VOAL

VOAL

Please Wait ...
0%

Presidenti Biden siguron aleatët për përkushtimin amerikan ndaj NATO-s

By | June 14, 2021
blank

Komentet

blank

Bashkimi Evropian: Federata e Boksit e Kosovës të trajtohet njësoj si të tjerat

RFE/RL

Bashkimi Evropian e mbështet kërkesën e Asociacionit Ndërkombëtar të Boksit që Federatës së Boksit të Kosovës t’i mundësohet pjesëmarrja e barabartë në gara, tha zëdhënësi i BE-së, Peter Stano.

Stano i bëri komentet për Radion Evropa e Lirë, pas vendimit të autoriteteve të Serbisë për t’iu ndaluar hyrjen në Serbi boksierëve nga Kosova.

Boksierët kosovarë do të merrnin pjesë në Kampionatin Botëror të Boskit, që ka nisur në kryeqytetin serb.

Serbia e pengoi shkuarjen e boksierëve kosovarë në fundjavë, për shkak të simboleve shtetërore.

Më 23 tetor, Asociacioni Botëror i Boksit tha se Kosova është anëtare fuqiplotë e tij dhe se pret pjesëmarrjen e saj në Kampionatin Botëror të Boksit për meshkuj.

Kampionati nisi në Beograd më 24 tetor dhe do të zgjasë deri më 6 nëntor.

“BE mbështet plotësisht Asociacionin Ndërkombëtar të Boksit në pritjet që delegacioni i Federatës së Boksit të Kosovës të trajtohet njësoj sikur delegacionet e secilit anëtar tjetër”, tha Stano.

“Siç e kemi thënë disa herë në të kaluarën, normalizimi afatgjatë i raporteve dhe pajtimi i qëndrueshëm mes shoqërive fillon me shkëmbimet intelektuale, kulturore, sportive dhe artistike. Shkëmbimet e tilla janë thelbësore për të ndërtuar mirëkuptimin. Autoritetet në të gjitha nivelet nuk duhet t’i kursejnë përpjekjet për të siguruar që shkëmbimi i tillë bëhet rregullisht, në mënyrë të papenguar dhe pa asnjë shqetësim”, shtoi Stano.

Të hënën, ministri i Kulturës, Rinisë dhe Sportit i Kosovës, Hajrullah Çeku, e kritikoi mungesën e reagimit të BE-së ndaj vendimit të Serbisë.

“Kemi kërkuar reagim edhe nga BE-ja, e cila në raste të tjera ka qenë shumë e kujdesshme gjatë reagimeve, por, për çudi, deri më tani nuk ka pasur asnjë reagim për shkelje të pastër të të drejtave themelore të sportistëve”, tha Çeku.

Ai paralajmëroi se, gjatë kësaj jave, Kosova do të vendosë për ndalimin e zhvillimit të “aktiviteteve sportive paralele” serbe.

Sipas tij, në Kosovë funksionojnë shumë struktura paralele të federatave serbe, në kundërshtim me ligjet e Kosovës.

blank

Komisioni i Ekonomisë jep dritën jeshile, Shqipëria do të marrë edhe 700 milionë euro borxh

Komisioni i Ekonomisë, vetëm me votat e maxhorancës i ka dhënë “dritë jeshile” qeverisë për të marrë një tjetër borxh deri në 700 mln euro.

Ministrja e financave Delina Ibrahimaj e justifikoi  marrjen e kësaj huaje me vijimin e investimeve në vend. Por edhe për shkak të kushteve të favorshme në tregjet ndërkombëtare dhe interesave të ulta.

Opozita e ka kundërshtuar marrjen e një tjetër borxhi nga Shqipëria.

Sipas deputetëve demokrat marrja e një borxhi në kohë krize do të rrezikonte financat shqiptare. Por kritikat nuk munguan edhe nga radhët e maxhorancës.

Deputeti Erjon Brace sugjeroi që të forcohet lufta ndaj evazionit dhe të rriten të ardhurat duke i konsideruar si të vetmet mënyrë për të ulur nivelin e borxhit publik.

Shqipëria do të dalë në tregjet ndërkombëtare për herë të pestë për të emetuar një eurobond ndërkohë  që afati i maturimit për pritet të jetë deri  në 10 vite, shkruan ABC.

Eurobondet e marra

Viti 2010   300 mln euro

Viti 2015   450 mln euro

Viti 2018   500 mln euro

Viti 2020    650 mln euro

blank

Avioni që u rrëzua në Vermosh kishte kanabis, shkaku i rënies ishte mbingarkesa!

Avioni që u rrëzua mesditën e 4 tetorit në zonën e Kelmendit në Vermosh të Shkodrës transportonte kanabis.

Tre javë pas rrëzimit të tij është zbuluar se shkak i rrëzimit të avionit që u braktis nga dy udhëtarët në Vermosh është bërë sasia e madhe e drogës që po transportonte, gjë që ka sjellë dhe rrëzimin e tij.

Nga ana tjetër, shenjat e gishtërinjve dhe gjurmët e ADN-së kanë zbuluar identitetet e dy personave që ndodheshin në avion.

Mësohet se të dy janë shqiptarë dhe për momentin janë nën vëzhgim nga policia, por emrat e tyre nuk janë bërë ende publikë

Gjithashtu po punohet për të identifikuar personat që ndihmuan dy shqiptarët të largoheshin pas rrëzimit të avionit.

Siç u raportua edhe më herët ishte një person me fuoristradë të bardhë që mori dy udhëtarët e aksidentuar e u largua bashkë me ta e drogën në drejtim të Malit të Zi.

Avioni u rrëzua mëngjesin e 4 tetorit shumë pak metra larg kufirit që ndan Shqipërinë me Malin e Zi.

Banorët e zonës treguan për mediat se personat që ndodheshin në avion nuk i kishin lënë të afroheshin pranë tyre./ dita

blank

Kosovë, përfundon numërimi i votave të diasporës, LVV kryeson në 15 komuna, LDK në 7, ja rezultati i plotë

Ka përfunduar numërimi i votave të diasporës në Kosovë, në kuadër të zgjedhjeve lokale në vend.

Sipas rezultatit përfundimtar, prin LVV me 15 komuna të kryesuara, më konkretisht, Prishtinë, Prizren, Gjilan, Ferizaj, Gjakovë, Mitrovicë, Podujevë, Fushë Kosovë, Obiliq, Kamenicë, Shtime, Drenas, Malishevë, Vushtrri, Kaçanik).

Në 7 komuna më shumë vota nga diaspora kanë kandidatët e LDK-së Pejë, Istog, Dragash, Junik, Suharekë, Lipjan, Novobërdë.

Në 3 komuna prijnë kandidatët e PDK-së Viti, Skenderaj, Hani i Elezit.

Edhe kandidatët e AAK-së janë të parët në 3 komuna Rahovec, Deçan, Klinë.

Nesër pritet të numërohen edhe votat me kusht dhe votat e personave me nevoja të veçanta.

blank

Marsh para Konsullatës së Serbisë në New York për viktimat e luftës në Kosovë

Më 28 tetor para Konsullatës së Serbisë në New York, do të organizohet marsh për të kërkuar drejtësi për viktimat e luftës në Kosovë, Kroaci dhe Bosnje e Hercegovinë.

Në këtë marsh do të marrë pjesë edhe deputetja Vasfije Krasniqi-Goodman e cila tha se në lidhje me këtë ka pasur mbështetje të fuqishme.

Ajo në “Info Magazinë” në Klan Kosova tha se këtë mbështetje e pati si nga liderët e shtetit ashtu edhe nga artistët.

“Mbështetja ka qenë e jashtëzakonshme, duke filluar nga Presidentja, Kryeministrit, Kryetarit të Kuvendit e deri tek Dua Lipa dhe nga qytetarët që kam pasur mbështetje të jashtëzakonshme, me fotografinë që kam dalur në qytet në shesh me realizu fotografi me ta, kam pasur mbështetje të fuqishme”, u shpreh Vasfije Krasniqi.

Ajo shtoi se mbështetje pati edhe nga të gjithë deputetët, pa dallim partie.

“Pa dallim partie unë kam pasur mbështetje, kam dalur në Kuvend dhe kam bërë fotografi me pjesëtarë të partive të ndryshme, me deputet të ndryshëm dhe e kam pasur mbështetjen e të gjithëve, pra nuk mund ta cekë vetëm një parti sepse të gjithë më kanë përkrahur. Unë ua kam sqaruar se për çka do të mbahet marshi dhe pasi e kanë kuptuar kanë qenë të gatshëm që së paku një fotografi ta postojnë”, tha ajo.

Krasniqi-Goodman foli për mundësinë e organizimit të një marshi të tillë edhe në vende të tjera, pos New Yorkut.

“Njëherë për njëherë do të fokusohemi në New York, por nëse dojnë ambasadat e tjera, ose dikush që është iniciator, pa problem marshin e organizojmë edhe nëpër vende të ndryshme të botës, por aktualisht e kemi New Yorkun”, u shpreh ajo.

blank

Berisha: Asgjë s’na ndal, javën e ardhshme do të shpallim datën për mbledhjen e Kuvendit Kombëtar

Kuvendi Kombëtar, Berisha: Kanë firmosur mbi 50% e delegatëve, rikthejmë në PD të larguarit

“Mbi 50% e anëtarëve të Kuvendit Kombëtar, kanë firmosur peticionin për thirrjen e Kuvendit Kombëtar”. 

Kështu u shpreh ish-kryeministri Sali Berisha gjatë ‘Foltores’ së Beratit, takimi i 11 me demokratët në vijim të lëvizjes së tij për rikthimin e sovranitetit PD-së.

Lideri historik iu bëri thirrje delegatëve që të vijojnë të japin firmat e tyre. Gjithashtu, Berisha tha se do të rikthehen të larguarit, ata të cilët kanë dhënë kontribute në PD.

‘Çdo demokrat dhe demokrate duhet të firmosë për Kuvendin e ardhshëm. 500 demokratë të Fierit kanë fiormosur. Ju informoj me kënaqësi se kuorumi mbi 50% është tejkaluar me kohë dhe ne do të mbledhim Kuvendin Kombëtar, do të bëjmë ndryshimet thelbësore në statut, do të hapemi drejt fraksioneve, do të bëjmë gjithçka që të vijnë ata të cilët kanë vendosur një tullë në këtë godinë dhe në këtë parti. Kanë kontributin e tyre. Do të bëjmë një forcë politike model, konservatore’, u shpreh Berisha.

 

Berisha: Asgjë s’na ndal, javën e ardhshme do të shpallim datën për mbledhjen e Kuvendit Kombëtar

Data për mbledhjen e Kuvendit Kombëtar do të njoftohet javën e ardhshme, u shpreh ish-kryeministri Sali Berisha nga ‘Foltorja’ me demokratët e Beratit. 

Berisha tha se statuti i PD e parashikon qartë që Kuvendi mblidhet edhe me kërkesë të 1/4 së delegatëve.

“Javën që vjen do të shpallim datën për mbledhjen e Kuvendit Kombëtar. Do të mblidhemi sipas të drejtës statutore për t’i dhënë PD-së normat më të mira statutore që ajo meriton. Për të përcaktuar ju me referendum jo vetëm kryetarin, por edhe kryeministrin. Do vijë njëherë tek ju, që të jetë apo jo kryeministër”, u shpreh Berisha.

Lideri historik i PD deklaroi gjithashtu se deri tani kanë firmosur mbi 50% e delegatëve për thirrjen e Kuvendit.

Mbyllet ‘Foltorja’ e Beratit, Berisha: Jam i hapur për çdo detyrë, përfshirë edhe kryetar i PD

Mbyllet ‘Foltorja’ e 11-të e ish-kryeministrit Sali Berisha me demokratët e Beratit. 

Berisha u shpreh se është i hapur të marrë çdo detyrë që ia lejon Kushtetuta, përfshirë edhe rikthimin si kryetar i PD.

“E gjithë kjo përpjekje është që ju të zgjidhni kryetarin. Sal Berisha në mënyrë të padiskutueshme është i hapur siç kam deklaruar në datën 20 maj për çdo detyrë në harkun Kushtetues, përfshirë edhe kryetar i PD. I përket anëtarësisë të zgjedhë kryetarin e saj”, u shpreh Berisha.

Berisha tha gjithashtu se çdo votë në PD do të numërohet me transparencë, duke rikthyer sistemin e para vitit 2013, kur nuk ekzistonte manipulimi i procesit brenda partisë.

“Para vitit 2013 s’ka ekzistuar kurrë çështja e manipulimit të votave në PD. Nuk ka mekanizëm më të artë për të qëndruar së bashku se sa vota e numëruar në mënyrë të ndershme. Çdo njeri do të ketë të drejtën e plotë të ketë përfaqësuesit e tij dhe të kontrollojë çdo votë. Kurrë që ga themelimi e deri në 2013, votat janë bërë në mënyrë transparente dhe të hapur. Kurrë s’e ka pësuar një njeri që ka rivaizuar kryetarin në garë. Mos kini asnjë dyshim. Çdo votë do të numërohet, çdo votë do të llogaritet, çdo votë do të peshojë”, tha ai.

Foltorja e radhës e Berishës është ditën e martë në Kavajë, në orën 17:00.

blank

Ndjesa e Berishës: Duhet të isha rikthyer që më 2017, por më mirë vonë se kurrë

Lideri historik i PD, Sali Berisha kërkoi ndjesë edhe nga Berati, për mbështetjen që i kishte dhënë Lulzim Bashës si kryetar i opozitës. 

Berisha tha se në 2017-ën, kur Basha refuzoi të jepte dorëheqje, duhet të kishte vendosur për t’u rikthyer në betejë me të.

“Pa asnjë diskutim, Sali Berisha ka përgjegjësitë e tij të pamohueshme dhe jam këtu për të kërkuar ndjesë, sepse e mbështeta atë publikisht me qëllimin e vetëm, që ne t’i fitonim zgjedhjet, por nuk ka diskutim se në 2017 kur i kërkova të jaë dorëheqje dhe refuzoi, atëherë unë duhet të hiqja dorë nga vendimi im për largim pa kthim dhe duhet të kthehesha në betejë me të. Kjo nuk ka diskutim. Por një fjalë thotë më mirë vonë se kurrë. Dhe nuk është vonë ndonjëherë të mbrosh ato që beson. Ndaj jam midis jush me qëllimin më kryesor të ringremë së bashku PD-në me idealet dhe vlerat e saj, të bashkojmë PD-në, t’i rikthejmë asaj votën, besimin e vetja, ta përgatisimin për një betejë dhëmb për dhëmb me Edi Ramën. Sot kisha në zyrë një demokrat i cili kishte bërë biznes të ndershëm, çfarë më tregoi, sapo ikëm ne nga pushteti i shkon banda e qeverisë dhe i thotë ato taksat do të na i japësh ne, s’ke punë me tatimet, t’i zgjidhim ne. I thash, më tha, këtë s’e bëj kurrë sepse ato taksat do t’i jap për tatimet, për fëmijët dhe famijet shqiptare, ishte ndërtues. I çoj SMS Meduzës së krimit, ai mesazhin ua çon banditëve të tij dhe i shkojnë 8 vetë e godasin. Por ai qëndroi, nuk u mposht, të tillë janë me qindra. Na rrëmbeu votën, ne të votojmë me protestën tonë. Atyre që u dhunohet vota, ata kanë protestën. Ia çojmë këtë mesazh“, tha Berisha.

 

Qytetari thirrje Berishës: Ju lutem, bashkojeni PD-në. Basha ka kosheren, se bletët i kanë ikur

blank
Një nga qytetarët e pranishëm në Foltoren e Sali Berishës në Berat, u shpreh se Basha ka kosheren, por se bletët i kanë ikur.

Qytetari i bëri thirrje Berishës, që të bëjë të mundur sërish ringritjen e PD-së dhe bashkimin e Partisë Demokratike.

“Basha ka kosheren, por bletët i kanë ikur. PD sot është në ditë të vështira. Partia Demokratike u zhyt në gjendje të mjerueshme nga Lulzim Basha. Ai nuk po di vlerat e vërteta të të demokratëve.

Ju lutem zoti Berisha, bëni që Partia Demokratike të ngrihet sërish. Bashkojeni PD-në zoti Berisha dhe emri juaj do shkruhet me gërma të arta në histori. Bashkojeni PD-në, sepse vetëm ju mund ta bëni si lideri historik i Partisë Demokratike”, deklaroi qytetari.

Shpallja non grata, Berisha: Hakmarrje e Soros, armikut të përbetuar të demokracisë

Ish-kryeministri Sali Berisha, në Foltoren e Beratit, foli edhe për shpalljen e tij non grata.

Berisha thekson se shpallja e tij non grata është hakmarrje primitive e Soros, që e ka quajtur armik të demokracisë.

“Shpallja non grata e imja është hakmarrja e armikut të demokracisë, George Soros. Kam kërkuar nga PE që veprimtaria e tij jashtë BE-së të ndalet. Soros është milioner, por Amerika ka edhe trilionerë. Imagjinoni sikur në Amerikë, ata që janë akoma më të pasur, çfarë mund të bëjnë nëse hyjnë në vende të ndryshme të botës, për politikat.

Soros është një shushunjë, është në fakt kundër njerëzve të varfër. Për ne Amerikë nuk është vetëm Soros dhe njerëzit e tij, por për ne Amerikë është edhe Partia Republikane. Çdo e majtë e botës nuk do mund të shkatërrojë forcën kryesore konservatore në Shqipëri, Partinë Demokratike”, u shpreh Berisha.

 

blank

Foltorja e Beratit: “Të vijojmë betejën dhëmbë për dhëmbë ndaj Ramës”, Berisha: Protesta madhështore siç nuk i ka parë asnjëherë ky vend

Ish-presidenti dhe kryeministri i Shqipërisë, Sali Berisha, gjatë takimit të tij me mbështetësit demokratë të qytetit të Beratit, tha se qëllimi i tij përmes “foltoreve” është të rikthejë Partinë Demokratike aty ku e ka vendin.

Ai paralajmëroi protesta masive, me qëllim largimin e kryeministrit Rama dhe rikthimin e PD në të gjitha parimet e saj demokratike.

“Ne kemi tetë vite në vendnumëro dhe prapa ktheu. Kjo ndodh se Edi Rama për arsye anti-shqiptare, në një kohë që Evropa krijonte nismën e Berlinit, ky bashkohej me Novisadin, që do të thotë hegjemoni serbe në rajon. Ne duhet të bashkohemi me Evropën. Asnjë vend në BE nuk i është dëmtuar prodhimi bujqësor, sepse kanë kuota dhe subvencione të barabarta për të gjitha vendet. Në rrafshin politik, në një rajon që ka dalë nga luftërat, konfliktet, aleancat nuk sjellin asgjë të mirë, përkundrazi nxisin konfliktualitetin, e në fund, po të shihni zhvillimet që patëm këtë vjeshtë në Ballkan përreth Kosovës janë zhvillime që kanë ndodhur 20 vite më parë.

Në 5 vitet e fundit janë larguar nga Shqipëria 500 mijë shqiptarë, po ndodh pastrim etnik. Edi Rama me një të rënë të lapsit heq 20 mijë familje nga ndihma ekonomike. Në kohën tonë ishin 140 mijë familje që përfitonin ndihmë ekonomike, e ne menduam të shtonim dhe 40 mijë familje të tjera, Shqipëria nuk e zhduk dot varfërinë, por mjerimin e zhduk në mënyrë përfundimtare. Këto ndodhën sepse kishte një opozitë të paaftë për të ndaluar këto zhvillime. Opozita dështoi në çdo nismë që ndërmori në 8 vite. Ndodhen me një opozitë, që u tha shqiptarëve se do të mbrojë votën dhe s’e mbrojti atë. Dramë e madhe ishte 25 prilli për shqiptarët. Edi Rama përdori metodat kurrë të përdorura më parë për vjedhjen e votës. Edi Rama shpërndau vetëm gjatë muajit prill mln euro për të blerë vota në zonat e tërmetit. Kreu i opozitës, në vend që të dilte në shesh në mbrojtje të votës tuaj, në vend që të mbusht sheshet, u kthye dhe po merret me karrigen dhe zgjedhjet e tij.

Na bëri një dëm të jashtëzakonshëm, sepse duhet ta penalizonim Edi Ramën për atë që ndodhi. Kjo përbën tradhti të vërtetë ndaj votës tuaj. Ku qëndron Sali Berisha në këtë çështje? Padiskutim që unë kam përgjegjësi përpara jush ndaj kërkoj ndjesë. Në vitin 2017 kur i thash të jepte dorëheqjen dhe ai rfuzoi, unë duhet të rikthehesha për të vijuar betejën. Një fjalë thotë më mirë vonë se kurrë. Nuk është vonë të mbrosh për atë që beson. Jam midis jush, me qëllimin kryesor që të ringrejmë së bashku PD, në idealet dhe fuqinë e saj. Ti rikthejmë asaj votën, besimin te vetja. Ta përgatisim atë në një betejë dhëmbë për dhëmbë me Edi Ramën. Atyre që i dhunohet vota, ata kanë protestën dhe vetëm protestën, ndaj jam dhe këtu te ju me besim të plotë, te çdo demokrat, që të përgatiten për protesta që Shqipëria kurrë nuk i ka parë. Nuk meritojmë ne të jemi votëshkelur, vullnet vjedhur, ne do të bëhemi qytetar të lirë. Tani për tani, Edi Rama ka marrë peng Bashën, i cili pasi u zgjodh, harroi çdo interes tuaj, e ka kap një frikë dhe tmerr nga ju, nuk takon asnjeri prej jush.

E përkundrazi, paraqet takimet dhe mbledhjet tona si anti-amerikane, ku këto janë pro-amerikane e të tilla do të mbetet. Këto foltore, kanë si qëllim të mbrojnë sovranitetin e forcës sonë politike. Një forcë politike po nuk qe sovrane, nuk vjen kurrë në pushtet, s’ka dinjitet. Ne jemi patriotë dhe kemi interes të parë atë kombëtar. Ndaj dhe ne qëndrojmë plotësisht në këto parime. Foltorja jonë është për bashkimin e demokratëve. Të atyre që gjatë qeverisjes i dhanë Shqipërisë ndryshimin. Të atyre që në këto vite derdhën djersë. Ata që nuk janë sot në këtë sallë dhe e konsiderojnë veten mbështetës së Bashës, që të gjithë janë mbështetës të PD, por një njeri që çon nga humbja në humbje, që regjistron 4 humbje me radhë, ka dorëzuar 4 beteja të pabëra, duhet të hapë rrugën.

Ne na kujtohen sekretarët e parë të rretheve i emëronte byroja politike, nëse ne jemi PD dhe i zgjedhim vetë kryetarët e partive”, tha Berisha.

blank

Kosova i shpall “non grata” dy zyrtarë rusë

Presidentja e Kosovës, Vjosa Osmani, ka njoftuar se gjatë kësaj jave kishte kërkuar nga Ministria e Punëve të Jashtme që t’i shpallë “non grata” dy zyrtarë të Rusisë që kanë punuar në Zyrën Ndërlidhëse të Federatës Ruse në Kosovë.

Presidentja Osmani ka njoftuar se aktiviteti i tyre ” ka cenuar sigurinë kombëtare dhe rendin kushtetues të Republikës së Kosovës”, raporton Gazeta Express.

Osmani ka njoftuar se këtë vendim ministrja Donika Gërvalla e ka marrë sot dhe se në të njëjtën kohë ka njfotuar institucionet relevante për vendimin.

Njoftimi i plotë nga Presidentja e vendit:

Këtë javë kam kërkuar nga zëvendëskryeministrja, njëherësh ministre e Punëve të Jashtme dhe e Diasporës, Donika Gërvalla-Schëarz, t‘i shpallë persona non grata dy zyrtarë të Zyrës Ndërlidhëse të Federatës Ruse në Kosovë, për shkak të aktivitetit të tyre të dëmshëm, i cili ka cenuar sigurinë kombëtare dhe rendin kushtetues të Republikës së Kosovës. Sot, MPJD-ja ka nxjerrë vendimin për shpalljen e këtyre dy zyrtarëve rus persona të padëshirueshëm dhe në të njëjtën kohën i ka njoftuar institucionet ligjzbatuese dhe autoritetet përkatëse për zbatimin e tij.

Institucionet e Republikës së Kosovës janë të vendosura në luftën kundër ndikimit malinj të Federatës Ruse dhe satelitëve të saj në rajon, të cilët synojnë rrënimin e arritjeve tona dhe të SHBA-ve, NATO-s, dhe BE-së. Për këtë arsye do të vazhdojmë të bashkëpunojmë ngushtë me aleatët tanë amerikanë dhe evropianë për ta parandaluar tentimin që Kosova dhe rajoni ynë të jenë pre e ambicieve destablizuese të Federatës Ruse.

I siguroj qytetarët e vendit se institucionet e Republikës së Kosovës nuk do të hezitojnë të veprojnë çdoherë kur cenohet siguria dhe rendi kushtetues në vend.

blank

Evropa ngrihet në këmbë për Angela Merkelin

Angela Merkel dhe Stefan Löfven në samitin e tyre të fundit evropian

Ovacione nga liderët evropianë për kancelaren gjermane në samitin e saj të fundit në Bruksel – Ceremonia e lamtumirës edhe për kryeministrin suedez Löfven

 

VOAL – Udhëheqësit evropianë i dhanë duartrokitje të pandërprera kancelares gjermane Angela Merkel të premten në një samit në Bruksel, samiti i saj i 107-të dhe i fundit pas gjashtëmbëdhjetë vjetësh në pushtet në Gjermani.

“Këshilli Evropian pa Angelën është si Roma pa Vatikanin ose Parisi pa Kullën Eifel. Mençuria e saj do të mungojë veçanërisht në momente komplekse,” tha Charles Michel, President i Këshillit Evropian, në fund të një ceremonie të shkurtër jozyrtare. Më pas, Michel theksoi tri karakteristika të lideres gjermane: “Kurioziteti shkencor, intelektualiteti dhe thjeshtësia”.

Gjatë fjalës së tij, Charles Michel bëri homazhe edhe për suedezin Stefan Löfven, i cili në nëntor do të largohet nga posti i tij si kryeministër që prej vitit 2014. “Ju i keni shënuar takimet tona me praninë tuaj të fortë dhe qetësuese”, i tha Michel këtij të fundit, duke i përshëndetur. angazhimin e saj për “progresin social”, “përkushtimin në luftën kundër ndryshimeve klimatike” dhe “angazhimin për mbrojtjen e të drejtave të njeriut”.

Presidenti i Këshillit Evropian më pas i befasoi Merkel dhe Loefven me një video të shkurtër kujtimesh, duke u dhënë atyre një përshtypje artistike të ndërtesës Europa, ndërtesës ku mbahen samitet e udhëheqësve, të personalizuar për secilën prej tyre. sda-eb

blank

NGËRÇI- Nga 78 gjyqtarë kanë mbetur vetëm 40, një qytetari i duhen pesë vjet për të shqyrtuar një çështje civile në Apel!

Veprimi i ligjit të Vetingut ka përgjysmuar numrin e gjyqtarëve në nivel apeli, për shkak të dorëheqjeve dhe shkarkimit nga detyra, kryesisht për pasuri të paligjshme dhe lidhje me krimi.

Nga 78 gjyqtarë të përcaktuar në organikën e gjashtë gjykatave të apelit, deri në fund të vitit 2020 kanë ushtruar detyrën vetëm 40 gjyqtarë.

Vakancat në Apel, që kanë pasjellë zgjatjen e afatit për shqyrtimin e një çështje civile dhe penale, reflektohen edhe në progres-raportin e fundit të Komisionit Evropian për Shqipërinë. Në raport thuhet se për të shqyrtuar një çështje në Apel duhen mesatarisht rreth 5 vite.

“Gjykatat e Apelit kanë një numër të madh të çështjeve të trashëguara dhe vende të lira gjyqësore, me vetëm 40 gjyqtarë apeli në detyrë nga 78. Një hartë e re gjyqësore duhet të miratohet dhe zbatohen urgjentisht për rishpërndarjen e gjyqtarëve dhe burimeve brenda gjyqësorit. Kohëzgjatja mesatare për një çështje në nivelin e apelit është 998 ditë për çështjet penale dhe 1742 ditë për çështjet civile. Gjykatat me ngarkesën më të madhe janë Gjykata e Lartë dhe Gjykata Administrative e Apelit. Gjykata e Apelit 15 178 çështje nga të cilat 7463 janë depozituar më shumë se sa dy vite. Gjykata e Lartë ka numrin më të lartë të grumbullimit të çështjeve, 36 288 çështje, nga të cilat 27 843 janë depozituar më shumë se sa dy vite”, thuhet në raport.

Që nga viti 2020, Këshilli i Lartë Gjyqësor ka nisur procedurat për të plotësimin e 20 vakancave, por procesi ka hasur në vështirësi. Dy janë arsyet se pse vakancat në Apel nuk po plotësohen. Së pari, për disa vende vakante në gjykatat e apelit në rrethe, nuk ka aplikuar askush, çka ka sjellë rihapjen e procedurave në mënyrë të përsëritur.

Pra askush nuk ka shprehur interesin për të punuar si gjyqtar në Apelin e rretheve. Së dyti, kandidatët që kanë aplikuar për Apelin në Tiranë, nuk kanë përfunduar ende procesin e Vetingut.dita

blank

Marsh në Nju Jork për viktimat e dhunës seksuale në Kosovë

Pamje nga marshi i organizuar më 2019 në Nju Jork me thirrjet për drejtësi për viktimat e dhunës seksuale në Kosovë dhe vende tjera në rajon.

Krenare Cubolli

Vasfije Krasniqi – Goodman do të niset javën tjetër drejt Shteteve të Bashkuara për të marrë pjesë në marshin që do të organizohet më 28 tetor para Konsullatës së Serbisë në Nju Jork, për të kërkuar drejtësi për viktimat e luftës në Kosovë, Kroaci dhe Bosnje e Hercegovinë.

Krasniqi – Goodman është gruaja e parë në Kosovë që ka treguar hapur se është dhunuar seksualisht nga forcat serbe gjatë luftës së fundit në Kosovë.

Në mars të këtij viti, ajo është zgjedhur deputete në Kuvendin e Kosovës, si anëtare e Lëvizjes Vetëvendosje dhe ka thënë se prioritet do ta ketë luftën për të drejtat e njeriut dhe viktimat e luftës.

Në një intervistë për Radion Evropa e Lirë më 21 tetor, ajo ka treguar se në marsh do të marrin pjesë edhe viktima të dhunës seksuale nga Kroacia dhe Bosnje e Hercegovina.

“Marshi është iniciativë e këshilltarit të qytetit të Nju Jorkut, Mark Gjonaj. Jemi duke bashkëpunuar që organizimi të dalë sa më mirë dhe viktimat të kërkojnë drejtësi para Konsullatës së Serbisë në Nju Jork”, ka thënë ajo.

Marshin e kanë përkrahur shumë deputetë të Kuvendit të Kosovës, pjesëtarë të shoqërisë civile dhe artistë të fushave të ndryshme.

Së fundmi, me thirrjen (Marsh për drejtësinë e saj) #rallyforherjustice është parë në duar edhe artistja me prejardhje nga Kosova, Dua Lipa.

Krasniqi – Goodman ka thënë se është gëzuar shumë kur e parë thirrjen e Lipës.

“Për mua është shumë diçka e madhe kur më përkrah një yll botëror si Dua Lipa dhe emocionohem kur flas për të”.

“Flas me viktimat çdo ditë”

Vasfije Krasniqi – Goodman është nderuar më 2018 me çmimin “Qytetar i Merituar i Republikës së Kosovës”, pas historisë që ka ndarë me botën për atë që ka përjetuar gjatë luftës.

Tani kur vetë është pjesë e institucioneve publike të Kosovës, ajo ka thënë gjatë intervistës se e gëzon fakti që viktimat kanë një zë që i përfaqëson dhe se asaj i drejtohen më lirshëm për t’i ndarë përjetimet e luftës.

“Unë flas me viktimat çdo ditë. Jam në kontakt të vazhdueshëm me to. Pavarësisht se a janë viktima të dhunës seksuale gjatë luftës, apo viktima të ditëve të sotme. Ato e gjejnë mbështetjen tek unë dhe kanë besim të flasin lirshëm. Unë i kuptoj ato me çfarë ballafaqohen”, ka theksuar ajo.

Më 5 korrik të këtij viti Gjykata Themelore në Prishtinë e ka dënuar me dhjetë vjet burgim, ish-rezervistin e policisë serbe, Zoran Vukotiq, për kryerjen e veprës penale të dhunës seksuale gjatë luftës në Kosovë.
Ky njëherësh ka qenë rasti i parë që dikush është dënuar për një krim të tillë nga gjykatat e Kosovës.

“Përdhunuesve t’iu publikohet emri dhe mbiemri”

Ajo ka thënë se është e shqetësuar me rastet e fundit të dhunimeve në Kosovë ndaj vajzave të mitura, duke përmendur edhe rastin e fundit, për të cilin autoritetet dyshojnë se një person ka dhunuar një 12-vjeçare.

Krasniqi – Goodman ka thënë se për përdhunuesit duhet të ketë dënime më të larta.

“Unë kam biseduar një ditë më parë me ministren e Drejtësisë (Albulena Haxhiu) që të ndryshohet neni që ka të bëjë me këto raste. Dënimi nuk është i mjaftueshëm. Dënimet janë shumë të ulëta për këto raste. Dhunuesit duhet ta dinë se mjaft është mjaft dhe duhen të marrin dënimin e merituar”.

Ajo ka thënë se e sheh të arsyeshme që autoritetet t’i publikojnë emrat dhe mbiemrat e dhunuesve.

“Në Kosovë zakonisht faji po mbetet te viktimat dhe jo te dhunuesit. Kur ata (dhunuesit) të dalin me emra dhe mbiemra dhe të turpërohen, besoj se do të ketë ndryshim shumë të madh”.

Sipas nenit 227 të Kodit Penal të Republikës së Kosovës, kushdo që detyron personin tjetër për të kryer akt seksual pa pëlqimin e personit të tillë, dënohet me burgim prej dy deri në 10 vjet.

Sipas të dhënave të prezantuara nga institucionet në Kosovë, në luftën e fundit në Kosovë janë dhunuar seksualisht rreth 20 mijë persona nga pjesëtarë të forcave serbe.

Sipas Kombeve të Bashkuara, gjatë luftës në Bosnje e Hercegovinë, janë dhunuar më shumë se 20.000 gra, ndërkaq deri në prill të këtij viti janë dënuar vetëm rreth 160 kryerës të kësaj vepre penale.

Sa i përket Kroacisë, autoritetet ende nuk kanë dalë me shifra të sakta për këto viktima.


blank
blank
blank
blank
blank
blank
blank
blank
blank
blank
blank
blank
Send this to a friend