Temperatura në ulje, qëndrimi i ngrohtë dhe konsumi i energjisë në shtëpi po bëhet një sfidë e madhe për shumë njerëz. Rritja e kostos së energjisë dhe inflacionit në grupe kryesore si ushqimi e karburanti është kryefjala e ditëve të shqiptarëve, të cilët po rreken të gjejnë zgjidhje të situatës, “pa thyer bankën”. A po ndryshon konsumi nga tetori 2022?
Kriza e kostos së jetesës ka goditur rëndë konsumatorët në vendin tonë në vitin 2022. Fatura mesatare vjetore e ushqimeve parashikohet të rritet më shumë, çmimet e benzinës dhe karburantit të naftës kanë arritur nivelet më të larta. Megjithatë, në muajt e fundit mbizotërojnë diskutimet e rritjes së çmimit të faturave të energjisë.
Në fakt, energjia po gërvisht vetëm sipërfaqen e krizës së kostos së jetesës. Por si kanë reaguar konsumatorët në Shqipëri ndaj krizës së kostos së jetesës?
Si përgjigje, buxhetet e familjeve po ndryshojnë, me nevojat bazë si energjia, transporti dhe ushqimi që zënë një pjesë më të madhe.
Paratë e vendosura për kursime dhe shpenzimet e luksit janë shkurtuar në mënyrë drastike – një prirje e cila pritet të vazhdojë. Konsumatorët po blejnë sasi më të vogla, ose po shtyjnë blerjet. Shumica po u drejtohen zbritjeve ose markave më të përballueshme.
Nga vëzhgimet në treg vihet re se shqiptarët kanë përshtatur sjelljen në të gjitha fushat e shpenzimeve që nga fillimi i vitit 2022, kryesisht kur bëhet fjalë për energjinë, ushqimin dhe udhëtimet, por edhe aktivitetet sociale dhe, madje, edhe kujdesin shëndetësor.
Ndërsa familjet me të ardhura më të ulëta janë goditur më së shumti dhe po ndryshojnë sjelljen në një numër më të lartë se popullsia mesatare, duhet theksuar se edhe në mesin e konsumatorëve me të ardhura mbi mesataren, shumë prej tyre po ndryshojnë sjelljen.
Burimi: INSTAT
Konsumi në shtëpi
Këtë vjeshtë kanë nisur të ndryshojnë zakonet e konsumit në fushën e shpenzimeve për shtëpinë dhe energjinë.
Për shembull, shumë qytetarë deklarojnë se do të shmangin sa të munden ngrohjen për të kursyer energji, ose do të fikin apo do të shmangin pajisje si ekspresi i kafesë, thekësen e bukës, mikrovalën, për të kursyer energjinë elektrike.
Sipas tyre, ndryshimi i lajmërimeve për vendosjen apo jo të fashës së energjisë, nxit më tepër nevojën për kursim, në rast se diçka tjetër ndryshon rrugës.
Në një vëzhgim në disa karburante në kryeqytet (“Kastrati” pranë kompleksit “Deliorgji”, karburanti “Braka” në Selitë dhe “Eida” në TEG) vihet re rritje e kërkesës për gaz. Subjektet thonë se qytetarët kryesisht kërkojnë mjete alternative për gatim.
Përfaqësues të “Aladini Shop” shprehen se është rritur kërkesa për priza ekonomike, të cilat u vendosen burimeve ekzistuese në shtëpitë e qytetarëve dhe reduktojnë deri në 50% energjinë elektrike.
Kërkesat, sipas tyre, mendohet të jenë më të larta, duke marrë në konsideratë se po afrohen festat e fundvitit dhe familjarët vënë dritat në pemën e Krishtlindjes.
Nga “GjejeVetë” thonë se një produkt i cili ka tejkaluar pritshmëritë ka qenë një pajisje dushi, e cila zëvendëson dushet ekzistuese dhe që ngroh-ftoh ujin në kohë të shpejtë dhe me një reduktim të energjisë së konsumuar deri në 50%. Duke marrë në konsideratë që produkti kushton 2990 lekë, kushton më pak se zëvendësimi i bolierit.
Nga “Globe”, dyqan shitjesh me pakicë elektroshtëpiake, deklarohet se kërkesat e qytetarëve për zëvendësim të elektroshtëpiakeve kanë qenë të larta. Sipas tyre, nisën që në muajt e verës. “Ne ofrojmë mundësinë e sjelljes së elektroshtëpiakeve ekzistuese, vlerësimit të tyre dhe blerjen e një pajisje elektroshtëpiake të re, me shtimin e një vlere relativisht të ulët.
Kjo gjë ka pasur interes, kryesisht në zëvendësime sobash, kondicionerësh dhe bolierësh me eficiencë energjie A+++. Duke marrë parasysh rritjen e çmimeve, është pozitive”, – shprehen përfaqësuese shitjesh pranë “Globe”.
Nga “Comodita Home” dhe “Ozdilek”, si dhe në një vëzhgim në Tregun Çam, deklarohet rritje e kërkesave për batanije.
Dikur ka pasur interes për batanijet elektrike, por këtë vit, sipas tyre, s’ka pasur kërkesa për të tillë, për shkak të çmimeve që mund të ndryshonin në konsumin e energjisë. Të pyetur a ka pasur rritje çmimi ky produkt, na informojnë se çmimet e artikujve shtëpiakë janë në nivelet e një viti më parë, me ndryshime të vogla në produktet e importit.
Nga “Mobileri Europa” deklarojnë se ka pasur rritje të kërkesave për të ndryshuar dritaret e shtëpive, sidomos në pallate apo shtëpi private që janë ndërtime përpara vitit 2000. Sipas tyre, çmimet e dritareve plastike kanë qenë në një nivel prej 160-200 eurosh për dritare dhe eficienca e tyre, krahasuar me dritare duralumini, është e lartë.
Përfaqësues të kompanisë “Roefix” shprehen se kanë pasur kërkesa të larta për shërbime termoizolimi. Sipas tyre, kryesisht të brendshme në pallate, sepse marrja e lejeve për shërbime të jashtme është më e komplikuar. Ndërsa në shtëpitë private, kërkohen më shumë të jashtme.
Kjo metodë, sipas tyre, kursen energjinë në maksimum dhe gjithashtu rrit vlerën e pronës, në rast se pronarët duan ta shesin në një të ardhme të afërt.
Si po ndryshon konsumi
Për shembull, shumë qytetarë deklarojnë se do të shmangin sa të munden ngrohjen për të kursyer energji, ose do të fikin apo do të shmangin pajisje si ekspresi i kafesë, thekësen e bukës, mikrovalën, për të kursyer energjinë elektrike. Sipas tyre, ndryshimi i lajmërimeve për vendosjen apo jo të fashës së energjisë, nxit më tepër nevojën për kursim, në rast se diçka tjetër ndryshon rrugës.
Ushqimet
Duke vëzhguar çmimet më të larta, konsumatorët vazhdojnë të reduktojnë produktet jothelbësore. Privimet kanë prekur të gjithë familjen, duke shkurtuar disa shpenzime, ushqime dhe pije, blerje dhe shpenzime shtëpiake. Edhe shpenzimet e supermarketeve janë shkurtuar.
Të pyetur për “Monitor”, qytetarë të ndryshëm në rrugët e Tiranës deklarojnë kanë filluar të blejnë marka me çmime më të ulëta në supermarkete dhe të reduktojmë ushqimet jothelbësore. “Jemi drejtuar te makaronat, orizi më i lirë.
Mish marrim në thertore, kryesisht të grirë. Qumështi, bulmetet, janë shtrenjtuar, i marrim kur i kemi të domosdoshme. Ndonjëherë s’kemi më para për fruta, pasi blejmë perimet që duhen patjetër”, – thotë një zonjë rreth të 60-ave, në dalje të një supermarketi në kryeqytet.
Një në pesë persona të pyetur në dalje të disa supermarketeve të lagjeve “21 Dhjetori” dhe Rruga e Kavajës, pohojnë se po blejnë më pak peshk ose mish.
Ankesa e buxhetit të familjes, INSTAT
Udhëtimet
Agjenci të ndryshme udhëtimi shprehen se ka ndryshuar sjellja e të interesuarve për udhëtime. Duke marrë shkas nga afrimi i festave të Nëntorit, kanë pasur interes të lartë në vendet e rajonit, në oferta kryesisht 3-4 ditore.
Nga “Ilirida Travel” pohohet se në resorte malore në Mal të Zi, Maqedoninë e Veriut apo Kosovë, çmimet kanë qenë thuajse të një niveli me vitin e shkuar dhe qytetarët mendojnë se, ofertat 3-ditore me transport, ushqim e lehtësi të tjera janë tejet në favorshme, edhe se sa qëndrimi në shtëpi për të njëjtën periudhë ditësh pushimi.
Agjenci të tjera deklarojnë se qytetarët po shmangin përdorimin e makinës së tyre, për shkak të rritjes së çmimit të karburantit.
Një e treta e paketave kërkohet me transport sa i përket rajonit. Gjithashtu kanë qenë të leverdishme dhe të kërkuara, kryesisht për qytetet italiane fluturime të lira nëpërmjet linjave ajrore ekonomike.
Burimi: INSTAT
Arsyet
Ka shumë arsye pse faturat e energjisë elektrike janë më të larta këto ditë. Ne jemi ende duke u marrë me çështje të zinxhirit të furnizimit nga pandemia që vazhdon, konflikti gjeopolitik po ndikon në çmimet e energjisë dhe ngjarjet ekstreme të motit po bëhen më të shpeshta.
Të gjitha kanë efekt në faturën e energjisë, qoftë me rritje të konsumit apo çmim të rritur. Për shembull, me më shumë njerëz që rifillojnë udhëtimet e kohës së lirë dhe bizneset kthehen në funksionimin normal, kërkesa për energji është rritur. Ashtu si shumë sektorë, kompanitë e energjisë po luftojnë për të gjetur materiale dhe fuqi punëtore të nevojshme për të përmbushur kërkesën, prandaj, rrisin çmimet.
Por ka një arsye tjetër, shpesh të papritur për fatura më të larta elektrike: tarifa më të larta për atë konsumin shtesë. Me llojet e ndryshme të sendeve shtëpiake, sa më shumë të blini, aq më shumë kurseni për njësi – prandaj, kjo është logjika e blerjeve me shumicë.
Por energjia elektrike është ndryshe. Një tjetër arsye pse fatura juaj e energjisë elektrike mund të jetë e lartë është se po shpenzoni shumë energji. Sipas “Connect4Climate”, rreth 35% e konsumit të energjisë së banesave shpërdorohet.
Barometri
Barometri vjetor i përballueshmërisë së Eurokonsumatorëve, i publikuar në fillim të këtij viti, tregoi tashmë pesimizëm të madh dhe perspektivë të zymtë për financat e konsumatorit, pasi inflacioni në rritje, kriza e vazhdueshme e Covid-19 dhe çmimet e energjisë filluan të godasin vendin.
Që atëherë, efektet shkatërruese të luftës në Ukrainë kanë shtuar edhe më shumë presion mbi çmimet. Euroconsumers ka publikuar rezultatet e një tjetër sondazhi në shkallë të gjerë, të kryer në vendet e pesë organizatave anëtare të tij (Belgjikë, Portugali, Itali, Spanjë dhe Brazil), që tregon se si konsumatorët po përshtaten me këtë realitet (të ri).
Ai zbuloi se shumica e të anketuarve tashmë kanë ndryshuar ndjeshëm sjelljen e tyre – kryesisht në fushat e energjisë, ushqimit dhe lëvizshmërisë. Dhe e ardhmja nuk duket e ndritur, pasi një numër shqetësues i të anketuarve treguan se nuk u ka mbetur asnjë marzh apo kursim për t’u marrë me rritjen e çmimeve në të ardhmen.
Duke vëzhguar çmimet më të larta, konsumatorët vazhdojnë të reduktojnë produktet jothelbësore. Privimet kanë prekur të gjithë familjen, duke shkurtuar disa shpenzime, ushqime dhe pije, blerje dhe shpenzime shtëpiake. Edhe shpenzimet e supermarketeve janë shkurtuar.
Sot në orën 10:00 organizimi i radhës nga protestuesit kundër kryeministrit Edi Rama dhe qeverisë së drejtuar prej tij.
Qytetarët do të mblidhen para Kuvendit ku do të mbahet edhe seanca e radhës plenare.
Ndërkohë në orën 19:00 do të mbahet protesta masive e 33-të radhazi ku organizatorët u kanë bërë thirrje qytetarëve nga i gjithë vendi, por edhe shqiptarëve të diasporës, që t’i bashkohen tubimit në Tiranë.
Grumbullimi i protestuesve është parashikuar të nisë në sheshin “Skënderbej”, ndërsa më pas marshimi do të vijojë drejt godinës së Kryeministrisë, ku protestuesit do të qëndrojnë për të shprehur kërkesat e tyre.
Kërkesa kryesore e protestës mbetet dorëheqja e kryeministrit Edi Rama. Organizatorët kanë deklaruar se protestat do të vazhdojnë deri në përmbushjen e kësaj kërkese, duke ftuar qytetarët të marrin pjesë masivisht në atë që cilësohet si protesta e 32-të radhazi, që shënon edhe një muaj nga nisja e protestave. bw
Protesta për dorëheqjen e kryeministrit Rama është përshkallëzuar në aksionin e vet. Qytetarët gjatë paradites synojnë ndërgjegjësimin e institucioneve. Në Ditën e 31, protesta paqësore qytetare rrethoi simbolikisht Kuvendin e Shqipërisë. Mosprania e Ramës dhe e Ballukut si dy ndër objektivët kryesor ishin jashtë sallës së ligjbërësve. Të mendosh se këto figura të korrupsionit i ruhen përplasjeve është njëra anë, por të mendosh se ata imunitetin nuk e shfrytëzojnë në çdo sekondë kjo do të ishte e gabuar. Kuvendi në seancën plenare të zhvendosur të datës 30 Qershor, tregoi tre rrethime. Gardhin metalik, pengesa njerëzore nga trupa e policisë dhe forcave speciale si dhe gardistët e gatshëm brenda Kuvendit. Një protestë që u karakterizua nga ndeshje të aktivistëve me forcat policore të cilat kryen gjashtë shoqërime në komisariatet e kryeqytetit ishin pasojat e para nga përshkallëzimi dhe provokimet. Ajo që vlen për t’u shënuar është se ‘Revolucioni i Flamingove’ siç gjerësisht po njihet edhe në mediat ndërkombëtare realizoi dhe ndeshjen e parë simbolike të “goditjes” me vezë të automjeteve të blinduara dhe me xhama të errët të pushtetarëve, simboli i fortësisë së një lëvozhge që i ka mbetur gjithë pështjellës së korrupsionit që shumë shpejtë do të thyhet pas krisjes.
Por përse gjithë kjo siguri dhe hyrje dytësore për një seancë plenare?
A janë përfaqësues të popullit këta anëtarë të Kuvendit apo ende nuk po e shohin se protesta qytetare po zhvillohet pandërprerje prej një muaji?
Çfarë presin ligjvënësit?
Ndërsa kjo mungon në Kuvend edhe pse forca e kartonit të mazhorancës e dikton me ashpërsi jetën politike të vendit duke mbrojtur korrupsionin, qytetarët zhvilluan paraditen edhe ditën e 1 Korrikut një protestë paradite duke shënuar fillimin muajit të dytë të protestave me përshkallëzimin dhe duke u vendosur për një tjetër ndërgjegjësim tek ndërtesa e Prokurorinë e Posaçme kundër Korrupsionit dhe Krimit të Organizuar, SPAK.
Çfarë presin më ligjvënësit (?) do të ishte përsëritja e pyetjes.
E sikurse kjo mungon, ekzekutivi nuk ndalet me vendimet e propozuara apo edhe me propagandën për të treguar dhënien e një përgjigje ndaj qytetarëve protestuesve sikurse edhe sinjaleve ndaj BE-së për “seriozitetin e angazhimeve”.
Ky “seriozitet” ndodhi pikërisht më 30 Qershor dhe në mënyrën më qesharake ku sipas një informacioni ATSH qartësonte se Këshilli i Ministrave miratoi vendimin për deklarimin e Parkut Arkeologjik Apoloni si “pasuri kulturore e paluajtshme” si dhe ngarkoheshin Ministria e Turizmit, Kulturës dhe Sportit, Njësia e Administrimit dhe Koordinimit të Parkut Arkeologjik Apoloni, si dhe Bashkia Fier.
Në të gjithë këtë përcaktim, krah një libiri të quajtur “The Albanian Files” zbulohet se edhe aty ka projekte dhe ide zhvillimi për Parkun e Apolonisë, fraza “pasuri kulturore e paluajtshme”, e cila lidhet fort si me kulturën antike po ashtu edhe me atë të sotme se si ky pushtet qeveris.
Vetëm brenda një muaji (gjatë Qershorit), arena e Apolonisë dha shfaqjen Rama Balluku për të konfirmuar se Fieri është Kryeqyteti i Socialistëve, qarku i 12 mandateve si dhe shfaqja komike e kryeministrit me një bluzë ku vihej në lojë Flamingo dhe revolucioni i tyre me diçiturën “Se këtu në vendin tim edhe kungulli ka kuptim”.
Një “gjetje” të cilën populli e ka proverbuar ndryshe:- “Si mbahet kungulli për gardh”.
Që janë ato gardhe marrëzie që e kanë parcelizuar dhe shitur Shqipërinë tek çdo investitor i mundshëm strategjik që në jetën e pëditshgme të shqiptarëve e që u këndohet “O kungull të humbtë fara”*.
_____
*”O kungull të humbtë fara”- Shprehja popullore për diçka që të del gjithmonë përpara dhe nuk të shqitet.
30 Qershor, 2026
Unioni i Gazetarëve Shqiptarë Profesionistë të Diasporës (UGSHPD)
Verband Albanischer Berufsjournalisten der Diaspora (VABD)
Union of Professional Albanian Journalists of Diaspora (UPAJD)
L’Union des journalistes professionnels albanais de la diaspora (UJPAD)
Unione dei Giornalisti Professionisti Albanesi della Diaspora (UGPAD)
Sot publikojmë tribunën « Çfarë na ka lënë Toka amanet? », një thirrje e artistëve, shkrimtarëve dhe krijuesve për mbrojtjen e peizazheve themeluese të Shqipërisë.
Çfarë na ka lënë Toka amanet?
Tribune e hapur
Thirrje e artistëve, shkrimtarëve dhe krijuesve për mbrojtjen e peizazheve themeluese të Shqipërisë
Ne, artistë, shkrimtarë, poetë, muzikantë, studiues, mendimtarë dhe qytetarë të lidhur me bukurinë e botës, marrim sot fjalën për të mbrojtur peizazhe, vlera e të cilave e tejkalon pafundësisht çmimin e tyre.
Sepse toka nuk është mall.
Ajo nuk është një aset i thjeshtë ekonomik.
Ajo nuk është vetëm një sipërfaqe e matshme, e regjistruar apo e shfrytëzueshme.
Ajo është vendi ku një qytetërim mëson të shohë, të emërtojë dhe të banojë botën.
Lagunat, kriporet, pyjet bregdetare dhe brigjet ku flamingot zbresin çdo vit i përkasin asaj gjeografie të thellë që ka formësuar imagjinatën dhe ndjeshmërinë e brezave të tërë.
Këto peizazhe nuk janë vetëm hapësira natyrore.
Ato janë vende kujtese, krijimi dhe transmetimi.
Ato janë gjithashtu vende jete, pune dhe takimi, ku prej brezash bashkëjetojnë njerëzit, fauna dhe flora, në një harmoni të çmuar.
Ato jetojnë në rrëfimet, legjendat dhe këngët tona popullore, në filmat, në figurat e letërsisë, në ngjyrat e pikturës, në qëndismat dhe format e kostumeve popullore, si dhe në fjalët e gjuhës sonë.
Prej shekujsh, artistët përpiqen të kapin dritë-hijen e veçantë të një peizazhi, pasqyrimin e qiellit mbi valë, valëvitjen e gjetheve mbi luadh, ngjyrat dhe kontrastet e relievit, qetësinë dhe gjallërinë e natyrës, lindjen, perëndimin, mjegullën dhe fluturimin e një zogu në hapësirë.
Peizazhet nuk janë vetëm tema të pikturës.
Ato janë atelietë e padukshme të imagjinatës, të shpirtit dhe të krijimtarisë.
Çdo kulturë e madhe lind nga një dialog i gjatë, i ndërlikuar dhe i vazhdueshëm mes natyrës, njeriut dhe territorit ku ai jeton.
Shkatërrimi i këtyre vendeve nuk do të thotë vetëm ndryshim i një mjedisi.
Do të thotë ndërprerje e një dialogu të lashtë midis natyrës, kulturës, kujtesës dhe jetës së përditshme të një populli.
Ne nuk jemi kundër zhvillimit.
Ne nuk jemi kundër përparimit.
Megjithatë, sot shumë prej këtyre peizazheve kërcënohen nga betonizimi i bregdetit në emër të zhvillimit.
Por përparimi i vërtetë fillon aty ku njeriu di të ruajë atë që nuk mund të zëvendësohet.
Ne shprehim solidaritetin tonë me të gjithë ata qytetarë që, në mënyrë paqësore dhe me dinjitet, janë ngritur për të mbrojtur këto vlera dhe këtë trashëgimi natyrore të rrallë.
Disa pasuri kërkojnë shekuj për t’u krijuar.
Mjaftojnë vetëm pak vite për t’i zhdukur ato.
Ky tjetërsim është një humbje e dhunshme dhe shpesh e pakthyeshme.
Flamingot janë bërë sot simbol i kësaj brishtësie.
Ne u bëjmë thirrje autoriteteve, institucioneve kulturore, institucioneve ekonomike dhe financiare, organizatave ndërkombëtare, organizatave joqeveritare, shkencëtarëve, artistëve, të rinjve, studentëve, sipërmarrësve dhe të gjithë qytetarëve që të kontribuojnë për ruajtjen dhe transmetimin e tyre.
Sepse kur një peizazh zhduket, nuk është vetëm natyra që humbet diçka.
Gjuha humbet një pjesë të kujtesës së saj.
Kultura humbet një pjesë të rrënjëve të saj.
Krijimtaria humbet një pjesë të horizontit të saj.
Dhe njerëzimi humbet një pjesë të pasurisë së tij të vyer, të pazëvendësueshme dhe të padukshme.
Çfarë na ka lënë Toka amanet?
Kemi për detyrë ta ruajmë, ta mbrojmë dhe ta trashëgojmë.
Sepse amaneti nuk është pronë.
Amaneti është përgjegjësi, një bashkëbisedim në heshtje midis kohërave, epokave dhe brezave.
Me besimin tek ju!
30 qershor 2026
NËNSHKRUESIT E PARË
· Orgest Azizi — Shkrimtar, filozof · Arben Bajraktaraj — Aktor · Klara Buda — Shkrimtare, gazetare · Elida Buçpapaj — Shkrimtare, publiciste, botuese . Skënder Buçpapaj – Shkrimtar, publicist, botues · Izet Curri — Stilist, pedagog · Agron Dalipaj — Gjuhëtar · Arben Elezi — Mjek · Ermira Godo — Shkrimtare, përfaqësuese ne UNESCO · Sophie Képès — Shkrimtare · Tanguy Le Dantec — Pedagog i ekologjisë së aplikuar . Simon Pitaqaj – Regjisor teatri · Luan Rama — Shkrimtar · Julian Tauland — Artist piktor · Blerta Zhegu — Këngëtare lirike
.Simon Pitaqaj, Regjisor teatri
Kjo thirrje mbetet e hapur për artistë, shkrimtarë, studiues dhe qytetarë që dëshirojnë t’i bashkohen.
Sot në 19:00 do të mbahet protesta masive e 32-të radhazi kundër kryeministrit Edi Rama dhe qeverisë së drejtuar prej tij.
Ndërsa organizatorët u kanë bërë thirrje qytetarëve nga i gjithë vendi, por edhe shqiptarëve të diasporës, që t’i bashkohen tubimit në Tiranë.
Grumbullimi i protestuesve është parashikuar të nisë në sheshin “Skënderbej”, ndërsa më pas marshimi do të vijojë drejt godinës së Kryeministrisë, ku protestuesit do të qëndrojnë për të shprehur kërkesat e tyre.
Kërkesa kryesore e protestës mbetet dorëheqja e kryeministrit Edi Rama. Organizatorët kanë deklaruar se protestat do të vazhdojnë deri në përmbushjen e kësaj kërkese, duke ftuar qytetarët të marrin pjesë masivisht në atë që cilësohet si protesta e 32-të radhazi, që shënon edhe një muaj nga nisja e protestave. bw
Qytetarët kanë njoftuar se sot në orën 10:00 do të mblidhen para SPAK ku do të dorëzohet libri “Albanian Files” i firmosur nga protestuesit dje në shesh.
Kërkesa kryesore e protestës mbetet dorëheqja e kryeministrit Edi Rama.
Organizatorët kanë deklaruar se protestat do të vazhdojnë deri në përmbushjen e kësaj kërkese.
Ndërsa në orën 19:00 do të mbahet protesta e cila organizohet çdo ditën në Tiranë, kundër Ramës. Kjo është protesta e 32 , e cila vijon pandalur nga shqiptarët me një mesazh të qartë, largimin e Ramës. bw
Eurodeputetja italiane e Grupit të të Gjelbërve në Parlamentin Europian, Cristina Guarda, e cila mori pjesë në protestën e 30-të qytetare të zhvilluar në Tiranë, vlerësoi mobilizimin e qytetarëve, duke e cilësuar atë një mesazh të fortë në mbrojtje të natyrës, të drejtave të njeriut dhe demokracisë.
Në një intervistë për News24, Guarda tha se vizita e saj në Shqipëri kishte për qëllim njohjen nga afër të situatës në vend dhe zhvillimin e takimeve me qytetarë, shoqërinë civile dhe aktorët politikë.
“Si grup i Gjelbër në Parlamentin Europian, ne ndiheshim shumë afër protestave, meqenëse ato filluan nga çështjet mjedisore. Por, nga perspektiva jonë, ne padyshim vumë re se po ndodhte diçka më shumë. Dhe donim të shihnim jo vetëm vendet, por edhe të flisnim drejtpërdrejt me njerëzit, të flisnim me shoqërinë civile, të flisnim edhe me politikanët, në mënyrë që të kuptonim më mirë se çfarë po ndodh këtu në Shqipëri”, u shpreh eurodeputetja.
E pyetur nga gazetari i News24, Erion Kaçorri, se si e vlerëson mobilizimin qytetar dhe mesazhin që ai përcjell, Guarda u shpreh se ishte e impresionuar nga pjesëmarrja dhe karakteri paqësor i protestës.
“U ndjeva shumë krenare për ju, sepse ndjeva se ky mobilizim po i thërret njerëzit nga histori të ndryshme, të moshuar, të rinj, fëmijë, familje së bashku në një mënyrë paqësore, dhe ndjeva një mesazh vërtet të fuqishëm. Që sot e kësaj dite shohim edhe në Evropë që ndoshta nuk e vlerësojmë aq shumë atë që kemi, ligjet dhe mundësinë që kemi, dhe duke parë njerëz që po ngrihen për t’u dëgjuar, për të mbrojtur natyrën dhe të drejtat e njeriut, e ndjeva mesazhin shumë të fuqishëm”, deklaroi ajo.
Grupi i protestuesve kanë lënë Policinë e Tiranës menjëherë sapo mësuan se të arrestuarit para parlamentit ishin dërguar në Komisariatin nr. 1.
Një numër i madh i tyre kanë marshuar të organizuar nëpër rrugë, duke krijuar edhe një atmosferë me thirrjet “Rama jepe dorëheqjen” apo “Lironi çunat tanë”.
Ky marshim ka krijuar edhe një trafik mjetesh, ku drejtuesit e tyre janë sensibilizuar me protestuesit duke ndaluar makinat apo përshëndetur me rënie të borive.
Ndërkohë që në Komisariatin nr. 1 ka pasur një tjetër grup protestuesish e qytetarësh që janë solidarizuar me 6 të arrestuarit që mbahen të izoluar. Panorama
Gjashtë protestuesit e arrestuar pas protestave te Kuvendi, janë dërguar te Komisariati i Policisë Nr.1. Avokati i tyre Gentian Serjani ka deklaruar se nuk është ngritur ende asnjë akuzë ndaj tyre sepse nuk ka shkelje.
Ai ka thënë se nuk është lejuar të takohet me klientët e tij.
“Gjashtë të shoqëruarit janë tek Komisariati Nr.1.
Deri tani policia nuk ka ngritur akoma një akuzë për ta sepse nuk ka asnjë shkelje ligjore.
As ne avokatët nuk po na lënë t’i takojmë të shoqëruarit e protestës. Nuk ka ende një justifikim për arsyen, janë lejuar vetëm Avokati i Popullit dhe deputetët.
Do të qëndrojmë këtu sepse po mbahen në mënyrë të padrejtë deklaroi Serjani. bw
Qytetarët, të cilët janë mbledhur përpara Drejtorisë së Policisë së Tiranës duke kërkuar lirimin e protestuesve që u shoqëruan më herët për shkak te tensioneve para Kuvendit, theksuan se protesta e orës 19:00 ka filluar.
Ata iu bënë thirrje shqiptarëve që t’iu bashkohen përpara Policisë.
“I bëjmë thirrje çdo qytetari të bashkohet në protestë, se protesta e thirrur në orën 19:00 ka filluar. Një ngjarje e paprecendentë ka ndodhur, protestuesit paqësore janë arrestuar para parlamentit dhe e gjithë Shqipëria duhet të vijë këtu.”, tha njëri nga protestuesit.
Ndërsa një tjetër theksoi se nëse nuk lirojnë protestuesit e shoqëruar, do të kalojnë në mosbindje civile.
“I bëj thirrje çdo shqiptari që të na bashkohen. Ishte policia që na provokoi, ne do të jemi në mosbindje civile ose do të lirojnë shokët tanë që po protestojnë paqësisht, ose do të jemi në mosbindje civile. Le ta marrin veshtë gjithë iu bëj thirrje me shpirt e zemër që të na bashkohen.”, tha ai. gsh
Prej më shumë se tre orësh qindra protestues janë grumbulluar para Parlamentit duke e rrethuar, teksa brenda ambienteve zhvillohej seanca plenare.
Përveç thirrjeve dhe parullave për dorëheqjen e qeverisë dhe burgosjen e politikanëve të korruptuar, nuk munguan edhe mesazhet drjet ligjvënësve dhe Kuvendit.
Disa prej tyre vendosën që të shkruanin parullat edhe në rrugë, kryesisht në hyrje të Kuvendit, mbi pllaka.
“Parlament i krimit” ishte një prej tyre, e shkruajtur me spraj me ngjyrë të kuqe, teksa në distancë ishin edhe efektivët e Policisë.
Protesta ka pasur edhe tensione, teksa Policia i largoi me forcë, kurse qytetarët sulmuan me vezë makinat e deputetëve dhe hodhën thirrjet “Hajdutë” dhe “Parlament analfabet”.
Mes parullave të tjera ishin edhe “Revolucion”, “Rama f*ck you”, “Arresto Ballukun”, “Rama dorëhiqu” apo “Nuk na përfaqësoni”. Panorama
Protesta për dorëheqjen e kryeministrit Edi Rama ka hyrë në muajin e dytë. Edhe sot protestuesit si çdo natë do të grumbullohen në orën 19:00 në sheshin “Skënderbej” dhe më pas do të marshojnë drejt Kryeministrisë.
Organizatorët u kanë bërë thirrje qytetarëve nga e gjithë Shqipëria, si edhe shqiptarëve që jetojnë në diasporë, t’i bashkohen tubimit në Tiranë.
Organizatorët theksojnë se kërkesa e tyre mbetet e pandryshuar: dorëheqja e kryeministrit Edi Rama.
Ata kanë bërë të ditur se protestat do të vijojnë deri në arritjen e këtij objektivi, duke u bërë apel qytetarëve për pjesëmarrje sa më të gjerë në protestën e 31-të, e cila përkon edhe me një muaj nga nisja e këtij mobilizimi.
Shqiptarët prej një muaji kërkojnë dorëheqjen e kryeministrit Edi Rama. Të hënën u mbajt edhe protesta e 30-të. Protesta u zhvendos edhe tek Universiteti Politeknik i Tiranës.
Shkak u bë një banderolë që protestuesit kanë dashur të shpalosin në ballkon, ku shkruhej “Ju erdhi fundi”.
Zhvillimin e kësaj proteste e ka pasqyruar edhe Deutsche Welle, e cila shkruan se kjo protestë ka vijuar me qëndrueshmëri.
Ndërkohë Policia e Tiranës tentoi ta ndalonte, duke shkaktuar acarimin e protestuesve. Pas disa tentativave, banderola u shpalos në ballkonin e Universitetit, mes brohorimave: “Studentët”, “Pa rini nuk ka Shqipëri”.
Komentet