The Frontline Media Group ka dërguar një njoftim për mediat në Shqipëri e Kosovë ku lajmëron ky grup medial ka nisur një procedurë ligjore ndaj subjekteve të organizuara që kanë shpërndarë akuza dhe shpifje kundër këtij grupi medial dhe kryeredaktorit të saj Vudi Xhymshiti.

Voal.ch po e sjell të plotë njoftimin si më poshtë:

“Për vëmendje të mediave në Kosovë dhe Shqipëri, dhe lexuesve tanë.

Të nderuar përfaqësues të mediave në Kosovë dhe Shqipëri,

The Frontline Media Group, përmes platformës së saj editoriale KRONIKAT E BARUTIT, ju drejtohet me këtë njoftim zyrtar për t’ju vënë në dijeni se ka ndërmarrë procedura ligjore ndaj subjekteve të organizuara që, nën petkun e gazetarisë, kanë shpërndarë akuza të fabrikuara dhe shpifëse kundër redaksisë sonë dhe kryeredaktorit të saj Vudi Xhymshiti.

Deklarata publike, e titulluar “Frontline Media Issues Notice Before Action” dhe e publikuar më 27 shkurt 2026, paraqet me qartësi kronologjinë e ngjarjeve, natyrën e pretendimeve të pavërteta, si dhe hapat ligjorë të ndërmarrë në juridiksionin e Anglisë dhe Uellsit dhe në Republikën e Kosovës.

Në një kohë kur fjala e lirë shpesh përballet me mjegullën e insinuatave dhe me zhurmën e qëllimshme të diskreditimit, ne besojmë se është detyrim profesional i çdo redaksie serioze të mbështetet mbi dokumentin, faktin dhe përgjegjësinë publike. Kufiri ndërmjet gazetarisë dhe operacionit të presionit nuk është abstrakt; ai është themeli mbi të cilin qëndron besimi i shoqërisë në media.

Ju lutemi t’i referoheni deklaratës së plotë¹ të The Frontline Media Group për informacion të detajuar dhe kontekst të plotë mbi këtë çështje. Do ta vlerësonim publikimin dhe trajtimin e saj në përputhje me standardet profesionale që na bashkojnë.

Me konsideratë të lartë,

The Frontline Media Group

167-169 Great Portland Street (5th Floor)
London, W1W 5PF, United Kingdom

https://www.thefmg.uk/p/frontline-media-issues-notice-before?utm_source=substack&utm_campaign=post_embed&utm_medium=web “