Pandemia e COVID-19 -s nuk ka frenuar përgjatë vitit 2020 emigrimin e paligjshëm të shqiptarëve drejt Greqisë. Sipas të dhënave të fundit, të publikuara nga policia greke, 2909 shtetas shqiptarë u dëbuan nga Greqia duke u riatdhesuar në Shqipëri vitin e kaluar, nga 3660 që ishte numri i përgjithshëm i dëbimeve në Greqi. Pas shqiptarëve numrin më të lartë të dëbimeve e kishte Pakistani me 189 persona, më pas renditej Gjeorgjia me 112 dhe Bullgaria me 64 persona. Shumica e shtetasve shqiptarë janë bllokuar në rajonet kufitare greke duke hyrë nga kufiri shqiptar përmes brezit të gjelbër në territorin grek pa dokumente të rregullta.
Sipas të dhënave të policisë greke ka pasur edhe raste të kontrabandimit të tyre nga shtetas shqiptarë apo grekë për t`i transportuar nga zonat kufitare në thellësi të vendit. Përpjekjet e shqiptarëve për të udhëtuar pa dokumente të rregullta në Greqi lidhen kryesisht, me punësimin sezonal të tyre. Prej fillimit të vitit të shkuar Greqia nuk lejon më aplikimet për azil për shtetasit shqiptarë, pasi Shqipëria u përfshi nga autoritete greke të emigracionit në listën e vendeve të sigurta.
Shumica e emigrantëve shqiptarë të parregullt që dëbohen nga policia greke me procedura të rregullta me palën shqiptare marrin gjoba në para edhe nga autoritetet shqiptare për kalim të paligjshëm të kufirit. Të dhënat tregojnë se në zonat kufitare shqiptare jo pak raste referohen nga policia shqiptare edhe në prokurori mbi bazë të listave të riatdhesimit që dorëzohen në kufi nga polica greke. Shtetasit që emigrojnë pa dokumente drejt Greqisë janë nga zona të varfa dhe të thella të Shqipërisë ku hapësirat për punësim nuk arrijnë të sigurojnë jetesën e familjeve të tyre. Udhëtimi i shqiptarëve në brezin e kufirit shpesh kryhet në të shumtën e herës me këmbë dhe zgjat edhe me ditë të tëra në terrene mjaft të vështira.
Numri i azilkërkuesve shqiptarë në Greqi ka qenë i lartë gjatë viteve të shkuara ndërkohë që në vitin 2020 asnjë shqiptar nuk aplikoi për azil pasi Greqia e përfshiu Shqipërinë në listen e vendeve të sigurta. Sipas Shërbimit grek për Azilin 3053 shtetas shqiptarë paraqitën vetëm gjatë vitit 2019 aplikimin për azil ndërsa numri i mbartur i kërkesave nga vitet e mëprshme ishte gjirhashtu i lartë.
Sipas të dhënave të Shërbimit grek për Azilin shtetasit shqiptarë ishin gjatë 2019 të pestët për nga numri i kërkesave pas shtetasve nga Siria, Afganistani, Pakistan dhe Iraku. Por shtetasit shqiptarë po për këtë vit u renditen të dymbëdhjetët për nga njohja e azilit, me vetëm 0,2 % të numrit të përgjithshëm të aplikimeve.
Të dhënat zyrtare greke tregojnë se shqiptarët paraqitën 2135 ankimime gjatë viti 2019 ndaj mosnjohjes së azilit nga autoritete greke, ndërsa një pjesë e rasteve vijojnë të mbeten ende të pashqyrtuara edhe për këtë periudhë. Situata e pandemisë ka vështirësuar paraqitjen e shtetasve shqiptarë pranë qendrave greke të azilit për ndjekjen e procedurave.
Herë pas here autoritetet greke kanë urdhëruar mbyllje të pjeshme të zonave dhe bllokime të lëvizjes në kuadër të masave parandaluese të përhapjes së COVID-19-s.
Firmoset sot në Romë protokolli i ri i vëzhgim ajror të territorit shqiptar nga Guardia di Finanza Italiane.
Firmosja u bë në një takim në Rome mes drejtuesve të lartë të Policisë italiane e të Policisë Shqiptare.
Protokolli i ri për vëzhgimin ajror nga Guardia di Finanza ka qëllim evidentimin e plantacioneve të mbjella me kanabis në territorin shqiptar si dhe për mbikëqyrjen e zonës detare që lidh dy vendet në luftë kundër trafiqeve ilegale.
Sot ishte takimi i parë i tryezës së përhershme midis Shefit të Policisë, Drejtorit të Përgjithshëm të Sigurisë Publike, Prefektit Franco Gabrielle dhe Drejtorit të Përgjithshëm të Policisë së Shtetit Shqiptar, Ardi Veliu.
Ky takim vjen pas nënshkrimit, në dhjetorin e kaluar, të një deklarate të përbashkët midis Departamentit të Sigurisë Publike dhe Drejtorisë së Përgjithshme të Policisë së Shtetit Shqiptar, që rifreskoi përmbajtjen e Marrëveshjes së Bashkëpunimit midis Qeverisë Italiane dhe asaj shqiptare së 2007, në luftën kundër krimit.
Mbi bazën e udhëzimeve të përbashkëta strategjike, drejtuesit e lartë të dy forcave policore vendosën të takohen çdo gjashtë muaj për zbatimin e aktiviteteve të përbashkëta tekniko-operacionale në ndjekje të objektivave të sigurisë sipas parimeve të qëndrueshmërisë, racionalitetit dhe efikasitetit, zbatimi i të cilave do të trajtohet nga Pika e vetme italiane e kontaktit e Shërbimit Ndërkombëtar të Bashkëpunimit Policor.
Punimet vazhduan pasditen e sotme, me tryezën tekniko-operacionale të kryesuar nga Zëvendës Drejtori i Përgjithshëm i Sigurisë Publike Vittorio RIZZI, në Drejtorinë Qendrore të Policisë Kriminale, ku u trajtuan çështje prioritare për bashkëpunimin ndërkombëtar midis dy vendeve, siç janë flukset migrantët, lufta kundër trafikut të drogës, kapja e personave të shpallur në kërkim, si dhe promovuan analiza të përbashkëta dhe aktivitete trajnuese operacionale në favor të policisë shqiptare.
Në takimin e mëngjesit në prani të dy Shefave të Policisë, u nënshkrua një protokoll i ri operativ Departamentit të Sigurisë Publike dhe Drejtorisë së Përgjithshme të Policisë Shqiptare, i cili do të zëvendësojë atë të vitit 2012, që synon kryerjen e shërbimeve ajrore të mbikëqyrjes në Territori shqiptar, me bashkëpunimin e Guardia di Finanza, për identifikimin dhe çrrënjosjen e plantacioneve të kanabisit, si dhe shërbimet e mbikëqyrjes detare për të luftuar trafikimin e paligjshëm nga deti që prek dy vendet, si dhe duke zgjeruar mbikëqyrjen me përdorimin e avionëve specialë dhe sistemeve të ajrore të drejtuar nga distanca.
Të pranishëm në takimin në mëngjes ishin edhe Zëvendës Ministri i Brendshëm shqiptar Julian Hodaj, Ambasadori Italian në Shqipëri Fabrizio Bucci dhe Ambasadorja e Shqipërisë në Itali Anila Bitri Lani.
Nënshkrimi i këtij protokolli ka si prioritete:
➡Sintetizimin e përpjekjeve të përbashkëta të dy policive, në luftën kundër fenomenit të kultivimit të bimëve narkotike në territorin shqiptar, duke shtuar aftësitë zbuluese nëpërmjet përdorimit të teknologjisë më të avancuar;
➡Zgjerim të spektrit të përdorimit të mjeteve fluturuese për vëzhgim ajror të territorit, me qëllim shtimin e aftësive zbuluese të misioneve monitoruese ajrore të përbashkëta, duke siguruar mbulim më të plotë të gjithë territorit;
➡ Përdorim të teknikës monitoruese, fluturuese me helikë dhe dronëve që ka në përdorim Policia e Shtetit dhe pala italiane, me qëllim intensifikimin e fushatës monitoruese, duke garantuar mbulimin edhe të atyre pak zonave që mund të mos kapen nga monitorimi me avion;
➡ Krijimin e një Shërbimi të Mbikëqyrjes Detare që përfshijnë të dy vendet, për të luftuar zhvillimin e trafiqeve të paligjshme përmes detit.
Në Tiranë, Gjykata Kushtetuese shfuqizoi si të papajtueshme me Kushtetutën një nen të ligjit për trajtimin e pronës dhe disa pika në një vendim qeverie, që lidhen me mënyrat e kthimit dhe kompensimin e pronave.
Ky vendim rihap edhe një herë diskutimet mbi çështjen e pronave, për të cilat ka një mori konfliktesh në Shqipëri.
Padinë e kishte ngritur disa vjet më parë shoqata Pronësi me Drejtësi, e cila kërkon njohjen dhe kthimin e pronave private të shtetëzuara nga regjimi komunist.
Gjykata Kushtetuese shfuqizoi sot pjesërisht një nen të ligjit për trajtimin e pronave dhe 3 pika të një vendimi të këshillit të ministrave, nga 6 vendime qeverie që shoqata “Pronësi me Drejtësi” kërkoi të hidheshin poshtë si akte që, sipas saj bien ndesh me Kushtetutën.
Gjykata njoftoi se vendimi i plotë do të hyjë në fuqi 6 muaj pasi të botohet në Fletoren Zyrtare dhe plotësimi i ligjit duhet bërë nga parlamenti, pra, është një temë që i takon parlamentit të ri që do të formohet nga zgjedhjet e 25 prillit.
Megjithatë përfaqësues të shoqatës Pronësi me drejtësi pohuan, që edhe pse duhet pritur vendimi I plotë I gjykaës Kushtetuese, në thelb ai plotësoi në masën më të madhe pritshmëritë e tyre me rrëzimin e nenit 7 të ligjit për trajtimin e pronave, i cili është thelbi i ligjit 133.
“Anti-kushtetutshmëria e atij neni qëndron në faktin që edhe pronën e kthyer ta rivlerësonte. Nëpërmjet mekanizmit të përfitimeve të zbritshme shteti kishte një qëllim në vetvete, të cilin e realizoi me zbatimin e ligjit 133, që ishte ulja në maksimum faturën, ose detyrimin që shteti shqiptar kishte dhe ka ndaj pronarëve shqiptarë” – thotë Myrshit Vorpsi, përfaqësues i Shoqatës “Pronësi me Drejtësi”.
Përfaqësuesit e shoqatës “Pronësi me Drejtësi” mendojnë se parlamenti i ri, pas vendimit të Gjykatës Kushtetuese, do të riformatojë ligjin për trajtimin e pronës dhe pronarëve të shpronësuar nga diktatura do t’u duhet të presin edhe pas 28 vjetësh një formulë të re për kthimin apo kompensimin e pronave të tyre të ligjshme.
Vendimi i sotëm, pohojnë ata, nuk bie ndesh me vendimin e Gjykatës së Strasburgut, dhe për më tepër kërkon që gjithë vendimet e Agjencisë së Trajtimit të Pronave të rishikohen edhe një herë nga e para, së bashku me llogaritjet e vlerave të pronës.
Ata shpresojnë që të paktën ATP duhet të pezullojë procedurën e cështjeve që përfshin vendimi i fundit i Gjykatës Kushtetuese.
“Gjykata e Strasburgut, mbi bazën e këtyre informacioneve të gabuara e të rreme, që i ka çuar Shqipëria, ka marrë vendime kontradiktore, që Gjykata Kushtetuese, kryeministri ose parlamenti i ardhshëm mund t’i korigjojë. Duhet një patriotizëm në këtë mes. Prona do të shkojë tek i zoti, se s’bën. Aty fillon demokracia. Kjo është shumë e thjeshtë të bëhet dhe pa kosto” – thotë Gëzim Boçari, përfaqësues i Koalicionit të Shoqatave të Pronarëve në Bregdet.
Lidhur me vendimin e sotëm të Gjykatës Kushtetuese “Zëri i Amerikës” kërkoi një reagim nga ministria e drejtësisë, që është institucioni përgjejgës për këtë fushë.
Zyra e komunikimeve pranë saj pohoi se ministria e drejtësisë është në pritje të vendimit të arsyetuar të Gjykatës Kushtetuese dhe deri atëherë nuk mund të japë një opinion ligjor kur dihet vetëm vendimi i shkurtuar.
Kthimi dhe kompensimi i pronave të shtetëzuara nga regjimi komunist është prej afro 3 dekadash një nga temat më konfliktuale në Shqipëri.
Secila qeveri ka marrë një mori ligjesh dhe vendimesh për këtë cështje, e cila shpesh ka shkuar edhe në dyert e Gjykatës Ndërkombëtare të Drejtave të Njeriut.
Qeveria aktuale solli një formulë të re për zgjidhjen e saj, por vendimi i fundit i gjjk mund të rihapë debatet për pronat dhe të drejtat e pronarëve.
Në Shqipëri vazhdon moti i keq me reshje bore dhe shiu, duke shkaktuar probleme në qarkullimin e automjeteve në akset rrugore të vendit, transmeton Anadolu Agency (AA).
Reshjet e borës kanë përfshirë Qarkun e Tiranës, Durrësit, Dibrës, Shkodrës dhe Lezhës, ndërkohë autoritetet janë angazhuar për normalizimin e qarkullimit pas vështirësive të shkaktuara edhe nga prezenca e ngricave.
Pavarësisht problemeve në akset rrugore rurale, Tirana është mbuluar nga bora duke sjellë një atmosferë të veçantë për banorët e kryeqytetit.
Në një njoftim nga Ministria e Mbrojtjes thuhet se si rezultat i reshjeve të borës ka pasur problematika në disa akse rrugore, ku disa prej tyre janë bllokuar për qarkullimin.
Për normalizimin e situatës janë angazhuar edhe Forcat e Armatosura të Shqipërisë, për të ndihmuar lëvizjen e qytetarëve në njësitë administrative që janë bllokuar nga reshjet e shiut dhe të borës.
Autoritetit Rrugor Shqiptar në rrjetet sociale ka njoftuar se gjatë natës reshjet e borës kanë vazhduar pothuajse në të gjithë territorin e vendit, shoqëruar edhe me erë të fortë e temperatura shumë të ulëta.
Nga ana tjetër, nisur nga situata e krijuar për shkak të motit të keq, me prezencë të akullit, borës dhe ujit në akset rrugore nacionale dhe rurale, Drejtoria e Përgjithshme e Policisë së Shqipërisë u ka bërë thirrje qytetarëve të kufizojnë lëvizjet e panevojshme.
Kujtojmë se për shkak të motit të keq institucionet e arsimit parauniversitar në Shqipëri do të zhvillojnë mësimin online nga data 15 deri në 19 shkurt, ndërkohë që të gjitha ndeshjet e futbollit të parashikuara më 14 shkurt për kategorinë e dytë dhe të gjitha nivelet e kampionatit të moshave nuk do të zhvillohen.
Në një kohë të rritjes së islamofobisë, si dhe antisemitizmit si brenda dhe jashtë vendit, Stephen B. Jacobs thotë se, bota nuk duhet të harrojë kurrë sesi kombi mbizotërues mysliman i Shqipërisë u tha okupatorëve të tij nazistë të kohës së luftës pa kushte të pasigurta: Lini hebrenjtë tanë të qetë.
Në një kohë të rritjes së islamofobisë, si dhe antisemitizmit si brenda dhe jashtë vendit, Stephen B. Jacobs thotë se, bota nuk duhet të harrojë kurrë sesi kombi mbizotërues mysliman i Shqipërisë u tha okupatorëve të tij nazistë të kohës së luftës pa kushte të pasigurta: Lini hebrenjtë tanë të qetë.
Si një djalë 5-vjeçar nga qyteti polak i Lodz, Jacobs tashmë i kishte mbijetuar tmerreve të getos Piotrków para likuidimit të tij në 1942, si dhe kampit famëkeq të përqendrimit Buchenwald të Gjermanisë, para se të përfundonte në repartin e tuberkulozit në spitalin e kampit. . Por ai nuk ishte i sëmurë. Babai i tij, një mjek, kishte vendosur të fshihte atë dhe një djalë tjetër atje – duke ditur që asnjë gjerman nuk do të hynte në një vend të tillë – deri në çlirimin e Buchenwald pak kohë më vonë nga Ushtria e Tretë e SHBA në 11 Prill 1945.
Jacobs – i cili lindi Stefan Jakubowicz – u rrit për t’u bërë një arkitekt i shquar i Nju Jorkut. Dhe edhe pse për ndonjë mrekulli e gjithë familja e tij e ngushtë mbijetoi, përvojat makth të Shoah kurrë nuk e la atë.
Më 24 janar, Jacobs dha adresën kryesore gjatë një programi në internet të organizuar nga grupi jofitimprurës Am Yisrael Chai me bazë në Atlanta për të shënuar Ditën Ndërkombëtare të Përkujtimit të Holokaustit. Ndër të tjera, ai përshkroi privimet që ai jetoi dhe përse memoriali i Holokaustit që ai projektoi në Tiranë, kryeqyteti i Shqipërisë, do të thotë kaq shumë për të.
Stephen B. Jacobs
“Shqipëria është një vend me shumicë myslimane dhe kjo histori rreth muslimanëve që shpëtojnë hebrenjtë është shumë e rëndësishme për ne sot, veçanërisht për shkak të mënyrave se si myslimanët po stigmatizohen,” tha ai Jacobs, tani 81 vjeç. “Ne kemi nevojë për të luftuar këtë stereotip të tmerrshëm. ”
Që nga shfaqja e Shqipërisë nga 45 vitet e sundimit Marksist në 1990, histori të shumta janë shfaqur për trimërinë e banorëve të saj të cilët, gjatë Luftës së Dytë Botërore, mbrojtën jo vetëm vetë komunitetin hebre hebre me 200 anëtarë, por edhe 1,500 deri në 2,000 refugjatë hebrenj nga Bullgaria , Greqia dhe vendet e tjera përreth. Jo më pak se 75 shqiptarë nderohen si të Drejtë midis Kombeve nga Yad Vashem në Jeruzalem.
Shqiptarët rrezikuan vdekjen për të fshehur refugjatët hebrenj
“Shqipëria është i vetmi vend i okupuar që kishte më shumë hebrenj pas luftës sesa në fillim,” vuri në dukje Andrea Videlefsky, president i Am Yisrael Chai dhe mjeshtër i ceremonive të mbrëmjes. “Ata e bënë këtë përmes besimit të mirë, solidaritetit të pakushtëzuar, besimit dhe një besimi të rrënjosur thellësisht kulturor në besë – premtimi për të bërë më mirë, për të qenë më mirë, për të ndihmuar qeniet njerëzore në një kohë nevoje. Ne mund të mësojmë shumë nga parimet e besës. ”
Presidenti shqiptar Ilir Meta u drejtohet pjesëmarrësve të një aktiviteti në internet të Ditës Ndërkombëtare të Përkujtimit të Holokaustit. (Foto me mirësjellje të Am Yisrael Chai)
Ky mesazh u përforcua gjatë një përshëndetje video katër minutëshe nga Tirana nga Presidenti shqiptar Ilir Meta.
“Dy popujt tanë janë të lidhur me lidhjen historike të miqësisë që ka kapërcyer shumë breza,” tha Meta, i shoqëruar nga një varg flamujsh kuqezi shqiptarë dhe një bust i heroit kombëtar, Skënderbeut. “Është kjo lidhje që i detyroi shqiptarët të shtrinin mikpritjen dhe strehimin tonë ndaj komunitetit vendas hebre dhe për të gjithë ata që po shpëtonin nga asgjësimi pothuajse i sigurt gjatë errësirës së dhunshme dhe tmerreve të Luftës së Dytë Botërore.”
Lidhur me pushtimin gjerman të vendit të tij, i cili zgjati nga shtatori 1943 deri në nëntor 1944, presidenti shtoi: “Asnjë jetë e vetme hebreje nuk humbi në Shqipëri dhe asnjë hebre nuk iu dorëzua pushtuesve nazistë. Shumë familje shqiptare rrezikuan jetën e tyre për misionin fisnik të mbrojtjes së jetës hebreje. ”
Jacobs: ‘Fatkeqësisht, historia përsëritet
Edhe pse Jacobs nuk kishte asnjë lidhje personale me Shqipërinë, mikpritja e saj ndaj hebrenjve rezon thellë në një epokë të rritjes së intolerancës dhe ksenofobisë – qoftë nga Donald Trump që mblidhet kundër emigrantëve të Amerikës Qendrore që ikin nga dhuna përtej kufirit të SHBA me Meksikën, apo mbështetësve të tij në Charlottesville, Virxhinia, duke bërtitur “Judenjtë nuk do të na zëvendësojnë!” Ose nga evropianët e ekstremit të djathtë që protestojnë ndaj fluksit të fundit të familjeve myslimane që shpëtojnë nga luftërat civile në Siri, Irak dhe Afganistan.
Arkitekti nga New York-u dhe i mbijetuari i Shoah-it, Stephen Jacobs, projektoi këtë monument në Tiranë, Shqipëri, për gjashtë milion hebrenj të vrarë gjatë Holokaustit. (Foto: Stephen B. Jacobs)
“Qëndrimet e sotme ndaj refugjatëve të kujtojnë aq shumë qëndrimin ndaj refugjatëve hebrenj në vitet 1930. Unë identifikohem me refugjatët e sotëm po aq sa nga koha kur unë isha refugjat, sepse për fat të keq, historia përsëritet, “tha Jacobs, pikëpamjet e të cilit kundër ish-presidentit janë të njohura.
“Fashizmi nuk vjen në një çast”, shtoi ai. “Vjen me rritje të vogla, dhe rritjet e vogla i bëjnë njerëzit të mësohen të pranojnë të papranueshmet. Ky është rreziku i asaj që jemi sot. Nuk duhet të mbarojë në atë mënyrë, por do të ndodhë nëse nuk do të ketë një përpjekje të fortë dhe të bashkërenduar për ta ekspozuar këtë për atë që është, dhe dy, për të vendosur të gjitha energjitë tona që të mos e lejojmë të ndodhë më. ”
Për këtë qëllim, Jacobs – i cili me familjen e tij jetoi në kampe të ndryshme refugjatësh në Zvicër për tre vjet para se të mbërrinte në Nju Jork në 1948 – është i bindur se ai kurrë nuk do të kishte mbijetuar nëse jo për lëvizjen partizane nëntokësore që e mbrojti atë dhe 1100 fëmijë të tjerë .
Hyrja në Kampin e përqendrimit Buchenwald të Gjermanisë. (Foto: Stephen B. Jacobs)
Jacobs, i mbijetuari i vetëm i njohur nga Shoah që ka hartuar një memorial të Holokaustit në Evropë, ishte i pranishëm në kushtimin e 2002 në monumentin e tij në “kampin e vogël” të Bukenwald – një zonë karantine ku të burgosurit e rinj, përfshirë edhe veten e tij, kaluan kushte brutale.
“Portat e Buchenwald janë ende atje,” tha ai. “Ishte shumë e rëndësishme për të rivendosur atë sit dhe për të krijuar një hapësirë për përsiatje të qetë, ku mund të bashkonit mendimet tuaja për ato që sapo keni provuar. Ne nuk po e bëjmë këtë për ne, por për brezat e ardhshëm të nxënësve gjermanë të shkollës. ”
1.5 milion daffodils për të kujtuar fëmijët
Për shkak të pandemisë së koronavirusit, Jacobs nuk mund të merrte pjesë në përurimin e korrikut 2020 të memorialit të tij në Tiranë, i cili përmban tre pllaka mermeri – në anglisht, hebraisht dhe shqip – që thjesht tregojnë historinë e Shoah dhe rolin e Shqipërisë në shpëtimin e hebrenjve gjatë luftë. Ndodhet në hyrje të Parkut të Liqenit Artificial të kryeqytetit, afër Sheshit Nënë Tereza.
“Në vitet e fundit, unë kam arritur të kuptoj se unë jam ndër të fundit të një brezi të mbijetuarve të Holokaustit që mund të dëshmoj për këtë ngjarje përmes përvojës personale,” tha ai. “Veryshtë shumë e rëndësishme të ruash kujtesën e Holokaustit sepse ajo ka rëndësi universale – dhe sepse ka kaq shumë revizionistë të historisë që do ta fshijnë këtë kujtim sepse i përshtatet rrëfimit të tyre.”
Ndër iniciativa të tjera, Projekti Botëror i Daffodil i Am Yisrael Chai synon të mbjellë 1.5 milion daffodils në kujtim të 1.5 milion fëmijëve që vdiqën në Holokaust – dhe për fëmijët që vuajnë në kriza humanitare në të gjithë botën sot. Deri më sot, rreth 664,000 daullesa (shumica prej tyre në Gjeorgji) janë mbjellë në 266 kopshte në të gjithë Shtetet e Bashkuara si dhe Republikën Çeke, Kanada, Izrael, Japoni, Poloni dhe Hollandë.
Për koincidencë, ngjarja në internet e Am Yisrael Chai u zhvillua vetëm një javë para vendosjes zyrtare të marrëdhënieve diplomatike midis Izraelit dhe Kosovës shqipfolëse, një republikë e shkëputur e Serbisë që, ashtu si Shqipëria, ishte pushtuar gjithashtu nga nazistët gjatë Luftës së Dytë Botërore.
“Hashem ka qenë i mirë për njerëzit e kombeve tona dhe na ka bekuar me paqe dhe liri në tokat tona,” tha Meta, presidenti shqiptar. “Ne mirëpresim zhvillimet më të fundit midis Izraelit dhe vëllezërve tanë në Kosovë për zotimin për ta njohur Kosovën si një shtet të pavarur. Ne do të dëshironim të përfitonim nga kjo mundësi për të falënderuar udhëheqjen e mikut tonë të përbashkët, Shtetet e Bashkuara, për këtë zhvillim historik. ”
Mbajtja gjallë e kujtimeve
Po ashtu foli Rabini Jacob Schacter, babai i ndjerë i të cilit, Rabbi Herschel Schacter, ishte pjesë e divizionit të Korpusit VIII të Ushtrisë së Tretë të SH.B.A.-së që çliroi Buchenwald në Prill 1945.
Rabini Herschel Schacter drejton një shërbim lutjeje për të burgosurit hebrenj të çliruar në kampin e përqendrimit Buchenwald, prill 1945. (Foto: Stephen Jacobs)
“Është për mua një nder i veçantë që të jem në gjendje të lidhem me dikë që u takua me babanë tim në ferr, në Bukenwald, shumë vite më parë,” tha profesori i Universitetit Yeshiva për Jacobs. “Ndjej që kjo mbrëmje është një përkujtimore dhe ribashkim i Buchenwald.”
Përveç Metës dhe Schacter, personalitete të tjera pjesëmarrëse në prezantimin e Am Yisrael Chai përfshinin Rusty Paul, kryebashkiak i periferisë së Atlantës të Sandy Springs, ku zakonisht zhvillohet ngjarja vjetore; Theodore Britton Jr, konsulli i nderit i Shqipërisë në Atlanta; dhe Anat Sultan-Dadon, konsulli i përgjithshëm i Izraelit për Juglindjen.
“Pas pushtimit gjerman në 1943, shqiptarët jo vetëm që mbrojtën të gjithë qytetarët e tyre hebrenj, por gjithashtu siguruan një vend të shenjtë për të gjithë refugjatët hebrenj që arritën në Shqipëri të cilët tani e gjetën veten në rrezik dëbimi në kampet e përqendrimit,” tha Sulltan-Dadon . “Shqipëria – i vetmi vend evropian me shumicë myslimane – demonstroi qartësi morale atje ku kombet e tjera evropiane dështuan.”
Kryetari i Bashkisë Paul shtoi: “Siç thotë Bibla,” atje u rrit një faraon që nuk e njihte Jozefin. ‘Epo, nëse nuk vazhdojmë të flasim për këtë tragjedi, fatkeqësisht do të jetë e humbur për historinë. ”
Diplomati Agim Nesho, duke folur në Skype për “News 24” për zgjedhjet e parakohshme parlamentare në Kosovë, deklaroi se sondazhet nxjerrin fituese Lëvizjen Vetëvendosje.
Nesho thekson se këto zgjedhje janë pikë kthese për historinë e shtetit të Kosovë.
“Jemi përpara zgjedhjeve, që mund të shërbejnë si pikë kthese për situatën në Kosovë. kanë ndodhur disa ngjarje, si marrja e ish-liderëve të UÇK-së. Elektorati duket se beson tek Lëvizja Vetëvendosje. Sondazhet nxjerrin fituese të madhe Vetëvendosjen. Nëse do ketë koalicion, pritet të shikohet. Mendoj se edhe forcat politike të tjera mendojnë se VV është alternativa që mund të zgjidhet nga qytetarët. Tjetër ka të bëjë edhe me kthimin e reciprocitetin e marrëdhënieve me Serbinë. Lëvizja Vetëvendosje do të vendosë shtetin e së drejtës. Duhet krijuar qeveri stabël në Kosovë”, tha Nesho.
Agim Nesho nënvizon se Vetëvendosje ka shpallur si prioritet kryesor ekonominë dhe politikën e drejtë e parimore kundrejt Serbisë.
“Elektorati duket se dëshiron Vetëvendosjen, pasi u votua masivisht nëntorin e kaluar. Populli i Kosovës duhet që të votojë edhe për sovranitetin e Kosovës. Nacionalizmi serb i përkrahur nga rusët, që donin të rirregullonin marrëdhëniet mes Beogradit e Prishtinës, duket se nuk zë vënd më me Vetëvendosjen në krye. Kurti ka thënë se do ta ketë fokusin tek ekonomia, me mundësinë e punësimit dhe vendosjen e drejtësisë. Kurti ka deklaruar se do që të zhdukë korrupsionin dhe interesat klanore e të krimit të organizuar. Vv ka kërkuar gjithmonë që Kosova të trajtohet përballë Serbisë si shtet sovran dhe i barabartë me shtetin serb”, u shpreh Nesho.
Më tej, Nesho nënvizoi se politika e Ramës ndaj Kosovës ka dështuar. Ai shtoi se pas fitores së Vetëvendosjes në Prishtinë, kjo valë ndryshimi do të përcillet edhe në Tiranë.
“Vjosa Osmani tha se është kundër politikave që çojnë në ndarjen e kufijve në Ballkan. Fryma në Kosovë do të vijë edhe në politikën ballkanike. Mendoj se politika e Ramës ndaj Kosovës ka dështuar.
Politika shqiptare duhet të jetë faktor ndërkombëtar në këtë shekull, por qeveria Rama e ka parë të lidhur gjithçka të lidhur me Serbinë. Nuk mund të zgjidhet çështja e bashkimit kombëtar, duke kaluar nga Beogradi. Zgjedhjet në 25 prill do të vijnë si valë ndryshimi nga Prishtina në Tiranë, për të cilat është borxhi i një klase politike ndaj qytetarëve”, përmbylli Nesho.
Në Shqipëri, shefi i Repartit të Kardiokirurgjisë Edvin Prifti u arrestua sot në sallën e gjyqit nën akuzën e korrupsinit dhe pastrimit të parave. Kërkesa për arrestimin e tij u bë gjatë seancës gjyqësore nga Prokurorët, pasi mjekut të njohur i ishin gjetur në banesë dhe në zyrën e tij 250 mijë euro dhe 16 milion lekë të reja.
Profesor Prifti por dhe avokati i tij pretenduan se paratë ishin pjesë e një transaksioni për shitjen e një prone të bashkëshortes së mjekut, dhe se nuk ka asnjë provë që të vërtetojë se paratë ishin siguruar nga burime të paligjshme. Mjeku Prifti deklaroi se ai ka punuar per shumë vjet në spitale me emër në Itali, se ka marrë vlerësime e çmime më vlera të larta monetare dhe se në Shqipëri ushtronte aktivitetin dhe pranë një spitali privat. Gjykata nuk i konsideroi të vlefshme provat e paraqitura nga mbrojtja.
Përpara vendimit të Gjykatës Profesor Prifti u shpreh për mediat se ai e parashikonte dhe mundësinë e arrestimit duke qenë se gjatë një takimi publik kryeministri Edi Rama e kishte deklaruar atë të arrestuar, ndonëse deri në atë moment, ishte vetëm Prokuroria që kishte kërkuar prangosjen e mjekut.
Kardiokirurgu Prifti përfundoi nën akuzë, pasi emri i tij doli në përgjimet e Sekretares së Gjykatës së Krujës, e cila kishte operuar të ëmën, kundrejt pagesës së dhënë për mjekun, sipas Prokurorisë.
Sekretarja e Gjykatës, gjithashtu e arrestuar, ishte pjesë e një hetimi të Prokurorisë së Posaçme kundër Korrupsionit dhe Krimit të Organizuar, që çoi në pranga gjykatësen e Krujës Enkeleida Hoxha, një avokati dhe 7 personave të tjerë, mes tyre disa që shërbenin si ndërmjetës. Të gjithë dyshohet se ishin pjesë e një skeme për lirimin para kohe të të dënuarve.
Për të gjithë, Gjykata e Posaçme konfirmoi masat e arrestit me burg. Emri i gjykatëses Hoxha ishte lakuar disa herë vitet e fundit pikërisht për disa vendime që kishin çuar në lirimin nga burgu të personazheve me emër të botës së krimit.
Shkodra vijon të jetë e përmbytur. Mëngjesin e kësaj të shtune raportohet mbi 5 mijë hektarë tokë nën ujë në gjithë qarkun.
Po ashtu janë mbi 100 shtëpi në ujë dhe ka vështirësi të mëdha në qarkullim.
Nisur nga kjo situatë Bashkia e Shkodrës kërkon shpalljen e gjendjes së fatkeqësisë natyrore për Nj.A. Ana e Malit dhe Dajç.
INSTITUCIONIT TE PREFEKTIT TË QARKUT SHKODËR SHKODËR
Nga monitorimi periodik në terren ditën e sotme datë 13.02.2021,ora 08.30, situata e përmbytjeve në terren vazhdon të jetë si më poshtë:
Hidrometri në Dajç në orën 08.30, shënon kuotën 6.80 m.(Kuota max 6.30 m). Në krahasim me raportimin e ditës së djeshme, kemi rënie të nivelit të ujit me 20cm.
Hidrometri i Liqenit të Shkodrës në orën 08.30, shënon kuotën 9.25 m.(Kuota max 8.70 m).Në krahasim me raportimin e ditës së djeshme, kemi rënie të nivelit të ujit me 10cm.
Hidrometri i lumit Drin në orën 08.30, shënon kuotën 7.15 m. (Kuota max 7.50 m). Në krahasim me raportimin e ditës së djeshme, kemi rënie të nivelit të ujit me 20cm.
Bashkia Shkodër
Sipërfaqe totale e përmbytur 5370 Ha
1. Tokë e pakultivuar 1100 Ha
2. Foragjere të dyta, jonxhe 3850 Ha
3. Grurë 240 Ha
4. Bimë Dekorative 127 Ha
5. Pemtore 50 Ha
6. Serra 3 Ha
Nj.A. Ana e Malit
1. Rruga e Obotit është e bllokuar. Niveli i ujit mbi rrugë arrin rreth 150 cm.
2. Në fshatin Obot ka prezencë uji në oborre 140cm.
3. Ujësjellësi Oblika 1,si pasojë e përmbytjeve është jashtë funksionit.
4. UKSH Vazhdon të furnizojë me ujë të pishëm banorët e fshatit Oblikë
5. Sipërfaqja e tokës bujqësore e përmbytur vlerësohet në 1300 Ha, kryesisht në fshatrat Obot, Muriqan, Oblikë, Velinaj, Shtuf.
• Tokë e pakultivuar 220 Ha
• Foragjere të dyta, jonxhe 980 Ha
• Grurë 50 Ha
• Pemtore 40 Ha
• Bimë dekorative 7 Ha
• Serra 3 Ha
6. Shtëpi të përmbytura 8.
7. Në disa toka bujqësore niveli i ujit arrin në 2 – 3m.
8. Ujesjellësi Oblika 2 i bllokuar nga uji ( jashte funksioni)..
9. Rruga Goricë është e pakalueshme me mjete të ulta. Niveli i ujit mbi rrugë arrin rreth 50 cm.
10. Gjëndja e vështirë në lagjen Gallube, fshati Oblikë ( përmbytur garazhe e stalla bagëtish)
11. Garazhe e stalla bagëtish të përmbytura në fshatin Muriqan.
12. Ne fshatin Muriqan ( Lagja Xhakaj e Kyrtaliaj 2 shtepi me prezence uji).
13. Makina e Ushtrise në gatishmeri tek Lagja Goricë
14. Varkat e ushtrise F.A reparti BMR Tirane janë në gatishmeri (sipas nevojave) tek ura Sadiçit (fshati Obot).
15. Fshati Obot ne gjendje te jashtezakonshme rrezikshmerie!
Nj.A Dajç
1.Sipërfaqja e tokës bujqësore e përmbytur vlerësohet në 1900 Ha, kryesisht në zonën e quajtur “Këneta e Dajçit” (fshatrat Mushan, Shirq, Suka-Dajç, Belaj, Rrushkull, Samrish i Ri, Darragjat, Pentar-zona fushore), nga të cilat:
• Tokë e pakultivuar 380 Ha
• Foragjere të dyta, jonxhe 1300 Ha
• Grurë 100 Ha
• Bimë dekorative 120 Ha
2. Rruga që lidh fshatrat Shirq- Darrgjat është e bllokuar. Ka prezencë uji rreth 150 cm.
3. Shtëpi të përmbytura 9
4. 131 shtëpi kanë prezencë uji në oborre.
5. Në disa toka bujqësore niveli i ujit arrin në 2 m.
6. Rruga në lagjen Mazia-fshati Suka Dajç është e pakalueshme me mjete të ulta.
7. Është e pakalueshme rruga Belaj- Pentar, vetëm me mjete të larta të ushtrisë..
8. Rruga kryesore e Darragjatit e kalueshme vetëm me mjete të tonazhit të lartë
9. Në rrugën kryesore të Dajçit është vështirësuar jashtëzakonisht lëvizja me vetura si dhe në aksin nacional Dajç- Velipojë
10.Kërkohet që të lihet në dispozicion një mjet ushtrie për komunikimin e banorëve me rrugën kryesore.
11. Makina e Ushtrisë në gatishmëri tek Dispeçeri Mushan.
Nj.A.Velipojë
1.Sipërfaqja e tokës bujqësore e përmbytur vlerësohet në 350 Ha.Kryesisht fshatrat Baks i Ri, Luarz. Ças, Reç i Ri.
Tokë e pakultivuar 110 Ha
Foragjere të dyta, jonxhe 240 Ha
2. Në 8 shtëpi kanë prezencë uji në oborre.
Nj. A. Guri i Zi
Vazhdon gërryerja e tokës bujqësore nga lumi Drin në vendin e quajtur Mali i Vukatanit, fshati Ganjollë.
Nj.A.Bërdicë
1.Sipërfaqja e tokës bujqësore e përmbytur vlerësohet në 1200 Ha, konkretisht në fshtrat Trush, Berdicë e Siperme, Berdice e Madhe.
• Të pakultivuara 230 Ha
• Foragjere të dyta, jonxhe 880 Ha
• Grurë 90 Ha
2.Vazhdon gërryerja e tokës bujqësore nga lumi Drin në vendin e quajtur Harku i Bërdicës, fshati Bërdicë e Sipërme.
3. 50 Shtëpi janë të rrethuara nga uji ( kryesisht në fshatin Trush).
4.Rruga Malsorët e Mullinit me gjtësi rreth 150 m, ka prezencë uji rreth 50-60 cm.
5.Ka prezencë uji në lagjet Maksuti, Qokthi, Tula, Xhurreta, dhe rruga e Bastanishtes ( e pa kalueshme me mjete të ulëta).
Nj.A.Rrethina
1.Sipërfaqja e tokës bujqësore e përmbytur vlerësohet në 620 Ha, në fshatrat Zues (tokat në fushen e Oblikës), Shtoj i Vjeter, Shtoj i Ri dhe Dobraç
• Tokë e pakultivuar 160 Ha
• Foragjere të dyta, jonxhe 450 Ha
• Pemtore 10 Ha
2. 70 shtëpi kanë prezencë uji në oborre.
3. Lartësia e ujit në rrugën e hidrovorit është 30 cm
4.Mjeti ushtrisë vazhdon që të jetë në gatishmëri tek hidrovori Dobraç për çdo nevojë eventuale që mund të kenë banoret.
Lagje Nr.1
Vazhdon e përkeqësuar situata nga përmbytjet në zonen e Livadheve. Si pasojë e përmbytjeve, rreth 200 shtëpi kanë prezencë uji në oborre, 5 familje kanë prezencë uji në banesa ( 3 familje zona e livadheve), (2 familje zona e ish Zukthat).
Lagje Nr.4
Vazhdon e përkeqësuar situata nga përmbytjet në lagjen Ajasëm. Si pasojë e përmbytjeve nga rreshjet e shiut, 2 familje kanë prezencë uji në banesa dhe 8 familje kanë prezencë uji në oborre.
-Bashkia Shkodër në kushtet e ndodhura, në referencë të Ligjit Nr.45/2019 “Për Mbrojtjen Civile ”, kërkon shpalljen e gjendjes së fatkeqësisë natyrore, për Nj.A. Ana e Malit dhe Dajç.
-Kërkohet që nga Drejtoria e Ujitjes dhe Kullimit Lezhë të ndërhyet për marrjen e masave për pastrimin e “përroit të kufirit” Muriqan në Nj.A Ana e Malit.
-SITUATË EMERGJENTE.KËRKOHET MBËSHTETJE ME BAZË USHQIMORE, SASIA 640 TON PËR GJËNË E GJALLË (KONCENTRAT) PËR NJ.A. ANA E MALIT, DAJÇ DHE RRETHINA. bw
Është ndarë nga jeta aktori i njohur shqiptar, Andon Qesari, në moshën 78-vjeçare.
Lajmin e hidhur e ka dhënë djali i tij, përmes një mesazhi prekës, ku thonë se aktori Qesari ka mbyllur sytë përgjithmonë, pas një sëmundjeje të gjatë, që e rëndoi dhe sfiliti shumë vitin e fundit.
Mesazhi:
Të dashur miq e të njohur,
Sot në mëngjes, pas një sëmundje të gjatë, e cila e kishte rënduar dhe sfilitur shumë në vitin e fundit, i dashuri babai im ANDON QESARI u nda nga jeta në moshën 78-vjeçare.
Dashuria e Tij e pamat për ne, familjarët dhe njerëzit e tij të afërt, përpjekjet për të na dhënë një jetë me dinjitet dhe begati, pasioni i vyer artistik që e shoqëroi gjatë gjithë jetës dhe shënoi një karrierë të paharrueshme në teatrin shqiptar dhe studimin e artit, humori i hollë që e spikaste, janë trashëgimi më i çmuar që na la. Të dua Ba’ dhe mirupafshim në një jetë më të mirë…
Janë kryer ditën e sotme të tjera arrestime në spitalin Covid-2 “Shefqet Ndroqi”, që lidhen me rastin abuziv të sanitares Tire Alldervishi.
“BalkanWeb” mëson se janë arrestuar katër infermiere të spitalit.
Gazetarja Klodiana Lala zbulon për emrat e tre infermiereve dhe sanitares së arrestuar pak minuta më parë brenda ambienteve të spitalit.
Në pranga kanë rënë infermieret Mira Bushi, Sheqerie Koçi dhe Sidorela Çela, si dhe sanitarja Rukije Hoxha. Emrat e infermiereve dhe të sanitares tjetër janë zbuluar përmes telefonit të Tire Alldervishit, e cila komunikonte rregullisht me koleget e saj. Nga hetimet paraprake, mësohet se ato i kanë ndarë paratë bashkë.
Arrestimet e kryera janë urdhëruar nga Prokuroria e Tiranës dhe firmosur nga prokurori i çështjes. Policia i ka arrestuar punonjëset e spitalit në orarin e punës, teksa kanë qenë të veshura me bluzat e bardha, ndërsa i ka shoqëruar drejt komisariatit për t’i marrë në pyetje.
Ne prag te zgjedhjeve parlamentare te vitit 2017, z. Rama deklaronte se … menjehere pas perfundimit te zgjedhjeve mazhoranca do te organizonte dhe do të zhvillonte nje reforme te thelle legjislative, pjese e te ciles do te ishin edhe ndryshimet ne Kushtetuten e vendit dhe ne legjislacionin zgjedhor.
Ky angazhim elektoral, i cili nenkuptonte se ishte nje nder dakortesite e arritura me opoziten, si pjese e marreveshjes se 17 maj 2017, u mireprit nga e gjithe shoqeria.
Ishte koha kur vendi dhe, ne vecanti demokracia, kishin nevoje per nje reforme te tille, ne te gjithe ngrehinën legjislative.
Dakoresia mazhorance-opozite, e arritur pas zgjedhjeve, per fillimin e punes per reformen zgjedhore, u vleresua si tregues se, ndryshimet e premtuara ne sjelljen partive politike ndaj detyrave qe kane per mirerregullimet e legjislacionit zgjedhor po beheshin realitet.
Koha nuk e provoi dhe nuk dha argumenta ne favor te ketij ndryshimi.
Nderkohe, perdite dhe perhere e me shume, vendi dhe shoqeria ekspozoheshin ndaj mungesave shumepermasore, ndaj situatave te veshtira ekonomike e sociale, problemeve ne funksionimin e shtetit ligjor dhe shtetit te te drejtes , funksionimit te demokracise perfaqesuese dhe te drejteperdrjete.
Perballja me te tille situata nxiste reagimin e shoqerise, i cili, veç te tjera, theksonte nevojen per kryerjen e nje reforme te thelle legjislative, e cila duhet te rregullonte çështjet qe lidhen me funksionimin e demokracise perfaqesuese dhe demokracies se drejteperdrejete, ne vendin tone.
Ndryshimet kushtetuese te bera ne vitin 2008, te cilat percaktuan sistemin propocional rajonal per zgjedhjet per Kuvendin e Shqiperise , menyrat se si kerkesat e ketij sistemi u pasqyruan ne Kodin zgjedhor dhe rezultatet qe u moren nga zbatimi i ketij legjislacioni zgjedhor, treguan se efekti i ketyre ndryshimeve ne funksionimin e demokraciese perfaqesuese, ishte negativ.
Ky legjislacion e zvogeloi skajshem te drejten e zgjedhesve per te zgjedhur direkt, me voten e tyre, kandidatet te cileve donin t`ju delegonin te drejten per t`i perfaqesuar ne Kuvend.
Votimi me lista kandidatesh te mbylluara, i shnderoi kryetaret e partive ne vendimmarresit kryesor, ne jo pak raste te vetmit, per caktimin e personave qe do te merrnin mandatin e deputetit.
Pasoje e kesaj ishte tronditja e themeleve te demokracise perfaqesues dhe krijimi i kushteve qe nxiten dhe ushqejnë per dite sjelljet autokrative te lideshipit ne partite politike.
Ndaj kesaj situate reagimi i partive politike ka qene dhe eshte i paperfillshëm.
Tregues domethese per kete eshte sjellja e tyre dhe vendimet qe u moren ne kuader te reformes zgjedhore, marreveshjes se 5 qershorit, ndryshimeve kushtetuese qe bene dhe menyres se si ato u pasqyruan ne Kodin zgjedhor.
Partite politike dhe Keshilli politik u sollen ne menyre refraktare te plote ndaj kerkeses se perseritur dhe kembengulese te shoqerise, per ndryshimin e sistemit zgjedhor.
Angazhimi i tyre shkoi vetem deri tek deklarata se ishin te gatshme qe kete çështje ta trajtonin ne nje faze te dyte.
Ndryshe e thene, sistemi zgjedhor, per pasoje edhe mire funksionimi i demokracise perfaqesuese, nuk ishte shqetesim i tyre.
Tregues domethenes i ketij qendrimi eshte edhe menyra se si u trajtua dhe u zgjidh problem i votimit me lista te hapura.
I deklaruar si nje angazhim ne pergjigje te kerkeses se qytetarve per te patur me shume mundesi ne ushtrimin e te drejtes se votes dhe per zgjedhjen e perfaqesuesve te tyre, ne fakt ndryshimet e bera ne legjislacion, Kushtetute dhe Kodin zgjedhor, nuk i krijuan hapsirat e nevojshme per ushtrimi efektiv te kesaj te drejte.
Kodi parashikon qe listat e kandidatëve eshte 100% e hapur. Zgjedhesi mund ta jap voten e tij parapelqyese per seicilin nga kandidatet e listes.
Nderkohe, rregulli qe percakton në se votat paraperlqyese arrijne apo jo te shnderrohen ne mandat deputeti , e bene shume te veshtire efektin qe pritej te arrihet nga votimi me liste te hapur.
Ne veçanti kjo eshte plotesisht e pamundur per te gjithe ato parti te cilat arrijne te fitojne vetem nje kandidat ne njesine zgjedhore perkatese.
Deputet i nje partie te tille eshte kandidati qe kryetari i parties e ka vendosur te parin ne listë.
Mundesite per te patur neser ne Kuvend deputet qe do te marrin mandatin jo nga renditja ne liste por nga numri i votave paraperlqyese, rritet sa me e madhe te jete fuqia elektorale e parties ne njesine zgjedhore perkatese.
Megjithe kete, duhet te theksohet se edhe per te tille raste, Kodi zgjedhor eshte shume pengues.
Qe te mund te behet realitet nje mundesi e tille duhet qe qytetaret, zgjedhesit, te votojnë ne shumice, te japin voten e tyre parapelqyese ne shumice, per kandidatin qe vlerësojne, pa u ndikuar fare nga renditja dhe /ose nga pesha qe mund te kete, ne partine politike perkatese, kandidatet e ndryshme.
Shperndarja e votes parapelqyese midis shume kandidateve e bene te pavlefshme kete vote ne lidhje me efektit qe parashikohet se duhet te kete.
Ne fakt kete synon te arrije edhe menyra se si eshte trajtuar ne Kodin zgjedhor mundesia qe vota parapelqyese te “prodhojë” mandat deputetit.
Reforma zgjedhore qe parapriu zgjedhjet e 25 prillit 2021, realizoi ndryshime ne legjislacionin zgjedhor te cilat krijojne kushte me te mira per zhvillimin e nje procesi zgjedhor ne standarde.
Natyrisht per kete eshte e domosdoshme te kete vullnete te shprehuara nga partite politike, institucionet dhe edhe nga vete zgjedhesit, per zbatimin e tyre.
Nderkohe, duhet te thuhet se ndryshimet e bera nuk kane efekt per parandalimin e veprimit te faktoreve, te cilet ishin pergjegjes per cilesite e trupes legjislative qe po e mbaron mandatin.
Ndryshimet nuk arrijne te gjenerojne efekte pozitive ose modifikuese ne sjelljen e lideshipit te partive.
Hapësirat shume te vogla te krijuara per zgjedhesit, per te zgjedhur perfaqesuesit e tyre nepermjet votes paraperlqyese, jane te pamjaftueshme per te sjell ndryshime te tilla.
Ndahet nga jeta Mjeshtri i zërit i Radio Tiranës, Kristaq Katundi. Lajmi u bë i ditur nga të afërmit e tij dhe kolegë, të cilët kanë shprehur dhimbjen e tyre për mjeshtrin e montazhit të zërit.
“Me punën e palodhur, me aftësitë profesionale, realizoi teknikisht emisione të tilla si: Teatri në mikrofon, Heroizmi i popullit tonë në shekuj, Fjala artistike në mikrofon, Emisionet humoristike, Radiodramatizimet për fëmijë, Teatrin e Fëmijëve në mikrofon, Radiopërrallat, Teatrin e Kukullave në mikrofon, e sa e sa realizime finalizuar falë mjeshtërisë së tij. Një mori regjistrimesh muzikore, Koncerte simfonike, Festivale kombëtare të këngës për fëmijë e të rritur, solistë e grupe të ndryshme popullore e të lehta, ansamble folklorike e muzikë filmash, janë regjistruar e transmetuar cilësisht falë profesionalizmit të operatorit Kristaq Katundi, emrin e të cilit ruan pothuaj çdo regjistrim prej vitit 1972-2014.
Do kujtohesh përjetë Kristaq Katundi, i përjetësuar në krijimin radiofonik.
Pushofsh në paqe MJESHTËR!”, shkruan Radio Tirana në një postim në rrjetet sociale.
GJKKO ka dhënë dënimet për anëtarët e grupit të Avdylajve të Shijakut. Gazetarja Klodiana Lala raporton për BalkanWeb se dënimet janë dhënë për laboratorin e heroinës që u zbulua në Brenogë të Hasit.
Për 17 pjesëtarë GJKKO ka dhënë në total 124.8 vite burg teksa kujtojmë se laboratori i drogës në Has ka që në tetor të 2018 që është zbuluar. Mes tyre i dënuar është edhe Altin Avdyli me 6.8 vite burg, si dhe Hekuran Hoxha, një person kyç në trafikun e heroinës i njohur ndryshe si ‘Roni i Shijakut’ që ka marrë dënim më të rëndë, me 10.8 vite.
Rreth 182.5 kg heroinë u sekuestruan në laboratorin e Brenogës në Has, teksa edhe një tjetër personazh kyç si Admir Hoxha që ka marrë dënimin prej 12 vitesh burg.
Laboratori i heroinës në Has është pjesë e dosjes 339 që e mori në dorë SPAK, për të hetuar pikërisht grupin kriminal të Shijakut të kryesuar nga Avdylajt, si dhe lidhjet e tyre.
DËNIMET NGA GJKKO
1. Gjevi Ndoka 8 vjet 8 muaj (Burg)
2. Altin Avdyli 6 vjet 8 muaj
3. Esat Mehmeti 10
4. Petrit Suljemani 8 vjet 8 muaj
5. Sajmir Sulejmani 8
6. Hajri Seferi 10 vjet 8 muaj
7. Orges Jahoelezi 6 vjet 8 muaj
8. Shkëlqim Avdyli 4 vjet 8 muaj
9. Mario Zeqiri 4 vjet 8 muaj
10. Elton Shehaj 4 vjet 8 muaj
11. Ardit Gjyriqi 4 vjet 8 muaj
12. Admir Hoxha 12 vjet
13. Hekuran Hoxha 10 vjet 8 muaj
14. Vehbi Berushi 8
15. Anila Shuti 2 vjet – 25 muaj sherbim prove
16. Xhavit Shyti 8 vite
17. Flamur Çela 8 vite
Personi për të cilin Autoriteti i Dosjeve deklaroi se prokurori Bujar Sheshi ka qenë ish-sigurims, është një person tjetër me të njëjtin emër. Me këtë argument, avokati i anëtarit të KLP ka dorëzuar në Gjykatën Administrative një padi ndaj Autoritetit të Dosjeve. Identiteti i personit që pretendon ky autoritet është një shtetas me emrin Bujar Shesha.
Gjykata Administrative vendosi të pranojë padinë e anëtarit të KLP Bujar Sheshit ndaj Autoritetit për Informimin mbi Dokumentet e Ish-Sigurimit të Shtetit, i cili e pati akuzuar se prokurori ka qenë ish-sigurims.
Avokati i anëtarit të Këshillit të Lartë të Prokurorisë, Julian Mërtiri, në padinë e depozituar ka deklaruar se personi për të cilin flet Autoriteti i Dosjeve, nuk është Bujar Sheshi. Sipas tij, shtetasi për të cilin thuhet se ka qenë bashkëpunëtori i ish-sigurimit është personi me identitetin Bujar Rasim Shesha.
Një element tjetër ku është mbështetur padia e avokatit të Bujar Sheshit është fakti se ai ka qenë prokuror dhe jo hetues. Sipas avokatit Mërtiri, në kohën e diktaturës, hetuesia ka qene organ i veçante nga Sigurimi i Shtetit dhe s’ka pasur lidhje me prokurorinë.
Në kohën e publikimit të dokumentit nga Autoriteti i Dosjeve, Anëtari i Këshillit të Lartë të Prokurorisë e ka mohuar që ka qenë pjesë e ish-sigurimit të shtetit.
Ndërsa në reagimin e Prokurorisë së Përgjithshme thuhej se Sheshi e kishte plotësuar nën përgjegjësinë e tij personale formularin e deklarimit. Në ligjin për organet e qeverisjes në sistemin e drejtësisë, thuhet se për të qenë anëtar i KLP, kandidati nuk duhet të ketë qenë pjesë e sigurimit të shtetit.
Pas vendimit ka reaguar kryetarja e Autoritetit të Hapjes së Dosjeve, Gentiana Sula e cila ka paralajmëruar se do ta apelonte vendimin e gjykatës Administrative për Bujar Sheshi, duke i qëndruar në këtë mënyrë pretendimit fillestar se Bujar Sheshi ka qenë bashkëpunëtor i ish-sigurimit të Shtetit./abcnews.al
Prokurorët Specialë në Hagë paraditen e se mërkurës nisën intervistimin e ushtarakut shqiptar Adem Shehu i cili drejtoi formacionet ushtarake në UÇK.
Top Channel ka mësuar se komandant Shehu mbërriti në Hagë paraditen e së martës dhe dje në ora 11:00 nisi seanca e parë e intervistimit e cila pritet të vijojë edhe gjatë ditës së enjte.
Shehu mësohet se është duke u intervistuar si dëshmitar, por nuk bëhen publike detajet specifikuese çfarë dëshmie duan të përftojnë prokurorët dhe ndaj kujt duan ta përdorin.
Adem Shehu është shtetasi i parë shqiptar që intervistohet për llogari të hetimeve për krimet e supozuara të UÇK gjatë luftës.
Javën e shkuar se prokurorët special në Hagë, i kishin dërguar një fletëthirrje për tu intervistuar si person që ka dijeni, ish-Komandantit te Brigadës 153, të Zonës Operative të Llapit.
Gjatë luftës në Kosovë rreth 200 oficerë të ushtrisë shqiptare iu bashkuan luftës së Ushtrisë Çlirimtare të Kosovës. Adem Shehu është me origjinë nga Farka e Tiranës dhe shërbente si oficer i reparteve kundërajrore. Ai stërviti ata që vinin nga Kosova dhe nga vendet perëndimore. Grupet përbëheshin nga 25-30 veta. Banesa e tij, u shndërrua në një qendër stërvitore dhe më pas u largua drejt Kosovës dhe brenda një kohe të shkurtër u vendos në krye të brigadës 153 në zonën e Llapit.
Antimafia e Katanzaros në Itali goditi pak ditë më parë një grup mafioz në Itali duke ekzekutuar urdhra arresti për 48 persona, mes tyre dhe shqiptarë. Përgjimet telefonike të personave në hetim nxorën ndër të tjera dhe Shqipërinë dhe se si mund të bëhet biznes në vendin tonë përmes korrupsionit në nivelet e larta.
Hetimi tregoi lëvizje ilegale të parave me vlerë mbi treqind milionë euro, teksa Shqipëria përshkruhej si “Kalabria në vitet ’60 ku mund të bëhet gjithçka”
Në përgjimet e Anti-mafias italiane ndaj pjesëtarëve të klanit mafioz të Ndragheta-s, me investime në sëktorë të ndryshëm në Shqipëri, ata dalin në një konkluzion se “nuk bën dot gjë nëse nuk ke kontaktet e duhura dhe nëse nuk jep rryshfet”.
Në mënyrë të qartë, sipërmarrësi Antonio Gallo (i njohur dhe si princi) kërkoi që të prezantohej në ministri dhe organet e tjera sepse sipas tij, ‘pa kontakte nuk shkoni askund… duhen kontakte, hapni atje pa kontakte nuk bëni dot asgjë’..
Në një darkë në Romë në vitin 2017, eurodeputeti Lorenzo Cesa shprehet se në Shqipëri, korrupsioni është masiv. Anëtarët e Ndraghetas duket se u japin rryëfshet edhe zyrtarëve me nivel më të ulët të shtetit shqiptar, duke i korruptuar edhe me djath apo sallam e mish derri.
Në një bisedë të përgjuar më 9 gusht 2017 mes Tommaso Brutoo, djalit të tij Saverio dhe Ercole D’Alessandro, gjatë të cilës ata flasin ndër të tjera se si kanë korruptuar me djath, sallam e mish derri kreun e Policisë së Tiranës me qëllim që t’i lejonte që të punonin.
Pergjim 1
Gjatë bisedës D’Alessdandro shprehet se “ai kishte folur me Shefin e Policisë së Tiranës dhe një tjetër zyrtar të lartë në në ministri dhe një zëvendësministër, të cilëve u kishte dërguar ushqime falë sipërmarrësit të qumështit Dedoni, i cili kishte dërguar të gjithë atë furnizim gastronomik me korrier”.
Në një tjetër bisedë, D’Alessandro shprehet se personazheve të mësipërm u kanë dërguar ushqime me pako, djath mocarella dhe “mish derri të zi”
Takimet e shtator/tetorit 2017 Më 09.08.2017, në Santa Maria di Catanzaro pranë kompleksit Cassiodorus, Tommaso Brutto me djalin e tij Saverio takuan Ercole D’alessandro. Qëllimi i takimit ishte të kuptonte sesi po lëvizte marshalli në lidhje me kontratat që duheshin marrë në Shqipëri përmes të njohurve të tij. D’alessandro tha se ai kishte folur me Shefin e Policisë së Tiranës dhe me nënsekretarin dhe një zëvendësministër të cilit i kishte sjellë ushqim falë sipërmarrësit të qumështit Dedoni, i cili kishte dërguar të gjithë atë material gastronomik me korrier. Pastaj të tre ranë dakord për faktin se nuk ishte rasti të përfshiheshin sipërmarrësit Lobello (të konsultuar nga Luciano D’alessandro) në Shqipëri për problemet që mund të lindnin pasi ata konsideroheshin si sipërmarrës referues të klanit Grande Aracri dhe objekt i ligjit anti-mafia, duke komentuar se edhe Gallo (si Lobello) “pa u dorëzuar … mos të hapë rrugë”, që do të thotë se edhe Gallo ishte një person që gravitonte në orbitën e bandave. Biseda pastaj vazhdoi duke folur për politikanin Pino Galati dhe Fondacionin “Kalabrezët në botë” (organ i brendshëm i rajonit të Kalabrisë), i cili kishte pasur mes të punësuarve Saverio Brutto dhe vajzën e Marshallit Elvira, i cili u gjet se kishte marrë të ardhura nga Fondacioni në periudhën e përfshirë në vitin 2016. Data: 08.09.2017 18:41:13 Saverio Brutto thotë se nuk i bëhet vonë për bashkinë dhe dëshiron të bëjë më shumë jashtë vendit. D’Alessandro thotë se ai po organizon një event me panetone për Krishtlindje në Shqipëri për të promovuar produktet kalabreze. Saverio Brutto thotë se, me Luciano D’Alessandro, ai gjeti vendin e duhur dhe ndodhet përpara dyqanit të Gallo. D’alessandro thotë se ai foli me Shefin e Policisë së Tiranës dhe me nënsekretarin dhe një zv/ministër të cilit i solli dy sopresata (lloj sallami), mish derri i zi dhe djathin dhe me ndihmën e Dedonit që dërgoi gjithçka me korrier. D’alessandro thotë se këta njerëz “të bëjnë të bësh para” dhe ata i premtuan atij se nëse sjellin ndërmarrje ndërtimi ata do t’i bënin ata të punojnë.
D’Alessandro pohon se këto gjëra iu janë dërguar zyrtarëve në Shqipëri me qëllim që të përfitojnë lehtësira në punën e tyre.
“News24” zbardh përgjime të reja të antimafias në Itali, ku përmenden emra të lidhur me qeverinë, të përfshirë në pazare për tendera. Në dosjen e plotë prej rreth 1500 faqesh, janë përfshirë edhe përgjime telefonike, përmenden emra të lidhur me qeverinë që janë pika referimi për eksponentë të mafias italiane. Në mesin e këtyre përgjimeve del një shqiptar me emrin ‘Nik’, i cili nga përgjimet rezulton të ketë lidhje me sipërmarrësin Gallo në Shqipëri.
Ai duket se është njohës i mirë i sektorit të ndërtimit dhe të mënyrës si funksionojnë tenderat në Shqipëri. Përgjimet i përkasin datës 19 shkurt 2018. Në këtë kohë sipërmarrësit Antonio Gallo, Saverio Brutto ndodhen në Shqipëri dhe bashkëbisedojnë me shqiptarin me emrin ‘Nik’, me të cilin flasin për mundësinë e ndërtimit të grataçelave në Shqipëri dhe mënyrën se si fitohen tenderat e koncesionet në vendin tonë.
Mafja Pergjimet
Në dosje del në skenë edhe Europarlamentari Lorenzo Cesa, i cili në bazë të përgjimeve duket si njeriu që koordinon ndërhyrjet e nevojshme në Tiranë me qëllim garantimin e tenderave dhe lejeve të ndërtimit. Protagonist i bisedave të zhvilluara është edhe sipërmarrësi Antonio Gallo i cili flet për dhënien e rryshfetit në masën 20 për qind për lejet e ndërtimit në Tiranë.
Ajo që bie ne sy në dosjen voluminoze shtë edhe mënyra se si dërgohen në Shqipëri paratë e pista, kryesisht duke përdorur anijet.
Bashkia e Shkodrës ka dhënë informacion zyrtar lidhur me situatën e përmbytjeve nga reshjet e dendura të shiut së fundmi.
1 mijë e 330 hektarë sipërfaqe tokë janë tashmë nën ujë, kryesisht tokë bujqësore në Oblikë, Muriqan dhe Obot.
Tek ky i fundit, rruga është e kalueshme vetëm me mjete të larta ndërkohë ujësjellësi Oblika 1 është tashmë jashtë funksionit.
INFORMACIONI ZYRTAR NGA BASHKIA SHKODËR
Situata e përmbytjeve në territorin e Bashkise Shkodër, data 25.01.2021, ora 08.30
Nga monitorimi periodik në terren ditën e sotme datë 25.01.2021, ora 08.30, situata e përmbytjeve në terren vazhdon të jetë si më poshtë:
Hidrometri në Dajç në orën 08.30, shënon kuotën 6.35m. (Kuota max 6.30 m).Në krahasim me raportimin e ditës së djeshme kemi rritje të nivelit të ujit me 60 cm.
Hidrometri i Liqenit të Shkodrës në orën 08.30, shënon kuotën 8.58 m. (Kuota max 8.70 m). Në krahasim me raportimin e ditës së djeshme kemi rritje të nivelit të ujit me 40 cm.
Hidrometri i lumit Drin në orën 08.30,shënon kuotën 7.15m. (Kuota max 7.50 m).Në krahasim me raportimin e ditës së djeshme kemi rritje të nivelit të ujit me 75 cm.
Lumit Kir ka prurje të shumta.
Bashkia Shkodër
Siperfaqe totale e përmbytur 1330 Ha
Tokë e pakultivuar 398 Ha
Foragjere të dyta, jonxhe 890 Ha
Grurë 25 Ha
4.Dekorative 10 Ha
5.Pemtore 7 Ha
Nj.A. Ana e Malit
Rruga e Obotit është e kalueshme vetëm me mjete të larta. Niveli i ujit mbi rrugë arrin rreth 85 cm.
Ujësjellësi Oblika 1,si pasojë e përmbytjeve është jasht funksionit.
UKSH Vazhdon të furnizojë me ujë të pishëm banorët e fshatit Oblikë
Sipërfaqja e tokës bujqësore e përmbytur vlerësohet në 850Ha, kryesisht në fshatrat Obot, Muriqan,Oblikë
Tokë e pakultivuar 220 Ha
Foragjere të dyta, jonxhe 610 Ha
Grurë 15 Ha
Pemtore 5Ha
Nj.A Dajç
1.Sipërfaqja e tokës bujqësore e përmbytur vlerësohet në 450 Ha, kryesisht në zonën e quajtur “Këneta e Dajçit” (fshatratMushan,Shirq,Suka-Dajç, Darragjat), nga të cilat :
Tokë e pakultivuar 170 Ha
Foragjere të dyta, jonxhe 260 Ha
Grurë 10 Ha
Decorative 10
Nj.A.Velipojë
Sipërfaqja e tokës bujqësore e përmbytur vlerësohet në 20 Ha.Kryesisht fshatrat Baks i RI, Luarz.
Tokë e pakultivuar 5 Ha
Foragjere të dyta, jonxhe 15 Ha
Nj. A. Guri i Zi
Vazhdon gerryerja e tokës bujqësore nga lumi Drin në vendin e quajtur Mali i Vukatanit, fshati Ganjollë.
Nj.A.Bërdicë
Vazhdon gërryerja e tokës bujqësore nga lumi Drin në vendin e quajtur Harku i Bërdicës, fshati Bërdicë e Sipërme.
Nj.A.Rrethina
Sipërfaqja e tokës bujqësore e përmbytur vlerësohet në 10 Ha, në fshati Zues (tokat në fushen e Oblikës)
Tokë e pakultivuar 3 Ha
Foragjere të dyta, jonxhe 5 Ha
Pemtore 2 Ha
-Kërkohet që nga Drejtoria e Ujitjes dhe Kullimit Lezhë të ndërhyet për marrjen e masave për pastrimin e “përroit të kufirit” Muriqan në Nj.A Ana e Malit.
-Kërkohet mbeshtetje me baze ushqimore për gjënë e gjallë ( koncentrat) përNJ. A. Ana e Malit dhe Dajç, sipas kërkesës të bërë nga Bashkia Shkodër me nr.689 prot, datë.14.01.2021
Prokuroria e Peruxhas ka nisur hetimet për zhdukjen e biznesmenit Davide Pecorelli. Makina që ish-arbitri kishte marrë me qira u gjet e djegur në Reps, në zonën e Gjegjanit të Pukës, ndërsa brenda saj kishte dhe eshtra.
Pecorelli mbërriti në Shqipëri më 3 janar. Fillimisht shkoi në Vlorë, më pas në Shkodër e në Pukë, ku qëndroi për dy net. Gjurmët e tij u zhdukën në mesnatën e 6 janarit dhe nuk dihet ende nëse eshtrat e djegura të gjetura në makinën e djegur, i përkasin atij. Ndërkohë, mediet italiane zbuluan dje dhe mesazhin e fundit të biznesmenit Pecorreli të zhvilluar me një mik sipërmarrës nga Altotiberino.
“Davide kaloi pothuajse të gjithë muajin dhjetor në Shqipëri. Në datën 15, ai më shkroi në WhatsApp: “Unë hapa një show-room në një qendër tregtare… Deri në datën 6 është luftë. Unë kam rezervuar biletën e kthimit për 10 janar”, mësohet të ishte biseda mes tyre.
Më 6 janar ishte dita e fundit kur partnerja e tij shqiptare, me të cilin ka një fëmijë dhe ish-gruaja me të cilën ka tre fëmijë, nuk ishte në gjendje ta kontaktojnë atë. Megjithatë, thirrjet në celularin e tij shkonin, por nuk përgjigjej askush. Mediat italiane theksojnë se Pecorelli kërkoi që të zhvillonte biznes në Shqipëri dhe nuk dihet nëse zhdukja e tij, ka të bëjë me këtë. bw
Ministria e Jashtme shqiptare njoftoi sot se ka shpallur peron të padëshiruar dhe ka kërkuar largimin brenda 72 orësh, të Sekretarit të Dytë të ambasadës ruse në Tiranë Alexey Krivosheev, për shkak të mosrespektimit të rregullave Anti COVID të vendosura nga qeveria shqiptare
Sipas njoftimit, që prej fillimit të pandemisë, diplomati rus kishte sfiduar në mënyrë të përsëritur kufizimet e vendosura nga autoritetet shqiptare, edhe pas ankesave zyrtare që i ishin drejtuar ambasadës ruse.
Burime diplomatike, i shpjeguan “Zërit të Amerikës” se diplomati Krivosheev, kishte thyer së fundmi karantinën, duke qenë se ishte prekur nga Koronavirusi.
Ministria e Jashtme ka bërë të ditur se “përfaqësuesë të lartë të Ministrisë për Evropën dhe Punët e Jashtme, kanë kontaktuar me ambasadorin e Ambasadës së Federatës Ruse në Tiranë, Mihail Afanasiev, duke i bërë me dije shqetësimin për shkeljet e vazhdueshme të masave anti COVID-19 nga diplomati. Ministria ka mirëpritur dhe e vlerëson thellë rolin plotësisht bashkëpunues të ambasadorit për këtë çështje, me premtimin se këto akte nuk do të përsëriten. Fatkeqësisht, ndryshe nga premtimet, diplomati ka vijuar me shkeljen e masave, pavarësisht shprehjes së dëshirës së mire të të dyja palëve për mospërsëritjen e shkeljeve”, saktëson njoftimi.
Sipas Ministrisë së Jashtme “sfidimi i përsëritur i rregullave dhe masave mbrojtëse ndaj pandemisë, dhe shpërfillja e shqetësimeve të institucioneve të shtetit shqiptar lidhur me to, nuk mund të justifikohen e nuk mund të tolerohen më tej”.
Gazetarja Klodiana Lala zbardh për “BalkanWeb” dhe “News24” kërkesën e Policisë së Tiranës drejtuar Prokurorisë për rihapjen e dosjes së “21 Janarit”.
Në kërkesën e policisë, të cilën “BalkanWeb” e disponon të plotë, mes të tjerash thuhet që predha e nxjerrë nga trupi i viktimës Aleks Nika të dërgohet për ekzaminime kriminalistike në laboratorin e ndonjë vendi të Bashkimit Evropian ose jashtë saj.
Disa nga kërkesat e Policisë së Tiranës drejtuar Prokurorisë:
Të bëhet rieksperimentimi hetimor për caktimin e drejtimit të qitjes për vrasjen e shtetasve Aleks Nika dhe Hekuran Deda, si dhe plagosjen e shtetasve Fatos Mahmutaj, Sokrat Gode, Erald Bisha, Artes Dybeli, Ilia Qesko dhe Ilia Papa.
Të bëhet riekspertimi i predhës së gjetur dhe sekuestruar në trupin e viktimës Aleks Nika, kjo duke i kërkuar Institutit të Policisë Shkencore nëse shkenca dhe teknika kriminalistike ekzaminuese ka përparuar.
Të bëhet ripyetja e personave që kanë dijeni kryesisht ish-efektivë dhe efektivë të gradës të planëzuar me shërbim në datë 21.01.2011.
Ripyetja e personave pjesëmarrës në tubim, të afërm të viktimave, si dhe persona dëshmitarë që kanë qenë pranë viktimave, nëse kanë mësuar ndonjë të dhënë të re me interes për hetimin.
Të bëhet rikëqyrja e pamjeve filmike të tubimit të datës 21.01.2011, duke u fokusuar konkretisht në vrasjen e shtetasve Ziver Veizi, Aleks Nika dhe Hekuran Deda, si dhe plagosjen e shtetasve Fatos Mahmutaj, Sokrat Gode, Erald Bisha, Artes Dybeli, Ilia Qesko dhe Ilia Papa.
Të kërkohet me anë të shkresës zyrtare IPSH Tiranë, nëse ka laborator për ekzaminime kriminalistike në vendet e BE-së ose jashtë saj në gjendje të ekzaminojë predhën e nxjerrë nga trupi i shtetasit Aleks Nika.
Si dhe veprime të tjera, që mund të dalin nga kryerja e detyrave të mësipërme.
Shoqata Patriotike “Çamëria” denoncon në një postim në “Facebook” se “Në Medvegjë po ndodh një politikë e kontrolluar e spastrimit etnik të shqiptarëve”.
Në kuadër të “Javës Çame”, Shoqata çeli ditën e sotme në ambientet e Kalasë së Tiranës ekspozitën “Spatrimi etnik i shqiptarëve: Çamëria dhe Lugina e Presheves” me foto nga këto dy treva shqiptare.
Njoftimi i plotë:
“Spatrimi etnik i shqiptarëve: Çamëria dhe Lugina e Preshëves”
Në Medvegjë po ndodh një politikë e kontrolluar e spastrimit etnik të shqiptarëve përmes pasivizimit të adresave. Shoqata Patriotike “Çamëria”, e cila këtë janar kremton 30-vjetorin e themelimit të saj, ka ngritur zërin për shqiptarët e Preshevës dhe ka kërkuar që historia e Çamërisë të mos përsëritet.
Në kuadër të “Javës Çame”, Shoqata çeli ditën e sotme në ambientet e Kalasë së Tiranës ekspozitën “Spatrimi etnik i shqiptarëve: Çamëria dhe Lugina e Preshëves” me foto nga këto dy treva shqiptare.
Fjalën e hapjes të ekspozitës e mbajti Kreu i Shoqatës Patriotike “Çamëria”, z. Hektor Sejko, i cili u shpreh se kjo ekspozitë flet më shumë se çdo orator”. “Drama e Çamërisë po përsëritet në Medvegjë. Ne nuk e lëshojmë Çamërinë dhe do ta mbrojmë Medvegjën. Janë tokat tona, shtëpitë tona”, u shpreh ai.
Për kreun e Fondacionit “Hasan Tahsin”, z. Alket Veliu “shqiptarët e Çamërisë janë vetë viktima të një sistemi genocidar dhe e dinë shumë mirë se çdo të thotë të të dëbojnë nga vendi yt”.
“Në shekullin e kaluar, shqiptarët u përballën me spastrim të dhunshem etnik në Çamëri dhe Sanxhak, ndërsa sot misioni shpopullues serb në Luginën e Preshevës vazhdon me mjete të tjera duke detyruar shqiptarët të largohen nga shtëpitë e veta”, theksoi ai.
Ekspozitën e përshëndeti edhe kreu i Partisë Drejtësi, Integrim dhe Unitet, z. Shpëtim Idrizi. Ai kërkoi “ndërgjegjësimin për spastrimin etnik që po iu ndodh shqiptarëve të Luginës dhe apeloi pë të mos lejuar kthimin e saj në një Çamëri të dytë”.
“Medvegja sot ka vetëm 10% të shqiptarëve, kurse 90% e tyre janë dëbuar. Malësia e Bujanocit është shkretuar gati tërësisht. Sot atyre nuk iu lejohet kthimi dhe janë fshirë nga regjistrat civilë. Ky presion i Serbisë ndaj shqiptarëve të Luginës së Preshevës është një diskriminim i pashoq në Evropën e sotme. Për të mos lejuar spastrimin e Luginës së Preshevës duhet angazhim më i madh i spektrit politik në Shqipëri e në Kosovë. Këto troje strategjike janë të Kosovës, janë të Shqipërisë, jo të Serbisë”, përfundoi ai.
Ekspozita do të zgjasë deri në datën 24 janar dhe është e hapur për të gjithë vizitorët.
Prokuroria e Tiranës zgjeron hetimet mbi personelin shëndetësor në spitalin “Shefqet Ndroqi” pas zbulimit të skandalit ku sanitarja Tire Alldervishi i mori 8 milion lekë vajzës së një pacienteje, e cila ndërroi jetë nga Covid-19.
Sipas Prokurorisë ka dyshime se Tire Alldervishi ka bashkëpunuar me mjekë dhe infermiere dhe këto dyshime ngrihen për faktin se ajo herë pas here i ka dhënë vajzës së pacientes receta me ilaçe që ajo duhet të blinte për të ëmën.
Për të konfirmuar nëse këto ilaçe janë përdorur për mjekimin e pacientes prokuroria ka sekuestruar kartelën mjekësorë të pacientes, librat e shërbimit që do të konfirmojë turnet e mjekëve dhe infermierëve në 24 orë.
Gjithashtu janë sekuestruar telefonat celularë të së dyshuarës dhe vajzës që e ka denoncuar si dhe pamjet filmike të Covid 2. Prokuroria ka dyshime se gjendet përpara një skeme zhvatjeje ndaj pacientëve prekur nga Covid19.
Një ngjarje tragjike ndodhi për familjen Avdiaj nga Kosova mbrëmjen e djeshme në Rrugën e Kombit.
Blerim Avdiaj, 49-vjeç së bashku me bashkëshorten Anjezën dhe fëmijët po udhëtonin drejt Shqipërisë në momentin kur u përplasën me një mjet të tonazhit të rëndë.
Nga familja Avdiaj ka mundur të shpëtojë më e vogla Violeta, e cila është vetëm 3 vjeçe por ndodhet në gjendje të rëndë në spitalin e Traumës në Tiranë., ndërkohë që kanë humbur jetën 4 anëtarët e tjerë.
Dyshimet e para janë se makina me të cilën udhëtonte familja nga Kosova ka tentuar të parakalojë automjetet para tij në një kthesë.
Dhe nuk ka mundur ta shohë kamionin që vinte në drejtim të tij kur dhe ndodhi përplasja tragjike.
Drejtuesi i kamionit po nga Kosova, është shoqëruar nga policia për t’u marrë në pyetje.
Mësohet se familja ishte nisur nga Kosova për në Rinas pasi do udhëtonin për në Zvicër.
Ndërsa policia vijon punën për zbardhjen e plotë të rrethanave të këtij aksidenti mjaft të rëndë.
“Që nga e shtuna e kaluar, telefoni i tij është i fikur dhe i paarritshëm”, kështu shkruajnë mediat italiane një ditë pas lajmit të bujshëm të arratisjes së trafikantit shqiptar të drogës, Moisi Habilajt, nga një banesë në provincën e Katanias, ku ndodhej nën masën e sigurisë “arrest shtëpie”.
43-vjeçari shqiptar mbahej në mbikëqyrje me byzylyk elektronik, pasi ishte dënuar me 15.5 vite burg, ndërsa dje kur policia ka shkuar për ta rikthyer në burg, ai nuk është gjetur në banesë.
“Misteri i fundit në lidhje me trafikantin shqiptar të drogës Moisi Habilaj kalon nga një apartament i vogël në San Michele di Ganzaria, në provincën e Catania, në atë që për dekada ka qenë territori referues i shefit të Cosa Nostras, Ciccio La Rocca”, shkruajnë mediat italiane.
Më tej, në shkrim thuhet se “Ku ka shkuar Habilaj? Avokatët që e mbrojnë atë përjashtojnë ekzekutimin e një urdhri ekstraktimi në Shqipëri, vend në të cilin Moisi Habilaj është përballur me një hetim paralel me atë të gjyqësorit Italian. 43 vjeçari Habilaj, para se të shkonte në San Michele di Ganzaria, ishte burgosur në burgun Bicocca. Pasi kaloi 954 ditë pas hekurave, 43 vjeçari u transferua në qytetin e Calatina ku ai ishte mysafir i një të afërmi, nga ana e babait për pak më shumë se një muaj”.
Në fazat e hershme të gjykimit të shkallës së parë, Habilaj bashkëpunoi me drejtësinë, por nuk u bë kurrë bashkëpunëtor i saj.
Ai pranoi pjesërisht akuzat, dhe kjo u vlerësua pozitivisht nga ana e gjyqtarëve, por nuk ndikoi në uljen e viteve të tij të dënimit, veçanërisht për shkak se ai kishte rolin e shefit të grupit kriminal.
Moisi Habilaj është arratisur në Itali pasi Policia shkoi për t’a rikthyer në burg pas vendimit të Gjykatës së Apelit të Katanias, bëjnë me dije burime për BalkanWeb.
Prej majit të vitit të kaluar Habilaj ishte në arrest shtëpie, por në dhjetor 2020 Apeli i Katanias konfirmoi dënimin e Shkallës së Parë me 15 vite e 5 muaj dhe 5 ditë burg.
Grupi kriminal në të cilin bënte pjesë Habilaj operonte mes Shqipërisë e Siçilisë, për trafik kryesisht droge por edhe armësh luftarake.
Në këtë çështje u implikua edhe ish-ministri i brendshëm, Saimir Tahiri që është kushëri me Habilajt, por ndryshe nga ta Tahiri llogaritë e hapura i ka vetëm me drejtësinë shqiptare.
Si bazë e vëllezërve Habilaj, Moisi, Artan dhe Florian ishte pikërisht fshati Babicë në Vlorë, ku u kap një sasi e madhe droge prej 3.9 ton kanabis në vitin 2017.
Tashmë Moisi Habilaj rrjedhimisht duhet të shpallet në kërkim nga Italia dhe të vuajë vitet e dënimit me burg të caktuar nga Apeli i Katanias.
Shembet “ura me harqe” në Milot. Gazetari Elidon Ndreka raportoi për “BalkanWeb” se “Ura e Zogut” siç njihet nga të gjithë shqiptarët ka humbur në lumë në disa pjesë rreth 2 metra.
Ura e ndërtuar në 1927 është monument kulture, i mbrojtur nga shteti. Marrja e inerteve pranë këmbëve të urës si dhe një devijim i rrjedhës pranë këmbëve të urës, devijim i cili është përdorur për vaditje është arsye kryesore e kësaj shembjeje. Në këtë urë nuk është vënë dorë asnjëherë edhe pse është monumentet kulture i mbrojtur.
Ura e Zogut është një nga më të veçantat për strukturën e saj arkitekturore. Stili i harqeve i japin asaj vlerë muzeore. Ajo gjendet në të djathtë të rrugës që të çon në Mirditë, në të dyja ekstremet e lumit Mat.
E quajtur për shumë vite Ura e Zogut, vetë mbreti ishte ideatori i ndërtimit të kësaj ure shumëfunksionale, sidomos për kohën. Ato vite ajo ishte një portë e domosdoshme për të hyrë në Shqipërinë e epërme që përfshin Shkodrën, Lezhën, Mirditën, Tropojën, Kukësin, Pukën etj.
Ura është projektuar nga një inxhinier italian Martini dhe pothuajse e gjithë baza materiale u soll nga italianët. Zbatimi i projektit u bë nga një inxhinier shqiptar, Gjovalin Gjadri, inxhinier që ka projektuar rrugën automobilistike Milot-Burrel, që kalon nga livadhi i Turkut nëpër Mirditë. Sipas shtypit të kohës, ura është ndërtuar brenda një viti dhe dallohej për madhështinë e saj.
Ish-deputetja e PD, Nada Meçorapaj, ishte sot në segmentin e rrugës në Borsh, i shembur pas reshjeve masive në zonë. PD vuri në dukje shqetësimin e banorëve për mungesën e mirëmbajtjes së rrugës.
“Rruga e çarë në dysh nuk është pasojë e ndonjë tërmeti, por e korrupsionit të kësaj qeverie. Janë rreth 14 milionë euro që Edi Rama i jep kompanisë Salillari për të mirëmbajtur aksin e Jugut, por në vendngjarje është vetëm 1 punëtor dhe asnjë përpjekje për rregullim”, tha ish-deputetja.
Nada Meçorapaj solli në vëmendje premtimet e Ramës për rrugë me standarde, por duke iu referuar rrugës së çarë në dysh në Borsh, ajo theksoi se Edi Rama nuk mban asnjë premtim, pasi mendon vetëm për vete dhe oligarkët.
“Pak reshje shiu dhe vjedhja e qytetarëve del në sipërfaqe, duke nxjerrë gjendjen e rëndë të keqqeverisjes, abuzimit, vjedhjes, korrupsionit. Asgjë e mirë nuk mund të ndodhë me Edi Ramën në krye të qeverisë. Kemi edhe 105 ditë për të bërë ndryshimin!”, u shpreh ish-deputetja Meçorapaj.
Në Qarkun e Lezhës situata vijon të jetë problematike nga reshjet masive të shiut, ku deri tani rreth 3000 ha tokë bujqësore ndodhen nën ujë. Reshjet e këtyre ditëve kanë sjellë edhe dëmtime urash, rrugësh dhe banesash. Në Bashkia Lezhë deri më tani janë evakuuar 27 familje, të cilat rrezikoheshin nga përmbytjet, ndërsa dëmet e mëdha në tokat bujqësore në Zadrimë dhe Torovicë priten te llogariten pas largimit të ujit.
Rruga lidhëse Kallmet-Ungrej është shembur në një gjatësi afro 100m dhe ndërhyrja për riparim duket që do të vonojë, pasi ndodhet në një terren të thyer malor. Kjo është një rrugë e ndërtuar në vitin 2013, por që pas inaugurimit problemet me rrëshqitjen ishin evidente në disa pika të këtij segmenti. Shpyllëzimi i malit, si dhe mungesa e mirëmbajtjes së rrugës, ka bërë që jeta e banorëve të kësaj zone të vihet në rrezik të vazhdueshëm.
Një ure që shërben për lidhjen e fshatrave në Kalivaç sërish në njësinë Ungrej në Lezhë është ndarë në dysh nga prurjet e shumta të lumit. Në këtë urë nuk ishte ndërhyrë prej vitesh dhe pse dëmtimet ishin të dukshme.
-Në lagjen Varosh ka rrëshqitje të një masivi dheu, duke dëmtuar muret mbajtëse, si dhe duke rrezikuar 6 banesa, ndërsa janë evakuuar banoret dhe është bërë izolimi i vendit.
Rrëshqitjet pranë zonave të banuara ka pasur edhe në zonën e Mirditës, por banorët në Fan dhe Rrëshen kanë refuzuar të evakuohen.
-Shkarkimet në hidrocentralet Ulez- Shkopet për momentin janë 500meter kub /s.
Ndërsa nuk ka të dhëna mbi Hidrocentralin Qafë Mollë në Rrëshen, mbi sasinë e shkarkimeve e ujërave.
Hidrocentralet që shkarkojnë në lumin Mat, rrezikojnë daljen nga shtrati dhe dëmtimin e argjinaturave. Nga kjo rrezikohen Fushë Miloti, zona e Fushë Kuqes dhe Bregu i Matës.
Kryeministri shqiptar Edi Rama, ndodhet sot në Athinë ku në program është një takim me homologun e tij Kyriakos Mitsotakis. Në një postim në Twitter, shoqëruar me foton e tij ndërsa zbriste nga avioni, në kryeqytetin grek, zoti Rama shkruajti gjatë ditës se ndodhej atje “për një drekë pune me Kryeministrin Mitsotakis, për të diskutuar mbi koordinimin e mëtejshëm në luftën e përbashkët kundër Covid19; forcimin e mëtejshëm të marrëdhënieve strategjike mes dy vendeve; bashkëpunimin rajonal dhe integrimin europian të rajonit tonë”.
Mediat greke e kanë përshkruar si “një vizitë informale”, udhëtimin e zotit Rama në Athinë. Në fakt ai nuk shoqërohet as nga ministtrja e Jashtme Olta Xhaçka, ndërkohë që vetë ka patur një takim me kryediplomatin grek Nikos Dendias, sipas të cilit “marrëdhëniet mes dy vendeve, perspektiva e Shqipërisë në BE dhe zhvillimet e fundit në rajon ishin në fokus të bisedës”. Ministri i Jashtëm Dendias ishte i pranishëm dhe ne drekën mes dy kryeministrave.
Vetë zoti Rama nuk ofroi ndonjë detaj me shumë për bisedimet e zhvilluara me homologun e tij grek, përpos faktit që dreka ishte shtruar në shtëpinë e zotit Mitsotakis. “Falenderues për shijen e shkëlqyer të mikpritjes në shtëpinë e kryeministrit Mitsotakis, ku bëmë një bilanc të situatës me Covidin, marrëdhënies mes dy vendeve tona dhe problematikave rajonale! Vullnet i plotë për ta zhvilluar bashkarisht më tej këtë marrëdhënie strategjike”, shkruajti zoti Rama për takimin.
Tirana dhe Athina, vendosën së fundmi që për çështjen e debatuar të përcaktimit të kufirit detar mes tyre t’i drejtohen Gjykatës Ndërkombëtare të Drejtësisë në Hagë. Kjo u njoftua gjatë vizitës në tetor të zotit Dendias në kreyqytetin shqiptar.
Megjithatë mbetet e paqartë se si do të veprohet, përderisa ndërhyrja e Gjykatës në raste të tilla kërkohet mbi një mosmarrëveshje konkrete.
Ish ministri i Jashtëm shqiptar Ditmir Bushati, i cili udhëhoqi për dy vjet një proces dialogu me palën greke për një paketë çështjesh të mbetura pezull mes dy vendeve, përfshirë dhe çështjen e Detit, për të cilën nisën zyrtarisht dhe bisedimet, vuri në dukje javën e shkuar, në një shkrim të tijin, se shqyrtimi nga ana e një Gjykate ndërkombëtare “është gjithashtu një proces impenjativ që kërkon dije, përgatitje serioze dhe kohën e duhur. Pasi nuk kemi të bëjmë me transferim të përgjegjësive për mënyrën e adresimit të kësaj çështje, por me shprehjen e gadishmërisë të palëve ndërgjyqëse për të pranuar verdiktin e gjykatës ndërkombëtare. Para nisjes së procesit gjyqësor, Shqipëria dhe Greqia do të duhet të përfshihen sërish në një proces ndërveprues nga i cili duhet të hartojnë një dokument të përbashkët për lëndën që do t’i nënshtrohet gjykimit, ku duhet të evidentohen gjithashtu pikat e përbashkëta dhe diferencat mes palëve, për të cilat duhet të shprehet gjykata”.
Ajo që ka rënë në sy në vizitën e sotme të zotit Rama, është se takimet e tij në Athinë, vijnë një ditë pas kthimit të tij nga Ankaraja, ku delegacioni shqiptar që përfaqësohej me gati gjysmën e kabinetit qeveritar u prit me ceremonialet më të larta shtetërore turke, në prani të presidentit turk Rexhep Tayip Erdogan. Koincidencë ose jo, por dhe një vizitë e mëparshme e zotit Rama në Athinë, ku darkoi me homologun e tij grek, ishte paraprirë nga një takim i tij i beftë me presidentin turk Erdogan në rezidencën e tij verore.
Kryeministri shqiptar njihet për raportin e tij të ngushtë më presidentin Erdogan. Gjatë takimit të fundit ata të dy vunë theksin te “miqësia e ngushtë” mes dy vendeve. Ata të dy, nënshkruan deklaratën për krijimin e Këshillit të Bashkëpunimit të nivelit të lartë, “gjë që e ngre partneritetin tonë të shpallur strategjik në stadin e një marrëdhënieje institucionale ndërqeveritare”, nënvizoi zoti Rama.
Presidenti turk premtoi ndërtimin e spitalit rajonal të Fierit Brenda 3 muajve të ardhshëm si dhe restaurimin e Xhaisë së Plumbit në Shkodër. Ashtu sikundër ka ndodhur dhe më parë me përfaqësues të niveleve të ndryshme turke, të cilët kanë kërkuar nga Shqipëria dëbimin e anëtarëve të së ashtuquajturës Lëvizjes Gyleniste, e konsideruar nga Ankaraja një organizatë terroriste, edhe këtë herë presidenti Erdogan nuk la pa përmenduar këtë çështje, ndërsa deklaroi se “ne, bashkë me autoritetet shqiptare dakordohemi se organizata terroriste e FETO-s përbën një kërcënim për të dy vendet. Ne nuk do të lejojmë që FETO të helmojë marrëdhëniet mes dy vendeve”.
Turqia është angazhuar për të zënë vendin e institucioneve të shumta arsimore turke që financoheshin nga Faetllah Gyleni. Fondacioni shtetëror turk Maarif, bleu kohë më parë Universitetin e New York-ut në Tiranë, dhe siç u deklarua dhe gjatë konferencës së përbashkët mes kryeministrit Rama dhe Presidentit Erdogan, duket se pranë këtij Universieti do të atashohet dhe Universiteti teknik i Stambollit.
Zv/ministri i Infrastrukturës dhe Energjisë, Ilir Bejtja në një lidhje live për News24 ka raportuar për gjendjen e akseve në vend pas rreshjeve të shiut kryesisht në pjesën perëndimore të Shqipërisë.
Lidhur me çarjen në aksin Borsh-Piqeras, Bejtja thotë se rruga nuk ishte e re, pra nuk ishte bërë kohët e fundit teksa rrëshqitja është aktivizuar së fundmi.
Ai thekson se rruga tashmë funksionon me një lëvizje apo aks, teksa shton se janë marrë masat sinjalistike për të evituar rreziqet.
‘’Kjo është një rrugë ekzistuese, rruga bosh është nacionale e bregut. Bëhet fjalë për një rrëshqitje të aktivizuar së fundmi, nuk ndodh sot për sot, por do ketë pasur shkaqe të mëparshme. Ka pasur çarje, dhe vijon të avancojë. Rruga tani është me një kalim, janë marrë masat sinjalistike.
S’ka mjete të tonazhit të rëndë, është rrugë turistike. I gjithë trafiku menaxhohet nga Policia Rrugore. Nënkontraktorët janë në terren, po marrin masat. Nuk është bërë rruga tani, rrëshqitja vijon. Me të ndaluar rrëshqitja dhe rreshjet do të normalizohet.
Kemi rreshje, i kishim parashikuar në zonën verilindore. Tashmë ka dhe në veriperëndim. Kemi pasur edhe raste të kalimi të ujit në ndonjë rast mbi rrugë, që do ketë sjellë trafik të kujdesshëm.
Do vijoj me rrugët. I kemi të ndara sipas rajoneve, në verior vetëm në Tropojë kemi dëborë nga 12 e natës, dhe ka trashësi 30 cm. Bëhet fjalë për 700 m mbi nivel. Borëpastrueset kanë punuar gjithë natën. Tani ka shi. Të gjitha akset të aksesueshme. Po ashtu edhe Plepaj- Qafë Prush, edhe në Peshkopi- Drajç. Ka pasur ujë mbi asfalt. Është garantuar qarkullimi i lirë. Po ashtu edhe në Skurraj-Peshkopi ka pasur rënie të inerteve, janë pastruar. Në Kalimash-Fushë Dukagjin ka pasur rënie gurësh e aluvionesh. Në Han të Hotit-Tamarë ka pasur rënie gurësh, por nuk është ndërprerë qarkullimi rrugor.
Qarkullimi është normal në këtë zonë. Në TIranë-Durrës-Rrogozhinë-Milot ka pasur shi, por jo probleme.
Në Qukër-Pishkash ka prurje aluvionesh, kjo është e zakonshme. Vazhdohet puna nga nënkontraktori. Në rajonin rrugor kemi këtë në Borsh-Piqeras, vijon të avancojë. Rruga është bërë me një kalim. Janë marrë masat nga Policia Rrugore. Në Këlcyrë-Përmet janë marrë masat për të thelluar kanalet anash rrugës.
Në Virua uji ka dalë në rrugë, por bie direkt në Drinos dhe s’ka probleme. Në orët e para të mëngjesit
37 mijë e 44 abonentë ngelën pa drita, tani është ulur në 13 mijë. Në Shkodër kemi 3 mijë e 700, ku 3 mijë e 200 kanë qenë në zonë rurale. Kanë qenë të lidhura me kabinat, ku kanë rëën automatet pasi ka hyrë uji.
Do të menaxhojmë brenda çod pamundësie, prurjet që vijnë nga kaskada e Drinit, kemi parashikuar të gjitha masat. KESH do të prodhojë mefuqi të plotë në Vaun e Dejës dhe Koman.
Ka një rritje të nivelit në Bunë. Vjen prej fryrjes së liqenit të SHkodrës, që shkaktohet prej ujërave nga përrenjtë dhe Kiri. Jemi larg kushteve për rrezik. Është situatë më tepër se normale. Shirat janë në perëndim, janë në luginë, nuk shkaktohen nga, nuk kemi shira në basenin e Drinit. Në datë 11- 12 presin 60 mm shi.
Kemi marrë masat për deri në datën 12, por nëse dalim jashtë parashikimeve atëhere mblidhemi. E kemi situatën nën kontroll. ‘’- tha Bejtja.
Bashkia e Durrësit ka dhënë një njoftim mbi situatën me reshjet e dendura të shiut që kanë shkaktuar dëme të konsiderueshme.
Sipas njoftimit zyrtar, problemet kryesore vijnë nag dy lumenjtë Ishëm e Erzen që kanë mbushur tej kapaciteteve kanalet kulluese dhe kanë përmbytur tashmë toka bujqësore, banesa, rrugë e biznese.
Në fshatin Jubë janë evakuar 2 familje kurse Rrushkull plot 10 persona. Po ashtu në Vadardhë të Sukthit janë përmbytur 4 banesa.
NJOFTIMI NGA BASHKIA DURRËS
NJOFTIM I RËNDËSISHËM 🔴
Reshjet e ditëve të fundit kanë krijuar një situatë shqetësuese në përgjithësi për shkak të daljes nga shtrati të lumenjve Erzen e Ishëm, duke mbushur tej kapacitetit kanalet kulluese, përmbytur toka bujqësore, banesa, rrugë e biznese. Në njësinë Administrative nr. 6 në rreth 15 banesa që ndodhen nën nivelin e rrugës ka depërtuar uji. Në Njësinë Administrative Rrashbull fshati Xhafzotaj ka përmbytje banese e biznesi, ndërsa në fshatin Pjeshkë përbën rrezik kalimi shembje e një ure-tombino. Në zonen ujëmbledhese te lumit Erzen përgjatë rrjedhës të tij nga fshati Jubë deri ne kufi me Bashkinë Shijak rezulton kjo gjendje:
Në Fshatin Jubë njësia Katund i Ri, u evakuuan 2 familje duke i sistemuar tek të afërmit e tyre.
Në Fshatin Rrushkull, u evakuuan 10 persona me ndihmën e mjeteve të Policisë Bashkiake dhe u akomoduan ne ambientet e Kavaleshencës së Ministrisë së Rendit.
Në fshatin Vadardhë njësia Sukth, kanali i Tonës ka dalë nga shtrati duke përmbytur 4 banesa dhe rreth 20 ha tokë bujqësore.
Në lagjen e Pallateve dhe ne Lagjen Stalla, ka përmbytje nga reshjet e dëndura si dhe rrezikohen nga dalja e lumit Erzen.
Në Ishëm, lumi Ishëm ka dalë nga shtrati dhe ka përmbytur toka bujqësore ne Kërtushaj e Likmetaj. Gjithashtu ka dëmtuar rrugën në Lalëz e Draç
Në Rrashbull fshati Shkallnur ka rrëshqitje dheu e bllokim i rrugës për të subjekti Kodra e Kuajve. Ndërmarrja Rruga po punon për zhbllokimin e saj.
Sipas IGJEUM priten reshje intensive duke filluar nga sot e disa ditë në vazhdim në Durrës por bashkia me të gjitha kapacitetet e veta dhe shtabi i emergjencave kanë marrë masat dhe vijojnë punën në terren për zgjidhjen e problematikave të deritanishme si dhe janë në monitorim të vazhdueshëm të gjendjes së krijuar. Bashkia e Durrësit dhe të gjitha ndërmarrjet e saj në varësi janë dhe do të vazhdojnë të jenë në shërbim të qytetarëve si dhe në gatishmëri të plotë për të përballuar situatat e mundshme emergjente që mund të krijohen nga reshjet që do të vijojnë të jenë të dendura por edhe për tju përgjigjur menjëherë çdo banori të bashkisë Durrës që mund të ketë probleme nga kjo situatë.
I bëjmë apel të gjithë qytetarëve që mund të kenë probleme nga situata emergjente që mund të krijohet nga reshjet e shiut të telefonojnë në këta numra telefoni:
👉 Arbër Braho – Zëvendëskryetar i Bashkisë Durrës 0672235237
👉 Vasip Çopa – Kryeinspektor i Policisë Bashkiake 0684011639
👉 Adriatiak Velaj – Drejtor i Mbrojtjes nga Zjarri dhe Shpëtimi (MZSH) 0682026905
Ish-deputeti i LSI-së Vangjel Tavo, me anë të një statusi në “Facebook” ka reaguar për shirat e rrëmbyer që kanë rënë në qarkun e Gjirokastrës.
Tavo thekson se si pasojë e situatës së rënduar nga përmbytjet, rrëshqitja e dherave rrezikon edhe jetën e banorëve.
Postimi i ish-deputetit të LSI-së Vangjel Tavo:
Situatë e rënduar nga përmbytjet në qarkun e Gjirokastrës.
Situatë e përkeqësuar në Luginën e Drinos. Është përmbytur fusha sportive Lefter Millo në Dervican dhe përgjatë aksit rrugor Gjirokastër-Kakavijë ka përmbytje në fusha duke rrezikuar tokat bujqësore dhe bizneset që operojnë aty pranë.
Shqetësim edhe rrëshkitja e dherave në Gjirokastër duke rrezikuar edhe banorë.
Gjithashtu prej më shumë se 12 orësh rruga e fshatit Zhulat është përmbytur dhe për pasojë kanë mbetur të izoluar 80 familje.
Është shtuar prurja e lumit Vjosë ujërat e të cilit janë vërshuar ndjeshëm në zonat e Urës së Ali Pashait pranë fshatit Becisht si dhe të asaj të Leklit ku lumi Vjosë bashkohet me lumin Drino. Këto kanë sjellë dhe daljen e lumit nga shtrati duke shkaktuar përmbytje dhe dëmtime te tokat e bujqesore të zonës.
Viroi ka dalë nga shtrati duke rrezikuar aksin nacional Gjirokastër – Tepelenë.
Probleme edhe në aksin Gjirokastër – Lunxhëri.
U bëj thirrje autoriteteve të marrin masa të menjëhershme, të jenë në gatishmëri dhe të përdorin të gjitha kapacitet për të ndihmuar këto zona.
E papranueshme që “rilindja” e braktisi Gjirokastrën, dikur zemra e jugut të vendit, duke e konsideruar thjesht një xhep gjeografik dhe një zonë jashtë vëmendjes për investime.
Kompozitori i njohur shqiptar, Shpëtim Saraçi, jep një mesazh prekës për ikjen e parakohshme nga jeta të kantautorit Kujtim Prodani, pasi humbi betejën me koronavirusin.
Saraçi shkruan në “Facebook” se ky lajm i shkatërroi të gjithë këtë fillim viti, ndërsa shton se nuk gjen fjalë të shkruajë e duart i dridhen fort.
“Mos o Kujte se nuk po mbajme dot më. Ishe kaq shok i mire sa mbase jo te gjithe te njoften…. Nuk gjej fjale te shkruaj e duart me dridhen fort….. Ta dish edhe ne na e shkaterrove kete fillim viti. Pusho ne paqe o shok i mire prane prinderve te mrekullueshem… Ngushellimet me te sinqerta familjes…. R.I.P”, shkruan Saraçi.
Implementimi i teknologjisë në zgjedhje ishte një ndër garancitë kryesore të futura si risi në Kodin e ri Zgjedhor. Teksa projekti për votimin me gisht ka ecur përpara dhe në Komisionin Qendror ka mbërritur oferta, komisioneri shtetëror i zgjedhjeve, Ilirjan Celibashi, në një intervistë për gazetën “Panorama” ka dhënë detaje për realizimin e një tjetër projekti për garancinë e procesit të votimit.
Kreu i KQZ-së tha se në buxhetin e KQZ-së janë planifikuar 4 milionë euro për kamerat që do vendosen në çdo qendër votimi. Ndërkohë, të gjitha kamerat do të lidhen me një ekran qendror edhe në KQZ. Ndërkohë, akti i miratuar para datës 25 dhjetor për aktivitetet e ndaluara krijoi përshtypjen se qeveria nuk do të marrë pjesë në dhënien e çelësave të shtëpive dhe në inaugurime të ndryshme, por kreu i KQZ-së sqaroi se cilat janë aktivitetet që nuk do të lejohen dhe ato të cilat nuk do të mund të promovohen.
Por, megjithatë për të realizuar zgjedhje të mira, nuk mjafton vetëm një ligj i mirë dhe puna e KQZ-së, por duhet edhe vullnet politik. Por, a ka vullnet politika shqiptare për të zhvilluar zgjedhje të mira? Për këtë pyetje Celibashi u shpreh se situata politike në Shqipëri sa i përket konfliktualitetit mund të krahasohet me atë të 97-ës.
Ju keni qenë kryetar i KQZ-së edhe në 2001-2006 dhe jeni edhe aktualisht. Në optikën tuaj, komisioni ka qenë më politik atëherë apo më pak politik tani?
Nëse do të kem mirëkuptimin tuaj, dua ta evitoj komentin në lidhje mbi formatin e shkuar të KQZ-së dhe formatin e tanishëm. Pa diskutim që e kam një pikëpamjen time në lidhje me ligjin zgjedhor ose me këtë pjesë të ligjit zgjedhor, por pas 25 prillit do të kemi kohën e bollshme për të dhënë opinionet tona në lidhje me Kodin Zgjedhor.
Për të pasur zgjedhje të mira nuk mjafton vetëm puna e KQZ-së, por duhet edhe vullneti i partive politike. Mendoni se zgjedhjet e 25 prillit do të jenë të rregullta dhe nuk do të ketë presione politike dhe si ka qenë marrëdhënia e partive politike me ju deri tani?
Në vlerësimin tim është fakt që situata politike është shumë e acaruar dhe ajo që unë sjell në memorien time qoftë si zyrtar që ka pasur angazhime me zgjedhjet dhe qoftë si qytetar, duket që konfliktualiteti politik është gati i krahasueshëm me atë të vitit ‘97. Nuk është një gjë e mirë për hir të së vërtetës. Por, në raport me përgatitjen e zgjedhjeve, qasja e të gjitha palëve është shumë pozitive. Ne kemi një bashkëpunim të mirë me të gjithë faktorin politik sa i përket përgatitjes së zgjedhjeve të ardhshme. Kjo është një gjë e mirë në kontrast të plotë me sjelljen që politika ndërmjet vetes.
Një nga vendimet e fundit të Komisionit Rregullator është akti për veprimtaritë e ndaluara të qeverisë. A mund ta sqarojmë se cilat janë ato aktivitete që ndalohen, pasi në perceptimin publik ka një keqkuptim. Ditët e para që u miratua ky akt u krijua perceptimi se qeveria nuk do të marrë pjesë në dhënien e çelësave, inaugurimin e rrugëve.
Padyshim që çdo aktivitet i qeverisë që zhvillohet në përmbushje të detyrimeve kushtetuese dhe ligjore të qeverisë dhe institucioneve publike, është i lejueshëm dhe kjo është logjikë, sepse nuk mundet që ne të bllokojmë aktivitetin e qeverisë. Ajo që ligji dhe në zbatim të ligjit ky akt ndalon ka të bëjë me keqpërdorimin e burimeve njerëzore, e aseteve publike për qëllime politike elektorale. Në mënyrë precize, KQZ-ja bazuar në Kodin Zgjedhor ka ndaluar veprimtaritë e institucioneve publike, të cilat janë me karakter publik, pra ose me pjesëmarrjen e publikut ose të medias, aktivitete të cilat nuk kanë qenë në axhendën e qeverisë, por janë alokuar fonde rishtazi për këtë periudhë 4-mujore për qëllime elektorale.
Qoftë Kodi Zgjedhor, por edhe akti i Komisionit Rregullator ndalojnë edhe aktivitete të tilla promovuese siç janë shpërndarja e lejeve të legalizimit në mënyrë publikem, por kjo nuk do të thotë që procesi do të ndalojë. Zyrat përkatëse kanë detyrimin ta përmbushin këtë proces, por ajo që ndalohet është promovimi i tyre. Edhe shpërndarja e titujve të pronësisë, ato vazhdojnë por është i ndaluar promovimi i tyre.
Një nga risitë e zgjedhjeve të 2021 do të jetë edhe identifikimi biometrik. Tani që ka ecur deri diku procesi, a jeni më të bindur se ky projekt mund të realizohet në 100% të Shqipërisë?
Në një periudhë shumë të shkurtër kemi bërë shumë përparime në këtë projekt. Tani jemi në procedurën e prokurimit të këtyre pajisjeve dhe të këtij shërbimi. Tani presim ofertat e kompanive të interesuara dhe mendoj që shanset janë gati absolute që ky projekt të realizohet. Ka akoma aspekte të karakterit teknik që duhet të marrin vëmendjen e KQZ-së, sepse nuk është një proces i thjeshtë nga pikëpamja teknike. Realizohet për herë të parë dhe ka mungesë eksperience. Besoj se me një bashkëpunim të ngushtë me të gjithë faktorët që lidhen me këtë proces ta realizojmë me sukses edhe këtë.
Ligjvënësit iu lanë një detyrë mjaft ë vështirë që është realizimi i votimit të shqiptarëve që jetojnë jashtë vendit. Mendoni se do të realizohet votimi i tyre më 25 prill dhe mund të themi disa detaje se si do të funksionojë, ku do të numërohet vota e tyre?
Është i vërtetë konstatimi se është një projekt shumë i vështirë, që implikon shumë elementë në realizimin e tij. KQZ-ja po vlerëson eksperiencat e vendeve të ndryshme. Jemi në një proces konsultimi me shoqatat dhe organizatat që përfaqësojnë shqiptarët me vendbanim jashtë vendit. Jemi në një proces konsultimi jo dhe aq intensiv për momentin me partitë politike. Tani besoj e kemi një ide se si do përgatitet lista e zgjedhësve të kësaj kategorie votuesish. Ata janë në listën e zgjedhësve dhe mund të vijnë të votojnë në Shqipëri, por ideja është që ata të votojnë atje ku janë. Ka një procedurë se si do jetë e përbërë lista e zgjedhësve që e kanë vendbanimin jashtë Shqipërisë. Gjatë këtij muaji do të plotësohet edhe me aspektet e tjera se si do të votohet dhe si do pajisen me fletën e votimit. Sa i përket se ku do llogaritet kjo votë, këtë e ka përcaktuar Kodi Zgjedhor. Ata do të përfshihen në zonën zgjedhore ku kanë regjistrin e gjendjes civile.
A do të ketë rol të shtuar Policia në zgjedhjet e 2021?
Kodi Zgjedhor përcakton disa angazhime shtesë të Policisë së shtetit. Pranon të ketë një prezencë më konkrete të Policisë, konkretisht në ditën e zgjedhjeve. KQZ-ja miratoi në fund të vitit që lamë pas aktin përkatës që ka të bëjë me detyrat e Policisë në zgjedhje. Është një akt i konsultuar dhe i dakordësuar.
Një tjetër risi është edhe përdorimi i telekamerave në qendrat e votimit. Në çfarë faze jemi në këtë aspekt?
Ne kemi bërë parashikimet në buxhet për këtë projekt. Është pjesë e angazhimeve të KQZ-së dhe ka të gjithë fokusin që ta realizojmë edhe këtë projekt?
Mund të kemi një shifër se sa është kostoja e këtij projekti?
Kemi bërë një vlerësim të përafërt që shkon rreth 4 milionë euro i gjithë procesi i monitorimit për kamera.
Cila është sfida më e madhe për ju në zgjedhjet e ardhshme?
Sfida më e madhe në vlerësimin tim ka të bëjë me rikthimin e besimit të qytetarëve dhe të gjithë faktorit politik në të gjithë procesin zgjedhor dhe mendoj se për këtë do të punojë KQZ-ja dhe është duke punuar. Vetë fakti që të gjitha aktet janë miratuar me konsensus të plotë është shenjë e angazhimit dhe përgjegjshmërisë së KQZ-së për të punuar në atë drejtim. Është shumë e rëndësishme që të gjithë të jenë besimplotë në procesin zgjedhor, pasi përndryshe edhe legjitimiteti i qeverisë së ardhshme do të jetë i cenueshëm./Panorama
Ka ndërruar jetë aktori dhe regjisori i njohur Dhimitër Orgocka.
Mësohet se Orkocka ka ndërruar jetë, për shkak të hemoragjisë cerebrale.
Gazetarja Lorena Kodra raporton se Orkocka mbante titullin “Mjeshtër i madh”. Ai ndodhej prej dy javësh i shtruar në spital, kurse u nda nga jeta sot, në moshën 84-vjeçare.
Dhimitër Orkocka ka luajtur ndër të tjera tek filmi “Gjeneral Megafoni”. I lindur më 21 tetor të vitit 1936 në qytetin e Korçës, Orgocka pati një karrierë të pasur edhe në teatrin “A.Z. Çajupi”, ku ka vënë në skenë104 premiera në teatrin e Korçës, Fierit, Elbasanit, Prishtinës, Shkupit etj.
Si aktor ai numëron 82 role të interpretuara në skenat e teatrove shqiptare, ku ka marrë edhe çmime.
Kryeministri i Shqipërisë, Edi Rama e ka quajtur pengmarrje arrestimin e ish krerëve të UÇK-së, nga Gjykata Speciale. Kreu i ekzekutivit shqiptar, pas takimit me ushtruesin e detyrës se kryetarit të PDK-së, Enver Hoxhaj, takim të cilin e cilësoi si ndër më emocionalet tha se çlirimi i Hashim Thaçit, Kadri Veselit dhe të tjerëve do të kërkojë kohën e vet, por e vërteta në fund do të triumfojë.
“Për hir të vërtetës ishte një takim më emocional sesa zakonisht pasi kushtet në cilat takohemi janë kushte që janë krejt të posaçme për faktin se udhëheqësit e UÇK-së, Kosovës dhe PDK-së sot janë marrë peng. Janë marrë peng, siç është marrë peng përmes tyre lufta e Kosovës, historia e luftës dhe e vërteta e kësaj lufte. Natyrisht çlirimi i pengjeve do të kërkojë kohën e vet, kur e them këtë nuk e kam parasysh vetëm qenien fizike të tyre, por pengun më të madh që është e vërteta e luftës dhe lufta vet”, tha ai.
E ushtruesi i detyrës së kryetarit të PDK-së, njëherit kandidat për kryeministër të vendit, Enver Hoxhaj tha se historia e drejtë e Kosovës nuk mund të ndryshohet asnjëherë.
Në kuadër të kësaj vizite, kryeministri Rama para gazetarëve dërgoi edhe një porosi për Hashim Thaçin, Kadri Veselin dhe të tjerët që janë duke qëndruar në paraburgim në Hagë.
“Uroj për një vit të ri sa më të lehtë Hashim Thaçit, Kadri Veselit dhe të tjerëve që do të kalojnë këtë vit të ri larg familjeve të tyre. Për aq sa mundet u them të mos e humbasin besimin, kanë parë edhe më të këqija se kaq. Pasi e vërteta do të triumfojë, jo për ta personalisht por edhe për Kosovën në radhë të parë”, tha ai.
Sot gjatë tërë ditës, ushtruesi i detyrës së kryetarit të PDK-së, Enver Hoxhaj ka qëndruar në Tiranë ku takoi krerët më të lartë institucional dhe politikë./ Kosova Press
Presidenti i Shqipërisë, Ilir Meta, ka reaguar pas miratimit nga Greqia të dekretit për zgjerimin me 12 milje në detin Jon, transmeton Anadolu Agency (AA).
Përmes një reagimi zyrtar, presidenti Meta deklaron se ka autorizuar Plotfuqinë për Negocim Nr. 733, në emër të Republikës së Shqipërisë, të ekipit negociator me përbërjen e 13 anëtarëve për negocimin e “Projekt-marrëveshjes ndërmjet Republikës së Shqipërisë dhe Republikës së Greqisë për kufizimin e zonave të tyre detare”.
“Duke mirëkuptuar ndjeshmërinë e lartë të opinionit publik shqiptar mbi aktin më të fundit të nxjerrë nga autoritetet më të larta të Republikës së Greqisë dhe pasojat e mundshme të tij ndaj vendit tonë, dëshiroj të evidentoj si vijon: Në ushtrim të detyrave dhe përgjegjësive të mia dhe në zbatim të vendimit të Gjykatës Kushtetuese Nr. 15/2010, kam autorizuar Plotfuqinë për Negocim Nr. 733, në emër të Republikës së Shqipërisë, të ekipit negociator me përbërjen e 13 anëtarëve për negocimin e ‘Projekt Marrëveshjes ndërmjet Republikës së Shqipërisë dhe Republikës së Greqisë për kufizimin e zonave të tyre detare’, me qëllim saktësimin e Vijës Delimituese të Kufirit Shtetëror Detar dhe delimitimin e Shelfit Kontinental dhe Zonës Ekskluzive Ekonomike midis të dy vendeve”, datë 19.03.2018”, thuhet në reagimin e presidentit Meta.
“Gjatë gjithë kohës, kam ofruar të gjithë bashkëpunimin në këtë proces, duke siguruar respektimin e vendimit të Gjykatës Kushtetuese”, thuhet më tej në njoftimin e zyrës së shtypit të Presidencës.
Më tej, në reagim thuhet: “Deri në këto momente, nuk kam asnjë njoftim apo kërkesë zyrtare, që të sugjerojë ndërprerjen, pezullimin apo përfundimin e procesit të negociatave dypalëshe, nga ekipi negociator apo nga qeveria shqiptare”.
Sipas presidentit Meta, për çdo zhvillim, që lidhet drejtpërdrejt apo ndikon në procesin e negociatave për delimitimin e hapësirës detare ndërmjet dy vendeve, ka kërkuar informacion shterues dhe analizë të plotë të qeverisë shqiptare, sipas përgjegjësive, që i takojnë sipas ligjit.
“I rikujtoj edhe një herë përfaqësuesve të institucioneve në të gjithë nivelin hierarkik shtetëror, detyrimin dhe përgjegjësinë për përputhshmërinë e plotë të veprimtarisë së tyre kushtetuese dhe ligjore, në shërbim të interesave shtetërore dhe kombëtare”, theksoi Meta.
Gjithashtu Presidenti Meta i siguron të gjithë qytetarët shqiptarë se do të vijojë të ushtrojë me përgjegjësinë maksimale shtetërore dhe kushtetuese detyrat e tij dhe se nuk do të lejojë për asnjë moment të cenohen interesat shtetërore dhe kombëtare të Republikës së Shqipërisë nga cilido individ, që keqpërdor autoritetin e deleguar nga populli shqiptar.
Kujtojmë se në prill të vitit 2018, Ministria për Evropën dhe Punët e Jashtme e Republikës së Shqipërisë konfirmoi zyrtarisht fillimin e bisedimeve për kufizimin e zonave detare mes Shqipërisë dhe Greqisë, ndërkohë mes palëve ende nuk ka një marrëveshje përfundimtare mbi kufizimin e zonave detare dhe negociatat janë ndërprerë.
Duke filluar nga sot mund të thuhet se Shqipëria ka më në fund një Gjykatë Kushtetuese funksionale.
Presidenti Meta ka emëruar gjyqtarin e gjashtë, Përparim Kalon.
Për të marrë detyrën z. Kalo do të duhet të betohet në Presidencë por me emërimin e tij tashmë Shqipëria ka arritur një prej kërkesave më të forta të ndërkombëtarëve, plotësimin e Gjykatës Kushtetuese.
Presidenca bën me dije se Meta ka administruar sot nga Këshilli i Emërimeve në Drejtësi Listën Përfundimtare të Renditjes së Kandidatëve të lejuar nga KED me pikëzimin si më poshtë Përparim Kalo 90.29 Pikë dhe Aleksandër Tomës 75.57 Pikë. Kështu Meta ka zgjedhur të emërojë atë që është renditur më lart nga KED.
KED i dërgoi në Presidencë paraditen e sotme emrat e Aleksandër Tomës dhe Përparim Kalos.
