Aeroplanmbajtësja franceze “Charles de Gaulle”, e shoqëruar nga anije luftarake, po lëviz drejt Gjirit të Adenit si pjesë e përpjekjeve të Francës dhe Britanisë, për t’u përgatitur për një mision të ardhshëm për të kontribuar në lirinë e lundrimit në Ngushticën e Hormuzit, njoftoi sot ushtria franceze.

Në këtë kontekst, në një deklaratë të lëshuar nga zyra e Emmanuel Macron, ajo theksoi se qeveria franceze dhe aleatët e saj “janë në gjendje të sigurojnë sigurinë e Ngushticës së Hormuzit” dhe shtoi se “çështja e Ngushticës duhet të mbetet e ndarë nga negociatat midis Shteteve të Bashkuara dhe Iranit”.

Ndërkohë, Ministria e Forcave të Armatosura Franceze tha në një deklaratë se aeroplanmbajtësja dhe anijet luftarake shoqëruese kaluan sot nëpër Kanalin e Suezit, duke u drejtuar drejt Detit të Kuq.

Grupi sulmues i aeroplanmbajtëses franceze, i cili u vendos në Mesdheun lindor menjëherë pas sulmeve ajrore të SHBA-së dhe Izraelit kundër Iranit, mund të qëndrojë në det për katër deri në pesë muaj. Panorama

Sipas mediave italiane, gjatë operacionit që përfshiu hetimet e viteve 2020-2023, u ekzekutuan 14 masa ndalimi dhe u sekuestruan sasi të konsiderueshme kokaine, duke dokumentuar fitimet marramendëse të bandës së drejtuar nga Vincenzo Di Lauro.

ITALI- Autoritetet italiane antimafia kanë goditur një grup kriminal në Napoli, e cila shërbente si urë lidhëse për shpërndarjen e drogës me origjinë nga organizatat kriminale shqiptare. Sipas mediave italiane, gjatë operacionit që përfshiu hetimet e viteve 2020-2023, u ekzekutuan 14 masa ndalimi dhe u sekuestruan sasi të konsiderueshme kokaine, duke dokumentuar fitimet marramendëse të bandës së drejtuar nga Vincenzo Di Lauro.

Artikulli i plotë: 

“Karabinierët e Njësisë Hetuese të Napolit kanë ekzekutuar një masë paraprake ndalimi dhe arresti shtëpiak, të lëshuar nga gjyqtari i hetimeve paraprake të Gjykatës së Napolit me kërkesë të Prokurorisë Publike të Napolit – Drejtorisë së Qarkut Antimafia, kundër 14 personave të dyshuar për akuza të ndryshme – për konspiracion kriminal që synon trafikimin dhe posedimin e drogës me qëllim shpërndarjen e saj.

Hetimet komplekse dhe të detajuara të kryera midis viteve 2020 dhe 2023 nga Njësia Hetuese e Karabinierëve të Napolit, përfshirë përmes aktiviteteve teknike të synuara, dhe të koordinuara nga Drejtoria e Qarkut Anti-Mafia e Zyrës së Prokurorit Publik të Napolit, na kanë lejuar të dokumentojmë – me prova serioze rrethanore – ekzistencën e një nëngrupi të lidhur me organizatën kriminale “Di Lauro”, të kryesuar nga Vincenzo.

Vincenzo, i cili, duke qenë në gjendje të vepronte në lagjen Secondigliano, por edhe përtej saj kur ishte e nevojshme, arriti të krijonte një strukturë të qëndrueshme kriminale të projektuar për të kryer një seri të paspecifikuar krimesh në shkelje të ligjeve të drogës. të rindërtojë mënyrat se si banda arriti – midis viteve 2019 dhe 2020  të furnizonte lagjet e qytetit të Secondigliano dhe Vasto-Arenaccia me sasi të ndryshme narkotikësh, me sa duket me origjinë nga organizatat kriminale shqiptare, duke përfituar kështu në mënyrë të paligjshme shuma të mëdha parash. Gjatë hetimit, u arrestuan gjithsej gjashtë persona si provë, si dhe u sekuestruan disa kilogramë kokainë dhe hashash.”, shkruhet në artikull./Dosja.al

Opinioni shqiptar dhe jo vetëm pa foton e rradhës të kryeministrit të Shqipërisë ku në një foto zyrtare me liderë Perëndimorë ai fokusohet duke përqafuar kryeministren e Italisë. Imazhet e kryeministrit shqiptar Edi Rama si ai kur është fotografuar i gjunjëzuar para kryeministres italiane Giorgia Meloni janë përshkruar gjerësisht si të turpshme, “të sikletshme” ose teatrale nga media dhe komentatorë të ndryshëm. Edhe fotoja më e fundit futet në atë lloj, jashtë sjelljes të përshtatëshme të një kryeministri që thyen çdo etikë apo protokoll zyrtar, qeveria e të cilit është e përfshirë në afera të shumta korruptive të bashkëpunëtorëve të tij më të ngushtë. 

Nga ana tjetër, kryeministrja e Italisë Georgia Meloni ka përgënjeshtruar foton majtas që është modifikuar me AI. Voal.ch po e sjell edhe reagimin e Melonit në rrjetin social.

Presidenti francez Emmanuel Macron surprizoi të pranishmit në një darkë shtetërore gjatë samitit të Komunitetit Politik Europian në Jerevan të Armenisë, duke interpretuar në piano dhe me vokal këngën klasike franceze “La Boheme”.

Ndërkohë kryeministri armen Nikol Pashinyan iu bashkua performancës duke luajtur në bateri. Dy liderët interpretuan këngën e vitit 1965 të Charles Aznavour, e cila rrëfen jetën e artistëve të rinj në varfëri gjatë periudhës bohemiane në lagjen Montmartre të Parisit.

Ngjarja u zhvillua në kuadër të samitit ku liderët europianë diskutuan çështje kyçe të sigurisë dhe bashkëpunimit.

Kjo nuk është hera e parë që Macron shfaqet duke kënduar në publik. Më herët këtë vit, ai u filmua duke interpretuar himnin kombëtar francez “La Marseillaise” në bordin e aeroplanmbajtëses bërthamore FS Charles de Gaulle, gjatë një misioni të marinës franceze në Lindjen e Mesme. Panorama

Jerevan, 4 maj 2026

Kryeministri në detyrë i Republikës së Kosovës, Albin Kurti, në margjina të Samitit të Komunitetit Politik Evropian (EPC), zhvilloi takim me Përfaqësuesen e Lartë të Bashkimit Evropian për Punë të Jashtme dhe Politikë të Sigurisë dhe njëherësh Zëvendëspresidente e Komisionit Evropian, Kaja Kallas.

Gjatë takimit u diskutua situata politike në rajon si dhe çështjet e sigurisë, në një kontekst gjithnjë e më të ndërlidhur të sfidave ndërkombëtare. Kryeministri në detyrë Kurti theksoi rëndësinë e linjëzimit me Bashkimin Evropian në adresimin e këtyre sfidave dhe në avancimin e integrimit evropian të Republikës së Kosovës.

Në këtë drejtim, Kryeministri në detyrë Kurti rikonfirmoi përkushtimin e Kosovës për agjendën e reformave dhe kërkesën për marrjen e statusit të vendit kandidat për anëtarësim në BE, duke nënvizuar progresin e vendit tonë dhe nevojën për trajtim të drejtë, të bazuar në meritë.

Po ashtu, u bisedua edhe për zhvillimet e fundit politike në vend, përfshirë zbatimin e ligjit për të huajt dhe dakordimin e datës 14 mars, i cili u vlerësua si një momentum i ri dhe pozitiv për rrugën përpara.

Gjatë takimit u diskutua edhe procesi i dialogut ndërmjet Kosovës dhe Serbisë, si dhe çështja e shqiptarëve në Preshevë, Medvegjë dhe Bujanoc, ku Kryeministri në detyrë Kurti ngriti shqetësimet lidhur me pasivizimin e adresave dhe pamundësimin e mbështetjes financiare për Luginën nga Qeveria e Republikës së Kosovës.

Takimi u zhvillua në një frymë konstruktive dhe shërbeu për shkëmbim të hapur të pikëpamjeve mbi temat me interes të përbashkët, duke riafirmuar rëndësinë e vazhdimit të komunikimit të afërt dhe bashkëpunimit të ngushtë ndërmjet institucioneve shtetërore të Kosovës dhe Bashkimit Evropian./Zyra e Kryeministrit

(Ky shkrim është botuar për herë të parë më 2011)

Gazetari i njohur Chris Stephen i gazetës The New York Times, pas vizitës në Gjakovë, menjëherë mbas luftës, ka botuar në këtë gazetë, poezinë e Yllkës me titull “Kënga e pranverës”. Poezitë e Yllka Domit, u kallën nga paramilitarët serbë bashkë me shtëpinë e saj, kurse ditari që e mbante me vete gjatë luftës, u zhduk sikurse edhe trupi i saj, prandaj ajo me plot të drejtë mund të quhet një Ana Frank shqiptare.

Asnjë mësimdhënës nuk e paramendon për të gjallë të tij, e as unë, se do ta përjetojë vdekjen e nxënësit apo nxënëses së vet. Aq më larg, se do të marrë pjesë në përcjelljen e fundit për në amshim të ndonjërit prej tyre .

Por ja që në jetë ndodh gjithçka.

Lajmin për vrasjen e ish-nxënëses Yllka Domi, vetëm 17 vjeçare, ma kishin kumtuar shoqet dhe shokët e saj, po ashtu ish-nxënës të mi, menjëherë pas ofensivës së madhe të forcave paramilitare dhe militare serbe në Kodrën e Çabratit, që zgjati prej 7 deri më 11 maj të vitit 1999. Isha i tronditur edhe më shumë kur u mor vesh se trupi i saj ishte zhvarrosur për së dyti nga kanibalët sllavë dhe se trupi i saj i njomë, pas gati katër viteve, (më 2003) ishte identifikuar, në varrezën masive në Batajnicë të Serbisë.

Lajmin për këtë e kishte dhënë, menjëherë pas luftës, gazetari i njohur Chris Stephen në gazetën The New York Times, pasi kishte vizituar personalisht Gjakovën, menjëherë pas luftës . Stephen fill pas kthimit në SHBA, në gazetën prestigjioze amerikane kishte botuar dhe poezinë e Yllkës me titull “Kënga e pranverës”. Dhe sot kur po mbushen 12 vjet nga vrasja barbare e saj, kur lulet e majit kanë mbuluar varrin e saj (nuk e di por për herë të parë ndjehesha disi ndryshe, më i qetë para një varri , mbase duke ditur se më në fund e dija unë dhe të tjerët se ku prehet trupi dhe shpirti i Yllkës), kujtimet më kthejnë para shumë viteve kur Yllka si nxënëse 10-12 vjeçare vinte me fletoren e saj përplot poezi dhe kërkonte mendimin tim për poezitë e saj, duke insistuar të merrte pjesë edhe në orët e shumta letrare që organizoja në atë kohë në shkollën ” Mazllum Këpuska”.

Dhe Yllka, mbesa e shkrimtarit të njohur gjakovar Kasim Domi (i cili kishte përjetuar edhe Goli Otokun), poezinë e kishte si ajrin, si jetën, si ujin, si bukën dhe nuk ndalej së shkruari.

Talenti dhe puna e saj e vazhdueshme e kishin bërë atë një poeteshë të pranueshme në qarqet letrare të qytetit, duke u shpërblyer me disa çmime letrare nga klubi letrar “GJ . N. Kazazi”. Por, të gjitha krijimet letrare të Yllkës, bashkë me ditarin e saj, ishin djegur bashkë me shtëpinë e saj nga barbarët serb në pranverën e vitit 1999. Atë e vranë një vajzë të mitur por nuk mundën ta vrasin kurrë shpirtin dhe poezinë e saj për dashurinë, lirinë, rininë, atdheun, jetën, vdekjen… Po edhe për vdekjen, sepse disi ajo kishte parandjenjë fatin e saj, se do të vdesë, e kjo më së miri del në poezinë e saj të fundit, për të gjallë, “Ti fluturon me dallëndyshet”.

Dhe tek pas vdekjes, më 2001, ishte po ky emër në krye të përmbledhjes me poezi të Yllkës, botim i “Lidhjes së Gruas Shqiptare të Kosovës” dhe falë punës së madhe të shkrimtarit Agim Byci, i cili arriti të mblidhte pozitë e saj nga shoqet, pastaj poetes së njohur Flora Brovina, shokët, mësimdhënësit dhe të afërmit e Yllkës. Amanetin e saj të fundit e kishte lënë mu në këtë libër.

Në vitin 2002, klubi letrar “Gj . N . Kazazi” botoi librin tjetër kushtuar Yllka Domit, me titull “Një yll i pashuar”, i cili përmban mbresa e kujtime nga miqtë dhe të njohurit e saj, pastaj krijime kushtuar asaj, si dhe disa poezi të pabotuara deri atëherë të Yllkës, të gjitha këto të mbledhura nga shoqja e saj Zana Bakalli, botuar nga klubi letrar “Gj. N. Kazazi”.

Ajo kishte sens për poezi, për aktrim, për vallëzim, recitim, e mbi të gjitha ishte një princeshë e poezisë dhe e bukurisë.

Për nder të saj, grupi letrar në gjimnazin “Hajdar Dushi” të Gjakovës, ku Yllka, deri para vdekjes, vijonte mësimet në vitin e tretë, mban emrin e saj. Për Yllka Domin, si poete shumë e talentuar dhe e cila premtonte shumë, pastaj si nxënëse dhe aktiviste e shumë fushave të artit dhe të kulturës, për virtytet dhe shëmbëlltyrën e saj, pastaj për familjen e poetes dhe martires Domi, e cila bashkë me prindërit e saj kishin dhënë ndihmesë të madhe për luftëtarët e lirisë në kodrën e Çabratit, në Gjakovë, mund të dëgjosh nga të gjitha anët e qytetit vetëm fjalët më të mira.

Ishte ideja e autorit të këtyre rreshtave, që në shenjë nderimi për këtë poeteshë të re shumë të talentuar, qyteti dhe bota letrare në Gjakovë ta themelojë një çmim letrar me emrin e saj, çmim i cili do t’i jepej për çdo vit krijueseve të reja për krijimtarinë e tyre poetike. Kjo iniciativë u mirëprit dhe hasi në mirëkuptim të plotë nga qarqet letrare të Gjakovës, sidomos nga shkrimtari dhe përkthyesi Agim Byci.

Dhe në mitingjet e organizuara deri më tani pas luftës, sikurse që është aktiviteti më i madh letrar në Kosovë, Mitingu i Poezisë, që mbahet çdo vit në Gjakovë, ky çmim, në bashkëpunim me klubin letrar “GJ. N. Kazazi” dhe shtëpinë botuese “Fan Noli” nga Gjakova, deri tani iu është ndarë tri poeteshave, Abetare Domit, Gentiana Muhaxherit dhe Xhevahire Izmakut.

Ndonëse qysh në vitin 2002, libri me poezi i Yllka Domit “Fluturimi i fundit me dallëndyshet”, është përkthyer në anglisht dhe në gjermanisht nga Agim Byci, edhe sot e kësaj dite, në mungesë të përkrahjes materiale, ky libër nuk është botuar ende. Mbase deri vitin e ardhshëm, në 13-vjetorin e vrasjes së saj, do të gjendet ndonjë mundësi apo ndonjë donator, dhe ky libër ta sheh dritën e botimit. Ky do të ishte nderi më i madh që qyteti i Gjakovës do t’i bënte Yllka Domit.

Yllka iku por, na la vlerat e vërteta prej njeriu dhe prej poeteje. Tek eci maje Çabratit dhe tek shkruaj këtë përkujtim për ish-nxënësen time më kujtohen vargjet e fundit të shkruara nga Yllka Domi, “Nuk dua përmendore”. Ti Yllka, me veprën tënde, e ngrite përmendoren e lirisë.

BLERIM VALLA

——

Mësohet se marrëveshja është nënshkruar sot, duke konfirmuar kështu vazhdimin e bashkëpunimit mes partive që aktualisht përbëjnë shumicën parlamentare. Mësohet se marrëveshja është nënshkruar sot, duke konfirmuar kështu vazhdimin e bashkëpunimit mes partive që aktualisht përbëjnë shumicën parlamentare.

KOSOVË-  Lëvizja Vetëvendosje ka zyrtarizuar sot koalicionin për zgjedhjet e 7 qershorit me tre parti të tjera, Guxo dhe Alternativa, të cilat janë bashkuar edhe PSHDK-ja.

Mësohet se marrëveshja është nënshkruar sot, duke konfirmuar kështu vazhdimin e bashkëpunimit mes partive që aktualisht përbëjnë shumicën parlamentare.

Përmes një postimi në rrjete sociale, Partia Guxo ka deklaruar se ky koalicion synon të ofrojë stabilitet dhe një qeverisje të përgjegjshme që në qendër të çdo vendimi ka qytetarin e Kosovës./Dosja.al

Deputeti i VV Agim Bahtiri reagon ndaj deputetes së LDK Jehona Lushtaku. Bahtiri krijoi një emër të mirënjohur kur ishte kryetar i Bashkisë së Mitrovicës i cili nuk lejoi ndërtimin e murit ndarës me veriun e Mitrovicës. Muri u rrënua përfundimisht në shkurt të vitit 2017 pas një rezolute të Kuvendit të Kosovës dhe bisedimeve të ndërmjetësuara nga Bashkimi Evropian. Pas rrënimit, Bahtiri deklaroi se qyteti më në fund “merr frymë lirshëm”.

Më poshtë po sjellim dekkarimin e Bahtirit në rrjetin social:

“Jehona Lushaku,

Shpifja jote se unë paskam qenë “gjysmë i dehur” atë natë kur kam ardhur t’i kërkoj nënshkrimet, është e ulët dhe e turpshme, dhe për të duhet të kërkosh falje publike!

Të akuzosh dikë pa asnjë fakt vetëm sepse nuk arrin ta fshehësh dështimin politik të LDK-së, tregon nivelin ku keni rënë. Atë natë unë isha në Kuvend për të kërkuar zgjidhje për zgjedhjen e Presidentit, ndërsa ju bredhnit korridoreve duke bërë kalkulime politike dhe duke u tallur para gazetarëve dhe para qytetarëve me një proces kushtetues që vetë e kishit bllokuar. Në mungesë votash dhe përgjegjësie, zgjodhët shpifjen dhe teatrin mediatik.

Mjaft më me përralla e gënjeshtra, se populli ua ka treguar vendin me votë, e me këto deklarata po tregoni se nuk keni edukatë e iu ka humbur rruga.

Zonja Lushaku i ka dy rrugë, ose kërkon falje për shpifjen se kam qenë “gjysëm i dehur” ose shihemi në gjykatë!

AB”

Publiku ka parë ndërkohë se deputeti Agim Bahtiri i bënte thirrje deputetëve të LDK të mblidhnin 15 firma për presidentin, ndërkohë që kryetari i LDK Lumir Abdixhiku thosh për media se i kishte 15 firmat, por 15 firmat nuk dukeshin askund.

Zëvendëskryeministrja dhe Ministrja e Drejtësisë në detyrë, Donika Gërvalla, sot mori pjesë në ceremoninë zyrtare të funksionalizimit të Gjykatës Administrative, gjykata e parë e specializuar në Republikën e Kosovës.

Në fjalën e saj, Ministrja Gërvalla tha se me funksionalizimin e Gjykatës Administrative po vihet në funksion një mekanizëm i ri i shtetit ligjor, duke e cilësuar ditën e sotme si një prej hapave të rëndësishëm në shërbim të një reforme të denjë, të thellë dhe të fuqishme në sektorin e drejtësisë.

“Gjykata Administrative është gjykata e parë e specializuar në vendin tonë, e cila do ta trajtojë konfliktin administrativ dhe kontestet e punës në sektorin publik. Kjo do të thotë se qytetari, zyrtari publik dhe institucioni do të kenë një adresë të qartë, më profesionale dhe më të specializuar për çështjet që lidhen me administratën publike”, u shpreh Ministrja Gërvalla.

Ajo nënvizoi se administrata publike prek jetën e qytetarit çdo ditë përmes vendimeve, procedurave, lejeve, të drejtave, detyrimeve dhe përgjegjësive, andaj çdo vendim administrativ duhet të jetë i ligjshëm, i arsyetuar dhe i kontrollueshëm.

Tutje, Ministrja theksoi se Gjykata Administrative po fillon punën me një barrë të madhe, me mbi 10 mijë lëndë të bartura, e cila përbën sfidë serioze, por njëkohësisht edhe një mundësi për të dëshmuar se një gjykatë e specializuar mund të sjellë më shumë rend, shpejtësi dhe cilësi në drejtësinë administrative.

“Vendimet tuaja nuk do të zgjidhin vetëm konteste individuale. Ato do të krijojnë standarde për administratën publike. Një vendim i mirë i kësaj Gjykate nuk mbetet vetëm në dosjen e një pale. Por, ai duhet të shërbejë si orientim për zyrtarët publikë dhe si garanci për qytetarët”, deklaroi Ministrja Gërvalla drejtuar gjyqtarëve të pranishëm.

Teksa përgëzoi Këshillin Gjyqësor të Kosovës për hapat e ndërmarrë në rekrutimin dhe transferimin e gjyqtarëve dhe stafit mbështetës, Ministrja Gërvalla theksoi se nga sot, fokusi kalon tek rezultatet.

“Sot e kemi ligjin. E kemi gjykatën. Kemi gjyqtarët. Dhe kemi pritjen e qytetarëve. Ajo që duhet të ndërtohet nga sot është besimi në këtë Gjykatë. Besimi nuk krijohet me ceremoni. Besimi krijohet me vendime të drejta. Me procedura të shpejta. Me praktikë të unifikuar. Me profesionalizëm dhe integritet”, nënvizoi Ministrja Gërvalla.

Duke uruar që në takimin e radhës të flitet për sukseset e Gjykatës së re Administrative, Ministrja Gërvalla u zotua se Ministria e Drejtësisë do të jetë gjithmonë pranë për ta mbështetur gjyqësorin në këtë proces, bashkë me pritjen që kjo Gjykatë të prodhojë rezultate konkrete.

Zyra për Komunikim Publik

Ministria e Drejtësisë

Fuqia e dinarit!

Batoni, ky ‘analist i zellshëm’, që u betua në Beograd dhe vazhdon të fabrikojë të pavërteta mbi politikën reale kosovare:

-sajon sondazhe të rreme me porosi

-kërkon dhunë për individë të caktuar me porosi dhe jo vetëm kaq.

-dyertë i ka të hapura nga TV studiot, sikur te luftonte hasmin e Kosoves, por, në realitet ky është në shërbim të hasmit.

Megjithatë, ai vazhdon te kete hapsirë ne mediat kosovare edhepse parashikimet e tij dalin diametralisht të kundërta me realitetin, jo se ai nuk e di këtë, por sepse e ka mision, e ka profesion me pagesë.

Opozitës i pëlqejnë fjalët, parashikimet e Batonit, andaj asaj s’i bënë përshtypje se a ishte dje dhe a është sot Batoni spiun serb, sepse Batoni ne cak ka Kurtin, kundershtarin e tyre politik, dhe ajo vazhdon të kenaqet me propaganden batoniane në heshtje.

Praprakisht, Batoni, si këshilltar i Ramës, e kreu me sukses misionin e tij duke e afruar Ramën me Serbine dhe duke e larguar me Kosovën. Sepse ai i provoi gërshërët për Kosovën, dhe i pakenaqur, tani i do thikat në Kosovë.

“Mrekullitë” shqiptare në Kosovë vazhdojnë të patrazuara, dhe mbetet të shihet se a do t’i ndeshkoje këto veprime bizare votuesi në qershor, kur ‘çurshiat’ do të tentohen të hahen pa pjekë!

Media greke Protothema shkruan se, ai është anëtari më i ri i organit suprem të Bashkimit Demokratik për Integrim (BDI), partisë më të madhe shqiptare në Maqedoninë e Veriut, dhe ka marrë një rol aktiv në çështjet politike dhe ligjore që kanë të bëjnë me të drejtat e komunitetit shqiptar.

TIRANË-  Një valë e papritur popullariteti është shkaktuar nga analisti politik dhe akademiku shqiptar nga Maqedonia e Veriut, Ylli Pacuku i cili është bërë viral në TikTok.

Media greke Protothema shkruan se, ai është anëtari më i ri i organit suprem të Bashkimit Demokratik për Integrim (BDI), partisë më të madhe shqiptare në Maqedoninë e Veriut, dhe ka marrë një rol aktiv në çështjet politike dhe ligjore që kanë të bëjnë me të drejtat e komunitetit shqiptar.

Ai mban gjithashtu pozicionin e Zëvendëspresidentit të Shoqatës Evropiane të Studentëve të Drejtësisë (ELSA) në Maqedoninë e Veriut. Edhe pse deri më tani ai njihej kryesisht për praninë e tij publike dhe aktivitetin shkencor, këtë herë interesi është drejtuar te pamja e tij, me shumë përdorues që e krahasojnë atë madje me një model.

Komentet në rrjetet sociale kanë qenë të zjarrta me shumë gra që e përshkruajnë atë si “ëndrra e çdo vajze”, “jashtëzakonisht simpatik”, ndërsa nuk mungojnë as referencat për “bukurinë e gjakut ilir”, me një ton krenarie. Në shumë postime, ai paraqitet si një kombinim i pamjes dhe inteligjencës, një fakt që e ka bërë atë një nga figurat më të diskutuara në skenën politike të Maqedonisë së Veriut./Dosja.al

Koalicioni shqiptar në RMV, VLEN ka reaguar ashpër ndaj një mesazhi të zbuluar të ministrit shqiptar Ferit Hoxha, duke e cilësuar atë një skandal të rëndë politik dhe diplomatik, pasi sipas tyre ai ka përdorur gjuhë përçmuese ndaj shqiptarëve në Maqedonia e Veriut, duke i quajtur “idiotë”.

Në reagimin zyrtar, VLEN thekson se një gjuhë e tillë është e papranueshme dhe fyese, duke treguar mungesë të theksuar të etikës dhe kulturës diplomatike. Sipas tyre, deklarata ngre pikëpyetje serioze mbi mënyrën se si një përfaqësues i shtetit shqiptar mund të shprehet me përçmim ndaj bashkëkombësve jashtë kufijve.

VLEN nënvizon se ky nuk mund të konsiderohet një incident i zakonshëm komunikimi, duke sjellë në vëmendje reagimet e shumta nga Shqipëria dhe Maqedonia e Veriut, përfshirë politikanë, gazetarë dhe qytetarë, të cilët e kanë dënuar gjuhën e përdorur si fyese dhe të papranueshme.

Sipas deklaratës, fshirja e mesazhit nga Hoxha nuk mjafton për të zhbërë dëmin e shkaktuar publikisht, ndërsa kërkohet një falje e qartë dhe publike. VLEN kritikon gjithashtu heshtjen e institucioneve zyrtare në Tiranë, duke theksuar mungesën e distancimit ndaj kësaj gjuhe.

VLEN thekson se kjo çështje nuk prek vetëm një subjekt politik, por një pjesë të gjerë të elektoratit shqiptar në Maqedoninë e Veriut, duke kujtuar se pas këtij subjekti qëndrojnë mijëra qytetarë nga të gjitha shtresat e shoqërisë.

Në përfundim, në reagim thuhet se shqiptarët në Maqedoninë e Veriut janë pjesë e pandashme e kombit shqiptar dhe çdo gjuhë përçmuese ndaj tyre përbën fyerje ndaj një pjese të rëndësishme të tij. VLEN kërkon që Ferit Hoxha të kërkojë të paktën falje publike për deklaratën e tij.

Reagimi i plotë i VLEN:

VLEN: Fshirja e postimit nuk mjafton, ministri Ferit Hoxha duhet të kërkojë falje publike
Mesazhi përçmues i ministrit të Shqipërisë, Ferit Hoxha, ndaj shqiptarëve të Maqedonisë së Veriut, duke i quajtur “idiotë”, përbën skandal të rëndë politik dhe diplomatik. Një gjuhë e tillë është e papranueshme, fyese dhe larg çdo etike. Ajo dëshmon mungesë të kulturës diplomatike dhe hap dilema serioze se si mund një përfaqësues i shtetit shqiptar të flasë me përçmim për shqiptarët këtej kufirit.
VLEN nuk mund ta trajtojë këtë rast si një incident të zakonshëm komunikimi. Reagimet e shumta nga Shqipëria, Maqedonia e Veriut, përfaqësues politikë, gazetarë, publicistë dhe qytetarë dëshmuan se kjo gjuhë u lexua ashtu siç ishte fyese, përçmuese dhe e papranueshme.
Pas kësaj, Hoxha e fshiu postimin, sikur me një klik mund të fshihej edhe ofendimi publik. Por fshirja e postimit nuk mjafton. Për një akt të tillë duhet falje publike. Edhe më shqetësuese është heshtja e Tiranës zyrtare. Asnjë distancim dhe asnjë fjalë për këtë gjuhë denigruese ndaj shqiptarëve të Maqedonisë së Veriut.
Mesazhi bëhet edhe më i rëndë nga fakti se në atë komunikim figuron edhe ambasadori i Shqipërisë në Shkup, Denion Meidani. Në vend që të dënohej një gjuhë e tillë, me të drejtë është krijuar përshtypja se Tirana zyrtare, përmes ambasadorit të saj, po vendoset në funksion të opozitës shqiptare në Maqedoninë e Veriut. Kjo është e papranueshme.
Kush përpiqet ta paraqesë këtë si ofendim vetëm ndaj VLEN-it, gabon rëndë. VLEN-in e kanë votuar dhjetëra mijëra shqiptarë. Pas VLEN-it qëndrojnë familje, intelektualë, punëtorë, pleq e të rinj, njerëz të ndershëm që kanë zgjedhur me votë rrugën e tyre politike.
Prandaj, ky nuk është vetëm sulm ndaj një subjekti politik, por përçmim ndaj një pjese të madhe të elektoratit shqiptar në Maqedoninë e Veriut. Shqiptarët e Maqedonisë së Veriut nuk janë periferi e kombit. Ata janë pjesë e pandashme e trungut shqiptar. Çdo gjuhë përçmuese ndaj tyre nuk prek vetëm një subjekt politik, por fyen një pjesë të gjallë të kombit shqiptar.
Ferit Hoxha duhet së paku të kërkojë falje publike. bw

Në një postim në Fabook, Besar Durmishi shprehet se fjalori i përdorur nga ministri Hoxha është zhgënjyes dhe i papërshtatshëm, teksa shton se presin reagim dhe sqarim urgjente nga Tirana zyrtare.

TIRANË- Ministri shqiptar i Ekonomisë në Maqedoninë e Veriut nga radhët e partisë BESA, ka reaguar pas publikimit të mesazhit të ministrit të jashtëm shqiptar, dhe komentit të bërë për shqiptarët e Maqedonisë së Veriut.

Në një postim në Fabook, Besar Durmishi shprehet se fjalori i përdorur nga ministri Hoxha është zhgënjyes dhe i papërshtatshëm, teksa shton se presin reagim dhe sqarim urgjente nga Tirana zyrtare. Ai thekson se, ministri Hoxha, duhet t’u kërkojë falje shqiptarëve të Maqedonisë së Veriut për ofendimet e thëna.

Postimi i plotë: 

“Zhgënjyes dhe i papranueshëm fjalori i Ministrit të Jashtëm të Shqipërisë, z. Ferit Hoxha, i cili i quan shqiptarët e Maqedonisë së Veriut “idiotë”.

Presim reagim dhe sqarim urgjent nga Tirana zyrtare, ndërsa Ministri Hoxha duhet t’u kërkojë falje shqiptarëve të Maqedonisë së Veriut për ofendimet e bëra. Kjo lloj gjuhe shkel çdo kodeks etik e profesional dhe është skandaloze për një përfaqësues shteti”, shkruan ai.

Më tej i kujton ministrit se ka obligim kushtetues të kujdeset për bashkëkombësit e vet që jetojnë jashtë kufijve të Shqipërisë dhe se shqiptarët e Maqedonisë së Veriut nuk janë fqinj, por pjesë e pandashme e trungut kombëtar.

“I kujtojmë z. Hoxha se e ka obligim kushtetues të kujdeset për bashkëkombasit e vet që jetojnë jashtë kufijve të Shqipërisë.

Shqiptarët e Maqedonisë së Veriut nuk janë fqinj nga projekti i dashur i Tiranës zyrtare Open Balkan, por pjesë e pandashme e trungut kombëtar.

Në të njëjtën kohë, zhgënjen edhe heshtja e ambasadorit shqiptar në Shkup, z. Denion Meidani, i cili në vend se të reagojë ndaj fjalorit të tillë, ka zgjedhur ta bëjë zëdhënësin e disa partive politike në Maqedoninë e Veriut”, e mbyll ai reagimin./Dosja.al

Partia opozitare Lidhja Social Demokrate e Maqedonisë (LSDM) deklaroi të enjten se ish-kryeministri i arratisur, Nikolla Gruevski, mund të jetë duke përgatitur një largim të ri nga Hungaria drejt Rusisë ose Bjellorusisë, duke akuzuar qeverinë aktuale të Shkupit për mosveprim të qëllimshëm, përcjell INA.

Sipas një njoftimi zyrtar të kësaj partie, ndryshimi i pritshëm i kursit politik në Budapest ka krijuar një urgjencë të re. Pas paralajmërimeve të liderit opozitar hungarez dhe kandidatit për kryeministër, Péter Magyar, se Hungaria nuk do të jetë më një strehë e sigurt për individët me precedentë penalë, shtetet e tjera kanë filluar të lëvizin. LSDM vuri në dukje se Polonia ka dërguar tashmë kërkesa zyrtare për ekstradimin e politikanëve të saj nga territori hungarez, ndërsa pretendon se qeveria e udhëhequr nga Hristijan Mickoski po e bllokon procesin për Gruevskin.

Sipas inteligjencës partiake të cituar në deklaratë, opsioni i Turqisë si vendstrehim i ardhshëm është përjashtuar, duke lënë si alternativa të vetme Moskën dhe Minskun. “Pyetja që shtrohet është çmimi që ai do të paguajë me paratë e qytetarëve maqedonas për këtë mbrojtje të re,” thuhet në kumtesë, ku shtohet se ekziston një rrezik real që ai t’i shpëtojë përfundimisht drejtësisë për shkak të vonesave nga Ministria e Drejtësisë.

Nikolla Gruevski, i cili udhëhoqi Maqedoninë e Veriut nga viti 2006 deri më 2016, u arratis drejt Hungarisë në vitin 2018 për t’i shpëtuar vuajtjes së dënimit me burg për korrupsion dhe shpërdorim detyre. Ai mori azil politik nën qeverinë e Viktor Orbanit, një aleat i ngushtë ideologjik. Megjithatë, presioni i brendshëm politik në Hungari dhe ardhja në pushtet e pasardhësit të tij partiak në Shkup, Hristijan Mickoski, kanë krijuar një dinamikë të re komplekse. Edhe pse Mickoski dhe VMRO-DPMNE kanë rrënjë të përbashkëta me Gruevskin, marrëdhëniet e tyre janë ftohur publikisht, ndonëse opozita insiston se ekziston një marrëveshje e fshehtë për të parandaluar ekstradimin e tij që do të shkaktonte “trazira politike” brenda strukturave të pushtetit. (INA)

Qindra studentë shqiptarë në Shkup, kanë dalë sot për të protestuar pasi u mohohet e drejta për të dhënë provimin e jurisprudencës edhe në gjuhën shqipe krahas asaj maqedonase.

Para ministrisë së Drejtësisë ata kanë bërë thirrje për dorëheqjen e kryeministrit Hristijan Mickoski dhe ministrit të Drejtësisë Igor Filkov.

Të shumta kanë qenë edhe pankartat që ata mbanin në duar, ndër të cilat thuhej: “Respekto ligjin për gjuhët!”; “STOP diskriminimit institucional”; “Mos mohoni një të drejtë të fituar”; “Ligji për gjuhët është i qartë”, e të tjera.

Studentët theksuan se gjuha shqipe është identiteti i tyre dhe se ata nuk do të lejojnë që shqipja të trajtohet si opsion.

“Kjo është gjuha jonë, identiteti ynë. Ne jemi student të drejtësisë që nesër do të mbrojmë ligjin, dhe sot jemi këtu për të përdorur diçka që ligji tashmë e njeh. Jemi këtu për të drejtën tonë. Gjuha është historia.

Sot jemi të bashkuar dhe nuk do lejojmë që shqipja të trajtohet si opsion, sepse nuk është opsion por identitet. Nuk ka shtet të së drejtës pa respekt për gjuhën. Ky është amaneti i atyre para nesh, dhe porosia për ata që do të vijnë pas nesh. Shqipja nuk negociohet”, u shpreh një prej studentëve. gsh

Turqia ka zbuluar publikisht raketën e saj të re balistike ndërkontinentale, “Yildirimhan” për herë të parë në ekspozitën ndërkombëtare të industrisë së mbrojtjes SAHA 2026 në Stamboll.

Kjo shënon një hap tjetër në zhvillimin e aftësive strategjike të sulmit me rreze të gjatë veprimi të vendit. Raketa u zhvillua nga Qendra e Kërkimit dhe Zhvillimit e Ministrisë së Mbrojtjes Turke dhe sipas të dhënave të paraqitura në ekspozitë, mund të arrijë shpejtësi deri në Mach 25 (rreth 8.5 kilometra në sekondë) dhe ka një rreze veprimi deri në 6,000 kilometra.

Zbulimi i Yildirimhan vjen në një kohë kur Ankaraja po përshpejton investimet në industrinë e saj të brendshme të mbrojtjes, me një fokus të veçantë në zhvillimin e sistemeve të raketave me rreze të gjatë veprimi, platformave pa pilot dhe teknologjive hapësinore. bw

Banorë të Sarajevës duke u fshehur nga zjarri i snajperëve, 1993.

Familjarët zemërthyer, të afërmit, bashkëmoshatarët dhe qytetarët e shumtë po i japin lamtumirën e fundit Enea Muçaj, 12 vjeç dhe Klersi Nikolli, 10 vjeç.

DURRËS- Dy vogëlushët që humbën jetën në aksidentin tragjik të ditës së djeshme në Durrës, po përcillen për në banesën e fundit. Pamjet e shfaqura përmes fotos, tregojnë momente pikëllimi, dhimbje të pafund dhe lotësh.

Familjarët zemërthyer, të afërmit, bashkëmoshatarët dhe qytetarët e shumtë po i japin lamtumirën e fundit Enea Muçaj, 12 vjeç dhe Klersi Nikolli, 10 vjeç. Me lule e kurora në duar, familjarë ndjekin të përlotur makinën e funeralit.

Si ndodhi ngjarja e rëndë?

Aksidenti i rëndë u shënua mesditën e 3 majit në zonën e ish-kënetës në Durrës, ku Nikoll Radaçi, teksa drejtonte automjetin tip “Mercedes-Benz ML” me shpejtësi të lartë, përplasi tre fëmijët të moshave 8, 10 dhe 12 vjeç, që ndodheshin në trotuar. Dy prej tyre, 10 dhe 12 vjeçari, ndërruan jetë në vendngjarje, ndërsa 8-vjeçari u dërgua në gjendje të rëndë në spital.

Radaçi rezultoi në gjendje të dehur në momentin e aksidentit. Pas aksidentit, drejtuesi i automjetit është larguar nga vendi i ngjarjes, duke pretenduar se kishte frikë nga reagimi i qytetarëve. Ndërkohë që nga testet e alkoolit është zbuluar se 57-vjeçari drejtonte mjetin në gjendje të dehur, me nivel 0.73 mg/l. Kjo nuk është hera e parë që 57-vjeçari ecte në gjendje të dehur në makinë dhe me shpejtësi. Më parë atij i është pezulluar dy herë patenta në vitin 2020 dhe 2022./Dosja.al

Një tubacion i ri gazi duhet ta lidhë Bosnjën qendrore me rrjetin kroat të gazit dhe terminalin e gazit të lëngshëm natyror në ishullin kroat të Kërkut.

Le të shohim si matematika bëhet armik i mitit serb. Sepse po të mbaheshin ndonjëherë lojëra olimpike në gënjeshtër, medalja e artë, pa asnjë konkurrencë, do t’i takonte Serbisë.

Sidomos për temën e Kosovës legjendare.

Por nuk na duhen emocione as retorikë. Na duhen vetëm numrat.

Llogaritja – nga 1389 deri në 2026

Ta marrim periudhën e kufizuar që edhe vetë serbët pëlqejnë ta citojnë, nga Beteja e famshme e Kosovës në vitin 1389 e deri sot, në vitin 2026.

2026 − 1389 = 637 vite

Ky është korniza e përgjithshme kohore me të cilën operohet kur flitet për “Kosovën serbe”.

Tani ta shtrojmë pyetjen e vërtetë:

Sa nga këto 637 vite Kosova ka qenë realisht nën pushtetin e Serbisë?

Matematika e vërtetë

Serbia formalisht mori pushtetin mbi Kosovën në vitin 1912 dhe atë me forcë, përmes armëve, e jo me të drejtë.

Ai pushtet zgjati deri në vitin 1999, kur Kosova doli nga administrimi serb.

1999 − 1912 = 87 vite.

Pra, gjithsej vetëm 87 vite.

Përkundër kësaj, në 550 vitet e mbetura Kosova ishte nën të tjerët.

E megjithatë, logjika serbe pretendon se numri 87 është më i madh se numri 550.

Ja rekordi olimpik në matematikën mitomane.

Konteksti që heshtet

Të kthehemi në vitin 1878 dhe Kongresin e Berlinit, kur Serbia për herë të parë në histori u njoh ndërkombëtarisht si shtet. Me kufij që shtriheshin nga Beogradi deri në Vranjë.

Për Kosovën asnjë gjurmë. Asnjë përmendje.

Kosova u përvetësua vetëm në vitin 1912 – po atë vit kur Shqipëria u njoh ndërkombëtarisht si shtet i pavarur.

Rastësi? Vështirë.

Pyetja kyçe

Mbi çfarë baze Kosova ka qenë ndonjëherë “serbe”, kur Serbia nga të gjithë pushtuesit e ka mbajtur më së shkurtri dhe vetëm me pushkë e ka marrë?

Nëse nga ato 87 vite e zbresim periudhën e Jugosllavisë së Titos (45 vite), në të cilën Kosova nuk ishte nën Serbi por nën administrim federal — del se Serbia ka qeverisur Kosovën në mënyrë të pavarur vetëm rreth 42 vite.

Tani një postskriptum spektakolar për kishat dhe manastiret

Tregimet për kishat ortodokse dhe manastiret si “provë e Kosovës serbe” paraqesin një mashtrim të rëndë historik.

Këto objekte sakrale, si edhe ato në Mal të Zi, nuk janë dëshmi e një serbizmi fantomik.

Ato janë dëshmi e ortodoksisë.

Dhe ortodoksia nuk është shpikje serbe. Atë e kanë besuar edhe më herët dhe më thellë:

Bullgarët, grekët, maqedonasit, rumunët, malazezët…

Kisha nuk dëshmon se e kujt është toka. Dëshmon vetëm se e kujt ka qenë feja.

Prandaj ky tekst do të shkaktojë shumë polemika, por jo te ata që e duan historinë, por te ata që e duan mitin.

Te ata të cilëve faktet dhe matematika thjesht nuk u pëlqejnë.

Burimi:

Aktuelno, datë 30 prill 2026

Humbja e Orbanit në zgjedhje, i hapi rrugën një kapitulli të ri politik në Hungari nën drejtimin e Peter Magyar. Por, paralelisht me ndryshimin e pushtetit, raportohet për një “garë” të shpejtë nga rrethi i ngushtë i Orbanit për të transferuar pasuritë jashtë vendit.

Sipas burimeve të cituara nga mediat ndërkombëtare, avionë privatë po nisen nga Vjena, ndërsa individë të lidhur me partinë Fidesz po zhvendosin asetet e tyre drejt vendeve si Arabia Saudite, Omani dhe Emiratet e Bashkuara Arabe, si dhe në destinacione më të largëta si Australia dhe Singapori.

Që nga ardhja në pushtet e Orbanit në vitin 2010, një rreth i vogël bashkëpunëtorësh të afërt me të ka grumbulluar pasuri të mëdha, pjesërisht falë kontrollit në rritje mbi ekonominë dhe kontratave publike të financuara nga Bashkimi Evropian.

Kryeministri i ardhshëm, Peter Magyar, ka ngritur alarmin, duke akuzuar persona të lidhur me Fidesz se po përpiqen të mbrojnë pasuritë e tyre nga llogaridhënia përpara se qeveria e tij të marrë detyrën në fillim të majit.

“Oligarkët e lidhur me Orbanin po transferojnë dhjetëra miliarda forinta jashtë vendit”, ka deklaruar ai, duke u bërë thirrje institucioneve të drejtësisë të ndërhyjnë dhe të mos lejojnë largimin e personave të dyshuar drejt vendeve ku ekstradimi është i vështirë.

Mes emrave të përmendur është edhe familja e Lorinc Meszaros, një nga aleatët më të afërt të Orbanit dhe një prej njerëzve më të pasur në Hungari, pasuri e cila, sipas kritikëve, është rritur ndjeshëm përmes kontratave publike.

Raportimet flasin gjithashtu për familje oligarkësh që kanë nisur të largohen nga vendi, duke tërhequr edhe fëmijët nga shkollat dhe duke organizuar masa sigurie për largimin e tyre.

Ndërkohë, media investigative hungareze paralajmërojnë se përpjekjet për rikuperimin e pasurive të dyshuara si të përfituara në mënyrë të paligjshme mund të zgjasin me vite.

Magyar ka premtuar një luftë të fortë kundër korrupsionit dhe klientelizmit, duke deklaruar se Hungaria është përballur me “plaçkitje dhe degradim” gjatë viteve të fundit.

Nga ana tjetër, akuzat për shkatërrim provash gjatë javëve të fundit të qeverisjes së Orbanit janë hedhur poshtë nga zyrtarët aktualë si të pabaza.

Pas humbjes, Orban ka bërë të ditur se nuk do të marrë mandatin parlamentar, por synon të mbetet në krye të Fidesz për të udhëhequr një proces “rinovimi”.

Raportohet gjithashtu se ai mund të udhëtojë drejt Shtetet e Bashkuara në javët në vijim, ndërsa disa figura të lidhura me Fidesz po aplikojnë për viza pune atje, duke synuar të lidhen me rrjete pranë Partisë Republikane dhe lëvizjes MAGA. gsh

Presidenti kroat Zoran Millanoviq deklaroi se Kroacia “nuk ka armiq përveç Serbisë”, me të cilën marrëdhëniet nuk janë të harmonizuara, dhe se Zagrebi nga ana e tij “po bën gjithçka që mundet” për përmirësimin e marrëdhënieve.

“Kroacia, në fakt, nuk ka armiq, ka vetëm Serbinë me të cilën nuk po arrin dot të harmonizojë marrëdhëniet”, deklaroi Millanoviq në një seancë solemne me rastin e Ditës së Qarkut Krapina-Zagorje.

Do të ishte shumë mirë, siç tha ai, sikur kjo të ishte e mundur, por nuk është e mundur dhe “për këtë vërtet nuk shoh fajtorë në Kroaci”.

“Ne po bëjmë nga ana jonë gjithçka që mundemi”, tha ai, duke theksuar veçanërisht se Kroacia duhet të jetë shumë e kujdesshme nëse tërhiqet, qoftë me plan, qoftë nga inercia, në ndonjë armiqësi të re globale me disa shtete.

“Nuk duam përplasje, nuk duam konflikt. A kemi të drejtë për një lloj të tillë të politikës së jashtme? Nevoja jonë ekzistenciale është të jemi zot në vendin tonë, por jo me portofol në xhep – sepse sot askush nuk mban më para në xhep, por me mendjen tonë dhe me gjykimet tona se çfarë është e mirë për ne dhe çfarë nuk është”, theksoi Millanoviq.

Duke folur për Bashkimin Evropian, Millanoviq theksoi se blloku kryesisht prodhon ushqim vetë dhe kështu siguron nevojat e veta.

“Bashkimi Evropian është një projekt paqeje dhe sigurie, jo një projekt lufte, në të cilin po shndërrohet dita-ditës, ndërsa jemi ulur këtu”, tha presidenti kroat.

Ai theksoi se “ka një sërë përpjekjesh për të armatosur BE-në, dhe ky nuk është më një projekt paqeje”.

“Ne jemi pjesë e një shoqërie ku po hartohen plane të mëdha, në mendimin strategjik të së cilës ne pothuajse nuk mund të marrim pjesë. Jemi shumë të vegjël, por ato na prekin shumë”, tha ai.

“Gjermania ka 250.000 ushtarë, ndërsa cila është perspektiva që të ketë një milion? Shumë e vogël, pothuajse aspak, duke pasur parasysh kulturën dhe rendin juridik të Gjermanisë. Njerëzit nuk duan të shkojnë në ushtri”, shtoi ai.

“Cilat janë shanset që Kroacia, me 17.000 ushtarë në letër dhe 13.000 në realitet, të arrijë në 50.000 me rezervë, që është minimumi minimal për të filluar planifikimin e një vizioni mbrojtës? Cilat janë shanset për këtë? Më të vogla se të voglat”, vlerësoi Millanoviq. syri,net

Qeveria e re e Hungarisë do të hapë arkivat historike të policisë së saj sekrete të epokës komuniste, sipas njeriut që do të drejtojë zyrën e Peter Magyar, fituesit të zgjedhjeve parlamentare të këtij muaji , i cili pritet të bëhet kryeministër më 9 maj.

Partia hungareze e qendrës së djathtë, Tisza, mundi partinë Fidesz të liderit veteran Viktor Orban më 12 prill, me premtimet për ta rikthyer Hungarinë në një kurs pro-evropian, për të ringjallur një ekonomi në agoni dhe për të siguruar lirimin e miliarda eurove nga fondet e ngrira të Bashkimit Evropian.

Balint Ruff, i konfirmuar nga Hungaria të mërkurën si kandidati i tij për të drejtuar zyrën e kryeministrit, i tha faqes së lajmeve Valasz Online se hapja e arkivave të policisë sekrete do të ishte “detyra e tij numër një”.

“Kjo është një detyrë për historianët, por unë do të jem në gjendje të sigurohem që qeveria e ardhshme të ofrojë një kornizë për këtë, domethënë, që do të ofrojë mundësinë për të bërë kërkime pa presion politik”, tha Ruff, një avokat dhe këshilltar politik.

Ndryshe nga Polonia ose Republika Çeke, Hungaria nuk i ka zbuluar kurrë zyrtarisht emrat e bashkëpunëtorëve të policisë sekrete të epokës komuniste, megjithëse me kalimin e viteve disa emra janë përfolur në media.

Individët mund të hyjnë në dosjet e tyre, por jo, për shembull, në materialet rreth të tjerëve, duke përfshirë informatorët e mëparshëm.

Historiani Krisztian Ungvary, një mbështetës i zëshëm i transparencës së plotë, tha në një leksion të vitit 2023 se, ndërsa “e kaluara e figurave publike nuk është publike, ata do të jenë vazhdimisht të prekshëm nga shantazhet nga ata që kanë qasje në informacion rreth së kaluarës së tyre”.

Ruff tha se synonte të krijonte një zyrë për të rikuperuar miliarda forinta të humbura për shkak të korrupsionit dhe gjithashtu do të mbikëqyrte çështjet e BE-së në mënyrë që hungarezët të mund të mbikëqyrin nga afër punën për zhbllokimin e fondeve të BE-së. bw

Administrata e Presidentit Donald Trump ka publikuar një seri dokumentesh dhe videosh të deklasifikuara mbi Fenomenet Anomale të Paidentifikuara (UAP), të njohura ndryshe si UFO, në atë që po cilësohet si një nga hapat më të mëdhenj drejt transparencës mbi fenomenet jashtëtokësore.

Shtëpia e Bardhë deklaroi se materialet e publikuara përfshijnë video, fotografi dhe dokumente origjinale të mbledhura nga institucione të ndryshme amerikane, pa pasur nevojë për autorizime speciale sigurie.

“Ndërsa administratat e kaluara u përpoqën të diskreditonin ose të dekurajonin popullin amerikan, Presidenti Trump është i përqendruar në ofrimin e transparencës maksimale për publikun, i cili në fund të fundit mund të vendosë vetë në lidhje me informacionin që përmbajnë këto dosje”, thuhet në deklaratën e Shtëpisë së Bardhë për Fox News.

Publikimi është bërë në kuadër të programit “PURSUE”, i krijuar nga Trump për deklasifikimin e informacioneve mbi takimet me UAP.

Mes materialeve të publikuara ndodhen edhe fotografi të realizuara gjatë misioneve hapësinore Apollo 12 dhe Apollo 17, ku shfaqen objekte të pazakonta në hapësirë. Një prej fotove të marra nga sipërfaqja e Hënës tregon tre pika misterioze në qiell.

Në dokumente përfshihen edhe transkripte komunikimesh mes astronautëve të Apollo 17 dhe qendrës së komandës, ku përshkruhen “grimca të ndritshme” dhe “fragmente me forma të çrregullta” që lëviznin pranë mjetit hapësinor.

Po ashtu, FBI publikoi fotografi të Vitit të Ri 1999, ku në të njëjtën pamje me avionë amerikanë shfaqen edhe objekte të tjera të paidentifikuara.

Pak muaj më parë, Trump reagoi edhe ndaj deklaratave të ish-presidentit Barack Obama, i cili kishte folur për ekzistencën e alienëve në një intervistë për një podkast.

“Ai zbuloi informacion të klasifikuar. Nuk duhej ta bënte këtë”, deklaroi Trump.

Më pas, përmes një postimi në Truth Social, presidenti amerikan njoftoi nisjen e procesit për deklasifikimin e dosjeve që lidhen me alienët, UFO-t dhe fenomenet ajrore të paidentifikuara.

“Nisur nga interesi i jashtëzakonshëm, do të udhëzoj Sekretarin e Luftës dhe departamentet e agjencitë përkatëse që të nisin procesin e identifikimit dhe publikimit të dosjeve qeveritare që lidhen me jetën aliene dhe jashtëtokësore, fenomenet ajrore të paidentifikuara (UAP), objektet fluturuese të paidentifikuara (UFO), si dhe çdo informacion tjetër të lidhur me këto çështje tepër komplekse, por jashtëzakonisht interesante dhe të rëndësishme. ZOTI E BEKOFTË AMERIKËN!”, shkroi ai.

Publikimi është përshëndetur nga drejtues të institucioneve amerikane, të cilët e kanë cilësuar si një moment historik për transparencën.

Sekretari i Luftës, Pete Hegseth, deklaroi se “ka ardhur koha që populli amerikan t’i shohë vetë këto dosje”, ndërsa Drejtoresha e Inteligjencës Kombëtare, Tulsi Gabbard, tha se ky është vetëm fillimi i një procesi më të gjerë deklasifikimi.

“Departamenti i Luftës është plotësisht në një linjë me Presidentin Trump për të sjellë transparencë mbi kuptimin që qeveria jonë ka për Fenomenet Anomale të Paidentifikuara. Këto dosje, të fshehura për vite pas klasifikimeve sekrete, kanë ushqyer prej kohësh spekulime të justifikuara dhe ka ardhur koha që populli amerikan t’i shohë vetë. Ky publikim i dokumenteve të deklasifikuara dëshmon angazhimin serioz të administratës Trump për transparencë të paprecedentë”, Pete Hegseth.

Edhe drejtori i FBI-së, Kash Patel, e quajti publikimin “një nivel transparence që asnjë administratë e mëparshme nuk e ka ofruar”.

Nga ana tjetër, administratori i NASA-s, Jared Isaacman, tha se agjencia do të vazhdojë të ndjekë të dhënat shkencore dhe të jetë transparente për çdo zbulim që lidhet me fenomenet e panjohura në univers.

“Përgëzoj përpjekjen e Presidentit Trump në nivel të gjithë qeverisë për të sjellë më shumë transparencë për popullin amerikan mbi fenomenet anomale të paidentifikuara. Në NASA, detyra jonë është të përdorim mendjet më të ndritura dhe instrumentet më të avancuara shkencore, të ndjekim të dhënat dhe të ndajmë atë që mësojmë.

Do të vazhdojmë të jemi të sinqertë për atë që dimë se është e vërtetë, për atë që ende nuk e kuptojmë dhe për gjithçka që mbetet për t’u zbuluar. Eksplorimi dhe kërkimi i dijes janë në thelb të misionit të NASA-s, ndërsa përpiqemi të zbulojmë sekretet e universit”, tha Jared Isaacman. Panorama

Ekspertja e Ballkanit dhe analistja amerikane, Ivana Stradner ka reaguar në X rreth afrimit të disa think-tank-erve apo politikbërësave Amerikanë me regjmin serb. Po e sjellim të plotë reagimin e Stradner si më poshtë:

“Është e neveritshme të shikosh ekspertët dhe politikëbërësit amerikanë që i afrohen regjimit serb… duke shitur integritetin e tyre për një udhëtim, ndërkohë që hanë e darkojnë. Regjimi serb di si t’i mashtrojë. Gjithmonë qëndroni larg njerëzve të ndikueshëm në Uashington – ata janë përgjegjës.”

Sekretari amerikan i Shtetit, Marco Rubio, deklaroi se “Operacioni Epic Fury”, ofensiva fillestare e përbashkët SHBA-Izrael kundër Iranit, ka përfunduar dhe i ka arritur objektivat e saj.

Gjatë një konference për shtyp nga Shtëpia e Bardhë, Rubio theksoi se faza ofensive e konfliktit me Iranin tashmë konsiderohet e mbyllur.

“Operacioni Epic Fury ka përfunduar. Ne i arritëm objektivat e atij operacioni”, u shpreh ai, duke shtuar se tashmë fokusi i administratës amerikane ka kaluar drejt rrugës diplomatike.

Sipas tij, presidenti Donald Trump preferon arritjen e një marrëveshjeje me Iranin, e cila mund të përfshijë edhe një memorandum mirëkuptimi për rihapjen e plotë të Ngushticës së Hormuzit.

“Kjo është rruga që ai preferon. Deri më tani kjo nuk është rruga që Irani ka zgjedhur”, theksoi Rubio.

Deklaratat vijnë në një moment tensioni të lartë në rajon, ndërsa zhvillimet e fundit sinjalizojnë një përpjekje për të kaluar nga përshkallëzimi ushtarak drejt një zgjidhjeje përmes negociatave. syri.net

———

Trump shkarkon Richard Grenell, lobistin kryesor për Vuçiçin e Serbisë

Lëvizja pritet të finalizohet gjatë një takimi të bordit në Shtëpinë e Bardhë. Presidenti i SHBA-së, Donald Trump, e ka shkarkuar Richard Grenell nga roli i tij mbikëqyrës i ndryshimeve të mëdha në Qendrën për Artet Performuese John F. Kennedy, duke e zëvendësuar atë me Matt Flocka. Lëvizja pritet të finalizohet gjatë një takimi të bordit në Shtëpinë e Bardhë.

Trump njoftoi vendimin në mediat sociale përpara mbylljes së planifikuar të qendrës kulturore gjatë verës për rinovime. Ai vlerësoi punën e Grenell gjatë periudhës së tranzicionit, duke shkruar:

“Rich Grenell bëri një punë të shkëlqyer duke ndihmuar në koordinimin e elementëve të ndryshëm të Qendrës gjatë periudhës së tranzicionit dhe dua ta falënderoj për punën e jashtëzakonshme që bëri. Kur Qendra ‘TRUMP KENNEDY’ të përfundojë, ajo do të jetë objekti më i mirë i këtij lloji në botë.”

Grenell kishte qenë një figurë qendrore në përpjekjet e Trump për të riparuar Qendrën Kennedy pas kthimit në detyrë. Projekti u bë pjesë e fushatës më të gjerë të presidentit kundër asaj që ai e quan “kulturë e zgjuar”. Trump zëvendësoi udhëheqjen e mëparshme me një bord të zgjedhur me kujdes që votoi për të riemëruar kompleksin në “Qendra Trump Kennedy”, një veprim që kritikët thonë se duhet të kërkojë miratimin e Kongresit. Emri i Trump u shtua së fundmi në fasadën e ndërtesës.

Transformimi shkaktoi reagime të forta nga komuniteti i arteve. Prodhime të tilla si muzikali Hamilton anuluan shfaqjet, ndërsa aktorja Issa Rae dhe autorja Louise Penny u tërhoqën nga projektet në vend. Konsulentët, përfshirë muzikantin Ben Folds dhe sopranon Renée Fleming, gjithashtu dhanë dorëheqjen.

Grenell ka qenë prej kohësh një këshilltar i shquar republikan për politikën e jashtme. Gjatë mandatit të parë të Trump, ai shërbeu si ambasador i SHBA-së në Gjermani dhe si i dërguar presidencial për negociatat midis Serbisë dhe Kosovës. Ai më vonë u bë drejtor në detyrë i inteligjencës kombëtare dhe dikur u konsiderua si kandidat për sekretar shteti përpara se roli t’i shkonte përfundimisht Marco Rubio.

Në Ballkan, Grenell shihej gjerësisht si një mbështetës i fortë i Presidentit serb Aleksandar Vuçiç. Udhëheqësit në Beograd dhe Shkup shpesh mbështeteshin në aksesin e tij në Shtëpinë e Bardhë. Vuçiç dhe kryeministri i Maqedonisë së Veriut madje publikuan foto me të gjatë Konferencës së Sigurisë në Mynih në fillim të këtij viti.

Raportet në gazetën britanike “Daily Mail” më parë pretenduan se Grenell ishte i lidhur me një siklet diplomatik gjatë vizitës së Vuçiç në Florida vitin e kaluar, kur udhëheqësi serb thuhet se u largua pa u takuar me Trump. Burimet sugjeruan se shefja e stafit të Trump, Susie Wiles, bllokoi takimin, duke sinjalizuar se Grenell nuk kishte më liri të plotë për të vepruar në mënyrë të pavarur. Zyrtarët serbë në atë kohë thanë se Vuçiç e ndërpreu vizitën për arsye shëndetësore.

Diplomatët thonë se iniciativat e Grenell përfshinin edhe interesa biznesi. Një nga më të rëndësishmet ishte partneriteti i tij me Affinity Partners, kompania e investimeve e Jared Kushner. Grenell ndihmoi në fillimin e një projekti të propozuar prej 500 milionë dollarësh për një hotel luksoz dhe kompleks memorial në qendër të Beogradit, i cili më vonë u shemb për shkak të një skandali korrupsioni.

Vuçiç e ka përshkruar vazhdimisht Grenell si “një mik të Serbisë dhe një ekspert të mirë në rajon”. Më 25 tetor 2023, presidenti serb i dha atij Urdhrin e Flamurit Serb në Beograd.

Udhëheqësit politikë në rajon theksuan gjithashtu lidhjet e tyre me të. Kryeministri i Maqedonisë së Veriut, i konsideruar i afërt si me Vuçiçin ashtu edhe me udhëheqësin hungarez Viktor Orbán, tha pas takimit me Grenell në Mynih se ata kishin zhvilluar “një takim shumë produktiv dhe një diskutim të shkëlqyer”, ndërsa ndërtuan “një partneritet të bazuar në respekt të ndërsjellë, bashkëpunim ekonomik dhe një angazhim të përbashkët për paqe dhe stabilitet”. | BGNES

https://www.bgnes.com/no-filter/trump-dismisses-richard-grenell-key-lobbyist-for-serbia-s-vu-i

Prokurorja në Uashington ka publikuar një video që tregon Cole Allen duke qëlluar ndaj agjentëve të Shërbimit Sekret të SHBA-së, gjatë përpjekjes së tij për t’iu afruar dhe për të vrarë presidentin Donald Trump në darkën e korrespondentëve të Shtëpisë së Bardhë.

Pamjet, të regjistruara në hotelin Washington Hilton që priti aktivitetin të shtunën e kaluar, tregojnë autorin 31-vjeçar duke shkelur masat e sigurisë dhe duke vrapuar në korridore me armë në dorë.

Në video përfshihen edhe fragmente të tjera ku Allen shihet duke lëvizur brenda hotelit një ditë para të shtënave.

Në një moment, ai depërton përmes pikës së kontrollit të sigurisë duke qëlluar një agjent të Shërbimit Sekret që ndodhej në anën e djathtë të tij.

Agjenti i qëlluar kundërpërgjigjet me armë ndërsa më pas bie në tokë, pasi u plagos në gjoks, por shpëtoi falë jelekut antiplumb.

Forca të tjera të sigurisë hapën menjëherë zjarr në drejtim të Allen, ndërsa ai vazhdonte të vraponte drejt sallës së pritjeve, ku ndodheshin Trump, bashkëshortja e tij, zëvendëspresidenti Vance dhe zyrtarë të tjerë.

Sipas Fox, prokurorët ishin përgatitur të paraqisnin videon gjatë seancës për masën e sigurisë të enjten në mëngjes, për të provuar se Allen përbën rrezik për komunitetin. Megjithatë, mbrojtja ndryshoi strategji dhe pranoi paraburgimin e tij.

Cole Allen përballet me tre akuza federale: tentativë për vrasjen e presidentit, transportim të një arme zjarri përtej kufijve të shtetit dhe përdorim të armës gjatë një akti kriminal. Nëse shpallet fajtor, ai mund të dënohet deri me burgim të përjetshëm. Panorama

Vetëm pak ditë pas letrës së deputetes së PD Jorida Tabaku për situatën e parlamentit dhe procesit të integrimit në Shqipëri, kryetari i Komisionit të Jashtëm të Parlamentit Europian, David McAllister, i ka kërkuar zyrtarisht Komisionit Europian sqarime për hapësirën e opozitës dhe funksionimin demokratik të institucioneve në vend.

Në një letër drejtuar Komisioneres për Zgjerimin Marta Kos, McAllister ngre shqetësimet e përcjella nga Tabaku për përjashtimin e opozitës nga procesi i integrimit, mungesën e transparencës dhe kufizimin e rolit kontrollues të parlamentit shqiptar.

Kreu i Komisionit të Jashtëm të Parlamentit Europian thekson se sipas shqetësimeve të ngritura nga Tabaku, opozita, shoqëria civile dhe publiku janë të përjashtuar nga informacioni mbi negociatat dhe procesin e anëtarësimit të Shqipërisë në Bashkimin Europian. Ai kërkon nga Komisioni Europian një vlerësim të qartë mbi bashkëpunimin mes qeverisë dhe opozitës në Shqipëri, si edhe mënyrën se si mund të garantohet roli kushtetues i opozitës si institucion kontrolli demokratik.

Në letrën e tij, McAllister paralajmëron se një proces integrimi i dominuar vetëm nga ekzekutivi dhe që përjashton opozitën rrezikon të dëmtojë standardet demokratike dhe vetë besueshmërinë e procesit të zgjerimit të Bashkimit Europian. Ai nënvizon se Shqipëria, si një vend që konsiderohet “frontrunner” në procesin e integrimit, duhet të ndjekë një proces të bazuar tek merita, integriteti institucional dhe standardet demokratike europiane.

Ndërkohë këtë të premte mazhoranca ka mbledhur Këshillin e Integrimit Evropian pa pjesëmarrjen e opozitës, teksa kjo e fundit nuk është thirrur për të qenë pjesë e panelit të diskutimeve. syri.net

Letra e Tabakut

Rexhep Ismaili, 66-vjeçari i cili një ditë më parë u ekzekutua me armë zjarri në ambientet e lokalit të tij ka qenë edhe pjesë e strukturave drejtuese të Partisë Demokratike në Sarandë.

Deputetja e këtij qarku, Ina Zhupa shprehet e tronditur për ngjarjen, ndërsa thotë se PD  humbi një drejtues të strukturave të saj, një kontributor të palodhur dhe një bashkëpunëtor të vyer.

Zhupa shkruan se Rexhepi drejtonte gjithashtu shoqatën “Çamëria” dhe ishte një zë i fortë në mbrojtje të kauzave kombëtare.

Ligjvënësja demokrate pret nga policia dhe institucionet përgjegjese që të zbardhin ngjarjen, ndërsa autorët e krimit të vendosen para drejtësisë.

“E tronditur thellë nga lajmi për vrasjen e Rexhep Ismailit. Një njeri me vlera dhe një patriot i përkushtuar.

Partia Demokratike humbi një drejtues të strukturave të saj, një kontributor të palodhur dhe një bashkëpunëtor të vyer. Rexhepi drejtonte gjithashtu shoqatën “Çamëria” dhe ishte një zë i fortë në mbrojtje të kauzave kombëtare.

Kjo ngjarje e rëndë ka sjellë dhimbje dhe tronditje te të gjithë ne që e njohëm.

Pres që institucionet ligjzbatuese, Policia e Shtetit dhe Prokuroria, të veprojnë me përgjegjësi të plotë për zbardhjen sa më të shpejtë të kësaj vrasjeje dhe vendosjen e autorëve përpara drejtësisë.

Ngushëllimet më të sinqerta familjes, të afërmve dhe gjithë atyre që e njohën dhe e vlerësuan Rexhep Ismailin. U prehtë në paqe”, shkruan Ina Zhupa. Panorama

Gjykata e Lartë ndryshon masën e sigurisë ndaj ish-drejtoreshës së AKSHI-t, Mirlinda Karçanaj dhe lë në fuqi dy masat e Apelit të GJKKO-së për dy të pandehurit e tjerë, Erjon Ismaili dhe Gëzim Hoxha.

Masa ndaj ish-zyrtares së pandehur nga SPAK është kthyer në detyrim paraqitjeje dhe mosdalje nga shteti, duke iu sekuestruar pasaporta.

Më herët Karçanaj ka qenë me masën arrest shtëpiak të vendosur nga dy shkallët e GJKKO-së, por pas rekursit të palës mbrojtëse u pranua ndryshimi vetëm për ish-drejtoreshën dhe urdhërohet të paraqitet në Policinë Gjyqësore çdo të martë të parë dhe të tretë të muajit.

Ndaj Karçanajt janë ngritur akuzat për “shkelje e barazisë së pjesëmarrësve në tendera apo ankande publike” e kryer në formën e veçantë të bashkëpunimit, atë të grupit të strukturuar kriminal dhe “grup i strukturuar kriminal”, “kryerje e veprave penale nga organizata kriminale dhe grup i strukturuar kriminal”.

Rekursi u bë më 16 prill në GJL, me relator Genti Shalën. Të pandehur në dosje janë edhe biznesmenët e kërkuar Ergys Agasi dhe Ermal Beqiraj. SPAK u ka sekuestruar edhe 40 mln euro pasuri të dyshuarve, mes tyre miliona euro dyshohet se i përkasin Karçanajt, me llogari bankare dhe vila apo apartamente.

Mirlinda Karçanaj, drejtoresha jetëgjatë e Agjencisë Kombëtare të Shoqërisë së Informacionit dhe personi që ka menaxhuar qindramilionë euro nga taksat e qytetarëve, u mor e pandehur dhe u vendos nën masën e sigurisë arrest shtëpie, bashkë me zëvendësdrejtoreshën Hava Delibashi, masa e kësaj të fundit u ndryshua dhe ndaj sa u caktua masat “detyrim për paraqitje” dhe “ndalim për të dalë jashtë vendit”.

Tre biznesmenë, Andis Papa, Gëzim Hoxha e Rogers Rryta, u lanë në masë të pandryshuar nga Apeli.

Mirlinda Karçanaj, u mor e pandehur për veprën penale të shkeljes së barazisë në tenderë, kryer në formën e bashkëpunimit në kuadër të një grupi kriminal, krahas Ergys Agasit dhe Ermal Beqirit, një biznesmen tjetër fitues i prokurimeve të AKSHI-t, kompania e të cilit SOFT & SOLUTION, pati afro 18 milionë euro të ardhura dhe pothuajse 11 milionë euro fitime në vitin 2024.

Akuzat e SPAK ndaj drejtoreshës së AKSHI-t, Mirlinda Karçanaj

SPAK ka zbardhur akuzat  ndaj drejtoreshës së AKSHI-t, Mirlinda Karçanaj, zëvendëses së saj, Hava Delibashi dhe zv.drejtorin e policisë së Tiranës, Erjon Ismaili, të dyshuar si pjesë e një grupi të strukturuar kriminal.

Ndaj Mirlinda Karçanaj, e cila ndodhet nën masën e sigurisë “arrest shtëpie”, janë ngritur akuzat për “Shkelje e barazisë së pjesëmarrësve në tendera apo ankande publike” e kryer në formën e veçantë të bashkëpunimit, atë të grupit të strukturuar kriminal dhe “Grup i strukturuar kriminal”, “Kryerje e veprave penale nga organizata kriminale dhe grup i strukturuar kriminal”.

Ndaj Hava Delibashit, e cila më 24 mars u lirua nga arresti i shtepisë, rëndojnë akuzat për “Shkelje e barazisë së pjesëmarrësve në tendera apo ankande publike”, e kryer në formën e veçantë të bashkëpunimit, atë të grupit të strukturuar kriminal dhe “Grup i strukturuar kriminal”, “Kryerje e veprave penale nga organizata kriminale dhe grupi i strukturuar kriminal”.

Ndërsa zv.drejtori i policisë së Tiranës, Erjon Ismaili, është pezulluar nga detyra.

Prokuroria e Posaçme ka ngritur akuza për kryerjen e veprave penale; “Konkurrencë e paligjshme nëpërmjet dhunës”, e kryer në formën e veçantë të bashkëpunimit atë të grupit të strukturuar kriminal dhe “Grup i strukturuar kriminal”, “Kryerje e veprave penale nga organizata kriminale dhe grup i strukturuar kriminal”.

Vendimi i Gjykatës së Lartë:

“Lënien në fuqi të vendimit nr. 4 (87-2026-50) datë 05.02.2026 të Gjykatës së Posaçme të Apelit për Korrupsionin dhe Krimin e Organizuar për sa i përket disponimit në lidhje me rekursuesit Erjon Ismaili dhe Gëzim Hoxha.

2. Ndryshimin e vendimit nr. 4 (87-2026-50) datë 05.02.2026 të Gjykatës së Posaçme të Apelit për Korrupsionin dhe Krimin e Organizuar në lidhje me rekursuesen Mirlinda Karçanaj.
3. Caktimin e masës së sigurimit “Ndalimi i daljes jashtë shtetit”, parashikuar nga neni 233 i Kodit të Procedurës Penale, duke u urdhëruar personi nën hetim Mirlinda Karçanaj të mos largohet nga territori i Republikës së Shqipërisë pa autorizimin e gjykatës.
4. Caktimin e masës së sigurimit “Detyrimi për t’u paraqitur në policinë gjyqësore” parashikuar nga neni 234 i Kodit të Procedurës Penale, duke u urdhëruar personi nën hetim Mirlinda Karçanaj të paraqitet pranë policisë gjyqësore, të martën e parë dhe të tretë të çdo muaji ora 10:00.
5. Ngarkohet Prokuroria e Posaçme kundër Korrupsionit dhe Krimit të Organizuar me ekzekutimin e këtij vendimi”. GSH

Ish-ministri i Financave, Arben Malaj ka hedhur akuza të rënda për mënyrën se si po trajtohen bastet sportive në Shqipëri, duke paralajmëruar për rrezik të lartë të ndikimit të grupeve kriminale në politikat fiskale të vendit.

Në një reagim në rrjete sociale, ai shprehet se ministria e Financave po shkel ligjin duke mos nxjerrë aket nënligjore përkatëse, ndërsa qindra miliona euro, sipas tij, përfundojnë tek pronarët realë të basteve sportive, ndërsa kërkon hetim të menjëhershëm nga SPAK.

“Asnjë ministër nuk mund të vazhdojë gjatë duke fshehur kokën si struci dhe duke mos dhënë përgjigje për pyetje konkrete. Bastet sportive vazhdojnë të ‘gëlltisin’ qindra milionë euro. Ministria e Financave shkel ligjin duke mos nxjerrë aktet nënligjore përkatëse, ndërsa qindra miliona shkojnë tek pronarët realë të basteve sportive. Kjo nuk është paaftësi, por rrezik i lartë i influencimit të grupeve kriminale në politikat fiskale, përderisa pranohet dhe theksohet masivisht se politika shqiptare është e kapur nga krimi.”, shkruan ai.

Ish-ministri ngre shqetësime edhe për mungesën e transparencës në disa vendime fiskale të qeverisë. Sipas tij, Ministria e Financave nuk publikon listën e përfituesve nga ulja me fuqi prapavepruese e tatimit mbi dividendin nga 15% në 8%, ndërsa mungojnë të dhënat edhe për përfituesit nga paqja fiskale.

Malaj argumenton se të dhënat fiskale mund të analizohen lehtësisht përmes tabelave Excel dhe funksioneve analitike si “Pivot Tables”, duke bërë të mundur identifikimin e përfituesve sipas kategorive dhe shumave.

“Ministria e Financave nuk publikon listën e përfituesve nga ulja me fuqi prapavepruese e tatimit mbi dividendin nga 15% në 8%.  Po ashtu, Ministria e Financave nuk jep asnjë të dhënë të detajuar mbi përfituesit nga paqja fiskale, ndërkohë që statistikat e borxhit janë lehtësisht të analizueshme. “, shton ish ministri.

Një tjetër kritikë e fortë lidhet me përjashtimin nga akciza të karburantit për jahtet luksoze. Malaj e cilëson “analfabetik” justifikimin e Ministrisë së Financave mbi përdorimin e Konventës së Vjenës për këtë praktikë.

Sipas tij, nuk ekziston asnjë detyrim ndërkombëtar që shtetet të furnizojnë me naftë pa taksa jahte private turistike, ndërsa shumë vende të Bashkimit Evropian kanë kufizuar përjashtime të tilla pas ndërhyrjeve të institucioneve europiane.

“Lidhur me justifikimin e shitjes së naftës për jahtet luksoze, shpjegimi i Ministrisë së Financave është analfabetik; ata duhet ta lexojnë, ta kuptojnë dhe ta zbatojnë Konventën e Vjenës sipas sqarimeve thellësisht profesionale të mëposhtme.”, shton ai.

Në fund të reagimit, ish-ministri ngre dyshime edhe mbi rritjen e sasive të naftës pa akcizë për mjetet detare, nga 4 në 8 milionë kilogramë, duke pyetur nëse kjo mund të jetë indikator i “pastrimit” të naftës në tregun e brendshëm përmes mjeteve detare.

Reagimi i plote:

Rreth 40 studentë të Akademisë së Sigurisë dyshohet se janë helmuar pas konsumimit të ushqimit në ambientet e institucionit.

Menjëherë pasi kanë ngrënë drekën, studentët janë ndjerë keq, ndërsa disa prej tyre kanë shfaqur komplikacione shëndetësore dhe janë transportuar në spital për ndihmë mjekësore.
Dyshohet se shkak i helmimit është ushqimi i konsumuar gjatë vaktit të drekës.

Akademia e Sigurisë e siguron shërbimin ushqimor përmes një kompanie private kateringu, e cila ofron tre vaktet ditore për studentët. Ndërkohë, institucionet përkatëse kanë nisur hetimet për të zbardhur rrethanat e ngjarjes. BW

Një grup banorësh nga zona e Kënetës në Durrës kanë mbërritur mbrëmë (5 maj) pranë Bashkisë së Durrësit, ku kanë ndezur qirinj në kujtim të dy fëmijëve që humbën jetën në aksidentin tragjik të së dielës (3 maj).

Karvani i makinave bllokoi përkohësisht një korsi qarkullimi në aksin përballë sheshit “Liria”, për t’u drejtuar më pas drejt shkallëve të bashkisë.

Aty, qytetarët ndezën qirinj dhe mbajtën një minutë heshtje në shenjë respekti për dy vogëlushët, të moshës 9 dhe 12 vjeç, jeta e të cilëve u ndërpre tragjikisht teksa po luanin në trotuarin pranë banesave të tyre.

Mes dhimbjes ata janë lutur për shpirtrat e dy vogëlushëve, jeta e të cilëve u pre nga një drejtues mjeti që pas arrestimit u gjet i dehur në timon.

Gjykata e Durrësit e la të dyshuarin Nikoll Radaçi në masën arrest me burg, po gjatë ditës së sotme.

Masa e sigurisë së Nikoll Radaçit

57-vjeçari u shfaq në gjendje të rënduar psikologjike dhe nuk foli asgjë para gjykatës. Ndërkohë  familjarët nuk e kanë mbështetur, madje ata janë larguar nga banesa nga frika e hasmërisë.

Aksidenti i rëndë ndodhi mesditën e 3 majit në lagjen nr.15 të Durrësit. 3 fëmijë ishin duke luajtur me top në trotuar kur 57-vjeçari në gjendje të dehur, humbi kontrollin e mjetit dhe mori para të miturit, duke lënë të vdekur 2 prej tyre. E.M., 12 vjeç dhe K. N., 10 vjeç ndërruan jetë, ndërsa fëmija tjetër 8 vjeç, arriti të mbijetojë, por me plagë të rënda.

Kujtojmë e shoferi ishte raportuar disa herë në polici nga banorët e zonës, ndërsa ishte gjobitur dhe nga Rrugorja për shkelje të rregullave të sigurisë. gsh

Unioni Ndërkombëtar i Demokracisë (IDU) miratoi dy rezoluta thelbësore gjatë mbledhjes ekzekutive të mbajtur në Zagreb, duke dërguar sinjale të qarta mbi rritjen e shpenzimeve të mbrojtjes dhe koordinimin ndërkombëtar kundër aktorëve autoritarë.

Rezolutat u mbështetën nga Fatmir Mediu, Kryetar i Partisë Republikane Shqiptare, dhe Rihards Kols, Anëtar i Bordit të Aleancës Kombëtare Letoneze. ‘Kriteri 2% i GDP nuk mjafton më për t’iu përgjigjur realiteteve strategjike të sotme, Aleatët duhet të lëvizin drejt 5%.’

Rezoluta 1
Mbrojtja dhe Siguría Transatlantike
Rezoluta e parë kërkon që anëtarët e NATO-s të angazhohen ndaj një kriteri të ri prej 5% të GDP-së në investime të kombinuara mbrojtëse dhe sigurie, duke përfshirë mbrojtjen kibernetike, gatishmërinë civile dhe kapacitetin industrial të mbrojtjes. Dokumenti thekson se mjedisi i sigurisë është ‘më i rrezikshëm që nga fundi i Luftës së Ftohtë’, i formësuar nga agresioni rus kundër Ukrainës dhe sulmet hibride ndaj infrastrukturës kritike.
IDU bën thirrje për prokurimin e përbashkët, standardet e përbashkëta dhe bashkëpunimin industrial transatlantik, si dhe investime në mobilitetin ushtarak, logjistikë dhe rezistencë energjetike. Dokumenti riafirmon se mbështetja për Ukrainën ‘mbetet domosdoshmëri strategjike’.

Rezoluta 2
Kina, Irani dhe Siguria Transatlantike
IDU kundër rolit të Kinës në mbështetjen e Iranit: sanksione më të forta dhe kontroll i investimeve të huaja
Rezoluta e dytë hedh dritë mbi rolin e Kinës në ruajtjen e rezistencës ekonomike dhe ushtarake të Iranit. IDU shpreh shqetësim të thellë se Bejingu lehtëson anashkalimin e sanksioneve përmes zinxhirëve kompleksë të furnizimit dhe ofron teknologji me përdorim të dyfishtë, përfshirë komponentët e dronëve, aftësitë satelitore dhe sistemet e navigacionit.
Dokumenti nënvizon se blerja e vazhdueshme kineze e naftës iraniane të sanksionuar i siguron Teheranit burime financiare kritike, duke dobësuar regjimin ndërkombëtar të sanksioneve. IDU propozon masa konkrete: ngrirje asetesh, ndalesa udhëtimi, kontrolle eksporti dhe vëzhgim i shtuar i investimeve të huaja.
‘Uniteti transatlantik mbetet përgjigja më efektive ndaj koordinimit autoritar.’
Rezoluta mbështet de-eskalimin e qëndrueshëm të kushtëzuar me çmontimin e verifikueshëm të rrjeteve të përfaqësuara të Iranit dhe respektimin e sigurisë detare ndërkombëtare.
IDU, Unioni Ndërkombëtar i Demokracisë, është aleanca globale e partive të qendrës së djathtë.
Mbledhja ekzekutive e Zagreb 2026 u mbajt më 1 maj në Kroaci. bw

Inxhinieri Xhevahir Ngjeqari e ka cilësuar Tunelin e Llogarasë si një nga projektet më problematike në vend. I ftuar në Kjo Javë, ai u shpreh se ndërtimi i tunelit nuk justifikon kostot e larta dhe se, sipas tij, ka pasur alternativa më ekonomike dhe më efikase.

Ngjeqari shkoi edhe më tej me kritikat, duke deklaruar se projekti është “anti-ekonomik dhe anti-kombëtar”, ndërsa ironizoi duke thënë se tuneli mund të përfundojë duke u përdorur për strehimin e bagëtive nga banorët e zonës së Dukat.

Sipas tij, një zgjidhje më e favorshme do të ishte ndërtimi i një tuneli më të shkurtër në zonën e Orikum, që do të lidhte më drejtpërdrejt korridorin turistik me bregdetin, me më pak kosto.

Xhevair Ngjeqari: I bëj një thirrje banorëve të Dukatit: mos ndërtoni stalla për bagëtinë sepse do t’i strehoni në tunelin e Llogarasë, është një nga veprat më anti-ekonomike dhe anti-kombëtare që nuk i shërben komunizmit. Në Orikum me 2.8 km tunel do të dilej në bregdet. Korridori turistik ndërtohet në buzë të detit. Llogaraja është dega më e prapambetur që mori në qafë Shqipërinë. Për çfarë u harxhuan gjithë ato lekë?