VOAL

VOAL

Please Wait ...
0%

Si ta sulmoni bakterin që ju shkakton fryrje dhe urth me këta përbërës të thjeshtë

By | July 18, 2018
1 Comments
  • author avatar
    Arif husaj 4 weeks ago Reply

    Ku mundet mu ble kjo mjalt

Komentet

Arsyeja e rrezikshme shëndetësore pse nuk duhet ta mbani teshtimën

Mbajtja e teshtimës nënkupton që ajri që është supozuar të dalë duhet të ndërrojë drejtim. Foto: Flickr

Kur vjen puna tek teshtima, njerëzit ndahen në kategori: ata që teshtijnë fort dhe hapur dhe ata që e mbajnë atë.

Përpjekja për të mbajtur teshtimën niset nga shumë arsye dhe një prej tyre mund të jetë mirësjellja ose bezdia nga zhurma që shkakton ajo.

Mbajtja e teshtimës, sipas ekspertëve mund të shkaktojë probleme serioze për shëndetin.

I tillë është rasti mjekësor i një 34 vjeçari Britanik që u publikua në revistën British Medical Journal.

Ai përfundoi në spital me probleme të rënda pasi u përpoq fort të mbante teshtimën duke mbyllur hundën dhe gojën.

Ekspertë thonë se ai pësoi një çarje të brendshme të fytit, enjtje të qafës, vështirësi në përtypje dhe në të folur.

34 vjeçari u shtrua për 7 ditë në spital dhe gjatë këtyre ditëve u ushqye vetëm falë tubave.

Roli i Teshtimës Në Organizëm Dhe Përse Nuk Duhet Ta Mbani Atë

Sipas të dhënave të AgroWeb.org, kur një lëndë apo objekt i huaj futet në organizëm nëpërmjet hundës, instinkti i parë i trupit është që ta nxjerrë atë jashtë menjëherë.

Po ashtu edhe me alergjitë nga lule apo dicka tjetër që nuhasim.

Kjo aktivizon teshtimën.

Diafragma dhe muskujt e brinjëve kontraktohen në mënyrë që çfarëdo të jetë futur brenda të dalë shpejt nga hunda.

Bëhet fjalë për një refleks automatik dhe të pakontrollueshëm që ka një objektiv të vetëm: të sigurojë pastërtinë e rrugëve të frymëmarrjes.

Teshtima është shumë e fuqishme.

Në varësi kapacitetit të mushkërive, ajri që shfryhet përmes teshtimës ka një shpejtësi që mund të arrijë nga 100 deri në 800 km në orë.

Mbajtja e teshtimës nënkupton që ajri që është supozuar të dalë duhet të ndërrojë drejtim.

Një gjë e tillë mund të shkaktojë dëmtim të veshit të mesit dhe çarjen e daulles së veshit.

Një rrezik tjetër që vjen nga mbajtja e teshtimës është edhe infeksioni i veshit sepse mukusi dhe lëngjet e infektuara kthehen mbrapsht.

Ekspertët dhe mjekët nënvizojnë se teshtima nuk duhet mbajtur.

Megjithatë kjo nuk do të thotë që ju të jeni të zhurmshëm apo të mos merrni në konsideratë të tjerët pranë jush.

Nëse jeni sëmurë, teshtima mund të shpërndajë patogjenë të ndryshëm në ajër në një shpejtësi shumë të madhe.

Nëse jeni të ftohur ose jo, mos mbuloni rrugët e frymëmarrjes me dorë.

Kjo e fundit shërben për përhapjen e të ftohurës, gripit apo virozave.

Mbani një shami apo letër për hundët sa herë që ju duhet të teshtini./AgroWeb.org

Tregjet mbushen me mjaltë sintetik kinez – BE merr masa të rrepta, po Shqipëria?

Testimi i Mjaltit.

Vende të BE kanë testuar mjaltin e importuar, ku në shumë raste ai ka qenë tërësisht sinetik pra asnjë përmbajtje të vërtetë mjalti.

Vendi i origjinës pavarësisht vendit nga ku është importuar është Kina.

Paniku nga mjalti sintetik kinez nuk ka kapur vetëm vendet e BE, masa të rrepta po ndërmerren edhe në Australi dhe Shtetet e Bashkuara.

Sipas të dhënave të fundit, të cilave u referohet AgroWeb.org, vetëm një muaj më parë një nga kompanitë më të mëdha kineze të prodhimit të mjaltit u gjobit me 2.9 milionë dollar pas skandalit në prodhimit të mjaltit të falsifikuar pas testeve të zhvilluara në Australi.

Vendet e Bashkimit Europian po ndërmarrin masa të rrepta të sanksionuara me ligj lidhje me importin e mjaltit.

“Një studim i Komisionit Evropian të vitit 2015 zbuloi se një në tre (32%) enë me mjaltë kishin sheqer të shtuar. 6% e 2,000 mostrave të testuara treguan gjurmë të sheqerit të shtuar. Mashtrimi rezultojë në mjaltin nga jashtë dhe posaçërisht atë nga Kina.

Sipas autoriteteve franceze arit të lëngët, veç shtimit të sheqerit, etiketimit të rremë të vendit të origjinës, tashmë mashtruesit industrial kanë arritur të krijojnë edhe mjaltin sintetik, i cili është shumë i ngjashëm me atë natyral.

Po ashtu, testet kanë treguar se disa enë mjalti të etiketuar si spanjollë përmbanin polene të cilat gjenden vetëm në Kinë. Prodhuesit kinezë për t’u shpëtuar këtyre kontrolleve shtojnë copa mikroskopike të algave të detit, të cilat mund të fshijnë të gjitha gjurmët e origjinës.

Këto teknika gjithnjë e më komplekse po e bëjnë gati të pamundur zbulimin e mashtrimit. Për të gjitha llojet e mashtrimeve, viktima mbetet konsumatori.

Mjalti nga Kina, veç faktiti se nuk ka asnjë përfitim shëndetësore, dyshohet se përmban metale të rënda dhe toksike, si dhe antibiotikë të ndryshëm. Ndërkohë, Europa po shqyrton se si të mbrojë industrinë e saj prej 14.2 miliardë euro” transmetohet në një kronikë lajmi në televizionin Klan Plus.

Tashmë Franca ka votuar për etiketimin e detyrueshëm për vendin e origjinës të enëve të mjaltit, dhe nis zbatimi në shtator 2019.

Franca konsumon 40,000 ton në vit, por vetëm 10,000 ton prodhohet në këtë vend. Ndaj jo vetëm Franca por të gjitha shtetet e Bashkimin Europian importojnë mjaltë nga jashtë, rreth 60% të sasisë që konsumohet.

Po Shqipëria?

Aktualisht në Shqipëri nuk ka asnjë të dhënë për mjaltin e importuar nga jashtë, në lidhje me vendin e origjinës nga importohet apo përbërësit e tij, çka nuk e përjashton mundësinë e futjes së mjaltit të sintetik kinez edhe në tregun këtu.

Megjithatë, sipas të dhënave të INSTAT, të cilave i referohet AgroWeb.org  flitet  për një rritje progresive të importeve kineze në vendin tonë, çka reflekton një interes në shtuar të kompanive dhe sipërmarrjes kineze për tregun shqiptar.

Vlera e importuar për dymujorin e parë të këtij viti është 8 miliard e 418 milionë lekë, ndërsa në po të njëjtën periudhë të vitit të kaluar shënonte vlerën e 7 miliard e 244 milionë lekëve.

Këshillat e AgroWeb.org për ta bërë më të lehtë dallimin e mjaltit cilësor nga ai falso.

  • Mjalti i vërtetë ka grimëza të vogla brenda tij, që janë pjesë e polenit, hojeve ose bletëve dhe që janë të ngrënshme.
  • Mjalti i rremë është tepër i kulluar për të qenë i vërtetë.
  • Mjalti i vërtetë është i dendur dhe i trashë, ndërsa ai i rremi është i hollë.
  • Mjalti i vërtetë ka një aromë të ëmbël dhe unike, ndërsa mjalti i rremë nuk ka një aromë specifike ose ka mban një erë të thartë.
  • Mjalti i vërtetë nuk ngjit si zamkë kur e fërkon mes gishtave. Ai i rremi nga ana tjetër është plot me ëmbëlsues të rremë që e bëjnë të ngjitshëm.
  • Shija e mjaltit të vërtetë është e lehtë dhe shuhet pas disa minutash. Shija e mjaltit të rremë është shumë e ëmbël dhe zgjat për shumë kohë.
  • Mjalti i vërtetë nuk formon bulëza kur ngrohet, por karamelizohet. Mjalti i rremë formon bulëza dhe nuk karamelizohet kurrë.
  • Mundohuni të blini mjaltë direkt nga një bletërritës i besueshëm. Tek ata keni mundësinë ta provoni mjaltin dhe të merrni përgjigje të sakta për çdo pyetje në lidhje me mjaltin në shitje.

Kujdes me etiketën

Mjalti i vërtetë duhet të përmbajë vetëm një përbërës – mjaltë!

Disa prodhues ose kompani shtojnë përbërës të tjerë në listë, shije, ëmbëlsues, aditivë, dhe elementë artificialë. Ai nuk është mjaltë i vërtetë.

Disa prej aditivëve të shtuar përfshijnë: shurup misri, niseshte, glukozë ose shurup sheqeri. Produktet që mbajnë emërtime jo fort të qarta në etiketë janë qartësisht shumë larg mjaltit të vërtetë.

Mjalti është produkti i tretë më i falsifikuar në botë.

Të freskëta plot shije – Si të përgatisni konserva me sardele në shtëpi

Sardele të Freskëta.

Gatimet me sardele janë nga më të shijshmet e kuzhinës.

Përveç shijes sardelet janë nga peshqit me më shumë vitamina e minerale.

Të pasura me proteina dhe vitaminë D ndihmojnë muskujt dhe kockat.

Cilësohen si ushqimi perfekt për mbajtjen e trupit në formë pasi ulin nivelin e yndyrnave në gjak.

Janë shumë të thjeshta për t’u gatuar.

Dy mënyrat më të shijshme të gatimit të sardeleve janë gatimi me vaj ulliri dhe sardele në salcë domatesh.

Të dyja mënyrat janë shumë të thjeshta për t’u realizuar në shtëpi në mënyrë të shpejtë dhe të shëndetëshme.

Sot në AgroWeb.org do t’ju tregojmë se si të përgatisni sardelet perfekte në vaj ulliri, shumë  të buta dhe të shijshme.

Përbërësit

500 gr sardele të freskëta

50gr kripë

2 filxhanë çaji me vaj ulliri

2 gjethe dafine

1 karrotë

1 kastravec turshi

1 spec djegës

6 fara karafili

2 lugë çaji piper

1 lugë  çaji kripë

Përgatitja:

Pastroni sardelet duke i hequr kokën dhe pastruar trupin.

Vendosini në një enë me ujë dhe 50gr kripë për rreth 15 minuta.

Më pas lajini me ujë të ftohtë e të bollshëm në mënyrë që të nxirrni të gjithë papastëritë e mbetura.

Kullojini dhe hidhini në tenxheren me presion duke i bashkuar me vajin e ullirit dhe gjetet e dafinës.

Prisni një karrotë dhe një kastravec turshi në feta të holla, shtoni specin djegës dhe farat e karafilit.

Hidhni kripën dhe piper sipas dëshirës dhe mbyllni tenxheren.

Pasi të keni mbyllur tenxheren e presionit vendoseni në zjarr.

Kur tenxherja të fillojë të bëjë një zhurmë të lehtë ulni zjarrin në minimum dhe lërini të gatuhen edhe për 15-20 minuta.

Pasi ta hiqni tenxheren nga zjarri lëreni të ftohet për 15 minuta e më pas hapeni dhe vendosini sardelet në një enë.

Ju mund t’i servirni menjëherë apo t’i ruani në frigorifer duke i mbyllur hermetikisht në kavanoza qelqi, në kë mënyrë mund t’i ruani deri në 2 javë./Agro.Web.org

Buka më e mirë për diabetikët – Cilën duhet të zgjidhni

Bukë me Drithëra të Plota.

Aroma e bukës së sapo dalë nga furra ka fuqinë të të ndezë të gjitha shqisat dhe të fton në ‘mëkat’ nëse e ngrënia e bukës mund të quhet e tillë.

Kjo ndodh edhe tek tek diabetikët, të cilët ndonëse bukën duhet ta konsumojnë me karar, sërish mund të plotësojnë dëshirat për ushqimin më popullor në botë.

Në këtë artikull të AgroWeb.org diabetikët dhe familjarët e tyre do të mësojnë për alternativat më të shëndetshme të brumit.

Buka Me Fibër

Buka e përgatitur me drithë të plotë, e pasur në fibër është më e mira për diabetikët.

Sipas ekspertëve, tërshëra dhe embrioni i grurit janë ndër drithërat më të shëndetshme.

Ata shprehen se diabetikët duhet t’i përmbahen sasive të rekomanduara të karbohidrateve në një vakt por gjithësesi mund të përgatisin vetë bukën me përbërësit më të shëndetshëm.

Përbërësit Më Të Shëndetshëm Të Bukës

Një bukë e shëndetshme duhet të përmbajë përbërës të pasur me proteinë, yndyrna të mira dhe fibër.

Këto përbërës do të pengojnë rritjen e shpejtë të nivelit të sheqernave në gjak.

Të dhënat e Shoqatës Amerikane të Diabetit të cilave u referohet AgroWeb.org thonë se buka e bardhë dhe e përgatitur me miell të përpunuar duhet të zëvendësohet me bukë të bërë me miell 100 përqind me drith të plotë.

Mundësisht, mielli i drithit të plotë dhe i bluar trashë është i rekomanduar për një bukë jo vetëm të shijshme por edhe të shëndetshme.

Personat që vuajnë nga diabeti mund të shfrytëzojnë shumë receta duke zëvendësuar miellin e bardhë me miell të drithit të plotë, miell bajamesh apo të farave të linit.

Këto produkte do ju furnizojnë me proteinë dhe do mbajnë nivelet e sheqerit të qëndrueshme.

Fjetja në anën e majtë dhe ndikimi në shëndet

Ka njerëz të cilët nuk flenë dot po nuk u shtrinë nga ana e majtë.

Është e pamundur që njeriu të mos mbajë një anë në jetë.

Kjo vlen edhe në pozicionin e fjetjes.

Ka njerëz të cilët nuk flenë dot po nuk u shtrinë nga ana e majtë, e me siguri ata do të gëzohen kur të lexojnë se kjo përzgjedhje ka një ndikim të fortë pozitiv në shëndetin e organizmit.

Si Ndikon Ana e Të Fjeturit Në Shëndet

Sipas informacioneve tue AgroWeb.org, ekspertët paralajmërojnë se një pozicion i gabuar gjatë gjumit mund të shkaktojë shumë probleme.

Këtu përfshihet:

Urthi,

Qarkullimi i dobët i gjakut,

Probleme me stomakun,

Dhimbjet e kokës, qafës dhe shpinës,

Apnea e gjumit,

Lodhja dhe kontraktimet muskulare,

Shfaqja e parakohshme e rrudhave.

Për fat të mirë, fjetja në anën e majtë mund të parandalojë shumë probleme të tilla dhe të garantojë cilësinë e gjumit.

7 Përfitimet e Të Fjeturit Në Anën e Majtë

Urthi

Fjetja në anën e majtë parandalon urthin sepse stomaku është shumë pranë ezofagut dhe përmbajtja e tij apo acidet nuk ngjitet lart.

Sistemi Limfatik

Ky sistem luan një rol shumë të rëndësishëm në organizëm.

Ky sistem është i ngjashëm me sistemin e qarkullimit të gjakut dhe eliminon papastërtitë dhe toksinat nga trupi.

Fjetja në anën e majtë ndihmon në pastrimin e këtij sistemi dhe përshpejton gjithë punën e tij duke rikthyer proteinat e humbura nëpër qeliza.

Zemra

Kur njeriu fle në të majtë, zemra pompon gjak shumë më lehtë.

Për më tepër, graviteti ndihmon për një funksion më të mirë të sistemit qarkullues.

Mëlçia

Shpesh ndodh që mëlçia të përballet me një barrë shumë të rëndë pune.

Fjetja në anën e majtë i vjen asaj në ndihmë sepse neutralizon toksinat përpara se të akumulohen në mëlçi.

Stomaku

Ky pozicion ndihmon dhe përshpejton procesin e transferimit të mbetjeve ushqimore.

Për më tepër, graviteti përmirëson lëvizjet e zorrëve.

Shpretka

Fjetja në anën e majtë përmirëson funksionin e shpretkës e cila ndodhet gjithashtu në anën e majtë.

Kjo ndodh sepse gravitet stimulon qarkullimin e gjakut drejt saj.

Gratë Shtatzëna

Fjetja në anë të majtë është shumë e dobishme për gratë shtatzëna në tremujorin e fundit.

Ky pozicion përmirëson qarkullimin e gjakut dhe funksionin e mëlçisë.

Njerëzit që nuk para flejnë në këtë pozicion mund ta kenë vështirë, por me siguri pasi të lexojnë këtë artikull të AgroWeb.org do të zgjedhin të flenë majtas në të mirë të shëndetit./AgroWeb.org

Llojet e pagjumësisë – Cilat janë dhe si t’i dalloni

Medikamentet, kafeja, alkoli, substancat e tjera apo një ushqim i caktuar që ju rëndon, e prishin cilësinë e gjumit. Fo

Pagjumësia është një çrregullim që manifestohet në mënyra të ndryshme.

Vështirësia në të fjetur është vetëm një prej tyre.

Ka njerëz që nuk i zë gjumi lehtë, që nuk flenë dot gjithë natën ose që zgjohen shumë herët.

Studimet e fundit, të cilave u referohet AgroWeb.org, kanë identifikuar kategoritë e pagjumësisë, të cilat do t’i gjeni si më poshtë:

Pagjumësia e Përgjithshme

Pagjumësia e përgjithshme ka të bëjë me vështirësi në fjetje dhe zgjimin përpara kohe.

Këto çrregullime mund të përkufizohen edhe nga një cilësi e dobët e gjumit.

Pagjumësia e Përshtatur

Ky çrregullim i njohur edhe si pagjumësia akute ose pagjumësia afat-shkurtër buron nga stresi ose edhe nga një emocion i bukur që largon gjumin.

Me t’u larguar stresi ose emocioni pozitiv, rikthehet gjumi normalisht.

Pagjumësia E Nxitur 

Kjo ndodh me fëmijët, Kur fëmijët nuk bien për të fjetur vetë, por kanë nevojë që prindërit të diktojnë orën e gjumit.

Nëse kjo ndodh, fëmijët flejnë normalisht, në të kundërt ata mund të qëndrojnë zgjuar për shumë orë.

Pagjumësia Idiopatike

Ky është një çrregullim që zgjat gjatë gjithë jetës dhe nis që në fëmijëri.

Ajo mund të shkaktohet nga ndonjë problem mjekësor, psikik, ngjarje stresuese, përdorimi i medikamenteve e të tjerë.

Ky çrregullim ndodh kur në organizëm prishen ekuilibrat. Sistemi i zgjimit është tepër aktiv dhe ai i gjumit jo.

Pagjumësia Për Shkak Të Medikamenteve dhe Kafesë

Medikamentet, kafeja, alkoli, substancat e tjera apo një ushqim i caktuar që ju rëndon, e prishin cilësinë e gjumit.

Ky çrregullim vijon për kohë të gjatë edhe ku i keni lënë këto pije, medikamente apo substanca.

Pagjumësia Për Shkak Të Një Problemi Mjekësor

Problemet mjekësore shkaktojnë pagjumësi.

Ky çrregullim më pas mund të vazhdojë të shpaloset herë pas here edhe nëse problemi mjekësor është zgjidhur.

Pagjumësia Paradoksale

Kjo pagjumësi është e ashpër dhe bën që njerëzit të ndihen sikur nuk kanë fjetur për një ose dy ditë.

Njerëzit e prekur nga ky çrregullim thonë se janë të vetëdijshëm për mjedisin rrethues edhe nëse duket sikur po flenë.

Ata kanë tendencën ta ekzagjerojnë për kohën që u është dashur të mbyllin sytë dhe për sasinë e gjumit.

Pagjumësia Psikofiziologjike

Ky çrregullim shoqërohet me një shqetësim të tepruar në lidhje me arsyet që ju mbajnë zgjuar.

Pagjumësia në fjalë shfaqet ngadalë dhe avancon me kalimin e viteve.

Njerëzit e prekur nga ky problem, ndihen të shqetësuar sapo vjen ora e gjumit.

Ata tensionohen shumë dhe më pas nuk flenë dot.

Lexoni këtu mbi disa ushqime që ndihmojnë gjumin si edhe klikoni këtu për vlerat e çajit të bananes për pagjumësinë./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Burimi: U.S. National Library of Medicine

Shenjat e para që jep trupi kur sheqeri në gjak është shumë i lartë

Shenjat e Trupit dhe Niveli i Sheqerit ne Gjak.

Trupi ka tendencën të tregojë menjëherë kur diçka nuk shkon siç duhet.

I tillë është rasti i sheqerit në gjak.

Kur niveli i tij është shumë i lartë, simptomat janë të menjëhershme.

Kemi të bëjmë me mjegullim të shikimit, ngadalësim të shërimit dhe uri të vazhdueshme.

Shkaktarët e Sheqerit të Lartë Në Gjak

Kur trupi është i sëmurë apo i goditur nga stresi, ai nis të prodhojë hormone, gjë që mund të nxisë rritjen e sheqerit në gjak.

Shkaktarë të tjerë të nivelit të lartë të sheqerit në gjak janë:

Mungesa e insulinës apo medikamenteve të diabetit,

Ngrënia e tepruar e karbohidrateve,

Mungesa e aktivitetit fizik,

Sëmundjet, infeksionet, medikamentet e të tjerë.

Simptomat e Sheqerit Të Lartë Në Gjak

Sipas të dhënave të AgroWe.org kur nivelet e sheqerit në gjak janë tepër të larta, me kalimin e kohës ato shkaktojnë dëmtim të enëve të gjakut.

Një gjë e tillë mund të nxisë edhe atakun në zemër, dëmtim të veshkave dhe humbje të shikimit.

Problemet vazhdojnë më tej me probleme nervore, shëndet të ligë të lëkurës dhe infeksione.

Shenjat Paralajmëruese të Sheqerit në Gjak.

Në këtë artikull të AgroWeb.org do të mësoni për shenjat paralajmëruese kur sheqeri në gjak bëhet i rrezikshëm.

Mpirje

Niveli i sheqerit në gjak shkakton mpirje të duarve dhe këmbëve.

Kjo shkaktohet nga neuropatia diabetike, një komplikacion i sëmundjes.

Uria e Vazhdueshme

Trupi ka nevojë për një sasi të caktuar të sheqerit në gjak, falë të cilit prodhon energji. Mungesa e kësaj sasie shkakton uri të vazhdueshme.

Urinim i Tepruar

Niveli i sheqerit në gjak përfundon në veshka dhe në urinë që përthith më shumë lëngje dhe si rrjedhojë urinim të tepërt.

Etje e Tepërt

Bashkë me urinimin e tepërt, niveli i lartë i sheqerit ka tendencën të shtojë etjen.

Rënie ose Shtim i Pashpjegueshëm në Peshë

Kur qelizat nuk kanë glukozën e nevojshme, trupi djeg masë muskulare.

Kjo shkakton një rënie ose shtim të pashpjegueshëm në peshë.

Vështirësi në Përqendrim

Truri vuan nga mungesa e ekuilibrave në organizëm.

Niveli i lartë i sheqerit në gjak mund të shkaktojë vështirësi në përqendrim dhe probleme me kujtesën.

Shërim i Ngadaltë

Niveli i lartë i sheqerit ne gjak mund të dëmtojë nervat.

Nëse vëreni që lëndimet e lëkurës shërohen me vështirësi, atëherë është koha të kontrolloni nivelin e sheqerit në gjak.

Marramendje ose Mjegullim të Shikimit

Nëse të dyja këto ndodhin krejt papritur, atëherë është e udhës që mos t’i injoroni.

Niveli i lartë i sheqerit në gjak mund të jetë një shkak i fshehur i këtyre dy simptomave.

Sot ndodh Ekuinoksi i Pranverës – Surprizat e stinës së re

Dita e parë e pranverës quhet ekuinoksi i pranverës dhe pothuajse gjithmonë vjen me 20 mars ose 21 mars.

Marsi është muaj me mot shumë të ndryshueshëm. Por një ditë gjithmonë vjen, qoftë ditë shiu apo dielli.

Kjo është shkencërisht dita e parë e pranverës, edhe pse nuk ndihet si e tillë.

Pavarësisht tre javëve të fundit, AgroWeb.org raporton se dita e parë e pranverës bie të mërkurën, më 20 mars të këtij viti.

Dita e parë e pranverës quhet ekuinoksi i pranverës dhe pothuajse gjithmonë vjen me 20 mars ose 21 mars.

Çfarë ndodh në ditën e quajtur ekuinoksi i pranverës?

Dita e parë e pranverës është momenti i vetëm i çdo viti që këndi i lëvizjes së Tokës është zero në raport me Diellin.

Pra, nëse do të qëndronit në ekuator, AgroWeb.org ju tregon se dielli do të kalojë pingul mbi kokën tuaj.

Si përcaktohet dita e parë e pranverës?

Dita e parë e pranverës përcaktohet nga ekuinoksi i pranverës, momenti kur dielli kalon pingul mbi sipërfaqen e ekuatorit të tokës, duke e bërë natën dhe ditën afërsisht të barabarta në të gjithë botën.

Në këtë ditë, të dy hemisferat e Tokës marrin një sasi të barabartë diellit.

Por a nuk është Dita e Verës apo 1 Marsi dita e parë e pranverës?

Ka dy mënyra për të përcaktuar ditën e parë të pranverës. AgroWeb.org raporton se kjo bëhet sipas ciklit astronomik apo ciklit meteorologjik, por shumica e njerëzve përdorin ciklin astronomik.

Cikli astronomik e konsideron 20 marsin 2019 të jetë dita e parë e pranverës dhe gjithmonë bazohet në ekuinoksin e marsit.

Ndërsa cikli meteorologjik e përcakton ditën e parë të pranverës te modelet e stinës dhe temperaturës sezonale. Pra, nëse shkoni me ciklin meteorologjik, dita e parë e pranverës është në të vërtetë 1 mars, thotë AccuWeather.

A është dita e parë e pranverës njëjtë çdo vit?  

Jo. Data ndryshon çdo vit pasi që përcaktohet nga koha e kalimit të diellit mbi Ekuatorin e Tokës, i cili ndryshon gjithnjë në varësi të disa faktorëve.

Orbita e Tokës ndryshon vazhdimisht në lidhje me diellin, ndërsa në të njëjtën kohë graviteti i planetëve të tjerë ndikon në vendndodhjen e Tokës në hapësirë.

Këto dinamika fizike, shoqëruar me faktin se çdo vit kalendarik gjithmonë ka një numër të ndryshëm të ditëve (vitet e brishtë), do të thotë se dita e parë e pranverës ndryshon pak nga viti në vit.

Kur vjen fiks pranvera në vitin 2019?  

Koha e saktë që ekuinoksi i pranverës ndodh këtë vit është në orën 17:15, të martën, më 20 mars. Në hemisferën jugore, pra për njerëzit në anën tjetër të botës, sot ndodh ekuinoksi i vjeshtës.

Kurat dhe ushqimet e duhura për pankreas të shëndetshëm

Nëse pankreasi del jashtë funksioni, organizmi nuk përthith dot substancat e mira nga ushqimi.

Pankreasi është një organ i vogël që rrallë herë të vjen ndër mend.

Pankreasi ka dy funksione bazë. Ky organ prodhon insulinën për të kontrolluar nivelet e sheqerit në gjak dhe enzimat për tretjen e yndyrnave dhe proteinës.

Lëngu që prodhon pankreasi neutralizon acidet që lëshon stomaku, duke krijuar ambientin perfekt për enzimat tretëse.

Nëse pankreasi del jashtë funksioni, organizmi nuk përthith dot substancat e mira nga ushqimi.

Nëse pankreasi nuk funksionon mirë, mund të përballeni me këto probleme:

Diabet

Infeksion akut ose kronik të pankreasit

Rritje të mundësisë për zhvillimet tumorale

7 Ushqimet e Duhura Për Pankreas Të Shëndetshëm

Shkaqet e mosfunksionimit të pankreasit shpesh janë të panjohura, por ekspertët beosjnë se një ushqyerje e shëndetshme mund të rigjallërojë këtë organ.

Ekspertët kanë zbuluar disa ushqime dhe bimë mjekësore që përmirësojnë funksionet e pankreasit.

Megjithatë, këto kura duhen provuar vetëm me aprovimin e mjekut, në rastet kur jeni duke marrë ilaçe për pankreasin.

Gjethet e ullirit

Gjethet e ullirit përmirësojnë qarkullimin e gjakut dhe e pastrojnë atë nga toksinat.

Përbërësit e tyre largojnë radikalet e lira dhe ulin tensionin e gjakut.

Ngrënia e rregullt e këtyre gjeleve forcon mëlçinë, tiroiden dhe pankreasin.

Gjethja e ullirit përmban acid oleik që mbron qelizat e pankreasit dhe parandalon formimin e qelizave kancerogjene.

Kjo gjethe rekomandohet për të pakësuar rrezikun e kancerit të gjirit dhe të pankreasit.

Hudhra

Hudhra është mikja më e mirë e pankreasit.

Ajo ul sasinë e sheqerit në gjak dhe stimulon prodhimin e insulinës.

Hani një ose dy thelpinj hudhër në ditë për shëndet të mirë.

Çaji i hudhrës është gjithashtu një alternativë e mirë nëse e kombinoni me majdanoz për të freskuar gojën.

Lulerradhiqja

Ekspertët besojnë se lulerradhiqja është mjaft efikase kundër kancerit të pankreasit dhe veçanërisht ndaj qelizave që i rezistojnë trajtimeve kundër tumoreve.

Në vitin 2012, shkencëtarët në Kanada zbuluan se ekstraktet e lulerradhiqes nxisnin të ashtuquajturën ‘vetëvrasje’ të qelizave kancerogjene duke mbrojtur ato normale.

Çaji i lulerradhiqes largon toksinat nga sistemi tretës dhe shëron indet e dëmtuara të pankreasit.

Sanëza

Kjo bimë e verdhë me emrin botanik Gentiana gjendet në malet shtatlartë të Shqipërisë.

Ajo është një nga bimët më të mira për shëndetin e pankreasit.

Sanëza stimulon fshikëzën e tëmthit, shëndetin e stomakut dhe të pankreasit.

Ajo është e dobishme në prodhimin e enzimave dhe acidit të stomakut që inkurajojnë një tretje të shëndetshme.

Limoni

Frutat si limoni inkurajojnë çlirimin e enzimave jetësore tretëse nga pankreasi.

Kivi dhe limoni jeshil janë gjithashtu mirëbërës për këtë organ.

Jamballi

Jamballi është pjesë e trajtimeve efikase të problemeve me pankreasin.

Në mjekësinë tradicionale kineze, jamballi ka gjetur përdorim prej mijëra vitesh.

Ky zhardhok është i pasur me substanca kundër inflamacionit dhe dhimbjeve.

Rigoni

Rigoni është një bimë mjaft premtuese kundër problemeve të shkaktuara nga stresi oksidues siç është diabeti.

Rigoni përmban antioksidantë që ndihmojnë në menaxhimin e hiperglicemisë ose komplikacioneve afat gjatë të lidhura me diabetin.

Kanella, xhenxhefili dhe shafrani i Indisë janë gjithashtu erëza të mira për shëndetin e pankreasit./AgroWeb.org

Kolla e Natës – Si të kuptoni nëse është ftohje apo alergji, trajtimet që ju ndihmojnë

Gjethet e dafinës janë fantastike për shëndetin e gjithë organizmit.

Kolla e natës është një shqetësim i cili ndikon në cilësinë e gjumit tuaj duke u kthyer në një bezdisje për secilin.

Çdo vit miliona njerëz vuajnë nga simptoma të ndryshme të ftohjes, gripit, sëmundjeve të frymëmarrjes apo alergjive.

Kollitje pa pushim natën, dhimbje fyti apo teshtima, por nuk jeni të sigurt nëse po përjetoni simptomat e një ftohje të vjetër apo të një alergjie që sapo ka filluar?

Mjekët japin disa mënyra se si mund t’i dalloni ato fare lehtë megjithëse janë shumë të ngjashme.

Është shumë e rendësishme të kuptoni saktë simptomat të cilat po vuani që të mund të merrni trajtimin e duhur.

AgroWeb.org  ju tregon një listë me këshilla të cilat duhet të merni parasysh për të bërë këtë ndarje.

Alergjitë

Kolla e natës që shkaktohet nga alergjitë shfaqet në periudhat kur në ajër ka shumë polene lulesh, kryesisht në pranverë.

Ajo  shfaqet papritur dhe zgjat me javë të tëra derisa alergjia të kalojë.

Mund të shkaktohen nga pluhuri , një element i ri në dhomë, një parfum apo detergjent i ri rrobash.

Në rastin e alergjisë përveç kollës ju nuk do të përjetoni simptoma të tjera siç janë dhimbjet trupit  apo temperatura.

Kontrolloni nëse ndjeni rëndesë në zonën e syve, zonën e hundës dhe sinuseve.

Kur trupi ndjen rreziqe të jashtme si alergjitë lëshon istaminën e cila  shkakton alergjitë.

Nëse ndjeni zonën poshtë syve të rënduar atëhere me shumë mundësi ju po vuani nga ndonjë alergji.

Nëse keni shqetësime të fytit, por jo dhimbje dhe ndjesia është ajo e gërvishtjes dhe deshirës për ta kruajtur njësoj siç ndodh me lëkurën atëherë po vuani nga ndonjë alergji.

Ftohja

Kolla me natyrë inflamatore shkaktohet nga gripi apo ftohje të ndryshme të cilat bllokojnë rrugët e frymëmarrjes.

Kjo lloj kolle shfaqet edhe gjatë ditës, por përkeqesohet natën duke penguar gjumin e qetë.

Kolla e ftohjes  ndryshe nga alergjitë është e avashtë dhe zgjat  3-14 ditë.

Në rastet e ftohjeve do të keni edhe sekrecione të shumta të hundës apo dhimbje të fytit të cila vazhdojnë gjatë gjithë ditës duke ju penguar të konsumoni lehtësisht ushqim.

Kur vuani nga gripi apo ftohja në shumë raste do të keni edhe temperaturë apo dhimbje të trupit.

Për të qetësuar kollën nga i ftohti përdorni çajin e dafinës duke zierë tre gjethe dafine në një filxhan çaji dhe nëse dëshironi mund t’i shtoni dhe pak mjaltë. Pijeni para gjumit.

Për të qetësuar alergjinë përdorni çaj mente. Çaji i mentes është një balancues natyral i cili ul nivelin e istaminës, që shkakton alergjitë në trup.

Përgatitja

1 lugë mente e thatë (10gr)

1 lugë mjalt (25gr)

1 flixhan ujë (250ml)

Kollën që shkaktohet nga gripi apo ftohja mund ta qetësoni duke përdorur çaj bliri.

Çaji i blirit ul temperaturën e turpit  dhe lufton të ftohtin. Ka veti qetësuese ndaj dhimbjeve të trupit apo fytit duke i dhënë fuqi sistemit imunitar.

1 çaj bliri (10gr)

Pak sheqer ose mjaltë

1 filxhan ujë (250ml)

Mbroni sytë dhe trurin nga lodhja e ekranit me këto tri lloje ushqimesh

Muskujt e syve tuaj do të dobësohen  më shpejt duke ju sjellë problem në fokusim.

E mbyllni ditën me dhimbje koke nga përdorimi i tepërt i kompjuterit  apo telefonit?

Shikimi juaj është dobësuar dhe keni vështirësi në fokusim?

Ju mund të jeni duke vuajtur simptomat  ndaj ekspozimit të madh ndaj dritës së ekraneve.

Ekspozimi i vazhdueshëm ndaj ekraneve të kompjuterit, televizorit apo telefonit mund të shkaktojë probleme duke filluar që nga shëndeti i syve deri tek problemet me pagjumësinë.

Muskujt e syve tuaj do të dobësohen  më shpejt duke ju sjellë problem në fokusim.

Një problem ky që mund të ju shkaktojë  vështirësi të përhershme në shikim.

Mënyrat më mtë mira dhe efiskase për t’u mbrojtur nga këto simptoma janë ato natyrale.

Sigurohuni të merni sa më shumë vitamina nga ushqimet.

Tri lloje Ushqime Që Mbrojnë Sytë dhe Trurin

AgroWeb.org në këtë artikull do t’ju tregojë  tre lloje ushqimesh të cilat mbrojnë sytë dhe trurin.

Studimet e fundit tregojnë se për të përforcuar shikimin dhe për të shamngur lodhjen duhet të konsumoni sa më shumë fruta e perime.

Përdorni ushqime që përmbajnë karotenoide dhe antioksidantë të cilat ndihmojnë në përmirësimin e shkimit dhe shplodhjen e syrit.

Ato lidhen edhe me veti të tjera kuruese siç janë parandalimi i dhimbjes së kokës, lodhjes apo pagjumësisë.

Ekspertët rekomandojnë tre lloje ushqimesh ato me ngjyrë të gjelbër, portokalli dhe të kuqe.

Perimet jeshile që përmbajnë burime të mira të karotenoideve  janë lakra, spinaqi dhe brokoli.

Vitamina të tjera të vlefshme mund të gjeni edhe tek produktet shumëngjyrshe siç janë porokalli, karrotat apo patatet e ëmbla.

Tek ushqimet e kuqe rekomandohet shumë speci i kuq, domatja, salmoni apo mishi i kuq.

14 Mars – Zgjohen Zanat e Pranverës

Zanafillën “Dita e Verës” e ka në faltoren Zana e Çermenikës, e ndërtuar në rrethinat e qytetit të Elbasanit.

Në lashtësi, sipas Kalendarit Julian, marsi ishte muaji i parë i vitit.

Në Evropë, kalendari Julian u zbatua derisa në vend të tij u vendos Kalendari Gregorian në vitin 1582.

Por në gjuhën e sotme shqipe ruhen ende gjurmë të kalendarit Julian.

Pra, nëse viti kalendarik fillon me marsin, ka kuptim që muaji i shtatë të jetë shtatori, i teti tetori, i nënti nëntori dhe i dhjeti dhjetori.

Edhe muajt e tjerë kanë lidhje me bujqësinë. Qershori është muaji i Qershive dhe Korriku, muaji i korrjeve. Ishte koha kur stinët ishin më të dallueshme.

“Dita e Verës është dita në të cilën stërgjyshërit tanë, kur s’kish lindur krishtërimi, kremtonin bashkë me romakët dhe grekërit e vjetër, në nderim të perëndive të luleve, të shelgjeve.

Kur shkrin dimri, kur qaset vera e buzëqeshur, e hollë dhe e gjatë si në pikturë të Botticellit. Dhe ashtu leu festa hiroshe që e quajnë Dita e Verës…”

Ky është në fakt përkufizimi poetik i Faik Konicës për Ditën e Verës.

Nga pikëpamja historike, Dita e Verës është shumë e hershme, me origjinë të lashtë pagane.

Ajo ishte një festë mbarëshqiptare, që kremtohej si në Veri edhe në Jug, por me nuanca të ndryshme, sipas krahinave.

Ka të bëjë me ringjalljen; me ringjalljen pranverore të natyrës në raport me dimrin, në nderim të natyrës së bukur shqiptare dhe bimësisë që merr jetë.

Thuhet se ajo është festë arbëreshe e trashëguar në veçanti nga qytetarët e VALM-it Elbasanit (Skampa e lashtë) dhe festohet më 14 mars.

Më 13 mars njerëzit marrin një tufë të vogël bari të njomë bashkë me rrënjët dhe dheun, që ta kenë në mëngjesin e datës 14 mars në shtëpi.

Ky zakon i lashtë ruhet dhe festohet jo vetëm në Elbasan, po edhe në Dibër, Strugë e Prespë.

Pse në Elbasan?

Rezulton se Dita e Verës është kremtuar në mbarë viset shqiptare.

Por Elbasani, ende shumë ndryshe nga pjesa tjetër e Shqipërisë, është vendi ku Dita e Verës ndihet dhe përjetohet në kuptimin më të plotë të fjalës.

Zanafillën “Dita e Verës” e ka në faltoren Zana e Çermenikës, e ndërtuar në rrethinat e qytetit të Elbasanit, e cila ishte perëndesha e gjuetisë, pyjeve dhe e të gjithë natyrës.

Sipas gojëdhënës, kjo zanë dilte nga faltorja e saj ditën e 14 marsit. E trashëguar brez pas brezi, kjo festë popullore, është një ditë, e cila sot identifikon edhe vetë qytetin e Elbasanit.

Kushdo që do të kalojë këto ditë pranë Elbasanit do të ndjejë aromën ndjellëse të ballakumeve.

Ballakumet janë ëmbëlsira tradicionale e kësaj feste. Në Elbasan gatuhen vetëm në këtë ditë.

Kjo i bën ato edhe më të veçanta. Janë ëmbëlsirat që gatuhen me miell misri të situr mirë, gjalpë bio dhe sheqer të imët.

“Verore” quhet byzylyku prej fijesh të bardhë dhe të kuqe që lidhet në kyçin e dorës dhe zgjidhet kur të shihet dallëndyshja e parë.

Në disa krahina, veroret varen në degë pemësh, kryesisht dafinash, që dallëndyshet t’i marrin e të sjellin mbarësi.

Dita e verës, si festohet në qytete të ndryshme?

Fëmijët e Tropojës kanë zgjimin më të bukur në Ditën e Verës. Ata zgjohen mes lulesh, gjethesh e fijesh bari, të vendosura mbi jastëkë nga nënat e tyre herët në mëngjes.

Më pas, fëmijët gjatë gjithë ditës këpusin dëllinja dhe i bashkojnë ato në një vend në formën e mullarit.

Dëllinjave u vihet flaka në mbrëmje dhe fëmijët këndojnë dhe vallëzojnë rreth flakëve të larta.

Për shkak të klimës paksa më të ftohtë, në Tropojë dita e Verës festohet në fund të Marsit – fillim Prilli (zakonisht data 6 prill).

Edhe në Dibër fëmijët ndezin zjarre në mbrëmje. Por një tjetër karakteristikë e veçantë është se njerëzit atje zgjohen herët “për të mbyllur dyert”, një rit pagan ky i festimeve.

Në Skrapar gatimi i Ditës së Verës është lakror me hithra. Qyteti i Pogradecit e feston këtë ditë më vezë të ziera të lyera në të kuqe.

Fëmijët ndezin zjarre dhe vejnë në duar “veroret”. Në Korçë festohet nga disa në 1 Mars e nga të tjerë në 14 Mars. Përgjithësisht datat ndryshojnë sipas besimeve fetare.

Kosovë “Dita e Verëzës”

Në Kosovë, pjesë e festimeve janë daljet e të rinjve e të rejave në sheshe fshatrash, në bjeshkë, mbledhja e luleve të para.

Vallëzimi e kënga, ndezja e zjarreve dhe gatimet speciale me miell misri e gruri, të cilat kanë ngjashmëri, por nuk janë si ballokumet e Elbasanit.

Dita e Verës përfshin festime të të dy kulteve tona të vjetra, të Diellit dhe të Gjarpërit.

Ndizen flakadane në majat e maleve dhe të kodrave, në shumë krahina bëhen zjarret e kashtës, thuren e jepen veroret, shëtitet në natyrë, mblidhen familjet e fiset.

Është ditë begatie. Zgjohen Zotat e Bimësisë./AgroWeb.org