Ajo nuk pranoi ta konfirmojë lidhjen e saj gjatë intervistës së fundit. Por kjo është mëse e dukshme në fotografitë e publikuara në të përditshmen britanike “Daily Mail”, ku Sharon Stone shfaqet plotësisht e lumtur në krahët e tij, teksa po shijojnë një ditë të këndshme pranë njëri-tjetrit në plazh në Miami.
Fotografitë janë shkrepur të premten, ndërkohë që sot aktorja e njohur feston 60 vjetorin e lindjes. Mësohet se aktorja amerikane është në një lidhje me sipërmarrësin italian Angelo Boffa.
Por ajo çfarë i ka bërë më shumë përshtypje fansave të saj është unaza e diamantit, çfarë tregon se çifti mund të jetë fejuar dhe ndoshta kanë edhe plane të mëtejshme.
Gjithashtu vlen të përmendet se 60 vjeçarja dukej e mrekullueshme me format e saj, teksa ka veshur një palë rroba banjo shumëngjyrëshe.
Çifti është parë edhe duke përqafuar njëri-tjetrin shpesh gjatë ditës në plazh duke lënë të kuptohet se janë shumë të lumtur pranë njëri-tjetrit.
Çmimet prestigjioze “Golden Globes” u ndanë në Los Angeles, duke vlerësuar filmat, serialet dhe interpretimet më të mira të vitit të fundit.
Ceremonia u dominua nga Hamnet dhe One Battle After Another në kinematografi, ndërsa në televizion spikati suksesi i vazhdueshëm i Netflix me serialin Adolescence.
Më poshtë është lista e plotë e fituesve dhe të nominuarve.
Kategoritë e filmit
Filmi më i mirë – Dramë
FITUES: Hamnet
Frankenstein
It Was Just an Accident
The Secret Agent
Sentimental Value
Sinners
Filmi më i mirë – Muzikal ose Komedi
FITUES: One Battle After Another
Blue Moon
Bugonia
Marty Supreme
No Other Choice
Nouvelle Vague
Filmi më i mirë në gjuhë të huaj
FITUES: The Secret Agent
It Was Just an Accident
No Other Choice
Sentimental Value
Sirât
The Voice of Hind Rajab
Filmi më i mirë i animuar
FITUES: KPop Demon Hunters
Arco
Demon Slayer: Kimetsu no Yaiba Infinity Castle
Elio Little Amélie or the Character of Rain
Zootopia 2
Aktorja më e mirë – Dramë
FITUESE: Jessie Buckley – Hamnet
Jennifer Lawrence – Die, My Love
Renate Reinsve – Sentimental Value
Julia Roberts – After the Hunt
Tessa Thompson – Hedda
Eva Victor – Sorry, Baby
Jessie Buckley
Aktori më i mirë – Dramë
Wagner Moura – The Secret Agent
Joel Edgerton – Train Dreams
Oscar Isaac – Frankenstein
Dwayne Johnson – The Smashing Machine
Michael B. Jordan – Sinners
Jeremy Allen White – Springsteen: Deliver Me From Nowhere
Wagner Moura
Aktorja më e mirë – Muzikal ose Komedi
FITUESE: Rose Byrne – If I Had Legs I’d Kick You
Cynthia Erivo – Wicked: For Good
Kate Hudson – Song Sung Blue
Chase Infiniti – One Battle After Another
Amanda Seyfried – The Testament of Ann Lee
Emma Stone – Bugonia
Rose Byrne
Aktori më i mirë – Muzikal ose Komedi
FITUES: Timothée Chalamet – Marty Supreme
George Clooney – Jay Kelly
Leonardo DiCaprio – One Battle After Another
Ethan Hawke – Blue Moon
Lee Byung-Hun – No Other Choice
Jesse Plemons – Bugonia
Timothée Chalamet
Aktorja më e mirë në rol dytësor
FITUESE: Teyana Taylor – One Battle After Another
Emily Blunt – The Smashing Machine
Elle Fanning – Sentimental Value
Ariana Grande – Wicked: For Good
Inga Ibsdotter Lilleaas – Sentimental Value
Amy Madigan – Weapons
Teyana Taylor
Aktori më i mirë në rol dytësor
FITUES: Stellan Skarsgård – Sentimental Value
Benicio Del Toro – One Battle After Another
Jacob Elordi – Frankenstein
Paul Mescal – Hamnet
Sean Penn – One Battle After Another
Adam Sandler – Jay Kelly
Stellan Skarsgård
Arritje kinematografike dhe në arkëtime
FITUES: Sinners
Avatar: Fire and Ash
F1
KPop Demon Hunters
Mission: Impossible – The Final Reckoning
Weapons
Wicked: For Good
Zootopia 2
Regjisori më i mirë
FITUES: Paul Thomas Anderson – One Battle After Another
Ryan Coogler – Sinners
Guillermo del Toro – Frankenstein
Jafar Panahi – It Was Just an Accident
Joachim Trier – Sentimental Value
Chloé Zhao – Hamnet
Skenari më i mirë
FITUES: Paul Thomas Anderson – One Battle After Another
Ronald Bronstein, Josh Safdie – Marty Supreme
Ryan Coogler – Sinners
Jafar Panahi – It Was Just an Accident
Eskil Vogt, Joachim Trier – Sentimental Value
Chloé Zhao, Maggie O’Farrell – Hamnet
Kënga më e mirë origjinale
FITUESE: “Golden” – KPop Demon Hunters
Muzika më e mirë origjinale
FITUES: Ludwig Göransson – Sinners
Kategoritë televizive
Seriali më i mirë – Dramë
FITUES: The Pitt
The Diplomat
Pluribus
Severance
Slow Horses
The White Lotus
Seriali më i mirë – komedi ose muzikal
FITUES: The Studio
Abbott Elementary
The Bear
Hacks
Nobody Wants This
Only Murders in the Building
Best limited series
Fitues: Adolescence
All Her Fault
The Beast In Me
Black Mirror
Dying for Sex
The Girlfriend
Aktorja më e mirë – Dramë
FITUES: Rhea Seehorn – Pluribus
Kathy Bates – Matlock
Britt Lower – Severance
Helen Mirren – Mobland
Bella Ramsey – The Last of Us
Keri Russell – The Diplomat
Rhea Seehorn
Aktori më i mirë – Dramë
FITUES: Noah Wyle – The Pitt
Sterling K Brown – Paradise
Diego Luna – Andor
Gary Oldman – Slow Horses
Mark Ruffalo – Task
Adam Scott – Severance
Noah Wyle
Aktorja më e mirë – komedi ose muzikal
FITUES: Jean Smart – Hacks
Kristen Bell – Nobody Wants This
Ayo Edebiri – The Bear
Selena Gomez – Only Murders in the Building
Natasha Lyonne – Poker Face
Jenna Ortega – Wednesday
Jean Smart
Aktori më i mirë – komedi ose muzikal
FITUES: Seth Rogen – The Studio
Adam Brody – Nobody Wants This
Steve Martin – Only Murders in the Building
Glen Powell – Chad Powers
Martin Short – Only Murders in the Building
Jeremy Allen White – The Bear
Seth Rogen
Aktorja më e mirë – serial i kufizuar
FITUES: Michelle Williams – Dying for Sex
Claire Danes – The Beast in Me
Rashida Jones – Black Mirror
Amanda Seyfried – Long Bright River
Sarah Snook – All Her Fault
Robin Wright – The Girlfriend
Michelle Williams
Aktori më i mirë – serial i kufizuar
FITUES: Stephen Graham – Adolescence
Jacob Elordi – The Narrow Road to the Deep North
Paul Giamatti – Black Mirror
Charlie Hunnam – Monster: The Ed Gein Story
Jude Law – Black Rabbit
Matthew Rhys – The Beast in Me
Stephen Graham
Aktorja më e mirë mbështetëse (televizion)
FITUES: Erin Doherty – Adolescence
Carrie Coon – The White Lotus
Hannah Einbinder – Hacks
Catherine O’Hara – The Studio
Parker Posey – The White Lotus
Aimee-Lou Wood – The White Lotus
Erin Doherty
Aktori më i mirë mbështetës (televizion)
FITUES: Owen Cooper – Adolescence
Billy Crudup – The Morning Show
Walton Goggins – The White Lotus
Jason Isaacs – The White Lotus
Tramell Tillman – Severance
Ashley Walters – Adolescence
Owen Cooper
Performanca më e mirë në komedi stand-up
FITUES: Ricky Gervais – Mortality
Bill Maher – Is Anyone Else Seeing This?
Brett Goldstein – The Second Best Night of Your Life
Kevin Hart – Acting My Age
Kumail Nanjiani – Night Thoughts
Sarah Silverman – Sarah Silverman: PostMortem
Ricky Gervais
Dhe përveç filmit dhe televizionit, në programin e këtij viti kishte një çmim të ri për podkastet.
Voal-online – Fotoja The King and the Champ – Mbreti dhe Kampioni – fotoja më popullore e postuar në facebook më 2012! Fituesja u shpall më 1 janar 2013 bazuar në numrin e pëlqimeve të anëtarëve të rrjetit social.
Victoria Jones, vajza e aktorit Tommy Lee Jones, u gjet e pajete në San Francisko, sipas mediave të huaja.
34 vjeçarja dhe u gjet e pajetë në një hotel luksoz në orët e para të mëngjesit. Shkaku i vdekjes mbetet i panjohur.
Victoria ishte vajza e aktorit 79-vjeçar, fitues i çmimit Oscar, dhe Kimberly Clafley. Ish-çifti kanë edhe një djalë, Austin Jones, 43 vjeç. 34 vjeçarja kishte bërë paraqitje të kufizuara në aktrim si e re, së pari në filmin e vitit 2002 të babait të saj, “Men in Black II”. bw
Presidenti amerikan Donald Trump e mirëpriti në mënyrën e tij faktin që aktori George Clooney dhe partnerja e tij Amal, “dy nga më të këqijtë e të gjitha kohërave” për sa i përket “parashikimeve politike”, siç tha ai, iu dha shtetësia franceze.
Ai gjithashtu akuzoi autoritetet franceze për “menaxhim katastrofik të imigracionit”, i cili ka shkaktuar një “problem të madh” të krimit.
“Lajm i mirë! George dhe Amal Clooney, dy nga parashikuesit më të këqij politikë të të gjitha kohërave, janë bërë zyrtarisht qytetarë francezë”, shkroi Donald Trump në Twitter nëpërmjet Truth Social.
Presidenti republikan, i cili ka zakon të nisë sulme nxitëse ndaj kundërshtarëve të tij politikë, ka përshkallëzuar në mënyrë dramatike kritikat e tij ndaj Evropës për imigracionin që nga kthimi në Shtëpinë e Bardhë në janar 2025.
“Fatkeqësisht, Franca aktualisht po përballet me një problem serioz krimi për shkak të menaxhimit absolutisht katastrofik të imigracionit, të ngjashëm me atë që patëm këtu nën Joe Bidenin e fjetur”, shtoi ai, duke përsëritur karakterizimin përçmues që preferon kur i referohet paraardhësit të tij demokrat në Shtëpinë e Bardhë.
Pa cituar kurrë statistika të besueshme, Donald Trump shpesh e lidh krimin me imigracionin.
George Clooney ka qenë një mbështetës i vendosur i demokratëve për dekada të tëra. Për presidentin republikan, aktori dhe regjisori u bë “më i famshëm për politikën sesa për filmat e tij të paktë, krejtësisht mediokër”.
Gruaja e tij, avokatja dhe mbrojtësja e të drejtave të njeriut Amal Clooney, është pjesë e një ekipi ekspertësh që këshilluan prokurorin e Gjykatës Ndërkombëtare Penale (ICC) i cili kërkoi urdhër-arreste për kryeministrin izraelit Benjamin Netanyahu, ish-ministrin izraelit të Mbrojtjes Yoav Galland dhe tre udhëheqës të Hamasit.
Urdhër-arrestet kanë zemëruar qeveritë izraelite dhe amerikane.
Në Francë, fakti që aktorit, gruas së tij dhe dy fëmijëve të tyre iu dha shtetësia ka shkaktuar mjaft trazira, kryesisht për shkak të kakofonisë qeveritare që ka shkaktuar, me një ministër në qeverinë e Presidentit Emmanuel Macron që i referohet një politike “standardesh të dyfishta”, në një kohë kur kushtet për marrjen e saj tani janë bërë shumë më të rrepta. gsh
Kjo për shkak se marrëveshja përfshin edhe Presidentin e SHBA-së Donald Trump pas ndarjes së djeshme nga Paramount Skydance, e cila paraqiti një ofertë më të lartë me qëllim bllokimin e marrëveshjes së fundit me Netflix.
SHBA– Blerja e grupit amerikan shumëkombësh të argëtimit dhe medias Warner Bros Discovery po shndërrohet tani në një lojë pokeri afatgjatë për lojtarë të fortë dhe nerva të forta, me aspekte të rëndësishme financiare dhe politike. Kjo për shkak se marrëveshja përfshin edhe Presidentin e SHBA-së Donald Trump pas ndarjes së djeshme nga Paramount Skydance, e cila paraqiti një ofertë më të lartë me qëllim bllokimin e marrëveshjes së fundit me Netflix.
Duke u ofruar, drejtpërdrejt aksionarëve, një çmim më të lartë, në total 108.4 miliardë dollarë, ekskluzivisht në para të gatshme, për të gjitha asetet e grupit amerikan shumëkombësh të argëtimit dhe medias, duke përfshirë studiot e tij të filmit, HBO Max, platforma e tretë më e popullarizuar e transmetimit me abonim në botë – si dhe rrjetet televizive CNN, Discovery Channel dhe TNT Sports, Paramount, një nga kompanitë më të mëdha të prodhimit të filmave në Hollywood, po rihyn në lojë me ambicie të mëdha.
Oferta e Netflix, e cila u kualifikua të premten përmes një ankandi që çoi në një marrëveshje në parim, arriti në 72 miliardë dollarë, në para të gatshme dhe aksione, dhe kishte të bënte vetëm me HBO dhe studiot e filmit Warner Bros.
Nëse kjo “martesë” përfundon, Netflix do të bëhet sundimtari absolut i tregut global të transmetimit, duke marrë menaxhimin ekskluziv të të drejtave të autorit të një katalogu të madh që përfshin filma dhe seriale televizive legjendare, duke përfshirë Harry Potter, Lord of the Rings, Batman, Superman, Game of Thrones, etj.
Ky dominim absolut i një lojtari paraqitet si një rrezik i madh i konkurrencës së padrejtë – monopolit nga rivalët e Netflix, të cilët nuk janë vetëm Paramount, i cili po lufton me mish e me shpirt për ta ndryshuar situatën, por edhe Presidenti i SHBA-së Donald Trump, i cili është qartësisht në favor të tij.
Marrëveshja që Netflix mbylli për blerjen e Warner Bros Discovery “mund të jetë një problem pasi Netflix tashmë ka një pjesë të madhe të tregut të transmetimit”, tha ai të dielën, ndërsa pranoi me guxim se do të marrë pjesë personalisht në vendimin e Departamentit të Drejtësisë të SHBA-së në lidhje me miratimin e kësaj marrëveshjeje të veçantë.
Ai mund të ketë folur me ngrohtësi për CEO-n e Netflix, Ted Sarandos, duke e përshkruar atë si një njeri të shkëlqyer për të cilin ka respekt të madh, por lidhjet e tij me Paramount janë qartësisht më të forta, më familjare, pasi dhëndri i tij, Jared Kushner, po merr pjesë në ofertën e blerjes së Warner Bros. përmes Affinity Partners, firmës private të kapitalit që ai drejton.
Nuk është rastësi që CEO i Paramount, David Ellison , djali i mbështetësit miliarder të Donald Trump, Larry Ellison, e konsideron mbështetjen e Presidentit të SHBA-së ndër pikat e forta të saj – ndoshta më të fortan e saj: Kemi pasur diskutime të shkëlqyera me Presidentin për këtë, por nuk dua të flas në emër të tij, tha ai dje, duke theksuar se nëse Warner Bros pranon propozimin e Paramount, miratimi i nevojshëm nga Komisioni i Konkurrencës i SHBA-së do të jepet në një kohë shumë të shkurtër.
Megjithatë, nëse Warner Bros. vendos të prishë marrëveshjen e saj me Netflix, do të detyrohet të paguajë një klauzolë prej 2.8 miliardë dollarësh.
Presidenti Donald Trump nderoi të shtunën një grup të yjeve më të njohur dhe më të vlerësuar të artit amerikan, teksa ndau medaljet për fituesit e këtij viti të Kennedy Center Honorees në Zyrën Ovale.
Trump i dhuroi medalje të arta aktorit dhe regjisorit të nominuar për Oscar, yllit të “Rocky”, Sylvester Stallone, anëtarëve të grupit legjendar të rock-ut KISS, këngëtares së famshme të disko-muzikës Gloria Gaynor, aktorit britanik Michael Crawford si dhe ikonës së muzikës country, George Strait.
“Ky është një grup ikonash, vepra dhe arritjet e të cilëve kanë frymëzuar, ngritur lart dhe bashkuar miliona amerikanë,” tha presidenti.
“Kjo është ndoshta klasa më e arrirë dhe më e famshme e Kennedy Center Honorees që është mbledhur ndonjëherë.”
Gjatë ceremonisë, presidenti vendosi personalisht medaljet e punuara posaçërisht nga Tiffany & Co. në qafën e secilit artist.
Ndryshe nga medalja tradicionale me shiritin shumëngjyrësh, versioni i këtij viti varej në një shirit blu dhe mbante nga njëra anë emrin e fituesit dhe nga ana tjetër logon e Kennedy Center me ngjyrat e ylberit. gsh
Aktori hollivudian George Clooney, ka komentuar me humor “të zi” grabitjen e bizhuterive në Muzeun e Luvrit, duke u “deklaruar krenar për autorët”.
Ylli i kinemasë e krahasoi grabitjen e fundit me grabitjet e filmave në serialin “Ocean’s”, ku luan dhe vetë rol kryesor. Duke folur të enjten në mbrëmje, më 23 tetor, në premierën e filmit të tij të ri “Jay Kelly” në festivalin AFI, Clooney tha duke buzëqeshur, se ndihej “krenar” për autorët.
“Nëse je një grabitës profesionist, si unë… Jam shumë krenar për këta djem”, bëri shaka ai, duke iu referuar rolit të tij si Danny Ocean, udhëheqësi i grabitësve të filmave në trilogjinë e famshme “Ocean’s”.
Kur u pyet nëse kjo grabitje mund të ishte një frymëzim për një film të ri, ai u përgjigj me të qeshur:
“Mendoj se duhet ta grabisim Luvrin”.
Raporti i tij erdhi disa ditë pas grabitjes që ndodhi në muzeun e Luvrit në Paris, kur hajdutët hynë me forcë mëngjesin e së dielës, më 19 tetor, dhe vodhën tetë xhevahire të paçmuara, me vlerë që shkon në 88 mln euro, bizhuteri të ish-perandorit Napoleon Bonaparti.
Clooney dukej i impresionuar nga mënyra se si ata arritën ta përfundonin grabitjen “në mes të ditës”.
“Ishte fantastike. Pyes veten nëse do t’i kapin. Duket se bënë një punë mjaft të mirë duke ikur”, tha ai.
Siç tha ai, skenari është gati dhe prodhimi është “në formë të shkëlqyer. Tani na mbetet vetëm të koordinojmë oraret tona”, tha ai. gsh
VOAL- Aktorja amerikane Diane Keaton vdiq të shtunën, më 11 tetor, në moshën 79 vjeç, njoftoi zëdhënësi i saj për revistën “People”. Keaton u bë e famshme në vitet 1970 falë rolit të saj në sagën “The Godfather” dhe bashkëpunimeve të saj me regjisorin Woody Allen. Në vitin 1977, ajo fitoi çmimin Oscar për Aktoren më të Mirë për performancën e saj në “Annie Hall”.
Gjatë karrierës së saj të gjatë, ajo luajti në filma të suksesshëm si “The First Wives Club”, punoi disa herë me regjisoren Nancy Meyers dhe ishte pjesë e serisë së suksesshme “Book Club”.
Artistja vdiq në Kaliforni. Aktualisht nuk ka detaje të mëtejshme dhe të dashurit e saj kanë kërkuar privatësi, sipas një zëdhënësi të familjes për revistën People. Aktorja lindi si Diane Hall në Los Angeles në vitin 1946 dhe ishte më e madhja nga katër fëmijë.
Robert Redford, aktori karizmatik dhe regjisor i vlerësuar me çmime Oscar, i cili shmangu jetën tipike të një “ylli Hollivudi” për t’u përkushtuar kauzave që i kishte për zemër, ka ndërruar jetë në moshën 89-vjeçare. Lajmin e konfirmoi publicistja e tij, Cindi Berger, kryetare dhe CEO e agjencisë Rogers and Cowan PMK.
“Robert Redford u nda nga jeta më 16 shtator 2025, në shtëpinë e tij në Sundance, në malet e Utah, vendi që e donte, i rrethuar nga njerëzit që donte. Do të na mungojë shumë,” thuhet në deklaratën për CNN, ndersa familja ka kërkuar privatësi.
Redford u bë i njohur për rolet kryesore në filma si Butch Cassidy and the Sundance Kid dhe All the President’s Men, ndërsa si regjisor fitoi çmime për filma si Ordinary People dhe A River Runs Through It.
Dashuria e tij për artin e kinemasë e çoi drejt themelimit të Sundance Institute, një organizatë jofitimprurëse që mbështet filmin dhe teatrin e pavarur dhe që sot është e njohur në të gjithë botën për Festivalin e Filmit Sundance, që mbahet çdo vit në Utah.
Por Redford nuk ishte vetëm një figurë e madhe në film. Ai ishte gjithashtu një aktivist i përkushtuar për mbrojtjen e mjedisit, duke u shpërngulur në Utah në vitin 1961 dhe duke udhëhequr përpjekje për të ruajtur natyrën e egër të shtetit dhe të Perëndimit Amerikan.
Redford vazhdoi të aktronte edhe në vitet e tij të fundit, duke u ribashkuar me Jane Fonda në filmin e Netflix Our Souls at Night në vitin 2017. Një vit më pas, në moshën 82-vjeçare, ai luajti në The Old Man & the Gun, film që e quajti të fundit të karrierës së tij, megjithatë, ai kurrë nuk pranoi konceptin e “daljes në pension”.
“Në kuptimin tim, pensioni do të thotë të ndalosh diçka. Unë mendoj se sa kohë që ka jetë, pse të mos e jetojmë sa më shumë që të mundemi?” – tha Redford për CBS Sunday Morning në vitin 2018.
Në tetor të vitit 2020, gjatë zjarreve shkatërruese në Perëndimin Amerikan, Redford shkroi një editorial për CNN, ku kritikoi mungesën e fokusit ndaj ndryshimeve klimatike. Po atë muaj, ai humbi djalin e tij 58-vjeçar, David James Redford, nga një sëmundje e rëndë. David kishte ndjekur gjurmët e të atit si aktivist, regjisor dhe filantrop.
Nga një djalosh i trazuar, në yll ndërkombëtar
Redford lindi në Santa Monica, Kaliforni në vitin 1936. I rritur në Van Nuys, ai rrallë e shihte të atin, i cili punonte gjatë gjithë ditës si qumështor dhe më pas si kontabilist. Shumë kohë e kalonte në bibliotekë, ku u magjeps nga mitologjia greke dhe romake, por nuk ishte një nxënës shembullor.
“Nuk kisha durim, nuk isha i frymëzuar,” thoshte ai. Megjithatë, pasioni për artin dhe sportin e çoi në një bursë për bejsboll në Universitetin e Kolorados në vitin 1955. Po atë vit, nëna e tij ndërroi jetë në moshë të re, një humbje që e tronditi thellë.
Pas kësaj periudhe, Redford humbi bursën, u përjashtua nga universiteti dhe shkoi të punonte për Standard Oil, duke kursyer për të ndjekur studime arti në Evropë. “Jetova me pak, por doja aventurë dhe përvoja të reja,” tha ai.
Pas kthimit në SHBA, filloi studimet për aktrim në American Academy of Dramatic Arts në New York. I rezervuar dhe i mbyllur, Redford nuk përshtatej me studentët e tjerë të dramës. Por një mësuese e pa potencialin e tij dhe e inkurajoi të mos hiqte dorë.
Në vitin 1959, u shfaq për herë të parë në serialin “Perry Mason”. Roli që i hapi dyert e mëdha ishte në 1963 në shfaqjen e Broadway Barefoot in the Park, rol që më pas e interpretoi edhe në film, përballë Jane Fonda.
Në vitin 1961, Redford dhe gruaja e tij Lola Van Wagenen u shpërngulën në Utah, ku blenë tokë për vetëm 500 dollarë dhe ndërtuan një kabinë.
“E kuptova sa e rëndësishme ishte natyra për mua. Doja të isha aty ku ajo është e fortë dhe e përjetshme,” tha ai.
Suksesi i madh erdhi me rolin në Butch Cassidy and the Sundance Kid (1969), përballë Paul Newman, me të cilin krijoi një miqësi të përjetshme dhe më pas u ribashkua në The Sting (1973), fitues i Oscar-it për Filmin më të Mirë.
Në vitet ’70, Redford luajti në disa hite: Jeremiah Johnson, The Way We Were (me Barbra Streisand), The Great Gatsby dhe All the President’s Men (1976), përkrah Dustin Hoffman.
Me Jeremiah Johnson, Redford sfidoi studion për të ruajtur vizionin e tij si artist, duke parashikuar fillimin e rrugës si regjisor dhe mbështetës i filmit të pavarur. Filmi u bë hit, duke fituar mbi 45 milionë dollarë, pavarësisht skepticizmit të studios.
Debutimi i tij si regjisor erdhi në 1980 me Ordinary People, film që fitoi Oscar-in për Filmin më të Mirë dhe për Regjinë më të Mirë. Ai vazhdoi me suksese si The Natural (1984), A River Runs Through It (1992), Quiz Show (1994) dhe The Horse Whisperer (1998).
Edhe pse shpesh i përshkruar si mashkulli romantik i përsosur, Redford ndjehej i kufizuar nga kjo etiketë. “Ishte nder që të quhesha i pashëm, por më kufizonte si aktor,” tha ai.
Trashëgimia që lë pas
Themelimi i Sundance Institute në vitin 1981 shënoi një pikë kthese, një vend për të mbështetur artistë të rinj që rrezikojnë dhe guxojnë.
Festivali Sundance është sot platforma më e madhe për kinemanë e pavarur në SHBA, vendi ku emra si Quentin Tarantino (Reservoir Dogs) dhe Steven Soderbergh (Sex, Lies, and Videotape) nisën rrugën drejt famës.
Në vitin 2002, Robert Redford mori një Oscar Nderi për kontributin e tij jetësor në industrinë e filmit.
Në vitet e fundit, nuk ndaloi së krijuari dhe së foluri për çështje që e preknin mjedisin, drejtësine, kulturën dhe rininë.
“Dua të bëj më të mirën me atë që më është dhënë,” tha Redford në një intervistë për CNN në vitin 2015. “Duhet të shtysh përpara, të provosh gjëra të reja, kjo është gjallëruese.” Panorama
Aktori dhe regjisori i madh amerikan, një ikonë kinemaje që përfshin gjashtë dekada, ndërron jetë në moshën 89 vjeç.
VOAL- Robert Redford vdiq në gjumë në shtëpinë e tij në Provo, Utah. Ai ishte 89 vjeç.
Lajmi për vdekjen e aktorit dhe regjisorit të madh amerikan u njoftua nga New York Times sot, të martën, pas konfirmimit nga Cindi Berger, drejtoreshë e agjencisë së komunikimit dhe marrëdhënieve me publikun Rogers & Cowan PMK.
Një ikonë e vërtetë e Hollivudit, Redford arriti famë botërore nga fundi i viteve 1960 e tutje falë performancave të tij në një seri të gjatë filmash shumë të suksesshëm: “The Way We Were”, “All the President’s Men”, “Barefoot in the Park”, “Three Days of the Condor” dhe “Out of Africa”, ndër filmat e tij më të njohur dhe të vlerësuar.
Në vitin 1981, ai fitoi Çmimin e Akademisë për Regjisorin më të Mirë, dhe në debutimin e tij si regjisor, për “Ordinary People”. Ai ishte gjithashtu themeluesi i Festivalit të Filmit Sundance.
Shtëpia në të cilën Marilyn Monroe kaloi ditët e fundit të jetës së saj, në lagjen Brentwood të Los Anxhelosit, është në rrezik të shembet, pasi pronarët aktualë, Brinah Milstein dhe Roy Bank, kanë ndërmarrë hapa për ta rrënuar ndërtesën historike.
Sipas një raportimi të Bloomberg, plani i tyre ka shkaktuar kundërshtime ligjore dhe ndërhyrje nga autoritetet lokale.
Milstein, vajza e një manjati pasurish të patundshme nga Cleveland dhe Bank, producent i televizioneve reality, blenë pronën historike në adresën 12305 Fifth Helena Drive vitin e kaluar, duke paguar 8.4 milionë dollarë në vitin 2023. Kjo pronë ndodhet ngjitur me rezidencën e tyre ekzistuese, të cilën e zotërojnë që nga viti 2016.
Pas blerjes, çifti siguroi leje për prishjen e shtëpisë, por konservatorët kulturorë arritën të bindin autoritetet e Los Anxhelosit që të klasifikojnë ndërtesën si monument historik-kulturor, duke ndaluar përkohësisht çdo ndërhyrje ndërtimore.
Tashmë, Milstein dhe Bank presin një vendim nga Gjykata e Lartë e Qarkut të Los Anxhelosit, për të ditur nëse do të lejohen të vazhdojnë me planet e tyre për të bashkuar pronën me shtëpinë e tyre ekzistuese. Megjithatë, statusi i monumentit historik kufizon ndjeshëm të drejtat e tyre si pronarë.
“Shteti i Kalifornisë ka mijëra shtëpi ku kanë jetuar ose vdekur njerëz të famshëm,” deklaroi avokati i tyre, Peter Sheridan, për Bloomberg. “A do të thotë kjo që çdo ndërtesë e tillë duhet të ruhet si ‘monument’? Sigurisht që jo.” Në padinë e paraqitur, ata pretendojnë se “nuk ka asnjë provë konkrete që Monroe ka kaluar qoftë edhe një ditë aty”.
Megjithatë, faktet historike tregojnë ndryshe. Monroe e bleu shtëpinë për 75.000 dollarë në atë kohë, vlerë që sot do të barazohej me rreth 800.000 dollarë dhe ishte prona e parë që bleu vetë pas divorcit me Joe DiMaggio dhe Arthur Miller.
Gjatë qëndrimit të saj atje, ajo fitoi një Golden Globe dhe dha performancën e famshme “Happy Birthday, Mr. President” për John F. Kennedy. Që nga vdekja e saj, shtëpia ka kaluar në duart e 14 pronarëve të ndryshëm, ndërsa janë bërë shtesa të shumta, përfshirë një dhomë rekreacioni dhe një studio.
Përballë presionit publik dhe interesit të madh turistik, çifti Milstein dhe Bank janë shprehur të hapur për të ruajtur ndërtesën, por kanë propozuar që ajo të zhvendoset në një vend publik. Ata theksojnë se privatësia e tyre është cënuar rëndë për shkak të fluksit të turistëve dhe përdorimit të dronëve, që mbërrijnë vazhdimisht për të fotografuar shtëpinë e ikonës së Hollywood-it. gsh
VOAL- Taylor Swift, Mbretëresha e Popit, do të martohet. Dhe njoftimi në mediat sociale e ka çuar të gjithë internetin në një tërbim. Me një postim të përbashkët, ata ndanë njoftimin e dasmës së tyre në Instagram me 281 milionë ndjekësit e saj dhe gati 8 milionë të tij.
Pesë foto, e para më baritore, me yllin e futbollit amerikan Travis Kelce të gjunjëzuar nën një hark lulesh para këngëtares, shkaktuan shpërthimin e internetit, duke lënë në hije gjithçka tjetër. Dhe lajmi ishte i pritshëm; mori një dimension publiciteti, pasi shumë u përpoqën ta shfrytëzonin njoftimin.
Dhjetëra marka amerikane, duke përfshirë zinxhirët e ushqimit të shpejtë, zinxhirët e picave, zinxhirët e petullave dhe zinxhirët e kopshtarisë, ofruan të organizonin pritjen. Disa tashmë kanë fituar shumë, si Ralph Lauren, fustani i të cilit prej 400 frangash, i veshur nga 35-vjeçarja në fotografi, u shit në 20 minuta. Nuk dihet se si shkuan shitjet për Cartier dhe orën e saj prej 35,000 frangash në kyçin e dorës së këngëtares.
Diskutimi më pas u zhvendos te unaza, një prerje antike, e bukur apo e shëmtuar: a përputhet me stilin e Taylor? Pati disa komente negative (është një veprim promovues; mbretëresha e popit njoftoi publikimin e albumit të saj të ri rreth dhjetë ditë më parë): madje edhe Donald Trumpi, i kritikuar hapur nga Taylor Swift, e cila nga ana tjetër u denigrua nga presidenti, i uroi ata për dashurinë e tyre: “U uroj fat të mbarë. Ai është një lojtar i shkëlqyer dhe një djalë i shkëlqyer, ajo është një person fantastik, iu uroj shumë lumturi.” RSI
Komentet