VOAL

VOAL

Përplasjet ‘testuese’ të BE-së dhe Qeverisë së Kosovës

December 19, 2018

Komentet

Kurti takon ‘miqtë laburistë të Kosovës’ në Londër, pjesë e tubimit edhe Baronesha Ashton

Kryeministri Albin Kurti ka marrë pjesë mbrëmë në përurimin e nismës “Labour Friends of Kosova” në Londër, që është një grup i Parlamentarëve Laburistë në Mbretërinë e Bashkuar, me qëllim promovimin e marrëdhënieve të forta dypalëshe ndërmjet Kosovës dhe Mbretërisë së Bashkuar, raporton Express.

Në këtë ngjarje ka marrë pjesë edhe baronesha Catherine Ashton, deputetët Laburistë David Lammy, Christian Ëakeford, Stephen Doughty, Luke Pollard, Nia Griffith, Ëayne David, Dan Jarvis, Shabana Mahmood, Liz Tëist, Gill Furniss, Anneliese Dodds e cila është dhe Sekretare në Hije e Shtetit për Gratë dhe Barazitë, dhe ish-sekretari i mbrojtjes i Mbretërisë së Bashkuar dhe ish-sekretari i përgjithshëm i NATO-s, George Robertson.

Sipas njoftimit që ka lëshuar Zyra e Kryeministrit, në fjalën e tij, Kurti ka thënë se është i bindur që kjo nismë do t’i fuqizojë edhe më tej marrëdhëniet ndërmjet Kosovës dhe Mbretërisë së Bashkuar.

Derisa ka folur për raportet dhe lidhjet ndërmjet dy vendeve, ai ka përmendur edhe Dua Lipën, Rita Orën, Granit Xhakën e Xherdan Shaqirin.

“Ndër ta është Esat Kryeziu i cili ka shërbyer në Forcat Ajrore Mbretërore gjatë Luftës së Dytë Botërore, dhe i cili pas vdekjes së tij, është nderuar nga tanimë e ndjera Mbretëresha Elizabeth me pesë medalje për shërbimin e tij ndaj Mbretërisë së Bashkuar dhe forcave aleate. Një tjetër personalitet është ai i heroit kombëtar shqiptar nga Kosova, Gani beg Kryeziu që luftoi kundër fashizmit përkrah ushtarëve britanikë, në po të njëjtën Luftë, dhe që ishte anëtar i Ekzekutivit të Operacioneve Speciale të formuar nga ministri i atëhershëm i Punës për Luftën Ekonomike dhe më vonë kancelari, Hugh Dalton”, citohet të ketë thënë Kurti.

Tutje, Kurti ka thënë se Britania është një vend që nuk ua kthen shpinën miqve dhe aleatëve të saj.

“Kur mendoj për Mbretërinë e Bashkuar, mendoj për vlerat tuaja: tolerancën, modestinë, guximin dhe më e rëndësishmja, nderin. Britania është një vend që nuk ua kthen shpinën miqve dhe aleatëve të saj. Një vend që nuk rri duarkryq dhe nuk shikon përballë agresionit, dhunës dhe terrorit. Ne e dimë shumë mirë këtë dhe vazhdojmë ta ndiejmë dhe ta vlerësojmë atë mbështetje”, ka deklaruar Kurti.

Këpucët e Ministres të Jashtme të Gjermanisë 70 Euro ndërsa të politikaneve shqiptare me mijra

E përjavshmja zvicerane Die Weltwoche sjell një artikull rreth vizitës më të fundit në Ukrainën jugore të Ministres së Jashtme së Gjermanisë, Annalena Baerbock, e cila u ndërpre për shkak të rrezikut për t’u sulmuar me dron rus. Në shkrim vihet re veshja e zonjës Baerbock, e gjitha në bezhë-krem, duke u konstatuar takat e larta në krahasim me vështirësitë e terrenit si dhe dhe çmimin e tyre 70 Euro, ndërsa xhaketa e markës Ted Baker rreth 400 Euro.

Voal.ch po ndalet këtu tek çmimet duke i krahasuar me veshjet e grave politikane shqiptare që shkojnë në mijra dhe pastaj nivelin e rrënuar të demokracisë në Shqipëri.

Më poshtë Die Weltwoche vë re re humorin pas lëvizjes më e fundit të ministres së Jashtëme të Gjermanisë në Ukrainë në rrjetet sociale duke sjellë njërin prej tyre në X, ku shfaqet modeli i çizmes që kishte veshur zonja Baerbock, kësaj here ky model i shitur nga Zalando me emrin Escape-dron – Të ikësh nga droni.

Drejtësia politike i përgjigjet Ramës, i liron shokun nga burgu – ‘Vangjush Dako ka qenë, është dhe do të jetë miku im’

Ish-kryetari i bashkisë së Durrësit, Vangjush Dako ka lënë ambientet e qelisë pas ndryshimit të masës në arrest shtëpie.

Kujtojmë se Dako Dako u arrestua më 6 qershor me urdhër të Prokurorisë së Posaçme, nën akuzën e se ka shpërdoruar detyrën në dy raste. E para në lidhje me dhënien e lejes për ndërtimin e një pallati në Durrës në kundërshtim me ligjin dhe e dyta në lidhje me tenderin për bërjen e një projekti për zhvillimin e vijës bregdetare që iu rrit vlera 10-fish.

Ditën e sotme GJKKO ka marrë vendimin për lirimin nga burgu të ish-kryebashkiakut të Durrësit, Vangjush Dako.

Në vendimin e GJKKO thuhët specifikisht se, “shuhet masa e sigurimit për shkak të tjekalimit të afatëve të paraburgimit”.

Avokati Genc Gjokutaj është shprehur në TASK FORCE, me Sonila Meço, se:

“Termi “shuhet masa”, nënkupton lirimin e Dakos dhe jo zëvendësimin me një masë tjetër më të butë për shkaqe të ndryshme siç mund të jenë arsyet shëndetësore ose arsye familjare që të zëvendësohet me një masë më të butë që të plotesohen ato kriteret. Pra, kjo është shuarje e masës dhe pas kësaj nuk mund të vendoset një masë tjetër sepse ligjvënësi ka vendos afate rreptësisht të përcaktuara brenda së cilës organi i procedurës, në rastin konkret SPAK-u, duhet të kishte përfunduar hetimin e çështjes”- ka thënë Gjokutaj.

Sipas interpretimit që avokati i njohur i ka bërë vendimit të sotëm për Dakon, nxjerr në pah dirigjimin politik të drejtësisë nga Edi Rama.

Vëtë Rama ka pohuar disa herë publikisht së Vangjushi është miku i tij.

Ndikimi i Ramës në drejtësi bëri që Dako t’i shpëtojë gjykimit të drejtësisë për dosjet e famshme të vjedhjes së votave dhe lidhjes së tij me bandat kriminale të Durrësit.

Përgjimet e dosjes 339 provonin qartë krimin elektoral të Vangjush Dakos, por Edi Rama e mbrojti me metoda mafioze, duke mbajtur të kyçur në sirtarët e Prokurorisë dosjen e pushtetit të tij ilegjitim.

U duk një moment sikur Rama e lëshoi edhe Vangjush Dakon, por vendimi i sotëm për lirimin e tij nga burgu pas tejkalimit të afateve të paraburgimit, për shkak të zvarritjes së qëllimshme të hetimit nga SPAK, të çon në konkluzionin se Edi Rama ka urdhëruar SPAK-un t’i lëshojë shokun nga burgu për ta përdorur për zgjedhjet e ardhshme parlamentare.

Vendimi i GJKKO shkon plotësisht përshtat deklaratës së Ramës për Dakon, i cili është shprehur se, “Dako është dhe do jetë miku im”, pra, drejtësia është e vetëdijshme se Dako është ende mik i kryeministrit dhe ndaj ka vendosur shuarjen e masës ndaj tij. Shto këtu edhe faktin që Dako është shpalluar non grata, tregon edhe se sa amerikane është drejtësia në Shqipëri dhe se kush e kontrollon realisht atë.

Ja çfarë thoshte Rama fjalë për fjalë për Dakon menjëherë pas shpalljes së tij non grata nga SHBA.

 “Vangjush Dako ka qenë, është dhe do të jetë miku im. Nuk mi përcakton DASH se kam dhe kë nuk kam mik. Miqtë mi përcakton morali dhe bindja ime. Edhe në burg të shkojë nesër Vangjush Dako është miku im, por me Dakon kurrë nuk kam bërë kurrë dhe as kemi bashkëpunuar në asnjë shkelje të ligjit të Shqipërisë.

Stepet drejtësia nga kjo që thashë unë? Kush jeni ju që ju jepni moral të tjerëve. Ju nuk keni asnjë shans të më bëni moral mua. Mua në xhepin tim nuk më gjen asnjë asnjë qindarkë që nuk më takon nga puna ime. Nëse është miku im, dhe bën shkelje dhe të shkojë në burg. Nëse ndaj tij do të ketë akuzë, do të largohet nga PS” – thoshte Rama në atë kohë për mikun e tij.

Policia sekuestron armët muzeale të Sali Shijakut, i biri në kërkim: Nuk janë funksionale, janë vlerë

Policia e shtetit ka sekuestruar armët relike të piktorit Sali Shijaku brenda mjediseve të shtëpisë muze, e shpallur si Monument Kulture.

Përgjatë operacionit “Around”, policia ka ndaluar nipin adoleshentë ngase ku i fundit është kapur me biçak në ambientet e shkollës.

Pas këtij procesi, policia ka ushtruar një kontroll në shtëpinë muze të Sali Shijakut, në të cilën janë sekuestruar 6 armë, për të cilat familja pretendon se janë relike, e janë vendosur në pjesët e brendshme të muzeut, për të qenë objekte me vlerë, të vizitueshme për turistët vendas e të huaj.

Ndërkohë që adoleshenti po procedohet në gjendje të lirë, djali i Sali Shijakut është shpallur në kërkim nga policia. Forcat e policisë kanë mësyrë në banesën e Piktorit Sali Shijaku, ngase djali ka deklaruar se ka djeni në përdorimin e armëve sepse ia ka mësuar i ati, Orges Shijaku.

Djali i Sali Shijakut, Orges Shijaku, ndërkohë që kërkohet nga policia ka folur për Syri Tv. Ai u shpreh se armët kanë një vlerë historike, i konsideroi ato relike, jashtë përdorimit. Orges Shijaku pohoi se është lehtësisht e vërtetueshme se armët janë jashtë funksionit.

I biri i Sali Shijakut, Orges Shijaku shkon më tej  duke akuzuar se e gjitha kjo që po ndodh është rrjedhojë e një sulmi, që ka nisur mëherët, një sulm që si qëllim kryesor ka marrjen e banesës muze dhe ndërtimin e kullave shumëkatëshe.

Në përfundim të komunikimit me Syri Tv, Orges Shijaku deklaroi se ndodhet jashtë vendit dhe nuk do kthehet në Shqipëëri derisa çështja të zbardhet.

Ju dua! Ina Kasimati

Çfare gruaje! Çfare karakteri! Per t’u admiruar forca e saj!
Inen e kam takuar veç nje here ne sheshin e Teatrit, nje mbasdite ku qellova te isha. Ndofta ka qene ‘2019.
Na u afrua me nje filiz bredhi ne krah. U pershendetem dhe pasi u prezantua na falenderoi qe ishim aty për mbrojtjen e Teatrit. Tha se donte të mbillte bredhin dhe u ul me ne te bisedonte. Me beri pershtypje qe kishte nje leukoplast te ngjitur ne qafe dhe e pyeta. Me tha qe paradite kishte bere nje biopsi te gjendres, se mesa dukej semundja po i kthehej. Mu lidh fjala ne gryke. Megjithese spitali ka qene shtepia ime e dyte, nuk kisha hasur me pare nje njeri qe paradite te kishte bere biopsi dhe mbasdite te vinte ne sheshin e Teatrit për te mbjelle bredhin. Nuk donte të humbiste kohe! ☘️
Ja çfare shkruan sot!
Të dashur miq, mikesha, kushërinj, shqiptarë të mirë që nuk ju njoh nga afër , por që u bashkuat sërisht me solidaritet kozmik , humanizëm për të më mbështetur , ju jam thellësisht Mirënjohëse , Falenderuese nga zemra !
Në këtë rrugëtim që kam bërë me sëmundjen kam kuptuar çfarë do të thotë të kesh Kurajo , Dinjitet për jetën , për veten , familjen, shoqërinë !
Në rastin tim , sëmundjes i është “dukur vetja” që do të mundte të më mposhte me arsenalin e qelizave shkatërrimtare . Mi ka thyer kockat nga përhapja e metastazave , mi ka bllokuar organet të funksionojnë të ndërlidhura me njëra tjetrën , ka prodhuar likide mbi normalen , duke më.vështirësuar frymëmarrjen , kalimin e ushqimit …
.
Këto kohë po mbahem në shërbimin paliativ spitalor dhe në çdo lutje që bëj është :
Zot , më jep çdo ditë jetë !
Unë dua të jetoj !
Dhe këtë jetë unë mund ta jetoj e rrethuar nga dashuria e familjes sime , dhe e juaja pa limite , hapësirë, kohë , që si një mrekulli dhe bekim mu derdh mbrëmë në mënyrë të rrufeshme , e vazhdon sot , e kështu do jetë me siguri nesër .
.
Ndaj në këtë moment shumë delikat për shëndetin tim , zgjodha të fluturoj e të jem me diellin , ajrin , shpirtin e dashurisë tuaj, vendit tim duke qenë besimplotë në Zot që armata e zezë do të thyhet shpejt !
Në këtë histori njerëzore , heroina nuk jam unë , por im bir i vogli , heroi i madh Amantin !
Jam e bekuar për familjen time !
Jam e lumturuar që jam gjallë dhe marr kaq shumë vlerësim , mirësi,mbajtje në lutje nga të gjithë që më njohin , më duan dhe i dua !
Unë nuk i kam ditët e numëruara , sepse shoh me optimizëm përtej dhimbjeve fizike , tubave që më ushqejnë e marr frymë ….
FALEMINDERIT që më mirëkuptoni ,më lejoni të rrëfej këtë betejë tani që është duke u zhvilluar , më frymëzoni e më jepni dritë për shpirtin !
Ju dua !
Ina Kasimati

Salla plot, por Festivali i RTSH-së që kushtoi 600 milionë nuk shiti dot as 23% të biletave

Festivali i Këngës në RTSH ngelet një nga aktivitetet kulturore artistike më të mëdha në vend, pavarësisht se dikush tjetër në këtë institucion mendon se më i rëndësishëm është programi i Vitit të Ri ku mund të kafshojë ndonjë kockë. Por le të vazhdojmë të flasim me shifra dhe fakte konkrete.

CNA ka filluar denoncimet për Festivalin e RTSH-së dhe faktet që tregojnë se ka dyshime për abuzime në shuma të mëdha.

Detajet dhe faktet flasin vetë dhe janë prova të pakundërshtueshme për SPAK-un që nga mbledhjet e Këshillit Drejtues, kërkesat e çmendura për fonde nga Alfred Peza deri tek abuzimet që tashmë CNA i sjell si fakte dhe prova për SPAK-un.

Janë dy mbledhje ku Alfred Peza kërkon 750 milionë lekë për festivalin, ndërkohë një vit më parë, në vitin 2022, kishte kushtuar 46.6 milionë lekë të rinj ose 466 milionë të vjetër në total.

Image

Pas kërkesës të Pezës, Këshilli Drejtues zhvillon dy mbledhje, tek e para, ku kreu i këtij këshilli ngre me të drejtë pyetje pse duhej paguar 18 milionë lekë Kleidi Kadiu, i cili sipas tij nuk bënte për atë punë. Apo anëtarë të tjerë që ngrenë pyetjen pse skenografia do kushtonte 140 milionë lekë kur një vit më parë kishte kushtuar vetëm 60 milionë lekë.

Image

Preventivi, shpenzimet për Festivalin e 62

Pas shumë diskutimeve të ditës të parë, në të dytën, në 13 dhjetor, edhe me bekimin e Leka Bungos miratohet një fond 600 milionë lekë, pra nga 466 milionë një vit më parë u shtuan 134 milionë lekë më shumë për Festivalin e 62-të.

Image

Preventivi, shpenzimet për Festivalin e 62

Dikush ngeli i kënaqur sepse një shumë parash do përdorej për varietenë e fundvitit, dikush që mori 600 milionë e kështu me radhë.

Image

Preventivi, shpenzimet për Festivalin e 62

Por çfarë ndodhi përtej krahasimeve ekonomike. Vlerësimi i shpenzimeve janë suksesi dhe publiku.

Por çfarë rezulton sipas të dhënave zyrtare?

Pas shifrave krahasuese të shtimit të fondeve po sjellim të ardhurat e realizuara nga biletat. Një zë që flet shumë për suksesin apo dështimin e atyre 600 milionëve të paguara nga taksat e qytetarëve shqiptarë, ku u shtuan 134 milionë më shumë që të kishim një superfestival, por në fakt rezulton se biletat janë shitur nga 13% te maksimumi 30%.

Këto janë shifrat zyrtare sepse salla në pamjet dhe fotot që ne po sjellim edhe nga nata e parë kur është minimumi i spektatorëve dhe nata finale, pamjet dhe kronikat e RTSH-së duket salla plot e përplot.

Image

Nata e parë e Festivalit të 62 të RTSH-së

Nga shitja e biletave të këtij festivali në RTSH, sipas të dhënave zyrtare, janë arkëtuar 2.880.000 lekë nga kompania “Vivere Ticketing”, së cilës iu dha e drejta ekskluzive për shitjen e biletave të këtij festivali.

Image

Nata Finale e Festivalit të 62

Nga pamjet në ekran dhe videot që gjenden në “YouTube” gjatë 4 netëve të festivalit, por edhe nga kronikat e lajmeve të RTSH-së, biletat janë shitur të gjitha dhe nuk ka pasur asnjë vend bosh në sallë. Ndërkohë nga arkëtimi rezulton komplet e kundërta:

Nga 2.200 vende që ka salla e Pallatit të Kongreseve në Festivalin e 62 të Këngës, sipas të dhënave siguruar nga CNA, janë shitur biletat si më poshtë:

Nata e parë: 286 bileta, 13% e sallës

Nata e dytë: 484 bileta, 22% e sallës

Nata e tretë: 544 bileta, 25% e sallës

Nata e finale: 656 bileta, 30% e sallës

Salla e Kongreseve, nata finale

Image

Nga sa më sipër, rezulton që salla në rastin më të mirë ka qenë 30% e mbushur, ndërkohë që në ekranin e RTSH-së, në kronikat e lajmeve dhe “YouTube”, salla ka dalë shumë herë dhe ka qenë plot dhe kjo mund të verifikohet shumë kollaj, kronikat entuziaste të RTSH-së janë prova më e madhe.

Image

Kronikë e publikuar nga RTSH për festivalin

Mesatarja rezulton të jetë 22.5% e totalit të biletave për çdo natë. Në pamjet filmike salla plot, nga biletat rezulton bosh. Tani ose salla ka qenë bosh e ne s’e shohim dot, ose kanë vjedhur lekët e biletave.

Image

Speciale në RTSH për Festivalin e ’62

Një arsyetim tjetër është që u paguan 600 milionë për një sallë plot që shet mesatarisht vetëm 22.5% të biletave. Pra një dështim spektakolar shoqëruar më abuzim që përtej dyshimeve po vjen me fakte konkrete.

Image

Tabela krahasuese e shpenzimeve në Festivalin e 62-të të Këngës

Arkëtimi nga biletat në vitin 2022, vit kur festivali kushtoi 466 milionë lekë, u arkëtuan 3.450.000 lekë, theksojmë se është një natë më pak, si dhe ka kushtuar 134 milionë lekë më pak, por ka mbledhur më shumë të ardhura.

Image

Alfred Peza

Shifrat flasin vetë.

Çfarë është bërë më 134 milionë lekë më shumë dhe ku kanë shkuar lekët e biletave kur salla është plot?

Këtë drejtori i RTSH-së duhet ta shpjegojë përpara institucioneve përgjegjëse, jo përpara Këshillit të Drejtuar nga Leka Bungo, i cili qante hallin e Kleidi Kadiut, pse do paguhej 18 milionë lekë, por prapë votoi për shtimin e fondeve me 134 milionë lekë më shumë./CNA

A është Super e Marta gjasa e fundit që Haley të ndalë Trumpin?

Nikki Haley, kundërkandidatja e ish-presidentit Donald Trump, gjatë një tubimi zgjedhor në Miçigan.

Reuters

Pesëdhjetë shtete dhe një territor amerikan do të mbajnë gara të nominimit të republikanëve për Super të Martën, që është dita më e madhe e votimit kur mbi një e treta e delegatëve do të caktohen në betejën për të vendosur nëse Nikki Haley mund të ndalojë kandidatin favorit, Donald Trump, që të fitojë nominimin e republikanëve për president. Demokratët po ashtu do të votojnë për zgjedhjet paraprake në mbarë vendin më 5 mars, por presidenti Joe Biden pritet të fitojë nominimin pasi ka vetëm një sfidues, që ka pak gjasa ta mposhtë.

Në këtë artikull ju sjellim detaje lidhur me Super të Martën:

Çfarë është Super e Marta?

Super e Marta përshkruan ditën e ciklit primar presidencial në SHBA kur votojnë shumica e shteteve.

Në garën e Partisë Republikane, 874 nga 2.429 delegatët do të zgjidhen, përfshirë dy nga shtetet më të populluara: Kalifornia dhe Teksasi. Nevojiten të paktën 1.215 delegatë që të fitohet nominimi për president në Konventën Kombëtare Republikane që do të mbahet në korrik.

Votat e delegatëve republikanë në votimet në Super të Martën janë: Alabama (50), Alaska (29), Samoa Amerikane (9), Arkansasi (40), Kalifornia (169), Kolorado (37), Mejn (20), Masaçusets (40), Minesota (39), Karolina e Veriut (74), Oklahoma (43), Tenesia (58), Teksasi (161), Juta (40), Vermonti (17) dhe Virxhinia (48).

Kjo është po ashtu dita e fundit për demokratët në Ajova që të votojnë me postë për garën shtetërore për nominim dhe më pas do të bëhen publike rezultatet.

Kur është Super e Marta dhe çfarë mund të pritet?

Super e Marta këtë vit është më 5 mars. Me shumë shtete dhe një territor që votojnë në zona të ndryshme kohore, do të duhet pak kohë para se të dihet qartë rezultati.

Në Kaliforni, votimi me postë është i ligjshëm për aq kohë sa dërgimi i votës të bëhet para ditës së zgjedhjeve dhe të pranohet deri më 12 mars.

Për më tepër, disa shtete mbajnë “zgjedhje të hapura paraprake” që u mundësojnë votuesve të regjistruar që mund të vendosin nëse duan të votojnë në zgjedhjet paraprake të demokratëve apo republikanëve, duke i shtuar një shtresë të paparashikueshmërisë.

Pse kjo ditë është e rëndësishme?

Haley nuk ka një rrugë të qartë që ta mposhtë Trumpin. Super e Marta mund të jetë shansi i saj i fundit të paktën për të ngadalësuar rrugën e ish-presidentit drejt nominimit.

Sondazhet tregojnë se Trump është favorit absolut në Kaliforni dhe Teksas, por edhe në shtete tjera sikurse Alabama, Mejn dhe Minesota. Sipas parashikimeve të ekipit të tij, ai do të fitojë të paktën 773 delegatë gjatë Super të Martës dhe të sigurojë nominimin një apo dy javë më vonë. Trump me lehtësi ka fituar pesë garat për nominim që janë mbajtur në Ajova, Nju Hampshër, Nevada, Ishujt Virgjine dhe Karolinën e Jugut. Ai po ashtu vazhdimisht i ka bërë thirrje Haleyit që të tërhiqet nga gara, gjë e cila do t’i siguronte atij një përballje të serishme ndaj Bidenit, sikurse më 2020. Sipas sondazheve, shumica e amerikanëve nuk duan një përballje të tillë.

Haley, që ka shërbyer si ambasadore e SHBA-së në Kombet e Bashkuara gjatë presidencës së Trumpit, është zotuar se do të qëndrojë në garë. Ajo do të realizojë takime të shumta në mbarë vendin para Super të Martës, dhe fushata e saj ka krijuar një ekip udhëheqës në Gjeorgji, ku votuesit do të votojnë më 12 mars, një javë pas Super të Martës.

Votuesit, tha ajo pasi humbi në Karolinën e Jugut më 24 shkurt, “kanë të drejtë për një zgjedhje reale, jo zgjedhje të stilit sovjetik me vetëm një kandidat”.

“E kam për obligim që t’iu jap atyre një zgjedhje”, shtoi ajo.

Rezultatet e Super të Martës në Karolinën e Veriut do të vëzhgohen me kujdes për shenja për forcën e çdo kandidati në shtetin ku pritet garë më e fortë dhe që mund të jetë vendimtare për zgjedhjet presidenciale të nëntorit. Më 2020, Trump kishte fituar në këtë shtet me vetëm një pikë të përqindjes.

Në Super të Martën, Karolina e Veriut do të ketë 74 delegatë. Ky shtet u lejon votuesve që nuk janë të lidhur me ndonjë parti, të marrin pjesë në zgjedhjet paraprake që ata zgjedhin. Ky fakt mund të përmirësojë pjesëmarrjen e Haleyit, duke i ofruar asaj mundësinë që të marrë votat e votuesve të pavarur.

Përgatiti: Mimoza Sadiku

DY NGA ATA QË NJË JETË IA KUSHTUAN ARSIMIMIT TË  BREZAVE NË SHKOLLAT E LLAPIT- Nga ARIF EJUPI

Sabri Ilaz Dema dhe Tafil Hashim Latifi nga fshati Pollatë e Podujevës, me kusht që ta ndihmojnë zhvillimin e Arsimit  edhe në fshatrat malore të trevës së Llapit, qyshkur ishin studentë të Fakultetit Filozofik të Universitetit të Kosovës, përkatësisht të Shkollës së Lartë Pedagogjike nisën detyrën e shenjtë  të arsimtarit në shkollën 8-vjeçare “Ramiz Sadiku” të Pollatës  dhe në paralelet e saj të ndara në Zhiti e Sllatinë. Kjo shkollë tani mban emrin e dëshmorit dhe mësuesit veteran Shefki Mursel Latifi.
Sabri Dema lindi më 14 shkurt të vitit 1959 në fshatin Pollatë të Podujevës. Tetë klasat e mësimit të detyrueshëm i kreu në vendlindje. Kurse gjimnazin e përgjithshëm në Podujevë.
Gjatë viteve 1977 – 1978 regjistrohet në Fakultetin Filologjik të Universitetit të Kosovës, dega–gjuhë dhe letërsi frënge.
Pas përfundimit me sukses të studimeve  Sabriu kalon si mësimdhënës në shkollën fillore”  Josip Broz Tito “të Podujevës, tani “Naim Frashëri“.  Ai në këtë shkollë punoi me sukses dy -tre semestra.
Me reformimin e gjimnazeve në të ashtuquajturat  Qendra të Arsimit të Mesëm të Orientuar, Sabriu  punon 16 vite e  8 muaj, si profesor i gjuhës dhe letërsisë frënge në shkollën “Isa Boletini“ të Podujevës, drejtimi ekonomi dhe financa.
Meqenëse deri në vitet e pasluftës ai dhe familja e tij jetonin në fshatin Pollatë të Podujevës, me pëlqimin e udhëheqësve lokal të Departamentit  të Arsimit, Sabri Dema nga shtatori i vitit 2007 e deri në pensionin e merituar të moshës do ta kryejë me përpikëri  dhe ndërgjegje detyrën e Drejtorit në shkollën 9 – vjeçare “Shefki Latifi“ të Pollatës.
Sabriu  përveç shkollës së fshatit Pollatë, punoi me seriozitet dhe përkushtim të veçantë edhe në dy shkollat e Mesme të Podujevës, në atë” Aleksandër  Xhuvani” dhe “ Isa Boletini. “
Ai i njohur për modestinë dhe raportet e shkëlqyera me kolegë e nxënës ishte dhe mbetet i dëshirueshëm në çdo mjedis shoqëror.
Të kësaj familjeje janë edhe dëshmorët  Hasan Sejdi Dema dhe Behram Sadik Behrami, të cilët si ushtarë të rregullt të Ushtrisë Çlirimtare të Kosovës, u vranë nga forcat pushtuese të armikut  më 28 maj të vitit 1999, tek mulliri  i Demajve në Pollatë të Podujevës.
Po ashtu, Tafil Hashim Latifi i lindur më 12 shkurt të vitit 1959 në Pollatë të Podujevës, ngjashëm me vërsnikun e tij Sabri Dema, bëri përpjekje maksimale që të kontribuoj në mbarëvajtjen e mësimit  dhe rriten e shkollave të Grykës së Mavriqit .
Tafili  për dallim nga moshatarët e tij ka një histori të veçantë dhe tepër  të dhimbshme . Ai si nxënës i vitit të dytë të gjimnazit “8 Nëntori” të Podujevës, në verën e vitit 1976 bije në konflikt me një serb lokal.
Deri ditën kritike familja Latifi nuk kishte pasur as  eksesin më të vogël me këtë familje serbe që në Pollatë ishte sjell si kolone nga Serbia.
Meqenëse familjen Latifi e kishte kaherë në shënjestër Serbia, kjo zënkë e çastit  merret si shkas dhe zullumi ndaj kësaj familje shumëfishohet.
Edhe përpara këtij  incidenti të paparashikuar babai i Tafilit, Hashimi si njëri nga mësuesit  e parë  të Llapit, së bashku me vëllezërit  e tij Avdiun dhe Shefkiun si dhe kushërinjtë e tyre Sabitin e Muhametin, duke mos u pajtuar me pushtimin e Kosovës nga Serbia, kishin vuajtur vite të shumta burgimi në burgjet skëterrë të ish-Jugosllavisë.
Tafili në atë periudhë edhe pse ende i mitur dënohet me burgim të rëndë. Ai burgun e vuan në Gradishë të Kroacisë.  Me shpresën që një ditë do të kthehet pranë familjes dhe më të dashurve të tij, gjatë qëndrimit në burg i kryen edhe dy vitet e mbetura të gjimnazit. Atje e  mëson edhe gjuhën angleze.
Pas lirimit nga burgu bën përpjekje që regjistrohet në Fakultetin Filozofik të Prishtinës, seksioni gjuhë dhe letërsi angleze, por papritur refuzohet si i papërshtatshëm “moralo- politikisht”.
Kjo një masë ndëshkimi që u shqiptohej në atë periudhë atdhetarëve më të devotshëm të Kosovës nga Serbia dhe lojalët e saj.
Nga dëshira që të mos i veniten njohurit në gjuhën angleze të fituara në Kroaci, Tafili provon të regjistrohet në Shkollën e Lartë Pedagogjike të Prizrenit .
Edhe pse e kishte kaluar provimin pranues pak para fillimit të vitit akademik merr një letër nga kjo shkollë, në të cilën thuhet se atij i ndalohen studimet për shkak të  “cenimit të rendit dhe sigurisë dhe prishjes së  vëllazërim-bashkimit, në mes të kombeve dhe kombësive të ish-Jugosllavisë.”
Tafil Latifi i njohur për vullnetin e tij të çeliktë nuk heq dorë asnjëherë nga qëllimi i tij. Ai njohuritë  e tij në anglisht i thellon duke studiuar si autodidakt.
Me ngadhënjimin e demokracisë ai  më në fund realizon dëshirën  e tij të kahmotshme duke u regjistruar në Shkollën e Lartë Pedagogjike të Prishtinës, dega–gjuhë dhe letërsi angleze.
Tafili pasi që kishte bazë të mirë në anglisht diplomohet pa vështirësi. Pas diplomimit kthehet në fshatin e tij të lindjes  Pollatë të Podujevës, në cilësinë e Arsimtarit të gjuhës angleze, ku kontribuon në kohët më të vështira kundruall një page simbolike.
Derisa familja Latifi ishte halë në sy për pushtuesit Tafili as pas kryerjes së dënimit nuk do të lihet i qetë.
Më 13 shtator të vitit 1990 forca policore dhe ushtarake të Serbisë në orët e hershme të mëngjesit e rrethojnë Pollatën.  Ato me këtë rast në familjen Latifi kryejnë krim duke vrarë Besimin të vëllain e Tafilit, student i vitit të -III- të Fakultetit Juridik të Prishtinës dhe kushëririn e tij Skënder Hamit Monolli.
Po ashtu gjatë këtij krimi makabër rrahën dhe burgosën edhe shumë burra e gra të kësaj familje atdhetarësh të hershëm.
Fatmirësisht Tafili atë natë të kobshme nuk ishte aty. Ai kishte shkuar në Podujevë, tek axha i tij Shefkiu të cilin e donte dhe e çmonte shumë .
Me gjithë vuajtjet  e mëdha dhe përndjekjet e pandërprera që ia bënte atij dhe familjes së tij Serbia,Tafili i burrëruar parakohe  qëndron i pathyeshëm.
Ai së bashku me Latifajt e tjerë do të jetë pjesë e të gjitha organizimeve që kanë të bëjnë me çlirimin dhe Pavarësinë e Kosovës.
Serbia duke parë që kjo familje nuk do të nënshtrohet asnjëherë më 4 korrik të vitit 1995 e  mbyt me tortura nga më barbaret  Shefki Latifin,aktivist i Fondit për Financim të Republikës së Kosovës, dega në Podujevë,
Kolegë e nxënës  të shkollës së Mesme të Ulët “ Shefki Latifi” të Pollatës për nderë të këtyre dy pishtarëve të Arsimit organizuan një program të pasur kulturor dhe artistik. Përveç mësimdhënësve, nxënëseve e familjarëve në këtë solemnitet mori pjesë  dhe z. Avni Fetahu, udhëheqës  i Departamentit të Arsimit në komunën e Podujevës.
Si për Sabriun ashtu  dhe për Tafilin u thanë fjalë miradije dhe u ndanë mirënjohje.  Kuptohet që kjo ndarje e tyre nga kolegë e nxënës u përshkrua  edhe me emocione e lot.
Sabriu dhe Tafili të cilët u pensionuan javën e kaluar pas një pune të suksesshme dhe të gjatë në shkollat e Llapit, do të kujtohen përherë jo vetëm nga kolegë e nxënës por nga e gjithë  popullata e kësaj zone.
Ata vërtetë e meritojnë respektin sepse në kohën kur Serbia i dëboi mësimdhënës e nxënës shqiptarë me dhunë nga objektet e tyre ata një dekadë të plotë punuan edhe në shtëpitë shkolla të Podujevës.
Ky organizim i këtij mësimi me shumë sakrifica de fakto ishte paralajmërim që Serbia, do të shporret  njëherë e përgjithmonë  nga Kosova. Të gjitha ata që e ndihmuan mbarëvajtjen e këtij mësimi Zoti i bekoftë ! /ARIF EJUPI/
Pamje nga ceremonia e organizuar me rastin e shkuarjes së Sabri Demës dhe Tafil Latifit në pension:

Të tallur dhe të dhunuar: Kriza e thellë e bullizmit në shkollat shqiptare

Bullizmi nuk është një fenomen i ri për sistemin arsimor shqiptar, por forma e tij ndryshoi gjatë periudhës së pandemisë, duke targetuar mijëra fëmijë në rrjetet sociale dhe në grupet e nxënësve në internet.

Nga Ermelinda Hoxhaj, BIRN

Aida [nuk është emri i vërtetë] nuk ia fal vetes që nuk e kuptoi momentin kur e bija nisi të thyhej. Ajo ndryshoi sjellje dhe ra nga mësimet në vitin e parë të gjimnazit, por nëna e saj i mësoi problemet vetëm pasi 15-vjeçarja tentoi të vriste veten.

“Kur e kam gjetur në shtëpi pa ndjenja se kishte konsumuar qetësues, nuk di ta përshkruaj frikën, ndjenjat që më kaluan ato çaste,” tregon gruaja nga Fieri në kushtet e anonimatit.

Aida tregon se e bija kishte tentuar t’i bënte keq vetes, pasi ishte targetuar me komente tallëse në rrjetet sociale dhe në grupe nxënësish për shkak të pëlqimit ndaj një shoku të klasës. Ajo është vetëm një nga mijëra viktimat e identifikuara të bullizmit në sistemin arsimor të Shqipërisë.

Mësues, psikologë dhe punonjës socialë të intervistuar nga BIRN flasin për një krizë të bullizmit në shkollat shqiptare, ku rastet e raportuara janë trefishuar gjatë viteve të fundit, ndërsa mijëra raste të tjera mendohet se kalojnë në heshtje dhe pa u trajtuar.

Bullizmi nuk është një fenomen i ri dhe çdo brez në Shqipëri është përballur me historitë e veta të dhunës psikologjike dhe fizike në moshën e fëmijërisë apo adoleshencës.

Megjithatë, ekspertët flasin për një formë të re që lulëzoi në periudhën e pandemisë; bullizmi i kohëve të fundit është zhvendosur nga korridoret e shkollave në rrjetet sociale apo grupet e aplikacioneve online – çka vështirëson identifikimin dhe trajtimin e duhur të rasteve.

“Ajo që kam vënë re është se [bullizmi online] ka rritje vitet e fundit dhe i referohem periudhës së pandemisë që e kishim çdo gjë online. Që nga ai moment është edhe më i fortë si fenomen,” thotë Majlinda Ziu, drejtoreshë e gjimnazit “Sami Frashëri” në Tiranë.

“Shpesh krijojnë grupe Whatsapp, pavarësisht atyre grupeve të shkollës, apo në rrjete sociale.  Hapin faqe për të bërë presion,” shtoi ajo, duke theksuar se bullizmi kalon më pas nga bota virtuale në atë realen.

Trefishim rastesh

Organizata Botërore e Shëndetësisë e përshkruan bullizmin si një shqetësim madhor të shëndetit publik dhe shkelje të të drejtave të fëmijëve. Agresioni i vazhdueshëm psikologjik ose fizik sipas OBSH shkakton pasoja serioze në edukimin dhe shëndetin fizik dhe mendor të fëmijëve dhe adoleshentëve.

Raportet tregojnë gjithashtu se fëmijët që janë subjekt i bullizmit performojnë më keq në mësime dhe mund të vuajnë nga ankthi, frika, stresi emocional, pagjumësia dhe dhimbja psikosomatike. Fëmijët e bullizuar kanë gjithashtu rrezik të shtuar për sjellje vetëvrasjeje.

Të dhënat e siguruara nga BIRN përmes kërkesave për të drejtë informimi nga katër drejtoritë rajonale të arsimit Parauniversitar tregojnë një trefishim të rasteve të raportuara të bullizmit përgjatë pesë viteve të fundit në Shqipëri.

Nga 327 raste të raportuara në rang vendi në vitin 2019, numri u rrit në 1077 raste në fund të vitit 2023. Në total, rreth 3 mijë raste të bullizmit janë raportuar në katër drejtoritë rajonale të Durrësit, Korçës, Fierit dhe Lezhës gjatë viteve 2019-2023.

Rreth 60% e rasteve u regjistruan nga Drejtoria Rajonale e Arsimit Parauniversitar Durrës, e cila mbulon edhe shkollat e Tiranës me numrin më të madh të nxënësve në rang vendi.

Sipas drejtorive arsimore, rastet e bullizmit janë bërë më të vështira për t’u adresuar, pasi e kanë zanafillën e tyre te konfliktet në rrjetet sociale.

“Ndërveprimet negative të shpërndara në mënyra të ndryshme, përfshirë situatën e bullizmit në rrjete sociale dhe mesazhe të dëmshme online, ka bërë që kjo dukuri të ketë ndikim në klimën e shkollës dhe sjelljes së nxënësve,” i tha BIRN drejtoria rajonale e Durrësit.

Bullizmi online është kthyer tashmë në një fenomen shqetësues edhe për Drejtorinë Rajonale të Arsimit Parauniversitar Lezhë.

“Adoleshentët janë më të prirur për të përjetuar bullizmin në rrjetet sociale, përfshirë fyerjet në internet, shpërndarje të imazheve të turpshme apo përjashtim nga grupet online,” tha ajo.

Platforma Kombëtare për Internet të Sigurt, e ngritur nga organizata CRCA Shqipëri raporton gjithashtu një rritje galopante të rasteve të bullizmit online në raport me format e tjera të abuzimit me fëmijët dhe adoleshentët.

Dhjetë vite më parë, bullizmi online zinte vetëm 2% të raportimeve në këtë platformë, ndërsa aktualisht zë 33% të rasteve.

“Çështja e bulizmit online është kthyer në problemin më shqetësues tek fëmijët,” thotë Altin Hazizaj, drejtues i CRCA Shqipëri. “Ato që arrin të kapë sistemi janë vetëm maja e ajsbergut,” shtoi ai.

‘Fuks, spiun, çun mami’

Adelina Pjetra është psikologe klinike në Tiranë dhe thotë se trajton rreth 100 raste të fëmijëve apo adoleshentëve të bullizuar përgjatë një viti. Ajo beson se rastet më të shumta janë të paraportuara.

Pjetra thotë gjithashtu se prindërit u drejtohen specialistëve për ndihmë vetëm atëherë kur situata është tepër e rënduar.

“Vijnë kur është pika finale. Prindërit bëhen alert kur ka një tenativë për vetëvrasje, kur fëmija i tyre ka tentuar t’i bëjë dëm vetes. Rrallë ka familje që kërkojnë ndihmë më herët se sa kjo situatë,” theksoi ajo.

Mënyra si përjetohet bullizmi sipas psikologëve është e ndryshme; dikush e kalon me ankth të shtuar, dikush ka pagjumësi të theksuar dhe të tjerë shfaqin forma të çrregullime të të ushqyerit. Ata apelojnë që prindërit duhet të jenë më të kujdesshëm për të diktuar ndryshimin e sjelljes së fëmijëve të tyre që në fazat e para, në mënyrë që edhe trajtimi të jetë më i shpejtë.

Lediona Asabella, punonjëse sociale në gjimnazin “Besnik Sykja” në Tiranë, thotë se shumica e rasteve që ajo trajton e kanë burimin te prishja e miqësive – e cila kthehet më pas në një mjet shantazhimi mes adoleshentëve. Armët që ata përdorin kundër njëri-tjetrit janë sekretet, të cilat i hedhin më pas për konsum nëpër rrjetet sociale.

“Rastet më ekstreme i kemi në faqet virtuale, ku një numër i madh dhunohet, ofendohen në mënyrë kolektive. Pra ku nuk ka emra se kush po e bën. Hapin faqe, se adoleshentët janë mjeshtra për teknologji,” thotë Asabella.

“Kjo është forma më e rënduar tani dhe shumë e përhapur,” shtoi ajo.

Mësuesit theksojnë se bullizmi nis të shprehet në moshën 12-13 vjeçare dhe disa prej problematikave mbarten nga shkolla 9-vjeçare në gjimnaz.

“Sepse dëshira për t’u dukur, për të shfaqur veten dhe për të dominuar grupin nis që në klasë të 7-të,” tha Ziu nga gjimnazi “Sami Frashëri”.

Ajo thotë se oficeri i sigurisë merr informacion për këto konflikte përpara se nxënësit të regjistrohen në gjimnazin e drejtuar prej saj dhe në raste të problemeve njoftohen menjëherë prindërit dhe punonjësit e sigurisë.

Megjithatë, nuk mungojnë rastet kur bullizmi prek edhe mosha më të vogla.

Vitin e kaluar, një djalë 11-vjeçar u targetua nga shokët e tij të klasës në një shkollë të Tiranës, pasi i tregoi prindërve se njëri prej tyre kishte ardhur në shkollë me një thikë. Prindërit i treguan mësueses për situatën, por pasojat i vuajti djali i tyre.

“Fuks, spiun, tradhëtar, çun mami ishin vetëm disa nga epitetet që përdoreshin kundër tij,” tregon e ëma.

“Aq kritike u bë situata sa djali nuk donte të shkonte më në shkollë, në klasë rrinte vetëm.  Nisi makthe natën, qante,” shtoi ajo, duke theksuar se për këto fenomene nuk janë të përgatitur as prindërit dhe as sistemi arsimor.

Problemet e familjes  

Ekspertët bien dakord se kriza në sistemin arsimor reflekton në njëfarë mënyre edhe krizën e familjes shqiptare pas një periudhe prej 3 dekadash tranzicion. Problemet e mëdha të dhunës në familje, divorceve, gjendjes së keqe ekonomike apo emigracionit reflektohen gjithashtu te sjellja e fëmijëve.

Punonjësja sociale, Lediona Asabella i tha BIRN se në gjimnazin e saj ka shumë fëmijë që punojnë, që rriten me gjyshërit ose që janë sjellë në Tiranë për një sistem më të mirë arsimor – por që u mungon autoriteti prindëror.

“Kemi shumë raste të nxënësve që rriten me gjyshër, të cilët nuk i kontrollojnë dot dhe mungon autoriteti i prindit, se mund të jenë të divorcuar apo në emigrim,” tha Asabella.

“Ka pasur raste që prindërve u kam sugjeruar që t’i marrin fëmijët, t’i mbajnë pranë vetes, se është më mirë në një qytet të vogël dhe në kujdesin e tyre, sesa në një qytet të madh dhe pa kujdes,” shtoi ajo.

Edhe Majlinda Ziu nga gjimnazi “Sami Frashëri” vëren se prindërit nuk kanë shpeshherë informacione për problemet e fëmijëve të tyre, pasi janë të zënë me punët apo problemet e tyre. Në mungesë të tyre, nxënësit mbushin orë të gjata me rrjetet sociale dhe u drejtohen shokëve të tyre për modele, që mund të jenë të gabuarat.

“Ka prindër që vinë në shkollë dhe befasohen dhe thonë që s’e kam parë këtë anë të fëmijës. Ndaj kontrolli prindëror duhet të jetë shumë i fortë, sidomos sa i përket raportiti që ka fëmija me teknologjinë. Sepse aty janë në kontakt me të gjitha rreziqet edhe me të panjohur,” tha Ziu.

Modelet e gabuara të jetës së përditshme apo të mediave sociale ndikojnë gjithashtu në personalitetin e fëmijëve. Sipas psikologes Adelina Pjetra, fëmijët i shohin shembujt e gabuar si modele suksesi dhe i imitojnë ato në jetën e tyre të përditshme.

Ndonjëherë, prindërit janë edhe vetë të varur nga rrjetet sociale, ndaj ekspertët i këshillojnë ata  që të hedhin sa më pak foto të fëmijëve në internet. Megjithatë, rastet më të vështira shfaqen ato ku agresorët janë njëkohësisht edhe viktima për shkak të dhunës së përjetuar në familjen e tyre.

“Kur i futemi me themel familjes, rezulton se janë përdorur forma dhune, forma izolimi, forma nga më të ndryshme të dhunimit të një fëmije. Dhe duke parë këtë model, ka marrë modelin që unë po bëj pak shaka me shokët e mi dhe nuk kanë përse të lëndohen kaq shumë, pasi ai vetë ka qenë i lënduar nga personat që duhet ta mbrojnë,” thotë Asabella.

Sistemi i referimit

Mbrojtja e fëmijëve dhe e të drejtave të tyre është një detyrim ligjor në Shqipëri dhe një nga strukturat përgjegjëse janë Njësitë për Mbrojtjen e Fëmijës, NJMF, të ngritura pranë secilës prej 61 bashkive të vendit.

Por këto struktura funksionojnë me staf të reduktuar, të cilët duhet të përballojnë disa shkolla njëkohësisht.

Klaudio Pulaha, punonjës social pranë linjës kombëtare për fëmijë “Alo 116” ngre si shqetësim mbylljen e shumicës së rasteve të bullizmit brenda shkollave, pa u referuar pranë Njësive për Mbrojtjen e Fëmijëve.

“Një drejtor apo nëndrejtor shkolle nuk është ekspert i fushës, pavarësisht dëshirës së mirë për të trajtuar rastin. Nëse një punonjës social apo psikolog, që nuk e trajton dot rastin me ato kushte dhe mundësi sa ka në shkollë, duhet ta referojë tek punonjësit e mbrotjes së fëmijëve, por nuk refrohen,” tha Pulaha.

Ai thekson gjithashtu se roli i psikologëve apo punonjësve socialë në shkolla nuk është mjaftueshëm i fuqizuar, çka sjell një nënraportim të rasteve të bullizmit.

Por Asabella nga gjimnazi “Besnik Sykja” e kundërshton këtë ide, ndërsa vlerëson se institucionet arsimore në Shqipëri janë bërë më të hapura dhe më të kujdesshme ndaj këtyre fenomeneve.

Megjithatë, ajo shton se jo të gjitha rastet mund të referohen.

“Brenda institucionit mund të mbyllen raste me më pak problematika dhe ti e ke në monitorim, sepse dhe referimi i rasteve ka disa kufizime,” tha Asabella.

“Tek NJMF-ja referohen ato rastet që kanë elementët e dhunës, shantazhit e problematikave më të rënda,” shtoi ajo duke theksuar se mungesa e qendrave të rehabilitimit e bën të vështirë trajtimin e këtyre rasteve.

Pasi e bija u bullizua deri në pikën që tentoi t’i bënte keq vetes, Aida nuk e gjeti zgjidhjen te sistemi publik, por te zhvendosja e saj në një shkollë private.

“U ndoq për kohë të gjatë me psikolog, por tani është mire. Nuk ka probleme dhe në mësime ka avancuar goxha,” përfundoi ajo.

Rekord i zi- Eurostat: Mbi 35% e të rinjve përballen me privime të rënda

Më shumë se një në 3 të rinj të moshës nga 15-29 vjeç në Shqipëri vuajnë nga privimi i rëndë material. Ky është treguesi më negativ në të gjitha vendet e Europës me një diferencë të theksuar nga vendi i parafundit.

Të dhënat janë bërë publike nga një publikim i posaçëm i Eurostat, zyrës së statistikave të Bashkimit Europian. Sipas Eurostat në vitin 2021, mbi 35.1 për qind e të rinjve shqiptarë të moshës nga 15 deri në 29 vjeç vuanin nga privimi i rëndë material. Kjo është norma më e lartë në të gjithë kontinentin. Vendi i dytë me treguesin më të përkeqësuar në Europë është Romania me 23.1 për qind, ndërsa mesatarja e 27 vendeve të Bashkimit Europian është 6.1 për qind.

Shkalla e privimit të rëndë material dhe social (SMSD) është një tregues që tregon një mungesë të detyrueshme të sendeve të nevojshme dhe të dëshirueshme për të bërë një jetë të përshtatshme . Treguesi, i miratuar nga Komiteti i Mbrojtjes Sociale në Bruksel, bën dallimin midis individëve që nuk mund të përballojnë një të mirë, shërbim ose aktivitet shoqëror të caktuar. Ai përkufizohet si përqindja e popullsisë që përjeton mungesë të detyrueshme të të paktën 7 nga 13 artikuj privimi (6 të lidhura me individin dhe 7 të lidhura me familjen).

Lista e artikujve në nivel familjar:
-Aftësia për të përballuar shpenzime të papritura
-Kapaciteti për të përballuar pagesën për një javë pushim vjetor larg shtëpisë
-Kapaciteti për t’u përballur me pagesat e prapambetura (për pagesat e hipotekës ose qirasë, faturat e shërbimeve, këstet e blerjes me qira ose pagesa të tjera kredie)
-Kapaciteti për të përballuar një vakt me mish, pulë, peshk ose ekuivalent vegjetarian një herë në dy ditë
-Aftësia për ta mbajtur shtëpinë në mënyrë adekuate të ngrohtë
-Aksesi në një makinë/fugon për përdorim personal
-Zëvendësimi i mobiljeve të konsumuara

Lista e artikujve në nivel individual:
-Pasja e një lidhje interneti
-Zëvendësimi i rrobave të konsumuara me disa të reja
-Të kesh dy palë këpucë që përshtaten siç duhet (përfshirë një palë këpucë për çdo mot)
-Shpenzimi i një sasie të vogël parash çdo javë për veten e tij/saj
-Pasja e aktiviteteve të rregullta të kohës së lirë
-Takimi me miqtë/familjen për një pije/ vakt të paktën një herë në muaj.

Sipas Eurostat, 35.1 për qind e të rinjve shqiptarë kanë mungesë të paktën të 7 artikujve nga 13 artikujt e mësipërm./KAPITALI

Mirë se ju gjeta bashkguximtarë! Nga Florim Zeqa

Takimet e fillimvitit me drejtuesit e partisë GUXO në Prishtinë dhe me disa nga drejtuesit e degëve në Diasporë, ishin fillimi i negociatave dhe marrëveshjeve paraprake për rrugëtimin e ri dhe të përgashkët me këtë subjekt politik.
Janë pikëpamjet, vizioni dhe programi politik ato që na bashkojnë në rrugën e fuqizimit të ndryshimit politik të arritur më 14 Shkurt 2021, ndryshim ky, i cili e bëri ndarjen nga epoka e errët e keq-qeverisjes, katandisjes së shtetit dhe vlerave njerëzore në përgjithësi.
Kthimi kah e mbara dhe kah vlerat e mirëfillta të shoqërisë sonë është pika më kulmore e bashkrendimit dhe veprimeve tona në shërbim të shtetit ligjor dhe demokratik, në shërbim të qytetarëve dhe të gjitha etniteteve pa dallime ideologjike apo fetare.
Në radhë të parë janë shteti dhe barazia qytetare, e cila nuk guxon të nëpërkëmbet nga askush.
Në GUXO dhe me GUXO të gjithë do të jemi të barabartë, pavarësisht radhës dhe renditjes numerike. Pak do të ketë rëndësi cili është i pari, i mesit apo i fundit në rresht. Të gjithë do ta kemi të njëjtën mundësi për të kontribuar për të mirën e vendit dhe qytetarëve.
Pra, në GUXO nuk do të ketë diskriminim gjinor dhe as racor, nuk do të ketë grupe të interesit, nuk do të ketë të privilegjuar dhe as të diskriminuar, do të ketë barazi qytetare dhe prosperitet për të gjithë pa dallim.
Pra, do të ketë respektim të vlerave dhe meritokracisë në kuptimin e plotë të fjalës.
Do të çmohet dhe vlerësohet lartë puna e çdo anëtari të partisë në mënyrë individuale pa asnjë preferencë apo paragjykim. Do të merr secili atë që e fiton me punën dhe angazhimin e tij personal, e jo siq ka ndodhur deri më tani nëpër subjektet tjera, ku avancimet partiake bëheshin nga preferencat e liderit të partisë, pa i pyetur fare strukturat partiake.
Nga sot edhe zyrtarisht në GUXO
I bindur në këto vlera dhe parime të dakorduara paraprakisht me drejtuesit e partisë GUXO, unë Florim Zeqa deklarohem me sa vijon: “Nga sot do e fillojë punën me përkushtim të madh në partinë GUXO për të mirën e shtetit dhe qytetarëve në përputhje të plotë me përcaktimet e mia paraprake ideologjike dhe politike”.
Jam ai që isha dje, do të jemë nesër dhe përgjithmonë. Përjetësisht mbështetës i filozofisë politike rugoviane dhe ushtar besnik i atdheut tim të shenjt.
Zoti ju bekoftë vëllëzër dhe motra të vizionit rugovian!
Florim Zeqa, 27 Shkurt 2024
Orsago (TV-Itali)

Zelensky në CNN: “Nëse nuk na ndihmon Amerika, Rusia do të fitojë”

Presidenti ukrainas Volodymyr Zelensky gjatë një interviste me CNN të hënën

 

VOAL- “Pa ndihmën amerikane, Rusia mund të fitojë dhe miliona ukrainas do të vdesin”, tha presidenti ukrainas Volodymyr Zelensky në një intervistë për CNN të hënën në mbrëmje. I intervistuar nga Kaitlan Collins, kreu i shtetit saktësoi gjithashtu se kishte folur me kryetarin e Dhomës së Përfaqësuesve të SHBA-së, republikanin Mike Johnson, dhe ky i fundit e siguroi atë se “do të bëjë gjithçka për të mbështetur Ukrainën”.

“Më duhet t’i besoj atij”, shtoi Zelensky, duke vënë në dukje se “paratë amerikane përfundojnë kryesisht në prodhimin ushtarak amerikan, jo në buxhetin tonë”. Megjithatë, politikani ukrainas premtoi reforma për transparencën dhe luftën kundër korrupsionit.

Gjatë intervistës, presidenti deklaroi gjithashtu se beson se kërcënimet e Donald Trump “janë vetëm fjalë dhe nuk mendoj se do t’i zbatojë”, duke iu referuar premtimit të Trump për të mos mbrojtur vendet e Aleancës Atlantike që nuk paguajnë kuotën e duhur.

Lidhur me ish-kreun e shtetit amerikan, i cili kandidon për një mandat të dytë në nëntor, Volodymyr Zelensky tha gjithashtu se ai nuk mund të “kuptojë se si mund të ishte në anën e Vladimir Putinit. Trumpi nuk e kupton se Putini nuk do të ndalet kurrë. Dhe nëse ai e mbështet atë, do të jetë kundër amerikanëve dhe interesave të Shteteve të Bashkuara”, shtoi Zelensky.rsi-eb


Send this to a friend