Udhëheqësit e BE planifikojnë t’i vendosin vajzat e Vladimir Putinit në listën e fundit të sanksioneve, ndërsa blloku po përgatit goditjen e tij të fundit ndaj Moskës pas krimeve të dyshuara të luftës në Ukrainë.

Katerina Tikhonova, 35, dhe Mariya Vorontsova, 36, janë në draft listën e fundit të BE-së të objektivave që përfshijnë oligarkë, politikanë dhe ata që thuhet se janë brenda rrethit të brendshëm të Putinit.

Dihet pak për jetën personale të Tikhonova, një shkencëtare dhe ish-akrobate, dhe Vorontosva, një endokrinologe, por ato pritet të jenë subjekt i ngrirjes së aseteve dhe ndalimeve të udhëtimit në të gjithë kontinentin nga e mërkura.

Edhe pse është e paqartë nëse dyshja kanë prona jashtë Rusisë, çdo jetë e mundshme luksi që ata mund të kishin në Evropë tani ka të ngjarë të jetë një ëndërr e largët.

Ajo vjen pasi G7, BE dhe Shtetet e Bashkuara thuhet se kanë rënë dakord për një ndalim të ‘të gjitha investimeve të reja’ në Rusi. bw

Presidenti i Këshillit Evropian, Charles Michel.

RFE/RL

Shefi i Këshillit Evropian, Charles Michel, tha se Bashkimi Evropian duhet të vendosë sanksione në energjinë ruse, siç është nafta dhe gazi, “herët a vonë”, teksa blloku po përgatitet të rrisë presionin ndaj Moskës, pas raportimeve për mizori të luftës të kryera në Ukrainë nga trupat ruse.

“Mendoj se masat mbi naftën dhe edhe gazin do të duhet të ndërmerren herët a vonë”, tha Michel para Parlamentit Evropian më 6 prill.

Michel u bëri thirrje ligjvënësve evropian që të shqyrtojnë sanksione të tilla, që do të shënjestronin burimin kyç të të ardhurave të Moskës, pas raportimeve se “krime të luftës” janë kryer nga trupat ruse në qytetin ukrainas, Buça ku “që dëshmon se brutaliteti rus kundër popullit të Ukrainës nuk ka kufi”.

Që prej se trupat ruse u tërhoqën javën e kaluar nga qytetet dhe fshatrat përreth Kievit, videot e publikuara dhe mediat kanë raportuar se në këto zona janë parë civilë të vrarë nga trupat ruse, të shtrirë nëpër rrugë. Disa prej viktimave kanë pasur duart e lidhura pas shpine.

Raportimet, që Rusia i quan “të rreme”, kanë nxitur dënim të Rusisë nga komuniteti ndërkombëtar.

Fitorja e partisë së Orbanit u mirëprit në Kremlin, me mesazhin e Putinit që thoshte se “megjithë situatën e vështirë ndërkombëtare, zhvillimi i mëtejshëm i partneritetit dypalësh përputhet plotësisht me interesat e popujve të Rusisë dhe Hungarisë”.

Orban shihet si aleati më i ngushtë i Putinit brenda Bashkimit Evropian, me Hungarinë që mban lidhje të ngushta ekonomike me Moskën, duke përfshirë vazhdimin e importit të gazit dhe naftës rus me kushte të favorshme, duke komplikuar më tej lidhjet me Brukselin, të cilat tashmë ishin të vështira.

Orban i përshkroi “burokratët e Brukselit” dhe presidentin e Ukrainës Volodymyr Zelensky si elementë të një “force dërrmuese” që partia e tij e kishte kapërcyer./thelondoneconomic.com

RFE/RL

Rusia ka të ngjarë të nisë një ofensivë të re në rajonin lindor ukrainas të Donbasit në javët e ardhshme, tha të martën sekretari i Përgjithshëm i NATO-s, Jens Stoltenberg. Ai shtoi se aleatët kanë kohë që ta ndihmojnë ushtrinë ukrainase që të përgatitet për këtë ofensivë.

Duke folur një ditë para se ministrat e Jashtëm të NATO-s të takohen në Bruksel për të diskutuar për më shumë mbështetje financiare, ushtarake dhe humanitare për Ukrainën, Stoltenberg tha se Rusia po planifikon një ofensivë “shumë të përqendruar”.

“Ne tani po shohim një lëvizje të madhe të forcave ruse që po largohen nga Kievi për t’u rigrupuar, riarmatosur dhe furnizuar dhe për të ndryshuar fokusin e tyre në lindje”, tha Stoltenberg në një konferencë për media.

“Në javët e ardhshme, ne presim që të shohim një ofensivë ruse në lindje dhe jug të Ukrainës, në tentim për të marrë të gjithë Donbasin dhe për të krijuar një lidhje tokësore me Krimenë e okupuar”, shtoi ai.

Komentet e Stoltenbergut duket se konfirmojnë njoftimin që Moska bëri në fund të marsit, duke thënë se do të përqendrohet në “çlirimin e plotë të Donbasit”, pasi kjo zonë, ku gjenden rajonet Donjeck dhe Luhanks, pjesërisht ka qenë e okupuar nga separatistët pro-rusë që prej vitit 2014.

Stoltenberg tha se po ashtu se kjo do të ishte një fazë e re dhe e rëndësishme e pushtimit të Rusisë, që nisi më 24 shkurt.

“Ripozicionimi i trupave ruse me gjasë do të marrë kohë, ndoshta disa javë”, tha ai.

Sipas tij, kjo kohë është “jashtëzakonisht e rëndësishme që aleatët e NATO-s të ofrojnë mbështetje” për Ukrainën.

Ministrat e Jashtëm të NATO-s të mërkurën dhe të enjten pritet të diskutojnë se si do të dërgojnë më shumë armë kundërtanke, municion dhe furnizime mjekësore në Ukrainë, tha Stoltenberg.

Ministri i Jashtëm ukrainas, Dmytro Kuleba, pritet të marrë pjesë gjatë këtij takimi dyditor në Bruksel.

RFE/RL

Spanja do të dëbojë afër 25 diplomatë rusë dhe staf të Ambasadës ruse në Madrid, bëri të ditur ministri i Jashtëm spanjoll, Jose Manuel Albares, duke iu bashkuar shteteve të Bashkimit Evropian në përgjigje të krimeve të pretenduara të luftës të kryera nga trupat ruse në Ukrainë.

“Ne kemi vendosur të dëbojmë diplomatë dhe staf nga Ambasada ruse në Spanjë, të cilët paraqes rrezik për interesat dhe sigurinë e shtetit tonë”, tha kryediplomati spanjoll të martën, duke shtuar se nuk përjashton masa të mëtejme ndaj Rusisë.

Sipas ministrit Jose Manuel Albares dëbimi i diplomatëve u bë në përgjigje të “veprimeve të tmerrshme të kryera në ditët e fundit në Ukrainë, veçmas në Buça, dhe për veprimet e tjera që u raportuan në Mariupol”, tha ai duke iu referuar zbulimit të një varreze masive dhe civilëve të vrarë në qytetin ukrainas të Buças.

Albares tha se Qeveria pret që Rusia të kundërpërgjigjet, duke dëbuar diplomatë spanjollë.

RFE/RL

Italia dhe Danimarka kanë bërë të ditura dëbime masive të diplomatëve rusë, pas raportimeve për mizori të dyshuara në qytezën ukrainase, Buça.

Ministri i Jashtëm i Danimarkës, Jeppe Kofod ka thënë më 5 prill se ambasadori rus në Kopenhagë është informuar që 15 anëtarë të stafit të ambasadës do të dëbohen dhe se Qeveria e Danimarkës “ka dënuar ashpër” veprimet e ushtarëve rusë në Buça.

Edhe ministri i Jashtëm italian, Luigi Di Maio ka thënë për kanalin televiziv, RAI-news-24, se Roma ka informuar Moskën që 30 diplomatë rusë duhet të largohen nga shteti për “arsye të sigurisë kombëtare”.

“Përmes këtij vendimi, ne jemi duke dërguar mesazh të qartë te Moska se nuk do të pranojmë që zyrtarë të inteligjencës ruse të spiunojnë në tokën daneze”, ka thënë ministri Kofod përmes një deklarate.

“Ata përbëjnë rrezik për sigurinë tonë kombëtare që nuk mund ta injorojmë. Së bashku me një numër të aleatëve të ngushtë, ne kemi hasur në spiunimin që e bëjnë personat e identifikuar, nën petkun e statusit diplomatik”, ka shtuar ai.

Në deklaratën daneze është thënë se diplomatët kanë 14 ditë për t’u larguar nga shteti.

Di Maio nuk ka treguar për afatin që kanë diplomatët për t’u larguar.

Si përgjigje ndaj këtyre veprimeve, zëdhënësja e Ministrisë së Jashtme ruse, Maria Zakharova, ka thënë për agjencinë e lajmeve, TASS se Moska do të marrë “masat e duhura”.

Reagon Ambasada e Kosovës në Itali, ndaj medias italiane: “Gënjeshtra të tmerrshme për ngjarjet e luftës që ne kosovarët përjetuam…paralelizma të neveritshme e të pabaza mbi mizoritë që po pëson populli ukrainas dhe që ka pësuar populli i Republikës së Kosovës.”

Ambasadorja e Kosovës në Romë, Zonja Lendita Haxhitasim, i dërgon një letër zyrtare të përditshmes italiane “Il fato Quotidiano”, mbi një artikull të publikuar më datë 28 mars 2022 të gazetarit Fabio Mini me titull “Koinçidencat false për të bërë luftra”, e me nëntitullin “Dje Serbia e sot Ukraina, varret e përbashkëta të ngritura më 1999 nga NATO e “informacione që duhen verifikuar të gjitha mbi masakrat civile në spitalet civile e në teatrin e Mariupolit nën britmat e armëpushimit; gjithçka që në mënyrë cinike merret si e mirëqënë.”

Autori bën një krahasim me zhvillimin e ngjarjeve më 1999 në Kosovë e atë çka po ndodh aktualisht në Ukrainë e në rrëfimin e tij i konsideron koinçidencat cinike ngjarjet e luftës në Kosovë të servirura si të mirëqëna.

Ambasadorja e Kosovës në Romë, në letrën e saj adresuar drejtorit të gazetës Marco Travaglio dëshmon se ajo është një qytetare kosovare që e ka përjetuar luftën jo vetëm nëpërmjet bombave por edhe me mjete të tjera, si refugjate dhe e mbijetuar, e cila tani ka nderin të përfaqësojë Republikën e Kosovës në Itali.”

“Ju informojmë shkruan ajo, se spiralet e dezinformatave që krijohen nga tentativa për të deformuar dhe “rishkruar” historinë e dhunës së pësuar si pasojë e një lufte, janë jo vetëm të pasakta në këndvështrimin e parimeve dhe vlerave të frymës së shtypit të lirë, por janë edhe të pandjeshme e ofenduese ndaj popullit tonë, familjeve të viktimave të shumta që kanë emër e mbiemër, të vdekur e të zhdukur, që ende nuk kanë varr ku mund të qahen.

Ambasadroja e Kosovës reagon fort mbi krahasimet e pabaza të gazetarit italian e shkruan;

“Në vijim të ngjarjeve aktuale të agresionit të paligjshëm ushtarak rus në Ukrainë, të bësh paralelizma të neveritshme e të pabaza mbi mizoritë që po pëson populli ukrainas dhe që ka pësuar populli i Republikës së Kosovës gjatë luftës është e pahijshme dhe e dënueshme”.

Ajo i quan “gënjeshtra të tmerrshme për ngjarjet e luftës që ne kosovarët përjetuam, gjatë tentativës së spastrimit etnik shqiptar, të orkestruara dhe të jetësuara nga diktatori serb Sllobodan Millosheviç.”

Kreu i Misionit Diplomatik të Kosovës në Itali, kujton se “Gjenocidi i regjimit të Millosheviçit dhe agresioni ushtarak e paraushtarak serb i viteve 1998-1999 shkaktoi shpërnguljen e mbi 80% të popullsisë së Kosovës, duke na detyruar të ikim, neve që ishim mbi 860.000 civilë. Mbi 10.000 bashkatdhetarët e mi nuk ia dolën, sepse u vranë e u masakruan brutalisht. Përveç kësaj, më shumë se 1,400 fëmijë janë vrarë pa mëshirë, dhe 20,000 gra janë dhunuar brutalisht.”

Ambasdorja Haxhitasim e mbyll letrën e ragimit të saj me kujtimin e viktimave të luftës në Kosovë e përpjekjet e këtij shteti për të qënë pjesë e NATO-s e për të krijuar një të ardhme më të mirë.

“Në Kosovë, shkruan ajo,  ende po përjetojmë murtajën e luftës, të të vdekurve, të plagosurve, të grave të dhunuara dhe të të zhdukurve. Nderimi i kujtimit të tyre është parakushti i parë për të krijuar një të ardhme më të mirë. Populli i Republikës së Kosovës po e ndërton ditë pas dite të ardhmen e tij, me aspirata të pazëvendësueshme për t’iu bashkuar sa më shpejt familjes së madhe euroatlantike. Dhe këtë do ta arrijmë edhe falë mbështetjes së aleatëve dhe partnerëve tanë si Italia mike”.

Dokumenta bashkëngjitur

Në oborrin e shtëpisë, Vlad Tanyuk, 6 vjeç, qëndron pranë varrit të nënës Ira, që vdiq nga uria dhe stresi prej luftës, në periferi të Kievit, Ukrainë, të hënën, 4 prill 2022.

Pas dëbimit të 40 diplomatëve rusë nga Gjermania, Rusia reagoi duke thënë se marrëdhëniet e saj më Gjermaninë do të përkeqësohen më teh, pas vendimit jo miqësor të Berlinit për dëbim, sipas Kremlinit.

“Reduktimi i pajustifikuar i stafit diplomatik të misioneve ruse në Gjermani do të kufizojë hapësirën që lejoi ruajtjen e dialogut midis vendeve tona, gjë që do të çojë në një përkeqësim të mëtejshëm të marrëdhënieve ruso-gjermane”, tha ambasada ruse në Berlin në një deklaratë në Telegram.

Zëdhënësja e Ministrisë së Jashtme ruse Maria Zakharova premtoi një përgjigje ndaj asaj që ajo e quajti “veprim dashakeq të makinerisë politike gjermane”, citon agjencia e lajmeve Interfax. bw

Policia ka sekuestruar një jaht në Spanjë që dyshohet se është në pronësi të një oligarku rus, sipas skynews.

Agjentët federalë të SHBA-së dhe Garda Civile e Spanjës kontrolluan anijen, e cila ishte ankoruar në Marina Real në portin e Palma de Mallorca. Jahti, i quajtur Tango, është 78 metra, ndërsa vlera e tij besohet të arrijë në 120 milionë dollarë.

Jahti është  në pronësi të Viktor Vekselberg, një miliarder që drejton Renova Group me bazë në Moskë, një konglomerat që përfshin metale, miniera, teknologji dhe asete të tjera, sipas Departamentit të Thesarit të SHBA-së.

Ai është pjesë e listës së sanksioneve të vendosura nga qeveritë e SHBA-së, BE-së dhe Mbretërisë së Bashkuar./abcnews.al

Trupat ukrainase kanë rimarrë kontrollin e Pripyat, qyteti fantazmë pranë termocentralit bërthamor të Çernobilit, tha të dielën Shtabi i Përgjithshëm i Forcave të Armatosura të Ukrainës.

“Sot, më 3 prill, njësitë e parashutistëve të Forcave të Armatosura të Ukrainës morën kontrollin e zonës së qytetit të Pripyat dhe zonën përgjatë kufirit shtetëror të Ukrainës me Republikën e Bjellorusisë”, thuhet në një postim në Facebook.

Postimi përfshinte një fotografi të flamurit ukrainas që fluturonte mbi qytet.

Pak histori: Pripyat u evakuua në vitin 1986 pas shpërthimit dhe zjarrit në Çernobil, fatkeqësia më e keqe bërthamore në botë.

Më shumë se 30 njerëz vdiqën menjëherë pas shpërthimit, i cili shpërtheu reaktorin nr. 4 të Çernobilit më 26 prill 1986.

Në fund të shkurtit, gjatë javës së parë të luftës, uzina e Çernobilit dhe territori përreth saj ranë në duart e trupave ruse.

Por të enjten, trupat ruse njoftuan synimin e tyre për t’u larguar dhe për t’ia dorëzuar kontrollin personelit ukrainas, sipas ndërmarrjes shtetërore që mbikëqyr termocentralet bërthamore të Ukrainës.

“U konfirmua se pushtuesit, të cilët kapën termocentralin bërthamor të Çernobilit dhe objektet e tjera në Zonën e Përjashtimit, marshuan në dy kolona drejt kufirit të Ukrainës me Republikën e Bjellorusisë”, tha Energoatom në një deklaratë të publikuar në Telegram. bw

Qielli mbi qytetin port në Ukrainën jugore

VOAL- Disa kolona tymi u ngritën mbi qytetin e Odesa në jug të Ukrainës, ku sirenat e sulmit ajror ranë për një kohë të gjatë. Banorët, pak pas orës 18:00 (5 në Zvicër), raportojnë edhe flakët e zjarrit të dukshëm nga larg. Pati të paktën një duzinë shpërthimesh. Sipas gazetës online ‘Odessa Life’ është goditur “një infrastrukturë kritike”, ndërsa në rrjetet sociale flitet për një sulm në depo të ndryshme karburanti.

Dhe Odesa ishte një nga qytetet ku natën (sot të dielën) në 4.20 lokale (3.20 në Zvicër) u dëgjuan sirenat e alarmit, si dhe në Kiev, Lviv, Dnipropetrovsk. Autoritetet ukrainase kanë raportuar praninë e bombarduesve rusë në fluturim që mund të hedhin bomba në infrastrukturën civile dhe vendbanimet.

Sipas shërbimeve të inteligjencës ushtarake britanike, forcat ajrore janë përqendruar në juglindje të vendit, një lëvizje që do të konfirmonte synimin e forcave të armatosura ruse për t’i dhënë përparësi sulmeve në rajon.

Dhe zëdhënësi i Kremlinit Dimitri Peskov foli përsëri në Bjellorusi 24, sipas të cilit sovraniteti i republikave popullore të Donetskut dhe Luganskut është njohur nga Rusia dhe “operacioni special ushtarak filloi me kërkesën e këtyre dy republikave për t’i shpëtuar ato dhe të rivendosin shtetësinë e tyre brenda kufijve të 2014-ës”.

Gazi kthehet në Lugansk

Në rajonin e Luganskut, furnizimi me gaz për mbi 100,000 banorë është rikthyer. Kjo u raportua – siç raportohet nga Ukraina Pravda – nga shërbimi për shtyp i Operatorit të sistemeve të transportit të gazit të Ukrainës, pasi teknikët kanë gjetur dhe riparuar pjesën e tubacionit të dëmtuar nga bombardimi. “Situata me furnizimin me gaz të banorëve të rajonit të Luganskut – shpjegon menaxheri – mbetet e vështirë për shkak të luftimeve. Megjithatë, një pjesë e rajonit është ende pa furnizim me gaz për shkak të dëmtimit të tubacionit kryesor”. rsi-eb

Një ushtar ukrainas në qytetin-port të Odesës. 24 mars 2022.

RFE/RL

Qyteti-port ukrainas i Odesës ka qenë cak i sulmeve ajrore mëngjesin e sotëm. Këshilli i qytetit dhe Ministria e Brendshme ukrainase kanë konfirmuar këtë lajm, teksa në qytet janë dëgjuar disa shpërthime.

Serhiy Bratchuk, zëdhënës i administratës ushtarake rajonale të Odesës, u ka bërë thirrje banorëve që të qëndrojnë në strehimore.

Ai tha për transmetuesin publik ukrainas se një prej “ndërtesave të infrastrukturës kritike” është goditur.

Ndërkaq, Anton Herashchenko, këshilltar i Ministrisë së Brendshme tha se “Odesa u godit nga ajri” me raketa, disa prej të cilave, sipas tij, “u rrëzuan nga forcat ajrore ukrainase.

AFP ka raportuar se shpërthimet janë dëgjuar në orën 06:00 sipas kohës lokale, ndërkaq më pas është parë zjarr dhe tym nga një zonë industriale e qytetit.

Odesa gjendet në jug të Ukrainës.

Ndërkaq, Ministria e Mbrojtjes së Rusisë tha se forcat e saj kanë shkatërruar një rafineri të naftës dhe tri depo të karburanteve. Rusia tha se ka kryer sulme precize nga deti dhe me raketa në rajonin e Odesës, raportoi agjencia ruse e lajmeve Interfax.

Kjo ministri tha se kjo infrastrukturë është përdorur nga Ukraina për të furnizuar trupat e saj në afërsi të qytetit Mikolajiv.

Ndërkaq, gjatë një video-adresimi të shtunën mbrëma, presidenti ukrainas, Volodymyr Zelensky, tha se Rusia dëshiron të marrë kontrollin e rajoneve lindore dhe jugore të Ukrainës.

Më herët gjatë kësaj jave, Rusia ka thënë se do të zvogëlojë sulmet në Kiev dhe Çernihiv dhe do të përqendrojë operacionet e saj ushtarake në lindje të Ukrainës, një muaj pasi nisi pushtimin e paprovokuar të Ukrainës.

Të gjithë sytë janë kthyer nga qyteti port jugor, ku u dëgjuan shpërthime mëngjesin e së dielës, por fatmirësisht nuk pati viktima.

Odesa është përgatitur për një sulm të afërt prej javësh tashmë, me anije luftarake ruse që qarkullojnë në brigjet e Detit të Zi. Banorët u larguan dhe kafenetë dhe tramvajet u boshatisën ndërsa rrugët u mbuluan me kurthe tankesh, ndërkohë që monumente të famshme u rrethuan nga thasë mbrojtëse me rërë.

Por qyteti kishte filluar që të përgatitej për një sulm nga ana e ushtrisë ruse, duke vendosur patrulla në të gjitha lagjet, raporton BBC.

Por sa e përgatitur është Odesa, duke pasur parasysh paralajmërimin e Presidentit të Ukrainës Zelensky se forcat ruse tani do të fokusohen në kapjen e lindjes dhe jugut?

Disa analistë besojnë se do të jetë e vështirë për Rusinë të marrë Odesën nga deti pa krijuar më parë një bazë në tokë. Por ndërkohë, katakombet e mëdha të qytetit – rreth 2,500 km tunele nëntokësore, po ripërdoren si strehimore për sulmet ajrore. bw

Trupat e të paktën 20 burrave civilë janë gjetur të nëpër rrugë në qytetin Bucha, në veriperëndim të Kievit pas tërheqjes së forcave ruse nga zona. Imazhet tronditëse të publikuara nga AFP ditën e shtunën. Viktimat, të gjithë me veshje civile, ishin gjetur të pajetë në vende të ndryshme.

“Tre prej tyre ishin gjetur pranë disa biçikletave, me të cilat mendohet se po lëviznin. Disa të tjerë pranë makinave të bërë shoshë nga plumbat”, thuhet nga gazetarët e AFP-së. Në pamjet tronditëse shihet se si një person i pajetë, i ishin lidhur edhe duart pas shpine me një leckë të bardhë.

Kryetari i bashkisë së qytetit Bucha, Anatoliy Fedoruk, tha se civilët e vdekur kishin marrë trajtim çnjerëzor nga forcat ruse. “Trupat e të ekzekutuarve janë ende në rrugën Yabluska në Buça. Ata janë qëlluar pas kokës. Kështu që ju mund ta imagjinoni se çfarë lloj paligjshmërie është kryer këtu.”- Fedoruk i tha Reuters të shtunën.
Këshilltari presidencial ukrainas Mykhailo Podolyak tha se trupat e burrave të gjetur me duar të lidhura, “u qëlluan për vdekje nga ushtarët rusë”.

Podolyak shtoi se; “këta njerëz nuk ishin në ushtri. Ata nuk kishin armë. Ata nuk përbënin asnjë kërcënim. Sa raste të tjera të tilla po ndodhin tani në territoret e pushtuara?” Forcat ruse u tërhoqën nga disa qytete afër Kievit ditët e fundit pasi dështoi përpjekja e Moskës për të rrethuar kryeqytetin, ndërkohë që Ukraina deklaroi se Bucha ishte “çliruar”. bw

I gjithë rajoni i kryeqytetit Kiev është çliruar, njoftoi të shtunën në mbrëmje zëvendësministrja e Mbrojtjes e Ukrainës, Hanna Malyar.

“I gjithë rajoni i Kievit u çlirua nga pushtuesi rus”, shtoi ajo.

Njoftimi vjen në bazë të lajmeve të ditëve të fundit, sipas të cilave Moska po lehtëson presionin ushtarak në zona të ndryshme për t’u fokusuar në objektivat strategjikë në juglindje të vendit.

Dhe pikërisht në Donbass priten përplasje në shkallë të gjerë në ditët në vijim, tha Oleksi Arestovitch, këshilltar i Presidentit Volodymyr Zelensky, i cituar nga agjencitë ndërkombëtare të lajmeve.

Luftimet do të zhvillohen kryesisht për kontrollin e Mariupolit, qytetit në detin Azov i rrethuar për javë të tëra.

Arestovitch theksoi gjithashtu se forcat e armatosura kanë rimarrë fshatra dhe qytete të ndryshme: informacion që është i besueshëm, por i vështirë për t’u konfirmuar në mënyrë të pavarur. Ndërkohë, kufomat e të paktën 20 burrave me rroba civile u gjetën të shtunën në një rrugë në Boutcha, një qytet në veriperëndim të kryeqytetit Kiev, i riçliruar gjithashtu nga ushtarët ukrainas, siç ishte në gjendje të verifikonte një gazetar i agjencisë franceze AFP.

Në frontin diplomatik, Turqia tha se ishte e gatshme të siguronte anije për të lejuar civilët të largoheshin nga Mariupol: “Ne mund të furnizojmë anije, kryesisht për evakuimin e civilëve dhe të plagosurve, turqve dhe qytetarëve të tjerë të Mariupolit. Në këtë kontekst, koordinimi ynë vazhdon me autoritetet e Federatës Ruse dhe Ukrainës”, tha ministri turk i Mbrojtjes Hulusi Akar, përcjellë agjencia turke e lajmeve AA./rsi.ch/eb

Rusia vazhdon të pësojë humbje në radhët e saj. Një tjetër nga oficerët e lartë të Vladimir Putin është vrarë në aksion në Ukrainë.

Nënkoloneli Vitaly Slabtsov, 43 vjeç, ishte një parashutist elitar i varrosur me nderime të plota ushtarake, thonë raportet. Raportet sugjerojnë se Slabtsov u vra gjatë një operacioni special në Donbas, Ukrainë, megjithëse nuk janë zbuluar shumë detaje në lidhje me vdekjen e tij.

Funerali i Slabtsov u mbajt në Ryazan në Rusinë qendrore , shtëpia e parashutistëve rusë, të premten. Trupi i tij u vendos në një arkivol të mbyllur, gjë që tregon se ai kishte pësuar plagë shkatërruese në luftë.

Një flamur rus e mbuloi arkivolin ndërsa u mor për varrim, ndërsa Slabtsov iu dha pas vdekjes Urdhri i Guximit.

Ushtria ukrainase zmbrapsi ofensivën kundër kryeqytetit

VOAL- Forcat ruse, sipas burimeve të shumta, po tërhiqen nga rajonet e Kievit dhe zona të tjera të Ukrainës veriore, ndërkohë që ka një përqendrim trupash në Donbass, që mund të jetë preludi i sulmeve më të dhunshme në zonë dhe një konflikti të zgjatur.

Këto manovra janë një shenjë e vështirësisë së trupave ruse, sipas gjeneralit Vincenzo Camporini, ish-shefi i shtabit të mbrojtjes në Itali dhe analist i Institutit të Çështjeve Ndërkombëtare. Sulmi kundër Kievit ka dështuar dhe Moska synon të përqendrojë forcat e saj diku tjetër, si në rajonet e shkëputura, vëren gjenerali.

Ka gjithashtu raporte për humbje të mëdha nga pala ruse, duke përfshirë edhe forcat elitare. Ushtria ruse, thekson Camporini, ka burime të rëndësishme dhe është në gjendje t’i zëvendësojë këto humbje, por ekziston rreziku që situata në terren të bëhet gangrenoze. Gjenerali, si vëzhgues i jashtëm, beson se këto humbje nxjerrin në pah disa mangësi organizative dhe doktrinale nga ana e forcave ruse, të cilat duket se po luftojnë me metodat e Luftës së Dytë Botërore.

Situata humanitare mbetet e vështirë

Situata humanitare në Ukrainë mbetet e vështirë, ku ishte planifikuar të hapeshin shtatë korridore për të zhvendosur civilët nga qytetet e rrethuara, përfshirë Mariupolin. Megjithatë, Kryqi i Kuq nuk ishte në gjendje të arrinte në qytet për të ofruar nevojat themelore. Kryetari i bashkisë së Kievit ka ftuar banorët që duan të kthehen në kryeqytet të presin disa javë për të parë se si do të zhvillohet situata. rsi-eb

Guvernatori rajonal, Vyacheslav Gladkov, ka thënë se dy helikopterë ushtarakë ukrainas kanë goditur një depo nafte më 1 prill, në qytetin rus, Belgorod, i cili gjendet rreth 25 kilometra në kufi me Ukrainën.

Nëse konfirmohet, ky do te ishte sulmi i parë i nisur nga Ukraina në tokën ruse, prej kur Moska ka nisur pushtimin e këtij shteti fqinj më 24 shkurt.

Gladkov ka thënë në platformën Telegram se helikopterët kanë goditur objektin, pas kalimit të kufirit.

Sipas tij, dy punëtorë janë plagosur në sulmin e supozuar.

Megjithatë, kompania ruse e naftës, Rosneft, e cila ka në pronësi depon e naftës, ka thënë në një deklaratë ndaras se askush nuk është plagosur si pasojë e zjarrit.

Në deklaratë nuk janë dhënë informacione kush ka nisur zjarrin.

Në disa pamje, që thuhet se shpërfaqin sulmin, shihen ato që duken si raketa të cilat lëshohen, para shpërthimit.

Ministria ukrainase e Mbrojtjes nuk ka komentuar ende për këtë gjë.

Presidenti rus, Vladimir Putin, ka urdhëruar pushtimin e Ukrainës më 24 shkurt.

Ai ka urdhëruar “operacion special” për të çmilitarizuar Ukrainën.

Veprimi i Kremlinit ka nxitur zemërim dhe është dënuar në shumë vende të botës.

Shtetet e Bashkuara dhe aleatët janë përgjigjur me sanksione të ashpra kundër Moskës. REL

Operatori shtetëror bërthamor i Ukrainës thotë se forcat ruse që kishin pushtuar centralin bërthamor të Çernobilit janë larguar nga objekti dhe janë nisur drejt kufirit me Bjellorusinë.

“Okupatorët, të cilët pushtuan termocentralin bërthamor të Çernobilit dhe objektet e tjera në zonën e përjashtuar, janë nisur në dy kolona drejt kufirit ukrainas”, tha Energoatom në një deklaratë.

Ai shtoi se forcat ruse ishin tërhequr gjithashtu nga qyteti i afërt i Slavutych, ku jetojnë shumë nga punëtorët që i shërbejnë objektit të Çernobilit. bw

VOAL- Ndërkohë, përsa i përket diplomacisë, duhet theksuar se refuzimi i Moskës për të rinovuar mandatin e misionit të OSBE-së në Ukrainë i jep fund pranisë së zyrtarëve të aktivitetit monitorues që po zhvillohet që nga marsi 2014 me detyrën për të ndihmuar në uljen e tensioneve. dhe monitorojnë shkeljet e armëpushimit. Kremlini kundërshtoi gjithashtu një “letargji” të mundshëm të misionit, në pritje të përfundimit të armiqësive, të cilat filluan më 24 shkurt me pushtimin e territoreve të Ukrainës nga trupat e Vladimir Putin.

Ndërsa ministri i Jashtëm turk Mevlut Çavusoglu foli sërish për armëpushimin, sipas të cilit “e rëndësishme është që të dyja palët të bëhen bashkë dhe të bien dakord për një armëpushim të qëndrueshëm”, duke theksuar se “është e pamundur të negociosh nën presionin e armëve”. Cavusoglu më pas nënvizoi se në bisedimet mes delegacioneve të Ukrainës dhe Rusisë në Stamboll të martën, “u arritën rezultatet më domethënëse që nga fillimi i konfliktit. rsi-eb

Shkatërrimi i qytetit të tyre është tashmë pjesë e jetës së përditshme për banorët e Mariupolit

Autobusët e parë për të marrë qytetarët e qytetit të shkatërruar – KNKK gati të “udhëheqë” operacione të tjera të ngjashme

VOAL- Ndërkohë që luftimet në të gjithë territorin ukrainas nuk janë qetësuar, po bëhen përpjekje për të shpëtuar civilët e bllokuar në qytete të ndryshme të vendit, të bombarduara nga pushtuesit rusë. Në mënyrë të veçantë, situata e pasigurt e banorëve të Mariupolit është në qendër të aksioneve të ndryshme mbështetëse, për t’i larguar ata nga qyteti.

Komiteti Ndërkombëtar i Kryqit të Kuq (KNKK) njoftoi të enjten se është gati “të udhëheqë” evakuimin e civilëve nga qyteti duke filluar nga nesër, e premte, me kusht që të ketë garancitë e nevojshme. Kështu thuhet në një komunikatë nga vetë organizata. “Është jashtëzakonisht e rëndësishme që ky operacion të zhvillohet. Nga kjo varet jeta e dhjetëra mijëra njerëzve”, të cilët prej javësh jetojnë në kushte rreziku ekstrem dhe pa ushqime dhe ilaçe.

Pikërisht nga Mariupoli, në mëngjes vonë, autobusët e parë (rreth njëzet) ishin nisur për në Zaporihzya, një qytet rreth 220 km larg. 28 autobusë të tjerë janë në pritje të lejes për të kaluar pikën ruse të Vasilivkës dhe për të shpëtuar dhjetëra persona të tjerë që kanë ikur nga qyteti i madh port, i cili pothuajse u rrafshua me tokë nga rusët.

Megjithatë, situata e civilëve është gjithashtu e ndërlikuar në disa vende të tjera të Ukrainës, si Chernihiv. Ndërsa ushtria e Kievit po çliron shumicën e qendrave të popullsisë në brendësi të saj, ata që jetojnë në grumbullimin e madh urban tani kanë pasur akses të kufizuar në ujë të pijshëm, energji elektrike ose ngrohje shtëpiake për një javë, kur trupat e Moskës kanë intensifikuar sulmin në qytet. , e cila aktualisht ende pret mbi 140,000 civilë.

Gjithashtu të enjten, tre trena të evakuimit të civilëve do të nisen nga rajonet e Luhanskut dhe Donetsk. Kështu deklaroi kreu i administratës ushtarake rajonale të Luhanskut, Serhiy Haidai. Dje, të mërkurën, rreth 400 persona u shpëtuan nga bombardimet e forta në rajonin e Luhanskut. rsi-eb

RFE/RL

Bashkimi Evropian ka përsëritur thirrjet për liderët në rajonin e Ballkanit Perëndimor, posaçërisht në Serbi, që të mos bëjnë veprime të cilat mund të shihen si mohim apo relativizim i krimeve të luftës dhe që shkojnë në kundërshtim me procesin e pajtimit dhe bashkëpunimit me fqinjët.

Këto porosi janë dhënë si përgjigje në pyetjet rreth raporteve se në Serbi persona të dënuar për krime lufte po marrin pjesë aktive në fushatë zgjedhore, ndërsa disa të akuzuar madje dhe janë në lista si pjesëmarrës në zgjedhje.

Ana Pisonero, zëdhënëse e Komisionit Evropian ka përsëritur thirrjen për liderët në rajon që të punojnë në frymën e pajtimit.

“BE-ja ka qëndrim të qartë parimor për nevojën për pajtim dhe qëndrime ndaj ngjarjeve të luftës. Procesi zgjedhor është në vazhdim e sipër dhe ne përsërisim rëndësinë e zgjedhjeve gjithëpërfshirëse dhe kredibile, të zhvilluara në përputhje me ligjet ekzistuese dhe standardet ndërkombëtare”, ka thënë ajo të enjten gjatë nje konference për media.

Sa i përket pjesëmarrjes së kriminelëve të luftës në fushatën zgjedhore, zëdhënësja e BE-së ka thënë:

“Nuk ka vend në Evropë për mohim të gjenocidit, revizionizëm dhe glorifikim të kriminelëve të luftës, që shkon në kundërshtim me vlerat më themelore evropiane. Përpjekjet për të rishkruar historinë janë të papranueshme”.

Zëdhënësja e Komisionit Evropian për çështje të zgjerimit ka thënë se “liderët në Ballkanin Perëndimor duhet të japin shembull duke pranuar atë që ka ndodhur, të respektojnë viktimat dhe në mënyrë të sinqertë të promovojnë pajtimin duke u përballur me rrënjët e urrejtjes që çuan deri te gjenocidi”.

Disa media dhe organizata të shoqërisë civile nga Serbia kanë tërhequr vërejtjen për pjesëmarrjen e kriminelëve të luftës në fushatë zgjedhore. Fondi për të Drejtën Humanitare nga Beogradi po ashtu e ka ngritur këtë çështje.

Sipas kësaj organizate, Sasha Cvjetan, i dënuar për krime lufte ndaj civilëve shqiptarë në Kosovë, ka marrë pjesë në një manifestim në Srebrenicë krahas ministrit të Brendshëm të Serbisë Aleksandar Vulin. Fondi për të Drejtën Humanitare nga Serbia e ka quajtur të papranueshme praninë e përfaqësuesve të Qeverisë së Serbisë në manifestime ku marrin pjesë persona që janë dënuar pë krime lufte.

Nisma e të Rinjve për të Drejtat e Njeriut (YIHR), nga ana tjetër, ka njoftuar se disa të dënuar nga Tribunali i Hagës për krime të luftës kanë marrë pjesë në fushatën zgjedhore të Partisë Progresiste të Serbisë. Kanë përmendur Vladmir Lazareviqin, Veselin Shlivançaninin dhe Nikola Shainoviqin.

Llazareviqi ka qenë komandant i korpusit të Prishtinës i ushtrisë serbe në kohën e luftës dhe është dënuar me 14 vjet burgim për krime lufte. Gjenerali Shljivançanin ishte dënuar për krime lufte në qytetin e Vukovarit në Kroaci, në vitin 1991.

Edhe më parë Komisioni Evropian ka bërë ftesë që të mos u jepet hapësirë publike kriminelëve të luftës dhe të mos relativizohen krimet e tyre në mënyrë që të mos rrezikohet procesi i pajtimit në rajon.

RFE/RL

Ministria ruse e Mbrojtjes ka njoftuar për një armëpushim në qytetin e rrethuar të Mariupolit në Ukrainë, duke filluar nga mëngjesi i së enjtes, për të lejuar evakuimin e civilëve.

“Që ky operacion humanitar të ketë sukses, ne propozojmë që të kryhet me pjesëmarrjen e drejtpërdrejtë të Komisionerit të Lartë të OKB-së për Refugjatët dhe të Komitetit Ndërkombëtar të Kryqit të Kuq”, tha ministria në një deklaratë të cituar nga AFP të mërkurën.

Korridori humanitar nga Mariupol në Zaporizhzhia – përmes qytetit Berdiansk që kontrollohet nga Rusia – do të hapet në mëngjesin e së enjtes.

Autoritetet e Ukrainës nuk e ka komentuar ende këtë njoftim.

Përpjekjet e mëparshme për të vendosur një armëpushim në Mariupol kanë dështuar, mes akuzave për sulme nga të dyja palët.

Rusia është akuzuar gjithashtu se ka zhvendosur me forcë mijëra civilë në Rusi ose në zonat e kontrolluara nga Rusia.

Njoftimi vjen pasi fotot e reja satelitore treguan shkatërrimin e shkaktuar nga granatimet.

Imazhet e publikuara nga kompania e vëzhgimit të Tokës Maxar, treguan se zonat e banuara janë kthyer në gërmadha. Këto imazhe, kanë vënë në pah topat e artilerisë ruse në pozicionet e qitjes në periferi të qytetit.