprocitet. Ne BE e shohim si partner të rëndësishëm, por trysnia nuk duhet të jetë mbi Kosovën, por mbi palën që ka vendosur barriera. Serbia të njohë Kosovën. Nuk pranojmë marrëveshje, që cenon shtetësinë tonë. Në lidhje me Open Balkan, ne e kemi bërë të qartë se është kundër interesit të Kosovës”, deklaroi Abrashi.

blank

“Shekulli i Martirëve”, një ekspozitë kundër diktaturave

Pëllumb Sulo

Ekspozita “Shekulli i Martirëve”, që u hap sot në Muzeun e Dëshmisë dhe Kujtesës në Shkodër, sjell foto dhe dëshmë të 28 martirëve nga disa vende të botës, përfshirë edhe Shqipërinë, të cilët qëndruan fort përballë regjimeve fashiste, naziste dhe komuniste të shekullit të 20-të.

Përgjegjësi i muzeut, Pjerin Mirdita, i tha Zërit të Amerikës se, krijuar nga platforma e Kujtesës dhe Ndërgjegjes Europiane, ekspozita është mbështetur nga platformat “MEMO” dhe “Kujto” dhe hapet për herë të parë në Shqipëri.

“Ekspozita titullohet “Shekulli i Martirëve” dhe në të janë ekspozuar 28 profile të martirëve nga e gjithë bota, që kanë humbur jetën gjatë shekullit të 20-të si pasojë e tri diktaturave ideologjike, më të egrat që ka njohur bota gjatë shekullit të kaluar. Bëhet fjalë për komunizmin, nazizmin dhe fashizmin. Pjesë e kësaj ekspozite është edhe Shqipëria, e cila përfaqësohet me profilin e imzot Vinçens Prennushit”, tha ai.

Në çeljen e ekspozitës “Shekulli i Martirëve”, ishte i pranishëm edhe Presidenti i Platformës së Kujtesës dhe Ndërgjegjes Europiane, doktor Lukasz Kaminski, i cili tha se synimi i ekzpozitës është t’u jepë zë matirëve dhe viktimave të shoqërive totalitare.

“Ndër miliona viktimat e sistemeve diktatoriale të shekullit të 20-të, shumë prej tyre mbeten anonimë, tha zoti Kaminski. Megjithatë, kemi arritur të identifikojmë emrat dhe të dhënat e 27 martirëve të riteve të ndryshme, të cilët dhanë jetën për parimet që kishin dhe mënyrën si i janë qasur diktaturave. Ata na mësojnë mbi parimet universale si e vërteta, drejtësia, dinjiteti njerëzor dhe si t’i qëndrojmë besnik besimeve tona. Jam shumë i lumtur, tha ai, që kjo ekspozitë u hap për herë të parë në Shkodër, qytetin e martirëve. Dhe besoj shumë që zëri i martirëve do të dëgjohet në Shkodër, në Shqipëri dhe kudo në Europë”, tha zoti Kaminski.

Përfaqësuesi i platformës “MEMO”, Gjon Radovani, vlerësoi faktin që, mes 28 martirëve të shekullit të kaluar, në ekspozitë është përfshirë edhe një shqiptar, monsinjor Vinens Prennushi, i dënua me 20 vite burgim nga regjimi komunist i kohës dhe që u shua në burgun e Durrësit në mars të vitit 1949.

“Për ne është një nder që në listën e 28 martirëve, ekspozita e të cilëve do të shetisin nëpër Europë, të kemi edhe Vinçens Prennushin. Minsinior Vinçens Prennushi kryeson listën e 38 martirëve të lumnum për herë të parë dhe të vetme deri tani, në historinë e kishës katolike. Ata janë lumnu në vitin 2016. Është një rast unik, në 2000 vjet të kishës katolike dhe mendoj se për Shkodrën dhe Shqipërinë është një ngjarje shumë, shumë e rëndësishme”, tha zoti Radovani

Mes 28 martirëve nga e gjithë bota, të përzgjedhur për këtë ekspozitë, janë edhe një fermer austriak që refuzoi të luftonte për Hitlerin, një misionare skoceze në Aushvic, një aktiviste kineze si dhe dy françeskanë të rinj polakë. Pas Shkdorës, ekspoztita “Shekulli i Martirëve” do të udhëtojë edhe në qytete të tjera të Shqipërisë për të vazhduar më pas udhëtimin drejt Europës Lindore.

blank

(Video) Amerikanët tallen me Biden/ E veshin si taleban me sloganin ‘Making Taliban Great Again’

‘Make America Great Again’, ishte slogani i ish-presidentit amerikan, Donald Trump gjatë zgjedhjeve presidenciale të vitit 2016.

Kjo ka bërë që dikë ta frymëzojë sërish dhe të tallet ndaj presidentit aktual amerikan, Joe Biden.

Ky i fundit e ka gjetur veten në një billboard i veshur si një taleban dhe me një raketë në dorë teksa e shoqëronte mbishkrimi ‘Making the Taliban Great Again (Bëni talibanët përsëri të mëdhenj)’ në një autostradë ndërshtetërore në Nju Jork.

Sipas mediave, pritet që 15 tabela të tjera të tilla të vendosen në të gjithë vendin.

Ky fenomen shkaktoi gjithashtu shumë reagime nga përdoruesit e rrjeteve sociale./Syri.net/

 

Kjo video është marrë nga youtube dhe i takon kalalit  TRT World që është një kanal lajmesh i transmetuesit publik turk, i cili transmeton në gjuhën angleze 24 orë në ditë. Kanali operohet nga Korporata Radiotelevizive Turke (TRT) dhe është e vendosur në Stamboll. Ai siguron lajme në mbarë botën dhe çështje aktuale duke u fokusuar në Turqi, Evropë, Azinë Perëndimore dhe Jugore. [1] Përveç selisë së saj në Stamboll, TRT World ka qendra transmetimi dhe studio në Uashington DC, Londër dhe Singapor. Shtë anëtar i Shoqatës për Transmetimin Ndërkombëtar.

blank

Video- Berisha nis ‘Foltoren’ me demokratët, ja ‘besnikët’ e tij pjesëmarrës në takim

TIRANË

Ish kryeministri Berisha pritet të nisë pas pak turin e takimeve me demokratët, një takim i paralajmëruar prej tij pas vendimit të kryedemokratit Lulzim Basha për ta përjashtuar atë nga grupi parlamentar i PD.

Takimi është i konceptuar si një bashkëbisedim për një Parti Demokratike më të bashkuar, më të fortë dhe më të hapur.

“Foltorja do të jetë një bashkebisedim me demokratë dhe demokrate që nis në Tiranë dhe do udhëtoj në mbarë vendin.”- deklaron Berisha, duke e shoqëruar mesazhin me disa foto nga koha kur ishte në krye të PD.” njoftoi Berisha.

Në videon që gazetari Osman Stafa ka siguruar për ‘BalkanWeb’, shihen mbështetës të kryedemokratit të hyjnë në takim, ku gjithashtu janë edhe ish presidenti Bujar Nishani, i cili shprehu gjatë paradites praninë e tij në këtë takim. Të pranishëm gjithashtu do jenë deputetët demokratë Tritan Shehu, Flamur Noka, ish-deputeti Klevis Balliu si edhe ish sekretari i ceshtjeve ligjore ne PD, Çlirim Gjata. Kujtojmë se ish kryeministri Berisha nuk u pa të mbërrijë sot në sallën e seancave plenare të Kuvendit.

blank

(Video) Darka historike e 28 prillit 1990 me 2500 të ftuar e organzuar nga LQSHA në Sheraton Manhattan si “Një përshëndetje për lirinë dhe demokracinë në Kosovë”

Ju lutemi shihni darkën 3 -orëshe organizuar nga Liga Qytetare Shqiptaro-Amerikane me në krye ish Kongresmenin Joe DioGuardi.

Ky event u zhvillua më 28 prill 1990 në Hotel Sheraton Manhattan New York si “Një përshëndetje për lirinë dhe demokracinë në Kosovë”, në të cilën morën pjesë mbi 2,500 shqiptarë nga e gjithë Amerika.

Darka Mirëpritëse e elitës të Kosovës e ftuar që të dëshmonte në Washington DC ishte një nga ngjarjet më madhore të Komunitetit Shqiptaro-Amerikan nën drejtimin e Joe DioGuardit.

Ja se çfarë thotë vetë ish Kongresmeni Joe DioGuardi rreth kësaj darke në një intervistë dhënë Kozeta Turishtës më 15 qershor 2016. Joe DioGuardi tregon edhe për zhgënjimet nga komuniteti:

“Një prej zhgënjimeve më të mëdha gjatë punë sime 30 vjeçare, duke përfshirë këtu 4 vitet si Kongresist, mbi problemet me të cilat përballen shqiptarët është fakti se nuk ka bashkëpunim të mjaftueshëm ndërmjet shumë grupeve shqiptare të organizuara në Shtetet e Bashkuara dhe në botë. Këto organizata janë të drejtuara nga personalitete që duket se mendojnë se janë më të rëndësishëm se kauza kombëtare shqiptare, e njëjta kauzë për të cilën LQSHA-ja dhe Bordi i saj kanë punuar aq shumë që nga themelimi si lob për të gjithë shqiptarët, në vitin 1989.

Zhgënjimi më i madh ndodhi pasi ne kishim punuar aq shumë me Bordin fillestar të Drejtorëve të Ligës Qytetare Shqiptaro-Amerikane, për ta sjellë Dr. Ibrahim Rugovën dhe 12 udhëheqës të shoqërisë dhe akademikë, në Washington, në prill të 1990, të cilët mbrojtën demokracinë në Kosovë. Në atë kohë, në Kosovë, kishte vetëm një Lëvizje që thërriste për demokraci në Kosovë dhe nuk kishte parti politike nga Kosova që konkurronin për vëmendje apo fonde në Shtetet e Bashkuara. Të gjithë shqiptarët ishin të bashkuar prapa kësaj lëvizje dhe si rezultat, Liga Qytetare ishte në gjendje të mblidhte fonde të mëdha, të cilat ishin të nevojshme për të paguar hotelet, biletat e aeroplanëve, ushqimin dhe udhëtimet lokale të të gjithë delegacionit të 13 kosovarëve, të cilët ndoqën dëgjimin historik 5 orësh në Senatin amerikan, më 24 prill, si dhe darkën mikpritëse në Hotelin Sheraton të New York-ut në Manhattan, më 28 prill. Darka u ndoq nga një turmë entuziastike prej më se 2,700 shqiptaro-amerikanë të cilët ose kishin lindur në Ballkan, apo ishin pasardhës të shqiptarëve nga çdo pjesë e Ballkanit. (Kjo ndodhi vetëm pak kohë para se Kongresisti Tom Lantos dhe unë shkuam në Kosovë dhe Shqipëri në maj të 1990.)”

 

Intervista – JOSEPH DIOGUARDI: SHQIPËRIA DHE KOSOVA MUNDËN KOMUNIZMIN DHE SERBËT, TANI TË PUSHTUAR NGA KORRUPSIONI

blank

VIDEO- Gazetarët e Kosovës ia bëjnë sot publikisht pyetjet Ramës, pasi ai nuk lejoi t’i drejtoheshin Merkelit

Gazetarët e Kosovës i kanë zbuluar sot, pyetjet që nuk u lejuan dje qëllimisht nga Kryeministri Edi Rama, t’ia drejtonin kancelares gjermane Angela Merkel në Tiranë.

Drejtuesja e emisionit “Kafe Shqeto” në SYRI TV, Dori Daka, i ka kërkuar kreut të Asosacionit të Gazetarëve të Kosovës, Xhemajl Rexha t’i bëjë publike ato pyetje që Rama me arrogancë i refuzoi ta bënin në konferencën e përbashkët.

Dhe Rexha e zbuloi: “Pyetja do të bëhej natyrisht për “Open Balkan”, – tha ai. –  Të gjithë do të donin të kishin një përgjigje më të drejtpërdrejtë të zonjës Merkel nëse e përkrah. Kemi parë tituj dhe raportime të ndryshme që zonja Merkel thotë se Procesi i Berlinit nuk mund të zëvendësohet, që është kundër “Open Balkan”, por edhe tituj të tjerë që thonë se zonja Merkel është e hapur për “Open Ballkan” dhe e përkrah si iniciativë. E pyetja absolute ndaj Kryeministrit Rama në fakt është: “Pse vazhdon ta mbrojë kaq shumë “Open Ballkan”, si është e mundur?!” theksoi gazetari kosovar.

Gazetarja Dori Daka e trajtoi nga të gjitha këndvështrimet këtë incident në emisionin e sotëm të “Kafe Shqeto” e nxitur nga reagimet e kolegëve nga Kosova, që qenë të menjëhershme.

Me sy të ashpër foli, përveç kreut të Asosacionit të Gazetarëve të Kosovës, edhe zonja Flutura Kusari, juriste për media, që theksoi se takimi ishte “multilateral”.

Xhemalj Rexha tha: “Ne të gjithë e pamë atë që ndodhi. Janë disa protokolle që i kemi parasysh kur ka vizita të tilla të rëndësishme me liderë botërorë. Duhen ndjekur, por ajo që kemi parë është se konferenca ka zgjatur 40 minuta dhe është e qartë se në mënyrë të qëllimshme zoti Rama ka shmangur gazetarët nga Kosova të cilët kanë dashur të bëjnë pyetje.

Gazetarët nga Kosova kanë dashur të bëjnë pyetje për zonjën Merkel, të kishin një qëndrim më të drejtpërdrejt, më eksplicit për raportin midis Kosovës dhe Serbisë meqë është hera e e fundit që vjen këtu, ta dëgjonin nga ajo sa e rëndësishme është që Serbia ta njohë pavarësinë e Kosovës; atë që ajo e ka thënë në Beograd e që dihet se Serbia nuk mund të hyjë në BE pa njohur pavarësinë e Kosovës, por natyrisht kolegët tanë, ishin gjashtë të tillë, nuk prisnin që secili prej tyre të merrte fjalën. Jam i sigurt se ata do të koordinoheshin, që njeri prej tyre t’i përmblidhte të gjitha pyetjet duke respektuar kohën dhe protokollin.

Duke qenë një takim rajonal dhe Kosova absolutisht është çështje shumë e rëndësishme e këtij takimi edhe për shkak të qendrimit që mban ndaj “Open Balkan”, duhej nga Kryeministri Rama, protokolli i tij, që të lejohej njëri prej gazetarëve të Kosovës të merrte fjalën.”

Kurse zonja Kusari tha: “Nuk ishte hera e parë. Ndonëse është një incident i vogël, e shpërfaq qasjen që Edi Rama, Partia Socialiste e ka në raport me mediat që nga koha kur ata e kanë  marrë pushtetin.

Ajo çfarë pamë ne dje është ajo që i ndodh shqiptarëve në Shqipëri çdo ditë. Kemi një qeveri që ua pamundëson gazetarëve të bëjnë pyetje, një qeveri që nuk jep llogari dhe rrjedhimisht publiku mbetet i painformuar.

Takimi dje nuk ishte bilateral, ishte multilateral,  kishte kryeministra dhe nga shtete të tjera, ishte takim ku Kosova specifikisht u përmend në atë takim dhe Gjermania luan rol kyç në politikën e gjithë rajonit. Pra gazetarët me të drejtë kishin pyetje që ishin në interes të publikut të Kosovës lidhur me qasjen e zonjës Merkel karshi Kosovës por edhe qasjen e Ramës.

Protokollin e cakton Rama normalisht në bashkëpunim me stafin e Merkel. Kurrgjë nuk do t’i kushtonte Ramës sikur t’i ndante disa minuta jo vetëm për gazetarët e Kosovës, por ‘ti mblidhte pyetjet nga të gjithë aty dhe shkurtimisht t’i përgjigjej.

Pra, ishte çështje e mungesës së vullnetit dhe kjo e ka një arsye: Rama vazhdimisht insiston që të kontrollojë narrativën dhe ai e dinte se gazetarët e Kosovës do të ishin të lirë të bënin çfarëdo pyetjeje dhe kjo ishte diçka që ai qartësisht nuk është në favor dhe ndaj i censuroi ata.”

Daka: Cila ishte do të ishte pyetja që mendoni se do ta vinte në vështirësi zotin Rama, që do ta bënin dje dhe mund ta bëni sot?

Rexha: Nëse do të mund t’ia përcillni… Në Tiranë ishin 6 kolegë të mediave të ndryshme të Kosovës… Pyetja do të bëhej natyrisht për “Open Balkan”. Të gjithë do ta bënin por të gjithë do të donin të kishin një përgjigje më të drejtpërdrejtë të zonjës Merkel, nëse e përkrah. Kemi parë tituj dhe raportime të ndryshme që zonja Merkel thotë se Procesi i Berlinit nuk mund të zëvendësohet , që është kundër “Open Ballkan”, por edhe tituj të tjerë që thonë se zonja Merkel është e hapur për “Open Ballkan” dhe e përkrah si inciiativë.

E pyetja absolute ndaj Kryeministrit Rama në fakt është: Pse vazhdon ta mbrojë kaq shumë “Open Ballkan”, si është e mundur?!”/SYRI.NET

blank

(Video) Pritja me nderime ushtarake nga Presidenti i Gjermanisë, Frank-Walter Steinmeier që iu bë Presidentes të Kosovës Vjosa Osmani

Pritja me nderime ushtarake nga Presidenti i Gjermanisë, Frank-Walter Steinmeier që iu bë Presidentes të Kosovë.

 

blank

VIDEO – Gazetarët e Kosovës të ‘revoltuar’ me kryeministrin: Zoti Rama, jemi dhe ne këtu

Gazetarët e Kosovës nuk janë lejtuar të bëjnë pyetjet e tyre në konferencën Rama-Merkel në Tiranë.

Në fund të intervistët ata kanë shprehur revoltën e tyre duke iu drejtuar Ramës se janë dhe ata këtu.

Rama ndërkohë it ha se kjo ishte axhenda me pyetje të kufizuara dhe se Merkel nuk u kishte borxh kohën.

Gazetarët: Mediat e Kosovës…Zoti Rama, jemi dhe ne këtu.

Edi Rama: Shumë faleminderit, Kjo ishte axhenda. Me mua bashkë por kancelarja nuk iu ka asnjë borxh.

Axhenda e konferencës Rama-Merkel ishte planifikuar për dy deklarata individuale dhe më pas 4 gazetarë u lejuan në total të bënin pyetje.

blank

Video- “Turp t’iu vijë”! Basha me tone të ashpra në Kuvend, çfarë i tha Ballës e Nikollës para se të dilte nga salla

TIRANË

Kreu i Partisë Demokratike, Lulzim Basha, është treguar i ashpër me kreun e grupit parlamentar të PS, Taulant Balla, dhe kryetaren e Kuvendit, Lindita Nikolla.

Në nisje të seancës plenare, Basha i është kthyer ashpër Nikollës, duke i thënë se “E ke nisur seancën plenare duke shkelur rregulloren. Ke miratuar rendin e ditës dhe merr urdhra si ushtare nga dikush që s’duhet të ishte në këtë sallë. Je një manikinë që merr urdhra nga dikush që nuk duhet të ishte këtu. Me çfarë pushteti e miraton rendin e ditës. Kështu është kur vendos drejtuese një si ty. Turp të vijë”!

blank

20 vjet më pas, familjet kujtojnë të dashurit që humbën më 11 shtator

Më 11 shtator 2001, bota pa me tmerr se si dy avionë, njëri në orën 8:46 të mëngjesit dhe tjetri në orën 9:03 goditën Kullat Binjake në Nju Jork, në sulmet terroriste që shkaktuan vdekjen e mbi 2, 600 vetëve. Rreth 3 mijë vetë humbën jetën gjithsej, me gjithë sulmin në Pentagon dhe rënien e avionit të rrëmbyer në Pensilvani. 20 vjet më pas të afërmit e dy prej shqiptaro-amerikanëve që humbën jetën duke punuar tek Kullat, ndajnë me Zërin e Amerikës dhimbjet dhe kujtimet e asaj dite. Kolegia Keida Kostreci ishte në Nju Jork dhe bisedoi me ta.

60-vjeçari Rrok Camaj vdiq në kullën jugore, ku kishte shkuar si çdo ditë në punë në “majë të botës” siç thoshte ai. Në një ditë me diell pothuajse 20 vjet më pas, djali i tij Vincent Camaj dhe gruaja Katrina Camaj, kujtojnë njeriun e tyre të shtrenjtë, në memorialin e 11 shtatorit në Nju Jork, ku emri i tij është vetëm njëri prej atyre që nuk u kthyen tek familjet e tyre atë ditë. Vincenti thotë se nuk i besohet që kanë kaluar 20 vjet.

“Duket sikur ishte dje. Është shumë e kthjellët në mendjet tona. Jam i sigurt se cilido që ka humbur dikë më 11 shtator, e ka të freskët në kujtesë se ku ishte dhe çfarë po bënte atë ditë”, thotë ai për Zërin e Amerikës.

Në orën 9:15, Rroku i telefonoi Katrinës nga kati i 105-të i Kullës ku ishte bllokuar me 200 vetë të tjerë.

“Më thirri ai vetë nga kati i 105-të. I thashë ku je? Në 105. Jo nuk mundet”.

“Të lutem tha, mos u bëj shumë me mërzi, mos i mërzit fëmijët, se kur të shohin ty, nuk e kalojnë dot. Por çfarëdo që të bëhet tha, jemi në dorë të Zotit, edhe na u këput linja, na u këput telefoni.”

“Babai im u nis për në punë herët në mëngjes dhe nuk u kthye më kurrë. Ai u mor nga ne në mënyrë tragjike. Jetët tona ndryshuan përgjithmonë”, thotë Vincenti.

Edhe jeta e Vitore dhe Marash Dedvukajt ndryshoi përgjithmonë kur humbën djalin e tyre Simonin, 26 vjeç, i cili punonte si mbikqyrës mirëmbajtjeje. Ai ishte në kullën veriore.

“Pas kaq vitesh, e njëjtja dhimbje është. Nuk kalon kurrë ajo dhimbje. Veç na dhimbset për ditë e më shumë, për ditë e më shumë e kujtojmë”, thotë nëna e Simonit.

Ajo dhe Marashi përshkruajnë ankthin dhe dhimbjen e asaj dite.

“U nisëm me ardhë, për të hyrë në Manhattan dhe na kanë ndaluar, as patëm mundësi të hyjmë në gjysmën e Manhattanit dhe këtej, se e kishim edhe djalin tjetër këtu, se kanë punuar afër me njëri-tjetrin. Edhe thirr njërin e thirr tjetrin në telefon, por as nuk binin telefonat nuk i merrte kush se nuk kishte kush me i marrë se të gjithë përpiqeshin të iknin se mendonin mos ndizej gjithë Nju Jorku”, thotë Marashi, babai i Simonit.

Dhimbja e pashlyeshme merr forma të ndryshme ndër vite.

“Për dhjetë vjet nuk kam hyrë në odën e tij, sepse nuk mund t’i shihja rrobat e tij e odën e tij, se më dukej gazep i madh. Atëherë kur hyna, u çmallova mirë një herë. Edhe sot i kam rrobat e tij. Nuk kam mundur t’i hedh. Se kur mendoj për të, unë mendoj çdo ditë, por kur dua të çmallem, shkoj, i marr dhe i shoh të gjitha si i ka pasur”.

Trishtimi shtohet, sepse trupat nuk janë gjetur. Marashi thotë se kishte ardhur me ditë të tëra tek vendi i tragjedisë mos gjente diçka por më kot.

“Për çdo ditë e natë jam ulur këtu, vetëm duke parë mos po gjejmë diçka, po ku të gjenim, ai është djegur”, thotë Marashi.

“E dhimbshme boll… Shumë, shumë vështirë e kemi kaluar deri tani, tani e prapa nuk e di… As kaq nuk e kemi nxjerrë…”

“As nuk arritëm ta varrosnim siç duhej. Ai është këtu diku pas nesh. Hiri i tij është përhapur në këtë vend. E gjithë bota vajtoi me ne në 11 shtator dhe çdo vit më pas, por gjëja më e vështirë deri sot është që nuk kemi arritur t’i themi lamtumirë”, thotë Vincenti.

“E njëjta gjë. Sot kur vdes dikush I them ‘ti ke diku me I çu një tufë lule, veç shkojmë aty e nuk shohim asgjë veç një emër.”

Në memorialin dhe muzeun e 11 shtatorit, aty ku dikur ishin Kullat, njerëzit vijnë të reflektojnë apo të mësojnë. Një brez i tërë ka lindur dhe është rritur që nga ajo ditë, mes tyre edhe Camille Kelly 17 vjeç, nxënëse e shkollës së mesme në Nju Jork. Ajo e vizitoi muzeun për herë të parë para tre vjetësh dhe kur mësoi gjithë historinë e asaj dite i lindi dëshira të bëhej vullnetare dhe t’u tregonte të tjerëve historinë e ditës që ndryshoi botën.

“U përgjigjem pyetjeve të njerëzve ose shkoj unë tek ata, u them informacionin që di. Disa prej tyre ndajnë histori me mua. Kam mësuar shumë dhe ka gjithmonë më shumë për të mësuar, por është një institucion i mrekullueshëm”, thotë ajo për Zërin e Amerikës.

Familjet që humbën të dashurit e tyre më 11 shtator 2001, janë të lidhura përgjithmonë nga tragjedia e asaj dite. Familjet Camaj dhe Dedvukaj janë të lidhura edhe nga fakti se janë dy nga vetëm tre familjet shqiptare që humbën të dashurit e tyre. E treta ishte ajo e 66 vjeçarit Mon Gjonbalaj, i cili sipas gazetës New York Times kur goditën avionët kishte telefonuar shtëpinë dhe kishte thënë: “Jam bllokuar. Nuk besoj se do t’ju shoh dot më. Mbajeni familjen të bashkuar”.

Pas 20 vjetësh, ajo që u sjell lehtësim këtyre familjeve janë emri i mirë dhe gjurmët që lanë ata që ikën atë ditë.

“Ka qenë i dashur, ka qenë i mirë. Jo se është djali ynë, po në të gjithë familjen, tek të gjithë, ka lënë dashuri e lezet. Gjithkujt kishte qejf me i ndihmu diçka”, thotë Vitoria.

“Ai na la fizikisht, por jo mendërisht. Ai është me ne çdo ditë, në çdo hap”, thotë Katrina.

Vincenti thotë se trashëgimia më e madhe që ka lënë pas Roko, është familja, fëmijët, nipërit dhe mbesat që e duan po aq, në mos më shumë se sa kur u largua nga kjo botë.

“Babai im ishte shtylla e familjes. Ai na mbante të bashkuar. Kur e humbëm ishte si të humbnim një pjesë tonën, por ai do të jetojë përmes nesh, gjithmonë në zemrat tona dhe është gjithmonë me ne”.

Sulmet e 11 shtatorit para 20 vjetësh, e ndryshuan përgjithmonë Amerikën dhe gjithë botën. Që nga ajo kohë ka pasur luftra, zhvillime dramatike politike dhe sociale dhe së fundmi një pandemic që po sfidon gjithë njerëzimin. Por për ata që humbën të dashurit e tyre atë ditë, çdo 11 shtator është një kujtesë e tragjedisë së jetëve dhe ëndrrave të këputura në mes, por edhe një shans për të reflektuar për trashëgiminë që ata lanë pas.

blank

VIDEO- Berisha: Basha u kërcënua, do bëj gjithçka për të rivendosur sovranitetin e PD-së

Ish-kryeministri Sali Berisha deklaroi në Çim Peka LIVE se ai do të bëjë gjithçka për të rikthyer sovranitetin e PD-së.

“Kam komunikuar me zotin Basha dhe i kam thënë këto që po u them ju. E dija që ishte nën presion, por nuk mendoja se ai duke mos respektuar asnjë rregull, të shpallte këtë vendim personal,” tha Berisha.

I pyetur se çfarë do të bëjë tani e tutje, ai tha: “Berisha ka deklaruar se do bëj gjithçka për të rivendosur sovranitetin e PD-së”.

“Basha i bëri gjëmën PD-së. Mua më kanë kërcënuar edhe me fëmijë, por unë do të qëndroj në mbrojtje të sovranitetit të këtij vendi dhe të PD-së”.

“Unë nesër do të shkoj në parlament, jam në parlament. Me veprimin e tij, kryetari i PD, shkelmoi parimet themelore. PD-në e kanë themeluar studentët dhe intelektualët dhe punonjësit shqiptarë në kulmin e izolimit, në kulmin e rrethimit”.

“Sot Lulzim Basha, nën presionin e lobimit korruptiv nga Edi Rama dhe George Soros, shpalli vendimin më të paligjshëm në historinë e pluralizmit.

Berisha do bëjë gjithçka me çdo demokrat për të rivendosur sovranitetin e PD-së për të cilin sot Lulzim Basha do kishte dhënë 5 herë dorëheqjen para se ta shkelmonte,” tha Berisha.


blank
blank
blank
blank
blank
blank
blank
blank
blank
blank
blank
blank
Send this to a friend