Ish-nënpresidenti amerikan Joe Biden tha të hënën në mbrëmje se vendimi për të kandiduar për President në vitin 2020, do të varet nga fakti nëse ai apo familja e tij janë “gati”, megjithëse e vuri theksin tek përgatitja e tij.

“Mendoj se jam personi më i kualifikuar në vend për të qenë president, tha zoti Biden para një audience në Missoula të Montanës.

“Çështjet me të cilat përballemi si vend sot, janë çështje për të cilat unë jam marrë gjithë jetën, përpjekjet e klasës së mesme, politika e jashtme. Por unë dhe familja ime duhet të vendosim së bashku nëse jemi gati. Ne çdo gjë e bëjmë si familje”.

Zoti Biden, nënpresident për dy mandatet e ish-Presidentit demokrat, Barack Obama, tha se do të merrte një vendim për fushatën e vitit 2020 campaign brenda gjashtë javësh ose dy muajsh.

“Kam një mbesë dhe një nip të cilëve u ka vdekur i ati, që më duan dhe duan që të jem pranë tyre. Unë dua të jem i pranishëm të kujdesem për ta, prandaj duhet të shikojmë nëse mund ta realizojmë këtë si familje”, tha ai, duke iu referuar fëmijëve të djalit të tij Beau Biden, që vdiq në vitin 2015 nga kanceri në tru.

Zoti Biden ka thënë se për shkak të vdekjes së tij, nuk kandidoi për president në vitin 2016.

Shumë analistë mendojnë se ai do të kandidojë në vitin 2020. Sipas një sondazhi nga Reuter/Ipsos në nëntor, zoti Biden kryeson mes kandidatëve të mundshëm demokratë./VOA

Shefja e CIA-s, Gina Haspel, do të raportojë sot para udhëheqësve të Senatit amerikan për vrasjen e gazetarit saudit, Jamal Khashoggi.

Khashoggi u vra në konsullatën saudite në Stamboll në muajin tetor.

Mediat amerikane kanë raportuar se CIA ka konstatuar se princi i kurorës i Arabisë Saudite, Mohammed bin Salman, “ndoshta e ka urdhëruar” vrasjen.

Sauditët kanë akuzuar 11 vetë, por mohojnë se princi i kurorës është i përfshirë.

Raportet e mediave amerikane thonë se CIA ka prova se Bin Salman ka shkëmbyer mesazhe me Saud al-Qahtanin, i cili dyshohet se e ka mbikëqyrur vrasjen.

Presidenti amerikan, Donald Trump, ka thënë se gjetjet e CIA-s mbi princin e kurorës nuk janë përfundimtare.

Ai e ka përshkruar Arabinë Saudite si një aleat jetësor dhe ka kundërshtuar thirrjet për sanksione kundër udhëheqjes së mbretërisë.

Trupi i ish-presidentit amerikan, George H. W Bush do të bartet më 3 nëntor nga Hjustoni në Uashinton, meqë aty do të organizohet funerali shtetëror.

Për ish-presidentin amerikan do të ketë organizime për katër ditë me qëllim të nderimit të figurës së tij, para se ai të varroset në Hjuston, afër gruas dhe vajzës së tij.

Ceremonia kryesore për nderimin e tij do të mbahet më 5 dhjetor në Katedralen Kombëtare në Uashington, në të cilën do të marrin pjesë presidentët amerikanë dhe presidenti aktual, Donald Trump.

Përveç tyre, pjesë e organizimit do të jenë edhe shumë liderë botërorë.

Ish-lideri sovjektik, Mikhail Gorbachev ka thënë se Bush ka qenë prezent në “kohën e ndryshimeve të mëdha”, duke shtuar se kjo miqësi ka kontribuuar në “përfundimin e Luftës së Ftohtë dhe garës së armëve bërthamore”.

Presidenti rus, Vladimir Putin e ka cilësuar Bushin “si njeri të shquar, që ka shërbyer tërë jetën për shtetin e tij”.

Kancelarja gjermane, Angela Merkel e ka cilësuar ish-presidentin amerikan “mik të vërtetë” të popullit gjerman, i cili “na ka dhënë besim dhe mbështetje”.

Bush, i cili ka jetuar më shumë se secili president amerikan ka vuajtur nga një lloj i sëmundjes së Parkinsonit.

Fjalët e fundit të George H.W. Bush u raportuan nga The New York Times.

Në orët e tij të fundit, sipas një burimi familjar, Bush u pyet nëse dëshironte të shkonte në spital. Ai ishte shtruar në spital disa herë pas vdekjes të gruas së tij Barbara Bush më 17 prillin e këtij viti.

Ish presidenti u përgjigj jo.

Në vend të spitalit, Bush tha se ai ishte gati për të shkuar pranë gruas së tij për 73 vjet, Barbara Bush dhe vajzës të tyre  Robin, e cila vdiq nga leucemia kur nuk i kishte mushur ende 4 vjeç.

Bush, 94, vdiq të premten vonë në shtëpinë e tij në Hjuston rrethuar nga familja e tij, përfshirë djalin e tij Neil Bush dhe gruan e tij Maria, si dhe mikun e tij më të mirë, ish-sekretarin e Shtetit, James Baker dhe nipin e tij Pierce Bush.

George Bush ishte venitur në ditët e fundit. Ai nuk ishte ngritur nga shtrati dhe kishte ndalur të hante. Dukej sikur momenti më në fund kishte mbërritur.

Pranë tij kishte arritur miku i tij i ngushtë ish-sekretari i shtetit, James A. Baker III.

Papritmas, ish presidenti Bush kishte hapur sytë dhe e kishte pyetur mikun e tij “Ku jemi duke shkruar Bejk?”

“Po shkojmë drejt parajsës”, u përgjigj zoti Baker.

“Kjo është ajo ku unë dua të shkoj,” tha zoti Bush.

13 orë më vonë, zoti Bush ishte i vdekur.

Fjalët e fundit ish-Presidenti George H.W. Bush ia tha të birit ish-presidentit George W. Bush.

Në bisedën e tyre telefonike me altoparlant, i biri i tha Xhorxh H.W.Bush se ai kishte qenë një “babai i mrekullueshëm” dhe se ai e donte shumë.

Përgjigja e babait të tij – dhe fjalët e fundit – ishin: “Edhe unë të dua”.

Ish Presidenti Bush do të ketë një varrim shtetëror.

Atij do t’i bëhen nderime në Kapitol, pastaj në Hjuston.

Ish Presidenti Bush do të prehet në George H.W. Bush Presidential Library College Station, Texas, pranë gruas dhe vajzës, Robin./ CNN/Përk. & përg.Elida Buçpapaj

George H.W. Bush dhe George W. Bush

Ish-Presidenti i SHBA Xhorxh H.W. Bush ka vdekur në moshën 94 vjeçare në Houston, sipas zëdhënësit të tij Jim McGrath shkruan BBC . George Bush Sr, siç ishte i njohur ishte presidenti i 41-të i SHBA midis 1989 dhe 1993, pasi shërbeu dy mandate si zëvendës-president nën presidencën e Ronald Reagan.

Megjithë vlerësimet dhe popullaritetin e tij , ai u akuzua për shpërfillje të çështjeve të brendshme dhe u mund nga Bill Klinton në zgjedhjet e vitit 1992.

Ai ishte një aviator i Luftës së Dytë Botërore përpara se të hynte në politikë në vitin 1964 si një republikan.

Në prill, ai u shtrua në një njësi spitalore të kujdesit intensiv për shkak të një infeksioni, një javë pas vdekjes së gruas së tij Barbara.

Bush ishte president në SHBA nga viti 1989 deri më 1993 – në një periudhë të rëndësishme të shekullit të 20-të, ku ishte dëshmitar i rënies së Perdes së Hekurt dhe Bashkimit Sovjetik.

“Amerika nuk është e plotë derisa nuk është e përfshirë në parimet e moralit të lartë. Ne, si njerëz kemi këtë qëllim sot. Miqt e mi, kemi punë për të bërë”.

George Bush tha këto fjalë në inaugurimin e tij në vitin 1989 dhe nisi mandatin që do të zgjaste deri në përfundimin e Luftës së Ftohtë.

Mandati i tij i vetëm në detyrë ka rastisur me rënien e Perdës së Hekurt dhe Bashkimit Sovjetik dhe shndërrimit të SHBA-së në fuqi botërore të vetme.

Bush kishte hyrë në luftë me Irakun – pasi kjo e fundit kishte pushtuar Kuvajtin – që më vonë u shndërrua në Luftën e Gjirit duke detyruar forcat e Saddaim Husseinit të tërhiqen, dhe krijoi një partneritet të ri strategjik me Rusinë që do të përfshinte reduktimin e rezervave të armëve bërthamore.

Para se të merrtë detyrën, rezymeja e gjatë e presidentit Bush përfshinte edhe dekoratën e veteranit të Luftës së Dytë Botërore, punës si naftëtar, kryesues i Agjencisë Qendrore të Intelegjencës, dy mandate si zëvendëspresident, ambasador në Kombet e Bashkuara dhe në Kinë, baba i presidentit dhe urryes i brokolit.

George H.W Bush po ashtu ishte presidenti që ka jetuar më së gjati.

“Jeb, Neil, Marvin, Doro dhe unë jemi të pikëlluar të njoftojmë se pas 94 viteve të shkëlqyeshme, babai jonë ka ndërruar jetë”, tha djali i tij, George Ë. Bush, ish president, në një njoftim në Tëitter.

“George H.W. Bush ishte njeri me integritet të lartë dhe babai më i mirë që një bir apo vajzë mund të kërkonte”, shtoi ai.

Bush kishte lindur në Massachusetts më 1924 në një familje të udhëhequr nga babai i tij, senatori Prescott Bush.

George H. W Bush ka vazhduar traditën politike të familjes, duke shërbyer dy herë si zëvendëspresident gjatë presidencës së Ronald Reagan, para se të zgjidhej vet president dhe pastaj të shndërrohej në baba të presidentit George W. Bush – nga viti 2001 deri më 2009 – dhe guvernatorit të Floridas Jeb Bush. T

Bush kishte kryer edukimin në shkolla elitare dhe ishte bërë pjesë e marinës së Shteteve të Bashkuara më 1942, ku kishte marrë pjesë në 58 misione.

Pas shërbimit të tij ushtarak, Bush ka studiuar në Universitetin Yale. Ai u martua me Barbara Pierce më 1945 dhe në atë kohë kishte filluar biznesin e naftës në Teksas. Pas dy dekadave, ai u fut në politikë.

Bush ishte i martuar me Barbaran për 73 vite, martesa më e gjatë e çifteve presidenciale. Gruaja e tij, që konsiderohej zonja e parë më e famshme në historinë e SHBA-së, ka ndërruar jetë në prill të vitit 2018.

Bush kishte humbur ulësen në Senat dhe kishte fituar ulëse në Shtëpinë e Përfaqësuesve para se të fitonte vëmendjen e presidentit Richard Nixon, i cili e emëroi si ambassador në Kombet e Bashkuara. Pasardhësi i presidentit Nixon, Gerald Ford, kishte emëruar Bushin drejtor të CIA-s.

Më 1980, Bush u nominua për president, por pësoi disfatë nga Reagan. Bush ishte emëruar zëvendëspresident në qeverisjen e Reagan, përkundër kundërshtimeve të tij rreth politikave ekonomike ndaj presidentit Reagan.

Bush, gjatë presidencës ishte përkushtuar në politikën e jashtme, në kohën kur Bashkimi Sovjetik po jepte shenja të rënies.

“Periudha e totalitarizmit po përfundon, një periudhë e re po vjen dhe një komb i lirë është i gatshëm të vazhdojë përpara”, tha Bush në fjalimin e tij të inaugurimit.

Bashkimi Sovjetik pësoi rënie dhe Bush punoi për të sjellë një rend të ri botëror.

Ai punoi që shtetet e dominuara komuniste të kthehen në frymën e demokracisë perëndimore dhe të përfshihen në ekonominë globale

Përkundër sukseseve të tij ndërkombëtare, problemet ekonomike brenda Shteteve të Bashkuara nuk ia mundësuan Bushit mandatin e dytë.

Fushata e presidentit demokrat Bill Clinton, arriti që të largojë mbështetësit e Bushit dhe t’ja pamundësojë mandatin e dytë. Më 1992, Clinton u inaugurua president. occurred under Bush’s predecessor, Reagan.

Pas daljes nga Shtëpia e Bardhë, Bush u shndërrua në ish president të profilit të ulët, duke refuzuar paraqitjet e shumta publike.

Bush kishte vuajtuar nga sëmundja e Parkinsonit që e detyroi atë të përdorë karrocë elektrike që nga viti 2012.

Përkundër viteve të gjata të punës dhe vullnetit të mirë për të ndihmuar të tjerët, vitet e fundit të Bushit ishin përfshirë me akuza, sidomos në vitin 2017, ku u akuzua për ngacmim seksual ndaj shtatë grave, por që nuk përfundoi në gjykatë.

Përgatiti: Flandra Marmullaku

Një tërmet i fuqishëm tronditi të premten Alaskën jugore, duke nxitur një paralajmërim për cunami për zonën e Cook Inlet-it.

Tërmeti me magnitude 7 ballë goditi në jug të Point MacKenzie-t në Alaskë, me një epiqendër prej shtatë miljesh ose 11.4 kilometra nga qyteti Anchorage, njoftoi shërbimi Gjeologjik amerikan. Thellësia e forcës goditëse të tij u llogarit në 43 km.

Shërbimi Kombëtar i Motit tha fillimisht se nuk kishte rrezik për cunami, por pak minuta më vonë agjensia shkruante në Twitter se ka një paralajmërim për zonën e Cook Inlet-in, që lidh qytetin e Anchorages me Gjirin e Alaskës.

Nuk ka ende informacione zyrtare për dëme apo lëndime në njerëz. Foto të postuara në median sociale tregojnë tavanin e rrëzuar të një shkolle dhe segmente rrugore të prishura në një zonë. Fillimisht u njoftua se tërmeti do të kishte një magnitudë prej 6.7 ballësh

Ndërsa Presidenti Donald Trump përgatitet për një rishfaqje në skenën globale gjatë takimit të G-20s në Argjentinë, aleatët dhe kundërshtarët po radhisin sfidat në politikën e brendshme që e presin Presidentit gjatë vitit të ardhshëm. Dhoma e Përfaqësuesve do të jetë tashmë nën kontrollin e demokratëve duke mbartur me vete dhe mundësinë e hetimeve të shumta si dhe përmbushjen e hetimit ndaj Rusisë, të udhëhequr nga Prokurori i Posaçëm Robert Mueller.

Duke bërë fushatë për një kandidat republikan për në Senat në shtetin Mississippi, Presidenti Trump ofroi ndoshta një perspektivë rikandidimi në vitin 2020.

“Nën udhëheqjen republikane Amerika po lulëzon. Amerika po begaton dhe Amerika po fiton sërish, duke fituar si kurrë më parë. Ne jemi sërish të respektuar. Jemi të respektuar sërish si komb”, – deklaroi Presidenti Trump.
Por Presidenti Trump do të përballet me një realitet të ri në janar, kur demokratët të marrin kontrollin e Dhomës së Përfaqësuesve, si rezultat i zgjedhjeve të mesmandatit.

“Pra, populli amerikan votoi për ndryshimin. Ata votuan për të balancuar Presidentin Trump dhe një Kongres që do t’i ndalte përpjekjet e tij për të hequr kujdesin shëndetësor. Këtë do të marrin pas dy vitesh të gjata”, – tha Senatori demokrat, Chuck Schumer.

Presidenti Trump duhet të përballet tashmë me balancën e re të pushtetit në Uashington.

“Demokratët do të udhëheqin Dhomën e Përfaqësuesve dhe do të jenë në gjendje të hetojnë Presidentin, diçka që nuk e bënin dot kur ishin pakica. Kjo do t’u mundësojë atyre platformën për të vënë në dukje dallimet me Presidentin mbi një sërë çështjesh”, – thotë analisti John Fortier, i Qendrës së Politikave Dypartiake.

Disa demokratë ndoshta do të jenë më të hapur për të gjetur gjuhën e përbashkët me Presidentin, për çështje si përmirësimi i infrastrukturës.
Por stili politik konfrontues i Presidentit Trump është një ndërlikim madhor, thotë analisti Jim Kessler.

“Rritet çmimi për çfarëdolloj marrëveshjeje që ai do të kërkojë të arrijë me demokratët. Pra, nëse do të dojë marrëveshje, do të duhet të sillet si dikush që e dëshiron , dhe jo si dikush që dëshiron thjesht të luftojë dhe të jetë në qendër të cirkut”, – thotë zoti Kessler.

E panjohura e madhe për Presidentin Trump do të jetë rezultati i hetimeve ndaj Rusisë të udhëhequra nga prokurori i posaçëm Robert Mueller, të cilat mund të jenë drejt përfundimit. Presidenti Trump e ka kritikuar hetimin si një gjueti shtrigash, por rezultati mbetet një mister politik.

“Nuk dimë se çfarë ka Prokurori Mueller. Nuk dimë kur do ta bëjë të njohur. Nuk dimë nëse kur të hapim gazetat javës tjetër, do të shohim p.sh. 15 akuza të reja. Kjo është ajo që qëndron mbi kokën e kësaj administrate”, – thotë Elaine Kamarck, e Institutit Brookings.

Presidenti Trump mund gjejë disi ngushëllim tek fitorja të martën e republikanes Cindy Hyde-Smith në një garë që i la republikanët me një kontroll edhe më të madh të Senatit, 53 vende nga 100, për dy vitet e ardhshme.

Anëtarë të Kongresit amerikan shprehën mbështetjen për arritjen e një marrëveshjeje mes Kosovës dhe Serbisë, që do t’i hapte rrugën integrimit euro-atlantik të dy vendeve. Në takime me Presidentin e Kosovës, ligjvenësi Eliot Engel dhe disa senatorë, premtuan se do të luajnë rolin e tyre që Shtetet e Bashkuara të kontribuojnë në vendosjen e paqes dhe stabilitetit dhe në mirëqenien e popullit të Kosovës. Kolegia Keida Kostreci njofton:

Ligjvenësi demokrat Eliot Engel foli me Presidentin Thaçi për nevojën që Kosova të ecë përpara dhe integrimin në organizatat ndërkombëtare. Zoti Engel, i cili në janar do të bëhet kryetari i Komisionit për Marrëdhëniet me Jashtë në Dhomën e Përfaqësuesve, premtoi se do të vazhdojë të jetë avokat i popullit të Kosovës për vazhdimin e bashkëpunimit të ngushtë me Shtetet e Bashkuuara.

Zoti Engel nuk deshi të fliste konkretisht për idenë e ndryshimit të kufijve, por …

“Shtetet e Bashkuara janë me Kosovën çfarëdo që të vendosin udhëheqësit e Kosovës. Shtetet e Bashkuara do të ndihmojnë në çdo lloj mënyre të mundshme”, tha ai.

Presidenti Thaçi vlerësoi angazhimin e zotit Engel për Kosovën, për lirinë dhe pavarësinë e saj, dhe në procesin aktual për anëtarësim në NATO dhe Bashkimin Evropian.

“Unë shpresoj që mbështetja e kongresmenit Engel do të jetë edhe më e fuqishme tani në fazën e tretë të Kosovës, atë të konsolidimit ndërkombëtar, anëtarësimit në NATO, në Bashkimin Evropian dhe organizatën e Kombeve të Bashkuara”, tha Presidenti Thaçi.

Ai shtoi se e kishte informuar kongresmenin edhe për dialogun Kosovë-Serbi.

Senatorja republikane nga Ajova Joni Ernst, tha se është shumë e rëndësishme që Kosova dhe Serbia të arrijnë një marrëveshje,

“Ne duam paqe, duam stabilitet mes qeverive dhe Presidenti Thaçi po punon me intensitet për këtë. Kështuqë natyrisht unë e mbështes atë nismë”, tha ajo.

Senatorja e vuri theksin tek lidhjet e fortta mes Ajovas dhe Kosovës dhe tha se shteti i saj do që të ketë paqe dhe mirëqenie për gjithë popullin e Kosovës.

Senatori republikan, Ron Johnson e pranoi se zgjidhja mes Serbisë dhe Kosovës është e vështirë, por një marrëveshje është e domosdoshme për të ardhmen e dy vendeve.

“Ne në Shtetet e Bashkuara e mbështesim dhe jo vetëm për t’u krijuar hapësirën Presidentëve Thaçi dhe Vuçiç për të arritur një marrëveshje, sepse duhet të arrihet mes dy palëve, por edhe që kur të arrihet marrëveshja, të japim mbështetjen dhe të sigurohemi që ajo të sjellë paqen, stabilitetin, sigurinë dhe mirëqenien që popujt e Kosovës dhe Serbisë të ecin përpara”.

Presidenti Thaçi u takua edhe me senatorin Marco Rubio. Gjatë vizitës në Uashington të Presidentit Thaçi, Shtëpia e Bardhë dhe Departamenti i Shtetit thanë se ka ardhur momenti që Kosova dhe Serbia të arrijnë një marrëveshje historike.

Kongresisti amerikan, Eliot Engel, nuk e komentoi në detaje idenë për ndryshimin e kufijve midis Kosovës dhe Serbisë, por tha se SHBA qëndron në krah të Kosovës në çfarëdo që vendosin udhëheqësit e Kosovës.

“Shtetet e Bashkuara do të ndihmojnë [Kosovën] në çdo mënyrë të mundshme”, tha Engel.

Ai i bëri këto komente për gazetarët në Uashington, pas takimit me presidentin e Kosovës, Hashim Thaçi.

Thaçi, në një postim në Facebook, tha se Engel, në tri dekadat e fundit, e ka përkrahur vazhdimisht Kosovën “në jetësimin e aspiratës për liri, pavarësi dhe shtetndërtim”.

“Mbështetja e tij dhe e SHBA-së për Kosovën ka qenë, është dhe do të mbetet përherë jetike për popullin dhe vendin tonë”, tha Thaçi.

Gjatë qëndrimit në SHBA, presidenti takoi edhe sekretarin amerikan të Shtetit, Mike Pompeo, dhe këshilltarin e Shtëpisë së Bardhë për siguri kombëtare, John Bolton.

Bolton tha se tani është koha për Kosovën dhe Serbinë që të arrijnë marrëveshje për normalizimin e marrëdhënieve.

Ai ka deklaruar më herët se SHBA nuk e përjashton idenë e korrigjimeve territoriale, nëse Kosova dhe Serbia arrijnë marrëveshje për një gjë të tillë.

Ideja për ndryshim kufijsh midis Kosovës dhe Serbisë është shpalosur nga vetë presidentët e dy vendeve, Hashim Thaçi dhe Aleksandar Vuçiq, si mundësi për zgjidhjen e problemeve midis tyre.

VOAL –  Bëhet gjithnjë e më delikate pozita e Paul Manafortit, ish-drejtor i fushatës zgjedhore të Donald Trumpit, tashmë akuzuar nga prokurori special që heton Russiagate, Robert Mueller, se ai kishte gënjyer në disa raste, në shkelje marrëveshjes për bashkëpunim total që e kursente atë nga një dënim më i rëndë. Sipas The Guardian, në fakt, nga viti 2013 Manafort është taukuar disa herë me Julian Assange në ambasadën e Ekuadorit në Londër, ku ai ka marrë strehim.  Për herë të fundit u takua në mars 2016, pak para se themeluesi i WikiLeaks dha urdhrin për të botuar gati 20,000 e-mail të vjedhur nga hakerat rusë nga Partia Demokratike. Ky skandal, për Hillary Clintonin, ishte shkaku i humbjes së tij presidenciale.

Nëse lidhja është vërtetuar, do të ishte një pikë kthese e rëndësishme për hetimet, pasi të dyja palët gjithmonë e kanë mohuar çdo kontakt. Wikileaks vazhdon ta bëjë këtë dhe menjëherë reagoi duke vënë në bast “një milion dollarë dhe kreun e botuesit tonë se nuk kishte asnjë takim”.

Remember this day when the Guardian permitted a serial fabricator to totally destroy the paper’s reputation. @WikiLeaks is willing to bet the Guardian a million dollars and its editor’s head that Manafort never met Assange. https://t.co/R2Qn6rLQjn
— WikiLeaks (@wikileaks) 27 novembre 2018

Mos harroni këtë ditë kur Guardian lejoi një fabrikues serik për të shkatërruar totalisht reputacionin e gazetës. @WikiLeaks është i gatshëm të bastojë Guardianin një milion dollarë dhe kokëm e botuesit të tij që Manafort kurrë nuk e ka takuar Assangen. https://t.co/R2Qn6rLQjn
– WikiLeaks (@wikileaks) 27 nëntor 2018

Assange prandaj do të kishte qenë unaza lidhëse midis Trumpit dhe rusëve. Manjati, nga Shtëpia e Bardhë, ka ndjerë erërat e stuhisë dhe u kthye për të sulmuar Muellerin frontalisht, tani “jashtë kontrollit”. Ndërsa i afrohemi publikimit të raportit hetimor – Trumpi javët e fundit ia ka dhënë përgjigjet e tij hetuesit, pasi foli në mënyrë evazive për muaj të tërë -presidenti, sipas komentatorëve, po bëhet më nervoz.

Zëdhënësja Sarah Sanders ndërkohë ka mohuar të jetë në dijeni për diskutimet rreth mundësisë që Trump do të përdorë favorin presidencial për Manafortin. Reuters/ATS/ANSA

UASHINGTON – Presidenti i SHBA-ve, Donald Trump, ka deklaruar se pas tensioneve që ndodhën mes Rusisë dhe Ukrainës mund të anuloj takimin me presidentin e Rusisë, Vladimir Putin, i cili duhej të realizohej në Samitin G20 në Argjentinë.

Trump në një intervistë për gazetën “Washington Post” në lidhje me tensionet që ndodhën mes Rusisë dhe Ukrainës pret një “raport të plotë” nga Këshilli i Sigurimit Kombëtar të SHBA-ve.

Ai ka vënë në dukje se vendimin në lidhje me atë se a do të takohet apo jo me presidentin rus në Argjentinë, do ta marrë pas këtij raporti.

“Do të veproj sipas këtij raporti. Ndoshta ky takim nuk do të realizohet”, ka thënë presidenti amerikan.

Trump duke folur në lidhje me hapjen e zjarrit nga ana e Rusisë ndaj anijeve luftarake të Ukrainës, tha se, “Nuk më pëlqen tensionimi. Nuk dua fare që të ndodhë një tensionim i tillë”.

Vrasja e Khashoggit

Pas një pyetjeje Trump foli edhe për çështjen e gazetarit të vrarë në Konsullatën e Arabisë Saudite në Stamboll, Jamal Khashoggi, me ç’rast pretendon se Agjencia e Inteligjencës së SHBA-ve (CIA) nuk ka thënë se princi trashëgimtar i Arabisë Saudite, Mohammad bin Salman, ka rol në këtë vrasje.

Ai tha se bin Salman ka “refuzuar disa herë” pretendimet ndaj tij. Trump thekson se nuk ka ndryshuar vendimi i tij për vazhdimin e marrëdhënieve mes Riadit dhe Washingtonit.

“Ndoshta e bëri, ndoshta jo. Por bin Salman e refuzon, njerëzit përreth tij e refuzojnë. As CIA nuk tha se ai e ka bërë. CIA nuk tha as ‘nuk e bëri ai’, por nuk tha se ai e ka bërë duke e konfirmuar këtë”, deklaroi Trump.

“Një arsye e qëndrimit tonë në Lindjen e Mesme është Izraeli”

Trump u përgjigj edhe në pyetjen për trupat amerikane të cilat qëndrojnë në Lindjen e Mesme. “A do të qëndrojmë në këtë rajon të botës? Një arsye është Izraeli”, tha Trump duke vënë në dukje se kanë rënë çmimet e naftës.

“Po zvogëlohet rëndësia e naftës për qëndrimin tonë aty. Sepse aktualisht kemi rritur prodhimin në krahasim me të kaluarën. Dhe kjo nënkupton se tanimë nuk ka mbetur nevoja që të jemi atje”, tha ai. aa

UASHINGTON – Senatori amerikan, republikani Lindsey Graham, ka deklaruar se nëse Agjencia Qendrore e Inteligjencës (CIA) konfirmon se Princi saudit Mohammad bin Salman ka dhënë urdhër për vrasjen e gazetarit saudit, Jamal Khashoggi, ai do të përpiqet për vendosjen e sanksioneve ndaj tij, transmeton Anadolu Agency (AA).

Senatori i Karolinës së Jugut në SHBA, Graham, është prononcuar për faqen amerikane të internetit Axios në lidhje me vrasjen e gazetarit Khashoggi.

Në deklaratën e tij, Graham tha se ai bashkë me disa senatorë kanë kërkuar informacione inteligjente nga CIA për të kuptuar nëse princi saudit ka urdhëruar apo jo vrasjen e Khashoggit.

“Nëse provat do të tregojnë se Mohammad bin Salman është i lidhur me vrasjen do të hedh hapat e nevojshëm që Senati të bëjë një deklaratë që përcakton këtë. Nëse mendojmë se institucioni ynë i inteligjencës është i drejtë, duhet t’i mbështesim ato”, tha Graham.

Ai shtoi se do të vlerësojë edhe çështjet si mënyrën e luftës në Jemen të princit saudit Salman, “ngjarjen e çuditshme që ka përjetuar me kryeministrin libanez Saad Hariri, si dhe embargon e pazgjidhur ndaj Katarit”. Senatori amerikan thekson se për vendosjen e sanskioneve ndaj pirncit saudit do të marrë edhe mbështetjen e senatorit demokrat, Bob Menendez.

Pasi ka bërë të ditur se nuk do të mbyllet lehtë ngjarja e vrasjes së gazetarit Khashoggi, senatori Graham pretendon se vrasja do të nxitë në një qëndrim kundër presidentit amerikan, Donald Trump, jo vetëm senatorët demokratë, por edhe një pjesë të krahut të republikanëve.

Kryetari i Komitetit për Marrëdhëniet me Jashtë të Senatit Amerikan, republikani Bob Corker, tha se në Kongresin Amerikan do të ketë një javë intensive në lidhje me Arabinë Saudite. Ai i ka bërë thirrje kreut të CIA-s, Gina Haspel, që t’u japë informacione.

PRISHTINË – Presidenti i Republikës së Kosovës, Hashim Thaçi, në kuadër të vizitës së tij zyrtare në SHBA-ve është takuar me Sekretarin amerikan të Shtetit, Mike Pompeo.

Në një komunikatë nga Presidenca thuhet se gjatë këtij takimi presidenti Thaçi ka falënderuar sekretarin Pompeo për mbështetjen e administratës Trump për Kosovën dhe për mbështetjen historike që populli amerikan i ka dhënë popullit të Kosovës.

“Kam shprehur konsideratën më të lartë në emrin tim dhe të popullit të Kosovës, për çdo gjë që SHBA-ja ka bërë për lirinë e popullit tonë dhe paqen në rajon. Përjetësisht do të jemi mirënjohës”, ka thënë pas takimit presidenti Thaçi.

Presidenca njofton se në këtë takim është biseduar edhe për mandatin e ri të Forcës së Sigurisë së Kosovës (FSK) si një forcë shumetnike dhe për bashkëpunimin rajonal dhe perspektivën euroatlantike të Kosovës. Me këtë rast Thaçi ka falënderuar sekretarin Pompeo për mbështetjen që i ka dhënë procesit të transformimit të FSK-së në forcë të armatosur.

“Kosova si shtet sovran ka të drejtë sovrane dhe detyrim që t’i ngrisë kapacitetet e sigurisë. Tani është koha që nga konsumues të bëhemi kontribuues të paqes dhe stabilitetit në rajon dhe më gjerë”, ka shtuar ai.

Thaçi dhe Pompeo, po ashtu, kanë biseduar për fazën e fundit të dialogut për normalizimin e marrëdhënieve ndërmjet Kosovës dhe Serbisë. “SHBA-të mbështet Kosovën për arritjen e një marrëveshjeje gjithëpërfshirëse me Serbinë, e cila i hap rrugë njohjes reciproke dhe anëtarësimit të Kosovës në NATO, BE dhe OKB”, ka thënë presidenti Thaçi.

Mbështetja e SHBA-ve, sipas presidentit Thaçi, është përcaktues për arritjen e kësaj marrëveshjeje dhe krijimin e një konsensusi më të madh brenda dhe jashtë Kosovës.

“Ishte konkludim i përbashkët se nëse nuk e shfrytëzojmë këtë momentum historik, ne rrezikojmë të hyjmë në një cikël të rrezikshëm jo vetëm si Kosovë, por edhe si rajon. Prandaj, mënyra e vetme për ta mbyllur njëherë e përgjithmonë çështjen e Ballkanit është arritja e një marrëveshjeje përfundimtare mes Kosovës dhe Serbisë”, ka thënë presidenti Thaçi.

Nga ana tjetër, Sekretari Pompeo, ka theksuar se SHBA-të do të vazhdojnë të mbështesë Kosovën, me theks të veçantë “arritjen e një marrëveshjeje gjithëpërfshirëse dhe ligjërisht obliguese ndërmjet Kosovës dhe Serbisë”.

Thaçi në kuadër të vizitës së tij në SHBA-të do të vazhdojë të zhvillojë takime të shumta me përfaqësues të institucioneve të ndryshme në Washington. aa

Sekretari amerikan i Shtetit, Mike Pompeo, u bëri thirrje autoriteteve në Kosovë që të heqin taksën mbi mallrat e importuara nga Serbia dhe Bosnje e Hercegovina, njoftoi Departamenti i Shtetit.

Pompeo po ashtu i bëri thirrje Kosovës që të shfrytëzojë mundësinë unike për të arritur “marrëveshje historike” për normalizimin e marrëdhënieve me Serbinë, në kuadër të dialogut që ndërmjetëson Bashkimi Evropian.

Pompeo thuhet t’i ketë bërë këto komente në takim me presidentin e Kosovës, Hashim Thaçi, në Uashington.

Sipas një komunikate të lëshuar nga Presidenca e Kosovës, Thaçi tha se SHBA-ja e mbështet Kosovën për arritjen e marrëveshjes gjithëpërfshirëse me Serbinë.

Javën e kaluar, Kosova u ka vënë taksë 100% të gjitha mallrave të importuara nga Serbia dhe Bosnja.

Tarifa ka shkaktuar reagime në Beograd dhe Sarajevë, ndërsa Bashkimi Evropian po ashtu ka bërë thirrje për heqjen e saj.

TIJUANA – Presidenti i SHBA-ve, Donald Trump, ka reaguar ndaj ngjarjeve të ndodhura pasi një grup protestuesish nga karvani i emigrantëve që janë nisur nga Amerika Qendrore drejt SHBA-ve u përpoqën të kalonin kufirin Meksikë-SHBA.

Trump në një postim nga llogaria e tij në Twitter ka dhënë sinjalin se do të mbyllin në mënyrë të përhershme kufirin me Meksikën nëse do të jetë e nevojshme.

“Meksika duhet t’i dërgojë në vendin e tyre protestuesit që valëvisin flamurë. Shumica e tyre janë fajtorë. Dërgojini si të dëshironi me autobus apo me avion, sepse ata nuk mund të hyjnë në SHBA”, tha Trump, në postimin e tij pas ngjarjeve në kufirin Meksikë-SHBA, ku një grup nga emigrantët pasi protestuan për procesin e ngadaltë për aplikimet e azilit nga autoritetet amerikane, tentuan të kalojnë kufirin duke tejkaluar barrierën e policisë.

Duke përmendur edhe murin e planifikuar për t’u ndërtuar në kufirin me Meksikën për të parandaluar kalimet ilegale në kufi, Trump ka theksuar se “Nëse është e nevojshme do ta mbyllim përgjithmonë kufirin. Kongres financo murin”.

Ndërsa në anën tjetër, Meksika ka premtuar rritjen e sigurisë në kufirin amerikan pas ngjarjeve të përjetuara dje dhe ka njoftuar arrestimin e 39 emigrantëve.

Ministria meksikane e Punëve të Brendshme ka theksuar se do të deportojë menjëherë personat që tentuan të kalojnë kufirin amerikan duke tejkaluar barrierën e policisë.

– Tensionet në kufirin SHBA-Meksikë

Një grup emigrantësh që ndodhen në qytetin Tijuana të Meksikës në kufi me Kaliforninë e SHBA-ve, tentuan të kalojnë murin prej metali mes dy vendeve gjatë një proteste të zhvilluar për shkak të procedurave të ngadalta të aplikimeve për azil.

Për shkak të ngjarjeve, Njësia e Mbrojtjes Doganore dhe Kufitare e SHBA-ve mbylli kufirin dypalësh për kalimtarët, ndërsa forcat e sigurisë ndërhynë me gaz lotsjellës ndaj emigrantëve që tentuan të kapërcejnë muret.

Agjencia Associated Press kishte njoftuar se policia amerikane ndërhyri me gaz lotsjellës ndaj emigrantëve të ardhur nga vendet e Amerikës Qendrore të cilët tentuan të kalonin muret kufitare.

Parashikohet se grupi i emigrantëve mund të qëndrojë për disa muaj në qytet për shkak se zyrtarët e doganës së SHBA-ve mund të kryejnë veprimet e aplikimeve për jo më shumë se 100 emigrantë në ditë.

Ndërsa presidenti i SHBA-ve, Donald Trump, kishte deklaruar se asnjë person nga karvani i 7 mijë emigrantëve që u nisën për të arritur në Shtetet e Bashkuara të Amerikës nga Amerika Qendrore nuk do të pranohet në vend pa miratimin e gjykatë. aa

Njërin nga ish këshilltarët e fushatës së Presidentit Donald Trump për politikën e jashtme, e kanë urdhëruar që të hënën të fillojë të kryejë dënimin me 14 ditë burg. George Papadopoulos u dënua, ngaqë i kishte gënjyer hetuesit për rolin që kishte patur tek ndërhyrja ruse në zgjedhjet presidencale të vitit 2016 në Shtetet e Bashkuara.

Zoti Papadopoulos u përpoq ta shtynte kryerjen e dënimit të tij të shkurtër, ndërkohë që ishte në pritje të një vendimi gjykate që ai kishte apeluar. Ky vendim kishte të bënte me një rast të veçantë, lidhur me kushtetueshmërinë e emërimit të Prokurorit Special Robert Mueller, hetimi i të cilit mbi lidhjet e mundshme të ndihmësve të zotit Trump me Rusinë, e implikonte zotin Papadopulos.

Të dielën, Gjykatësi Judge Randolph Moss, e hodhi poshtë kërkesën e zotit Papadopoulos për ta vonuar kryerjen e dënimit me burg, duke argumentuar se kur ai kishte pranuar se i kishte gënjyer hetuesit, ai hiqte dorë automatikisht nga e drejta për ta apeluar marrëveshjen me prokurorin për të pranuar fajësinë. Pjesë e dënimit të dhënë nga Gjytatësi Moss, është edhe gjoba prej 9 mijë e 500 dollarësh dhe kryerja e 200 orëve punës së detyruar për komunitetin nga zoti Papadopulos.

Gjykatësi Moss po ashtu tha se dy gjykatës të tjerë e kishin miratuar kushtetueshmërinë e emërimit të zotit Mueller dhe shtoi se mbetet një mundësi tepër e vogël që kjo çështje të përmbyllet me një konkluzion të kundërt.

31-vjeçari Papadopoulos është një figurë relativisht e parëndësishme në hetimin 18 mujor të zotit Mueller. Ai e pranoi fajin që kishte gënjyer hetuesit në janar të vitit 2017, lidhur me numrin e kontakteve të tij me njerëz që kishin lidhje me Rusinë dhe kohën kur ato kishin ndodhur.

Sipas një raporti të qeverisë amerikane, në Shtetet e Bashkuara është duke u shtuar ndikimi i ndryshimeve klimatike, që shihet konkretisht në stuhitë e fuqishme, thatësirat dhe zjarret në pyje,

Raporti, i hartuar me ndihmën e më tepër se 12 agjencive dhe departamenteve qeveritare, shpesh bie ndesh me politikën e Presidentit Donald Trump, i cili është tërhequr nga marrëveshja për mbrojtjen e mjedisit dhe klimës, me qëllimin për të rritur në maksimum prodhimin e karburanteve fosile në vend. Zoti Trump dhe disa anëtarë të kabinetit të tij kanë hedhur vazhdimisht dyshime mbi përcaktimin shkencor të ndryshimeve klimatike duke thënë se shkaqet nuk janë përcaktuar ende.

Raporti që u publikua me miratimin e Kongresit amerikan, u publikua të premten disi në heshtje, në fundjavën e festës së Ditës së Falenderimeve.

Shtëpia e Bardhë e kritikoi raportin si të pasaktë. Zëdhënësja e Shtëpisë së Bardhë Lindsay Walters i tha agjencisë Reuters se raporti “bazohet së tepërmi në skenarin më ekstrem, në kundërshtim me prirjet e përcaktuara prej një kohe të gjatë, duke supozuar që …do të kishim teknologji dhe novacione të kufizuara dhe një shtim të madh të popullsisë.”

Në raportin “Vlerësim për Klimën Globale”, prej më tepër se 1 mijë faqesh, paralajmërohet se ka për të patur fatkeqësi natyrore më të fuqishme dhe më afatgjata, të shkaktuara të paktën pjesërisht, nga ngrohja globale.

UASHINGTON – Senatorët amerikanë i kanë dërguar një letër të re presidentit Donald Trump, ku kanë kërkuar që në kuadër të “Ligjit Magnitsky” të zbulohet qartë nëse princi saudit i kurorës, Muhammed bin Salman, është ose jo përgjegjës i drejtpërdrejtë në vrasjen e gazetarit saudit, Jamal Khashoggi, transmeton Anadolu Agency (AA).

Kreu i Komitetit të Senatit Amerikan për Marrëdhëniet me Jashtë, Bob Corker dhe anëtari i lartë i komitetit, demokrati Bob Menendez, i dërguan presidentit amerikan një letër të re në lidhje me vrasjen e Khashoggit.

Në letrën e re i referohen drejtpërdrejt princit Muhammed bin Salman

Senatorët të cilët i referohen letrës së parë të dërguar nga komiteti më 10 tetor, në letrën e re kërkuan në mënyrë të drejtpërdrejtë nga qeveria e Trumpit që të zbulohet nëse princi Muhammed bin Salman është përgjegjës ose jo në vrasjen e Khashoggit.

“Në drejtim të zhvillimeve të fundit, në vendimin tuaj në mënyrë specifike kërkojmë zbulimin e asaj nëse princi trashëgimtar Muhammed bin Salman ka ose jo përgjegjësi në vrasjen e Khashoggit”, thuhet në letër.

Në letër po ashtu u theksua se presin dërgimin e një përgjigjeje në lidhje me çështjen te Komiteti i Senatit për Marrëdhëniet me Jashtë brenda 120 ditëve duke filluar nga 10 tetori.

Reagim i ashpër nga Graham

Në anën tjetër një prej emrave kryesor të Republikanëve, senatori i Karolinës Jugore, Lindsey Graham, nëpërmjet rrjetit social Twitter ka folur në lidhje me vrasjen e Khashoggit.

“Një gjë që kam mësuar nga vitet e Obamës, shikimi i problemeve në Lindjen e Mesme ‘nga këndi tjetër’ dhe kjo rrallë herë funksionon. Ngjashëm kur erdhi radha edhe te vrasja brutale e Jamal Khashoggit, rruga tjetër nuk po iu përshtatet interesave tona kombëtare”, ka shkruar Graham.

Duke e marrë objektiv të drejtpërdrejtë princin saudit të kurorës, Graham tha se kur në rend të ditës do të vijnë sanksionet serioze ndaj Arabisë Saudite, përfshirë edhe pjesëtarët e familjes Mbretërore Saudite për shkak të këtij akti barbar i cili është në kundërshtim me të gjitha normat civile, “besoj se do të ketë mbështetje nga që të dy partitë në kongres”.

“Edhe pse Arabia Saudite është një partner strategjik, veprimi i princit trashëgimtar është jorespekt nga aspekte të shumta ndaj marrëdhënieve mes nesh dhe sipas meje (kjo gjendje) e ka helmuar atë. Jam plotësisht në dijeni se duhet të interesohemi me aktorët e këqij në arenën ndërkombëtare dhe me raste që nuk janë perfekte, por nëse e humbim zërin moral atëherë do të humbim pasurinë tonë më të fuqishme”.

Letra e parë më 10 tetor

Në letrën e parë të komitetit ishte kërkuar “zbulimi i të gjithë personave që janë përgjegjës të vrasjes së Khashoggit”.

Komiteti i Senatit për Marrëdhëniet me Jashtë në letrën e dërguar më 10 tetor për presidentin Trump kërkoi që për fatin e Jamal Khashoggit, i cili ishte zhdukur pas hyrjes në Konsullatën e Arabisë Saudite në Stamboll, të fillojë një hetim në kuadër të “Aktit Global Magnitsky për Përgjegjësi mbi të Drejtat e Njeriut”.

Në letër ishin përfshirë nënshkrimet e kreut të Komitetit për Marrëdhëniet me Jashtë, Bob Corker, anëtarit të lartë të komitetit, Bob Menendez, anëtarit të komitetit senatorit të Karolinës Jugore, republikanit Linsdey Graham dhe të senatorit demokrat, Patrick Leahy.

Në letrën në fjalë thuhet se, “Në kuadër të Aktit Global Magnitsky për Përgjegjësi mbi të Drejtat e Njeriut kërkojmë nga ju vendim në çështjen e zbatimit të sanksioneve ndaj personave të huaj që kanë rol në ndonjë shkelje në lidhje me rastin Khashoggi”.

Ligji Magnitsky

Në rast të një kërkese nga Komiteti për Marrëdhëniet me Jashtë i Senatit, Ligji Magnitsky i sjell kusht presidentit të SHBA-ve për hetim në kuadër të “ekzekutimeve të paligjshme, torturave dhe shkeljeve të tjera të rënda kundër një individi që ushtron lirinë e shprehjes”.

Sipas ligjit, presidenti amerikan pas kërkesës së komitetit duhet të paraqesë një raport që përfshin gjetjet për kërkesën në fjalë, si dhe nëse ka vendimin e sanksioneve ndaj personit apo personave të huaj të përfshirë në shkeljet e të drejtave të njeriut.

Ligji Magnitsky u miratua në SHBA në vitin 2012 pasi Sergey Magnitsky, një prej avokatëve të fondit Hermitage Capital Management, humbi jetën teksa ndodhej i burgosur në Rusi në vitin 2009, ku SHBA dhe vendet evropiane duke mbrojtur idenë se nuk kanë marrë masat e nevojshme gjatë burgimit kërkuan dënimin e zyrtarëve përgjegjës rusë.

ANKARA – “Është e qartë sikur drita” se princi i kurorës i Arabisë Saudite Mohammed bin Salman urdhëroi vrasjen e gazetarit Jamal Khashoggi, tha një zyrtar i Departamentit amerikan të Shtetit.

Në një deklaratë për ABC News, zyrtari amerikan i cili ka kërkuar të mbetet anonim dhe i cili ka parë raportin e CIA-s në lidhje me çështjen, ka theksuar se ekziston konsensus shumë i fuqishëm se lidershipi saudit është i përfshirë në vrasje dhe se kjo gjë nuk diskutohet nga askush.

Ditë më parë, gazeta Washington Post shkruajti se CIA ka arritur në përfundimin se urdhrin për vrasjen e Khashoggit e kishte dhënë princi saudit Mohammed bin Salman.

Ndërkohë, presidenti amerikan Donald Trump ka deklaruar se ende nuk ka marrë brifing nga CIA dhe se këtë çështje do ta bisedojë me Sekretarin e Shtetit Mike Pompeo dhe zyrtarët e inteligjencës.

Khashoggi, kolumnist në gazetën “The Washington Post”, u vra më 2 tetor në Konsullatën Saudite në Stamboll.

Pas disa javësh mohime për përfshirjen në krim, Arabia Saudite më vonë pranoi se Khashoggi ishte vrarë brenda konsullatës, por tha se familja mbretërore saudite nuk kishte njohuri paraprake për ndonjë komplot për vrasjen e gazetarit.

Deri tani, 21 persona, përfshirë oficerë të sigurisë, janë arrestuar në Arabinë Saudite në lidhje me vrasjen. aa

Presidenti i Shteteve të Bashkuara, Donald Trump, tha se është informuar për një audio-incizim të vrasjes së gazetarit saudit, Jamal Khashoggi, porse ai vetë nuk dëshiron ta dëgjojë.

Khashoggi, kontribues në gazetën Washington Post dhe kritik i Qeverisë saudite, është vrarë pasi ka hyrë në konsullatën suadite në Stamboll, më 2 tetor.

Turqia e ka ndarë me SHBA-në dhe aleatët perëndimorë një audio-incizim që thuhet se dëshmon përfshirjen e Arabisë Saudite në vrasje.

“Unë di gjithçka që thuhet në atë audio-incizim, pa e dëgjuar atë”, tha Trump për Fox News.

“Është shumë i dhunshëm, i egër dhe i tmerrshëm”, tha ai.

Agjencitë e inteligjencës amerikane besojnë se princi i kurorës i Arabisë Saudite, Muhammad bin Salman, e ka urdhëruar vrasjen, edhe pse Shtëpia e Bardhë nuk e ka mbështetur këtë vlerësim.

Në intervistën për Fox News, Trump tha se njerëz të afërt me princin “kanë qenë me gjasë të përfshirë”, por shtoi se dëshiron të ruajë aleancën me Arabinë Saudite.

Javën e kaluar, administrata Trump ka sanksionuar 17 zyrtarë sauditë për rolin e dyshuar në vrasje, por ligjvënësit amerikanë kanë kërkuar masa më të ashpra, përfshirë reduktim të shitjes së armëve në Arabinë Saudite