Përfaqësues të Zyrës për Kosovën në Qeverinë e Serbisë, kanë organizuar në pikën kufitare të Merdarës një aksion të shpërndarjes së ujit për shoferët e automjeteve që po presin në këtë pikë kalimi mes Kosovës dhe Serbisë.

Përmes kësaj fushate, zëvendësdrejtori i kësaj zyre, Dushan Kozarev, ka dashur që të arsyetohet para atyre që po presin në pikën kufitare, duke thënë se “ne nuk dëshirojmë që ju të prisni”, ndërsa ka shtuar se Serbia kërkon që të respektohet në plotësi liria e lëvizjes së mallit.

Si pasojë e ndalesës së librave shkollorë nga autoritetet serbe, të dedikuara për nxënësit shqiptarë të Luginës së Preshevës, Prishtina zyrtare, kishte marr vendim që të aplikojë masën e reciprocitetit, duke ndaluar hyrjen e mallrave serbe në Kosovë, transmeton lajmi.net.

Ndërsa, në një deklaratë për mediat serbe, Kozarev ka kritikuar qeverinë kosovare për këtë akt, ndërsa ka thënë se aksioni i sotëm do të vazhdojë edhe më tej, nëse nuk shfuqizohet ky vendim.

Përfaqësues të bizneseve serbe që eksportojnë mallrave në Kosovë, kanë hedhur një sërë akuzash ndaj politikanëve serbë dhe, u kanë kërkuar atyre që të ndërmarrin diçka, pasi siç thonë, kjo po u kushton atyre me dëmtim të mallrave.

Ndërkohë, ministri i Punës në Qeverinë e Serbisë, Aleksandar Vulin, në një prononcim të tijin për mediat serbe ka thënë se me këtë ndalesë, Kosova nuk po e respekton marrëveshjen e CEFTA-a. /lajmi.net

Arbana Xharra i drejtohet Ramush Haradinajt me një status në rrjetin social, si më poshtë:

“Ramush Haradinaj sqaroi sot ripozicionimin e tij në raport me veprimet e deritanishme që kishte në koordinim me “Vetëvendosjen”.

Por, derisa numëron aktet me të cilat tash thotë se nuk pajtohet, si: përleshja me policinë, shkrryerja, siç e tha ai, nëpër korridore etj., etj., duhet të jetë i sinqertë deri në fund, të tregojë se ku nuk pajtohet me “Vetëvendosjen”.

Cilat janë pikat që ata nuk mund të kenë gjuhë të përbashkët? Ta thotë pse nuk pajtohet me Albinin? Sepse Visar Ymeri nuk është faktor vendimmarrës në “Vetëvendosje”, këtë e di shumë mirë Haradinaj.

Fol me sinqeritet, çka nuk mund të tolerosh nga kërkesat dhe linja e Albin Kurtit? Një lider partiak duhet t’i bëjë të qarta qëndrimet politike, jo me llafe të odave.”

Disa herë  kam shkruar për domosdon e hapjës së dosjeve. Situata politike në Kosovë, zënkat e ndërsjella të shumë njerëzve të cilët gjinden në institucione të shtetit, po e theksojnë nevojën e hapjës së dosjeve. Këto zënka të filluara më heret, por tash së fundi shumë të theksuara ,ku po ndëgjojnë etiketime të rënda deri në tradhëti kombëtare. Nese vërtetë kemi njerëz në institucione edhe kombëtarisht të dyshimitë, ashtu siq po i ndëgjojmë këto akuza dhe kundër akuza, kjo nuk flet mirë për të ardhmen e shtetit . Do të ishte në interes të vendit që lidhur më hapjen e dosjeve të mbahet edhe ndonjë tubim lidhur më këtë temë.Opininoni publik deri më tash nuk është shumë i njoftuar më temën e hapjes së dosjëve nga e kaluara komuniste.Raporti karshi hapjës së temës së dosjeve është një tregues së sa jemi të përgatitur që si shoqëri të demokratizohemi.Dosjët  si temë janë mbyllur gadi në të gjitha vendet e ish bllokut komunist , që ishte edhe si kusht për inkuadrim në BE-e.Hapja e dosjeve nuk është aspak e lehtë , kur dihet e kaluara jonë komuniste. Por heret apo vonë kjo temë duhet të përfundon.Mos hapja e saj është duke na sjellur telashe në demokratizimin dhe rrjedhat e përgjithshme shoqërore dhe politike.Është mirë që një herë e përgjithmonë të ndahet siq thonë shapi nga sheqeri.Gjithë ky stagnacion ekonomik dhe gjithë kjo krizë politike më duket së lidhet edhe më hapjen domosdoshme të dosjeve . Nuk po lirohemi  dot  nga e kaluara komuniste edhe pse kemi hy në sistemin modern kapitalist. Ende në shumë sisteme kemi struktura nga ish regjimi komunist. Këto struktura janë bërë pengesë e madhe  e ecjës tonë përpara.  Në Kosovë askush nuk po  tregohet e gatshem të ballafaqohet më temën e dosjeve .E kjo është e nevojshme të ndodhë për arsye se duhet  si shoqëri të shkëputemi nga totalirizmi.  Nën petkun e demokracisë po ballafaqohemi më regjimin jo shumë demokratik. Dihet së në kohën e totalirizmit shumica e qytetarëve konsiderohen si armiqë të sistemit, dhe kundër tyre  sa here që është paraqitur  nevoja pushteti ka ndërmarr  masa sikur  të ishte në pyetje ndonjë armik i jashtem.Për hapjën e dosjeve politike sigurisht nuk pajtohen në asnjë mënyrë strukturat e ish sistemit  të cilat edhe sot po dirigjojnë më të mirat materjale. Pas luftës na ndodhën para syve tanë  likuidime të kundershtarëve politik . Hapja e dosjeve politike është temë komplekse. Kjo temë kërkon çasje historike, politike, filozofike , sociologjike ….Por nese dëshirojmë që të kemi elita të mirëfillta politike dhe shoqëri të lirë dhe demokratike , atëherë hapja e dosjeve na bëhët  shumë e domosdoshme. Natyrisht së për hapjen e dosjeve nevoitet aprovimi edhe i ligjit të lustracionit.Për këtë ekzistojnë shumë arsye sidomos arsyet politike.Për dekomunizimin e shoqërisë nuk mund të flasim pa hapjën e këtyre dosjeve.Për shqiptarët  komunizmi  ishte përiudha më e keqe në histori.Dhe mu për atë nuk ekzistojnë asnjë arsye që mos të hapën dosjet. Shumë kush këtë periudhë  e pagoi me jetë, me burgosje shumë vjeqare me internime , më shpërngulje masovike nga vendlindjet e tyre…Zyrtarizimi i hapjeve të dosjeve do të krijonte  një atmosferë të re politike, do të hapte një kaptinë të re edhe historike. Natyrisht së shoqëria kosovare,   elita politike dhe kulturore do të  transformoheshin krejt më ndryshe . Do të kishim sisteme të jetës shumë më kualitative  , organe të gjyqësorit shumë më funksionale , dhe do të liroheshim përfundimisht nga të gjitha para gjykimet për njeri –tjetrin. Ka mundësi që shumë nga dosjet janë zhdukur, ose edhe mund të manipulohen për të futur përqarje  në popull .Por, sigurisht së dosjet ruhën edhe nepër arkiva , e që  duhet gjetur mekanizma adekuat  që ato më në fund të bëhën ta hapura për opinionin.  Pa hapjen e dosjeve manipulimet do të vazhdojnë.Do të kemi manipulime më njerëz dhe biografi të tyre.Shteti është i detyruar që të hapën dosjet  edhe për arsye madhore së shumë kush ka vuajtur në të kaluarën nga komunizmi dhe ende po vuan nga një koncept i tillë politik .Nuk bëhët fjalë për numër të dosjeve ,por bëhët fjalë për diqka parimore .Hapja e dosjeve do të hapte shtigje të reja të jetës, të sigurisë dhe fatit  të përgjithshem. Hapja e dosjeve do të ishte fundamenatale për  të pastruar skenën tonë politike, dhe do të  kishte pastruar edhe strukturën elitare në pushtet .Dosjet politike duhet hapur pa dhëmbje dhe pa pasoja për qytetarët …

Kur Visar Ymerit i është përmendur oferta e subjekteve në pushtet për t’i dhënë zgjidhje krizës politike, ai ka rikujtuar filmin “Kumbari” që tematizon familjen mafioze Corleone, e në të cilin nuk refuzohet oferta që jepet.

Partitë e koalicionit qeverisës kanë theksuar se opozita nuk do të mund ta refuzojë ofertën që do ta ketë në tryezë.

Në pjesën e dytë të intervistës, dhënë “Koha Ditore”, kreu i Lëvizjes Vetëvendosje ka thënë të mos ketë kurrfarë oferte që ofrohet nga pushteti dhe që do të ishte në dobi të Kosovës. Kjo, pasi ka theksuar se, në ofertën për marrëveshje, partitë në pushtet duan të përfshijnë një komponent të amnistisë.

PDK-në e LDK-në nuk i ka quajtur parti politike. Ymeri, si kryetar i partisë kryesore në opozitë, ka thënë të ketë propozuar listë të përbashkët me AAK-në e Nismën, edhe me pjesëtarë të shoqërisë civile, propozim që nuk ka gjetur mbështetje akoma.

Në këtë intervistë, Ymeri ka folur edhe për sjelljen që do të tregojë opozita në ceremoninë e mundshme të pranimit të detyrës së presidentit nga Thaçi, e edhe për pjesëmarrjen e mundshme në Komisionin për Statutin e Asociacionit të Komunave me shumicë serbe, dhe komisionin që do të mund ta rishkruante Marrëveshjen për demarkacion me Malin e Zi.

Uran Butka, autor i librit Masakra e Tivarit, në një shkrim për Gazetën Express jep një përgjigje për nostaligjikët e Fadil Hoxhës, me rastin e 100 vjetorit të tij të lindjes. Ai tregon rastet kur Fadil Hoxha ka qenë pjesëmarrës direkt në vrasjet e shqiptarëve.Për gjykimin dhe vlerësimin e një personaliteti historik mbahet parasysh koha kur ka vepruar, si edhe qëndrimi ndaj ngjarjeve kryesore të jetës të popullit e kombit të vet. Fadil Hoxha jetoi dhe veproi në një nga kohët më kritike të kombit tonë: Lufta e Dytë Botërore dhe paslufta, që ndikuan dhe kondicionuan në formimin dhe veprimtarinë e tij.

Muaj më parë, respektivisht nga 21 dhjetori i vitit të kaluar, skenës politike kosovare i është shtuar edhe një subjekt i ri politik. Fjala është për Ballin Kombëtar Demokrat.
Menjëherë pas çertifikimit si subjekt politik nga KQZ-ja, veprimtarët dhe aktivistët e BKD-të  kanë intensifikuar punën e tyre në shtrirjen gjeografike të degëve gjithandej Kosovës.
Deri tani BKD-të ka formuar degët në Besianë, Ferizaj, Gjilan, Viti, Gjakovë, Prishtinë, dhe së fundmi në Kamenicë,…se shpejti pritet t’i formojnë në Pejë. Mitrovicë dhe qytete tjera të Republikës së Kosovës.
Përderisa, kuvendin zgjedhor BKD-të do ta mbajë me daten 10 Qershor në qytetin e Lidhjes Shqiptare-në Prizren.

Puna në themelimin e degëve dhe nëndegëve kudo nepër Kosovë është e vazhdueshme, ngase kërkesat e elektoratit për antarësim në BKD-të janë në rritje e sipër. Ky interesim i madh i elektoratit për subjektin më të ri politik në Kosovë, vjen si rezultat i zhgënjimit në subjektet e deritanishme politike, qofshin ato në pushtet apo opozitë.
Njiherit motivimi shtesë i elektoratit për BKD-të, është fakti se, ky është subjekti i parë politik i pasluftës, që vjen në frymën e pastër kombëtare, me ide, program dhe vizion të qartë kombëtar.
Për dallim nga subjektet tjera politike, BKD-të, elektoratit i ofronë një qeveri të spektrit të djathtë, me vetëm 7 ministri, një administratë profesionale shtetërore, të depolitizuar terësisht dhe në shërbim të qytetarëve.
Për dallim nga qeverisja aktuale megalomane me 21 ministri, përcaktimi qeverisës i BKD-të me vetëm 7 ministri (sipas modelit Zviceran), e dëshmonë qartë vizionin për ndërtimin e shtetit e jo marrjen e pushtetit për zhvatjen e shtetit, siq vepruan qeveritë e deritanishme në Kosovën e pasluftës.
BKD-të synon arritjen e reformave të thella në të gjitha institucionet, duke filluar nga arsimi, shëndetësia, drejtësia, ekonomia, kultura,…etj.
Poashtu prioritet i këtij subjekti politik do të jetë avancimi i bizneseve vendore. Ndërlidhja dhe bashkëpunimi i arsimit profesional me bizneset vendore,…përveq përvojes, nxënësit do ta kenë të garantuar edhe punësimin pas përfundimit të studimeve.

Bashkëpunimi i zgjeruar me sipërmarrjet vendore, është bazament i fuqishëm për  arritjen e reformave ekonomike, garantues i marrëdhënjeve të shëndosha punëdhënës-punëmarrës,…model ky i bashkëpunimit të suksesshëm në shtetet e zhvilluara euro-përëndimore (Zvicër, Gjermani, etj).
Objektiv tjetër madhor i BKD-të është unifikim i tregut ndërshqiptar dhe heqja e tërsishme e kufirit Kosove-Shqiperi.
Zhvillimi ekonomik dhe unifikimi i tregut mes dy shteteve shqiptare, është synim që duhet t’i paraprijë bashkimit formal dhe juridik të shqiptarëve në Ballkan.
Të njëjten politikë BKD-të do ta ndjekë edhe sa i përket Akademisë së Shkencave dhe Arteve, sportit dhe shumë sferave tjera me interes dhe me vlerë integruese kombëtare.
Një Akademi e Shkencave dhe Arteve Shqiptare, do të ishte më e dobishme për ne, se sa këto dy gjysmë akademi të politizuara që i kemi sot.
BKD-të, si një parti me shtrirje gjeografike mbarkombëtare do të insistojë për lirinë e plotë të organizimit politik dhe heqjen e të gjitha pengesave ligjore dhe barrierave artificilae të politikave ditore, që e pamundësojnë funksionimin e subjekteve me shtrirje mbarkombëtare.
Deri më tani, per shkak te pengesave ligjore, BKD-të ka arritur të regjistrohet  vetëm në Shqipëri dhe Kosovë. Mirëpo janë duke u bërë përpjekje serioze për regjistrim edhe në Maqedoni dhe vise të tjera të banuara me shqiptar.
Me një fjalë, BKD-të synon shtrirjen gjeografike mbarkombtare, në një organizim të përbashkët ku përfaqësohen; Kosova, Shqipëria, Maqedonia, Mali i Zi, Kosova Lindore, Çamëria dhe mërgata shqiptare në përgjithësi.
Për fund, ja vlenë të theksohet se, deri në kuvendin zgjedhor të 10 Qershorit, kryetar i përkohshëm i BKD-të është emëruar zoti Bekim Baftiu nga Ferizaji.
BKD-të, përveqse ofertë serioze për elektoratin kosovar në zgjedhjet e jashtëzakonshme që pritet të mbahen shumë shpejt, paraqet shpresë për ndryshime pozitive dhe përmbajtësore në skenën politike kosovare.
Eshtë momenti i fundit që elektorati kosovar të vetëdijësohet dhe të votoj për programe të qarta kombëtare, të kapshme dhe të realizueshme njikohësisht,…e assesi të mos mashtrohet pas premtimeve (boshe) megalomane të klsaës së dështuar aktuale politike.
Vetëm një klasë e re politike, një frymë e pastër kombëtare, e udhëhequr nga intelektual të nivelit të lartë, analist dhe gazetar të guximshëm, veprimtar dhe aktivist të devotshëm të çështjës kombëtare mund ta njerrë vendin nga humnera  e klasës së papërgjegjshme politike.
Vetëm një filim i ri, një organizim i ri, një levizje e re politike e përmasave kombëtare, me një platformë të qartë qeverisëse bazuar në zhvillimin ekonomik dhe mbrojtje të interesave kombëtare, do ta nxjerrë shtetin nga kthetrat e  uzurpatorëve dhe shpëtoj vendin nga katandisja e mëtutjeshme politike, socio-ekonomike dhe kulturore.

Kryetari i Degës së katërt të LDK-së në Prishtinë, Halim Muçolli është distancuar nga komunikata e lëshuar nga kolegjiumi i pesë degëve në Prishtinë, të cilat kërkojnë dënimin e gazetarit Vehbi Kajtazi.

Muçolli ka gjykuar gjuhën e përdorur në këtë komunikatë dhe është distancuar prej saj. Ka thënë se nuk ka dorë në këtë komunikatë.

“Në mediat tona po qarkullon një kumtesë e lëshuar në emër të Kolegjiumit të Degëve të Prishtinës, pjesë e të cilit jam edhe unë. Subjekt i kumtesës është tema e ngritur nga gazetari Vehbi Kajtazi. Kam pranuar shumë telefonata e mesazhe nga miq e kolegë, që shprehin habinë dhe irritimin e tyre rreth gjuhës së përdorur. Çështjen e nivelit të komunikimit me opinionin dhe nivelin gjuhësor si pjesë e tij, e kam bërë temë të paktën në dy raste, në forumet ku marr pjesë”, ka deklaruar Muçolli.

“Ndaj, unë nuk mund të kem dorë në një kreaturë të tillë gjuhësore. Unë, në asnjë rrethanë nuk do të kërkoja të merren masa ndaj gazetarëve pos kërkesës që çështjet familjare e shëndetësore të trajtohen me kujdes e profesionalizëm”, ka thënë Muçolli.

Këtë reagim ai e ka bërë një ditë pasi kolegji i pesë degëve të LDK-së në Prishtinë, që drejtohet nga Ismet Beqiri që është sekretar i përgjithshëm i LDK-së, dhe shef i Grupit Parlamentar të kësaj partie, kanë kërkuar dënimin e gazetarit Kajtazi, për shkak se siç pretendohet shantazhin kundër kryeministrit, Isa Mustafa dhe dëmit që ia ka bërë vendin në arenën ndërkombëtare.

“Njëherit, ky Kolegjium fton organet përgjegjëse të marrin masa adekuate në përputhje me ligjin ndaj këtyre dukurive dhe shkelësve të ligjit, të cilat me këto akte jo ligjore janë duke i bërë dëme jo vetëm kryeministrit të Republikës së Kosovës, z. Isa Mustafa, por gjithë Kosovës”, thuhet në komunikatë.

Këto pesë degë të LDK-së e kanë quajtur gazetarin Kajtazi edhe shantazhues.

“Shantazhin e fundit, të cilën i bëri gazetari Vehbi Kajtazi, flet më së miri se puna dhe angazhimi në krye të qeverisë me kryeministrin Mustafa, është duke i penguar dikujt, andaj qarqet të cilat nuk ia donë te mirën Kosovës dhe zhvillimit te saj, porositin shantazher si ky tani Vehbi Kajtazi, për të degraduar personalitetin e Kryeministrit, si dhe lidershipin e Kosovës, duke u munduar t’i jepet hije të keqe shtetit të Kosovës, si brenda e po ashtu edhe në nivelin ndërkombëtar”, shkruan në reagimin e degëve të LDK-së.

Lidhja Demokratike e Kosovës që qeverisë vendin ka kërkuar dënimin e gazetarit Vehbi Kajtazi, për shkak të, siç pretendohet, shantazhit kundër kryeministrit Isa Mustafa dhe dëmit që ia ka bërë vendin në arenën ndërkombëtare.

Kolegjiumi i pesë degëve të LDK-së së Prishtinës, të cilat udhëhiqen nga shefi i grupit parlamentar të LDK-së, Ismet Beqiri, i cili është sekretar i Përgjithshëm i LDK-së së Isa Mustafës, ka kërkuar që kryeredaktori i Insajderit, Vehbi Kajtazi “ta marrë dënimin e merituar” për shkrimin e tij, që qiti në pah faktin se vëllai i kryeministrit Isa Mustafa, ka kërkuar azil në dy vende të BE-së.

Nëpërmjet një komunikate, këto pesë degë të LDK-së, kërkojnë që ndaj gazetarit të ndërmerren masa dënuese.

“Njëherit, ky Kolegjium fton organet përgjegjëse të marrin masa adekuate në përputhje me ligjin ndaj këtyre dukurive dhe shkelësve të ligjit, të cilat me këto akte jo ligjore janë duke i bërë dëme jo vetëm kryeministrit të Republikës së Kosovës, z. Isa Mustafa, por gjithë Kosovës”, thuhet në komunikatë.

Këto pesë degë të LDK-së e kanë quajtur gazetarin Kajtazi edhe shantazhues.

“Shantazhin e fundit, të cilën i bëri gazetari Vehbi Kajtazi, flet më së miri se puna dhe angazhimi në krye të qeverisë me kryeministrin Mustafa, është duke i penguar dikujt, andaj qarqet të cilat nuk ia donë te mirën Kosovës dhe zhvillimit te saj, porositin shantazher si ky tani Vehbi Kajtazi, për të degraduar personalitetin e Kryeministrit, si dhe lidershipin e Kosovës, duke u munduar t’i jepet hije të keqe shtetit të Kosovës, si brenda e po ashtu edhe në nivelin ndërkombëtar”, shkruan në reagimin e degëve të LDK-së.

Kolegjiumi i pesë degëve të LDK-së, së Prishtinës, fton opinionin e gjerë që të mos bien pre e këtyre dukurive negative, të cilat janë të porositura nga qarqet e caktuara të cilën Kosovën nuk duan ta shohin në sferën e zhvillimeve politike, ekonomike si dhe në zhvillimet e patjetërsueshme të qarqeve dhe instancave ndërkombëtare, e atyre që Kosovën nuk duan që në këtë mandatë qeverisës të ndodh liberalizimi i vizave, si dhe qasjet tjera zhvillimore ekonomike etj.

Voal – Vehbi Kajtazi, autor i portalit INSAJDER, gazetar investigativ nga të paktit që kanë mbetur në Kosovë për të kryer misionin që ka çdo gazetar, pasi gazetaria në Kosovë është gati mision i pamundur. Gazetarët janë ose të shitur tek politika, ose të friksuar nga kërcënimet ose autocensuruar se humbin vendin e punës.

Kërcënimet nuk u ndahen atyre pak gazetarëve që arrijnë në Kosovë të shqiptojnë të vërtetën.

Kundër Vehbi Kajtazit, që disa ditë më parë botoi shkrimin se i vëllai i kryeministrit kishte kërkuar azil në Gjermani, që u botua në gazetat dhe agjensitë më prestigjioze të botës, ka nisur një fushatë barbarike që kryesohet nga kërcënimi i kryeministri dhe vijohet nga linçimet e sejmenëve të tij në LDK.

Dhe LDK është kthyer një parti tribale që prej 2006, kur vdiq Rugova.

Vehbi Kajtazi është shembull se si duhet të jetë gazetari.

Në vitin 2014 ai u dallua për shkrimet e tij investigative që ndriçonin korrupsion në EULEX. Zyrtarë të EULEX i bënë presion Vehbi Kajtazit që të ndalonin botimin e këtyre shkrimeve, por ai nuk u ndal.

Dhe për punën e tij të shkëlqyer në raportimin e së vërtetës, Vehbi Kajtazi në vitin 2015 shpallet gazetar i vitit nga Asociacioni i Gazetarëve të Kosovës. Ai është shpërblyer edhe me  çmimin “Rexhai Surroi” që ndan gazeta Koha Ditore.

Në qershor të 2015 Vehbi Kajtazit iu akordua Çmimi i parë i BE-së për gazetari hulumtuese gjatë 2014 pikërisht për serinë e shkrimeve  për skandalet e EULEX-it.

Vehbi Kajtazi meriton nderim dhe vlerësim edhe nga opinioni publik.

Prandaj le të bëhemi të gjithë me gazetarin Vehbi Kajtazi!

Kryetari i Aleancës Kosovare të Bizneseve, Agim Shahini, është pozicionuar në anën e kryeministrit, Isa Mustafa, kundër gazetarit Vehbi Kajtazi.

Shahini i ka dërguar sot një mesazh telefonik gabimisht një qytetari duke menduar se po i shkruan kryeministrit të vendit.

“I nderuari Kryeministër Mustafa, e keni përkrahjen e AKB-së për deklarimin tuaj kundër atij gazetari që prek vëllaun Tuaj… Respekt Agim Shanihi”, shkruan në sms që ka siguruar Insajderi.

I kontaktuar në të njëjtin numër që ka shkruar mesazh, Shahini ka thënë se është në Gjermani dhe se mesazhi mund të jetë dërguar gabim. Ai nuk ka sqaruar se pse është pozicionuar në anën e kryeministrit, Mustafa dhe kundër gazetarit Kajtazi. /Insajderi.com

VOAL: PDK-LDK po e largon Kosovën nga Shqipëria sa mē shumë që po e sjell Serbinë në Kosovë, shkruan ndër të tjera në postimin e tij para një ore Arbër Zaimi, shtetas shqiptar, anëtar i Këshillit të Përgjithshëm të Lëvizjes Vetëvemdosje, të cilit nga organet policore në Prishtinë iu komunikua sot dëbimi nga Kosova. Më poshtë po e japim të plotë postimin:

Arbër Zaimi -Sot, ndërkohë që isha në qendër të Prishtinës, u mora prej disa policëve të Kosovës, dhe u mbajta në stacion për disa orë. Fletarrest nuk kishin, dhe ma thanë.

Për disa orë koloneli i policisë dhe zyrtarë të tjerë i dëgjova tek flisnin në telefon me dikë “të ministrisë”, të cilit i shfajësoheshin duke i thënë se nuk po munden të gjejnë “lëndë” për të arsyetuar vendimin.

Si përfundim policia mori të dhënat kufitare, dhe tha se unë në 6 muajt e fundit paskam qëndruar 95 ditë, ndërkohë që lejohet veç 90, sipas ligjit për të huajt.

 Jeta pasive politike më së shumti  iu kushton  vendeve në tranzicion. Mos angazhimi në jetën politike  të shumicës sot në Kosovë, ka bërë që të kemi edhe  këtë gjendje të keqe të rrjedhave ekonomike  dhe proceseve politike.Indiferenca politike është  kapitulim para atyre  strukturave në pushtet. Nese bisedojmë më njerëz të kategorive të ndryshme shoqërore, secili ka mendime të caktuara politike, është vrojtues  aktiv i të gjithë asaj së çka po ndodhë.Të gjitha këto po mbesin të mbyllura në kokat e tyre, pa kërkuar që të bëhën aktiv në jetën politike, përmes partive politike, ose në forma të tjera të organizimit.   Të sillemi së gjithë ajo çka po ndodhë në mesin tonë nuk na intereson është vetëvrasje e llojit të vet.Partitë politike janë vend ku secili  i shpërfaq jo vëtem bindjet e veta politike, por janë vend ku shprehen edhe interesat e ndryshme . Sjellja apolitike merre   pikëpamje  dogmatike karshi gjithë jetës shoqërore politike.Pasiviteti , apo mos interesimi ndaj  të gjitha ndodhive shoqërore të cilat lidhën më jetën tonë , është egoizmi më i keq i mundshem.Ky pasivitet  edhe po ua mundëson struktrurave të  burokratizuara politike  jetë gjatësinë e tyre. Po ua mundëson  vazhdimin  e keqpërdorimeve  pa frikë së do tu dalë dikush përpara.Nuk mund të kemi  evoluim  pozitiv përsonal e të përgjithshem pa u bë pjesë e jetës aktive politike.Ne jemi ende në fazën e tranzicionit , ku kërkohet prej nesh të japim kontributin  në zhvillimet e gjithëmbarshme shoqërore dhe politike.Sa jemi  të interesuar për mirëqenjën tonë, për aq do të kemi edhe shtet të përparuar dhe demokratik. Që shumë kohë po sillemi në rrethin vicioz,ose edhe po degradojmë në shkallë të gjërë.Na janë krijuar struktura dogamtike të cilat nga lakmia për përfitime përsonale dhe karrieriste kan mbyllur çdo përspektivë të vendit tonë. Çdo ditë po jemi dëshmitarë të prodhimit të aferave të ndryshme politike, për ti shmangur qëllimisht temat esenciale  nga jeta. Strukturat e burakoratizuara politike mbijetojnë  përmes prodhimit të krizave përmanente . Secili prej nesh duhet hequr nga koka iluzionet së vetvetiu bëhët mirë. Mëkati më i madh i kohës është që qorrazi të mendojmë së do të kemi ndryshime pozitive pas gjithë këtyre ndodhive politike .Secili popull duhet ti këtë synimet  e veta për jetë më të mirë, duke hapur përspektiva për gjeneratat e reja.Sikur ia kemi mbyllur vetit rrugët, duke u dorëzuar para kastës politike e cila nuk po punon mirë.Po sillemi në labirintin të cilin  po na servojnë të ‘fortit’ e politikës. Procset politike sidomos kohën e fundit të krizës institucionale  kan shënuar kulminacionin e të të keqës. Pa zgjimin e një vetëdije politike  nuk kemi mundësi ti kapërcejmë problemet e grumbulluara.Orjentimi ynë politik , por edhe i gjithëmbarshem nuk do të duhej të bazohet pas gjithë këtyre dështimeve në këtë strukturë politike.Idiferenca politike na ka qitur jashtë binarëve normal të jetës.Kjo na bën njerëz të mjerë, dhe do të bën që gjithmonë faturat e keqëpërdorimeve  nga kastat politike në pushtet ti paguajmë vetë.Gjithnjë e më shumë po largohemi nga sistemi pluralist , si sistemi më i avansuar shoqëror. Mos aktivizmi i të gjitha potencialeve shoqërore , ka bërë të mundur që krimi të zënë vend në strukturat më të larta të shtetit. Pjesë e pandashme e kësaj është edhe kurrupcioni dhe të gjitha dukurit tjera deviante . Kemi njerëz të vullnetshem  të cilët do të bënin kthesa pozitive për mirëqenjën e  të gjithë qytetarëve . Kemi njerëz të cilët politikën nuk e kuptojnë si profesion për tu pasuruar , por si profesion ku do të punohej  për jetën më të mirë për të gjithë .Kështu më këtë gjendje aktuale politike, jemi larg kohës së modernitetit.Po mos të ishin të fjeturit politik, sigurisht së nuk do të ekzistonin edhe diktaturat gadi të pathyeshme . Kështu rrethi po na bëhët më i ngusht , duke jetuar nga qasti në qast,  duke  mos ndryshuar  logjikën së mund të jetojmë  pa sundimtarët. Ky  do të ishte  fati më i keq për një shtet dhe një komb…    

Sëmundjet pasojë e luftës, varfëria “rezultat” i egoizmit njerëzor !

Tetë vjet vendnumrim, rrethërrotullim, tetë vjet rrëshqitje dhe izolim ndërkombëtar për Kosovën nuk janë pak, madje janë shumë për një shtet në formim e sipër, janë tepër shumë për një popull më varfëri ekstreme.
Por akoma më të rënda bëhen për popullin e varfër, për faktin që për tetë vite rresht mbi supe barti një kastë politike të korruptuar dhe shantazhuar, duke u pasuruar skajshëm në kurriz të saj!
Tetë vjet regres politik, ekonomik, social, shëndetësor, kulturor, sportiv, edukativ dhe moral të shtetit të Kosovës, do të mbetën gjatë në kujtesën e popullit,…të shkruara apo të pashkruara qofshin ato!
Përderisa liderët shtetëror bëjnë gara në kapjën e tenderëve milionësh në proceset e privatizimit,…popullata e lodhur nga varfërija numëron kilogramët e fundit të miellit dhe artikujve tjerë ushqimor në shtëpitë e tyre,… të sëmurët që askush nuk përkujdeset për ta, numërojnë ditët e fundit të jetës,…janë qeniet më të pafajshme, që s’janë gjë tjetër veqse viktima të keqqeverisjes dhe abuzimit të liderëve partiak me institucionet e vendit.
Të përditshme janë bërë storjet televizive e të rinjëve dhe fëmijëve me sëmundje të rënda. Vetëm muajin e fundit i kemi më dhjetëra raste që kërkojnë ndihmën për shpëtim.
Sikur rastet e sipërpermendura të të sëmurëve të ishin të komunitetit serb, me siguri gjërat do të trajtoheshin pak më ndryshe.
Jo vetëm që do të mirrej seriozisht Qeveria e Kosovës më këtë problem, kjo do të shkonte tutje për trajtim edhe në KS të OKB-së dhe në instancat tjera ndërkombëtare.
Për çka, shumë shpejtë do të ndërmirreshin masa urgjente për shërimin e tyre si brenda ashtu edhe jashtë vendit.
Për ironi të faktit, askush në Kosovë nuk dëshiron apo nuk e ka guximin të merret me shkaqet e këtyre sëmundjeve të rënda, për të cilat akoma nuk është bërë asnjë akzaminim apo hulumtim profesional nga mjekësia ligjore!
Si ka mundësi të ndodhë kjo në vendin i cili ka qeveritarët më të pasur në rajon,  deputet milionera, kryetar komunash poashtu milionera!
Si ka mundësi të vdesin njerëzit nga sëmundjet e rënda në vendin ku po ndërtohën Autostradat më moderne dhe më të kushtueshme në rajon?
Si ka mundësi e gjithë kjo “odiseadë” sëmundjesh të kaloj e pa vrejtur nga qeveritarët dhe milionerët kosovar?!
Edhe sa jetëra të njoma duhet të fikën, për të prekur ndërgjegjën e fjetur qeveritare?

Pse hesht qeveria karshi një fenomeni fatal të qytetarëve të vet?

I kuptojmë angazhimet e qeverisë së kosovës për akomodimin e pakicës serbe në rrjedhat e sistemit politik, por krahas kësaj nuk do duhej harruar as shumicën shqiptare në vend,…të paktën, duhet t’i dëgjojnë zërat e atyre që kërkojnë ndihmë për shpëtimin e jetëve njerëzore!
Për dallim nga problemi i pakicave serbe, që është kryekëput politik, problemi i sëmundjeve të rënda vdekjeprurëse është problem nacional i shumicës shqiptare, por mbi të gjitha është edhe problem humanitar.
Nëse Qeveria e Kosovës nuk është në gjendje të mirret e vetme me shërimin e qytetarëve të saj, atëhere pse të mos e kërkojë ndihmën e komunitetit ndërkombëtar, në ketë rast UNHCR-it, UNICEF-it apo organizatave tjera humanitare,  për shpëtimin e shumë jetëve të njoma dhe të pafajshme të qytetarëve të varfër të vendit të tyre!
Heshtja e qeveritarëve në Prishtinë ndaj dukurisë së sëmundjeve vdekjeprurëse e të rinjëve shqiptar, e ka vetëm një spjegim-mjerimin dhe egoizmin njerëzor në të cilin kanë rënë.

“Varfëria nuk është vepër e Zotit, por vjenë si rezultat i egoizmit njerëzor”

Nuk e di, si nuk i vret ndërgjegja këta pushtetarët e sotëm, që dikur aq shumë thirreshin në vlerat e luftës, disa prej të cilëve ishin edhe pjesë e luftës, përderisa  sa të tjerë ishin jashtë vendit dhe luftën e “shijonin” vetëm përmes TV-së, kur në Kosovë luftohej për jetë a vdekje.
Ndërsa sot, quditërisht po  bëhen të shurdhër dhe të verbër, para një situate të rëndë socio-ekonomike dhe shëndetësore të  bashkëluftëtarëve të tyre.
Luftëtarët. dëshmorët, invalidët, martirët,  nuk meritojnë të mbetën të harruar nga shteti, e assesi të mbesin raste socilale dhe në mëshirën e Zotit!
Ata luftuan per një shtet të lirë e të barabartë për të gjithë. Mirëpo për fat të keq, sot vlerat e lirisë po i gëzojnë pseudopatriotët, përfituesit e luftës të konvertuar në politikan-biznesmen.
Si pasojë e kësaj, sot luftëtarët nuk i gëzohen lirisë e as pavarsisë së përgjysmuar, për të cilat dhanë gjymtyrët e trupit tyre,…të mbetur pa asnjë përkujdesje shtetërore, të nëpërkëmbur e përbuzur nga shoqëria dhe shteti!
Nuk është nderë për një vend të sapodalur nga lufta, që në njërën anë të ketë politikan milionera, ndërsa në tjetrën ish luftëtarët e lirisë mbledhin kanaqe rrugëve për të mbijetuar nga varfëria!
Kjo gjëndje e krijuar, përveq së e dhimbshme, mund të jetë edhe një rrezik për një shpërthim më përmasa përmbysëse për shtetin e Kosovës!
Ska dyshim se plagët e shtetit të Kosovës janë të shumta dhe të shumllojshme: varfëria, papunësia dhe shpërngulja…janë plagët të ardhura si pasojë e mungesës së zhvillimit ekonomik, krimit të organizuar dhe korrupsionit nga mungesa e funksionimit të sistemit të drejtësisë,…dështimet në sistemin arsimor, shëndetësor, kulturor të vendit dhe shumë e shumë të tjera,…por mbi të gjitha është klasa e dështuar politike, e shndrruar në sindrom kancerogjen të shtetit të Kosovës.
Pushtetarët, janë dhe do të mbetën edhe për një kohë të gjatë bartësit e të gjitha plagëve të shtetit, gjitha vuajtjeve dhe mundimeve, thyerjeve shpirtërore dhe zhgënjimeve të qytetarëve.
Pa largimin total të kësaj klase kancerogjene nga pushteti, pa ndëshkimin e të inkriminuarëve në krime dhe korrupsion, pa depolitizimin e institucioneve të pavarura dhe pa rimëkëmbjen ekonomike të vendit do të ishte iluzive të flitet për ndryshime pozitive, e aq më pak për parandalimin e shpërnguljes së shqiptarëve nga trojet e veta etnike.

Imoraliteti i kastës aktuale politike kosovare i ka kaluar të gjitha limitet

Kur jemi në këtë segment, tek gjendja e krijuar në Kosovë, na del përpara thënja e të madhit dhe të pa vdekshmit, profesorit Fehmi Agani; “Koha sjellë çka investojmë ne dhe sa arrijmë ne në kohë”.
Ky mendim i logjikshëm na obligon të investojmë sa më shumë që është e mundur në realizimin e interesave të popullit dhe shtetit të Kosovës, si dhe në shfrytëzimin e kohës, si dhurata më e çmuar që na ofrohet çdo ditë nga i madhi Zot.
Mirëpo, këtë investim duhet ta bëjë vetë populli, e jo qeveritë e huaja të instaluara në Kosovë. Në rrethana të tjera do të mjaftonin më pak se 17 vite pritje, prej të cilave më tepër se tetë vite pavarësi, për të arritur në realizimin e ëndrrave të artyre që sakrifikuan për shtetin e Kosovës.
Por nëse vazhdohet kështu, mund të kalojnë edhe po aq vite të tjera e populli të mos e merrë fatin e Kosovës në duart e veta.
Të mos presim kot. Vendi ynë ka nevojë për ndihmën tonë. Kombi ynë ka nevojë për qytetarët e vet e jo për karrieristë, sepse karrierizmi është kancer i demokracisë dhe shoqërisë njerëzore në përgjithësi.
Një fillim i ri, me njerëz të ri, gjakë të ri dhe të pastër kombëtar do ta shpëtonte Kosovën nga katandisja e mëtutjeshme,…që e solli buzë greminës klasa e shëmtuar aktuale politike e vendit, e njerëzve pa integritet moral, servil ndaj ndërkombëtarëve dhe e pabesë ndaj bashkombasve të vet.
Ju politikaj të akomoduar në qeverinë e “re”, mbase mund të ndjeheni të lumtur, edhe pse popullit i keni bërë jetën ferr, kur në të njëjtën kohë vetës i keni siguruar  gjitha të mirat e kësaj bote…vazhdoni të garoni për poste e privilegje të reja,…ngase nesër do ta kini më lehtë të mbani pushtetin pa njerëzit,…që ikja nga vendlindja e tyre u ka mbetë i vetmi shpëtim nga varfëria dhe denigrimi moral.
Por një gjë mos e harroni, ju pushtetar që i keni nxënë dritën e diellit dhe vrarë ardhmërinë e këtij populli, mallkimin e tij do ta keni mbrapa edhe në ferr po të shkoni.

As udhëheqësit e Kishës Katolike në Prishtinë duket se nuk i kanë rezistuar tundimit që t’i shpërblejnë familjen e tyre të ngushtë me punë ndërtimore.

Gazeta Express merr vesh që familja e ngushtë e Ipeshkvit Dodë Gjergji po merren me kryerjen e punëve në Katedrale, që kushtojnë qindra mijëra euro.

“Kompania ‘Torre’ ka kryer lyerjen e objektit brenda në Katedralen e Prishtinës është në pronësi të familjarëve të Ipeshkvit Dodë Gjergji”, thotë një burim i Gazetës.

Pronari i kompanisë “Torre”, Gazmend Gjergji, i kontaktuar nga Gazeta Express, nuk e ka mohuar që është djali i vëllait të Ipeshkvit Dodë Gjergji, por as nuk ka sqaruar rrethanat e përfitimit të privilegjit për të punuar si punëkryes në Katedralen “Nëna Terezë” në Prishtinë.

Ai ka thënë se do të sqarohet më vonë.

Edhe drejtuesit e Ipeshkvisë së Kosovës, të kontaktuar nga Express, nuk e kanë mohuar që punëkryesit në Katedralen në Prishtinë janë të afërm të Ipeshkvit Dodë Gjergji, por edhe ata sikurse pronari i kompanisë “Torre” kanë kërkuar kohë.

“Jemi në kohën e përgatitjeve për festën e Pashkëve dhe nuk do të jetë e mundur të përgjigjemi”, thuhet në përgjigjen e Ipeshkvisë për Express.

Kompania “Torre” ka publikuar në faqen e tyre në Facebook që Katedralja në Prishtinë është kryevepra e punëve të kësaj kompanie dhe kanë publikuar fotografi nga procesi i kryerjes së këtyre punimeve, vitin që lamë pas.

Express merr vesh se ndërtimi i Katedrales në Prishtinë, pos që është zgjatur përtej pritjeve fillestare, është një barrë edhe për familjet e krishtera në Kosovë.

Ato janë të obliguara nga Ipeshkvia që të paguajnë për ndërtime e katedrales edhe nga 100 euro në vit, por kjo nuk është vlerë fikse pasi që varet statusi financiar i familjeve.

Të krishterët paguajnë edhe taksën “haku i kishës” që është po ashtu taksë vjetore që po ashtu varet prej gjendjes ekonomike të familjeve.
Katedralja “Nëna Tereza” ka filluar të ndërtohet në vitin 2005 dhe që nga ajo kohë ende është në ndërtim e sipër, derisa salla e madhe e saj është vënë në përdorim për kremte të ndryshme të organizuara nga Ipeshkvia e Kosovës, përfshirë edhe meshat e Krishtlindjeve.

Nuk dihet në publik ende vlera financiare e investimeve në këtë projekt, derisa për të janë dhënë donacione edhe nga jashtë vendit. Para kompanisë “Torre” punime në këtë objekt gjigant në qendër të kryeqytetit  kishte kryer edhe ndërmarrja “Vëllezërit Dodaj”.

Deri më tash janë investuar shifra të mëdha të hollash, por që nuk ka pasur ndonjë transparencë të madhe rreth kësaj çështje. Nuk dihet saktësisht se sa janë investuar dhe sa do të investohen. Ajo që dihet është se në Shtete të Bashkuara të Amerikës janë dhënë donacion miliona euro.

Ramush Haradinaj, Visar Ymeri e Fatmir Limaj shumë shpejt mund ta kenë para vetës propozimin e PDK-së për tejkalimin e krizës politike. Këtë e kishte paralajmërim e ka dhënë u.d i Kryetarit të PDK-së, Kadri Veseli, të premten e kaluar, pas mbledhjes së Kryesisë së Kuvendit.

“Shumë shpejt do të ketë një ftesë të veçantë për opozitën, e cila është shumë serioze”, kishte paralajmëruar udhëheqësi aktual i PDK’së.

Veseli s’kishte treguar detaje të propozimit të PDK-së për daljen nga kriza por s’e kishte mohuar edhe mundësinë e dakordimit për një datë të re të zgjedhjeve nacionale. Por, gjithçka kishte thënë se do të bëhet me marrëveshje.

Opozita ende s’është njoftuar me këtë plan të PDK’së. Tre liderët opozitarë kanë mbajtur tubimin e fundit të shtunën ku kanë paralajmëruar protestën e madhe për 27 mars.

Por, për planin e PDK’së s’ka njohuri as Partia e Isa Mustafës, e cila udhëheqë me Qeverinë e Kosovës.

Nënkryetari i LDK’së, Haki Rugova, ka thënë për Express, se s’kanë diskutuar për asnjë zgjidhje të re me PDK’së. Ka thënë se Qeveria dhe LDK është në pozicionet që kanë qenë më herët.

“Ne nuk kemi diskututuar për këtë çështje me partnerin e koalicionit”, ka deklaruar Rugova, për Express, të dielën.

“Ne jemi në pozicione të njëjta. Vazhdon marrëveshja e koalicionit ndërsa ndonjë ofertë për opozitën s’është diskutuar në LDK”, ka shtuar ai.

Opozita ka refuzuar çfarëdo dialogu me Qeverinë e udhëhequr nga LDK në koalicion me PDK’në dhe minoritetet.

Ndërkohë, Presidenti në ardhje, Hashim Thaçi ka thënë se është i gatshëm t’i shpallë edhe zgjedhjet e reja nëse partitë pajtohen për një datë të re të zgjedhjeve.

“Si President unë do t’i ftoj pozitën dhe opozitën të dialogojnë dhe sa për zgjedhje kjo i takon partive politike të cilat nëse merren vesh për këtë çështje unë jam gati t’i shpalli ato në bazë të përgjegjësive që më takojnë”, kishte thënë Thaçi, në një intervistë në RTV21.

As për këtë pikë s’kanë njohuri në LDK’në.

“Nuk kemi biseduar dhe askush nga LDK s’e ka nxjerrë në rend dite një diskutim të tillë”, thotë njeriu i dytë në LDK.

Ndërkohë, për mundësinë e zgjedhjeve të reja kishte folur edhe Nënkryetari tjetër i LDK’së, Lutfi Haziri. Kishte thënë se në zgjedhje të reja shkohet vetëm nëse për këtë vendos LDK dhe askush tjetër.

“Këtë vend në zgjedhje e çon veç LDK dhe s’ka asnjë individ e parti politike tjetër. Pa LDK-në, nuk ka as zgjidhje as zgjedhje. Kudo që është LDK, aty ka sukses”, kishte shkruar Haziri, në FB.

Sidoqoftë,  Kadri Veseli kishte thënë se beson se Opozita do ta pranojë ftesën e PDK’së për marrëveshje.

“Me marrëveshje janë bë pavarësia dhe shumë interesa të vendit, andaj jam optimist se opozita do ta pranoj ftesën”, kishte thënë ai.

Siç mund të mësohet nga proceset ose zhvillimët e  gjithëmbarshme reaksionare dhe turbulente në Kosovë. Gjegjësishtë, nga paradokset, anakronizmat, turbulencat, destruksionet, dekonstruksionet dhe anomalitë  e shumëta objektive dhe subjektive në jetën e njohur institucionale dhe politike të Kosovës. I ashtuquajturi  “koalicioni i madh” në mes PDK-së dhe LDK-së , ka shumë që po vazhdon t´ngjajë një të ashtuquajture “kulle të Babilonisë”  ku krahu i djathtë i saj (PDK), si të thuash nuk di asnjëherë se ç´bën dhe vepron (prapa shpinde) krahu i majtë i saj (LDK) ose anasjelltas.

Pushtetarët qeverisjen e vendit e kanë kuptuar si privilegj e jo si përgjegjësi. Po të mos ishte kështu nuk do të luanin me kaq komoditet me interesat e vendit dhe me pasurinë e qytetarëve të Kosovës.
Privilegjet e pushtetarëve fillojnë nga kafeja në Kuvend, drekat e darkat, mëditjet e larta, makinat luksoze e deri të ekskursionet e gjata në shtetet europerëndimore, të gjitha këto të paguara nga paratë e taksapaguesve të varfër të Kosovës.
Dështimet në qeverisjen e vendit përgjatë tetë vjetëve të fundit janë të shumta dhe të shumëllojshme, megjithatë dështimi më fatal për shtetin e Kosovës ndodhi në bisedimet e Brukselit, duke pranuar gjithçka që ofroi Serbia,…pa i vënë as kushtin e vetëm palës kundërshtare në dialog!
Fillimisht Kosova në bisedimet e Brukselit hyri me fusnotë*, me ç’rast “de jure” dhe “de facto” e pranoi Serbinë si hisedare të tërësisë territoriale të shtetit tonë,…duke anashkaluar vullnetin e shumicës shqiptare, duke shkelur mbi idealet dhe gjakun e dëshmorëve dhe martirëve të lirisë sonë, që u flijuan për një shtet ndryshe nga ky i sotmi.
Mbetja e veriut të vendit me sovranitet të dyfishtë është më tepër tradhti kombëtare, ngase veriu i vendit është interes mbi të gjitha interesat, andaj askush nuk e ka të drejtën e as privilegjin të vendosë për fatin e pjesës më vitale të vendit tonë.

Arsyetime të pakripë të qeveritarëve

Për gjëra kaq madhore mund të vendosin vetëm qytetarët, ata janë sovrani i këtij vendi e jo qeveritarët kushdo qofshin ata; të djathtë apo të majtë, të njërit apo të tjetrit ekstrem politik. Problemet që janë të lidhura me sovranitetin e vendit i takojnë tërë popullit e jo një qeverie.
Praktikat e mëhershme na kanë mësuar për fleksibilitetin e qëndrimeve të qeveritarëve aktualë, që ndryshojnë nga çasti në çast,…ndryshe thonë e ndryshe veprojnë.
Çdo nismë ndërkombëtare për realizimin e planeve serbe mbi Kosovë, fillimisht është kundërshtuar nga qeveritarët tonë,…por menjëherë  pas ndërhyrjes së “miqve” ndërkombëtarë, të njëjtën e kanë pranuar në emër të ruajtjes së “stabilitetit”, të fqinjësisë së mirë, në emër të miqësisë më të huaj,…duke u thirrur në normalizimin e marrëdhënieve më shtetin serb, në emër të stabilitetit të rajonit, si kusht i nevojshëm që Kosova të anëtarësohet në BE, në OKB, e organizma të tjerë ndërkombëtarë!
Arsyetime këto të pakripë të qeveritarëve, që nuk përkojnë aspak me realitetin,… deklarime të cilat për më tepër janë të motivuara nga presioni i qarqeve të caktuara ndërkombëtare, që për liderët e korruptuar e të shantazhuar kosovar janë gjithnjë punë e kryer!
Opsionin  e shtrirjes së sovranitetit në veri, qeveritarët sikur e kanë harruar, ashtu siç e kanë harruar të kaluarën e tyre të të qenit çlirimtarë të vendit…
Tanimë opsioni i shtrirjes së sovranitetit në veri është zëvendësuar  me dialog politik më palën serbe, që s’është gjë tjetër veçse legjitimim i ndarjes së asaj pjese nga harta gjeopolitike e Kosovës.
Në vend që Serbia të kushtëzohet me njohjen e Kosovës shtet, me shpërbërjen e vërtetë të strukturave të saj në veri, me ndriçimin e fatit të të pagjeturve, me kërkim-falje dhe pagimin e dëmeve të luftës, me kthimin e librave kadastralë,… e më shumëçka tjetër që e obligon Serbinë si shkaktare e shumë plagëve e vuajtjeve të popullit shqiptar të Kosovë tani e njëqind vjet më parë.
Pushtetarët kosovarë nga  bisedimet e Brukselit ua krijuan iluzionin qytetarëve të vendit për liberalizim të vizave, anëtarësim në organizatat ndërkombëtare, në BE, në OKB,…por së fundi nuk e arritën as anëtarësimin në UNESCO!
Pushtetarët kosovar nuk arritën të krijojnë asnjë lloj reciprociteti me shtetin serb. Mallrat e dyshimta serbe hyjnë të papenguara dhe të padoganuara  në Kosovë, duke e ngulfatur kështu tregun dhe prodhimtarinë vendore, duke filluar nga mielli, vaji ushqimor, sheqeri,…kur të njëjtat produkte vendore në të kaluarën jo shumë të largët, jo vetëm që mbulonin tregun kosovar, por eksportoheshin edhe në republikat e tjera të ish- federatës jugosllave.

Shtet pa ushtri

Po ashtu, edhe në rrafshin e brendshëm politik, Qeveria aktuale e vendit është e varur dhe e ndikuar nga Beogradi përmes pakicës serbe në Kuvendin e Republikës së Kosovës.
Si pasojë e kësaj varësie e kemi edhe mostransformimin e FSK-së në ushtri, respektivisht në FAK siç po e dëshirojnë ta quajnë pushtetarët aktualë.
Vetë ikja nga terminologjia FARK, që përkon me një ushtri të shtetit sovran, është treguesi më i mirë i rrëshqitjes drastike të politikës kosovare nga shtetësia dhe sovraniteti i vendit.
Shtet të pavarur nuk ka dhe as që mund të ketë pa sovranitet të plotë, me integritet territorial të cunguar dhe pa ushtri-elemente bazike këto që i jepnin kuptim pavarësisë së shtetit dhe lirisë së popullit.
Edhe përkundër trumbetimit të vazhdueshëm të pushtetarëve aktualë, që e kanë në dorë sovranitetin, integritetin territorial dhe ushtrinë e “gatshme”, realiteti po ua thotë të kundërtën. As FA*K-u nesër pa akronimin e Republikës, nuk do t’i ketë kompetencat e një ushtrie të kompletuar, dhe as që do të jetë e gatshme për mbrojtjen e sovranitetit të shtetit.
Sado që kemi institucione, në shtetin e Kosovës nuk funksionon ligji e as kanuni. Të huajt (ndërkombëtarët) janë bërë zot shtëpie në vendin tonë. Drejtuesit e institucioneve tona shtetërore shërbejnë vetëm si dekor,…janë vetëm figura (shahu) politike në duart e mekanizmave ndërkombëtarë.
Rolin e presidentit të shtetit e mban përfaqësuesi i BE-së, përderisa rolin e kryeministrit, si gjithnjë, e mban ambasadori amerikan me vartësit e tij evropianë.
Ne jemi bërë pikë e pesë siç thotë populli, të ndarë në shumë parti e grupacione politike, duke vrapuar si të çmendur pas pushtetit në shtetin me fusnotë*, duke mos respektuar asnjë kriter apo vlerë njerëzore.

Nëntëmbëdhjetë kërkesa për komuna të reja, presin shqyrtimin dhe aprovimin e Qeverisë së Kosovës.

Mes kërkesave janë ato të komuniteteve pakicë. Goranët kanë kërkuar krijimin e Komunës së Gorës. Kroatët ndërkaq, atë të Janjevës, derisa boshnjakët kanë kërkuar që Vitomirica ta marrë statusin e Komunës.

Kërkesa e parë për t’u bërë komunë është bërë nga Zhegra në vitin 2006. E fundit ka dorëzuar kërkesë Kieva në 2014.

Në listën e kërkesave nuk është Prilluzha, që sipas opozitës pritet të krijohet si kompromis i votimit të Hashim Thaçit për president nga ana e Listës serbe.

Në Qeveri kanë thënë se krijimi i komunave nuk është fare në rend të ditës.

Zëdhënësi i Qeverisë, Arban Abrashi ka deklaruar se së pari duhet të bëhet një studim i fizibilitetit. Sipas tij, shumica e kërkesave do të hidhen poshtë për shkak se nuk mund të kenë qëndrueshmëri.

“Ministria e Administrimit të Pushtetit Lokal është duke bërë fizibilitetin e komunave aktuale, pastaj hyn në shqyrtimin e kërkesave të reja”, ka thënë Abrashi për gazetën online Insajderi.

Komunat e reja fillimisht duhet të votohen në Qeveri e pastaj në Kuvend me dy të tretat e votave, përfshirë dy të tretat e deputetëve të pakicës serbe.

Qeveria e kaluar e drejtuar nga presidenti i zgjedhur, Hashim Thaçi kishte marrë vendim që të krijoheshin disa komuna të reja. Gjonaj, Rogova dhe Zhegra janë votuar në Qeveri.

Qeveria aktuale thotë se ato nuk kanë qenë vendime, por nisma. Dhe si të tilla pritet të shqyrtohen në të ardhmen bashkë me kërkesat e komuniteteve.

Ndërkohë, me planin Ahtisaari janë krijuar komunat e Hanit të Elezit, Kllokotit, Mamushës, Junikut, Parteshit, Ranillugut dhe Graçanicës.

Së fundi është krijuar Komuna e Mitrovicës Veriore që udhëhiqet nga serbët. Ajo është themeluar pas bisedimeve në Bruksel në mes të Qeverisë së Kosovës dhe asaj të Serbisë.

Derisa Qeveria mohon se do të krijohet Komuna e Prilluzhës, opozita tashmë ka nisur protestat kundër saj. Në Vushtrri sot proteston opozita kundër krijimit të Prilluzhës, komunë.

“Pretendimet për krijimin e “komunës së Prilluzhës”, janë një sajim i radhës i tri partive opozitare, të cilat pas diskreditimit publik të kauzave të deritashme dhe metodave jodemokratike të përdorura në kuadër të tyre, po përpiqen që me trillime politike dhe duke mos kursyer mjetet e dhunës, të manipulojnë qytetarët me qëllim që të vijnë në pushtet”, ka thënë Qeveria në një komunikatë./Insajderi.com

Analisti kosovar Halil Matoshi e ka vlerësuar të ligjshëm deportimin e aktivistit të Vetëvendosjes, Boiken Abazi, duke thënë se ai nuk e njohu kurrë shtetin e Kosovës.

Sipas Matoshit, secili shtet e ka të drejtën e mbrojtjes nga njerëzit që nuk i janë besnik.

Ja postimi i plotë i Matoshit në Facebook:

“Deportimi i Boiken Abazit asht i ligjshem dhe krejtesisht i justifikueshem per shkak se ai nuk njohu kurre shtetin e ri, as Kushtetuten dhe as ligjet e tij, as rendin simbolik te tij, por foli e punoi per shperberjen e entitetit juridik-politik te quejtun Republika e Kosoves. Pra secili shtet pra edhe Republika e Kosoves, kurdo dhe ne cdo rrethane e ka te drejten me e mbrojte veten nga njerezit qe nuk i jane besnik si atdheut te vetem te tyne. Abazi e ka nji atdhe rezerve – qe na nuk e kemi!?.

Qe cka thoshte ai:

“Flamuri i Kosoves, si cdo flamur shteteror, nuk eshte thjesht nje dizajn apo nje cope lecke. Ai eshte shume me shume se kaq. Eshte simboli i triumfit te imponimit nderkombetar kunder vullnetit te shumices ne Kosove, simbol i politikaneve te kamur dhe te kalbur te Kosoves, simbol i nenshtrimit te tyre, simbol dhunues per lirine, simbol shenjues i rruges qe po e con Kosoven tatepjete. Me ndryshimin e kesaj rruge, me heqjen e matrapazeve nga pushteti, do t’i hiqet Kosoves shpejt edhe ky shenjues nenshtrimi …”

Pas një debati që nisi mbrëmë në lidhje me banesën e ish-kryetarit të Prishtinës, Ismet Beqiri, ka reaguar Agron Demi, drejtor i Institutit GAP, i cili ka numëruar disa raste kur drejtues të shtetit kanë përfituar të mira materiale nga buxheti i shtetit.

Ai Kosovën e ka quajtur si shtet zemërgjerë dhe shtet i zhvatësve.

Demi ka thënë se Ismet Beqiri nuk është kryetari i vetëm i komunës që ka përfituar banesë gjatë kohës sa ka qenë duke ushtruar postin e kryetarit.

“Në vitin 2009, liderët e të gjitha partive politike në Komunën e Klinës, duke përfshirë edhe kryetarin Sokol Bashota, i kishin ndarë vetit nga një banesë, me arsyetimin se duhet me qenë afër komunës,” ka shkruar Demi në llogarinë e tij në Facebook.

Ai ka kritikuar edhe deputetët e Kuvendit të Kosovës, të cilët sipas tij asnjëheër nuk ka kthyer kompjuterët laptop të blerë nga paret e buxhetit të shtetit.

“Çdo zyrtar publik i cili e përfundon mandatin e tij, asnjëherë nuk e kthen telefonin mobil, të blerë me buxhet të shtetit; ish-Kryetari i Kuvendit Nexhat Daci kishte rregullu dhëmbët me buxhet të Kuvendit, kurse në vilen e tij jashtë Prishtinës kishte dërguar një TV të blerë nga Kuvendi,” ka shkruar Demi.

“Krejt këto me pare të shtetit, në të cilin kontribuojnë me dhjetëra familje të cilat nuk kanë mundësi me i sheru anëtarët e tyre, e nuk kanë mundësi me ua ble një loptop fëmijëve, e me i rregullu dhëmbët e tyre,” ka thënë ai./Insajderi.com

Disa ditë pas paralajmërimit se do të braktis PDK-në, kompania e Ramiz Kelmendit do të nënshkruajë një marrëveshje me Qeverinë e Kosovës. Deputeti Kelmendi thotë se është tërhequr nga nënshkrimi i saj përkundër se MASHT ka njoftuar mbrëmë se marrëveshja do të nënshkruhet mes Kelmendit dhe ministrit Bajrami. Nënshkrimi nga Kelmendi do të përbente shkelje ligjore.

Qeveria e Kosovës sot do të nënshkruaj marrëveshje me kompaninë në pronësi të  Ramiz Kelmendit, deputetit të Partisë Demokratike të Kosovës. Marrëveshja parasheh ofrimin e praktikës profesionale për nxënësit e shkollave profesionale në gjithë vendin. Ministria e Arsimit njoftoi mbrëmë se marrëveshja do të nënshkruhet mes ministrit Arsim Bajrami dhe përfaqësuesit të kompanisë “Elkos Group”, Ramiz Kelmendit.

Nënshkrimi nga ana e Kelmendit përben shkelje të ligjit për parandalimin e konfliktit të interesit. Ligji obligon zyrtarët e lartë publik që heqin nga postet menaxheriale në kompanitë e tyre. Zyrtari i lartë gjatë kohës së ushtrimit të mandatit nuk ka të drejtë të përfaqësojë, promovojë dhe të nënshkruajë marrëveshje në emër të kompanisë që e ka në pronësi.

Këto përgjegjësi duhet t’i delegoj tek personat tjerë. Kelmendi është pyetur për këtë nga Insajderi. “Këtë pyetje ia kam shtruar edhe vetes mbrëmë. Kam ardhur në përfundim se nuk kam të drejtë të nënshkruajë. Do të nënshkruajë dikush tjetër, ndoshta drejtori apo zv/drejtori”, ka thënë Kelmendi. Por Kelmendi do të marrë pjesë në ceremoninë e nënshkrimit në ora 11:00, në zyrat e kompanisë “Elkos” në Pejë.

“Do të jem si deputet aty”, ka thënë Kelmendi. Shton se nëse edhe prania si deputet përben problem  atëherë ai mund ta pres në shumë forma ministrin Bajrami.

“Unë duhet ta pres ministrin Bajrami. Kam obligim edhe njerëzor që ta pres ministrin që viziton pronën time. Do të jem aty si pronar, vëzhgues…”, ka shtuar ai.

Nënshkrimi i kësaj marrëveshje me Qeverinë e Kosovës vjen vetëm tetë ditë pas paralajmërimit të Kelmendit se mund të braktis Partinë Demokratike të Kosovës. Deputeti Kelmendi thotë se nuk ka ndërlidhje mes këtyre dy veprimeve. Thotë se nënshkrimi i marrëveshjes me Ministrinë e Arsimit ishte diskutuar para disa muajsh, por është shtyrë për shkak të situatës politike.

Kelmendi i pati rënë pishman vetëm një ditë më vonë dhe kishte deklaruar se do të vazhdonte të qëndronte në PDK. Ai vazhdon të kërkoi postin e zv/kryeministrit për zhvillim ekonomik në Qeverinë e Kosovës. Kërkesë alternative e tij mbetet edhe posti i ministrit të ndonjë prej Ministrive që kanë fushëveprim ekonominë. Insajder