VOAL

VOAL

Presidenti i Ukrainës i kërkon Bashkimit Europian që të ndalojë vizat për rusët

August 13, 2022
blank

Komentet

blank

Intervista: Gërvalla-Schwartz: BE-ja nuk ka arsye të mohojë liberalizimin e vizave për Kosovën

VOA/Menada Zaimi

Në një intervistë për Zërin e Amerikës kryediplomatja e Kosovës Donika Gërvalla – Schwartz thekson se vendi i saj është i përkushtuar për të arritur një marrëveshje finale me Serbinë, që do të duhet të rezultonte me njohjen e ndërsjellë. Ajo shton se sa më parë që Serbia ta njohë realitetin me shtetin e ri të Kosovës në Ballkan, aq më shpejt do të përparonte drejt rrugës evropiane. Zonja Gërvalla – Schwartz foli edhe mbi çështjen e liberalizimit të vizave mes BE-së dhe Kosovës, ndërsa pritet që me 13 tetor Republika Çeke, e cila ka kryesinë e radhës së Bashkimit Evropian, ta trajtojë këtë çështje gjatë mbledhjes së Këshillit Evropian. Sipas ministres Gërvalla-Schwarts, Kosova i ka përmbushur kriteret e kërkuara për liberalizim vizash dhe kjo çështje më shumë sesa përgjegjësi e palës kosovare, është tashmë e Bashkimit Evropian çka mund të vinte në pikëpyetje kredibilitetin e tij. Me ministren e Punëve të Jashtme të Kosovës bisedoi gazetarja Menada Zaimi.

Zëri i Amerikës: Zonja ministre, kohët e fundit është vënë re një vëmendje e shtuar e faktorit ndërkombëtar për arritjen e një marrëveshjeje përfundimtare ndërmjet Kosovës dhe Serbisë. Cili është vlerësimi juaj, kur është realiste që të kjo marrëveshje të arrihet ndërmjet dy vendeve?

Donika Gërvalla – Schwarz: Unë nuk mund të jap parashikime rreth kohës se kur mund arrihet një marrëveshje e tillë. Çfarë unë mund të them është që Kosova është shumë e përkushtuar për të arritur një marrëveshje finale, e cila do të rezultonte me njohjen e ndërsjellë Kosovë – Serbi. Unë mundem vetëm të theksoj nevojën për një marrëveshje të tillë për shkak se koha po kalon. Kosova është realitet si shtet i pavarur dhe sovran qe 15 vjet dhe ky është një fakt i pakapërcyeshëm edhe për Serbinë. Kapitulli historik i pavarësisë së Kosovës është përmbyllur, në ndërkohë është çështje e Serbisë edhe për arsyet e saj të brendshme që sa më parë ta njoh realitetin me shtetin e ri të Kosovës në Ballkan, aq më shpejt do të hapin dhe rrugën për vetveten drejt rrugës evropiane, nëse e dëshirojnë.

Zëri i Amerikës: Le të flasim për një çështje të ndjeshme për Kosovën. Republika Çeke e cila mban kryesinë e radhës së Bashkimit Evropian ka paralajmëruar që me 13 tetor do të hedh për diskutim në Këshillin Evropian çështjen e liberalizimit të vizave për Kosovën. Sa optimiste është qeveria e Kosovës se kjo gjë do të realizohet dhe shpejt?

Donika Gërvalla – Schwarz: Ne në vazhdimësi kemi punuar në baza ditore për të arritur progres në çështjen e liberalizimit të vizave, sepse është padrejtësi e madhe që qytetarët e Republikës së Kosovës janë të vetmit në rajonin tonë të cilët nuk mund të lëvizin pa aplikuar për viza dhe procesi i aplikimit për viza është jashtëzakonisht i gjatë, i shtrenjtë dhe i komplikuar. Prandaj, përderisa është konstatuar disa herë që Kosova i ka përmbushur, madje më shumë sesa që ka qenë e kërkuar, kriteret për liberalizim vizash, është në fakt në pyetje kredibiliteti i Bashkimit Evropian më shumë sesa që përgjegjësia bie në anën tonë. Unë dua të jem optimiste për datën 13, por siç e kemi praktikuar edhe deri tani ne nuk japim parashikime, nuk japim data sepse mjaft në të kaluarën janë bërë parashikime të gabuara, janë hapur shishe shampanje, është festuar që është bërë pardje liberalizimi i vizave. Duam të jemi shumë serioz edhe me partnerët tanë evropianë, do ta përshëndesnim jashtë mase liberalizimin e vizave, por le të presim se cili do të jetë veprimi. Në fakt arsye për të mohuar liberalizimin e vizave për qytetarët e Republikës së Kosovës nuk ka.

Zëri i Amerikës: Në muajin maj Kosova ka paraqitur edhe kërkesën për tu anëtarësuar në Këshillin e Evropës. Sa ka gjasa që të miratohet kjo kërkesë?

Donika Gërvalla – Schwarz: Unë tani nga Washingtoni do të udhëtoj drejt në Strasburg ku tani në fillim të tetorit do të hapet edhe sesioni i ri i Asamblesë Parlamentare. Aty ne në vazhdimësi që nga muaji maj jemi duke punuar jo vetëm me shtetet anëtare të Këshillit të Evropës, jo vetëm me delegacione të ndryshme por edhe me kryeqytetet e shteteve anëtare me qëllim që të kemi një proces sa më të shpejtë. Ne e dimë që ky është një proces, aplikimi nuk nënkupton që ti anëtarësohesh automatikisht. E dimë që për shtetet e rajonit procesi ka qenë shumë i gjatë, ne do të bëjmë gjithçka që është e mundur për ta shkurtuar këtë proces në rastin e Kosovës. Pavarësisht nga vendimet që merren në Strasburg në këtë kohë të ndërmjetme, ne jemi duke punuar në Kosovë që legjislacionin tonë, veprimet e qeverisë, transparenca, demokracia, mbrojtja e të drejtave të njeriut, vetingu në gjyqësi e të tjera procese t’i qojmë përpara me qëllim që të shkurtojmë sa më shumë kohën në pritje të një vendimi pozitiv për Kosovën.

Zëri i Amerikës: Zonja ministre, Shqipëria ka ndërmarrë një nismë për të hedhur poshtë raportin e të dërguarit të këtij Këshilli, Dick Marttyt, që është në themelet e Gjykatës së Posaçme të Kosovës me seli në Hagë. A ka një bashkërendim mes qeverisë së Kosovës dhe Tiranës zyrtare mbi këto çështje?

Donika Gërvalla – Schwarz: Jo, një bashkërendim nuk ka pasur lidhur me këtë çështje, por ju duhet të më kuptoni që unë nuk komentoj veprimet e qeverisë shqiptare. Unë komentoj marrëdhëniet tona të përbashkëta të cilat janë të mira si rrallëherë në shumë fusha. Është e vërtetë që kemi divergjenca sa i përket “Ballkanit të hapur”. Kemi divergjenca edhe në raport me atë se si kryeministri shpesh pa asnjë nevojë, bëhet avokati kryesor i (Aleksandar) Vuçiçit në vende dhe mediume të ndryshme ndërkombëtare duke i ndihmuar Vuçiçit të mos bëhet pjesë e politikës së përbashkët të BE-së dhe SHBA-së në raport me luftën e Rusisë në Ukrainë. Por, për të qenë shumë e sinqertë, mendoj që asnjëherë më parë marrëveshjet konkrete që kemi me Shqipërinë, nuk kanë qenë të implementuara me një shpejtësi të tillë si deri tani dhe nuk kanë qenë më tepër në kuptimin e asaj që t’u shërbejnë qytetarëve në të dyja anët e kufirit edhe në Shqipëri edhe në Kosovë.

Zëri i Amerikës: Nëse nuk ka pasur, duhej të kishte?

Donika Gërvalla – Schwarz: Duhej të kishte pasur edhe në të kaluarën, ama ne kemi marrëdhënie jashtëzakonisht të mira sa u përket edhe dy qeverive me njëra tjetrën, por edhe sa u përket ministrive veç e veç me njëra tjetrën, sepse jemi të interesuar që marrëveshjet mes Shqipërisë dhe Kosovës t’u shërbejnë qytetarëve dhe jemi të interesuar që të implementojmë sa më shumë prej tyre. Këto 18 muajt e parë të kësaj qeverisjeje kanë treguar se me Shqipërinë mundësitë janë shumë të mëdha, por edhe ritmi me të cilin jemi duke punuar është goxha i lartë. Vendimi për hekurudhën mes Durrësit dhe Prishtinës është një prej tyre që do të jetë tepër i rëndësishëm për ekonominë në Kosovë dhe ekonominë në Shqipëri.

Zëri i Amerikës: Zonja ministre, ka një përplasje brenda ministrisë që ju drejtoni me ata punonjës që kërkojnë të ketë një organizim sindikalist brenda saj. Madje sot sipas shoqatës së sindikatave të anëtarëve të shërbimit të jashtëm përfaqësues të ministrisë suaj kanë hyrë me dhunë brenda zyrave tyre dhe kanë marr në posedim gjithë materialin që ata kanë brenda. Si ju përgjigjeni këtyre akuzave, a po e bllokoni ju një organizim sindikalist brenda ministrisë?

Donika Gërvalla – Schwarz: E para që duhet kuptuar dhe që është shumë e rëndësishme, është që zgjedhjet e 14 shkurtit të vitit 2021, koalicioni ynë qeveritar i ka fituar me premtimin për reforma të thella institucionale, pra për një funksionalizim të institucioneve tona për një punë më efikase në institucionet tona. Asgjë më tepër apo asgjë më pak nuk ka ndodhur në ministrinë e Punëve të Jashtme e cila është pararendëse e reformave. Ne kemi bashkuar dy ministri, pra kemi fuzionuar ish ministrinë e Diasporës me ish ministrinë e Punëve të Jashtme dhe me një rregullore të re të punës kemi krijuar një ministri të përbashkët. Sa i përket organizatës sindikale, natyrisht unë kam jetuar 30 vjet në Gjermani dhe pretendoj se më mirë se shumë kush në Kosovë jam e njohur me procedurat dhe nevojën e përfaqësimit sindikal. Unë mendoj që një numër i vogël i njerëzve që pretendon të marrë përsipër që janë përfaqësuesit sindikal në ministrinë e Punëve të Jashtme dhe Diasporës do të duhej që në radhë të parë të dalin para pasqyrës dhe të flasin me vetveten sepse shkelja e ligjit e para nuk pranohet dhe e dyta, përfaqësuesit e sindikatave pra drejtuesit e sindikatave nuk mund të jetë dikush, sipas ligjit, nga pjesë e menaxhmentit, pra që është drejtor departamenti dhe që aty nisë problemi ku njerëzit e vetemëruar dhe vet të deklaruar marrin përsipër të shpjegojnë nëpër mediume se cilat janë problemet dhe cilat nuk janë. Unë vazhdimisht që nga ardhja në marsin e vitit të kaluar kam qenë shumë e hapur me të gjithë dhe jemi përpjekur të gjithë së bashku, ju e keni parë edhe pjesëmarrjen e një gjoja proteste që është organizuar në Prishtinë që nuk ka qenë nga punonjësit real të ministrisë së Punëve të Jashtme, por ka qenë një numër jashtëzakonisht i vogël. Unë jam e përkushtuar që krahas përmirësimit me vendet tjera, me shtetet partnere dhe aleate jam shumë e përkushtuar që të krijojmë një strukturë efikase në ministrinë e Punëve të Jashtme.

Zëri i Amerikës: Sot është Dita ndërkombëtare për qasje të informacionit, kemi patur edhe një material lidhur me këtë çështje dhe ministria që ju drejtoni ka marr një gjobë prej 13 mijë eurosh nga Agjencia për Informim dhe Privatësi për shkak të refuzimit për lejimin e qasjes të informacioni. Pse kjo mungesë e transparencës ndaj publikut?

Donika Gërvalla – Schwarz: Mendoj që kjo është qeveria më transparente ndonjëherë në historinë e re të Republikës së Kosovës, mendoj se kjo qeveri larg së qeni perfekte në punën e saj, ka ofruar qasje qoftë në dokumente publike por qoftë edhe në përgjithësi në informacione që kanë të bëjnë me qeverinë, ka ofruar qasje shumë më të madhe jo vetëm për gazetarë por edhe institucione apo për shoqërinë civile. Unë shumë gëzohem që shoqëria civile dhe mediat në Kosovë janë kaq të zëshme në kërkesat e tyre për më shumë transparencë sepse mendoj që kjo i shërben një demokracie më të fortë në Kosovë. Ne kemi nevojë për një transparencë edhe më të lartë edhe pse tregojnë edhe matjet ndërkombëtare që Kosova sa i përket të drejtës së lirisë së mediave ka kërcyer në organizata ndërkombëtare disa vende lart, prandaj larg së qeni perfekt, jemi duke u munduar që të jemi edhe më mirë. Megjithatë të mos harrojmë që kjo është qeveria më transparente që ka pasur ndonjëherë Republika e Kosovës.

blank

Portesta e prindërve dhe nxënësve: “Protestoni, neve mos na dënoni”

Pankarta me mbishkrimin “Protestoni, neve mos na dënoni”, nga protesta e prindërve dhe nxënësve për ndërprerjen e grevës dhe nisjen e procesit mësimor. 26 shtator 2022.

 

RFE/RL

Brenda dy ditësh pritet që anëtarësia e Sindikatës se Bashkuar për Arsim, Shkencë dhe Kulturë, të japë mendim për pezullimin e mundshëm të grevës në arsim.

Kështu thotë për Radion Evropa e Lirë, Hanife Salihu, anëtare e Këshillit grevistë në SBASHK.

“Ne iu kemi drejtuar edhe kryetarëve të sindikatave komunale që të marrin mendimin e anëtarësisë se si të vazhdohet më grevën, të pezullohet për një kohë të caktuar apo të marrim hapa të tjerë, po presim që brenda këtyre dy ditëve të japin një përgjigjeje”, thotë ajo.

Sindikata e Bashkuar e Arsimit ka thënë, më 28 shtator, se i është drejtuar anëtarësisë greviste me një shkresë, përmes të cilës u ka kërkuar të japin mendimin e tyre për idenë që të pezullohet greva në arsim deri në janar të vitit 2022, dhe procesi mësimor të nisë nga tre tetori.

Në një komunikatë për media, SBASHK-u thotë se kërkimi i mendimit të anëtarësisë për pezullim të grevës vjen për shkak të mungesës së dialogut social.

Ata kanë thënë se nuk tërhiqen nga kërkesat për shtesë në pagë deri në zbatimin e Ligjit për paga, ndryshimin e Ligjit për skema pensionale dhe Ligjit për sigurime shëndetësore.

Si pasojë e grevave që kanë nisur në sektorin e arsimit më 25 gusht, mbi 300.000 nxënës kanë mbetur pa mësim.

Arsyeja e grevës dhe kërkesa kryesore e sindikatave të arsimit drejtuar Qeverisë së Kosovës, është ndarja e nga 100 eurove në muaj për punëtorët, derisa të hyjë në fuqi Projektligji për pagat.

Sipas sindikalistëve të arsimit, kërkesa e tyre për 100 euro shtesë është e bazuar, për shkak të rritjes së inflacionit.

Qeveria e Kosovës thotë se ky ligj, që parasheh rritje pagash për punonjësit e sektorit publik, do të dalë në miratim së shpejti dhe kërkon nisjen e mësimit.

Çfarë thonë sindikalistët e arsimit dhe Qeveria?

Qeveria e Kosovës, në disa raste, ka bërë thirrje për fillimin e procesit mësimor. “Nuk bën bojkot e grevë shtetit”, ka thënë kryeministri Albin Kurti. Në disa shkolla, mësimdhënësit kanë vendosur në mënyrë individuale t’i mbajnë orët, por shumica janë në grevë.

Kryetari i Sindikatës së Bashkuar për Arsim, Rrahman Jasharaj, ka thënë se fajtore për mbylljen e shkollave është Qeveria, e cila, sipas tij, “nuk reflekton karshi kërkesave të sindikalistëve”.

Protestë për kthim në shkolla

Këshilli i Prindërve i Shkollës Fillore “Faik Konica” në Prishtinë, të hënën ka protestuar në oborrin e shkollës, duke kërkuar ndërprerjen e grevës dhe nisjen e procesit mësimor. Si pasojë e grevave që kanë nisur në sektorin e arsimit më 25 gusht, mbi 300.000 nxënës kanë mbetur pa mësim.

Në fillim të këtij muaji, Qeveria e Kosovës ka paraqitur një pako për përballje me inflacionin, në kuadër të së cilës punonjësit e sektorit publik, përfshirë mësimdhënësit, përfitojnë nga 50 euro shtesë, nisur nga ky muaj.

Sindikata e Arsimit nuk e ka pranuar këtë “ofertë”.

blank

Blinken: Aneksimi i territoreve ukrainase nga Rusia “nuk do të njihet kurrë”

VOA/Marrë nga Reuters

Bashkimi i territoreve në lindje dhe jug të Ukrainës me Rusinë nuk do të njihet kurrë, tha Sekretari amerikan i Shtetit, Antony Blinken. Reagimi amerikan u bë pas publikimit të rezultateve të një referendumi të organizuar nga Moska në disa rajone të Ukrainës që përbëjnë 15% të territorit të Ukrainës. Perëndimi e ka quajtur referendumin një farsë.

Zyrtarët e vendosur nga Rusia në rajonin Donetsk të Ukrainës deklaruan fitoren në një referendum për bashkimin me Rusinë me mbi 99% të votave pro.

Katër rajonet ku është votuar: Donetsk e Luhansk në lindje dhe Zaporizhzhia e Kherson në jug, përbëjnë rreth 15% të territorit ukrainas.

Ne po bashkohemi me atdheun tonë të madh, me Rusinë e madhe

“E kemi ëndërruar në vitin 2014 dhe kemi vepruar për këtë. Kjo është një ditë historike. Ne po bashkohemi me atdheun tonë të madh, me Rusinë e madhe”, tha pas shpalljes së rezultateve udhëheqësi i Republikës së vetshpallur të Donetskut, Denis Pushilin

Kutitë e votimit u çuan shtëpi më shtëpi nga zyrtarët në atë që Ukraina dhe Perëndimi e dënuan si referendum farsë për të krijuar një pretekst ligjor për aneksimin e katër rajoneve dhe justifikuar kërcënimin e presidentit rus, Vladimir Putin për të përdorur armë bërthamore në mbrojtje të “integritetit territorial” të Rusisë.

Perëndimi dhe Ukraina e kanë bërë të qartë se kurrë nuk do t’i njohin rezultatet e referendumit.

Ne nuk do ta njohim kurrë aneksimin e territorit ukrainas nga Rusia

“Ne nuk do ta njohim kurrë aneksimin e territorit ukrainas nga Rusia… Ukrainasit do të vazhdojnë përpjekjet për të rimarrë territorin e pushtuar. Ne do të vazhdojmë t’i mbështesim ata në këtë përpjekje”, tha Sekretari amerikan i Shtetit, Antony Blinken të martën, gjatë një konference shtypi me homologun indian, Subrhamanyam Jaishankar.

“Krimi i agresionit kundër vendit tonë, farsa në territoret e pushtuara që quhet referendum nga pushtuesit, përgatitja e një përpjekjeje të re për aneksimin e territorit ukrainas, të gjitha këto janë hapa me të cilët Rusia e ka shkelur Kartën e OKB-së”, tha presidenti ukrainas, Zelensky.

Presidenti ukrainas, pa dhënë detaje, tha se ka lajme të mira edhe nga fronti pasi forcat ukrainase po vazhdojnë çlirimin e tokave të pushtuara.

Ukraina ka paralajmëruar vazhdimisht se aneksimi rus i territoreve do të shkatërronte çdo mundësi për bisedime paqeje, ndërsa ukrainasit që ndihmuan Rusinë të organizonte votimet do të përballen me akuza për tradhti.

blank

Zelensky fundos referendumet farsë

Votimi nën kërcënimin e mitralozëve ishte një realitet në qendrat e votimit në territoret e pushtuara nga rusët

Presidenti ukrainas konfirmon se Kievi do të vazhdojë të luftojë në territoret e pushtuara dhe nuk do të negociojë me Moskën – Ushtarët e parë të mobilizuar mbërritën në front

 

VOAL- Luftimet vazhdojnë në Ukrainë, ndërsa autoritetet pro-ruse të rajoneve të okupuara të Zaporizhia, Kherson, Luhansk dhe Donetsk pretenduan të martën votimin në favor të aneksimit të Rusisë pas “referendumeve” të aneksimit të organizuar nga Moska dhe të refuzuara nga Kievi dhe aleatët e tij ndërkombëtarë.

Presidenti ukrainas Volodymyr Zelensky siguroi të martën në mbrëmje në një video në Telegram se Ukraina do të vepronte “për të mbrojtur popullin e saj”, duke specifikuar: “Ne do të veprojmë për të mbrojtur popullin tonë, në rajonin Kherson, në rajonin Zaporizhia, në Donbass. si në zonat e pushtuara aktualisht të Rajonit të Kharkiv dhe Krimesë, “tha Zelensky në reagimin e tij të parë pasi autoritetet pro-ruse shpallën rezultatet.

Presidenti më pas anuloi çdo mundësi për të pranuar negociatat me Moskën, pikërisht në dritën e thirrjes ruse për zgjedhje. “Njohja nga Rusia e ‘pseudo-referendumeve’ si ‘normale’, zbatimi i të njëjtit skenar si Krimea dhe një përpjekje tjetër për të aneksuar një pjesë të territorit ukrainas do të thotë se ne nuk kemi çfarë të diskutojmë me presidentin aktual rus. të shtetit të Kievit.

Pas votimit, hapi i radhës do të bëhet nga Parlamenti rus, i cili duhet të votojë në ditët në vijim për një traktat që do të zyrtarizojë integrimin e katër rajoneve – asnjëri plotësisht në duart e Moskës – në territorin rus.

Dhe, në pritje të njoftimit të Rusisë për aneksimin e territoreve të Ukrainës, Shtetet e Bashkuara po përgatisin një paketë të re armësh prej 1.1 miliardë dollarësh për Ukrainën, sipas burimeve në administratën e Bidenit. Në dispeçimin e ri do të ketë sistemet HIMARS të dërguara tashmë në forcat e Kievit, municione, lloje të ndryshme sistemesh radari antidrone, pjesë këmbimi, mbështetje teknike dhe stërvitje, saktësojnë burimet. Uashingtoni po përgatit gjithashtu më shumë sanksione kundër Moskës në përgjigje të referendumit farsë.

Sekretari i Shtetit Antony Blinken raportoi për këtë çështje: “Armët që ne po furnizojmë janë përdorur deri tani në mënyrë efektive nga ukrainasit. Kievi ka të drejtë të vazhdojë të mbrohet edhe në territoret që përfundimisht do të aneksohen nga Rusia. Nga pikëpamja jonë e pamje. asgjë nuk ndryshon, ne nuk do t’i njohim kurrë.”

Sekretari i Përgjithshëm i Kombeve të Bashkuara Antonio Guterres përsëriti të mërkurën atë që tashmë ishte theksuar në ditët e fundit, domethënë se një aneksim i mundshëm e rajoneve të Ukrainës në një mënyrë të njëanshme nga Moska është një shkelje e ligjit ndërkombëtar.

Përfaqësuesi i Lartë i BE-së për Politikën e Jashtme, Josep Borrell, tha nga ana e tij se rezultatet e referendumeve për aneksimin me Rusinë të mbajtura në katër rajone të Ukrainës së pushtuar nga Moska janë “falsifikuar” dhe konsultimet janë “falsifikuar” të paligjshme”. “Kjo është një shkelje e re e sovranitetit dhe integritetit territorial të Ukrainës në një kontekst të shkeljeve sistematike të të drejtave të njeriut”, shkroi Borrell në Twitter.

Presidenti i Këshillit Evropian, Charles Michel, bëri jehonë: “Referendumi i rremë. Rezultate të rreme. Ne nuk e njohim asnjërin prej tyre”, shkroi në një postim në Twitter mbi rezultatin e votimit për thirrjen në votime të organizuara nga Moska për të sanksionuar. aneksimi i territoreve të okupuara në Ukrainë në Rusi.

Vazhdon ikja nga mobilizimi

Një javë pas njoftimit të Kremlinit, Rusia vazhdon të organizojë mobilizimin e rezervistëve për të rekrutuar 300,000 luftëtarë, duke kërkuar një përgjigje ndaj kundërsulmit të trupave ukrainase, të cilët falë dërgesave të mëdha të armëve nga Perëndimi, kanë mundur të rimarrë mijëra kilometra katrorë territor nga fillimi i shtatorit.

Kjo fushatë rekrutimi, e zhvilluar në vende kaotike, ka shtyrë shumë rusë të largohen, një eksod i konfirmuar të martën nga dy vendet fqinje, Gjeorgjia dhe Kazakistani, ndërkohë që një fluks shumë i konsiderueshëm i qytetarëve rusë është vërejtur gjithashtu që nga e enjtja në kufijtë e Mongolisë. Finlanda.

Por trupat e Moskës ende nuk pushojnë së bombarduari qytetet. Pesë persona u vranë në rajonin e Donetskut të martën, ndërsa vetëm sot, të martën 28, ushtria ruse bombardoi një shkollë në Mykolaivka, në të njëjtin rajon, e cila ishte strehë për civilët. Për pasojë kanë mbetur të plagosur 12 persona. Bomba dhe raketa nga Moska kanë goditur gjithashtu Nikopol në rajonin e Dnipropetrovsk në orët e fundit.

Të mërkurën, rusët bombarduan një fshat në rajonin e Zaporizhia (që meqë ra fjala duan ta aneksojnë) me municion fosfor, të ndaluar nga ligji ndërkombëtar. Disa shtëpi dhe një shkollë u shkatërruan. Zjarri i ushtarëve të Kremlinit goditi sërish Mykolaiv-in të martën në mbrëmje, kryesisht me raketa S-300 dhe Tornado-S. Për mrekulli, nuk pati viktima, por vetëm lëndime të lehta për disa civilë të shkaktuar nga xhamat e dritareve të thyera.

Dhe pas sulmit me raketa në Kharkiv, në mbrëmjen e 27 shtatorit, ndërtesat e infrastrukturës energjetike u dëmtuan dhe tre lagje të qytetit mbetën pjesërisht pa energji elektrike, duke lënë rreth 18.500 njerëz në errësirë. Bomba nga Moska u hodhën edhe të mërkurën mbrëma kundër Lysychansk, të çliruar së fundmi nga ukrainasit. rsi-Elida Buçpapaj

 

blank

Meloni: Ukraina mund të llogarisë në Italinë

RFE/RL

Ukraina mund të llogarisë në mbështetjen e Qeverisë së re italiane, tha liderja e ekstremit të djathtë, Giorgia Meloni, në mesazhin dërguar presidentit ukrainas, Volodymyr Zelensky.

“E dini se mund të llogarisni në mbështetjen tonë besnike në kauzën për lirinë e popullit ukrainas. Qëndroni të fortë dhe kini besim”, shkroi Meloni në një postim në Twitter.

Ajo iu përgjigj mesazhit urues të dërguar nga Zelensky, pasi partia e Melonit, Vëllezërit e Italisë, fitoi zgjedhjet e përgjithshme të së dielës.

“Ne vlerësojmë mbështetjen e vazhdueshme të Italisë për Ukrainën në luftën kundër agresionit rus. Ne llogarisim në partneritetin produktiv me Qeverinë italiane”, shkroi Zelensky në Twitter.

Kryeministri në largim i Italisë, Mario Draghi, ka qenë një prej mbështetësve më të fuqishëm të sanksioneve të Bashkimit Evropian kundër Rusisë, për shkak të luftës në Ukrainë, pavarësisht se Italia ka varësi të madhe ndaj gazit rus.

Roma po ashtu ka dërguar armë për t’i ndihmuar Kievit që të luftojë forcat e presidentit rus, Vladimir Putin.

Meloni është euroskeptike, por ka mbështetur qëndrimin e Draghit sa i përket Ukrainës – edhe pse aleatët e saj në koalicionin zgjedhor, lideri i partisë Liga, Matteo Salvini, dhe ish-kryeministri Silvio Berlusconi, kanë raporte të mira me Moskën.

Meloni pritet të bëhet kryeministrja e parë grua e Italisë dhe pritet të udhëheqë një qeveri djathtiste, me prirjet më ekstreme që nga koha e Luftës së Dytë Botërore.

blank

Zelenskyy OKB-së: Izoloni Rusinë

Presidenti ukrainas i drejtohet Këshillit të Sigurimit (27 shtator 2022)

VOA, Margaret Besheer

Presidenti ukrainas Volodymyr Zelenskyy i tha të martën Këshillit të Sigurimit të OKB-së se Rusia duhet të izolohet ndërkombëtarisht për referendumet false të organizuara në territorin e vendit të tij.

“Ekziston vetëm një mënyrë për ta ndalur të gjithë këtë”, tha ai nëpërmjet një lidhjeje videofonike. “Së pari është izolimi i Rusisë në përgjigje të gjithçkaje që bën”.

Ai tha se ndaj Moskës duhen vendosur sanksione të mëtejshme dhe se i duhet hequr vetoja në Këshillin e Sigurimit të OKB-së, si dhe se duhet pezulluar anëtarësimi i saj në të gjitha institucionet ndërkombëtare.

“Aneksimi i territoreve të kapura… është shkelja më brutale e Kartës së OKB-së”, tha presidenti ukrainas. “Kjo është një përpjekje për të grabitur territorin e një vendi tjetër. Kjo është një përpjekje për të fshirë normat e ligjit ndërkombëtar”.

Nëse Moska anekson këto territore, tha zoti Zelenskyy, “do të thotë se ekziston asgjë për të biseduar me presidentin e Rusisë”.

Shtetet e Bashkuara dhe Shqipëria kanë qarkulluar një draft-rezolutë mes vendeve anëtare të Këshillit të Sigurimit, ku dënohen referendumet, u bëhet thirrje vendeve të mos njohin statusin e ndryshuar të Ukrainës dhe ta detyrojnë Rusinë të tërheqë forcat nga ky vend.

“Nëse Rusia vendos ta imunizojë veten nga llogaridhënia në Këshill, atëherë ne do të kërkojmë nga Asambleja e Përgjithshme që t’i dërgojë një mesazh të pagabueshëm Moskës”, tha Ambasadorja amerikane Linda Thomas-Greenfield. “Bota duhet të qëndrojë e bashkuar dhe të mbrojë Kartën e Kombeve të Bashkuara”.

Ajo u tha gazetarëve pas takimit se shpreson të kërkojë një votim në Këshillin e Sigurimit, në vazhdim të kësaj jave, ose në fillim të javës së ardhshme.

“U bëjmë thirrje anëtarëve të OKB-së, të gjithë atyre për të cilët parimet e sovranitetit, integritetit territorial dhe paprekshmërisë së kufijve kanë domethënie, të kundërshtojnë veprimet e Rusisë, të dënojnë referendumet dhe rezultatet e tyre që priteshin, si dhe të mos njohin kurrë përpjekjet për të grabitur tokën ukrainase nëpërmjet dhunës dhe terrorit”, tha Ambasadori shqiptar Ferit Hoxha.

Rusia pretendoi të martën se numërimi fillestar i votave në ato që vendet perëndimore thonë se janë referendume false, tregojnë se ukrainasit në katër rajone i japin mbështetje dërrmuese bashkimit me Rusinë.

Agjencia shtetërore e lajmeve RIA Novosti tha se nga rreth 1/5 e votave të numëruara që ishin hedhur gjatë pesë ditëve të votimeve në Donetsk, Luhansk, Zaporizhzhia dhe Kherson, mbi 97% e votuesve në katër rajonet mbështesin aneksimin. Të marra së bashku, këto rajone përfaqësojnë rreth 15% të territorit të Ukrainës.

Referendumet janë denoncuar gjerësisht nga Ukraina, Shtetet e Bashkuara dhe vendet e tjera perëndimore si të paligjshme. Pavarësisht nga rezultati përfundimtar që do të shpallë Moska, ato nuk pritet të pranohen ndërkombëtarisht.

Por, votimi dhe rezultati që pritet të mbështesë aneksimin, do t’i japë Presidentit rus Vladimir Putin një pretekst për ta ndryshuar në mënyrë të njëanshme kufirin Rusi-Ukrainë dhe për t’i aneksuar këto katër rajone. Për rrjedhojë, çdo sulm ndaj këtyre rajoneve nga forcat e Kievit mund të paraqitet si sulm ndaj vetë Rusisë.

Punëtorët varin flamujt rusë në një ndërtesë apartamentesh në Luhansk, Ukrainë (27 shtator 2022)

Punëtorët varin flamujt rusë në një ndërtesë apartamentesh në Luhansk, Ukrainë (27 shtator 2022)

Ai tha javën e kaluar se ishte i gatshëm të përdorte armë bërthamore për të mbrojtur “integritetin territorial” të Rusisë, një kërcënim i denoncuar gjerësisht nga Ukraina, Shtetet e Bashkuara dhe vende të tjera perëndimore që i kanë dërguar miliarda dollarë qeverisë së Kievit për të përballuar sulmin disa mujor të Rusisë.

Ukraina gjithashtu ka paralajmëruar vazhdimisht se aneksime të mëtejshme nga Rusia do të shkatërronin çdo mundësi për bisedime paqeje.

Disa ukrainas raportuan se ishin detyruar me armë nga luftëtarët rusë të largoheshin nga shtëpitë e tyre për të votuar. Votimi përfundon të martën, dhe Shtetet e Bashkuara kanë thënë paraprakisht se nuk do të njohin asnjë rezultat që shpall Rusia.

“Ne qëndrojmë përkrah partnerëve tanë anembanë botës për të refuzuar çfarëdolloj rezultati të sajuar që do të shpallë Rusia”, u tha gazetarëve të hënën sekretarja e shtypit e Shtëpisë së Bardhë Karine Jean-Pierre.

Sekretarja e Shtypit e Shtëpisë së Bardhë, Karine Jean-Pierre duke informuar gazetarët

Sekretarja e Shtypit e Shtëpisë së Bardhë, Karine Jean-Pierre duke informuar gazetarët

“Për sa i përket asaj që po bëjmë, ne jemi të përgatitur të imponojmë kosto shtesë të shpejta dhe të rënda ekonomike ndaj Rusisë, së bashku me aleatët dhe partnerët tanë, në përgjigje të këtyre veprimeve që ne po shohim aktualisht, nëse ata vazhdojnë me aneksimin”, tha zonja Jean-Pierre. “Kemi qenë shumë të qartë për këtë”.

Votimi filloi të premten në rajonet e kontrolluara nga Rusia, Luhansk dhe Kherson, dhe në zonat e pushtuara të rajoneve Donetsk dhe Zaporizhzhia.

Kërcënimet bërthamore

Dmitry Medvedev, nënkryetar i Këshillit të Sigurisë të Rusisë dhe ish-president i vendit, tha të martën se nëse Rusia kërcënohet përtej një kufiri të caktuar, ajo ka të drejtë të përgjigjet “pa kërkuar pëlqimin e askujt dhe pa zhvilluar konsultime të gjata”.

“Le të imagjinojmë se Rusia është e detyruar të përdorë armën më të fuqishme kundër regjimit ukrainas që ka kryer një akt agresioni në shkallë të gjerë, i cili është i rrezikshëm për vetë ekzistencën e shtetit tonë”, shkruajti zoti Medvedev në kanalin e tij në një aplikacion mesazhesh. “Unë besoj se NATO do të largohet nga ndërhyrja e drejtpërdrejtë në konflikt në atë rast”.

Sekretari amerikan i Shtetit Antony Blinken i tha emisionit “60 Minutes” të CBS News në një intervistë të transmetuar të dielën vonë, se Shtetet e Bashkuara ia kanë bërë të qartë publikisht dhe privatisht Rusisë që të “ndalë bisedat me aludime për armët bërthamore”.

Sekretari i Shtetit, Antony Blinken (Uashington, 27 shtator 2022)

Sekretari i Shtetit, Antony Blinken (Uashington, 27 shtator 2022)

“Është shumë e rëndësishme që Moska të dëgjojë nga ne dhe ta dijë nga ne se pasojat do të ishin të tmerrshme, dhe ne e kemi bërë këtë shumë të qartë”, tha Sekretari Blinken.

Një zyrtar i Departamentit amerikan të Shtetit tha se Presidenti rus Putin u dha Shteteve të Bashkuara dhe aleatëve të saj një dhuratë javën e kaluar duke u angazhuar në kërcënime për sulme bërthamore, duke bërë thirrje për mobilizimin e trupave dhe duke shpallur referendumin, ndërkohë që Shtetet e Bashkuara ishin në OKB “duke folur për sovranitetin, paqen ndërkombëtare, dhe sigurinë”. Zyrtari tha se Rusia “nuk mund të kishte gjetur një kohë më të mirë për të vënë në qendër të vëmendjes shkeljet e rënda që Rusia po kryen ndaj Ukrainës dhe rendit ndërkombëtar”.

Protestat kundër mobilizimit

Presidenti ukrainas Volodymyr Zelenskyy raportoi për luftime të ashpra në disa zona të Ukrainës ndërsa mbajti të hënën fjalimin e tij të mbrëmjes.

“Situata është veçanërisht intensive në rajonin Donetsk”, tha ai. “Po bëjmë gjithçka për të frenuar aktivitetin e armikut. Ky është qëllimi ynë numër një tani, pasi Donbasi është ende objektivi numër një për pushtuesit”.

Presidenti Zelenskyy e quajti mobilizimin e 300 mijë rezervistëve nga Rusia “një përpjekje të sinqertë për t’u dhënë komandantëve në terren një rrymë të vazhdueshme furnizimi me mish për top”.

Presidenti ukrainas Volodymyr Zelenskiy

Presidenti ukrainas Volodymyr Zelenskiy

Në Rusi kanë filluar protesta të gjera kundër thirrjes në shërbim aktiv nga Presidenti Putin. Policia arrestoi qindra demonstrues që merrnin pjesë në protestat në rrugë në Moskë dhe qytete të tjera.

Në rajonin rus Siberi, një burrë 25-vjeçar qëlloi të hënën me armë një komandant ushtarak në një qendër regjistrimi, tha guvernatori lokal.

Shumë meshkuj që kundërshtojnë luftën e Putinit, ose që kanë frikë se mos vriten në fushën e betejës, janë larguar menjëherë nga Rusia për në vende të tjera nëpërmjet linjave ajrore. Të tjerë u janë bashkuar radhëve të gjata të makinave në rrugët drejt kufirit me Finlandën, Gjeorgjinë dhe vende të tjera.

* Disa nga të dhënat për këtë artikull u morën nga agjencitë e lajmeve Associated Press, Agence France-Presse dhe Reuters.

blank

Albin Kurti flet sërish për luftë: 4 arsyet që e bëjnë të imagjinueshëm një konflikt me Serbinë

Kryeministri Albin Kurti, disa herë ka përsëritur pohimet se në Kosovë mund të ketë luftë. Ai thotë se për këtë është edhe i shqetësuar.

Në një intervistë për median zvicerane “Republik”, kreu i ekzekutivit ka listuar katër arsye që e bëjnë të imagjinueshëm një konflikt.

“Për mendimin tim Serbia është një regjim klient i Kremlinit. Serbia dhe Rusia zhvillojnë stërvitje të përbashkëta ushtarake të quajtura “Mburoja Sllave” dhe “Vëllazëria Sllave”. Pjesa më e madhe e industrisë së naftës në Serbi është në pronësi të Gazprom. Ministria ruse e Mbrojtjes ka ngritur zyrën e saj në kuadër të Ministrisë së Mbrojtjes së Serbisë. Serbia merr tanke dhe sisteme armatimi nga Moska”, është shprehur ai.

“Nuk kemi frikë, por jemi vigjilentë. Ne mbetemi të shqetësuar. Sipas meje, ka katër arsye që e bëjnë një konflikt të imagjinueshëm. Së pari, Serbia ende nuk e njeh pavarësinë e Kosovës. Ajo lufton kundër njohjes sonë ndërkombëtare dhe në të njëjtën kohë financojnë strukturat ilegale brenda Kosovës për të minuar sundimin e ligjit dhe sovranitetin tonë”.

“Së dyti: Në Serbi nuk mund të pajtohen me krimet e luftës të kryera në vitet 1990. Nuk ka keqardhje. Arsyeja e tretë që më shqetëson: Kosova është demokraci, Serbia jo. Kushdo që kufizohet me një autokraci është në rrezik. Së katërti, Beogradi zyrtar mban lidhje të ngushta me presidentin despotik rus, Putin. Vuçiq e ka takuar Putinin gati 20 herë në 10 vjet, më e fundit më 25 nëntor 2021 në Soçi, tre muaj para fillimit të luftës”, ka thënë Kurti.

Kurti, mes tjerash, ka folur edhe për takimet me presidenti serb, Alekandar Vuçiç, të cilat thotë se janë përmirësuar veçse asnjëherë nuk ia ka shtrënguar dorën.

“Do të preferoja shumë që në Serbi të shihja politika progresive dhe pro-evropiane. Por nuk është kështu. Nga ana tjetër, atmosfera gjatë takimeve tona në Bruksel është përmirësuar”.

Nëse i kanë shtrirë dorën njëri-tjetrit, ai thekson: “Jo kurrë. Kjo për shkak se jemi takuar tre nga katër herë gjatë pandemisë së COVID-19 dhe nuk ka ende një marrëveshje përfundimtare”./ Syri Kosova

blank

Luftime të ashpra në lindje të Ukrainës, reagon Zelensky: Po bëjmë gjithçka për të vënë nën kontroll sulmin e armikut

Luftime të ashpra midis forcave ukrainase dhe ruse po zhvillohen në disa pjesë në lindje të Ukrainës dhe në rajonin verilindor të Harkivit, teksa Moska po vazhdon shtypjen e protestave kundër mobilizimit ushtarak. Presidenti Volodymyr Zelensky, tha se rajoni lindor i Donjeckut vazhdon të jetë top-prioritet i Ukrainës – dhe i Rusisë – me luftimet që po zhvillohen në disa qytete, teksa trupat ruse po tentojnë të përparojnë në jug dhe perëndim.

Gjatë një adresimi në orët e vona të 26 shtatorit, Zelensky tha se situata ushtarake në Donjeck është “veçanërisht e rëndë”. “Ne po bëjmë gjithçka që të vëmë nën kontroll aktivitetin e armikut. Ky është qëllimi ynë kryesor tani, sepse Donbasi vazhdon të jetë qëllimi kryesor i pushtuesve”, tha Zelensky.

Zyrtarët rajonalë thanë se Rusia ditëve të fundit ka kryer të paktën pesë sulme në rajonin e Odesës duke përdorur dronët iranianë. Raketat ruse kanë goditur aeroportin në Krivi Ri, në Ukrainën qendrore, duke shkatërruar infrastrukturën dhe duke bërë që aeroporti të dalë jashtë funksionit, tha Valentyn Reznichenko, guvernator i rajonit Dnipropetrovsk.

Komanda jugore e forcave të armatosura të Ukrainës tha më 27 shtator se kundërofensiva në rajonin juglindor të Hersonit ka rezultuar në vrasjen e 77 ushtarëve të armikut, shkatërrimin e gjashtë tankeve, pesë obusëve, tri armëve kundërajrore dhe 14 makinave të blinduara.

Këto pretendime nuk kanë mundur të verifikohen në mënyrë të pavarur. Luftime po ashtu po raportohen në rajonin e Harkivit, rajon në verilindje të Ukrainës që ka qenë në shënjestër të kundërofensivës që Kievi ka nisur gjatë këtij muaji.

Ndërkaq, forcat ukrainase kanë vazhduar fushatën e tyre për të shkatërruar katër ura, me qëllim që të ndërpresin linjat e furnizimit për forcat ruse në jug të vendit. Në Rusi, njoftimi për mobilizimin e 300.000 rezervistëve ka nxitur protestat më të mëdha që nga nisja e pushtimit të paprovokuar të Ukrainës më 24 shkurt.

Organizata që monitoron arrestimet politike në Rusi, OVD-Info, tha se më 25 shtator janë arrestuar 2.353 persona, ndërkaq më 26 shtator u arrestuan edhe të paktën 141 protestues të tjerë. Në këtë shtet, kritikat ndaj “operacionit të posaçëm ushtarak” të Rusisë, janë të ndaluara.

Duke cituar zyrtarë të paidentifikuar, dy media ruse që veprojnë jashtë vendit – Meduza dhe Novaya Gazeta Europe – raportuan se autoritetet po planifikojnë që burrave t’ua ndalojnë largimin nga vendi, teksa radhët e gjata të makinave po shihen në pikat kufitare. Raportohet se radhët në kufirin midis Rusisë dhe Gjeorgjisë janë të gjata 48 orë. Shtetasit rusë mund të hyjnë në Gjeorgjinë fqinje pa pasur nevojë për vizë.

I pyetur për mundësinë e mbylljes së kufirit, zëdhënësi i Kremlinit, Dmitry Peskov, u tha gazetarëve më 26 shtator se “unë nuk di asgjë për këtë çështje deri në këto momente. Aktualisht, nuk ka ndonjë vendim për këtë gjë”.

Në Uashington, zëdhënësja e Shtëpisë së Bardhë, Karine Jean-Pierre, tha se Shtetet e Bashkuara do të shqyrtojnë aplikimet për azil të rusëve që po ikin nga mobilizimi i pjesshëm ushtarak që presidenti rus, Vladimir Putin, shpalli më 21 shtator./REL

blank

Presidentja Osmani: Njohja reciproke, e vetmja zgjidhje që çon drejt paqes dhe stabilitetit afatgjatë

VOA/Keida Kostreci

Presidentja e Kosovës, Vjosa Osmani thotë se njohja reciproke mes Kosovës dhe Serbisë është e vetmja zgjidhje që çon drejt paqes dhe stabilitetit afatgjatë dhe se gjysmëzgjidhjet i japin hapësirë të mjaftueshme Serbisë që të vazhdojë të afrohet më shumë me Rusinë. Në një intervistë për Zërin e Amerikës nga Nju Jorku ku ndodhet për takime në kuadrin e Asamblesë së Përgjithshme të OKB-së, presidentja e Kosovës tha se forcat politike në Kosovë duhet të jenë të bashkuara në lidhje me politikën e jashtme ndaj Serbisë. Lidhur me asociacionin e komunave serbe, zonja Osmani tha se Shtetet e Bashkuara kanë kërkuar që Kosova të zbatojë vendimin e Gjykatës Kushtetuese, jo atë që është nënshkruar në Bruksel, si edhe se Serbia vetë nuk ka zbatuar rreth dy të tretat e marrëveshjeve që ka nënshkruar. Në intervistën me gazetaren Keida Kostreci, Presidentja Osmani përsëriti qëndrimin kundër Ballkanit të Hapur, për shkak se Kosova nuk ka mundësi që të anëtarësohet si e barabartë. E pyetur për marrëdhëniet me Kryeministrin e Shqipërisë Edi Rama, zonja Osmani tha se politikanët shqiptarë nga çdo vend ku janë, nuk duhet të justifikojnë veprimet dhe politikat e Serbisë.


Zëri i Amerikës: Zonja Presidente, lufta e pashembullt e Rusisë ndaj Ukrainës ka krijuar një kontekst të ri për çështjen e normalizimit të marrëdhënieve mes Kosovës dhe Serbisë. Cilat janë pritshmëritë e Prishtinës për këtë proces dhe si po ndikojnë zhvillimet e fundit tek këto pritshmëri?

Vjosa Osmani: Natyrshëm pritshmëritë e Republikës së Kosovës janë që ky proces të jetë i përqëndruar në njohjen reciproke, sepse kjo është e vetmja zgjidhje që çon drejt paqes dhe stabilitetit afatgjatë. Gjysmë zgjidhjet në fakt asnjëherë nuk prodhojnë paqe dhe stabilitet afatgjatë, por në anën tjetër i japin hapësirë të mjaftueshme Serbisë që të vazhdojë të afrohet më shumë me Rusinë dhe po ashtu të investojë edhe më shumë në destabilizimin e rajonit tonë. Për fat të keq edhe kjo që po ndodh tashmë në Ukrainë që nga 24 shkurti i viti 2022, po dëshmon se shtetet autokratike, siç është Serbia, siç është Rusia e cila e kontrollon edhe Serbinë, asnjëherë nuk shquhen për veprime pozitive në raport me fqinjët e tyre, përkundrazi, Serbia vetëm sa është forcuar në veprimet e saj destabilizuese. Dhe tani ju e keni parë që vetëm sa e ka rritur bashkëpunimin qoftë politik, qoftë ekonomik apo ushtarak me Rusinë, duke ndikuar kështu edhe në rritjen e ndikimit rus në tërë rajonin tonë dhe rrezikimin e tërë rajonit tonë. Prandaj besoj që kjo çfarë po ndodhë në Ukrainë të jetë një mësim për të gjitha shtetet perëndimore se me shtetet tilla të cilat udhëhiqen me mendësinë e (Vladimir) Putinit, siç është edhe vet Serbia, që udhëhiqet nga një ish ministër i (Slobodan) Millosheviçit, duhet gjuhë e qartë, duhen veprime të qarta. Edhe vetë marrëveshja e fundit që Serbia nënshkroi me Rusinë për t’i përcaktuar vijat e politikës së saj të jashtme në fakt në bashkëpunim me Rusinë dhe jo me Bashkimin Evropian, është një mesazh i qartë se Serbia nuk është e interesuar që të kontribuoj për paqe e stabilitet në rajon apo të anëtarësohet në BE. Përkundër veprimeve të tyre ne si Republikë e Kosovës po tregojmë vazhdimisht konstruktivitet, angazhim pozitiv dhe po fokusohemi që i gjithë dialogu me Serbinë i ndërmjetësuar nga BE-ja dhe i përkrahur fuqishëm nga SHBA-ja, të jetë një proces që vërtet i kontribuon paqes afatgjatë në rajonin tonë dhe natyrisht që është i përqëndruar në njohjen reciproke.

Zëri i Amerikës: Zonja presidente megjithëse, siç e përmendët edhe ju, Prishtina këmbëngul për njohje reciproke, këto ditë po qarkullon një variant tjetër sipas modelit të dy Gjermanive pas Luftës së Dytë Botërore. A është kjo një ide që meriton një vëmendje serioze?

Vjosa Osmani: Dokumentet që kanë qarkulluar në disa media nuk janë dokumente që i janë propozuar apo dorëzuar ndonjëherë Republikës së Kosovës. Mos harroni që sa herë që ka përpjekje të intensifikuara në dialogun Kosovë-Serbi gjithnjë kemi edhe dokumente që dalin nga organizata fantome që propozohen e ide të ndryshme që propozohen në mediat, por në fakt të tillat nuk kanë qenë të propozuara si dokumente të tilla në takimet tona. Ajo çfarë është duke ndodhur, megjithatë, është një intensifikim i rolit të Gjermanisë dhe të Francës si dy shtete të fuqishme brenda BE-së për të ndihmuar që ky proces të jetë shumë më produktiv. Sepse, mos harroni që interesi i Serbisë është që të zvarrisë zgjidhjen. Interesi i Serbisë është që të vazhdojmë edhe me dhjetëra vite të tëra, ndoshta edhe me qindra vite është interes i tyre pa arritur asgjë në këtë proces dialogu ta mbajë Kosovën peng. Prandaj është shumë me rëndësi që e kemi këtë përkrahje të fuqishme jo vetëm nga BE-ja si tërësi, por edhe nga shtetet e veçanta si Gjermania dhe Franca në nivelet sa më të larta, në mënyrë që të shtyhen përpara zgjidhjet të cilat kanë për qëllim paqen dhe stabilitetin afatgjatë e jo vetëm zgjidhjet e shkurtra. Natyrisht që në këto takime diskutohet shumëçka, por ajo çka është me rëndësi është se tani jemi në fazën kur po diskutohen elementet e marrëveshjes finale. Dhe sa i përket këtyre elementeve ne kemi dhënë propozimin tonë. Ai propozim është publik. Ka të bëjë me gjashtë kapituj kryesor dhe secili kapitull i ka detajet e veta.

Zëri i Amerikës: Zonja presidente, ju thatë që nuk ka ardhur një dokument i tillë në shtetin e Kosovës. Do të konsiderohej një propozim i tillë në qoftë se do të vinte?

Vjosa Osmani: Po tani aty të ju them sinqerisht ajo që është publikuar as nuk mund të quhet propozim sepse është më shumë një lloj narrative. Republika e Kosovës siç e dini, ka një politikë të jashtme konsistente tashmë, në këtë një vit e gjysmë që jemi në institucionet e Republikës së Kosovës, ku të gjitha qëndrimet bashkërendohen në të gjitha nivelet e institucioneve, ndërmjet meje si presidente e Republikës dhe njëkohësisht udhëheqëse e politikës së jashtme, kryeministrit të Republikës që udhëheq dialogun me Serbinë, pastaj zëvendëskryeministres dhe ministres së Punëve të Jashtme, e njëkohësisht edhe kryetarit të parlamentit. Natyrisht që bisedojmë edhe me opozitën për të gjitha sfidat me të cilat përballemi dhe e mirëpresim edhe kontributin e tyre në këtë drejtim. Pra, qëndrimi i Republikës së Kosovës është që ky proces duhet të jetë i përqëndruar në njohje reciproke, dhe vijat e kuqe për këtë proces tashmë i ka vendosur parlamenti i Kosovës, ato janë rrugëtimi ynë, udhërrëfimi ynë i vetëm. Pra, që nuk mund të ketë prekje të integritetit territorial, nuk mund të ketë prekje të sistemit kushtetues edhe parimit të unitaritetit të shtetit dhe as nuk mund të preket funksionaliteti i brendshëm i Republikës së Kosovës. Natyrisht që nuk vihen në shprehje të diskutohen çështje siç është sovraniteti apo kufijtë e Kosovës, këto janë udhërrëfyesi ynë.

Zëri i Amerikës: Ju sapo përmendët që mirëpritet edhe roli i opozitës por ndërkohë partitë e opozitës kanë bërë kritika ndaj qeverisë se nuk janë të informuar sa duhet për procesin. Si presidente, si mund të kontribuoni ju për një dakordim më të mirë ndërmjet partive politike për këtë çështje?

Vjosa Osmani: Unë i kam ftuar disa herë partitë politike opozitare në takime ku synimi ka qenë që t’i informoj më në hollësi për të gjitha këto zhvillime. Në disa takime kanë ardhur, në disa nuk kanë ardhur, prandaj edhe këtu e shfrytëzoj mundësinë që t’i inkurajoj që ata t’u përgjigjen ftesave të tilla, të cilat e kanë vetëm qëllimin e mirë të bashkërendimit të plotë të politikës sonë të jashtme dhe posaçërisht të politikës sonë në raport me Serbinë. Kjo sepse sa i takon raporteve tona me Serbinë, sfidave që i paraqet ky shtet ndaj nesh, ne duhet të jemi të bashkuar siç e kemi dëshmuar edhe shpesh herë gjatë historisë sonë dhe i tërë qëllimi i këtyre takimeve ku unë i ftoj opozitën, është që ata të jenë mirë të informuar për aq sa kam informata edhe unë si presidente natyrisht nga komunikimi me partnerët tanë ndërkombëtarë, sepse unë mendoj që është me rëndësi pavarësisht sa ulëse i ka një parti në parlament që ta japë kontributin e vet të rëndësishëm sa i përket përballjes sonë me Serbinë. Vetëm atëherë kur ne kemi qenë të bashkuar, kemi qenë të suksesshëm në këtë përballje.

Zëri i Amerikës: Zonja presidente, Beogradi thekson se Kosova nuk dëshiron t’i zbatojë marrëveshjet për asociacionin e komunave me shumicë serbe dhe as vendimin e Gjykatës Kushtetuese për pronat e Manastirit të Deçanit. Ndërkohë Shtetet e Bashkuara i kanë kërkuar Kosovës që të zbatojë këtë marrëveshje për asociacionin ose të dalë me një propozim të vetin. Cili është qëndrimi juaj?

Vjosa Osmani: Natyrisht që Beogradi vazhdon me propagandën e vet. Ajo që është me rëndësi ta përmendim është që Beogradi nuk ka zbatuar vetë rreth dy të tretat e marrëveshjeve që i ka nënshkruar në Bruksel, duke filluar nga ajo e vitit 2013 ku ishte zotuar që të shfuqizojë dhe të zhdukë të gjitha strukturat ilegale e kriminale në veri e gjetiu, por në fakt vetëm sa i ka fuqizuar duke rrezikuar kështu sigurinë e shtetit tonë, por edhe sigurinë e qytetarëve serbë e të tjerëve që jetojnë në veri të vendit tonë. Prandaj, nga Beogradi janë të fundit që mund të flasin për zbatim marrëveshjesh. Sa i përket deklaratave të Shteteve të Bashkuara të Amerikës, aleatit tonë më strategjik, dua ta qartësoj që në fakt kërkesa e Shteteve të Bashkuara të Amerikës është që ne të zbatojmë vendimin e Gjykatës Kushtetuese rreth Asociacionit, dhe jo atë që është nënshkruar në Bruksel. Ka dallim të madh, është një det i tërë në mes të asaj që është nënshkruar në Bruksel sa i përket Asociacionit dhe asaj që thotë Gjykata Kushtetuese e cila nuk lejon as kompetenca ekzekutive për një asociacion të tillë, as nuk lejon që ai të jetë monoetnik, as nuk lejon që ai të jetë një pushtet i ndërmjetëm që do të binte ndesh me Kushtetutën tonë. Prandaj qëndrimi ynë është ky, ne zbatojmë vendimin e Gjykatës Kushtetuese i cili nuk lejon krijimin e entiteteve monoetnike sepse bie ndesh me vetë parimin e multi-etnicitetit dhe Shtetet e Bashkuara të Amerikës nuk po kërkojnë që ne të biem ndesh me këtë vendim të gjykatës sonë.

Zëri i Amerikës: A po punohet për përshtatjen me atë vendim të gjykatës, pra me atë variant që përcakton vendimi i gjykatës?

Vjosa Osmani: Kosova tashmë e ka një bazë ligjore që u përgjigjet kërkesave të gjykatës Kushtetuese, ta zëmë ligji ynë për vetëqeverisje lokale lejon që komunat të krijojnë organizata joqeveritare për interesa të caktuara që ato duan të shtyjnë përpara, që të lobojnë me nivelin qendror të qeverisjes, por jo të kenë kompetenca ekzekutive dhe të krijojnë pushtet të ndërmjetëm që bie ndesh me Kushtetutën tonë. Pra ato që i kërkon vendimi i Gjykatës Kushtetuese tashmë janë pjesë e legjislacionit të Republikës së Kosovës. Pra, komunat e Republikës së Kosovës pavarësisht se çfarë shumice i takojnë, tashmë i kanë këto të drejta, të cilat veçse i ka kërkuar Gjykata Kushtetuese. Për më tepër në propozimin tonë gjashtë pikësh në Bruksel sa i përket elementeve të marrëveshjes finale, ne kemi propozuar që po ashtu të diskutohet për të drejtat e pakicave, mirëpo, gjithnjë duke marrë për bazë parimin e reciprocitetit. Pra gjithçka që diskutohet për të drejtat e serbëve në Kosovë duhet patjetër të diskutohet e miratohet edhe për të drejtat e shqiptarëve në Luginën e Preshevës, sepse mos harroni se edhe vet organizatat ndërkombëtare kanë ardhur në konkluzion se çfarë po ndodh në Luginën e Preshevës. Në Preshevë, Medvegjë e Bujanovc është spastrim etnik me mjete administrative ndaj shqiptarëve nga ana e regjimit të (Aleksandër) Vuçiçit.

Zëri i Amerikës: Zonja presidente, nisma “Ballkani i Hapur” shkaktoi një çarje në marrëdhëniet mes Kosovës dhe Shqipërisë. Përse një nismë që synon bashkëpunimin krijon një situatë të tillë në mes vendeve që marrëdhëniet e tyre i kanë cilësuar vëllazërore?

Vjosa Osmani: Marrëdhëniet vazhdojnë të jenë vëllazërore. Kosova ka pasur fatin që gjithnjë ta ketë përkrahjen e fuqishme të Shqipërisë në çdo forum ndërkombëtar ku ne ende nuk kemi ulëse për shkak të bllokadës ruso-serbe dhe kjo ka ndodhur për vite të tëra edhe para pavarësisë por edhe pas pavarësisë, prandaj kjo përkrahje vazhdon, bashkëpunimi ynë vazhdon, pavarësisht dallimit që kemi për çështjen e “Ballkanit të Hapur”. Natyrisht arsyet e mospjesëmarrjes sonë në një nismë të tillë tashmë i kemi bërë të ditura, ato janë arsye parimore sepse kjo nismë bie në kundërshtim me parimin e barazisë së shteteve sepse Kosova nuk ka mundësi që të anëtarësohet si e barabartë, pra me emrin e saj kushtetues, me flamurin e saj dhe simbolet e saj shtetërore sepse Serbia si nismëtare e kësaj nisme ka qartësuar se e do Kosovën aty siç e quan ajo, si provincë të saj. Natyrisht kjo për ne është absolutisht e papranueshme sepse Kosova njëherë e përgjithmonë është shtet i pavarur dhe sovran dhe i barabartë me të tjerët në rajon. Pra një nismë e tillë që shkel parimin e barazisë së të gjithëve natyrisht që nuk mund të jetë e pranueshme për ne. Po ashtu është shkelur edhe parimi i gjithëpërfshirjes, sepse nismat rajonale siç e dini duhet të kenë parimin e gjithëpërfshirjes të respektuar që nga fillimi, që nga lindja e tyre dhe jo më vonë dhe ka shumë sfida tjera që i kemi parë dhe brengat e tjera që i kemi shprehur përgjatë kohës që kanë të bëjnë edhe me çështjen e integrimit evropian edhe me çështje të sigurisë edhe me çështje ekonomike dhe natyrisht që kërkojmë që ky qëndrim i Republikës së Kosovës i marrur në mënyrë të matur i përkrahur nga shumica dërrmuese e partive politike në vend dhe të gjitha institucioneve në vend pavarësisht a janë në pushtet apo opozitë, të respektohet nga të gjithë, ashtu siç ne e respektojmë qëndrimin që e ka marrë Shqipëria, por kjo është një çështje për të cilën nuk pajtohemi.

Zëri i Amerikës: Zonja presidente a u takuat me kryeministrin e Shqipërisë Edi Rama në Nju Jork dhe a ka gjasa që marrëdhëniet mes jush të përmirësohen pasi që nuk është sekret që keni pasur disa mosmarrëveshje?

Vjosa Osmani: Mosmarrëveshjet janë të natyrës zyrtare për temat të cilat edhe i përmenda. Natyrisht që raportet ndërpersonale në mes të politikanëve janë komplet të parëndësishme, por çka është e rëndësishme është raportet ndërshtetërore. Unë kam raporte të shkëlqyeshme me presidentin (Bajram) Begaj, të cilin dua ta falënderoj se që nga fillimi i mandatit të tij ka bërë çmos që Kosovës t’i dëgjohet zëri edhe në raport me shtetet me të cilat ne akoma nuk kemi marrëdhënie bilaterale. Sa herë që kemi pasur nevojë për përkrahjen e tij, për ndihmën e tij për të shtyrë nisma të caktuara përpara, qofshin ato në nivel rajonal apo më gjerë, kemi mundur të llogarisim në të prandaj po e them që raportet në mes të Kosovës dhe Shqipërisë si dy shtete janë të rëndësishme dhe jo raportet mes politikanëve individualë. Unë përmenda se cilat janë dallimet tona. Unë nuk mendoj që qasja ku politikanët shqiptarë, pavarësisht se a janë nga Kosova, nga Shqipëria, nga Maqedonia e Veriut apo nga Mali i Zi apo Presheva, shndërrohen në apologjetik të politikave të Serbisë është diçka që i ndihmon qoftë Kosovës qoftë shqiptarëve. Nuk mendoj që është e drejtë që të arsyetohet qasja dhe veprimet proruse të Serbisë, nuk mendoj aspak që është e drejtë që të arsyetohet Serbia që nuk ka vendosur sanksione ndaj Rusisë sepse kjo pastaj shkon në ato që quhen politika e “shpëtimit të fytyrës” së një regjimi në Serbi që po ashtu ka shërbyer edhe në kohën e (Slobodan) Millosheviçit. Po ashtu nuk mendoj që duhet të reduktohen krimet që janë kryer në Kosovë në spastrim etnik, sepse ajo çka ka ndodhur në Kosovë është gjenocid dhe duhet të quhet me emrin e saj të vërtetë. Sot ta zëmë, ne po përkujtojmë masakrën e Abrisë ku janë vrarë dhjetëra fëmijë, gra e pleq, më i vogli dy vjeçari Valmir Deliu me biberon në gojë është masakruar në mënyrën më mizore të mundur dhe kushdo që e shikon fotografinë e Valmirit të vogël nuk mund ta quajë atë që ka ndodhur në Kosovë thjesht spastrim etnik, sepse ajo që ka ndodhur në Kosovë është gjenocid, gjenocid e krime kundër njerëzimit dhe krime lufte dhe gjithçka tjetër është ndryshim historie. Prandaj edhe janë gjëra që unë i them shumë qartë, sepse nuk mendoj që nëse relativizohen shkojnë qoftë në interes të Kosovës qoftë në interes të shqiptarëve. Kosova si shtet i pavarur e sovran mos të harrojmë se është edhe projekt e sukses kombëtar, nuk është projekt e sukses vetëm i shqiptarëve të Kosovës është kombëtar, prandaj secili shqiptar gjithandej e ka obligim kombëtar që ta mbrojë e shtyjë përpara këtë projekt.

blank

Osmani: Referendumi i shtatorit të vitit 1991 vuri themelet e para të shtetit të Kosovës

Presidentja e Republikës së Kosovës, Vjosa Osmani ka thënë se më 26-30 shtator 1991 Kosova e shprehu me referendum vullnetin politik të qytetarëve të saj për shtet të pavarur në një organizim të pashoq për rrethanat e atëhershme, duke rikonfirmuar vullnetin e pakthyeshëm të qytetarëve të saj për liri e demokraci.
“Referendumi i vuri themelet e para të shtetit të Kosovës. Ai qe një deklarim plebishitar jo vetëm për pavarësinë e vendit, por edhe për përcaktimin e Kosovës për demokraci përfaqësuese. Ai e vulosi dëshirën e qytetarëve të vendit për të jetuar të mosvarmë dhe u hapi udhë proceseve të pandalshme drejt jetësimit të shtetit, nën udhëheqjen e prijësit të saj historik, Presidentit Rugova”, ka thënë Osmani.

Postimi i plotë:

Më 26-30 shtator 1991 Kosova e shprehu me referendum vullnetin politik të qytetarëve të saj për shtet të pavarur, në një organizim të pashoq për rrethanat e atëhershme, duke rikonfirmuar vullnetin e pakthyeshëm të qytetarëve të saj për liri e demokraci, të shprehur paraprakisht në Deklaratën e 2 Korrikut dhe të kodifikuar juridikisht në Kushtetutën e Kaçanikut.

Referendumi i vuri themelet e para të shtetit të Kosovës. Ai qe një deklarim plebishitar jo vetëm për pavarësinë e vendit, por edhe për përcaktimin e Kosovës për demokraci përfaqësuese. Ai e vulosi dëshirën e qytetarëve të vendit për të jetuar të mosvarmë dhe u hapi udhë proceseve të pandalshme drejt jetësimit të shtetit, nën udhëheqjen e prijësit të saj historik, Presidentit Rugova.

Në këtë përvjetor, ne i kujtojmë me respekt të gjithë ata që organizuan ose iu përgjigjën thirrjes për referendum. Ata u kujdesën që zanafilla e shtetit të ri të mbajë vulën e deklarimit të lirë të qytetarëve të saj. Vullneti i tyre qe përcaktues për të ardhmen e vendit tonë.gsh

blank

Hill: Shtetet e Bashkuara duan sqarim se çfarë ka nënshkruar Serbia me Rusinë

VOA

Ambasadori amerikan në Beograd, Christopher Hill tha të hënën se Shtetet e Bashkuara duan “sqarim nga Serbia se çfarë ka nënshkruar me Rusinë në Nju Jork”, duke nënvizuar se në këtë periudhë “askush nuk do të duhej të nënshkruante asgjë me Rusinë”.

Të premten ministri i Jashtëm serb Nikola Selakoviç nënshkroi marrëveshjen për “konsultime” të ndërsjella mbi çështjet e politikës së jashtme me ministrin e jashtëm rus Sergey Lavrov në margjinat e punimeve të Asamblesë së Përgjithshme të Kombeve të Bashkuara, ku shumica e delegacioneve perëndimore shmangën kryediplomatin rus për shkak të agresionit të Rusisë në Ukrainë.

Njoftimi nxiti kritika të ashpra të një pjese të opozitës në Serbi por edhe të disa politikanëve të Bashkimit Evropian. Ministri serb Selakoviç u përpoq të dielën të ulë rëndësinë e marrëveshjes duke thksuar se ajo është “teknike” dhe nuk lidhet me çështjet e sigurisë.

Ambasadori Hill tha të hënën se në këtë periudhë askush nuk do të duhej të nënshkruante asgjë me Rusinë dhe “pak veta e bëjnë një gjë të tillë, përveç atyre rekrutëve të mjerë që mobilizohen për t’u dërguar në luftë”.

Ambasadori Hill tha se gjatë punimeve të Asamblesë së Përgjithshme të OKB-së, Shtetet e Bashkuara zhvilluan “bisedime të frytshme” me delegacionin e Serbisë për çështje globale por edhe çështje tjera.

“Vetëm më pas dëgjuam për atë dokument”, tha ambasadori Hill, duke theksuar se “Shtetet e Bashkuara duan sqarim nga Serbia”.

“Duam të dëgjojmë se çfarë dëshiron të bëjë Serbia në të ardhmen dhe të shohim se çfarë marrëdhëniesh do të zhvillojë me një vend që sulmoi brutalisht fqinjin e tij dhe madje shfrytëzon kërcënimet për të përdorur forcën bërthamore. Ne duam të kuptojmë se në çfarë mbështetet bashkëpunimi midis Serbisë dhe Rusisë”, tha ambasadori Hill.

BE-ja e shqetësuar më thellimin e marrëdhënieve Serbi – Rusi

Shefi i delegacionit të Bashkimit Evropian në Beograd, Emanuele Giaufret, tha se nuk është koha për forcimin e lidhjeve me Rusinë dhe i bëri thirje Serbisë të harmonizojë politikën e saj të Jashtme me bllokun të cilit aspiron t’i bashkohet.

“Nuk guxojmë të harrojmë se Rsuia po kryen agresion kundër Ukrainës tash e shtatë muaj dhe po e forcon fushatën duke mobilizuar 300 mijë njerëz, duke organizuar referendume të paligjshme për shkëputjen e pjesëve të Ukrainës dhe po kërcënohet me armë të shkatërrimit në masë”, tha ai duke nënvizuar se “kjo nuk është koha për forcimin e lidhjeve me Rusinë dhe ajo marrëveshje e nënshkruar dërgon mesazh tërësisht të kundërt pavarësisht asaj që ka thënë Serbia se nuk do të njohje referendumet e organizuara nga Rusia”.

Ndonëse pohon se e mbështet tërësinë tokësore të Ukrainës, Serbia ka refuzuar vazhdimisht t’u bashkohet sanksioneve perëndimore kundër Moskës. Përafrimi i politikave të jashtme me Bashkimin Evropian është një nga parakushtet kryesore për t’u anëtarësuar në bllokun 27-vendesh, por Serbia i ka kundërshtuar vazhdimisht thirrjet për ta bërë një gjë të tillë.

blank

Zelensky thotë se ka “rezultate pozitive” në kundërofensivat ukrainase

RFE/RL

Presidenti i Ukrainës, Volodymyr Zelensky, tha se ka luftime të ashpra në frontet e luftës, por Kievi po sheh “rezultate pozitive”.

Këto deklarata të Zelenskyt, të bëra në orët e vona të 25 shtatorit, vijnë pasi ai ka paralajmëruar se nuk duhet të hidhen poshtë kërcënimet bërthamore të presidentit rus, Vladimir Putin, teksa forcat e Moskës po humbin territor në Ukrainë.

Kryeministrja britanike, Liz Truss, ka minimizuar deklaratat e fundit të Putinit, duke i cilësuar si “kërcënime false”, dhe këshilltari për siguri kombëtare në SHBA, Jake Sullivan, ka thënë se Uashingtoni i ka shpalosur Moskës “pasojat katastrofike” me të cilat do të përballej nëse do të përdorte armë bërthamore kundër Ukrainës.

Në adresimin e tij natën e së dielës, Zelensky tha se forcat ukrainase kanë shënuar përparim kundër forcave ruse në rajonet Donjeck, Harkiv, Mikolajiv dhe Zaporizhja.

“Kemi rezultate pozitive në disa drejtime”, tha ai.

Rusia dhe aleatët e saj separatistë në rajonet ukrainase të Donjeckut, Luhanskut, Hersonit dhe Zaporizhjës po mbajnë të ashtuquajturat referendume për të fituar pavarësinë dhe për t’iu bashkuar Rusisë. Por, këto votime nga Kievi dhe komuniteti ndërkombëtar janë cilësuar si “referendume të rreme”.

Votimet pritet të përmbyllen më 27 shtator.

Mbajtja e këtyre votimeve përkon me kohën kur Ukraina po zhvillon kundërofensiva në verilindje dhe lindje të vendit dhe Kievi ka pretenduar se ka arritur të rimarrë mijëra kilometra katrorë territor.

Por, Putin dhe zyrtarët rusë kanë thënë se votimet, në të ashtuquajturat referendume, do të rezultojnë në transformimin e pakthyeshëm të këtyre zonave, për t’i bërë ato pjesë të Rusisë.

Putin po ashtu ka sugjeruar se Moska mund të përdorë të gjitha mjetet që ka në dispozicion për t’i mbrojtur këto rajone.

Pas fjalimit të tij në Asamblenë e Përgjithshme të Kombeve të Bashkuara, ministri i Jashtëm rus, Sergei Lavrov, u pyet nëse Moska mund të përdorë armët bërthamore për të mbrojtur rajonet e aneksuara.

Ai tha se territori që gjendet “brenda Kushtetutës” ruse është nën “mbrojtjen e plotë të shtetit”.

Zelensky tha se nëse kërcënimet e mëhershme ruse për përdorimin e armëve bërthamore mund të kenë qenë blof, tani “ato mund të jenë realitet”.

Rusia ka nisur pushtimin e Ukrainës më 24 shkurt. Më 21 shtator, Putin shpalli një mobilizim të pjesshëm ushtarak, teksa la të kuptohet se mund të përdorë armë bërthamore.


Send this to a friend