VOAL

VOAL

Please Wait ...
0%

Tri ushqimet të cilat ulin kolesterolin deri në 40%

By | April 9, 2019
1 Comments
  • 툰코 1 day ago Reply

    … [Trackback]

    […] Find More on that Topic: voal.ch/tri-ushqimet-te-cilat-ulin-kolesterolin-deri-ne-40/ […]

Komentet

FDA: Vaksina me një dozë e J&J parandalon COVID-in; së shpejti vendimi përfundimtar

VOA

Vaksina e kompanisë Johnson & Johnson e cila merret me një dozë të vetme mbron nga COVID-19. Kjo thuhet në një analizë të enteve rregullatore amerikanë të bërë publike të mërkurën, e cila hedh bazat për një vendim përfundimtar për miratimin e një vaksine të re edhe më të lehtë për t’u përdorur, e cila do të ndihmojë në zbutjen e pandemisë.

Shkencëtarët e Administratës së Ushqimit dhe Barnave konfirmuan se në përgjithësi vaksina është rreth 66% efektive në parandalimin e rasteve të lehta si dhe ato të rënda të COVID-19-s. Agjencia tha gjithashtu tha se vaksina që merret me një dozë të vetme e kompanisë J & J, mund të ndihmojë në shpejtimin e procesit të vaksinimit dhe është e sigurt për t’u përdorur.

Tashmë vaksina ndodhet vetëm një hap nga miratimi, duke e shndërruar atë në vaksinën e tretë që pritet të miratohet për përdorim emergjent në SHBA. Të premten, këshilltarët e pavarur të agjencisë do të debatojnë nëse provat janë mjaftueshëm të forta për të rekomanduar dhënien e autorizimit që pritej prej kohësh. Më pas FDA-ja pritet të marrë një vendim përfundimtar brenda disa ditësh.

Ndërsa vendi ka shënuar më shumë se 500,000 vdekje të lidhura me virusin që nga fillimi i pandemisë, procesi i vaksinimit ka qenë më e ngadaltë nga sa shpresohej, penguar nga çështje logjistike sikurse vonesat e shkaktuara nga moti i keq. Deri më tani, rreth 65 milionë amerikanë kanë marrë të paktën një dozë të vaksinës së Pfizer-it ose Moderna-s, të cilat merren me dy doza dhe me distancë disa javëshe nga njëra-tjetra për të garantuar mbrojtje të plotë.

J&J testoi vaksinën e parë me dozë të vetme tek 44,000 njerëz në SHBA, Amerikën Latine dhe Afrikën e Jugut. Për shkak të varianteve të ndryshme të virusit, që po qarkullojnë në vende të ndryshme, studiuesit analizuan rezultatet gjeografikisht. J&J njoftoi më parë se vaksina funksionoi më mirë në SHBA duke garantuar një efektivitet prej 72% ndaj rasteve të lehta e të rënda të COVID-19-s, krahasuar me 66% në Amerikën Latine dhe 57% në Afrikën e Jugut.

Megjithatë në çdo vend vaksina dëshmoi se ishte shumë efektive kundër simptomave të rënda dhe rezultatet e hershme të studimit treguan se nuk kishte asnjë shtrime në spital ose vdekje duke filluar 28 ditë pas vaksinimit.

Studimi nga Izraeli: Vaksina e BioNTech pengon transmentimin e virusit

Ende nuk duket fundi i pandemisë. Por ka shpresa pas studimit nga Izraeli mbi transmentimin e virusit pas vaksinimit me vaksinën e BioNTech.

Studimet e fundit në Izrael për efektshmërinë e vaksinës BioNTech janë shpresëdhënëse. Në këto studime paraprake është provuar, se nga vaksina e BioNTech dhe partnerit amerikan, Pfizer mund të pengohet ecuria e rëndë e sëmundjes Covid-19 në afër 99% të rasteve, ka bërë të ditur Ministria izraelite e Shëndetësisë.

Por edhe një lajm tjetër i mirë vjen nga Izraeli: Në një studim vëzhgues ende të papublikuar të prodhuesit të vaksinës dhe ministrisë izraelite, me gjasa vaksina pengon deri në 90% transmentimin e virusit e me këtë edhe infektimin e një personi tjetër. Deri tani ishte e paqartë, nëse vaksina mbron vetëm të vaksinuarit apo edhe njerëzit përreth. Studimi në Izrael sipas raportimeve në media bazohet në të dhënat e 1,7 milionë të vaksinuarve dhe së shpejti do të publikohet me të ashtuquajturën procedurë “Preprint” në një revistë shkencore.

Eksperti gjerman i shëndetësisë dhe politikani socialdemokrat, Karl Lauterbach është shprehur për gazetën “Bild” pas publikimit të lajmit, se “këto vlerësime janë me rëndësi të madhe”. Vaksina vërtet me këtë mundëson një imunitet të tufës dhe mundëson kthimin në jetën normale. Në Izrael e kanë marrë vaksinën gati gjysma e 9,3 milionë izraelitëve. Ky vend është vendi i parë në botë që ka kryer më shumë vaksinime dhe është i përshtatshëm për vëzhgime shkencore në masë./DW

Qumështi i shqemes – Vlerat ushqyese për të gjithë organizmin

Qumështi i shqemes është qumësht që prodhohet duke përdorur arrat e shqemes dhe ujë.

Ky qumësht është i pasur me vitamina, minerale, yndyrna të shëndetshme dhe përbërës të tjerë të dobishëm.

Ai është gjerësisht i njohur për vegjetarianët dhe individët që janë intolerantë ndaj laktozës.

Qumështi i shqemes mund të përdoret gjithashtu për të zëvendësuar qumështin e lopës në receta të ndryshme gatimit, si dhe të përdororet për konsum të përditshëm dhe për të bërë pije të nxehta.

Në këtë artikull, AgroWeb.org ka evidentuar të gjitha përfitimet shëndetësore të qumështit të shqemes.

Është I Pasur Me Nutrientë

Lëndët ushqyese që ai përmban janë proteinat, yndyrnat e shëndetëshme, vitaminat dhe mineralet.

Yndyrnat e shëndetëshme që përmban ky qumësht, ndihmojnë në mirëqenien e zemrës.

Ndërsa magnezi ka një rol thelbësor në qarkullimin e gjakut, mirëqenien e zemrës dhe sistemit nervor.

Redukton Peshën Trupore

Njerëzit që duan të bien nga pasha mund të përfitojnë shumë nga ky qumësht nëse e bëjnë pjesë të regjimit ushqimor.

Duke qënë i pasur me fibra, ky qumësht mund të bëjë të ndiheni të ngopur për më gjatë, kështu mund të zvogëloni dëshirën për të ngrënë gjatë ditës.

Përmirëson Shëndetin E Syve

Meqenëse shqemet përmbajnë agjentë parandalues ​​të kancerit, konsumi i rregullt i qumështit të shqemes, mund të ndihmojë në parandalimin e dëmtimit e qelizave, të shkaktuara nga radikalet e lira në sy.

Ekzaminime të ndryshme kanë demonstruar se konsumi i ushqimeve të pasura me zeaksantinë dhe luteinë mund të ndihmojë në zvogëlimin e mundësisë së degjenerimit makular (AMD), i cili mund të shkaktojë humbjen e shikimit.

Nivelet e larta të këtye agjentëve, mund të ulin rrezikun e kataraktit tek njerëzit e moshuar.

Ka Efekt Antikancerogjen

Studime të ndryshme ku AgroWeb.org mbështetet, kanë treguar se konsumimi i vazhdueshëm i produkteve të shqemes, mund të ndihmojë në parandalimin e zhvillimit të disa qelizave kancerogjene.

Forcon Sistemin Imunitar

Qumështi i shqemes është i pasur me zink dhe antioksidantë të cilët ndihmojnë në forcimin e imunitetit.

Meqenëse është i pasur me agjentë parandalues ​​të kancerit, studimet kanë treguar se mund të ndihmojë në uljen e inflamacionit në trup duke përmirësuar imunitetin.

Zvogëlon Rrezikun E Sëmundjeve Dhe Goditjeve Në Zemër

Qumështi i shqemes përmban acide yndyrore të ngopura dhe të pangopura, të cilat ndihmojnë në rritjen mirëqënies së zemrës.

Gjithashtu qumështi i shqemes përmban magnez dhe kalium, elementë që kanë një rol të rëndësishëm në parandalimin e sëmundjeve koronare dhe uljen e rrezikut nga goditjet në zemër.

Forcon Kockat

Për shkak të pranisë së lartë të magnezit, kaliumit,kalciumit dhe vitaminës K, ky qumësht ndihmon në forcimin dhe mirëmbajtjen e kockave.

Duke pasur kocka sa më të shëndetëshme do të keni më pak rrezik të pësoni fraktura në to.

Vaksina e AstraZenecas do të testohet te fëmijët

Një studim i ri do të kryhet për të parë se si vaksina kundër koronavirusit e Universitetit të Oxford-it dhe kompanisë AstraZeneca funksionon te fëmijët.

Rreth 300 vullnetarë do të marrin pjesë në studim, që pritet të nisë në fund të muajit shkurt, transmeton BBC.

Vaksina e AstraZenecas po përdoret në Britani dhe vendet e Bashkimit Evropian, së bashku me vaksinat e Pfizer/BioNTech. Edhe Organizata Botërore e Shëndetësisë ka rekomanduar që vaksina e AstraZenecas të përdoret. Kjo vaksinë thuhet se ka efikasitet 63.9 për qind ndaj sëmundjes COVID-19.

Në studimin që do të kryhet, 240 fëmijë do ta marrin vaksinën e AstraZenecës, ndërkaq disa të tjerë do të marrin atë për kontrollin e meningjitit.

Në studimet paraprake të kryera nga Oxford-i dhe AstraZeneca, fëmijët nuk kanë qenë të përfshirë.

Andrew Pollard, profesor i infeksionit dhe imunitetit pediatrik, njëherësh kryeinspektor i provave klinike të vaksinës së Oxford-it ka theksuar se shumica e fëmijëve nuk preken nga COVID-19 dhe ka pak gjasa, që ata që preken, të kenë sëmundje të rëndë.

Por, ai tha se është e rëndësishme që të kuptohet siguria dhe përgjigja imunitare nga vaksina te fëmijët dhe adoleshentët, pasi sipas tij, fëmijët po ashtu mund të përfitojnë nga vaksinimi kundër koronavirusit.

Vaksina e AstraZencas aktualisht është miratuar që të përdoret te personat mbi 18 vjeç.

Doza të kësaj vaksine pritet të marrë edhe Kosova, nga programi COVAX i OBSH-së, që ka për qëllim shpërndarjen e vaksinave te vendet e varfra.

Nga COVAX-i, Kosova pritet të marrë 100,800 doza të vaksinës së AstraZenecas. Dozat e para, sipas zyrës së OBSH-së në Prishtinë, pritet të arrijnë në gjysmë e shkurtit apo në javën e tretë të shkurtit. rel

Mutacionet e reja të COVID-19 dhe rrezikshmëria e tyre

ISHP raporton se numri i të infektuarve ka shkuar në 6 dhe se virusi me shumë siguri është sjellë nga Italia, pasi dy prej personave të prekur kanë pasur histori udhëtimi me këtë vend.

Në Evropë, por edhe në vendin tonë në muajt e fundit janë identifikuar disa variante të reja të COVID-19. Por cilat janë këto variante që po zgjerohen kudo dhe po tregojnë një intensitet të ri të sëmundjes?

Një nga variantet e para që është përhapur më shpejt dhe gjerësisht është ai i Mbretërisë së Bashkuar një variant që është quajtur B.1.1.7. Ky variant është zbuluar në vjeshtën e vitit 2020. Të dhënat e deritanishme tregojnë se ky mutacion transmetohet më lehtë dhe më shpejtë se variantet e tjera. Sipas studimeve të deritanishme ky variant është 70% më infektues. Ekspertët kanë raportuar në janar të vitit 2021 se ky variant ka rrezik më të lartë të vdekshmërisë, megjithatë nevojiten studime të mëtejshme.

Për mutacionin britanik ka dhënë një informacion të detajuar edhe shkencëtarja Detina Zalli, e cila shprehet në një lidhje të drejtëpërdrejtë me Euronews Albania, se varianti i ri britanik po prek gjerësisht moshat e reja.

Pas variantit britanik, kemi dhe atë të shfaqur në Afrikën e Jugut (B.1.351) po në muajt e fundit.

Ky variant është shfaqur në mënyrë të pavarur nga mutacioni britanik, në fillim të muajit tetor 2020. Të dhënat tregojnë se ky mutacion ndan disa karakteristika me variantin britanik. Sipas informacioneve që kemi deri tani ky mutacion është 50% më i transmetueshëm

Ndërkohë, është shfaqur edhe një variant tjetër që po zgjerohet në botë, varianti i Brazilit (P.1). Ky mutacion është shfaqur tek udhëtarët të cilët vinin nga Brazili në fillim të janarit. Karakteristika e këtij varianti është se përmban një sërë mutacionesh shtesë që mund të ndikojnë në aftësinë e tij për t’u njohur nga antitrupat përgjatë infektimit.

E përbashkëta e këtyre varianteve të reja është se janë përhapur në më shumë se 20 vende të botës.

Nadhim Zahawi, ministër i Zhvillimit të vaksinës anticovid ka theksuar se momentalisht ka rreth 4.000 variante të virusit që shkaktojnë COVID-19 në të gjithë botën.

Simptomat që shfaqin këto mutacione janë të ngjashme me variantin e parë të koronavirusit, ku përfshihen temperaturë e lartë, kollitje e vazhdueshme, humbje e nuhatjes, si dhe skuqje në gjuhë.

Ka edhe variante të tjera por ato që u përmendën më lartë duket se kanë shfaqur një rrezikshmëri më të lartë.

Një anë tjetër e errët është se pandemia e COVID-19 ka shkaktuar edhe probleme në shëndetin mendor. Tashmë që janë shfaqur edhe variante më të rrezikshme pritet që gjendja mendore e individëve të përkeqësohet.

“Në këtë fazë po shohim se sa herë ka një valë të re virusi, sa herë vendosen kufizime të reja, shtohen nevojat e popullatës për kujdesin mendor. Kur ulen ritmet e infeksioneve të reja nuk ka zbutje të ndikimit mbi shëndetin mendor, problemi vetëm akumulohet”- thotë Andy Bell, Zëvendës Drejtori Ekzekutiv në Qendrën për Shëndetin Mendor në Mbretërinë e Bashkuar

Në këtë mënyrë, pavarësisht se çfarë varianti i coronavirusit është në qarkullim, varianti fillestar apo mutacionet e tij, pavarësisht ashpërsimit apo lehtësimit të masave, gjendja mendore nga pandemia do të vazhdojë të jetë në nivele të larta.

Rreth 10 milionë vetë në Britani kanë nevojë për ndihmë me shëndetin mendor, krahasuar me një popullatë prej 60 milionë personash që ka Britania. Ekspertët pohojnë se kjo është një përqindje mjaft e lartë./Burimi:Euro News

Si të përballoni punën nga shtëpia – Këshillat e duhura

Disa muaj më parë, 2020 u parashikua se do të ishte “viti i të punuarit nga shtëpia”. Por edhe ata që ishin më optimistë në këtë drejtim, nuk e mendonin kurrë se një gjë e tillë do të realizohej që në tremuajorin e parë të këtij viti.

Ky ndryshim kaq i rëndësishëm, i të kaluarit nga të punuarit nga zyra në shtëpi, është një proces shumë i ndërlikuar dhe njeriu ka nevojë të barazpeshojë kujdesin për veten, por edhe për punën.

Si Të Përballoni Punën Nga Shtëpia

Puna nga shtëpia ka shumë avantazhe por edhe disavantazhe.

Padyshim që mund tu shmangesh zhurmave, aromave dhe përtypjeve të ushqimit që të pengojnë përqendrimin por puna në shtëpi nënkupton më shumë izolim, shpërqendrim dhe nëse vazhdon gjatë humbje e sensit të vetes.

Ekspertët japin këshillat e mëposhtme për njerëzit që do të punojnë nga shtëpia në këtë periudhë epidemie.
Mos Nis Punën Direkt Sapo Të Zgjohesh

Të hapësh laptopin apo telefonin sapo të zgjohesh nuk është gjëja e duhur që duhet të bësh për veten.

Zgjohu siç duhet,laj fytyrën, dhëmbët, ndërro rrobat e gjumit dhe jepi kohë vetes që të përgatitet për ritmin e duhur.

Hani mëngjes dhe më pas uluni për të punuar.

Nuk duhet të shtriheni në shtrat për të punuar, përndryshe do ju zërë pasditja aty,

Mos e ndizni televizorin sepse ai do tju shpërqendrojë.

Ndërkohë që punoni, ju mund të tregoni kujdes për lëkurën duke mbajtur maska të ndryshme ushqyese.

Mos neglizhoni ndërveprimin social.

Flisni me të tjerët nëpërmjet telefonit apo rrjeteve sociale në mënyrë që mos të ndieni pasojat e izolimit për shpirtin.

Mos u stresoni nëse ju duket e vështirë. Të punosh nga shtëpia nuk është aq e lehtë sa të jesh në zyrë.

Përballuni me faktin që në shtëpi keni më pak produktivitet, por në këtë situatë është e kuptueshme.

E fundit por jo për nga rëndësia është që të vendosni një orar pune dhe të mbyllni kompjuterin kur të keni mbaruar.

Duke qenë se duhet të tregojmë kujdes me ambientet e jashtme, në shtëpi ka shumë gjëra për të bërë që të jeni aktivë.

Mund të nisni duke kryer punët e shtëpisë, duke gatuar e duke kërcyer në mënyrë që të jeni në lëvizje dhe mos të bini pre e plogështisë./AgroWeb.org

Shenjat që jep ekzema për problemet me zemrën – Cilat janë kurat natyrale

Ekzema është një inflamacion kronik i lëkurës që e lë atë të tharë përtej normales dhe shkakton kruarje. Foto: Flickr

Studimet mjekësore thonë se një në dhjetë njerëz në botë vuajnë nga ekzema.

Edhe në Shqipëri rastet e personave që vuajnë nga ekzema janë të shumta.

Bëhet fjalë për një inflamacion kronik të lëkurës që e lë atë të tharë përtej normales dhe shkakton kruarje.

Njerëzit që preken nga format më ekstreme të ekzemës vuajnë nga plasaritje të ashpra të lëkurës që lënë gjurmë afatgjatë.

Një studim i kohëve të fundit të cilit i referohet AgroWeb.org, thotë se njerëzit e lartpërmendur janë më të rrezikuar nga një atak në zemër apo ishemi.

Në studim, shkencëtarët analizuan të dhënat e plot 385,000 njerëzve të prekur nga ekzema.

Pas një mbikqyrjeje pesë vjeçare, shkencëtarët zbuluan se njerëzit që vuanin nga ekzema e intensitetit të lartë ishin 40-50 përqind më të rrezikuar nga një atak në zemër.

Për më tepër, ata ishin gjithashtu 20 përqind më të rrezikuar nga ishemia.

Studimi sugjeron se njerëzit që vuajnë nga kjo lloj ekzeme duhet të kryejnë analiza mjekësore për kolesterolin, tensionin e gjakut dhe sëmundjet e zemrës.

Kura Natyrale Kundër Ekzemës

Përveç ndryshimeve rrënjësore në regjimin ushqimor, sipas të dhënave të AgroWeb.org rekomandohen kurat e mëposhtme natyrale kundër ekzemës.

Vaji I Arrës Së Kokosit

Ky vaj është shumë i mirë kundër këtyre problemeve me lëkurën dhe dhimbjet.

Me të, ju mund të lyeni zonat e prekura të lëkurës për t’i ushqyer dhe zbutur ato.

Probiotikët

Probiotikët ndikojnë për mirë në shëndetin e stomakut duke rikthyer ekuilibrat e baktereve të mira dhe të këqija në stomak.

Konsumoni ushqime me probiotikë.

Probiotikët, bëjnë një ndryshim të qartë në shëndetin e lëkurës.

Vaji Esencial I Lavandës

Ky vaj zbut simptomat e ekzemës dhe shëron lëkurën e thatë.

Hidhni 10 pika me vaj esencial në një enë ku keni shtuar pak vaj të arrës së kokosit dhe lyeni zonën e përtharë të lëkurës./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Organizata Botërore e Shëndetësisë: Koronavirusi ka origjinë shtazore

VOAL – Hulumtimet e kryera deri tani në koronavirus sugjerojnë se ai ka një origjinë “shtazore” por nuk është e qartë se cili është ekzemplari “mikpritës”. Profesori Lian Wannian, kreu i delegacionit prej 17 ekspertësh kinezë që mbështetën misionin e Organizatës Botërore të Shëndetësisë, e tha këtë në një konferencë shtypi në Wuhan.

“Lakuriqët dhe pangolingët janë kandidatët më të mundshëm për transmetim, por mostrat e koronavirusit të gjetura në ato specie nuk janë identike me Sars-Cov-2,” shtoi ai. “Nuk ka gjurmë thelbësore të përhapjes së koronavirusit në Kinë para fundit të vitit 2019. Dhe nuk ka asnjë provë se ai qarkulloi në Wuhan para dhjetorit 2019,” tha Lian Wannian.rsi-eb

Izraeli: Kur të vaksinohet një e treta e popullatës, do të shohim ndryshime

Izraeli mund ta tejkalojë krizën me koronavirus, vetëm kur një e treta e popullsisë të vaksinohet, tha një zyrtar të dielën. Ky parashikim do të thotë se Izraelit do t’i duhet më shumë kohë që të krijojë imunitet në mesin e popullatës së saj sesa ishte menduar më herët.

Izraeli është vendi që po kryen vaksinimin e popullatës më së shpejti në botë. Kryeministri izraelit, Benjamin Netanyahu më 19 janar deklaroi se kur të vaksinohet pjesa më e ndjeshme e popullatës apo rreth 24 për qind e 9 milionë banorëve, atëherë do të mund të rihapej ekonomia. Ai kishte parashikuar se rihapja mund të ndodhë në muajin shkurt.

Por, pavarësisht fushatës së gjerë të vaksinimit, deri në mesin e janarit nuk ka pasur ndryshim në situatën epidemiologjike. Pavarësisht se Izraeli është në izolimin e tretë mbarëkombëtar, rastet e reja dhe vdekjet po vazhdojnë të rriten, në mesin e popullsisë që nuk është vaksinuar. Për këtë trend negativ, zyrtarët kanë fajësuar variantet e reja të koronavirusit.

Zëvendësministri i Shëndetësisë, Yoav Kisch ka thënë se “qëllimi ynë është të vaksinojmë 5.5 milionë qytetarë, dhe besoj se atëherë do të shohim ndryshimin”.

“Çdo gjë që kryeministri ka parashikuar do të ndodhë, por me gjasë do të ketë disa javë vonesë”, tha ai për radion publike Kan.

Deri të shtunën, 1.7 milion izraelitë kanë marrë dozën e dytë të vaksinës së prodhuar nga Pfizer dhe BionTech, tha Ministria e Shëndetësisë së Izraelit.

Ndërkaq, 1.3 milion qytetarë kanë marrë dozën e parë dhe presin që t’iu administrohet edhe doza e dytë, tha ministria.

Netanyahu po bëhet gati për rizgjedhje më 23 mars. Ai dëshiron që ta zgjasë masën e izolimit, që mbaron të dielën mbrëma, por po përballet me kundërshti nga partneri i tij i koalicionit, njëherësh rivali politik, ministri i Brendshëm, Benny Gantz.

Fushata e vaksinimit në Izrael nuk përfshin edhe pothuajse 5.2 milionë palestinezët që jetojnë në Bregun Perëndimor dhe Rripin e Gazës. Autoritetet lokale atje kanë organizuar ndaras fushatën e tyre të vaksinimit. rel

Trampuz: Vaksinimi i 60% të popullatës, i mjaftueshëm për të ndalur pandeminë

Dragan Shtavlanin

“Deri në muajt e verës, mendoj se do të kemi vaksina kundër COVID-19 për 60 deri në 70 për qind të popullatës, që është e mjaftueshme për të ndalur pandeminë, pavarësisht nga problemet aktuale në prokurimin e tyre”, thotë për Radion Evropa e Lirë profesor dr. Andrej Trampuz, drejtor i laboratorit për hulumtimin e sëmundjeve infektive në “Charité – Universitätsmedizin” në Berlin, një nga spitalet universitare më të mëdha në Evropë.

Ai beson se është e mundur që kompanitë që prodhojnë vaksina po përpiqen ta përdorin këtë situatë për të ardhura shtesë, gjë e cila, sipas tij, është “e pamoralshme”.

“Tani jemi në krizën më të madhe që nga Lufta e Dytë Botërore dhe duhet të bëjmë gjithçka globalisht, kështu që ata që paguajnë më shumë nuk kanë një avantazh, por duhet në të njëjtën kohë të vaksinohen njerëz kudo. Unë mendoj se mënyra e vetme është të shikohet se cilat vaksina të tjera janë në treg, të marrin ato leje për të vendosur konkurrencë midis tyre, në mënyrë që të shmanget një monopol”, thotë Trampuz.

Sipas tij, tani dihet që vaksina jep imunitet më të mirë se imuniteti që fitohet pas infeksionit me koronavirus.

“Kjo është arsyeja pse ne i këshillojmë ata që e kanë kaluar infeksionin të vaksinohen në mënyrë që të forcojnë imunitetin e tyre. Ata që janë vaksinuar me vaksinat e reja (të kompanive) Moderna ose Pfizer/BioNTech kanë, me sa dimë, të paktën një vit imunitet. Por, ndoshta do të jetë më e gjatë. A do të nevojitet imunizimi shtesë dhe kur, do të shohim nëse këta njerëz të vaksinuar infektohen përsëri. Kjo është e nevojshme për shumë infeksione virale”, shpjegon ai.

Profesori Trampuz tregon se vaksina e kompanisë britanike, AstraZeneca, që e ka zhvilluar në bashkëpunim me Universitetin e Oxford-it është 70 për qind efektive dhe madje shfaq më pak imunitet te të moshuarit. Ndërsa vaksinat e Pfizer/BioNTech dhe Modernas sigurojnë 95 për qind mbrojtje nga koronavirusi, por kanë edhe efekte të vogla anësore.

Sipas tij, vaksinat ruse dhe kineze, të cilat janë bërë sipas parimeve standarde, nuk janë aq efektive sa këto të reja të bazuara në teknologjinë mRNA dhe nuk ka të dhëna për sigurinë e tyre.

Me teknologjinë mRNA janë zhvilluar vaksinat e kompanisë Moderna dhe të kompanive Pfizer/BioNTech.

Dr.Trampuz po ashtu shton se të gjitha barnat që janë testuar kundër koronavirusit, siç është remdesivir, nuk kanë rezultuar të efektshme.

“Ne ende nuk kemi ilaçe kundër koronavirusit. Pra, ne mund t’u japim oksigjen të gjithë pacientëve që vijnë në spital, t’i vendosim në njësinë e kujdesit intensiv, por nuk mund të luftojmë kundër vetë virusit. Çdo pacient tjetër që ka një rrjedhë të rëndë infeksioni, i cili ka nevojë për intubim dhe frymëmarrje artificiale, vdes nga ai virus. Pra, qëllimi ynë duhet të jetë parandalimi i ndonjë infeksioni sepse deri më tani nuk kemi ndonjë kurë për koronavirusin e ri”, thotë Trampuz.

“Megjithatë, prognoza ime është pozitive. Ne kemi treguar se me një mbyllje të mirë mund të parandalojmë përhapjen e virusit dhe shumë shtete e kanë kuptuar këtë. Unë jam gjithashtu optimist sepse kemi një vaksinë shumë të mirë, teknologjia e së cilës është zhvilluar për mbi 20 vjet, vetëm se tani është modifikuar për këtë virus”, shton ai.

Vaksinat ekzistuese, sipas doktorit Andrej Trampuz, ofrojnë mbrojtje edhe ndaj varianteve të reja të sëmundjes COVID-19, që fillimisht janë identifikuar në Mbretërinë e Bashkuar, Brazil dhe Afrikë të Jugut.

“Ajo (vaksina) gjithashtu krijon imunitet të mirë kundër këtyre varianteve të reja të virusit ose të atyre që mund të shfaqen në javët e ardhshme. Kështu që mendoj se do të jemi në gjendje ta ndalojmë këtë pandemi dhe t’i kthehemi normalitetit. Nëse 60 për qind e njerëzve vaksinohen, kjo është e mjaftueshme për të parandaluar përhapjen e virusit. Kështu që, unë jam një optimist i madh – ne duhet vetëm të presim edhe pak”, thotë ai.

Trampuz thotë se variantet e reja të virusit që janë shfaqur, janë arsyeja që virusi po përhapet më shpejt. Ai shton se variantet e reja mund të çojnë në mbingarkesën e spitaleve me pacientë.

“(Variantet e reja) Nuk janë më të rrezikshëm në vetvete, por janë të rrezikshëm sepse përhapen më shpejt, do të thotë, do të kemi përsëri rritje eksponenciale, me shumë infeksione të reja, që do të mbushin repartet e kujdesit intensiv në spitale. Kjo do të thotë që tani duhet të marrim masa më të rrepta për të parandaluar përhapjen e varianteve të reja të virusit, që janë më ngjitës, derisa të vijë vaksina. Pra, maskat dhe distanca janë efektive edhe për këto variante të reja”, thekson ai.

Dr.Trampuz po ashtu kritikon Evropën se është vonuar në vendosjen e masave kundër koronavirusit.

“Kur virusi filloi të përhapet në tetor, masat e rrepta duhej të zbatoheshin menjëherë. Dhe së dyti, duhet thënë se cilat maska janë më të mirat. Ne e dimë që maskat FFP2 janë më të mira se ato kirurgjikale, dhe ato kirurgjikale janë më të mira se ato standarde që përdorin njerëzit. Pra, nëse do t’u jepnim të gjithë njerëzve falas këto maska të mira atëherë, do të ishte një masë shumë efektive, por për të cilën tashmë jemi vonë. Maskat e pambukut janë rreth 50 për qind të efektshme, kirurgjikale rreth 70 për qind dhe FFP2 95 për qind”, thotë për REL, Andrej Trampuz .

Sipas një hulumtimi në Kinë, gjumi i drekës forcon mendjen

Sipas një hulumtimi ku janë vëzhguar 2.200 persona në Kinë, u zbulua se gjumi i drekës forcon mendjen, transmeton Anadolu Agency (AA).

Sipas lajmit të “United Press International” (UPI), shkencëtarët në Qendrën e Shëndetit Mendor në Shanghai, kanë zhvilluar një hulumtim për të shqyrtuar ndikimet e gjumit të drekës mbi mendjen.

Në kuadër të hulumtimit janë vëzhguar 2.200 persona në qytetet Pekin, Shanghai dhe Xian.

Sipas kësaj 1.520 pjesëmarrës fjetën më pak se 2 orë në mesditë, ndërsa 680 qëndruan të zgjuar.

Më pas pjesëmarrësit iu nënshtruan testeve të aftësisë mendore të tilla si aftësitë vizuale-hapësinore, kujtesa afatshkurtër, kohëzgjatja e vëmendjes, zgjidhja e problemeve, vetëdija hapësinore dhe rrjedhshmëria verbale.

Lideri i ekipit hulumtues, Dr. Lin Sun, njoftoi se kishte dallime të konsiderueshme në kujtesë dhe aftësitë e rrjedhshmërisë verbale të atyre që flinin në mesditë në krahasim me ata që nuk flinin.

Ndërsa Dr. Gayatri Devi, neurologia në spitalin Lenox Hill në New York, tha se gjumi i shëndetshëm mbron njerëzit nga demantia, sëmundje e cila prek kujtesën, komunikimin dhe të menduarit. Ajo sugjeroi se duhet të realizohen më shumë studime mbi këtë temë.

Viti nis me rritjen e çmimeve të miellit dhe vajit

Viti i ri 2021 nisi me rritjen e çmimeve të cigareve, miellit dhe vajit në pikat e pakicës në vend.

Çmimet e paketave të cigareve u shtrenjtuan me 10 lekë si rrjedhoje e rritjes së akcizës nga 1 janari me 5 lekë.

Çmimi mesatar për paketë shkoi në 260 lekë ose 4 për qind më shumë se më 2020.

Tregtarët e pakicës raportuan se çmimi i vajit vegjetal për gatim është rritur me 20 lekë për litër ose 12.5%.

Një kilogram kushton aktualisht 180 nga 160 lekë që ishte më parë.

Çmimi i miellit u rrit me 6 % ose 300 lekë për kuintal.

Tani 100 kilogram miell kushtojnë 5,300 lekë nga 5,000 lekë dhe më pak që ishin përgjatë 2020.

Burimet me tregu pohojnë se çmimet e vajit dhe miellit janë rritur si pasojë e shtrenjtimit të lëndës së parë në tregjet ndërkombëtare.

Importuesit pohuan se pandemia solli një problematikë të shumëfishtë në sektorët e prodhimit kudo në Europë.

Rusia, një nga prodhuesit më të mëdhenj në botë të grurit kufizoi eksportet për të krijuar rezerva të brendshme nga frika e pandemisë.

Ky veprim rriti çmimet e grurit në tregjet ndërkombëtare. Rusia dhe Serbia janë furnizuesit kryesor të grurit në vendin tonë.

Grosistet e vajit dhe grurit u përballen me çmime më të larta qe në furnizimet e vitit 2020, por ato transferuan një pjesë të rritjes së çmimit për vitin e ri financiar 2021.

Ndërsa për cigaret rritja e çmimeve buron nga masat që qeveria mori që vitin 2017, duke miratuar një kalendar për rritjen e akcizës vit pas vit deri më 2021.

Sipas këtij kalendari akciza në vitin 2021 arriti në 6500 lekë për 1000 copë cigare nga 6250 lekë që ishte vitin e kaluar.

Rritja e akcizës për cigaret është një nga politikat e përdorura për frenimin dhe uljen e konsumit të cigareve nga popullata si produkt me efekte negative në shëndet duke rritur çmimin e shitjes së tyre.

Mirëpo në rastin e Shqipërisë rritja e akcizës shoqërohet me rritje të kontrabandës, siç edhe ka ndodhur që kur kjo politike e taksave me rritje ka nisur të aplikohet.

Ministria e Financave ka sqaruar se me qëllim përafrimin e mëtejshëm me Direktivën e BE 2011/64, e cila përcakton nivelin minimal të akcizës për cigaret të paktën 90 euro për 1000 cigare, riskedulimi i rritjes siguron një politikë të qëndrueshme taksimi sipas standardeve të BE-së.

Ndërsa artikujt e mallrave tw tjera të shportës ushqimore po shiten më të njëjtat çmime si më 2021. Oferta më e lartë me prodhime vendi i ka mbajtur çmimet stabël për këtë sezon, teksa kërkesa ka pësuar rënie.

Tregtarët e pakicës pohojnë se konsumi ka rënë për të gjitha kategoritë e mallrave ushqimore. Sipas tyre arsyet kryesore lidhen me largimin e njerëzve jashtë vendit dhe me tkurrjen e të ardhurave si rezultat i papunësisë që ka krijuar pandemia./Burimi:Monitor


Send this to a friend