Fjala e Jozef Radi në hapjen e ekspozitës “Notre Drame de Tiran!” me 2 nëntor 2019

Falenderoj gjithë autoritetet dhe gjithë dashamirët e artit që na kanë nderuar me praninë e tyre këtë ekspozitë të dytë të piktorit Avni Delvina në harkun e një viti, falenderoj autorin që me shpirtin e tij artistic na ka mbledhur bashkë prej botës virtuale në botën reale; falenderoj zonjën Adriana Kalaja që i vuri ngut dhe seriozitet kësaj ekspozite, por mbi të gjitha dëshmoi se vullnetet pozitive jetojnë dhe veprojnë përtej fjalëve, por më duhet të falenderoj edhe të gjithë ata që janë vendosur si rrënues me mosdobishmërinë e këtij Teatri. Kjo ekspozitë, ky shpirt mbështjeje dhe ky solidaritet qytetar do të ishte i munguar pa vullnetet e tyre rrënuese, edhe kjo protesta qytetare gati dyvjeçare do t’ishte ca më e përfjetur në misionin e saj.

Avni Delvina është prej atij brumi artistik që s’lodhet së kërkuari mjete shprehëse e forma të reja komunikimi të artit. Dy ekspozitat e fundit në Tiranë, “The Donald” (17-23 shkurt 2019), dhe “Notre Drame de Tiran” (2-12 nëntor 2019), pasqyrojnë më së qarti këtë frymë kërkimesh e realizimesh artistike. Të dyja këto ekspozita dallojnë qartë si teknikat artistike, mjetet shprehëse, idetë sociale dhe ato politike, riciklimet e tabllove të njohura klasike dhe devijimet artistike, deheroizimi i skulpturës monumentale, çvendosja e së vërtetës në kohë e hapësirë, përzgjedhja e kujdesshme e personazheve dhe maskave tyre, duke i përcjellë t’ishte fjala për një Karuzel Karnevalesh… Kjo është në vija të përgjithëshme fryma që përcjell autori, duke qepur artistikisht gjithkund dhe gjithkah me fillin e hollë të një ironie qësendisëse e një sarkazme të pamëshirë, çka na shtyn të mendojmë se ai me lehtësi e braktis penelin dhe u jep tjera trajta kërkimeve të veta artistike…

Delvina mbivendoset shpesh mbi vepra të rëndësishme të pikturës botërore, pa pretenduar t’i tejkalojë apo t’i çvleftësojë këto vepra mbi të cilën ndalet! Jo! Ai vendos shenja, kode dhe simbolika të reja; çvendos përmasën e kohës dhe kumtet fillestare të saj, dhe vendos lexime të reja me këto mbi vepra, duke kërkuar të mbrrijë te një shikues i kultivuar, dhe në mos, t’i kultivojë dashamirësit e artit përmes këtyre mesazheve të reja. Me këto përjetime dhe përjetësime mbivendosjesh, veprat bëhen produkt i artit të tij.

Kështu ai krijon raport të reja me kryeveprat dhe me kohën së cilës i përket, përmes çvendosjes së personazheve, çmontimit të heroikës dhe paraleles së ideve, formimin e planeve paralele, ku rikonceptimi përmes frymës ironike, deformimit, riformatimit dhe çvendosjes në kohë e hapësirë rikrijon një vepër të re…

Ky vullnet i admirueshëm, kjo energji vagante dhe kjo fantazi e “dalur binarësh” ka sjelle që në harkun e tetë muajve, Avni Delvina të jetë promovues i dy Ekspozitave të Artit Ndryshe…

Lëvizja për Mbrojtjen e Teatrit që mbart heroikën e një kauze që ka bashkuar mjaft njerëz jo vetëm këtu po edhe në botë. Por kjo “heroikë” në thonjëza, ka ndarë ata, që janë tejet vulnerabël ndaj pushtetit, ndaj atij pushteti që e tepron me forcën e tij, e që na shfaqet herë si “dorë e ngrohtë” e herë si “strehë e sigurt”…

Jo rastësisht nji nga piktorët më të dashur të Avni Delvinës është Pablo Pikasso. Ka një periudhë të krijimtarisë së tij ku kubizmi i Pikassos ndjehet mjaft në frymën artistike të Delvinës, përmes trajtimesh grafike të admirueshme. Fakti që Pablo Pikassos krahas talentit të jashtëzakonshëm ishte edhe pak artist spekullant, sepse krijonte edhe duke vjelur idetë përreth… veçse duke e filtruar në fantazinë e tij mahnitëse dhe gjithçka merrte vulën e tij. S’di sa i drejtë mund të jetë një krahasim i tillë, por ndërsa vëzhgoja Guernikën e Teatrit tabllo e Delvinës, e para ide që më erdhi ishte pikërisht ky shpirt paralel… Delvina përmes kësaj ekspozite na dëshmon se Teatri Kombëtar, që sot mbrohet për njëmijë arsye, dikur ka shërbyer për goditjen dhe eleminimin e pjesës më intelektuale të këtij vendi, prandaj midis një qielli të mbushur me sagoma të varura dhe një sheshi të mbushur me varre të akullt, ndërfutet edhe Guernika e tmerreve të Luftës së Dytë Botërore, kështu që hija e Picassos, edhe përmes fqinjësisë artistike s’kishte si të mungonte kësaj ekspozite…

Nëse flasim për heroiken dhe deheroizimin, për madhështinë dhe tjetërsimin, është e pamundur mos të cekim edhe dy-tre kuadro të kësaj ekspozite, të cilat vijnë prej kryeveprash si fjala vjen “Mendimtari” i Rodenit”, “Mëshira” e Mikelanxhelos, “Monaliza” e Leonardos, “Napoleoni” i Jacques Luis Davidit e mjaft të tjerave, ku vërejmë se çdo kryevepre duke iu këmbyer personazhi i këmbehet edhe mesazhi.

Nëse te “Mendimtari” i Rodenit ka vendosur shpirtin më përfaqësues të betejës për mbrojtjen e Teatrit, në sfondin më të laskaruar të këtij objekti për të dëshmuar dëshpërimin dhe braktisjen po edhe stoicizmin intelektual; të figura e Napoelonit e Jaques Luis Davidit, ai e madhështon artistin që fillimisht qe dalazotas i Teatrit… por që më pas e e shaloi Tetarin për betejat e ndërgjegjes së tij. Ndërsa te “Mëshira” e Mikelanxhelos zgjedh për Shënmëri një ikonë të Teatrit dhe Filmit, në vend të djalit të vdekur i ka vënë në prehër Teatrin si dhimbje po edhe si shpresë mbijetese. Nëse te figura e Monalizës ka transportuar një figurë europiane, në vend të misterit të buzëqeshjes i ka gdhendur përmes detajesh të rafinuara, hipokrizinë e saj si një tallje të madhe…

U ndala në këto katër ikona artistike, për të dëshmuar se piktori nuk karikaturon, por jep kode të tjetërsimit të këtyre veprave, dhe leximeve ndryshe të tyre, për të mbrritur ai vetë dhe secili prej nesh në raporte të reja komunikimi.

E kam mjaft për zemër kuadrin Dy Gjergjat Kombëtarë dhe Teatri Kombëtar… ku në sondin e rrënuar të kësaj godine shfaqen dy personazhe tona historike ku në kthimin e kohës pas na shfaqen si Don Kishoti me Sanço Pançën, dy idealistët e famshëm të kësaj bote, që kërkonin të kthenin kohrat e arta të dashurisë për atdhe. Kontrasti midis deheroizimit të tyre dhe lindjes së një heroike të re, e bën kët vepër për nga pesha e dhimbjes madhështore e për nga pesha e kthimit të kohës pas të dhimbshme.

Një kuadër tjetër që ka disa rrafshe leximi ështe Trapi i Meduzës e Theodor Zherikos. Eshtë historia tragjike e një anije franceze të mbetur në cektina të një ishulli për faj të komandantit. Autoritetet e anijes vendosen në varkat e anijes dhe për pjesën e mbetur bëhet një trap i cili braktiset e të mbijetuarit mbrrijnë në kufijtë e kanibalizmit, e shumica e tyre vdesin. Këtë histori u dha urdhër të mos e publikonte askush. Piktori 21 vjeçar Theodor Zheriko, e merr vesh këtë tragjedi dhe si artist merr përsipër të dëshmojë atë përmes artit. Vepra ka një sukses të jashtzakonshëm dhe drejtuesit e anijes u dënuan… Ndërkohë veprën Trapi i Meduzës, Delvina e vendos në një rrafsh mjaft provokues. Ai na shfaq mjaft figura të medias së këtyre 30 viteve, që në dukje i ka bërë pjesë të heroikes, po në thelb u ka lënë peshën në ndërgjegje të mosthënies të së vërtetës apo edhe më keq: të fshehjes së saj… Pikërisht, ky dualitet i leximit të së vërtetës përmes këtij kuadri të ri, simbas mendimit tim, bëhet po aq i vlefshëm sa origjinali…

Më duhet ta theksoj se arti që ndërton Delvina sot, të jep përshtypjen se është lehtësisht i realizueshëm. Unë nuk mendoj kështu, sepse besoj që akumulimi i një artisti dhe fantasia e tij janë frut kërkimesh, studimesh, refleksionesh e komunikimesh të vazhdueshme. E ndërsa vendosemi përballë këtyre kuadrove duhet të kuptojmë se krahas idesë fillestare, kjo mbivendosje krijon asocim ideshë, ku në autorësi mund të jemi edhe ne vetë, nëse brenda nesh ekziston kodi i ri i leximit të tyre mbetet brenda nesh…

Ndaj mund të them se Artisti Avni Delvina ka meritë që e bëri pikturën të komunikueshme si poezia, e ironizoi keqas të Keqen, ia vuri në duar pasqyrën së Shëmtuarës, i dha artit moralin që shpesh ne na mungon, i dha guxim e krahë Qytetarit, i dha 4G Komunikimit virtual, netët e punës së tij i ktheu në buzqeshje mëngjesi te shumë prej nesh, Pushtetin e trajtoi si një Artist e trajton, iu kundërvu artistikisht plagëve të së tashmes pa e lënë jashtë vëmendjes së shkuarën, po as edhe kohën si vazhdimësi… Në fund të fundit si artist, ai i bën gjitha kohët bashkë, dhe i vë në shërbim të fantazisë dhe artit të vet.

Në mbyllje do të shtoj, se në kohrat që vijnë, kur shumë prej nesh të mos jemi, e kur të ardhurit mbas nesh të shqetësohen e të pyesin se çfarë bënin artistët në kohën e rrënimeve të mëdha, të parët do dalin ata që për atavizëm do të thonë: “Ashtu ishte koha…”, po do të dalin edhe të tjerë që do t’i risjellin në kujtesë këto kuadro e do të thonë se “Ka pasur edhe artistë si Avni Delvina, që e përballën Kohën e tyre, me artin e tyre.!”

Ju falenderoj për durimin tuaj në ndjekjen e kësaj ligjërate…

Të burgosurit shqiptarë që vuajnë dënimin në Itali do të transferohen në Shqipëri.

Kjo është marrëveshja e arritur sot mes kryeministrit Edi Rama dhe homologut italian Giuseppe Conte.

Vendimi është bërë i ditur nga Conte gjatë konferencës së përbashkët për media me kryeministrin Rama.

“Kemi kryer një studim për bashkëpunimin tashmë intensiv në gjyqësor dhe polici. Unë përsëris angazhimin e Italisë për forcimin e këtij bashkëpunimi, me vëmendje të veçantë në luftën kundër krimit të organizuar dhe jam i kënaqur që mund të njoftoj se është arritur një marrëveshje edhe në sektorin e rëndësishëm të transferimit të të burgosurve shqiptarë, tashmë një transferim i parë do të realizohet së shpejti,” deklaroi Giuseppe Conte.

Fatmira Nikolli  – I ikur nga Shqipëria më 1999 si emigrant, 20 vite më vonë, Bekim Latifi kthehet në atdhe tashmë si artist. Arsyet e ikjes, njësoj si arsyet e kthimit, janë përballje me të metat e pushtetit në vendlindje. Ai ka ardhur të vërë në skenën e Teatrit Kombëtar që menaxhohet nga mbrojtësit protestues të Aleancës që ruajnë teatrin nga vendimi i qeverisë prej shembjes. “Kam lindur në Durrës. Kam ikur nga Shqipëria më 1999-ën me familjen time. Isha 4 vjeç. Jam rritur atje dhe kam kryer shkollën për aktrim në Mynih. Kam tri vite që punoj për Teatrin Thalia në Hamburg”, thotë ai. Lajmin për protestën në mbrojtje të teatrit e ka mësuar nga media. “Nga media, nga media sociale dhe nga media shqiptare. Më pas më 24 korrik kur ishte përpjekja e policisë për të hyrë në teatër ishte çasti kur nisa të mendoj se duhet të bëja diçka. Mendoja të kontaktoja teatrin tim ku punoj në Gjermani për të bërë një plan se çfarë mund të bënim këtu”, thotë ai. Latifi tregon se çështja njihet gjerësisht në Gjermani, sepse “disa media të mëdha gjermane e publikuan lajmin, sidomos pas sulmeve të policisë më 14 korrik këtu. Ai ishte momenti që çdo media e botoi lajmin”. I pyetur nëse e mbështetën prindërit dëshirën e tij për të ardhur me shfaqje në shenjë solidariteti, ai u përgjigje: “Po patjetër, ata janë në anën time. Mendojnë se është me rëndësi të jem këtu dhe të tregoj mbështetje e të ketë më shumë vëmendje edhe në Gjermani për këtë çështje”.

RIKTHIMI NË ATDHE
“Para së gjithash, dua të falënderoj Aleancën për Mbrojtjen e këtij teatri të bukur. Jam ulur me Neritanin (Liçajn) e Linditën (Komanin) dhe është një nder i madh të jem këtu. Kam ardhur dje në Tiranë dhe për mua është shumë e rëndësishme të jem këtu dhe jam i lumtur që do luaj sonte, për të luftuar për këtë godinë të bukur, të luftoj për këtë teatër dhe për të treguar solidaritet me kolegët e mia shqiptarë dhe dua të falënderoj Aleancën, që ka më ka respektuar kaq shumë dhe që ka organizuar dhe më ka dhënë mundësinë për të luajtur sonte”.
Kështu e nisi konferencën Bekim Latifi. Kur teatri është braktisur nga shumë shqiptarë që jetojnë në Shqipëri, nga Hamburgu, një shqiptar i ikur herët, kur sapo kish mësuar të fliste, kthehet bashkë me teatrin gjerman për të bërë ç’mundet të bëjë një i ikur. Ai ndjehet krenar dhe ndjen që do të tregojë që Aleanca dhe lufta për këtë teatër, kanë një partner të fortë. “Nga ana tjetër, për mua është nder i madh që do luaj sonte këtu në këtë teatër të bukur, sepse besoj që është simbol i kulturës shqiptare i disa dekadave. Është figurë identifikuese për shoqërinë dhe shikoni këtë godinë të bukur. E ndërtuar më 1939-ën, është një kryevepër arkitekture”, tha Latifi, i cili kupton mjaft mirë shqip, por përgjigjet në anglisht që të jetë si sigurt për atë që po thotë.

KUSHTE DHE VENDE
Duke qenë se vjen nga një teatër gjerman, ku kushtet janë më të mira se në teatrin që mbrohet nga një grup njerëzish që protestojnë, ai pyetet edhe për kushtet e Teatrit Kombëtar, nga audio te komunikimi me publikun dhe ndriçimi, duke i bërë me dije, edhe se një nga arsyet që qeveria jep për shembjen e tij, është mungesa e kushteve.

“Për mua kjo nuk ka sens. Është e dukshme që ky teatër ka nevojë për restaurim, por ju duhet ta mbroni teatrin për ta restauruar, për ta bërë më të bukur e me standarde europiane. Ruajtja e godinës dhe restaurimi i saj besoj se janë gjërat më të rëndësishme”, thotë Latifi. Ai kujtoi se në teatër do të luante pa skenografinë që ka në Gjermani shfaqja. “Po bëj një version ‘unplugged’. Nuk do kem nevojë për shumë gjëra, e dija më parë këtë dhe me duhet vetëm një dritë, një karrige dhe një skenë. Të njëjtën gjë do të bëj edhe dy javë në Amerikë. Do kem një tur atje dhe do luaj në Teksas, Kansas Siti dhe Siatëll”, tha Latifi. Aktori shqiptar i teatrit gjerman tha se “kjo ndërtesë gjithë çka nevojë është një restaurim për të siguruar disa gjëra teknike. Gjithashtu, besoj se bashkë me kolegët shqiptarë, dëshira është që të ketë një teatër të ri modern, por më këtë ndërtesë që rri këtu, sepse është kaq e rëndësishme”.

MESAZHI I KAFKËS PËR SHQIPTARËT
I pyetur për mesazhin e veprës, ai tha se është padyshim një çështje edhe shqiptare, ajo me të cilën merret shfaqja. “Është rreth emigrimit dhe ikjes nga një vend. Siç edhe personazhi i librit të Kafkës te Amerika, ju do ju kujtohet gjithnjë vendi juaj, kultura e vendit tuaj dhe kur më pas shkoni në një vend të ri, gjeni standarde të reja atje dhe duhet të jetoni me to, reflektoni mbi to, mendoni mbi to. Dhe besoj se kjo është një çështje edhe shqiptare; ju shkoni në Gjermani ose në SHBA dhe përpiqeni të dini gjithnjë se çfarë po ndodh me vendin tuaj. Mendoni për të shkuarën, mendoni se nga jeni dhe kjo është pjesa perfekte për t’u luajtur në Tiranë. Kanë ikur shumë shqiptarë nga këtu dhe kthehen gjithnjë, siç bëj edhe unë. Edhe unë, vij çdo verë në Shqipëri, që të vizitoj familjen, për të kaluar pushimet”, tha Latifi.

Historia personale e ikjes së tij dhe e rikthimi si artist në një situatë krejt të pazakontë i shton më shumë peshë shfaqjes. Shqiptari që ikën jashtë, që rritet e edukohet me format e lirisë dhe demokracisë, që edukohet me shprehjen e lirë të mendimit, kthehet për të mbrojtur atë që i takon vendit të tij të origjinës. Gjithë kjo situatë për Latifin është “një përgjegjësi e madhe”. “Kam lexuar në lajme për gjithë procesin, për protestën dhe çfarë po ndodhte në vend, për politikat jotransparente. Për mua ka qenë shumë e rëndësishme që të merrja sa më shumë gjermanë që janë përfshirë në këtë proces, për t’ju treguar çfarë po ndodhte këtu në këtë vend, që të ndihmoja dhe të tregoja solidaritetin me këta njerëz. Ndonjëherë duket shumë sureale që jam këtu sonte në këtë mënyrë”, tha Latifi dje para mediave.

Ambasada e SHBA-vë në Tiranë zhvillon këtë të hënë një konferencë mbi rolin e Amerikës në Ballkanin Perëndimor, tryezë nga e cila analisti Daniel Serwer është shprehur mjaft ashpër ndaj Francës e Holandës, si dy vendet kryesore që i thanë JO hapjes së negociatave mes Shqipërisë e BE-së.

Analisti u shpreh madje se Francës dhe Holandës duhet t’i vijë turp që bllokuan hapjen e negociatave me Shqipërinë

“Kur erdha 22 vite më parë vendi ishte në kaos total. Që nga ajo kohë keni kaluar zhvillim të mirë ekonomik, nuk po themi spektakolar, dhe ndërtimin e një ekonomie të tregut të hapur dhe modern, si edhe integrim me vendet e tjera të Ballkanit. Ju keni përmbushur kriteret për hapjen e negociatave, për akses në BE. Janë vetëm rrethanat politike që e parandaluar hyrjen në BE.

Francës dhe Holandës duhet t’i vijë turp sesi vepruan me Shqipërinë dhe Maqedoninë e Veriut.

Çështja është si ti përgjigjemi kësaj vonese për njohjen e arritjeve që Shkupi dhe Tirana janë vërtet krenare. Ju padyshim jeni të zhgënjyer dhe të acaruar dhe unë ju mirëkuptoj. Por nuk do ju çojnë përpara. Përgjigja e duhur është angazhimi ndaj kërkesave të reformave dhe kërkesave për t’u bërë pjesë e BE.

Ju mund të përparoni drejt BE edhe pa të ashtuquajturat negociata.”-tha analisti./Express

Akademiku Gjovalin Shkurtaj është i bindur se të gjithë shqiptarët si vetë ai e përjetojnë jo pa shqetësim rënien e kujdesit të shtetit e të institucioneve zyrtare e publike ndaj gjuhës shqipe. Madje është i mendimit se duhet t’u japim votën atyre politikanëve duke i vlerësuar edhe nga ana e të shkruarit e të folurit të shqipes. Fjalë të pahijshme që derdhen lumë nga foltorja e parlamentit i konsideron të dëmshme për fëmijët.

“Ata që hyjnë në Kuvend bashkë me gëzimin që u zgjodhën duhet të kenë edhe përgjegjësinë që t’u përmbahen sa më mirë mënyrës së të folurit d.m.th. të mendojnë para se të shkruajnë si i thonë në Kosovë “ta zgasin qafën” ta mendojnë mirë çfarë do thonë dhe si do ta thonë. Më kryesorja është qe sa më lart aq më mirë duhet të vijë uji sepse kur vjen nga lart shkon poshtë dhe turbullohet ndërsa tek ne ndodh e kundërta. Uji që vjen nga lart shpesh herë vjen krejt i turbullt. Unë jam kundër të folurit larë e palarë në Kuvend. Mendoj se aty duhet folur zyrtarisht, duhet folur qartë dhe mirë dhe në qoftë se ka raste, siç kemi parë për fat të keq, unë jam partizan që më mirë mos të jepen fare pamjet nga Kuvendi kur ka sharje, kur ka të folur me fjalë të këqija sepse i mësojnë fëmijët e vegjël dhe ato bëhen si pendët që po i përhapen në një ditë me erë ato nuk mblidhen dot më”, -tha Gjovalin Shkurtaj.

Akademiku Shkurtaj shprehet se qysh në hapat e parë të shtetit shqiptar, vetëm pak muaj mbas shpalljes së Pavarësisë, në Fletoren Zyrtare u botua vendimi që të gjithë nëpunësit të jepnin provim gjuhën shqipe.

“Po e përsëris që jemi 106 vjet të vonuar në zbatimin e një kërkese të qeverisë së Ismail Qemal bej Vlorës, i cili që në vitin 1913, pak muaj pasi ishte shpallur Pavarësia në Fletoren Zyrtare të kohës ka një lajmim. Lajmimi thotë; “që të gjithë ata që dëshirojnë të qëndrojnë në Administratën Shtetërore, duhet të japin provën se e dinë gjuhën shqipe. Nëse kanë dëshirimin që të qëndrojnë por nuk e dinë gjuhën shqipe, të marrin kohën e nevojshme për ta dhënë provimin që të qëndrojnë”. Këtu ne jemi borxhlinj, sepse në Administratën Shtetërore ka shumë njerëz të cilët mund të kenë dituri por nuk dinë gjuhën shqipe”, pohoi ai.

Por mbrojtja dhe ruajtja e gjuhës shqipe nga shteti dhe shoqëria shqiptare nuk duket se është në plan të parë thotë me keqardhje gjuhëtari.

“Na e kanë zënë hijen e diellit ata që merren gjithë ditën vetëm me politikë dhe me probleme të tjera. Mllefi i tyre lëshohet si një ortek në veshin e popullit, është harruar. Madje quhen gjëra të vogla, sot të thuash të ruajmë gjuhën shqipe, të tregohemi shqiptar të quajnë të krisur, ndoshta edhe mua në këtë kronikë dikush do thonë; “çfarë është ky i krisur, çfarë hallesh kemi”. Halli i përjetshëm i shqiptarëve do të jetë kujdesi për gjuhën shqipe, në fund të fundit nëse rrudhen shqiptarët në Ballkan dhe në Europë, nëse shpërndahen në botë dhe harrojnë gjuhën e tyre, kjo do të thotë se ne humbasim”, -nënvizoi akademiku.

Shpresë i jep Diaspora që kërkon me endje libra në gjuhën shqipe teksa ka një këshillë për të gjithë shqiptarët kudo që jetojnë.

“Por mua më bën veshi mirë kur dëgjoj se në Diasporë ka një këndellje, ka përpjekje për të lexuar shqip, ka kërkesë për libra në gjuhën shqipe. Po të dimë ne të punojmë, po ta furnizojmë diasporën me mjetet e duhura, po t’u qëndrojmë afër, t’u japim modelin që të lidhen me Shqipërinë të qëndrojnë shqiptarë, edhe kur janë larg me trup, të jenë pranë nesh. Të gjithë i kemi njerëzit fëmijët larg. Shumica e shqiptarëve i kanë fëmijët nëpër botë, do kthehen, nuk kthehen, rëndësi ka që të mbeten shqiptarë kudo që janë”, pohoi akademik Shkurtaj.

Me këmbëngulje profesor Shkurtaj kërkon një ligj për të mbrojtur gjuhën shqipe.

“Për sa i përket shqipes së shkruar unë kam qenë dhe jam që të bëhet si gjithë bota e qytetëruar. Nuk jemi më pak se francezët. Këto ditë flitet shumë për Francën, por Franca për kulturën e vetë tregohet shumë ruajtëse. Për çdo fjalë të re ose term të ri në Francë bëhet propozimi dhe merret vendimi nga Presidenca e Republikës, edhe vendet e tjera bëjnë një punë të madhe për ruajtjen e gjuhës. Unë besoj se zbatimi i shqipes standarde në shkrim, pra në botimet e shkruara në literaturën zyrtare duhet të zbatohen rregullat e drejtshkrimit dhe të jetë në përputhje me normat.

Ruajtja e gjuhës shqipe është pjesë e dinjitetit kombëtar, është pjesë e etnisë shqiptare, është pjesë e shqiptarisë. Pra në qoftë se nuk kemi ruajtur gjuhën, nuk kemi ruajtur asnjë nga cilësitë kombëtare”, tha akademiku.

Në fund jep shpjegimin e tij për një fjalë të debatueshme siç është digjitalizim. “Së pari të kujtojmë atë që të gjithë e mësojnë në shkollë, fjalët e huaja përfshirë edhe emrat e përveçëm të huaj që përdoren në gjuhën shqipe, do të shkruhen sipas shqiptimit që kanë në gjuhën prej nga merren sipas drejtshkrimit të gjuhës shqipe. Kjo ka bërë që të krijohet një mëdyshje në kuadrin e lirisë për të shkruar si të duam dhe për të bërë çfarë të duam në gjuhë. Disa njerëz i shkruajnë ashtu siç shkruhen në gjuhën përkatëse por jo siç shqiptohen dhe kjo krijon mëdyshje. Pra për fjalën konkrete dhe për të gjitha fjalët mirë është që specialistët që dinë gjuhën përkatëse, fjalët që hyjnë nga anglishtja, ata që kanë bërë fjalorët e anglishtes, ata që janë marrë me studime për gjuhën angleze, duhet të kenë përparësinë për të caktuar sesi duhet shkruar mbi bazën e shqiptimit”, përfundon Gjovalin Shkurtaj./Neës24

Kryeredaktori i Gazetës Shqiptare, Erl Murati, deklaroi në rubrikën “Opinion”, në News24, se Struktura e Posaçme (SPAK), që pritet të ngrihet së shpejti, fatkeqësisht nuk pritet të nisë hetimin nga “koka” e problemit, pra nga politikanët e korruptuar.
Sa i takon Reformës në Drejtësi, Murati tha se deri tani ka qenë shumë i ngadaltë, megjithatë po jep rezultate, pasi ka “djegur” shumë prokurorë e gjyqtarë.

“Reforma në Drejtësi është deri tani e ngadaltë. Nëse do të zbatohet rreptësisht ligji i Vettingut, 800 prokurorë e gjyqtarë mund të ikin. Ka një fakt interesant, një pjesë e tyre druhen dhe të kandidojnë për institucionet e reja të drejtësisë, pasi kanë frikë nga hetimi.

Ka një shqetësim me pritshmëritë se çfarë do të bëjë SPAK. Mendoj se ka një pritshmëri më të lartë se ç’duhet. Është krijuar ideja sikur SPAK do shkojë direkt te politikanët, por janë rreth 170 dosje aktuale në prokurorinë e Krimeve të Rënda, që do transferohen te SPAK. Me ngritjen e SPAK, prokuroria e Krimeve të Rënda shkrihet, ndaj gjithë zyrtarët e hipotekës, kadastrës, do jenë në hetimin e kësaj strukture. Pra, mendoj se fatkeqësisht SPAK nuk do të nisë te “koka” e problemit, te korrupsioni i ministrave, ish-ministrave etj”, tha Murati.

Do gjendet një kleçkë për ta penguar SPAK në hetim?
Uroj që këto institucione të jenë produktive, por nga të dhënat që kemi puna e tyre nuk do shkojë direkt te krerët e politikës, te kryetarët e partive, ministra, ish-ministra, ish-kryeministra. Akoma nuk flasim dot për “peshq të mëdhenj”. Uroj që institucionet e reja ta nisin nga politikanët këtë punë, por ky proces nuk mund të ndodhë menjëherë. Kemi folur dhe me diplomatë, dhe ata japin mesazhin se kemi të bëjmë me një proces, nuk mund të ndryshojë çdo gjë menjëherë si me shkop magjik. Por, duhet një ndërgjegjësim i drejtuesve të Prokurorisë, i oficerëve të BKH të cilët do të trajnohen nga FBI për pritshmëritë e larta të shqiptarëve. Drejtuesit e sotëm të Prokurorisë nuk janë ndërgjegjësuar për rolin e tyre.

Vështirë të presim që të vijë një hero që të ndryshojë rrënjësisht sistemi i drejtësisë, por mendoj se procesi i pastrimit të korrupsionit politik do jetë një proces i gjatë, që nuk e kanë premtuar as institucionet e reja të drejtësisë, as ndërkombëtarët, dhe çuditërisht nuk e kanë kërkuar as përfaqësuesit e opozitës. Kur kemi një opozitë që nuk ka guximin, apo nuk ka prova, se këtu ka zyrtarë të lartë të korruptuar, që t’i denoncojë ata, pritshmëritë bëhen më të ulëta.

Reforma Zgjedhore, nevojë e brendshme ose kusht që duhet plotësuar?
Ka 26 vite që flitet për reforma në këtë vend, bëhen premtime elektorale dhe e keqja e reformave është se flitet gjithmonë në kohën e ardhme, pra “do të…”. Pra, e ushqejnë popullin me lugë bosh, se bilanc nuk ka. Kemi të bëjmë me gjithë bashkëfajtorët, pasi në thelb nuk mendoj se partive politike ju intereson një reformë e vërtetë zgjedhore, që të jetë nën kontrollin e shoqërisë civile apo drejtësisë. Sa herë një parti ngjitet në pushtet, e harron kauzën për bërjen e një reforme. Problemi i vendit është se ligjet nuk zbatohen.

PD është investuar në çështje të panevojshme për të, e ka ulur stekën shumë javët e fundit, teksa flet për Reformën Zgjedhore. Vetë Basha tha se e vetmja rrugë për zgjidhjen e krizës është Reforma Zgjedhore, por unë mendoj se kriza në vend është multidimensionale. Opozita shpenzon në mënyrë të panevojshme energji duke folur përditë për Reformën Zgjedhore. Nuk mendoj, siç tha Basha, që reforma zgjedhore qenka e vetmja rrugë për daljen nga kriza.

Cila do ishte kauza e duhur për të ulur palët?
Për sa kohë opozita i ka ndërprerë protestat, formalisht është vendosur paqja. Ulja e palëve në tryezë nuk është qëllim në vetvete. PD mund të ulet për ta diskutuar problemin për Reformën Zgjedhore, por unë mendoj se problemi i Shqipërisë nuk është ndryshimi i Kodit Zgjedhor sot për sot. Sistemi mazhoritar është kthim mbrapa. E kemi patur në ’96 dhe 2001, kur ka patur procese elektorale më të këqiat në pluralizëm. Me sistemin proporcional, njëra palë zgjodhi kriminelë, tjetra zgjodhi injorantë dhe kemi këtë Parlament me këtë sistem. Pra, nuk është faji i sistemit. Kemi njerëz të përfshirë me krimin dhe analfabetë dhe kjo është përgjegjësi personale e Bashës dhe Ramës. Një sistem me lista të hapura do t’i shkonte më shumë për shtat situatës në vend.

Balkanweb

Thirrje të forta ka lëshuar sot mamaja e Kostandinos Kacifas, teksa ka qenë te varri i të birit, në ceremoninë përkujtimore për 1 vjetorin e vdekjes së tij.

“Shfarosini, thyejuni turinjte. Kjo eshte toke greke”, thirrja e mamase se Kacifas on Vidnews.

Duke folur në greqisht, në prani të shumë njerëzve, një numër i madh i ardhur nga Greqia pikërisht për këtë rast, ajo ka bërë thirrje për vrasje, dhunë e luftë.

“Tradhtarët. Përse i ndaluan njerëzit të vijnë? Se janë tradhtarë. Thyejuni turinjtë, vrajini, shfarosini. Janë tradhtarë. Nuk ka qeveri këtu. Vorio Epiri është tokë greke, ne jemi grekë. Do luftojmë dhe asgjë nuk do na ndalë. Jam krenare për ty biri im”- ka thënë ajo.

Fredi Bejleri, kryetari i OMONIA në Himarë tha sot se një vit pas vrasjes së ekstremistit grek, Kostandin Kacifas, ku sot do të mbahet në fshatin Bularat ceremonia përkujtimore, ende nuk është zbardhur ngjarja.

“Pas një viti ende nuk është sqaruar situata, arsyeja pse u vra. Janë kthyer dhjetëra persona në Kakavijë.

Shqipëria që do të hyjë në Evropë nuk respekton të drejtat e njeriut.

Ka një klimë terrorizmi në minoritet dhe kjo është arsyeja pse nuk erdhën njerëzit”, tha ai.

Sakaq, gazetarja e Panorama raporton për një incident ndodhur në nisje të ceremonisë përkujtimore në një vjetorin e vrasjes së ekstremistit grek, ku një prej shtetasve pjesëmarrës në këtë ceremoni, nuk i ka lejuar gazetarët shqiptarë të filmojnë meshën për Kacifas. Vetëm mediat greke u lejuan të hynin brenda në varreza.

Mes britmave dhe sharjeve, siç shihet ne kete video te “BalkanWeb” ai i ka kërkuar gazetarëve të largohen.

“Nuk ju duam. Nuk na doni ju, nuk ju duam edhe ne. Pse e vratë djalin? Na thoni pse e keni vrarë djalin? Pse po vini këtu? ikni qërohuni!” bërtet personi në shqip.

Më pas në greqisht i eshte drejtuar mediave greke: “Jeni turq, vrasës”.

Në Bularat për të marrë pjesë në ceremoni ka mbërritur edhe kreu i PBDNJ-së Vangjel Dule por nuk ka dashur të flasë për mediat.

Ish-ministri i Jashtëm i Shqipërisë, Ditmir Bushati, tha se Serbia solli idenë e korrigjimit të kufijve me shqiptarë në Tiranë. Ai tha se ka qenë një ide e vjetër serbe “e paketuar dhe e vendosur në gjuhën shqipe me personazhe që e kanë shitur si një ide lokale, që vinte nga vetë protagonistët në këtë proces”

“Të sqarojmë një çështje duke i bërë eko asaj që ju thatë. Kur thashë që nuk është një çështje në interes të kombit shqiptar dhe kemi humbur kohë, kisha parasysh këtë që ju sapo thatë. Por ideja në gjykimin tim sipas të gjitha kontakteve që më ka krijuar mundësi pozicioni shtetëror që kisha, ishte një ide e vjetër serbe e paketuar në mënyrë shumë të strukturuar, e vendosur në gjuhën shqipe dhe me personazhe të cilët jo vetëm kanë bredhur në çdo studio televizive në Shqipëri dhe në Kosovë, kanë ardhur në zyrën time, kanë shkuar edhe në seli të rëndësishme apo në qendra të rëndësishme vendimmarrëse për ta shitur këtë si një ide lokale, si një ide që vinte nga vetë protagonistët në këtë proces”, është shprehur z. Bushati.

Për ish-ministrin faktori shqiptar u fut në një centrifugë që nuk duhej të ishte futur duke shprehur nevojën e një fuqizimi të domosdoshëm të faktorit shqiptar në rajon si kundërpeshë ndaj kësaj politike që inspirohet nga Beogradi.

“Për fat të keq faktori shqiptar u fut në një centrifugë që nuk duhej të ishte futur. Për herë të parë pamë një luftë politike që i kaloi kufijtë mes Shqipërisë dhe Kosovës dhe jo vetëm dhe politika revizioniste e Vuçicit nuk mori asnjë përgjigje. Nevojitet një fuqizim i domosdoshëm i faktorit shqiptar në rajon jo thjesht si kundërpeshë ndaj kësaj politike që inspirohet nga Beogradi, sepse unë jam për kultivimin e marrëdhënieve normale me Serbinë por ky kultivim i marrëdhënieve normale nuk mund të jetë i plotë për sa kohë Serbia nuk heq dorë nga politikat revizioniste dhe nuk njeh përgjegjësitë për të shkuarën e saj në rajon”, tha Bushati.

Përballë analistëve Arjan Vasjari dhe Fatos Lubonja, Bushati tha se dëmi që i është shkaktuar faktorit shqiptar është kolosal, dhe kjo është arsyeja sipas tij që në dokumentin e Bundestagut përmendet kjo çështje.

“Kam një arkiv të pasur për këtë proces dhe për debatet që janë bërë për këtë çështje dhe hartat që janë nxjerr. Dëmi që i është shkaktuar faktorit shqiptar është kolosal, kjo është arsyeja pse në dokumentin e Bundestagut përmendet kjo çështje sepse ndryshe nuk kishte arsye pse të përmendje dhe po them që për fat të mirë duket sikur ne po rigjejmë dhe një herë tjetër atë busullën”, u shpreh ai.

Ai tha se për këtë çështje ka pasur debate të zjarrta. Ndërkaq analisti Arjan Vasjari u shpreh se bëhet fjalë për një ide të strukturuar që punonin qartësisht për këtë gjë, aq sa flitej dhe për kilometra katrorë dhe për fshatra, “një çështje e kopsitur “siç e tha ai.

Ndërkohë që analisti Fatos Lubonja i qëndronte mendimit se Ditmir Bushati u shkarkua nga detyra e tij si Ministër i Jashtëm pikërisht për këtë çështje. “U vu një kosovar ministër, që sipas të dhënave është njeri i afërt i Batonit, dhe fakti që e vuri kryeministri dhe hoqi ministrin që kishim me deduksion të çon që kryeministri ka pasur një herë atë mendimin dhe ka ndërruar mendimin. Pastaj përse e ndërroi mendimin këtë hajt ta diskutojmë. Heqja e Bushatit, Bushati nuk e thotë, dhe vendosja e atij që i vu sepse asnjëherë nuk kanë dalë hapur fare që jemi për ndryshim kufijsh, po është mbrojtur gjithmonë Thaçi. Të gjitha këto të çojnë tek diçka që është përgjegjësi e madhe”, tha Lubonja.

Ministria e Financave nuk e respekton radhën për pagesat e të përndjekurve, si u zvogëlua fondi me dy aktet normative

Vlera e detyrimit të njohur nga shteti shqiptar dhe i papaguar për ish të përndjekurit politikë deri në fund të vitit 2018 është 33 miliardë e 381 milionë lekë, ose rreth 300 milionë dollarë. Nga llogaritjet e bëra nga auditi i KLSH rezulton se nëse buxhetimi i këtij fondit do të vazhdojë me këtë rritëm, ky detyrim do të mund të shlyhet vetëm pas rreth 33 vitesh. Për të ruajtur vlerën reale të kompensimit, duke pasur në konsideratë kohën e gjatë, do të duhej që detyrimet e njohura ndaj kësaj shtrese të indeksoheshin me inflacionin.

Nga evidenca e marrë nga sistemi e-dëmshpërblime për pagesat e vitit 2018 dhe testimet e kryera për subjektet përfituese të kategorisë parësore konstatohet se është thyer radha e pagesave për këstet, pra pa përfunduar shpërndarja brenda këstit më të ulët për të gjitha subjektet e kategorisë parësore është vazhduar me shpërndarjen e kësteve pasardhëse në kundërshtim me nenin 1, paragrafi i Dytë i Ligjit Nr. 94/2014 ku përcakton se “Me kryerjen e pagesës, për të gjitha subjektet parësore, brenda këstit më të ulët, fillon pagesa e këstit pasardhës e kështu me radhë”.

Fondi për rehabilitimin e të përndjekurve politikë është në varësinë të Ministrisë së Shëndetësisë dhe Mbrojtjes Sociale. Për vitin 2018, ky fond referuar Tabelës së Treguesve Fiskalë është realizuar në vlerën 997 milionë lekë, nga 2 miliardë e 51 milionë lekë të planifikuara me ligjin nr. 109/2017 “Për buxhetin e viti 2018” ose 48% në raport me planin vjetor fillestar dhe 97% në raport me planin përfundimtar.

Me ligjin fillestar të buxhetit, fondi për rehabilitimin e të përndjekurve politikë është planifikuar në vlerën 2,051 milionë lekë. Me Aktin Normativ nr. 1, ky fond është planifikuar në vlerën 1,047 milionë lekë, pra është ulur në vlerën 1,004 milion lekë, ose 49% krahasuar me planin fillestar. Ndërsa me Aktin Normativ nr. 2, programimi përfundimtar i këtij fondi është 1,033 milion lekë, pra është ulur më tej në vlerën 14 milion lekë.

Nga viti 2009, kur ka filluar procesi i përllogaritjes së masës së dëmshpërblimit, si dhe shpërndarja e kësteve përkatëse pranë Ministrisë së Financave dhe Ekonomisë dhe deri në fund të vitit 2018 janë miratuar në total 27 VKM për shpërndarjen e dëmshpërblimeve. Rezulton se për vitin 2018 është miratuar VKM nr. 256, datë 09.05.2018, për 142 dosje në vlerë totalë dëmshpërblimi 263,686,873 lekë, prej të cilave janë paguar 104 dosje në vlerën 57,800,055 lekë. Pra sa më sipër, konstatohet se fondi për “Rehabilitimin e të Përndjekurve Politik” është përdorur për detyrimet e lindura nga VKM nr. 256, datë 09.05.2018 në vlerën 57,800,055 lekë ose 5.71%, ndërsa pjesa e mbetur është përdorur për të shlyer detyrimet e lindura nga VKM e viteve të kaluara.

Nga auditimi ka rezultuar se Drejtoria e Pagesave dhe Dëmshpërblimeve, në vlerën totale 1,011 milion lekë të deklaruar si pagesa të kryera gjatë vitit 2018 për të përndjekur politikë, ka përfshirë edhe kthimet e pagesave të kthyer nga bankat e nivelit të dytë kryesisht si rezultat i llogarive të mbyllura, për 345 raste, në vlerën 18 milion lekë si dhe pagesat e kryera me fondet e vitit 2019 për 125 raste në vlerën 9 milion lekë.
KLSH konstaton se mungojnë aktet nënligjore për skemën dhe afatet e shpërndarjes së dëmshpërblimeve, pas ndryshimeve thelbësore që ka pësuar ligji nr. 9831, datë 11.12.2007 “Për dëmshpërblimin e ish të dënuarve politikë të regjimit komunist” me ligjin nr. 94/2014, datë 24.7.2014 dhe ligjin nr. 57/2018, datë 13.09.2018 “Për disa shtesa dhe ndryshime në ligjin nr. 9831, datë 12.11.2007 “Për dëmshpërblimin e ish të dënuarve të regjimit komunist”, i ndryshuar”.

Drejtoria e Pagesave dhe Dëmshpërblimeve i referohen skemës së shpërndarjes së VKM nr. 419, datë 14.04.2011, e cila do të duhej të ishte shfuqizuar që në momentin që u miratua ligji 94/2014, i cili i ndan subjektet përfituese në dy kategori dhe në nenin 6 të tij thotë “Këshilli i Ministrave, brenda vitit 2014, miraton afatet dhe skemën e shpërndarjes së fondeve.”/monitor

Ish-kryeministri Sali Berisha i është përgjigjur Presidentit të Kosovës, Hashim Thaçi, i cili tha se Bashkim Gazidede përndiqte aktivistët e lëvizjes për çlirimin e Kosovës.

Në studion e emisionit “Tempora”, Berisha tha se kreu i SHIK ndihmonte ata që luftonin vërtet për Kosovën dhe jo ata që loznin me letra në vilën e Enver Hoxhës.

Pjesë nga biseda në studio

Sonila Meço: Kam një deklaratë që ka bërë zoti Thaçi në këto momente që ne flasim. Ka bërë një deklaratë të fortë, Azem Hajdari dhe gazetari shantazhonin Sali Berishën për dy marrëveshjet që arriti me Millosheviçin.

Sali Berisha: Argati i Beogradit meriton vetëm atë që i kam thënë, është argat i Vuçiçit, mjeran i damkosur në mbarë Kosovën dhe tani në mbarë Evropën. Shkoi në samitin e Berlinit për të shitur tokat e vendit të tij.

Sonila Meço: Ka shtuar dhe tjetrën, SHIKU i Gazidetes përndiqte aktivistet e lëvizjes për çlirimin e Kosovës?

Sali Berisha: SHIKU i Gazidedes ka bërë punë të jashtëzakonshme për të ndihmuar ata që vërtet luftonin në Kosovë. Po jo ata të cilët raportonin se janë në Kosovë por loznin letra në vilën e Enver Hoxhës.

Denion Ndrenika: A lidhet kjo vetëm me ata që vinin në zyrën e Iljaz Ramajlit?

Sali Berisha: Jo nuk e thashë atë. Ata që vinin në zyrën e iljaz Ramajlit  kanë qenë Adem Jashari. Në 1993 Adem Jashari ka qenë në Shqipëri.

Denion Ndrenika: I bie që Thaçi të thotë që të kenë qenë këta që përndiqeshin?!

Sali Berisha: Armatoseshin dhe stërviteshin në Shqipëri. Thaci thotë se e kanë arrestuar sepse është gjetur i vrarë shoku i dhomës së tij.

Nënkryetari i Partisë Demokratike, Edi Paloka, tha në rubrikën “Opinion”, në News24, se zbulimi i celulës terroriste iraniane u bë tani, pasi pikërisht tani i duhet kryeministrit Edi Rama për të tërhequr vëmendjen nga vendimi negativ i Bashkimit Evropian për mos hapjen e negociatave.

“Celula u zbulua tani, sepse tani i duhet Edi Ramës. I duhet Ramës për të tërhequr vëmendje nga negociatat. Përpiqet të sajojë histori të tjera, që do të thotë se ka gërrmuar e gërrmuar dhe iu nxori këtë të terroristëve. Qëllimi i tij ky është, të tërheqë vëmendje nga negociatat. Ishallah nuk del Ardiu Veliu nesër të thotë se janë parë UFO në Kukës”, tha Paloka.

Megjithatë, është një ngjarje e madhe, nëse do të ndodhte një sulm terrorist …

Absolutisht. Por, del sot sepse i duhet Edi Ramës, që të krijojë panik dhe ankth te qytetarët, që t’iu thotë të mos merren me gjërat e përditshme, buka e gojës, spitalet, shkollat, se ka gjëra më madhore. Sa herë ka pas skandale, Rama përpiqet të gjejë kështu gjërash për të tërhequr vëmendje. Sigurisht me brekushe nuk tërheq dot vëmendje dhe nxori këtë grupin.

Duke mbetur te negociatat, vazhdon jehona. Rama përplaset me Bashën …
Rama është i pashqetësuar, që nuk iu hapën negociatat, sepse gjendet mirë në këtë batakun që ka krijuar vetë. ky është problemi madhor, që kemi. Nëse ne do kishim një status tjetër, nuk do menaxhonte dot marrëdhëniet me krimin, siç bën sot. Ndaj, Rama e ka gjetur parajsën, për të lind dielli çdo ditë, për shqiptarët ka filluar errësira, që kur ai erdhi në pushtet. Rama i ka milionat, vilat, udhëtimet me charter, jetën e bën mondane. Nuk po diskutojmë mirëqenien e Ramës, por të shqiptarëve. Dera, në fakt, iu mbyll Ramës, por pasojat i vuajnë shqiptarët.

Është detyra jonë të vëmë para përgjegjësisë këtë kryeministër, që sot është i vetmi përgjegjës për mos hapjen e negociatave. Ato kushtet që shtohen e shtohen, nuk vijnë se kështu i teket gjermanëve, holandezëve apo francezëve, por se ky zotëria bën hapa pas. Pse nuk ka kushte për Maqedoninë, ku e fundit ishte kërkesa ekstreme për ndryshimin e emrit, dhe që e realizoi. Maqedonia arriti deri në atë nivel të realizimit të kushteve, sa sot nuk ka arsye për të mos ja hapur negociatat. E kundërta ndodh me ne.

(BalkanWeb)

Kristaq Leci u arrestua në Greqi më datë 12 gusht me kërkesë të autoriteteve tona, por për arsye ende të paqarta u lirua ndërkohë që duhej të sillej në Shqipëri për t’u përballur me drejtësinë për akuzat ndaj tij.

Më parë, Greqia kishte refuzuar ekstradimin drejt vendit tonë të Kristaq Lecit, i dyshuar si bashkëpunëtor në vrasjen e ish-kryekomisarit Artan Cuku më 8 prill të 2017-s, ndërsa mbetet ende i paqarta shkaku që çoi në lirimin e tij.

“Abc News” kontaktoi me Ministrinë e Drejtësisë duke kërkuar informacion në lidhje me rrethanat që çuan në lirimin e Lecit, por si përgjigje mori vetëm heshtjen.

Zëdhënësja e ministrisë, Valeria Bardhja e kontaktuar zyrtarisht nga “ABC News” u shpreh se do të interesohej, por më pas nuk iu përgjigj interesin tonë.

Më herët Gjykata e Lartë greke kishte refuzuar edhe ekstradimin e Bledar Jambellit me argumentin se në vendin tonë i rrezikohej jeta, duke e lënë më pas të lirë.

Sipas hetimeve të prokurorisë shqiptare kjo vrasje është porositur nga Bledar Jambelli, një person që ishte arrestuar më parë nga komisari Cuku.

Pikërisht ky arrestim dyshohet të ketë qenë edhe shkaku për urdhërimin e vrasjes se ish-drejtorit të policisë, në shenjë hakmarrjeje. Ndërkohë në Gjykatën e Krimeve të Rënda është vendosur data 31 tetor për nisjen e procesit gjyqësor për Bledar Janbellin.

Kristaq Leci, dyshohet si bashkëpunëtori i Mikel Shallarit në ekzekutimin e drejtuesit të lartë të policisë Artan Cuku pranë banesës së tij në Tiranë.

Kristaq Leci, sipas informacioneve të bëra publike dhe hetimeve të prokurorisë, thuhet se ka qenë ai që ka informuar Mikel Shallarin për lëvizjet e komisar Cukut.

Leci gjithashtu njihej edhe me emrin Gerti Kajo.

Komisari Artan Cuku u ekzekutua nga Mikel Shallari i cili ka rrëfyer në gjykatën e krimeve të rënda të gjithë ngjarjen e plotë duke zbuluar edhe emrin e porositësit. Bledar Janbelli ishte larguar nga Shqipëria menjëherë pas vrasjes se Cukut. /abcnews/

Paraditen e sotme një peshkaqen është kapur në ujërat e detit Adriatik nga peshkatarët durrsakë.

Ka qenë peshkarexha ”Meduza” që e ka nxjerrë në breg peshkaqenin që, sipas peshkatarëve, është i llojit tigër.

Ai ka rënë në rrjetat e peshkatarëve në një thellësi prej afro 170 metrash dhe peshon afërsisht 500 kilogramë.

Në ndërtesën e ish komitetit të Partisë në Korçë janë zbuluar disa qeli burgu dhe hetuesie të kohës së komunizmit. Në mure ka dëshmi të torturave ndaj të dënuarve, shumica e të cilëve aristokrate korçarë.

Punimet për restaurimin e ndërtesës së ish-Komitetit të Partisë, në qendër të Korçës, zbuluan se bodrumet e saj kanë shërbyer gjatë kohës së diktaturës si qeli torturash dhe hetuesie.

Në muret e ngushta, kanë mbetur të paprekura mbishkrime, data, emra apo thënie të të dënuarve politikë. Në ndërtesën e cila pas çlirimit të vendit u kthye në zyra hetuesie dhe qeli burgu, janë mbajtur kryesisht aristokratë korçarë.

Ekzistenca e disa ndërtesave të tilla, që janë përdorur si burgje gjatë diktaturës lind nevojën që qyteti të ketë një muze, për të dëshmuar trashëgiminë historike të kësaj periudhe.

Gjatë periudhës së diktaturës në Korçë, janë dënuar politikisht 900 persona, 120 prej të cilëve janë pushkatuar dhe qindra familje janë internuar./abcnews

Ilirian Agolli

“Një njeri po na mban peng të gjithëve. Kjo duhet të marrë fund”. – Kështu u shpreh sot kryetari i Partisë Demokratike, Lulzim Basha, duke kërkuar dorëheqjen e kryeministrit Edi Rama, si përgjegjës për dështimet në procesin e integrimit europian dhe mos-hapjen e negociatave me Bashkimin Europian.

Drejtuesi i bashkimit opozitar theksoi se “situata e rëndë ekonomike, mungesa e mundësive, që vjen prej kapjes së institucioneve dhe pabarazisë para ligjit, ka detyruar shqiptarët të largohen në numra rekord si azilkërkues”.

“Europa refuzoi Edi Ramën, jo Shqipërinë. Dështimi është i Edi Ramës, jo i Shqipërisë. Ky mesazh ka qenë më i fortë se kurrë nga Gjermania, që i tha Po Shqipërisë dhe Jo qeverisë përmes 9 kushteve që duhen përmbushur. Pa reforma serioze, të cilat ai nuk është në gjendje dhe nuk ka vullnetin t’i bëjë, Europa do të vazhdojë ta refuzojë Edi Ramën, por ne, shqiptarët, do të vazhdojmë të vuajmë pasojat” – tha zoti Basha.

Ai deklaroi se kryeministri Rama duhet t’i kthejë mandatin popullit shqiptar, sepse “shumica e vendeve ishin të një mendje se qeveria e Shqipërisë nuk e meritonte hapjen e negociatave dhe se kushtet treguan që qeveria ka bërë hapa pas”.

Ai tha se krimi, korrupsioni, blerja e votës, mosfunksionimi i gjykatave, nuk janë probleme të brendshme të Europës, por të qeverisë Rama.

“Kushtet e BE janë udhërrëfyesi ynë për të dalë nga kriza, për të ndërtuar një Shqipëri demokratike, me mundësi për të gjithë qytetarët e saj. Vënia para drejtësisë e te inkriminuarve dhe korruptuarve në nivele të larta janë kërkesat e panegociueshme për hapjen e bisedimeve të anëtarësimit” – tha ai.

Zoti Basha tha se qeveria e Tiranës duhet të ndjekë shembullin e Maqedonisë së Veriut dhe të largohet nga drejtimi i vendit.

“Me një qeveri të re, legjitime, e dalë nga zgjedhje të lira e të ndershme, që drejton procesin e negociatave europiane, mirëqenia dhe përparimi është i mundur” – tha ai.

Por kryeministri Edi Rama hodhi poshtë kërkesat për dorëheqje dhe akuzoi opozitën se ajo punoi shumë fort për ta dështuar procesin.

“Ata nuk kanë lënë gur pa lëvizur por nuk ia dolën. Maqedonia e Veriut dhe Shqipëria nuk morën atë që ju takonte si rezultat i një përplasje të brendshme në tryezën e familjes europiane për të ardhmen e Bashkimit Europian” – tha ai.

Zoti Rama tha pas një mbledhje të Partisë Socialiste për të njëjtën temë se e vetmja gjë që Shqipëria ka në dorë është të bëjë detyrat e shtëpisë, dhe se përgjigja e fundit nga BE-ja nuk ndryshonte asgjë në trajektoren strategjike të vendit, PS-së dhe qeverisë.

“Detyrat tona të shtëpisë janë shumë të qarta. Rruga jonë vazhdon pa asnjë lëkundje dhe pa asnjë ekuivok. Ne duam të bëjmë Shqipërinë europiane për shqiptarët dhe fëmijët tanë dhe këtë do ta bëjmë përditë” – tha ai.

Franca i kujtoi Shqipërisë se ka një numër të lartë azilantësh dhe emigrantësh, gjë që nuk përputhet me kërkesat e saj për integrim europian, ndërsa Gjermania i kërkoi të ringrejë Gjykatën Kushtetutese dhe të dënojë zyrtarët e inkriminuar në korrupsion gjyqësor dhe në krime zgjedhore.

Një ngjarje e rëndë ka ndodhur paraditen e sotme në bjeshkët e Gjallicës, në Kukës, ku një 43-vjeçar është plagosur rëndë nga ariu.

Burime bëjnë me dije se qytetari që ka mbetur i plagosur është Ekrem Onuzi, i cili jeton gjatë verës në bjeshkë me bagëti

Ka më shumë se dy orë që Onuzi ka njoftuar se e ka sulmuar ariu në vendin e quajtur Sasat, bjeshka Gjallicë, dhe i ka shkaktuar plagë të shumta në trup, duke i duke i dëmtuar rëndë këmbën dhe kokën duke i shkaktuar hemorragji të shumta

Është njoftuar Salla e Emergjencave për helikopterin dhe akoma nuk është njoftuar nisja e tij nga Tirana për shpëtimin e të plagosurit.

Policia e Kukësit ka konfirmuar rastin por shton se është e vështirë ndërhyrja për shkak të terrenit mjaft të thyer në Gjallicë.

Policia Kukës/ Informacion paraprak:

Jemi njoftuar në sallën operative se në vendin e quajtur Sasat, mali i Gjallices, shtetasi E.O., rreth 45 vjeç, banues në fshatin Nangë, duke kullotur bagëtitë është sulmuar nga një Ari, duke i shkaktuar plagë në kokë, shpatull dhe në këmbë.

Policia është nisur drejt vendit të ngjarjes.

Nga Tirana është nisur dhe helikopteri në ndihmë, për shkak të terrenit të vështirë malor.

Qeveria këmbëngul që refuzimi i negociatave nuk ka të bëjë me punën e saj dhe ka vënë në shënjestër publike Macronin.

Në fakt, këtë alibi ka patur arsye reale ta përdorte politikisht qeveria e Maqedonisë së Veriut, por ata kanë zgjedhur të reagojnë ndryshe.

E vërteta është që nuk ka qenë vetëm Franca kundër nesh.

Madje Macron ka këmbëngulur që Shqipëria dhe MV të mos ndaheshin duke “djegur” kështu MV, e cila kishte konsensus të gjerë dhe duke e shpëtuar politikisht Ramën.

Euronews raporton se për Shqipërinë ishin shumë vende kundër.

Ndërsa për Maqedoninë kishte konsensus të gjerë, por Franca ka vënë veton për mosndarje.

“Presidenti francez Emmanuel Macron argumentoi që nisja e bisedimeve të anëtarësimit vetëm me një vend do të ishte një gabim i tmerrshëm për Balkanin”, shkruan Euronews i cili më pas thekson deklaratën e presidentit:

“Dje dëgjova disa fjalë se ne pothuajse arritëm uninamitet për hapjen e bisedimeve me Shqipërinë dhe Maqedoninë e Veriut. Kjo nuk është e vërtetë. Padyshim, aty kishte një shumicë dërrmuese që Maqedonisë së Veriut ti hapen negociatat, por gjysma ishin kundër Shqipërisë”.

Një grup veprimtarësh të shoqërisë civile intelektualësh shqiptarë u mblodhën sot në një takim nën moton “Për shqiptarët dielli lind në Perëndim”.

Ata shprehën shqetësim për mos hapjen e negociatave të Shqipërisë me BE-në për anëtarësim të plotë dhe nga ana tjetër për njoftimin mbi një miniShengen ballkanik dalë nga takimi në Novi Sad midis përfaqësuesve shtetërorë nga Serbia, Shqipëria dhe Maqedonia Veriore.

“Na u tha se do të bëhej një mini-Shengen për lëvizjen e lirë, por në atë tryezë nuk ishte shteti i Kosovës. Atje u fol edhe për heqjen e barrierave doganore, por nga ana tjetër kemi edhe taksën 100 për qind e mbiquajtur “taksa Haradinaj”, e cila është në fuqi midis shtetit të Kosovës dhe Serbisë. Takimi u duk si një presion që kryeministri Rama po i bënte Bashkimit Europian, ku shqiptarët aspirojnë të bëhen pjesë. Ne kemi thirrjen “E duam Shqipërinë si gjithë Europa”, e cila ka mbetur diku në horizont, por dje na u tha edhe një “Jo” për hapjen e negociatave, dhe na duket se ajo ditë është më e largët” – tha veprimtari Aulon Kalaja.

Folës të tjerë theksuan se takimi nuk ka krahasim me marrëveshje si ai i Shengenit apo i Vishegradit.

“Marrëveshja e Vishegradit ishte i monitoruar nga Brukseli, ndërsa marrëveshja e Novi Sadit ne nuk shohim as nga Brukseli as nga Uashingtoni asnjeri aty. Janë vetëm tre zyrtarë dy kryeministra dhe një president, të cilët bajnë një marrëveshje, të cilën ne në Shqipëri nuk e dimë se çfarë përmban në detaje. Mendoj se ajo i shkon ndesh aspiratave pro-perëndimore të popullit shqiptar, është një marrëveshje anti-integruese dhe anti-europiane për Shqipërinë” – tha veprimtari Ilir Aliaj.

Pjesëmarrësit theksuan se aleatët strategjik të Shqipërisë janë Shtetet e Bashkuara të Amerikës dhe Bashkimi Europian.

“Formula e SHBA-ve, garantuesit kryesor të rendit në Ballkan, është që Ballkani të jetë në Bashkimin Europian. Këta kanë nxjerrë një formulë tjetër; jo më Ballkani në BE dhe i mbështetur nga SHBA-të, por kanë shpikur një formulë të re: Shqipëria dhe Kosova të orientohen drejt Danubit, dhe jo më nga Mesdheu. Tani dihet se kush e ka sferën e interesave në Mesdhe dhe kush e ka sferën e interesave në Danub, ndaj duhet denoncuar fuqishëm” – tha veprimtari Indrit Vokshi.

Në takim morën pjesë veprimtarë të grupimeve të ndryshme, diplomatë, historianë, artistë, pedagogë e studentë.

“Ideja e heqjes së barrierave doganore është një krim, pjesë e një kolonizimi të Shqipërisë. Këtu nuk është punë shovinizmi, nuk është punë nacionalizmi, por është punë atdhedashurie” – tha profesor Edmond Tupe.

Disa ditë më parë drejtuesit e qeverive të Shqipërisë dhe Maqedonisë veriore Rama e Zaev si dhe presidenti i Serbisë Vuçiç zhvilluan një takim, ku u diskutua për një lehtësim më të madh të qarkullimit në rajon të njerëzve, prodhimeve dhe kapitaleve.

Veprimtarët u mblodhën me shqetësimin se mbi këtë takim nuk ka transparencë më të madhe dhe ka paqartësi mbi orientimin perëndimor të shqiptarëve.

Ministri i Jashtëm në detyrë i Shqipërisë gjatë një dalje publike për mediat, u pyet se a mban përgjegjësi qeveria shqiptare për mos-hapje negociatash, pasi në Maqedoninë e Veriut kryeministri Zoran Zaev dërgoi vendin në zgjedhje të parakohshme.

Cakaj tha se nuk ka për të ndodhur e njëjta gjë në Shqipëri, sepse as ai dhe as kryeministri Rama nuk kanë folur për dorëheqje, kurse Zaevi po.

Madje ministri në detyrë thotë edhe që dorëheqja nuk ka të bëjë me negociatat, megjithëse Zaev e shprehu qartë këtë.

“Diskutimi për zgjedhje të parakohshme në Maqedoninë e Veriut është më herët se dje. Zgjedhje e parakohshme në Maqedoni të Veriut nuk ka ardhur si rrjedhojë e bllokimit të negociatave.

Në Maqedoninë e Veriut ka pasur premtime se do të jepet dorëheqje, është thënë se negociatat do të hapen. Prandaj përgjegjësia e tyre ndaj elektoratit atje është komplet ndryshe. Unë nuk di që unë apo kryeministri kemi premtuar ndonjëherë se negociatat do të hapen. Ne kemi thënë se zotohemi se do bëjmë përpjekje, por nuk jemi zotuar se do të hapen se s’bën.”, tha Caka.

Përmes transportit detar nga porti i Durrësit, vendi ynë rezulton të ketë një shkëmbim më të madh tregtar me Rusinë, Turqinë dhe së fundmi me Tunizinë dhe Shtetet e Bashkuara.

Një vit më parë, vendin e tretë në listën e shkëmbimeve tregtare e mbante Italia me 11% të volumit të përgjithshëm të mallrave të përpunuara.

Autoriteti Portual Durrës bën të ditur se gjatë periudhës janar-shtator të këtij viti janë përpunuar 3,12 milion ton mallra dhe shkëmbimet me Rusinë kapin 24 % të import/eksporteve, ndërsa me Turqinë dhe Tunizinë janë shkëmbyer përkatësisht 18 dhe 12 % e mallrave.

Lista vijon me SHBA me 12 %, si dhe Italia dhe Malta me 8% secila. Greqia, Ukraina, Spanja, Egjipti, kanë me portin e Durrësit shkëmbime prej më pak se 5 % të volumit të përgjithshëm secila.

Përsa i përket importeve, peshën kryesore e mban Rusia, ndërsa eksportet “Made in Albania”, që mbeten në shifra të ulëta, shkojnë kryesisht drejt Italisë, Maltës e Turqisë.

Aktivistja e shoqërisë civile, Sevim Arbana ka deklaruar disa kohë më parë në emisionin “A show të gazetarit” Adi Krasta se kryeministri Edi Rama ka pickuar një ministre në qershor të vitit 2013, e për këtë deklaratë, kryeministri e ka paditur.

Sevim Arbana ka thene ne emison se ka pare se si kryeministri Rama ka ushtruar dhunë ndaj ministres së tij në një aktivitet në një prej hoteleve të Tiranës.

Sevim Arbana, aktiviste e të drejtave të njeriut, reagoi në një lidhje të drejtpërdrejtë në News24, lidhur me padinë e ngritur ne adresë të saj nga kryeministri Edi Rama.

Arbana e konsideroi të shëmtuar dhe revoltues, padinë që kreu i qeverisë ka ngritur ndaj saj, ndërsa tha se seanca e parë e gjyqit do të mbahet më 6 nëntor.

“Do të mbyllë gojën dhe ka natyrën e tij, do të imponojë me forcën e pushtetit, dhe arrin dhe bën edhe gafa. Ky kryeministër që guxon të kërkojë dhe para, duhet të vërtetojë dëmin  material, shëndetësor dhe në roli si kryeministër i kam shkaktuar unë. Është shumë e lehtë dhe shikohet sa lekë kam unë, le ti marrë le ti gjejë. Ai mendon se të gjithë njerëzit kanë stiva parash siç ka ai. Ky është një akt i shëmtuar.

Eksiton një ligj ndërkombëtare lejohet të shahet në një farë kuptimi, kjo s’do të thotë ta hedhë të gjithë popullin në gjyq. Është ai që më ka shkaktuar mua një dëm në shëndet dhe shqetësimet në familje. Organizmat ndërkombëtarë më kanë sugjeruar që të bëj unë kundër padi, ende skam fol me avokatin për këtë, por do të diskutoj”, u shpreh ajo.

Kryeministri Edi Rama, paditi në gjykatë aktivisten e të drejtave të njeriut, Sevim Arbana, pas deklaratës së saj në emisionin “A Krasta” në News24 e cila tha se në qershor 2013 e kishte parë atë të pickonte me dhunë një nga ministër e kabinetit.

‘Unë kam parë skena që ia ka futur edhe me të pickuar një ministreje grua. Kush e di ca i ka bërë dhe i ka ardhur në majë të hundës. Në 2013, ishte pickim dhune, sec i shpëtoi asaj edhe tek.. te Sheratoni ka qenë në qershor 2013. Asaj i dolën dy lotë kështu i ranë edhe e mblodhi veten se ishin një javë para zgjedhjeve”,- tha Arbana gjatë diskutimit në emision.

Analiza kritike e ish-ministrit të Financave për ekonominë 2019-eksporti është ngadalësuar, bankat e huaja ulen kreditimin dhe pse kriptomonedhat mund të kthehen në një mallkim për ekonomi si e jona

Në të njëjtën ditë që diskutonte buxhetin faktik me Kontrollin e Lartë të Shtetit ish ministri i Financave ka bërë një analizë të ekonomisë dhe risqeve të saj në konferencën vjetore të Bankës së Shqipërisë ku ka kundërshtuar dyshimet për skenarin grek për Shqipërinë.

Siç raportoi Monitor, KLSH relatonte se “në kushtet e presioneve në treguesin e deficitit dhe borxhit publik, ndikuar nga problematikat sistemike të evidentuara në zbatimin e buxhetit të shtetit për vitin 2018 nga entet publike, nga ana e strukturave përgjegjëse janë marrë masa jo në përputhje me aktet ligjore dhe nënligjore në fuqi, duke përfshirë mosplanifikim të plotë të shpenzimeve, mosrespektim të radhës prioritare për buxhetimin e projekteve në vazhdim, kryerjen e shpenzimeve të pambështetura me plan buxhetor, moslejim përdorimi fondesh buxhetore të miratuara nga Kuvendi për njësitë e pushtetit vendor, mosraportim të plotë të shpenzimeve për disa zëra buxhetorë, me qëllim raportimin e treguesit të deficitit dhe disa zërave buxhetorë brenda kufijve të miratuar.

Detyrimet e prapambetura dhe stoku në rritje i rimbursimit të TVSH nuk reflektohen në treguesit e konsoliduar fiskalë, treguesin e deficit, dhe treguesin e borxhit publik për vitin 2018”.

Në konstatimet e publikuara nga Monitor rezultoi se financat kanë fshehur detyrimet e prapambetura, të cilat realisht arrijnë në 75 miliardë lekë, nëse përllogariten dhe detyrimet kontigjente gjyqësore ndërkombëtare. Fshehja e shpenzimeve, një skenar i ngjashëm me Greqinë e cila kishte manipuluar të dhënat për shpenzimet, të ardhurat dhe borxhin te Bashkimi Evropian, FMN e BB. Nga raporti KLSH rezuloi se janë shtuar rreziqet për një paaftësi për të paguar detyrimet financiare në të ardhmen, teksa rritja ekonomike është përgjysmuar tashmë dhe PPP-të janë një tjetër rrezik për buxhetin.

Por ish-ministri i Financave tashmë kreu Komisionit të Ekonomisë Arben Ahmetaj tregon “sesi Shqipëria e kishte kapërcyer rrezikun e një skenari grek për ekonominë dhe përmes një pune shumë të kujdesshme në favor të konsolidimit fiskal, që edhe ishte shtruar rruga për një rritje ekonomike të qëndrueshme në nivelet 4%, të nxitur nga konsumi dhe investimet, dhe të shoqëruar me një rritje serioze të punësimit”.

Duke ju referuar vitit të kaluar Ahmetaj thotë se “atëherë diskutonim edhe sesi, për një ekonomi si jona por jo vetëm, edhe si e të gjithë rajonit, vija ndarëse mes suksesit dhe dështimit mbetet akoma tejet e brishtë dhe gjithnjë kërcënuese pa garancitë e vazhdimit të reformave”.

Por megjithëse thotë se Shqipëria e ka kaluar rrezikun e skenarit grek, Ahmetaj jo pa qëllim vëren se risqet janë shtuar krahasuar me një vit më parë kur ai drejtonte financat dhe ekonominë e vendit. “Sot mund të kemi një tjetër reflektim një vit më pas, por në këndvështrimin tim sfidat janë po ato dhe sërish në këndvështrimin tim, sfidat janë akoma më afër kërcënimit”.

Ahmetaj vijon me atë që e quan “provokim të dytë, praktikisht produktiviteti i faktorëve në Shqipëri është akoma më i ulëti në rajon. A është kjo arsyeja pse eksporti është ngadalësuar këtë vit, krahasuar me vitin e kaluar apo edhe vitet e fundit, ku po t’i referohemi që nga 2014 praktikisht eksporti kërceu edhe me dy shifra? “

Duke folur për borxhin Ahmetaj thotë se “Kryeministri ka pasur dhe ka presion, unë kam pasur presion, ministrja sot besoj sërish ka presion për të rritur borxhin, por ulja e borxhit do duhet të rikthehet domosdoshmëri dhe e kam thënë edhe më herët në aktivitete publike, jo vetëm domosdoshmëri, por edhe objektiv patriotik”.

Ahmetaj e shikon patriotizmin edhe te bankat. “Është interesante të shohësh që bankat me kapital shqiptar e kanë rritur kreditimin në masë të konsiderueshme. Bankat me kapital të huaj, e kanë marrë “me nge”. Pyetje e kam, mos u përgjigjni sot se nuk besoj është ky auditori, por bankat me kapital shqiptar janë më pak të ndërgjegjshme për riskun? Bankat me kapital të huaj, janë më të sofistikuara në përllogaritjen e riskut në Shqipëri? Pyete e kam, nuk e di, thjesht po ju them shifra.

Ishi-ministri kishte gjithashtu një provokim sa i përket crypto currencies, kur thotë se “ka ardhur besoj momenti që autoriteti rregullator, por edhe ligjbërësit të mendojnë seriozisht sepse crypto currencies sa mund të jenë një bekim, mund të kthehen edhe në një mallkim, sidomos për ekonomi dhe sisteme si tonat. Besoj që duhet futur në axhendën e diskutimit mes jush, qeverisë dhe ligjvënësit”.

Ish-kryeminisrtri i Shqipërisë Sali Berisha feston sot 75-vjetorin e lindjes. Në një postim të bërë në profilin e tij në Facebook, ku shfaqet në foto me bashkëshorten e tij, Liri Berisha. Ai ka falenderuar të gjithë miqtë dhe përkrahësit e tij për mbështetjen e dhënë gjatë këtyre viteve.

Statusi i Berishës

Sot 75 vjeç!

Miq, sot 75 vjeç!

E para qe buron nga shpirti im kete dite eshte mirenjohja e pakufishme ndaj familjareve te mi te dashur, miqve te ngushte, shqiptar dhe te huaj, bashkpuntoreve te çmuar per dashurine, sakrificat, miqesine dhe ndihmesen e tyre tejet te vyer qe kane deshmuar ndaj meje ne çdo kohe dhe çdo stine dhe kane bere te mundur keto 75 vite te jetoj ne realitetin e endrrave te mia me te guximshme.

Ndjehem pafundesisht i lumtur, i priviligjuar dhe i bekuar nga Zoti qe pata dashurine, miqesine, mbeshtetjen e tyre!

Se fundi miq, kete dekade une kam patur kenaqesine dhe privilegjin e vecante te udhetoje ne vjeshten e jetes time. Falenderoj Zotin qe me fuqine dhe vullnetin e tij e ka bere kete vjeshte te bukur si nje pranvere te dyte per mua! sb

Arrestohet nga policia e Paraguajt Elton Radovani, djali i ish-prefektit të Shkodrës Paulin Radovani, i cili akuzohet si i përfshirë në një skemë borxhesh dhe mashtrimesh.

Elton Radovani është arrestuar për llogari të drejtësisë shqiptari pasi Interpoli e ka shpallur në kërkim ndërkombëtar. Mediat paraguaiane bëjnë te ditur se urdhri i arrestit ndërkombëtar ishte për shkak të krimeve të mashtrimit bankar dhe financiar dhe Radovani u vu në dispozicion për qëllime ekstradimi drejt Shqipërisë.

31-vjeçari është arrestuar më 3 tetor në Paraguaj rreth orës 11:00 në një autostradë atje dhe tashmë pritet ekstradimi drejt Shqipërisë. Ndaj tij, të vëllait Bert Radovani dhe babait të tyre Paulin Radovani, ish-prefekt vazhdojnë seancat dhe hetimet për mashtrim dhe borxhe të pashlyera që shkojnë në shifra marramendëse.