VOAL

VOAL

Please Wait ...
0%

Shehaj: Jemi duke verfikuar edhe 8 emra kryebashkiakësh. Si i marrim informacionet

By | September 18, 2019
blank

Komentet

blank

Mbesat ngelën në kampin e ferrit në Siri, gjyshërit nga Pogradeci apel shtetit mes lotësh: E ëma u zhduk, na ktheni fëmijët

Në mesin e emrave të personave të riatdhesuar nga operacioni humanitar Dylber Shuli nga fshati Zagorçan shpresonte të gjente edhe emrin e familjarëve të tij. Por pas këtij operacioni dhe zbulimit të identitetit të 5 grave dhe 14 fëmijëve shqiptarë nga kampi Al Hawl në Siri qartë shihet zhgënjimi në sytë e Shulit, i cili refuzon të përgjigjet kur pyetet për fëmijët e riatdhesuar në një kohë kur mbesat dhe nipërit e kësaj familje ndodhen prej tetë vitesh në këtë kamp.

Gjyshërit e përmalluar, apelojnë për ndihmë, ndërsa me lajmin e qeverisë shqiptare, Dylber Shuli, kërkon rikthimin e fëmijëve nga kampi sirian. Me lot në sy ai tregon se nga komunikimi i fundit me mbesën e tij te madhe Elona Shulin, kjo e fundit ka kërkuar të rikthehet pranë tyre.

8 vite më parë Krenari, djali i familjes Shuli së bashku me bashkëshorten dhe 3 vajzat u larguan drejt kampit Sirian. Prej 5 vitesh Krenar Shuli është vrarë ndërsa bashkëshortja e tij Adelina është zhdukur duke lënë jetim në kampin e ferrit 5 fëmijët e tyre.

blank

Tjetër zjarr në jug të Shqipërisë, digjen 10 ha kullota dhe 5 ha pyje në lartësitë e Ballabanit në Këlcyrë

KËLCYRA

Pas Përmetit edhe në Këlcyrë janë shfaqur vatra zjarri. Gazetarja Brikena Metaj raporton për BalkanWeb se 10 hektarë kullota dhe 5 hektarë pyje janë djegur në lartësitë e Ballabanit.

Situata është jashtë kontrollit teksa zjarri ka shkuar deri në zonën e cila përfshihet nga qarku i Beratit.

Mësohet se zjarrfikëset e kanë të pamundur të ndërhyjne dhe prej terrenit të vështirë asnjë masë nuk është marrë për të shuar flakët.

blank

Ligjvënësit do të marrin deklaratat tatimore të ish-presidentit Trump

Marrë nga Reuters

Ish-presidenti Donald Trump pësoi një humbje të dyfishtë të premten, pasi Departamenti i Drejtësisë i hapi rrugën publikimit të deklarimit të taksave si dhe zbuloi se ai iu kishte kërkuar zyrtarëve të këtij departamenti t’i shpallnin zgjedhjet si të korruptuara.

Ky është një ndryshim kursi i Departamentit të Drejtësisë, që nga koha kur zoti Trump ishte në drejtimin e Shtëpisë së Bardhë. Sipas dokumentit të publikuar nga Komisioni Mbikëqyrës i Dhomës së Përfaqësuesve, tani zyra e Shërbimit të Brendshëm të të Ardhurave duhet të sigurojë deklarimet tatimore të biznesmenit republikan.

Trump ishte presidenti i parë në 40 vjet, që nuk publikoi deklarimet e tij tatimore, si dhe dokumentet e tjera, pasi ai synonte të mbante sekret hollësitë mbi pasurinë e tij dhe aktivitetet e kompanisë së tij, “Organizata Trump”.

Komisioni Mbikëqyrës i Dhomës së Përfaqësuesve i udhëhequr nga demokratët ka thënë se dëshiron që të kontrollojë pjesërisht deklarimet tatimore për të parë nëse zoti Trump ka përfituar nga ligjet e taksave.

Po ashtu emailet e publikuara tregojnë se zoti Trump dhe aleatët e tij në javët e fundit të presidencës së tij i bënë presion Departamentit të Drejtësisë për të hetuar pretendimet e pabazuara për mashtrime të përhapura në zgjedhjet e vitit 2020. Inspektori i Përgjithshëm i Departamentit të Drejtësisë po heton nëse zyrtarët e departamentit u përpoqën të përmbysnin rezultatet.

“Vetëm thoni se zgjedhjet ishin të korruptuara dhe pjesën tjetër ma lini mua dhe përfaqësuesve republikanë”, i ka thënë zoti Trump në një moment Prokurorit të Përgjithshëm në detyrë Jeffrey Rosen, sipas shënimeve të marra nga Richard Donoghue, i cili në atë kohë ishte zëvendës Prokuror i Përgjithshëm dhe ishte pjesë e bisedës telefonike mes ish presidentit dhe zyrtarit të Departamentit të Drejtësisë.

Përfaqësuesit e e zotit Trump nuk iu përgjigjën një kërkese për koment.

Kryetarja e Dhomës së Përfaqësuesve Nancy Pelosi, një demokrate, përshëndeti vendimin e Departamentit të Drejtësisë, duke thënë se qasja në këto dokumenta është “një çështje e sigurisë kombëtare”. VOA

blank

Vendimi i qeverisë, Veliaj flet nga Tokio: Teatri nuk ekziston më, kalon në pronësi vetëm trualli

JAPONI

Kryetari i Bashkisë së Tiranës Erion Veliaj ka folur në një lidhje ‘live’ nga Tokio, ku ndodhet për Lojërat Olimpike për vendimin e qeverisë që i kaloi në pronësi truallin e Teatrit Kombëtar bashkisë.

Veliaj tha se kalon në pronësi vetëm trualli dhe jo ndërtesa, e cila nuk ekziston më dhe se ky vendim nuk bie ndesh me atë të Gjykatës Kushtetuese.

“Është vetëm trualli jo me një ndërtesë që nuk ekziston. Është korrigjuar me vendimin e Gjykatës Kushtetuese, na mundëson të vazhdojmë me procedurat për ndërtimin e Teatrit. Nuk bien ndesh me njëra-tjetrën.
Meqë jemi në Tokio ajo që kam kuptuar është që kombet ecin përpara kur nuk bllokohen projektet.
Stadiumi këtu nuk është aq ndryshëm apo më i madh dhe më i bukur se Arena Kombëtare. Diferenca është që ne i bëjmë ndryshimet me shumë dhimbje. Stadiume si ky bëjmë dhe ne, e kemi bërë në Tiranë”, tha Veliaj.

blank

Raporti i Financave – Të zhytura në borxhe, cilat bashki në Shqipëri po falimentojnë

Ministria e Financave dhe Ekonomisë ka publikuar së fundmi raportin mbi vështirësitë financiare të njësive të vetëqeverisjes vendore për vitin 2020, ku renditen të gjitha bashkitë e vendit sipas vështirësive financiare.

Këto të fundit janë klasifikuar si institucione pa probleme financiare, si institucione me probleme financiare dhe si institucione me vështirësi financiare. Njësia e matjes është totali i detyrimeve të prapambetura mbi shpenzimet e planifikuara për vitin 2020 në buxhetin e bashkisë.

Nga raporti i monitorimit të Ministrisë së Financave dhe Ekonomisë rezulton se, 37 bashki në total janë pa probleme financiare, pra me peshën e detyrimeve të prapambetura më pak se 15% e shpenzimeve të planifikuara vjetore. Kurse 11 të tjera klasifikohen si me probleme, me peshën e detyrimeve nga 16% në 25% të shpenzimeve të planifikuara, ndërsa 10 të tjera me vështirësi financiare, me peshën e detyrimeve nga 26% në 70% të shpenzimeve.

Rezulton se 38 bashki kanë arritur të ulin stokun e detyrimeve gjatë 2020-ës, ndërsa 20 të tjera e kanë rritur stokun. Por cilat janë bashkitë në vështirësi financiare?

Ajo e Vorës mban vendin e parë, me detyrimet e prapambetura thuajse sa 75% e shpenzimeve të planifikuara për vitin, dhe ndiqet nga Bashkia e Kavajës, me një normë pranë 70%. Në situatë të rëndë financiare janë edhe Bashkitë e Poliçanit, Kuçovës, Tepelenës apo Lezhës.

Pjesa më e madhe e detyrimeve të prapambetura janë ndaj privatit, si rrjedhojë e shpenzimeve kapitale, pra investimeve. Në rastin e Bashkisë Vorë, thuajse 84% e borxhit janë në këtë formë. Madje, Ministria sqaron se, trajektorja financiare e kësaj bashkie po kërcënon nivelin e 80%, çka përkthehet në probleme serioze financiare.

Nga krahu tjetër kemi bashkitë shembullore, ku vetëm Dropulli dhe Patosi e kanë stokun e detyrimeve të prapambetura pranë zeros. Ndër bashkitë e mëdha me shumë pak detyrime janë edhe Shkodra, me 0.2%, Gjirokastra me 0.5%, Elbasani me 3.1% dhe Tirana me 3.2%./Scan

blank

Eksperti denoncon: Erion Veliaj miliona për kompaninë e lidhur me ‘Ndragheta’, për të ‘larë’ rrugët që nuk lahen kurrë!

Eksperti i njohur i ekonomisë, Zef Preçi, nëpërmjet një shënimi-denoncim në faqen e tij në FB, ka shpjeguar një skemë të shpërdorimit të parave publike nga ana e bashkisë së Tiranës së drejtuar nga Erion Veliaj, në bashkëpunim me kompaninë italiane “Eco Tirana” e cila gjendet në hetim për lidhje me mafien “Ndragheta”.

Bëhet fjalë për larjen e rrugëve dhe shesheve të kryeqytetit, punë për të cilat derdhen qindra milion lekë nga buxheti i bashkisë, por kushdo e sheh se kjo gjë nuk ndodh kurrë, ose vetëm në raste të rralla sa për “sy e faqe”.

Preçi ka analizuar në shkrimin e tij të gjitha të dhënat “në letër” të bashkisë së Tiranës për këtë proces pastrimi duke i krahasuar me realitetin, të cilin në fakt e njohin më së miri vetë qytetarët e kryeqytetit.

Shënimi i plotë i ekspertit Zef Preçi

Ne diten me te nxehte te vitit vazhdon larja e miliona metra katrore rrugeve kryesore te Tiranes, te pakten keshtu thone faturat e kripura te bizneseve kliente te bashkise…Kujtese e perseritet per ata qytetare qyqare qe paguajne taksa dhe nuk kerkojne llogari si ne socializmin e djeshem…

Sipas Drejtorise se Pastrimit dhe Mbetjeve Urbane ne Bashkine e Tirane, rruget e kryeqytetit ne pjesen me te madhe lahen disa gjate nates dhe te tjerat gjate dites, bile edhe dy here (?!). Gjithashtu eshte ne fuqi edhe per nja tridhjete vjet edhe nje Memorandumi Bashkëpunimit lidhur në Dhjetor 2015 midis Bashkisë Tiranë dhe Bashkisë së Veronës, pjesa e qendres se Tiranes, e njohur ndryshe edhe si “Zone e Kuqe” per sa i takon “…shërbimit te pastrimit, menaxhimit, mbledhjes dhe largimit të mbeturinave”… (http://mmuem.tirana.al/drejtoria-e-pastrimit-dhe…/).

Ne fakt, vitin e kaluar kane dale ne publik edhe disa publikime aspak te dyshimta per Bashkine e Tiranes mbi lidhjet e partnerit italian te kesaj kompanie me Ndragheta-n italiane (http://ëëë.mcntv.al/…/partneri-i-eco-tirana-n-hetim-p-r…), por vetem kaq…(Cilido dyshon mbi perfshirjen e segmenteve te institucioneve shteterore shqiptare ne krimin e organizuar nderkombetar, le te referoje arrestimet e diteve te fundit mbi bazen e hetimeve te DEA-s dhe partnereve te huaj ne kete fushe).

Le te kthehemi te larja e rrugeve ose te pakten faturimi i saj mbi taksa-paguesit e mjere shqiptare. Mbeshtetur ne dokumentin e mesiperm (http://mmuem.tirana.al/drejtoria-e-pastrimit-dhe…/)  situata eshte si vijon:

Zona e Kuqe,  Operator i shërbimit “Eco Tirana”

– Pastrimi i rrugëve nëpërmjet makinave fshirëse, me ndihmën e ndihmuesëve në tokë, të pajisur me shfryrës ajri elektrik (të natës). (72,987 ml);

– Larje e rrugës gjatë natës (i përfshirë për 10 muaj në vit ose për 305 ditë), ( 542,496 m²);

– Larja e rrugëve gjatë ditës (i përfshirë për 8 muaj në vit ose për 240 ditë), (523,729 m²);

Zona lindore është e ndarë në tre zona pastrimi përkatësisht:

Operator i shërbimit: “Infinit Constructions ”sh.p.k” , Zona Lindore 1

– Larja speciale e rrugëve me presion (parashikuar për 10 muaj të vitit) (5,823 m²);

– Larja e rrugëve një herë në ditë (parashikuar për 10 muaj të vitit) (41,143 m²);

– Larja e dytë e rrugëve (parashikuar për 8 muaj të vitit ose 240 ditë) (29,123 m²);

Operator i shërbimit: “T.T.A Alba-Lam”sh.p.k”, Zona Lindore 2

– Larja speciale e rrugëve me presion (parashikuar për 10 muaj të vitit) (12,817 m²);

– Larja e rrugëve një herë në ditë (parashikuar për 10 muaj të vitit) (83,468 m²);

– Larja e dytë e rrugëve (parashikuar për 8 muaj të vitit ose 240 ditë) (63,253 m²);

Operator i shërbimit: “Shpresa”sh.p.k”, Zona Lindore  3

– Larja speciale e rrugëve me presion (parashikuar për 10 muaj të vitit) (9,862 m²);

– Larja e rrugëve një herë në ditë (parashikuar për 10 muaj të vitit) (103,586 m²);

– Larja e dytë e rrugëve (parashikuar për 8 muaj të vitit ose 240 ditë) (48,942 m²);

Zona perëndimore është e ndarë në tre zona pastrimi përkatësisht:

Operator i shërbimit: “Korsel”sh.p.k”, Zona Perëndimore 1

– Larja speciale e rrugëve me presion (parashikuar për 10 muaj të vitit) (6,303 m²);

– Larja e rrugëve një herë në ditë (parashikuar për 10 muaj të vitit) (95,647 m²);

– Larja e dytë e rrugëve (parashikuar për 8 muaj të vitit ose 240 ditë) (32,216 m²);

Operator i shërbimit: “Fusha”sh.p.k”, Zona Perëndimore 2

– Larja speciale e rrugëve me presion (parashikuar për 10 muaj të vitit) (18,393 m²);

– Larja e rrugëve një herë në ditë (parashikuar për 10 muaj të vitit) (102,997 m²)

– Larja e dytë e rrugëve (parashikuar për 8 muaj të vitit ose 240 ditë) (95,547 m²)

Operator i shërbimit: “Alko-Impex”sh.p.k”, Zona Perëndimore 3

– Larja speciale e rrugëve me presion (parashikuar për 10 muaj të vitit) (10,693 m²);

– Larja e rrugëve një herë në ditë (parashikuar për 10 muaj të vitit) (88,034 m²) ;

– Larja e dytë e rrugëve (parashikuar për 8 muaj të vitit ose 240 ditë) (95,312 m²);

Ne menyre te permbledhur rezulton se per 10 muaj rrjesht ne qytetin e Tiranes, lahen ne menyre speciale (me presion) 63 mije e 891 metra katrore njehere ne dite;  1 milion e 57 mije e 371 metra katrore njehere ne dite, ndersa 888 mije e 122 metra katrore metra katrore lahen edhe njehere te dyte…

Te dashur bashkeqytetare!

Une jam nje  njeri qe mbaj syze dhe mund te mos e kem pare as diten dhe as naten autokolonen e autoboteve me uje qe lajne rruget e Tiranes gjithe vitin edhe pse banoj ne qender te qytetit. Nese ndonjeri prej jush i ka pare apo i sheh, ju ftoj te publikoni ndonje photo, fundja merreni edhe nga interneti foton e larjes se rrugeve te ndonje kryeqyteti Afrikan ne still alla-Rilindja. Se fundja rruget mund te mos lahen, por eshte e sigurte se taksat tuaja po lahen e shplahen gjithandej dhe juve nuk ju mbetet gje tjeter vecse te vazhdoni te parfumoseni nga pluhuri si “te rruar e te qethur”, ashtu si deri me sot…

blank

Kushtetuesja ia rrëzoi, Rama ia kalon sërish truallin e Teatrit Kombëtar Bashkisë së Tiranës

“Qeveria Rama” me anë të një vendimi (VKM) ja ka kaluar truallin e Teatrit Kombëtarë sërish bashkisë së Tiranës, edhe pse Gjykata Kushtetuese e kishte rrëzuar “pronësinë” dhe veprimet që bashkia e Tiranës kishte bërë më herët mbi godinën dhe mbi këtë truall.

Në dy vendime për Teatrin, Gjykata Kusshtetuese shpalli si anti-kushtetues vendimin e më hershëm të qeverisë për t’ia kaluar Teatrin Kombëtar në pronësi të Bashkisë së Tiranës, si dhe vendimin për procedurat e veçanta për ndërtimin e teatrit të ri.

Ligji i veçantë për procedurat e ndërtimit ishte tejkaluar nga zhvillimet, pasi kontrata me firmën rivate, që do të realizonte ndërtimin kishte dështuar më parë.

Pas vendimit të Gjykatës Kuashtetuese, pronësia e Teatrit i mbetej përsëri qeverisë, por me një VKM të fundit Edi Rama ja ka rikthyer Erion Veliajt.

Vendimi i plotë

Në mbështetje të nenit 100 të Kushtetutës, të neneve 13 e 15, të ligjit nr.8743, datë 22.2.2001, “Për pronat e paluajtshme të shtetit”, të ndryshuar, të shkronjës “d”, të nenit 3, dhe të neneve 5, 7, 8 e 17, të ligjit nr.8744, datë 22.2.2001, “Për transferimin e pronave të paluajtshme publike të shtetit në njësitë e qeverisjes vendore”, të ndryshuar, me propozimin e ministrit të Kulturës, Këshilli i Ministrave

V E N D O S I:

1. Kalimin, në pronësi të Bashkisë Tiranë, të pasurisë nr.1/241, lloji “truall”, në zonën kadastrale 8150, Tiranë, me sipërfaqe totale 5 522.7 (pesë mijë e pesëqind e njëzet e dy pikë shtatë) m2, me adresë: rruga “S. Toptani”, Tiranë, sipas kartelës së pasurisë dhe fragmentit të hartës kadastrale, që i bashkëlidhen këtij vendimi.

2. Bashkisë Tiranë i ndalohet të ndryshojë destinacionin e pasurisë së përcaktuar në pikën 1, të këtij vendimi, ta tjetërsojë atë apo t’ua japë të tretëve në përdorim.

3. Pasuria e përcaktuar në pikën 1, të këtij vendimi, i shtohet listës përfundimtare të pjesshme të pronave të paluajtshme publike shtetërore, miratuar me vendimin nr.219, datë 21.3.2017, të Këshillit të Ministrave, “Për miratimin e listës përfundimtare të pjesshme (pjesa e parë + pjesa e dytë) të pronave të paluajtshme publike shtetërore, që transferohen në pronësi ose në përdorim të njësisë administrative Tiranë, Bashkia Tiranë, të Qarkut të Tiranës”, të ndryshuar.

4. Ngarkohen Ministria e Kulturës, Bashkia Tiranë dhe Agjencia Shtetërore e Kadastrës për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

blank

Prof. Dr. Kristaq Kume: Lulzim Basha nuk ka asnjë të drejtë që të mos lejojë Sali Berishën të futet në Parlament

Menjëherë pas ndërhyrjes të ambasadores Amerikane në takimin e saj me kryetarin e PD-së Lulzim Basha për të ndaluar Sali Berishën të hyjë në Parlament,

ka reaguar Prof. Dr. Kristaq Kume, ish-kryetari i KQZ-së  i pyetur në një intervistë nga Report TV duke thënë se kryetari i PD Lulzim Basha nuk ka tagër që t’ja heqë Sali Berishën mandatin e deputetit.

Këtë të drejtë nuk e ka as KQZ, nënvizoi ish kryetari i KQZ-së Prof.Dr. Kristaq Kume.

 

blank

Kërkesa e ambasadores Kim dhe përgjigjia e Sali Berishës, VOA: SHBA rrit qartazi trysninë ndaj PD, Basha mes një zgjedhjeje të detyruar

Në Shqipëri, ambasadorja amerikane Yuri kim kërkoi sot një distancim të qartë të Partisë Demokratike nga ish lideri i saj historik Sali Berisha, të cilit Departamenti i Shtetit, dy muaj më pare, vendosi që t’i ndalojë hyrjen në territorin amerikan. Zoti Berisha u rizgjodh deputet në zgjedhjet e 25 Prillit dhe ka deklaruar se mezi pret të jetë në parlament në shtator. Por pas një takimi të gjatë me kryetarin demokrat Lulzim Basha, zonja Kim deklaroi se do të ishte një ironi historike por edhe një tragjedi për vendin, nëse partia do të hante bar për hir të interesave personale të një njeriu. Nga ana e tij zoti Berisha i quajti fyese deklaratat e ambasadores Kim duke theksuar se nuk ka ndërmend të heqë dorë nga mandati i deputetit

Shtetet e Bashkuara rrisin qartazi trysninë ndaj Partisë Demokratike për t’u shkëputur nga figura e saj historike Sali Berisha. Në muajin maj Departamenti amerikan i Shtetit e përfshiu ish presidentin dhe ish kryeministrin e vendit në kategorinë e zyrtarëve të korruptuar që kishin minuar demokracinë, duke i ndaluar atij dhe familjes së tij hyrjen në territorin e Shteteve të Bashkuara.

Zoti Berisha foli për akuza të pabazuara dhe njoftoi ngritjen e një padie për shpifje publike duke u shprehur se nuk kishte ndër mend të tërhiqej nga jeta politike. Ai u prit me brohoritje në sallën e Kuvendit Kombëtar të Partisë Demokratike dy javë më parë ndërsa qëndroi ulur, në krah të kreut demokrat Lulzim Basha.

Ky i fundit ka reaguar për vendimin e Departamentit amerikan vetëm ditën e publikimit të tij duke shprehur i keqardhur. Ai ka evituar ta prekë më tej publikisht këtë temë dhe të shpjegojë se cila do të jetë marrëdhënia me zotin Berisha, i cili në zgjedhjet e 25 Prillit mori një tjetër mandat si deputet. Por ndërsa ai ish kryeministri ka deklaruar se mezi pret të jetë në sallën e parlamentit të ardhshëm, Shtetet e Bashkuara duket se po kërkojnë pa mëdyshje që kjo të mos ndodhë dhe që PD të distancohet qartë prej zotit Berisha: “Do të doja të theksoja gjithashtu përgjegjësinë që kanë kryertarët e partive për t’u siguruar që kur të hyjnë në atë parliament, të shoqërohen nga anëtarë që janë të denjë për të përfaqësuar Shqipërinë. Do të jetë veçanërisht e rëndësishme që edhe PD t’i mendojë këto çështje”, u shpreh ambasadorja pas një takimi të gjatë me zotin Basha.

Nga selia e Partisë Demokratike, ambasadorja amerikane shkoi dhe më tej me komentet e saj, kur u shpreh se “do të ishte një ironi historike por edhe një tragjedi për vendin, jo vetëm për partinë, nëse partia do të hante bar për hir të interesave personale të një njeriu“.

Duket se Shtetet e Bashkuara presin një qëndrim të qartë përpara hapjes së parlamentit në fillim të shtatorit. “Shpresoj që të gjithë të mund të pushojnë mirë gjatë gushtit, por shpresoj edhe që të kthehen të freskët dhe të ripërtërirë në vendosmërinë e tyre për të zgjedhur të ardhmen kundrejt të kaluarës”, theksoi ambasadorja Kim.

Ndaj deklaratave të saj reagoi zoti Berisha. Ai e cilësoi “një deklaratë fyese për çdo demokrat dhe shqiptar duke iu përmendur barin”, dhe se “në dhunim flagrantë të misionit të saj (ambasadorja) i kërkoi kryetarit demokrat që Sali Berisha të mos futet në parlamenti e ardhshëm”.

Në mënyrë të prerë ai u shpreh se “asnjë shpifje, trillim apo sajim nuk mund të pengojë kurrë Sali Berishën, të përmbushë misionin që i kanë besuar zgjedhësit shqiptarë”.

Një qëndrim që e vë zotin Basha përballë një zgjedhjeje të detyruar, mes kërkesës nga pala amerikane dhe vendosmërisë së zotit Berisha për të mos u tërhequr.

Zëri i Amerikës kërkoi një reagim nga Partia demokratike lidhur me komentet e zonjës Kim, por deri në momentin e përgatitjes së këtij materiali nuk mori ende asnjë përgjigje.

/VOA

blank

“Nuk i bind dot demokratët”, Lubonja për deklaratën e ambasadores së SHBA: Berisha duhet të ishte larguar me kohë, por problemi numër 1 është Rama në pushtet

Analisti Fatos Lubonja i ftuar në rubrikën ‘’Opinion’’ në News24 ka folur për deklartën e ambasadores së SHBA, Yuri Kim e cila i kërkoi Lulzim Bashës të mos futë Berishën në parlament në shtator.

Lubonja thotë se Berisha politikisht duhet të ishte larguar me kohë, por deklaratët e znj.Kim sipas tij nuk i bindin dot demokratët.

Ai thekson se Berisha në PD nuk është problemi kryesor i Shqipërisë, por duhet goditur fantazma e Enver Hoxhës që mishërohet nga Rama që ka gjithë pushtetet.

Analisti thekson se tashmë është koha që Basha duhet të marrë vendime, dhe jo vetëm. Nëse është çështje sipas tij futja apo jo e berishës në parlament, atëhere duhet të mbledhë Këshillin Kombëtar dhe ta hedhë në votë.

‘’E dëgjova padyshim me vëmendje të veçantë, nëse do përdorja dy fjalë për ta karakterizuar deklaratën, do e quaja kontradiktore dhe të gabuar politikisht Mund të mendosh si unë, që Berisha është burim i të këqijave qysh në fillim. Nuk i bind dot demokratët dhe as ne
E kam shprehur që politikisht Berisha duhet të ishte larguar me kohë, por jo që PD të dhe Bashën ta trajtosh si fëmijë. Kjo e lë PD në gjendje fëmijnore. Duhet të marrë vendime vetë.
Nuk e ka zgjidhur ashtu sikur nuk e ka zgjidhur gjithë shoqëria problemin me autoritetin. Ne sot nuk kemi problemin numër 1 Berishën në PD, ne kemi problemin nr.1 në partinë në pushtet që po bëhet parti shtet. Nëse ka ndonjë fenomen që duhet goditur është lideri absolut, pra Enver Hoxha është midis nesh, duhet goditur fantazma e Enver Hoxhës që mishërohet nga Rama. Pra korrupsioni dhe krimi i organizuar që ka kapur shtetin, e përfaqëson Rama.
Ajo që duhet marrë Basha është që të rritet, nuk është rritur Basha. Duhet të marrë vendime, mos i marrë vetë e para. Je në demokraci? Mblidh Këshillin, shiko, voto nëse mendon se është çështje.’’- tha Lubonja.

blank

Deklarata e ambasadores së SHBA pas takimit me Bashën, Berisha: Asnjë shpifje apo trillim nuk më pengon, gabon rëndë me barin që i përmend demokratëve

Ish-kryeministri Sali Berisha ka reaguar në FB për kërkesën që ambasadorja Yuri Kim i bëri Bashës ditën e sotme për ta mbajtur jashtë parlamentit.

Berisha deklaron prerazi se nuk do të ndalet nga asnjë trillim, shpifje apo sajim. Ai thotë se Znj.Kim gabon rëndë kur i përmend barin demokratëve pasi është fyerje dhe këto citate shqiptarët i kanë dëgjuar vetëm në diktaturë.

Me ironi në përmbyllje ish-kryeministri thotë se shqiptarët nuk meritojnë bar, por transparencë. Në muajin maj Sali Berisha u shpall ‘non-grata’ nga DASH për korrupsion qeveritar.

Një ditë më pas ai doli në deklaratë për shtyp ku paralajmëroi padi ndaj Sekretarit amerikan të Shtetit, Anthony Blinken. Edhe sot Berisha i kërkon Blinkenit të publikojë çdo fakt, dokument apo provë për vendimin e tij.

Nga ana tjetër ambasadorja e SHBA, Yuri Kim në këtë ditë të parafundit të korrikut shkoi në zyrën e Bashës dhe pas takimit nënkuptoi se kishte kërkuar që Berisha mos jetë në parlamentin e shtatorit.

Për më tepër ajo deklaroi se ”Do të ishte një ironi historike por edhe një tragjedi për vendin, jo vetëm për partinë, nëse partia do të hante bar për hir të interesave personale të një njeriu. ”

REAGIMI NGA BERISHA

Njoftim shtypi

Sot ambasadorja e SHBA Yuri Kim, me nje deklarate fyese per cdo demokrat dhe shqiptar duke iu permendur barin, ne dhunim flagrant te misionit te saj, i kerkoi Kryetarit te PD qe Sali Berisha te mos futet ne parlamentin e ardhshem. Lidhur me keto deklaroj sa vijon:

Asnje shpifje, trillim apo sajim nuk mund te pengoje kurre Sali Berishen te permbushe misionin e tij te besuar nga zgjedhesit shqiptar ne mbrojtje te interesit kombetar dhe publik te shqiptareve.

Qe nga data 19 maj 2021 dhe deri sot pas vendimit te Sekretarit Blinken, te bazuar ne lobimin korruptiv te Edi Rames dhe George Soros, armik i demokracise se shqiptareve dhe shpifjet e tyre, une i kam kerkuar dhe i kerkoj Sekretarit Blinken te publikoje çdo fakt, dokument apo prove qe ai ose kushdo tjeter mbi toke disponon per te faktuar ato qe ka shkruar ne vendimin e tij. Por deri sot nuk eshte publikuar asnje prove dokumet apo fakt vetem e vetem se ato nuk ekzistojne. Per te gjitha keto une kam njoftuar se kam paditur Sekretarin Blinken per shpifje ne Gjykaten Korreksionale te Parisit.

Deri sot Departamenti i Shtetit me zedhenesin e tij ka informuar se Sekretari Blinken vendimin e ka te bazuar ne raporte te NGO lokale, rajonale dhe nderkombetare, raportet e mediave dhe raportet investigative antikorrupsion te qeverise shqiptare.

Domethene vendimi i Sekretarit Blinken eshte bazuar ne raportet e armiqeve te mi, NGO te kontrolluara nga George Soros dhe raportet e mediave te kontrolluara nga qeveria dhe raportet sekrete te Edvin Rames te pa publikuara kurre ne Shqiperi.

Duke shprehur bindjen se vendimi eshte nje abuzim i paster me ligjin e Kongresit te SHBA, perdorimin e tij si arme kunder kundershtareve politik te multimilardierit George Soros dhe mikut te tij te ngushte Edi Rama, une pavaresisht nga keto perseri ftoj Sekretarin Blinken ti bej te gjithçka publike.

Perveç ketyre e ftoj Sekretarin e Shtetit te ndikoje tek Edi Rama qe te votojme ne parlament ligjin e vetingut te politikaneve.

Une dua ti rikujtoj Zonjes ambasadore se ke gabuar rende me barin qe iu permende demokrateve. Ne kete kontekst shprehja juaj se PD nuk mund te haje bar eshte nje fyerje per çdo demokrat dhe per çdo shqiptar te cilet citate te ngjashme i kane degjuar vetem ne diktature apo nga raciste albanofobe.

Se fundi, nuk e di nese takimi i sotem i Zj ambasadore Kim ka ndonje nxitje nga denoncimi im i marreveshjes se dyshimte qe u njoftua se u arrit ne prani dhe me nxitjen tuaj midis Kryetares se KLGJ, Llagami dhe Instutut East West qe sipas burimeve amerikane drejtohet nga Delina Fico. Duke ju kerkuar mundesisht te beni transparente kete marreveshje ju siguroj se sikunder deri sot do te denoncoj çdo afere te dyshimte nga cilido dhe pa asnje hezitim.

Shqiptaret jane njerez te lire dhe me dinjitet qe nuk meritojne bar por transparence! sb

blank

Ambasadorja e SHBA i kërkon Bashës që Berisha të mos jetë në parlament në shtator: PD nuk mund të hajë bar për hir të një njeriu

TIRANË

Ambasadorja amerikane në Tiranë Yuri Kim ka folur për mediat pas takimit që zhvilloi me kreun e PD-së Lulzim Basha në selinë e PD.

Ambasadorja e SHBA tha se PD ka luajtur një rol të pazëvendësueshëm për ta nxjerrë këtë vend nga diktatura, nga komunizmi dhe se do ishte ironi historike dhe po aq tragjike nëse partia do duhej të hante bar për hir të një deputeti të saj, duke iu referuar ish-kryeministrit Sali Berisha i shpallur non grata nga DASH.

Ajo i cilësoi vendime të vështira që duhet të merren me qëllim të ardhmen. Ambasadorja Kim theksoi se është përgjegjësi që ndërsa krerët e partive do të futen në Kuvend, të shoqërohen nga deputetë që e meritojnë besimin e shqiptarëve.

“Pata një diskutim shumë të mirë dhe të plotë me Kryetarin e PD Lulzim Basha sot. Ishte në vijim të takimit që ai pati kur Zv. Ndihmës Sekretari i Shtetit Phil Reeker ishte në Tiranë. Folëm për forcën e marrëdhënieve Shqipëri-SHBA, rolin shumë të rëndësishëm që Partia Demokratike ka luajtur në vendosjen e marrëdhënieve SHBA-Shqipëri si dhe rëndësinë që ka që Shqipëria të qëndrojë në rrugën e saj drejt Europës. Nuk ka dyshim për rolin historik që Partia Demokratike ka luajtur, është i pazëvendësueshëm dhe i domosdoshëm dhe, në këtë kuptim është lajm shumë i mirë që PD do të rikthehet në parlament në shtator.

Kuptoj që PD dhe të tjerë kanë shqetësime në lidhje me zgjedhjet e 25 prillit dhe të gjithë e dimë që ato shqetësime janë pasqyruar në raportin përfundimtar të nxjerrë nga ODIHR. Do të jetë jashtëzakonisht e rëndësishme dhe e nevojshme që institucionet përkatëse t’i trajtojnë ato shqetësime në mënyrë kuptimplotë dhe Shtetet e Bashkuara do të vazhdojnë të mbështesin këto përpjekje për të përmirësuar në mënyrë konstante zgjedhjet dhe demokracinë në Shqipëri. Teksa PD kthehet në parlament, do të jetë shumë e rëndësishme që partia në pushtet, PS, të tregojë se është serioze për t’u ngritur mbi interesat partiake për hir të vendit.

Do të doja të theksoja gjithashtu përgjegjësinë që kanë kryertarët e partive për t’u siguruar që kur të hyjnë në atë parliament, të shoqërohen nga anëtarë që janë të denjë për të përfaqësuar Shqipërinë. Do të jetë veçanërisht e rëndësishme që edhe PD t’i mendojë këto çështje. Siç e përmenda më parë, Partia Demokratike ka luajtur një rol të pazëvendësueshëm, për ta nxjerrë këtë vend nga komunizmi, për ta çliruar nga diktatura.

Do të ishte një ironi historike por edhe një tragjedi për vendin, jo vetëm për partinë, nëse partia do të hante bar për hir të interesave personale të një njeriu. Shpresa jonë është që partitë do të ecin përpara, që ky vend do të ecë përpara, që bashkëpunimi midis Shteteve të Bashkuara dhe Shqipërisë të ecë përpara. E ardhmja po pret. Ka vendime të vështira përpara për të gjithë. Shpresoj që të gjithë të mund të pushojnë mirë gjatë gushtit, por shpresoj edhe që kur të kthehen të freskët dhe të ripërtërirë në vendosmërinë e tyre për të zgjedhur të ardhmen kundrejt të kaluarës. Faleminderit shumë.” deklaroi ajo.


Send this to a friend