VOAL

VOAL

Please Wait ...
0%

Supë verore me peshk, domate dhe karrota – Shije, shëndet dhe vlera

By | July 14, 2018

Komentet

Byrek i ëmbël me kungull të stinës – Receta me shije fantastike

Tradita shqiptare e përgatitjes së byrekëve është unike në botë, aq sa kuzhina shqiptare identifikohet me recetën e tij

Është koha perfekte për një byrek me kungull, të cilët, të freskët sapo kanë dalë në treg.

Tradita shqiptare e përgatitjes së byrekëve është unike në botë, aq sa kuzhina shqiptare identifikohet me recetën e tij.

Askush nuk i reziston dot byrekut shqiptar. Menjëherë sapo del nga furra ai mbledh gjithë shtëpinë rreth tij.

I shijshëm dhe i kombinuar me mbushje të ndryshme, me djathë e me qumësht, me hithra a lakra të egra, me qepë e domate apo preshë, të gjitha mënyrat e gatimit të tij janë të mrekullueshme.

Por ka dhe një tjetër recetë, shumë familjare dhe shumë të dashur në tryezat shqiptare: Byreku me Kungull.

Shija e tij është fantastike pikërisht në këtë kohë, kur kungujt e freskët, të verdhë të sapo mbledhur nga zona të ndryshme të Shqipërisë kanë mbushur tregjet plot e për plot.

Byreku me kungull përgatitet i kripur dhe i ëmbël. AgroWeb.org sjell më poshtë versionin e ëmbël të kësaj recete.

Përgatitja e Byrekut me Kungull 

Përbërësit:

700-800 gr tul i kungullit

500 gr Miell

250 ml Ujë

100 gr sheqer (sasia e sheqerit hidhet sipas preferencës)

Vaj Ulliri

Pak gjalpë fshati

Sodë Buke

Një gotë qumësht

Një kokërr vezë

Përgatitja e brumit dhe mbushjes me kungull 

Si fillim, përgatisim brumin, duke hedhur në një tas të madh miellin.

Pasi bëjmë një gropë në mesin e miellit hedhim kripën, sodën dhe i përzjejmë me dorë ndërsa nisim të shtojmë ujë të vakët derisa brumi të krijohet në një masë të butë dhe të përshtatshme për t’u hapur në formën e petës.

Brumin e përftuar e mbulojmë me një pecetë të pastër dhe e lëmë përreth gjysmë ore që të fryhet ndërsa nisim përgatitjen e harxheve.

Për përgatitjen e kungullit, pasi e kemi prerë në copa mesatare i hedhim në një tenxhere me ujë në mënyrë që të zjejë.

Sapo copat e kungullit të jenë zbutur. Kullojmë ujin dhe i shtypim derisa të marrin formën e puresë.

Më pas, në një tenxhere hedhim kungullin pure, vezën, sheqerin, një lugë gjalpë fshati dhe gotën e qumështit.

I vendosim në zjarr për 8-10 minuta derisa të krijojmë një masë të njëtrajtshme, jo të lëngshme.

Përgatitja e  Byrekut 

Tradita shqiptare e përgatitjes së byrekëve është unike në botë, aq sa kuzhina shqiptare identifikohet me recetën e tij.

Pasi e përgatisim mbushjen me kungull, e lëmë të ftohet. Gjatë kësaj kohe brumi është gati për t’u punuar. Brumin e ndajmë në 10 kuleçë të vegjël dhe nisim hapjen e petave.

Në tepsinë e lyer me vaj ulliri, shtrojmë tre petat e para duke u hedhur secilës nga disa pika vaj ulliri.

Më pas shtrojmë pjesën e parë të mbushjes me kungull. (Masën e kungullit e planifikojmë të ndarë për tre shtresa)

Vijojmë me shtrimin e dy petave të tjera dhe më pas hedhim sërish një pjesë të mbushjes së kungullit.

Pas kësaj, sërish shtrojmë dy peta të tjera duke i spërkatur gjithmonë me disa pika vaj ulliri.

Hedhim dhe pjesën tjetër të mbushjes dhe vijojmë shtrimin e dy petave të tjera.

Hedhim edhe pjesën tjetër të mbushjes së kungullit dhe më pas shtrojmë tre petat e fundit duke u sërish disa pika vaj ulliri.

Byrekun e pjekim në furrë në 180 gradë për 20-30 minuta deri sa të marrë pjekjen e duhur.

Në fund të përgatitjes, pasi byreku është pjekur e nxjerrim nga furra dhe e lyejmë me një lugë gjalpë fshati.

Kulaç i ëmbël me arra – Receta fantastike e shtëpisë

Një recetë fantastike, e thjeshtë në përgatitje por me një shije të veçantë të mrekullueshme.

Përgatitet krejt lehtë në shtëpi dhe shoqërohet në mënyrë të shkëlqyer me reçelra të ndryshëm, kafe apo çaj por edhe fruta të ndryshme të freskëta.

AgroWeb.org sjell më poshtë recetën unike të përgatitjes së kulaçit të ëmbël në shtëpi.

Përgatitja e Kulaçit të Ëmbël në Shtëpi

Për 1 kg miell nevojiten

2 filxhanë kafeje me vaj ulliri

1 gotë sheqer

3 kokrra vezë

3 lugë gjelle arra të shtypura

1-2 lugë gjelle me rrush të thatë ( sipas preferencës)

Sodë

Ujë

Përgatitja

Si fillim sitni miellin dhe sodën e bukës, në mënyrë që kur të përgatisim brumin të mos krijohen kokrriza.

Brumin mund ta zini direkt në tavolinë ose të përdorni një tavë të madhe të cekët.

Në një tas të vogël trazojmë vajin me sheqerin derisa të shohim që kokrrizat e tij të jetë tretur.

Po aty shtojmë dhe vezët, dhe e përziejmë sa të gjithë përbërësit të formojnë një masë homogjene.

Hedhim miellin e situr dhe në mes hapim me dorë një vend ku do të shtojmë vajin me sheqerin dhe vezët e më pas shtojmë arrat e shtypura dhe nëse preferoni edhe rrush të thatë.

AgroWeb.org ju këshillon që me ndihmën e një piruni të trazoni lehtë, dhe më pas kur brumi të jetë lidhur pak, të filloni dhe ta punoni me duar.

Në ndryshim nga brumi i kulaçit tradicional, ai i kulaçit të ëmbël do të ngjasoj në butësi me atë të biskotave.

Nëse e shikoni që brumi është pak i fortë shtoni pak ujë.

Vendoseni brumin në një tas dhe lëreni rreth 15 minuta që të fryhet.

Tek një tavë hedhim pak vaj dhe lyejmë mirë të gjithë sipërfaqen e saj, më pas e spërkatim dhe me pak miell, kështu kulaçi nuk do të ngjitet.

Brumin e punojmë përsëri dhe me ndihmën e petësit e hapim sa perimetri i tavës ku do të piqet.

Nëse dëshironi, brumi ndahet dhe në kuleç të vegjël që mund t’i vendosni me radhë në  tavë në mënyrë që kur të piqet të ketë një formë më të veçantë.

Tavën e fusim në furrë të para ngrohur me 200 gradë celsius, per rreth 40 minuta.

Pas 40 minutash me një pirun shpojmë pak kulaçin dhe shohim që nëse sipërfaqja e pirunit del e pastër, atëherë kulaçi është gati.

Ky kulaç është ideal për mëngjeset në familje, i shoqëruar me lëngje frutash të freskëta apo reçele të ndryshëm.

Si të përgatisni kremin e pastiçerisë të freskët në shtëpi

Ky krem është një nga më të përdorurit në recetat e ëmbëlsirave, nga zupat e deri tek tortat klasike.

Vezë, qumësht, sheqer dhe pak vanilje, mjaftojnë pak përbërës për të krijuar një nga kremrat më të preferuara: kremit të pastiçerisë.

Ky krem është një nga më të përdorurit në recetat e ëmbëlsirave, nga zupat e deri tek tortat klasike.

Kremi i pastiçerisë gjen përdorim madje dhe tek përgatitja e byrekut shumë të shijshëm me krem qumështi si të ëmbël dhe të kripur.

Përgatitja e tij është krejt e lehtë dhe është zgjat vetëm 15 minuta.

Mund t’i shtoni kakao apo copëza çokollate për një shije më të veçantë, apo lëkurë limoni dhe portokalli për t’i dhënë një aromë të freskët.

AgroWeb.org ju këshillon që të ndiqni përgatitjen e këtij kremi hap pas hapi dhe të zbuloni kështu të gjitha sekretet e krijimit të një kremi perfekt.

Përgatitja E Kremit Të Pastiçerisë Në Shtëpi 

(Përbërësit më poshtë janë për 700 gr krem)

4 të verdha vezësh

45 gr niseshte misri

1 paketë me vanilje

140 gr sheqer

500 ml qumësht

Si të përgatisni kremin e pastiçerisë

Në një tas hidhni vetëm të verdhat e vezëve dhe sheqerin e nevojitur, më pas do t’iu duhet ta rrihni masën me telin e kuzhinës.

Këtë proces duhet ta vazhdoni derisa masa e krijuar të ketë një ngjyrë të verdhë të lehtë, dhe kokrrizat e sheqerit të kenë shkrirë.

Më pas në një filxhan hedhim pak nga qumështi që na duhet për recetën, dhe aty shtojmë niseshtenë dhe vaniljen. Me një pirun e përziejmë derisa niseshteja të jetë tretur plotësisht.

Këtë masë ja shtojmë të verdhave të vezëve dhe sheqerit, dhe përsëri i rrahim derisa të jenë lidhur në një masë të vetme.

Në një tenxhere të vogël hedhim qumështin dhe e vendosim në zjarr të ulët. Temperatura e qumështit duhet të jetë shumë e vakët kur të hidhni masën e vezëve.

Kjo metodë nuk do t’iu lejojë që veza të pritet dhe kremi të prishet.

Pasi të keni shtuar vezët tek qumështi duhet të përzieni gjatë gjithë kohës me një ritëm jo shumë të shpejtë.

AgroWeb.org ju këshillon që të ngrini pak nxehtësinë e zjarrit, kështu kremi do të bëhet më shpejt.

Masa do të fillojë që të trashet ngadalë.

Nëse dëshironi mund t’i shtoni lëkurën e limonit apo portokallit për t’i dhënë një shije më të veçantë kremit.

Kremin do ta lini në zjarr derisa ai të fillojë të krijojë flluska, apo që të vlojë.

Më pas hiqeni nga zjarri dhe përziheni dhe disa momente me telin e kuzhinës.

Hiqeni nga tenxherja dhe kalojeni në një tas, kështu do të ftohet më shpejt.

Pasi të jetë ftohur pak vendosini mbulojeni me qese kuzhine, kështu nuk do të thahet.

AgroWeb.org ju sugjeron që ta vendosni në frigorifer, para se kremi të ketë arritur në temperaturën e ambientit. Kremi i pastiçerisë mund të ruhet në frigorifer deri në 2-3 ditë. Por kujdes duhet të jetë gjithmonë i mbuluar.

Nëse keni përdorur gjithmonë miellin për të përgatitur këtë krem, nuk ka problem.

Por niseshteja ruan më së miri shijen e vërtetë të kremit të pastiçerisë si dhe duke e mbajtur atë të freskët për më shumë kohë.

Paçe shtëpie me vezë e limon – Receta tradicionale plot shije

Është një recetë e vjetër, e trashëguar brez pas brezi nga zonjat e shtëpisë e që përgatitet në çdo kohë e stinë.

Një nga gjellët tradicionale të kuzhinës shqiptare është padyshim paçja.

Është një recetë e vjetër, e trashëguar brez pas brezi nga zonjat e shtëpisë e që përgatitet në çdo kohë e stinë.

Kjo është një recetë e thjeshtë në përgatitje, e lehtë në shije dhe e shijshme gjithashtu, e cila mbetet jo vetëm një ndër më të preferuarat e shqiptarëve por edhe turistëve të huaj po ashtu.

Ndaj dhe paçja mbetet një nga gatimet kryesore dhe më të kërkuara që serviret në restorantet me gatime tradicionale shqiptare.

AgroWeb.org ju sjell më poshtë recetën tipike të përgatitjes së paces në shtëpi.

Përgatitja e Paçes së Shtëpisë me Vezë e Limon

(Përbërësit më poshtë janë për 4-5 persona)

 1 kg plëndësa të pastruar

2 filxhanë kafeje vaj ulliri

1 kokërr vezë

Lëng limoni

Kripë

Piper

2 lugë miell gruri

Përgatitja

Plëndësi pasi lahet dhe pastrohen mirë, vihet të zjejë në ujë të ftohtë me kripë.

Kur merr valë i hiqet shkuma dhe lihet të zjejë në zjarr të ngadaltë.

Pasi është zjerë, kullohet nga lëngu dhe pritet në copëza të vogla.

Hedhim në një tenxhere vajin e ullirit, shtoni miellin  dhe kaurdiseni derisa të zverdhet.

Më pas, AgroWeb.org ju udhëzon të shtoni plëndësat e prerë, kaurdisini pak dhe më pas të gjithë masën hidheni tek tenxhere ku keni lëngun që keni zjerë plëndësat.

Lërini të ziejnë bashkë derisa masa të përgatitet në formën e supës dhe pakëz e trashë.

Pasi hiqet nga zjarri, lihet që të ftohet dhe më pas në një tas rrihet lëngu i limonit me të verdhën e vezës dhe i hidhet supës.

Përzihen të gjitha bashkë, shtohet piper i zi i bluar si dhe pak piper i kuq i bluar dhe nëse preferoni edhe pak piper djegës.

Për më shumë shije nëse preferoni kur ta servirni mund t’i hidhni edhe disa pika uthull.

Paçja shoqërohet në mënyrë fantastike me sallata të freskëta të stinë, perime të pjekura, bukë të thekur, byrekë të ndryshëm shtëpie, turshi, salcë kosi apo djathra të ndryshëm etj.

Këto ushqime nuk duhet ngrohur kurrë në mikrovalë!

Ndodh shpesh që ndërsa jemi në punë, në shkollë apo në çdo angazhim tjetër të mos kemi kohë të gatuajmë gjithë kohës.

Për këtë arsye përdorim mikrovalën për t’i ngrohur ushqimet që tashmë janë ftohur.

Kjo është kthyer në një mënyrë jetese tashmë.

Por janë disa ushqime që nuk duhet t’i ngrohim si të tjerat pasi janë të dëmshme për shëndetin. Madje këto ushqime mund t’ju shkaktojnë helmim nëse ringrohni.

Selino, spinaqi dhe panxhari: Nxhetësia mund të shkaktojë që nitratet e këtyre perimeve të kthehen në toksike, apo të kenë veti kancerogjene kur ngrohen për herë të dytë. Prandaj është mirë që këto ushqime të mos ngrohen sërish.

Kërpudhat: Zakonisht kërpudhat duhet të konsumohen menjëherë pas gatimit. Proteinat e tyre shpërbëhen që në momentin që ringrohen dhe kjo nuk është gjë e mirë për stomakun.

Vezët: Nëse rinxehni vezën e zier apo të skuqur, mund të keni rrezik që të helmoheni, si dhe do të keni probleme me sistemin tretës.

Orizi: Edhe mënyra se si e ruani orizin para ngrohjes mund të ketë pasoja. Sipas Agjencisë së Standardeve të Ushqimit, “orizi i pagatuar mund të përmbajë baktere që mund të shkaktojnë helmim. Kur orizi është i gatuar, bakteret mund të mbijetojnë. Por, nëse orizi lihet në temperaturë dhome, bakteret mund të shumohen dhe të prodhojnë një lloj helmi, i cili shkakton të vjella ose diarre. Ndaj dhe ringrohja e orizit nuk ju shpëton nga mospërballja me këto lëndë helmuese.

Torta e shtëpisë me petë – E preferuara e Napoleon Bonapartit

Kjo tortë është përgatitur prej dekadash edhe në pastiçeritë shqiptare apo nga amvisat vet në shtëpitë e tyre.

Torta me peta dhe krem qumështi është e famshme në të gjithë botën dhe është një ndër ëmbëlsirat e mrekullueshme me shije të lehtë.

E njohur ndryshe me emrin Mille Feuile (Një Mijë Fletët), kjo ëmbëlsira është specialitet i vjetër i kuzhinës franceze, dhe madje kjo ëmbëlsirë thuhet se është e preferuara e perandorit të famshëm francez, Napoleon Bonapartit.

Kjo tortë ështue përgatitur prej dekadash edhe në pastiçeritë shqiptare apo nga amvisat vet në shtëpitë e tyre.

Nga të gjitha tortat që përgatiteshin për festa të ndryshme apo dhe ditëlindje, më e preferuara ka qenë ajo me peta.

Përveçse ka një shije perfekte dhe të freskët ajo përgatitet shumë lehtë.

AgroWeb.org ju sjell mënyrën më të thjeshtë për ta përgatitur në shtëpi, në mënyrë që ta shijoni kurdoherë.

Përbërësit

1 petë sfoliatë

Për kremin e pastiçerisë

120 g miell 00

200 g sheqer

2 g kripë e imët

10 të verdha vezësh

200 g qumësht

100 g ajkë qumështi

300 g ujë

Një lugë çaji me vanilje

Për dekorim nevojitet pak sheqer pluhur

Përgatitja

Për të përgatitur tortën e shtëpisë me petë, hapi i parë është pjekja e sfoliatës.

AgroWeb.org ju këshillon që petën ta nxirrni nga frigoriferi dhe ta lini në temperaturë ambienti përreth 15-20 minuta.

Në tavolinë, pasi ta keni pastruar mirë, vendosni petën e sfoliatës dhe me ndihmën e një thike ndajeni në tri pjesë të barabarta.

Me petës filloni dhe hapini të tria petët, kini kujdes që përsëri të jenë të barabarta.

Pasi t’i keni hapur petët, vendosni në një tavë letër kuzhine dhe futini për t’i pjekur në furrë  të parangrohur në 190 gradë për 10 minuta.

Pasi të ketë kaluar koha e duhur, ulni temperaturën e furrës në 170 gradë dhe piqini dhe për 30 minuta.

Me këtë metodë peta do të thahet plotësisht, dhe torta do të jetë krokante, me ngjyrë të artë dhe pa lagështi të tepërt.

Gjithsesi AgroWeb.org ju sugjeron që ta kontrolloni herë pas here, pasi pjekja mund të ndryshojë në sajë të furrës që po përdorni.

Kremi i Pastiçerisë

Ndërkohë filloni përgatitjet e kremit të pastiçerisë.

AgroWeb.org ju këshillon që në një tas të hidhni miellin, sheqerin dhe kripën, pasi t’i keni trazuar, shtoni një nga një vezët. Kujdes që gjithmonë të jeni duke i përzierë me telin e kuzhinës që të mos krijohen kokrriza.

Në një tenxhere vendosni qumështin, ujin, vaniljen dhe ajkën e qumështit për t’u ngrohur, por mos e lejoni që të vlojë kështu vezët nuk do t’ju priten.

Hidhni pak qumësht në tasin me vezët sheqerin dhe miellin, në mënyrë që temperatura të ekuilibrohet, dhe më pas kalojeni të gjithë masën në tenxhere.

Mos harroni që ta përzieni gjatë gjithë kohës derisa masa të fillojë të trashet dhe të formojë kremin. Kremin kalojeni në një tas dhe mbulojeni me qese kuzhine, në sipërfaqen e tij nuk do të krijohet kore.

Gjatë kësaj kohe, petët do të jenë gati. Hiqini nga furra dhe lërini të ftohen. Në një tavë apo tabaka të madhe vendosni petën e parë dhe me një lugë gjelle shtoni kremin e përgatitur. Sigurohuni që kremi t’ju mjaftoj për dy shtresat e tortës.

Kështu do të veproni derisa t’i keni vendosur që të tria petët. Në fund me një sitë spërkateni tortën në të gjithë sipërfaqen e saj me sheqer pluhur.

Gjizë e pjekur me gjalpë të freskët dhe hudhra – Traditë, shije, shëndet

Gjizën e përdorim në shumë receta të përditshme festive. Gjiza shkon mirë me speca të skuqur, me vezë, me spinaq, vaj ulliri e hudhër.

Është një recetë e thjeshtë, shumë e shijshme dhe e mrekullueshme.

Gjizën e përdorim në shumë receta të përditshme festive. Gjiza shkon mirë me speca të skuqur, me vezë, me spinaq, vaj ulliri e hudhër.

Ajo është antipasta e preferuar e burrave që e shoqërojnë atë me raki.

Vështirë të gjesh një ushqim të shpejtë, të shijshëm dhe plot vlera siç është gjiza.

Por nuk është vetëm shija e saj, e mjaftueshme për t’iu dorëzuar kënaqësisë që të ofron ky produkt bulmeti, po aq të rëndësishme janë edhe vlerat shëndetësore që organizmi përfiton kur e konsumojmë atë.

Më poshtë, AgroWeb.org jus jell përgatitjen e gjizës me gjalpë dhe hudhra, një pjatë thjeshtë fantastike.

Gjizë me Gjalpë të Freskët dhe Hudhra

Përgatitja

 (Përbërësit për 4-5 persona)

500 gr gjizë me kripë

4-5 thelpinj hudhra të shtypura

2-3 lugë gjelle me gjalpë të freskët (Për një gatim të shëndetshëm, AgroËeb.org ju këshillon përdorimin e vaj ulliri ekstra të virgjër)

Piper i zi

Spec djegës (sipas dëshirës)

Si fillim, AgroWeb.org ju këshillon që të parangrohni furrën në temperaturë maksimale 200 gradë celcius.

Hidhni gjalpin në një tigan, vendoseni në zjarr dhe lëreni të shkrijë, shtoni aty gjizën dhe përzjeheni përreth 5 minuta. Në fund shtojini hudhrat e shtypura dhe pëzjeini bashkë.

Të gjithë masën që keni në tigan, transferoheni në një tavë të vogël dhe futeni të piqet për 5 minuta në furrë.

Në fund spekateni me piper të zi dhe pak spec djegës dhe është gati.

 Vlerat ushqyese të gjizës 

Profili i saj ushqimor është i pasur por në varësi të llojit të qumështit dhe kripës së përdorur.

Në një sasi prej 226 gramë gjizë të prodhuar nga qumësht me pak yndyrë do të gjeni:

163 kalori

28 gramë proteinë

6.1 gramë karbohidrate

2.3 gramë yndyrë

30% të dozës së rekomanduar ditore të fosforit

30% të dozës së rekomanduar të sodiumit

29 % të dozës së rekomanduar të seleniumit

24% të dozës së rekomanduar ditore të vitaminës B12

22% të dozës së rekomanduar ditore të riboflavinës

14% të dozës së rekomanduar ditore të kalçiumit

7% të dozës së rekomanduar ditore të acidit folik

Ekspertët e AgroWeb.org theksojnë se gjiza përmban sasi të mjaftueshme të vitaminave B1, B3, B6, A por edhe hekur, magnez, zink dhe bakër.

Ajo duhet konsumuar rregullisht, së bashku me ushqime të tjera të shëndetshme.

Forconi imunitetin duke pirë çaj bliri

Vlerat shëndetësore të lules së blirit përfshijnë aftësinë për të përmirësuar sistemin imunitar, pasi kjo bimë parandalon disa qeliza të dëmshme, qetëson organizmin, heq ankthet dhe ul tensionin e gjakut.

Çaji nga lulet e blirit është përdorur gjerësisht në mjekësinë tradicionale popullore të shumë vendeve në botë. Ky çaj ka një shije të veçantë dhe aromë dehëse, por gjithashtu ka një nivel të lartë përbërësish të çmuar, flavonoidë dhe substanca të tjera që e bëjnë blirin si një bimë shumë të besueshme në treg. Një nga përdorimet më të gjera të çajit të lules së blirit është kundër ankthit. Ky çaj ka aftësi qetësuese kundër stresit mendor. Nëse vuani nga luhatjet e humorit ose stresi kronik, një filxhan me çaj bliri është zgjidhja më e zgjuar.

Antioksidantët që gjenden tek bliri shërbejnë si luftëtarë kundër radikaleve të lira, duke i larguar ato dhe përmirësuar shëndetin tonë të përgjithshëm. E gjithë kjo parandalon sëmundjet kronike. Përbërësit dhe acidet që gjenden tek bliri çlirohen menjëherë në çaj duke nxitur djersitjen. Kjo është një mënyrë shumë e mirë për të larguar toksinat nga trupi. Së bashku me kripërat e tepërta, yndyrat, ujin dhe substancat e huaja. Këto cilësi e bëjnë blirin shumë të çmuar në rastet e sëmundjeve me temperaturë të lartë, pasi e ul atë. Përveç nxitjes së djersitjes dhe uljes së temperaturës, lulja e blirit jep një kontribut të veçantë në luftimin e simptomave të të ftohtit, gripin, inflamacionit në gojë dhe traktin respirator.

Çaji i lules së blirit të ndihmon edhe me kollën dhe fytin e trazuar, duke i dhënë fuqi sistemit imunitar. Ata që vuajnë nga dhimbjet e kokës, të shkaktuara nga tensioni dhe simptoma të tjera të inflamacionit duhet të konsumojnë çaj bliri dhe të eliminojnë dhimbjet nga artriti apo simptoma të tjera. Siç largon problemet nga rrugët e frymëmarrjes, ashtu ul tensionin e gjakut duke parandaluar një sërë problemesh përfshirë dhimbjet e kokës.

Nëse keni stomak të lënduar, fryrje apo shtrëngime, atëherë mos i kurseni vetes një filxhan me çaj bliri sepse do të ndiheni mirë menjëherë. Doza maksimale e këtij çaji është tre filxhanë në ditë. Gratë shtatzëna nuk duhet të konsumojnë çaj bliri sepse përbërësit e lules mund të ndërveprojnë negativisht me barrën e tyre.

Të hash djathë çdo ditë – Ndikimet e forta për shëndetin

Djathi përmban disa ushqyes të rëndësishëm për shëndetin siç janë kalçiumi, zinku dhe vitaminat A dhe B-12

Djathi është një ndër produktet më të preferuara të shqiptarëve që konsumohet masivisht.

Këtë e thotë një analizë e 15 studimeve të ndryshme shkencore mbi rolin e djathit kundër problemeve të zemrës.

Të dhënat e AgroWeb.org tregojnë se rreth 30% e qumështit të prodhuar në Shqipëri përdoret për prodhimin e plot 13 mijë tonëve djathë.

Por duke qenë se shumica e blegtorëve akoma punojnë në tregjet informale, niveli i vërtetë i prodhimit në vend mendohet të jetë 34,000 ton ose 11.5 kg djathë për frymë në vit.

Djathi përmban disa ushqyes të rëndësishëm për shëndetin siç janë kalçiumi, zinku dhe vitaminat A dhe B-12.

Djathi është i pasur në yndyrna të ngopura ndaj deri sot besohej se rriste  nivelin e kolesterolit dhe rrezikun e sëmundjeve të zemrës.

Por studimi i ri, të cilit i referohet AgroWeb.org sugjeron se ky produkt luan rol mbrojtës për shëndetin kardiovaskular.

Studimet Mbi Rolin E Djathit Në Shëndetin E Zemrës

Të gjitha studimet e analizuara mbi këtë çështje përfshijnë të dhënat e plot 200,000 njerëzve.

Ushqyerja e tyre u monitorua nga shkencëtarët për më shumë se 10 vjet.

Të dhënat që disponon AgroWeb.org treguan se njerëzit që konsumojnë djathë rregullisht ishin 18% më pak të rrezikuar nga sëmundjet kardiovaskulare.

Ata ishin 14% më pak të rrezikuar nga sëmundjet koronare dhe 10% më pak të rrezikuar nga ishemia.

Vlerat e Djathit

Djathi është një nga ushqimet me më shumë vlerë dhe është një burim i mirë proteinash, kalciumi, vitaminash dhe mineralesh.

Krahas shëndetit të zemrës, konsumimi i djathit ndihmon edhe në forcimin e kockave dhe ul rrezikun nga osteoporoza.

Efektet e djathit janë të dobishme edhe për hipertensionin dhe shëndetin e dhëmbëve gjithashtu. Kjo pasi kontribuon në mbajtjen e dhëmbëve të fortë dhe të shëndetshëm.

Djathi përmban sasi të mëdha të vitaminës dhe kolinës.

Në përmbajtjen e tij ka gjithashtu përmbajtje të vitamin E, vitaminës K, riboflavinës, vitamin B6, folatë, vitaminë B12, acid pantothenic dhe betainë.

Si të mbjellësh bajame në oborrin e shtëpisë

Bajamet e ëmbla janë bërthama e një fruti të ngjashëm me pjeshkën që thahet në fund të verës dhe nxjerr këtë kokërr të shijshme dhe plot vlera

Këto lloj bajame kanë lëvozhgë të hollë dhe kanë një përmasë mesatare. Pema në fjalë mund të mbillet shumë lehtë në oborret tuaja.

Bajamet e ëmbla janë bërthama e një fruti të ngjashëm me pjeshkën që thahet në fund të verës dhe nxjerr këtë kokërr të shijshme dhe plot vlera.

Kjo bajame vjen nga bima me emrin botanik Prunus dulcis “Nonpareil” e cila çel lule të mëdha.

Përzgjidhni fidanët e varieteteve të preferuara të bajames dhe bëjeni këtë nga Nëntori deri në Shkurt.

Duhet të përzgjidhni gjithnjë dy lloj fidanësh me rrënjë, sepse bajamet kanë nevojë për pllenim të ndërsjellë për prodhimin e frutave.

Hiqni rrënjët e dëmtuara ose të thyera dhe futini fidanët në një kovë me ujë për gjatë gjithë natës.

Në oborr, hapni gropa të thella dhe të gjëra për të futur rrënjët e secilit fidan, duke i mundësuar lulëzimin e pandërprerë. Gropat e mbjelljes duhet të jenë deri në 700 centimetra larg njëra tjetrës.

Pasi t’i keni futur fidanët në tokë, mbulojini mirë me dhe e pleh.

Ngjesheni dheun mbi rrënjë me duar që të eliminoni hapësirat e ajrit. Ujiteni secilin prej fidanëve me nga 3 deri në 11 litra me ujë.

Lyejini fidanët me lëngun e përftuar nga sasi të barabarta të ujit dhe bojës së bardhë lateks, për t’i mbrojtur ata nga dielli dhe brumbujt.

Mirëmbajtja 

Fidanët e rritur duhen ujitur bollshëm dhe shpesh gjatë muajve të ngrohtë.

Hidhni mjaftueshëm ujë sa për të plotësuar nevojat e pemës në rritje, thonë ekspertët e AgroWeb.org

Fidanët kanë nevojë të herëpashershme për fertilizues dhe vaditje gjatë Shkurtit deri në Korrik.

Kur pema e re të ketë lëshuar gjethe hidhni rreth 220 gramë fertilizues dhe më pas përsëriteni dozën çdo katër deri në gjashtë javë.

Pemët e rritura kanë nevojë për sulfat amoniumi (2 kg) nga Shkurti deri në Mars. Menjëherë pas hedhjes së tij, pemët kanë nevojë për vaditje.

Kur pema të ketë lëshuar gjethe plotësisht, krasiteni dhe jepini formë duke hequr degët e çrregullta.

Krasitja bëhet gjatë stinës së parë kur pema është në gjendje të fjetur.

Gjatë stinës së dytë të fjetur, mund të holloni degët e dyta me drejtim horizontal.

Në periudhën e tretë dhe të katërt të fjetjes përpiquni t’i qëndroni formës që i keni dhënë gjethnajës me një krasitje minimale.

Mjetet që ju duhen

  • Fidanë me rrënjë
  • Mjete për krasitje
  • Kovë
  • Lopatë
  • Bojë e bardhë lateks
  • Furçë
  • Pleh fertilizues
  • Sulfat amoniumi

Paralajmërim

Lëvozhga e hollë e bajameve i bën ato një pre më të lehtë ndaj insekteve dhe zogjve.

Byrek shtëpie me kungull veror – Shije fantastike

Është koha perfekte për një byrek me kungull veror, të cilët, të freskët sapo kanë dalë në treg.

Tradita shqiptare e përgatitjes së byrekëve është unike në botë, aq sa kuzhina shqiptare identifikohet me recetën e tij.

Askush nuk i reziston dot byrekut shqiptar. Menjëherë sapo del nga furra ai mbledh gjithë shtëpinë rreth tij.

I shijshëm dhe i kombinuar me mbushje të ndryshme, me djathë e me qumësht, me hithra a lakra të egra, me qepë e domate apo preshë, të gjitha mënyrat e gatimit të tij janë të mrekullueshme.

Por ka dhe një tjetër recetë, shumë familjare dhe shumë të dashur në tryezat shqiptare: Byreku me Kungull.

Shija e tij është fantastike pikërisht në këtë kohë, kur kungujt e freskët, të verdhë të sapo mbledhur nga zona të ndryshme të Shqipërisë kanë mbushur tregjet plot e për plot.

Përgatitja e Byrekut me Kungull

Përbërësit:

700 gr tul i kungullit veror

500 gr Miell

250 ml Ujë

10 gr Kripë

Vaj Ulliri

Pak gjalpë fshati

Sodë Buke

Një gotë qumësht

Një kokërr vezë

Përgatitja e brumit dhe mbushjes me kungull 

Si fillim, përgatisim brumin, duke hedhur në një tas të madh miellin.

Pasi bëjmë një gropë në mesin e miellit hedhim kripën, sodën dhe i përzjejmë me dorë ndërsa nisim të shtojmë ujë të vakët derisa brumi të krijohet në një masë të butë dhe të përshtatshme për t’u hapur në formën e petës.

Brumin e përftuar e mbulojmë me një pecetë të pastër dhe e lëmë përreth gjysmë ore që të fryhet ndërsa nisim përgatitjen e harxheve.

Për përgatitjen e kungullit, pasi e kemi prerë në copa mesatare i hedhim në një tenxhere me ujë në mënyrë që të zjejë.

Sapo copat e kungullit të jenë zbutur. Kullojmë ujin dhe i shtypim derisa të marrin formën e puresë.

Më pas, në një tenxhere hedhim kungullin pure, vezën, kripën, një lugë gjalpë fshati dhe gotën e qumështit.

I vendosim në zjarr për 8-10 minuta derisa të krijojmë një masë të njëtrajtshme, jo të lëngshme.

Përgatitja e  Byrekut

Pasi e përgatisim mbushjen me kungull, e lëmë të ftohet. Gjatë kësaj kohe brumi është gati për t’u punuar. Brumin e ndajmë në 10 kuleçë të vegjël dhe nisim hapjen e petave.

Në tepsinë e lyer me vaj ulliri, shtrojmë tre petat e para duke u hedhur secilës nga disa pika vaj ulliri.

Më pas shtrojmë pjesën e parë të mbushjes me kungull. (Masën e kungullit e planifikojme te ndarë për tre shtresa)

Vijojmë me shtrimin e dy petave të tjera dhe më pas hedhim sërish një pjesë të mbushjes së kungullit.

Pas kësaj, sërish shtrojmë dy peta të tjera duke i spërkatur gjithmonë me disa pika vaj ulliri.

Hedhim dhe pjesën tjetër të mbushjes dhe vijojmë shtrimin e dy petave të tjera.

Hedhim edhe pjesën tjetër të mbushjes së kungullit dhe më pas shtrojmë tre petat e fundit duke u sërish disa pika vaj ulliri.

Byrekun e pjekim në furrë në 180 gradë për 20-30 minuta deri sa të marrë pjekjen e duhur.

Në fund të përgatitjes, pasi byreku është pjekur e nxjerrim nga furra dhe e lyejmë me një lugë gjalpë fshati.

Mish qengji i pjekur me qumësht – Receta me shije të përkryer

Një recetë fantastike, e thjeshtë dhe unike në shije e cila padyshim, pasi ta keni provuar njëherë do të shndërrohet në më të preferuarën

Në doni të përgatisni një recetë të veçantë e speciale për fundjavë apo në rast feste apo gëzimi familjar provoni recetën e mishit të pjekur me qumësht.

Një recetë fantastike, e thjeshtë dhe unike në shije e cila padyshim, pasi ta keni provuar njëherë do të shndërrohet në më të preferuarën.

AgroWeb.org ju sjell më poshtë këtë recetë fantastike, e cila përgatitet krejt lehtë dhe shpejt në shtëpi pa ju munduar dhe pa ju marrë kohë.

I gatuar në këtë mënyrë, mishi merr një shije të mrekullueshme, bëhet tërësisht i shkfrifët dhe i butë.

Përgatitja e Mishit të Pjekur të Qengjit me Qumësht

 Përbërësit

 (Përbërësit më poshtë janë për 4-5 persona)

1 kg mish qengji

400 ml qumësht

Kripë

Piper i zi

2 lugë gjelle gjalpë fshati

Përgatitja

Si fillim, pastroni mirë mishin e qengjit me ujë të bollshëm, prijeni në thela dhe kriposeni spas preferencës.

Hidhini  piper të zi dhe nëse preferoni edhe pak nenexhik

Në vijim, AgroWeb.org ju udhëzon të vendosni me rradhë thelat e mishit të qengjit në një tavë ose tepsi.

Më pas, hidhuni sipër thelave të mishit qumështin dhe më pas gjalpin të ndarë në copëza të vogla.

Për këtë recetë në vend të mishit të qengjit mund të përdorni edhe mish keci ose mish viçi.

Më pas, futeni tavën në furrë të piqet përreth 3 orë në temperaturën 150 gradë.

Lëreni të piqet derisa masa e qumështit të avullojë dhe sipërfaqja e mishit të marrë ngjyrën e kuqërremtë të pjekjes.

Kjo recetë shoqërohet me gatime të ndryshme, sallata të freskëta të stinës, perime të pjekura, patate të gatuara në mënyra të ndryshme, por edhe supa të lehta etj

Mund ta shoqëroni në mënyrë të shkëlqyer edhe me salca dhe dajthra të ndryshëm.

Këtë recetë mund ta përgatisni edhe me mish keci ose viçi./AgroWeb.org