VOAL

VOAL

Please Wait ...
0%

SHBA, vendi i 12 milionë milionerëve

Nga një popullsi prej 323 milionë banorësh që ka vendi, pothuajse 12 milionë zotërojnë të paktën nga 1 milion dollarë. Ata përbëjnë rreth 3.65 për qind të popullsisë. Përveç kësaj, në Shtetet e Bashkuara ka 607 miliarderë.

Revista Forbes ka hartuar një listë të njerëzve më të pasur për çdo shtet të SHBA, të cilët së bashku zotërojnë një pasuri neto prej 875 miliardë dollarësh.

Dhjetë prej tyre i kanë arritur fitimet në financa dhe investime. Tetë janë pasuruar nga moda dhe shitjet me pakicë, ndërsa pesë nga industria e ushqimit dhe pijeve.

Por pasuritë më të mëdha kanë patur si burim teknologjinë e lartë. Të katër miliarderët në listën e njeriut më të pasur në çdo shtet zotërojnë 251 miliardë dollarë secili, ose më shumë se një e katërta e pasurive në listën e pesëdhjetëshes të marra së bashku.

Jeff Bezos, njeriu më i pasur në shtetin e Uashingtonit, është gjithashtu njeriu më i pasur në botë, me një pasuri neto prej rreth 157 miliardë dollarësh.

Familja më e pasur në SHBA është Familja Waltons. Jim dhe Alice Walton, fëmijët e themeluesit të rrjetit Walmart, Sam Walton, janë njerëzit më të pasur në shtetet ku ata jetojnë.

Më shumë se gjysma e njerëzve më të pasur në listë – 60 për qind – e kanë vënë vetë pasurinë, ndërsa 21 për qind e kanë të trashëguar. Nëntëmbëdhjetë për qind janë pasuruan duke zgjeruar një biznes ekzistues që u ishte lënë nga të tjerë.

Një listë e publikuar nga howmuch.com, rendit njeriun më të pasur në çdo shtet të SHBA./VOA

Më poshtë është lista e 10 më të pasurve, që tregon shtetin, pasurinë neto dhe burimin e pasurisë:

  1. Uashington: Jeff Bezos dhe familja, 157 miliardë dollarë, Amazon
  2. Nebraska: Warren Buffett, 85 miliardë dollarë, Berkshire Hathaway
  3. Kalifornia: Mark Zuckerberg, 71 miliardë dollarë, Facebook
  4. Nju Jork: Michael Bloomberg, 53.8 miliardë dollarë, Bloomberg LP
  5. Arkansas: Jim Walton, 51.1 miliardë dollarë, Walmart
  6. Teksasi: Alice Walton, 50.1 miliardë dollarë, Walmart
  7. Kansas: Charles Koch, 42 miliardë dollarë, Koch Industries
  8. Nevada: Sheldon Adelson, 35.7 miliardë dollarë, kazino
  9. Oregon: Phil Knight dhe familja, 35 miliardë dollarë, Nike
  10. Virxhinia: Jacqueline Mars, 28.1 miliardë dollarë, karamelet

Lajmi i fundit: Presidenti Trump emëron Mikun e madh të shqiptarve Drejtor të Inteligjencës Kombëtare

WASHINGTON D.C.: Presidenti Trump, njoftoi emërimin në mediat sociale më herët pasditen e së dielës, se Ratcliffe i cili më parë kishte qenë një pretendent i lartë për Prokurorin e Përgjithshëm, të caktohet në postin e Drejtorit të Intelingjencës Kombëtare të SHBA.

Presidenti Trump shkruajti në rrjetin social se do të emërojë Kongresmenin e Teksasit John Ratcliffe (R-TX-4) për të zëvendësuar Dan Coats si Drejtorin e ardhshëm të Inteligjencës Kombëtare (DNI) pasi Coats të japë dorëheqjen në 15 gusht.

Pasi të konfirmohet, nga Senati, Drejtori i Inteligjencës Kombëtare i cili shërben si këshilltar kryesor i presidentit për çështje të sigurisë kombëtare dhe është përgjegjës për mbikëqyrjen e komunitetit të inteligjencës amerikane, me një herë nisë nga puna e tij në Itelegjencën Kombëtare.

Duke njoftuar emërimin e Ratcliffe përmes Twitter, presidenti shkroi, “Unë jam i kënaqur të njoftoj se Kongresisti shumë i respektuar John Ratcliffe nga Teksasi do të emërohet nga unë për të qenë Drejtori i Inteligjencës Kombëtare.”

Ratcliffe, një ish-Avokat i SHBA, 53-vjeçar, ka qenë një mbështetës i fortë i Presidentit Trump në të kaluarën. Ai ka shërbyer në Kongres që nga viti 2014 pasi ai e hodhi poshtë rolin e gjatë të kongresistit Ralph Hall, qysh në garën fillimore në partinë republikane. Kjo garë ishte e dukshme në atë që ishte hera e parë në dy dekada që një kongresmen i “jetë gjatë” në karrierën e tij si republikan në Teksas, të humbiste një sfidë kryesore, me kundër kandidatin e athershëm Ratcliffe.

Në 2004, Ratcliffe u emërua për të mbikëqyrur përpjekjet e anti-terrorizmit dhe të sigurisë kombëtare për Qarkun Lindor të Teksasit nga Departamenti i Drejtësisë i SHBA. Tre vjet më vonë, ai u bë Ushtruesi i Detyrës së SHBA për Rrethin Lindor të Teksasit nën ish-Presidentin Xhorxh W. Bush, të Departamenti i Drejtësisë i SHBA.

Si Avokat fedreal i SHBA, Ratcliffe, ishte një nga prokurorët federal të përfshirë në çështjen Fondacioni Tokë e Shenjtë, në të cilin pesë individë u dënuan për financimin e terrorizmit dhe për të siguruar miliona dollarë prej Hamasit. Ai gjithashtu mbikëqyri Operacionin Plymouth Rock, i cili çoi në arrestimin dhe ndjekjen penale të mbi 300 të huajve të paligjshëm për mashtrim identiteti.

Ai shërbeu gjithashtu si kryebashkiak i bashkisë Heath në Texsas, një qytet i vogël në zonën e metrosë Dallas-Fort Worth.

Ratcliffe ka fituar vëmendjen e publikut për rolin e spikatur që ai ka luajtur në seancat dëgjimore të Kongresit, sidomos ato që përfshinin Këshillin Special për Departamentin e Drejtësisë të Shteteve të Bashkuara, me Kryeprokuror Robert Mueller.

Para emërimit të tij të fundit, Ratcliffe ishte gjithashtu një konsideratë kryesore për të zëvendësuar Jeff Sessions si Prokuror i Përgjithshëm i SHBA pas dorëheqjes së Sessions në nëntor.

Në Twitter, Presidenti Trump vazhdoi me njoftimin duke thënë se Ratcliffe “do të udhëheqë dhe frymëzojë madhështinë për vendin që ai do- “Amerika e Para – America First”, para se të falënderonte Coats, për “shërbimin e tij të shkëlqyeshëm për vendin tonë” shkruajti zoti Trump.

Gjatë qëndrimit të tij dy vjeçar si DNI, Coats shpesh u duk se kishte të bënte me një marrëdhënie polemike me presidentin, në të cilin të dy nuk pajtoheshin publikisht për çështjet e sigurisë kombëtare që lidhen me Korenë e Veriut, Iranin dhe praninë e ISIS në Lindjen e Mesme. Coats gjithashtu u tha prokurorëve se ai ishte nxitur nga presidenti të mohojë çdo lidhje midis fushatës së Rusisë dhe presidentit Trump, gjatë zgjedhjeve presidenciale të vitit 2016.

Rrethi i katërt i kongresit që mbulon pjesën verilindore të zonës Dallas-Fort Worth, është shumë republikan. Ai ka edhe grupin më të madh të shqiptarë amerikanëve republikan, që drejtohet nga veprimtari i njohur dhe biznesmeni i suksesshëm Nazar Mehmeti – Presidenti i Rrjetit të Bizneseve Shqiptare në Diaspore, i cili së bashku me Sekretarin e Përgjithshëm të këtij rrjeti dhe veprimtarët Ylber Korca dhe Gani Fejza, janë miqt më të afërt të John Ratcliffe .

Kongresisti republikan i Texasit John Ratcliffe, ka lidhje të forta edhe me kryetarin e Partisë Republikane në Shqipëri – Fatmir Mediun.

Ismet Smajli, shqiptari më i afërt me kongresistin e Teksasit John Ratcliffe, nuk mundi ta “fshehë” kënaqësin e tij për këtë emrim kaq të lart të mikut të tij, duke shkruajtur në llogarinë e tij në Facebook,, miqve dhe anëtarve të Rrjetit të Bizneseve të Diasporës Shqiptare , se ai deshiron të ndaj me këtë rast me gjithë shqiptarët këtë lajm tepër të mirë.

 

“Presidenti i SHBA-ve Donald Trump, ka nominuar Kongresistin John Ratcliffe (R-Texas) për të shërbyer si drejtor i inteligjencës kombëtare (DNI) , shkraun Smajli, dhe vazhdon : “Kongresisti Republikan John Ratcliffe nga Dallas Texas , per shume vite eshte mik I ngushte I Presidentit z. Nazar Mehmeti , dhe sekretarit te pergjithshem te Rrjetit te Bizneseve te Diaspores Shqiptare,” pra i imi thote Ismet Smajli .

Ai me tej shpjegon se Kongresisti z.John Ratcliffe, eshte mik dhe perkrahes I fuqishem I Kosoves dhe i Rrjetit te Bizneseve te Diaspores Shqiptare , z.John Ratcliffe, ishte prezent dhe mbajti nje fjalim rasti si I ftuar i vecante , ne ‘’Forumin Ekonomik Mbrekombetar i Diaspores Shqiptare” ne New York s ne vitin 2016 , i organizuar nga Rrjeti i Bizneseve te Diaspores Shqiptare ne Amerike .

Ndërkohë, ky ka qene një takim i bukur edhe për mua – mbasi mu dha rasti të takohesha me ish Këshilltarin e lart për siguri të ish – Presidentit Bush – Kongresmenin Republikan z. John Ratcliffe, nga Teksasi, mikun e madh i të gjithë shqiptarëve, dhe miku i ngushtë – i veprimtarit të njohur nga Teksasi Nazar Mehmeti, Ismet Smajli si edhe i veprimtarve Ylber Korca, Gani Fejza, pra i gjithë komunitetit shqiptar në Dallas – Distriktin e Kongresit ku ai shërben, pjesmarrjen e tij në Samitin historik të Rrjetit të Bizneseve Shqiptarë, në Diaspore, i mbajtur për tre dite me radhë në New York, Shtator 2016.

Ratcliffe fitoi rizgjedhjen në 2018 me mbi 50 përqind. Ai aktualisht shërben në Komitetin e Inteligjencës, Komitetin për Sigurinë e Brendshme dhe Komitetin e Gjyqësorit të Kongresit amerikan.

Pas emërimit nga Presidenti Trump, të Ratcliffe, miratimi i tij do t’i nënshtrohet konfirmimit nga Senati, i cili si mësoi Bota sot, do të jet vetëm një “formalitet” mbasi nuk pritet të ketë kundërshtime lidhur me emrimin e tij nga Presidenti Trump.

Dorëhiqet shefi i zbulimit kombëtar Dan Coats

Isabela Çoçoli

Presidenti Donald Trump njoftoi se shefi i zbulimit kombëtar, Dan Coats, po jep dorëheqjen pas dy vjetësh në detyrë dhe përplasjeve të shpeshta politike me Shtëpinë e Bardhë.

Presidenti Trump njoftoi në Twitter se Dan Coats do të japë dorëheqjen më 15 gusht. Ai e falënderoi zotin Coats për “shërbimin e tij të çmuar për vendin” dhe tha se do të emërojë në vend të tij ligjvënësin republikan nga Teksasi John Ratcliffe, i njohur si mbështetës besnik i presidentit.

Presidenti Trump e përshkroi kongresmenin Ratcliffe si një ish prokuror mjaft të respektuar.

Dan Coats ka qenë Drejtor i zbulimit Kombëtar që nga marsi i vitit 2017. Ai shpesh nuk ka qenë dakord me zotin Trump për një numër çështjesh të zbulimit, duke përfshirë politikën amerikane ndaj Rusisë, programin e armëve bërthamore të Koresë së Veriut dhe çështjen nëse Irani ka shkelur marrëveshjen bërthamore të vitit 2015, nga e cila presidenti Trump më vonë u tërhoq.

Presidenti Trump dhe komentet për Baltimorën

Presidenti Donald Trump është mbërthyer prej ditësh në komente e postime lidhur me qytetin e Baltimorës, duke shkëmbyer akuza me një përfaqësues të këtij qyteti në Kongres. Ligjvënësi Elijah Cummings e akuzoi administratën Trump për trajtim të keq të emigrantëve në zonën kufitare me Meksikën.

Presidenti reagoi me një seri postimesh në Twitter, ku e akuzon ligjvënësin 68-vjeçar për bulizëm dhe shprehet se distrikti që ai përfaqëson është “një qytet i pështirë, i mbushur me minj; një rrëmujë e vërtetë”. Zoti Commings përfaqëson Baltimorën, të cilën presidenti e cilëson si vend shumë më të rrezikshëm se kapanonet federale ku mbahen emigrantët e paligjshëm.

https://twitter.com/realDonaldTrump/status/1155073965880172544

Sipas statistikave qeveritare rezulton se distrikti që përfaqëson ligjvënësi Cummings përfshin lagje të varfra të Baltimorës si dhe periferi të pasura të qytetit dhe se të ardhurat mesatare për frymë në distriktin e tij janë më të larta se mesatarja kombëtare.

Presidenti iu kundërvu kritikave që pasuan sulmet e tij ndaj ligjvësësit afrikano-amerikan. Para disa ditësh presidenti u bë objekt kritikash për sulmet ndaj katër ligjvënëseve demokrate, të gjitha gra me ngjyrë.

“Demokratët gjithmonë luajnë kartën e racës, kur në fakt ata kanë bërë fare pak për të ndihmuar situatën e afrikano-amerikanëve,” shprehet presidenti. “Aktualisht kemi ritmet më të ulëta të papunësisë në histori; gjërat po përmirësohen edhe më shumë. Elijah Cummings ka dështuar keq!”

https://twitter.com/realDonaldTrump/status/1155439940618129408

Në një tjetër postim presidenti shkruan “Përse i jepen kaq shumë fonde distriktit të Elijah Cummings kur në fakt konsiderohet si më i keq-administruari dhe më i rrezikshmi në Shtetet e Bashkuara. Asnjë qenie njerëzore nuk do të jetojë në atë qytet. Ku shkojnë këto para? Sa vidhet? Të bëhen hetime për këtë rrëmujë korrupsioni!”

https://twitter.com/realDonaldTrump/status/1155076476930338816

Në një seancë dëgjimore kohët e fundit në Kongres, zoti Cummings si kryetar i Komisionit për Llogaridhënien e Qeverisë, i drejtoi pyetje të forta sekretarit në detyrë të Departamentit të Sigurisë Kombëtare lidhur me situatën në objektet federale ku mbahen ligjvënësit e paligjshëm. Ai ngriti pyetje nëse qeveria ka dokumentacione të rregullta për fëmijët që ndahen nga prindërit. Zoti Cummings citoi një raport të qeverisë federale sipas të cilit autoritetet bëjnë një punë më të mirë për të dokumentuar vendndodhjen e zotërimeve personale të imigrantëve se sa të fëmijëve të tyre”.

Zyrtari i Shtëpisë së Bardhë Mick Mulvaney hodhi poshtë interpretimin e komenteve të presidentit si sulme raciste. “Presidenti e sulmoi ligjvënësin për përhapjen e deklaratave të pavërteta, s’ka të bëjë fare me racën e zotit Cummings”. za

Pensilvania mban gjallë trenat me avull

Për shumë njerëz, trenat e dikurshëm me avull sjellin një ndjenjë kureshtjeje. Amerika për 175 vjet me radhë ka patur trena me qymyr duke filluar që nga vitet 1830. Ky lloj transporti luajti një rol vendimtar në revolucionin industrial dhe zgjerimin e Amerikës. Vizitorët sot mund të përjetojnë një udhëtim me sistemin e trenave më të vjetër amerikanë në një linjë prej 7 kilometrash në Ronks të shtetit Pensilvania.

Hekurudha Strasurg e vitit 1832 mban ende gjallë ndjesinë e së kaluarës. Steve Barrall është menaxher i stacionit të hekurudhës.

“Duam që njerëzit të përjetojnë trenat me avull të shekullit të kaluar, ashtu si kanë qënë në atë kohë.”

Disa lokomotiva me avull me vagonat prej druri të restauruar ofrojnë një udhëtim prej 45 minutash në fshat. Kjo hekurudhë e shkurtër në të kaluarën lidhte pasagjerët dhe mallrat me një hekurudhë më të madhe që bënte lidhjet me qytetet kryesore.

“Në atë kohë kjo ishte lidhja e Stasburgut me botën e jashtëme”, thotë Steve Barall.

Kjo kabinë e klasit të parë të kujton njerëzit që ishin në gjendjetë shpenzonin më shumë për një udhëtim më të rehatshëm. Robert është një nga vizitorët.

“Trenat janë pjesë e strukturës së këtij vendi dhe në fakt të shumë vendeve në mbarë botën. Është kënaqësi të kthehesh mbrapa e të shikosh se si fuksiononin trenat.”

“Ishte kënaqësi kthimi në të kaluarën dhe ritmi i ngadaltë”, thotë Carol.

“Është kënaqësi të udhëtosh në të shkuarën dhe të shijosh peisazhet”, thotë një tjetër vizitore.

Aty pranë gjendet Muzeumi i Hekurudhave të Pensilvanisë, një prej muzeumeve më të mëdha amerikane opr historinë e herkurudhave. Patrick Morrison është Drejtor i Muzeumit të Hekurudhave të Pensilvanisë.

“Kemi rreth 100 paisje pjesë përbërëse të hekurudhave që nga vagonat dhe lokomotivat. Por ruajmë edhe uniformat e punonjësve apo enët e kuzhinës.”

Ai thotë se lokomotivat gjigande me avull i joshin vizitorët sot si dikur në të kaluarën.

“Mjafton ideja e diçkaje të fuqishme që tërheq shumë vagona mallrash dhe pasagjerësh që të hopnotizojë shumë njerëz.”

Kjo duket qartë tek turistët në vagonin e trenit. Në “Motelin Red Caboose”, që duket nga treni i pasagjerëve, mysafirët mund të kenë shansin të shijojnë ndjesinë e shekullit të kaluar. Tyler Prickett është pronar i motelit.

“Turistët kanë shansin të shijojnë një natë sikur të ishte në muzeum. Ky është moteli më i madh i modelit të asaj kohe sipas Librit të Rekordeve Guinnes.”

Kjo mban gjallë edhe nostalgjinë e trenave të vjetër.

“Më pëlqen të sodis këto pamje nga treni”, thotë pasagjeri Richard Prindle.

SHBA: Gjykata e Lartë vendos në favor të Presidentit Trump për çështjen e murit

Me një vendim 5 me 4, Gjykata e Lartë e Shteteve të Bashkuara vendosi në favor të Presidentit Donald Trump, duke i dhënë atij mundësinë të përdorë miliarda dollarë fonde të buxhetit federal për të realizuar premtimin e tij kryesor të fushatës, ndërtimin e një muri përgjatë kufirit me Meksikën.

Vendimi i së premtes rrëzon vendimin e një gjykate të një niveli më të ulët, që u la në fuqi nga gjykata e apelit, për ngrirjen e fondit të Departamentit të Mbrojtjes prej 2.5 miliardë dollarësh. Fondet ishin kërkuar nga administrata Trump për ndërtimin e murit në kufirin SHBA-Meksikë.

“Fitore e madhe për sigurinë kufitare dhe sundimin e ligjit”, tha Presidenti Trump në Twitter pas vendimit të Gjykatës së Lartë.

​Dror Ladin, jurist për sigurinë kombëtare në Unionin Amerikan për Liritë Civile, i tha agjencisë franceze të lajmeve AFP se“Komunitetet kufitare, mjedisi dhe ndarja e kompetencave e përcaktuar në Kushtetutën tonë do të dëmtohen përgjithmonë nëse zoti Trump lejohet të vazhdojë me plaçkitjen e fondeve ushtarake për një mur kufitar ksenofobik, ndërtimi i të cilit është kundërshtuar nga Kongresi.”

Trump: Do të vendosim sanksione ndaj Francës

Presidenti Donald Trump tha të premten se Shtetet e Bashkuara do të vendosin shumë shpejt sanksione të mëdha ndaj Francën në “një akt reciprociteti”, nisur nga njoftimi i Parisit për vendosjen e një takse ndaj kompanive amerikane të teknologjisë.

Nëse do të kishte një vend që mund t’i taksonte këto kompani, ky do të ishte vendi i tyre, SHBA-ja”, tha zoti Trump. “Do të njoftojmë së shpejti një masë të konsiderueshme reciproke lidhur me marrëzinë e zotit Macron“, shkruante më tej në një postim në twitter zoti Trump, duke iu referuar Presidentit francez Emmanuel Macron.

Gjithmonë kam thënë se vera amerikane është më e mirë se vera franceze!”, shkruante ai.

Sipas një njoftimi të Shtëpisë së Bardhë, javën e kaluar zoti Trump i kishte shprehur zotit Macron shqetësimin e tij lidhur me taksën e propozuar mbi shërbimin dixhital.

Zëdhënësi i Shtëpisë së Bardhë Judd Deere tha se Uashingtoni “është jashtëzakonisht i zhgënjyer nga vendimi i Francës për të miratuar një taksë mbi shërbimet dixhitale, në kurriz të kompanive dhe punëtorëve amerikanë”.

Masa e njëanshme e Francës duket se synon kompanitë amerikane të inovacionit që ofrojnë shërbime në sektorë të veçantë të ekonomisë.

Presidenti Trump ka urdhëruar kryerjen e një hetimi mbi taksën e planifikuar. Muajin e kaluar zyra e përfaqësuesit amerikan për Tregtinë njoftoi se do të zhvillojë një seancë dëgjimore në 19 gusht lidhur me hetimin që po kryen. Situata mund të çojë në vendosjen e tarifave të reja apo kufizimeve të tjera tregtare nga ana e SHBA-së. za

Çështja në SHBA – Kush është Jeffry Epstein, ‘i penduari’ i Soros që është gati të zbërthejë ‘deep state’ kudo në botë – Nga Tom Hays, The Associated Press

Jeffry Epstein është një hebre i njohur në mbarë botën për shkak se ka krijuar një offshore tek Ishujt e Virgjër, ku ai kishte ishullin e vet që sipas mediave prestigjoze botërore, organizonte ‘takime intime’ deri dhe pedofilie për të gjithë VIP-at e botës.

Për shkak të ‘shërbimeve’ që ofronte në ishullin e tij, Epstein është ndaluar njëherë nga FBI amerikane, por në media u fol se u lirua menjëherë për shkak se kishte mbrojtje të shërbimeve sekrete amerikane dhe izrealite të cilat e kanë përdorur për të filmuar VIP-at.

Së fundmi Epstein është arrestuar sërish dhe ai tashmë është i gatshëm të flas.

Në media përflitet se pas këtij arrestimi qëndron Presidenti i SHBA, Donald Trump i cili po lufton ‘deep state’ në Amerikë.

Në media flitet se nëse Epstein thyhen ‘kodin e heshtjes’, ai mund të çmontojë piramidën e ‘deep state’ të udhëhequr nga Soros.

Më poshtë shkrimi i plotë i ‘Associated Press’ i botuar dje, ku ngrihet dyshimi i fortë se Epstein po tentohet t’i mbyllet goja në burg nga frika se ‘mund te flasë:

Jeffrey Epstein u gjet i lënduar në qelinë e burgut të Nju Jorkut

Nga Tom Hays, The Associated Press

NJU JORK – Financieri i pasur, Jeffrey Epstein u gjet në dyshemenë e qelisë së tij të burgut me plagë në qafë në fillim të kësaj jave, ndërsa priste gjykimin mbi akuzat për trafik seksual, tha të enjten një person i njohur me këtë çështje.

Nuk ishte e qartë nëse lëndimet ishin shkaktuar nga vetë ai ose nga një sulm, tha personi, i cili nuk ishte i autorizuar për të diskutuar çështjen dhe foli për Associated Press me kusht që të ruhej anonimiteti.

Epstein, 66 vjeç, mori trajtim mjekësor dhe qëndron në paraburgim në Qendrën federale disiplinore metropolitane në Neë York City. Të dhënat e burgut të marra nga AP nuk tregojnë se ai është dërguar në spital.

Nuk kishte asnjë përgjigje të menjëhershme të enjten nga zyrtarët e burgut dhe as nga një prej avokatëve të Epstein.

Nuk ishte e qartë nëse Epstein kishte ndonjë shok qelie apo ishte i vetëm në qeli. Burgu është i famshëm për sigurinë e tij të fortë dhe të burgosurve me profil të lartë, ku përfshihen terroristët, mashtruesit përmes skemave të Ëall Street dhe, kohët e fundit, karteli meksikan i drogës Joaquin “El Chapo” Guzman.

Një avokat për të burgosurin Nicholas Tartaglione mohoi njoftimet lokale të lajmeve të enjten se klienti i tij ishte i dyshuar në një sulm të mundshëm ndaj Epstein. Tartaglione është një ish-oficer policie në periferi të Nju Jorkut, në pritje të gjykimit për akuzat se ai ishte përfshirë në rrëmbimin dhe vrasjen e katër burrave në vitin 2016.

Avokati, Bruce Barket, sugjeroi se akuzat ishin bërë publike nga dikush që përpiqej të turpëronte Epstein dhe të hedhin disa hije dyshimi për Nicholas Tartaglione.

Epstein është akuzuar për abuzimin seksual me dhjetëra vajza të mitura në fillim të viteve 2000. Një gjyqtar ia mohoi atij lirimin me kusht javën e kaluar, bazuar mbi argumentin se ai të mund të largohet nga vendi nëse lirohet. Gjykatësi gjithashtu tha se Epstein është një rrezik për publikun për shkak të dëshirave të tij të “pakontrollueshme” për tu përfshirë në sjellje seksuale me vajzat nën moshë.

Pavarësisht profilit të lartë të këtij rasti, zyrtarët e burgut nuk do të kishin asnjë arsye për ta vendosur Epstein nën mbikëqyrje të lartë, veçse nëse ai mund tu ishte dukur me prirje vetëvrasëse kur mbërriti aty, tha Cameron Lindsay, një gardian burgu në pension i cili kishte drejtuar tre burgje federale.

Epstein u akuzua për shkelje federale në Nju Jork këtë muaj, më shumë se një dekadë pasi ai fshehurazi nënshkroi një marrëveshje me prokurorët federalë në Florida për të hedhur poshtë akuzat e ngjashme të trafikimit seksual me përmasa të mëdha. Ai u deklarua fajtor në vitin 2008 për shkak se kishte gisht në përfshirjen e një të miture në prostitucion dhe kreu 13 muaj pas hekurave.

Prokurorët federalë në Nju Jork e rihapën hetimin pasi raportimet hetimore nga gazeta The Miami Herald nxitën zemërim mbi ujdinë e bërë të fajësisë.

Avokatët e Epstein thanë se ai nuk kishte pasur ndonjë kontakt të paligjshëm me vajzat minorene që kur kishte kryer dënimin e tij në Florida. Ata thanë se akuzat e tanishme janë të gabuara, sepse qeveria po e shkel marrëveshjen për të mos e ndjekur penalisht atë.

Sekretari i Punës i SHBA, Alexander Acosta dha dorëheqjen këtë muaj pasi u kritikua se kishte mbikëqyrur atë marrëveshje kur ai ishte prokuror i SHBA në Miami.

Image

Reagime pas dëshmisë së prokurorit të posaçëm Robert Mueller në Kongres

Në një atmosferë politike thellësisht të përçarë, si demokratët dhe republikanët kishin shpresuar që dëshmia e prokurorit të posaçëm, Robert Mueller para dy komisioneve të Dhomës së Përfaqësuesve, do të ishte një pikë kthese për administratën e Presidentit Donald Trump. Mes një atmosfere që dukej si arenë cirku në Kongres, të dyja partitë vazhduan të flisnin me këmbëngulje lidhur me çështjen nëse duhet të fillojë apo jo procesi për shkarkimin e mundshëm të presidentit. Siç njofton korrespondentja e Zërit të Amerikës, Katherine Gypson debati lidhur me ndërhyrjen ruse në zgjedhjet e vitit 2016 nuk tregon shenja se do të ndalet.

Momenti i shumëpritur …

…Për këta të rinj që donin të ishin në sallë kur prokurori i posaçëm foli për herë të parë në publik, ia vlejti aq sa të flinin një natë më parë në korridoret e Kongresit.

Ata nuk ishin të vetmit në gjithë vendin që shpresonin që zoti Mueller do të mund të qartësonte debatin politik që ka përfshirë vendin.

Megjithëse si edhe herë të tjera, pati disa protestues, nuk ishte aspak një seancë e zakonshme për demokratët që kaluan natën, duke u përgatur për çdo lloj skenari. Rezultati?

“Mendoj se nuk ka diskutim se në këtë seancë pamë prova bindëse të pengimit të drejtësisë, kryer nga presidenti i Shteteve të Bashkuara në detaje të jashtëzakonshme nga prokurori i posaçëm”, tha anëtari demokrat i kongresit, David Cicilline.

Demokratët donin që detajet që u transmetuan drejtpërdrejt në gjithë vendin, të kontribuonin në argumentat pro hetimeve të zotit Trump dhe administratës së tij.

“Ai u përpoq të pengonte hetimin për pengimin e drejtësisë nga ana e tij. Pra presidenti na ka futur në një gjendje absurde, por tani këtë mund ta shohë gjithë vendi”, – tha Jamie Raskin, anëtar demokrat i Kongresit.

Por republikanët thonë se zoti Mueller, e keqësoi gjendjen.

“Mendoj se fakti që Robert Mueller nuk dukej se e zotëronte mirë raportin që mban emrin e tij, lë të kuptosh se nuk e kishte plotësisht të qartë se çfarë kishte në ato 448 faqe të raportit”, – tha anëtari republikan i Kongresit, Mark Meadows.

Ata akuzuan prokurorin e posaçëm se u ishte shmangur pyetjeve kyçe lidhur me pikënisjen e hetimit.

“Drejtori Mueller m’u duk i çorientuar, shpesh konfuz dhe shumë evaziv për pyetje elementare lidhur me aktivitetet e rusëve dhe ndërthurjen e interesave të tyre me njerëz të lidhur me demokratët dhe lëvizjen anti-Trump”.

Deri sot, mbi 90 demokratë të Dhomës së Përfaqësuesve kanë bërë thirrje për hapjen e procesit të shkarkimit. Një demokrate tha se dëshmia e zotit Mueller u dha votuesve informacion të nevojshëm.

“Nxjerr në pah shumë qëndrime presidenciale të papërshtatshme dhe në të kaluarën, gabimet presidenciale të një natyre penale kanë çuar në procesin e shkarkimit. Popullit amerikan do t’i duhet të vendosë nëse mund ta pranojë këtë lloj sjelljeje”, tha Mary Gay Scanlon.

Dëshmia e zotit Mueller është një pike kthese për ndërgjegjësimin e amerikanëve lidhur me krimet e zotit Trump, tha kryetarja e Dhomës së Përfaqësuesve, Nancy Pelosi. Por hapja e procesit të shkarkimit mund të bëhet vetëm pasi rastet e hapura në gjykata t’u japin demokratëve gjithë informacionin e duhur.

“Nëse vendosim për një gjë të tillë, do të donim që të ishte bashkuese jo përçarëse për vendin, dhe prandaj duam që argumentat të jenë bindëse”, tha ajo.

Dhe ndërsa kanë mbetur vetëm dy ditë në sesionin veror të kongresit, një nismë për shkarkim nuk do të ndërmerret së shpejti.

Guvernatori i Porto Ricos jep dorëheqjen pas protestave masive

Në kryeqytetin e Puerto Rikos të mërkurën mbrëma shpërtheu gëzimi nëpër rrugë, menjëherë pasi guvernatori i Ricardo Rossello njoftoi dorëheqjen, pas disa ditë protestash masive në rrugët e kryeqytetit.

Në një fjalim në video të postuar në faqen e Facebookut të qeverisë, guvernatori njoftoi se do largohej nga posti më 2 gusht, duke thënë se arritjet e administratës së tij do të kërcënoheshin, nëse ai do të vazhdonte të qëndronte në post.

Ricardo Rossello është guvernatori i parë që heq dorë nga posti, që nga koha kur ky territor i Shteteve të Bashkuara filloi zgjedhjen e drejtpërdrejtë të guvernatorëve në vitin 1947. Vendin e tij do ta zerë sekretarja e drejtësisë Wanda Vazquez, i cila ishte në rendin e pasardhësve, pasi sekretari i shtetit Luis Rivera Marin dha dorëheqjen lidhur me një bisedë në internet që shkaktoi skandal dhe që përfundoi me fundin e mandatit të guvernatorit Rossello.

Mijëra njerëz që ishin mbledhur jashtë rezidencës së guvernatorit në qytetin e vjetër historik të San Juan filluan të festonin në mënyrë spontane pas përfundimit të fjalimit të guvernatorit Rossello, duke valëvitur flamuj dhe duke kënduar.

Lajmi gjithashtu u prit me entuziazëm nga kryetarja e Bashkisë së San Juanit, Carmen Yulin Cruz, e cila kishte njoftuar tashmë synimin e saj për të kandiduar kundër Rossellos vitin e ardhshëm.

[[ https://twitter.com/CarmenYulinCruz/status/1154239274289684481 ]]

Zemërimi publik që çoi në dorëheqjen e guvernatorit shpërtheu gati dy javë më parë, kur Qendra për Gazetari Investigative e ishullit publikoi rreth 900 faqe të zbardhura nga bisedat on line në grup midis zotit Rossello dhe disa ndihmësve të lartë dhe bashkëpunëtorëve që përfshinin mesazhe pa respekt dhe të mbushura me përbuzje për viktimat e Uraganit Maria të vitit 2017 , si dhe shaka homofobike kundër kundërshtarëve politikë të guvernatorit Rossello.

Publikimi i bisedave shkaktoi zemërim të madh në mesin e portorikanëve, të rraskapitur nga vitet e korrupsionit dhe keqmenaxhimit publik, që e lanë territorin e Shteteve të Bashkuara nën kontrollin e një bordi mbikëqyrës të mandatuar nga Kongresi, për ta udhëhequr atë të dalë nga një krizë borxhesh prej miliarda dollarësh.

Ricardo Rossello dha dorëheqjen si kreu i Partisë së Re Progresive gjatë një fjalimi televiziv të dielën dhe tha se ai nuk do të kërkonte të rizgjidhej.

Mueller: Raporti nuk e shfajëson presidentin Trump

Ish-prokurori i posaçëm Robert Mueller po dëshmon sot para Kongresit, lidhur me ndërhyrjen ruse në favor të Donald Trumpit dhe nëse presidenti më pas pengoi drejtësinë, duke u përpjekur të ndalte hetimin e prokurorit. Zoti Mueller tha në Kongres se hetimi i tij nuk e shfajësoi presidentin Trump lidhur për pengimin e mundshëm të drejtësisë.

Pohimi i tij bie ndesh me këmbënguljen e Presidentit Trump se raporti i Prokurorit të Posaçëm e shfajëson atë për pengimin e drejtësisë me përpjekjet për të ndalur hetimin. Dëshmia e zotit Mueller po përputhet pothuajse plotësisht me raportin e tij dhe nuk po sjell shumë informacione të reja.

Në fillim të seancës, kreu demokrat i Komisionit Juridik të Dhomës së Përfaqësuesve, Jerrold Nadler e pyeti prokurorin nëse e kishte nxjerrë plotësisht të pafajshëm zotin Trump:

Zoti Mueller tha “jo”.

“Presidenti nuk u nxorr i pafajshëm për akte të cilat ai akuzohet se i ka kryer”.

Megjithatë zoti Mueller shpjegoi se mbi Presidentin Trump nuk mund të ngrihen akuza penale, për shkak të një rregulli të Departamentit të Drejtësisë, sipas së cilit ndalohet paditja e një presidenti në detyrë.

“Mbështetur tek politikat dhe parimet e Departamentit të Drejtësisë për drejtësinë (e procesit), ne vendosëm që të mos japim një përcaktim, lidhur me faktin nëse presidenti kreu krim”, tha ai.

Më pas gjatë seancës, kongresmeni republikan Ken Buck e pyeti zotin Mueller:

“A mund të ngrini akuza ndaj presidentit të Shteteve të Bashkuara me pengim të drejtësisë kur të mos jetë më në detyrë”?

“Po”, u përgjigj zoti Mueller.

Ish-Prokurori i Posaçëm tha se ekipi i tij u përpoq pa sukses për një vit të arrinte një marrëveshje me zotin Trump që të jepte një dëshmi personalisht, por presidenti vetëm iu përgjigj disa pyetjeve me shkrim.

Në komentet e tij në fillim të seancës, zoti Mueller tha se hetimi arriti në përfundimin se qeveria ruse ndërhyri në zgjedhjet amerikane në mënyrë të gjerë dhe sistematike.

Zoti Mueller tha për një nga përfundimet më të rëndësishme dhe të debatueshme:

“Ne nuk e trajtuam bashkëpunimin me qëllim, që nuk është një term ligjor”.

Zoti Mueller konfirmoi gjithashtu se Presidenti Trump donte ta shkarkonte pasi ai po hetonte për pengimin e drejtësisë.

Zoti Mueller theksoi se dëshmia e tij do të ishte e kufizuar, pasi ajo mund të ndikonte në çështje që nuk janë përfundimtare dhe sepse Departamenti i Drejtësisë kishte përdorur provilegjin që të mos ta lejonte të fliste për disa tema.

Presidenti Trump kishte thënë se nuk kishte ndër mend ta shohë seancën pesë orëshe të zotit Mueller dhe këmbëngul se seancat janë një humbje e jashtëzakonshme kohe.

Pak para se të fillonte seanca, ai shkruajti në Twitter: “JO KONSPIRACION, JO PENGIM”.

Seancat janë kritike për 235 demokratët e opozitës në Dhomën e Përfaqësuesve, një e treta prej të cilëve kanë bërë thirrje për fillimin e një procesi shkarkimi ose një hetimi për shkarkim për presidentin Trump.

Aleatët e Presidentit Trump në Kongres thonë se zoti Mueller nuk gjeti asgjë inkriminuese për zotin Trump dhe se kjo çështje duhet mbyllur dhe këtë qëndrim po mbajnë edhe në seancë.

Ndërsa mbahet seanca e dytë e dëshmisë, para komisionit të zbulimit, nuk ka dyshim se kjo është një ditë dramatike në Uashington, qoftë edhe nga fakti që zoti Mueller i cili pothuajse nuk ka folur fare për raportin, flet në seanca të hapura për publikun. Në fakt miliona amerikanë që nuk e kanë lexuar raportin prej 448 faqesh të prokurorit të posaçëm, po e shohin këtë dëshmi.

Ish-Prokurori i Posaçëm Robert Mueller fillon dëshminë përpara Kongresit

Në një ditë dramatike në Uashington, ish-prokurori i posaçëm Robert Mueller filloi të mërkurën dëshminë e tij para Kongresit, lidhur me ndërhyrjen ruse në favor të Donald Trumpit dhe nëse presidenti më pas pengoi drejtësinë, duke u përpjekur të ndalte hetimin e prokurorit.

Në komentet e tij në fillim të seancës, zoti Mueller tha se hetimi arriti në përfundimin se qeveria ruse ndërhyri në zgjedhjet amerikane në mënyrë të gjerë dhe sistematike.

Zoti Mueller tha për një nga përfundimet më të rëndësishme dhe të debatueshme:

“Ne nuk e trajtuam bashkëpunimin me qëllim, që nuk është një term ligjor”. Mbështetur tek politikat dhe parimet e Departamentit të Drejtësisë për drejtësinë (e procesit), ne vendosëm që të mos japim një përcaktim, lidhur me faktin nëse presidenti kreu krim”, tha ai.

Zoti Mueller theksoi gjithashtu se dëshmia e tij do të ishte e kufizuar, pasi ajo mund të ndikonte në çështje që nuk janë përfundimtare dhe sepse Departamenti i Drejtësisë kishte përdorur provilegjin që të mos ta lejonte të fliste për disa tema.

Presidenti Trump kishte thënë se nuk kishte ndër mend ta shohë seancën pesë orëshe të zotit Mueller që do të transmetohet drejtpërdrejt në televizion, ose ndoshta vetëm pjesë të vogla të saj. Ai këmbëngul se seancat janë një humbje e jashtëzakonshme kohe dhe se është bërë e qartë se ai nuk ka bashkëpunuar në mënyrë të qëllimshme me rusët, dhe nuk ka ndërhyrë me hetimin e zotit Mueller.

Por miliona amerikanë që nuk e kanë lexuar raportin prej 448 faqesh të prokurorit të posaçëm, pritet t’i shohin seancat para komisioneve juridik dhe të zbulimit të Dhomës së Përfaqësuesve, që pritet të jenë të nxehta dhe interesante.

Seancat janë kritike për 235 demokratët e opozitës në Dhomën e Përfaqësuesve, një e treta prej të cilëve kanë bërë thirrje për fillimin e një procesi shkarkimi ose një hetimi për shkarkim për presidentin Trump.

Aleatët e Presidentit Trump në Kongres thonë se zoti Mueller nuk gjeti asgjë inkriminuese për zotin Trump dhe se kjo çështje duhet mbyllur. Por ata e kanë bërë gjithashtu të qartë se kanë ndër mend ta pyesin zotin Mueller për një hetim që ata thonë se është defektoz dhe me fillesa të dyshimta.

Ndërsa pritet të fillojë seanca, një gjë është e qartë: prokurori me përvojë dhe ish-drejtori i FBI-së, nuk do të thotë asgjë që nuk është pjesë e raportit përfundimtar që i dorëzoi Prokurorit të Përgjithshëm, William Barr.

Në maj, zoti Mueller u tha gazetarëve të mos presin shumë përtej asaj që përmban raporti.

“Raporti është dëshmia ime. Nuk do të jepja para Kongresit informacion tjetër përveç asaj që është bërë tashmë publike”, tha ai.

Ditë dramatike në Uashington me seancën e Prorkurorit të Posaçëm, Mueller

E mërkura pritet të jetë një ditë dramatike në Uashington, ndërsa ish-prokurori i posaçëm Robert Mueller dëshmon para Kongresit, lidhur me ndërhyrjen ruse në favor të Donald Trumpit dhe nëse presidenti më pas pengoi drejtësinë, duke u përpjekur të ndalte hetimin e prokurorit.

Presidenti Trump thotë se nuk ka ndër mend ta shohë seancën pesë orëshe të zotit Mueller që do të transmetohet drejtpërdrejt në televizion, ose ndoshta vetëm pjesë të vogla të saj. Ai këmbëngul se seancat janë një humbje e jashtëzakonshme kohe dhe se është bërë e qartë se ai nuk ka bashkëpunuar në mënyrë të qëllimshme me rusët, dhe nuk ka ndërhyrë me hetimin e zotit Mueller.

Por miliona amerikanë që nuk e kanë lexuar raportin prej 448 faqesh të prokurorit të posaçëm, pritet t’i shohin seancat para komisioneve juridik dhe të zbulimit të Dhomës së Përfaqësuesve, që pritet të jenë të nxehta dhe interesante.

Seancat janë kritike për 235 demokratët e opozitës në Dhomën e Përfaqësuesve, një e treta prej të cilëve kanë bërë thirrje për fillimin e një procesi shkarkimi ose një hetimi për shkarkim për presidentin Trump.

Aleatët e Presidentit Trump në Kongres thonë se zoti Mueller nuk gjeti asgjë inkriminuese për zotin Trump dhe se kjo çështje duhet mbyllur. Por ata e kanë bërë gjithashtu të qartë se kanë ndër mend ta pyesin zotin Mueller për një hetim që ata thonë se është defektoz dhe me fillesa të dyshimta.

Ndërsa pritet të fillojë seanca, një gjë është e qartë: prokurori me përvojë dhe ish-drejtori i FBI-së, nuk do të thotë asgjë që nuk është pjesë e raportit përfundimtar që i dorëzoi Prokurorit të Përgjithshëm, William Barr.

Në maj, zoti Mueller u tha gazetarëve të mos presin shumë përtej asaj që përmban raporti.

“Raporti është dëshmia ime. Nuk do të jepja para Kongresit informacion tjetër përveç asaj që është bërë tashmë publike”, tha ai. za

Mark Esper konfirmohet për postin e sekretarit të mbrojtjes

Me 90 vota pro dhe 8 kundër, Senati amerikan konfirmoi të martën emërimin e Mark Esper në pozitën e Sekretarit të Mbrojtjes.

Votimi i dha fund procesit që zgjati shtatë muaj dhe që shënon kohën më të gjatë në histori që Pentagoni qëndroi pa udhëheqës.

Zoti Esper, veç përvojës ushtarake ka qenë edhe lobist në industrinë e mbrojtjes.

Pozita e Sekretarit të Mbrojtjes ngeli bosh që kur shefi i parë i mbrojtjes në administratën Trump, Jim Mattis dha dorëheqjen pas një serie mosmarrëveshjesh politike me Presidentin.

Ai kishte ofruar mundësinë e qëndrimit në post edhe për dy muaj para se të largohej, por Presidenti Trump i tha jo.

Zoti Esper ka premtuar se një ndër përparësitë e tij është zgjidhja e problemeve të udhëheqjes në Pentagon. za

FBI: Kina, përgjegjësja kryesore për spiunazh kibernetik në SHBA

Byroja Federale e Hetimit (FBI) po zhvillon shumë se 1 mijë hetime për vjedhje pronës intelektuale 50 shtetet amerikane dhe pothuajse gjitha rastet kanë lidhje me Kinën. Informacioni u i ditur nga drejtori i FBI Christopher Wray. Ai tha se Kina përbën kërcënimin kryesor për vendin fushën e kundër zbulimit.

Duke dëshmuar përpara komisionit Juridik Senatit, zoti Wray e karakterizoi kërcënimin si thellin, larmishmin, ndërlikuarin, me sfiduesin, gjithëpërfshirësin e shqetësuesin se çdo kërcënim tjetër për kundër zbulimin“.

Kërcënimi kinez varion nga ndërhyrjet kibernetike deri tek korruptimi i personave brendshëm në kompanitë amerikane vogla e mëdha tha zoti Wray duke përmendur një seri rastesh fundit spiunazhit ekonomik kinez hetuara nga FBI-ja.

Ai tha se problem mbetet veçanërisht përpjekja e spiunazhit kinez për vjedhur informacion rreth veprimtarive kërkimore fushën e pronësisë intelektuale financuara me fonde publike.

Kjo është një qasje me gjitha mjetet nga ana e tyre, kërkon gjithëaq një përgjigje me gjitha mjetet nga ana jonë, tha zoti Wray.

I pyetur rreth zgjedhjeve të ardhshme vitit 2020, zoti Wray tha jo për herë parë se Moska ka si qëllim ndërhyrjen, duke e quajtur Rusinë kërcënimin numër 2 sipas shërbimeve amerikane zbulimit.

Dëshmia e Christopher Wray vjen një ditë përpara dëshmisë dy komisione Dhomës Përfaqësuesve ish-Prokurorit Posaçëm Robert Mueller rreth hetimit tij mbi ndërhyrjen e Rusisë zgjedhjet presidenciale vitit 2016. za

SHBA: Sondazh për pasojat e mosbesimit të amerikanëve tek qeveria

Shumica e amerikanëve mendojnë se niveli i mosbesimit tek qeveria e tyre dhe tek njerëzit e tjerë në përgjithësi, pengon përpjekjet për të zgjidhur problemet me të cilat përballet shoqëria, si emigracioni, racizmi, kujdesi shëndetësor, taksat dhe e drejta e votës.

Qendra Kërkimore Pew publikoi së fundi rezultatet e një sondazhi që përfshinte mbi 10 mijë vetë.

“Shumë njerëz nuk mendojnë më se qeveria mund të jetë një forcë për të mirë ose që mund të sjellë ndryshim në jetën e tyre”, citon Qendra Pew një nga pjesëmarrësit në sondazh, i cili shton se “Kjo lloj shkëputjeje dhe apatie do të çojë në një qeveri edhe më të keqe dhe më pak përfaqësuese.”

Pothuajse 70 për qind e amerikanëve thonë se qeveria federale e fsheh qëllimisht informacionin që mund ta japë pa cënuar sigurinë ndërsa 64 për qind të tjerë thonë se kur zyrtarët e zgjedhur flasin, është e vështirë të kuptosh se çfarë është dhe çfarë nuk është e vërtetë.

Besimi i publikut tek qeveria, që ra së tepërmi në vitet ’60 dhe ’70, u rikthye disi në vitet ’80 dhe në fillim të viteve 2000, sipas një sondazhi të muajit prill të Organizatës Pew.

Besimi i amerikanëve tek qeveria është tani në nivelin 17 për qind, një nivel i ulët historik.

Shumica e njerëzve të anketuar mendojnë se ky mosbesim është i justifikuar – 75 për qind e të anketuarve kanë thënë se qeveria nuk duhet të ketë besimin e publikut në një nivel më të lartë sesa e ka aktualisht.

Republikanët dhe të anketuarit me prirje republikane kishin më shumë gjasa ta lidhnin mosbesimin ndaj qeverisë me korrupsionin dhe performancën e dobët qeveritare, ndërsa homologët e tyre demokratë dhe me prirje demokrate kishin prirjen ta lidhnin marrëdhënien me qeverinë me performancën e Presidentit amerikan Donald Trump.

Sipas sondazhit, besimi tek njerëzit e tjerë në përgjithësi ka rënë, por më së shumti kur hyn në mes politika. Ndërkohë që shumica i besojnë të tjerëve që “të bëjnë gjënë e duhur”, siç është zbatimi i ligjit, kjo ndryshon kur është fjala për pranimin e rezultatit të zgjedhjeve, rishqyrtimi i pikëpamjeve në raport me informacionin e ri dhe një mori situatash të tjera.

Në sondazh, besimi tek të tjerët ndryshonte në bazë të racës, moshës, të të ardhurave dhe arsimit – pjesëmarrësit më të moshuar, më të pasur dhe më të arsimuar kishin nivele më të larta të besimit personal. Njerëzit e bardhë kishin nivele të larta besimi për të tjerët në 27 për qind të rasteve, më shumë se dyfishi i të anketuarve afrikano-amerikanë dhe hispanikë.

“Amerikanët që mund të ndihen të pafavorizuar kanë më pak gjasa të shprehin besim tek njerëzit e tjerë”, vë në dukje Organizata Pew.

Çuditërisht, republikanët dhe demokratët kishin nivele të ngjashme të besimit personal tek të tjerët, por kishin pikëpamje të ndryshme për qeverinë – republikanët në përgjithësi shprehnin më shumë besim.

Pse ka rëndësi besimi i publikut tek qeveria? Përveç se është baza e çdo qeverie që shpall se pushteti i saj e merr forcën nga njerëzit, 64 për qind e amerikanëve thonë se besimi i ulët tek qeveria pengon reagimin e njerëzve ndaj problemeve më të mëdha që ka vendi. 70 për qind e të anketuarve mendojnë të njëjtën gjë për mosbesimin tek njerëzit e tjerë. Zgjidhjet për çështje për të cilat ka dallime partiake, si emigracioni, kujdesi shëndetësor, taksat, të drejtat e votimit dhe martesa mes njerëzve të të njëjtit seks, sipas të anketuarve, janë duke u vështirësuar.

Megjithatë, 84 për qind e pjesëmarrësve në sondazh mendonin se besimi i ulët tek qeveria federale mund të ndreqet. Në komentet e hapura, pjesëmarrësit sugjeroni zgjidhje për përmirësimin e gjendjes, si pakësimi i besnikërisë partiake dhe minimizimi i mbulimeve sensacionale në media.

“Besimi është si zamku që i lidh njerëzit bashkë. Pa të, ne bashkëpunojmë më pak me njëri-tjetrin dhe elementët që ndikojnë në cilësinë e përgjithshme të jetës sonë preken, “- komentonte një 38-vjeçar i përfshirë në në sondazh. za

Shefi i FBI-së: Rusët janë të vendosur të ndërhyjnë në zgjedhjet amerikane

Drejtori i FBI-së, Christopher Wray

Rusia është e vendosur të ndërhyjë në zgjedhjet e SHBA-së, pavarësisht sanksioneve dhe përpjekjeve të tjera për të penguar Moskën, tha të martën, drejtori i Byrosë Federale të Hetimeve (FBI), Christopher Wray.

“Absolutisht, rusët përpiqen të ndërhyjnë në zgjedhjet tona”, tha Wray, gjatë një seance dëgjimore të Komisionit për Gjyqësi të Senatit.

Wray dëshmoi në një seancë mbikëqyrëse, një ditë para se Robert Mueller, ish-këshilltar special, të dëshmojë publikisht përpara Kongresit për hetimin e tij dy-vjeçar të ndërhyrjes së Rusisë për të ndikuar në garën presidenciale të 2016-s.

“Gjithçka që kemi bërë kundër Rusisë, a nuk e ka penguar atë mjaftueshëm?”, pyeti senatori, Lindsey Graham, kryetar i Komitetit të Senatit.

“Pikëpamja ime është se derisa ata të ndalen, nuk janë penguar mjaftueshëm”, tha shefi i FBI, Christopher Wray. rel

Pritshmëri e lartë për dëshminë e Prokurorit të Posaçëm Mueller në Kongres

Jim Malone

Ish-prokurori i posaçëm, Robert Mueller që kryesoi hetimin për ndërhyrjen ruse në zgjedhjet e vitit 2016, pritet të dëshmojë javën që vjen (të mërkurën më 24 korrik) para dy komisioneve të Kongresit në seanca që mund të marrin nota dramatike dhe që do të transmetohen drejtpërdrejt në televizion.

Robert Mueller do të dëshmojë përpara dy komisioneve të Dhomës së Përfaqësuesve lidhur me raportin e tij për ndërhyrjen ruse në zgjedhjet e vitit 2016, dhe gjasta për bashkëpunim dhe pengimi të drejtësisë, që implikojnë Presidentin Donald Trump dhe Shtëpinë e Bardhë.

Në maj, zoti Mueller u tha gazetarëve të mos presin shumë përtej asaj që përmban raporti.

“Raporti është dëshmia ime. Nuk do të jepja para Kongresit informacion tjetër përveç asaj që është bërë tashmë publike”, tha ai.

Zoti Mueller arriti në përfundimin se nuk kishte të prova të mjaftueshme për konspiracion të dënueshëm apo koordinim mes Rusisë dhe fushatës së Presidentit Trump për të ndikuar tek zgjedhjet.

Por zoti Mueller ka gjasa të përballet me pyetje të shumta nga demokratët lidhur me vendimin e tij për të mos dhënë gjykim nëse Presidenti Trump ishte përpjekur të pengonte drejtësinë në lidhje me hetimin për Rusinë.

“Nëse do të kishim pasur bindjen që presidenti qartësisht nuk kishte kryer krim, do ta kishim thënë. Por nga ana tjetër, nuk nuk arritëm dot në përfundimin se presidenti nuk kishte kryer krim. Në bazë të politikave të Departamentit (të Drejtësisë), ndaj një presidenti nuk mund të ngrihet akuzë për krim federal gjatë kohës që është në detyrë”, tha ai.

Presidenti Trump ka komentuar shpesh në Twitter lidhur me raportin dhe shprehja e tij “jo konspiracion, jo pengim”, ka qenë e vazhdimisht e pranishme në tubimet e tij politike.

“Për dy vite e gjysëm, kemi qenë nën mbikqyrje dhe me raportin Mueller, fituam! Dhe tani duan t’ia fillojnë nga e para. Nuk doli siç dëshironin herën e parë dhe tani duan ta bëjnë prapë”, u shpreh ai në një rast.

Demokratët, përfshirë kryetarin e Komisionit Juridik të Dhomës së Përfaqësuesve, Jerry Nadler thonë se synojnë ta pyesin me këmbëngulje zotin Mueller.

“Presidenti vazhdimisht u shpreh ‘jo konspiracion, jo pengim’, që në fakt nuk ishte përfudnimi i raportit. Prandaj mendoj se është shumë e rëndësishme që populli amerikan t’i dëgjojë nga zoti Mueller përfundimet e tij dhe se cilat ishin rezultatet e hetimin dyvjeçar”, tha ai.

Ecuria e dëshmisë së zotit Mueller, mund të përcaktojë nëse demokratët e Kongresit do të këmbëngulin për një hetim për procesin e shkarkimit të Presidentitm, thotë analistja Andra Gillespie.

“Presidenti Trump nuk pati pasoja nga hetimi i zotit Muellur por nuk është ende e qartë nëse demokratët do të ndërmarrin procedurën e përpjekjes për shkarkim dhe nëse mund të gjejnë prova shtesë që mund të ndryshojnë mendimet e njerëzve”.

Raporti i zotit Mueller, është bërë një temë e njohur mes kritikëve të presidentit dhe përkrahësve të tij. Aktorë të Hollivudit, kohët e fundit organizuar një recitim dramatik të raportit në një shfaqje në Nju Jork me aktorin John Lithgow në rolin e zotit Trump.

“Por presidenti iu kthye temës së postit të (ish-drejtorit të FBI-së) James Comey, në fund të darkës duke thënë: ‘Unë dua bensikëri’”, recitoi ai duke iu referuar shkëmbimit mes Presidentit dhe zotit Comey.

“Nga unë do të keni gjithomonë ndershmëri”, tha Justin Long në rolin e zotit Comey.

Dëshmia publike e zotit Mueller para dy komisioneve të Kongresit, pritet të zgjasë disa orë.

SHBA, ashpërsohet më tej polemika mes Presidentit dhe ligjvënëseve demokrate

President Donald Trump këmbënguli të dielën se katër ligjvënëset demokrate që u përkasin pakicave, me të cilat ai është konfliktuar kohët e fundit, nuk janë “të afta për ta dashur vendin tonë”.

“Ato duhet t’i kërkojnë falje Amerikës (dhe Izraelit) për gjërat e tmerrshme që kanë thënë,” shkruante Presidenti Trump në Twitter. “Ato po e shkatërrojnë Partinë Demokrate, por janë qenia të dobëta dhe të pasigurta, të cilat nuk mund ta shkatërrojnë kurrë kombin tonë të madh!”

https://twitter.com/realDonaldTrump/status/1152912995938443269

Prej disa ditësh, zoti Trump ka sulmuar kongresmenet Ilhan Omar të Minesotës, Alexandria Ocasio-Cortez të Nju Jorkut, Ayana Pressley nga Massachusetts dhe Rashida Tlaib nga Miçigani, fillimisht duke u thënë atyre se duhet të “kthehen” në vendet e tyre dhe “t’i rregullojnë gjërat”, para se t’u tregojnë Shteteve të Bashkuara se çfarë duhet të bëjnë. Të gjitha ato janë qytetare amerikane, tre prej tyre të lindura në Amerikë dhe refugjatja somaleze Omar është shtetase e natyralizuar.

Demokratët dhe disa republikanë i kanë kritikuar ashpër komentet e zotit Trump dhe Dhoma e Përfaqësuesve i ka dënuar ato si “raciste”, por udhëheqësi amerikan ka vazhduar t’i sulmojë katër ligjvënëset, të gjitha të sapozgjedhura në Kongres dhe që kanë filluar nga puna në janar.

Nga ana e tyre, ligjvënëset e kanë sulmuar presidentin Trump. Zonja Omar ka thënë: “Unë besoj se ai është fashist”.

Lufta verbale e vazhdueshme u pasqyrua në emisionet televizive të lajmeve të së dielës.

Mercedes Schlapp, një ndihmëse e fushatës së zotit Trump, e mbrojti presidentin, duke thënë në ABC News, se “Kam punuar me Presidentin Trump për dy vjet dhe ai nuk është racist. Ai është një njeri i dhembshur, politikat e të cilit janë të fokusuara tek komuniteti në pakicë”.

Këshilltari për emigracionin i Presidentit Trump, Stephen Miller, tha për televizionin Fox News se komentet kritike të zotit Trump për politikat amerikane gjatë fushatës së vitit 2016, ai i bëri nga dashuria për Amerikën.

Por ai shtoi se “ka një ndryshim të madh” midis kredos së zotit Trump për promovimin e idesë “Amerika e para” dhe ideologjisë së ligjvënëseve, “që e ul Amerikën”.

Ligjvënësi demokrat Elijah Cummings, njëri nga disa prej kryetarëve të komisioneve të Dhomës së Përfaqësuesve që hetonin Presidentin Trump dhe politikat e administratës së tij, i tha televizionit ABC se ai beson që zoti Trump është racist.

Zoti Cummings tha se katër ligjvënëset e vëna në shënjestër nga zoti Trump “e duan vendin e tyre” dhe duan t’i afrohen më pranë “bashkimit më të përsosur që kishin parasysh etërit tanë, themelues të kombit amerikan. Kur nuk pajtohesh me presidentin, papritur je një person i keq”, – tha ai.

Ligjvënësi Cummings përfundoi: “Besnikëria jonë nuk është ndaj presidentit. Besnikëria jonë është ndaj Kushtetutës së Shteteve të Bashkuara të Amerikës dhe popullit amerikan”. za

50 vjetori i misionit Apollo 11 – Presidenti Trump pret astronautët në Shtëpinë e Bardhë

Sot mbushen 50 vjet nga dita kur astronautët e parë amerikanë zbritën në Hënë dhe hodhën hapat e parë në kontinentin deri atëherë të panjohur. Presidenti Trump priti dje në Shtëpinë e Bardhë astronautë të anijes së hapësirës Apollo 11, që realizoi misionin e parë në Hënë.

I rrethuar nga Buzz Aldrin, Mike Collins dhe nga familjarë të komandantit të misionit Neil Armstrong në Zyrën Ovale, Presidenti Trump u informua për planet e administratës së tij për të dërguar përsëri astronautë në Hënë dhe në Mars, si dhe mbi përparimet në realizimin e fluturimeve komerciale në hapësirë.

“Ne do ta sjellim sërish shkëlqimin e suksesit në programin e hapësirës”, – tha Presidenti Trump. Të pranishëm në takim ishin gjithashtu Zonja e Parë Melania Trump, zëvendëspresidenti Mike Pence dhe administratori i NASA-s Jim Bridenstine.

Buzz Aldrin i tha Presidentit se ndjehej i zhgënjyer që nuk janë shënuar përparime të mëdha në eksplorimin e hapësirës gjatë dekadës së fundit.

Astronautët Aldrin dhe Armstrong, i cili u nda nga jeta në vitin 2012, bënë histori kur u ulën në hënë 50 vjet më parë si sot, ndërsa astronauti tjetër Mike Collins qëndroi në modulën e komandimit në orbitë, sipër tyre.

Nënpresidenti Mike Pence shkon sot në Qendrën Hapësinore Kennedy në Cape Canaveral të Floridës, ku do të mbajë një fjalim për këtë ngjarje të rëndësishme në historinë e Shteteve të Bashkuara. za

DASH: Mirëpresim bashkëpunimin e Haradinajt me prokurorinë

Departamenti amerikan i Shtetit tha në një deklaratë të shkurtër për Zërin e Amerikës se ka mësuar që Ramush Haradinaj dha dorëheqjen nga posti i kryeministrit të Kosovës.

“Shtetet e Bashkuara përgëzojnë respektimin nga ana e tij të thirrjes për t’u paraqitur para Zyrës së Prokurorit të Posaçëm të Dhomave të Posaçme për Kosovën”, thuhet në deklaratë.

Kryeministri i Kosovës Ramush Haradinaj paraqiti të premten dorëheqjen e pakthyeshme nga posti i tij. Në një vendim të papritur, ai tha se arsyeja për dorëheqjen është “ftesa për t’u marrë në pyetje nga Dhomat e Specializuara në Hagë si i dyshuar”.

Dhomat e Posaçme, apo siç njihen në Kosovë, Gjykata e Posaçme me seli në Hagë, u themelua me vendim të parlamentit të Kosovës, ndërsa në të punojnë prokurorë e gjykatës ndërkombëtar dhe do të trajtojë pretendimet për përfshirjen e ish pjesëtarëve të Ushtrisë Çlirimtare të Kosovës në krime lufte dhe të pasluftës.

Prokuroria e Posaçme nuk pranoi të japë ndonjë hollësi rreth ftesës për marrjen në pyetje të zotit Haradinaj që pritet të ndodhë nga mesi i javës së ardhshme.

Dorëheqja e zotit Haradinaj ndodhi në një periudhë të shtimit të trysnisë ndaj tij për të hequr tarifat ndaj mallrave serbe me të cilat Beogradi vazhdon të kushtëzojë vazhdimin e bisedimeve me Kosovën.

Ai u shpreh i bindur se pas dorëheqjes së tij vendi duhet të shkojë në zgjedhje të reja, ndërsa në favor të tyre u shpreh edhe Nisma Socialdemokrate, që është pjesë e koalicionit qeverisës si dhe opozita që hodhi poshtë çdo mundësi të krijimit të ndonjë qeverie të re apo qeverie teknike. Çështja tash i mbetet presidentit Hashim Thaçi, i cili duhet të këshillohet me forcat politike në vend.

Dorëheqja e zotit Haradinaj mund të zvarrisë edhe më tej përpjekjet për ripërtëritjen e bisedimeve për normalizimin e marrëdhënieve ndërmjet Kosovës dhe Serbisë. aa

Uashingtoni zhytet në përçarje politike mbi racën dhe ideologjinë

Kjo ishte një javë sfiduese për demokracinë amerikane. Presidenti Donald Trump po kritikohet për sulmet ndaj katër ligjvënëseve demokrate që i përkasin pakicave. Dhoma e Përfaqësuesve, kryesisht në linja partiake, votoi për të dënuar disa nga komentet e presidentit, që ajo i cilësoi si raciste. Në të njëjtën kohë, demokratët e opozitës mbeten të ndarë mbi çështjen e fillimit të procedurave për shkarkimin e Presidentit Trump apo përqëndrimin e energjisë në mposhtjen e tij në zgjedhjet presidenciale të vitit të ardhshëm. Siç njofton korrespondenti i Zërit të Amerikës Jim Malone, përplasja ka zhytur vendin në një debat të ashpër mbi racën, emigracionin dhe ideologjinë politike.

Para një turme entuziaste në Karolinën e Veriut, Presidenti Trump sulmoi përsëri katër ligjvënese demokrate, të gjitha gra me ngjyrë.

“Këta ideologë të krahut të majtë e shohin vendin tonë si një forcë të së keqes. Ato flasin keq për vendin tonë. Ato duan të shkatërrojnë Kushtetutën, të dobësojnë ushtrinë tonë dhe të eleminojnë vlerat mbi të cilat është ndërtuar ky vend i mrekullueshëm”.

Në një moment gjatë fjalimi të tij, Presidenti vuri në shënjestër ligjvënësen e Minesotës Ilhan Omar, duke nxitur thirrjet nga turma “kthejeni në vendin e saj”.

Paraqitja konfrontuese e Presidentit Trump ndodhi në të njëjtën ditë që Dhoma e Përfaqësuesve votoi kundër një nisme për të filluar procedurat e shkarkimit të tij.

Por më parë gjatë javës, Dhoma e Përfaqësuesve bëri një hap të pazakontë, duke votuar për të dënuar dhe cilësuar si raciste disa nga sulmet e Presidentit Trump ndaj katër ligjvënëseve demokrate.

Të gjithë demokratët e Dhomës së Përfaqësuesve mbështetën rezolutën, përfshirë aktivistin e të drejtat civile John Lewis nga Xhorxhia.

“Unë e di se çka është racizmi dhe mund ta ndjejë atë. Në nivelin më të lartë të qeverisë, nuk ka vend për racizëm”.

Fitorja e Presidentit Trump në vitin 2016 u ndihmua nga mbështetja e fortë e votuesve të bardhë të shtresës punëtore.

Por shumë demokratë, përfshirë ligjvënësin Tom Malinowski besojnë se Presidenti është duke bërë një ofertë të rrezikshme për mbështetje bazuar në pakënaqësinë racore.

“Këto nuk janë vetëm fjalë. Ato janë njësojë sikur t’i hedhësh zjarrit benzinë, dhe që mund të acarojnë mendjet e trazuara të njerëzve.”

Presidenti Trump ka mohuar akuzat se është racist, por ka sulmuar katër ligjvënëse, duke i quajtur ato socialiste dhe u ka thënë atyre të largohen nga vendi nëse nuk janë të kënaqura.

Disa republikanë i kanë kritikuar sulmet, por shumë të tjerë duke përfshirë Senatorin John Kennedy, e mbështesin Presidentin.

“Ky vend nuk është si Kina ose si Koreja e Veriut. Kjo është Amerika dhe nëse ju urreni vendin tonë, ju jeni të lirë të largoheni kur të doni”.

Fokusi i Presidentit tek tensionet racore dhe ideologjike po e gris strukturën e vendit, paralajmëron ligjvënësi demokrat Dean Phillips.

“Nëse racizmi bëhet një çështje partiake në këtë vend, ky do të ishte një abuzim ndaj themeluesve të vendit tonë, Kushtetutës sonë dhe çdo personi që e quan Amerikën shtëpi të tyre”.

Fitorja e ngushtë e Presidentit Trump në vitin 2016 dhe mbështetja relativisht e ulët për punën e tij ia vështirëson atij përpjekjet për t’u rizgjedhur, thotë analisti Kyle Kondik.

“Nëse mbështetja për punën e tij është nën 45 për qind, atëherë ai do të ketë nevojë për votat e një pjese të konsiderueshme të njerëzve që nuk e mbështesin atë dhe në këtë pikë gjërat do të jenë tepër të vështira për të.”

Retorika tensionuese e kësaj jave mund të shërbejë si një hap paraprak i një fushate të acaruar dhe të paqëndrueshme presidenciale vitin e ardhshëm.

Këshilltari Bolton pret Daçiqin: Kosova dhe Serbia të vazhdojnë dialogun

Këshilltari për siguri kombëtare i Shtëpisë së Bardhë, John Bolton ka thënë se dialogu ndërmjet Kosovës dhe Serbisë duhet të lëvizë përpara. Ai ka pritur në takim ministrin e Jashtëm të Serbisë, Ivica Daçiq.

Përmes një postimi në Twitter, Bolton ka thënë se “është koha që të dyja palët të veprojnë menjëherë”.

“Ishte kënaqësi të pres ministrin Daçiq. U pajtuam se dialogu me Kosovës duhet të lëvizë përpara, pasi asnjëra palë nuk fiton nga status-quoja. Koha për të vepruar të dyja palët është tani”, ka shkruar Bolton.

It was a pleasure to host FM Dacic of Serbia today. We agreed that the Dialogue with Kosovo needs to move forward as neither side benefits from the status quo. The time for both sides to act is now. pic.twitter.com/GIrWhAEDsO
— John Bolton (@AmbJohnBolton) July 18, 2019

Ndërkohë, në një intervistë për Zërin e Amerikës në gjuhën serbe, ministri i Jashtëm, Daçiq ka thënë se “administrata amerikane e kupton se problemi nuk është në Beograd, por problemi qëndron në Kosovë, në autoritetet e Prishtinës”.

Ai duke folur për takimet me zyrtarët e lartë amerikanë, tha se “gjetja e një zgjidhjeje të qëndrueshme dhe paqësore për problemin e Kosovës mbetet lartë në listën e prioriteteve të politikës së jashtme të administratës së presidentin amerikan Donald Trump”.

Dialogu ndërmjet Kosovës dhe Serbisë që lehtësohet nga Bashkimi Evropian është ndërprerë që nga nëntori i vitit të kaluar, pasi Qeveria në Prishtinë vendosi tarifa ndaj mallrave serbe.

Autoritetet serbe kërkojnë heqjen e tarifës, në mënyrë që të kthehen në tryezën e bisedimeve, por Qeveria e Kosovës thotë se pa një kornizë marrëveshje që parasheh njohjen nga ana e Serbisë, nuk do ta shfuqizojnë tarifën.

Kongres, votim nëse do të nisë procedura për shkarkimin e presidentit Trump

Dhoma e Përfaqësuesve pritet të votojë të mërkurën nëse do të nisë menjëherë procedurën për shkarkimin e presidentit Donald Trump. Ky është një propozim që ka gjasa të dështojë, por votimi pritet të tregojë se ku qëndron kjo dhomë e kontrolluar nga demokratët në raport me përpjekjet për të nisur procesin e largimit të presidentit republikan nga detyra.

Votimi është nxitur nga ligjvënësi Al Green, një demokrat nga shteti jugperëndimor i Teksasit, kundër dëshirës së Kryetares së Dhomës së Përfaqësuesve Nancy Pelosi. Në ndryshim ajo dhe udhëheqës të tjerë demokratë kanë mbështetur hetimet e shumta të legjislativit, rreth lidhjeve të dyshuara të fushatës së zotit Trump me Rusinë, financave e taksave të tij si edhe nëse zoti Trump, në detyrën e presidentit ka penguar drejtësinë, duke u përpjekur të pengojë hetimin e Prokurorit të Posaçëm Robert Mueller.

Zoti Green ka përdorur edhe më parë rregullën e Dhomës së Përfaqësuesve për të detyruar kryerjen e dy votimeve mbi këtë çështje, në dhjetor 2017 dhe një tjetër një muaj më vonë. Aso kohe kjo dhomë kontrollohej nga republikanët, të cilët me shumicë dërrmuese votuan kundër përpjekjeve të tij.

Zonja Pelosi e ka bllokuar fillimin e një procesi për shkarkimin e Presidentit, duke favorizuar proceset hetimore që po zhvillohen në Kongres. Ajo ka shprehur frikën e pasojave politike që mund të sjellë për demokratët një përpjekje e tillë, në një kohë kur edhe nëse Dhoma e Përfaqësuesve do të votonte pro, Senati i kontrolluar nga republikanët ka shumë pak gjasa të ndëshkojë zotin Trump për shkelje.

Të njëjtën gjë zonja Pelosi la të kuptohet edhe të mërkurën, kur tha se Dhoma e Përfaqësuesve do të vendosë me votë rreth çështjes së rezolutës së zotit Green. Por ajo kujtoi se në Kongres janë gjashtë komisione që po punojnë për të gjetur fakte lidhur me çdo abuzim të mundshëm me pushtetin, pengim të drejtësisë apo gjithçka tjetër ku mund të jetë përfshirë presidenti. za

Reeker: SHBA nuk do të bëhen arbitër i politikave të brendshme të Shqipërisë – Por ne nuk jemi krenarë me gjendjen aktuale politike në Shqipëri

Philip Reeker

Ndihmës Sekretari amerikan i Shtetit Philip Reeker tha se Shtetet e Bashkuara nuk do të bëhen arbiter i politikave të brendshme të Shqipërisë.

Ambasadori Reeker, zyrtar me përvojë në çështjet e Ballkanit, i bëri komentet të mërkurën në një forum të organizuar nga Këshilli i Atlantikut në Uashington.

Ai tha se Shqipëria vazhdon të jetë një ndër aleatet më të forta të Shteteve të Bashkuara në Evropën juglindore.

“Por ne nuk jemi krenarë me gjendjen aktuale politike në Shqipëri,” tha zoti Reeker.

Duke iu përgjigjur një pyetjeje të Zërit të Amerikës, zoti Reeker tha se rruga institucionale është mënyra e vetme për tejkalimin e krizës së tanishme.

“Nuk jemi krenarë me shqiptarët këto javët e fundit, sepse ata nuk përdorën institucionet që kanë. Nuk mundet që thjesht të bojkotosh parlamentin ose të dorëzosh mandatet. Ato institucione duhen përdorur, duhen përdorur gjykatat, duhet të emërohen anëtarët e gjykatës kushtetuese, që përmes Kushtetutës dhe përdorimit të këtyre mjeteve të tejkalohen kohët e vështira politike. Shtetet e Bashkuara nuk do të bëhen arbitër i politikave të brendshme të Shqipërisë, por ne do të vazhdojmë të inkurajojmë të gjitha palët të punojnë së bashku me institucionet dhe të bëjnë hapat e duhur që të ecin përpara. Dhe nëse institucionet nuk bëjnë punë, atëherë puno që t’i ndryshosh ato, nëpërmjet parimeve kushtetutese që keni”, tha zoti Reeker. za

“Qyteti i Raketave” feston 50 vjetorin e Programit Apollo

Në garën për të zbritur në Hënë në vitet 1960, zhvillimi i raketave të mëdha që mund të nxirrnin një anije të hapësirës jashtë atmosferës së Tokës morën rëndësi kritike për suksesin e programit Apollo. “Qyteti i Raketave” siç njihet qyteti Hantsvill në Alabama ishte vendlindja e raketës Saturn V. Siç njofton korrespondenti i Zërit të Amerikës, Kane Farabaugh, 50-vjetori i misionit për të dërguar njeriun në Hënë ka rikthyer në vëmendje rolin historik që ka luajtur ky qytet në programin Apollo:

Në 50 vjetorin e lëshimit të raketës që dërgoi në hapësirë anijen me astronautë që do të zbrisnin në Hënë, “Qyteti i Raketave” po përpiqet të thyejë një rekord të ri:

“Po hedhim 5000 raketa në miniaturë për të thyer rekordin botëror Guiness,” thotë Randall Robinson, Drejtor i trajnimeve në Kampin Hapsinor.

Randall Robinson është drejtor i trajnimeve në Kampin Hapsinor, një program intensiv përgatitor mbi shkencën dhe hapësirën për të rinjtë. Shumë prej tyre po ndjekin hedhjen e raketave në mjediset e kampit veror që ndodhet në kampusin e Qendrës Amerikane për Hapësirën dhe Raketat.

“Synimi që i kemi vënë vetes për të thyer këtë rekord është domethënës, pasi po tërheq përsëri vëmendjen tek Huntsvilli për rëndësinë që ka pasur në programin Apollo,” thotë zoti Robinson.

Në vitet 1950- 1960, shkencëtari Wernher von Braun drejtoi në Hantsvill Qendrën e NASA-s për Fluturime Hapsinore, duke çuar në zhvillimin e raketës Saturn V. Vajza e shkencëtarit thotë se babai i saj së bashku me ekipin e tij nuk kishin kurrë dyshim në suksesin e përpjekjeve të tyre dhe rëndësinë e programit Apollo.

Margrit Von Braun, Vajza e shkencëtarit Wernhern von Braun
“E dinim se do të kishte sukses. U rritëm me bindjen se do të arrinim synimin, kështu vepronte i gjithë ekipi shkencor”.

Margrit Von Braun ishte ndër të ftuarit që u mblodhën në Hantsvill për të festuar 50 vjetorin e programit Apollo, duke nderuar ata mijëra vetë që kontribuuan për ta bërë realitet zbritjen e njeriut në Hënë.

Zonja Von Braun e pa me sytë e saj momentin e hedhjes në hapësirë e anijes që do të dërgonte njeriun në Hënë në 1969. Ajo kujton momentin kur e kishte ndjekur lëshimin e raketës së bashku me të atin që njihet si “Babai i Shkencave Raketore”.

“Ishte hera e parë që shihja nisjen e një mjeti hapsinor. Nuk kam fjalë ta përshkruaj. Kështu thonë edhe shumë të tjerë. Zhurma, fuqia e motorrit, lëvizja e ngadaltë e raketës kur po shkëputej nga kulla mbajtëse… s’kam për t’i harruar ndonjëherë”.

“Është moment historik pasi arritëm të zbresim në Hënë. Hedhja e raketës ishte me rëndësi,” thotë një pjesëmarrëse në kampin hapsinor.

12-vjeçarja Lillian Duran nuk kishte lindur kur mbi sipërfaqen e Hënës shkeli për herë të fundit njeriu. Por ajo shpreson që në këtë përvjetor të zbritjes në Hënë do të zgjohet interesim i ri tek brezat për programet hapsinore.

“Duam të shkojmë edhe më tej në eksplorimet në hapësirë,” thotë ajo.

Kureshja e pandarë e njerëzimit për hapësirën frymëzoi një brez të rinjsh të bëhen astronautë e inxhinierë të hapësirës, ndër ta edhe Homer Hickman, autor i librit të suksesshëm me kujtime “Djemtë e Raketave”.

“Ky moment shërben për të festuar një arritje të së kaluarës, por na jep edhe një impuls për shtysë drejt së ardhmes”.

Zyrtarët në Qendrën Amerikane për Hapësirën dhe Raketat presin të pastrohet ajri dhe të marrin konfirmimin e përfaqësuesve të organizatës Guiness se është thyer një rekord i ri. Pak metra më tutje, në mjediset e Qendrës Për Fluturimet në Hapësirë vazhdojnë kërkimet për të zhvilluar gjeneratën e re të raketave që do t’i japë trajta të ardhmes së eksplorimit të hapësirës, me udhëtime në Hënë dhe një ditë edhe në Mars.

Presidenti Trump, sfidues ndaj akuzave për racizëm

Presidenti Donald Trump dhe shumë nga aleatët e tij republikanë në Kongres ishin në pozita vetëmbrojtëse të martën, pasi kritikët dënuan komentet dhe postimet në Twitter të presidentit që ata i quajnë raciste, ku ai thoshte se katër anëtare demokrate të Kongresit duhet të kthehen në vendet nga kanë ardhur, pas kritikave të tyre për Shtetet e Bashkuara. Të katër ligjvënëset janë qytetare amerikane dhe tre prej tyre kanë lindur në Shtetet e Bashkuara. Siç njofton korrespondenti i Zërit të Amerikës, Jim Malone, polemikat e fundit kanë nxjerrë në pah ndasitë e thella lidhur me politikën dhe racën në Shtetet e Bashkuara.

Në Shtëpinë e Bardhë, Presidenti Trump qëndroi sfidues duke mbrojtur komentet e mëparshme ku u thoshte anëtareve demokrate të Kongresit, të iknin nga vendi nëse ishin të pakënaqura.

“Dëgjoni se çfarë kanë thënë. Deklaratat më të ndyra, të tmerrshme për vendin tonë, për Izraelin, për të tjerë. E kanë në dorë të bëjnë ç’të duan. Mund të ikin, mund të rrinë, por duhet ta duan vendin tonë dhe të punojnë për të mirën e tij”, tha ai.

Komentet e Presidentit Trump drejtuar katër demokrateve me ngjyrë, shkaktuan reagime nga kritikët që e akuzuan se ishte racist.

“Mendoj se ajo që bëri Presidenti Trump, është e turpshme. Të nxisësh anën më të keqe të instinkteve njerëzore, të përçash Amerikën…asnjë president më parë nuk e ka bërë këtë”, tha udhëheqësi i demokratëve në senat, Chuck Schumer.

Disa republikanë e ngritën zërin dhe akuzuan presidentin se po përpiqet të përçajë vendin.

“Do të kisha dashur ta kapërcenim. Por druhem se me komentet e lëshuara, i jemi rikthyer përçarjes që është aq shkatërruese për frymën tonë kombëtare”.

Republikanë të tjerë, ose heshtën ose e anashkaluan çështjen.

Alexandria Ocasio-Cortez është një nga anëtaret demokrate të Kongresit, që u vu në shënjestër nga Presidenti.

Ajo u bëri thirrje amerikanëve të mos shpërqendrohen nga sulmet e presidentit.

“Dhe e para gjë që dua t’u them fëmijëve në gjithë vendin është se çfarëdo që të thotë presidenti, ky vend you takon juve dhe na takon të gjithëve”.

Përplasja e fundit mes presidentit dhe demokratëve ka gjasa të jetë një prelud i fushatës presidenciale të vitit të ardhshëm.

Reflektime të astronautëve mbi Misionin Apollo për eksplorimin e hapësirës

Ndërkohë që bota feston 50 vjetorin e misionit historik për të dërguar njerëz në Hënë, Zëri i Amerikës ju sjell reflektimet mbi këtë arritje monumentale përmes syve të astronautëve të NASA-s. Korrespondenti i Zërit të Amerikës, Kane Farabaugh ka përgatitur një përmbledhje të citimeve nga intervista me astronautët e misionit Apollo mbi rrugëtimin drejt Hënës dhe destinacionet që e presin njerëzimin në të ardhmen:

“Në 1957 isha student me një bursë Fullbright në Norvegji. Kisha dalë në terren për të mbledhur të dhëna gjeologjike. I vetmi kanal që kapte radioja ishte Zëri i Amerikës nga një stacion në Algjer. Po dëgjoja një nga emisionet muzikore të Willis Conover mbi xhazin amerikan, kur u ndërpre transmetimi për të njoftuar se Bashkimi Sovjetik kishte hedhur satelitin e parë, Sputnik Një në orbitë rreth Tokës. Në atë moment e kuptova që duhet të filloja t’i kushtoja vëmendje hapësirës,” thotë në një intervistë Harrison Schmitt, astronaut i misionit Apollo 11.

“Kemi vendosur të shkojmë në Hënë dhe të realizojmë arritje të tjera në këtë dekadë, jo sepse janë objektiva të lehta, por sepse janë të vështira,” pat thënë Presidenti John Kennedy.

“Kur Presidenti Kennedy e bëri njoftimin se po përpiqeshim të dërgonim njeriun në Hënë brenda dekadës, nuk më besohej. Mendoja që po e thoshte thjesht për të na dhënë vetëbesim, por nuk e mendoja të realizueshme,” thotë Jim Lovell, astronaut në misionet Apollo 8 dhe Apollo 13.

“Asnjë vend që synon të jetë udhëheqës mes vendeve të tjera nuk mund të mendojë se mund të rrijë pas në garën e hapësirës,” tha Presidenti Kennedy.

“Një ambicje e pashembullt: synimi për të qenë i pari në hapësirë. Synimi për të qenë në krye. Çdo gjë tjetër është e papranueshme për njerëzit e këtij vendi,” thotë Eugene Cerman, astronaut në misionet Apollo 10 dhe Apollo 17.

“Është një pasqyrim shumë dramatik i asaj që mund të arrish duke bashkuar njerëzit më të aftë, me përparimet më të mëdha, nën udhëheqjen e duhur. Me këtë kombinim mund të bësh mrekullira,” thotë Fred Haise, astronaut i misionit Apollo 13.

“Ishte një arritje që shërben si shembull i organizimit të mirë brenda një agjencie qeveritare. Shembuj të tillë në ditët tona janë të rrallë,” thotë Michael Collins, astronaut i misionit Apollo 11.

“Investuam shumë kohë, energji e përpjekje njerëzore për të dalë në krye me misionet Apollo,” thotë Buzz Aldrin, astronaut i misionit Apollo 11.

“Programi i hapësirës pati ndikimi pozitiv pasi u dha njerëzve frymëzim dhe shpresë për misionet që kishte ndërmarrë vendi,” thotë Jim Lovell, astronat i misioneve Apollo 8 dhe Apollo 13.

“Misioni Apollo 13 tregon se çfarë mund të realizojë një ekip i përgatitur,” thotë Gerry Griffin, , drejtor fluturimi i misionit Apollo 13.

“Ekipi që ishte përgatitur për të reaguar në situata emergjente e bëri detyrën në mënyrë që meriton lavdërime,” thotë astronauti Buzz Aldrin.

“Isha drejtor i fluturimeve për misionin Apollo 17 kur Gene Cerman dhe Jack Schmitt u lëshuan në hapësirë. Lexuam një mesazh të presidentit që me pak fjalë thoshte se ky mund të ishte udhëtimi i fundit i Apollos për këtë shekull. Ishte një moment sa triumfi aq edhe keqardhjeje, pasi ne si komb po hiqnim dorë nga ambicja si ekspolues të hapësirës,” thotë Gene Kranz, drejtor i fluturimeve për programin Apollo.

“Do të rikthehemi në Hënë,” thotë Eugene Cerman, Astronaut i misioneve Apollo 10 dhe Apollo 17.

“Miku im, Neil Armstrong mendonte se rikthimi në Hënë ishte hapi i duhur dhe i nevojshëm që do t’i paraprinte eksplorimit të Marsit,” thotë Michael Collins, astronaut i Misionit Apollo 11.

“Nuk do ta kisha menduar kurrë se do të kalonin 50-60 vjet para se amerikanët të shkonin përsëri në Hënë,” thotë Harrison Schmitt, astronaut i misionit Apollo 17.

“Kur më kujtohet si mendonim në atë kohë, më çudit fakti që ende nuk kemi shkuar në Mars,” thotë Fred Haise, astronaut i misionit Apollo 13.

“Jam marsian. Mendoj se Marsi është destinacioni tjetër që duhet të arrijmë,” thotë Michael Collins, astronaut i misionit Apollo 11.

“Mirëpres 50-vjetorin e atij momenti historik, pasi është dhe duhet të jetë një riafirmim i rrugës që duhet të ndjekim,” thotë Buzz Aldrin, astronaut i misionit Apollo 11.

Twittet e Presidentit Trump për ligjvënëset me ngjyrë shkaktojnë zemërim

Në një numër twittesh të dielën në mëngjes, të cilat u cilësuan menjëherë nga kritikët si komente raciste dhe ksenofobike, Presidenti Donald Trump ka provokuar një tjetër polemikë që lidhet me disa anëtare të Kongresit.

Presidenti sulmonte në twiterat e tij disa ligjvënëse demokrate, me ide progresive, duke u thënë atyre të kthehen në vendet e tyre për të dhënë ndihmesë në pakësimin e krimeve në ato vende. https://twitter.com/realDonaldTrump/status/1150381394234941448tps://twitter.com/realDonaldTrump/status/1150381394234941448

Në mesin e katër ligjvënëseve që u bënë objekt i sulmeve të Presidentit, vetëm njëra prej tyre, ligjvënësja e Minesotës – Ilhan Omar, nga Somalia – ka lindur në një vend të huaj. Tre ligjvënëset e tjera janë amerikane indigjene – Ayana Pressley (e shtetit Massachusetts) ka lindur në Cincinnati të Ohios. Alexandria Ocasio-Cortez ka lindur në Nju Jork dhe përfaqëson pjesën lindore të lagjes Bronx dhe një pjesë të lagjes Queens), ndërsa Rashid Tlaib, ligjvënëse e Michiganit, ka lindur në Detroit.

Shtëpia e Bardhë nuk iu përgjigj një kërkese të Zërit të Amerikës, për të konfirmuar në se Presidenti ishte në dijeni para se të niste twittet, se tre nga katër ligjvënëset që ai përmendëte, janë shtetase amerikane, të lindura në SHBA.

Ligjvënëset në fjalë kanë patur një polemikë me Kryetaren e Dhomës së Përfaqësuesve, demokraten Nancy Pelosi, lidhur me çështjet e imigracionit. Kjo mosmarrëveshje tërhoqi ditët e fundit vëmendjen e zotit Trump, i cili madje i doli në mbrojtje në publik zonjës Pelosi.

Twittet e Presidentit Trump lidhur me katër ligjvënëset demokrate, të njohura ndryshe si “grupi”, erdhën pas një segmenti 20 minutësh kushtuar atyre në televizionin Fox News. Presidenti shpesh reagon menjëherë në mediat sociale ndaj programeve që sheh në kanalin Fox.

Në veçanti, ligjvënësja Omar, ka qenë objekt kritikash në këtë televizion, pjesërisht për shkak të qëndrimit të saj kritik ndaj Izraelit dhe të disa komenteve të saj antisemite.

Ligjvënëset Omar dhe Tlaib janë dy my myslimanet e para të zgjedhura në Kongresin amerikan.

Shumë njerëz në mediat sociale po i dënojnë twittet e zotit Trump, që duket se i kanë tejkaluar këtë herë normat, edhe pse zakonisht ai shkruan twitte provokuese.

Në mesin e kritikëve, është edhe ligjvënësja Pelosi, e cila shkroi se komentet e zotit Trump janë ksenofobike dhe “synojnë ta përçajnë vendin tonë” dhe ato “ritheksojnë se plani i tij – për ta bërë Amerikën përsëri madhështore -, ka qenë në fakt gjithmonë ta bëjmë Amerikën përsëri të bardhë”. za

New York, fenomeni Manhattanhenge sërish sjell pamje mahnitëse

New York

Shumë njerëz në New York janë tubuar në Manhattan për të shijuar pamjet e fenomenit të ashtuquajtur Manhattanhenge, perëndimit të diellit në linjë me rrugët kryesore të kësaj lagjeje të qytetit amerikan.

Fenomeni Manhattanhenge ndodh katër herë brenda vitit, duke shkaktuar një përjetim të veçantë për qytetarët e New Yorkut dhe turistët e shumtë që shijojnë perëndimin e diellit i cili lëshohet në rrugët të cilat janë saktësisht të pozicionuara në kahet lindje-perëndim.

Me paraqitjen e këtij fenomeni, njerëzit nxitojnë për të bërë fotografi të paharrueshme të rrugëve të pushtuara nga drita e artë e diellit në perëndim.

Gara e demokratëve dhe hendeku ekonomik në SHBA

Gara e rrëmujshme e demokratëve që konkurojnë për president, ku deri tani kanë hyrë 24 kandidatë i ka vënë pretendentët përballë detyrës së vështirë për t’u dalluar nga të tjerët. Shumë prej tyre premtojnë plane për të luftuar pabarazinë në të ardhura. Kjo politikë ka në qendër një problem real të shoqërisë amerikane si dhe vë në shenjestër politikat e administratës Trump, e cila përmes reformës fiskale ka lejuar shkurtim të ndjeshëm të taksave për amerikanët më të pasur, por u ka ofruar vetëm përfitime modeste amerikanëve me të ardhura të ulëta.

Kjo temë është shumë e përshtatshme për tonin e fushatave, pasi shoqërohet me statistika që ndezin turmën duke nxitur thirrje për veprim.

Pak kohë më parë, Elise Gould, ekonomiste pranë Institutit të pavarur për Politika Ekonomike dëshmoi në Kongres se “familjet më të pasura që përfaqësojnë 1% të popullatës kanë përjetuar rritje të të ardhurave në masën 229% që nga 1979, shumë më tepër se 46% rritje ose rritje në masën 1% për vit për 90% të familjeve amerikane që përfaqësonë shtresat më të varfëra”.

Hendeku ekonomik po thellohet. Sipas Institutit për Studime Politike, tre personat më të pasur: Jeff Bezos, Bill Gates dhe Warren Buffet së bashku kontrollonin më shumë pasuri se 50% e amerikanëve që përfaqësojnë gjysmën më të varfër të vendit. 5% e amerikanëve që renditen si personat më të pasur në vend kontrollojnë 2/3 e pasurisë së përgjithshme të vendit.

Sanders, i pari me thirrjet për mbylljen e Hendekut në të Ardhura

Senatorit nga Vermonti, Bernie Sanders i takon merita që e solli në qendër të vëmendjes këtë temë. Tani që konkurron për herë të dytë për president, zoti Sanders vazhdon të bëjë thirrje për taksa ndëshkuese ndaj më të pasurve dhe betohet të mbledhë 2.2 miliardë dollarë nga afro 600 miliarderë që ka Amerika, duke rritur taksën mbi shumën që trashëgojnë pasardhësit duke e çuar në 77% të shumës. Ai ka mbështetur prej kohësh rrogën minimale prej 15 dollarësh.

Shumë nga politikat që ai parashtroi gjatë fushatës përballë rivales demokrate Hillary Clinton tani janë përqafuar nga konkurrentë të tjerë demokratë.

Biden me plane që ndërthurin Politika Progresive e të Moderuara

Ish-nënpresidenti Joe Biden ka propozuar zgjidhe që përpiqen të gjejnë balancën mes politikave që duan të taksojnë të pasurit dhe alternativave më të moderuara që pat përqafuar administrata Obama. Zoti Biden ka kritikuar ligjet që mbrojnë shumë të pasurit nga taksimi i trashëgimisë si dhe shkurtimet e taksave që miratoi administrata Trump, duke i cilësuar si favorizuese për më të pasurit. Por gjithashtu ai ka premtuar se nuk do të vërë në shenjestër të pasurit me taksa ndëshkuese.

Warren premtojn “taksë mbi Ultra Milionerët”

Ndër kandidatët më agresivë është Senatorija Elizabeth Warren e cila ka propozuar “taksë mbi ultra milionerët”. Në bazë të propozimit do të ndëshkoheshin me 2% taksë pasurie të gjithë ata që kanë më shumë se 50 milionë dollarë pasuri neto dhe me 3% të gjithë ata që janë miliarderë. Të ardhurat për buxhetin që do të rezultonin nga këto politika do të ndihmonin programe që mbështesin familjet me të ardhura të ulëta, duke ofruar kujdes si për shembull kopshte falas për fëmijët, si dhe banesa me kosto të ulët, thotë zonja Warren.

Propozimet fiskale të Kamala Harris

Senatorja Kamala Harris ka propozuar rimbursim deri në 6000 dollarë të taksave në vit për familje. Ajo mbështet rrogën minimale prej 15 dollarësh si dhe programe për të mbrojtur amerikanët nga kostot e strehimit që marrin 30% të të ardhura të familjes. Ajo kërkon eliminimin e shkurtimit të taksave që miratoi administrata Trump.

Kryebashkiaku Butigieg pro Rrogës Minimale $15

Kryebashkiaku Pete Buttigieg aktualisht është pak i paqartë në politikat që mbështet për të zgjidhur pabarazinë ekonomike. Ai mbështet rrogën minimale prej 15 dollarësh dhe forcimin e sindikatave që të mund të luftojnë për paga më të larta. Ai gjithashtu kërkon leje të paguar për nevoja familjare dhe lehtësira për kujdesin për fëmijët e vegjël.

O’Rourke pa shumë shpjegime

Ish-ligjvënësi nga Teksasi Beto O’Rourke, ka qenë më i paqarti ndër kandidatët kryesorë lidhur me politikat për të zgjidhur hendekun ekonomik mes shtresave amerikane. Gjatë fushatës ai ka pohuar se ka një përqëndrim të pashembullt të pasurisë dhe privilegjit tek një grup i vogël njerëzish, por nuk ka dhënë shpjegime si do ta adresojë këtë problem. Në faqen elektronike të fushatës së tij, ky problem nuk renditet si një ndër përparësitë e tij politike.

Booker premton “Bono për Foshnjet”

Disa nga propozimet më të padëgjuara më parë mbi këtë temë kanë dalë gjatë kësaj fushate, por pa tërhequr shumë vëmendje nga votuesit. Senatori Corey Booker propozon “bono për foshnjet” për të vënë mënjanë 1000 dollarë në vit (në rastet e familjeve të varfra 2000 dollarë në vit) për çdo fëmije të lindur në SHBA. Paratë do t’i mbante në një llogari Departamenti i Thesarit deri kur fëmija të arrinte moshë të rritur. Këto fonde do të arrinin afro 46 mijë dollarë për person duke i dhënë mundësi personit të blinte një banesë, apo të financonte studimet ose pensionin.

Yang flet për “Lirinë e Përpjesëtuar”

Andrew Yang, i cili krijoi një kompani shumë të suksesshme për përgatitjen e studentëve për provime universitare, megjithëse pa përvojë politike ka tërhequr vëmendje për propozimin që t’i ofrojë çdo amerikani një të ardhur minimale bazë. Ai e cilëson si “Liria e Përpjesëtuar” apo “Liria e Shpërndarë” dhe propozon që qeveria t’i ofrojë çdo amerikani 1000 dollarë në muaj që do të mbulohet nga një taksë mbi transaksionet finaciare dhe ka propozuar gjithashtu eliminimin e favorizimeve përmes taksave të të ardhurave nga investimet.

Pavarësisht se kush do ta fitojë garën mes pretendentëve demokratë, fituesi pritet të dalë në garë përballë Presidentit Trump me disa propozime që do të adresojnë hendekun në të ardhura mes amerikanve më të pasur dhe shtresave të mesme e të varfra.

Rojet Bregdetare Ameriane kapin një nëndetëse tjetër me drogë

VOAL – Një tjetër operacion anti-drogë, të mërkurën nga Rojet Bregdetare të SHBA, që kapi një sasi të konsiderueshme droge.

Në mes të majit dhe korrikut, në 14 operacione të ndryshme në zonat bregdetare të Meksikës dhe Amerikës së Jugut, ushtria amerikane, pas sulmeve të shumta, ka kapur gjithsej 17 000 kilogramë kokainë dhe 423 marihuanë. Vlera e tregut e barnave të mbuluara nga Rojet bregdetare është rreth 505 milionë euro.

Agjencitë amerikane të zbatimit të ligjit gjithashtu kapin anije, anije ose nëndetëse të vogla të përdorura nga trafikantët për kontrabandë të narkotikëve gjatë rrjedhës së operacioneve.

AP

Samiti i mediave sociale në Shtëpinë e Bardhë

Një numër grupesh të njohura konservatore mblidhen të enjten në Shtëpinë e Bardhë për të diskutuar se si duhen trajtuar raportimet në mediat sociale.

Por gjigandët e medias sociale, Twitter dhe Facebook nuk marrin pjesë pasi nuk janë ftuar.

Për Samitin e Shtëpisë së Bardhë dhe për pjesëmarrësit në të janë dhënë pak hollësi, por konferenca vjen mes kritikave të shumta për këto kompani.

Disa argumentojnë se kompanitë e mediave sociale po heshtin zërat konservatorë. Të tjerë thonë se nuk po bëjnë sa duhet për të mbrojtur përdoruesit nga dezinformatat dhe postimet fyese.

Një argument për të cilin bihet dakord është se firmat e teknologjisë janë të fuqishme dhe kontrollojnë kanale të rëndësishme të informacionit. Ka thirrje për një zbatim më të fuqishëm të ligjit anti-trust dhe për të parë nëse këto kompani duhet të ndahen.

Presidenti Donald Trump është i apasionuar i Twitter-it, duke e përdorur platformën si për të trumpetuar punën e administratës së tij ashtu edhe për të sulmuar kundërshtarët.

“Shtëpia e Bardhë do të organizojë një samit shumë të madh dhe shumë të rëndësishëm për Median Sociale sot,” shkroi ai në Twitter përpara ngjarjes. “A do të bëhesha President pa Median Sociale? Po (ndoshta)!”

Paragjykim ndaj zërave konservatorë?

Presidenti Donald Trump ka kritikuar gjithnjë e më shumë tre kompanitë e mëdha të mediave sociale – Facebook, Twitter dhe YouTube – për atë që ai thotë se është censurë dhe paragjykim ndaj zërave konservatorë.

Të tre kompanitë kanë mohuar vënien në shënjestër të përdoruesve konservatorë kur zbatojnë standardet e tyre të komunitetit social.

Në maj, Shtëpia e Bardhë u kërkoi njerëzve të ndanin eksperiencat e tyre në një faqe elektronike.

“Në fillim të këtij viti Shtëpia e Bardhë filloi një nismë për të lejuar amerikanët, pa marrë parasysh pikëpamjet e tyre politike, të tregojnë se si janë prekur nga paragjykimet në internet. Pas marrjes së mijëra përgjigjeve, Presidenti dëshiron të angazhohet drejtpërdrejt me këta liderë dixhitalë në një diskutim për fuqinë e mediave sociale”, tha zëdhënësi i Shtëpisë së Bardhë Judd Deere në një deklaratë të martën pasdite.

Faqja elektronike tani është e mbyllur, por një mesazh u tregon vizitorëve se “platformat e mediave sociale duhet të avancojnë lirinë e fjalës. Megjithatë, shumë amerikanë kanë parë që llogaritë e tyre janë pezulluar, ndaluar apo raportuar për shkelje të paqarta të politikave të përdoruesve”. https://whitehouse.typeform.com/to/Jti9QH

Samiti është për “udhëheqësit dixhitalë” të interesuar për “një bisedë të fuqishme mbi mundësitë dhe sfidat e mjedisit të sotëm online”, tha Shtëpia e Bardhë kur njoftoi për konferencën.

Të ftuar, ekspertë dhe drejtues konservatorë

Ndërkohë që lista e pjesëmarrësve nuk është bërë publike, ndër të ftuarit janë Zëvendëskryetari i Partisë Republikane të Floridës, Christian Ziegler dhe anëtarë të grupeve konservatore si Fondacioni Heritage dhe Turning Point USA.

Është e rëndësishme për njerëzit të mësojnë se si faqet e mediave sociale moderojnë përmbajtjen, tha Jillian York, drejtoreshë për lirinë ndërkombëtare të shprehjes në Fondacionin Elektronic Frontier, një organizatë dixhitale për liritë civile.

Kompanitë e mediave sociale “nuk po veprojnë si duhet” dhe po heqin fjalime që nuk duhet, tha ajo. Por as vlerësimi i administratës Trump për konservatorët nuk është i drejtë, shtoi ajo.

“Rregulli duhet të jetë liria e shprehjes,” tha ajo. “Duhet të hiqen përmbajtje vetën për rrethana vërtet të rrezikshme.”

Clara Tsao, një bashkëpunëtore për kompaninë Mozilla tha se sipas ligjit amerikan, ofruesit e “shërbimeve interaktive kompjuterike” lejohen të përjashtojnë njerëzit nga komunitetet e tyre në internet, për të mbrojtur përmbajtjen dhe vendimet editoriale dhe për të ofruar standarde të mirësjelljes. “Është një problem i ndërlikuar”, thotë ajo. “Ka një keqkuptim rreth asaj se si duhet të bëhet moderimi i përmbajtjes”.

‘Izolimi’ i fjalës

Kompanitë e mediave sociale vazhdojnë të bëjnë ndryshime në shërbimet e tyre për të hequr llogaritë e rreme dhe në disa raste, për ta bërë më të vështirë të shihen postime që konsiderohen të pavërteta ose ofenduese.

Këtë javë, Instagrami, i cili është pronë e Facebook-ut, njoftoi ndryshime për të goditur bulizmin. https://www.businessinsider.com/instagram-announces-restrict-mute-feature-ai-flag-offensive-comments-2019-7

Kohët e fundit, Reddit “pezulloi” një grup diskutimi në faqen e tij për shkak të një kërcënimi për dhunë. Përdoruesit shohin tani një paralajmërim përpara se të hyjnë në grup. za

Boeing po e humb vendin e parë në botë

Aeroplani Boeing 737 MAX

Kompania amerikane e aeroplanëve Boeing po e humb pozitën e të qenit prodhuesi më i madh i avionëve në botë, pas një rënieje prej 37 për qind në shitjet, për gjysmën e parë të vitit.

Rënia ndodhi shkaku i debateve të zgjeruara për aeroplanët e saj më të shitur 737 MAX, dy prej të cilëve u rrëzuan për një periudhë të shkurtë kohore, duke lënë të vrarë 346 persona.

Shifrat tregojnë se shitjet e Boeing, ka të ngjarë të bien pas kompanisë rivale evropiane Airbus, për herë të parë në tetë vjet.

Administrata Federale e Aviacionit Federal të SHBA-së, javën e kaluar zbuloi një problem të ri me avionët MAX, duke vonuar kthimin e aeroplanëve në përdorim deri në fund të shtatorit dhe ndoshta duke shtuar kostot për Boeing.

Gjykata e Apelit nuk lejon presidentin Trump të bllokojë kritikët në Twitter

Një gjykatë amerikane federale e apelit vendosi që Presidenti Donald Trump nuk mund të heshtë kritikët në llogarinë e tij të Twitter-it, duke thënë se bllokimi i tyre shkel të drejtën kushtetuese të lirisë sër fjalës.

Gjykata e Dytë e Apelit në Manhattan vendosi me një vendim 3-0 të martën, se Amendamenti i Parë i Kushtetutës e ndalon Trump-in të bllokojë kritikët nga llogaria e tij që është një platformë publike.

Në emër të panelit prej tre gjyqtarëve, gjykatësi Barrington Parker shkruan “Amendamenti i Parë nuk lejon një zyrtar publik që shfrytëzon një llogari të mediave sociale për të gjitha llojet e qëllimeve zyrtare, të përjashtojë persona nga një dialog i hapur në internet, për shkak se ata shprehin pikëpamje me të cilat zyrtari nuk pajtohet “.

Presidenti Trump e ka përdorur llogarinë e tij të Twitter-it, që ka më shumë se 60 milionë ndjekës, për të promovuar axhendën e tij dhe për të sulmuar kritikët.

Gjykata vendosi për një padi të paraqitur nga Instituti i Kalorësve të Amendamentit të Parë të Universitetit Columbia në emër të shtatë personave të cilët u bllokuan nga presidenti Trump pasi kritikuan politikat e tij.

Vendimi mbajti në fuqi një vendim të majit 2018 nga Gjykata për Qarkun Jugor të Nju Jorkut. Departamenti amerikan i Drejtësisë tha se vendimi ishte “krejtësisht i keqkuptuar”, duke argumentuar se presidenti Trump e përdor llogarinë e tij në Twitter në kapacitetin e një individi privat për të shprehur pikëpamjet e tij dhe jo si një forum për diskutime publike.

Administrata Trump nuk ka komentuar menjëherë për vendimin, ashtu sikurse edhe kompania Twitter, apo paditësit. za

Uashington, mbretëresha e bukurisë në ndihmë të viktimave të dhunës seksuale

Katelynne Cox

Në epokën e lëvizjes #MeToo, Miss-i i kryeqytetit amerikan, Miss District of Columbia 2019, po e përdor titullin e saj për të ndihmuar viktimat e dhunës seksuale dhe për të rritur ndërgjegjësimin për këtë problem. Ajo quhet Katelynne Cox, një 25-vjeçare që krahas të qënurit Miss është edhe drejtore ekzekutive e organizatës “Heshtja nuk është Bashkëpunim”. Kjo organizatë rehabiliton të mbijetuarit e dhunës seksuale, si dhe përgatit fëmijët se si të parandalojnë dhunën seksuale.

Çdo vit, Miss-i i Distriktit të Kolumbisë vlerëson vajza me rezultate të larta që jetojnë apo punojnë në kryeqytetin e Shteteve të Bashkuara.

Katelynne Cox është fituese për këtë vit.

“Organizata Miss DC është pjesë e programit Miss America dhe ofron çdo vit mbi 25 mijë dollarë bursa studimi për pjesëmarrësit. Fituesja fiton edhe një bursë prej 10 mijë dollarësh. Ka gjithashtu edhe një mori çmimesh për akademikët”, thotë Katelynne.

Oganizata jo vetëm u ofron pjesëmarrësve një platformë për të treguar talentin e tyre, por është edhe një mundësi për të zgjedhur një inciativë me ndikim social për të cilën kanë ndjenja të forta. Për Katelynne, është të ndihmojë viktimat e përdhunimeve.

“ ‘Heshtja nuk është Bashkëpunim’ është një organizatë që krijova në vitin 2016 për të ndihmuar në rehabilitimin e të mbijetuarve të sulmit seksual. Dua të ofroj mundësinë e paralajmërimit të hershëm… Unë jam vetë e mbijetuar e një sulmi seksual. Më përdhunuan në kolegj. Doja ta shndërroja eksperiencën time të tmerrshme në një mënyrë për të ndihmuar të tjerët. Prandaj krijova organizatën dhe fillova lobimin për një projektligj të quajtur ‘Viktimat të parat’, thotë Katelynne.

Ajo thotë se do të vazhdojë të lobojë tek ligjvënësit në Uashington për të ndryshuar mënyrën se si trajtohen viktimat.

“Do të thoja se sipas politikave aktuale, viktimat trajtohen si mjete në funksion të prokurorisë dhe jo si viktima, të cilat duhet të shpëtohen. Kjo është ajo që unë dua ta ndryshoj”, thotë zonja Cox.

Katelynne thotë se ajo do të kryejë edhe funksionet e Miss DC 2019, së bashku me punën për të ndihmuar të mbijetuarit e sulmeve seksuale. Do të jetë një vit i ngarkuar, ndërsa ajo përgatitet për konkursin e Miss America 2020 që zhvillohet në muajin shtator.

Financieri amerikan akuzohet për trafikim vajzash për qëllime seksuale

Miliarderi amerikan Jeffrey Epstein, që është i regjistruar si predator seksual, u akuzua të hënën se drejtonte një rrjet trafikimi vajzash të mitura për seks. Zoti Epstein deklaroi pafajësinë në një gjykatë të Nju Jorkut. Ai është dënuar edhe më parë për krime seksuale dhe në vitin 2008, arriti një marrëveshje me prokurorët në Florida që i siguroi një vendim të zbutur. Financieri u arrestua të shtunën në mbrëmje, pasi arriti nga Franca me avionin e tij privat.

Miliarderi 66 vjeçar doli në një gjykatë të Nju Jorkut ku deklaroi se ishte i pafajshëm ndaj akuzve se drejtonte një rrjet të gjerë vajzash të mitura për marrëdhënie seksuale. Sipas akt-padisë, zoti Epstein i kishte joshur vajzat të shkonin në vilat e tij në Manhatan dhe Florida në periudhën 2002-2005 dhe i kishte paguar qindra dollarë për seks.

“Vajzat nën moshë, në fillim u rekrutuan për masazh dhe shpesh e bënin një gjë të tillë të zhveshura ose pjesërisht të zhveshura. Këto masazhe morën gjithnjë e më shumë një natyre seksuale dhe shpesh përfshinin një ose më shumë veprime seksuale, siç sqarohet në akt-padi”, tha Geoffrey Berman, Prokuroror i Qarkut Jugor të Nju Jorkut.

Zoti Epstein, që shoqërohej shpesh me të pasurit dhe të fuqishmit, përfshirë Presidentin Donald Trump, u shpall fajtor për krime seksuale në Florida në vitin 2008 dhe u dënua me 13 muaj burg. Një nga akuzueset ishte Michelle Licata, që ishte rekrutuar t’i bënte masazh kur ishte 16 vjeç.

“Ai thoshte gjithë kohës ‘O zot, sa e bukur, seksi dhe e mrekullueshme je’ dhe më vinte në pozitë shumë të vështirë”.

Sekretari në detyrë i Punës, Alexander Acosta, që ishte prokuror në Florida në atë kohë, e ndihmoi zotin Epstein që të arrinte një dënim të zbutur, që e lejonte atë të dilte nga burgu çdo ditë për të shkuar në punë, por sipas të cilit, ai duhet të regjistrhej si predator seksual.

Agjenti special i FBI-së, Bill Sweeney tha se agjencia e tij nuk do të ndalet deri kur predatorë të tillë, të jenë nën pranga, pavarësisht nga pushteti, pasuria apo lidhjet e tyre.

“Nëse jeni viktimizuar apo keni informacion shtesë për sjelljen e tij, duam të dëgjojmë prej jush, pavarësisht moshës suaj aktuale, apo në çfarë moshe ishit. Nuk ka rëndësi se ku ose kur ka ndodhur incidenti, apo incidentet”.

Avokati i zotit Epstein nuk ishte në dispozicion për komente të hënën. Zoti Epstein do të jetë në burg deri në seancën për lirim me kusht më 15 korrik, por prokurorët donin që ai të mbetej i ndaluar deri në gjyq, të shqetësuar se mund të largohet nga vendi. Financieri i pasur është banor i ligjshëm i pjesës amerikane të Ishujve të Virgjër dhe ka shtëpi në NJu Jork, Florida dhe Francë.

Kreu i Sigurisë Kombëtare hedh poshtë njoftimet për kushtet e këqija në qendrat e ndalimit

Kreu i Departamentit Amerikan të Sigurisë Kombëtare kundërshtoi njoftimet për mungesë të ushqimit, ujit dhe kanalizimeve të përshtatshme në qendrat e mbingarkuara me njerëz të ndaluar në kufirin SHBA-Meksikë. Në të njëjtën kohë, disa anëtarë të Kongresit po bëjnë thirrje për përmirësimin e trajtimit të imigrantëve në kujdestarinë amerikane. Korrespondenti i Zërit të Amerikës Marcus Harton njofton.

Pas një turneu në një qendrat e ndalimit në Clint të Teksasit, javën e kaluar, ligjvënësja Aleksandria Ocasio-Cortez kritikoi kushtet brenda saj.

“Asnjë grua nuk duhet të mbyllet kurrë në një qeli kur nuk ka bërë asnjë dëm ndaj një qenieje njerëzore. Duhet t’u jepet ujë, duhet t’u jepet mundësia për të drejtat themelore të njeriut”.

Njoftimet e lajmeve dhe një raport i brendshëm i Patrullës Kufitare e përqendron vëmendjen tek mbipopullimi dhe ndalimi i zgjatur i imigrantëve. Kreu i Departamentit të Sigurisë Kombëtare në detyrë, Kevin McAleenan, tha në programin This Week të ABC-së se agjencia e tij po bën atë që mundet për të përballuar imigrantët që kanë hyrë në këtë vit në Shtetet e Bashkuara.

“Kemi patur mbi 500 mijë njerëz që kanë kaluar kufirin tonë jugor. Kalimet mbizotëruese janë bërë nga familje, me fëmijë të pashoqëruar dhe të rritur”, thotë Kevin McAleenan, nën sekretar i Departamentit të Sigurisë Kombëtare.

McAleenan tha se njoftimet për kushte johigjienike, mungesë ushqimi dhe ujit të pijshëm, ishin të pabaza. Ai përmendi hapat e ndërmarrë për përmirësimin e qendrave të paraburgimit.

“Kemi bërë shumë. Që nga data 30 dhjetor kur kemi biseduar për këtë çështje, kishim vetëm 20 personel mjekësorë në objektet tona, përgjatë kufirit… Tani kemi mbi 200 … Kemi ndërtuar godina të përkohshme qëjanë shumë më të përshtatshme, me tavane të larta, me më shumë hapësirë për fëmijët dhe familjet”.

“Pashë gati 14 njerëz, që flinin në dysheme. Disa prej tyre thanë se nuk ishin larë për 15 ditë”, tha ligjvënësja Rashida Tlaib ishte pjesë e një delegacioni të Kongresit që vizitoi qendrën e paraburgimit në Clint të Teksasit, javën e kaluar.

“Nuk di si t’ia u shpjegojë njerëzve atë që pamë. Kur ua shpjegojmë njerëzve ata thonë: Kjo nuk mund të jetë e vërtetë. Por ne ishim të gjithë atje dhe e pamë”, thotë ligjvënësja Tlaib.

Kongresi kohët e fundit miratoi një paketë prej 4 pikë 6 miliardë dollarë në fonde emergjente, shumë prej të cilave ka për qëllim përmirësimin e situatave për fëmijët dhe familjet e imigrantëve në mjediset e paraburgimit në kufi.

Presidenti njofton urdhër ekzekutiv për pyetjen mbi shtetësinë

Presidenti Trump tha të premten se po “konsideron shumë seriozisht” mundësinë e një urdhri ekzekutiv në përpjekje për të detyruar përfshirjen e pyetjes mbi shtetësinë në censusin e vitit 2020. Komentet ai i bëri përpara skadimit të afatit që gjykatat i patën vendosur administratës Trump për të sqaruar nëse do të përfshije ose jo pyetjen mbi shtetësinë në formularin e regjistrimit të popullsisë për vitin 2020.

Zoti Trump tha se kjo është një nga katër ose pesë alternativat që ai po shqyrton. Në fakt qeveria e ka filluar procesin e printimit të pyetësorit. Presidenti tha gjithashtu se zyrtarët mund të jenë në gjendje të bëjnë një shtesë në pyetësor, në një moment të mëvonshëm.

Avokatët e qeverisë po punojnë të japin një arsyetim të besueshëm mbi hapat e mëtejshëm rreth pyetjes që ka shkaktuar shumë debat. Gjykatat federale dhe disa shtete sfiduan vendimin e administratës Trump për të përfshirë çështjen e shtetësisë në procesin për regjistrimin e popullsisë, që zhvillohet çdo 10 vjet.

Pak ditë më parë Gjykata e Lartë, e cila votoi kundër përfshirjes së kësaj pyetjeje në censusin e 2020-s, tha se qeveria nuk ka bërë një shpjegim të qartë rreth arsyeve se pse kërkon ta shtrojë këtë pyetje në proces.

Çështja u duk se u mbyll të martën kur Departamenti i Drejtësisë dhe ai i Tregëtisë deklaruan se do të nisnin printimin e formularëve pa pyetjen për shtetësinë në mënyrë që të përmbusheshin afatet për kryerjen e regjistritmit të popullissë në kohë.

Avokatët e Departamentit të Drejtësisë argumentuan se kjo pyetje ishte e nevojshme për të ndihmuar zbatimin e ligjeve që mbrojnë të drejtën e pakicave për të votuar.

Censusi është i rëndësishëm pasi përcakton numrin e vendeve për në Kongres për çdo shtet si dhe se si do të shpërndahen me qindra miliarda dollarë financime të qeverisë federale. Sipas kritikëve, pyetja për nënshtetësinë do të kishte frikësuar pakicat dhe emigrantët për të plotësuar formularin dhe do t’u jepte republikanëve epërsi.

Një urdhër ekzekutiv në vetvete nuk mund të përmbysë vendimin e gjykatës, por mund t’u jepte juristëve të administratës një mundësi të re në përpjekjet për të bindur gjykatat federale se pyetja duhet përfshirë. Ajo që mund të thuhet është se ndërsa afrohet afati, kjo çështje është pa përgjigje përfundimtare. za