Ish-deputeti i LDK’së, i cili ka ndërruar mbiemrin në Gani Bajraktari, iu është drejtuar me disa pyetje ish-anëtarëve të Lëvizjes Popullore të Kosovës, që ka vepruar gjatë viteve të ’90-a.

Postimi i plotë:

Prej juve që mendoni se Historia e Kosovës ka lindur me lindjen e juaj. Bëhuni bashkë të gjithë dhe ma gjeni një fotografi të Komandantit Legjendar Adem Jashari me emblemë të UÇK-së ose të komandantit Zahir Pajazit me emblemën e UÇK-së? Nëse ma gjeni, unë prej ati momenti kur të ma gjeni kurrë më as edhe një fjalë te vetme nuk kam me thanë. Çka do që të thoni ju të ish LPK-së unë veç amin kam me ba. Veç jo fotomontazh, por Origjinal foto. E pas marrëveshjes se Oslos edhe Sali Qeku e ka bajt emblemën e UÇK-së edhe të gjithë. A e ka pas Kosova Kushtetutën e vitit 1974 që në bazë të kësaj Kushtetute tërë bota perëndimore po ia njeh sot kufijtë . Pas Kushtetutës se viti 1974. A e ka pas Kosova të ashtuquajturën Kushtetutën e Kaçanikut. Në bazë te saj u dashtë me pas Forca të Armatosura dhe Organe tjera legjitime . A ka bë Kosova një Referendum ne vitin 1992 . Kushdo qe nuk beson që këto dy dokumente kanë ekzistuar shkoni në Gjykatën ndërkombëtare të drejtësisë dhe i gjeni këto dy dokumente edhe dokumentin e Referendumit të Pavarësisë e gjeni aty, me këto dokumente është mbrojt shpallja e pavarësisë në GjND.

Nënkryetari tjetër i AAK’së, Pal Lekaj, ka thënë se vendimi për mos heqjen e taksës me Serbinë nuk cenon raportet e Kosovës me Amerikën.

Në këtë mënyrë, Lekaj i është përgjigjur Presidentit Hashim Thaçi, i cili kërkoi nga Qeveria që të dëgjohet këshilla e SHBA’së për heqjen e takës.

“Të gjithë jemi krenarë për miqësinë që e kemi me Amerikën. Vendimet e institucioneve shtetërore, siç është ky për taksën, nuk e rrezikojnë miqësinë dhe koordinimin që e kemi që dhjetëra dekada me SHBA’në”, ka thënë Lekaj, për Express, të shtunën.

Qeveria Kosovës kishte marrë vendim për taksë ndaj produkteve serbe e boshnjake pasi Serbia kishte nisur një fushatë kundër njohjeve të Kosovës.

Fillimisht ishte vendosur taksa 10 për qind për t’u vendosur në fund të vitit të kaluar në 100 për qind.

SHBA ka kërkuar pezullimin e menjëhershëm të taksës.

Presidenti i Kosovës, Hashim Thaçi, ka kërkuar sot të dëgjohet këshilla e amerikanëve. Ka thënë se SHBA nuk e ka të pakushtëzuar përkrahjen për Kosovën. Madje, ka thënë se për teke të ndonjë lideri s’bën të rrezikohet partnertiti i Kosovës me SHBA’në.

Lekaj ka thënë se askush s’mund t’i lëvizë raportet Kosovë-Serbi. Ka thënë se Ramush Haradinaj vetëm sa i ka thelluar këto raportet me amerikanët.

“Ashtu siç e kemi çliruar, e ndërtuar shtetin e Kosovës, bashkë me Amerikën do të vazhdojmë t’ua ruajmë sovranitetin nga jashtë dhe të zhvillojmë brenda. Miqësia jonë me Amerikën është e ndërtuar në themelet e dy popujve, të cilën vështirë se mund ta lëkund dikush. Kryeministri e ka dëshmuar në vazhdimësi bashkëpunimin me SHBA për të mirën e dy popujve”, ka shtuar ai.

Edhe Blerim Kuçi, ka thënë se taksa me Serbinë ka arritur efektet në aspektin politik dhe ekonomik.

Mirëpo, nuk ka dashur të komentojë nëse Qeveria e Kosovës duhet të pezullojë përkohësisht taksën siç kanë kërkuar amerikanët.

“Si deputet, taksa i ka arritur efektet. Ka qenë njëri prej potezave, jo vetëm në aspektin ekonomik, por i ka dhënë dinjitet Kosovës. Duhet të shfrytëzohet maksimalisht në raport me Serbinë”, ka thënë Kuçi, për Gazetën Express.

Presidenti i Kosovës, Hashim Thaçi thotë se zhvillimet aktuale dhe disa veprime të institucioneve të Kosovës, po përcillen me shqetësim nga Qeveria amerikane, duke kërkuar që “këshillat miqësore amerikane” të respektohen.

“Zhvillimet aktuale dhe disa nga veprimet e institucioneve shtetërore janë duke u përcjellë me shqetësim nga qeveria amerikane. Kjo situatë është për keqardhje. Prandaj, tani është momenti t’i respektojmë këshillat miqësore amerikane, të cilat synojnë fuqizimin e shtetit të Kosovës dhe pacifikimin e rajonit”, ka shkruar Thaçi në një postim në rrjetin social Facebook.

Presidenti Thaçi po ashtu thotë se “teket personale të asnjë lideri shtetëror nuk guxojnë të lëndojnë interesin tonë shtetëror dhe atë strategjik të SHBA-së për Kosovën e më gjerë. Veprimet populiste nuk guxojnë të cenojnë vizionin dhe vendimet strategjike të Kosovës”.

Kryeministri Ramush Haradinaj ka pranuar se Shtetet e Bashkuara i kanë kërkuar që të pezullojë taksën prej 100 për qind, të vendosur ndaj produkteve që importohen nga Serbia dhe Bosnje e Hercegovina. Megjithatë, ai insiston se kjo masë do të hiqet kur Serbia ta njohë pavarësinë e Kosovës.

Presidenti Thaçi thotë se “cenimi i raporteve me SHBA-në, i kësaj aleance të shenjtë, paraqet fillimin e cenimit të shtetit tonë”.

“Gjithashtu, as arroganca e treguar në raport me Bashkimin Evropian nuk e nderon shtetin dhe as nuk i bënë krenarë aleatët tanë dhe SHBA-në. Aleanca e Kosovës me SHBA-në peshon më shumë dhe është më e rëndësishme se interesi i kujtdo qoftë”, shkruan Thaçi.

Qeveria e Kosovës, në fund të vitit të kaluar vendosi taksë doganore ndaj produkteve që importohen nga Serbia dhe Bosnje e Hercegovina.

Bashkimi Evropian vazhdimisht ka kërkuar që kjo masë të hiqet, ndërkaq, presidenti i Serbisë, Aleksandar Vuçiq, ka thënë se nuk do të marrë pjesë në dialogun në Bruksel, ndërmjet Kosovës dhe Serbisë, derisa kjo masë të shfuqizohet.

Kryetari i Kuvendit të Kosovës, Kadri Veseli ka thënë se Rusia është duke shkuar drejt njohjes së Republikës së Kosovës. Ai po ashtu ka shfaqur shpresën që Kosova do të jetë pjesë e Organizatës së Kombeve të Bashkuara gjatë këtij viti.

“Vizitën e presidentit rus, (Vladimir) Putin në Serbi, merreni si diçka pozitive. Ne jemi me Amerikën, jemi vend perëndimor. Fqinji ynë në pjesën veriore po pretendon me qenë mirë me partnerët tanë, por po i hap dyert Rusisë. Sidoqoftë, në vizitën e Putinit në Serbi, pas takimit me presidentin e Kosovës, Hashim Thaçi, janë thënë të njëjtat mesazhe, sikurse me presidentin tonë. Rusia është duke shkuar drejt njohjes së Republikës së Kosovës”, ka thënë Veseli.

Ai i ka bërë këto deklarata pas mbledhjes së kryesisë së Kuvendit të Kosovës.

Presidenti i Rusisë, Vladimir Putin ka qëndruar të enjten në Beograd. Ai gjatë një konference për media, së bashku me presidentin serb Aleksandar Vuçiq, ka thënë se “Rusia pajtohet që Beogradi dhe Prishtina të arrijnë një marrëveshje të pranueshme reciproke në përputhje me rezolutën 1244”.

“Ditëve të fundit janë shtuar sulmet kundër LDK-së dhe kjo është pika e vetme ku koalicioni PAN është unik. Mirëpo ata, tani edhe me PSD nën sjetull, nuk janë unikë as në strategjinë qeverisëse, as në raportet me aleatët tanë, e as në dialog me Serbinë”, ka shkruar Hoti, transmeton Gazeta Express.

Sipas tij, konsistenca e LDK-së në qëndrime po i pengon PDK-në, AAK-në e Nismën.

“Lajmi i keq për këtë pozitë pa legjitimitet është se LDK-ja nuk ka ndryshuar qëndrimet dhe si duket kjo po ju pengon atyre, prandaj kanë intensifikuar përhapjen e të pavërtetave”, ka shtuar Hoti.

Ai ka thënë se LDK-ja është për dialog me Serbinë, por ka potencuar edhe një herë që nuk do të bëhen pjesë e asaj që e ka quajtur një ‘maskaradë’ për ribërje të shtetit të Kosovës.

“Ne jemi këtu dhe sa herë e shohim të nevojshme do ta përsërisim se jemi për dialog, por nuk bëhemi pjesë e kësaj maskarade. Ne nuk dialogojmë për ta ribërë shtetin e Kosovës, por punojmë që ta forcojmë dhe demokratizojmë atë”, ka përfunduar Hoti.

Kosova s’mund të refuzojë kërkesën e SHBA-së, ka thënë Zëvendëskryeministri i Kosovës, njëherësh ministër i Jashtëm, Behgjet Pacolli, duke komentuar kërkesat e Washingtonit që të hiqet taksa për mallrat nga Serbia dhe Bosnja e Hercegovina.

Në një intervistë për televizionin publik të Kosovës, Pacolli ka thënë se do të bisedojë me kryeministrin Ramush Haradinaj për mundësinë e përgjigjes pozitive ndaj SHBA-së.

Duke folur për diplomacinë kosovare, ministri ka shprehur keqardhje që puna e tij është vështirësuar për shkak të mungesës së unitetit nga zyrtarët shtetërorë, transmeton Koha.net.

Ai ka pranuar se qëndrimet e ndryshme të Presidentit dhe Kryeministrit në lidhje me dialogun me Serbinë krijojnë paqartësi. Sipas fjalëve të tij, në dialogun me Serbinë, Kosova mund të bëjë disa kompromise, të cilat, sipas tij, “do të ndodhin në kuadër të demarkacionit me Serbinë”.

Pacolli shpreson që opozita në Kosovë do t’i bashkohet ekipit dialogues.

Arton Konushevci

—

Kryeministri dhe Qeveria e Kosovës, ritheksojnë zotimin se taksa doganore për produktet e Serbisë dhe Bosnjë e Hercegovinës do të vazhdojë deri në arritjen e qëllimit.

Qëllimi final i taksës, sipas kryeministrit Ramush Haradinaj ishte dhe mbetet që Serbia të njoh pavarësinë e Kosovës. Ai ka pranuar se krahas Bashkimit Evropian, edhe Shtetet e Bashkuara të Amerikës i kanë ritheksuar qëndrimin për pezullimin e taksës. Por, siç ka thënë Haradinaj, problemi i taksës nuk ndërlidhet me faktorin ndërkombëtar, por me qëndrimet e Serbisë karshi shtetit të Kosovës.

Haradinaj tha se qëndrimi i SHBA-së për taksën, i është prezantuar përmes Ambasadës së Shteteve të Bashkuara të Amerikës në Prishtinë, duke e ndërlidhur pezullimin e taksës me hapjen e rrugës për dialogun.

“Është kërkesë zyrtare e tyre, mirëpo ata duhet ta thonë vet se nuk është detyrë e imja të them. Nuk kemi të drejt të raportojmë për qëndrimet e tyre. Por, unë më këtë rast po e flas për hir të opinionit”, tha Haradinaj.

Kryeministri i Kosovës tha po ashtu se “përderisa ka vetëm sugjerime për takime dialoguese të pafrytshme, pa objektiv, pa afate të qarta kohore dhe pa kontratë të paradakorduar dhe garanci ndërkombëtare që do të nënshkruhet marrëveshja përfundimtare që rezulton me njohje, taksa do të mbetet në fuqi”.

“Sot do ta kishim pezulluar sikur të kishim një kontratë të dakorduar për të shkuar diku për ta nënshkruar. E pezullojmë se nuk është vendosur tarifa për ta penguar një marrëveshje ose për ta vonuar atë. Mirëpo, para se te kemi një marrëveshje gjithëpërfshirëse, obligative ligjore për njohje që zgjidh të gjitha problemet e tjera për ta vazhduar veç një cirk që është quajtur si dialog i këtyre dy-tre vjetëve të fundit, nuk ka logjikë të hiqet”, tha Haradinaj.

“Pra 20 vjet i kemi dhënë kohë të kryhen këto punë”, tha Haradinaj, duke iu referuar pozicionit të pandryshuar të Serbisë karshi Kosovës.

Analistët politikë, ndërkaq thonë se taksa e cila është vendosur nga Qeveria e Kosovës është vënë për qëllime politike dhe, sipas tyre, ajo për qëllime politike do të hiqet.

Analisti Ramush Tahiri, tha për Radion Evropa e Lirë se taksa nuk është ndonjë masë ekonomike dhe nuk është ndonjë masë e mbrojtjes së prodhimeve vendore, por siç tha ai, është një masë e vendosur për arsye politike përmes së cilës kërkohet njohja e Kosovës nga Serbia.

Ai thotë se garancitë që kryeministri Haradinaj i kërkon nga faktori ndërkombëtar nuk mund të jepen nga askush veç shtetit serb.

“Garanci s’mund të ketë as nga Shtetet e Bashkuara të Amerikës e as nga një forum ndërkombëtar që Serbia do ta njoh Kosovën. Garancitë janë se Kosova dhe Serbia do të zhvillojnë si të barabarta marrëdhëniet, do të bëjnë marrëveshje e cila është marrëveshje mes shteteve dhe jo mes presidentëve ose udhëheqësve dhe që kjo marrëveshje synon normalizimin dhe marrëveshja bëhet pa asnjë kusht”, tha Tahiri.

Ai theksoi po ashtu se me anë të kësaj mase po kushtëzohen edhe marrëdhëniet mes dy vendeve dhe vet procesi i dialogut.

“Kryeministri Haradinaj besoj po kërkon një deklaratë formale nga kushdo edhe në stilin që synimi i dialogut është normalizimi i marrëdhënieve dhe pranimi i ndërsjellë ndërmjet Serbisë dhe Kosovës”, tha Tahiri.

Taksa prej 100 për qind që Qeveria e Kosovës e ka vendosur për produktet nga Serbia, ka krijuar një realitet krejtësisht të ri në raportet edhe ashtu të rënduara ndërmjet Kosovës dhe Serbisë dhe ka reflektuar edhe në dialogun për normalizimin ndërmjet dy vendeve, vlerësojnë njohësit e zhvillimeve politike në vend.

Për më shumë, çështja e kësaj takse tashmë është shndërruar në pengesë për dialogun ndërmjet Kosovës dhe Serbisë, për faktin se kjo e fundit, heqjen e kësaj takse e ka vënë kusht për vazhdimin e këtij dialogu.

Kryeministri i Kosovës, Ramush Haradinaj ka ripërsëritur se nuk do të shfuqizohet taksa 100 për qind për produktet e importuara nga Serbia dhe Bosnja pa nënshkrimin e një marrëveshjeje përfundimtare me Serbinë që do të rezultojë me njohjen e ndërsjellë.

Në një konferencë për media pas mbledhjes së Qeverisë, Haradinaj ka thënë se taksa mund të zgjasë deri në një marrëveshje për njohje apo edhe deri në vitin 2022, deri kur, sipas tij, Serbia, po përpiqet të zvarrisë negociatat.

“Nëse shkruhet një kontratë për një marrëveshje gjithëpërfshirëse dhe duhet të shkojmë aty për të vendosur firmën e jepi mundësinë që të pezullojmë për aq ditë sa zgjatë ajo mundësia për t’u nënshkruar. Nuk është qëllimi që me taksë të bllokojmë nënshkrimin e marrëveshjes për njohje. Serbia mendon të shkojë deri në vitin 2022 për aplikim në Bashkimin Evropian dhe ne do ta mbajmë taksën deri në 2022 nëse nuk ka marrëveshje për njohje taksa rrin”, ka theksuar Haradinaj.

Deklaratat e kryeministrit të Kosovës për taksën pasojnë trysninë e shtuar nga Shtetet e Bashkuara të Amerikës dhe Bashkimi Evropian për pezullimin e saj. Madje këto kërkesa për pezullim të kësaj mase nga SHBA-ja dhe BE-ja, Haradinaj i ka pranuar edhe vetë në këtë konferencë para gazetarëve.

“Kujtesa jonë është e freskët për masakrën e Reçakut edhe 20 vjet pas saj. Pamjet ishin aq të tmerrshme saqë ne tronditemi prej tyre edhe sot e kësaj dite. Drejtësia është aq e vonuar saqë ajo ende nuk ka filluar. Nuk është gjykuar e dënuar asnjë polic apo ushtarak serb për këtë krim të pashembullt.

Më 10 qershor të vitit 2005, bashkë me banorët e fshatit Reçak dhe me familjarët e martirëve e patëm vënë përballë UNMIK-ut një çarçaf me emrat e njëzet kriminelëve serbë të cilët ishin ekzekutorë të shqiptarëve në Reçak më 15 janar të vitit 1999. Ende, as drejtësia vendore dhe as ajo ndërkombëtare nuk kanë vepruar për t’i vënë prapa grilave ata kriminelë të cilët goditën në mënyrë mizore popullsinë civile të pambrojtur e të paarmatosur. Masakra e Reçakut e ndërgjegjësoi opinionin publik ndërkombëtar dhe diplomacinë botërore që të ndërhyjë NATO-ja kundër Jugosllavisë së Milosheviqit, duke e kuptuar të gjithë atë që ne e dinim kaherë, se Serbia e kupton vetëm gjuhën e saj, pra gjuhën e forcës.

Sot, dy dekada më vonë, ne përulemi me respekt e me dhimbje, por edhe me krenari, për martirët dhe dëshmorët e kombit në përgjithësi dhe posaçërisht për ata këtu në Reçak. Familjarët e të vrarëve janë po ashtu viktima dhe çdo ditë që kalon është ditë e padrejtësisë për ta. Dëshmorëve dhe martirëve të kombit si dhe familjeve të tyre ne si qytetarë, si politikanë, si përfaqësues, si aktivistë iu kemi shumë borxh. Lavdi të gjithë dëshmorëve dhe martirëve të kombit shqiptar!”

Presidenti i Kosovës Hashim Thaçi, ka kujtuar sot masakrën e Reçakut e cila ndodhi 20 vjet më parë, ndërsa vendosi kurora me lule përpara memoralit të viktimave. Përmes një postimi në ‘Facebook’ Thaçi pohoi se 15 janari i vitit 1999 ishte një ditë shumë e rëndë për Reçakun dhe tërë Kosovën.

“Para 20 vjetësh, Reçaku hyri në historinë e Kosovës si simbol i sakrificës dhe martirizimit për lirinë që e gëzojmë sot. 15 janari i vitit 1999 ishte një ditë shumë e rëndë për Reçakun dhe tërë Kosovën, por ishte edhe një kthesë e madhe në ndërkombëtarizimin e luftës së drejtë të popullit tonë. Pas gjenocidit të ushtruar nga forcat serbe në Reçak, u zgjua tërë bota demokratike dhe vuri në lëvizje gjithë diplomacinë ndërkombëtare.

Për krimet që forcat policore dhe ushtarake serbe i kanë kryer në Kosovë, një ditë do të japin përgjegjësi. Por, sot e përgjithmonë, ne i kujtojmë dhe nderojmë të gjithë martirët, dëshmorët dhe heronjtë e luftës sonë çlirimtare.
Martirët dhe dëshmorët e Reçakut janë themeli i lirisë dhe pavarësisë së Kosovës. HTH”, shkruan në ‘Facebook’ Thaçi.

Gazetari Vehbi Kajtazi ka paralajmëruar se presidenti i Kosovës, Hashim Thaçi, do të përballet brenda pak muajsh me Gjykatën Speciale në Hagë.

Të vendosësh taksë politike ndaj shtetit armik në njërën anë, ndërsa në tjetrën të lobosh për dialogun vrastar për shtetin e Kosovës, nga i cili Serbia do të gllabëron rreth 30 % të territorit me pasuritë më vitale për shtetin, jo vetëm se është hipokrizi dhe mashtrim, paraqet mungesë të vizionit politik dhe akt të tradhtisë kombëtare.

Kërkesa që kryeministri Haradinaj i bëri opozitës kosovare që t’i bashkohet ekipit negociator në Bruksel, duke e quajtur “ekip të kombëtares”, ekipin negociator të Kosovës, jo vetëm se bie ndesh me taksën e vënë ndaj Serbisë, bie ndesh me deklarimet e tij të përditshme për ruajtjen e sovranitetit dhe integritetit territorial të vendit tonë.
Nëse vërtetë Haradinaj e ka përnjëmend kushtëzimin e takses 100 % me njohjen nga Serbia, atëherë, paraprakisht vazhdimit të dialogut, do duhej kërkuar njohjen nga Serbia, pastaj për të vazhduar dialogun për aspeketet teknike!
Kërkesa e Haradinajt drejtuar opozitës kosovare për bashkëngjitje në “Ekipin kombëtar” të Kosovës në “ligën” e UE-së, është kërkesë për mbështetjen e përmbushjes së planit serb për ndarje të Kosovës.
Haradinajt nuk po i bënë përshtypje loja me opozitën në “Ligën e brendshme”, po dëshiron t’i dërgojë edhe ata në finalen e madhe të “Ligës së jashtme” në Bruksel, për ta përjetuar të gjithë së bashku humbjen fatale të Kosovës nga Serbia, në mënyrë që të shpërndajë përgjegjësinë gabimeve fatale të Thaçit në dialog me Daçiqin (si kryeministër) dhe Vuçiqin (si president i Serbisë)!
Argatin, që Ramush Haradinaj po dëshiron t’ia bëjë në prapavijë Hashim Thaçit, është më i madh dhe më i dobishëm se sa argatët e Edi Ramës, Batoton Haxhiut, Shpend Ahmetit e Fatmir Limës.
Hyrja e “ekipit të kombëtares” së Haradinajt në lojen e kurdisur në Bruksel, kur rezultati dihet paraprakisht, ku Serbia, përveq 4 komunave veriore të banuara me serb, me vete e merr gjysmën e Mitrovicës, gjigantin minerar “Trepça”, pasurinë më të madhe ujore-Ujmanin dhe mijëra kilometra katror tokë të Kosovës.

Rihapja e stausit të Kosovës bie ndesh me shpalljen Pavarësisë së 17 Shkurtit 2008-të, me vendimin e GJND-së dhe njohjet ndërkombëtare

Sikur nuk mjaftoi shpallja e pavarësisë dhe njohja e Kosovës nga mbi 110 shtete në kufijtë ekzistues, sikur nuk mjaftoi as vendimi i Gjykatës Ndërkombëtare të Drejtësisë, e cila kambështetur ligjshmërinë dhe legjitimitetin e shpalljes së Pavarësisë së Kosovës dhe tani këta njerëz të papërgjegjshëm e rihapin edhe një herë temën e statusit të Kosovës.
“Paradoksalisht liderët kosovarë kaq lehtësisht e harruan kompromisin e dhimbshëm të Pakos së Ahtisarit, e cila e shndërroi pakicën serbe, me pesë për qind, në faktor vendimmarrës, kushtetues dhe politik!
Vallë çka tjetër duhet të japë më tepër Kosova për
të kënaqur Serbinë!?
Këtë e kanë për obligim t’ua thonë qytetarëve të vendit presidenti Hashim Thaçi dhe kryeministri Ramush Haradinaj, se çka në të vërtetë humb e çka fiton Kosova nga finalja e dialogut, gjegjësisht para nënshkrimit përfundimtar” në Bruksel.

Cili është “kompromisi i dhimbshëm”!?

Me rihapjen e statusit, politikanët milionerë, Kosovën e kanë kthyer 20 vjet prapa, pra e kanë kthyer në pikën zero, në atë të vitit 1999, në tavolinën e bisedimeve nën skenarin serb, të cilët janë të gatshëm të shkelin mbi çdo gjë dhe mbi çdo vlerë për të ruajtur pasuritë milionëshe dhe lëkurën e tyre para gjykatave ndërkombëtare.
Krijimi i ekipit të ri negociator (vrasës për shtetin), është hapi më i madh prapa dhe goditja më e rëndë për shtetin e njohur ndërkombëtarisht.
Pra ky ekip negociator s’është asgjë më shumë se sa zhvatës i buxhetit, personat e përfshirë në këtë grup janë vetëm figura, që do të shkojnë për të marrë mëditje dhe për të shëtitur e për me hëngër ndonjë drekë a darkë me verëra të shtrenjta, dhe me kaq do të përfundojë muhabeti i dëmshëm dhe pavlerë i tyre.
Duke pasur në krye të shtetit të njëjtit politikanë të pasinqertë, të korruptuar, të tejinkriminuar dhe të dëmshëm për qytetarët, lehtësisht mund të ndodhë mashtrimi i radhës si “kompromisi i dhimbshëm” në emër të liberalizimit të vizave dhe kinse “normalizimit të madhënjeve” me Serbinë, shtetin që nuk e njeh dhe as pranon ekzistencën e shtetit tonë-Republikës së Kosovës.

Kushti i radhës mund të jetë akoma më i dhimbshëm

Kosova me marrëveshjen e imponuar dhe planifikuar nga Thaçi-Vuçiqi-Ramës e me ndërmjetësimin e mercenarëve të paguar mediatikë e biznesorë, Kosova do të dali e dëmtuar për mijëra kilometra katrorë, me humbjen e resurseve natyrore dhe pasurive kryesore nëntokësore.
Ky ekip negociator nën dhe qeveria nën tutelen e Thaçit, as që e kanë guximin që të kërkojnë nga Serbia të paguaj e kompensoj dëmet e luftës për shkak të implikimeve në korrupsion dhe krim të organizuar.
Pikënisje e çdo takimi në Brukse duhet të jetë njohja e pavarësisë së Kosovës nga Serbia, për të vazhduar tutje me aspektet teknike, si; dënimi i kriminelëve serb të luftës, kompensimi i të gjitha dëmeve të luftës dhe zbardhja e kthimi i të pa gjeturve, kthimi i librave kadastral, kthimi i pensioneve dhe pasurive të grabitura gjatë luftës.
Ndryshe, çdo takim i “Ekipit kombëtar” në negociata pa përfshirjen e këtyre elementeve në tavolinën e bisediemeve në Bruksel, vetëm sa do ta ndihmojë Serbinë dhe dëmtojë skajshmërisht pavarësinë dhe integritetin territorial të Republikë së Kosovës.

Kryetari i partisë më të madhe opozitare në Kosovë, Lidhjes Demokratike të Kosovës, Isa Mustafa ka theksuar se LDK-ja nuk do të bëhet pjesë e ekipit negociator për dialog me Serbinë.

Megjithatë, ai ka shtuar se LDK-ja mund të përfshihet në dialog vetëm nëse vendi shkon në zgjedhje ose nëse bëhet rikonfigurimi i tërësishëm i institucioneve të vendit.

Në një konferencë për media, Mustafa ka theksuar se qëndrimi i LDK-së ka qenë dhe mbetet se dialogun duhet ta zhvillojë qeveria dhe përgjegjësinë sipas tij, për procesin duhet të merr një qeveri e cila duhet të jetë legjitime dhe përfaqëson shumicën.

“Lidhja Demokratike e Kosovës e ka platformën dhe dokumentin bazë lidhur me dialogun. Orientimi ynë në atë dokument është se duhet të shkohet në zgjedhje në mënyrë që të fitohet legjitimiteti politik. Nëse nuk shkohet në zgjedhje duhet të mendohet në rikonfigurim total të qeverisjes ose të institucioneve të tanishme të vendit në mënyrë që të sigurohet përfaqësimi i domosdoshëm i cili do të mundësonte ratifikimin e marrëveshjeve”, ka thënë Mustafa.

Kryeministri i Kosovës, Ramush Haradinaj, ka theksuar se Qeveria e Kosovës do ta pezullonte përkohësisht tarifën ndaj importeve serbe, vetëm pas garancisë ndërkombëtare, për një marrëveshje përfundimtare me Serbinë, e cila duhet të rezultojë me njohjen reciproke.

“Përderisa kemi vetëm sugjerime për takime dialoguese të pafrytshme, pa objektiv dhe pa afate qartë të përcaktuara, pa kontratë të para-dakorduar dhe garanci ndërkombëtare, që do të nënshkruhet marrëveshja përfundimtare që rezulton me njohje, taksa vazhdon të mbetet në fuqi”, ka shkruar ai ne rrjetin social Facebook .

Ai ka thënë së është thellësisht i bindur për mundësinë e arritjes së marrëveshjes gjithëpërfshirëse ligjërisht obliguese me Serbinë, që rezulton me njohje.

Qeveria e Kosovës, më 6 nëntor të vitit 2018, pati vendosur tarifën prej 10 për qind për produktet nga Serbia. Me një vendim tjetër, Qeveria e Kosovës, më 21 nëntor, vendosi tarifën prej 100 për qind për produktet nga Serbia dhe kjo u bë shkak që autoritetet serbe të vendosin që të mos vazhdojnë dialogun në Bruksel, deri në heqjen e kësaj tarife.

Ish-deputetja Melihate Tërmkolli, anëtare e Këshillit të Përgjithshëm të LDK’së, ka thënë se askush nuk po e gjykon UÇK’në, prandaj ka bërë thirrje që secili të mbrojë veten.

Mosdekretimi i Gent Cakajt nga Presidenti Meta si ministër për Europën dhe Punët e Jashtme është shoqëruar me debate dhe retorikë të ashpër nga të dyja anët e kufirit, në Shqipëri dhe në Kosvë.

Pas debateve dhe akuzave të ndërsjella mes Ramës dhe Metës, shefi i qeverisë është sulmuar ashpër kësaj here nga Kosova dhe protagonist ishte deputeti i Vetëvendosjes, Sami Kurteshi, i cili mes tjerash e quan Ramën “gomar dhe tradhtar”. Sulmi i Kurteshit nuk ka ndaluar vetëm tek Rama, por në listën e të sulmuarve janë Hashim Thaçi dhe gazetari Baton Haxhiu, të cilët i quan kriminelë .

“Edi Rama, jo vetëm është gomar por po bëhet edhe tradhëtar!Por Kosovare/ë/t për poste ministrash në Qeverinë e Republikës së Shqipërisë kur i delegon krimineli dhe spiuni u udb-bia Baton Haxhiu, me apo pa kërkesën e kriminelit Hashim Thaçi, e i emëron Kryeministri i Shqipërisë, qoftë ai edhe gomar, është edhe tradhtar”, shkruan ai.

Ish komandanti i Ushtrisë Çlirimtare të Kosovës, Sami Lushtaku është nisur sot për në Hagë nga aeroporti ndërkombëtar “Adem Jashari”.

Lushtaku para gazetarëve tha se më 16 janar do të intervistohet nga Prokuroria Speciale në Hagë.

“Nuk e di arsyen, më 16 janar do ta kuptoj”, tha Lushtaku.

Sot, po ashtu pritet të udhëtojë drejt Hagës edhe ish pjesëtari i UÇK-së Rrustem Mustafa.

Avokati Arianit Koci, tha se Lushtaku dhe Mustafa i janë përgjigjur ftesës së Prokurorisë Speciale dhe nuk ka komentuar më tutje se në çfarë cilësie janë të ftuar.

“Mirë po shkojnë, mirë do të kthehemi. Zoti Lushtaku fluturoi tash, do të intervistohet me 16 janar, ai këtë kohë e ka shfrytëzuar për të vizituar disa familjarë, ndërsa zoti Mustafa do të intervistohet nesër më 14 janar. Data për zotin Lushtaku është shtyer sepse të dy e kanë pasur të njëjtin avokat dhe është dashur të koordinohet koha”, tha Koci.

Kryeministri i Kosovës, Ramush Haradinaj, përmes një postimi në Facebook, njoftoi se sot ka vizituar Lushtakun dhe Mustafën, duke theksuar se beson fuqishëm në pastërtinë e luftës së UÇK-së.

“Sot, kam vizituar dy komandantët e UÇK-së, Sami Lushtakun dhe Rrustem Mustafën. Se lufta jonë çlirimtare ishte e pastër dhe e shenjtë do të dëshmohet fuqishëm gjithnjë e kurdoherë! Së bashku do të dalim faqebardhë edhe në këtë sfidë”, tha Haradinaj.

Disa ish pjesëtarë të Ushtrisë Çlirimtare të Kosovës, janë ftuar për të dëshmuar para Prokurorisë Speciale në Hagë, për krime lufte në Kosovë.

Hetimet do të përqendrohen në krimet e supozuara nga janari i vitit 1998 deri në dhjetor të vitit 2000.

Ligji për Gjykatën Speciale është miratuar në Kuvendin e Kosovës në vitin 2015.

Këtë fundjavë drejt Hagës do të udhëtojnë ish-eprorët e lartë të UÇK-së Rrustem Mustafa dhe Sami Lushtaku, të cilët të hënën e ardhshme do të merren në pyetje nga prokurorët e Speciales. Në fillim të javës së ardhshme drejt qytetit holandez do të udhëtojë edhe Sabajdin Cena, ish-epror nga Zona Operative e Pashtrikut. Ndërsa, aktakuzat e para sipas avokatit Tomë Gashi do të ngrihen javën e ardhshme.

Kosova e pas-pavarësisë është shndërruar në një tabelë shahu, ku ndërkombëtarët luajnë lojen më një palë figura të zeza politike (qeveritarët), ndërsa në anën tjetër duke e lënë të pa fuqishëm, në PAT-pozicion popullatën shumicë të Kosovës (shqiptarët) më figura të bardha.
Ndërkombëtarët i kanë shndërruar pothuajse të gjithë liderët vendor në figura politike, të cilët me lehtësi i levizin para-prapa dhe anasjelltas.
Sa herë që ju duhen “rrokadat” i shrytëzojnë zgjedhjet si mekanizëm justifikues para opinionit publik për arritjen e qëllimeve të tyre afatëgjata mbi Kosovë.
Opinioni publik vendor është mësuar të shohë korin diplomatik ndërkombëtar (ambasadat e huaja) në Kuvendin e Republikës së Kosovës sa herë që merren vendime në kundërshtim më vullnetin e qytetarëve si bie fjala; rezoluta për fillimin e bisedimeve më Serbinë, shitjen e KEK-ut, ratifikimin e marrëveshjes së 19 prillit 2013-të (që prodhoj Asociacionin e komunave serbe), votimin e Gjykatës Speciale, votimin e Demarkacionit me Malin e Zi, etj.

Delet e ngujuara, barinjtë e uritur

Kosova e sotme, më tepër i gjason një burgu kolektiv se sa një shteti të pavarur, më tepër i gjason një qeverisje lokale se sa një shteti sovran, Kuvendi i gjason një koloseumi, populli një kopeje delesh të ngujuara, ndërsa politikanët u ngjajnë barinjëve të uritur!
Zot shtëpie, dihet, janë bërë ndëkombëtarët, të gjithëpushtetshmit dhe gjithëfuqishmit e kohës sonë!
Timonin e kontrollit të plotë mbi qeveritarët kosovarë e mbajnë ambasadorët e shteteve përendimore në Prishtinë!
Qeveritarët në Kosovën e pasluftës e sidomos të kësaj periudhes së pas-pavarësisë, varfanjakët e djeshëm, supermenët dhe milionerët e sotëm janë shndërruar në “supermen” dhe zbatues të skemave politike të të tjerëve në dëm të interesave të shtetit të Kosovës në veçanti dhe popullit shqiptar në përgjithësi.
Qytetarët nuk është se kanë pritur që 20 vjet pas lufte të hanë me lugën e artë, por kanë pritur që familjet e tyre t’i ushqejnë më djersën e tyre në Kosovë, e jo të bredhin rrugëve e metropoleve të botës në kërkim të ekzistencës për familjet e tyre!
Askush nuk ka pritur që pas gjithë atij gjenocidi, pas gjithë atyre masakrave serbe anë e kënd Kosovës, t’i kemi prapë pas dere ata që na vranë e prenë pamëshirshëm përgjatë një shekulli!
Sikurse nuk e kemi pritur në asnjë rrethanë që udhëheqësi politik i krahut të luftës të negocioj lirinë e fituar më gjak, duke shkelur mbi gjakun e dëshmorëve dhe martirëve, duke shkelur mbi eshtrat e të pagjeturëve, mbi idealet e shënjta, siq janë; liria, pavarësia e vendit dhe ideja kulmore e bashkimin e trojeve etnike.
Si pasojë e keqqeverisjes, mungesës së zhvillimit ekonomik dhe krizave të njëpasnjëshme politike, shteti është duke shkuar drejt falimentimit.
Përveç krizës së thellë politike, në të cilën është katandisur vendi, shtetin e Kosovës e kanë mbërthyer edhe kriza financiare dhe morale njëkohësisht,…të gjitha së bashku janë pasojë e keqqeverisje dhe mungesës së zhvillimit ekonomik për një kohë të gjatë.

Shteti i varfër, politikanët e pasur

Si pasojë e mos zhvillimit ekonomik, në shtetin e varfër të politikanëve të pasur, burimi i vetëm i mbushjes së arkës shtetërore janë të “vjelat” nëpër dogana, gjobat në komunikacion dhe tatimpaguesit e bizneseve të vogla.
E them kështu për faktin e thjeshtë se korporatat e biznesmenëve të mëdhenjë, përveçse e fusin mallin e padoganuar në Kosovë, në të shumtën e rasteve u ikin edhe obligimeve që kanë ndaj shtetit përmes formave të ndryshme të korruptimit të zyrtarëve shtetërorë dhe lidhjeve të fuqishme me bosët e politikës.
Në anën tjetër, gjysma e popullatës kosovare jeton në varfëri (16 % në varfëri të skajshme), familjarët e qeveritarëve, supermenëve të këtij populli të varfër bëjnë jetë luksoze që i kalon nivelet e shteteve të perëndimit duke gëzuar të gjitha privilegjet; shkollim cilësor , shërim, punësim, rekreacion (pushime në vendet më të bukura në botë),…këtë ua mundësojnë pagat mujore prej disa mijëra euro dhe të ardhura enorme nga aferat korruptive!
Si vertetim i kësaj shikojini villat dhe shtëpijat luksoze të disa prej politikanëve të pasluftës,…nga kasollat kanë kaluar në villa luksoze më vlera milionshe, makinat e blinduara e deri të bizneset e tyre (të pista) anë e kënd vendit.
Mirëpo fatkeqësisht ende një pjesë e popullatës nuk është këndellur, dhe prapë vazhdojnë të vrapojnë pas të korruptuarve, banditëve, kriminelëve në kërkim të një lëmoshe të pavlerë që nuk ua ndryshon jetën në asnjë rrethanë!
Përderisa të vazhdoj pasurimi i paligjshëm i supermenëve vendor, për aq do të vazhdoj varfërimi i popullatës dhe zbrazja në heshtje e Kosovës nga shqiptarët.

Ndërkombëtarët, sundimtarët faktik të Kosovës

Për aq sa janë fajtorë pushtetarët vendor, janë fajtor edhe ndëkombëtarët, të gjithëpushtetshmit dhe gjithëfuqishmit e kohës nëpër të cilën po kalojmë,…të cilët përveq fuqisë politike e kanë edhe atë ekonomike dhe ushtarake të instaluar në vendin tonë!
Prandaj, ndërkombëtarët ashtu siq i ndrrojnë figurat e korruptuara dhe inkriminuara në pushtet, me lehtësi do t’i jepnin kahje pozitive zhvillimeve politike në vendin tonë.
Ndërkombëtarët, sunduesit faktik të Kosovës, brenda pak ditësh, për të mos thënë javësh e muajsh e kanë mundësinë e pastrimit të skenës politike nga të korruptuarit dhe inkriminuarit, ndërsa brenda një viti mund ta bëjnë Kosovën vend me përspektivë të qartë zhvillimore.
Prandaj, pas 20 viteve të monitorimit dhe mbisundimit të fuqishëm ndërkombëtar, ka ardhur koha e çartësimit të prezencës ndërkombëate në Kosovë!
Janë këtu për t’na ndihmuar ne në konsolidimin e shtetit apo për ta ndihmuar pakicën serbe në zhbërjen e shtetit tonë!?
Mbajtja dhe mbështetja e “barinjëve” dhe gjysëmanalfabetëve, servilëve dhe hajdutëve në pushtet nga ana e ndërkombëtarëve, i lë të hapura mëdyshjet për qëllimet e tyre të pasinqerta ndaj Kosovës dhe popullit të saj.

Mungesa e dashurisë për shtetin dhe qytetarët

Klasës politike kosovare i mungon dashuria ndaj atdheut dhe popullit të vet. Politikanët e katapultuar në majat e pushtetit, në vend që të punojnë ditë e natë për mirëqënien e popullit, kujdesën si të përvetësojnë e gjithë pasurinë shoqërore si dhe duke zhvatur buxhetin e shtetit.
Pjesa tjetër e politikës (opozita) për të ardhur deri të gjahu (pushteti) janë të gatshëm të shkatërrojnë çdo gjë që u del përpara!
Të gjithë së bashku, pushtetarë dhe opozitarë me veprimet e tyre destruktive janë duke e dërguar shtetin e ri të Kosovës drejt shkatërrimit dhe falimentimit total.
Politikanëve të uritur, sundimtarëve vendor, “Sheikëve” që u shndërruan në multimilionerë karrshi një popullate të varfër, më së miri u shkojnë për shtati këta rreshta të këngës “Amaneti i Clownit”, të Rock grupit TROJA, po citoj; “Kush janë këta njerëz që s’janë shkollue, nuk kan mësue që njeriu nuk ban shpinë e vet me vjedhë,…janë këta njerëz që diellin ma kan nal,…janë këto vjet që kurr nuk muj me i fal”, e deri të vargu “Janë këta njerëz që vet nuk muj me i nal”, që thërrasin si kushtrim për nevojën e unifikimit e të gjitha forcave progresive për largimin përfundimtar nga pushteti dhe skena politike e vendit, të kësaj klase të shëmtuar kusarësh politikë.

Nuk e di së si janë ndi sot Kryesia, Këshilli i Përgjithëshëm por ne
veçanti anëtarësia e LDK kur i pari i kësaj partije deklaroi sot së :

“Unë fare nuk jamë penduar qe e kam votuar Thaçin për President”.

Në vend se të iu kërkojë falje opinionit e posaçërishtë anëtaresisë së
LDK pse u ba pjesë për ta votuar Thaçin për President,sepse pa votën e
LDK-së Hashim Thaçi sot nuk do te ishte President dhe ne qytetarët e
Kosovës nuk do te përballeshim me rrezikun e ndarjës së Kosovës.

Isa MUstafën si duket e ka kapë senilizimi,nuk po din së çka fletë,apo
e ka edhe betimin e Kryesisë së LDK-së.

E verteta është së Hashim Thaçi nuk la gurë pa rrotullu për me u ba
President,beri shantazhe edhe me deputet,derisa e “bleu” këtë post nga
LDK-ja.Qellimi i tij tashti po shihet,është lidhë me dreqin e te birin
e dreqit,është lidhë me serbin e rusin por edhe me shqiptarët e tipit
Edi Rama dhe Baton Haxhiun,për me e nda Kosovën,e cila së shpejti do
te bahet realitet,sepse si duket veç është konvertu ne zarfin “top
secret”,i cili veç pritet të qilët.

Fakt së Isa Mustafa nuk është penduar qe e ka votu Hashim Thaçin për
president,sepse edhe ky nuk është hiç mëi mirë,e bëri këtë nga lakmia
për tu ba Kryeminister edhe përkundrejtë
deshires se anetaresisë së LDK-se se nuk do te këtë kolalicion me
PDK-në.Isa MUstafa e paska respektu Marveshjen me PDK,por nuk tregon
se pse PDK nuk i respekton asnjëherë Mareveshjet ,bile nga mos
respektimi i Mareveshjes nga ana e PDK,Isa MUstafa u rrexua kryengulë
nga pozita e Kryeministrit.

Rrethë kësaj deklarate”bomb”të Isa Mustafës është e nevojshme që te
reflektojnë edhe strukturat e LDK-së.

Lidhja Demokratike e Kosovës thotë se është e preokupuar me mënyrën se si po udhëhiqet vendi dhe se e më e udhës do të ishte që kjo qeveri të shkojë në shtëpi. Megjithatë, Mustafa nuk ndjehet i penduar për zgjedhjen e Hashim Thaçit President, meqë sipas tij, LDK është një parti e cila u përmbahet marrëveshjeve.

Lufta për ndryshim të kufijve po vazhdon. Në Serbi moti është hedhur teza për ndarje të Kosovës, nga njeriu më me ndikim politik dikur në ketë shtet, Dobrica Qosiqi e pastaj nga krimineli Millosheviq… Kjo ide serbomadhe nuk e ka qudit askend nga shqiptaret as atëherë as sot. Por të zhvillohet lufte mbrenda faktorit politik shqiptare për ti dhuruar territore të reja shtetit gllaberues serb, kjo vështirë të përthekohet nga mendja e shëndosh e njeriut!

Serbia , edhe pse e humbi Kosovën më luftë në vitin 1999, tash na kan dalë do djeme”azgana’ , të cilët po bien cop së cili ta marr bajrakun për ti dalë në krahë Serbisë grabitqare .Presidenti, Hashim Thaçi për ta shpëtuar lekurën e vet nga Gjykata Speciale,është duke luajtuar pa dyshim një lojë shumë të rrezikshme . Ndryshimi I kufijve në këtë menyrë siq po pretendohet detyrimisht sjellë luftë të re në Ballkanin Perëndimor.

Edhe nese Thaçi ka presion nga jashtë , nuk ishte dashur në asnjë mënyrë ta shtyn vendin në rrugw qorre .Vallën e djallit në prapaskenë është duke e udhëhequr ,Baton Haxhiu, mbi të cilin bien shumë mëkate deri në tradhëti kombëtare.

Sigurisht së ky matrapaz e shizofren politikë e mediatik, është duke menduar së luhet lehtë më territoret shqiptare , së të gjithë shqiptarët sipas tij “ hanë bar” .Shpërfaqja e fundit e Batonit, është kërcënimi qe I bëri presidentit të Shqipërisë, z. Ilir Meta, për mos dekretim për Ministër të Punëve të Jashtme, të Gent Cakaj.Ky në shkrimin e tij nuk e njeh shtetin shqiptarë .Presidentit të Shqipërisë , z. Ilir Meta I drejtohet më fjalën urdhëruese -Ilir, sikur të kishte të bajë më një njeri të thjesht, e jo që bëhët fjalë për një president shteti.Kjo e tregon gjithë kulturën e tij politike, kjo i tregon edhe prapaskënat e tij të rrezikshme deri në zhbërjën e dy shteteve shqiptare në Ballkan.Kësaj figure të errët dhe te urryer nga shumica e shqiptarëve, po I duket vetja si njeri shumë I zoti, po I duket vetja së është mbi të gjithë tjerët.E gjithë kjo maskaradë politike e Baton Haxhiut është fyese për shqiptarët, është fyese për Kosovën dhe Shqiperinë, e sigurisht së nuk ishte dashur të lejohet një tallje e tillë .Kush është Gent Cakaj dhe çfarë faktori politik është ai kur deklaron së duhet bërë ndryshimi I kufijve?Natyrisht së secili president serioz në këtë kontekst edhe presidenti, Meta sigurisht nuk lejon të dekretohet një kalama ne kuptimin e diplomacisë siq është, Gent Cakaj. Përsonalitetet karikaturiale nuk iu duhen shqiptarëve.Duhet hequr qafe të gjithe ata të cilët po e nëperkëmbin gjakun e heronjëve dhe dëshmorve të kombit…Është koha e fundit e një zgjimi tjetër kombëtar.

Baton Haxhiu dhe soji I tij, nuk e kan vendin në politikën shqiptare…

Deputeti i Lëvizjes Vetëvendosje, Liburn Aliu, në një konferencë për media nga zyrat e partisë së tij, ka folur për një grafit, i cili është bërë në objektin e Teatrit Kombëtar të Kosovës, e në të cilin shihet shishja e mjaltës me të cilën dyshohet se aktivisti i tyre tashmë i ndjerë, Astrit Dehari, kishte mbytur veten në qendrën e paraburgimit në Prizren.

Tre aeroplanë të vegjël kanë fluturuar dje gjatë ditës nga pjesa ushtarake e aeroportit të Sllatinës drejt Hagës, njoftojnë mediat serbe.

Albin Kurti i kërkoi mbrëmë Hashim Thaçit të vetëdorëzohet në Hagë, në vend që atje të shkojnë luftëtarë, që nuk janë përgjegjës për krijimin e Gjykatës Speciale. Xhavit Haliti e quajti të ulët ‘’dëshirën” e Kurtit që Thaçi të arrestohet. Dardan Molliqaj tha se Kurti po e pranon Gjykatën Speciale nëse ajo e fton presidentin, ndërsa analisti Imer Mushkolaj nuk beson që lideri i VV’së ia do të keqen Thaçit, aq sa t’ia dëshirojë arrestimin.

Veton Surroi: Debati rreth Ministrit të jashtëm të Shqipërisë po merr kahen e tifozërisë, e në tifozëri nuk ka debat. Ka ngritje zëri dhe “dëgjomë mua se nuk ta del mire” apo folklorizëm pro e kundër prejardhjes krahinore e moshës.

Nëse hiqet mënjanë gjuha e stadiumit të futbollit, mbeten pyetje themelore: a ka nevojë të ndërrohet ministri i jashtëm i vendit sepse duhet të ndryshojë politika e jashtme? Apo, i bie pothuajse njëjtë, duhet të vendoset një ministër i ri sepse duhet të ndryshojë politika e jashtme në mënyrë që të përputhet më afër me vizionin e kryeministrit?

Nëse ky është rasti, atëherë kryeministri duhet të japë në konsultime të gjera me grupacionin e tij politik dhe me Presidentin shpjegimin se çka duhet të ndryshojë në politikën e jashtme të Shqipërisë. Këtu kryeministri mund të ndihmojë në sqarimin se a duhet të përkrahë Shqipëria apo jo ndarjen e Kosovës në vija etnike të propozuar nga presidenti Vuçiq dhe të pranuar nga presidenti Thaçi?

Kjo është një pyetje që nuk i përket as vetëm kryeministrit e as vetëm grupacionit të tij politik, por ka nevojë për një koncensus më të gjerë , përfshirë edhe mendimin e opozitës, zërin e së cilës e ka obligim kushtetues ta dëgjojë Presidenti i vendit.

Ish-zëvendëskryeministrja e Kosovës, Edita Tahiri ka përshendetur vendimin e Presidentit, Ilir Meta për të mos dekretuar si ministër të Punëve të Jashtme, Gent Cakajn.

Sipas ish-zyrtares së lartë të Kosovës, vendimi i Metës është vizionar dhe në mbrojte të kufijve të Kosovës.

Sipas saj, nuk u dekretua kandidati për ministër të Jashtëm që ishte pro përpjekjes për të prekur kufijtë.

“E pershendes vendimin kombetar dhe vizionar te Presidentit te Shqiperise ne mbrojtje te kufijve te Kosoves.

Ai sot nuk dekretoi nje kandidate per minister te jashtem qe ishte pro prekjes se kufijve, te nominuar qellimshem dhe me djallezi nga kryeministri Rama”, shkruan Edita Tahiri.

Kryeministri i Kosovës, Ramush Haradinaj, reagoi ndaj një marshimi në Banjallukë të Republikës Sërpska në Bosnje, ku u kënduan, siç tha ai, këngë gjenocidiale kundër shqiptarëve të Kosovës.

Ai e cilësoi këtë veprim si provokim të Serbisë ndaj Kosovës përmes, siç tha, “satelitit të quajtur Republika Sërpska”.

“Në Banjallukë, një njësit me tipare të pastra paramilitare në marshin më provokues që synon destablilizimin e tërë Ballkanit këndon këngën e ‘Heronjve të Kosovës’, e cila në tekstin e saj thërret për hakmarrje dhe pushtim të Kosovës. Njësiti dhe kënga gjenocidale përcillet me thirrjet kundër Bashkimit Evropian”, shkroi Haradinaj në Facebook.

“Kjo skenë që përkujton sentimentin gjakpirës të aparaturës së Millosheviqit bëhet në nder dhe para kryeministres kukull të (v.j.presidentit të Serbisë) Vuçiqit, Ana Bërnabiq, dhe ministrit të Mbrojtjes kukull të Rusisë, Aleksandar Vulin”, thuhet në reagimin e Haradinajt.

Haradinaj kritikoi edhe Bashkimin Evropian, duke thënë se BE-ja i shfrytëzon të gjitha kanalet për të bërë presion ndaj Kosovës për shfuqizimin e taksës doganore që i është vënë Serbisë dhe Bosnjës.

“Edhe përkundër këtij disbalansi të politikës së Bashkimit Evropian, Kosova është e përkushtuar që të jetësojë idealet evropiane në ekonomi, sundim të ligjit, mbrojtje e zhvillim. Synimi ynë strategjik është integrimi dhe anëtarësimi euro-atlantik dhe përqafimi i vlerave të demokracisë, përderisa Serbia ka Rusinë si alternativë kërcënuese në zemër të Evropës”, shkroi Haradinaj.

Në Banjallukë, të mërkurën, u shënua Dita e Republikës Sërpska, pavarësisht faktit se Gjykata Kushtetuese e Bosnje dhe Hercegovinës e ka shpallur atë jokushtetuese në vitin 2015.