VOAL

VOAL

Rrugëtim 10-vjeçar për Ushtrinë e Kosovës

December 30, 2018

Komentet

Ish-Komandanti i NATO-s viziton Kosovën, takon krerët e dy partive më të mëdha opozitare

Gjenerali amerikan Wesley Clark ka nisur vizitën e tij në Kosovë me vizitat në dy partitë më të mëdha opozitare.

Mëngjesin e së dielës është pritur nga kandidati për kryeministër i Partisë Demokratike të Kosovës, njëherazi kryetar i Mitrovicës, Bedri Hamza, në selinë e partisë. Hamza, pas takimit, tha se gjenerali Clark në vitin 1999 ishte shpresë e besim se liria e paqja po vinin.

“Ne, duke e nderuar të kaluarën e kemi ndërtuar të tashmen dhe po e krijojmë një të ardhme më të mirë për gjithë qytetarët tanë, pa dallime, gjithandej Kosovës. SHBA-ja dhe miqtë ndërkombëtarë, ata që nuk na braktisën kurrë, janë hisedarët kryesorë të sukseseve në 25 vjet liri dhe 16 vjet pavarësi. Kosova është shtëpi e çdo amerikani”, tha Hamza.

Më pas, ish-Komandanti Suprem i NATO-s që udhëhoqi fushatën ajrore kundër forcave serbe më 1999 për çlirimin e Kosovës shkoi në selinë e Lidhjes Demokratike të Kosovës.

Aty është pritur nga kryetari i kësaj partie, Lumir Abdixhiku, i cili i dha dekoratën “Dr. Ibrahim Rugova”. Clark deklaroi se sa herë kthehet në Kosovë befasohet për progresin e bërë.

Ndërsa Abdixhiku falënderoi gjeneralin Clark për kontributin e tij në ndaljen e gjenocidit serb ndaj popullsisë civile shqiptare në Kosovë.

“Gjeneral Clark, emri juaj është i gdhendur në themelet e historisë së Kosovës si simbol i guximit, lidershipit dhe i një përkushtimi të palëkundur për drejtësi dhe paqe”, tha Abdixhiku. sn

Begaj nis vizitën dyditore në Kosovë, do të nderojë ish-luftëtarët e UÇK

Presidenti i Republikës Bajram Begaj nisi sot një vizitë dyditore në Kosovë.

Sipas një njoftimi zyrtar, Kreu i Shtetit do të zhvillojë takime në 3 komuna: Deçan, Junik dhe Drenas.

Gjatë kësaj vizite, Presidenti Begaj do të nderojë, gjithashtu, ish-luftëtarët e Ushtrisë Çlirimtare të Kosovës, të rënë gjatë luftës.bw

Kosovë- 3500 lindje për gjysmë viti, rënie e lehtë e lindjeve krahas vitit të shkuar

Drejtori i Klinikës së Gjinekologjisë në Qendrën Klinike Universitare të Kosovës, Zef Ndrejaj, ka thënë se gjatë gjysmës së parë të këtij viti është vërejtur një rënie e lehtë e lindjeve krahasuar më vitin e kaluar. Ai ka thënë se deri më tani janë regjistruar rreth 3 mijë e 500 lindje, teksa i gëzohet edhe renovimit të klinikës në vlerë prej 5 milionë euro, transmeton Klankosova.tv.

“Në Klinikën Gjinekologjike është një rënie e vogël, e lehtë, jo e madhe, por ka rënie deri tash janë diku 3500 lindje deri në gjysmën e vitit. Ku duke krahasuar me vitin e kaluar aty është ndonjë numër i vogël në rënie, por jo shumë i rëndësishëm”, tha Ndrejaj.

Ai ka folur edhe për renovimet që janë bërë në këtë klinikë, shtimit të shtretërve, ndërsa së shpejti do të shtohet dhe shërbimi i fertilitetit (IVF).“Është bërë një renovim substancial shumë i rëndësishëm, një renovim që është me vite ka pasur nevojë, sidomos në repartet e lehonave pas lindjes dhe pas lindjeve me prerje cezariane dhe repartet e zyrës së pranimit dhe ambulantave specialistike. Është renovim i tërësishëm, ku janë shtuar përpos renovimin edhe disa shërbime, shërbimi i mjekësisë fetale dhe shërbimi i amiocentezës, pritet shumë shpejt të aktivizohet edhe shërbimi i fertilitetit apo IVF”, ka thënë ai për Ekonomia Online.

Ndrejaj u shpreh se në këtë klinikë nuk ka pasur ikje të mjekëve, sipas tij, klinika ka pasur mungesë të infermiereve por me hapjen e konkursit të ri për pranimin e 20 mamive të reja pritet që të përmirësohet gjendja.

“Deri tani nuk kemi asnjë mjek që ka shprehur dëshirën të shkojë. Më shumë kërkesat janë për mjekët e rinj që janë në specializim, ose në fillim të specializimit ose pas specializimit. Mirëpo mjekët të cilët janë të punësuar në Klinikën Gjinekologjike nuk ka asnjë mjek që ka shprehur dëshirën për të ikur. Klinika e jonë është më numër të mjekëve e mbuluar shumë mirë, kemi mjaftueshëm. Ndërsa pak kemi mungesë të numrit të infermiereve, të mamive. Por, edhe kjo do të përmirësohet shumë shpejt për shkak se është hapur konkursi këto ditë për pranimin e 20 mamive të reja edhe presim shumë shpejt që të përmirësohet edhe gjendja”, ka thënë ai.

Ushtarët grekë drejt Kosovës, i bashkohen KFOR-it

Një kompani me ushtarë grekë në kuadër të Batalionit të 2-të shumëkombësh të Forcës Rezervë Operacionale të KFOR-it, janë nisur nga Greqia për në kampin Bondsteel në Kosovë.

“Batalioni i II-të Shumëkombësh i Rezervave Operacionale përbëhet nga Komanda Shumëkombëshe me një staf përkatës, e cila përbëhet nga personel nga Greqia, Shqipëria, Bullgaria dhe Rumania dhe komanda e së cilës deri në dhjetor 2024 mbahet nga vendi ynë”, thuhet në njoftim.

Kjo është hera e dytë që forcat e ushtrisë greke zbarkojnë në Kosovë, pas zbarkimit të parë të ndodhur nga shtatori në dhjetor 2023. sn

Kurti viziton konsullatën në Hamburg: Ndërrimi i objektit, dëshmi për të mbrojtur imazhin e Republikës në botë

Kryeministri Albin Kurti gjatë qëndrimit në Gjermani ka vizituar edhe objektin e Konsullatës së Kosovës në Hamburg.

Përmes një postimi në Facebook, Kurti ka thënë se objekti gjendet në njërën prej lagjeve më të bukura të qytetit.

“Gjatë qëndrimit në Hamburg vizitova objektin e ri të Konsullatës së Përgjithshme të Republikës së Kosovës, e cila gjendet në Rotherbaum në një nga lagjet më të bukura të qytetit, fiks përballë stacionit të metros Hallerstrasse U1 në adresën Rothenbaumchaussee 133 (20149 Hamburg)”, ka shkruar Kurti.

Sipas kryeministrit ndërrimi i objektit të konsullatës është një dëshmi se qeveria dëshiron të mbrojë imazhin e Republikës kudo në botë.

“Ndërrimi i objektit të konsullatës është një dëshmi e qartë e angazhimit të Qeverisë së Kosovës për të mbrojtur imazhin e Republikës së Kosovës kudo në botë dhe për të ofruar shërbime sa më të mira konsullore për qytetarët tanë”.

Konsullata e Përgjithshme e Republikës së Kosovës në Hamburg, së bashku me pesë misionet tjera konsullore në Gjermani, përbën misionin më të madh diplomatik dhe konsullor të Republikës së Kosovës në botë.bw

Gjykata Themelore anulon vendimin për projektin në Gërmi

Një fushë e basketbollit shihet në mesin e pemëve të shumta që gjenden në Parkun e Gërmisë. Fotografi ilustruese nga arkivi.

 

Qendra për Raste Gjyqësore Strategjike (CLS) bëri të ditur se Gjykata Themelore në Prishtinë ka miratuar padinë që ajo ngriti së bashku me organizatën joqeveritare “Qytetarët Aktivë” dhe ka anuluar vendimin e Komunës së Prishtinës për projektin “Parku i Aventurave”.

“Parku i Aventurave” ishte paraparë të ndërtohej në parkun e mbrojtur të Gërmisë, por me vendimin e fundit, Themelorja ka anuluar vendimin për lejen mjedisore për realizimin e projektit.

Paraprakisht, më 2021 Gjykata Supreme e Kosovës kishte vendosur që të shtyhej ekzekutimi i vendimit të Komunës së Prishtinës lidhur me këtë projekt, deri në një vendim përfundimtar për këtë rast.

“CLS e vlerëson sukses tejet të rëndësishëm vendimin e Gjykatës Supreme mbi pezullimin e lejes mjedisore të projektit ‘Parku i Aventurav’ dhe vendimin e fundit të Gjykatës Themelore për anulimin e vendimit për realizimin e këtij projekti. Vendimet e tilla konfirmojnë kundërligjshmërinë e ndjekur nga organet publike, mohimin e të drejtës kushtetuese të qytetarëve për pjesëmarrje në vendimmarrjen mjedisore dhe rrezikun për degradimin e natyrës nga projektet të tilla si ‘Parku i Aventurave’”, tha GLS përmes një njoftimi për media.

Themelorja konstatoi se Komuna e Prishtinës gabimisht ka aplikuar bazën ligjore për lëshimin e lejes mjedisore për këtë projekt, përkatësisht është thirrur në një udhëzim administrativ për dhënien e lejeve mjedisore komunale. Por, projekte të tilla, sikurse “Parku i Aventurave”, sipas CLS-së, rregullohen me Ligjin për vlerësimin e ndikimit në mjedis.

“Gjykata i ka vlerësuar të drejta argumentet se Komuna e Prishtinës gjatë vlerësimit dhe miratimit të Projektit ‘Parku i Aventurave’ ka shkelur garancitë kushtetuese të qytetarëve duke ia mohuar të drejtën e pjesëmarrjes në vendimet që kanë të bëjnë me mjedisin jetësor ku ata jetojnë”, u tha në njoftim.

“Parku i Aventurave” ishte paraparë të përfshinte një sipërfaqe prej rreth 70 ari dhe të shtrihej nga Butovci në drejtim të parkut të Gërmisë. Kur ishte prezantuar si projekt, Komuna e Prishtinës kishte thënë se parku do të ndërtohej duke përdorur metoda speciale që do të shmangnin dëmtimin e drurëve në Gërmi. REL

Gërvalla sot do të paraqesë qëndrimin e Kosovës për sigurinë në Evropë

Ministrja e Punëve të Jashtme dhe Diasporës, Donika Gërvalla, ka njoftuar se ka marrë pjesë në darkën e përbashkët të “Ministrave të Jashtëm të Danubit”, Ministrave të Jashtëm të “Miqve të Ballkanit Perëndimor” dhe atyre të Ballkanit Perëndimor.

Nga Vjena, Gërvalla përmes një postimi në Facebook, ka njoftuar se në takimin e së premtës do të paraqesë qëndrimet e Kosovës rreth sigurisë në Evropë dhe në rajon, shkruan RTK.

“Në takimin e nesërm do të paraqesë qëndrimet e Republikës së Kosovës rreth sigurisë në Evropë dhe në rajon, reformat e thella të ndërmarra për sundim të ligjit, ngritjen e nivelit të demokracisë dhe zhvillimin ekonomik, si dhe do të avokojmë për përshpejtimin e procesit të anëtarësimit në Bashkimin Evropian si dhe nevojës së ndërmarrjes së veprimeve konkrete për ruajtjen e paqes dhe stabilitetit në Ballkanin Perëndimor”, ka shkruar ministrja Gërvalla.

Një rrugë në Podujevë do të marrë emrin e ish-eurodeputetes Doris Pack

Komuna e Podujevës ka njoftuar se do ta emërtojë një rrugë në qytet me emrin e ish-eurodeputetes, Doris Pack.

Ceremonia e emërtimit do të mbahet sot në orën 14:00, transmeton Klankosova.tv. Sipas njoftimin, në këtë ceremoni pritet të marrin pjesë kryetari i Podujevës, Shpejtim Bulliqi dhe ish-eurodeputetja, Doris Pack.

Ish-deputetja e Parlamentit Evropian u prit dje nga kryetari Shpejtim Bulliqi dhe nënkryetarja e Kuvendit të Kosovës, Saranda Bogujevci. Pas takimit, Bulliqi deklaroi se në prag të 25-vjetorit të çlirimit të Podujevës Doris Pack po nderon këtë komunë dhe Kosovën me praninë e saj.

“Një punëtore e vyer, një eurodeputete e që ka bërë shumë për Kosovën dhe shqiptarët, dhe kënaqësia më e madhe është se tashmë komuna e Podujevës, ka marrë vendim që ta shpall qytetare nderi të komunës sonë dhe besoj se nga 19 qershori, Doris Pack, do të jetë banore më e re të komunës sonë”, tha Shpejtim Bulliqi, kryetar i komunës së Podujevës

Ndërsa ish-eurodeputetja Doris Pack, u shpreh se është e lumtur që po viziton komunën e Podujevës.

“Kam kënaqësinë që jam në Podujevë, sepse me Podujevën kam lidhje të veçantë për shkak se këtu e kam kuptuar se çfarë do të thotë të jetosh nën regjimin e aparteidit. Po ashtu kam kënaqësinë që u ktheva këtu, dhe dua të them se presidenti i ndjerë, Ibrahim Rugova, ka qenë lider i cili ishte i njohur për paqen e tij, por Kosovës, i është dashur të shpërthejë me protesta për ta ndërkombëtarizuar çështjen e saj, dhe kjo u bë falë studentëve, dhe gjithçka kishte filluar në Podujevë”, tha ajo.

Kosovë, zbulohet shtatorja e Leotrimit të vogël në Skënderaj

Në Ditën e Çlirimit të Skenderajt zbulohet shtatorja e 7-vjeçarit të vrarë gjatë luftës së fundit në Kosovë. Ma nanë, mos um prek, se po kam dhimbje shumë…’ – Lufta e Leotrimit të vogël dhe frymëzimi i skulptorit

Kryetari i Skenderajt, Fadil Nura ka njoftuar se shtatorja është bërë gati për “Ditën e Çlirimit”. “Nga një lule për mirëseardhjen e Leotrimit, nesër në Ditën e Çlirimit!”, ka shkruar Nura në “Facebook”, njofton RTK.

Zbulimi i shtatores është paraparë të mbahet në 13:30 në oborrin e Qendrës së Kulturës “Hasan Prishtina” afër sheshit “Adem Jashari” në Skenderaj.

Leotrim Ahmeti si 7-vjeçar vdiq më 11 shtator 1998 në spitalin ushtarak në Gradicë të Drenasit, ku edhe u varros. Tetë muaj pas vrasjes së Leutrimit, si luftëtar ra dëshmor edhe babai i tij Malush Ahmeti.

Sot mbushen 25 vite nga çlirimi i Skenderajt nga forcat e armatosura serbe. Për të shënuar këtë ditë komuna e Skenderajt ka organizuar homazhe në Kompleksin përkujtimor  “Adem Jashari” në Prekaz, si dhe në Marinë.

Do të mbahet një seancë solemne në Kuvendin e Komunës së Skenderajt.

Do të mbahet një Akademi përkujtimore për të nderuar dëshmorët dhe martirët e kësaj komune.

Gjithashtu, do të hapet një ekspozitë dhe  do të mbahet një koncert festiv për fëmijët.

Më 12 qershor shënohet përvjetori i hyrjes së forcave e NATO-s në Kosovë, ndërsa bombardimet kundër Serbisë kishin nisur më 24 mars 1999.

Pas 78 ditësh të sulmeve, bombardimet u ndërprenë më 10 qershor 1999, me miratimin e Rezolutës 1244 të Këshillit të Sigurimit të Kombeve të Bashkuara (OKB).

Pas bombave të hedhura nga forcat aleate për njëmbëdhjetë javë rresht, Serbia u detyrua t’i japë fund spastrimin etnik dhe t’i largojë forcat  policore dhe ushtarake nga Kosova, duke mundësuar kështu kthimin e refugjatëve kosovarë në vendlindje, përkohësisht të strehuar e të mirëpritur në Shqipëri, Maqedoni të Veriut dhe në vende të ndryshme të botës.

Image

Kurti viziton shtëpinë – muze në Krushë të Madhe në 81-vjetorin e lindjes së Ukshin Hotit

Sot shënohet ditëlindja e 81-të e aktivistit, filozofit e veprimtarit të njohur, Ukshin Hotit.

E me këtë rast, kryeministri i Kosovës, Albin Kurti ka marrë pjesë në ngjarjen e organizuar nga Lëvizja Vetëvendosje, ku dhe ka vizituar shtëpinë – muze në Krushë të Madhe në nder të Ukshim Hotit, njofton Klankosova.tv.

Kurti u informua në lidhje me dokumentet shtesë që së shpejti priten të botohen si një libër.

 

Qeveria është ajo e cila do të jetë mbështetëse e këtij libri.

ASOCIACION KULTUROR PER MINORITETIN SERB NE KOSOVE- Nga SKËNDER MULLIQI

Zgjedhjet e reja ne BE, ku lavjerrësi ka lëvizur djathtas në pjesën më të mirë të Evropës, ndoshta do të ngjallin shpresat së do të këtë ndryshim ndaj kursit politikë në maratonen e bisedimeve Kosovë-Serbi, ku kjo strukturë evropiane nuk arriti të ballansojë procesin ,madje kohët e fundit doli hapur karshi interesave të Serbisë të Vuqiqit, që ishte befasi e madhe pas ndihmes në luftën për çlirimin e Kosovës .E favorizuan dhe e faktorizuan një regjim më klikën e krimineleve të luftës në pushtet, e që nuk justifikohet për qfardo interesi, apo nga frika prej Putinit dhe Vuqiqit të cilët po kërkojnë mw ngulm luftë .Disa janë skpetikë në fitorën e të djathtës në Evropë, duker aluduar në procesin e migrimeve , por kjo nuk është çështje kapitale sa është ruajtja e stabilitetit në Evropë dhe në Ballkan, që seriozihst po rrezikohen nga Rusia dhe Serbia. Mendoj, së e djathta do të jetë më e fuqishme duke i bërë pandam egresionit brutal e racist të Putinit dhe Vuqiqit për realizimin e ideve megalomane fashiste mbi baza etnike të “botës ruse” dhe të “botës serbe”.Unë e bëra këtu një hyrje edhe për faktin së Serbia, është duke e pa si rast jetik fitorën eventuale të Putinit në luftën në Ukrainë .Më Marrveshjën e Dejtonit, ku u arritë paqja në BH, prej tre entiteve, boshnjakëve, kroatëve dhe serbëve, e kjo e fundit arriti më luftë nga Millosheviqi ta ketë Republika Serpska , e cila që shumë vite nga Millorad Dodik po kërkon shkëputje nga BH-ja.Vashingtoni zyrtar pas Kuvendit të mbajtur gjithëserb, bëri të ditur së nuk do të këtë shkëputje,të Repubkika Serpska, e cila në një aventurë të tillë do të zhbëhej.Në Kosovë, Vuqiqit ju shtuan apetitet për ndarje të Kosovës, sidomos pas marrveshjeve shumë të dëmshme të Brukselit të firmosura nga Thaqi dhe Mustafa në vitet 2013 dhe 2015.Qeveria e Albin Kurtit më të gjitha forcat është duke kundershuar një Asociacion të tillë më kompetenca ekzektuve , që po insiston BE përmes emisarëve special, Lajqak dhe Borrel, por kur gjë mangu nuk i la as emerikani Eskobar, duke kërkuar më ngulm nga pala e jonë implemtimin e tij, e që është zhbërje e shtetësisë të Kosovës.Vendit tonë ju vunë masat shumë të padrejta ekonomike , kurse Serbisë, ju servua në vend të shkopit të fortë për mos koperim më BE-në ,dhe më eskalim permenent të sitautës në veri nga Vuqiqi, më ndihmen e Putinit, që më luftë të bëjnë faktike ndarjen e Kosvës mbi baza etnike, që bie ndesh këtëcipërishtë më planin e Ahtisarit , kur vetë faktori ndërkombëtar,është proklamuar për një Kosovë multietnike.Pikërishtë këtë gjë e tha edhe Dale Pfeiffer, ish drejtori i USAID-it në Kosovë, duke dëklaruar se Asociacioni i Komunave më Shumicë Serbe , nuk është zgjidhje, dhe sipas tij, nese bëhët nuk duhet të këtë kompetenca ekzekuitive.Roli i Asociacionit vuri në dukje Pfeiffer, duhet të mbetet kulturor.Ky është elaborimi më korrekt që i është bërë temës tashmë irituese të Asociacionit nga ndërkombëtaret.E kamë thënë shumë më herë , që e tha edhe ish drejtori i USAID-it, së Kosova e ka Asociacionin dhe së në kuader të këtij duhet të jetë edhe asociacioni i minorittetit serb, dhe i të gjitha minoriteteve në Kosovë.Çka do të ndodhte më Kosovën e pavarur shtrohet pyetja logjike, nese të gjitha minoritetet kërkojnë asociacion të veqantë, që natyrishtë ka edhe kompetenca të veqanta?Sigurishtë së do të kishim një zhbërje totale të shprehem ashtu të shtetit të Kosovës.Formimi i një Asociacioni të veqantë vetëm për minoritetin serb, kjo nuk përkon më logjikën e ruajtjës të sovranitetit dhe integritetit territorial të Kosovës.Edhe pyetja tjëtër.Pse Vuqiqi po këmbngulë në Asociacionin që na lanë si patate të nxehtë Thaqi dhe Mustafa, të implementohet?Sigurishtë që jo ta këtë kontrollin Prishtina Zyrtare , por Beogradi zyrtar siq e ka potencuar edhe ish drejtori i USAID-it.Ky implementim do të ishte nxitje për luftë jo vetëm midis shqiptarëve dhe serbeve, por edhe do kishte iplikim lufte në mbarë rajonin, duke i ditur së sa të theksuara janw sot problemet etnike në Ballkan.Minoriteti serb i cili po instrumnetalizohet nga politika destruktive e fashiste të Beogradit, duhet të integrohet në shtetin e Kosovës, duke pranuar realitetin e pakthyeshem të krijuar pas vitit 1999, kur ju dha fund luftës në ish-Jugosllav.Në këtë elaborim ish shefi i USAID-it, kritikoi më të drejtë partnerët ndërkombëtarë të Kosovës, duke thënë se po i bëjnë favore Serbisë . Krahas kësaj, Pfeiffer vuri në dukje se kërkesat e ndërkombëtarëve nuk janë në interesin e Kosovës dhe se duhet të pyesin pse po e bëjnë këtë, duke nënvizuar që një asociacion i tillë do të lishte direkt ndikimin politike , të Beogradit zyrtar.Unë thëmë , por që edhe ndërkombëtaret e dinë mirë, së një asociacion i tillë më komptenca ekzekutive , është fillimi dhe fundi i shtetit sovran tw Kosovws, që është e pa pa pranueshme për shqiptarët.Një asociacion çfare e ka propozuar kryeministri i Kosovës, Albin Kurti , sikur ai për serbet në Kroaci, është i pranueshem.Nuk duhet lejuar asnjë llojë tjetër asociacioni i cili bi ndesh me ligjet dhe Kushtetutën e Kosovës.Së a do të këtë BE-ja një qëndrim më të unifikuar pas zgjedhjeve ,do të tregojë koha.Unë mendojë që do të kemi një qasje më ndryshe më të ballansuar, dhe pa hile siq pamë deri më tash nga BE-ja.Një propozim për ndërmjetës në bisedime e kemi sllovenin Pahor, e për emerime të tjera do të presim.Një shumicë e BE-së më të djathtën në krye , shpresohet së nuk do të lejon aventurat e rrezikshme të Vuqiqit dhe grupit të kriminelëve të luftës, për të reailizuar iden “ të gjithë serbët në një shtet”, siq u morën vesh klerofashistet më instrukcionet e Putinit, në Kuvendin Gjithë serb të zhvilluar ditë më parë në Beograd.

Ish-kreu i NATO-s dënon sulmin në Banjskë, Robertson: Siguria e Kosovës jashtëzakonisht e rëndësishme për Aleancën

Ish-Sekretari i Përgjithshëm i NATO-s, Lord George Robertson, thotë se e dënon pa rezerva sulmin terrorist të ndodhur vitin e kaluar në Banjskë të Zveçanit.

Duke kërkuar që përgjegjësit të dalin para drejtësisë, Robertson thekson nevojën që të ketë fund të dhunës në rajon dhe të ndryshojë imazhi i Ballkanit Perëndimor nga të qenit një zonë problematike në diçka që kontribuon në sigurinë më të gjerë evropiane.

Për këtë arsye, ai nënvizon se siguria e Kosovës është jashtëzakonisht e rëndësishme për perëndimin dhe NATO-në. Megjithëse thotë se s’ka rrezik të një lufte të re në rajon, ai ngrit shqetësimin se nëse Rusia ka sukses në agresionin ushtarak ndaj Ukrainës, atëherë Ballkani Perëndimor do të jenë një zonë tjetër ku presidenti rus, Vladimir Putin do të bëjë telashe.

Robertson i cili ka qenë ministër i Mbrojtjes së Britanisë së Madhe gjatë kohës së bombardimeve të NATO-s në Kosovë, thotë se siguria në Kosovë dhe rajon do të ketë rëndësi në të ardhmen, pasi do të sjell më shumë investime dhe ngritje të kapitalit për brezin e ri.

“Siguria e Kosovës është jashtëzakonisht e rëndësishme dhe kjo është arsyeja pse NATO përforcoi trupat e saj edhe këtu…Kjo është arsyeja pse siguria në këtë vend do të ketë rëndësi në të ardhmen, por edhe pse siguria ekonomike do të ketë rëndësi edhe për brezin e ri”, thotë ai, sipas KosovaPress.

Sipas tij, Ballkani Perëndimor ka potencial të madh, andaj vendet perëndimore duan të shohin përfundimisht fund të dhunës në këtë zonë.

“Çdo dhunë duhet të dënohet dhe unë e dënoj atë pa rezerva. Por ne duhet të shohim përfundimisht një fund të dhunës në këtë rajon. Ky rajon ka potencial të madh, por duhet të ndryshojë imazhin e të qenit një zonë problematike në një zonë që kontribuon në sigurinë më të gjerë evropiane”, deklaron Robertson.

Ai thekson se pavarësisht tensioneve momentale, nuk ekziston një rrezik i luftës në Ballkanin Perëndimor, mirëpo sipas tij, Rusia po ndërhyn në rajon përmes luftës kibernetike.

Robertson shton se është shumë e rëndësishme që vendet evropiane të bashkohen për të siguruar që Putini të mos ketë sukses në Ukrainë.

Sipas tij, nëse Putin ka sukses në Ukrainë, atëherë Ballkani Perëndimor do të jetë një zonë tjetër ku ai do të bëjë telashe.

“Nuk besoj se ekziston rreziku i luftës në Ballkan, por Rusia po ndërhyn në këtë rajon ashtu siç po sulmon Ukrainën. Dhe kjo është arsyeja pse është kaq e rëndësishme që vendet evropiane të bashkohen për të siguruar që Putini të mos ketë sukses në Ukrainë. Nëse ai ka sukses në Ukrainë, atëherë Ballkani Perëndimor do të jetë një zonë tjetër ku ai do të bëjë telashe”, thekson Robertson.

Duke folur për aspiratat e Kosovës për anëtarësim në NATO, Robertson thotë se anëtarësimi i plotë në i Kosovës në NATO, do të sillte paqe të qëndrueshme në rajon.

Megjithatë, ai thotë se anëtarësimi tashmë është çështje e strukturave aktuale të aleancës më të madhe ushtarake veri-atlantike.

“Anëtarësimi në NATO është çështje e organizatës së NATO-s. Unë jam një ish-sekretar i përgjithshëm, nuk kam asnjë kontroll mbi atë që po ndodh sot”, përfundon Robertson.

Ish sekretari i përgjithshëm i NATO-s, Lord George Robertson, qëndroi në Kosovë gjatë kësaj jave në nderim të 25 vjetorit të çlirimit të Kosovës. bw


Send this to a friend